ქვეყანა: იტალია

მწარმოებელი: ორნადო მედიცინა

გაცემის ფორმა: III ჯგუფი ურეცეპტო

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ოკლი®

თვალის წვეთები

(ტობრამიცინი)

შემადგენლობა ყოველი მლ შეიცავს

-აქტიური: ტობრამიცინი (KP)    – 3 მგ

– არააქტიური ინგრედიენტი (კონსერვანტი): ბენზალკონიუმის ქლორიდი (KP) –  0.1 მგ

არააქტიური: ნატრიუმის სულფატი, ბორის მჟავა, ნატრიუმის ჰიდრატი, ნატრიუმის ქლორიდი, საინექციო წყალი, ტილოქსაპოლი,  გოგირდმჟავა.

აღწერა

უფერო – ღია ყვითელი ფერის თვალის ხსნარი.

ჩვენება

• ჩვენებები: ბლეფარიტი, დაკრიოცისტიტი, ჯიბლიბო, კონიუნქტივიტი, კერატიტი, რქოვანას წყლული.
• მგრძნობიარე სახეობები: სტაფილოკოკები (მათ შორის S.aureus, S.epidermidis და პენიცილინ-რეზისტენტული შტამები), სტრეპტოკოკები (მათ შორის ზოგიერთი A ჯგუფის ბეტაჰემოლიტური სახეობები, არაჰემოლიტური სახეობები და Streptococcus pneumoniae), Pseudomonas aeruginosa, Escherichia coli, Klebsiella pneumonia, Enterobacter aerogenes, Proteus mirabilis, Proteus vulgaris-ის შტამები, Morganella morganii, Haemophilus influenza  და H. aegyptius, Moraxella lavunata, და Acinetobacter calcoacehcus და Neisseria-ს სახეობები.

დოზირება და მიღების წესი

• მსუბუქი და საშუალო სიმძიმის ინფექციების დროს, დაზიანებულ თვალში (თვალებში) ჩაიწვეთეთ 1-2 წვეთი ყოველ 4 საათში. მძიმე ინფექციებისას, ჩაიწვეთეთ 2 წვეთი ყოველ საათში, ვიდრე სიმპტომები არ გაუმჯობესდება. დოზების შემცირება და მომატება უნდა მოხდეს პაციენტის ასაკისა და სიმპტომების მიხედვით.

 სიფრთხილის ზომები

1. არ გამოიყენება შემდეგ პაციენტებში.

პაციენტები, რომლებსაც აქვთ მომატებული მგრძნობელობა პრეპარატის, ამინოგლიკოზიდის ან ბაციტრაცინის მიმართ.

2. უარყოფითი რეაქციები

1)  შეიძლება განვითარდეს ქუთუთოს ქავილი და შეშუპება, კონიუნქტივას ერითემა, თვალების ტრანზიტორული წვა. ასეთ შემთხვევებში, გამოყენება უნდა შეწყდეს.

2) სხვა: ზოგჯერ შეიძლება განვითარდეს გაღიზიანება ტკივილით.

3. ზოგადი

1) რეკომენდებულია ამ პრეპარატის გამოყენება მხოლოდ მინიმალური პერიოდის განმავლობაში რეზისტენტული ბაქტერიების პრევენციისათვის.

2) რეკომენდებულია ექიმთან ვიზიტი და კანისმიერი რეაქციების შემოწმება წინასწარ, შოკის ან სხვა რეაქციების წინასწარ განსაზღვრის მიზნით.

3) ხანგრძლივმა გამოყენებამ შეიძლება გამოიწვიოს არამგრძნობიარე ორგანიზმების ჭარბი ზრდა.

თუ განვითარდა სუპერინფექცია, შეწყვიტეთ გამოყენება და ჩაიტარეთ სათანადო თერაპია. ამ პრეპარატში შემავალი ტილოქსაპოლი შეუთავსებელია ტეტრაციკლინებთან.

4) სისტემურ ამინოგლიკოზიდებთან ერთად გამოყენებისას უნდა გაკონტროლდეს შრატისმიერი კონცენტრაციები.

5) პრეპარატის გამოყენებისას მოიხსენით კონტაქტური ლინზები.

6) ჩაწვეთების შემდეგ შეიძლება განვითარდეს ტრანზიტორული მხედველობის დაბინდვა. არ მართოთ ავტომობილები ან სახიფათო დანადგარები, ვიდრე მხედველობის დაბინდვა სრულად არ გაივლის.

4. ურთიერთქმედება სხვა პრეპარატებთან

როდესაც ანტიბიოტიკები, მათ შორის ეს პრეპარატი, მიიღება ანტიკოაგულანტებთან ერთად, აღინიშნება ანტიკოაგულაციის აქტივაციის მომატება. ინფექციური დაავადებები (ანთების თანხლებით), პაციენტის ასაკი, ზოგადი მდგომარეობები შეიძლება იყოს რისკ-ფაქტორები.

ამ პრეპარატსა და ვარფარინს შორის ურთიერთქმედება არ არის გამოვლენილი კლინიკური კვლევებისას, მიუხედავად ამისა, უნდა ჩატარდეს საერთაშორისო ნორმალიზებული შეფარდების მონიტორინგი და საჭიროებისას, მოხდეს პერორალური ანტიკოაგულანტების დოზირების შესაბამისად კორექცია. ზოგიერთი ანტიბიოტიკის, განსკაუთრებით ფტორქინოლონების, მაკროლიდების, ციკლინების, კოტრიმოქსაზოლის და ცეფალოსპორინების შემთხვევაში, შეიძლება აღინიშნოს უფრო მეტი უარყოფითი რეაქციები ანტიკოაგულანტებთან ერთად მათი მიღებისას.

5. ორსულობა და მეძუძური დედები

1) ცხოველებში ჩატარებული კვლევებისას არ გამოვლენილა ტობრამიცინის ტოქსიკურობით გამოწვეული დეფორმაციები დაბადებისას, მიუხედავად ამისა, ეს პრეპარატი გამოიყენება მხოლოდ უკიდურესი საჭიროებისას.

2) ვინაიდან ძუძუთი კვებაზე მყოფ ჩვილებში შეიძლება განვითარდეს უარყოფითი რეაქციები, უნდა შეწყდეს ძუძუთი კვება ან ეს პრეპარატი გამოყენებული იყოს მხოლოდ იმ შემთხვევაში, თუ პოტენციური სარგებელი ამართლებს პოტენციურ რისკს.

6. ჭარბი დოზირება

1) შეიძლება განვითარდეს წერტილოვანი კერატიტი, ერითემა, მომატებული ცრემლდენა, შეშუპება და ქუთუთოს ქავილი.

2) უნდა გაკონტროლდეს, რომ საერთო შრატისმიერი კონცენტრაციები არ იყოს 12µგ/მლ-ზე მეტი.

7. ინფორმაცია პაციენტებისთვის

1) არ შეიძლება თვალებში ინექცია.

8. სხვა

2001 წლის შიდა მონაცემებით, პაციენტები რეზისტენტული არიან შემდეგი ბაქტერიების მიმართ: E.coli (25%), Bacilluspneumoniae (30%), Enterobacter cloacae (40%), Serratia marcescens (23%), Pseudomonas aeruginosa (37%), Acinetobacetr (69%).

შენახვის პირობა

შეინახეთ მჭიდროდ დახურულ კონტეინერში ოთახის ტემპერატურაზე (1-30⁰C).

შეფუთვა

5 მლ/ბოთლი

 დაბრუნება ან გაცვლა

• შეინახეთ ბავშვებისაგან მიუწვდომელ ადგილას.
• არ მოათავსოთ სხვა კონტეინერებში, რათა არ მოხდეს პრეპარატის არასათანადოდ გამოყენება და დაცული იყოს მისი ხარისხი.
• გამოიყენეთ მხოლოდ განსაზღვრული სიმპტომებისთვის და პაციენტებისთვის.
• გამოიყენება მხოლოდ თვალებში.
• დაინფიცირების თავიდან ასაცილებლად, გამოიყენეთ მხოლოდ თქვენ და არ გაუზიაროთ სხვებს.
• გამოიჩინეთ სიფრთხილე, რათა კონტეინერის თვალი პირდაპირ თვალებს არ შეეხოს.
• გახსნის შემდეგ გამოიყენება 1 თვის განმავლობაში.

მწარმოებელი და დისტრიბუტორი:

HANLIM PHARM.CO.LTD.

2-27, იეონგმუნ-რო, ჩეოინ-გუ, იონგინ-სი, გიეონგი-დო, კორეა

www.hanlim.com

ქვეყანა: თურქეთი

მწარმოებელი: ჰონორ ილაჩ

გაცემის ფორმა: II ჯგუფი რეცეპტული

ნორმიქსი 

საერთაშორისო დასახელება: RIFAXIMIN

მწარმოებელი: ALFA WASSERMANN, S.p.A.

მოქმედი ნივთიერება: რიფაქსიმინი

კლინიკურ-ფარმაკოლოგიური ჯგუფი:

რიფამიცინის ჯგუფის ანტიბიოტიკი

შემადგენლობა და გამოშვების ფორმა:

გარსით დაფარული ვარდისფერი ტაბლეტები, მრგვალი, ორმხრივ ამოზნექილი.

1 ტაბ.

რიფაქსიმინი ……………  200მგ.

დამხმარე ნითიერებები: ნატრიუმის სახამებლის გლიკოლატი, პალმიტოსტეარინული ეთერი, ტალკი, მიკროკრისტალური ცელულოზა, ტიტანის დიოქსიდი, დინატრიუმის ედეტატი, პროპილენგლიკოლი, რკინის წითელი ოქსიდი (E 172).

გრანულები სუსპენზიის მოსამზადებლად შიგნით მისაღებად ნარინჯისფერი, ალუბლის სუნით და გემოთი

რიფაქსიმინი ……………..  100მგ.

დამხმარე ნითიერებები: მიკროკრისტალური ცელულოზა, ნატრიუმის კარბოქსიმეთილცელულოზა, პექტინი, კაოლინი, ნატრიუმის საქარინი, ნატრიუმის ბენზოატი, საქაროზა, ალუბლის არომატიზატორი.

ფარმაკოლოგიური მოქმედება:

ფართო სპექტრის ანტიბიოტიკი, წარმოადგენს რიფამპიცინი SV პოლისინთეზურ წარმოებულს. შეუქცევადად აკავშირებს ბაქტერიის ფერმენტის ბეტა-სუბერთეულს, დნმ-დამოკიდებული რნმ-პოლიმერაზას და შესაბამისად, ახდენს რნმ-ის სინთეზის და ბაქტერიის ცილის ინჰიბირებას. ფერმენტთან შეუქცევადი დაკავშირების შედეგად რიფაქსიმინი ავლენს ბაქტერიციდულ მოქმედებას მგრძნობიარე ბაქტერიების მიმართ.

პრეპარატი ხასიათდება ანტიბაქტერიალური სპექტრის მაღალი აქტივობით, უმრავლესობა გრამდადებითი და გრამუარყოფითი, აერობული და ანაერობული ბაქტერიების მიმართ, რომლებიც იწვევენ კუჭ-ნაწლავის ინფექციას,  მოგზაურთა  დიარეის  ჩათვლით.

აქტიურია გრამუარყოფითი აერობული ბაქტერიების მიმართ: Salmonella spp., Shigella spp., ენტეროპათოგენური შტამები Escherichia coli, Proteus spp., Campylobacter spp., Pseudomonas spp., Yersinia spp., Enterobacter spp., Klebsiella spp., Helicobacter pylori;

გრამუარყოფითი ანაერობები: Bacteroides spp., Bacteroides fragilis ჩათვლით, Fusobacterium nucleatum;

გრამდადებითი აერობები: Streptococcus spp., Enterococcus spp., Enterococcus fecalis ჩათვლით, Staphylococcus spp.;

გრამდადებითი ანაერობები:: Clostridium spp., Clostridium difficile ჩათვლით და Clostridium perfrigens, Peptostreptococcus spp.

პრეპარატი ალფა ნორმიქსის გამოყენება უზრუნველყოფს ნაწლავის პათოგენური ბაქტერიალური დატვირთვის შემცირებას.

პრეპარატი ამცირებს:

– ბაქტერიების მიერ ამიაკის და სხვა ტოქსიური ნაერთების წარმოქმნას; ეს ნაერთები კი ღვიძლის დეტოქსიკაციური ფუნქციის დარღვევისას ღვიძლისმიერი ენცეფალოპათიის პათოგენეზში ღებულობს მონაწილეობას;

– ბაქტერიის მომატებულ პროლიფერაციას ნაწლავში მიკროორგანიზმების მომატებული ზრდის დროს;

– კოლინჯის დივერტიკულში ბაქტერიების არსებობას, რომელებთაც შეუძლიათ მონაწილეობის მიღება დივერტიკულური პარკის შიგნით და გარეთ ანთების განვითარებაში და შესაძლოა ასრულებდენ გადამწყვეტ როლს დივერტიკულური დაავადების სიმპტომებისა და გართულებების განვითარებაში;

– ანტიგენური სტიმულის ინტენსივობას, რომელიც ლორწოვანის და/ან დამცველობითი ფუნქციის იმუნორეგულაციაში გენეტიკურად განპირობებული დეფექტების დროს, შეიძლება ინიცირება გაუკეთოს ან მუდმივად შეინარჩუნოს ნაწლავის ანთებითი მდგომარეობა;

– ინფექციური გართულებები რისკი კოლორექტალური ქირურგიული ჩარევის დროს.

პრეპარატი მოქმედებას ნაწლავის სანათურში.

ფარმაკოკინეტიკა:

შეწოვა: რიფაქსიმინი ცუდად შეიწოვება შიგნით მიღებისას (1%-ზე ნაკლები). კუჭ-ნაწლავის ტრაქტში იქმნება ანტიბიოტიკის ძალიან მაღალი კონცენტრაცია.

თერაპიულ დოზებში მიღებისას პრეპარატი არ ფიქსირდება პლაზმაში ან აღმოჩნდება მისი ძალიან მცირე კონცენტრაცია, როგორც ჯანმრთელ მოხალისეებში, ისე პაციენტებში დაზიანებული ნაწლავით (წყლულოვანი კოლიტისა და კრონის დაავადების დროს).

განაწილება: მიღებული რიფაქსიმინის პრაქტიკულად 100% ნამდვილად ფიქსირდება კუჭ-ნაწლავის ტრაქტში.

გამოყოფა: პრეპარატი გამოიყოფა განავლით. შარდში მისი კონცენტრაცია შეადგენს მიღებული დოზის არა უმეტეს 0.5%.

ჩვენებები:

რიფაქსიმინის მიმართ მგრძნობიარე ბაქტერიებით გამოწვეული კუჭ-ნაწლავის ინფექციის მკურნალობა, მათ შორის:

• კუჭ-ნაწლავის მწვავე ინფექცია;
• მოგზაურთა დიარეა;
• ნაწლავში მიკროორგანიზმების ჭარბი ზრდის სიმპტომი;
• ღვიძლის ენცეფალოპათია;
• სიმპტომატურად გაურთულებელი კოლინჯის დივერტიკულოზი;
• ნაწლავის ქრონიკული ანთება.
• კოლორექტალური ქირურგიული ჩარევის დროს ინფექციური გართულების პროფილაქტიკისათვის.

დოზირების რეჟიმი:

მოზრდილები და 12 წელზე უფროსი ასაკის ბავშვებში პრეპარატი ინიშნება 200მგ (1 ტაბლეტი ან 10მლ სუსპენზია) ყოველ 8 საათში ან 400მგ (2 ტაბლეტი ან 20მლ სუსპენზია) ყოველ 8-12 სთ-ში. აუცილებლობისას დოზა და მიღების სიხშირე შეიძლება შეიცვალოს ექიმის კონტროლით.

მკურნალობის ხანგრძლიობა არ უნდა აჭარბებდეს 7 დღეს და განისაზღვრება ავადამყოფის კლინიკური მდგომარეობით. განმეორებითი კურსი უნდა ჩატარდეს  არა უადრეს 20-40 დღის.

სუსპენზიის მომზადების წესი:

საჭიროა გაიხსნას ფლაკონი, დაემატოს წყალი ნიშნულამდე და კარგად შეინჯღრეს. შემდეგ განმეორებით დაემატოს წყალი მანამ, სანამ სუსპენზიის დონე არ მიაღწევს მითითებულ ნიშნულს 60მლ-ს. ყოველი მიღების წინ სუსპენზია უნდა შეინჯღრეს.

დოზირებისთვის სუსპენზიას ახლავს ნიშნულიანი ჭიქა.

გვერდითი ეფექტები:

პრეპარატი ცუდად შეიწოვება კუჭ-ნაწლავის ტრაქტიდან, რაც გამორიცხავს სისტემურ არასასურველ ეფექტს.

საჭმლის მომნელებელი სისტემის მხრივ: ცალკეულ შემთხვევაში – გულისრევა, დისპეფსია, ღებინება, ტკივილი მუცელში/ ჭვალი, რომელიც ჩვეულებრივ თავისით გაივლის დოზირების შეცვლის და პრეპარატის მიღების შეწყვეტის გარეშე.

ალერგიული რეაქციები: იშვიათად – ჭინჭრის ციება.

უკუჩვენებები:

რიფაქსიმინის ან სხვა რიფამიცინის ან პრეპარატის შემადგენლობაში შემავალი რომელიმე კომპონენტის მიმართ მომატებული მგრძნობელობა.

ორსულობა და ლაქტაცია:

ორსულობის დროს პრეპარატის გამოყენება შეიძლება მხოლოდ უკიდურესი აუცილებლობისას სიფრთხილისა და ექიმის დაკვირვების ქვეშ.

ლაქტაციის დროსაც პრეპარატის გამოყენება უნდა მოხდეს ექიმის მეთვალყურეობით.

განსაკუთრებული მითითება:

ხანგრძლივი დროის განმავლობაში მაღალი დოზით მიღებისას ან ნაწლავის ლორწოვანი გარსის დაზიანებისას პრეპარატის მცირე რაოდენობა შეიძლება მოხვდეს სისტემურ სისხლმიმოქცევაში და გამოიწვიოს შარდის მოწითალოდ შეფერვა, რაც განპირობებულია რიფამიცინის ჯგუფის ანტიბიოტიკების მოწითალო-ნარინჯისფერი შეფერილობით.

ჭარბი დოზირება:

ალფა ნორმიქსის ჭარბი დოზირების შემთხვევები არ არის ცნობილი.

სხვა წამლებთან ურთიერთქმედება:

დღემდე ალფა ნორმიქსის სხვა წამლებთან  ურთიერთმედება არ არის დადგენილი.

ცუდი სისტემური აბსორბციის გამო ასეთი ურთიერთქმედება სისტემურ დონეზე ნაკლებ შესაძლებელია.

აფთიაქიდან გაცემა:

გაიცემა ექიმის რეცეპტით.

შენახვის პირობები:

პრეპარატი ინახება ბავშვებისათვის მიუწვდომელ ადგილზე, 30⁰ C ტემპერატურაზე.

ვადა: 3 წელი.

მომზადებული სუსპენზია ინახება 7 დღე ოთახის ტემპერატურაზე, არა უმეტეს 30⁰C ტემპერატურაზე.

ნობაქსინი შეიცავს აზიტრომიცინს აქტიური ნივთიერების სახით, რომელიც წარმოადგენს მაკროლიდების ჯგუფის აზალიდების ანტიბიოტიკს მოქმედების ფართო სპექტრით. გამოირჩევა ბაქტერიოციდული მოქმედებით მგრძნობიარე მიკროორგანიზმებზე.

აზიტრომიცინი კარგად შეიწოვება პერორალური გზით მიღებისას და სწრაფად გადადის შრატიდან ორგანიზმის ქსოვილებში.  აზიტრომიცინი გროვდება უჯრედებში, რომლებსაც ეწოდება ფაგოციტები, რომლებიც გადადის ინფიცირებულ ადგილებში, რაც ზრდის პრეპარატის მიწოდებას იმ ქსოვილებში, რომლებიც მოცულია ანთებიტი პროცესებით.

პრეპარატის ნახევრად მოქმედების პერიოდი ხანგრძლივია, ხოლო ქსოვილებიდან გამოთავისუფლება კი ნელი. პრეპარატი გამოიყოფა ძირითადათ ნაღველთან, მცირე ოდენობით კი შარდთან.

ნობაქსინი, 500 მგ, შემოგარსული ტაბლეტები, რეკომენდირებულია ქვემოთ ჩამოთვლილი ინფექციების სამკურნალოდ, რომლებიც ვლინდება აზიტრომიცინზე მგრძნობიარე მიკრორგანიზმების მეშვეობით.

– ზედა სასუნთქი გზების ინფექცია: ბაქტერიული ფარინგიტი, ტონზილიტი, სინუსიტი

– მწვავე შუა ოტიტი

– ქვედა სასუნთქი გზების ინფექცია: მწვავე ბრონქიტი, ქრონიკული ბრონქიტის გამწვავება, მსუბუქიდან ზომიერად მძიმე დონემდე ფილტვების ანთება, მათ შორის ინტერსტიციული ფილტვების ანთება.

– კანისა და რბილი ქსოვილების ინფექცია: ერიზიპელასი, იმპეტიგო და ასევე განმეორებითი პიოდერმია, მიგრირებადი ერითემა (ლაიმის ბორელიოზის პირველი სიმპტომი), თუ შეუძლებელია პირველი რიგის ანტიბიოტიკების გამოყენება; ზომიერი სიძლიერის აკნე, მხოლოდ ზრდასრულებში.

– სქესობრივი გზით გადამდები დაავადებები: გაურთულებელი ინფექციები, რომლებიც გამოწვეულია ქლამიდიის მიერ.

ბავშვები და მოზარდები

ნობაქსინი 500მგ შემოგარსული ტაბლეტების სახით შეიძლება იყოს მიღებული ბავშვების მიერ მხოლოდ იმ შემთხვევაში, თუ მათი წონა აღემატება 45კგ-ს.

ორსულობა და ლაქტაცია

თუ პაციენტი არის ორსულად ან ლაქტაციის პერიოდში ან თუ ვარაუდობს, რომ არის ორსულად ან თუ აპირებს ბავშვის ყოლას, პრეპარატის მიღების წინ საჭიროა კონსულტაციის გავლა ექიმთან ან ფარმაცევტთან.

ორსულობისას პრეპარატის გამოყენება შეიძლება როდესაც მისი გამოყენების სარგებელი დედისათვის აჭარბებს  ნაყოფის რისკს.

აზიტრომიცინი გადადის დედის რძეში. მიზანშეუწონელია ბავშვის კვება აზიტრომიცინის მიღების დროს ან მიღებიდან 2 დღის განმავლობაში. შემდეგ პერიოდში კი შესაძლებელია ძუძუთი კვების გაგრძელება.

 პრეპარატი ნობაქსინის გამოყენების წესი.

პრეპარატი ყოველთვის გამოიყენეთ ექიმის დანიშნულების მიხედვით. ეჭვის შემთხვევაში მიმართეთ ექიმს ან ფარმაცევტს.

დოზირება ზრდასრულებში,  ხანდაზმულ პაციენტებში და ბავშვებში 45 კგ-ზე მეტი წონის.

ზედა და ქვედა სასუნთქი გზების ინფექცია, მწვავე შუა ოტიტი და კანისა და რბილი ქსოვილების ინფექცია (მიგრირებადი ერითემას და აკნეს გარდა)

აზიტრომიცინის მთლიანი დოზა შეიცავს 3 ტაბლეტს (1,5 კგ), რომელიც მიიღება 3 დღის განმავლობაში (დრეში თითო ტაბლეტი).

მიგრირებადი ერითემა

მთლიანი დოზა შეიცავს 6 ტაბლეტს (3 კგ) და საჭიროა მიღება შემდეგი სქემის მიხედვით:

1 ტაბლეტი (500 მგ) დღეში ერთხელ 3 დღის განმავლობაში, შემდეგ ერთი ტაბლეტი (500მგ) კვირაში ერთხელ მომდევნო 9 კვირის განმავლობაში. მკურნალობის მეორე კვირაში პრეპარატი უნდა მიიღოს პაციენტმა პირველი დოზის მიღებიდან 7 დღის გასვლის შემდეგ, ხოლო მომდევნო რვა დოზა უნდა მიიღოს 7-დღიანი შუალედების დაცვით.

აზიტრომიცინის დიდი დოზის გამოყენებასთან დაკავშირებით ზემოთ მოყვანილი სქემის მიხედვით, იმ პაციენტებში, რომლებსაც აქვთ ზომიერი სიძლიერის აკნე, საჭიროა ღვიძლის ენზიმების აქტიურობის გაკონტროლება აზიტრომიცინის მიღების დაწყების წინ და მკურნალობის მსვლელობისას.

ზემოაღნიშნული სქემის მიხედვით ზომიერი სიძლიერის აკნეს მკურნალობა (3 დღე + 9 კვირა) მოცემული პაციენტის შემთხვევაში შეიძლება მოხდეს მხოლოდ ერთხელ, რადგან აქამდე არ არის დადგენილი კლინიკური კვლევები, რომლის შედეგები მიუთითებს აკნეს მკურნალობის ამ სქემის განმეორების ეფექტურობას და უსაფრთხოებას.

გაურთულებელი ინფექციები, რომლებიც გამოწვეულია Chlamydia trachomatis-ის მიერ

2 ტაბლეტი (ჯამში 1 გ) თითო დოზაში.

შესაძლო გვერდითი მოვლენები.

გასტროენტერიტი, სუნთქვის დისფუნქცია, ანგიონევროზული შეშუპება, ჰიპერმგრძნობელობა, ანორექსია, ნერვიულობა, უძილობა, თავბრუსხვევები, ძილიანობა, მადის დარღვევა, ჭიანჭველების ცოცვის ან დაბუჟების შეგრძნება (პარესთეზია),

პრეპარატი ნობაქსინის შენახვის წესი

პრეპარატი შეინახეთ ბავშვებისათვის უხილავ და მიუწვდომელ ადგილას.

პრეპარატი შეინახეთ 25°C-ზე დაბალ ტემპერატურაზე, მშრალ ადგილას.

გამოშვების ფორმა:  ნობაქსინი 500 მგ N3

ფარმაცევტული საწარმო შპს LEK-AM

პოლონეთი, ვარშავა

გამოშვების ფორმა:  ნობაქსინი 500 მგ N3

ქვეყანა: იტალია

მწარმოებელი: ფაქტა

გაცემის ფორმა: II ჯგუფი რეცეპტული

MEDOCHEMIE

ანოტაცია

ნიუკლავი (NEWCLAV)  1გ შემოგარსული ტაბლეტები

ამოქსიცილინი / კლავულანის მჟავა

პრეპარატის მიღებამდე ყურადღებით გაეცანით ინსტრუქციას, რადგანაც ის შეიცავს თქვენთვის მნიშვნელოვან ინფორმაციას

• შეინახეთ საინფორმაციო ფურცელი. შეიძლება დაგჭირდეთ მისი გადაკითხვა.
• დამატებითი შეკითხვების შემთხვევაში, მიმართეთ მკურნალ  ექიმს ან ფარმაცევტს.
• აღნიშნული მედიკამენტი დაგენიშნათ თქვენ. არ მისცეთ სხვებს.  შეიძლება ზიანი მიაყენოს მათ, იმ შემთხევაშიც კი,  თუ მათი სიმპტომები თქვენსას ჰგავს.
• ნებისმიერი გვერდითი მოვლენის  შემთხვევაში, ან თუ შენიშნეთ გვერდითი მოვლენა, რომელიც არ არის აქ აღწერილი, გთხოვთ დაუკავშირდეთ მკურნალ  ექიმს.  იხილეთ ქვეთავი  4.

შინაარსი:

1) რა არის ნიუკლავი და რა დროს გამოიყენება

2) რა უნდა იცოდეთ ნიუკლავის მიღებამდე

3) ნიუკლავის მიღების წესი

4) მოსალოდნელი გვერდითი ეფექტები

5) ნიუკლავის შენახვის პირობები

6) შეფუთვის შემადგენლობა და დამატებითი ინფორმაცია

1. რა არის ნიუკლავი და რა დროს გამოიყენება

ნიუკლავი არის ანტიბიოტიკი, რომელიც კლავს ინფექციის გამომწვევ ბაქტერიას. მის შემადგენლობაში შედის ორი სხვადასხვა პრეპარატი: ამოქსიცილინი და კლავულანის მჟავა. ამოქსიცილინი მიეკუთვნება სამკურნალო საშუალებების ჯგუფს სახელწოდებით „პენიცილინი“, რომლის მოქმედება ზოგჯერ შეიძლება შეჩერებულ იქნას (მოხდეს ინაქტივაცია).  მეორე აქტიური ნივთიერება (კლავულანის მჟავა) აჩერებს ამ პროცესს. 

ნიუკლავი ბავშვებსა და მოზრდილებში ინიშნება შემდეგი ინფექციების სამკურნალოდ:  

• შუა ყურის და სინუსის ინფექციები
• სასუნთქი გზების ინფექციები
• საშარდე გზების ინფექციები
• კანისა და რბილი ქსოვილების ინფექციები, მათ შორის პირის ღრუს ინფექციები
•  ძვლებისა და სახსრების ინფექციები

2. რა უნდა იცოდეთ ნიუკლავის  მიღებამდე

არ მიიღოთ ნიუკლავი: 

• თუ გაქვთ ალერგია  ამოქსიცილინის, კლავულანის მჟავის, პენიცილინის ან აღნიშნული პრეპარატის ნებისმიერი სხვა ინგრედიენტის მიმართ (მითითებულია მე-6 ქვეთავში ); 
• თუ წარსულში გქონდათ მძიმე ალერგიული (ჰიპერმგრძნობელობის) რეაქცია რომელიმე სხვა ანტიბიოტიკის მიმართ. ეს შეიძლება იყოს კანზე გამონაყარი ან სახისა თუ ყელის შეშუპება.
• თუ წარსულში ჰქონდათ ღვიძლთან დაკავშირებული პრობლემები ან სიყვითლე (კანის გაყვითლება) ანტიბიოტიკების მიღების ფონზე.

არ მიიღოთ ნიუკლავი, თუ ზემოთ ჩამოთვლილიდან რომელიმე მდგომარეობა გეხებათ. რაიმე საკითხზე ეჭვის შემთხვევაში ნიუკლავის მიღებამდე მიმართეთ ექიმს ან ფარმაცევტს.

გაფრთხილებები და უსაფრთხოების ზომები

აღნიშნული პრეპარატის მიღების დაწყებამდე  აუცილებელია სამედიცინო  კონსულტაცია, თუ: 

• გაქვთ  ინფექციური მონონუკლეოზი.
• ჩატარებული გაქვთ მკურნალობა ღვიძლის ან თირკმლის პრობლემებთან დაკავშირებით.
• გაქვთ შარდვის  დარღვევები.

თუ არ ხართ დარწმუნებული, რომ ზემოთ ჩამოთვლილიდან რომელიმე დაავადება გეხებათ თქვენ, ნიუკლავის მიღებამდე კონსულტაციისთვის მიმართეთ ექიმს ან ფარმაცევტს.

ზოგ შემთხვევაში ექიმს შეუძლია ჩაატაროს ინფექციის გამომწვევი ბაქტერიის ანალიზი. ანალიზის შედეგების მიხედვით, თქვენ დაგენიშნებათ ნიუკლავის სხვა დოზა ან სხვა მედიკამენტი.

მდგომარეობები, როდესაც საჭიროა სიფრთხილის ზომების დაცვა

ნიუკლავს შეუძლია დაამძიმოს ზოგიერთი არსებული მდგომარეობა ან გამოიწვიოს სერიოზული გვერდითი მოქმედება. აღნიშნული ითვალისწინებს ალერგიულ რეაქციებს, კონვულსიებს (კრუნჩხვა) და მსხვილი ნაწლავის ანთებას. ნიუკლავის მიღებისას საჭიროა სიფრთხილის დაცვა გარკვეულ სიმპტომებთან დაკავშირებით ნებისმიერი სახის პრობლემის რისკის შესამცირებლად. იხილეთ ქვეთავი 4 „მდგომარეობები, როდესაც საჭიროა სიფრთხილის ზომების დაცვა“.

სისხლისა და შარდის ანალიზები

აცნობეთ ექიმს ან მედდას, რომ ღებულობთ ნიუკლავს, თუ გეგმავთ სისხლის ანალიზის (მაგალითად, სისხლის წითელი უჯრედების ან ღვიძლის ფუნქციის განმსაზღვრელი ანალიზი) ან შარდის ანალიზის (გლუკოზა) ჩატარებას. ნიუკლავს  შეუძლია გავლენა იქონიოს აღნიშნული სახის ანალიზების შედეგებზე.

სხვა სამკურნალო საშუალებები და ნიუკლავი

აცნობეთ მკურნალ ექიმს ან ფარმაცევტს, თუ ღებულობთ, ახლო წარსულში იღებდით ან შეიძლება მიიღოთ რომელიმე სხვა სამკურნალო საშუალება.

• ალოპურინოლისა (გამოიყენება პოდაგრის დროს) და ნიუკლავის ერთდროულად მიღების შემთხვევაში შეიძლება განვითარდეს კანის ალერგიული რეაქცია.
• თუ ღებულობთ პრობენეციდს (გამოიყენება პოდაგრის დროს), ექიმმა შეიძლება დააკორექტიროს  ნიუკლავის დოზა.
• იმ შემთხვევაში, თუ ნიუკლავთან ერთად იღებთ პრეპარატებს, რომლებიც ხელს უშლის სისხლის  თრომბის წარმოქმნას (როგორიცაა ვარფარინი), შეიძლება საჭირო გახდეს დამატებითი სისხლის ანალიზის ჩატარება.
• ნიუკლავს შეუძლია გავლენა იქონიოს მეთოტრექსატის (კიბოს ან რევმატული დაავადებების სამკურნალო საშუალება) მოქმედებაზე.
• ნიუკლავს შეუძლია გავლენა იქონიოს მიკოფენოლატი მოფეტილის (სამკურნალო საშუალება გამოიყენება ტრანსპლანტირებული ორგანოების მიუღებლობის თავიდან ასაცილებლად) მოქმედებაზე.

ორსულობა  და ლაქტაცია

თუ ხართ ორსულად ან ძუძუთი კვებავთ ბავშვს, აღნიშნული პრეპარატის მიღებამდე გაიარეთ სამედიცინო კონსულტაცია.

სატრანსპორტო საშუალებების მართვა ან მექანიზმებთან მუშაობა

ნიუკლავს შეუძლია გამოიწვიოს გვერდითი მოქმედება, რომლის სიმპტომებმა შესაძლოა გავლენა იქონიოს ავტომობილის მართვის უნარზე. 

არ შეიძლება ავტომობილის მართვა ან მექანიზმებთან მუშაობა, თუ არ გრძნობთ თავს კარგად.

3. ნიუკლავის მიღების  წესი

მოცემული პრეპარატის მიღებისას ყოველთვის ზუსტად შეასრულეთ ექიმის მითითებები. აღნიშნულ საკითხზე ეჭვის შემთხვევაში მიმართეთ თქვენს ექიმს ან ფარმაცევტს.

მოზრდილები:

• სტანდარტული დოზა: 1 ტაბლეტი დღეში ორჯერ
• დიდი დოზა: 1 ტაბლეტი დღეში სამჯერ

ბავშვები:

40 კგ და 40 კგ-ზე მეტი წონის ბავშვები: როგორც მოზრდილების შემთხვევაში

40 კგ და 40 კგ-ზე  ნაკლები  წონის ბავშვები: 6 წლის ან ნაკლები ასაკის ბაშვებისთვის რეკომენდებულია  პერორალური სუსპენზიის მიღება.

40 კგ-ზე  ნაკლები  წონის ბავშვების შემთხვევაში,  ნიუკლავის ტაბლეტებით მკურნალობის დაწყებამდე გაიარეთ კონსულტაცია ექიმთან ან ფარმაცევტთან. 25 კგ-ზე ნაკლების წონის ბავშვებისთვის არ არის რეკომენდებული ტაბლეტებით მკურნალობა.

თირკმლის და ღვიძლის პრობლემების მქონე პაციენტები:

• თირკმლის პრობლემების შემთხვევაში საჭიროა დოზის კორექტირება. ექიმს შეუძლია დაგინიშნოთ პრეპარატის სხვა დოზა ან სხვა მედიკამენტი. 
• ღვიძლის პრობლემების შემთხვევაში შეიძლება საჭირო გახდეს სისხლის ანალიზის უფრო ხშირად ჩატარება, ღვიძლის ფუნქციონირების შესაფასებლად.

ნიუკლავის მიღების წესი:

• გადაყლაპეთ  მთლიანი ტაბლეტი ერთ ჭიქა წყალთან  ერთად საკვების მიღების დაწყებისას ან ცოტა ადრე.
• გაანაწილეთ დოზები ერთნაირად დღის განმავლობაში, სულ მცირე 4 საათიანი ინტერვალით.  არ მიიღოთ 2 დოზა 1 საათში.
• არ მიიღოთ ნიუკლავი 2 კვირაზე მეტი ხნის განმავლობაში. თუ თავი უკეთესად არ იგრძენით, შეატყობინეთ თქვენს ექიმს. 

დოზის გადაჭარბება

ნიუკლავის დოზის გადაჭარბების შემთხვევაში სიმპტომები შეიძლება ითვალისწინებდეს კუჭის აშლას (გულისრევის შეგრძნება, ღებინება ან დიარეა) ან კონვულსიას. დაუყონებლივ  მიმართეთ მკურნალ ექიმს. თან იქონიეთ პრეპარატის ფლაკონი ან კოლოფი.

დოზის გამოტოვება

თუ დაგავიწყდათ პრეპარატის მიღება, მიიღეთ გახსენებისთანავე.

არ მიიღოთ შემდეგი დოზა დროის მცირე ინტერვალში, მიიღეთ დაახლოებით 4 საათის შემდეგ.

არ მიიღოთ გაორმაგებული დოზა კომპენსაციის მიზნით.

ნიუკლავის მიღების შეწყვეტა

არ შეწყვიტოთ ნიუკლავის მიღება მკურნალობის დასრულებამდე, იმ შემთხვევაშიც კი, თუ თავს უკეთ იგრძნობთ. ინფექციის დასაძლევად საჭიროა დანიშნული კურსის ჩატარება. თუ ბაქტერია სრულად არ არის განადგურებული, მან შეიძლება ისევ გამოიწვიოს ინფექცია.

ამ პრეპარატის მიღებასთან დაკავშირებით ნებისმიერი დამატებითი ინფორმაციის მისაღებად მიმართეთ ექიმს ან ფარმაცევტს.

4. მოსალოდნელი გვერდითი ეფექტები

სხვა მედიკამენტების მსგავსად, აღნიშნულმა პრეპარატმაც შესაძლოა გამოიწვიოს გვერდითი ეფექტები, თუმცა არა ყველა პაციენტში.

განსაკუთრებულ სიფრთხილეს საჭიროებს შემდეგი მდგომარეობები:

ალერგიული რეაქციები:

• გამონაყარი კანზე
• სისხლძარღვების ანთება (ვასკულიტი), რომელიც შეიძლება გამოვლინდეს კანზე წითელი ან მეწამული მზარდი ლაქებით, მაგრამ შეიძლება გავრცელდეს სხეულის სხვა ნაწილებზე.
• ცხელება, სახსრების ტკივილი, ყელში, იღლიაში ან საზარდულში ჯირკვლების შეშუპება.
• შეშუპება, ზოგჯერ სახისა და პირის ღრუს არეში (ანგიოედემა), რაც იწვევს სუნთქვის გაძნელებას.
• მწვავე სისხლძარღვოვანი უკმარისობა (კოლაფსი).

აღნიშნულიდან რომელიმე სიმპტომის განვითარების შემთხვევაში დაუყოვნებლივ დაუკავშირდით ექიმს.  შეწყვიტეთ  ნიუკლავის მიღება.

მსხვილი ნაწლავის ანთება

 მსხვილი ნაწლავის ანთება, რომელიც იწვევს დიარეას, როგორც წესი, სისხლის და ლორწოს თანხლებით, კუჭის ტკივილი ან/და ცხელება.

აღნიშნული სიმპტომების გამოვლენის შემთხვევაში დაუყოვნებლივ მიმართეთ ექიმს კონსულტაციისთვის.

ძალიან ხშირი გვერდითი მოქმედება (შეიძლება გამოვლინდეს  10- დან 1-ზე მეტ პაციენტში):

• დიარეა (მოზრდილებში)

ხშირი გვერდითი მოქმედება (შეიძლება გამოვლინდეს  10- დან 1 პაციენტში):

• კანდიდოზი (კანდიდას  ინფექცია საშოში, პირის ღრუში  ან კანზე)
• ღებინების შეგრძნება (გულისრევა), განსაკუთრებით დიდი დოზების მიღებისას.

აღნიშნული მდგომარეობების განვითარების შემთხვევაში, ნიუკლავი მიიღეთ საკვების მიღებამდე. 

• ღებინება
• დიარეა (ბავშვებში)

არახშირი გვერდითი მოქმედება (შეიძლება გამოვლინდეს  100-დან 1 პაციენტში):

• გამონაყარი კანზე, ქავილი
• მზარდი გამონაყარი ქავილით (ჭინჭრის ციება)
• დისპეფსია
• თავბრუსხვევა
• თავის ტკივილი

არახშირი გვერდითი მოქმედება, რომელიც შეიძლება გამოვლინდეს სისხლის ანალიზებში

• ღვიძლის მიერ გამომუშავებული ზოგიერთი ნივთიერების (ფერმენტის) დონის მომატება

იშვიათი გვერდითი მოქმედება (შეიძლება გამოვლინდეს  1000-დან 1 პაციენტში):

• გამონაყარი კანზე ბუშტუკების ან წვრილი ლაქების სახით (მუქი ლაქები გარშემო კანის აქერცლილი უბნებით – მულტიფორმული ერითემა).

აღნიშნულიდან რომელიმე სიმპტომის განვითარების შემთხვევაში, დაუყოვნებლივ მიმართეთ ექიმს.

იშვიათი გვერდითი მოქმედება, რომელიც შეიძლება გამოვლინდეს სისხლის ანალიზებში

• სისხლის შედედების პროცესში მონაწილე უჯრედების დაბალი რაოდენობა.
• სისხლის თეთრი უჯრედების დაბალი რაოდენობა.

უცნობი სიხშირის  გვერდითი მოქმედებები (მათი  გამოვლენის ზუსტი სიხშირე ვერ დგინდება  არსებული მონაცემებით)

• ალერგიული რეაქციები (იხ. ზემოთ)
• მსხვილი ნაწლავის ანთება (იხ. ზემოთ)
• ტვინის გარსების ანთება (ასეპტიური მენინგიტი)
• სერიოზული კანის რეაქციები:
  • კანის ფართო უბნებზე გავრცელებული გამონაყარი ბუშტუკებით და კანის აქერცვლით, განსაკუთრებით პირის ღრუს, ცხვირის, თვალებისა და გენიტალიების არეში (სტივენს-ჯონსონის სინდრომი), და უფრო მძიმე ფორმა, რომელიც გამოიხატება კანის ფართო უბნების აქერცვლით (სხეულის ზედაპირის 30%-ზე მეტი – ტოქსიკური ეპიდერმული ნეკროლიზი).
  • კანის ფართო უბნებზე გავრცელებული წითელი ფერის გამონაყარი წვრილი ჩირქოვანი ბუშტუკებით (ბულოზური ექსფოლიაციური დერმატიტი)
  •  წითელი,  ქერცლოვანი გამონაყარი კანზე, კანქვეშ ჩაღრმავებებით და წყლულებით (ეგზანთემატოზური პუსტულოზი)
  • გრიპის მსგავსი სიმპტომები, გამონაყარი, ცხელება, გადიდებული ლიმფური კვანძები, ცვლილებები სისხლში ანალიზის საფუძველზე (მათ შორის  სისხლის თეთრი უჯრედების მომატება (ეოზინოფილია ) და ღვიძლის ფერმენტების მომატება) (წამლისმიერი გამონაყარი  ეოზინოფილიითა  და სისტემური სიმპტომებით (DRESS))

აღნიშნულიდან რომელიმე სიმპტომის განვითარების შემთხვევაში დაუყოვნებლივ დაუკავშირდით ექიმს. 

• ღვიძლის ანთება (ჰეპატიტი)
• სიყვითლე, გამოწვეული სისხლში ბილირუბინის (ღვიძლში გამომუშავებული ნივთიერება) დონის მომატებით, რაც იწვევს კანისა და თვალის სკლერების   სიყვითლეს.
• თირკმლის ფიალების ანთება.
• სისხლის შედედების დროის გაზრდა.
• ჰიპერაქტიურობა.
• კონვულსიები (ამოქსიცილინის / კლავულანის მჟავის დიდი დოზების მიღების ან თირკმლის პრობლემების შემთხვევაში)
• შავი თმიანი ენა

გვერდითი მოქმედება, რომელიც შეიძლება გამოვლინდეს სისხლის ან შარდის ანალიზებში

• სისხლის თეთრი უჯრედების რაოდენობის  მკვეთრი  შემცირება
• სისხლის წითელი უჯრედების შემცირება  (ჰემოლიზური ანემია)
• კრისტალები შარდში

შეტყობინება  გვერდითი ეფექტების შესახებ

თუ შენიშნავთ ნებისმიერ გვერდით მოვლენას, მათ შორის ისეთ ეფექტებს, რომლებიც არ არის აღწერილი გამოყენების ინსტრუქციაში, აცნობეთ ექიმს ან ფარმაცევტს. გვერდითი ეფექტების შესახებ შეგიძლიათ განაცხადოთ პირდაპირ ეროვნული სისტემის მეშვეობით. გვერდითი ეფექტების შესახებ შეტყობინებით თქვენ უზრუნველყოფთ აღნიშნული მედიკამენტის უსაფრთხოების შესახებ მეტ ინფორმაციას.

5. ნიუკლავის   შენახვის პირობები

აღნიშნული პრეპარატი შეინახეთ  ბავშვებისთვის მიუწვდომელ ადგილას.

შეინახეთ 25⁰C-ზე დაბალი ტემპერატურის პირობებში, თავდაპირველ შეფუთვაში სინათლისა და ნესტისაგან დასაცავად.

არ გამოიყენოთ აღნიშნული პრეპარატი შეფუთვაზე აღნიშნული ვარგისიანობის ვადის გასვლის შემდეგ.  ვარგისიანობის ვადა ვრცელდება აღნიშნული თვის ბოლო დღემდე.

მედიკამენტები არ გადააგდოთ კანალიზაციაში ან საყოფაცხოვრებო ნარჩენებთან ერთად. ჰკითხეთ ფარმაცევტს მისი უტილიზაციის შესახებ.  აღნიშნული ზომები ხელს შეუწყობს გარემოს დაცვას.

6. შეფუთვის შემცველობა  და დამატებითი ინფორმაცია

რას შეიცავს ნიუკლავი:  

• აქტიური ნივთიერებები: ამოქსიცილინი, ამოქსიცილინის ტრიჰიდრატის სახით  და კლავულანის მჟავა, კალიუმის კლავულანატის  სახით. ნიუკლავი 1გ შემადგენლობაში შედის 875 მგ  ამოქსიცილინი, ამოქსიცილინის ტრიჰიდრატის სახით  და 125 მგ კლავულანის მჟავა, კალიუმის კლავულანატის  სახით.
• სხვა ინგრედიენტებია: მიკროკრისტალური ცელულოზა 105, ნატრიუმის სახამებლის გლიკოლატი, კოლოიდური უწყლო სილიციუმი, მაგნიუმის სტეარატი, ნაწილობრივ ჰიდროლიზირებული პოლივინილის სპირტი,მაკროგოლი 4000, ტალკი, ლეციტინი, ტიტანის დიოქსიდი (E171).

ნიუკლავის გარეგნული სახე და შეფუთვის შემადგენლობა

თეთრი  ფერის, ამობურცული, კაფსულის  ფორმის, შემოგარსული ტაბლეტები.

ნიუკლავის 1 გ ტაბლეტები დაფასოებულია ალუმინის-პოლივინილქლორიდის-ალუმინის ბლისტერებში, თითოზე 7  ტაბლეტი. შეფუთვაში წარმოდგენილია 14 ტაბლეტი ინსტრუქციასთან ერთად. 

სავაჭრო ლიცენზიის მფლობელი და მწარმოებელი:

შპს Medochemie, კვიპროსი, ლიმასოლი, 3011, კონსტანტინოპოლის ქუჩა # 1-10

კომპანია, რომელიც ღებულობს მომხმარებელთა  პრეტენზიებს ხარისხთან დაკავშირებით საქართველოს ტერიტორიაზე:

შპს „ნიუ ფარმა“

იურიდიული მისამართი: საქართველო, გორი, ცაბაძის ქ., კორ. 5,  ბ. 32.

ფაქტობრივი მისამართი: საქართველო, თბილისი, 0154, ევდოშვილის ქ.# 18

ტელ/ფაქსი: +995 (32)210 88 18

აღნიშნული პროდუქტის შესახებ დამატებითი ინფორმაციისთვის დაუკავშირდით კომპანიას  შპს „ნიუ ფარმა“. 

რჩევა/სამედიცინო მითითება

ანტიბიოტიკები გამოიყენება ბაქტერიებით  გამოწვეული ინფექციური დაავადებების სამკურნალოდ. ისინი არ მოქმედებენ ვირუსებით გამოწვეული ინფექციების წინააღმდეგ.

ზოგჯერ ბაქტერიით გამოწვეული ინფექცია არ ექვემდებარება ანტიბიოტიკებით ჩატარებულ მკურნალობას. აღნიშნულის ერთ-ერთ უმთავრეს მიზეზს წარმოადგენს ის, რომ ინფექციის გამომწვევი ბაქტერია რეზისტენტულია მიღებული ანტიბიოტიკის მიმართ. ეს ნიშნავს, რომ მათ შეუძლიათ გადარჩნენ და გამრავლდნენ კიდეც, მიუხედავათ ანტიბიოტიკისა. 

ბაქტერია შეიძლება გახდეს რეზისტენტული ანტიბიოტიკის მიმართ სხვადასხვა მიზეზით. ანტიბიოტიკების სიფრთხილით გამოყენებისას შეიძლება შევამციროთ ანტიბიოტიკის მიმართ ბაქტერიის რეზისტენტობის შესაძლებლობა. 

ექიმის მიერ დანიშნული ანტიბიოტიკებით თერაპიის კურსი გამიზნულია მხოლოდ მიმდინარე დაავადების სამკურნალოდ.

შემდეგი რჩევების გათვალისწინებით შესაძლებელია ბაქტერიის რეზისტენტობის პრევენცია, რომელიც იწვევს ანტიბიოტიკის მოქმედების შეწყვეტას. 

1. მნიშვნელოვანია ანტიბიოტიკის მიღება დანიშნული დოზით, დანიშნულ დროს და ხანგრძლივობით. წაიკითხეთ ინსტრუქცია ეტიკეტზე და ნებისმიერ საკითხზე გაურკვევლობის შემთხვევაში მიმართეთ თქვენს ექიმს ან ფარმაცევტს. 
2. არ მიიღოთ ანტიბიოტიკი, თუ ის არ არის გამოწერილი პირადად თქვენთვის და მიიღეთ ის მხოლოდ იმ ინფექციის სამკურნალოდ, რომლისთვის დაინიშნა. 
3. არ მიიღოთ სხვა პირებისთვის გამოწერილი ანტიბიოტიკი იმ შემთხვევაშიც კი, თუ მათი ინფექცია თქვენსას ემთხვევა.
4. არ გადასცეთ თქვენთვის გამოწერილი ანტიბიოტიკი სხვა პირებს. 
5. ექიმის მიერ გამოწერილი ანტიბიოტიკების კურსის დასრულების შემდეგ დარჩენილი ანტიბიოტიკები გადაეცით ფარმაცევტს სათანადო წესით უტილიზაციისთვის.

ქვეყანა: უზბეკეთი

მწარმოებელი: ტორიმედ ფარმი

გაცემის ფორმა: III ჯგუფი ურეცეპტო

ქვეყანა: საქართველო

მწარმოებელი: ოფიცინა

გაცემის ფორმა: III ჯგუფი ურეცეპტო