ქვეყანა: საბერძნეთი

მწარმოებელი: რონტის ჰელას

გაცემის ფორმა: II ჯგუფი რეცეპტული

ქვეყანა: საბერძნეთი

მწარმოებელი: რონტის ჰელას

გაცემის ფორმა: II ჯგუფი რეცეპტული

კლინიკურ-ფარმაკოლოგიური ჯგუფი – გაციების დროს გამოსაყენებელი საშუალებები;  პრეპარატები სისტემური გამოყენებისათვის

შემადგენლობა და გამოშვების ფორმა
5გ ფხვნილი პაკეტებში 5ც
5გ ფხვნილი პაკეტებში 10ც

წამლის ფორმა: ფხვნილი, ხსნარის დასამზადებლად, შიგნით მისაღებად (ლიმონის)
აღწერილობა:
კრისტალური ფხვნილი ღია-ყვითელიდან ყვითელ შეფერილობამდე, ლიმონისთვის დამახასიათებელი სურნელით. 1 საშეთში შემავალი ფხვნილი იხსნება 200მლ ცხელ წყალში, ყვითელი ფერის, ლიმონის დამახასიათებელი სურნელის წარმოქმნით.

შემადგენლობა: (1 საშეტის):
აქტიური ნივთიერებები: პარაცეტამოლი 750მგ, ფენილეფრინის ჰიდროქლორიდი 10მგ, ასკორბინის მჟავა 60მგ;
დამხმარე ნივთიერებები: ლიმონის მჟავა, ნატრიუმის საქარინი, ნატრიუმის ციტრატი, საქაროზა(3გ), ლიმონის ტეტრარომი 100%, ლიმონის არომატიზატორი, ქინოლინის ყვითელი.

ჩვენებები
გრიპისა და გაციების ძიითადი სიმპტომების კუპირება:
– მომატებული ტემპერატურე
– თავის ტკივილი
– კანკალი
– კუნთებისა და სახსრების ტკივილი
– ცხვირის შეგუბება
– ყელის ტკივილი

მიღების წესები და დოზები
1 საშეტის შიგთავსი (ფხვნილი) უნდა მოთავსდეს ფინჯანში, დაესხას ცხელი წყალი, და მოირიოს მის გახსნამდე. საჭიროების შემთხვევაში, დაემატოს ცივი წყალი და შაქარი. მოზრდილები: 1 საშეტი ყოველ 4-6 საათში. არაუმეტეს 4 საშეტის 24საათის განმავლობაში. მიღებებს შორის შუალედი არაუმცირეს 4საათისა. 12 წლიდან ბავშვებში: 1 საშეტი ყოველ 6საათში. არაუმეტეს 3 საშეტისა 24 საათში.
12წლამდე ასაკის ბავშვებში პრეპარატი არ გამოიყენება ექიმის დანიშნულების გარეშე. არ არის რეკომენდებული პრეპარატის 5 დღეზე მეტი ხანგრძლივობით გამოყენება, ექიმის კონსულტაციის გარეშე. თუ სიმპტომები ნარჩუნდება, მიმართეთ ექიმს.

ნუ გადააჭარბებთ მითითებულ დოზას.
დოზის გადაჭარბების შემთხვევაში, კარგი თვითშეგრძნების მიუხედავათ, აუცილებელია სასწრაფო სამედიცინო დახმარება, ვინაიდან მოგვიანებით ღვიძლის სერიოზული რისკი არსებობს. პარაცეტამოლით მოწამვლის დროს სპეციფიურ ანტიდოტს წარმოადგენს აცეტიცისტეინი.

გვერდითი მოვლენები
პარაცეტამოლი იშვიათად იწვევს გვერდით ეფექტებს. შესაძლოა ალერგიული რეაქციები: კანზე გამონაყარი, ჭინჭრისციება, ანგიონევროზული შეშუპება. იშვიათად- თრომბოციტოპენია, ლეიკოპენია, აგრანულოციტოზი. ხანგრძლივი დროით დოზის გადაჭარბების შემთხვევაში შესაძლოა ჰეპატოტოქსიური და ნეფროტოქსიური მოქმედება. ჰეპატოტოქსიური მოქმედების რისკი იზრდება ბარბიტურატების, დიფენინის, კარბამაზეპინის, რიფამპიცინის, ზიდოვუდინის და სხვა ღვიძლის ფერმენტების ინდუქტორებთან ერთად მიღებისას.
ფენილეფრინმა შეიძლება გამოიწვიოს გულისრევა, თავის ტკივილი, სისხლის წნევის უმნიშვნელო მატება და იშვიათად გულისცემის გახშირება, რაც პრეპარატის მიღების შეწყვეტისთანავე ქრება. უჩვეულო რეაქციის გამოვლენისთანავე მიმართეთ ექიმს.

უკუჩვენება
– მომატებული მგრძნობელობა პრეპარატის ნებისმიერი კომპონენტის მიმართ;
– ღვიძლისა და თირკმლის გამოხატული დისფუნქცია;
– ჰიპერთირეოიდიზმი (თირეოტიქსიკოზი)
– შაქრიანი დიაბეტი და შაქრის შეწოვის მემკვიდრეობითი დარღვევა (შეიცავს შაქარს);
– გულის დაავადებები (აორტალური სარქვლის გამოხატული სტენოზი, მწვავე მიოკარდის ინფარქტი, ტაქიარითმია);
– არტერიული ჰიპერტენზია;
– ტრიციკლური ანტიდეპრესანტების, ბეტა-ადრენობლოკატორების, მაო-ს ინჰიბიტორების მიღება. ასევე მათი მოხსნიდან 14 დღის განმავლობაში.
– სხვა პარაცეტამოლის შემცველი საშუალებების მიღება , გაციების და გრიპის სიმპტომების შესამსუბუქებლად.
– დახურულკუთხოვანი გლაუკომა;
– ასაკი 12 წლამდე

სიფრთხილით მიიღება:
გლუკოზო-6-ფოსფატ დეჰიდროგენაზას გენეტუკური არ არსებობის, კეთილთვისებიანი ჰიპერბილირუბინემიების, ფეხმძიმობისა და ძუძუთი კვების დროს

გაფრთხილება:
მიღებამდე ექიმის კონსულტაცია აუცილებელია: მეტოკლოპამიდის, დომპერიდონის, ქოლესტირამინის, ანტიკოაგულანტების (ვარფარინი) მიღების შემთხვევაში. აუცილებელია ჰიპონატრიული დიეტის შენარჩუნება (ყოველი საშეტი შეიცავს 0,12 გ ნატრიუმს)

ღვიძლის ტოქსიური დაზიანების თავიდან ასაცილებლად, პარაცეტამოლის მიღება ალკოჰოლურ სასმელთან ერთად არ არის რეკომენდებული, ასევე იმ პირებისთვის რომელნიც ქრონიკულად იღებენ ალკოჰოლს.

განსაკუთრებული მითითებები
ვინაიდან პრეპარატის აქტიური კომპონენტები არ ახდენენ სედატიურ ეფექტს, რეკომენდებული დოზით მიღებისას ავტომობილის მართვა და დანადგარებთან მუშაობა შეიძლება შეზღუდვის გარეშე

ჭარბი დოზირება
პრეპარატი უნდა მიიღოთ მხოლოდ რეკომენდებული დოზით
დოზის გადაჭარბება ძირითადად გამოწვეულია პარაცეტამოლით. შესაძლოა: კანის სიფერმკრთალე, ანორექსია, გულისრევა, ღებინება, ჰეპატონეკროზი, ღვიძლისმიერი ტრანსამინაზების აქტივობის მატება, პროთრომბინის დროის მატება. დოზის გადაჭარბების შემთხვევაში სასწრაფოდ მიმართეთ ექიმს. მკურნალობა: კუჭის ამორეცხვა, აქტივირებული ნახშირის დანიშვნა; სიმპტომატური თერაპია.

სხვა წამლებთან ურთიერთქმედება
აძლიერებს მაო-ს ინჰიბიტორების, საძილე საშუალებების, ეთანოლის ეფექტს. ანტიდეპრესანტები, პარკინსონისმ საწინააღმდეგო და ანტიფსიქოზური საშუალებები და ფენოთიაზინის წარმოებულები ზრდიან შარდის შეკავების, პირის ღრუს გამოშრობის და ყაბზობის განვითარების რისკს.
გლუკოკორტიკოსტეროიდები ზრდიან გლაუკომის განვითარების რისკს. პარაცეტამოლი აქვეითებს დიურეზული პრეპარატების ეფექტს. გალოტანი ზრდის პარკუჭოვანი არითმიის რისკს.
ფენილეფრინი აქვეითებს გუანეტიდინის ჰიპოტენზიურ ეფექტს. გუანეტიდინი აძლიერებს ალფა-ადრენომასტიმულირებელი, ხოლო ტრიციკლური ანტიდეპრესანტები- ფენილეფრინის სიმპატომიმეტიკურ ეფექტს.

შენახვის პირობები და ვადები
ინახება ბავშვებისთვის მიუწვდომელ ადგილას და ტემპერატურე არაუმეტეს 25ºC
შენახვის ვადა 3 წელი. შეფუთვაზე მითითებული ვარგისიანობის ვადის გასვლის შემდგომნუ გამოიყენებთ პრეპარატს.

აფთიაქში გაცემის წესი
რეცეპტის გარეშე

მწარმოებელი ფირმა, ქვეყანა
გლაქსოსმიტკლაინ კონსიუმერ ჰლსქერ
ესპანეთი

კოლდრექს მაქსგრიპი ლიმონის არომატით
ხსნარის დასამზადებელი ფხვნილი პერორალური მიღებისათვის პაკეტებში

თოთოეული პაკეტი შეიცავს აქტიურ ინგრედიენტებს: პარაცეტამოლი 1000მგ, ფენილეფრინის ჰიდროქლორიდი 10მგ და ასკორბინის მჟავა (ვიტამინი C) 40მგ.
ფარმაკოთერაპიული ჯგუფი: გაციებისა და სხვა ინფექციურ-ანთებითი დაავადებების სიმპტომატური მკურნალობის საშუალება.
კოლდრექს მაქსგრიპი ლიმონის არომატით – კომბინირებული პრეპარატია. პარაცეტამოლს გააჩნია ტკივილგამაყუჩებელი და ტემპერატურის დამწევი მოქმედება. პრეპარატი შეიცავს მის მაქსიმალურ ერთჯერად დოზას, რაც დასაშვებია რეცეპტის გარეშე მისაღებად. ფენილეფრინის ჰიდროქლორიდი – სისხლძარღვთა შემავიწროვებელი საშუალება, ხსნის ცხვირის დაგუბებას (ავიწროვებს ცხვირის ლორწოვანი გარსის სისხლძარღვებს და ცხვირის მიმდებარე უბეებს) და ამსუბუქებს სუნთქვას. ასკორბინის მჟავა ავსებს C ვიტამინის მომატებულ მოთხოვნილებას გაციებისა და გრიპის დროს, განსაკუთრებით ავადმყოფობის საწყისს ეტაპზე.
აქტიური ნივთიერება კოლდრექს მაქსგრიპი ლიმონის არომატით, არ იწვევს ძილიანობას.
გამოყენების ჩვენება: კოლდრექს მაქსგრიპი ლიმონის არომატით ხელს უწყობს გაცივებისა და გრიპის სიმპტომების აღმოფხვრას: მომატებული ტემპერატურა, თავის ტკივილი, კანკალი, სახსრებისა და კუნთების ტკივილი, ცხვირის დაგუბება, ტკივილი ცხვირსა და ყელის მიდამოებში.

უკუჩვენებები: პრეპარატი არ მიიღება ერთდროულად ისეთ პრეპარატებთან ერთად, რომლებიც შეიცავენ პარაცეტამოლს, ასევე გრიპის, გაცივების და სურდოს საწინააღმდეგო პრეპარატებთან ერთად.
არ მისცეთ პრეპარატი 18 წლამდე ასაკის ბავშვებს.
არ მიიღოთ კოლდრექს მაქსგრიპი ლიმონის არომატით:
• პარაცეტამოლის, ფენილეფრინის ჰიდროქლორიდის, ასკორბინის მჟავას (ვიტამინი C) ან სხვა ზემოთ ჩამოთვლილი ინგრედიენტების მიმართ მომატებული მგრძნობელობის შემთხვევაში
• თუ ხართ ორსულად ან ძუძუთი კვებავთ ბავშვს
• თუ გაქვთ ღვიძლის ან თირკმელის მძიმე დაავადება
• თუ გაქვთ სისხლძარღვთა სისტემის დაავადებები
• ფარისებრი ჯირკვლის მომატებული ფუნქციის (თირეოტოქსიკოზის), შაქრინი დიაბეტის, არტერიული ჰიპერტენზიის ან გულის დაავადებების დროს
• თუ გაქვთ წინამდებარე ჯირკვლის ადენომა
• თუ გაქვთ დახურულკუთხოვანი გლაუკომა
• პრეპარატი არ მიიღება ერთდროულად სამციკლიან ანტიდეპრესანტებთან, ბეტა-ადრენობლოკატორებთან, მაო-ს ინჰიბიტორებთან ერთად და მათი მიღების დასრულებიდან 14 დღის განმავლობაში.
• დაავადებების დროს, რაც დაკავშირებულია შაქრის შეწოვის დარღვევასთან, რადგან თითოეული პაკეტი შეიცავს 4გ შაქარს.
• გლუკოზა-6-ფოსფატის დეჰიდროგენაზების გენეტიკური არარსებობის დროს.
განსაკუთრებული მითითებები: კოლდრექს მაქსგრიპი ლიმონის არომატით მიღებამდე, კონსულტაციისათვის მიმართეთ ექიმს:
• თუ თქვენ იღებთ მეტოკლოპრამიდს, დომპერიდონს (გულისრევისა და პირღებინების წინააღმდეგ მისაღებად) ან ქოლესტირამინს, სისხლში ქოლესტერინის დონის შესამცირებლად.
• თუ თქვენ იღებთ პრეპარატებს სისხლის შედედების შესამცირებლად (მაგ. ვარფარინი).
• თუ იმყოფებით დიეტაზე ნატრიუმის შემცირებული  შემადგენლობით – თითოეული პაკეტი შეიცავს 0,12 გ ნატრიუმს.
ღვიძლის ტოქსიკური დაზიანების თავიდან აცილების მიზნით პარაცეტამოლი არ მიიღოთ ალკოჰოლურ სასმელებთან ერთად, ასევე დაუშვებელია მისი მიღება იმ პირთათვის, რომლებიც ქრონიკულად მოიხმარენ ალკოჰოლს.
მიღების წესი და დოზები: ერთი პაკეტი ფხვნილი მოათავსეთ ჭიქაში და გაავსეთ ცხელი წყლით. ურიეთ გახსნამდე. დაუმატეთ ცივი წყალი, თუ  აუცილებელია შაქარი გემოვნებით.
მოზრდილები: ერთი პაკეტი ყოველ 4-6 საათში. 24 საათის განმავლობაში არ მიიღოთ 4 პაკეტზე მეტი. არ მიიღოთ პრეპარატი 4 საათიან ინტერვალზე უფრო ხშირად. არ მისცეთ პრეპარატი 18 წლამდე ასაკის  ბავშვებს, გამონაკლის შემთხვევაში თუ გამოწერილია ექიმის მიერ. პრეპარატის მიღება 5 დღეზე მეტ ხანს არ არის რეკომენდებული ექიმის კონსულტაციის გარეშე. თუ სიმპტომები შენარჩუნდა, მიმართეთ ექიმს.
არ გადააჭარბოთ მითითებულ დოზას. იმ შემთხვევაში, თუ მიიღეთ რეკომენდებულზე მეტი დოზა, დაუყოვნებლივ მიმართეთ ექიმს სამედიცინო დახმარებისათვის, იმ შემთხვევაშიც კი, თუ თავს კარგად გრძნობთ, ვინაიდან არსებობს ღვიძლის სერიოზული დაზიანების რისკი. სპეციფიურ ანტიოდს პარაცეტამოლით მოწამვლისას წარმოადგენს აცეტილცისტეინი.
გვერდითი მოვლენები: პარაცეტამოლი იშვიათად იწვევს გვერდით მოვლენებს. ზოგჯერ შესაძლებელია გამოვლინდეს ალერგიული რეაქციები: გამონაყარი კანზე, ჭინჭრის ციება, ანგიონევროტული შეშუპება. იშვიათად – სისხლის სურათის დარღვევა (თრომბოციტოპენია, ლეიკოპენია, აგრანულოციტოზი). პარაცეტამოლის ხანგრძლივი მიღებისას რეკომენდებულზე მეტი დოზებით შესაძლოა აღინიშნოს ჰეპატოტოქსიკური და ნეფროტოქსიკური ზემოქმედება.
იმ შემთხვევაში, როდესაც ხდება ბარბიტურატების, დიფენინის, კარბამაზეპინის, რიფამპიცინის, ზიდოვუდინის და სხვა ღვიძლის ფერმენტების მიკროსომალური ინდუქტორების ერთდროული მიღება ჰეპატოტოქსიკური ზემოქმედების განვითარების რისკი მატულობს.
ფენილეფრინმა შესაძლოა გამოიწვიოს გულისრევა, თავის ტკივილი, სისხლის წნევის უმნიშვნელო მომატება და უკიდურესად იშვიათად გულისცემის გახშირება. აღნიშნული ეფექტები ქრება პრეპარატის მიღების შეწყვეტისას. უჩვეულო რეაქციების გამოვლენის შემთხვევაში მიმართეთ ექიმს.
ჭარბი დოზის მიღება: პრეპარატის მიღება უნდა მოხდეს მხოლოდ რეკომენდებული დოზებით.
ჭარბი დოზა განპირობებულია პარაცეტამოლით. შესაძლებელია: კანის საფარის სიფერმკრთალე, ანორექსია, გულისრევა, პირღებინება, ჰეპატონეკროზი, ღვიძლის ტრანსამინაზის აქტივობის მომატება, პროთრომბინული დროის მომატება. ჭარბი დოზის მიღებისას სასწრაფოდ მიმართეთ ექიმს. მკურნალობა: კუჭის ამორეცხვა და აქტივირებული ნახშირის დანიშვნა; სიმპტომატური თერაპია.
ურთიერთქმედება სხვა პრეპარატებთან: აძლიერებს მაო-ს ინჰიბიტორების ეფექტს, სედაციური პრეპარატების, ეთანოლის ეფექტებს. ანტიდეპრესანტები, პარკინსონის საწინააღმდეგო პრეპარატები, ანტიფსიქოზური საშუალებები, ფენოთიაზინური წარმოებულები ზრდიან შარდის შეკავების, პირის ღრუში სიმშრალის და კუჭის შეკრულობის განვითარების რისკს. გლუკოკორტიკოსტეროიდები აძლიერებენ გლაუკომის განვითარების რისკს. პარაცეტამოლი ამცირებს დიურეზული პრეპარატების ეფექტურობას. სამციკლიანი ანტიდეპრესანტები აძლიერებენ სიმპატომიმეტური საშუალებების მოქმედებას, ჰალოტანის ერთდროული დანიშვნა ზრდის გულის პარკუჭის არითმიის განვითერების რისკს. ამცირებს გუანეტიდინის ჰიპოტენზიურ მოქმედებას, რაც თავის მხრივ, აძლიერებს ფენილეფრინის ალფა-ადრენომიმეტურ აქტიურობას.
გამოშვების ფორმა: 5-10 პაკეტი ერთ მუყაოს კოლოფში მიღების ინსტრუქციასთან ერთად. თითოეული პაკეტი შეიცავს 6,427გ ფხვნილს.

შენახვის პირობები: შეინახეთ ბავშვებისათვის მიუწვდომელ ადგილას არაუმეტეს 25°C ტემპერატურის პირობებში.
ვარგისიანობის ვადა: 3 წელი. არ გამოიყენოთ შეფუთვაზე მითითებული ვარგისიანობის ვადის ამოწურვის შემდეგ.
აფთიაქიდან გაშვების წესი: ექიმის რეცეპტის გარეშე.
წარმოებულია “სმიტკლაინბიჩემი ს.ა”-ს მიერ გლაქსოსმიტკლაინისათვის. ესპანეთი.

სავაჭრო დასახელება
კლოდიფენი ნეირო, Clodifen Neuro

წამლის ფორმა
მყარი ჟელატინის კაფსულები.
აღწერა: მყარი, ჟელატინის კაფსულები ზომით #0, გაუმჭვირვალე, კორპუსი მოვარდისფრო-წითელიდან აგურისფერ-წითელ ფერამდე, ყვითელი ფერის სახურავით, შიგთავსი წარმოადგენს მოთეთრო-მოვარდისფრო ფერის ფხვნილის, აგლომერატებისა და თეთრი ნაწილაკების ნარევს.

შემადგენლობა
კაფსულა შეიცავს
აქტიური ნივთიერებები:
ნატრიუმის დიკლოფენაკი 50 მგ
თიამინის ჰიდროქლორიდი 50 მგ
პირიდოქსინის ჰიდროქლორიდი 50 მგ
ციანოკობალამინი 0,25 მგ
დამხმარე ნივთიერებები:
ლიზინის ჰიდროქლორიდი, მიკროკრისტალური ცელულოზა, სილიციუმის დიოქსიდი კოლოიდური უწყლო, მაგნიუმის სტეარატი.
კაფსულის გარსის შემადგენლობა:
ტიტანიუმის დიოქსიდი, რკინის ყვითელი ოქსიდი, რკინის წითელი ოქსიდი, პონსო 4R, ბრილიანტის შავი, გასუფთავებული წყალი, ჟელატინი.

პრეპარატის ათქ კოდი M01AB55

ფარმაკოთერაპიული ჯგუფი
დიკლოფენაკი B ჯგუფის ვიტამინებთან კომბინაციაში.

ფარმაკოლოგიური თვისებები
ფარმაკოდინამიკა
კლოდიფენი ნეირო წარმოადგენს დიკლოფენაკის კომბინაციას B ჯგუფის ვიტამინებთან. დიკლოფენაკს გააჩნია გამოხატული ანთების საწინააღმდეგო, ანალგეზიური და ზომიერი სიცხის დამწევი მოქმედება. მოქმედების მექანიზმი დაკავშირებულია ციკლოოქსიგენაზას აქტივობის დათრგუნვასთან, რის შედეგადაც ირღვევა არაქიდონის მჟავას მეტაბოლიზმი, რომელიც პროსტაგლანდინების წინამორბედია, ეს უკანასკნელნი მთავარ როლს თამაშობენ ანთების,
ტკივილისა და ცხელების პათოგენეზში.
თიამინი (ვიტამინი B1) ადამიანის ორგანიზმში ფოსფორილირების პროცესების შედეგად გარდაიქმნება კოკარბოქსილაზად, რომელიც წარმოადგენს მრავალი ფერმენტული რეაქციის კოფერმენტს. ვიტამინი B1 მნიშვნელოვან როლს თამაშობს ნახშირწყლოვან, ცილოვან და ცხიმოვან ცვლაში. აქტიურად მონაწილეობს სინაფსებში ნერვული აგზნების გატარების პროცესებში.
პირიდოქსინი (ვიტამინი B6) აუცილებელია ცენტრალური და პერიფერიული ნერვული სისტემის ნორმალური ფუნქციონირებისთვის. ფოსფორილირებული ფორმით წარმოადგენს კოფერმენტს ამინომჟავების მეტაბოლიზმში (დეკაბოქსილირება, გადაამინირება).
ვიტამინი B12 (ციანოკობალამინი) აუცილებელია ნორმალური სისხლმბადი ფუნქციისათვის და ერითროციტების მომწიფებისათვის, მონაწილეობს რიგ ბიოქიმიურ რეაქციებში, რომლებიც უზრუნველყოფენ ორგანიზმის ცხოველმყოფელობას – მეთილის ჯგუფების გადატანაში, ნუკლეინის მჟავების, ცილის სინთეზში, ამინომჟავების, ნახშირწყლების, ლიპიდების ცვლაში.
B ჯგუფის ვიტამინების კომბინაცია ახდენს დიკლოფენაკის ანალგეზიური მოქმედების პოტენცირებას.
ფარმაკოკინეტიკა
დიკლოფენაკი სწრაფად და სრულად აბსორბირდება. კონცენტრაცია პლაზმაში ხაზოვან დამოკიდებულებაშია მიღებული დოზის სიდიდესთან. ბიოშეღწევადობა შეადგენს დაახლოებით 50%-ს. პლაზმის ცილებთან შეკავშირება – 99%-ზე მეტი (უდიდესი ნაწილი უკავშირდება ალბუმინებს). დოზის დაახლოებით 60% გამოიყოფა მეტაბოლიტების სახით თირკმელებით, 1%-ზე ნაკლები ექსკრეტირდება შარდთან ერთად შეუცვლელი სახით, დანარჩენი – მეტაბოლიტების სახით ნაღველთან ერთად.
კლოდიფენი ნეიროში შემავალი ვიტამინები წყალში ხსნადია, რაც გამორიცხავს მათ კუმულაციას ორგანიზმში.
თიამინი და პირიდოქსინი შეიწოვება წვრილი ნაწლავის ზედა ნაწილში, მეტაბოლიზდება ღვიძლში და გამოიყოფა თირკმელებით (დაახლოებით 8-10% – შეუცვლელი სახით).
შეწოვის ხარისხი დამოკიდებულია დოზაზე, დოზის გადაჭარბებისას თიამინის და პირიდოქსინის ნაწლავებით გამოყოფა მნიშვნელოვნად იზრდება.
ციანოკობალამინის შეწოვა მნიშვნელოვნადაა დამოკიდებული ორგანიზმში შინაგანი ფაქტორის არსებობაზე (კუჭში და წვრილი ნაწლავის ზედა ნაწილში), შემდგომში ვიტამინის ქსოვილებთან მიტანა განისაზღვრება სატრანსპორტო ცილა ტრანსკობალამინით. ღვიძლში გარდაქმნის შემდეგ ციანოკობალამინი გამოიყოფა ძირითადად ნაღველთან ერთად, თირკმელებით გამოყოფის ხარისხი ვარიაბელურია – 6-დან 30%-მდე.

გამოყენების ჩვენებები
– ტკივილის სინდრომი არარევმატული ხასიათის ანთებისას (ტრავმების, ოპერაციული და სტომატოლოგიური ჩარევების შემდეგ; გინეკოლოგიური დაავადებებისას – პირველადი ალგოდისმენორეა, ადნექსიტი; ლორ-ორგანოების ანთებითი დაავადებებისას – ფარინგიტი, ტონზილიტი, ოტიტი);
– ხერხემლის და სახსრების ანთებით-დეგენერაციული დაავადებები (რევმატოიდული ართრიტი, მაანკილოზებელი სპონდილიტი – ბეხტერევის დაავადება, სპონდილოართრიტები, სპონდილოართროზები, ოსტეოართროზი);
– ნევრიტები და ნევრალგიები (კისრის სინდრომი, ლუმბაგო, იშიაზი);
– მწვავე პოდაგრული ართრიტი;
– სახსრის ირგვლივი რბილი ქსოვილების რევმატული დაავადებები.

მიღების წესი და დოზები
კლოდიფენი ნეიროს კაფსულები მიიღება შიგნით ჭამის დროს, დაუღეჭავად და დიდი რაოდენობით სითხის მიყოლებით.
მოზრდილებში ინიშნება 1 კაფსულა 3-ჯერ დღე-ღამეში მკურნალობის დასაწყისში, შემანარჩუნებელი დოზის სახით – 1 კაფსულა 1-2 ჯერ დღე-ღამეში. თერაპიის ხანგრძლივობა დამოკიდებულია დაავადების ხასიათსა და სიმძიმეზე.

წინააღმდეგჩვენებები
– მომატებული მგრძნობელობა პრეპარატის კომპონენტებისადმი;
– კუჭისა და 12-გოჯა ნაწლავის წყლულოვანი დაავადება;
– ორსულობის III ტრიმესტრი;
– 12 წლამდე ბავშვთა ასაკი.

გვერდითი მოვლენები
გვერდითი მოვლენები დამოკიდებულია ინდივიდუალურ მგრძნობელობაზე, მიღებული დოზის სიდიდესა და მკურნალობის ხანგრძლივობაზე.
კუჭ-ნაწლავის ტრაქტის მხრივ: ზოგჯერ შეიძლება აღინიშნოს გულისრევა, ღებინება, ფაღარათი, იშვიათად – უმადობა, სპაზმები მუცელში, კუჭის გადავსების შეგრძნება, წყლულის განვითარება კუჭ-ნაწლავის ტრაქტში, რაც იშვიათ შემთხვევაში იწვევს სისხლიანი განავლის სპონტანურ წარმოქმნას.
ცენტრალური ნერვული სისტემის მხრივ: ზოგჯერ შეიძლება აღინიშნოს თავის ტკივილი, თავბრუსხვევა, იშვიათად – ძილის დარღვევა, აგზნებადობა.
დერმატოლოგიური რეაქციები: ზოგჯერ აღინიშნება ქავილი, გამონაყარი, ჭინჭრის ციება.
თირკმელების მხრივ: ერთეულ შემთხვევებში აღინიშნება თირკმელების ფუნქციის დარღვევა, პროტეინურია, ჰემატურია და თირკმელების დაზიანება (ინტერსტიციული ნეფრიტი, ნეფროზული სინდრომი), ამიტომ აუცილებელია თირკმელების ფუნქციის რეგულარული კონტროლი.
ღვიძლის მხრივ: ზოგჯერ ადგილი აქვს შრატში ტრანსამინაზების დონის მომატებას. ხანგრძლივი გამოყენებისას რეკომენდებულია ღვიძლის ფუნქციის რეგულარული კონტროლი.
სისხლმბადი სისტემის მხრივ: იშვიათ შემთხვევებში აღინიშნა ანემია, ლეიკოპენია, აგრანულოციტოზი, თრომბოციტოპენია.
სხვა: შეიძლება აღინიშნოს ჰიპერმგრძნობელობის რეაქციები დიკლოფენაკის მიმართ სახის, ენის, ხახის შეშუპების სახით, გულის ფრიალი, არტერიული წნევის მომატება.

განსაკუთრებული მითითებები
კლოდიფენი ნეიროს გამოყენება შესაძლებელია ექიმის მკაცრი მეთვალყურეობის ქვეშ ქვემოთ ჩამოთვლილი მდგომარეობებისას:
– ინდუცირებული პორფირია;
– ორსულობის I და II ტრიმესტრი;
– ძუძუთი კვების პერიოდი.
ექიმის გულმოდგინე კონტროლი საჭიროა:
– კუჭ-ნაწლავის ტრაქტის დაავადებებისას და/ან კუჭ-ნაწლავის ტრაქტის ანთებით-წყლულოვანი დაზიანებებისას (წყლულოვანი კოლიტი, კრონის დაავადება) ანამნეზში;
– თირკმელების დაავადების მქონე პაციენტებში;
– მაღალი არტერიული წნევის და/ან გულის უკმარისობის დროს;
– ხანდაზმულ პაციენტებში;
– უშუალოდ მძიმე ქირურგიული ჩარევის შემდეგ.
დიდი სიფრთხილით კლოდიფენი ნეირო შეიძლება გამოყენებულ იქნას ასთმით დაავადებულებში, ალერგიული (“თივის”) სურდოს, ცხვირის ლორწოვანას პოლიპების დროს, ასევე აასს-ის მიმართ მომატებული მგრძნობელობის მქონე ავადმყოფებში, რომელთაც გააჩნიათ ასთმის შეტევის, კვინკეს შეშუპების და ჭინჭრის ციების განვითარების საშიშროება.

ზეგავლენა ავტოტრანსპორტისა და სხვა მექანიზმების მართვის უნარზე
მკურნალობის პერიოდში აუცილებელია სიფრთხილის დაცვა ავტოტრანსპორტის მართვისას და სხვა პოტენციურად საშიში საქმიანობისას, რომელიც მოითხოვს ყურადღების მომატებულ კონცენტრაციას და ფსიქომოტორული რეაქციების სისწრაფეს.

ურთიერთქმედება სხვა სამკურნალო საშუალებებთან
კლოდიფენი ნეიროს და შემდეგი პრეპარატების ერთდროული მიღებისას:
– დიგოქსინის, ფენიტოინის ან ლითიუმის შემცველი პრეპარატების გამოყენებისას შესაძლებელია პლაზმაში ამ სამკურნალო საშუალებების დონის მატება;
– დიურეტიკებისა და ჰიპოტენზიური საშუალებების გამოყენებისას შეიძლება შესუსტდეს მათი ეფექტი;
– კალიუმის შემნახველ დიურეტიკებთან კომბინირებისას შეიძლება განვითარდეს ჰიპერკალიემია;
– სხვა აასს-ების და გლუკოკორტიკოიდების გამოყენებისას მატულობს კუჭ-ნაწლავის ტრაქტის მხრივ გვერდითი მოვლენების წარმოქმნის რისკი;
– აცეტილსალიცილის მჟავას გამოყენებისას ქვეითდება სისხლში დიკლოფენაკის კონცენტრაციის დონე;
– ციკლოსპორინის გამოყენებისას შესაძლოა მოიმატოს ამ უკანასკნელის ტოქსიკურმა ზემოქმედებამ თირკმელებზე;
– ანტიდიაბეტური საშუალებების გამოყენებისას შესაძლოა განვითარდეს ჰიპო- და ჰიპერგლიკემია. პრეპარატების ასეთი კომბინაციის დროს აუცილებელია სისხლში შაქრის დონის კონტროლი;
– ანტიკოაგულანტების გამოყენებისას აუცილებელია სისხლის შედედების რეგულარული კონტროლი;
– ლევოდოპასთან გამოყენებისას ქვეითდება პარკინსონიზმის საწინააღმდეგო პრეპარატის ეფექტურობა.
მეთოტრექსატის გამოყენებისას 24 საათის განმავლობაში კლოდიფენი ნეიროს მიღებამდე ან მიღების შემდეგ შეიძლება გაიზარდოს მეთოტრექსატის კონცენტრაცია და გაძლიერდეს მისი ტოქსიკური ზემოქმედება.
ეთანოლი მკვეთრად აქვეითებს თიამინის შეწოვას (სისხლში დონე შეიძლება დაქვეითდეს 30%-ით).
კრუნჩვის საწინააღმდეგო პრეპარატებით ხანგრძლივმა მკურნალობამ შეიძლება გამოიწვიოს თიამინის დეფიციტი.
კოლხიცინის და ბიგუანიდების გამოყენება აქვეითებს ციანოკობალამინის შეწოვას.

ჭარბი დოზირება
სიმპტომები: ღებინება, თავბრუსხვევა, თავის ტკივილი, ქოშინი, გონების დაბინდვა; ბავშვებში – მიოკლონური კრუნჩხვები, გულისრევა, აბდომინური ტკივილი, სისხლდენა, ღვიძლის და თირკმელების ფუნქციის დარღვევა.
მკურნალობა: კუჭის ამორეცხვა, აქტივირებული ნახშირის შეყვანა. მიმართავენ სიმპტომურ თერაპიას, ფორსირებულ დიურეზს. ჰემოდიალიზი ნაკლებეფექტურია.
გამოშვების ფორმა
10 მყარი ჟელატინის კაფსულა ბლისტერზე.
3 ბლისტერი მუყაოს კოლოფში ფურცელ-ჩანართთან ერთად.

შენახვის პირობები
ინახება ნესტისა და სინათლისგან დაცულ ადგილას, არაუმეტეს 250ჩ ტემპერატურის პირობებში, ბავშვებისათვის მიუწვდომელ ადგილას!

ვარგისიანობის ვადა
3 წელი წარმოების თარიღიდან.
არ გამოიყენოთ ვარგისიანობის ვადის ამოწურვის შემდეგ.

აფთიაქიდან გაცემის პირობები
ფარმაცევტული პროდუქტის ჯგუფი II – გამოიყენება ექიმის დანიშნულებით.

მწარმოებელი
კლოდიფენი ნეირო წარმოადგენს კომპანიის “ვორლდ მედიცინ”, დიდი ბრიტანეთი, სავაჭრო მარკას.
დამზადებულია კომპანია
შპს “ადიფარმ”-ის მიერ, ბულგარეთი (130 ბულვარი სიმეონოვსკის გზატკეცილი, 1700 სოფია).

კლოდიფენი
(Clodifen)

შემადგენლობა:
ერთი ამპულა შეიცავს 75 მგ დიკლოფენაკ ნატრიუმს.
დამხმარე ნივთიერებები: პროპილენგლიკოლი, ნატრიუმის მეტაბისულფიტი, ბენზილის სპირტი, მანიტოლი, საინექციო წყალი.

ფარმაკოლოგიური თვისებები:
დიკლოფენაკი მიეკუთვნება არასტეროიდულ ანთების საწინააღმდეგო საშუალებებს (აასს). გააჩნია ანთების საწინააღმდეგო, ტკივილგამაყუჩებელი და სიცხის დამწევი მოქმედება. დიკლოფენაკის მოქმედების მექანიზმი დაკავშირებულია პროსტაგლანდინების სინთეზისა და ანთების გამომწვევი სხვა ფაქტორების დათრგუნვასთან. სახსროვანი სინდრომისას დიკლოფენაკი ასუსტებს ანთებასა და ტკივილს, ამცირებს დილის შებოჭილობას და სახსრების შეშუპებას.

ჩვენებები:
კლოდიფენი – ხსნარი ინექციისათვის, გამოიყენება მწვავე, ძლიერი ტკივილის სინდრომების შემთხვევაში.
_ სხვადასხვა გენეზის მწვავე ართრიტის დროს (მათ შორის პოდაგრის დროს),
_ ქრონიკული ართრიტებისას, განსაკუთრებით რევმატიული ართრიტის დროს (ქრონიკული პოლიართრიტები),
_ მაანკილოზირებელი სპონდილიტის (ბეხტერევის დაავადება) და ხერხემლის სხვა ანთებით-რევმატიული დაავადებების დროს,
_ ართროზებისა და სპონდილოართროზების დროს (სახსრებისა და ხერხემლის ანთებით-დეგენერაციული დაავადებები.),
_ ტრავმისა და ოპერაციის შემდგომი მტკივნეული შეშუპებებისა და ანთების დროს.

უკუჩვენებები:
_ მოქმედი ნივთიერების – დიკლოფენაკის ან სხვა აასს–ის მიმართ მომატებული მგრძნობელობა;
_ სისხლმბადი სისტემის ფუნქციის გაურკვეველი დარღვევევები;
_ კუჭის და 12-გოჯა ნაწლავის წყლულოვანი დაავადება;
_ ორსულობის III ტრიმესტრის განმავლობაში, 18 წლის ასაკამდე ბავშვებსა და მოზარდებში;
კლოდიფენის გამოყენება შესაძლებელია მხოლოდ ექიმის მკაცრი მეთვალყურეობის ქვეშ მხოლოდ ,,სარგებელი/რისკის” თანაფარდობის გულდასმითი შეფასების შემდეგ, ქვემოთ ჩამოთვლილი მდგომარეობებისას:
_ ინდუცირებული პორფირია,
_ სისტემური წითელი მგლურა და შერეული კოლაგენოზები,
_ ორსულობის პირველი და მეორე ტრიმესტრი,
_ ძუძუთი კვების პერიოდი.
ექიმის კონტროლი განსაკუთრებით საჭიროა:
_ კუჭ-ნაწლავის ტრაქტის დაავადებების და/ან კუჭ-ნაწლავის ტრაქტის ანთებით-წყლულოვანი დაავადებების დროს (წყლულოვანი კოლიტები, კრონის დაავადება) ანამნეზში,
_ თირკმლის დაავადების მქონე ავადმყოფებში,
_ გულის უკმარისობის და/ან მაღალი არტერიული წნევის დროს
_ ასაკოვან პაციენტებში,
_ უშუალოდ მძიმე ქირურგიული ჩარევის შემდეგ.
დიდი სიფრთხილითა და ექიმის მეთვალყურეობის ქვეშ კლოდიფენი შეიძლება გამოყენებულ იქნას ასთმით დაავადებულებში, ალერგიული (“თივის”) სურდოს, ცხვირის ლორწოვანის პოლიპების დროს, ასევე სასუნთქი გზების ქრონიკული ობსტრუქციული და ქრონიკული ინფექციური დაავადებების დროს, აასს– ის მიმართ მომატებული მგრძნობელობის მქონე ავადმყოფებში, რომელთაც გააჩნიათ ასთმის შეტევის, კვინკეს შეშუპების და ჭინჭრის ციების წარმოქმნის საშიშროება.

გაფრთხილება:
იმის გამო, რომ კლოდიფენის დიდი დოზებით გამოყენებისას შესაძლებელია განვითარდეს ისეთი გვერდითი ეფექტები, როგორიცაა თავბრუსხვევა და დაღლილობის შეგრძნება ცალკეულ შემთხვევებში ირღვევა ავტომობილის მართვის უნარი. ეს მოვლენები ძლიერდება პრეპარატთან ერთად ალკოჰოლის მიღების შემთხვევაში.

მიღების წესი და დოზირება:
დოზირებასა და მკურნალობის ხანგრძლივობას, ადგენს მკურნალი ექიმი მდგომარეობის სირთულისა და დაავადების მიმდინარეობის თავისებურებების გათვალისწინებით.
კლოდიფენის ხსნარი კუნთებში ინექციებისათვის, ჩვეულებრივ, გამოიყენება მკურნალობის საწყის პერიოდში ერთჯერადად დოზით 75მგ (1 ამპულა), ან მაქსიმალურად 150 მგ (2 ამპულა) დღე-ღამეში მხოლოდ მოზრდილებში იმ შემთხვევაში, როდესაც აუცილებელია სწრაფი თერაპიული ეფექტის მიღება. ჩვეულებრივ, კლოდიფენის ინექციები ინიშნება 1-5 დღის განმავლობაში. მკურნალობის გაგრძელების აუცილებლობის შემთხვევაში ინიშნება ტაბლეტები. კუნთებში ინექციები შეიძლება გამოყენებულ იქნას ტაბლეტირებულ ან რექტალურ ფორმასთან ერთად, ამასთან მაქსიმალური სადღეღამისო დოზა არ უნდა აღემატებოდეს 150 მგ.

ურთიერთქმედება სხვა სამკურნალო საშუალებებთან:
კლოდიფენის და შემდეგი პრეპარატების ერთდროული მიღებისას:
_ დიგოქსინის, ფენიტოინის ან ლითიუმის პრეპარატების გამოყენებისას შეიძლება დაქვეითდეს პლაზმაში ამ უკანასკნელთა დონე;
_ დიურეზული და ჰიპოტენზიური საშუალებების გამოყენებისას შეიძლება შესუსტდეს მათი ეფექტი;
_ კალიუმის შემნახველ დიურეტიკებთან კომბინირებისას შეიძლება განვითარდეს ჰიპერკალიემია;
_ სხვა აასს და გლუკოკორტიკოიდების გამოყენებისას მატულობს კუჭ-ნაწლავის ტრაქტის მხრივ გვერდითი მოვლენების წარმოქმნის რისკი,
_ აცეტილსალიცილის მჟავის გამოყენებისას იკლებს სისხლში დიკლოფენაკის კონცენტრაციის დონე;
_ ციკლოსპორინის გამოყენებისას შესაძლოა მოიმატოს ამ უკანასკნელის ტოქსიკურმა ზემოქმედებამ თირკმელებზე;
_ ანტიდიაბეტური საშუალებების გამოყენებისას შესაძლოა განვითარდეს ჰიპო- და ჰიპერგლიკემია. პრეპარატების ასეთი კომბინაციის დროს აუცილებელია სისხლში შაქრის დონის კონტროლი;
_ მეტოტრექსატის მიღებამდე 24 საათით ადრე ან გვიან შეიძლება გაიზარდოს მეტოტრექსატის კონცენტრაცია და გაძლიერდეს მისი ტოქსიკური ზემოქმედება;
_ ანტიკოაგულანტების გამოყენებისას აუცილებელია სისხლის შედედების რეგულარული კონტროლი.

გვერდითი ეფექტები:
წარმოქმნილი გვერდითი ეფექტები დამოკიდებული ინდივიდუალურ მგრძნობელობაზე, მიღებული დოზის სიდიდეზე და მკურნალობის ხანგრძლივობაზე.
კუჭ-ნაწლავის ტრაქტი: საკმაოდ ხშირად ვითარდება გულისრევა, ღებინება, დიარეა, მათ შორის კუჭ-ნაწლავის ტრაქტში უმნიშვნელო სისხლდენით.
იშვიათად აღინიშნება უმადობა, სპაზმები მუცლის არეში, დანაყრების შეგრძნება, რომელსაც შესაძლოა ახლდეს წყლულის განვითარება კუჭ-ნაწლავის ტრაქტში, რაც იშვიათ შემთხვევაში იწვევს სისხლიანი განავლის სპონტანურ წარმოქმნას;
ცენტრალური ნერვული სისტემა: ზოგჯერ შესაძლებელია აღინიშნოს თავის ტკივილი, ძილის დარღვევა, დაღლილობის შეგრძნება. აგზნებადობა, თავბრუსხვევა.
კანი: ზოგჯერ აღინიშნება ქავილი, გამონაყარი, ჭინჭრის ციება. ინექციების ადგილებში შეიძლება აღინიშნოს ადგილობრივი გვერდითი ეფექტები (წვის შეგრძნება).
თირკმელები: ცალკეულ შემთხვევებში აღინიშნება თირკმელების ფუნქციის დარღვევა, პროტეინურია, ჰემატურია და თირკმელების დაზიანება (ინტერსტიციული ნეფრიტი, ნეფროზული სინდრომი). ამიტომ აუცილებელია თირკმელების ფუნქციის რეგულარული კონტროლი.
ღვიძლი: ზოგჯერ ადგილი აქვს შრატში ტრანსამინაზების დონის მომატებას. ხანგრძლივი გამოყენებისას რეკომენდებულია ჩატარდეს ღვიძლის ფუნქციის რეგულარული კონტროლი.
სისხლი: იშვიათ შემთხვევებში აღინიშნება სისხლწარმოქმნის დარღვევა (ანემია, ლეიკოპენია, აგრანულოციტოზი, თრომბოციტოპენია). დიკლოფენაკი აფერხებს თრომბოციტების აგრეგაციას, ამიტომ ავადმყოფები სისხლის შედედების ფუნქციის დარღვევით საჭიროებენ მუდმივ კონტროლს.
იმუნური სისტემა: შესაძლოა აღინიშნოს დიკლოფენაკის მიმართ ჰიპერმგრძნობელობითი რეაქციები შემდეგი სიმპტომების სახით: სახის, ენის და ყელის შეშუპება, სუნთქვის დათრგუნვა, გულისცემის გახშირება, სისხლის წნევის მომატება.

დოზის გადაჭარბება:
სიმპტომები: კლინიკური სურათი განისაზღვრება ცენტრალური ნერვული სისტემის მხრივ დარღვევებით (თავის ტკივილი, თავბრუსხვევა, მომატებული აგზნებადობა, ჰიპერვენტილაციის მოვლენები მომატებული კრუნჩხვითი მზადყოფნით, ბავშვებში – მიოკლონური კრუნჩხვები) და დარღვევები კუჭ-ნაწლავის ტრაქტის მხრივ (ტკივილი მუცლის არეში, გულისრევის შეგრძნება, ღებინება). შესაძლოა განვითარდეს კუჭ-ნაწლავის ტრაქტიდან სისხლდენა და/ან ღვიძლისა და თირკმელების ფუნქციის დარღვევა.
მკურნალობა: სპეციფიური ანტიდოტი არ არსებობს. დოზის გადაჭარბების შემთხვევაში აუცილებელია ინტენსიური სამედიცინო მკურნალობა. კლოდიფენის პერ ოს იგი იწვევს ღებინებას, რისთვისაც ინიშნება ანტაციდები და აქტივირებული ნახშირი. მედიკამენტოზური მკურნალობა სიმპტომურია.

შენახვის პირობები:
ინახება მშრალ, სინათლისგან დაცულ ადგილას 25ºC ქვემოთ ტემპერატურაზე.
შეინახეთ ბავშვებისაგან დაცულ ადგილას.

გამოშვების ფორმა:
შეფუთვა შეიცავს 5 ამპულას საინექციო ხსნარით 3 მლ.

დამზადებულია:
“E.I.P.I.CO.” ეგვიპტე ტენტ A.R.E.
“ვორლდ მედიცინი ლ.ლ.ც” (აშშ)

კლინიკურ-ფარმაკოლოგიური ჯგუფი – საფაღარათო საშუალებები; ოსმოსური თვისებების მქონე

შემადგენლობა და გამოშვების ფორმა
100მლ სიროფი ფლ
250მლ სიროფი ფლ

თითოეული დოზირებული ჭიქა (15 მლ) შეიცავს:
10გ (667 მგ/მლ) ლაქტულოზას, 2.2გ-მდე გალაქტოზას, 1.2 გ-მდე ლაქტოზას, 1.2 გ-მდე სხვა შაქრებს.

ფარმაკოლოგიური თვისებები
ლაქტულოზა ნახევრად სინთეზური დისაქარიდია, რომელიც შედგება გალაქტოზას 1 მოლეკულისა და ფრუქტოზას 1 მოლეკულისაგან. მიღების შემდეგ უცვლელი სახით აღწევს მსხვილ ნაწლავში, ვინაიდან წვრილ ნაწლავში ლაქტულოზას დამშლელი ენზიმები არ მოიპოვება. ლაქტულოზას დაშლის შედეგად მსხვილ ნაწლავში წარმოიქმნება ალიფატური რიგის მოკლეჯაჭვიანი კარბონმჟავები, რომლებიც ამცირებენ pH -ის დონეს ნაწლავში და ზრდიან ნაწლავის შიგთავსის ოსმოსურ წნევას.
ლაქტულოზა ამცირებს თავისუფალი ამიაკის და სხვა ტოქსიკური ნივთიერებების წარმოქმნას, ხელს უწყობს მათ უტილიზაციას, ასევე ორგანიზმიდან სწრაფად გამოსვლას. ამგვარად, ლაქტულოზა საკუთარ თავზე იღებს ღვიძლის სამუშაოს ნაწილს ტოქსიკურ ნივთიერებების უტილიზაციის დარგში. ეს განსაკუთრებით მნიშვნელოვანია ღვიძლის დაავადებების დროს, როდესაც იგი ამ ფუნქციას ვეღარ ასრულებს, რის შედეგადაც ტოქსიკური ნივთიერებები ხვდებიან რა სისტემურ სისხლის მიმოქცევაში, აღწევენ ჰემატოენცეფალურ ბარიერში და იწვევენ ღვიძლისმიერი ენცეფალოპათიის განვითარებას. ლაქტულოზა აღადგენს ნაწლავის ნორმალურ მოკროფლორას. ლაქტულოზა ასტიმულირებს ნაწლავის მოტორიკას, იწვევს ქიმუსის გათხიერებას და მისი მოცულობის გაზრდას. საფაღარათო ეფექტი 1-3 დღის განმავლობაში ვლინდება. გარდა ამისა, ლაქტულოზას განავალთან ერთად გამოაქვს ნაღვლის მჟავები, რის შედეგადაც მცირდება ქოლესტერინის შემცველობა სისხლსა და ნაღველში. გააჩნია მსხვილ ნაწლავში სალმონელების ზრდის ინჰიბირების უნარი. არ ამცირებს ვიტამინებისა და მინერალების აბსორბციას. არ იწვევს შეჩვევას (მოხსნის სინდრომი არ გააჩნია).

ჩვენებები
– ღვიძლის ქრონიკული დაავადებები;
– ღვიძლისმიერი ენცეფალოპათიის (მ.შ. ღვიძლის პრეკომისა და კომის) მკურნალობა და პროფილაქტიკა;
– ნაწლავის ნორმალური მიკროფლორის აღსადგენად ანტიბიოტიკოთერაპიის, სხივური და ქიმიოთერაპიის შემდეგ;
– ახალშობილებსა და ძუძუს ასაკის ბავშვებში ნორმალური მიკროფლორის ჩამოყალიბებისა და აღდგენისთვის (საკეისრო კვეთა, ხელოვნური კვება), დისბაქტერიოზის განვითარების პრევენციისათვის ინფიცირებული რძით კვებისას;
– ნაღვლკენჭოვანი დაავადება;
– ჰიპერქოლესტერინემია;
– ქრონიკული ყაბზობა (როგორც მოზრდილებში, ასევე ბავშვებში);
– ყაბზობა ორსულებში (II ტრიმესტრის შემდეგ);
– სალმონელამტარებლობა;
– ალკოჰოლის ბოროტად გამოყენება.

მიღების წესები და დოზები
ჰეპატოლაკი ღვიძლის ქრონიკული ენცეფალოპათიის დროს:

ჰეპატოლაკი ღვიძლის პრეკომის ან კომის დროს:

ყველა შემთხვევაში ავადმყოფის მდგომარეობის გაუმჯობესებისას პრეპარატი ინიშნება შიგნით, შემანარჩუნებელი დოზებით.

მკურნალობის ოპტიმალური ხანგრძლივობა 6-8 კვირას შეადგენს.
ყაბზობების მკურნალობისას:
ჰეპატოლაკი მიიღება დღეში ერთხელ ჭამის დროს წყალთან, რძესთან ან ხილის წვენთან ერთად შემდეგი დოზებით:

დოზის კორექცია იმ შემთხვევაში ტარდება, თუ პრეპარატის მიღების 2 დღის განმავლობაში ავადმყოფის მდგომარეობის გაუმჯობესება არ აღინიშნა.

გვერდითი მოვლენები
ძირითადად მკურნალობის პირველ დღეებში და დიდი დოზებისას შეიძლება გამოვლინდეს: შებერილობა, მეტეორიზმი, ბოყინი, სპაზმები, მუცლის ტკივილი. ძალიან იშვიათად აღინიშნება ღებინება და გულისრევა. ეს გვერდითი ეფექტები შექცევადია და დოზის შემცირების შემთხვევაში ქრება.
მოულოდნელი გვერდითი ეფექტების გამოვლინების შემთხვევაში აუცილებელია ექიმთან მიმართვა.

უკუჩვენება
გასტროინტესტინალური ობსტრუქციები, მდგომარეობები, რომელთა დროსაც გალაქტოზას მიღება უკუნაჩვენებია.

განსაკუთრებული მითითებები
1. ორსულობის I ტრიმესტრში გამოყენება მხოლოდ ექიმის დანიშნულებით.
2. მონაცემები ლაქტულოზას დედის რძეში გადასვლის შესახებ არ არსებობს, მაგრამ ვინაიდან ბევრი პრეპარატი აღწევს დედის რძეში, პრეპარატი მეძუძურ დედებში ინიშნება სიფრთხილით.
3. მიუხედავად იმისა, რომ პრეპარატის შემადგენლობაში შაქარი არ შედის, ჰეპატოლაკი სიფრთხილით ინიშნება შაქრიანი დიაბეტის მქონე პაციენტებში.
4. თითოეული ავადმყოფისათვის დოზის შერჩევა ხდება ინდივიდუალურად.
5. ანტაციდებთან ერთად მიღებისას პრეპარატის მოქმედება სუსტდება.

ჭარბი დოზირება
დღეისათვის ჭარბი დოზის შემთხვევები ცნობილი არ არის. სავარუდოა, რომ ჭარბი დოზისას შესაძლოა გამოვლინდეს დიარეა და ნაწლავის სპაზმი. ამ შემთხვევაში პრეპარატის მიღება უნდა შეწყდეს და მოხდეს ავადმყოფის მდგომარეობაზე დაკვირვება. წყლისა და ელექტროლიტების დანაკარგი უნდა აღდგეს. თუ მკურნალობისას დიარეა გამოვლინდა, მაშინ დოზა უნდა შემცირდეს. თუ დიარეა არ შეწყდა, პრეპარატი უნდა მოიხსნას.

სხვა წამლებთან ურთიერთქმედება
მოქმედების ფართო სპექტრის მქონე ანტიბიოტიკებთან ერთად გამოყენებისას შესაძლებელია ლაქტულოზას თერაპიული ეფექტის დაქვეითება.
ანტაციდებთან ერთად გამოყენებისას ლაქტულაზას მოქმედება სუსტდება, ვინაიდან ისინი pH -ის შემცირებას ეწინააღმდეგებიან.

შენახვის პირობები და ვადები
ინახება შუფუთვაში არაუმეტეს 25oC ტემპერატურაზე ბავშვებისათვის მიუწვდომელ ადგილას.
2 წელი

აფთიაქში გაცემის წესი
რეცეპტით

მწარმოებელი ფირმა, ქვეყანა – ბიოფარმა
თურქეთი

კლოდიფენი

CLODIFEN

საერთაშორისო არაპატენტირებული დასახელება

დიკლოფენაკი, DDiclofenac

წამლის ფორმა

გელი გარეგანი გამოყენებისათვის.

აღწერილობა:

გამჭვირვალე, უფერო ან ოდნავ მოყვითალო ფერის გელი, ერთგვაროვანი, ბუშტუკების გარეშე, სპირტის სუსტი სუნით.

შემადგენლობა

კლოდიფენი, გელი 1%:

გელის 100 გ შეიცავს

აქტიური ნივთიერება:

ნატრიუმის დიკლოფენაკი 1,0 გ.

დამხმარე ნივთიერებები:

კარბომერი 980, პროპილენგლიკოლი, ტროლამინი, ეთანოლი 96%, მეთილპარაჰიდროქსიბენზოატი, გასუფთავებული წყალი.

კლოდიფენი, გელი 5%:

გელის 100 გ შეიცავს

აქტიური ნივთიერება:

ნატრიუმის დიკლოფენაკი 5,0 გ.

დამხმარე ნივთიერებები:

ჰიდროქსიეთილცელულოზა, პროპილენგლიკოლი, ეთანოლი 96%, მეთილპარაჰიდროქსიბენზოატი, გასუფთავებული წყალი.

პრეპარატის ათქ კოდი MO2AA15

ფარმაკოთერაპიული ჯგუფი

არასტეროიდული ანთების საწინააღმდეგო საშუალებები გარეგანი გამოყენებისათვის.

ფარმაკოლოგიური თვისებები

ფარმაკოდინამიკა

არასტეროიდული ანთების საწინააღმდეგო საშუალება გარეგანი გამოყენებისათვის. გააჩნია გამოხატული ანთების საწინააღმდეგო და ტკივილგამაყუჩებელი მოქმედება. მოქმედების მექანიზმი დაკავშირებულია  ციკლოოქსიგენაზა-1 და ციკლოოქსიგენაზა-2-ის არასელექტიურ დათრგუნვასთან, არაქიდონის მჟავას მეტაბოლიზმის დარღვევასა და ანთების კერაში პროსტაგლანდინების ბიოსინთეზის ინჰიბირებასთან. კლოდიფენის გამოყენება ანთების დროს იწვევს ტკივილის სინდრომისა და ქსოვილების შეშუპების შემცირებას ან გაქრობას.

ფარმაკოკინეტიკა

კანიდან შეწოვილი დიკლოფენაკის რაოდენობა პროპორციულია ფართობისა, რომელზეც ის დაიტანება, ასევე დამოკიდებულია პრეპარატის ჯამურ დოზასა და კანის ჰიდრატაციის ხარისხზე. პრეპარატის რეკომენდებული წესით წასმისას აბსორბირდება დიკლოფენაკის არა უმეტეს 6%.

მეტაბოლიზმი ძირითადად ხორციელდება ჰიდროქსილირების გზით, რამოდენიმე წარმოებულის წარმოქმნით, რომელთაგან ორი ფარმაკოლოგიურად აქტიურია, თუმცა გაცილებით ნაკლებად, ვიდრე დიკლოფენაკი. დიკლოფენაკი და მისი მეტაბოლიტები უმეტესწილად შარდთან ერთად გამოიყოფა. დიკლოფენაკის საერთო სისტემური კლირენსი სისხლის პლაზმაში საშუალოდ 263±+/_ 56 მლ/წთ შეადგენს, ხოლო ნახევარგამოყოფის საბოლოო პერიოდი – 1-3 სთ.

გამოყენების ჩვენებები

– რბილი ქსოვილებისა და სახსრების პოსტტრავმული ანთება (დაჭიმვის, გადატვირთვისა და დაჟეჟილობის შედეგად);

– რბილი ქსოვილების რევმატიული დაავადებები (ტენდოვაგინიტი, ბურსიტი, პერიარტიკულური ქსოვილების დაზიანებები და სხვა);

– ტკივილის სინდრომი და შეშუპება, დაკავშირებული კუნთებისა და სახსრების დაავადებებთან (რევმატოიდული ართრიტი, ოსტეოართროზი, რადიკულიტები, ლუმბაგო, იშიასი და სხვა).

გამოყენების წესი და დოზები

კლოდიფენის გელი განკუთვნილია გარეგანი გამოყენებისთვის. კლოდიფენის გელის კონცენტრაციის შერჩევა განისაზღვრება ანთებითი პროცესისა და ტკივილის სინდრომის გამოვლინების ხარისხით.

მოზრდილებში და 12 წლის ასაკზე უფროს ბავშვებში კლოდიფენის 1%-იან  გელს იყენებენ 3-4-ჯერ დღე–ღამეში. გელის დაახლოებით 5-10 სმ–იანი ზოლი (2-4 გ) უნდა წაისვათ კანზე და მსუბუქად შეიზილოთ. გამოყენებული პრეპარატის რაოდენობა დამოკიდებულია მტკივნეული უბნის ზედაპირის სიდიდეზე.

მოზრდილებში და 12 წლის ასაკზე უფროს ბავშვებში კლოდიფენის 5%-იან  გელს იყენებენ 2-3-ჯერ დღე–ღამეში. გამოყენებული პრეპარატის რაოდენობა – 2 გ–მდე (გელის 4 სმ–მდე სიგრძის ზოლი).

პრეპარატის გამოყენების შემდეგ აუცილებლად დაიბანეთ ხელები.

მკურნალობის ხანგრძლივობა დამოკიდებულია ჩვენებებსა და თერაპიის ეფექტურობაზე. პრეპარატის ორკვირიანი გამოყენების შემდეგ საჭიროა ექიმთან კონსულტაცია თერაპიის გაგრძელების მიზანშეწონილობის თაობაზე. რბილი ქსოვილების დაზიანების ან რბილი ქსოვილების რევმატიული დაავადების დროს პრეპარატი არ უნდა გამოიყენოთ ზედიზედ 14 დღეზე მეტ ხანს, ხოლო ართრიტით გამოწვეული ტკივილის შემთხვევაში – 21 დღეზე მეტ ხანს (თუ ექიმმა მკურნალობის სხვა სქემა არ დაგინიშნათ). თუ 7 დღის განმავლობაში არ აღინიშნა დადებითი კლინიკური დინამიკა ან მდგომარეობა გაუარესდა, აუცილებლად მიმართეთ ექიმს.

უკუჩვენებები

– კანის საფარველის მთლიანობის დარღვევა;

– ორსულობის III ტრიმესტრი;

– 12 წლამდე ბავშვთა ასაკი;

– მომატებული მგრძნობელობა პრეპარატის კომპონენტების მიმართ, აცეტილსალიცილის მჟავას ან სხვა ანთების საწინააღმდეგო არასტეროიდული საშუალებების მიმართ.

გვერდითი მოქმედება

კლოდიფენის გელი იშვიათად იწვევს გვერდით რეაქციებს. იშვიათად გელის დატანების ადგილზე ვითარდება სიწითლე, ქავილი ან წვის შეგრძნება. ცალკეულ პაციენტებს შეიძლება აღენიშნოთ ფოტოსენსიბილიზაცია.

ძალიან იშვიათად აღინიშნება ჰიპერმგრძნობელობის რეაქციები (გამონაყარი, ჭინჭრის ციება, ბრონქული ასთმა, ანგიონევროზული შეშუპება).

განსაკუთრებული მითითებები

კლოდიფენის გელი უნდა წაისვათ მხოლოდ დაუზიანებელ კანზე, ერიდეთ ღია ჭრილობებზე მოხვედრას. წასმის შემდეგ არ უნდა დაიდოთ ოკლუზიური ნახვევი. ერიდეთ პრეპარატის თვალში და ლორწოვან გარსებზე მოხვედრას.

კლოდიფენი სიფრთხილით ინიშნება ღვიძლის პორფირიის (გამწვავების სტადიაში), კუჭ–ნაწლავის ტრაქტის ეროზიულ–წყლულოვანი დაავადებების, ღვიძლის და თირკმლის ფუნქციების მძიმე დარღვევების, გულის ქრონიკული უკმარისობის, ბრონქული ასთმის დროს.

ზემოქმედება ავტომობილის და სხვა მექანიზმების მართვის უნარზე

კლოდიფენი არ მოქმედებს ავტომობილის მართვისა და ისეთი სახის სამუშაოს შესრულების უნარზე, რომელიც საჭიროებს ფსიქომოტორული რეაქციების სისწრაფეს.

გამოყენება ორსულობის და ძუძუთი კვების დროს

კლოდიფენი უკუნაჩვენებია ორსულობის III ტრიმესტრში. მისი გამოყენება ორსულობის I და II ტრიმესტრებში დასაშვებია მხოლოდ იმ შემთხვევაში, როდესაც მოსალოდნელი სარგებელი დედისათვის აღემატება პოტენციურ რისკს ნაყოფისათვის.

დიკლოფენაკი და მისი მეტაბოლიტები აღწევენ დედის რძეში, ამიტომ პრეპარატის გამოყენება არ არის რეკომენდებული ძუძუთი კვების პერიოდში.

ურთიერთქმედება სხვა სამკურნალო საშუალებებთან

ურთიერთქმედების ალბათობა უმნიშვნელოა, ვინაიდან გარეგანი გამოყენებისას დიკლოფენაკის სისტემური აბსორბცია უკიდურესად დაბალია. კლოდიფენის გელმა შეიძლება გააძლიეროს ფოტოსენსიბილიზაციის გამომწვევი პრეპარატების მოქმედება. კლოდიფენის გელის გამოყენება არ შეიძლება ადგილობრივ კოსმეტიკურ საშუალებებთან ერთად.

დოზის გადაჭარბება

დოზის გადაჭარბება ნაკლებად სავარაუდოა, ვინაიდან გარეგანი გამოყენებისას დიკლოფენაკის სისტემური აბსორბცია უკიდურესად დაბალია. შიგნით შემთხვევითი მიღებისას პრეპარატმა შეიძლება გამოიწვიოს გვერდითი ეფექტები, რომლებიც დამახასიათებელია დიკლოფენაკის პერორალური ფორმებისთვის. სისტემური გვერდითი ეფექტების გამოვლენის შემთხვევაში რეკომენდებულია კუჭის ამორეცხვა და ადსორბენტის მიღება. მკურნალობა სიმპტომურია.

გამოშვების ფორმა

კლოდიფენი გელი 1%:

პრეპარატის 45 გ მოთავსებულია ალუმინის ტუბში.

მუყაოს კოლოფში მოთავსებულია 1 ალუმინის ტუბი გამოყენების ინსტრუქციასთან ერთად.

კლოდიფენი გელი 5%:

პრეპარატის 45 გ მოთავსებულია ალუმინის ტუბში.

მუყაოს კოლოფში მოთავსებულია 1 ალუმინის ტუბი გამოყენების ინსტრუქციასთან ერთად.

შენახვის პირობები

შეინახეთ არა უმეტეს 25⁰C ტემპერატურაზე, ბავშვებისთვის მიუწვდომელ ადგილას.

ვარგისიანობის ვადა

3 წელი გამოშვების თარიღიდან.

არ გამოიყენოთ ვარგისიანობის ვადის ამოწურვის შემდეგ.

აფთიაქიდან გაცემის პირობები

ფარმაცევტული პროდუქტის ჯგუფი III – გამოიყენება ექიმის დანიშნულების გარეშე.

მწარმოებელი

კლოდიფენი წარმოადგენს კომპანიის `World Medicine”, დიდი ბრიტანეთი, სავაჭრო მარკას.

დამზადებულია

ეს.სი. `სლავია ფარმ ეს.ერ.ელ~, თეოდორ პალადის ბულვარი #44, მესამე სექტორი, ბუქარესტი, რუმინეთი.

კლოდიფენი თვალის წვეთები
(Clodifen eye drops)

შემცველობა:
ერთი მლ შეიცავს 1 მგ დიკლოფენაკ ნატრიუმს.
დამხმარე ნივთიერებები: თიომერსალი, ნატრიუმის მეტაბისულფიტი, ნატრიუმის ბორატი, ნატრიუმის ქლორიდი, პოლისორბატი 80, პროპილენგლიკოლი, საინექციო წყალი.

ფარმაკოლოგიური თვისებები:
კლოდიფენის თვალის წვეთები შეიცავს დიკლოფენაკ ნატრიუმს – არასტეროიდულ ანთების საწინააღმდეგო საშუალებას, რომელსაც ანთების საწინააღმდეგო და ტკივილგამაყუჩებელი მოქმედება გააჩნია. დიკლოფენაკის მოქმედების ძირითად მექანიზმს წარმოადგენს გავლენა არაქიდონის მჟავას ცვლაზე და პროსტაგლანდინების სინთეზის ინჰიბირება, რომლებიც მნიშვნელოვან როლს თამაშობენ ანთებისა და ტკივილის პათოგენეზში. ადგილობრივი გამოყენებისას იგი ამცირებს შეშუპებასა და ტკივილს არაინფექციური ეტიოლოგიის ანთებითი პროცესების დროს.

ჩვენებები:
– მიოზის ინჰიბირება კატარაქტის გამო ჩატარებული ოპერაციის დროს;
– ანთებითი პროცესები კატარაქტის გამო ოპერაციისა და თვალის კაკალზე სხვა ქირურგიული ჩარევების შემდეგ;
– ცისტოიდური მაკულური შეშუპების პროფილაქტიკა ოპერაციამდე და მის შემდეგ, რომელიც დაკავშირებულია ბროლის ამოღებასთან და ხელოვნური ინტრაოკულური ლინზის იმპლანტაციასთან;
– თვალის წინა კამერის არაინფექციური ბუნების ანთებითი პროცესები (ქრონიკული არაინფექციური კონიუნქტივიტი);
– პოსტტრავმული ანთებითი პროცესები თვალის კაკლის გამჭოლი და არაგამჭოლი ჭრილობების დროს (როგორც დამატება ადგილობრივ ინფექციის საწინააღმდეგო თერაპიასთან).

უკუჩვენებები:
ჰიპერმგრძნობელობა დიკლოფენაკ ნატრიუმის მიმართ. როგორც სხვა არასტეროიდული ანთების საწინააღმდეგო საშუალებები, კლოდიფენი თვალის წვეთები უკუნაჩვენებია პაციენტებისათვის, რომლებშიც აცეტილსალიცილის მჟავა და ციკლოოქსიგენაზის სხვა ინჰიბიტორები, მათ შორის არასტეროიდული ანთების საწინააღმდეგო საშუალებები, ახდენენ ბრონქული ასთმის შეტევების განვითარების, ურტიკარული გამონაყარის ან მწვავე რინიტის გამოვლინების პროვოცირებას.

უსაფრთხოების ზომები:
კლოდიფენის თვალის წვეთების გამოყენებამდე აუცილებელია საკონტაქტო ლინზების მოხსნა და მათი ხელახლა გაკეთება მხოლოდ 30 წუთის გასვლის შემდეგ. ინფექციის არსებობის ან მისი განვითარების შესაძლებლობის შემთხვევაში იმავდროულად უნდა ჩატარდეს შესაბამისი მკურნალობა (მაგალითად, ანტიბიოტიკები).
კლოდიფენის თვალის წვეთების ინსტილაციის შემდეგ, მხედველობის სიმახვილე შესაძლოა დროებით დაქვეითდეს, ამიტომ მანქანის ტარება ან მექანიზმებთან მუშაობა 10-15 წუთის განმავლობაში კლოდიფენის თვალის წვეთების ჩაწვეთების შემდეგ რეკომენდებული არ არის.

მიღების წესი და დოზები:
ოპერაციის წინ მიოზის განვითარების საპროფილაქტიკოდ: 1 წვეთი კლოდიფენი 5-ჯერ 3 საათის განმავლობაში.
ანთებითი დაავადებების პროფილაქტიკა და მკურნალობა ოპერაციის შემდგომ პერიოდში: 1 წვეთი 3-ჯერ ოპერაციის დასრულებისთანავე, შემდეგ 1 წვეთი 3-5-ჯერ დღეში მკურნალობისათვის საჭირო დროის განმავლობაში.
სხვა ჩვენებები: 1 წვეთი 4-5-ჯერ დღეში მდგომარეობის სიმძიმის მიხედვით. ხანგრძლივი მკურნალობის ჩატარება მხოლოდ ჩვენებათა საგულდაგულო შემოწმებისა და ოფთალმოლოგიური გამოკვლევის შემდეგ შეიძლება. როგორც წესი, თვალის წვეთები კლოდიფენი რამოდენიმე კვირაზე ხანგრძლივად არ გამოიყენება. ხანგრძლივი გამოყენება მხოლოდ ექიმის რეკომენდაციით შეიძლება.

გვერდითი მოქმედება:
იშვიათ შემთხვევებში შემდეგი არასასურველი ეფექტები აღინიშნება: მსუბუქი წვა და/ან მხედველობის სიმახვილის დროებითი დაქვეითება უშუალოდ ჩაწვეთების შემდეგ, ჰიპერმგრძნობელობა ნატრიუმის დიკლოფენაკზე.

ურთიერთქმედება სხვა სამკურნალო საშუალებებთან:
საჭიროების შემ¬თხვე-ვაში, კლინიკური ჩვენებების არსებობისას, შეიძლება კლოდიფენის თვალის წვეთების კომბინირება გლუკოკორტიკოსტეროიდების შემცველ თვალის წვეთებთან. ამ დროს აპლიკაციებს შორის ინტერვალი უნდა იყოს არა ნაკლებ 5 წუთისა.

ორსულობა და ლაქტაცია:
ვინაიდან ორსულობისა და ლაქტაციის დროს ნატრიუმის დიკლოფენაკის გამოყენების უსაფრთხოების შესახებ მონაცემები არ არსებობს, მისი გამოყენება მხოლოდ უკიდურესი აუცილებლობის შემთხვევაში შეიძლება.

შენახვის პირობები:
ინახება 15ºC-25ºC ტემპერატურაზე, ბავშვებისათვის მიუწვდომელ ადგილას.
გამოიყენება ფლაკონის გახსნიდან ერთი თვის განმავლობაში.

გამოშვების ფორმა:
5 მლ-იანი ფლაკონი საწვეთურით

ვარგისიანობის ვადა:
2 წელი.

გაცემის წესი:
რეცეპტით

დამზადებულია:
“E.I.P.I.CO.” ეგვიპტე ტენტ A.R.E.
“ვორლდ მედიცინ ლ.ლ.ც.” (აშშ)

ქვეყანა: თურქეთი

მწარმოებელი: მეფარ ილაჩ

გაცემის ფორმა: II ჯგუფი რეცეპტული