კლოდიფენი

CLODIFEN

საერთაშორისო არაპატენტირებული დასახელება

დიკლოფენაკი, DDiclofenac

წამლის ფორმა

გელი გარეგანი გამოყენებისათვის.

აღწერილობა:

გამჭვირვალე, უფერო ან ოდნავ მოყვითალო ფერის გელი, ერთგვაროვანი, ბუშტუკების გარეშე, სპირტის სუსტი სუნით.

შემადგენლობა

კლოდიფენი, გელი 1%:

გელის 100 გ შეიცავს

აქტიური ნივთიერება:

ნატრიუმის დიკლოფენაკი 1,0 გ.

დამხმარე ნივთიერებები:

კარბომერი 980, პროპილენგლიკოლი, ტროლამინი, ეთანოლი 96%, მეთილპარაჰიდროქსიბენზოატი, გასუფთავებული წყალი.

კლოდიფენი, გელი 5%:

გელის 100 გ შეიცავს

აქტიური ნივთიერება:

ნატრიუმის დიკლოფენაკი 5,0 გ.

დამხმარე ნივთიერებები:

ჰიდროქსიეთილცელულოზა, პროპილენგლიკოლი, ეთანოლი 96%, მეთილპარაჰიდროქსიბენზოატი, გასუფთავებული წყალი.

პრეპარატის ათქ კოდი MO2AA15

ფარმაკოთერაპიული ჯგუფი

არასტეროიდული ანთების საწინააღმდეგო საშუალებები გარეგანი გამოყენებისათვის.

ფარმაკოლოგიური თვისებები

ფარმაკოდინამიკა

არასტეროიდული ანთების საწინააღმდეგო საშუალება გარეგანი გამოყენებისათვის. გააჩნია გამოხატული ანთების საწინააღმდეგო და ტკივილგამაყუჩებელი მოქმედება. მოქმედების მექანიზმი დაკავშირებულია  ციკლოოქსიგენაზა-1 და ციკლოოქსიგენაზა-2-ის არასელექტიურ დათრგუნვასთან, არაქიდონის მჟავას მეტაბოლიზმის დარღვევასა და ანთების კერაში პროსტაგლანდინების ბიოსინთეზის ინჰიბირებასთან. კლოდიფენის გამოყენება ანთების დროს იწვევს ტკივილის სინდრომისა და ქსოვილების შეშუპების შემცირებას ან გაქრობას.

ფარმაკოკინეტიკა

კანიდან შეწოვილი დიკლოფენაკის რაოდენობა პროპორციულია ფართობისა, რომელზეც ის დაიტანება, ასევე დამოკიდებულია პრეპარატის ჯამურ დოზასა და კანის ჰიდრატაციის ხარისხზე. პრეპარატის რეკომენდებული წესით წასმისას აბსორბირდება დიკლოფენაკის არა უმეტეს 6%.

მეტაბოლიზმი ძირითადად ხორციელდება ჰიდროქსილირების გზით, რამოდენიმე წარმოებულის წარმოქმნით, რომელთაგან ორი ფარმაკოლოგიურად აქტიურია, თუმცა გაცილებით ნაკლებად, ვიდრე დიკლოფენაკი. დიკლოფენაკი და მისი მეტაბოლიტები უმეტესწილად შარდთან ერთად გამოიყოფა. დიკლოფენაკის საერთო სისტემური კლირენსი სისხლის პლაზმაში საშუალოდ 263±+/_ 56 მლ/წთ შეადგენს, ხოლო ნახევარგამოყოფის საბოლოო პერიოდი – 1-3 სთ.

გამოყენების ჩვენებები

– რბილი ქსოვილებისა და სახსრების პოსტტრავმული ანთება (დაჭიმვის, გადატვირთვისა და დაჟეჟილობის შედეგად);

– რბილი ქსოვილების რევმატიული დაავადებები (ტენდოვაგინიტი, ბურსიტი, პერიარტიკულური ქსოვილების დაზიანებები და სხვა);

– ტკივილის სინდრომი და შეშუპება, დაკავშირებული კუნთებისა და სახსრების დაავადებებთან (რევმატოიდული ართრიტი, ოსტეოართროზი, რადიკულიტები, ლუმბაგო, იშიასი და სხვა).

გამოყენების წესი და დოზები

კლოდიფენის გელი განკუთვნილია გარეგანი გამოყენებისთვის. კლოდიფენის გელის კონცენტრაციის შერჩევა განისაზღვრება ანთებითი პროცესისა და ტკივილის სინდრომის გამოვლინების ხარისხით.

მოზრდილებში და 12 წლის ასაკზე უფროს ბავშვებში კლოდიფენის 1%-იან  გელს იყენებენ 3-4-ჯერ დღე–ღამეში. გელის დაახლოებით 5-10 სმ–იანი ზოლი (2-4 გ) უნდა წაისვათ კანზე და მსუბუქად შეიზილოთ. გამოყენებული პრეპარატის რაოდენობა დამოკიდებულია მტკივნეული უბნის ზედაპირის სიდიდეზე.

მოზრდილებში და 12 წლის ასაკზე უფროს ბავშვებში კლოდიფენის 5%-იან  გელს იყენებენ 2-3-ჯერ დღე–ღამეში. გამოყენებული პრეპარატის რაოდენობა – 2 გ–მდე (გელის 4 სმ–მდე სიგრძის ზოლი).

პრეპარატის გამოყენების შემდეგ აუცილებლად დაიბანეთ ხელები.

მკურნალობის ხანგრძლივობა დამოკიდებულია ჩვენებებსა და თერაპიის ეფექტურობაზე. პრეპარატის ორკვირიანი გამოყენების შემდეგ საჭიროა ექიმთან კონსულტაცია თერაპიის გაგრძელების მიზანშეწონილობის თაობაზე. რბილი ქსოვილების დაზიანების ან რბილი ქსოვილების რევმატიული დაავადების დროს პრეპარატი არ უნდა გამოიყენოთ ზედიზედ 14 დღეზე მეტ ხანს, ხოლო ართრიტით გამოწვეული ტკივილის შემთხვევაში – 21 დღეზე მეტ ხანს (თუ ექიმმა მკურნალობის სხვა სქემა არ დაგინიშნათ). თუ 7 დღის განმავლობაში არ აღინიშნა დადებითი კლინიკური დინამიკა ან მდგომარეობა გაუარესდა, აუცილებლად მიმართეთ ექიმს.

უკუჩვენებები

– კანის საფარველის მთლიანობის დარღვევა;

– ორსულობის III ტრიმესტრი;

– 12 წლამდე ბავშვთა ასაკი;

– მომატებული მგრძნობელობა პრეპარატის კომპონენტების მიმართ, აცეტილსალიცილის მჟავას ან სხვა ანთების საწინააღმდეგო არასტეროიდული საშუალებების მიმართ.

გვერდითი მოქმედება

კლოდიფენის გელი იშვიათად იწვევს გვერდით რეაქციებს. იშვიათად გელის დატანების ადგილზე ვითარდება სიწითლე, ქავილი ან წვის შეგრძნება. ცალკეულ პაციენტებს შეიძლება აღენიშნოთ ფოტოსენსიბილიზაცია.

ძალიან იშვიათად აღინიშნება ჰიპერმგრძნობელობის რეაქციები (გამონაყარი, ჭინჭრის ციება, ბრონქული ასთმა, ანგიონევროზული შეშუპება).

განსაკუთრებული მითითებები

კლოდიფენის გელი უნდა წაისვათ მხოლოდ დაუზიანებელ კანზე, ერიდეთ ღია ჭრილობებზე მოხვედრას. წასმის შემდეგ არ უნდა დაიდოთ ოკლუზიური ნახვევი. ერიდეთ პრეპარატის თვალში და ლორწოვან გარსებზე მოხვედრას.

კლოდიფენი სიფრთხილით ინიშნება ღვიძლის პორფირიის (გამწვავების სტადიაში), კუჭ–ნაწლავის ტრაქტის ეროზიულ–წყლულოვანი დაავადებების, ღვიძლის და თირკმლის ფუნქციების მძიმე დარღვევების, გულის ქრონიკული უკმარისობის, ბრონქული ასთმის დროს.

ზემოქმედება ავტომობილის და სხვა მექანიზმების მართვის უნარზე

კლოდიფენი არ მოქმედებს ავტომობილის მართვისა და ისეთი სახის სამუშაოს შესრულების უნარზე, რომელიც საჭიროებს ფსიქომოტორული რეაქციების სისწრაფეს.

გამოყენება ორსულობის და ძუძუთი კვების დროს

კლოდიფენი უკუნაჩვენებია ორსულობის III ტრიმესტრში. მისი გამოყენება ორსულობის I და II ტრიმესტრებში დასაშვებია მხოლოდ იმ შემთხვევაში, როდესაც მოსალოდნელი სარგებელი დედისათვის აღემატება პოტენციურ რისკს ნაყოფისათვის.

დიკლოფენაკი და მისი მეტაბოლიტები აღწევენ დედის რძეში, ამიტომ პრეპარატის გამოყენება არ არის რეკომენდებული ძუძუთი კვების პერიოდში.

ურთიერთქმედება სხვა სამკურნალო საშუალებებთან

ურთიერთქმედების ალბათობა უმნიშვნელოა, ვინაიდან გარეგანი გამოყენებისას დიკლოფენაკის სისტემური აბსორბცია უკიდურესად დაბალია. კლოდიფენის გელმა შეიძლება გააძლიეროს ფოტოსენსიბილიზაციის გამომწვევი პრეპარატების მოქმედება. კლოდიფენის გელის გამოყენება არ შეიძლება ადგილობრივ კოსმეტიკურ საშუალებებთან ერთად.

დოზის გადაჭარბება

დოზის გადაჭარბება ნაკლებად სავარაუდოა, ვინაიდან გარეგანი გამოყენებისას დიკლოფენაკის სისტემური აბსორბცია უკიდურესად დაბალია. შიგნით შემთხვევითი მიღებისას პრეპარატმა შეიძლება გამოიწვიოს გვერდითი ეფექტები, რომლებიც დამახასიათებელია დიკლოფენაკის პერორალური ფორმებისთვის. სისტემური გვერდითი ეფექტების გამოვლენის შემთხვევაში რეკომენდებულია კუჭის ამორეცხვა და ადსორბენტის მიღება. მკურნალობა სიმპტომურია.

გამოშვების ფორმა

კლოდიფენი გელი 1%:

პრეპარატის 45 გ მოთავსებულია ალუმინის ტუბში.

მუყაოს კოლოფში მოთავსებულია 1 ალუმინის ტუბი გამოყენების ინსტრუქციასთან ერთად.

კლოდიფენი გელი 5%:

პრეპარატის 45 გ მოთავსებულია ალუმინის ტუბში.

მუყაოს კოლოფში მოთავსებულია 1 ალუმინის ტუბი გამოყენების ინსტრუქციასთან ერთად.

შენახვის პირობები

შეინახეთ არა უმეტეს 25⁰C ტემპერატურაზე, ბავშვებისთვის მიუწვდომელ ადგილას.

ვარგისიანობის ვადა

3 წელი გამოშვების თარიღიდან.

არ გამოიყენოთ ვარგისიანობის ვადის ამოწურვის შემდეგ.

აფთიაქიდან გაცემის პირობები

ფარმაცევტული პროდუქტის ჯგუფი III – გამოიყენება ექიმის დანიშნულების გარეშე.

მწარმოებელი

კლოდიფენი წარმოადგენს კომპანიის `World Medicine”, დიდი ბრიტანეთი, სავაჭრო მარკას.

დამზადებულია

ეს.სი. `სლავია ფარმ ეს.ერ.ელ~, თეოდორ პალადის ბულვარი #44, მესამე სექტორი, ბუქარესტი, რუმინეთი.

კლოდიფენი თვალის წვეთები
(Clodifen eye drops)

შემცველობა:
ერთი მლ შეიცავს 1 მგ დიკლოფენაკ ნატრიუმს.
დამხმარე ნივთიერებები: თიომერსალი, ნატრიუმის მეტაბისულფიტი, ნატრიუმის ბორატი, ნატრიუმის ქლორიდი, პოლისორბატი 80, პროპილენგლიკოლი, საინექციო წყალი.

ფარმაკოლოგიური თვისებები:
კლოდიფენის თვალის წვეთები შეიცავს დიკლოფენაკ ნატრიუმს – არასტეროიდულ ანთების საწინააღმდეგო საშუალებას, რომელსაც ანთების საწინააღმდეგო და ტკივილგამაყუჩებელი მოქმედება გააჩნია. დიკლოფენაკის მოქმედების ძირითად მექანიზმს წარმოადგენს გავლენა არაქიდონის მჟავას ცვლაზე და პროსტაგლანდინების სინთეზის ინჰიბირება, რომლებიც მნიშვნელოვან როლს თამაშობენ ანთებისა და ტკივილის პათოგენეზში. ადგილობრივი გამოყენებისას იგი ამცირებს შეშუპებასა და ტკივილს არაინფექციური ეტიოლოგიის ანთებითი პროცესების დროს.

ჩვენებები:
– მიოზის ინჰიბირება კატარაქტის გამო ჩატარებული ოპერაციის დროს;
– ანთებითი პროცესები კატარაქტის გამო ოპერაციისა და თვალის კაკალზე სხვა ქირურგიული ჩარევების შემდეგ;
– ცისტოიდური მაკულური შეშუპების პროფილაქტიკა ოპერაციამდე და მის შემდეგ, რომელიც დაკავშირებულია ბროლის ამოღებასთან და ხელოვნური ინტრაოკულური ლინზის იმპლანტაციასთან;
– თვალის წინა კამერის არაინფექციური ბუნების ანთებითი პროცესები (ქრონიკული არაინფექციური კონიუნქტივიტი);
– პოსტტრავმული ანთებითი პროცესები თვალის კაკლის გამჭოლი და არაგამჭოლი ჭრილობების დროს (როგორც დამატება ადგილობრივ ინფექციის საწინააღმდეგო თერაპიასთან).

უკუჩვენებები:
ჰიპერმგრძნობელობა დიკლოფენაკ ნატრიუმის მიმართ. როგორც სხვა არასტეროიდული ანთების საწინააღმდეგო საშუალებები, კლოდიფენი თვალის წვეთები უკუნაჩვენებია პაციენტებისათვის, რომლებშიც აცეტილსალიცილის მჟავა და ციკლოოქსიგენაზის სხვა ინჰიბიტორები, მათ შორის არასტეროიდული ანთების საწინააღმდეგო საშუალებები, ახდენენ ბრონქული ასთმის შეტევების განვითარების, ურტიკარული გამონაყარის ან მწვავე რინიტის გამოვლინების პროვოცირებას.

უსაფრთხოების ზომები:
კლოდიფენის თვალის წვეთების გამოყენებამდე აუცილებელია საკონტაქტო ლინზების მოხსნა და მათი ხელახლა გაკეთება მხოლოდ 30 წუთის გასვლის შემდეგ. ინფექციის არსებობის ან მისი განვითარების შესაძლებლობის შემთხვევაში იმავდროულად უნდა ჩატარდეს შესაბამისი მკურნალობა (მაგალითად, ანტიბიოტიკები).
კლოდიფენის თვალის წვეთების ინსტილაციის შემდეგ, მხედველობის სიმახვილე შესაძლოა დროებით დაქვეითდეს, ამიტომ მანქანის ტარება ან მექანიზმებთან მუშაობა 10-15 წუთის განმავლობაში კლოდიფენის თვალის წვეთების ჩაწვეთების შემდეგ რეკომენდებული არ არის.

მიღების წესი და დოზები:
ოპერაციის წინ მიოზის განვითარების საპროფილაქტიკოდ: 1 წვეთი კლოდიფენი 5-ჯერ 3 საათის განმავლობაში.
ანთებითი დაავადებების პროფილაქტიკა და მკურნალობა ოპერაციის შემდგომ პერიოდში: 1 წვეთი 3-ჯერ ოპერაციის დასრულებისთანავე, შემდეგ 1 წვეთი 3-5-ჯერ დღეში მკურნალობისათვის საჭირო დროის განმავლობაში.
სხვა ჩვენებები: 1 წვეთი 4-5-ჯერ დღეში მდგომარეობის სიმძიმის მიხედვით. ხანგრძლივი მკურნალობის ჩატარება მხოლოდ ჩვენებათა საგულდაგულო შემოწმებისა და ოფთალმოლოგიური გამოკვლევის შემდეგ შეიძლება. როგორც წესი, თვალის წვეთები კლოდიფენი რამოდენიმე კვირაზე ხანგრძლივად არ გამოიყენება. ხანგრძლივი გამოყენება მხოლოდ ექიმის რეკომენდაციით შეიძლება.

გვერდითი მოქმედება:
იშვიათ შემთხვევებში შემდეგი არასასურველი ეფექტები აღინიშნება: მსუბუქი წვა და/ან მხედველობის სიმახვილის დროებითი დაქვეითება უშუალოდ ჩაწვეთების შემდეგ, ჰიპერმგრძნობელობა ნატრიუმის დიკლოფენაკზე.

ურთიერთქმედება სხვა სამკურნალო საშუალებებთან:
საჭიროების შემ¬თხვე-ვაში, კლინიკური ჩვენებების არსებობისას, შეიძლება კლოდიფენის თვალის წვეთების კომბინირება გლუკოკორტიკოსტეროიდების შემცველ თვალის წვეთებთან. ამ დროს აპლიკაციებს შორის ინტერვალი უნდა იყოს არა ნაკლებ 5 წუთისა.

ორსულობა და ლაქტაცია:
ვინაიდან ორსულობისა და ლაქტაციის დროს ნატრიუმის დიკლოფენაკის გამოყენების უსაფრთხოების შესახებ მონაცემები არ არსებობს, მისი გამოყენება მხოლოდ უკიდურესი აუცილებლობის შემთხვევაში შეიძლება.

შენახვის პირობები:
ინახება 15ºC-25ºC ტემპერატურაზე, ბავშვებისათვის მიუწვდომელ ადგილას.
გამოიყენება ფლაკონის გახსნიდან ერთი თვის განმავლობაში.

გამოშვების ფორმა:
5 მლ-იანი ფლაკონი საწვეთურით

ვარგისიანობის ვადა:
2 წელი.

გაცემის წესი:
რეცეპტით

დამზადებულია:
“E.I.P.I.CO.” ეგვიპტე ტენტ A.R.E.
“ვორლდ მედიცინ ლ.ლ.ც.” (აშშ)

ქვეყანა: თურქეთი

მწარმოებელი: მეფარ ილაჩ

გაცემის ფორმა: II ჯგუფი რეცეპტული

კეფენტეკი 

შემადგენლობა:

მოქმედი ნივთიერება: 1 პლასტირი შეიცავს 30 მგ. კეტოპროფენს;

დამხმარე ნივთიერებები: თხევადი პარაფინი, იზოპროპილმირისტატი, ალკილაკრილატის და ვინილაცეტატის  კოპოლიმერი, ტოკოფეროლის აცეტატი, კონცენტრირებული გლიცერინი, უწყლო ეთანოლი. დამხმარე ნივთიერებები დატანილია სპეციალურ ქსოვილზე.

გამოშვების ფორმა. ტრანსდერმალური პლასტირი. 

პლასტირი – სპეციალური ქსოვილის ფუძეზე, რომელზეც დატანილია გამჭვირვალე პასტა; ზემოდან დაფარულია პოლიმერული ფენის დამცავი ქაღალდით.

ფარმაკოთერაპიული ჯგუფი.
ანთებისსაწინააღმდეგო, ანტირევმატიული საშუალება. პროპიონის მჟავას პრეპარატები.
კეტოპროფენი. ათქ კოდი M01AE03.

კეტოპროფენი არასტეროიდული ანთებისსაწინააღმდეგო საშუალებაა (ასას), გამოხატული ანთებისსაწინააღმდეგო, ანტიპირეტული და ტკივილგამაყუჩებელი მოქმედებით.  კეტოპროფენი  (და სხვა ასას) ძვლის რეზორბციის ეფექტური დეპრესორია. კერძოდ არილ პროპიონმჟავას კლასი, in vivo მოდელირებისას (კვლევებში), წარმოადგენს ასას ყველაზე ეფექტურ კლასს ოსტეოგენეზის პროცესების მოშლის პრევენციისათვის, ძვლისწარმოქმნის პროცესის უმნიშვნელო შეფერხებით. მისი მექანიზმი ცნობილია როგორც ციკლოოქსიგენაზის შეუქცევადი ინჰიბირება. ციკლოოქსიგენაზა მონაწილეობს დაზიანებული უჯრედებიდან და ხრტილოვანი ქსოვილიდან გამოთავისუფლებული ქიმიური მედიატორების (PG, TX. AT წარმოიქმნებიან არაქიდინის მჟავას მეტაბოლური პროცესების შედეგად) სინთეზში. 

კანზე პლასტირის დაკვრის შემდეგ კეტოპროფენი სწრაფად გამოთავისუფლდება. ღრმად ქსოვილებში მისი მოხვედრა ხდება სისხლის მიმოქცევით. ექსტენსიურად უკავშირდება (99,1%) პლაზმის ცილებს. ადგილობრივი გამოყენების შემდეგ კეტოპროფენის მაღალი კონცენტრაცია აღინიშნებოდა  სინოვიალურ სითხეში, სახსრის კაფსულაში, ცხიმში. 24 საათიანი გამოყენების შემდეგ   კეტოპროფენის რაოდენობა იყო 11.21±3.09 მგ. ( 37.4% საერთო რაოდენობის). ტრანსდერმალური პლასტირის გამოყენებისას კეტოპროფენის საერთო სისტემური ბიოშეღწევადობა არ აღემატებოდა პერორალურად მიღებული კეტოპროფენის სისტემური ბიოშეღწევადობის 10%. კეტოპროფენის პლაზმური კონცენტრაციები, ტრანსდერმალური  გამოყენებისას მიღებიდან 24 საათის შემდეგ შენარჩუნებულია 120 ნგ/მლ დონეზე. კეტოპროფენი გამოიყოფა ნაღველისა და შარდის საშუალებით.

კლინიკური მახასიათებლები:

ჩვენება.

უკუჩვენებები:

კეფენტეკი პლასტირი წინააღმდეგნაჩვენებია  პაციენტებში კეტოპროფენის და სხვა არასტეროიდული ანთებისსაწინააღმდეგო პრეპარატების ( აგრეთვე პლასტირის შემადგენელი დამხმარე ინგრედიენტების) მიმართ  გამოხატული ჰიპერმგრძნობელობით და აუტანლობით.

განსაკუთრებული მითითებები:

არ გამოიყენოთ პლასტირი დაზიანებულ (ღია ჭრილობა) ან ეგზემატოზურ კანზე. კეფენტეკი პლასტირი არ გამოიყენება ლორწოვან გარსზე და თვალზე.

ავტოტრანსპორტის და სხვა მექანიზმების მართვის რეაქციაზე ზემოქმედება:

არ არის გამოკვლეული,თუმცა პლასტირის ნებისმიერი უარყოფითი ზემოქმედება ავტოტრანსპორტის  და სხვა მექანიზმების მართვის უნარზე ნაკლებად არის მოსალოდნელი.

ორსულობა და ლაქტაცია:

არ არის რეკომენდებული, რადგან მონაცემები ორსულობის და ლაქტაციის პერიოდში მისი გამოყენების შესახებ  არ არსებობს.

ბავშვთა ასაკი

ბავშვებში კეფენტეკის გამოყენების კვლევები არ ჩატარებულა. რეკომენდებულია სიფრთხილის დაცვა 7 წლამდე ასაკის ბავშვებში. 

გამოყენება ღვიძლის ფუნქციების დარღვევისას.

პაციენტებში ღვიძლის ფუნქციის მოშლით კვლევები არ არის ჩატარებული.

პრეპარის გამოყენება თირკმლის უკმარისობისას. 

პაციენტებში თირკმლის მძიმე დაზიანებით, კეფენტეკის პლასტირის გამოყენებამ შესაძლებელია გამოიწვიოს თირკმლის გორგლოვანი ფილტრაციის ფუნქციის მოშლა, პროსტაგლანდინის სინთეზის დათრგუნვი გამო.

ასეთი პაციენტები საჭიროებენ ექიმის მეთვალყურეობას, პროლონგირებული თერაპიის პერიოდში.

დოზირება და მიღების წესი.

პლასტირი გამოიყენება ორჯერ დღეში (დილით და საღამოს) დაზიანებულ უბანზე. მკურნალობის ხანგრძლივობა რამოდენიმე დღიდან 2 თვემდე. 

კეფენტეკის პლასტირი შესაძლებელია გამოვიყენოთ პერორალურ არასტეროიდულ ანთებისსაწინააღმდეგო პრეპარატებთან ერთად როგორც დამხმარე თერაპია.

ჭარბი დოზირება. 

ჭარბი დოზირების შემთხვევები არ არის აღნიშნული.

გვერდითი რეაქციები.

არ არის გამორიცხული მკურნალობის ხანგრძლივი კურსის დროს ისეთი არასასურველი გვერდითი ეფექტების გამოვლენა, როგორიცაა  მუცლის ტკივილი, თავის ტკივილი, დისპეპსია, სინათლეზე მომატებული მგრძნობელობა. პლასტირმა შეიძლება გამოიწვიოს კანის რეაქციები (ქავილი, გამონაყარი). 

სხვა წამლებთან ურთიერთქმედება:

კეფენტეკის პლასტირი შეიძლება გამოიყენოთ სხვა არასტეროიდულ ანთებისსაწინააღმდეგო პრეპარატებთან ერთად.

შენახვის ვადა:  3 წელი

შენახვის პირობები: ინახება სინათლისაგან დაცულ, ბავშვებისათვის მიუწვდომელ  ადგილას არაუმეტეს 25°C  ტემპერატურაზე. 

გაცემის წესი:  რეცეპტის გარეშე.

კეტოროლი
(KETOROLAC)

შემადგენლობა
კეტოროლის ერთი ტაბლეტი შეიცავს აქტიური ნივთიერების – კეტოროლაკის 0.01 გ-ს.

მოქმედების მექანიზმი
არანარკოტიკული ანალგეტიკი, გამოხატული ტკივილგამაყუჩებელი, ანთების საწინააღმდეგო და ანტიაგრეგაციული თვისებებით. კეტოროლის მოქმედება დამყარებულია ფერმენტ ციკლოოქსიგენაზას ინჰიბირებასა და პროსტაგლანდინების სინთეზის დათრგუნვაზე. სისტემური ტკივილგამაყუჩებელი მოქმედება მნიშვნელოვნად აღემატება ანთების საწინააღმდეგო ეფექტს. არ ახასიათებს სედაცია, არ მოქმედებს ოპიოიდურ რეცეპტორებზე, არ იწვევს სუნთქვის ცენტრის დათრგუნვას და არ ახდენს გავლენას ფსიქომოტორულ ფუნქციებზე.
კეტოროლი შიგნით მიღებისას სწრაფად და მთლიანად აბსორბირდება კუჭ-ნაწლავის ტრაქტიდან, 0.01 გ პრეპარატის მიღებისას Cmax მიიღწევა საშუალოდ 44 წთ-ში; კეტოროლის 99 %-ზე მეტი უკავშირდება პლაზმის ცილებს. პრეპარატის ელიმინაცია ხდება ბიოტრანსფორმაციის გზით და ძირითადად თირკმლების საშუალებით.

ჩვენება
საშუალო და ძლიერი ინტენსივობის ტკივილის სინდრომი: პოსტოპერაციულ პერიოდში, ძვლებისა და კუნთების ტკივილი (დაჭიმვა, ღრძობა, მოტეხილობა, რბილი ქსოვილების ტრავმა, მიალგია, იშიალგია, ოსტეოართროზის გამწვავება); კბილის ტკივილი, ონკოლოგიური დაავადებების თანმხლები ტკივილი.

უკუჩვენება
კეტოროლის დანიშვნის უკუჩვენებებია – პრეპარატისადმი მაღალი მგრძნობელობა, 16 წლამდე ბავშვთა ასაკი, კუჭისა და თორმეტგოჯა ნაწლავის წყლულოვანი დაავადება (გამწვავების ფაზაში), ღვიძლისა და თირკმლების ფუნქციის გამოხატული დარღვევები, ანამნეზში სისხლის შედედების დარღვევის არსებობა, “ასპირინული” ასთმა, ორსულობა, ლაქტაცია (მკურნალობის პერიოდში საჭიროა ძუძუთი კვების შეწყვეტა).

უსაფრთხოების ზომები
პრეპარატი სიფრთხილით ინიშნება ავადმყოფებში, რომელთაც ანამნეზში აღენიშნებათ კუჭ-ნაწლავის ტრაქტიდან სისხლდენები და ეროზიულ-წყლულოვანი დაავადებანი, ღვიძლის, თირკმლებისა და ძვლის ტვინის ფუნქციათა დარღვევები, გულის ქრონიკული უკმარისობა, ბრონქული ასთმა, ბრონქოობსტრუქციული სინდრომი, ანგიონევროზული შეშუპება. დარღვეული სისხლის შემდედებელი ფუნქციის მქონე პაციენტებში კეტოროლი ინიშნება თრომბოციტების რაოდენობის მუდმივი კონტროლის ქვეშ.
პრეპარატი არ ინიშნება პრემედიკაციის მიზნითა და სამეანო პრაქტიკაში ტკივილგამაყუჩებლის სახით.
კეტოროლი შეუთავსებელია ლითიუმის პრეპარატებთან, პენტოქსიფილინთან, პრობენეციდთან, ანტიკოაგულანტებსა და სხვა ანთების საწინააღმდეგო არასტეროიდულ საშუალებებთან კომბინაციაში. ნორმოვოლემიის მქონე პაციენტებში იწვევს ფუროსემიდის დიურეზული ეფექტის შემცირებას. ამფ-ის ინჰიბიტორებთან კომბინაციაში იზრდება თირკმლების ფუნქციის დარღვევის შესაძლებლობა.
დოზის გადაჭარბებისას: ერთჯერადი დოზის მიღების შემდეგ განვითარებული სიმპტომატოლოგია – მუცლის ტკივილი, გულისრევა, ღებინება, ჰიპერვენტილაცია, პეპტიკური წყლულებისა და/ან ეროზიული გასტრიტის წარმოშობა, თირკმლების ფუნქციის დარღვევა.

დოზირება და მიღების წესი
დოზირება ხდება ინდივიდუალურად ტკივილის სინდრომის სიძლიერის მიხედვით. ერთჯერადი დოზა შეადგენს 0.01 გ-ს, მაქსიმალური დღიური დოზა – 0.09 გ.
ჩვეულებისამებრ: 0.01 გ ყოველ 4-6 სთ-ში ერთხელ.
ძლიერი ტკივილის დროს: 0.02-0.03 გ 3-4-ჯერ დღეში, მაქსიმალური დღიური დოზა-0.12გ.
50 კგ-ზე ნაკლები მასისა და 65 წელს გადაცილებულ ავადმყოფებში ან თირკმლის დისფუნქციის მქონე პირებში რეკომენდებული მაქსიმალური დოზაა 0.06 გ/დღეში.
პრეპარატის ტაბლეტირებული ფორმის მიღების მაქსიმალური ხანგრძლივობაა 7 დღე.

გვერდითი მოვლენები
დისპეფსიური მოვლენები, გასტრიტი, კნტ-ის ეროზიულ-წყლულოვანი დაზიანებანი; ძილიანობა, თავბრუსხვევა; თირკმლის მწვავე უკმარისობა, ნეფროზული სინდრომი, ინტერსტიციული ნეფრიტი, შრატში კრეატინინისა და შარდოვანას მატება; სისხლდენის ხანგრძლივობის გაზრდა; კანზე გამონაყარი.

ვარგისიანობა და შენახვის პირობები
პრეპარატის ვარგისიანობის ვადაა 3 წელი, ინახება 10-25⁰C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

გამოშვების ფორმა
ტაბლეტი 0.01 გ, შეფუთვაში 10 ტაბლეტი.

დანიშნულება
ექიმის რეცეპტის გარეშე!
მწარმოებელი ფირმა:
შ.პ.ს. “ჯი-ემ-პი”

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ქვეყანა: ბელორუსია

მწარმოებელი: ბორისოვო მედ/პრ ქ-ნა

გაცემის ფორმა: III ჯგუფი ურეცეპტო

ქვეყანა: ბელორუსია

მწარმოებელი: ბორისოვო მედ/პრ ქ-ნა

გაცემის ფორმა: III ჯგუფი ურეცეპტო

კლინიკურ-ფარმაკოლოგიური ჯგუფი – არასტეროიდული ანთების საწინააღმდეგო საშუალებები; პროპიონის მჟავას წარმოებული პრეპარატები გამოხატული ანალგეზიური ეფექტით

შემადგენლობა და გამოშვების ფორმა
50მგ კაფსულა №25
100მგ ტაბლეტი №20

კეტონალი® 50 მგ, კაფსულების შემადგენლობა:
ყოველი კაფსულა შეიცავს 150 მგ კეტოპროფენს.
დამხმარე ნივთიერებები:
ლაქტოზა მონოჰიდრატს, მაგნიუმის სტეარატი, კოლოიდური უწყლო კაჟბადი. კაფსულის გარსი: ჟელატინი, ტიტანის დიოქსიდი E 171, ცისფერი საღებავი V E131.
კეტონალი® ფორტე 100 მგ, შემოგარსული ტაბლეტების შემადგენლობა:
ყოველი ტაბლეტი შეიცავს 100 მგ კეტოპროფენს.
დამხმარე ნივთიერებები:
მაგნიუმის სტეარატი, კოლოიდური უწყლო კაჟბადი, პოვიდონი, სიმინდის სახამებელი, ტალკი, ლაქტოზა მონოჰიდრატი, მეთილჰიდროქსიპროპილცელულოზა, მაკროგოლი 400, ცისფერი საღებავი ინდიგოტინი E132, ტიტანის დიოქსიდი E 171, ტალკი, კარნაუბის ცვილი.

ჩვენებები
ამსუბუქებს სხვადასხვა წარმოშობის ტკივილს:
– პოსტტრავმატული ტკივილი (მაგალითად, სპორტული დაზიანებები, დაჭიმულობა ან კუნთების ან მყესების გადაძაბვა, ამოვარდნილობები, დაბეჟილობები),
– პოსტოპერაციული ტკივილი (მაგალითად, ორთოპედული ოპერაციის შემდგომი ტკივილი),
– ძვლის მეტასტაზების დროს ტკივილი პაციენტებში სიმსივნეებით,
– მტკივნეული მენსტრუაცია.
რევმატული დაავადაბების მკურნალობა:
კეტოპროფენი ამსუბუქებს ტკივილს სახსრებში, ამცირებს მათ შეშუპებას, შებოჭილობას და გააჩნია ანთების საწინააღმდეგო აქტივობა, ისეთი რევმატული დაავადებების დროს, როგორებიცაა:
– რევმატოიდული ართრიტი,
– სერონეგატიური სპონდილოართრიტი (მაანკილიზირებელი სპონდილიტი, ფსორიაზული ართრიტი და პოსტინფექციური რეაქციული ართრიტი),
– პოდაგრა, ფსევდოპოდაგრა,
– ოსტეოართრიტი,
– სახსარგარეთა რევმატიზმი (ტენდინიტი, ბურსიტი და მხრის სახსრის კაფსულიტი).

მიღების წესები და დოზები
კეტონალის ტაბლეტები ყოველთვის მიიღეთ ზუსტად ექიმის დანიშნულების მიხედვით. თუ რამეში არ ხართ დარწმუნებული მიიღეთ ექიმის ან ფარმაცევტის კონსულტაცია.
არასასურველი ეფექტების მინიმუმამდე დაყვანა შეიძლება, თუ გამოვიყენებთ უმცირეს დოზას მკურნალობიოსათვის საჭირო ყველაზე ხანმოკლე პერიოდში.
ნუ შეცვლით დოზას და ნუ შეწყვეტთ მკურნალობას ექიმთან წინასწარი კონსულტაციის გარეშე.
კეტონალი 50 მგ კაფსულებით მკურნალობა
ჩვეულებრივ დოზად ითვლება კეტონალის ერთი კაფსულას (50 მგ) დილით, სადილზე და საღამოს.
რევმატოიდული ართრიტისა და ოსტეოართრიტის მკურნალობისათვის რეკომენდებულია დოზაა ერთი კაფსულა ყოველ 6 საათში.
თუ თქვენ ღებულობთ კეტონალის კაფსულას სუსტი ან ზომიერი ტკივილის ან დისმენორეის დროს ტკივილის მოსახსნელად, რეკომენდებულ დოზად ითვლება ერთი კაფსულას ყოველ 6-8 საათში.
კეტონალ ფორტე 100 მგ ტაბლეტებით მკურნალობა
ჩვეულებრივ დოზად ითვლება კეტონალ ფორტეს ერთი ტაბლეტი (100 მგ) არა უმეტეს ორჯერ დღეში.
რევმატოიდული ართრიტისა და ოსტეოართრიტის მკურნალობისათვის რეკომენდებულია დოზაა ერთი ტაბლეტი არა უმეტეს ორჯერ დღეში.
კეტონალის კაფსულებისა და კეტონალ ფორტეს ტაბლეტების კომბინირება შეიძლება კეტონალის სანთლებთან, მაგალითად:
– კეტონალის ერთი კაფსულა (50 მგ) დილით და დღისით და კეტონალის ერთ სანთელი (100 მგ) საღამოს ან
– კეტონალ ფორტეს ერთი ტაბლეტი (100 მგ) დილით და დღისით და კეტონალის ერთ სანთელი (100 მგ) საღამოს
კეტოპროფენის მაქსიმალური დღიური დოზაა 200 მგ.
მიიღეთ კეტონალის კაფსულები და კეტონალ ფორტეს ტაბლეტები ჭამის დროს ან ჭამის შემდეგ, სულ მცირე 100 მლ წყლის ან რძის მიყოლებით.
ამავდროულად კეტოპროფენის საჭმლისმომნელებელი სისტეემაზე არასასურველი ეფექტის შესამცირებლად შეიძლება ანტაციდების მიღება (წამალი, რომელიც თრგუნავს კუჭში მარილმჟავას წარმოქმნას).
ნუ დააქუცმაცებთ და ნუ დაღეჭავთ კეტონალის კაფსულებს და კეტონალ ფორტეს ტაბლეტებს.
ნუ დაგავიწყდებათ თქვენი წამლის მიღება!
მკურნალობის ხანგრძლივობას დაგიდგენთ თქვენი ექიმი.
თუ შეგექმნათ შთაბეჭდილება, რომ წამლის ეფექტი ან ძალიან სუსტია ან ძალიან ძლიერია, უთხარით ამის შესახებ თქვენს ექიმს ან ფარმაცევტს.
ხანდაზმულბი: ხანდაზმულებს ჩვეუებრივ ენიშნებათ შემცირებული დოზირება.
ბავშვები: 15 წლამდე ასაკის ბავშვებისათვის დოზირება დადგენილი არ არის.
ამ სამკურნალო პრეპარატის გამოყენებასთან დაკავშირებით დამატებითი შეკითხვების არსებობისას მიმართეთ თქვენს ექიმს ან ფარმაცევტს.

გვერდითი მოვლენები
სხვა წამლების მსგავსად კეტოპროფენს შეუძლია ზოგჯერ გამოიწვიოს ზოგიერთი არასასურველი მოვლენა.
კეტოპროფენის უმნიშვნელო გვერდით მოვლენებს, რომლებიც ხშირად ხანმოკლეა, მიეკუთვნებიან მოვლენები კუჭ-ნაწლავის მხრიდან, როგორებიცაა საჭმლის-მონელების დარღვევა (საკვების არასაკმარისი ან დარღვეული ათვისება); დისპეფსია (ჭამის შემდეგ დისკომგორტი კუჭში), ღებინება, გულისრევა, ყაბზობა, მეტეორიზმი (კუჭში ან ნაწლავებში გაზების დაგროვება), ფაღარათი, გულძმარვა ან სხვა.
იშვიათად შეიძლება აღინიშნებოდეს სხვა მოვლენები, როგორებიცაა თავის ტკივილი, თავბრუ, მცირე დეზორიენტაცია, ძილიანობა, გუნება-განწყობილების შეცვლა (ემოციური სტატუსის შეცვლა) და უძილობა (დაძინების გაძნელება ან ანომალური გაღვიძება).
ზემოთ აღწერილი გვერდითი მოვლენების გამო ნერვიულობა არ ღირს, მანამ სანამ შემაწუხებელი არ გახდება, მაშინ მიმართეთ თქვენს ექიმს.
გამონაყარისა და ყურებში შუილის განვითარების შემთხვევაში დაუყოვნებლივ დაუკავშირდით თქვენს ექიმს.
ზოგიერთი გვერდითი მოვლენა შეიძლება მეტად სერიოზული იყოს, და თუ თქვენ ქვემოთ მოყვანილიდან ნებისმიერი შენიშნეთ, შეწყვიტეთ წამლის მიღება და დაუყოვნებლივ დაუკავშირდით თქვენს ექიმს:
– ქოშინი;
– ძლიერი ტკივილი გულმკერდში, სუნთქვის ხანმოკლე შეჩერება;
– გულის წასვლა;
– კანისა და სკლერების სიყვითლე;
– გამოყოფილი შარდის რაოდენობის შემცირება;
– კანზე გამონაყარი, შეშუპება, გამოხატული თავბრუ ან გაძნელებული სუნთქვა,
– ქავილი, შეშუპებული, შეწითლებული, ბუშტუკებით დაფარული, მტკივნეული ან აქერცვლადი კანი;
– ხელების, კოჭების, ტერფების, სახის, ტუჩების, თვალების, ხორხის ან ენის შეშუპება;
– ყლაპვისა და სუნტქვის გაძნელება;
– კიდურების ცალმხრივი სისუსტე;
– ფოტომგრძნობელობა;
– კოჭების შეშუპება;
– სისხლიანი ან ყავის ნალექის ფერის პირღებინება;
– ცვილისებრი განავალი ან სიხლიანი ფაღარათი;
– სისხლჩაქცევები სხეულზე.
ნუ ინერვიულებთ ამ ჩამონათვალის გამო. უმეტესობა კეტონალს ღებულობს ყოველგვარი პრობლემის გარეშე.
ყველა წამალს შეიძლება ჰქონდეს გვერდითი მოვლენები, რომლებიც არ არის აღწერილი ინსტრუქციაში. თუ წამლის მიღების დროს ჯანმრთელობის მხრივ რაიმე ცვლილებას შენიშნავთ აცნობეთ ამის შესახებ ექიმს.
აღწერილია შემდეგი გვერდითი მოვლენები:
ძალიან ხშირი (1-ზე მეტი 10 ნამკურნალევი პაციენტიდან):
– დისპეფსია (დისკომფორტი კუჭში ჭამის შემდეგ).
ძალიან ხშირი (1-ზე მეტი 100-დან, მაგრამ 1-ზე ნაკლები 10 პაციენტიდან):
– დეპრესია; გაღიზიანება; ღამის კოშმარები (დაძინების შიში), ძილიანობა;
– თავის ტკივილი; ასთენია (სისუსტე); ზოგადი სისუსტე; დაღლილობა; თავბრუ; თავბრუ; პარესთეზია (ჩხვლეტის შეგრძნება ან მგრძნობელობის დაქვეითება);
– მხედველობის დარღვევა;
– ხმაური ყურებში (მაგალითად შუილი);
– შეშუპება (გენერალიზებული შეშუპება)
– გულისრევა; ტკივილი მუცელში; ფაღარათი; ყაბზობა; მეტეორიზმი (გაზების დაგროვება კუჭში ან ნაწლავებში); ანორექსია (მადის დაკარგვა); ღებინება; სტომატიტი (პირის ღრუს ლორწოვანის ანთება).
ხანგრძლივი გამოყენების შემთხვევაში, განსაკუთრებით მაღალ დოზებში, ყველაზე ხშირად აღინიშნება დაწყლულება, კუჭ-ნაწლავიდან სისხლდენები და პერფორაცია.
– კანზე გამონაყარი
არახშირი (1-ზე მეტი 1000-დან, მაგრამ 1-ზე ნაკლები 100 პაციენტიდან):
– ანემია (ერითროციტების რაოდენობის შემცირება); ჰემოლიზი (ერითროციტების გაძლიერებული დარღვევა); პურპუა (კანის შეწითლება); თრომბოციტოპენია (თრომბოციტების დაბალი დონე); აგრანულოციტოზი (ლეიკოციტების დეფიციტი, რომელიც იწვევს ცხელებას, ტკივილს ყელში, ინფექციების უფრო ხშირ განვითარებას).
კეტოპროფენის მაღალ დოზებს შეუძლია გააგრძელოს სისხლდენის დრო;
– ასთმა, ასთმის გართულება, ბრონქოსპაზმი (გაძნელებული სუნთქვა ქოშინით ან ხველით), დისპნოე (სუნთქვის გაძნელება), განსაკუთრებით პაციენტებში ალერგიით ასპირინის ან სხვა არაეეროიდული ანთების საწინააღმდეგო საშუალებების მიმართ.
– სისხლიანი ხველა (სისხლიანი ნახველი); ფარინგიტი (ტკივილი ყელში), რინიტი (სურდო, ცემინება), ხორხის შეშუპება (შეშუპება ყელში);
– გულის უკმარისობა, მაღალი არტერიული წნევა (ჰიპერტენზია).
მაღალი დოზების ხანგრძლივი გამოყენება ზრდის არტერიული თრომბოზების განვითარების საშიშროებას (გულის შეტევა ან ინსულტი);
ალოპეცია (თმების ცვენა); ეგზემა (წითელი ფერის გამონაყარი ქავილით); პურპურას სგავსი გამონაყარი; ოფლიანობა; ჭინჭრის ციება; ექსფოლიაციური დერმატიტის (კანის დაავადება მისი აქერცვლით);
– მენომეტრორაგია (გაძლიერებული სისხლდენა საშვილოსნოდან, რომელიც მენსტრუალური ციკლის მერეც გვხვდება).
იშვიათი (1-ზე მეტი 10 000-დან, მაგრამ 1-ზე ნაკლები 1000 პაციენტიდან):
– დელირიუმი (მეტყველების დარღვევა, მძიმე დეზორიენტაცია) მხედველობითი და სმენითი ჰალუცინაციებით (არარეალური საგნების დანახვა, შეგრძნება ან მოსმენა); დეზორიენტაცია;
– ფოტომგრძნობელობა (კანის ჰიპერმგრძნობელობა მზის შუქისადმი);
– წყლულოვანი სტომატიტი, გასტრიტის (ტკივილი მუცელში, გულისრევა); პეპტიური წყლული, კუჭ-ნაწლავიდან სისხლდენები (სისხლიანი ან ყავის ნალექის ფერის ღებინება ან შავი განავალი).
ძალიან იშვიათი (1-ზე ნაკლები 10 000 პაციენტიდან):
– ანგიოშეშუპება (უპირატესად სახისა და ყელის შეშუპება) და ანაფილაქსია (სუნთქვის გაძნელება, თავბრუ);
– კოლიტი (მსხვილი ნაწლავის ანთებითი დაავადება), წვრილი ნაწლავის პერფორაცია (საჭმლისმომნელებელი სისტემის რომელიმე ნაწილის კედელში ხვრელი) და სხვადასხვა ნაწლავური დაავადების გამწვავება (წყლულოვანი კოლიტი, კრონის დაავადება, ენტეროპათია);
– ღვიძლის მძიმე დაზიანება სიყვითლით (კანისა და სკლერების ყვითელი შეფერილობა) და ღვიძლის ანთება (ჰეპატიტი).
– კანის ბულოზური რეაქციები, როგორიცაა სტივენს-ჯონსონის სინდრომი (კანზე ბუშტუკოვანი გამონაყარი); ტოქსიკური ეპიდერმული ნეკროლიზი (გამონაყარი, კანის გაწითლება, ტუჩებზე, თვალებში ან პირში ბუშტუკების განვითარება, კანის აქერცვლა, ცხელება); ექსფოლიაციური დერმატიტი (კანის დაავადება აქერცვლით).
– თირკმლების მწვავე უკმარისობა, ინტერსტიციალური ნეფრიტი (თირკმლების ანთება); ნეფროზული სინდრომი (გამოხატული შეშუპებებით); მწვავე პიელონეფრიტი (ცხელება, ტკივილი გვერდებში, შარდში სისხლის არსებობა).
თუ რომელიმე გვერდითი მოვლენის მიმდინარეობა გართულდება ან შენიშნავთ გვერდით მოვლენებს, რომლებიც არ არის აღწერილი მოცემულ ინსტრუქციას, გთხოვთ აცნობოთ ამის შესახებ ექიმს ან ფარმაცევტს.

უკუჩვენება
– თუ გაქვთ ალერგია (ჰიპერმგრძნობელობა) კეტოპროფენის ან პრეპარატის ნებისმიერი პრეპარატის მიმართ.
– თუ წარსულში ჰქონდათ ასთმა, ჭინჭრის ციება (გამონაყარი) ან კეტოპროფენით ან მსგავსი მოქმედების ნივთიერებით (სხვა არასტეროიდული ანთების საწინააღმდეგო ნივთიერები ან სალიცილატები, ასპირინი) გამოწვეული ალერგიული ტიპის რეაქციები
– გულის მძიმე უკმარისობა;
– თუ ემზადებით ოპერაციისათვის ან ჩაგიტარდათ აორტოკორონარული შუნტირების ოპერაცია;
– თუ განვითარდა საჭმლის-მონელების აშლილობა ან ადრე აღინიშნებოდა დისკომფორი ან ტკივილი მუცლის ზედა ნაწილში (ქრონიკული დისპეფსია);
– კუჭის ან თორმეტგოჯა ნაწლავის მწვავე წყლული ან სისხლდენა კუჭ-ნაწლავიდან, პერფორაცია
– კუჭ-ნაწლავის, ცერებროვასკულარული ან სხვა ნებისმიერი მწვავე სისხლდენა;
– მიდრეკილება სისხლდენებისადმი;
– ღვიძლის მძიმე დაავადება;
– თირკმლების მძიმე დაავადება;
– ასთმა ან რინიტი (სურდო, ცემინება),
– ორსულობის ბოლო ტრიმესტრი;
– 15 წლამდე ასაკი.
კეტონალის კაფსულების და კეტონალ ფორტეს ტაბლეტები შეიცავენ ლაქტოზას.
კეტონალის ტაბლეტები და კაფსულები თქვენ არ უნდა მიიღოთ, თუ გაქვთ მემკივდრეობითი პრობლემები, რომლებიც დაკავშირებულია გალაქტოზას აუტანლობასთან, ლაქტაზას დეფიციტთან ან გლუკოზას ან გალაქტოზას დარღევულ შეწოვასთან.

ორსულობა და ლაქტაცია
თუ დაფეხმძიმდით მკურნალობის დროს, დაუყოვნებლივ ეწვიეთ თქვენს ექიმს. პირველი და მეორე ტრიმესტრის დროს კეტოპროფენი გამოიყენება მხოლოდ იმ შემთხვევაში, თუ მოსალოდნელი სარგებელი დედისათვის აღემატება შესაძლო რისკს ნაყოფისათვის.
ნუ მიიღებთ კეტოპროფენს ორსულობის ბოლო ტრიმესტრში, ვინაიდან არასტეროიდულ ანთების საწინააღმდეგო პრეპარატებს შეუძლია გამოიწვიოს ნაყოფის სერიოზული პრობლემები ან გართულებები მშობიარობის დროს.
ძუძუთი კვება
ძუძუთი კვების დროს ნუ მიიღებთ კეტოპროფენს.

განსაკუთრებული მითითებები
აცნობეთ თქვენს ექიმს თქვენს ჯანმრთელობასთან დაკავშირებული პრობლემების შესახებ, განსაკუთრებით მაშინ თუ:
– წარსულში გქონდათ აშლილობები კუჭ-ნაწლავის ტრაქტის მხრიდან (შეიძლება გამწვავდეს წყლულოვანი კოლიტის ტიპის დაავადებები ან კრონის დაავადება);
– დარღვეული გაქვთ სისხლის შედედება;
– დარღვეული გაქვთ ღვიძლის ან თირკმლების ფუნქცია;
– გაწუხებთ მაღალი არტერიული წნევა (ჰიპერტენზია) და/ან სუსტად ან ზომიერად გამოხატული შეგუბებითი გულის უკმარისობა, პერიფერული ან ცერებრული არტერიების დაავადებები;
– გაქვთ დიაბეტი ან სისხლში ქოლესტერინის მაღალი დონე;
– გაწუხებთ ინფექციური დაავადებები;
– ღებულობთ ნებისმიერ სხვა წამლებს;
– ყოველდღიურად სვავთ 3 ან მეტ პორცია ალკოჰოლს ან ეწევით;
– დაგეგმილი გაქვთ ქირურგიული ოპერაცია;
– ხართ ხანდაზმული, სათანადოდ უნდა აკონტროლოთ ნებისმიერი უჩვეული სიმპტომის გამოვლენა (განსაკუთრები კუჭ-ნაწლავიდან სისხლდენები), განსაკუთრების მკურნალობის საწყის ეტაპებზე.
ზოგიერთ წამალს ან თერაპიულ რეჟიმს შეუძლია ურთიერთქმედება კეტოპროფენთან. აცნობეთ ექიმს ყველა გამოწერილი ან ურეცეპტო წამლების შესახებ, რომლებსაც ღებულობთ.
კეტოპროფენის გამოყენებამ შეიძლება შეამციროს ფერტილობა, ამიტომ ის არ არის რეკომენდებული ქალებში, რომლებიც დაფეხმძიმებას გეგმავენ.

ავტომობილის მართვა და მექანიზმებთან მუშაობა
ძალიან იშვიათად მგრძნობიარე პირებში არასტეროიდულმა ანთების საწინააღმდეგო საშუალებებმა შეიძლება ზოგჯერ გამოიწვიონ თავბრუსხვევა, მოდუნება და არამკაფიო მხედველობის, თუ ასეთი პაციენტების ჯგუფს მიეკუთვნებით მკურნალობის დროს ნუ დაჯდებით საჭესთან და ნუ იმუშავებთ მექანიზმებთან.

ჭარბი დოზირება
თუ შემთხვევით მიიღეთ კეტონალი კაფსულების და კეტონალ ფორტეს ტაბლეტების საჭიროზე მეტი დოზა, დაუყოვნებლივ მიმართეთ ექიმს ან უახლოესი საავადმყოფოს მიმღებ გაყოფილებას. უჩვენეთ მათ თქვენი წამლის კოლოფი.
ჭარბ დოზას შეუძლია გამოიწვიოს გულისრევა, ღებინება, ტკივილი მუცლის ზედა ნაწილში (ეპიგასტრალური ტკივილი), სისხლიანი ღებინება, შავი განავალი, ცნობიერების დარღვევა, სუნთქვის დათრგუნვა, თირკმლების ფუნქციის დარღვევა და თირკმლის უკმარისობა.
დოზის გამოტოვების შემთხვევაში, ჩვეულებრივად განაგრძეთ მომდევნო დოზის მიღება. გამოტოვებულის ასანაზღაურებლად ნუ მიიღებთ ორმაგ დოზას.

სხვა წამლებთან ურთიერთქმედება
ზოგიერთი წამალს შეუძლია შეცვალოს კეტოპროფენის ურთიერთქმედება:
– ნუ გამოიყენებთ კეტოპროფენს სხვა არასტეროიდულ ანტირევმატულ წამლებთან ან სალიცილატებთან (მაგალითად, ასპირინთან).
– კეტოპროფენთან ერთდროული გამოყენებისას შეიძლება შემცირდეს ანტიჰიპერტონული წამლების ან შარდმდენი წამლების ეფექტი.
თირკმლების ფუნქციის დარღვევის რისკი უფრო მაღალია პაცენტებში, რომლებიც ღებულობენ აპფ ინჰიბიტორებს ან შარდმდენებს.
კეტოპროფენთან ერთდროული გამოყენებისას შეიძლება გაიზარდოს ეპილეფსიისა და დიაბეტის დროს დანიშნული წამლების ეფექტი.
– სისხლდენების საშიშროება მატულობს კეტოპროფენისა და იმ წამლების ერთდროული დანიშვნისას, რომლებიც გამოიყენება სისხლის კოლტების მკურნალობასა და წარმოქმნის პროფილაქტიკაში, ისეთების როგორებიცაა ვარფარინი (ანტიკოაგულანტები), კორტიკოსტეროიდები და ანტითრომბოციტარლური საშუალებები.
– სისხლდენების რისკი მატულობს პაციენტებში, რომლებიც ღებულობენ ანტიდეპრესიულ საშუალებებს (სეროტონინის უკუ-შებოჭვის სელექტიური ინჰიბიტორების ჯგუფიდან).
– თუ კეტოპროფენთან ერტდროულად მიიღება საგულე გლიკოზიდები, ლითიუმის პრეპარატები, ციკლოსპორინი ან მეთოტრექსატი, ამ პრეპარატის ელიმინაცია შეიძლება მცირდებოდეს, ხოლო მათი მავნე ზეგავლენა იზრდებოდეს.
– მიფეპრისტონის მოქმედება შეიძლება შემცირდეს ერთდროული გამოყენებისას არასტეროიდულ ანტირევმატულ საშუალებებთან. არასტეროიდული ანტირევმატული საშუალებები არ უნდა იქნეს მიღებული მიფეპრისტონის მიღებიდან 9-12 დღის განმავლობაში.

შენახვის პირობები და ვადები
ინახება ბავშვებისათვის მიუწვდომელ ადგილას.
ინახება არა უმეტეს 25ºC ტემპერატურის პირობებში.
ინახება ორიგინალურ შეფუთვაში.
ვარგისიანობის ვადა აღნიშნულია შეფუთვაზე.
ნუ გამოიყენებთ შეფუთვაზე აღნიშნული ვარგისიანობის ვადის გასვლის შემდეგ.

აფთიაქში გაცემის წესი
გაიცემა მხოლოდ ექიმის რეცეპტით.

მწარმოებელი ფირმა, ქვეყანა
ლეკ დ.დ
სლოვენია