ამოქსიკლავი
AMOKSIKLAV

საერთაშორისო დასახელება – amoxicillin, clavulanic acid

კლინიკურ-ფარმაკოლოგიური ჯგუფი – ბეტა ლაქტამური ანტიბიოტიკები (პენიცილინები და ცეფალოსპორინები); ამოქსიცილინისა და კლავულანის მჟავას კომბინირებული პრეპარატები

შემადგენლობა და გამოშვების ფორმა
ტაბლეტი #10, #14 ან #20

ამოქსიკლავი® 2X 625 მგ შემოგარსული ტაბლეტები
ამოქსიკლავი® 2X 1000 მგ შემოგარსული ტაბლეტები
თითოეული 625 მგ ტაბლეტი შეიცავს: 500 მგ ამოქსიცილინის ტრიჰიდრატის სახით და 125 მგ კლავულანის მჟავას კალიუმის მარილის სახით.
თითოეული 1000 მგ ტაბლეტი შეიცავს: 875 მგ ამოქსიცილინის ტრიჰიდრატის სახით და 125 მგ კლავულანის მჟავას კალიუმის მარილის სახით.
დამხმარე ნივთიერებები: ბირთვი: კოლოიდური უწყლო კაჟბადის დიოქსიდი, კროსპოვიდონი, ნატრიუმის კროსკარმელოზა, მაგნიუმის სტეარატი, მიკროკრისტალური ცელულოზა.
გარსი: ჰიდროქსიპროპოლცელულოზა, ეთილცელულოზა, პოლისორბატი 80, ტრიეთილ ციტრატი, ტალკი, ტიტანის დიოქსიდი E 171.

ჩვენებები
რა არის და რისთვის გამოიყენება ამოქსიკლავი
ამოქსიკლავი არის ანტიობიოტიკი, რომელიც გამოიყენება ინფექციების სამკურნალოდ. ის მიეკუთვნება ბეტა-ლაქტამური ანტიბიოტიკების ჯგუფს. ის სპობს ინფექციის გამომწვევ ბაქტერიებს. პრეპარატი ფლობს ანტიბაქტერიული აქტივობის ფართო სპექტრს.
ამოქსიკლავი გამოიყენება ბაქტერიული ინფექციების ფართო სპექტრის სამკურნალოდ, მათ შორის:
-ზედა სასუნთქი გზების ინფექციები (ყელ-ყურ-ცხვირის პათოლოგიების ჩათვლით), ძირითადად, სინუსიტი, შუა ყურის ანთება, რეციდიული ტონზილიტი;
-ქვედა სასუნთქი გზების ინფექციები, ძირითადად, ბრონქოპნევმონია და ქრონიკული ბრონქიტის მძიმე გამწვავება;
-შარდ-სასქესო ტრაქტის და მუცლის ღრუს ორგანოების ინფექციები, ძირითადად, ცისტიტი (განსაკუთრებით რეციდიული ან გართულებული-გამონაკლისია პროსტატიტი), სეპტიური აბორტები, მენჯის ან მშობიარობის შემდგომი სეფსისი და ინტრააბდომინალური სეფსისი;
-კანისა და რბილი ქსოვილების, ასევე შემაერთებელი ქსოვილის ინფექციები, რომელთა გამომწვევი შეიძლება იყოს ცხოველების ნაკბენი, და მიმდებარე ქსოვილების ანთებით მიმდინარე მძიმე სტომატოლოგიური აბსცესები.

მიღების წესები და დოზები
პრეპარატი მიიღება უშუალოდ კვების წინ, რათა თავიდან ავიცილოთ კუჭ-ნაწლავის დარღვევები.
დოზა
ექიმი დაგინიშნავთ დოზას (ტაბლეტების რაოდენობა) და მკურნალობის კურსს. მოზრდილებისა და მოზარდებისათვის (12 წელზე უფროსი ასაკის და სხეულის წონით არანაკლებ 40 კგ) ჩვეულებრივ დოზას წარმოადგენს: 1000 მგ 1 ტაბლეტი დღეში 2-ჯერ ან 625 მგ 1 ტაბლეტი 2 ან 3-ჯერ დღეში (ინფექციის სიმძიმის მიხედვით).
მსუბუქი და საშუალო სიმძიმის ინფექციების დროს 625 მგ 1 ტაბლეტი ყოველ 12 საათში და უფრო მძიმე ინფექციებისას 625 მგ 1 ტაბლეტი ყოველ 8 საათში.

გამოყენების წესი
ტაბლეტი ჩაიყლაპება მთლიანად დაღეჭვის გარეშე და 1 ჭიქა წყლის დაყოლებით. ეცადეთ ტაბლეტები მიიღოთ ერთი და იგივე დროს. საუკეთესო შედეგის მისარწევად მიიღეთ უშუალოდ ჭამის წინ.

გამოყენების ხანგრძლივობა.
მკურნალობის კურსის ხანგრძლივობას განსაზღვრავს ექიმი.
როგორც წესი ამოქსიკლავი გამოიყენება კიდევ 3-4 დღის განმავლობაში სიმპტომების გაუმჯობესების შემდეგ, მაგრამ მისი გამოყენების ხანგრძლივობა არ უნდა იყოს მკურნალობის სტანდარტულ რეკომენდებულ მინიმალურ პერიოდზე ნაკლები. პრეპარატის გამოყენება არ შეიძლება 2 კვირაზე ხანგრძლივად ექიმის ხელახალი კონსულტაციის გარეშე.
ბეტა-ჰემოლიზური სტრეპტოკოკებით გამოწვეული ინფექციებისას გვიანი გართულებების (მაგ.: რევმატიული ცხელების, გლომერულონეფრიტის) განვითარების პრევენციის მიზნით მკურნალობის ხანგრძლივობამ უნდა შეადგინოს არანაკლებ 10 დღე.
მდგომარეობის გაუმჯობესების შემთხვევაშიც კი პრეპარატის მიღების შეწყვეტა ექიმის მიერ დანიშნულ დროზე ადრე არ შეიძლება. თუ ტაბლეტების მიღებას შეწყვიტავთ მკურნალობის კურსის დასრულებამდე ზოგიერთი ბაქტერია შეიძლება გადარჩეს და თავიდან გამოიწვიოს ინფექცია.
მაგრამ, თუ მკურნალობის კურსის დასრულებისას თქვენ ისევ ცუდად გრძნობთ თავს მიმართეთ ექიმს.

გვერდითი მოვლენები
ისევე, როგორც სხვა სამკურნალო პრეპარატებმა, ამოქსიკლავმა შეიძლება გამოიწვიოს გვერდითი ეფექტები, თუმცა ისინი არ ვითარდებიან ყველა პაციენტში. ჩვეულებრივ, ეს ეფექტები უმნიშვნელო სიმძიმისაა და ატარებენ გარდამავალ ხასიათს.
ისევე, როგორც სხვა პრეპარატები, ამოქსიკლავი ძალიან იშვიათად ან იშვიათად იწვევს სერიოზულ უარყოფით რეაქციას. დაუყოვნებლივ შეწყვიტეთ პრეპარატის გამოყენება და მიმართეთ მკურნალ ექიმს ან უახლოეს სამკურნალო დაწესებულებას, თუ გაგინვითარდათ:
-სახის, ტუჩების, პირის ღრუს და ყელის ლორწოვანი გარსების ან სხეულის სხვა ნაწილების შეშუპება, რომლებმაც შეიძლება გამოიწვიონ გართულებული ყლაპვა და სუნთქვა;
-ქავილით, მაგალითად ჭინჭრის ციების ტიპის გამონაყარით, მიმდინარე კანის ალერგიული რეაქციები;
-სიყვითლე (კანის ან თვალის სკლერის გაყვითლება).
ასეთ შემთხვევაში საჭიროა გადაუდებელი სამედიცინო დახმარება ან ჰისპიტალიზაცია.

ასევე, რაც შეიძლება სწრაფად, მიმართეთ თქვენს მკურნალ ექიმს თუ გაგინვითარდათ შემდეგი ნიშნები:
-შარდის გამუქება და განავალის გაუფერულება
-კუჭ-ნაწლავის სისხლდენით მიმდინარე მძიმე დიარეა (არის ფსევდომემბრანული კოლიტის განვითარების შესაძლებლობა)
-ბუშტების განვითარება ან კანის აქერცვლა, ასევე, კანის სიწითლე ან კანზე სისხლჩაქცევების განვითარება
-თუ ბავშვი გამოყოფს ჩვეულებრივთან შედარებით შარდის მცირე რაოდენობას (არის თირკმელების ანთებითი დაავადების განვითარების შესაძლებლობა – ინტერსტიციალური ნეფრიტი ან შარდში კრისტალების ფორმირების გამო მილაკების ბლოკადა)
-რეაქციები სისხლის მხრიდან, რომლებიც იწვევენ სისხლჩაქცევებს, ხშირ ინფექციებს (მაგალითად, ფარინგიტი) ან ანემიას
-კრუნჩხვა.
ესენი არიან სერიოზული არასასურველი გვერდითი ეფექტები, რომლებიც ვითარდებიან ძალიან იშვიათად, მაგრამ საჭიროებენ სამედიცინო დახმარებას.
სხვა გვერდითი ეფექტები:
ხშირად განვითარებული გვერდითი ეფექტები (ვითარდება 100 პაციენტიდან 1-ზე მეტ და 10-დან 1-ზე ნაკლებ შემთხვევაში):
-რძიანა (საფუარის სოკოთი გამოწვეული პირის ღრუს, საშოს და კანის ნაკეცების ინფექცია); რძიანას სამკურნალოდ დახმარების აღმოსაჩენად მიმართეთ თქვენს მკურნალ ექიმს ან ფარმაცევტს;
-კუჭ-ნაწლავის დარღვევები, ღებინების, გულისრევის ან დიარეის ჩათვლით;
-პერიანალური მიდამოს კანის ქავილი.
იშვიათად განვითარებული გვერდითი ეფექტები (ვითარდება 10 000 პაციენტიდან 1-ზე მეტ და 1000-დან 1-ზე ნაკლებ შემთხვევაში):
-თავის ტკივილი, თავბრუსხვევა;
-მუცლის ტკივილი, პირის ღრუს ლორწოვანი გარსის ანთება;
– შესაძლოა კბილების ფერის შეცვლა, რომელიც გადის კბილების გამოხეხვისთანავე.
ძალიან იშვიათად განვითარებული გვერდითი ეფექტები (ვითარდება 10 000 პაციენტიდან 1-ზე ნაკლებ შემთხვევაში):
-ენამ შეიძლება მიიღოს ყავისფერი ან შავი შეფერილობა;
-კრისტალები შარდში, რომლებიც, როგორ წესი, ვლინდებიან მხოლოდ მიკროსკოპში; შარდის შემღვრევა, მძიმე და მტკივნეული შარდვა;
-ჰიპერაქტიურობა, შიშის გრძნობა, ძილიანობა, გონების არევა, აგრესია;
-ცხელება.
სერიოზული ან ისეთი ახალი გვერდითი ეფექტის განვითარებს შემთხვევაში, რომელიც არ არის აღწერილი მოცემულ ინსტრუქციაში, დაუყოვნებლივ მიმართეთ ექიმს ან ფარმაცევტს.

უკუჩვენება
არ გამოიყენოთ ამოქსიკლავი 2X
-თუ თქვენ გაქვთ ალერგია ამოქსიცილინის ან მოცემული პრეპარატის სხვა ნებისმიერი სხვა კომპონენტის მიმართ;
-თუ თქვენ გაქვთ ალერგია პენიცილინის ჯგუფის ანტიბიოტიკების მიმართ.
ტერმინი ალერგია ნიშნავს, რომ ადრე, პრეპარატის გამოყენებისას, თქვენ გივითარდებოდათ რეაქციები კანის გამონაყარის, სახის, კისრის ან სხეულის შეშუპების, ასევე სუნთქვის გართულების სახით.
-ღვიძლის ფუნქციის მძიმე დარღვევებისას, ან, თუ ადრე, პენიცილინის ჯგუფის ანტიბიოტიკების ან ამოქსიცილინი/კლავულანის მჟავის კომბინაციის შემცველი პრეპარატების გამოყენებისას გივითარდებოდათ ქოლესტატური სიყვითლე ან ღვიძლის დისფუნქია;
-თუ თქვენ დაავადებული ხართ მონოციტარული ანგინით (ინფექციური მონონუკლეოზი) ან ლიმფოლეიკოზით.

ამოქსიკლავით მკურნალობისას დაიცავით განსაკუთრებული სიფრთხილე
-თუ თქვენ გაქვთ ღვიძლის ან თირკმელების ფუნქციის დარღვევები; ასეთ შემთხვევაში, თქვენი მკურნალი ექიმი გააკორექტირებს პრეპარატის დოზას ან გაზრდის პრეპარატის მიღებებს შორის ინტერვალს;
-თუ თქვენ გაქვთ მძიმე ალერგიული დაავადებები ან ბრონქიალური ასთმა.
მძიმე დიარეის და/ან გულისრევის მქონე ბავშვებში პრეპარატის გამოყენებისას საჭიროა განსაკუთრებული სიფრთხილის დაცვა.
პრაქტიკულად ნებისმიერი ანტიბაქტერიული პრეპარატის გამოყენებისას არსებობს როგორც მსუბუქი, ასევე მძიმე, ავადმყოფის სიცოცხლისათვის საშიში, ფსევდომემბრანული კოლიტის განვითარების საშიშროება. თუ ადრე, ანტიბაქტერიული პრეპარატების გამოყენებისას თქვენ გივითარდებოდათ მძიმე დიარეა, შეატყობინეთ ამის შესახებ ექიმს. თუ თქვენ იყენებდით მოცემულ პრეპარატს ხანგრძლივი დროის განმავლობაში, არსებობს რეზისტენტული ბაქტერიებით ან სოკოებით განვითარებული ინფექციების წარმოშობის საშიშროება.
მოცემული პრეპარატით მკურნალობის პერიოდში, კრისტალურიის (შარდში კრისტალების წარმოშობა) განვითარების თავიდან აცილების მიზნით, საჭიროა სითხის ჭარბი რაოდენობით მიღება.
ჩამოთვლილი მდგომარეობებიდან ნებისმიერის განვითარების შემთხვევაში, შეატყობინეთ ამის შესახებ თქვენს ექიმს.

ორსულობა და ლაქტაცია
შეატყობინეთ თქვენ ექიმს, თუ თქვენ ხართ ორსულად (ან ფიქრობთ, რომ ხართ ორსულად) ან ბავშვი გყავთ ბუნებრივ კვებაზე. ისევე, როგორც სხვა პრეპარატები, არ არის რეკომენდებული ამოქსიკლავის გამოყენება ორსულობის დროს. მოცემული პრეპარატის გამოყენების საჭიროების საკითხს გადაწყვეტს თქვენი მკურნალი ექიმი. ზუსტად შეასრულეთ თქვენი მკურნალი ექიმის ინსტრუქცია.
ნებისმიერი პრეპარატის გამოყენებამდე მიიღეთ თქვენი მკურნალი ექიმის ან ფარმაცევტის კონსულტაცია.
დასაშვებია ამოქსიკლავის გამოყენება ლაქტაციის დროს. დედის რძეში პრეპარატის ნარჩენი რაოდენობის გამოყოფასთან დაკავშირებით განვითარებული სენსიბილიზაციის (ჰიპერმგრძნობელობა) საშიშროების გარდა, ბუნებრივ კვებაზე მყოფ ბავშვებზე სხვა უარყოფითი ზემოქმედების განვითარება არ აღმოჩენილა. ზუსტად შეასრულეთ თქვენი მკურნალი ექიმის ინსტრუქცია.
ნებისმიერი პრეპარატის გამოყენებამდე მიიღეთ თქვენი მკურნალი ექიმის ან ფარმაცევტის კონსულტაცია.

განსაკუთრებული მითითებები
სატრანსპორტო საშუალებების და მექანიზმების მართვა
ამოქსიკლავი პრაქტიკულად არ ახდენს ზემოქმედებას სატრანსპორტო საშუალებების და მექანიზმების მართვის უნარზე; თუმცა, იშვიათად შეიძლება განვითარდეს ისეთი არასასურველი გვერდითი ეფექტები, როგორიც არის თავბრუსხვევა, კრუნჩხვა, ცნობიერების არევა.

ჭარბი დოზირება
ჭარბი დოზის მიღების შემთხვევაში აუცილებელია ექიმთან მიმართვა და აჩვენეთ ტაბლეტების თქვენი შეფუთვა.
ჭარბი დოზის მიღებისას პაციენტთა უმეტესობას არანაირი სიმპტომი არ აღენიშნა, ან იყო უმნიშვნელო გამოვლინებები კუჭ-ნაწლავის ტრაქტის მხრივ ღებინების, მუცლის ტკივილის, გულისრევისა და დიარეის ჩათვლით. ძალიან იშვიათად აღინიშნა გამონაყარი კანზე, ჰიპერაქტიურობა, თავის ტკივილი, ძილიანობა, თირკმელების ანთებითი დაავადებები (ინტერსტიციური ნეფრიტი ან თირკმელების ფუნქციის დარღვევა შარდში კრისტალების წარმოქმნის გამო).

თუ თქვენ დაგავიწყდათ ამოქსიკლავი 2X მიღება
თუ თქვენ დაგავიწყდათ გამოწერილი პრეპარატის დოზის მიღება, მიიღეთ ის პირველივე შესაძლებლობისთანავე. შემდეგ განაგრძეთ მკურნალობა არსებული სქემის თანახმად. ამასთანავე შეეცადეთ, რომ პრეპარატის დოზის შემდეგ მიღებამდე გავიდეს არანაკლებ 4 საათი. არ მიიღოთ პრეპარატის ორმაგი დოზა გამოტოვებული კომპენსაციისათვის.

სხვა წამლებთან ურთიერთქმედება
თუ თქვენი იყენებდით რომელიმე სხვა, თუნდაც ურეცეპტოდ გაცემულ სამკურნალო პრეპარატს, გთხოვთ შეატყობინოთ ამის შესახებ ექიმს ან ფარმაცევტს.
შეატყობინეთ ექიმს, თუ თქვენ იღებთ ნებისმიერ ქვემოთ ჩამოთვლილ სამკურნალო პრეპარატს:
-ნებისმიერი ბაქტერიოსტატიკული ქიმიოთერაპევტული/ანტიბაქტერიული პრეპარატი (ქლორამფენიკოლი, მაკროლიდები, ტეტრაციკლინები ან სულფანილამიდები);
-მეტოტრექსატი;
-ალოპურინოლი (გამოიყენება პოდაგრას სამკურნალოდ);
-ორალური ანტიკოაგულანტები (სისხლის შედედების საწინააღმდეგო პრეპარატები, მაგალითად, ვარფარინი);
-პრობენეციდი;
-სულფასალაზინი;
-დიგოქსინი (საგულე საშუალება);
-დისულფირამი
-ორალური კონტრაცეპტივები: ვინაიდან ანტიბიოტიკმა შეიძლება შეამციროს ორალური კონტრაცეპტივების ეფექტურობა, დაორსულების პროფილაქტიკის მიზნით, საჭიროა კონტრაცეპციის დამატებითი მეთოდების გამოყენება, მაგალითად პრეზერვატივი.
მკურნალობის დროს შეიძლება შეიცვალოს სისხლის ანალიზის შედეგი ან განვითარდეს შარდში გლუკოზაზე ცრუდადებითი რეაქცია. ამიტომ, სისხლის ანალიზის ჩატარებამდე შეატყობინეთ თქვენ ექიმს ან მედ.დას, რომ თქვენ იღებდით ამოქსიკლავს.

შენახვის პირობები და ვადები
პრეპარატი ინახება ბავშვებისათვის მიუწვდომელ ადგილას!
პრეპარატის შენახვის ტემპერატურა არ უნდა აღემატებოდეს 25ºC
არ გამოიყენოთ კოლოფზე მითითებული შენახვის ვადის გასვლის შემდეგ.

აფთიაქში გაცემის წესი
რეცეპტით

კლინიკურ-ფარმაკოლოგიური ჯგუფი – ბეტა ლაქტამური ანტიბიოტიკები (პენიცილინები და ცეფალოსპორინები); ამოქსიცილინისა და კლავულანის მჟავას კომბინირებული პრეპარატები

შემადგენლობა და გამოშვების ფორმა
35 მლ, 50 მლ, 70 მლ ან 140 მლ შიგნით მისაღები სუსპენზიის დასამზადებელი ფხვნილი

ამოქსიკლავი® 2x 400 მგ+57 მგ/5მლ შიგნით მისაღები სუსპენზიის დასამზადებელი ფხვნილი
აქტიურ ნივთიერებებს წარმოადგენენ ამოქსიცილინი და კლავულანის მჟავა.
შიგნით მისაღები სუსპენზიის ყოველი 5 მლ (1 დოზირებული პიპეტი) შეიცავს 400 მგ ამოქსიცილინს ტრიჰიდრატის ფორმაში და 57 მგ კლავულანის მჟავას კალიუმის მარილის სახით.
დამხმარე ნივთიერებები
გაუწყოვნებული ლიმონმჟავა, ნატრიუმის ციტრატი, მიკროკრისტალური ცელულოზა, ნატრიუმის კარბოქსიმეთილცელულოზა, ქსანტის ფისი, უწყლო კოლოიდური კაჟბადის დიოქსიდი, ნატრიუმის საქარინი, მანიტოლი, ველური ალუბლისა და ლიმონის სუნის მქონე არომატიზატორი.

ჩვენებები
ამოქსიკლავი წარმოადგენს ანტიბიოტიკს, რომელიც გამოიყენება ინფექციური დაავადებების სამკურნალოდ. ის მიეკუთვნება ანტიბაქტერიული აქტივობის ფართო სპექტრის მქონე ბეტა-ლაქტამური ანტიბიოტიკების ჯგუფს. თავის სამკურნალო მოქმედებას ამოქსიკლავი ახდენს ბაქტერიების უჯრედოვანი კედლის სინთეზის შეფერხების გზით; შესაბამისად, ის სპობს ბაქტერიას, რომელიც წარმოადგენს ინფექციის გამომწვევს.
ამოქსიკლავი გამოიყენება ფართო სპექტრის ბაქტერიული ინფექციების სამკურნალოდ:
-ზედა სასუნთქი გზების ინფექციები (ყელ-ყურ-ცხვირის პათოლოგიების ჩათვლით), როგორიც არის მაგალითად, სინუსიტი, შუა ყურის ანთება, რეციდიული ტონზილიტი;
-ქვედა სასუნთქი გზების ინფექციები, ძირითადად, ბრონქოპნევმონიებისა და ქრონიკული ბრონქიტის მძიმე გამწვავება;
-შარდ-სასქესო ტრაქტისა და აბდომინალური ინფექციები;
-კანისა და რბილი ქსოვილების, ასევე შემაერთებელი ქსოვილის ინფექციები, მათ შორის, ცხოველთა ნაკბენი;
-მიმდებარე ქსოვილების ანთებით მიმდინარე მძიმე სტომატოლოგიური აბსცესები.

მიღების წესები და დოზები
დოზა
დოზას და პრეპარატის გამოყენების ჯერადობას განსაზღვრავს მკურნალი ექიმი. ეს დამოკიდებულია ინფექციის ტიპზე, ასაკსა და ბავშვის წონაზე.
2 თვემდე ასაკის ახალშობილები
მოცემულ ასაკობრივ ჯგუფში რეკომენდებულია 156,25 მგ/5მლ ამოქსიკლავის® სუსპენზიის გამოყენება.
2 თვიდან 12 წლამდე (40 კგ-მდე სხეულის წონის მქონე) ბავშვები
40 მგ-მდე წონის მქონე ბავშვებში სადღეღამისო დოზა, სხეულის წონის 1 კილოგრამზე, შეადგენს 25-45 მგ (ამოქსიცილინზე გადაანგარიშებით), გაყოფილი ორ მიღებაზე, რაც დამოკიდებულია ინფექციური პროცესის სიმძიმეზე.
-მსუბუქი ან ზომიერი სიმძიმის ინფექციებისას (ზედა სასუნთქი გზების ინფექციები, მაგალითად, ქრონიკული ტონზილიტი, ქვედა სასუნთქი გზების ინფექციები, ასევე, კანისა და რბილი ქსოვილების ინფექციები) სადღეღემისო დოზა შეადგენს 25 მგ/კგ/დღეში (ამოქსიცილინზე გადაანგარიშებით), გაყოფილი ორ მიღებად.
-მძიმე ინფექციების მქონე ბავშვებისათვის (ზედა სასუნთქი გზების ინფექციები, მაგალითად, შუა ყურის ანთება და სინუსიტი, ქვედა სასუნთქი გზების ინფექციები, ბრონქოპნევმონია და შარდგამომყოფი გზების ინფექციები), სტანდარტული სადღეღამისო დოზა შეადგენს 45 მგ/კგ/დღეში (ამოქსიცილინზე გადაანგარიშებით), გაყოფილი ორ მიღებად.
სუსპენზიის დოზირებისა და გამოყენების გაიოლების მიზნით, მას თან ერთვის დოზირების პიპეტი (ერთ პიპეტი – 5 მლ).
პრეპარატის დოზა ბავშვებისათვის

2 წლამდე ასაკის ბავშვებისათვის დოზის დაანგარიშება ხდება სხეულის წონიდან გამომდინარე.
მაგალითად, თუ ბავშვი იწონის 6,5 კგ, მაშინ საშუალო სიმძიმის ინფექციისას აუცილებელი დოზა იქნება სუსპენზიის 1,0 მლ დღეში 2-ჯერ, ხოლო მძიმე ინფექციისას 1,8 მლ დღეში 2-ჯერ.
მოზრდილები და 12 წელზე უფროსი ასაკის ბავშვები
სტანდარტული რეკომენდებული სადღეღამისო დოზა შეადგენს დღეში 1760 მგ (დღეში 22 მლ).
თირკმელების ფუნქციის დარღვევა
ფუნქციის უმნიშვნელო დარღვევა (კრეატინინის კლირენსი აღემატება 30 მლ/წთ): დოზა კორექციას არ საჭიროებს.
მოცემული სუსპენზიის გამოყენება არ არის რეკომენდებული 
ღვიძლის ფუნქციის დარღვევა
პრეპარატი გამოიყენება სიფრთხილით, საჭიროა ღვიძლის ფუნქციის რეგულარული შემოწმება. ღვიძლის უკმარისობის მქონე პაციენტებში პრეპარატის გამოყენების მცირე გამოცდილება არ არის საკმარისი დოზირებასთან დაკავშირებული რეკომენდაციის გასაწევად.
ამოქსიკლავი არ გამოიყენება ღვიძლის ფუნქციის მძიმე დარღვევების მქონე პაციენტთა სამკურნალოდ და პაციენტებში, რომლელთაც ამოქსიკლავით წინა თერაპიისას აღენიშნებოდათ ღვიძლის ფუნქციის დარღვევა.
პრეპარატის გამოყენების ჯერადობა
შეეცადეთ გამოიყენოთ ეს პრეპარატი დღის განრიგის შესაბამისად, მაგალითად, კვებამდე, დილით და საღამოს.
პრეპარატის გამოყენების ხანგრძლივობა
მკურნალობის კურსის ხანგრძლივობას განსაზღვრავს მკურნალი ექიმი.
როგორც წესი, ამოქსიკლავის სუსპენზიის გამოყენება გრძელდება სიმპტომების რეგრესის/გაუმჯობესების შემდეგ 3-4 დღის განმავლობაში, თუმცა, მისი გამოყენება არ უნდა იყოს მკურნალობის სტანდარტულად რეკომენდებულ მინიმალურ პერიოდზე ხანმოკლე. ექიმის განმეორებითი კონსულტაციის გარეშე მკურნალობის ხანგრძლივობა არ უნდა გაგრძელდეს 14 დღეზე მეტი პერიოდის განმავლობაში.
ბეტა-ჰემოლიზური სტეპტოკოკებით გამოწვეული ინფექციებისას, მოგვიანებითი გართულებების თავიდან აცილების მიზნით (მაგალითად, რევმატოიდული ცხელება, გლომერულონეფრიტი), მკურნალობა უნდა გაგრძელდეს არა ნაკლებ 10 დღის განმავლობაში.
არ შეწყვიტოთ მკურნალობის კურსი ექიმის მიერ დანიშნულ ვადაზე ადრე, თუნდაც ბავშვმა უკეთ იგრძნოს თავი. თუ პრეპარატით მკურნალობა შეწყდება მკურნალობის კურსის დასრულებამდე, ზოგიერთი ბაქტერია შეიძლება გადარჩეს და გამოიწვიოს ინფექციის ხელახალი განვითარება.
ხოლო, თუ ბავშვმა მიიღო პრეპარატის დანიშნული რაოდენობა ან პრეპარატის გამოყენების ვადა აღწევს ორ კვირას, გაუმჯობესება კი არ ვლინდება, კონსულტაიციისათვის მიმართეთ ექიმის. თქვენ საჭიროებთ ექიმის ან ფარმაცევტის რჩევას მაშინაც, თუ პრეპარატის ეფექტურობა არ მიგაჩნიათ საკმარისად.
სუსპენზიის დამზადება
როგორც წესი, სუსპენზია მზადდება აფთიაქში, ფარმაცევტის მიერ.
ფხვნილის გაფხვიერების მიზნით ენერგიულად შეანჯღრიეთ ფლაკონი. ორ ულუფად (თავდაპირველად 2/3-მდე, შემდეგ კი ნიშნულამდე) დაამატეთ საჭირო ოდენობის წყალი (იხილეთ ცხრილი), ამასთანავე, ყოველ ჯერზე, კარგად შეანჯღრიეთ ფლაკონი.

ყოველი გამოყენების წინ კარგად შეანჯღრიეთ ფლაკონის შემცველობა.

გვერდითი მოვლენები
სხვა სამკურნალო პრეპარატების მსგავსად, ამოქსიკლავმა შეიძლება გამოიწვიოს არასასურველი გვერდითი ეფექტები, თუმცა ისინი არ ვითარდებიან ყველა პაციენტში. ჩვეულებრივ, ეს ეფექტები უმნიშვნელო სიმძიმისაა და ისინი ატარებენ გარდამავალ ხასიათს. ყველაზე ხშირად განვითარებულ გვერდით ეფექტებს მიეკუთვნება დარღვევები კუჭ-ნაწლავის მხრიდან (ღებინება, გულისრევა და დიარეა). გვერდითი ეფექტების გამოვლენა იქნება მინიმალური, თუ პრეპარატის გამოყენება მოხდება უშუალოდ კვების წინ ან კვების დროს.
სხვა სამკურნალო პრეპარატების უმრავლესობის მსგავსად, ამოქსიკლავი ძალიან იშვიათად ან იშვიათად იწვევს სერიოზულ არასასურველ უარყოფით რეაქციას.
იმ შემთხვევაში, თუ, ქვემოთ ჩამოთვლილი სიმპტომებიდან, ბავშვს აღენიშნება ერთ-ერთი, შეწყვიტეთ ამოქსიკლავის გამოყენება, დახმარების მისაღებად დაუყოვნებლივ მიმართეთ მკურნალ ექიმს ან საავადმყოფოს:
-სახის, ტუჩების, პირის ღრუსა და ყელის ლორწოვანი გარსების ან სხეულის სხვა ნაწილების შეშუპება, რაც შეიძლება გახდეს გართულებული ყლაპვის და სუნთქვის მიზეზი;
-ქავილით მიმდინარე კანის ალერგიული რეაქციები, მაგალითად ჭინჭრის ციების ტიპის გამონაყარი;
-სიყვითლე (კანის ან თვალის სკლერის გაყვითლება).
ასეთ შემთხვევაში ბავშვს დაუყოვნებლივ ესაჭიროება გადაუდებელი სამედიცინო დახმარება ან ჰოსპიტალიზაცია.
ასევე, რაც შეიძლება სწრაფად, მიმართეთ მკურნალ ექიმს ან საავადმყოფოს, თუ ბავშვს შეამჩნიეთ:
-შარდის გამუქება და განავალის გაუფერულება;
-კუჭ-ნაწლავის სისხლდენით მიმდინარე მძიმე დიარეა (არსებობს ფსევდომემბრანული კოლიტის განვითარების საშიშროება);
-ბუშტების განვითარება ან კანის აქერცვლა, ასევე, კანის სიწითლე ან კანზე სისხლჩაქცევების განვითარება;
-ჩვეულებრივთან შედარებით შარდის რაოდენობის მნიშვნელოვანი შემცირება (არსებობს თირკმელების ანთებითი დაავადების განვითარების საშიშროება – შარდში კრისტალების ფორმირებასთან დაკავშირებით მილების ბლოკადა ან ინტერსტიციალური ნეფრიტი);
-რეაქციები სისხლის მხრიდან, რაც იწვევს სისხლჩაქცევების, ხშირი ინფექციების (მაგალითად, ფარინგიტი) ან ანემიის განვითარებას;
-კრუნჩხვები.
ესენი არიან სერიოზული არასასურველი გვერდითი ეფექტები, რომლებიც ვითარდებიან ძალიან იშვიათად, მაგრამ თხოულობენ სამედიცინო დახმარებას.
სხვა გვერდითი ეფექტები:
ხშირად განვითარებული გვერდითი ეფექტები (ვითარდება 100-დან 1-ზე მეტ და 10-დან 1-ზე ნაკლებ შემთხვევაში):
-რძიანა (საფუარის სოკოთი გამოწვეული პირის ღრუს, საშოს და კანის ნაკეცების ინფექცია); რძიანას მკურნალობაში დახმარებისათვის მიმართეთ თქვენს მკურნალ ექიმს ან ფარმაცევტს;
-კუჭ-ნაწლავის დარღვევები, ღებინების, გულისრევის ან დიარეის ჩათვლით;
-პერიანალური მიდამოს კანის ქავილი.
იშვიათად განვითარებული გვერდითი ეფექტები (ვითარდება 10 000-დან 1-ზე მეტ და 1000-დან 1-ზე ნაკლებ შემთხვევაში):
-თავის ტკივილი, თავბრუსხვევა;
-მუცლის ტკივილი, პირის ღრუს ლორწოვანი გარსის ანთება;
-შესაძლებელია კბილების შეფერილობის შეცვლა, რომელიც გაივლის კბილის ჯაგრისით კბილების გაწმენდის შემდეგ;
ძალიან იშვიათად განვითარებული გვერდითი ეფექტები (ვითარდება 10 000-დან 1-ზე ნაკლებ შემთხვევაში):
-ენამ შეიძლება მიიღოს ყავისფერი ან შავი შეფერილობა;
-კრისტალები შარდში, რომლებიც, როგორ წესი, ვლინდებიან მხოლოდ მიკროსკოპში; შარდის შემღვრევა, მძიმე და მტკივნეული შარდვა;
-ჰიპერაქტიურობა, შფოთვა, ძილიანობა, გონების არევა, აგრესია;
-ცხელება.
სერიოზული, ან ისეთი ახალი გვერდითი ეფექტის განვითარებისას, რომელიც არ არის აღწერილი მოცემულ ინსტრუქციაში, დაუყოვნებლივ მიმართეთ ექიმს ან ფარმაცევტს.

უკუჩვენება
არ გამოიყენოთ ამოქსიკლავი
-თუ თქვენ ბავშვს აქვს ალერგია ამოქსიცილინის, კლავულანის მჟავის ან პრეპარატის სხვა ნებისმიერი კომპონენტის მიმართ;
-თუ თქვენ ბავშვს აქვს ალერგია სხვა პენიცილინის ან ბეტა-ლაქტამური ანტიბიოტიკის მიმართ (მაგალითად, ცეფალოსპორინების მიმართ);
თუ ადრე, პრეპარატის გამოყენებისას, თქვენს ბავშვს აღენიშნებოდა რეაქცია კანის გამონაყარის, სახის, კისრის ან სხეულის შეშუპების, ასევე სუნთქვის გართულების სახით, მაშინ, სავარაუდოდ, მას აქვს ალერგია მოცემული პრეპარატის მიმართ.
-თუ თქვენ ბავშვს აწუხებს ღვიძლის ფუნქციის მძიმე დარღვევები, ასევე, თუ ადრე, პენიცილინის ჯგუფის ანტიბიოტიკების ან ამოქსიცილინი/კლავულანის მჟავის კომბინაციის შემცველი პრეპარატების გამოყენებისას, მას უვითარდებოდა ქოლესტატური სიყვითლე ან ღვიძლის დისფუნქია;
-თუ ბავშვი დაავადებულია მონოციტარული ანგინით (ინფექციური მონონუკლეოზი) ან ლიმფოლეიკოზით.

ამოქსიკლავით მკურნალობისას დაიცავით განსაკუთრებული სიფრთხილე
-თუ ბავშვს აღენიშნება ღვიძლის ან თირკმელების ფუნქციის დარღვევები; ასეთ შემთხვევაში, მკურნალი ექიმი, მოახდენს პრეპარატის დოზის კორექციას ან გაზრდის პრეპარატის მიღებებს შორის ინტერვალს;
-თუ ბავშვს აღენიშნება მძიმე ალერგიული დაავადებები ან ბრონქიალური ასთმა;
თუ თქვენ, ან თქვენს ბავშვს, როდესმე აღგენიშნებოდათ ზემოთ ჩამოთვლილი მდგომარეობიდან ერთ-ერთი, გთხოვთ შეატყობინოთ ამის შესახებ მკურნალ ექიმს.
მძიმე დიარეის და/ან გულისრევის მქონე ბავშვებში პრეპარატის გამოყენებისას საჭიროა განსაკუთრებული სიფრთხილის დაცვა.
თუ ადრე, ანტიბაქტერიული პრეპარატების გამოყენებისას თქვენს ბავშვს უვითარდებოდა მძიმე დიარეა, შეატყობინეთ ამის შესახებ მკურნალ ექიმს. არსებობს ფსევდომემბრანული კოლიტის განვითარების საშიშროება, რომელიც შეიძლება მიმდინარეობდეს როგორც მსუბუქი, ასევე მძიმე, სიცოცხლისათვის საშიში, ფორმით.
თუ ბავშვი მოცემულ პრეპარატს იყენებს ხანგრძლივი დროის განმავლობაში, არსებობს რეზისტენტული ბაქტერიებით ან სოკოებით გამოწვეული ინფექციის განვითარების საშიშროება.
მოცემული პრეპარატით მკურნალობის პერიოდში კრისტალურიის (შარდში კრისტალების ფორმირება) განვითარების თავიდან აცილების მიზნით, ბავშვმა ჭარბად უნდა მიიღოს სითხე.
ჩამოთვლილი მდგომარეობებიდან ნებისმიერის განვითარებისას მიმართეთ მკურნალ პედიატრს.

ორსულობა და ლაქტაცია
თუ ამოქსიკლავს იყენებთ პირადად თქვენ, და არა თქვენი შვილი, და თქვენ ხართ ორსულად (ან გაქვთ ეჭვი, რომ ხართ ორსულად), შეატყობინეთ ამის შესახებ ექიმს. სხვა პრეპარატების მსგავსად, ამოქსიკლავის გამოყენება არ არის რეკომენდებული ორსულობის დროს. მოცემული პრეპარატის გამოყენების საჭიროების საკითხს გადაწყვეტს ექიმი. ზუსტად შეასრულეთ თქვენი მკურნალი ექიმის რეკომენდაციებს.
ამოქსიკლავის გამოყენება შესაძლებელია ლაქტაციის პერიოდში. დედის რძეში პრეპარატის ნარჩენი რაოდენობის გამოყოფასთან დაკავშირებით განვითარებული სენსიბილიზაციის (ჰიპერმგრძნობელობის) განვითარების საშიშროების გარდა, მოცემული მომენტისათვის, ბუნებრივ კვებაზე მყოფ ბავშვებზე სხვა უარყოფითი ზემოქმედება აღმოჩენილი არ არის. ზუსტად შეასრულეთ თქვენი მკურნალი ექიმის რეკომდენაცია.
ნებისმიერი სხვა პრეპარატის გამოყენებამდე მიიღეთ მკურნალი ექიმის ან ფარმაცევტის რჩევა.

განსაკუთრებული მითითებები
საკვებისა და სასმელის გამოყენება
პრეპარატი გამოიყენება უშუალოდ კვების წინ, რაც ხელს უწყობს კუჭ-ნაწლავის დარღვევების განვითარების თავიდან აცილებას.

სატრანსპორტო საშუალებებისა და მექანიზმების მართვა
ამოქსიკლავი ახდენს ძალიან სუსტ მოქმედებას სატრანსპორტო საშუალებებისა და რთული მექანიზმების მართვის უნარზე; თუმცა, შესაძლებელია განვითარდეს ისეთი არასასურველი გვერდითი ეფექტები, როგორიც არის თავბრუსხვევა, კრუნჩხვა, ცნობიერების არევა.

ჭარბი დოზირება
თუ ბავშვმა მიიღო პრეპარატი ჭარბად, დაუყოვნებლივ მიმართეთ სამედიცინო დახმარების პუნქტებს. ანახეთ ექიმს სამკურნალო საშუალების შეფუთვა.
პაციენტთა უმრავლესობაში ჭარბი დოზის სიმპტომები ან არ აღინიშნებოდა, ან ვლინდებოდა უმნიშვნელოდ, კუჭ-ნაწლავის ტრაქტის მხრიდან – გულისრევის, ღებინების, მუცლის ტკივილის და დიარეის ჩათვლით. ზოგიერთ პაციენტში აღინიშნებოდა კანის გამონაყარი, ჰიპერაქტიულობა ან ძილიანობა. ასევე შესაძლებელია განვითარდეს ისეთი კლინიკური სიმპტომები, როგორიც არის, აღგზნებადობა და უძილობა, იშვიათ შემთხვევაში შეიძლება განვითარდეს კრუნჩხვა ან თირკმელების ფუნქციის დარღვევა – შარდში კრისტალების ფორმირების გამო.
თუ თქვენ დაგავიწყდათ ბავშვისათვის ამოქსიკლავის მიცემა
თუ თქვენ დაგავიწყდათ ბავშვისათვის პრეპარატის დანიშნული დოზის მიცემა, გააკეთეთ ეს პირველივე შესაძლებლობისას. პრეპარატის მიღების ორ დოზას შორის ინტერვალი არ უნდა იყოს მცირე, არა ნაკლებ 4 საათისა. შეეცადეთ დაუბრუნდეთ ბავშვის მიერ პრეპარატის მიღების ჩვეულ რეჟიმს (პრეპარატის შემდეგი მიღება უნდა მოხდეს 12 საათის შემდეგ). დავიწყებული დოზის კომპენსაციის მიზნით არ მისცეთ ბავშვს ორმაგი დოზა.

სხვა წამლებთან ურთიერთქმედება
თუ თქვენი ბავშვი იყენებს ან ახლო წარსულში იყენებდა სხვა, თუნდაც ურეცეპტოდ გაცემულ სამკურნალო პრეპარატს, გთხოვთ შეატყობინოთ ამის შესახებ მკურნალ ექიმს ან ფარმაცევტს.
შეატყობინეთ ექიმს, თუ თქვენი ბავშვი იყენებს ნებისმიერ ქვემოთ ჩამოთვლილ სამკურნალო პრეპარატს:
-ნებისმიერი ბაქტერიოსტატული ქიმიოთერაპიულ/ანტიბაქტერიული პრეპარატი (ქლორამფენიკოლი, მაკროლიდები, ტეტრაციკლინები ან სულფანილამიდები);
-მეტოტრექსატი;
-ალოპურინოლი (გამოიყენება პოდაგრას სამკურნალოდ);
-ორალური ანტიკოაგულანტები (სისხლის შედედების საწინააღმდეგო პრეპარატები, მაგალითად, ვარფარინი);
-პრობენეციდი;
-სულფასალაზინი;
-დიგოქსინი (საგულე საშუალება);
-დისულფირამი.
იმ შემთხვევაში, თუ ამოქსიკლავის სუსპენზიას იღებთ პირადად თქვენ, შეატყობინეთ ექიმს, თუ იყენებთ ორალურ კონტრაცეპტივებს. ანტიბიოტიკმა შეიძლება შეამციროს ორალური კონტრაცეპტივის ეფექტურობა, შესაბამისად, ამოქსიკლავით მკურნალობის პერიოდში, დაორსულების პროფილაქტიკის მიზნით, საჭიროა კონტრაცეპციის დამატებითი მეთოდების გამოყენება, მაგალითად პრეზერვატივი.
პრეპარატი ამოქსიკლავით მურნალობის პერიოდში გლუკოზაზე შეიძლება განვითარდეს ცრუდადებითი რეაქცია შარდში, ასევე, შეიძლება შეიცვალოს სისხლის ანალიზის შედეგი. თუ ბავშვს ჩაუტარდება სისხლის ანალიზი, შეატყობინეთ მკურნალ ექიმს ან მედ.დას, რომ ის იღებს ამოქსიკლავს.

შენახვის პირობები და ვადები
პრეპარატი ინახება ბავშვებისათვის მიუწვდომელ ადგილას!
ინახება მშრალ ადგილას, ტემპერატურა არ უნდა აღემატებოდეს 25ºC.
მზა სუსპენზია ინახება მჭიდროდ თავდახურულ ფლაკონში, არა უმეტეს 7 დღის განმავლობაში, ტემპერატურა 2-8ºC.
პრეპარატის გამოყენებისთანავე, ფლაკონს მჭიდროდ დააფარეთ ხუფი.
გამოყენებადე ენერგიულად შეანჯღრიეთ!
არ გამოიყენოთ შეფუთვაზე მითითებული შენახვის ვადის გასვლის შემდეგ.

აფთიაქში გაცემის წესი
რეცეპტით. 

ამოქსიკლავი
AMOKSIKLAV

საერთაშორისო დასახელება – amoxicillin, clavulanic acid

კლინიკურ-ფარმაკოლოგიური ჯგუფი – ბეტა ლაქტამური ანტიბიოტიკები (პენიცილინები და ცეფალოსპორინები); ამოქსიცილინისა და კლავულანის მჟავას კომბინირებული პრეპარატები

შემადგენლობა და გამოშვების ფორმა
ტაბლეტი #10, #14 ან #20

ამოქსიკლავი® 2X 625 მგ შემოგარსული ტაბლეტები
ამოქსიკლავი® 2X 1000 მგ შემოგარსული ტაბლეტები
თითოეული 625 მგ ტაბლეტი შეიცავს: 500 მგ ამოქსიცილინის ტრიჰიდრატის სახით და 125 მგ კლავულანის მჟავას კალიუმის მარილის სახით.
თითოეული 1000 მგ ტაბლეტი შეიცავს: 875 მგ ამოქსიცილინის ტრიჰიდრატის სახით და 125 მგ კლავულანის მჟავას კალიუმის მარილის სახით.
დამხმარე ნივთიერებები: ბირთვი: კოლოიდური უწყლო კაჟბადის დიოქსიდი, კროსპოვიდონი, ნატრიუმის კროსკარმელოზა, მაგნიუმის სტეარატი, მიკროკრისტალური ცელულოზა.
გარსი: ჰიდროქსიპროპოლცელულოზა, ეთილცელულოზა, პოლისორბატი 80, ტრიეთილ ციტრატი, ტალკი, ტიტანის დიოქსიდი E 171.

ჩვენებები
რა არის და რისთვის გამოიყენება ამოქსიკლავი
ამოქსიკლავი არის ანტიობიოტიკი, რომელიც გამოიყენება ინფექციების სამკურნალოდ. ის მიეკუთვნება ბეტა-ლაქტამური ანტიბიოტიკების ჯგუფს. ის სპობს ინფექციის გამომწვევ ბაქტერიებს. პრეპარატი ფლობს ანტიბაქტერიული აქტივობის ფართო სპექტრს.
ამოქსიკლავი გამოიყენება ბაქტერიული ინფექციების ფართო სპექტრის სამკურნალოდ, მათ შორის:
-ზედა სასუნთქი გზების ინფექციები (ყელ-ყურ-ცხვირის პათოლოგიების ჩათვლით), ძირითადად, სინუსიტი, შუა ყურის ანთება, რეციდიული ტონზილიტი;
-ქვედა სასუნთქი გზების ინფექციები, ძირითადად, ბრონქოპნევმონია და ქრონიკული ბრონქიტის მძიმე გამწვავება;
-შარდ-სასქესო ტრაქტის და მუცლის ღრუს ორგანოების ინფექციები, ძირითადად, ცისტიტი (განსაკუთრებით რეციდიული ან გართულებული-გამონაკლისია პროსტატიტი), სეპტიური აბორტები, მენჯის ან მშობიარობის შემდგომი სეფსისი და ინტრააბდომინალური სეფსისი;
-კანისა და რბილი ქსოვილების, ასევე შემაერთებელი ქსოვილის ინფექციები, რომელთა გამომწვევი შეიძლება იყოს ცხოველების ნაკბენი, და მიმდებარე ქსოვილების ანთებით მიმდინარე მძიმე სტომატოლოგიური აბსცესები.

მიღების წესები და დოზები
პრეპარატი მიიღება უშუალოდ კვების წინ, რათა თავიდან ავიცილოთ კუჭ-ნაწლავის დარღვევები.
დოზა
ექიმი დაგინიშნავთ დოზას (ტაბლეტების რაოდენობა) და მკურნალობის კურსს. მოზრდილებისა და მოზარდებისათვის (12 წელზე უფროსი ასაკის და სხეულის წონით არანაკლებ 40 კგ) ჩვეულებრივ დოზას წარმოადგენს: 1000 მგ 1 ტაბლეტი დღეში 2-ჯერ ან 625 მგ 1 ტაბლეტი 2 ან 3-ჯერ დღეში (ინფექციის სიმძიმის მიხედვით).
მსუბუქი და საშუალო სიმძიმის ინფექციების დროს 625 მგ 1 ტაბლეტი ყოველ 12 საათში და უფრო მძიმე ინფექციებისას 625 მგ 1 ტაბლეტი ყოველ 8 საათში.

გამოყენების წესი
ტაბლეტი ჩაიყლაპება მთლიანად დაღეჭვის გარეშე და 1 ჭიქა წყლის დაყოლებით. ეცადეთ ტაბლეტები მიიღოთ ერთი და იგივე დროს. საუკეთესო შედეგის მისარწევად მიიღეთ უშუალოდ ჭამის წინ.

გამოყენების ხანგრძლივობა.
მკურნალობის კურსის ხანგრძლივობას განსაზღვრავს ექიმი.
როგორც წესი ამოქსიკლავი გამოიყენება კიდევ 3-4 დღის განმავლობაში სიმპტომების გაუმჯობესების შემდეგ, მაგრამ მისი გამოყენების ხანგრძლივობა არ უნდა იყოს მკურნალობის სტანდარტულ რეკომენდებულ მინიმალურ პერიოდზე ნაკლები. პრეპარატის გამოყენება არ შეიძლება 2 კვირაზე ხანგრძლივად ექიმის ხელახალი კონსულტაციის გარეშე.
ბეტა-ჰემოლიზური სტრეპტოკოკებით გამოწვეული ინფექციებისას გვიანი გართულებების (მაგ.: რევმატიული ცხელების, გლომერულონეფრიტის) განვითარების პრევენციის მიზნით მკურნალობის ხანგრძლივობამ უნდა შეადგინოს არანაკლებ 10 დღე.
მდგომარეობის გაუმჯობესების შემთხვევაშიც კი პრეპარატის მიღების შეწყვეტა ექიმის მიერ დანიშნულ დროზე ადრე არ შეიძლება. თუ ტაბლეტების მიღებას შეწყვიტავთ მკურნალობის კურსის დასრულებამდე ზოგიერთი ბაქტერია შეიძლება გადარჩეს და თავიდან გამოიწვიოს ინფექცია.
მაგრამ, თუ მკურნალობის კურსის დასრულებისას თქვენ ისევ ცუდად გრძნობთ თავს მიმართეთ ექიმს.

გვერდითი მოვლენები
ისევე, როგორც სხვა სამკურნალო პრეპარატებმა, ამოქსიკლავმა შეიძლება გამოიწვიოს გვერდითი ეფექტები, თუმცა ისინი არ ვითარდებიან ყველა პაციენტში. ჩვეულებრივ, ეს ეფექტები უმნიშვნელო სიმძიმისაა და ატარებენ გარდამავალ ხასიათს.
ისევე, როგორც სხვა პრეპარატები, ამოქსიკლავი ძალიან იშვიათად ან იშვიათად იწვევს სერიოზულ უარყოფით რეაქციას. დაუყოვნებლივ შეწყვიტეთ პრეპარატის გამოყენება და მიმართეთ მკურნალ ექიმს ან უახლოეს სამკურნალო დაწესებულებას, თუ გაგინვითარდათ:
-სახის, ტუჩების, პირის ღრუს და ყელის ლორწოვანი გარსების ან სხეულის სხვა ნაწილების შეშუპება, რომლებმაც შეიძლება გამოიწვიონ გართულებული ყლაპვა და სუნთქვა;
-ქავილით, მაგალითად ჭინჭრის ციების ტიპის გამონაყარით, მიმდინარე კანის ალერგიული რეაქციები;
-სიყვითლე (კანის ან თვალის სკლერის გაყვითლება).
ასეთ შემთხვევაში საჭიროა გადაუდებელი სამედიცინო დახმარება ან ჰისპიტალიზაცია.

ასევე, რაც შეიძლება სწრაფად, მიმართეთ თქვენს მკურნალ ექიმს თუ გაგინვითარდათ შემდეგი ნიშნები:
-შარდის გამუქება და განავალის გაუფერულება
-კუჭ-ნაწლავის სისხლდენით მიმდინარე მძიმე დიარეა (არის ფსევდომემბრანული კოლიტის განვითარების შესაძლებლობა)
-ბუშტების განვითარება ან კანის აქერცვლა, ასევე, კანის სიწითლე ან კანზე სისხლჩაქცევების განვითარება
-თუ ბავშვი გამოყოფს ჩვეულებრივთან შედარებით შარდის მცირე რაოდენობას (არის თირკმელების ანთებითი დაავადების განვითარების შესაძლებლობა – ინტერსტიციალური ნეფრიტი ან შარდში კრისტალების ფორმირების გამო მილაკების ბლოკადა)
-რეაქციები სისხლის მხრიდან, რომლებიც იწვევენ სისხლჩაქცევებს, ხშირ ინფექციებს (მაგალითად, ფარინგიტი) ან ანემიას
-კრუნჩხვა.
ესენი არიან სერიოზული არასასურველი გვერდითი ეფექტები, რომლებიც ვითარდებიან ძალიან იშვიათად, მაგრამ საჭიროებენ სამედიცინო დახმარებას.
სხვა გვერდითი ეფექტები:
ხშირად განვითარებული გვერდითი ეფექტები (ვითარდება 100 პაციენტიდან 1-ზე მეტ და 10-დან 1-ზე ნაკლებ შემთხვევაში):
-რძიანა (საფუარის სოკოთი გამოწვეული პირის ღრუს, საშოს და კანის ნაკეცების ინფექცია); რძიანას სამკურნალოდ დახმარების აღმოსაჩენად მიმართეთ თქვენს მკურნალ ექიმს ან ფარმაცევტს;
-კუჭ-ნაწლავის დარღვევები, ღებინების, გულისრევის ან დიარეის ჩათვლით;
-პერიანალური მიდამოს კანის ქავილი.
იშვიათად განვითარებული გვერდითი ეფექტები (ვითარდება 10 000 პაციენტიდან 1-ზე მეტ და 1000-დან 1-ზე ნაკლებ შემთხვევაში):
-თავის ტკივილი, თავბრუსხვევა;
-მუცლის ტკივილი, პირის ღრუს ლორწოვანი გარსის ანთება;
– შესაძლოა კბილების ფერის შეცვლა, რომელიც გადის კბილების გამოხეხვისთანავე.
ძალიან იშვიათად განვითარებული გვერდითი ეფექტები (ვითარდება 10 000 პაციენტიდან 1-ზე ნაკლებ შემთხვევაში):
-ენამ შეიძლება მიიღოს ყავისფერი ან შავი შეფერილობა;
-კრისტალები შარდში, რომლებიც, როგორ წესი, ვლინდებიან მხოლოდ მიკროსკოპში; შარდის შემღვრევა, მძიმე და მტკივნეული შარდვა;
-ჰიპერაქტიურობა, შიშის გრძნობა, ძილიანობა, გონების არევა, აგრესია;
-ცხელება.
სერიოზული ან ისეთი ახალი გვერდითი ეფექტის განვითარებს შემთხვევაში, რომელიც არ არის აღწერილი მოცემულ ინსტრუქციაში, დაუყოვნებლივ მიმართეთ ექიმს ან ფარმაცევტს.

უკუჩვენება
არ გამოიყენოთ ამოქსიკლავი 2X
-თუ თქვენ გაქვთ ალერგია ამოქსიცილინის ან მოცემული პრეპარატის სხვა ნებისმიერი სხვა კომპონენტის მიმართ;
-თუ თქვენ გაქვთ ალერგია პენიცილინის ჯგუფის ანტიბიოტიკების მიმართ.
ტერმინი ალერგია ნიშნავს, რომ ადრე, პრეპარატის გამოყენებისას, თქვენ გივითარდებოდათ რეაქციები კანის გამონაყარის, სახის, კისრის ან სხეულის შეშუპების, ასევე სუნთქვის გართულების სახით.
-ღვიძლის ფუნქციის მძიმე დარღვევებისას, ან, თუ ადრე, პენიცილინის ჯგუფის ანტიბიოტიკების ან ამოქსიცილინი/კლავულანის მჟავის კომბინაციის შემცველი პრეპარატების გამოყენებისას გივითარდებოდათ ქოლესტატური სიყვითლე ან ღვიძლის დისფუნქია;
-თუ თქვენ დაავადებული ხართ მონოციტარული ანგინით (ინფექციური მონონუკლეოზი) ან ლიმფოლეიკოზით.

ამოქსიკლავით მკურნალობისას დაიცავით განსაკუთრებული სიფრთხილე
-თუ თქვენ გაქვთ ღვიძლის ან თირკმელების ფუნქციის დარღვევები; ასეთ შემთხვევაში, თქვენი მკურნალი ექიმი გააკორექტირებს პრეპარატის დოზას ან გაზრდის პრეპარატის მიღებებს შორის ინტერვალს;
-თუ თქვენ გაქვთ მძიმე ალერგიული დაავადებები ან ბრონქიალური ასთმა.
მძიმე დიარეის და/ან გულისრევის მქონე ბავშვებში პრეპარატის გამოყენებისას საჭიროა განსაკუთრებული სიფრთხილის დაცვა.
პრაქტიკულად ნებისმიერი ანტიბაქტერიული პრეპარატის გამოყენებისას არსებობს როგორც მსუბუქი, ასევე მძიმე, ავადმყოფის სიცოცხლისათვის საშიში, ფსევდომემბრანული კოლიტის განვითარების საშიშროება. თუ ადრე, ანტიბაქტერიული პრეპარატების გამოყენებისას თქვენ გივითარდებოდათ მძიმე დიარეა, შეატყობინეთ ამის შესახებ ექიმს. თუ თქვენ იყენებდით მოცემულ პრეპარატს ხანგრძლივი დროის განმავლობაში, არსებობს რეზისტენტული ბაქტერიებით ან სოკოებით განვითარებული ინფექციების წარმოშობის საშიშროება.
მოცემული პრეპარატით მკურნალობის პერიოდში, კრისტალურიის (შარდში კრისტალების წარმოშობა) განვითარების თავიდან აცილების მიზნით, საჭიროა სითხის ჭარბი რაოდენობით მიღება.
ჩამოთვლილი მდგომარეობებიდან ნებისმიერის განვითარების შემთხვევაში, შეატყობინეთ ამის შესახებ თქვენს ექიმს.

ორსულობა და ლაქტაცია
შეატყობინეთ თქვენ ექიმს, თუ თქვენ ხართ ორსულად (ან ფიქრობთ, რომ ხართ ორსულად) ან ბავშვი გყავთ ბუნებრივ კვებაზე. ისევე, როგორც სხვა პრეპარატები, არ არის რეკომენდებული ამოქსიკლავის გამოყენება ორსულობის დროს. მოცემული პრეპარატის გამოყენების საჭიროების საკითხს გადაწყვეტს თქვენი მკურნალი ექიმი. ზუსტად შეასრულეთ თქვენი მკურნალი ექიმის ინსტრუქცია.
ნებისმიერი პრეპარატის გამოყენებამდე მიიღეთ თქვენი მკურნალი ექიმის ან ფარმაცევტის კონსულტაცია.
დასაშვებია ამოქსიკლავის გამოყენება ლაქტაციის დროს. დედის რძეში პრეპარატის ნარჩენი რაოდენობის გამოყოფასთან დაკავშირებით განვითარებული სენსიბილიზაციის (ჰიპერმგრძნობელობა) საშიშროების გარდა, ბუნებრივ კვებაზე მყოფ ბავშვებზე სხვა უარყოფითი ზემოქმედების განვითარება არ აღმოჩენილა. ზუსტად შეასრულეთ თქვენი მკურნალი ექიმის ინსტრუქცია.
ნებისმიერი პრეპარატის გამოყენებამდე მიიღეთ თქვენი მკურნალი ექიმის ან ფარმაცევტის კონსულტაცია.

განსაკუთრებული მითითებები
სატრანსპორტო საშუალებების და მექანიზმების მართვა
ამოქსიკლავი პრაქტიკულად არ ახდენს ზემოქმედებას სატრანსპორტო საშუალებების და მექანიზმების მართვის უნარზე; თუმცა, იშვიათად შეიძლება განვითარდეს ისეთი არასასურველი გვერდითი ეფექტები, როგორიც არის თავბრუსხვევა, კრუნჩხვა, ცნობიერების არევა.

ჭარბი დოზირება
ჭარბი დოზის მიღების შემთხვევაში აუცილებელია ექიმთან მიმართვა და აჩვენეთ ტაბლეტების თქვენი შეფუთვა.
ჭარბი დოზის მიღებისას პაციენტთა უმეტესობას არანაირი სიმპტომი არ აღენიშნა, ან იყო უმნიშვნელო გამოვლინებები კუჭ-ნაწლავის ტრაქტის მხრივ ღებინების, მუცლის ტკივილის, გულისრევისა და დიარეის ჩათვლით. ძალიან იშვიათად აღინიშნა გამონაყარი კანზე, ჰიპერაქტიურობა, თავის ტკივილი, ძილიანობა, თირკმელების ანთებითი დაავადებები (ინტერსტიციური ნეფრიტი ან თირკმელების ფუნქციის დარღვევა შარდში კრისტალების წარმოქმნის გამო).

თუ თქვენ დაგავიწყდათ ამოქსიკლავი 2X მიღება
თუ თქვენ დაგავიწყდათ გამოწერილი პრეპარატის დოზის მიღება, მიიღეთ ის პირველივე შესაძლებლობისთანავე. შემდეგ განაგრძეთ მკურნალობა არსებული სქემის თანახმად. ამასთანავე შეეცადეთ, რომ პრეპარატის დოზის შემდეგ მიღებამდე გავიდეს არანაკლებ 4 საათი. არ მიიღოთ პრეპარატის ორმაგი დოზა გამოტოვებული კომპენსაციისათვის.

სხვა წამლებთან ურთიერთქმედება
თუ თქვენი იყენებდით რომელიმე სხვა, თუნდაც ურეცეპტოდ გაცემულ სამკურნალო პრეპარატს, გთხოვთ შეატყობინოთ ამის შესახებ ექიმს ან ფარმაცევტს.
შეატყობინეთ ექიმს, თუ თქვენ იღებთ ნებისმიერ ქვემოთ ჩამოთვლილ სამკურნალო პრეპარატს:
-ნებისმიერი ბაქტერიოსტატიკული ქიმიოთერაპევტული/ანტიბაქტერიული პრეპარატი (ქლორამფენიკოლი, მაკროლიდები, ტეტრაციკლინები ან სულფანილამიდები);
-მეტოტრექსატი;
-ალოპურინოლი (გამოიყენება პოდაგრას სამკურნალოდ);
-ორალური ანტიკოაგულანტები (სისხლის შედედების საწინააღმდეგო პრეპარატები, მაგალითად, ვარფარინი);
-პრობენეციდი;
-სულფასალაზინი;
-დიგოქსინი (საგულე საშუალება);
-დისულფირამი
-ორალური კონტრაცეპტივები: ვინაიდან ანტიბიოტიკმა შეიძლება შეამციროს ორალური კონტრაცეპტივების ეფექტურობა, დაორსულების პროფილაქტიკის მიზნით, საჭიროა კონტრაცეპციის დამატებითი მეთოდების გამოყენება, მაგალითად პრეზერვატივი.
მკურნალობის დროს შეიძლება შეიცვალოს სისხლის ანალიზის შედეგი ან განვითარდეს შარდში გლუკოზაზე ცრუდადებითი რეაქცია. ამიტომ, სისხლის ანალიზის ჩატარებამდე შეატყობინეთ თქვენ ექიმს ან მედ.დას, რომ თქვენ იღებდით ამოქსიკლავს.

შენახვის პირობები და ვადები
პრეპარატი ინახება ბავშვებისათვის მიუწვდომელ ადგილას!
პრეპარატის შენახვის ტემპერატურა არ უნდა აღემატებოდეს 25ºC
არ გამოიყენოთ კოლოფზე მითითებული შენახვის ვადის გასვლის შემდეგ.

აფთიაქში გაცემის წესი
რეცეპტით

ქვეყანა: გერმანია

მწარმოებელი: პენცეფ ფარმა გმბჰ

გაცემის ფორმა: II ჯგუფი რეცეპტული

ქვეყანა: გერმანია

მწარმოებელი: პენცეფ ფარმა გმბჰ

გაცემის ფორმა: II ჯგუფი რეცეპტული

ქვეყანა: გერმანია

მწარმოებელი: დენკ ფარმა გერმანია

გაცემის ფორმა: II ჯგუფი რეცეპტული

ქვეყანა: გერმანია

მწარმოებელი: პენცეფ ფარმა გმბჰ

გაცემის ფორმა: II ჯგუფი რეცეპტული

ქვეყანა: ბულგარეთი

მწარმოებელი: სოფარმა

გაცემის ფორმა: II ჯგუფი რეცეპტული

შემადგენლობა 

ყოველი 2 მლ-იანი ფლაკონი შეიცავს 500 მგ ამიკაცინის ექვივალენტურ ამიკაცინის სულფატს.

ფარმაკოლოგიური თვისებები
ამიბაკი – ამინოგლიკოზიდების ჯგუფის ნახევრადსინთეზური ანტიბიოტიკია. ხასიათდება გამოხატული ბაქტერიციდული ეფექტი მრავალი გრამუარყოფითი და გრამდადებითი მიკროორგანიზმის მიმართ. ამიკაცინი შეუქცევადი კოვალენტური ბმებით უკავშირდება ბაქტერიის რიბოსომის 30S- სუბერთეულს და არღვევს რნმ-ის სტრუქტურას, რის შედეგადაც წყდება ბაქტერიის ცილების სინთეზი. 
ამიბაკი მაღალი ეფექტურობით გამოირჩევა შემდეგი გრამუარყოფითი მიკროორგანიზმების მიმართ: Pseudomonas spp., Proteus spp., (ინდოლ დადებითი და ინდოლ უარყოფითი ფორმების ჩათვლით), Providencia spp., Klebsiella, E.coli, Enterobacter, Serratia, Shigella, Salmonella, Mima-Herelea, Citrobacter freundii (მათ შორის კანამიცინის, გენტამიცინისა და ტობრამიცინის მიმართ რეზისტენტული შტამების ჩათვლით), ამდენად ამიკაცინი მოწოდებულია როგორც პირველი რიგის პრეპარატი გრამუარყოფით ფლორაზე ეჭვის მიტანის შემთხვევაში და ინიშნება ანტიბიოტიკომგრძნობელობის განსაზღვრამდე. 
ამიბაკის მიმართ მგრძნობიარე გრამდადებითი ბაქტერიებიდან აღსანიშნავია Staphilococcus spp. (მეტიცილინისადმი მდგრადი, პენიცილინაზა-მაპროდუცირებელი და არამაპროდუცირებელი შტამებისა და ზოგიერთი ცეფალოსპორინის მიმართ რეზისტენტული შტამების ჩათვლით). ამიბაკი გამოიყენება Streptococcus pneumoniae, Streptococcus pyogenes – ის ზოგიერთი შტამით გამოწვეული ინფექციისა და მძიმე შერეული (სტაფილოკოკი/გრამუარყოფითი მიკროორგანიზმი) ინფექციების დროს.

ფარმაკოკინეტიკა
კუნთში შეყვანის შემდეგ ამიკაცინი სწრაფად შეიწოვება და ნაწილდება ორგანიზმის ყველა ქსოვილში. ამიკაცინი არ მეტაბოლიზდება. პრეპარატის ეფექტური ბაქტერიციდული კონცენტრაცია სისხლში ნარჩუნდება 10-12 საათის განმავლობაში. მისი ნახევარდაშლის პერიოდი ჯანმრთელი ზრდასრული ადამიანის ორგანიზმში 2-3 საათია.
განაწილებითი მგრძობელობა შეადგენს 24ლ (სხეულის მასის 28%). პლაზმის ცილებს უკავშირდება 11-20%. პლაზმის კლირენსი 100მლ/წთ, შარდის კლირენსი 94მლ/წთ. იგი გამოიყოფა შარდთან ერთად უცვლელი სახით. პაციენტებში თირკმლის უკმარისობით ან დაქვეითებული გლომერულური ფილტრაცით პრეპარატის გამოყოფა შენელებულია. ამიტომ აუცილებელია თირკმლის გამომყოფი ფუნქციის კონტროლი და დოზის კორექცია..
ვენაში შეყვანის შემდეგ ანტიბიოტიკის თერაპიული კონცენტრაცია აღინიშნება 30-60 წუთის შემდეგ.

ჩვენებები
ამიბაკის მიმართ მგრძნობიარე მიკროორგანიზმებით გამოწვეული, მძიმე მიმდინარეობის ინფექციურ-ანთებითი დაავადებები:
• ბაქტერიული სეპტიცემია (მათ შორის ახალშობილთა სეფსისი)
• სასუნთქი გზების ინფექციები 
• შარდ-სასქესო სისტემის ხშირად მორეციდივე ინფექციები (პიელონეფრიტი, ცისტიტი, ურეთრიტი, პროსტატიტი, გონორეა)
• აბდომინალური ინფექციები (მათ შორის, პერიტონიტი)
• ძვლებისა და სახსრების ინფექციები 
• კანისა და რბილი ქსოვილების ჩირქოვანი ინფექციები (ინფიცირებული დამწვრობები, წყლულები და ნაწოლები, ჭრილობისა და პოსტოპერაციული ინფექციები.)
• სეპტიური ენდოკარდიტი

მიღების წესები და დოზები
ინტრავენური და ინტრამუსკილარული გამოყენება:
მკურნალობის ხანგრძლივობა ი/ვ გამოყენებისას შეადგენს 5-7 დღეს, ი/მ გამოყენებისას 7-10 დღე.
დოზას ადგენენ ინდივიდუალურად, დაავადების სიმძიმის, ინფექციის ლოკალიზაციისა და გამომწვევის მგრძნობელობის გათვალისწინებით, აგრეთვე ავადმყოფის სხეულის წონის მიხედვით. ჭაბწონიანი პაციენტებისთვის დოზა ითვლება ნორმალურ წონასთან მიმართებაში (ცხიმოვანი ქსოვილის გათვალისწინების გარეშე).
• მოზრდილებსა და ბავშვებში : 
7,5 მგ/კგ წონაზე ყოველ 12 სთ-ში, კურსი 7-10 დღე, რაც საშუალოდ შეადგენს: მოზრდილებში – 500მგ ორჯერ დღეში, ბავშვებში – 250მგ მგ ორჯერ დღეში. 
მოზრდილებში სიცოცხლისათვის საშიში და/ან Pseudomonae spp.-თი გამოწვეული ინფექციებისას, დოზა შეიძლება გაიზარდოს 500მგ 8 სთ-ში ერთჯერ (სადღეღამისო დოზა არ უნდა აჭარბებდეს 1,5გ-ს, მკურნალობის ხანგრძლივობა არაუმეტეს 10 დღისა. 
თირკმლის ფუნქციის დარღვევისას დღიური დოზა უნდა შემცირდეს ან გაიზარდოს ინტერვალი პრეპარატის მიღებებს შორის. ციფრი, რომელიც მიიღება პლაზმის კრეატინინის 9-ზე გამრავლებით, მიუთითებს ინექციებს შორის ინტერვალზე (საათებში) (დოზა 7.5მგ/კგ წონაზე) ჩვეულებრივ კეთდება ინტრამუსკულარულად, მაგრამ სიცოცხლისათვის საშიში ინფექციებისას კეთდება ინტრავენურად. 
• ახალშობილებში და დღენაკლ ახალშობილებში: 
საწყისი დოზა შეადგენს 10 მგ/კგ წონაზე, შემდეგ 7,5 მგ/კგ წონაზე ყოველ 12 სთ-ში, 7-10 დღის განმავლობაში.
ამიბაკი, სხვა ამინოგლიკოზიდების მსგავსად, სიფრთხილით გამოიყენება ახალშობილებსა და დღენაკლ ბავშვებში მათი შარდგამომყოფი სისტემის ჩამოუყალიბებლობის გამო. 

ინტრავენურად ამიბაკის შეყვანა შეიძლება ნაკადურად 2 წთ-ის ან წვეთოვნად 30-60 წთ-ის (ახალშობილებში 1-2 სთ) განმავლობაში. პრეპარატის საჭირო დოზას ხსნიან 100-200 მლ სტერილურ გამხსნელში. ამიკაცინის კონცენტრაცია ი/ვ გადასასხმელ ხსნარში არ უნდა აღემატებოდეს 5 მგ/მლ-ს. პრეპარატის ხსნარის მოსამზადებლად ი/ვ გამოყენებისთვის რეკომენდებულია შემდეგი გამხსნელები:
_ გლუკოზის 5%-იანი საინექციო ხსნარი;
_ გლუკოზის 5%-იანი ხსნარი და ნატრიუმის ქლორიდის 0,2%-იანი საინექციო ხსნარი;
_ გლუკოზის 5%-იანი და ნატრიუმის ქლორიდის 0,45%-იანი საინექციო ხსნარი;
_ ნატრიუმის ქლორიდის 0,9%-იანი საინექციო ხსნარი;
_ რინგერ-ლაქტატის საინექციო ხსნარი.
ხსნარი მზადდება უშუალოდ გამოყენებამდე.

გვერდითი მოვლენები
საჭმლის მომნელებელი სისტემის მხრივ: გულისრევა, ღებინება, სისხლში ღვიძლის ტრანსამინაზების კონცენტრაციის მომატება, ჰიპერბილირუბინემია.
ალერგიული რეაქციები: კანზე გამონაყარი, ქავილი, ცხელება, იშვიათად _ კვინკეს შეშუპება.
ცენტრალური და პერიფერული ნერვული სისტემის მხრივ: თავის ტკივილი, ძილიანობა, ნერვ-კუნთოვანი გამტარობის დარღვევა, სმენის დაქვეითება შეუქცევადი სიყრუის განვითარებამდეც კი, ვესტიბულარული დარღვევები.
შარდგამომყოფი სისტემის მხრივ: ოლიგურია, პროტეინურია, მიკროჰემატურია.

უკუჩვენება
პრეპარატის კომპონენტების, აგრეთვე ამინოგლიკოზიდების ჯგუფის სხვა ანტიბიოტიკების მიმართ ჰიპერმგრძნობელობა; სასმენი ნერვის ნევრიტი; ორსულობა, ლაქტაციის პერიოდი
ამიბაკით მკურნალობისას ძუძუთი კვება უნდა შეწყდეს პრეპარატის დედის რძეში გადასვლის შესახებ ზუსტი მონაცემების არარსებობის გამო.

განსაკუთრებული მითითებები
არ არის რეკომენდებული პრეპარატის გამოყენება 14 დღეზე უფრო მეტ ხანს, ვინაიდან მისი უსაფრთხოება ამ ვადის შემდეგ დადგენილი არ არის. ოტოტოქსიურობის და ნეფროტოქსიურობის ნიშნების გამოვლენისას, საჭიროა პრეპარატის მიღების შეწყვეტა ან მისი დოზის კორეგირება. ფაქტორებს, რომლებიც ზრდიან გვერდითი მოვლენების განვითარების რისკს, მიეკუთვნება ხანდაზმული ასაკი და დეჰიდრატაცია.
ამიბაკისა და მარყუჟოვანი შარდმდენების (ფუროსემიდი), კარბენიცილინის, ცეფალოსპორინების, B ამფოტერიცინის, ვანკომიცინის, მეთოქსიფლურანის, ენფლურანის, არასტეროიდული ანთების საწინააღმდეგო საშუალებების, რენტგენოკონტრასტული საშუალებების, პოლიმიქსინების ერთდროული დანიშვნისას იზრდება გვერდითი მოვლენების განვითარების საშიშროება. 
ანტიბიოტიკების ამ ჯგუფს შეუძლია გააძლიეროს კუნთების სისუსტე ნერვ-კუნთოვან გამტარობაზე კურარეს მსგავსი პოტენციური ეფექტის გამო, ამიტომ სიფრთხილით გამოიყენება მიასთენიისა და პარკინსონით დაავადებულ პაციენტებში.

აზოტრინი 500

AZOTRIN 500

აზოტრინი 500 მგ აპკიანი გარსით დაფარული ტაბლეტი.

მიიღება პერორალურად.

• აქტიური ინგრედიენტი: ყოველი ტაბლეტი შეიცავს 524.1 მგ აზითრომიცინის დიჰიდრატს, რაც 500 მგ აზითრომიცინის ექვივალენტურია.
• დამხმარე საშუალებები: სახამებელი, პრეჟელატინიზებული, დაბალჩანაცვლებული ჰიდროგენ ფოსფატ დიჰიდრატი, ნატრიუმის ლაურილ სულფატი, კროსკარმელოზას ნატრიუმი (ac-di-sol), ლაქტოზა, უწყლო (მიღებული ხარის რძისგან), კოლოიდური უწყლო სილიკა (E551), მაგნიუმის სტეარატი (E572), ჰიდროქსიპროპილ მეთილ ცელულოზა 2910/ჰიპრომელოზა 5cp (E464), მაკროგოლი/პოლიეთილენ გლიკოლი 400 (E1521) და ტიტანის დიოქსიდი (E171).

ამ პრეპარატის გამოყენების წინ ყურადღებით წაიკითხეთ ეს ინსტრუქციის ფურცელი. მასში მოცემულია თქვენთვის მნიშვნელოვანი ინფორმაცია.

• შეინახეთ ეს ინსტრუქცია. შეიძლება დაგჭირდეთ მისი კვლავ წაკითხვა.
• დამატებითი კითხვების შემთხვევაში, მიმართეთ თქვენს ექიმს ან ფარმაცევტს.
• ეს პრეპარატი დაგენიშნათ მხოლოდ თქვენ. არ მისცეთ ის სხვებს.
• გამოყენების დროს, ექიმთან ან საავადმყოფოში ვიზიტისას, უთხარით თქვენს ექიმს, რომ იღებთ ამ პრეპარატს.
• მკაცრად დაიცავით ამ ინსტრუქციაში მოცემული მითითებები. არ გამოიყენოთ თქვენთვის რეკომენდებულზე უფრო მაღალი ან დაბალი დოზები.

ამ ინსტრუქციაში:

1. რა არის აზოტრინი და რისთვის გამოიყენება
2. რა უნდა იცოდეთ აზოტრინის გამოყენების წინ
3. როგორ გამოიყენება აზოტრინი
4. შესაძლო გვერდითი ეფექტები
5. როგორ ინახება აზოტრინი

1. რა არის აზოტრინი და რისთვის გამოიყენება:

აზოტრინი არის 500 მგ აპკიანი გარსით დაფარული ტაბლეტი. წარმოდგენილია ბლისტერულ შეფუთვაში 3 ტაბლეტით, ყოველი ტაბლეტუ შეიცავს 500 მგ აზითრომიცინს. აზოტრინი არის თეთრი ფერის, ერთ მხარეს გასაყოფი ხაზით, მეორე მხარეს ბრტყელი, მოგრძო ფორმის, აპკიანი გარსით დაფარული. გასაყოფი ხაზი განკუთვნილია ტაბლეტის თანაბარ დოზებად დაყოფის მიზნით. ტაბლეტი შეიცავს ხარის რძისგან მიღებულ ლაქტოზას.

აზოტრინი მიეკუთვნება მაკროლიდების სახელით ცნობილი ანტიბიოტიკების ჯგუფს. გამოიყენება ზოგიერთი ბაქტერიისა და სხვა მიკროორგანიზმებით გამოწვეული ინფექციების სამკურნალოდ:

• გულ-მკერდის, ყელის ან ცხვირის ინფექციები (როგორიცაა ბრონქიტი, პნევმონია და სინუსიტი)
• Streptococcus pyogenes-ით გამოწვეული ფარინგიტისა და ტონზილინის მკურნალობისას პენიცილინზე ალერგიის შემთხვევაში
• ყურის მწვავე ინფექციები (მწვავე შუა ყურის ანთება)
• კანისა და რბილი ქსოვილების ინფექციები (როგორიცაა აბსცესი ან ძირმაგარა)
• სქესობრივი გზით გადამდები დაავადებები, გამოწვეული Chlamydia-ს მიერ
• რბილი ქსოვილების წყლულები, გამოწვეული Haemophilus ducreyi მიკროორგანიზმით და სქესობრივი გზით გადამდები ინფექციები, გამოწვეული არა მულტი-პრეპარატ-რეზისტენტული მიკროორგანიზმით Neisseria gonorrhoeae, თანმხლები ინფექციების გარეშე

2. რა უნდა იცოდეთ აზოტრინის მიღების წინ

არ გამოიყენოთ აზოტრინი შემდეგ შემთხვევებში:

• თუ გაქვთ ალერგია აზოტრინის ან ნებისმიერი სხვა მაკროლიდური ანტიბიოტიკის მიმართ, როგორიცაა ერითრომიცინი ან კლარითრომიცინი ან აზოტრინის ნებისმიერი ინგრედიენტი. ალერგიულმა რეაქციამ შეიძლება გამოიწვიოს გამონაყარი ან ხიხინი.
• თუ გაქვთ ღვიძლის პრობლემები.

• იღებთ რომელიმე ერგოტის წარმოებულებს, როგორიცაა ერგოტამინი (გამოიყენება მიგრენის სამკურნალოდ).

აზოტრინი გამოიყენეთ განსაკუთრებული სიფრთხილით შემდეგ შემთხვევებში:

• თუ გაქვთ თირკმლის პრობლემები
• თუ გაქვთ გულის დაავადებები
• თუ გაქვთ საზოგადოებაში გავრცელებული ინფექციური დაავადება
• თუ არსებობს ეჭვი სეპტიცემიაზე ან დიაგნოსტირებულია სეპტიცემია
• თუ იმყოფებით სტაციონარულ მკურნალობაზე
• თუ ხართ ხანდაზმული ასაკის ან ძლიერ დასუსტებული
• თუ გაქვთ ჯანმრთელობის სხვა სერიოზული პრობლემები (იმუნური სისტემის დეფიციტი ან თანდაყოლილი ასპლენია/ქირურგიული ასპლენიის მდგომარეობა, სხვ.)
• თუ გაქვთ ღვიძლის დაავადება
• როგორც სხვა ანტიბიოტიკების შემთხვევაში, ექიმმა უნდა გააკონტროლოს მეორადი ინფექციის რისკი დასუსტებულ ორგანიზმში, არამგრძნობიარე ორგანიზმებით, მათ შორის, სოკოებით გამოწვეული ნებისმიერი სახის ინფექციის გამო
• თუ აღინიშნება დიარეა.

თუ ეს გაფრთხილებები გეხებათ თქვენ ან გეხებოდათ წარსულში, კონსულტაციისთვის მიმართეთ ექიმს.

აზოტრინის გამოყენება საკვებთან და სასმელთან ერთად

აზოტრინი მიიღეთ ჭამამდე 1 საათით ადრე ან 2 საათის შემდეგ.

ორსულობა

ამ პრეპარატის მიღების წინ რჩევა ჰკითხეთ თქვენს ექიმს.

თუ ხართ ორსულად და ცდილობთ დაორსულებას, არ  მიიღოთ აზოტრინი ექიმთან კონსულტაციის გარეშე.

აზოტრინი ორსულობის დროს გამოიყენება მხოლოდ აუცილებლობისას.

დაუყოვნებლივ მიმართეთ თქვენს ექიმს, თუ მკურნალობის დროს შენიშნავთ, რომ ხართ ორსულად.

ძუძუთი კვება

ცნობილი არ არის გადადის თუ არა აზითრომიცინი ადამიანის დედის რძეში.

პრეპარატის მიღების წინ კონსულტაციისთვის მიმართეთ თქვენს ექიმს ან ფარმაცევტს.

ავტომობილებისა და მექანიზმების მართვა.

მოსალოდნელი არ არის აზოტრინის ზემოქმედება ავტომობილების ან მექანიზმების მართვის უნარზე.

მნიშვნელოვანი ინფორმაცია აზოტრინის ზოგიერთი ინგრედიენტის შესახებ

ეს პრეპარატი შეიცავს ლაქტოზას. თუ ექიმმა ადრე გითხრათ, რომ გაქვთ ზოგიერთი შაქრის გადაუტანლობა, ამ პრეპარატის მიღების წინ მიმართეთ თქვენს ექიმს.

სხვა პრეპარატების გამოყენება

აზოტრინის მიღების წინ უთხარით თქვენს ექიმს, თუ იღებთ რომელიმე ქვემოთ ჩამოთვლილ პრეპარატს და აზოტრინის ან სხვა პრეპარატების შესახებ ნებისმიერი კითხვის ან წუხილის შემთხვევაში, მიმართეთ თქვენს ექიმს ან ფარმაცევტს:

• ერგოტი ან ერგოტამინი

• ვარფარინი ან ნებისმიერი მსგავსი პრეპარატი, რომელიც გამოიყენება სისხლის შედედების პრევენციისათვის.

• ციკლოსპორინი (გამოიყენება იმუნური სისტემის სუპრესიისთვის, ტრანსპლანტირებული ორგანოს ან ძვლის ტვინის უკუგდების პრევენციის და მკურნალობის მიზნით)

• დიგოქსინი (გამოიყენება გულის უკმარისობის სამკურნალოდ)

• თეოფილინი (გამოიყენება ასთმის სამკურნალოდ)

• ნელფინავირი (გამოიყენება აივ ინფექციის სამკურნალოდ)

თუ მოუნელებლობის პრობლემის გამო იღებთ ანტაციდებს, აზოტრინი უნდა  მიიღოთ ანტაციდების მიღებამდე ერთი საათით ადრე ან მათი მიღებიდან ორი საათის შემდეგ.

იმ პაციენტებში, რომლებიც ერთდროულად იღებენ აზოტრინსა და რიფაბუტინს, აღინიშნება სისხლში სეგმენტირებული უჯრედების რაოდენობის დაქვეითება.

უთხარით თქვენს ექიმს ან ფარმაცევტს, თუ ამჟამად იღებთ ან ცოტა ხნის წინ იღებდით ნებისმიერ რეცეპტით ან ურეცეპტოდ გასაცემ პრეპარატს.

3. როგორ გამოიყენება აზოტრინი

მითითებები სათანადო გამოყენების და დოზის/მიღების სიხშირის შესახებ:

აზოტრინი მიიღება ერთჯერადი სადღეღამისო დოზის სახით.

Chlamydia trachomatis, Haemophilus ducreyi ან მგრძნობიარე Neisseria gonorrhoeae-ით გამოწვეული სქესობრივი გზით გადამდები დაავადებების მკურნალობისას დოზა არის 1000 მგ ერთჯერადი პერორალური დოზის სახით.

ყველა სხვა ჩვენებისას საერთო დოზა არის 1500 მგ, რომელიც მიიღება დღეში 500 მგ დოზით, ზედიზედ 3 დღის განმავლობაში.

S. pyogenes-ით გამოწვეული ტონზილიტის/ფარინგიტის მკურნალობისას, საერთო დოზა, რომელიც გამოიყენება 5 დღის განმავლობაში, არის 500 მგ 1-ელ დღეს და 250 მგ მომდევნო დღეებში (დღეები 2, 3, 4 და 5).

მიღების გზა და წესი:

მიიღება პერორალური გზით, მთლიანად.

სხვადასხვა ასაკობრივი ჯგუფები:

გამოყენება ბავშვებში:

45 კგ-ზე მეტი წონის ბავშვებში გამოიყენება მოზრდილებისთვის განკუთვნილი დოზა. ტონზილიტის/ფარინგიტის გარდა, მაქსიმალური რეკომენდებული დოზა არის 1500 მგ ბავშვებში ნებისმიერი მკურნალობისთვის. ტონზილიტის/ფარინგიტის მკურნალობისას საერთო დოზა, რომელიც 5 დღის განმავლობაში გამოიყენება არის 500 მგ 1-ელ დღეს და 250 მგ მომდევნო დღეებში (მე-2, მე-3, მე-4 და მე-5 დღეს).

45 კგ-მდე წონის ბავშვებში გამოიყენება პერორალური სუსპენზიის ფორმები.

აზითრომიცინის გამოყენება რეკომენდებული არ არის 6 თვეზე მეტი ასაკის ჩვილებში.

ვინაიდან აზითრომიცინის ეფექტიანობა და უსაფრთხოება ნაჩვენები არ არის 6 თვემდე ასაკის ჩვილებში, მისი გამოყენება ამ ასაკობრივ ჯგუფში რეკომენდებული არ არის.

გამოყენება ხანდაზმულებში:

ხანდაზმულებში გამოიყენება ის დოზა, რაც მოზრდილ პაციენტებში.

მიღების განსაკუთრებული პირობები:

თირკმლის უკმარისობა:

დოზის კორექცია საჭირო არ არის, თუ გაქვთ თირკმლის ფუნქციის მსუბუქი ან საშუალო ხარისხის დარღვევა. თუ გაქვთ თირკმლის ფუნქციის მძიმე დარღვევა, აზითრომიცინი მიიღეთ სიფრთხილით.

ღვიძლის უკმარისობა:

თუ გაქვთ ღვიძლის ფუნქციის მსუბუქი ან საშუალო დარღვევა, შეიძლება იმ  დოზის გამოყენება, რაც ღვიძლის ნორმალური ფუნქციის მქონე პაციენტებში.

არ გამოიყენება ღვიძლის მძიმე უკმარისობისას.

თუ ფიქრობთ, რომ აზოტრინის მოქმედება ძალიან ძლიერი ან სუსტია, კონსულტაციისთვის მიმართეთ თქვენს ექიმს ან ფარმაცევტს.

თუ მიიღეთ იმაზე მეტი აზოტრინი, ვიდრე უნდა მიგეღოთ:

შეიძლება თავი შეუძლოდ იგრძნოთ, თუ მიიღეთ იმაზე მეტი აზოტრინი, ვიდრე უნდა მიგეღოთ. ასეთ შემთხვევაში, მიმართეთ ექიმს ან უახლოესი საავადმყოფოს მიმღებ განყოფილებას. თან იქონიეთ პრეპარატი.

თუ მიიღეთ იმაზე მეტი აზოტრინი, ვიდრე უნდა მიგეღოთ, მიმართეთ თქვენს ექიმს ან ფარმაცევტს.

თუ დაგავიწყდათ აზოტრინის მიღება:

თუ დაგავიწყდათ აზოტრინის მიღება, მიიღეთ, როგორც კი გაგახსენდებათ. შემდეგი დოზა მიიღეთ დანიშნულ დროს.

არ მიიღოთ ორმაგი დოზა გამოტოვებული დოზის კომპენსირების მიზნით.

შესაძლო გვერდითი ეფექტები აზოტრინით მკურნალობის შეწყვეტის შემდეგ:

თუ შეწყვეტთ აზოტრინის მიღებას დანიშნულ ვადაზე ადრე, ინფექცია შეიძლება ხელახლა განვითარდეს.

აზოტრინი მიიღეთ ექიმის რეკომენდაციის შესაბამისად, მაშინაც კი, თუ თავს უკეთ გრძნობთ. არ შეწყვიტოთ აზოტრინის გამოყენება ექიმთან კონსულტაციის გარეშე.

თუ გაქვთ დამატებითი შეკითხვები ამ პროდუქტის გამოყენების შესახებ, რჩევა ჰკითხეთ თქვენს ექიმს ან ფარმაცევტს. 

4. შესაძლო გვერდითი ეფექტები

ყველა პრეპარატის მსგავსად, ამ პრეპარტმაც შეიძლება გამოიწვიოს გვერდითი ეფექტები იმ პაციენტებში, რომლებიც მგრძნობიარე არიან აზოტრინის ინგრედიენტების მიმართ.

დაუყოვნებლივ უთხარით თქვენს ექიმს, თუ ამ პრეპარატის მიღების შემდეგ განვითარდა რომელიმე შემდეგი სიმპტომი. ეს სიმპტომები იშვიათია, მაგრამ შეიძლება იყოს მძიმე ხარისხის.

• აზოტრინის გამოყენებისას: არარეგულარული გულის დარტყმები, თავბრუსხვევა ან გონების დაკარგვა
• უეცარი ხიხინი
• სუნთქვის გაძნელება
• ქუთუთოების შეშუპება
• სახის ან ტუჩების შეშუპება
• გამონაყარი ან ქავილი (განსაკუთრებით მთელ სხეულზე).

ყველაზე ხშირი გვერდითი ეფექტები, რომლებიც შეიძლება განვითარდეს აზოტრინის მიღებისას, ჩამოთვლილი ქვემოთ. ეს ეფექტები შეიძლება გავიდეს მკურნალობის დროს, მას შემდეგ, რაც ორგანიზმი შეეჩვევა პრეპარატს. უთხარით თქვენს ექიმს, თუ რომელიმე გვერდითი ეფექტი გაწუხებთ.

გვერდითი ეფექტები კლასიფიცირებულია ქვემოთ მოცემული კატეგორიების მიხედვით:

ძალიან ხშირი: ვლინდება 10-დან მინიმუმ 1 პაციენტში

ხშირი: შეიძლება აღინიშნოს 10-დან 1-ზე ნაკლებ, მაგრამ 100-დან ერთზე მეტ პაციენტში

არახშირი: შეიძლება აღინიშნოს 100-დან 1-ზე ნაკლებ, მაგრამ 1000-დან ერთზე მეტ პაციენტში

იშვიათი: შეიძლება აღინიშნოს 1000-დან 1-ზე ნაკლებ, მაგრამ 10000-დან ერთზე მეტ პაციენტში

ძალიან იშვიათი: შეიძლება აღინიშნოს 10000-დან 1-ზე ნაკლებ პაციენტში

ცნობილი არ არის: შეფასება შეუძლებელია არსებული მონაცემების

საფუძველზე

ძალიან ხშირი:

დიარეა

მუცლის ტკივილი

გულისრევა

მუცლის შებერილობა

ხშირი:

თავის ტკივილი, სტუპორი

ჩხვლეტა ან დაბუჟება

გემოს დარღვევა, მადის დაკარგვა

მხედველობის დარღვევები, შეგრძნებების დაკარგვა

ღებინება, მოუნელებლობა

გამონაყარი, ქავილი

სახსრების ტკივილი

ლიმფოციტების (სისხლის თეთრი უჯრედების სახეობა) დაბალი რაოდენობა  და ეოზინოფილების (სისხლის თეთრი უჯრედების სახეობა) მაღალი რაოდენობა

ბიკარბონატის დაბალი შემცველობა სისხლში

დაღლილობა

არახშირი:

პირის ღრუსა და საშოს საფუარული ინფექცია

ლეიკოციტების (სისხლის თეთრი უჯრედების სახეობის) და ნეიტროფილების (სისხლის თეთრი უჯრედების სახეობის) დაბალი რაოდენობა

სხვადასხვა სიმძიმის ალერგიული რეაქციები

გენერალიზებული გამონაყარი და კანის აქერცვლა

კანის მძიმე რეაქციები სინათლის ან მზის ზემოქმედების შედეგად

ჭინჭრის გამონაყარი

ნერვოზულობა

შეხების გრძნობის დაქვეითება

ძილიანობა

უძილობა

ტინიტი, სმენის ფუნქციის დარღვევა (შეუქცევადი)

არარეგულარული გულის დარტყმები

ყაბზობა

ღვიძლის ანთება

ტკივილი გულ-მკერდის არეში

ფიზიკური ძალების დაკარგვა

შეშუპება

ზოგადი დისკომფორტი

დარღვევები ლაბორატორიული ანალიზის მაჩვენებლებში (მაგ. სისხლის ან ღვიძლის ტესტებში)

ღებინება (სისხლიანი ან უსისხლო) მუცლის ტკივილით

იშვიათი:

აგზნება

თავბრუსხვევა (ვერტიგო)

ღვიძლის ფუნქციის დარღვევები

დამატებითი გვერდითი ეფექტები, რომლებიც განვითარდა პოსტ-მარკეტინგულ პერიოდში

ცნობილი არ არის:

აგრესია, აგზნება, კრუნჩხვები, ჰიპერაქტიურობა, გონების დაკარგვა

ყნოსვის დაკარგვა ან ყნოსვის გრძნობის ცვლილება, გემოს დაკარგვა

გულის არითმია, ტაქიარითმია, არითმია

დაბალი არტერიული წნევა

პანკრეატიტი, ენის ფერის შეცვლა, კანზე სერიოზული რეაქციები

ღვიძლის უკმარისობა, ღვიძლის დისფუნქცია, სიყვითლე, კანის სიწითლე

თირკმლის უკმარისობა, თირკმლის ანთება

დარღვევები ელექტროკარდიოგრამაზე (ეკგ)

მუცლის ტკივილი, ასოცირებული ცხელებასთან და დიარეასთან

სისხლდენის ან სისხლნაჟღენთების იოლად განვითარება

დაღლილობა მუქი შეფერილობის შარდით

კუნთების ლოკალური სისუსტე

გვერდითი ეფექტების ინფორმირება

მიმართეთ თქვენს ექიმს, ფარმაცევტს ან ექთანს, თუ განვითარდა ისეთი გვერდითი ეფექტი, რომელიც მითითებული არ არის ამ ინსტრუქციაში. გარდა ამისა, ინფორმაცია გამოვლენილი გვერდითი ეფექტების შესახებ მიაწოდეთ თურქეთის ფარმაკოზედამხედველობის ცენტრს, რისთვისაც უნდა ეწვიოთ ვებ-გვერდს www.titck.gov.tr, „პრეპარატის გვერდითი ეფექტის ინფორმირება“ ან დარეკეთ ნომერზე 0800 314 00 08. გვერდითი ეფექტების შესახებ ინფორმაციის მიწოდებით ხელს შეუწყობთ ამ პრეპარატის უსაფრთხოების შესახებ მეტი ინფორმაციის შეგროვებას.

თუ განვითარდა ისეთი გვერდითი ეფექტი, რომელიც მითითებული არ არის წინამდებარე ინსტრუქციის ფურცელში, უთხარით თქვენს ექიმს ან ფარმაცევტს.

5. როგორ ინახება აზოტრინი

აზოტრინი შეინახეთ ბავშვებისაგან მიუწვდომელ ადგილას, ორიგინალ შეფუთვაში.

შეინახეთ 25°C-მდე ოთახის ტემპერატურაზე.

გამოიყენეთ ვარგისიანობის ვადის შესაბამისად

არ გამოიყენოთ აზოტრინი შეფუთვაზე მითითებული ვარგისიანობის ვადის გასვლის შემდეგ.

არ გამოიყენოთ აზოტრინი, თუ შენიშნავთ, რომ პროდუქტი და/ან შეფუთვა დაზიანებულია ან რაიმე დეფექტი აქვს.

არ გადაყაროთ ვადაგასული პრეპარატები ან პრეპარატები, რომლებსაც აღარ იყენებთ. ასეთი პრეპარატები მიაწოდეთ გარემოსა და ურბანიზაციის სამინისტროს მიერ განსაზღვრულ ორგანოს.

გაცემის წესი:  ფარმაცევტული პროდუქტის ჯგუფი II, გაიცემა ფორმა N3 რეცეპტით.

სავაჭრო ნებართვის მფლობელი:

Biofarma İlaç San. ve Tic. A.Ş.

აკპინარ მაჰ. ოსმანგაზი კად. N: 156

სანჯაქტეპე/სტამბოლი/თურქეთი

ტელ: (0216) 398 10 63

ფაქსი: (0216) 398 10 20

მწარმოებელი:

Biofarma İlaç San. ve Tic. A.Ş.

აკპინარ მაჰ. ოსმანგაზი კად. N: 156

სანჯაქტეპე/სტამბოლი/თურქეთი

ტელ: (0216) 398 10 63

ფაქსი: (0216) 398 10 20