ქვეყანა: იტალია

მწარმოებელი: ზეტა ფარმასეუტიკალ

გაცემის ფორმა: III ჯგუფი ურეცეპტო

ინსტი საბავშვო / INSTY KIDS

სამკურნალო ფორმა: გრანულები

ინსტის მცენარეული გრანულები წარმოადგენს კარგად შერჩეული მცენარეების ოპტიმალურ დაბალანსებულ შემადგენლობას ტკივილგამაყუჩებელი, სიცხის დამწევი, ამოსახველებელი და შეგუბების საწინააღმდეგო მოქმედებით.

საერთო ჯამში გააჩნია ფართო სპექტრის ანტიმიკრობული მოქმედება და დადასტურებულია მისი ეფექტურობა ისეთი ვირუსული ინფექციების წინააღმდეგ, როგორიცაა გრიპი.

ინსტი საბავშვო გრანულები ადვილად იხსნება წყალში.

ინსტი საბავშვო – სწრაფად ხსნადი გრანულებია უნივერსალური მოქმედებით სხვადასხვა ეთიოლოგიის ხველისას, გაციებისას, გრიპისას, ტემპერატურის მომატებისას, თავისა და ფიზიკური ტკივილებისას.

ინსტი საბავშვო –    სასიამოვნო გემოს პრეპარატია, რომელიც შეიცავს მხოლოდ სამკურნალო მცენარეების ექსტრაქტებს და არ შეიცავს რაიმე სახის სინთეზურ და ქიმიურ ნივთიერებებს.

ინსტი საბავშვო – არ იწვევს ძილიანობას, არ ახასიათებს მიჩვევის ეფექტი და მისი გამოყენება უსაფრთხოა  უფროსებსა და ბავშვებში.

ინსტი საბავშვოსშ ემადგენლობა:

ინსტი საბავშვოს შემადგენელი კომპონენტების განსაკუთრებული თვისებები:

გამოყენების ჩვენებები:
– ყელის გაღიზიანება
– ხველა
– გრიპი
– ცხვირის შეგუბება
– ცხელება
– გაციება
– თავისა და ფიზიკური ტკივილები

გამოყენების ინსტრუქცია
პაკეტი გახსენით ერთ ჭიქა ცხელ წყალში ან ჩაიში და დალიეთ ნელ-ნელა.

დოზირება:
10 წლამდე ასაკის ბავშვებში: 1 პაკეტი 2-ჯერ დღეში.

10 წელზე ზემოთ ასაკის ბავშვებში: 1 პაკეტი 3-ჯერ დღეში

ან ექიმის დანიშნულების მიხედვით.

განსაკუთრებული მითითებები:
გრანულები შეიცავენ საქაროზას, რაც აუცილებლად გასათვალისწინებელია დიაბეტით.

დაავადებული პაციენტებისათვის, ასევე ჰიპოკალორიული დიეტისას.

გვერდითი ეფექტები:
მოსალოდნელია ალერგიული რეაქციები პაციენტებში, რომელთაც ახასიათებთ ალერგია ინსტის შემადგენელი ნებისმიერი კომპონენტის მიმართ.

ჭარბი დოზირება:
არ არის ცნობილი.

გამოშვების ფორმა:
პაკეტი 3,5 გრ-იანია; ყოველი მუყაოს კოლოფი შეიცავს 5/10 პაკეტს.

შენახვის ვადა:
3 წელი გამოშვების თარიღიდან.

შენახვის პირობები:
ინახება არაუმეტეს 25°C ტემპერატურაზე.

ვარგისობის ვადა:
არ გამოიყენოთ პრეპარატი შეფუთვაზე მითითებული ვარგისობის ვადის გასვლის შემდეგ.

აფთიაქიდან გაცემის წესი:

ფარმაცევტული პროდუქტის ჯგუფი – III, გაიცემა რეცეპტის გარეშე

მოარიდეთ ბავშვებს.

ქვეყანა: იტალია

მწარმოებელი: ზეტა ფარმასეუტიკალ

გაცემის ფორმა: III ჯგუფი ურეცეპტო

ინდომეტაცინი
(INDOMETACIN)

წამლის ფორმა:
სუპოზიტორი.

შემცვლობა:
ერთი სუპოზიტორის შემცველობა მგ-ში:

აქტიური ნივთიერება:
ინდომეტაცინი 50 მგ.

დამხმარე ნივთიერებები:
მყარი ცხიმები (Estaram W35, Estaram H15).

ფარმაკოთერაპიული ჯგუფი:
არასტეროიდული ანთების საწინააღმდეგო საშუალება (აასს).

გამოყენების ჩვენებები: 
გამოიყენება მკაცრად ექიმის დანიშნულებით გართულებების ასარიდებლად!
ინდომეტაცინი სუპოზიტორები 50 მგ გამოიყენება: სხვადასხვა გენეზის მწვავე ართრიტებისას (მათ შორის პოდაგრული); ქრონიკული ართრიტებისას, განსაკუთრებით რევმატიული ართრიტებისას (ქრონიკული პოლიართრიტები); ანკილოზირებადი სპონდილიტისას (ბეხტერევის დაავადება) და ხერხემლის სხვა ანთებითი-რევმატიული დაავადებებისას; ართროზებისა და სპონდილოართროზებისას (ანთებითი მდგომარეობა სახსრებისა და ხერხემლის დეგენერაციული დაავადებების დროს); რბილი ქსოვილების რევმატიზმისას; მტკივნეული შეშუპებებისა და ანთებების დროს ტრავმებისა და ოპერაციული ჩარევების სემდეგ (ზოგადქირურგიული, გინეკოლოგიური, სტომატოლოგიური და ა.შ.).

უკუჩვენებები:
ინდომეტაცინის გამოყენება უკუნაჩვენებია: ინდომეტაცინის, ასპირინის ან სხვა  აასს მიმართ ცნობილი ჰიპერმგრძნობელობისას (მითითებები ანამნეზში ბრონქოსპაზმზე, ჭინჭრის ციებაზე ან რინიტზე, გამოწვეული აცეტილსალიცილის მჟავის მიღებით); პროქტიტის და სხვადასხვა წარმოშობის რექტალური სისხლდენებისას; კუჭისა და/ან ნაწლავის წყლულოვანი დაავადებისას გამწვავების ფაზაში; ორსულობისა და ლაქტაციის დროს; ბავშვთა ასაკში (14 წლამდე).
ინდომეტაცინის გამოყენება ექიმის განსაკუთრებულ ყურადღებას საჭიროებს: კუჭ-ნაწლავის ტრაქტის დაავადებებისას და/ან კუჭ-ნაწლავის ტრაქტის ანთებითი-წყლულოვანი დაავადებებისას (წყლულოვანი კოლიტები, კრონის დაავადება) ანამნეზში; გულის ქრონიკული უკმარისობისას; არტერიული ჰიპერტონიისას; სისხლის შემადედებელი სისტემის დარღვევებისას; ღვიძლისა და/ან თირკმელების ფუნქციის დარღვევისას; ხანდაზმულ ასაკში; უშუალოდ მძიმე ოპერაციული ჩარევის შემდეგ.
საჭიროა სიფრთხილე ინდომეტაცინის დანიშვნისას პაციენტებისათვის, რომლებსაც აწუხებთ ფსიქიური მოშლილობა, დეპრესია, პარკინსონიზმი, ეპილეფსია.
დიდი სიფრთხილითა და ექიმის პირდაპირი კონტროლის ქვეშ ინდომეტაცინის გამოყენება შეიძლება ავადმყოფებში, რომლებსაც აწუხებთ ასთმა, ალერგიული სურდო, ცხვირის ლორწოვანას პოლიპები, ასევე სასუნთქი გზების ქრონიკული ინფექციებისას ავადმყოფებში ჰიპერმგრძნობელობით აასს მიმართ ასთმის შეტევის, კვინკეს შეშუპების ან ურტიკარიის წარმოქმნის საშიშროების გამო.

განსაკუთრებული მითითებები: 
იმის გამო, რომ ინდომეტაცინის გამოყენებისას შესაძლებელია ისეთი გვერდითი მოვლენების წარმოქმნა, როგორიცაა თავბრუსხვევა, ძილიანობა და დაღლილობის შეგრძნება, აუცილებელია სიფრთხილე მისი დანიშვნისას პაციენტებისათვის, რომელთა საქმიანობა პოტენციურად სახიფათოა და მოითხოვს ყურადღების კონცენტრირებასა და სწრაფ ფსიქომოტორულ და მოძრაობით რეაქციებს. ეს მოვლენები ძლიერდება ერთდროულად ალკოჰოლის მიღების დროს.

გამოყენების წესი და დოზები:
დოზირებებსა და მკურნალობის ხანგრძლივობას მკურნალი ექიმი განსაზღვრავს დაავადების მიმდინარეობის თავისებურებისა და მდგომარეობის სიმძიმის მიხედვით.
სუპოზიტორები შეიყვანება ნაწლავის გამოსუფთავების შემდეგ, შეძლებისდაგვარად ღრმად სწორ ნაწლავში.
ჩვეულებრივ უფროსებს ენიშნებათ თითო 50 მგ  სუპოზიტორი ორჯერ დღე-ღამეში.
14 წელზე უფროსი ასაკის ბავშვებს 1.5-2.3 მგ/სხ.წ.კგ დღე-ღამეში.

ურთიერთქმედება სხვა სამკურნალო საშუალებებთან:
ერთდროული გამოყენებისას ინდომეტაცინისა და: დიგოქსინის, ფენიტოინის ან ლითიუმის პრეპარატებისა, შესაძლებელია სისხლის პლაზმაში შემცირდეს ამ პრეპარატების შემცველობის დონე; დიურეზულები და ჰიპოტენზიური საშუალებებისას შეიძლება შემცირდეს ამ პრეპარატების მოქმედება; კალიუმის შემანარჩუნებელი დიურეზულებისას შესაძლოა ჰიპერკალიემია წარმოიქმნას; სხვა აასს, გლუკოკორტიკოიდების, კოლხიცინისას – მატულობს გვერდითი მოვლენების განვითარების რისკი კუჭ-ნაწლავის ტრაქტის მხრივ; ოქროს პრეპარატებისას იზრდება კომბინაციის ტოქსიკურობა თირკმელებთან მიმართებაში; აცეტილსალიცილის მჟავისას და/ან სხვა სალიცილატებისას იზრდება გვერდითი მოვლენების განვითარების რისკი; ციკლოსპორინისას შესაძლოა გაიზარდოს უკანასკნელის ტოქსიკური ზემოქმედება თირკმელებზე; ანტიდიაბეტურმა საშუალებებმა შესაძლოა გამოიწვიოს ჰიპო- და ჰიპერგლიკემია; საშუალებათა ამ კომბინაციისას აუცილებელია სისხლში შაქრის დონის კონტროლი; მეტოტრექსატმა მის გამოყენებამდე ან გამოყენების შემდეგ 24 საათის განმავლობაში შესაძლოა გამოიწვიოს მისი კონცენტრაციის გაზრდა და ტოქსიკური მოქმედების გაძლიერება; ანტიკოაგულანტებისას აუცილებელია სისხლის შედედების რეგულარული კონტროლი; ანტაციდები ზრდის ინდომეტაცინის პლაზმურ კონცენტრაციას.

გვერდითი მოქმედება:
წარმოქნილი გვერდითი ეფექტები დამოკიდებულია ინდივიდუალურ მგრძნობელობაზე, გამოყენებული დოზის სიდიდესა და მკურნალობის ხანგრძლივობაზე.
ადგილობრივი არასასურველი რეაქციები: წვის შეგრძნება, ქავილი, სიმძიმე ანორექტალურ არეში და მკურნალობამდე არსებული ბუასილის გამწვავება.
კუჭ-ნაწლავის ტრაქტი: განსაკუთრებით ხშირია ღებინება, გულისრევა, ფაღარათი, მათ შორის უმნიშვნელო სისხლდენებით კუჭ-ნაწლავის ტრაქტში. იშვიათად შეიძლება აღინიშნოს უმადობა, სპაზმები მუცელში, გადავსების შეგრძნება, რომლებსაც შეიძლება ახლდეს დაწყლულებები კუჭ-ნაწლავის ტრაქტში.
ცენტრალური ნერვული სისტემა: ზოგჯერ შეიძლება აღინიშნოს თავის ტკივილი, ძილის დარღვევა, დაღლილობის შეგრძნება, გაღიზიანება, აგზნებადობა, თავბრუსხვევა.
არსებობს ცალკეული შეტყობინებები გემოს შეგრძნების დაკარგვის, მხედველობის დარღვევის (გაორება თვალებში ან მხედველობის დაბინდვა), სმენის დარღვევით ყურებში ხმაურის, მეხსიერების დაქვეითების, დეზორიენტაციის შესახებ.
კანი: ზოგჯერ შესაძლებელია გამოვლინდეს ქავილი, გამონაყარი, ჭინჭრის ციება. ცალკეულ შემთხვევებში აღინიშნა სინათლის შეგრძნების მომატება, ეგზემა, ერითება, წერტილოვანი სისხლჩაქცევები კანზე, იშვიათად – კანის მხრივ რეაქციის მძიმე მიმდინარეობა (სტივენს-ჯონსონის სინდრომი, ლაიელის სინდრომი).
თირკმელები: ცალკეულ შემთხვევებში აღინიშნა თირკმელების ფუნქციის დარღვევა, პროტეინურია, ჰემატურია და თირკმელების დაზიანება (ინტერსტიციული ნეფრიტი, ნეფროზული სინდრომი). ამიტომ აუცილებელია თირკმელების ფუნქციის რეგულარული კონტროლი. გამოყოფილი შარდის ოდენობის შემცირებამ, შეშუპებები, ტეხვის შეგრძნებამ შეიძლება გამოიწვიოს თირკმელების დაავადების შთაბეჭდილება, თირკმლის უკმარისობისაც კი.
ღვიძლი: ზოგჯერ ვლინდება შრატში ტრანსამინაზის დონის მატება.
სისხლი: იშვიათ შემთხვევებში აღინიშნა სისხლწარმოქმნის დარღვევები (ანემია, ლეიკოპენია, აგრანულოციტოზი, თრომბოციტოპენია).
იმუნური სისტემა: შესაძლოა აღინიშნოს ინდომეტაცინის მიმართ ჰიპერმგრძნობელობის რეაქციები სახის,  ენის, ხორხის საჰაერო გზების შევიწროვებით შეშუპების, ასთმის შეტევამდე სუნთქვის გაძნელების, გულისცემის, შოკის საშიშროებამდე სისხლის წნევის მომატების სახით.

ჭარბი დოზა:
ინდომეტაცინის ჭარბი დოზის კლინიკური სურათი შეიცავს შემდეგ სიმპტომებს: ღებინება, გულისრევა, თავის ძლიერი ტკივილი, თავბრუსხვევა, მეხსიერების დაქვეითება და დეზორიენტაცია. უფრო მძიმე შემთხვევებში აღინიშნება პარესთეზიები, კიდურების დაბუჟება და კრუნჩხვა.
მკურნალობა მოიცავს პრეპარატის სწრაფად გამოდევნას ორგანიზმიდან და შესაბამისი სიმპტომატური საშუალებების გამოყენებას. ინდომეტაცინის ორგანიზმიდან ჰემოდიალიზის მეშვეობის გამოყვანა არ შეიძლება.

ვარგისიანობის ვადა:
2 წელი გამოშვების მომანტიდან. პრეპარატის გამოყენება შეფუთვაზე მითითებულ ვადაზე გვიან არ შეიძლება!

შენახვის პირობები:
მშრალ, სინათლისაგან დაცულ ადგილას, ტემპერატურაზე არაუმეტეს 25ºC,
სუპოზიტირი ინახება ორიგინალურ შეფუთვაში. წამლის გამოყენება ვარგისიანობის ვადის გასვლის შემდეგ არ შეიძლება.
ინახება ბავშვებისათვის მიუწვდომელ ადგილას!

აფთიაქიდან გაცემის პირობები:
ექიმის დანიშნულებით

წამლის ფორმა და შეფუთვა:
50 მგ 6 სუპოზიტორი პვქ/პე ფოლგის ბლისტერში; 1 ბლისტერი ფურცელ-ჩანართთან ერთად მოთავსებულია მუყაოს კოლოფში

მწარმოებელი
სს სოფარმა, ბულგარეთი, 1220 სოფია, ილიენსკო შოსეს ქ. #16

პრობიტეკი პლუსი

არ შეიცავს გმო–ს! 

შემადგენლობა:

პრობიტეკი პლუსის 1 კაფსულა შეიცავს :

Saccharomyces boulardii       7.2×10⁹(250 მგ–ის ექვივალენტურს),

Bifidobacterium  ssp  lactis     1.4×10⁸

Bifidobacterium breve             1.4×10⁸

Bifidobacterium longum         1.4×10⁸

Lactobacillus casei                 1.4×10⁸

Lactobacillus plantarum         1.4×10⁸

Lactobacillus rhamnosus        1.4×10⁸

დამხმარე ნივთიერებები: მალტოდექსტრინი, მაგნიუმის სტეარატი, სილიკონის დიოქსიდი, ჟელატინი.

პრობიტეკი პლუსში შემავალი კომპონენტების კომბინაციას გააჩნია კომპლექსური მოქმედება.

საქარომიცეს ბულარდის აქვს  ანტიმიკრობული მოქმედება და ეფექტურია ნაწლავური ინფექციიის გამომწვევი უმრავლესი პათოგენის მიმართ. მასში შემავალი პოლიამინები ხელს უწყობს ენტეროციტების რეგენერაციას.

პრობიტეკი პლუსი :

• ანეიტრალებს   პათოგენური მიკრობების მიერ გამოთავისუფლებულ ტოქსინებს.            
• ხელს უწყობს ნაწლავური ფლორის ბალანსის რეგულირებას და  ნორმალიზებას;
• აუმჯობესებს ნაწლავის ფერმენტაციულ  ფუნქციას;
• ზრდის ადგილობრივ იმუნიტეტს;

პრობიტეკი პლუსის მიღების ჩვენება:

• მწვავე და ქრონიკული ენტერიტი და ენტეროკოლიტი;
• დისბაქტერიოზის მკურნალობა და პროფილაქტიკა;
• სხვადასხვა გენეზის დიარეა.
• გაღიზიანებული ნაწლავის სინდრომი;
• ანტიბიოტიკოთერაპიის შემდგომი პერიოდი.

მიღების წესი: 1 ან 2 კაფსულა დღეში, ჭამის დროს ან ჭამის შემდეგ.

შეფუთვა: 15 კაფსულა ბლისტერზე,   2 ბლისტერი  მუყაოს კოლოფში.

უკუჩვენება: ინდივიდუალური აუტანლობა პრობიტეკი პლუსის კაფსულასი შემავალი კომპონენტების მიმართ.

უკუნაჩვენებია პაციენტებისთვის ცენტრალური ვენური კათეტერით.

სხვა პრეპარატებთან ურთიერთქმედება: არ გამოიყენება სოკოს საწინააღმდეგო პრეპარატებთან ერთად.

გაცემის პირობა: გაიცემა ურეცეპტოდ

შენახვის პირობები:

ინახება გრილ, სინათლისაგან დაცულ ადგილას.

შენახვის სასურველი ტემპერატურაა   5° C.

ინახება ბავშვებისთვის მიუწვდომელ ადგილას.

გაცემის პირობა: გაიცემა ურეცეპტოდ

მწარმოებელი:

THT Prayon Group

Crealys Science Park, Camille Hubert 17

5032 Gembloux (Isnes) – Belgium

www.tht.be

ქვეყანა: უზბეკეთი

მწარმოებელი: დენტაფილ პლუსი

გაცემის ფორმა: III ჯგუფი ურეცეპტო

ბიოლოგიურად აქტიური დანამატის
გამოყენების რეკომენდაცია
პრობიტეკი
(PROBITEK)

მოქმედება:
პრობიტეკი წარმოადგენს პრობიოტიკების ნაკრებს, რომელიც ხელს უწყობს კუჭ-ნაწლავის ტრაქტის მოქმედების ნორმალიზაციას. მასში შემავალი ლაქტობაქტერიები და ბიფიდობაქტერიები ლორწოვანი გარსის ზედაპირზე წარმოქმნიან დამცავ ბიოლოგიურ შრეს, რომელიც ეწინააღმდეგება მასზე პათოლოგიური მიკროორგანიზმებისა და უმარტივესების მიმაგრებას და იცავს ტოქსინების ზემოქმედებისაგან. ბიფიდობაქტერიები ამუხრუჭებენ დაავადების გამომწვევი ბაქტერიების გამრავლებას; მონაწილეობენ ჰორმონების, K და B-ჯგუფის ვიტამინების, ფოლიუმისა და პანტოთენის მჟავას სინთეზში; ხელს უწყობენ კალციუმის, რკინის, ვიტამინების შეწოვას; არეგულირებენ ნაწლავის პერისტალტიკას. ლაქტობაქტერიები გამოიმუშავებენ ანტიბიოტიკების მსგავს ნივთიერებებს, ინტერფერონს, ინტერლეიკინ-1-ს; ახასიათებთ ბაქტერიციდული აქტივობა პათოგენური მიკროფლორის მიმართ; განაპირობებენ ცილების, ცხიმებისა და ნახშირწყლების ფერმენტაციულ დაშლას. ლაქტობაცილები და რძემჟავა ბაქტერიები იცავენ ორგანიზმს ალერგიული რეაქციების განვითარებისაგან, ფაღარათისა და ყაბზობისაგან, აკონტროლებენ საჭმლის მომნელებელი ტრაქტის ლორწოვანი გარსის აღდგენას, მრავალფეროვან როლს ასრულებენ იმუნიტეტის ჩამოყალიბებასა და შენარჩუნებაში.

ძირითადი ფიზიკურ-ქიმიური თვისებები:
კრემისფერი, ჰიპრომელოზას (HPMC) მყარი კაფსულები, შევსებული მოთეთროდან ღია ყვითელ ფერამდე ფხვნილით.

შემადგენლობა:
პრობიტეკის 1 კაფსულა შეიცავს 10 მილიარდ ცოცხალ უჯრედს:Lactobacillus acidophilus, Lactobacillus plantarum, Lactobacillus rhamnosus, Bifidobacterium lactis.
დამხმარე ნივთიერებები: კარტოფილის სახამებელი, პრეჟელატინიზირებული სახამებელი, მაგნიუმის სტეარატი.
კაფსულის გარსის შემადგენლობა: ჰიპრომელოზა, საღებავი: ტიტანის დიოქსიდი (E 171).

გამოშვების ფორმა:
კაფსულები, 500 მგ.

ჩვენება:

– გამოიყენება მოზრდილებსა და ბავშვებში სხვადასხვა გენეზის დისბაქტერიოზის დროს (მათ შორის, გამოწვეული ანტიბიოტიკოთერაპიით, არარაციონალური კვებით, სტრესული მდგომარეობებით);
– აწესრიგებს კუჭ-ნაწლავის ტრაქტის მოქმედებას;
– აძლიერებს იმუნიტეტს.

მიღების წესი და დოზირება:
მოზრდილებსა და ბავშვებში 6 წლის ასაკის ზევით მიიღება 2 კაფსულა დღეში ერთხელ მცირე რაოდენობის წყალთან ერთად, ჭამიდან ნახევარი საათის შემდეგ.

უკუჩვენება:
არ არის გამოვლენილი.

შეფუთვა:
10 კაფსულა ბლისტერზე, 3 ბლისტერი მუყაოს კოლოფში.

შენახვის პირობები:
ინახება მაცივარში 2 – 8ºC ტემპერატურაზე.
ინახება ბავშვებისათვის მიუწვდომელ ადგილას.
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა:
1.5 წელი. შეფუთვაზე აღნიშნული ვადის გასვლის შემდეგ პრობიტეკის გამოყენება დაუშვებელია.

აფთიაქიდან გაცემის პირობა:
ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი, ჭირნახულის ქ. 14.
www.aversi.ge

ქვეყანა: ბელორუსია

მწარმოებელი: ბორისოვო მედ/პრ ქ-ნა

გაცემის ფორმა: III ჯგუფი ურეცეპტო

ინდომეტაცინი 10% 40გ მალამო

რას წარმოადგენს ინდომეტაცინი სოფარმა მალამო და რისთვის გამოიყენებენ მას

ინდომეტაცინი სოფარმა მალამო შეიცავს აქტიურ ნივთიერებას ინდომეტაცინს, რომელიც მიეკუთვნება სამკურნალო პრეპარატების ჯგუფს, წოდებულს ანტირევმატიული ან არასტეროიდული ანთების საწინააღმდეგო. ინდომეტაცინი ამსუბუქებს ანთების სიმპტომებს – ტკივილს და შეშუპებას. ინდომეტაცინი სოფარმა მალამო განკუთვნილია ტკივილის და შეშუპების ადგილობრივი სიმპტომატური მკურნალობისათვის საყრდენ-მამოძრავებელი აპარატის ანთებით და დეგენერაციული დაავადებისა და ტრავმების დროს; საყრდენ-მამოძრავებელი აპარატის სახსრების გარშემო არსებული რბილი ქსოვილების რევმატიზმის ლოკალიზებული ფორმების დროს: ტენდინიტი, სინოვიტი, ტენდოვაგინიტი, ფასციის და სახსრების იოგების ანთება; ხერხემლის ან ზედა და ქვედა კიდურების სახსრების ართრიტის ზოგიერთი ფორმის დროს.

ინდომეტაცინი სოფარმა მალამოს გამოყენებამდე 

ნუ გამოიყენებთ ინდომეტაცინი სოფარმა მალამოს

•თუ თქვენ გაქვთ ალერგია (ჰიპერმგრძნობელობა) პრეპარატის აქტიური ნივთიერების ან სხვა ნებისმიერი მისი შემადგენელი ნაწილის მიმართ; 

•თუ თქვენ გაქვთ ჰიპერმგრძნობელობა ასპირინის ან სხვა არასტეროიდული საშუალებების მიმართ ასტმური შეტევის, ჭინჭრის ცხელების ან ალერგიული რინიტის კლინიკური გამოვლინებით. 

დაიცავით სიფრთხილე ინდომეტაცინი სოფარმა მალამოს გამოყენებისას

•თუ თქვენ გაქვთ კუჭის ან თორმეტგოჯა ნაწლავის წყლული, გულ-სისხლძარღვთა უკმარისობა, ღვიძლის, თირკმელების დაავადებები;

•თუ თქვენ გქონდათ ჰიპერმგრძნობელობის გამოვლინება საკვები პროდუქტების და სამკურნალო საშუალებების მიმართ;

•თუ თქვენ გაწუხებდათ ასთმა ან სხვა ალერგიული დაავადებები;

•მალამო უნდა იქნას წასმული მხოლოდ ჯანმრთელ კანზე (ღია ჭრილობების და დაზიანებების გარეშე)

•არ წაისმევა თვალებზე და ლორწოვან გარსზე;

•კანის და ჰიპერმგრძნობელობის სხვა ნიშნების შემთხვევაში უნდა შეწყდეს პრეპარატის გამოყენება;

•თუ მკურნალობა გრძელდება 10 დღეზე მეტი, რეკომენდირებულია ლეიკოციტების და ტრომბოციტების ლაბორატორიული კონტროლის ჩატარება. 

სხვა სამკურნალო პრეპარატების მიღება 

გთხოვთ შეატყობინოთ თქვენს მკურნალ ექიმს ან ფარმაცევტს თუ თქვენ იყენებთ ან ახლახანს იყენებდით სხვა სამკურნალო პრეპარატებს, ურეცეპტოდ გაცემული პრეპარატების ჩათვლით.       

მიუხედავად იმისა, რომ სხვა სამკურნალო პრეპარატებთან ურთიერთქმედება ადგილობრივად გამოყენებისას ნაკლებად შასაძლებელია, შეატყობინეთ თქვენს ექიმს, თუ თქვენ ღებულობთ ასპირინს ან სხვა ანთების საწინააღმდეგო სამკურნალო საშუალებებს, კორტიკოსტეროიდებს, წნევის დასაწევ სამკურნალო პრეპარატებს. 

ორსულობა და ძუძითი კვება  

ნებისმიერი პრეპარატების გამოყენების წინ მიმართეთ თქვენს ექიმს ან ფარმაცევტს. 

ინდმეტაცინი სოფარმა მალამოს გამოყენება არ არის რეკომენდირებული ორსულობის დროს და ძუძუთი კვების პერიოდში.

სატრანსპორტო საშუალებების მართვა და მანქანებთან მუშაობა ინდომეტაცინი სოფარმა მალამო არის ადგილობრივი გამოყენების სამკურნალო ფორმა და არ მოქმედებს სატრანსპორტო საშუალებების მართვის და მანქანებთან მუშაობის უნარზე. 

მნიშვნელოვანი ინფორმაცია ინდომეტაცინი სოფარმა მალამოს ზოგიერთი შემადგენელი ნაწილის შესახებ

ინდომეტაცინი სოფარმა მალამო დამხმარე ნივთიერების სახით შეიცავს დიმეთილსულფოქსიდს, რომელმაც შეიძლება მოახდინოს კანზე გამაღიზიანებელი მოქმედება. 

პრეპარატის შემადგენლობაში შედის ლანოლინი, რომელმაც შეიძლება მოახდინოს კანზე გამაღიზიანებელი მოქმედება (კონტაქტური დერმატიტი). 

როგორ გამოვიყენოთ  ინდომეტაცინი სოფარმა მალამო

გამოიყენება ადგილობრივად, კანზე. 

მოზრდილები და 15 წლამდე მოზარდები: მალამო დაიტანება დაზიანებულ მონაკვეთზე 3-4-ჯერ დღეში, ფრთხილად შეიზილება მის სრულ რეზორბციამდე. ერთხელ წასასმელი მალამოს რაოდენობა დამოკიდებულია დაზიანებული ფართობის მოცეულობაზე და შეადგენს დაახლოებით 4-5-სმ-ს. მალამო გამოიყენება არანაკლებ 6 საათიანი ინტერვალით. 

15 წლამდე ასაკის ბავშვები: პრეპარატის გამოყენება ამ ასაკობრივ ჯგუფში არ არის რეკომენდირებული. 

მკურნალობის ხანგრძლივობა: 7-10 დღე. თუ ამ პერიოდში არ აღინიშნება გავლენა სიმპტომებზე, მკურნალობა უნდა იქნას გადახედილი. 

თუ თქვენ არა ხართ რაიმეში დარწმუნებული, მიმართეთ თქვენს მკურნალ ექიმს ან ფარმაცევტს.

თუ თქვენ გამოიყენეთ  ინდომეტაცინი სოფარმა მალამოს ჭარბი დოზა 

რადგანაც პრეპარატი გამოიყენება ადგილობრივად, ჭარბი დოზირება ნაკლებად სავარაუდოა. პრეპარატის დიდი რაოდენობით გამოყენებისას ან თვალში, ლორწოვან გარსზე ან ღია ჭრილობაზე მოხვედრისას მიმართეთ კონსულტაციისათვის თქვენს მკურნალ ექიმს ან უახლოეს სამკურნალო დაწესებულებას. 

თუ თქვენ გამოტოვეთ ინდომეტაცინი სოფარმა მალამოს დატანება 

თუ თქვენ გამოტოვეთ ერთი დოზის დატანება და დადგა მომდევნო დოზის წასმის დრო, გამოიყენეთ ის ჩვეულებრივ. ნუ გამოიყენებთ სამკურნალო პრეპარატის ორმაგ რაოდენობას მომდევნო გამოყენებისას. 

თუ თქვენ გაქვთ დამატებითი შეკითხვები პრეპარატის გამოყენებასთან დაკავშირებით, გთხოვთ მიმართეთ თქვენს მკურნალ ექიმს ან ფარმაცევტს. 

შესაძლო გვერდითი ეფექტები

 როგორც ყველა სამკურნალო საშუალებებმა, ასევე ინდომეტაცინი სოფარმა მალამომ შეიძლება გამოიწვიოს გვერდითი ეფექტები, მიუხედავად იმისა, რომ ისინი არ აღენიშნება ყველა პაციენტს. 

ადგილობრივად გამოყენებისას ხშირად ხდება ცნობების მოწოდება ადგილობრივი რეაქციების შესახებ კანის მხრიდან პრეპარატის გამოყენების შემდეგ – წვა გამოყენების ადგილას, შეწითლება, ქავილი, გამონაყარი, კანის აქერცვლა და სიმშრალე. 

იშვიათად აღინიშნება შეშუპება და ბუშტუკების გაჩენა გამოყენების ადგილას, ალერგიული რეაქციები, როგორიცაა ხიხინი, ხუთვა და სახის შეშუპება. 

აღწერილი გვერდითი მოქმედების გაჩენისას  კანის მხრიდან საჭიროა პრეპარატის გამოყენების შეწყვეტა. 

კანის დიდ ზედაპირზე გამოყენების შემთხვევაში შესაძლებელია აღინიშნოს ისეთი გვერდითი მოქმედებები, როგორიცაა დარღვევები კუჭ-ნაწლავის ტრაქტის მხრიდან (მადის დაკარგვა, გულის რევა, ღებინება, დიარეა, ტკივილი, სიხლჩაქცევები და წყლულების წარმოქმნა). 

თუ რომელიმე გვერდითი მოქმედება მიიღებს სერიოზულ სახეს ან თქვენ შენიშნავთ სხვა გვერდით ეფექტებს, რომლებიც არ არის აღწერილი მოცემულ ჩანართ ფურცელში, გთხოვთ შეატყობინოთ ამის შესახებ თქვენს მკურნალ ექიმს ან ფარმაცევტს. 

ინდომეტაცინი სოფარმა მალამოს  შენახვა

პრეპარატი ინახება ორიგინალურ შეფუთვაში, მშრალ და სინათლისაგან დაცულ ადგილას, არაუმეტეს 25° ჩ ტემპერატურაზე. ინახება ბავშვებისათვის მიუწვდომელ ადგილას. 

ნუ გამოიყენებთ ინდომეტაცინის მალამოს მუყაოს ყუთზე მითითებული ვარგისიანობის ვადის გასვლის შემდეგ. ვარგისიანობის ვადა შეესაბამება მითითებული თვის ბოლო დღეს. 

ვარგისიანობის ვადა ტუბის გახსნის შემდეგ – 1 თვე. 

ნუ გადაყრით სამკურნალო საშუალებებს საყოფაცხოვრებო ნარჩენების კონტეინერში ან კანალიზაციაში. ჩაიტარეთ კონსულტაცია თქვენს ფარმაცევტთან, თუ როგორ უნდა იქნას განადგურებული პრეპარატები, რომლებიც აღარ გესაჭიროებათ. Eეს ზომები დაგვეხმარება გარემოს დაცვაში. 

დამატებითი ინფორმაცია          

რას შეიცავს ინდომეტაცინი სოფარმა მალამო

აქტიური შემადგენელი ნაწილი – 100მგ ინდომეტაცინი 1გ მალამოში. 

სხვა შემადგენელი ნაწილები: ლანოლინი, თეთრი რბილი პარაფინი, დიმეთილსულფოქსიდი, ყვითელი ფუტკრის ცვილი; კრემნიუმის დიოქსიდი, უწყლო კოლოიდური; ლავანდის ზეთი.

ინდომეტაცინი სოფარმას მალამოს აღწერა და შეფუთვის შემცველობა

ყვითელი ფერის ჰომოგენური მალამო, სპეციფიკური სუნით. 40გ მალამო ალუმინის ტუბში მემბრანით, პოლიეთილენის ხუფით, ერთი ტუბი მუყაოს ყუთში, ჩანართ- ფურცელთან ერთად. 

ვარგისიანობის ვადა: 3 წელი 

აფთიაქიდან გაცემის წესი: ფარმაცევტული პროდუქტის ჯგუფი III გაიცემა რეცეპტით

შემადგენლობა:
1. კაფსულა შეიცავს:
Saccharomyces boulardii 2 X 109
Bifidobacterium bifidum, Lactobacillus acidophilus, Lactobacillus casei, Lactobacillus plantarum, Lactobacillus rhamnosus, Enterococcus faecium, Streptococcus thermophilus, Bifidobacterium longum საერთო რაოდენობით 2 X 109 ბაქტერია.

ფარმაკოთერაპიული ჯგუფი:
პრობიოტიკი, ნაწლავური მიკროფლორის აღმდგენი, ანტიდიარეული საშუალება.

ფარმაკოლოგიური მოქმედება:
ნორმალური ნაწლავური მიკროფლორის ფიზიოლოგიური წონასწორობის და ფუნქციონირების დარღვევა შესაძლოა გამოიწვიოს სხვადასხვა ფაქტორებმა: ზოგიერთი სამკურნალო საშუალების მიღება (ანტიბიოტიკები, საფაღარათო საშუალებები); არაბალანსირებული კვება, დიდი რაოდენობით საწარმოო მეთოდით დამზადებული და კალორიული პროდუქტების მიღება; სტრესი, დაძაბულობა, სიგარეტის მოწევა, ალკოჰოლის ჭარბად გამოყენება, სხვადასხვა ნივთიერებებით ინტოქსიკაცია. ყველაფერ ამას შესაძლოა თან სდევდეს ნაწლავური მიკროფლორის ნორმალური ფიზიოლოგიური წონასწორობის დარღვევა.

პრობიოქსინი ახდენს ნაწლავური მიკროფლორის ნორმალიზებას: ინარჩუნებს და არეგულირებს ნაწლავური მიკროფლორის ფიზიოლოგიურ წონასწორობას (მიკრობიოცენოზი) და უზრუნველყოფს მის ნორმალურ ფუნქციონირებას. პრობიოქსინის თერაპიულ ეფექტს განსაზღვრავს ცოცხალი ბიფიდო –  და ლაქტობაქტერიები, რომელთაც გააჩნიათ ანტაგონისტური მოქმედება ნაწლავში არსებული პათოგენური მიკროორგანიზმების ფართო სპექტრის მიმართ. პრობიოქსინის შემადგენლობაში შემავალი რძემჟავა ბაქტერიები ახდენს რძემჟავის და მცირე რაოდენობით ძმარმჟავის და პროპილენმჟავის პროდუქცირებას. ნაწლავში წარმოქმნილი მჟავა გარემო არახელსაყრელ პირობებს ქმნის პათოგენური და პირობით პათოგენური მიკროორგანიზმების განვითარებისათვის. რძემჟავა ბაქტერიები მონაწილეობს მონოსაქარიდების შეწოვაში, ნაღვლის მჟავების მეტაბოლიზმში, ახდენს ნაწლავის კედლის ეპითელიუმის უჯრედების მემბრანების სტაბილიზირებას, არეგულირებს ელექტროლიტების შეწოვას და ვიტამინების სინთეზს (ვიტამინები B1, B2, B6, B12, K, E, PP, ასკორბინის მჟავა, ბიოტინი), ქმნის ხელსაყრელ პირობებს რკინის, კალციუმის და ვიტამინ D-ს შეწოვისათვის.

პრობიოქსინში შემავალი Saccharomyces boulardii წარმოადგენს არაპათოგენურ საფუარის სოკოს. იგი ავლენს ანტიტოქსიურ და ანტისეკრეტორულ მოქმედებას, რაც გამოიხატება განსაკუთრებით Clostridium difficil-ს ტოქსინებზე მოქმედი დამშლელი პროტეაზების გამომუშავების გზით და ენტეროციტებში ცამფ – ის  წარმოქმნის დათრგუნვით. იგი წვრილ ნაწლავებში ზრდის დისაქარიდაზების აქტივობას და აუმჯობესებს შეწოვის პროცესებს კედლისმიერი შეწოვის აღდგენისა და ნაწლავის ლორწოვანი გარსის ტროფიკის გაუმჯობესების გზით. ზრდის ადგილობრივ იმუნიტეტს IgA-ს და სხვა იმუნოგლობულინების სეკრეტორული კომპონენტების სინთეზის მომატების გზით. Saccharomyces boulardii რეზისტენტულია ანტიბიოტიკების მიმართ და ეფექტურად გამოიყენება მათთან ერთად კომბინაციაში. იგი ავლენს მდგრადობას კუჭის მჟავა გარემოსადმი, ნაწლავში მოხვედრისას სწრაფად მრავლდება და აღწევს მაღალ კონცენტრაციას, რაც ნარჩუნდება 24 საათის განმავლობაში. Saccharomyces boulardii არ აღწევს სისტემურ სისხლის მიმოქცევაში და მეზენტერალურ ლიმფურ კვანძებში. მნიშვნელოვანია, რომ იგი არ ახდენს კოლონიზაციას და პრეპარატის მიღებიდან 3-5 დღის შემდეგ ბუნებრივი გზით გამოიყოფა. პრობიოქსინის გამოყენება აუმჯობესებს ცილების მონელებას, ბიფიდობაქტერიების ფოსფოპროტეინფოსფატაზა მონაწილეობს რძის კაზეინის მეტაბოლიზმში.

ჩვენებები:
· ნაწლავური დისბიოზი ( ნაწლავური დისბაქტერიოზი), მათ შორის ანტიბიოტიკების,სულფანილამიდების და სხვა ქიმიოთერაპიული საშუალებების მიღების შედეგად განვითარებული;
· ნებისმიერი ეტიოლოგიის დიარეა;
· სხვადასხვა ეტიოლოგიის ქრონიკული კოლიტი, მათ შორის არასპეციფიური წყლულოვანი კოლიტი და კრონის დაავადება;
· გადატანილი მწვავე ნაწლავური ინფექციები;
· ქრონიკული ენტეროკოლიტი;
· გაღიზიანებული ნაწლავის სინდრომი;
· მოგზაურთა დიარეა, მწვავე დიარეა;
· შეკრულობა, მეტეორიზმი;
· პირის ღრუს და ნაწლავების მიკოზები;
· ატოპიური დაავადებები (ატოპიური დერმატიტი, ნეიროდერმატიტი, ალერგიული რინოკონიუქტივიტი);
· ალერგიული პროცესები (მათ შორის ალიმენტარული ალერგია), ალერგოზები;
· კანის ქრონიკული ანთებითი დაავადებები (ფურუნკულოზი, ფერიმჭამელა);
· ანტიბიოტიკების მიღებით გამოწვეული დიარეის მკურნალობა და პროფილაქტიკა.

მიღების წესი და დოზირება:
– მოზრდილები – 1 კაფსულა 2 – 3 -ჯერ დღეში ჭამის დროს.
– ბავშვები 6 წლის ასაკიდან –  1 კაფსულა 2-ჯერ დღეში ჭამის დროს.
– ბავშვები 2 – დან 6 წლამდე 1 კაფსულა  1-2-ჯერ დღეში ჭამის.
– მკურნალობის ხანგრძლივობა 1-3 კვირა.

უკუჩვენება: ჰიპერმგრძნობელობა პრობიოქსინის შემადგენლობაში შემავალი კომპონენტების მიმართ.

გვერდითი ეფექტები: შესაძლოა ინდივიდუალური აუტანლობის რეაქციები.

გამოყენება ორსულობისა და ლაქტაციის პერიოდში: პრეპარატის გამოყენება შესაძლებელია ორსულობის და ლაქტაციის პერიოდში.

გამოყენების ფორმა: პრობიოქსინი №30. კაფსულა მაღალი ხარისხის, ჰერმეტულად დახურულ ფლაკონში ფურცელჩანართთან ერთად მუყაოს კოლოფში.

შენახვის ვადა: მითითებულია შეფუთვაზე და ფლაკონზე. არ გამოიყენოთ შენახვის ვადის ამოწურვის შემდეგ.

შენახვის პირობები: შეინახეთ სინათლისგან დაცულ, ბავშვებისათვის მიუწვდომელ ადგილას. არაუმეტეს  22 0C  ტემპერატურაზე.

აფთიაქიდან გაცემის პირობა: გაიცემა რეცეპტის გარეშე.