შედეგად ქრება ტკივილი, შეშუპება და იზრდება სახსრის მოძრაობის დიაპაზონი.
შემადგენლობა: გელის 1 გ შეიცავს:

აქტიური ნივთიერება:

ნიმესულიდი 20 მგ.

დამხმარე ნივთიერებები: დიეთილენ გლიკოლ მონოეთილის ეთერი, როპილენგლიკოლი, მეთილპარაჰიდროქსიბენზოატი, პროპილ პარაჰიდროქსიბენზოატი, ეთილენდიამინტეტრაძმარმჟავა, პეგ-8 კაპრილ/კაპრიკგლიცერიდები, კარბომერი, გლიცერინი, თხევადი პარაფინი, პეგ/პპგ-20/6 დიმეტიკონი, ტრიეთანოლამინი, გასუფთავებული წყალი.

ფარმაკოთერაპიული ჯგუფი: არასტეროიდული ანთების საწინააღმდეგო პრეპარატი (აასს).

ათქ კოდი  М01АХ17.

ფარმაკოლოგიური თვისებები

ფარმაკოდინამიკა:

ემერონი – არასტეროიდული ანთების საწინააღმდეგო პრეპარატი (აასს) სულფონანილიდების ჯგუფიდან. წარმოადგენს ციკლოოქსიგენაზა-2 (ცოგ-2) სელექციურ კონკურენტულ ინჰიბიტორს, ანთების კერაში ამუხრუჭებს პროსტაგლანდინების სინთეზს. დამთრგუნველი მოქმედება ცოგ-1 ნაკლებადაა გამოხატული (უფრო იშვიათად იწვევს გვერდით ეფექტებს, რომლებიც დაკავშირებულია ჯანმრთელ ქსოვილებში პროსტაგლანდინების სინთეზის დათრგუნვასთან). ახდენს ანთების საწინააღმდეგო, ანალგეზიურ და გამოხატულ სიცხის დამწევ მოქმედებას.

ფარმაკოკინეტიკა:

გელის წასმის ადგილზე ქსოვილებში განაწილება – 70%, ბიოშეღწევადობა – 30%. Tmax – 1,5-2,5 სთ, CmX – 3,5-6,5 მგ/ლ. პლაზმის ცილებთან შეკავშირება – 95%, ერითროციტებთან – 2%, ლიპოპროტეინებთან – 1%, მჟავე ალფა-1-გლიკოპროტეინებთან  - 1%. დოზის შეცვლა შეკავშირებაზე გავლენას არ ახდენს. სისხლში თავისუფალი ფრაქციის წილი – 1%. განაწილების მოცულობა – 0,19-0,35 ლ/კგ.

კარგად აღწევს ანთების კერის მჟავე გარემოში (40%), სინოვიურ სითხეში (43%). ადვილად აღწევს ჰისტოჰემატურ ბარიერში.

მიღების ჩვენებები:

• საყრდენ-მამოძრავებელი სისტემის დაავადებების ადგილობრივი სიმპტომური მკურნალობა (პოდაგრის გამწვავებისას სახსროვანი სინდრომი, რევმატოიდული ართრიტი, ფსორიაზული ართრიტი, მაანკილოზებელი სპონდილოართრიტი, ოსტეოართროზი, ოსტეოქონდროზი ფესვობრივი სინდრომით, რადიკულიტი, იოგების, მყესების ანთებითი დაზიანება, ბურსიტი; იშიაზი, ლუმბაგო);

• რევმატული და არარევმატული წარმოშობის კუნთების ტკივილი. რბილი ქსოვილების და საყრდენ-მამოძრავებელი აპარატის პოსტტრავმული ანთება (იოგების დაზიანება და გაგლეჯა, დაზიანება).

პრეპარატი განკუთვნილია სიმპტომური თერაპიისთვის, გამოყენების მომენტში ტკივილის და ანთების შესამცირებლად, დაავადების პროგრესირებაზე გავლენას არ ახდენს.

წინააღმდეგჩვენებები:

• მომატებული მგრძნობელობა პრეპარატის შემადგენლობის მიმართ;

• კუჭ-ნაწლავის ტრაქტის ეროზიულ-წყლულოვანი დაზიანება გამწვავების ფაზაში, სისხლდენა კუჭ-ნაწლავის ტრაქტიდან;

• გამოყენების არეში დერმატოზები, ეპიდერმისის დაზიანება და კანის  საფარველის ინფექციები;

• თირკმლის (კრეატინინის კლირენსი ნაკლები 30 მლ/წთ) ან ღვიძლის უკმარისობა;

• ანამნეზში ბრონქოსპაზმი, რომელიც დაკავშირებულია აცეტილსალიცილის მჟავას, ან სხვა აასს გამოყენებასთან;

• ორსულობა და ლაქტაციის პერიოდი;

• 12 წლამდე ბავშვთა ასაკი.

სიფრთხილით – ღვიძლის უკმარისობა; თირკმლის უკმარისობა; გულის გამოხატული უკმარისობა; არტერიული ჰიპერტენზია; შაქრიანი დიაბეტი ტიპი 2; კოაგულაციის დარღვევა, ხანდაზმული და ბავშვთა ასაკი.

მიღების წესი და დოზები:

ემერონის გელი განკუთვნილია გარეგანი გამოყენებისათვის 3-4 ჯერ დღე-ღამეში. მაქსიმალური მტკივნეულობის არეზე უნდა დაიტანოთ გელის დაახლოებით 3 სმ ზოლი და თითების მსუბუქი მოძრაობებით თანაბრად გაანაწილოთ სწორ ფენად, შეზელვის გარეშე. გამოყენების შემდეგ ხელები დაიბანეთ საპნით.

გელის რაოდენობა და გამოყენების სიხშირე (არაუმეტეს 4 ჯერ დღე-ღამეში) შესაძლოა ვარირებდეს დასამუშავებელი მონაკვეთის სიდიდიდან და პაციენტის რეაქციიდან გამომდინარე.

არ გამოიყენოთ გელი 10 დღეზე მეტი ხნის განმავლობაში ექიმის კონსულტაციის გარეშე.

გვერდითი მოვლენები:

გვერდითი ეფექტების სიხშირე კლასიფიცირდება შემთხვევის განვითარების სიხშირის მიხედვით: ხშირი – (1-10%), ზოგჯერ (0,1-1%), იშვიათი (0,01-0,1%), ძალიან იშვიათი (ნაკლები 0,01%), ცალკეული შემთხვევების ჩათვლით.

ალერგიული რეაქციები:

• იშვიათი – ჰიპერმგრძნობელობის რეაქციები;

• ძალიან იშვიათი – ანაფილაქტოიდური რეაქციები.

ცენტრალური ნერვული სისტემის მხრივ:

• არახშირი – თავბრუსხვევა;

• იშვიათი – შიშის შეგრძნება, ნევროზულობა, კოშმარული სიზმრები;

• ძალიან იშვიათი – თავის ტკივილი, ძილიანობა, ენცეფალოპათია (რეის სინდრომი).

კანის საფარველის მხრივ:

• არახშირი – ქავილი, გამონაყარი, გაძლიერებული ოფლიანობა;

• იშვიათი – ერითემა, დერმატიტი;

• ძალიან იშვიათი: ჭინჭრის ციება, ანგიონევროზული შეშუპება, სახის შეშუპება, მრავალფორმული ექსუდაციური ერითემა, მათ შორის სტივენს-ჯონსონის სინდრომი, ტოქსიკური ეპიდერმული ნეკროლიზი (ლაილას სინდრომი).

შარდის გამომყოფი სისტემის მხრივ:

• არახშირი – შეშუპებები;

• იშვიათი – დიზურია, ჰემატურია, შარდის შეკავება, ჰიპერკალიემია;

• ძალიან იშვიათი – თირკმლის უკმარისობა, ოლიგურია, ინტერსტიციული ნეფრიტი.

კუჭ-ნაწლავის ტრაქტის მხრივ:

• ხშირი – დიარეა, გულისრევა, ღებინება;

• არახშირი – შეკრულობა, მეტეორიზმი, გასტრიტი;

• ძალიან იშვიათი – მუცლის ტკივილი, სტომატიტი, კუპრისებრი განავალი, სისხლდენა კუჭ-ნაწლავიდან, კუჭის ან თორმეტგოჯა ნაწლავის წყლული და/ან პერფორაცია.

ღვიძლის და ნაღვლის გამომტანი სისტემის მხრივ:

• ხშირი – “ღვიძლის” ტრანსამინაზების მომატება;

• ძალიან იშვიათი – ჰეპატიტი, ელვისებური ჰეპატიტი, სიყვითლე, ქოლესტაზი.

სისხლმბადი სისტემის მხრივ: 

• იშვიათი – ანემია, ეოზინოფილია;

• ძალიან იშვიათი – თრომბოციტოპენია, პანციტოპენია, პურპურა, სისხლდენის დროის გახანგრძლივება.

სასუნთქი სისტემის მხრივ:

• არახშირი – ქოშინი;

• ძალიან იშვიათი – ბრონქული ასთმის გამწვავება, ბრონქოსპაზმი.

გრძნობათა ორგანოების მხრივ:

• იშვიათი – არამკვეთრი მხედველობა.

გულ-სისხლძარღვთა სისტემის მხრივ:

• არახშირი – არტერიული ჰიპერტენზია;

• იშვიათი – ტაქიკარდია, ჰემორაგიები, “წამოხურებები”.

სხვა:

• იშვიათი – საერთო სისუსტე;

• ძალიან იშვიათი – ჰიპოთერმია.

დოზის გადაჭარბება:

პრეპარატის დოზის გადაჭარბების შემთხვევები აღწერილი არ არის. თუმცა გელის დიდი რაოდენობის (50 გ მეტი) წასმისას კანის დიდ უბანზე დოზის გადაჭარბების განვითარება გამორიცხული არ არის. სპეციფიური ანტიდოტი არ არის. აუცილებელია ექიმთან მიმართვა.

ურთიერთქმედება სხვა სამკურნალო საშუალებებთან:

იმ მედიკამენტების მოქმედება, რომლებიც ამცირებენ სისხლის შედედებას, ძლიერდება მათი ნიმესულიდთან ერთად გამოყენებისას.

ნიმესულიდმა შესაძლოა დააქვეითოს ფუროსემიდის მოქმედება. ნიმესულიდმა მეტოტრექსატთან ერთად გამოყენებისას, შეიძლება გააძლიეროს გვერდითი მოვლენების განვითარების შესაძლებლობა.

ნიმესულიდის და ლითიუმის პრეპარატების ერთად გამოყენებისას, იზრდება ლითიუმის დონე პლაზმაში.

ნიმესულიდმა შეიძლება გააძლიეროს თირკმლებზე ციკლოსპორინის მოქმედება. გლუკოკორტიკოსტეროიდებთან, სეროტონინის უკუშებოჭვის ინჰიბიტორებთან ერთად გამოყენებისას, იზრდება კუჭ-ნაწლავიდან სისხლდენის რისკი.

განსაკუთრებული მითითებები:

არ შეიძლება ჭრილობებზე და ინფიცირებულ უბნებზე გამოყენება. 

საჭიროა თავი აარიდოთ გელის მოხვედრას თვალში ან თვალის ლორწოვან გარსებზე, ან სხვა ლორწოვან გარსებზე (პირის ღრუს, ცხვირის, გენიტალური და ანალური ნაწილის). გელი არ უნდა დაიტანოთ ოკლუზიური ნახვევის ქვეშ.

მკურნალობის პერიოდში საჭიროა თავი აარიდოთ მზის სხივების პირდაპირ მოქმედებას და სოლარიუმში გარუჯვას.

თუ სიმპტომები ნარჩუნდება, ან მდგომარეობა უარესდება, აუცილებელია ექიმის კონსულტაცია.

გამოშვების ფორმა:

2% გელი გარეგანი გამოყენებისათვის 50 გ ტუბში. ერთი ტუბი გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები

ინახება მშრალ, სინათლისგან დაცულ ადგილას, არაუმეტეს 25°С ტემპერატურაზე. ინახება ბავშვებისთვის მიუწვდომელ ადგილას!

ვარგისიანობის ვადა:

მითითებულია შეფუთვაზე. არ გამოიყენოთ ვარგისიანობის ვადის გასვლის შემდეგ. არ გაყინოთ.

აფთიაქიდან გაცემის პირობები: 

გაიცემა ურეცეპტოდ.

ჰიმეკრომონი
(HYMECROMON)

შემადგენლობა
ჰიმეკრომონის ერთი ტაბლეტი შეიცავს 400 მგ აქტიურ ნივთიერებას ჰიმეკრომონს

დამხმარე ნივთიერებები
პოვიდონი, მიკროკრისტალური ცელულოზა, ნატრიუმის კარბოქსიმეთილსახამებელი, მაგნიუმის სტეარატი, ხორბლის სახამებელი.

წამლის ფორმა
ტაბლეტები

შეფუთვა
პირველადი – 10 ტაბლეტი პვქ/ალუმინის ფოლგიან ბლისეტრში.
მეორადი – 2 (ორი) ბლისტერი გოფრირებულ მუყაოს კოლოფში.

მოქმედების მექანიზმი
ჰიმეკრომონს სანაღვლე გზების გლუვ მუსკულატურაზე გააჩნია შერჩევითი სპაზმოლიზური (სპაზმის მომხსნელი) მოქმედება, რასაც თან ახლავს გამოხატული ნაღვლმდენი ეფექტი. იგი აუმჯობესებს ნაღვლის სადინრების გლუვი მუსკულატურის ფუნქციონალურ აქტივობას მასზე პირდაპირი ზემოქმედების გზით. პრეპარატი  ნაღვლის შეგუბებით გამოწვეული წნევის შემცირებით ამსუბუქებს ნაღვლის გამოდევნას ნაღვლის ბუშტიდან და სანაღვლე გზებიდან.

ჩვენებები
სანაღვლე გზების ჰიპერკინეტიკური დისკინეზია (სანაღვლე გზების ფუნქციონალური დარღვევები); გაურთულებელი, დისპეფსიური ქოლელითიაზი შეტევის არ არსებობის ან უფრო მსუბუქი კრიზის პირობებში, პოსტქოლეცისტექტომიური სინდრომის ფუნქციონალური დარღვევები, ქრონიკული ქოლეცისტიტი; არაობსტრუქციული ქოლესტაზი; დისპეფსიური ჩივილები; ყაბზობა და საჭმლის მონელების მოცულობითი ფაზისა და ცხიმების რეზორბციის დარღვევები გამოწვეული ნაღვლის არასაკმარისი სეკრეციით.

უკუჩვენებები
ამ სამკურნალო საშუალების დანიშვნა არ შეიძლება შემდეგ შემთხვევებში:
ჰიმეკრონომის ან ტაბლეტის რომელიმე სხვა კომპონენტის მიმართ ჰიპერმგრძნობელობის შესახებ მონაცემების არსებობისას; თირკმლებისა და ღვიძლის მძიმე დაავადებებისას; წვრილი და მსხვილი ნაწლავის მძიმე ანთებითი დაავადებებისას; ნაღვლის მწვავე კრიზის დროს; ნაღვლის ბუშტისა და სანაღვლე გზების მწვავე ანთებისას, სანაღვლე გზების მექანიკური დახშობის დროს; სისხლის შედედების მოშლისას.

სიფრთხილის ზომები და გაფრთხილებები
ამ სამკურნალო საშუალებით მკურნალობის დაწყებამდე აუცილებელია დაავადების სახისა და მიზეზების ზუსტი განსაზღვრა. მექანიკურმა დაბრკოლებებმა შეიძლება გამოიწვიოს ნაღვლის ბუშტში მოცულობისა და წნევის მომატება.
ჰიმეკრომონი სიფრთხილით გამოიყენება კუჭქვეშა ჯირკვლის დაავადებების დროს (პანკრეატიტის დროს), მწვავე და ქრონიკული კოლიტების დროს.
მნიშვნელოვანი ინფორმაცია დამხმარე საშუალებების შესახებ
ტაბლეტის შემადგენლობაში შედის ხორბლის სახამებელი, რაც შეიძლება დაკავშირებული იყოს გარკვეულ რისკთან იმ პაციენტებისათვის, რომლებსაც აღენიშნებათ გლუტენის აუტანლობა (ცელიაკია).

ორსულობა და ლაქტაცია
ორსულობის დროს ჰიმეკრომონის გამოყენების უსაფრთხოების შესახებ გამოკვლევები არ ჩატარებულა, ამიტომ თავიდან უნდა იქნეს აცილებული ამ პრეპარატის გამოყენება ორსულობის პერიოდში.
თუ არსებობს ჰიმეკრომონის გამოყენების ჩვენებები, რეკომენდებულია ძუძუთი კვების დროებით შეწყვეტა, ვინაიდან გამოკვლევები იმის შესახებ, გამოიყოფა თუ არა ჰიმეკრომონი დედის რძეში, არ ჩატარებულა.
ზემოქმედება სატრანსპორტო საშუალებების მართვისა და ტექნიკასთან მუშაობის შესაძლებლობაზე:

ურთიერთქმედება სხვა სამკურნალო საშუალებებთან
ცალკეული მედიკამენტების შესაძლო არასასურველი ზემოქმედების თავიდან აცილების მიზნით, პაციენტმა ყოველთვის უნდა აცნობოს ექიმს ან ფარმაცევტს, როდესაც ის იწყებს სხვა პრეპარატების მიღებას, იმ შემთხვევაშიც კი, როდესაც ეს პრეპარატები ნაყიდია ექიმის დანიშნულების გარეშე.
ჰიმეკრომონისა და მეთოკლოპრამიდის ერთდროული გამოყენებისას აღინიშნება ორივე პრეპარატის თერაპიული მოქმედების ურთიერთდათრგუნვა.
აუცილებელია ჰიმეკრომონითა და პერორალური ანტიკოაგულანტებით (შედედების საწინააღმდეგო მოქმედების მქონე პრეპარატები) ერთდროული მკურნალობის თავიდან აცილება, ვინაიდან ამ შემთხვევაში არსებობს ამ უკანასკნელთა მოქმედების გაძლიერების საშიშროება.
ჰიმეკრომონის გამოყენება შეიძლება სხვა სპაზმოლიტიკებთან და ანალგეზიურ საშუალებებთან კომბინაციაში.

მიღების წესი და დოზები
1 ტაბლეტი დღეში 3-ჯერ ჭამის დროს.
მკურნალობის ხანგრძლივობა – 10-14 დღე.
ბავშვები
ჰიმეკრომონის ეფექტურობა და უსაფრთხოება ბავშვთა ასაკში არ არის დადგენილი. ამიტომ არ არის რეკომენდებული ამ პრეპარატის დანიშვნა ბავშვებში.
დანიშნულზე მეტი დოზის მიღების შემთხვევაში, აუცილებელია მკრუნალ ექიმთან კონსულტაცია.
მორიგი დოზის გამოტოვებისას, პაციენტმა დოზა უნდა მიიღოს მაშინვე, როგორც კი გაახსენდება. თუ მოახლოებულია შემდეგი დოზის მიღების დრო, პაციენტმა ეს დოზა ჩვეულებისამებრ უნდა მიიღოს. არ შეიძლება ორმაგი დოზის მიღება (გამოტოვებული დოზის კომპენსაციის მიზნით), ხოლო შემდეგ პრეპარატის მიღება უნდა გაგრძელდეს დანიშნულების მიხედვით.

ჭარბი დოზა
ჰიმეკრომონის ჭარბი დოზირების შემთხვევები არ არის აღწერილი.

გვერდითი მოქმედება
როგორც ნებისმიერმა პრეპარატმა, ჰიმეკრომონმაც შეიძლება გამოიწვიოს გვერდითი რეაქციები. თუმცა, აღნიშნული რეაქციები ყველა პაციენტს არ აღენიშნება. შესაძლებელია, რომ ამ პრეპარატის მიღებისას პაციენტს საერთოდ არ აღენიშნოს რაიმე სახის გვერდითი რეაქცია.
ცალკეულ პაციენტებში შეიძლება განვითარდეს შემდეგი არასასურველი რეაქციები:
ქავილი, კანის გაწითლება და გამონაყარი კანზე; დიარეა, რომელიც ქრება დოზის შემცირებისას და არ საჭიროებს მკურნალობის შეწყვეტას; სისხლის შედედების შეფერხების მიმართ მიდრეკილება; ძალიან იშვიათად, ჰიპერმგრძნობელობის შემთხვევებში, შეიძლება გამოვლინდეს მწვავე ალერგიული რეაქციები (ანგიოშეშუპება, ანაფილაქსური რეაცქიები).

შენახვის პირობები
პრეპარატი ინახება თავდაპირველ შეფუთვაში, მშრალ ადგილას, არაუმეტეს 25°C-ზე.

ვარგისიანობის ვადა
მედიკამენტის გამოყენება არ შეიძლება შეფუთვაზე მითითებული ვარგისიანობის ვადის ამოწურვის შემდეგ.

აფთიაქიდან გაცემის წესი
გაიცემა რეცეპტით

გამოყენების ნებართვის მფლობელი და მწარმოებელი
სს „სოფარმა“, სოფია 1220, ილიენსკის ქ. 16, ბულგარეთი

ემერონი

სამკურნალო საშუალების სამედიცინო
გამოყენების ინსტრუქცია

სავაჭრო სახელწოდება: ემერონი
საერთაშორისო არაპატენტირებული სახელწოდება: ნიმესულიდი.
სამკურნალო საშუალების ფორმა: შიგნით მისაღები ტაბლეტები.
შემადგენლობა: ერთი ტაბლეტი შეიცავს
აქტიური ნივთიერება: ნიმესულიდი 100 მგ
დამხმარე ნივთიერებები: ნატრიუმის დიოქტილ სულფოსუქცინატი, ჰიდროქსიპროპილცელულოზა, ლაქტოზას მონოჰიდრატი, მიკროკრისტალური ცელულოზა, პოვიდონი, ჰიდროგენიზებული აბუსალათინის ზეთი, მაგნიუმის სტეარატი, ნატრიუმის სახამებლის გლიკოლატი.
ფარმაკოთერაპიული ჯგუფი: აასპ. ცოგ-2 სელექციური ინჰიბიტორი.
პრეპარატის კოდი ათქ М01АХ17.
ფარმაკოლოგიური თვისებები
ფარმაკოდინამიკა
არასტეროიდული ანთების საწინააღმდეგო პრეპარატი (აასპ) სულფონანილიდების კლასიდან. არის ციკლოოქსიგენაზა-2 (ცოგ-2) სელექტიური კონკურენტული ინჰიბიტორი, აფერხებს პრასტაგლანდინების სინთეზს ანთების კერაში. დამთრგუნველი მოქმედება ცოგ-1-ზე არის ნაკლებად გამოხატული (უფრო იშვიათად იწვევს ჯანმრთელ ქსოვილში პროსტაგლანდინების სინთეზის დათრგუნვასთან დაკავშირებულ გვერდით ეფექტებს). ავლენს ანთების საწინააღმდეგო, ტკივილგამაყუჩებელ და გამოხატულ სიცხის დამწევ მოქმედებას.
ფარმაკოკინეტიკა
აბსორბცია შიგნით მიღებისას – მაღალია (საკვების მიღება ამცირებს აბსორბციის სისწრაფეს, თუმცა არ მოქმედებს მის ხარისხზე). მაქსიმალური კონცენტრაციის (Тмах) მიღწევის დრო – 1.5-2.5 საათი. შრატის ცილებთან კავშირი – 95%, ერითროციტებთან – 2%, ლიპოპროტეინებთან – 1%, მჟავა ალფა-გლიკოპროტეიდებთან – 1%. დოზის ცვლილება არ მოქმედებს შეკავშირების ხარისხზე. მაქსიმალური კონცენტრაცია (Смах) - 3,5-6,5 მგ/ლ. გადანაწილების მოცულობა 0,19-0,35 ლ/კგ. აღწევს ქალის სასქესო ორგანოების ქსოვილში, სადაც ერთჯერადი გამოყენების შემდეგ მისი კონცენტრაცია შეადგენს შრატის კონცენტრაციიდან დაახლოებით 40%. კარგად აღწევს ანთების მჟავა გარემოში (40%), სინოვიალურ სითხეში (43%). მარტივად აღწევს ჰისტოჰემატურ ბარიერს.
მეტაბოლიზდება ღვიძლში ქსოვილოვანი მონოოქსიგენაზებით. ძირითადი მეტაბოლიტი – 4-ჰიდროქსინიმესულიდი (25%) ფლობს მსგავს ფარმაკოლოგიურ აქტივობას, მაგრამ მოლეკულების ზომის შემცირების შედეგად აქვს უნარი სწრაფად დიფუნდირდეს ცოგ-2 ჰიდროფობული არხით მეთილის ჯგუფის შეკავშირების აქტიური ცენტრისკენ. 4-ჰიდროქსინიმესულიდი არის წყალში ხსნადი ნაერთი, რომლის გამოსაყოფად არ არის საჭირო გლუტათიონი და მეტაბოლიზმის II ფაზის კონიუგაციის რეაქცია (სულფატირება, გლუკუნირება და სხვა).
ნიმესულიდის ნაწილობრივად გამოყოფის პერიოდი (Т1/2) - 1,56-4,95 სთ, 4-ჰიდროქსინიმესულიდის 2,89-4,78 სთ. 4-ჰიდროქსინიმესულიდი გამოიყოფა თირკმელებით (65%) და ნაღველით (35%), ხდება მისი ენტეროჰეპათიული რეცირკულაცია.
თირკმელების უკმარისობის მქონე პაციენტებში (კრეატინინის კლირენსი 1,8-4,8 ლ/სთ ან 30-80 მლ/წთ), ასევე ბავშვებში და ხანდაზმული ასაკის პირებში ნიმესულიდის ფარმაკოკინეტიკული პროფილი მნიშვნელოვნად არ იცვლება.
გამოყენების ჩვენებები
- რევმატოიდული ართრიტი;
- სახსროვანი სინდრომი პოდაგრის გამწვავებისას;
- ფსორიოზული ართრიტი;
- მაანკილოზირებელი სპონდილოართრიტი;
- ოსტეოქონდროზი, რადიკულოპათია;
- ოსტეოართროზი;
- რევმატიული და არარევმატიული გენეზის მიალგია;
- იოგების, მყესების ანთება, ბურსიტი, მათ შორის რბილი ქსოვილის პოსტტრავმული ანთება;
- სხვადასხვა გენეზის ტკივილის სინდრომი (მათ შორის პოსტოპერაციულ პერიოდში, ტრავმის დროს, ალგოდისმენორეა, კბილის ტკივილი, თავის ტკივილი, ართრალგია, ლუმბოიშალგია).
პრეპარატი განკუთვნილია სიმპტომატური თერაპიისთვის, ტკივილის და ანთების შესამცირებლად გამოყენების მომენტში, არ მოქმედებს დაავადების პროგრესირებაზე.
უკუჩვენება
- ჰიპერმგრძნობელობა პრეპარატის ნებისმიერი ნივთიერების მიმართ;
- სრული ან არასრული თანმხლები ბრონქული ასთმა, ცხვირის ან ცხვირის დანამატი წიაღების მორეციდივე პოლიპოზი და აცეტილსალიცილის მჟავების და სხვა აასპ აუტანლობა (მათ შორის ანამნეზში);
- კუჭის და თორმეტგოჯა ნაწლავის ლორწოვანი გარსის წყლულოვან-ეროზიული ცვლილება, აქტიური სისხლდენა კუჭ-ნაწლავის ტრაქტიდან, ცერებროვასკულარული ან სხვა სისხლდენა;
- ნაწლავებს ანთებითი დაავადება (კრონის დაავადება, არასპეციფიური წყლულოვანი კოლიტი) გამწვავების ფაზაში;
- ჰემოფილია და სისხლის შედედების სხვა დარღვევები;
- გულის დეკომპენსირებული უკმარისობა;
- ღვიძლის უკმარისობა ან ღვიძლის სხვა აქტიური დაავადება;
- ჰეპატოტოქსიური რეაქციის განვითარების ანამნეზური მონაცემები ნიმესულიდის პრეპარატების გამოყენებისას;
- პოტენციურად ჰეპატოტოქსიური ნივთიერებების თანმხლები გამოყენება;
- ალკოჰოლიზმი, ნარკომანია;
- თირკმელების გამოხატული უკმარისობა (კრეატინინის კლირენსი 30 მლ/წთ ნაკლები), თირკმელების პროგრესირებადი დაავადება, დამტკიცებული ჰიპერკალიემია;
- ჩატარებული აორტოკორონალური შუნტირების შემდგომი პერიოდი;
- ორსულობა, ლაქტაციის პერიოდი;
- 12 წლამდე ბავშვთა ასაკი (100 მგ ტაბლეტებისთვის);
სიფრთხილით: გულის იშემიური დაავადება, ცერებროვასკულარული დაავადება, გულის შეგუბებითი უკმარისობა, დისლიპიდემია/ჰიპერლიპიდემია, შაქრიანი დიაბეტი, პერიფერიული არტერიების დაავადებები, თამბაქოს მოხმარება, კრეატინინის კლირენსი 60 მლ/წთ ნაკლები.
კუჭ-ნაწლავის ტრაქტის წყლულოვანი დაზიანების განვითარების ანამნეზური მონაცემები, Helicobacter pylori ინფექცია, ხანდაზმული ასაკი, აასპ ხანგრძლივი გამოყენება, ალკოჰოლის ხშირი გამოყენება, მძიმე სომატური დაავადება, ანტიკოაგულანტებით (მაგალითად, ვარფარინი), ანტიაგრეგანტებით (მაგალითად, აცეტილსალიცილის მჟავა, კლოპიდოგრელი), შიგნით მისაღები გლუკოკორტიკოსტეროიდებით (მაგალითად, პრედნიზოლონი), სეროტონინის უკუმიტაცების სელექციური ინჰიბიტორებით (მაგალითად, ციტალოპრამი, ფლუოქსეტინი, პაროქსეტინი, სერტრალინი) თანმხლები თერაპია.
გამოყენების წესი და დოზა
საჭიროა მინიმალურად ეფექტური დოზის გამოყენება მინიმალურად ხანმოკლე ვადით. ტაბლეტები მიიღება კვების შემდეგ.
მოზრდილები და 12 წელზე უფროსი ასაკის ბავშვები (სხეულის წონა არანაკლებ 40 კგ) 1 ტაბლეტი 2-ჯერ დღეში.
კუჭ-ნაწლავის ტრაქტის დაავადებების არსებობისას პრეპარატის გამოყენება უმჯობესია კვების ბოლოს ან შემდეგ. მაქსიმალური სადღეღამისო დოზა მოზრდილებისათვის 200 მგ.
თირკმელების ქრონიკული უკმარისობის მქონე პაციენტებში საჭიროა სადღეღამისო დოზის შემცირება 100 მგ-მდე.
გვერდითი მოქმედება
გვერდითი ეფექტების სიხშირის პარამეტრები განისაზღვრება გამოვლენის სიხშირის შესაბამისად: ხშირი (1-10%), არახშირი (0,1-1%), იშვიათი (0.01-0.1%), ძალიან იშვიათი (0.01% ნაკლები), ცალკეული შემთხვევების ჩათვლით.
ალერგიული რეაქციები: იშვიათი – ჰიპერმგრძნობელობის რეაქციები; ძალიან იშვიათი – ანაფილაქსიური რეაქციები.
ცენტრალური ნერვული სისტემის მხრიდან: არახშირი – თავბრუსხვევა; იშვიათი – შიშის გრძნობა, ნერვოზულობა, კოშმარული სიზმრები; ძალიან იშვიათი – თავის ტკივილი, ძილიანობა, ენცეფალოპათია (რეისის სინდრომი).
კანის საფარის მხრიდან: არახშირი – ქავილი, გამონაყარი, გაძლიერებული ოფლიანობა; იშვიათი: ერითემა, დერმატიტი; ძალიან იშვიათი: ჭინჭრის ციება, ანგიონევროზული შეშუპება, სახის შეშუპება, მრავალფორმიანი ექსუდაციური ერითემა, მათ შორის სტივენს-ჯონსონის სინდრომი, ტოქსიკური ეპიდერმული ნეკროლიზი (ლაიელის სინდრომი).
შარდ-გამომყოფი სისტემის მხრიდან: არახშირი – შეშუპება; იშვიათი – დიზურია, ჰემატურია, შარდის შეკავება, ჰიპერკალიემია; ძალიან იშვიათი – თირკმელების უკმარისობა, ოლიგურია, ინტერსტიციური ნეფრიტი.
კუჭ-ნაწლავის ტრაქტის მხრიდან: ხშირი – დიარეა, გულისრევა, ღებინება; არახშირი – ყაბზობა, მეტეორიზმი, გასტრიტი; ძალიან იშვიათი – ტკივილი მუცლის არეში, სტომატიტი, შავი განავალი, სისხლდენა კუჭ-ნაწლავის ტრაქტიდან, კუჭის ან თორმეტგოჯა ნაწლავის წყლული და/ან პერფორაცია.
ღვიძლის და სანაღვლე სისტემის მხრიდან: ხშირი – ღვიძლისმიერი ტრანსამინაზების მატება; ძალიან იშვიათი – ჰეპატიტი, ელვისებური ჰეპატიტი, სიყვითლე, ქოლესტაზი.
სისხლმბადი ორგანოების მხრიდან: იშვიათი – ანემია, ეოზინოფილია; ძალიან იშვიათი – თრომბოციტოპენია, პანციტოპენია, პურპურა, სისხლდენის დროის გახანგრძლივება.
სასუნთქი სისტემის მხრიდან: არახშირი – ქოშინი; ძალიან იშვიათი – ბრონქული ასთმის გამწვავება, ბრონქოსპაზმი.
მგრძნობელობის ორგანოების მხრიდან: იშვიათი – არამკაფიო მხედველობა.
გულ-სისხლძარღვთა სისტემის მხრიდან: არახშირი – არტერიული ჰიპერტენზია; იშვიათი – ტაქიკარდია, ჰემორაგია, წამოხურება.
სხვა: იშვიათი – საერთო სისუსტე; ძალიან იშვიათი – ჰიპოთერმია.
ჭარბი დოზა
სიმპტომები: აპათია, ძილიანობა, გულისრევა, ღებინება. შესაძლებელია განვითარდეს სისხლდენა კუჭ-ნაწლავის ტრაქტიდან, მომატებული არტერიული წნევა, თირკმელების მწვავე უკმარისობა, სუნთქვის დათრგუნვა.
მკურნალობა: საჭიროა სიმპტომატური და შემანარჩუნებელი მკურნალობა. სპეციფიური ანტიდოტი არ არის. თუ ჭარბი დოზა მიღებული იყო ბოლო 4 საათის განმავლობაში საჭიროა ღებინების პროვოცირება, აქტივირებული ნახშირის (60-100 გ მოზრდილ ადამიანში), ოსმოსური საფაღარათე საშუალებების მიღება. ფორსირებული დიურეზი, ჰემოდიალიზი არაეფექტურია ცილებთან პრეპარატის მაღალი შეკავშირების გამო.
ურთიერთქმედება სხვა სამკურნალო საშუალებებთან
სისხლის შედედების შესამცირებელი მედიკამენტების მოქმედება ძლიერდება ნიმესულიდთან მათი ერთდროული გამოყენებისას.
ნიმესულიდმა შესაძლებელია შეამციროს ფუროსემიდის მოქმედება. ნიმესულიდმა შესაძლებელია გაზარდოს გვერდითი მოქმედების განვითარების შესაძლებლობა მეთოტრექსატთან ერთდროული გამოყენებისას.
შრატში ლითიუმის დონე იზრდება ლითიუმის პრეპარატების და ნიმესულიდის ერთდროული გამოყენებისას.
ნიმესულიდმა შესაძლებელია გააძლიეროს თირკმელებზე ციკლოსპორინის ზემოქმედება.
გლუკოკორტიკოსტეროიდებთან, სეროტონინის უკუმიტაცების ინჰიბიტორებთან გამოყენება ზრდის კუჭ-ნაწლავის სისხლდენის განვითარების საშიშროებას.
განსაკუთრებული მითითებები
რადგანაც ემერონი ნაწილობრივად გამოიყოფა თირკმელებით, მისი დოზა თირკმელების ფუნქციის დარღვევის დროს უნდა შემცირდეს, რაც დამოკიდებული იქნება კრეატინინის კლირენსის მაჩვენებელზე. სხვა აასპ გამოყენების ფონზე მხედველობის დარღვევის შემთხვევების გათვალისწინებით, მხედველობის ნებისმიერი დარღვევის შემთხვევაში საჭიროა მკურნალობის დაუყოვნებელი შეწყვეტა და ოკულისტთან კონსულტაცია.
პრეპარატმა შესაძლებელია გამოიწვიოს სითხის შეკავება ქსოვილებში, შესაბამისად მაღალი არტერიული წნევის და გულის ფუნქციის დარღვევის დროს ემერონი გამოიყენება სიფრთხილით.
ნიმესულიდთან ერთად კუჭ-ნაწლავის ტრაქტზე მოქმედი პრეპარატების ერთდროული გამოყენებისას საჭიროა რეგულარული კონტროლი.
ღვიძლის დაზიანების ნიშნების გამოვლენისას (კანის ქავილი, კანის საფარის სიყვითლე, გულისრევა, ღებინება, ტკივილი მუცლის არეში, შარდის გამუქება, ღვიძლის ტრანსამინაზების დონის მატება) საჭიროა პრეპარატის გამოყენების შეწყვეტა და ექიმთან მიმართვა. არ უნდა მოხდეს პრეპარატის გამოყენება სხვა აასპ ერთად.
პრეპარატმა შესაძლებელია შეცვალოს თრომბოციტების თვისებები, თუმცა არ ანაცვლებს აცეტილსალიცილის მჟავას პროფილაქტიკურ მოქმედებას გულ-სისხლძარღვთა დაავადებების დროს. პრეპარატის გამოყენებამ შესაძლებელია უარყოფითად იმოქმედოს ქალის ფერტილობაზე და არ არის რეკომენდებული ქალებისათვის, რომლებიც გეგმავენ დაორსულებას.
პრეპარატის 2 კვირიანი გამოყენების შემდეგ საჭიროა ღვიძლის ფუნქციის ბიოქიმიური მაჩვენებლების კონტროლი.
რადგანაც პრეპარატმა შესაძლებელია გამოიწვიოს ძილიანობა, თავბრუსხვევა და არამკაფიო მხედველობა, საჭიროა სიფრთხილის ზომების დაცვა ავტოსატრანსპორტო საშუალებების მართვის და პოტენციურად საშიში საქმიანობის დროს, რომლებიც მოითხოვენ ყურადღების მომატებულ კონცენტრაციას და ფსიქომოტორული რეაქციების სისწრაფეს.
გამოშვების ფორმა
10 ტაბლეტი ბლისტერში. 2 ბლისტერი გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები
ინახება მშრალ, სინათლისგან დაცულ ადგილას, არაუმეტეს 25°C ტემპერატურაზე.
ინახება ბავშვებისათვის მიუწვდომელ ადგილას!
ვარგისიანობის ვადა
მითითებულია შეფუთვაზე. არ გამოიყენება ვარგისიანობის ვადის გასვლის შემდეგ.
აფთიაქიდან გაცემის წესი
ფარმაცევტული პროდუქტის ჯგუფი II, გაიცემა ფორმა #3 რეცეპტით.
სავაჭრო ნიშნის და სარეგისტრაციო მოწმობის მფლობელი

VEGAPHARM LLP.,

ლონდონი, დიდი ბრიტანეთი
წარმოებულია
რეპლეკ ფარმ ლტდ. სკოპიე-ს მიერ,
სკოპიე, მაკედონიის რესპუბლიკა.

ქვეყანა: საქართველო

მწარმოებელი: ეუბიოტიკები

გაცემის ფორმა: III ჯგუფი ურეცეპტო

ელიპა 5მგ/მლ თვალის წვეთები, ხსნარი

სტერილური

კეტოროლაკის ტრომეთამინი 0.5%

ELIPA

მოცემული პრეპარატის გამოყენებამდე ყურადღებით წაიკითხეთ ფურცელი-ჩანართი, ვინაიდან ის თქვენთვის მნიშვნელოვან ინფორმაციას შეიცავს.

- შეინახეთ ფურცელი-ჩანართი. შესაძლებელია მისი წაკითხვა კვლავ დაგჭირდეთ.

- დამატებითი კითხვების შემთხვევაში, მიმართეთ ექიმს ან ფარმაცევტს.

- მოცემული პრეპარატი გამოწერილია თქვენთვის. არ გადასცეთ ის სხვებს. შესაძლებელია ზიანი მიადგეთ მათ, მაშინაც კი, თუ მათი დაავადების ნიშნები თქვენსას ჰგავს.

- ნებისმიერი გვერდითი ეფექტის განვითარებისას, მიმართეთ ექიმს ან ფარმაცევტს. ეს შეიძლება იყოს ნებისმიერი გვერდითი ეფექტი, რომელიც არ არის ჩამოთვლილი მოცემულ ფურცელ-ჩანართში . იხ . ნაწილი 4.

რა არის მოცემულ ფურცელ-ჩანართში

1. რა არის ელიპა და რისთვის გამოიყენება

2. რა უნდა იცოდეთ ელიპას მიღებამდე

3. ელიპას მიღების წესი

4. შესაძლო გვერდითი ეფექტები

5. ელიპას შენახვის პირობები

6. შეფუთვის შემადგენლობა და დამატებითი ინფორმაცია

1. რა არის ელიპა და რისთვის გამაოიყენება

ელიპას თვალის წვეთებს, ხსნარს გაჩნია მხოლოდ აქტიური ნივთიერება კეტოროლაკის ტრომეთამინი, კონცენტრაციით 5მგ/მლ.

კეტოროლაკის ტრომეთამინი არის არასტეროიდული ანთების საწინააღმდეგო საშუალება, რომელსაც აქვს ტკივილგამაყუჩებელი, ანთების საწინააღდმეგო და სიცხის დამწევი მოქმედება მისი სისტემურად გამოყენებისას. მექანიზმი, რაც აინდუცირებს მოქმედებას, მდგომარეობს პროსტაგლანდინების ბიოსინთეზის დათრგუნვის უნარში. კეტოროლაკის თვალში გამოყენება ამცირებს პროსტაგლანდინი E2 დონეს წყალწყალა ნამში.

პროსტაგლანდინები აინდუცირებენ თვალის ანთების გარკვეულ ტიპებს, ვინაიდან მისი არსებობა იწვევს ვაზოდილატაციას და ზრდის სისხლძარღვების გამტარობას, ლეიკოტაქსის, თვალშიდა ტონუსის ზრდას და სისხლის თხევადი ბარიერის გახლეჩვას. ირისის სპინქტერის დაჭიმულობის იდნუცირებით, პროსტანგალდინები პასუხს აგებენ თვალის გუგის მეიოზის პასუხზე თვალზე ოპერაციის დროს.

ელიპა ინიშნება ოფთალმოლოგიაში ანთებითი მდგომარეობების დროს, როდესაც პროსტაგლანდინების ბიოსინთეზის ინჰიბირება სასარგებლობაა, კერძოდ, ტკივილის კონტროლში და პრეოპერაციულ და პოსტტრავმულ ანთებით რეაქციებში. ასევე ინიშნება ინტრაოპერაციული მიოზის ინჰიბირებისთვის და ცისტური მაკულარული ედემას ანთების პრევენციის დროს კატარაქტაზე ოპერაციის შემდეგ. მისი ანთების საწინააღმდეგო ეფექტის გამო, ასევე ინიშნება ალერგიული კონიუნქტივიტის სიმპტომური მკურნალობისთვის, კერძოდ, სეზონური ალერგიული კონიუნქტივიტის დროს.

2. რა უნდა იცოდეთ ელიპას მიღებამდე

არ მიიღოთ ელიპა

- თუ ხართ ალერგიული (ჰიპერმგრძნობიარე) აქტიური ნივთიერების (კეტოროლაკის ტრომეთამინის) ან რომელიმე დამხმარე ნივთიერების მიმართ (ჩამოთვლილია ნაწილში 6);

- არსებობს ჯვარედინი მგრძნობელობის პოტენციალი აცეტილსალიცილის მჟავასთან და სხვა არასტეროიდულ ანთების საწინააღმდეგო პრეპარატებთან. ელიპა უკუნაჩვენებია ჰიპერმგრძნობიარე პაციენტებში, რომელთაც მანამდე აღენიშნებოდათ მოცემული პრეპარატის მიმართ ჰიპერმგრძნობელობა.

- დაუშვებელია ელიპას მიღება კონტაქტურ ლინზებთან ერთად.

გაფრთხილებები და სიფრთხილის ზომები

მიმართეთ ექიმს ან ფარმაცევტს ელიპას გამოყენებამდე.

დაუშვებელია მოცემული პრეპარატის გამოყენება კონტაქტურ ლინზებთან ერთად. კონტაქტური ლინზების მოხმარებისას უნდა გამოიყენოთ სათვალე ელიპას მიღების პერიოდში.

რეკომენდებულია ელიპას გამოყენებისას სიფრთხილის გამოჩენა პაცეინტებში, რომლებიც მიდრეკილნი არიან ჰემორაგიების მიმართ ან გადიან ანტიკოაგულანტურ თერაპიას.

სხვა პრეპარატები და ელიპა

აცნობეთ ექიმს ან ფარმაცევტს თუ იღებთ, ბოლო დროს მიგიღიათ ან აპირებთ მიიღოთ სხვა პრეპარატები.

ელიპა კარგად გადაიტანებოდა ოფთალმოლოგიურ და სისტემურ პრეპარატებთან ერთად მიღებისას, როგორიცაა ანტიბიოტიკები, სედაციური საშუალებები, ბეტა-ბლოკატორები, კარბოანჰიდრაზას ინჰიბიტორები, მიოზური საშულაებები, მიდრიაზულები, ციკლოპლეგიური საშუალებები და კორტიკოსტეროიდები.

სიფრთხილით გამოიყენება პაციენტებში, რომლებიც მიდრეკილნი არიან ჰემორაგიების მიმართ ან გადიან ანტიკოაგულაციურ თერაპიას.

ორსულობა და ლატქაცია

თუ ხართ ორსულად ან ლაქტაციის პერიოდში, ფიქრობთ რომ შესაძლოა იყოთ ორსულად ან აპირებთ ორსულობას, მიმართეთ ექიმს ან ფარმაცევტს მოცემული პრაპარატის მიღებამდე.

მისი გამოყენების უსაფრხთოება ორსულებში არ დადგენილა. ელიპა არ არის რეკომენდებული ლაქტაციის დროს. კეტოროლაკის ტრომეტამინი გამოიყოფა დედის რძეში სისტემური გამოყენების შემდეგ.

ავტოტრანსპორტის და მექანიზმების მართვა

არ შეინიშნება ეფექტები ავტომობილის და მექანიზმების მართვის უნარზე.

ელიპა შეიცავს ბენზალკონიუმის ქლორიდს

შეიძლება გამოიწვიოს თვალის გაღიზიანება. დაუშვებელია კონტაქტი რბილ კონტაქტურ ლინზებთან. ჩაწვეთებამდე მოიხსენით კონტაქტური ლინზები და გაიკეთეთ ჩაეწვეთებიდან 15 წუთის შემდეგ. ცნობილია რომ ბენზალკონიუმის ქლორიდი აუფერულებს რბილ კონტაქტურ ლინზებს.

3. ელიპას მიღების წესი

მოცემული პრეპარატი გამოიყენეთ ექიმის დანიშნულების მიხედვით. თუ არ ხართ დარწმუნებული მიმართეთ ექიმს ან ფარმაცევტს.

რეკომენდებული დოზაა:

ოპერაციისთვის მომზადებისას: 1 წვეთი ყოველ ნახევარ საათში გუგაზე, ორი საათის განმავლობაში ქირურგიულ ჩარევამდე (სულ 4 წვეთი)

პოსტროპერაციული პერიოდი: სამედიცინო კრიტერიუმმა უნდა განსაზღვროს დოზირება 3 კვირის პერიოდით (რეკომენდებული პერიოდი მოცემული პრეპარატის გამოყენებისთვის).

სხვე ჩვენებების დროს: რეკომენდებული საშუალო დოზაა 1 წვეთი გუგაში დღეში 4-ჯერ. მკურნალობა არ უნდა გაგრძელდეს ერთ კვირაზე მეტ ხანს, ექიმის რჩევის გარეშე.

მოცემული პრეპარტის ეფექტურობა და უსაფრთხოება არ შესწავლილა  12 წლამდე ასაკის ბავშვებში.

დაუშვებელია ბოთლის გამოყენება სხვა მიზნებისთვი.

თუ გამოიყენეთ ელიპას საჭიროზე მეტი დოზა

ჭარბი დოზირების შემთხვევები არ შეინიშნებოდა თვალში გამოყენებისას.

თუ დაგავიწყდათ ელიპას მიღება

თუ დაგავიწყდათ ერთი ან მეტი დოზის მიღება, მიიღეთ შემდეგი ზომები:

-         თუ მომდევნო ჩაწვეთების დრო ჯერ არ მოახლოებულა, ჩაიწვეთეთ  დაუყოვნებლივ და არ მიიღოთ ორმაგი დოზა. გააგრძელეთ თვალის წვეთის გამოყენება ჩვეულებრივად.

-         თუ მოახლოვნდა მომდევნო ჩაწვეთების დრო, ჩაიწვეთეთ თვალის წვეთები სათანადო დროს.

გააგრძელეთ თვალის წვეთების გამოყენება მოცემული მომენტიდან.

არ გამოიყენოთ ორმაგი დოზა გამოტოვებულის სანაცვლოდ.

4. შესაძლო გვერდითი ეფექტები

სხვა პრეპარატების მსგავსად, მოცემულ პრეპარატსაც შეუძლია გამოიწვიოს გვერდითი ეფექტები, თუმცა არა ყველა პაციენტში.

თუმცა ძალიან იშვიათად, აღწერილი იყო თვალებში და ქუთუთოებზე ჩხვლეტის და წვის შეგრძნება, კერძოდ ალერგიული კონიუნქტივიტის მქონე პაციენტებში. ალერგიული რეაქციები, თვალის გაღიზიანება,  თვალის ზედაპირული ინფექციები და ზედაპირული კერატიტი ასევე შეინიშნებოდა.

ჩაწვეთების შემდეგ, მხედველობა შეიძლება დროებით ბუნდოვანი გახდეს.

სხვა შესაძლო გვერდითი მოვლენები მოიცავს გრიპის მსგავს სიმპტომებს, გულისრევას, ღებინებას და ჰემორაგიას.

მსგავსი ეფექტების განვითარებისას ან მათი გახანგრძლივებისას მიმართეთ ექიმს კონსულტაციისთვის. ასევე იმართეთ ექიმს მოულოდნელი ან უჩვეულო გვერდითი მოვლენების განვითარებისას.

გვერდითი ეფქტების შეტყობინება

ნებისმიერი სახის გვერდითი ეფექტის განვითარებისას მიმართეთ ექიმს ან ფარმაცევტს. ეს შეიძლება იყოს ისეთი გვერდითი მოვლენა, რომელიც არ არის მითითებული ფურცელ-ჩანართში. გვერდითი ეფექტების შეტყობინებით ხელს შეუწყობთ პრეპარატის უსაფრთხოების შესახებ მეტი ინფორმაციის მოპოვებას.

5. ელიპას შენახვის პირობები

პრეპარატი შეინახეთ ბავშვებისთვის მიუწვდომელ ადგილას.

შეინახეთ არაუმეტეს 30°C ტემპეატურაზე.

ბოთლი შეინახეთ ორიგინალ შეფუთვაში, სინათლის და ნესტისგან დასაცავად.

ელიპა გამოიყენეთ 28 დღის განმავლობაში ბოთლის პირველად გახსნიდან.

არ გამოიყენოთ მოცემული პრეპარატი ვარგისობის ვადის გასვლის შემდეგ რომელიც მითითებულია კოლოფზე “EXP”-სთან. ვარგისობის ვადა მოიცავს თვის ბოლო რიცხვს.

არ გადააგდოთ პრეპარატები საყოფაცხოვრებო ნაგავში ან კანალიზაციაში. ჰკითხეთ ფარმაცევტს როგორ უნდა მოხდეს პრეპარატების გადაგდება. მსგავსი ზომებით ხელს შეუწყობთ გარემოს დაცვას.

6. შეფუთვის შემადგენლობა და დამატებითი ინფორმაცია

რას შეიცავს ელიპა

აქტიური ნივთიერებაა კეტოროლაკის ტრომეთამინი.

დამხმარე ნივთიერებებია: ნატრიუმის ქლორიდი, დინატრიუმის ედეტატი, ბენზალკონიუმის ქლორიდი 0.1 მგ/მლ კონსერვანტის სახით და ძლიერ გასუფთავებული წყალი.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

ელიპას აღწერა და შეფუთვის შემადგენლობა

ელიპას თვალის წვეთები, ხნსარი მოცემულია სტერილურ დაბალი სიმკვრივის პოლიეთილენის საწვეთურიან ბოლში 10მლ მოცულობით.

მარკეტინგული ავტორიზაციის მფლობელი და მწარმოებელი

ლაბორატორიო ედოლ- პროდუტოს ფარმაცეუტიკოს, ს.ა.

ავ. 25 დე აბრილ, 6-6ა

2795-225 ლინდა-ა-ველა

პროტუგალია

შემადგენლობა და გამოშვების ფორმა
400მგ ლიოფილიზ. ფხვნილი ფლაკონი და 5მლ ამპულა გამხსნელი #5
400მგ ნაწლავში ხსნადი აბი #20

ლიოფილიზირებული ფხვნილის 1 ფლაკონი შეიცავს 760 მილიგრამ ადემეთიონინის 1,4-ბუტანდისულფონატს, რაც 400 მილიგრამ ადემეთიონინის კათიონს შეესაბამება; დამხმარე ნივთიერებები: 1 ამპულა გამხსნელი შეიცავს L–ლიზინს, ნატრიუმის ჰიდროქსიდს, საინექციო წყალს;
1 ტაბლეტი შეიცავს 760 მილიგრამ ადემეთიონინის 1,4-ბუტანდისულფონატს, რაც 400 მილიგრამ ადემეთიონინის კათიონს შეესაბამება;
დამხმარე ნივთიერებები: უწყლო კოლოიდური სილიციუმის დიოქსიდი, ნატრიუმის სახამებელგლიკოლატი, მაგნიუმის სტეარატი, მიკროკრისტალური ცელულოზა, პოლიმეტაკრილატი, პოლიეთილენგლიკოლი 6000, ტალკი, სიმეთიკონი, პოლისორბატი.

სამკურნალწამლო ფორმა.
ლიოფილიზირებული ფხვნილი საინექციო ხსნარის მისამზადებლად.
ტაბლეტები, რომლებიც ნაწლავში ხსნადი გარსითაა დაფარული.

ძირითადი ფიზიკურ-ქიმიური თვისებები:
ლიოფილიზირებული ფხვნილი წარმოადგენს თეთრი ან მოყვითალო ფერის ლიოფილიზირებულ მასას, რომელიც უცხო ნაწილაკებს არ შეიცავს; გამხსნელი გამჭვირვალე სითხეა, რომლის ფერი უფეროდან მოყვითალო შეფერილობამდე მერყეობს და ამინის დამახასიათებელი სუნი აქვს; მომზადებული ხსნარი გამჭვირვალეა, უცხო ნაწილაკებს არ შეიცავს, ფერით კი ღია ყვითელიდან ყვითელ ფერამდე მერყეობს;
ტაბლეტები პრაქტიკულად თეთრი ფერისაა, აქვს ოვალური ფორმა, ბზარები ან ჩამონატეხები არ აღენიშნება, დაფარულია აპკისებრი გარსით.

ფარმაკოლოგიური თვისებები
ფარმაკოდინამიკა. ადემეთიონინი ანუ სულფოადენოზილ-L-მეთიონინი ბიოქიმიური ეფექტების მქონე სამკურნალო საშუალებაა, რომელიც ორგანიზმის ყველა ქსოვილსა და თხევად არეში ნაწილდება. ის მონაწილეობს მნიშვნელოვან ბიოლოგიურ პროცესებში, ტრანსმეთილირების ბევრ რეაქციაში მეთილის ჯგუფის დონორის როლს ასრულებს, ტრანსსულფურირების რეაქციებში კი ბიოქიმიური თიოლური ნაერთების (ცისტეინის, ტაურინის, გლუტათიონის, კოენზიმ A–სა და სხვათა) წინამორბედია.
ადემეთიონინის მეთილის ჯგუფის გადატანა (ტრანსმეთილირება) ისეთ ბიონივთიერებებზე, როგორიცაა ჰორმონები, ნეირომედიატორები, პროტეინები და ფოსფოლიპიდები, ორგანიზმში მიმდინარე მნიშვნელოვანი მეტაბოლური პროცესია.
ბავშვებსა და მოზარდებში ადემეთიონინის შემცველობა ძალიან მაღალია, მაგრამ ზრდასრულებში თანდათან ქვეითდება და ხანშიშესულ ასაკში საკმაოდ დაბალი მაჩვენებელი ახასიათებს.
დეპრესიული სინდრომის მქონე პაციენტების თავ-ზურგტვინის სითხეში ადემეთიონინის შემცველობა დაბალია. ცხოველებსა და ადამიანებზე მიღებული ექსპერიმენტული მონაცემების მიხედვით, ადემეთიონინს შეუძლია ჰემატოენცეფალური ბარიერის გადალახვა და თავ-ზურგტვინის სითხეში მისი კონცენტრაციის დონის გაზრდა.
ადემეთიონინის მაღალი კონცენტრაციები ზემოქმედებას ახდენს ტვინის ქსოვილისათვის ძალიან დიდი მნიშვნელობის მქონე ტრანსმეთილირების პროცესებზე, რაც კატექოლამინების (ადრენალინის, ნორადრენალინის), ინდოლამინების (სეროტონინის, მელატონინის) და ჰისტამინის მეტაბოლიზმზე გავლენით ხორციელდება.
ადემეთიონინით მკურნალობა ზრდის ზოგიერთი ნეირომედიატორის, მაგალითად, სეროტონინისა და ნორადრენალინის ცვლას.
ადემეთიონინის შემდეგი მნიშვნელოვანი ფარმაკოლოგიური მოქმედება ნერვული უჯრედების მემბრანათა დონეზე ხდება. აღნიშნულ უჯრედებში წყლის აუცილებელი შემცველობა ფოსფოლიპიდების მეთილირებაზეა დამოკიდებული. თუ მემბრანა საკმარისი რაოდენობით წყალს არ შეიცავს, -რეცეპტორის აქტივობა ქვეითდება (იგივე პროცესი ხდება ორგანიზმის დაბერების დროს). ექსპერიმენტული მონაცემები მოწმობს, რომ ადემეთიონინით მკურნალობა ეფექტური ანტიდეპრესანტია სხვადასხვა დეპრესიული მდგომარეობების (მონო- და ბიპოლარული ენდოგენიების, ნევროზული, დისთიმიური დარღვევების) მქონე პაციენტებისათვის.
ანტიდეპრესიული მოქმედება სწრაფად ვითარდება და მაქსიმალური ეფექტი მკურნალობის პირველი 5-7 დღის განმავლობაში აღინიშნება, ამასთან გვერდითი ეფექტები, განსაკუთრებით კი ანტიქოლინერგული ტიპის რეაქციები არ ვლინდება.

ფარმაკოკინეტიკა
ადამიანის ორგანიზმში ინტრავენური შეყვანის შემდეგ ადემეთიონინის ფარმაკოკინეტიკური პროფილი ბიოექსპოტენციურია, ის ქსოვილებში განაწილების სწრაფი ფაზითა და დაახლოებით 1,5 საათის ხანგრძლივობის ნახევარგამოყოფის პერიოდის მქონე კლირენსით ხასიათდება. ინტრამუსკულური შეყვანისას აბსორბცია 96%-ს აღწევს, პლაზმაში მაქსიმალური კონცენტრაცია კი შეყვანიდან 45 წუთის შემდეგ აღინიშნება.
შრატის ცილებთან შეკავშირება უმნიშვნელოა და ორგანიზმის ქსოვილებსა და უჯრედებში სწრაფად ნაწილდება.
პერორალური მიღების შემდეგ პრეპარატი ნაწლავში შეიწოვება და სისხლის შრატში ადემეთიონინისკონცენტრაციის მნიშვნელოვან მატებას განაპირობებს.
დადასტურებულია, რომ სამკურნალო სახით მიღებული ადემეთიონინი ორგანიზმში იმავე მეტაბოლურ პროცესებს ექვემდებარება, რა პროცესებსაც ენდოგენური ნივთიერება გადის (ტრანსმეთილირება, ტრანსსულფურირება, დეკარბოქსილირება და სხვ.)

ჩვენებები
_ ქრონიკული ჰეპატიტი;
_ ღვიძლშიდა ქოლესტაზი;
_ ღვიძლის ციროზი;
_ ღვიძლისმიერი ენცეფალოპათია;
_ დეპრესიული სინდრომები;
_ აბსტინენციის სინდრომი.

მიღების წესები და დოზები
ლიოფილიზირებული ფხვნილი თანმხლებ გამხსნელში გახსნის შემდეგ გამოიყენება დღე-ღამეში 400 მგ დოზით, ინტრავენურად ან ინტრამუსკულურად, 15-20 დღის განმავლობაში.
ტაბლეტები. მიიღემა 2-3 ტაბლეტი დღეში, დასალევად.
რეკომენდებულია, მკურნალობა დაიწყოს პრეპარატის პარენტერული შეყვანით და ტაბლეტის ფორმის პრეპარატის შემდგომი მიღებით გაგრძელდეს. თერაპიის ხანგრძლივობა დაავადების სიმძიმესა და მიმდინარეობაზეა დამოკიდებული და ექიმის მიერ ინდივიდუალურად განისაზღვრება.

მწარმოებელი ფირმა, ქვეყანა
HOSPIRA S.P.A
იტალია

ბიფიდუმბაქტერინი მშრალი, შიგნით მისაღები ამპულებში 

(Bifidumbacterinum Siccum)

INN: Bifidumbacterinum 
ფარმაკოთერაპიული ჯგუფი: ნაწლავის ნორმალური მიკროფლორის კომპონენტი, მიკრობული პრეპარატი.
ATC კოდი: A07FA
შემადგენლობა და ფორმა: პრეპარატი წარმოადგენს ბიფიდობაქტერიების აქტიური შტამების (Bifidobacterium bifidum I, Bifidobacterium longum) ცოცხალი უჯრედების მასას, რომელიც ლიოფილურად არის გაშრობილი კულტივირების არეში, საქაროზა - ჟელატინა - რძის დამცავი არის დამატებით. ერთი დოზა პრეპარატი შეიცავს 10⁷ ცოცხალ ბიფიდობაქტერიას, ერთ ამპულაში 5 დოზაა.
ფარმაკოლოგიური თვისებები: ბიფიდუმბაქტერინი წარმოადგენს ნაწლავის მიკროფლორის მარეგულირებელ, იმუნომამოდულირებელ საშუალებას; გააჩნია ანტაგონისტური მოქმედება ფართო სპექტრის პათოგენური და პირობითად პათოგენური მიკროორგანიზმების მიმართ.
ჩვენება: პრეპარატი გამოიყენება იმ ბავშვებსა და მოზრდილებში, რომლებიც დაავადებულნი არიან დაუდგენელი ეთიოლოგიის ხანგრძლივი ნაწლავური დისფუნქციით, აგრეთვე ნაწლავის მწვავე და ქრონიკული ინფექციების და ახალშობილებში სეფსისის კომპლექსური მკურნალობის დროს, მსხვილი და წვრილი ნაწლავის მწვავე და ქრონიკული ანთების (კოლიტები, ენტეროკოლიტები) შემთხვევაში, რომლებიც მიმდინარეობს დარღვეული მიკროფლორის ფონზე, ასევე ნაწლავების დისბაქტერიოზის სამკურნალოდ, რომელიც ვითარდება ანტიბაქტერიული, ჰორმონული, სხივური და სხვა თერაპიის შედეგად.
პრეპარატი გამოიყენება ჩვილ ბავშვებში, როდესაც ისინი ადრეულ პერიოდში გადაჰყავთ ხელოვნურ ან დონორის რძით კვებაზე.
გვერდითი მოქმედება: არ აღინიშნება.
უკუჩვენებები: პრეპარატისადმი ინდივიდუალური ჰიპერმგრძნობიელობა.
განსაკუთრებული მითითებები: სიფრთხილით ენიშნებათ ბავშვებს ლაქტოზური უკმარისობით.
ორსულობა და ლაქტაცია: შეზღუდვები არ არის.
მიღების წესი და დოზირება: პრეპარატი მიიღება შიგნით. ამპულას ხსნიან 2-3 მლ თბილ გადადუღებულ წყალში და ანჯღრევენ არაგამჭვირვალე ჰომოგენური ნარევის წარმოქმნამდე. ნარევი გადააქვთ ჭიქაში და უმატებენ 2-3 ჩაის კოვზ წყალს. იგი მიიღება 20-30 წუთით ადრე ჭამამდე. ჩვილ ბავშვებში პრეპარატი შესაძლებელია გამოყენებულ იქნას უშუალოდ ჭამის წინ.
6 თვემდე ასაკის ბავშვებში პრეპარატი მიიღება 3 დოზა 3-ჯერ დღეში; 6 თვის ზევით ასაკის ბავშვებში 5 დოზა 2-ჯერ დღეში. მოზრდილებში 5 დოზა 2-3-ჯერ დღეში. მკურნალობის კურსის ხანგრძლივობა შეადგენს 2 კვირიდან 3 თვემდე ექიმის დანიშნულებით.
ურთიერთქმედება სხვა პრეპარატებთან: სხვა პრეპარატებთან ურთიერთქმედებისას არა სასურველი ეფექტები არ აღინიშნება.
ვარგისიანობის ვადა: 1 წელი
გამოშვების ფორმა: პრეპარატის 5 დოზა ამპულაში. 10 ამპულა შეფუთვაში.
შენახვის პირობები: ინახება მშრალ, სინათლისაგან დაცულ ადგილას, არაუმეტეს +10⁰C ტემპერატურაზე.
გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი: ს/ს “ბიოფარმი”, გოთუას ქ.#3, 0160, თბილისი.
ტელ/ფაქსი: (99532) 225 29 56, ელ. ფოსტა:[email protected]

შემადგენლობა და გამოშვების ფორმა
400მგ ლიოფილიზ. ფხვნილი ფლაკონი და 5მლ ამპულა გამხსნელი #5
400მგ ნაწლავში ხსნადი აბი #20

ლიოფილიზირებული ფხვნილის 1 ფლაკონი შეიცავს 760 მილიგრამ ადემეთიონინის 1,4-ბუტანდისულფონატს, რაც 400 მილიგრამ ადემეთიონინის კათიონს შეესაბამება; დამხმარე ნივთიერებები: 1 ამპულა გამხსნელი შეიცავს L–ლიზინს, ნატრიუმის ჰიდროქსიდს, საინექციო წყალს;
1 ტაბლეტი შეიცავს 760 მილიგრამ ადემეთიონინის 1,4-ბუტანდისულფონატს, რაც 400 მილიგრამ ადემეთიონინის კათიონს შეესაბამება;
დამხმარე ნივთიერებები: უწყლო კოლოიდური სილიციუმის დიოქსიდი, ნატრიუმის სახამებელგლიკოლატი, მაგნიუმის სტეარატი, მიკროკრისტალური ცელულოზა, პოლიმეტაკრილატი, პოლიეთილენგლიკოლი 6000, ტალკი, სიმეთიკონი, პოლისორბატი.

სამკურნალწამლო ფორმა.
ლიოფილიზირებული ფხვნილი საინექციო ხსნარის მისამზადებლად.
ტაბლეტები, რომლებიც ნაწლავში ხსნადი გარსითაა დაფარული.

ძირითადი ფიზიკურ-ქიმიური თვისებები:
ლიოფილიზირებული ფხვნილი წარმოადგენს თეთრი ან მოყვითალო ფერის ლიოფილიზირებულ მასას, რომელიც უცხო ნაწილაკებს არ შეიცავს; გამხსნელი გამჭვირვალე სითხეა, რომლის ფერი უფეროდან მოყვითალო შეფერილობამდე მერყეობს და ამინის დამახასიათებელი სუნი აქვს; მომზადებული ხსნარი გამჭვირვალეა, უცხო ნაწილაკებს არ შეიცავს, ფერით კი ღია ყვითელიდან ყვითელ ფერამდე მერყეობს;
ტაბლეტები პრაქტიკულად თეთრი ფერისაა, აქვს ოვალური ფორმა, ბზარები ან ჩამონატეხები არ აღენიშნება, დაფარულია აპკისებრი გარსით.

ფარმაკოლოგიური თვისებები
ფარმაკოდინამიკა. ადემეთიონინი ანუ სულფოადენოზილ-L-მეთიონინი ბიოქიმიური ეფექტების მქონე სამკურნალო საშუალებაა, რომელიც ორგანიზმის ყველა ქსოვილსა და თხევად არეში ნაწილდება. ის მონაწილეობს მნიშვნელოვან ბიოლოგიურ პროცესებში, ტრანსმეთილირების ბევრ რეაქციაში მეთილის ჯგუფის დონორის როლს ასრულებს, ტრანსსულფურირების რეაქციებში კი ბიოქიმიური თიოლური ნაერთების (ცისტეინის, ტაურინის, გლუტათიონის, კოენზიმ A–სა და სხვათა) წინამორბედია.
ადემეთიონინის მეთილის ჯგუფის გადატანა (ტრანსმეთილირება) ისეთ ბიონივთიერებებზე, როგორიცაა ჰორმონები, ნეირომედიატორები, პროტეინები და ფოსფოლიპიდები, ორგანიზმში მიმდინარე მნიშვნელოვანი მეტაბოლური პროცესია.
ბავშვებსა და მოზარდებში ადემეთიონინის შემცველობა ძალიან მაღალია, მაგრამ ზრდასრულებში თანდათან ქვეითდება და ხანშიშესულ ასაკში საკმაოდ დაბალი მაჩვენებელი ახასიათებს.
დეპრესიული სინდრომის მქონე პაციენტების თავ-ზურგტვინის სითხეში ადემეთიონინის შემცველობა დაბალია. ცხოველებსა და ადამიანებზე მიღებული ექსპერიმენტული მონაცემების მიხედვით, ადემეთიონინს შეუძლია ჰემატოენცეფალური ბარიერის გადალახვა და თავ-ზურგტვინის სითხეში მისი კონცენტრაციის დონის გაზრდა.
ადემეთიონინის მაღალი კონცენტრაციები ზემოქმედებას ახდენს ტვინის ქსოვილისათვის ძალიან დიდი მნიშვნელობის მქონე ტრანსმეთილირების პროცესებზე, რაც კატექოლამინების (ადრენალინის, ნორადრენალინის), ინდოლამინების (სეროტონინის, მელატონინის) და ჰისტამინის მეტაბოლიზმზე გავლენით ხორციელდება.
ადემეთიონინით მკურნალობა ზრდის ზოგიერთი ნეირომედიატორის, მაგალითად, სეროტონინისა და ნორადრენალინის ცვლას.
ადემეთიონინის შემდეგი მნიშვნელოვანი ფარმაკოლოგიური მოქმედება ნერვული უჯრედების მემბრანათა დონეზე ხდება. აღნიშნულ უჯრედებში წყლის აუცილებელი შემცველობა ფოსფოლიპიდების მეთილირებაზეა დამოკიდებული. თუ მემბრანა საკმარისი რაოდენობით წყალს არ შეიცავს, -რეცეპტორის აქტივობა ქვეითდება (იგივე პროცესი ხდება ორგანიზმის დაბერების დროს). ექსპერიმენტული მონაცემები მოწმობს, რომ ადემეთიონინით მკურნალობა ეფექტური ანტიდეპრესანტია სხვადასხვა დეპრესიული მდგომარეობების (მონო- და ბიპოლარული ენდოგენიების, ნევროზული, დისთიმიური დარღვევების) მქონე პაციენტებისათვის.
ანტიდეპრესიული მოქმედება სწრაფად ვითარდება და მაქსიმალური ეფექტი მკურნალობის პირველი 5-7 დღის განმავლობაში აღინიშნება, ამასთან გვერდითი ეფექტები, განსაკუთრებით კი ანტიქოლინერგული ტიპის რეაქციები არ ვლინდება.

ფარმაკოკინეტიკა
ადამიანის ორგანიზმში ინტრავენური შეყვანის შემდეგ ადემეთიონინის ფარმაკოკინეტიკური პროფილი ბიოექსპოტენციურია, ის ქსოვილებში განაწილების სწრაფი ფაზითა და დაახლოებით 1,5 საათის ხანგრძლივობის ნახევარგამოყოფის პერიოდის მქონე კლირენსით ხასიათდება. ინტრამუსკულური შეყვანისას აბსორბცია 96%-ს აღწევს, პლაზმაში მაქსიმალური კონცენტრაცია კი შეყვანიდან 45 წუთის შემდეგ აღინიშნება.
შრატის ცილებთან შეკავშირება უმნიშვნელოა და ორგანიზმის ქსოვილებსა და უჯრედებში სწრაფად ნაწილდება.
პერორალური მიღების შემდეგ პრეპარატი ნაწლავში შეიწოვება და სისხლის შრატში ადემეთიონინისკონცენტრაციის მნიშვნელოვან მატებას განაპირობებს.
დადასტურებულია, რომ სამკურნალო სახით მიღებული ადემეთიონინი ორგანიზმში იმავე მეტაბოლურ პროცესებს ექვემდებარება, რა პროცესებსაც ენდოგენური ნივთიერება გადის (ტრანსმეთილირება, ტრანსსულფურირება, დეკარბოქსილირება და სხვ.)

ჩვენებები
_ ქრონიკული ჰეპატიტი;
_ ღვიძლშიდა ქოლესტაზი;
_ ღვიძლის ციროზი;
_ ღვიძლისმიერი ენცეფალოპათია;
_ დეპრესიული სინდრომები;
_ აბსტინენციის სინდრომი.

მიღების წესები და დოზები
ლიოფილიზირებული ფხვნილი თანმხლებ გამხსნელში გახსნის შემდეგ გამოიყენება დღე-ღამეში 400 მგ დოზით, ინტრავენურად ან ინტრამუსკულურად, 15-20 დღის განმავლობაში.
ტაბლეტები. მიიღემა 2-3 ტაბლეტი დღეში, დასალევად.
რეკომენდებულია, მკურნალობა დაიწყოს პრეპარატის პარენტერული შეყვანით და ტაბლეტის ფორმის პრეპარატის შემდგომი მიღებით გაგრძელდეს. თერაპიის ხანგრძლივობა დაავადების სიმძიმესა და მიმდინარეობაზეა დამოკიდებული და ექიმის მიერ ინდივიდუალურად განისაზღვრება.

მწარმოებელი ფირმა, ქვეყანა
HOSPIRA S.P.A
იტალია

ქვეყანა: უზბეკეთი

მწარმოებელი: ასეპტიკა

გაცემის ფორმა: III ჯგუფი ურეცეპტო