ბლოკიუმი B12 #5ა

ბლოკიუმ B12 ინექცია

საერთაშორისო დასახელება:

POTASSIUM DICLOFENAC+ BETAMETHASONE+ CYANOCOBALAMIN

შემადგენლობა:

თითოეული ამპულა გამხსნელით შეიცავს :

დიკლოფენაკ კალიუმს ............................................. 75.0 მგ .,

ბეტამეთაზონის ნატრიუმის ფოსფატი ................ 2.63 მგ .,

ბენზილის სპირტი .................................................... 0.06 გრ .,

უწყლო დინატრიუმის ფოსფატი ............................ 4.98 მგ .,

ნატრიუმის ჰიდროქსიდი ………… q.s.p. pH 8.4,

მეთილპარაბენი …………………………………… 2.4 მგ .,

პროპილპარაბენი ………………………………….. 0.45 მგ .,

პროპილენგლიკოლი ………………………………. 576 მგ .,

საინექციო წყალი ……………………………… q.s.p 3.0 მლ .

თითოეული ლიოფილიზატის ფლაკონი შეიცავს :

ჰიდროქსიკობალამინი – 10.00 მგ .,

დამხმარე ნივთიერებები : მანიტოლი – 87.00 მგ .

მწარმოებელი: CASASCO laboratories SAIC – Boyaca 237 – Buenos Aires Argentina

თერაპიული თვისებები :

ანთების საწინააღმდეგო და ანალგეზიური საშუალება .

ჩვენება :

ანთებითი რევმატიზმის მწვავე კრიზისი ;
ლუმბოციატალგია;
კისრის ბრაქიალგია;
პოლირადიკულონეიროპათია .

ფარმაკოლოგიური მოქმედება:

დიკლოფენაკი წარმოადგენს არასტეროიდულ ანთების საწინააღმდეგო პრეპარატს , რომლის მოქმედების მექანიზმი , ისევე როგორც ამ ჯგუფის სხვა პრეპარატების , არ არის სრულად შესწავლილი . მის ძირითად ფარმაკოლოგიურ მოქმედებას წარმოადგენს პროსტაგლანდინების სინთეზის დაინჰიბირება .

ბეტამეთაზონი წარმოადგენს ისეთ გლუკოკორტიკოიდს , რომელიც თრგუნავს ანთებას სხვადასხვა მექანიზმების საშუალებით : იგი აინჰიბირებს ანთებით რეაქციაში მონაწილე რამდენიმე შუალედური ნივთიერების წარმოქმნას , როგორიც არის ვაზოაქტიური და ქემოტაქსიური ფაქტორები ; იგი ამცირებს ლიპოლიზური და პროტეოლიზური ფერმენტების სეკრეციას ; იგი ხელს უშლის ლეიკოციტების მიგრაციას დაზიანების ადგილას და ასევე ამცირებს ფიბროზს ; იგი ასევე მოქმედებს ლიმფოციტების რაოდენობაზე და მათ მიერ გამოწვეულ იმუნურ რეაქციებზე .

ვიტამინი B12 აუცილებელია უჯრედების ზრდისა და რეპლიკაციისთვის . მისი დერივატივი , მეთილკობალამინი საჭიროა ჰომოცისტეინიდან მეთიონინის და შ - ადენოზილმეთიონინის მისაღებად . ვიტამინი B12 დეფიციტმა შესაძლებელია გამოიწვიოს ნერვული სისტემის შეუქცევადი დაზიანება , რაც გამოიხატება ნეირონების პროგრესირებად შეშუპებაში , დემიელინიზაციით და ნეირონის სიკვდილით .

ფარმაკოკინეტიკა : შემოგარსულ ტაბლეტებში არსებული დიკლოფენაკი გამოიყოფა ნაწლავის მომატებული pH - ის პირობებში . საკვები აყოვნებს მისი აბსორბციის დაწყებას და შესაბამისად ამცირებს მის პლაზმურ პიკს . პრეპარატის 99%- ზე მეტი შექცევადად უერთდება პლაზმის ალბუმინს . დიკლოფენაკი ელიმინირდება ღვიძლის მეტაბოლიზმის საშუალებით , ხოლო შარდში (65%) და ბილიარულ გზებში (35%) გამოიყოფა სულფატთან და გლუკურონიდთან კონიუგირებული მეტაბოლიტის სახით . ფარმაკოკინეტიკური ვარიაციები არ გამოვლენილა ხანდაზმულ პაციენტებში და ღვიძლისა და თირკმლის უკმარისობის მქონე პაციენტებში .

ბეტამეთაზონი კარგად შეიწოვება საჭმლის მომნელებელი სისტემის მიერ . იგი განიცდის ღვიძლის მიერ “პირველი გასვლის “ ეფექტს , ხოლო მისი ბიოშეღწევადობა შეადგენს 72%. პრეპრატის 64% უერთდება პლაზმის ცილებს, ხოლო მისი ნახევარგამოყოფის პერიოდი შეადგენს 5.6 საათს .

ვიტამინი B12 საჭმლის მომნელებელ სისტემაში უერთდება შინაგან ფაქტორს , რომელიც აუცილებელია მისი აბსორბციისათვის . მლივ ნაწლავში გადასვლის შემდეგ ვიტამინი B12 და შინაგანი ფაქტორის კომპლექსი მოქმედებს მლივი ნაწლავის ლორწოვანში არსებულ სპეციფიკურ რეცეპტორზე , რაც ხელს უწყობს მის აბსორბციას .

აბსორბციის შემდეგ ვიტამინი B12 უერთდება ტრანსკობალამინ II - ს , რომელსაც გადააქვს იგი ქსოვილამდე და სწრაფად ელიმინირდება პლაზმიდან. ვიტამინი B12 ძირითადად გროვდება ღვიძლის პარენქიმის უჯრედებში .

მიღების წესი და დოზა :

შემოგარსული ტაბლეტები : მოზრდილებში 1 ტაბლეტი ყოველ 8 ან 12 საათში , დამოკიდებულია სამედიცინო კრიტერიუმებზე . მისი მიღება რეკომენდებულია ჭამის შემდეგ .

ინექცია: 1-2 ფლაკონი დღეში , მხოლოდ ღრმა ინტრამუსკულარული ინექციის გზით . ამპულის შემადგენლობა უნდა შეერიოს ფლაკონისას და ოდნავ უნდა შეინჯღრეს .

მკურნალობის ხანგრძლივობა დამოკიდებულია პაციენტის რეაქციაზე და სამედიცინო კრიტერიუმებზე. ხაზი უნდა გაესვას იმას , რომ 2 კვირაზე მეტად გახანგრძლივებული კორტიკოთერაპიის დროს არსებობს კორტიკოსუპრარენალური უკმარისობის განვითარების რისკი , რაც გამოიხატება აკტჰ - ს გამოყოფის დათრგუნვით და თირკმელზედა ჯირკვლის ატროფიით . ხანგრძლივი მკურნალობის შემთხვევაში დოზა უნდა შემცირდეს პროგრესიულად , რათა თავიდან იქნას აცილებული ზემოხსენებული გართულებები .

არ არის სასურველი ბლოკიუმ B12 - ის ინექციის გამოყენება 3 დღეზე მეტი ხნის განმავლობაში .

უკუჩვენება:

* ალერგია აქტიური ნივთიერებების მიმართ ;

* ალერგია ანთების საწინააღმდეგო არასტეროიდული საშუალებების მიმართ ;

* აქტიური გასტროდუოდენალური წყლული ;

* თირკმლის მძიმე უკმარისობა , ღვიძლის უკმარისობა , დეკომპენსირებული გულის უკმარისობა ;

* მძიმე არტერიული ჰიპერტენზია ;

* სისტემური მიკოზი ;

* აქტიური ტუბერკულოზი ;

* პოდაგრა;

* A , B და არა - A - B ჰეპატიტი და სხვა ვირუსული ინფექციები ;

* ანტიკოაგულაციური მკურნალობა ;

* ორსულობა და ლაქტაციის პერიოდი;

* ბავშვებში და მოზარდებში .

სიფრთხილით:

ისევე როგორც ანთების საწინააღმდეგო სხვა არასტეროიდულმა პრეპარატებმა, დიკლოფენაკის შემცველმა ბლოკიუმ B12 - მა მკურნალობის ნებისმიერ მომენტში შეიძლება გამოიწვიოს სიმპტომური ან უსიმპტომო კუჭ - ნაწლავის სისხლდენა ან პერფორაცია . ეს უფრო მოსალოდნელია ხანდაზმულ პაციენტებში . იშვიათ შემთხვევებში დიკლოფენაკმა შესაძლებელია წარმოქმნას მძიმე ალერგიული ანაფილაქსიური ან ანაფილაქტოიდური რეაქციები. ბეტამეთაზონმა შესაძლებელია შენიღბოს ინფექციის ზოგიერთი ნიშანი.

ბლოკიუმ B12 – თ მკურნალობის დროს არ შეიძლება იმუნიზაციის პროცედურის ჩატარება , რადგან ამ დროს დათრგუნულია იმუნური სისტემა. იგი ასევე სიფრთხილით ინიშნება იმ პაციენტებში , რომლებშიც ეჭვობენ Strongyloides - ით გამოწვეულ ინვაზიის არსებობაზე , რადგან ამას შესაძლოა მოჰყვეს სიცოცხლისთვის საშიში გართულებები . ლატენტური ტუბერკულოზის ან ტუბერკულინისადმი მგრძნობიარე პაციენტები უნდა იმყოფებოდნენ დაკვირვების ქვეშ , რადგან ამ დროს მოსალოდნელია დაავადების რეაქტივაცია . ხანგრძლივი მკურნალობის დროს ასეთმა პაციენტებმა უნდა ჩაიტარონ ქიმიო - პროფილაქტიკური მკურნალობა .

თუ კორტიკოთერაპია გრძელდება 2 კვირაზე მეტი ხნის განმავლობაში , ასეთ შემთხვევაში არსებობს კორტიკოსუპრარენალური უკმარისობის განვითარების რისკი რაც გამოიხატება აკტჰ - ს გამოყოფის დათრგუნვით და თირკმელზედა ჯირკვლის ატროფიით . ასეთ შემთხვევებში თირკმელზედა ჯირკვლის უკმარისობა შესაძლოა გამოიწვიოს როგორც სტრესულმა სიტუაციებმა

(ოპერაცია , მძიმე ტრავმა , სერიოზული ინფექცია), ან სტეროიდული მკურნალობის უეცარმა შეჩერებამ . ასეთ სიტუაციაში თირკმელზედა ჯირკვლის უკმარისობის პრევენციისთვის რეკომენდირებულია სწრაფმოქმედი კორტიკოსტეროიდის შეყვანა. თუ ექიმი გადაწყვეტს მკურნალობის შეჩერებას, ასეთ შემთხვევაში რეკომენდირებულია იგი შეწყდეს თანდათან .

სიფრთხილის ზომები :

იმის გამო , რომ ბლოკიუმ B12 შეიცავს დიკლოფენაკს , იგი სიფრთხილით გამოიყენება თირკმლის , გულის და ღვიძლის უკმარისობის დროს , ასევე იმ პაციენტებში , რომლებსაც უნდა ჩაუტარდეთ ოპერაცია , რაც გამოიწვევს ინტრავასკლულარული მოცულობის შემცირებას .

დიკლოფენაკმა შესაძლებელია გამოიწვიოს გამწვავების ეპიზოდები ღვიძლის პორფირიით ან ბრონქული ასთმით დაავადებულ პაციენტებში .

მკაცრი სამედიცინო დაკვირვების ქვეშ უნდა იყვნენ პაციენტები , რომელთაც ანამნეზში აღენიშნებათ თორმეტგოჯას წყლული , წყლულოვანი კოლიტი ან კრონის დაავადება . ასევე მკაცრი დაკვირვების ქვეშ უნდა იყვნენ ჰემოსტაზის დარღვევის მქონე პაციენტები და ისინი ვინც ღებულობს ანტიკოაგულაციურ პრეპარატებს .

იმის გამო , რომ ბლოკიუმ B12 შეიცავს ბეტამეთაზონს , იგი განსაკუთრებული სიფრთხილით ინიშნება დივერტიკულიტის , ნაწლავის ანასტომოზის , პეპტიური წყლულის, წყლულოვანი კოლიტის , აბსცესის და სხვა ჩირქოვანი ინფექციების , არტერიული ჰიპერტენზიის , ოსტეოპოროზის და მიასთენია გრავისის დროს . პრეპარატი ასევე სიფრთხილით გამოიყენება იმ პაციენტებში, რომელთაც აქვთ თვალის ჰერპესი, ჰიპოთიროიდიზმი ან არიან ემოციურად არასტაბილურნი , ან ფსიქიკურად გაუწონასწორებულები . ბლოკიუმ B12 ხანგრძლივი მკურნალობის დროს უნდა განხორციელდეს ჰემატოლოგიური , თირკმლის და ღვიძლის ფუნქციების კონტროლი .

ხანდაზმულ პაციენტებში გამოიყენება ბლოკიუმ B12 მინიმალური ეფექტური დოზა .

სხვა მედიკამენტებთან ურთიერთქმედება :

ბლოკიუმ B12 და სხვა სისტემური არასტეროიდული ანთების საწინააღმდეგო პრეპარატების კომბინირებულმა გამოყენებამ შესაძლოა ხელი შეუწყოს ახალი გვერდითი მოვლენების განვითარებას . პაციენტები , რომლებიც იტარებენ ანტიკოაგულაციურ თერაპიას უნდა იმყოფებოდნენ დაკვირვების ქვეშ . ბლოკიუმ B12 შესაძლოა დათრგუნოს დიურეზულების ფარმაკოლოგიური მოქმედება . ასევე შესაძლოა გაიზარდოს კალიუმის შემნახველი დიურეზულების მოქმედება .

თუ პრეპარატი ინიშნება მეტოტრექსატის მკურნალობამდე 24 საათით ადრე ან 24 საათის შემდეგ , ასეთ შემთხვევაში შესაძლოა გაიზარდოს პრეპარატის პლაზმის დონე და მისი ტოქსიკურობა . ბლოკიუმ B12 და ლითიუმის მარილის ან დიგოქსინის კომბინირებულმა გამოყენებამ შესაძლოა გაზარდოს მათი პლაზმის დონე , გვერდითი ეფექტების გამოვლენის გარეშე . იმის გამო , რომ ბლოკიუმ B12- ის შემადგენლობაში შედის სტეროიდი ( ბეტამეთაზონი ), შესაძლებელია განვითარდეს შემდეგი მოვლენები :

გაუფრთხილებელი გამოყენება : ერითრომიცინის ი . ვ , ასტემიზოლის , ბეპრიდილის , ჰალოფანტრინის , პენტამიდინის , ტერფენადინის , სულტოპრიდის , ვინკამინის გამოყენებამ შესაძლოა გამოიწვიოს კიდურების კრუჩხვა ( ჰიპოკალემია , ბრადიკარდია და QT ინტერვალის გახანგრძლივება ზრდის არითმიის განვითარების რისკს ).

სიფრთხილით გამოსაყენებელი პრეპარატები : კიდურების კრუნჩხვის გამომწვევ ანტიარითმიულ პრეპარატებს წარმოადგენენ ამიოდარონი , ქინიდინი და სოტალოლი . თითების კრუნჩხვა გამოწვეულია კალიუმის დონის შემცირებით .

ჰიპოკალემიის გამომწვევი პრეპარატებია : ამფოტერიცინი B ი . ვ ., მარყუჟოვანი დიურეზულები , თიაზიდები და საფაღარათ საშუალებები .

აცეტილსალიცილის მჟავა :

კორტიკოსტეროიდები ზრდიანი სალიცილატების სუპრესიას , შესაბამისად კორტიკოსტეროიდების მკურნალობის შეწყვეტის შემდეგ მოსალოდნელია განვითარდეს სალიცილატების დოზის გადაჭარბების სიმპტომები . ამის გამო კორტიკოსტეროიდების მკურნალობის შეწყვეტის შემდეგ რეკომენდირებულია სალიცილატების დოზის დარეგულირება .

ჰეპარინი და ორალური ანტიკოაგულანტები პარენტერალურად : ასეთ შემთხვევებში რეკომენდირებულია პაციენტი იმყოფებოდეს დაკვირვების ქვეშ. რადგან კორტიკოსტეროიდები ზრდის ჰემორაგიების რისკს . აღნიშნული ეფექტი განსაკუთრებით გამოხატულია , როდესაც კორტიკოსტეროიდების მაღალი დოზა მიიღება 10 დღეზე მეტი ხნის განმავლობაში .

ინსულინი , მეტფორმინი , ჰიპოგლიკემიური სულფამიდები : რეკომენდირებულია , რომ გამკაცრდეს გლიკემიის დონის კონტროლი , ხოლო კორტიკოსტეროიდების მკურნალობის დროს და მისი შეჩერების შემდეგ ანტიდიაბეტური საშუალებების დოზა უნდა დარეგულირდეს .

იზონიაზიდი : კორტიკოსტეროიდებთან კომბინირებული გამოყენებისას იზონიაზიდის პლაზმის დონე მცირდება . ასეთ შემთხვევაში რეკომენდირებულია კლინიკური და მიკრობიოლოგიური დაკვირვება .

ფენობარბიტალი , ფენიტოინი , პრიმიდონი , კარბამაზეპინი , რიფაბუტინი , რიფამპიცინი - ყველა აღნიშნული წამალი წარმოადგენენ ფერმენტის ინდუქტორებს , რომლებიც ამცირებენ კორტიკოიდების ეფექტურობას . შესაბამისად აღნიშნული პრეპარატებით მკურნალობის დროს ან მკურნალობის დამთავრების შემდეგ , რეკომენდირებულია დარეგულირდეს კორტიკოიდების დოზა .

კუჭ - ნაწლავის ტრაქტზე მოქმედი ადგილობრივი საშუალებები ( მაგნეზია , ალუმინი , კალციუმის ოქსიდები და ჰიდროქსიდები ): მცირდება კორტიკოსტეროიდების აბსორბცია . კომბინირებული მკურნალობის შემთხვევაში პრეპარატების მიღება რეკომენდირებულია სხვადასხვა დროს

(ინტერვალი უნდა შეადგენდეს დაახლოებით 2 საათს ).

საყურადღებო კომბინირებული მკურნალობა :

ანტიჰიპერტენზიული საშუალებები: კორტიკოსტეროიდები ამცირებენ მათ თერაპიულ ეფექტს .

ალფა ინტერფერონი : კორტიკოსტეროიდებმა შესაძლოა დათრგუნონ მისი თერაპიული მოქმედება .

ატენუირებული ცოცხალი ვაქცინები : არსებობს ფატალური გენერალიზირებული დაავადების განვითარების რისკი . იგი განსაკუთებით იზრდება პაციენტებში , რომელთა იმუნიტეტი დასუსტებულია მიმდინარე დაავადების შედეგად . სასურველია ინაქტივირებული ვაქცინის გამოყენება .

ორსულობა და ლაქტაციის პერიოდი :

თუ არ არის განსაკუთრებული ჩვენება , ბლოკიუმ B12 არ გამოიყენება ორსულობის დროს , განსაკუთრებით ბოლო ტრიმესტრის განმავლობაში , რადგანაც დიკლოფენაკმა შესაძლოა დათრგუნოს საშვილოსნოს შეკუმშვის უნარი და გამოიწვიოს ბოტალის სადინარის ნაადრევი დახურვა . კორტიკოსტეროიდები ნაწილობრივ გადადიან დედის რძეში , რის გამოც ამ დროს არაა რეკომენდირებული მათი გამოყენება .

გვერდითი მოვლენები :

ბლოკიუმ B12 - მა სხვადასხვა სისტემაში შესაძლოა გამოიწვიოს სხვადასხვა რეაქციები :

- კუჭ – ნაწლავის სისტემა : ტკივილი ეპიგასტრიუმის მიდამოში , გულისრევა , ღებინება , ფაღარათი , მუცლის შებერვა , სისხლდენა კუჭ - ნაწლავიდან , კუჭის და თორმეტგოჯას წყლული ჰემორაგიის და პერფორაციის თანხლებით ან მის გარეშე .

- ცენტრალური ნერვული სისტემა : გულყრა , გაზრდილი ქალასშიდა წნევა , თავბრუსხვევა , თავის ტკივილი და ძილიანობა .

- ღვიძლი : იშვიათად ტრანსამინაზების დონის მომატება, ჰეპატიტი სიყვითლით ან მის გარეშე .

- კანი : იშვიათად ერითემა და კანის გამონაყარი. იშვიათად ურტიკარია . ცალკეულ შემთხვევებში გამოვლინდა სტივენ ჯონსონის სინდრომი , მრავლობითი ერითემა და ტოქსიკური ეპიდერმოლიზი , ჭრილობის შენელებული შეხორცება , სისხლჩაქცევები , სახის წამოწითლება , პრეპარატის პარენტერალური გამოყენებისას გამოვლინდა შემდეგი რეაქციები : ჰიპერპიგმენტაცია ან ჰიპოპიგმენტაცია , კანის და კანქვეშა ატროფია , სტერილური აბსცესები .

- თირკმელი : თირკმლის მწვავე უკმარისობის , ჰემატურიის და პროტეინურიის ცალკეული შემთხვევები .

- სისხლი : ლეიკოპენიის , ჰემოლიზური ანემიის და აგრანულოციტოზის ცალკეული შემთხვევები .

- კარდიოვასკულარული სისტემა : არტერიული ჰიპერტენზია , გულის შეგუბებითი უკმარისობა და გულის ფრიალი .

- ელექტროლიტური დარღვევები : ნატრიუმის შეკავება , შეშუპება , კალიუმის გამოყოფა და ჰიპოკალემიური ალკალოზი .

- ძვალ - კუნთოვანი სისტემა : კუნთების სისუსტე , სტეროიდული მიოპათია , კუნთოვანი მასის შემცირება , ოსტეოპოროზი , ხერხემლის კომპრესიული მოტეხილობები , ბარძაყის ან მხრის ძვლის თავის მოტეხილობა , გრძელი ძვლების პათოლოგიური მოტეხილობა .

- ენდოკრინული სისტემა : მენსტრუალური დარღვევები , კუშინგოიდური მდგომარეობა , ბავშვებში ზრდის შეფერხება , თირკმელზედა ჯირკვლის უკმარისობა , რომელიც განსაკუთრებით ვითარდება სტრესული სიტუაციების დროს , როგორიც არის ტრავმა , ოპერაცია , სისტემური დაავადებები . ნახშირწყლების მიმართ შემცირებული ტოლერანტობა და ინსულინის ორალური ჰიპოგლიკემიური პრეპარატების გაზრდილი მოთხოვნილება დიაბეტიან პაციენტებში .

- გრძნობათა ორგანოები : უკანა სუბკაფსულარული კატარაქტა , გაზრდილი თვალშიდა წნევა , გლაუკომა , ეგზოფთალმი და შუილი ყურებში .

- მეტაბოლიზმი : ნეგატიური აზოტის ბალანსი , რაც გამოწვეულია ცილების კატაბოლიზმით

დოზის გადაჭარბება:

დოზის გადაჭარბების შემთხვევაში საჭიროა კუჭის ამორეცხვა ღებინების გამოწვევით (აღნიშნული ზომების მიღება არ შეიძლება უგონო პაციენტებში ) ან კუჭის ზონდირების საშუალებით . შემდგომ საფეხურზე მიიღება გააქტივებული ნახშირი , რათა შემცირდეს პრეპარატის აბსორბცია და შეწყდეს დიკლოფენაკის ენტეროჰეპატური ცირკულაცია . ანტაციდებმა და შარდის სხვა გამატუტიანებელმა პრეპარატებმა შესაძლებელია გააძლიეროს ისეთი ანთების საწინააღმდეგო არასტეროიდული პრეპარატების ექსკრეცია , როგორიც არის დიფლუნიზალი და სულინდაკი . ზოგჯერ არასტეროიდული პრეპარატებით გამოწვეული თირკმლის უკმარისობის შემთხვევაში შესაძლებელია საჭირო გახდეს ჰემოდიალიზის გამოყენება , რაც გააძლიერებს დიკლოფენაკის ელიმინაციას . საჭიროა დაკვირვება პაციენტის ჰემოდინამიკურ მდგომარეობაზე , ხოლო ჰიპოტენზიის გამოვლენის შემთხვევაში საჭიროა პლაზმის მოცულობის გამზრდელი პრეპარატების შეყვანა . გულყრის შემთხვევაში ინტრავენურად ინიშნება დიაზეპამი და სხვა ბენზოდიაზეპინები . გასათვალისწინებელია ჰემორაგიის და კუჭ - ნაწლავის წყლულის განვითარების ალბათობა . შესაბამისად , ჰიპოპროთრომბინემიის სამკურნალოდ დამატებით ინიშნება ვიტამინი K .

დოზის გადაჭარბების შემთხვევაში უნდა მიემართოს უახლოეს ჰოსპიტალს ან ტოქსიკოლოგიურ ცენტრს .

შეფუთვა:

საიექციო : ლიოფილიზებული ფხვნილის 5 ფლაკონი და გამხსნელის 5 ამპულა .

შენახვის პირობები:

ინახება ცივ და მშრალ ადგილას, 15-25⁰C ტემპერატურაზე , ბავშვებისათვის ხელმიუწვდომელ ადგილას .

შენახვის ვადა: 2 წელი

აფთიაქიდან გაცემის წესი :

რეცეპტით

გრინტეროლი 250მგ #50კაფს

გრინტეროლი ®კაფსულები 250 მგ

საერთაშორისო დაუპატენტებელი დასახელება
ურსოდეზოქსიქოლის მჟავა.

სამკურნალო ფორმა და შემადგენლობა
კაფსულები
ერთი კაფსულა შეიცავს:

აქტიური ნივთიერება - ურსოდეზოქსიქოლის მჟავა 250 მგ;
დამხმარე ნივთიერებები: სიმინდის სახამებელი, სილიციუმის დიოქსიდი, მაგნიუმის სტეარატი;
კაფსულა (კორპუსი და სახურავი): ტიტანის დიოქსიდი (E 171), ჟელატინი.

აღწერა
მყარი ჟელატინის კაფსულები, კორპუსი და სახურავი თეთრი ფერის. შემადგენლობა - თეთრი ან თითქმის თეთრი ფერის ფხვნილი.

ფარმაკოლოგიური ჯგუფი
ჰეპატოპროტექტორული საშუალება. კოდი ATX: A05AA02

ფარმაკოლოგიური თვისებები
ფარმაკოდინამიკა

ჰეპატოპროტექტორული საშუალება ასევე გააჩნია ნაღველმდენი, ჰიპოლიპიდემიური, ჰიპოქოლესტერინემიური და იმუნომოდულაციური მოქმედება.
ურსოდეზოქსიქოლის მჟავის მცირე რაოდენობა აღმოჩენილია ადამიანის ნაღველში. ის ჩაერთვება ჰეპატოციტის მემბრანაში, ასტაბილიზირებს მის სტრუქტურას და იცავს ჰეპატოციტს ნაღვლის მჟავის მარილების მავნე ზემოქმედებისგან, და ამით ამცირებს მათ ციტოტოქსიკურ ეფექტს. ქოლესტაზის დროს ააქტიურებს Ca2+-დამოკიდებულ ალფა-პროთეაზს და ასტიმულირებს ეგზოციტოზს, ამცირებს ტოქსიკური ნაღვლის მჟავების კონცენტრაციას (ქენოდეზოქსიქოლის, ლიტოქოლის, დეზოქსიქოლის და სხვა), რომელთა კონცენტრაცია აწეულია ღვიძლის ქრონიკული დაავადებების მქონე ავადმყოფებში.
კონკურენტულად ამცირებს ლიპოფილური ნაღვლის მჟავების ნაწლავებში შეწოვას, ზრდის მათ ”ფრაქციულ” ბრუნვას ენტეროჰეპატური ცირკულაციის დროს, აინდუცირებს ქოლერეზს, ასტიმულირებს ნაღვლის პასაჟს და ტოქსიკური ნაღვლის მჟავეების ნაწლავებიდან გამოყოფას. ახდენს არაპოლარულ ნაღვლის მჟავებს ეკრანირებას (ქენოდეზოქსიქოლის), რომლის დახმარებითაც წარმოიქმნება შერეული (არატოქსიკური) მიცელები.
ამცირებს ქოლესტერინით ნაღვლის გაჯერებას ღვიძლში ქოლესტერინის სინთეზის და სეკრეციის შემცირების და ნაწლავებში მისი შეწოვების ინჰიბირების გზით.
ზრდის სანაღვლე სისტემაში ქოლესტერინის ხსნადობას, ასტიმულირებს ნაღვლის წარმოქმნას და გამოყოფას. ამცირებს ნაღვლის ლითოგენობას, ზრდის მასში ნაღვლის მჟავეების კონცენტრაციას, აძლიერებს კუჭის და პანკრეასის სეკრეციას, აძლიერებს ლიპაზის აქტიურობას, ახდენს ჰიპოგლიკემიურ მოქმედებას.
პერორალური მიღების დროს იწვევს ქოლესტერინული ნაღვლის კენჭების ნაწილობრივ ან სრულ დაშლას, ამცირებს ნაღვლის გაჯერებას ქოლესტერინით, რაც ხელს უწყობს მის მობილიზაციას ნაღვლის ქვებიდან.
ახდენს იმუნომოდულაციურ მოქმედებას, მოქმედებს იმუნოლოგიურ რეაქციებზე ღვიძლში: ამცირებს ჰისტოშეთავსების ექსპრესიას ზოგიერთი ანტიგენის HLA-1 ჰეპატოციდების მემბრანაზე და HLA-2 ჰოლანგიოციტებზე, ზემოქმედებს T- ლიმფოციტების რაოდენობაზე, ინტერლეიკინი-2-ის წარმოქმნაზე, ამცირებს ეოზინოფილების რაოდენობას, თრგუნავს იმუნოკომპეტენტური იმუნოგლობულინების (პირველ რიგში IგM) რაოდენობას.

ფარმაკოკინეტიკა
აბსორბცია
აბსორბცია წვრილი ნაწლავიდან - მაღალი (60-90%); თეძოს ნაწლავის დასაწყისში პასიური ტრანსპორტით, თეძოს ნაწლავის ბოლოში - აქტიური ტრანსპორტით.
გადაწილება
აღწევს პლაცენტურ ბარიერს. Cmax 50 მგ-ის პერორალურად მიღების დროს 30, 60, 90 წუთის შემდეგ - 3,8; 5,5; 3,7 მმოლ/ლ შესაბამისად. TCmax - 1-3 საათი. პლაზმის ცილებთან კავშირი მაღალია.
მეტაბოლიზმი
მეტაბოლიზდება ღვიძლში (ღვიძლში ”პირველადი გავლის” დროს კლირენსი აღწევს 60%-ს) ტაურინის და გლიცინის კონიუგატების წარმოქმნით, რომლებიც სეკრეტირდება ნაღვლის წვენში.
გამოყოფა
50-70% გამოიყოფა ნაწლავებიდან. შეუწოველი ურსოდეზოქსიქოლის მჟავის უმნიშვნელო რაოდენობა ხვდება მსხვილ ნაწლავში, სადაც მათი დაშლა ხდება ბაქტერიების მიერ (7-დეჰიდროქსილირება); წარმოქმნილი ლითოქოლის მჟავა ნაწილობრივ შეიწოვება მსხვილი ნაწლავიდან, მაგრამ მისი სულფატირება ხდება ღვიძლში და სწრაფად გამოიყოფა სულფოლიტოქოლილგლიცინის და სულფოლიტოქოლილტაურინის კონიუგატების სახით. ნახევარ გამოყოფის პერიოდი შეადგენს 3,5-5,8 დღეს.
გამოყენების ჩვენებები
- ნაღვლის ბუშტის ქოლესტერინული კენჭების დაშლა,
- ბილიარული რეფლუქს-გასტრიტი,
- ღვიძლის პირველადი ბილიარული ციროზი დეკომპენსაციის ნიშნების გარეშე (სიმპტომური თერაპია),
- სხვადასხვა გენეზის ქრონიკული ჰეპატიტი,
- პირველადი მასკლეროზებელი ქოლანგიტი, კისტოზური ფიბროზი (მუკოვისციდოზი),
- არაალკოჰოლური სტეატოჰეპატიტი,
- ღვიძლის ალკოჰოლური დაავადება (ღად),
- სანაღვლე გზების დისკენეზია.

მიღების წესები და დოზები
პერორალურად მიღებისთვის. კაფსულები მიიღება საღამოს, დაუღეჭავად, ცოტაოდენი წყლის მიყოლებით.
ასაკობრივი შეზღუდვები 250 მგ-იანი კაფსულების მიღების დროს არ არსებობს, მაგრამ სამ წლამდე ბავშვებში რეკომენდებულია ურსოდეზოქსიქოლის მჟავას სუსპენზიის გამოყენება.

ნაღვლის ბუშტის ქოლესტერინული კენჭების დაშლა: დღე-ღამის საშუალო დოზა - 10 მდ/კგ, , რაც შეესაბამება:

სხეულის მასა (კგ)	კაფსულების რაოდენობა
60 -მდე	2
61-80	3
81-100	4
100-ზე მეტი	5

მკურნალობის კურსი - 6-12 თვე. კენჭების ხელმეორედ გაჩენის პროფილაქტიკისთვის, რეკომენდებულია პრეპარატის მიღება კენჭების დაშლის შემდეგ კიდევ რამდენიმე თვის განმავლობაში.
ბილიარული რეფლუქს-გასტრიტის მკურნალობა: თითო 250 მგ-იანი კაფსულა დღეში ერთხელ საღამოს. მკურნალობის ხანგძლივობა 10-14 დღიდან 6 თვემდე, აუცილებლობის შემთხვევაში - 2 წლამდე.

პირველადი ბილიარული ციროზი დეკომპესაციის ნიშნების გარეშე სიმპტომური მკურნალობა: 10-15 მგ/კგ (აუცილებლობის შემთხვევაში - 20 მგ/კგ -მდე) დღე-ღამეში განაწილებული 2-3 მიღებაზე მკურნალობის პირველი 3 თვის განმავლობაში. ღვიძლის მაჩვენებლების გაუმჯობესების შემდეგ შესაძლებელია დღე-ღამის დოზის შემცირება - ერთხელ საღამოს.
რეკომენდებულია მიღების შემდეგი რეჟიმი:

სხეულის წონა (კგ)	დღე-ღამის დოზა (კაფსულების რაოდენობა)	დილით	დღისით	საღამოს
47-62	3	1	1	1
63-78	4	1	1	2
79-93	5	1	2	2
94-109	6	2	2	2
100-ის ზევით	7	2	2	3

მკურნალობის კურსის ხანგძლივობა შეზღუდული არ არის. იშვიათ შემთხვევაში მკურნალობის დასაწყისში შეიძლება გაუარესდეს კლინიკური სიმპტომები (გამოიწვიოს ქავილი). ასეთ შემთხვევაში საჭიროა ერთი კაფსულის მიღება ყოველდღიურად, შემდეგ შეიძლება დოზის თანდათან გაზრდა (კვირაში ერთხელ დღე-ღამის დოზის გაზრდა თითო კაფსულით) მანამ, სანამ არ მიიღწევა დოზირების რეკომენდებული რეჟიმი.
სხვადასხვა გენეზის ქრონიკული ჰეპატიტის სიმპტომური მკურნალობა: დოზა შეადგენს 10-15 მგ/კგ გაყოფილი 2-3 მიღებაზე დღე-ღამეში. მკურნალობის ხანგძლივობა შეადგენს 6-12 თვე და მეტი.
პირველადი მასკლეროზებელი ქოლანგიტი: 12-15 მგ/კგ (20-30 მგ/კგ-მდე) გაყოფილი 2-3 მიღებაზე დღე-ღამეში. მკურნალობის ხანგძლივობა - 6-თვიდან რამდენიმე წლამდე.
კისტოზური ფიბროზი (მუკოვისციდოზი): 20-30 მგ/კგ გაყოფილი 2-3 მიღებაზე დღე-ღამეში. მიღების ხანგძლივობა - 6 თვიდან რამდენიმე წლამდე.
არაალკოჰოლური სტეატოჰეპატიტი: დღე-ღამის საშუალო დოზა შეადგენს 10-15 მგ/კგ გაყოფილი 2-3 მიღებაზე. მიღების ხანგძლივობა - 6-12 თვე და მეტი.
ღვიძლის ალკოჰოლური დაავადება: დღე-ღამის საშუალო დოზა შეადგენს 10-15 მგ/კგ გაყოფილი 2-3 მიღებაზე. თერაპიის ხანგძლივობა შეადგენს 6-12 თვე და მეტი.
სანაღვლე გზების დისკინეზია: დღე-ღამის საშუალო დოზა შეადგენს 10მგ/კგ გაყოფილი-2-მიღებაზე 2-კვირიდან 2 თვემდე.საჭიროების შემთხვევაში რეკომენდებულია მკურნალობის კურსის განმეორება.
ბავშვებში 3 წლის ასაკიდან ინიშნება ინდივიდუალურად, დღე-ღამეში 10-20 მგ/კგ.
თუ თქვენ გამოტოვეთ პრეპარატის მორიგი დოზის მიღება, მიიღეთ ის დაუყონებლივ. არ მიიღოთ ორმაგი დოზა გამოტოვებულის სანაცვლოდ. მიღება გააგძელეთ ექიმის რეკომენდაციების შესაბამისად.
უკუჩვენება
- ჰიპერმგძნობელობა პრეპარატის კომპონენტებს მიმართ;
- რენტგენდადებითი (ჩა2+ -ის მაღალიშემცველობით) კენჭები ნაღვლის ბუშტში;
- უფუნქციო ნაღვლის ბუშტი;
- ნაღვლის ბუშტის, სანაღვლე გზების და ნაწლავების მწვავე ანთებითი დაავადებები;
- ღვიძლის ციროზი დეკომპენსაციის სტადიაში;
- ღვიძლის და/ან თირკმლის გამოხატული უკმარისობა;
- პანკრეატიტი;
- ორსულობა, ლაქტაციის პერიოდი;
- 3 წლამდე ასაკის ბავშვები (კაფსულებისთვის).
გვერდითი მოვლენები
კუჭ-ნაწლავის ტრაქტის მხრივ დარღვევები: ხშირად - გაუფორმებელი განავალი ან დიარეა. პირველადი ბილიარული ციროზის მკურნალობის დროს ძალიან იშვიათად - მწვავე ტკივილები მუცლის მარჯვენა ზედა არეში.
ღვიძლის და სანაღვლე გზების მხრივ დარღვევები: ძალიან იშვიათად- ნაღვლის კენჭების კალცინირება. პირველადი ბილიარული ციროზის მკურნალობის დროს შეიძლება აღინიშნოს ღვიძლის ციროზის დეკომპენსაცია, რომელიც გაივლის პრეპარატის შეწყვეტის შემდეგ
კანის და კანქვეშა ქსოვილების მხრივ დარღვევები: ძალიან იშვიათად - ალერგიული რეაქციები (მათ შორის ჭინჭრის ციება).
ჩამოთვლილი გვერდითი მოვლენების წარმოქმნის შემთხვევაში, ასევე ისეთი გვერდითი მოვლენების წარმოქმნის შემთხვევაში, რომელიც არაა მითითებული ინსტრუქციაში, აუცილებლად მიმართეთ ექიმს.

განსაკუთრებული მითითებები
არ გააჩნია ასაკობრივი შეზღუდვები მიღების დროს, მაგრამ 3 წლამდე ასაკის ბავშვებში კაფსულების მიღება დაუშვებელია (გამოიყენება სუსპენზია), ხოლო 3-დან 6 წლამდე ასაკის ბავშვებში სიფრთხილით გამოიყენება, რადგან კაფსულის გადაყლაპვა შეიძლება გაუჭირდეთ.
მკურნალობა ხორციელდება ექიმის მეთვალყურეობის ქვეშ.
ნაღვლის კენჭების დაშლის მიზნით გამოყენებისას,აუცილებელია „ღვიძლის“ ტრანსამინაზის და ტუტე ფოსფატაზის, გამა-გლუტამილტრანსპეპტიდაზის აქტივობის კონტროლი, ბილირუბინის კონცენტრაციის კონტროლი. ქოლეცისტოგრაფია უნდა ჩატარდეს ყოველ 4 კვირაში ერთხელ მკურნალობის პირველი 3 თვის განმავლობაში, ხოლო შემდგომ - ყოველ 3 თვეში ერთხელ. მკურნალობის ეფექტურობის კონტროლი უნდა ჩატარდეს ყოველ 6 თვეში ულტრაბგერითი გამოკვლევებით თერაპიის პირველი წლის განმავლობაში.
მომატებული მაჩვენებლების შენარჩუნებისას პრეპარატის მიღება უნდა შეწყდეს.
წარმატებული დაშლისთვის აუცილებელია, რომ კენჭები იყოს სუფთა ქოლესტერინული, ზომით არაუმეტეს 15-20 მმ-ისა, კენჭებით სავსე უნდა იყოს მხოლოდ ნაღვლის ბუშტის ნახევარი და სანაღვლე გზები მთლიანად უნდა ინარჩუნებდეს თავის ფუნქციას.
კონკრემენტების სრულად დაშლის შემდეგ რეკომენდებულია გაგრძელდეს პრეპარატის მიღება შემდეგი 3 თვის განმავლობაში თვალით უხილავი მცირე ზომის ნარჩენი კონკრემენტების დასაშლელად.
თუ თერაპიის დაწყებიდან 6-12 თვის განმავლობაში კონკრემენტების ნაწილობრივი დაშლა არ მოხდა, ნაკლებ სავარაუდოა, რომ მკურნალობა ეფექტური გამოდგეს.
მკურნალობის დროს არავიზუალიზირებადი ნაღვლის ბუშტის აღმოჩენა იმის დამადასტურებელია, რომ კონკრემენტების სრული დაშლა არ მოხდა და მკურნალობა უნდა შეწყდეს.
დიარეის მქონე პაციენტებს ურსოდეზოქსიქოლის მჟავის დოზირება უნდა შეუმცირდეთ. პერსისტირებადი დიარეის დროს მკურნალობა უნდა შეწყდეს.
ორსულობა და ძუძუთი კვება
ცხოველებზე ცდების დროს მუტაგენური და კანცეროგენული ზემოქმედება არ გამოვლენილა, მაგრამ ორსულ ქალებზე კლინიკური კვლევების არარსებობის გამო მისი გამოყენება ორსულობის დროს (განსაკუთრებით პირველ ტრიმესტრში) შესაძლებელია მხოლოდ იმ შემთხვევაში, თუ დედის მოსალოდნელი სარგებელი აჭარბებს ნაყოფზე პოტენციურ რისკს.
მონაცემები დედის რძესთან ერთად გამოყოფის შესახებ არ არსებობს, ამიტომ ლაქტაციის პერიოდში პრეპარატის აუცილებელი მიღების შემთხვევაში ძუძუთი კვება უნდა შეწყდეს.
სატრანსპორტო საშუალებების მართვის უნარსა და მოძრავ მექანიზმებთან მომსახურებზე ზემოქმედება
სატრანსპორტო საშუალებების მართვის უნარსა და მოძრავ მექანიზმებთან მომსახურებზე ზემოქმედება გამოვლენილი არ არის.
სხვა სამკურნალო საშუალებებთან ურთიერთობა
ანტაციდები, რომლებიც შეიცავენ ალუმინის ჰიდროჟანგს და/ან ალუმუნის ოქსიდს და იონშემცველ ფისებს (ქოლესტირამინი, ქოლესტიპოლი), ამცირებენ ნაწლავებში ურსოდეზოქსიქოლის მჟავისს აბსორბციას, და ამით ამცირებენ მის ეფექტურობას; ამიტომ ჩამოთვლილი პრეპარატების მიღება საჭიროა ურსოდეზოქსიქოლის მჟავას მიღებამდე 2 საათით ადრე.
ურსოდეზოქსიქოლის მჟავა ვერ აძლიერებს ნაწლავებიდან ციკლოსპორინის შთანთქმას, ამიტომ მათი ერთდროულად მიღებისას საჭიროა ციკლოსპორინის დოზის კორექტირება.
ურსოდეზოქსიქოლის მჟავა ამცირებს ციპროფლოქსაცინის შეწოვას.
ჰიპოლიპიდემიური სამკურნალო საშუალებები (განსაკუთრებით კლოფიბრატი), ესტროგენები, ნეომიცინი ან პროგესტინები, პერორალური კონტრაცეპტივები ზრდიან ნაღვლის ბუშტის ქოლესტერინით გაჯერებას და შეიძლება შეამცირონ ნაღვლის ქოლესტერინული კონკრემენტების დაშლის უნარი.
ურსოდეზოქსიქოლის მჟავა ამცირებს ნიტრენდიპინის, კალციუმის ანტაგონისტის Cmax და AUC -ს.
სიფრთხილე უნდა გამოვიჩინოთ დიაფენილსულფონთან ერთდროული მიღების დროს (თერაპიული ეფექტის შემცირება), რადგან ორივე პრეპარატი მეტაბოლიზდება ციტოქრომ P450 3A4 ფერმენტით და შესაძლოა საჭირო გახდეს დოზის კორექტირება.
ჭარბი დოზირება
დოზის გადაჭარბებამ შეიძლება გამოიწვიოს დიარეა და საჭიროა დოზის შემცირება. თუ დიარეა გაგრძელდა, მკურნალობა უნდა შეწყდეს. დიარეის შედეგებს უნდა ვუმკურნალოთ სიმპტომურად სითხის და წყალ-მარილოვანი ბალანსის აღდგენის გზით.
შენახვის პირობები
ინახება არაუმეტეს 25 °C ტემპერატურაზე.
ინახება ბავშვებისთვის მიუწვდომელ ადგილას!
გამოშვების პირობები
ფარმაცევტული პროდუქტის ჯგუფი - II (გამოიყენება ექიმის დანიშნულებით)
ვარგისიანობის ვადა
ვარგისიანობის ვადა - 3 წელი.
არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.
შეფუთვა
10 კაფსულა პოლივინილქლორიდული აპკისა და ალუმინის ფოლგისგან დამზადებულ კონტურულ უჯრედოვან შეფუთვაში.
5 ან 10 კონტურული უჯრედოვანი შეფუთვა გამოყენების ინსტრუქციასთან ერთად მოთავსებულია მუყაოს შეკვრაში.
სარეგისტრაციო მოწმობის მფლობელი და მწარმოებელი.
სს ”გრინდექსი”, კრუსტპილსის ქ. # 53 , რიგა, LV-1057, ლატვია
ტელეფონი: +371 67083205
ფაქსი: +371 67083505
ელ-ფოსტა: [email protected]

გასტრიტოლი 50მლ წვეთები

~~41.75 ლარი~~
39.24 ლარი

ქვეყანა: გერმანია

მწარმოებელი: დ.გუსტავ კლეინ Gmbh & CokG

გაცემის ფორმა: III ჯგუფი ურეცეპტო

გასტრიტოლი 20მლ წვეთები

~~19.60 ლარი~~
18.42 ლარი

ქვეყანა: გერმანია

მწარმოებელი: დ.გუსტავ კლეინ Gmbh & CokG

გაცემის ფორმა: III ჯგუფი ურეცეპტო

ბენეტი 0.15% 30მლ სპრეი

ბენეტი ორალური სპრეი
(Benet Oral Spray)

შემადგენლობა
ბენეტის სპრეის 30მლ შეიცავს 0.045 გრამ ბენზიდამინის ჰიდროქლორიდს (0.15%) აქტიური ინგრედიენტის სახით, ასევე საქარინს დამატკბობელის სახით, მეთილპარაბენს კონსერვანტის სახით, პიტნის ესენციას არომატიზატორის სახით და ეთანოლს განმხსნელის სახით.
ყოველი შესხურების მოცულობა არის 0.18 მლ (0.270 მგ ბენზიდამინის ჰიდროქლორიდი).

ფარმაკოლოგიური თვისებები
ფარმაკოდინამიკური მახასიათებლები:
ბენზიდამინის ჰიდროქლორიდი, ბენეტის ორალური სპრეის აქტიური ინგრედიენტი, არის ანთების საწინააღმდეგო არასტეროიდულ საშუალება (NSAID), რომელსაც აქვს სხვა ანთების საწინააღმდეგო არასტეროიდულ საშუალებებისაგან განსხვავებული ფარმაკოლოგიური პროფილი და ფარმაკოკინეტიკური მახასიათებლები. ბენზიდამინი არის ლიპოფილური, აქვს ლოკალური საანესთეზიო და მემბრანომასტაბილიზებელი ეფექტი. პრეპარატი ხელს არ უშლის არაინფლამატორული პროსტაგლანდინების სინთეზს, მუკოპოლისაქარიდების დამცველ ეფექტს, ორგანიზმის ნორმალურ რეაქციებს და შეხორცებას, არა აქვს ულცეროგენული ეფექტი. აქედან გამომდინარე ბენზიდამინი მოქმედებს ანალგეზურადაც მისი ანთების საწინააღმდეგო, შეშუპების საწინააღმდეგო, ანტითრომბული ეფექტის გამო, რომლებიც მოქმედებენ ქირურგიული, ტრავმული, ინფექციური და სხვა მიზეზებით გამოწვეულ მწვავე (პირველადი) ანთების ლოკალურ მექანიზმებზე.

ფარმაკოკინეტიკური მახასიათებლები:
ორალური აპლიკაციის შემდეგ ბენზიდამინი სწრაფად შეიწოვება გასტროინტესტინური ტრაქტიდან და პლაზმაში პიკური კონცენტრაცია 2-4 საათის შემდეგ მიიღწევა. ქსოვილებში განაწილებისას ბენზიდამინის ყველაზე მნიშვნელოვანი თვისება არის მისი კონცენტრაციის უნარი ანთებად უბანებში.
ბენზიდამინის დაახლოვებით ნახევარი გამოიყოფა თირკმელებით უცვლელი სახით, დანარჩენი ძირითადად მეტაბოლიზდება ოქსიდაციის საშუალებით.

ჩვენებები:
•   ყელის ტკივილის, ფარინგიტის, ლარინგიტის და ტონზილიტის ანტიბაქტერიული მკურნალობის დამატებითი თერაპია;
•   ტონზილექტომიის შემდეგ;
•   ქიმიოთერაპიით, რადიოთერაპიით და სხვა სამედიცინო მიზეზებით (მაგ., ტრაქეალური ინტუბაცია) გამოწვეული ორალური მუკოზიტი (პირის ლორწოვანის ანთება და გაღიზიანება).
•   აფთოზური წყლულების, გლოსიტის, გინგივიტის და სტომატიტის მკურნალობა და პროფილაქტიკა.
•   რეკურენტული აფთოზური სტომატიტი.
•   პირის ღრუს ლორწოვანის დაზიანება გამოწვეული ბეხჩეტის დაავადებით
•   პირის ღრუს ლორწოვანის დაზიანება გამოწვეული პემფიგუსის ჯგუფის დაავადებებით;
•   ორალური დაზიანებების მკურნალობა მულტიფორმული ერითემის, სტივენს-ჯონსონის სინდრომის, ტოქსიური ეპიდერმული ნეკროლიზის დროს;
•   ორალური ეროზიული ბრტყელი ლიქენის მკურნალობა;
•   ტკივილის შესამსუბუქებლად პირის ღრუს და ხახის სხვადასხვა მანუპულაციების შემდეგ: პერიოდონტალური პროცედურები, ოპერაციები პირის ღრში, კბილებზე, ყბებზე.
•   ორალური ლორწოვანი ანთებების (სტომატიტის) მკურნალობა.

უკუჩვენება
პრეპარატის გამოყენება არ შეიძლება რომელიმე ინგრედიენტის მიმართ მომატებული მგრძნობელობის მქონე პაციენტებში.

გაფრთხილება და უსაფრთხოების ზომები
პრეპრატის სისტემური აბსორბცია ძალიან მცირეა (პირის ღრუს ლორწოვანიდან უმნიშვნელო აბსორბციისა და მისი ნაწილის ჩაყლაპვის შემდეგ), ამიტომ ბენეტის ორალური სპრეის ჭარბი დოზირება ან ტოქსიურობა არ ვითარდება.
საჭიროა პრეპარატის თვალებთან კონტაქტის თავიდან აცილება.
ბავშვები: რადგან არ არსებობს საკმარისი კლინიკური გამოცდილება, პრეპარატი რეკომენდებული არ არის 2 წლამდე ასაკის ბავშვებისთვის.
ორსულობა და ლაქტაცია: ორსულობის კატეგორია B. აღნიშნულ კონტიგენტში პრეპარატის გამოყენების შესახებ გადაწყვეტილებას იღებს ექიმი.

პრეპარატის ზეგავლენა ეფექტი ავტომობილის მართვასა და მექანიზმებთან მუშაობაზე აღწერლი არ არის.

გვერდითი ეფექტები
იშვიათი და ძირითადად მსუბუქია. ყველაზე ხშირი გვერდითი ეფექტებია ორალური მგრძნობელობის დაქვეითება და დაბუჟება. ეს ეფექტები ძირითადად ტრანზიტორულია. მათი პერსისტირების შემთხვევაში რეკომენდებულია მკურნალობის შეწყვეტა.

არასასურველი ეფექტების განვითარების შემხვევაში მიმართეთ ექიმს.

წამლისმიერი ურთიერთქმედება და ურთიერთქმედების სხვა ფორმები:
აღწერლი არ არის.

გამოყენება და დოზირება
ბენეტი სპრეი:
მოზრდილები და ხანდაზმულები: თითო შეხურება 1.5 - 3 საათის ინტერვალით, 4-8-ჯერ დღეში.
ბავშვები (6-12 წელი): თითო შეხურება 1.5 - 3 საათის ინტერვალით, 4-ჯერ დღეში.
ბავშვები 6 წლის ქვემოთ: ერთი შეხურება სხეულის ყოველ 4 კგ წონაზე 1.5 - 3 საათის ინტერვალით, მაქსიმუმ 4 შესხურება დღეღამეში.

თუ ექიმის დანიშნავს, საჭიროების შემთხვევაში შეიძლება პრეპარატის 5-ჯერ გამოყენება.
მკურნალობის ხანგრძლივობა 4-5 დღეა. თუ ამ პერიოდში არ დადგა სასურველი ეფექტი, საჭიროა ექიმის კონსულტაცია.

ჭარბი დოზირება
რადგან სისტემური აბსორბცია ძალიან მცირეა მუკოზური აბსორბციისა და ბენეტის ორალური სპრეის ნაწილობრივი ჩაყლაპვის გამო, სისტემური ჭარბი დოზირების ან ტოქსიურობის საკითხი არ დგას.

შენახვის პირობები:
ინახება ოთახის ტემპერატურაზე, არაუმეტეს 30ºC-ზე.

გამოშვების ფორმა:
30მლ-იანი ფლაკონი და სპრეის პლასტიკური ადაპტერი.

ვარგისიანობის ვადა: 24 თვე.

გაცემის წესი: პრეპარატი გაიცემა რეცეპტის გარეშე (III ჯგუფი).

მწარმოებელი
Abdi Ibrahim Ilac San ve Tic A.S.
Tunç Caddesi Hoşdere Mevkii No: 3 Hadımköy-Istanbul/TURKEY
ტელ.: 0090 212 622 66 00
ფაქსი: 0090 212 623 19 53

რეგისტრაციის მფლობელი
Abdi Ibrahm ILac Sanayi ve Ticaret, A.S. Maslak/-Istanbul/TURKEY

ბეიბიხოლი 100მლ სიროფი

ბეიბიხოლი

საკვები დანამატი

შემადგენლობა: სიროფის 100 მლ. შეიცავს არტიშოკის (Cynara Scolymus) მშრალი ფოთლების ექსტრაქტს - 20 გ. სიროფის 1 მლ. შეიცავს არტიშოკის (Cynara Scolymus) მშრალი ფოთლების ექსტრაქტს - 200 მგ.

დამხმარე ნივთიერებები: დეიონიზებული წყალი, საქაროზა, სორბიტოლი, გლიცერინი, ქსანტანის გუმფისი, გუმიარაბიკი, ჰიდროქსიეთილცელულოზა, კალიუმის სორბატი, ნატრიუმის ბენზოატი, ლიმონმჟავა, კალციუმის აცეტატე, მარწყვის არომატიზატორი.

ფარმაკოლოგიური დახასიათება: არტიშოკის ექსტრაქტის შემადგენელი კომპონენტია ცინარინი. კვლევებმა დაადასტურა, რომ ცინარინი ასტიმულირებს საკვების მონელებას; აქვს ანტიოქსიდანტური, ჰეპატოპროტექტორული, ნაღვლმდენი, ანტიქოლესტაზური მოქმედება. არტიშოკის ექსტრაქტი აინჰიბირებს ჰეპატოცელულური ქოლესტერინის ბიოსინთეზს და დაბალი სიმკვრივის ლიპოპოროტეიდების ჟანგვას; ზრდის თანაფარდობას მაღალი და დაბალი სიმკვრივის ლიპოპროტეიდებს შორის (HDL:LDL). თრგუნავს HMG-CoA - რედუქტაზას (3-ჰიდროქსი-3-მეთილ-გლუტარილ-CoA რედუქტაზა) აქტივობას, შესაბამისად, ამცირებს ,,მავნე ცხიმის” კონცენტრაციას ორგანიზმში. არტიშოკი, მისი ნაღვლმდენი ეფექტის წყალობით ამცირებს დისპეფსიის სიმპტომების სიმწვავეს. გარდა ამისა, არტიშოკს გააჩნია ღებინებისსაწინააღმდეგო, სპაზმოლიზური, ნაღვლმდენი და აირების წარმოქმნის საწინააღმდეგო ეფექტი. არტიშოკი იცავს ღვიძლს ტოქსინების, ანტიბიოტიკებისა და სინთეზური პრეპარატების დამაზიანებბელი ზემოქმედებისგან.

ბეიბიქოლი გამოიყენება კომპლექსურ თერაპიაში

*სანაღვლე გზების დისკინეზია (ჰიპოკინეზური ტიპის), *დისპეფსია, *ქრონიკული ქოლეცისტიტი, *ქრონიკული ჰეპატიტი, *ქრონიკული ნეფრიტი, პიელონეფრიტი, *თირკმლის ქრონიკული უკმარისობა (კომპლექსური მკურნალობა), *სიყვითლე, *აცეტონემია, *ინტოქსიკაციები (მძიმე მეტალებით, ალკალოიდებით, ნიტრატების შემცველი ნივთიერებებით).

დოზირება და მიღების წესი:

0-1 წელი: 0,3 - 0,5 მლ. 3-ჯერ დღეში. იხსნება 1 ჩ/კ. წყალში, მიიღება ჭამამდე 20 წთ. ადრე.
1-5 წელი: 0,5 - 1,0 მლ. 3-ჯერ დღეში. იხსნება 1 ჩ/კ. წყალში, მიიღება ჭამამდე 20 წთ. ადრე.
5 - 12 წელი: 2 - 3 მლ. 3-ჯერ დღეში. იხსნება 1 ჩ/კ. წყალში, მიიღება ჭამამდე 20 წთ. ადრე.
12 წლის ზევით და მოზრდილები: 5 მლ. 3-ჯერ დღეში. ჭამამდე 20 წუთით ადრე.

გამოყენებამდე კარგად შეანჯღრიეთ.

გვერდითი მოვლენები: ჰიპერმგრძნობელობა შემადგენელი კომპონენტების მიმართ.

შენახვის წესი: ინახება არაუმეტეს +25°C ტემპერატურისა, ბავშვებისთვის მიუწვდომელ ადგილას.

განსაკუთრებული მითითებები: ნუ გადააჭარბებთ მითითებულ ასაკობრივ დოზას. ნუ გამოიყენებთ ვარგისიანობის ვადის ამოწურვის შემდგომ.
ვადა მითითებულია კოლოფზე
გამოშვების ფორმა: სიროფი 100 მლ. მინის ბოთლში, დანაყოფებიანი მზომი შპრიცით.

მწარმოებელი: VEFA ILAҪ, სტამბოლი - თურქეთი.

ექსკლუზიური დისტრიბუტორი საქართველოში: ევროფარმა ჯორჯია.

ბებიტი 100მგ/5მლ 100მლ სუსპ.

ბებიტი

(BEBIT)

ზოგადი დახასიათება:
საერთაშორისო არაპატენტირებული დასახელება: იბუპროფენი;
ძირითადი ფიზიკურ-ქიმიური თვისებები:
თეთრი ფერის სუსპენზია არომატული სუნითა და ტკბილი გემოთი;
შემადგენლობა:
სუსპენზიის 5 მლ შეიცავს:
იბუპროფენს - 100 მგ.
დამხმარე ნივთიერებები: მალტიტოლის სიროფი, გლიცერინი, ლიმონმჟავას მონოჰიდრატი, ნატრიუმის ქლორიდი, ქსანტანის გუმფისი, ნატრიუმის საქარინი, პოლისორბატი 80, მეთილპარაბენი, პროპილპარაბენი, ფორთოხლის არომატიზატორი, გასუფთავებული წყალი.

გამოშვების ფორმა:
სუსპენზია პერორალური მიღებისათვის, 100 მგ/5 მლ.

ფარმაკოლოგიური ჯგუფი:
ანთების საწინააღმდეგო არასტეროიდული პრეპარატები. პროპიონის მჟავას წარმოებულები. ათქ-კოდი: M01AE01.

ფარმაკოლოგიური თვისებები:
ბებიტი წარმოადგენს ანთების საწინააღმდეგო არასტეროიდულ საშუალებას. ახდენს ანალგეზიურ, სიცხის დამწევ და ანთების საწინააღმდეგო მოქმედებას. იბუპროფენის მოქმედების მექანიზმი განპირობებულია ფერმენტ ციკლოოქსიგენაზას ბლოკირების გზით პროსტაგლანდინების (ტკივილის და ანთების მედიატორების) ბიოსინთეზის დათრგუნვით.

ფარმაკოკინეტიკა:
შეწოვა: პერორალური მიღების შემდეგ იბუპროფენის 80% აბსორბირდება კუჭ-ნაწლავის ტრაქტიდან. მაქსიმალური კონცენტრაცია (C_max) სისხლის პლაზმაში მიიღწევა მიღებიდან 1-2 სთ-ში
განაწილება: სისხლის პლაზმის ცილებთან (ძირითადად ალბუმინებთან) კავშირი შეადგენს 90-99%-ს. განაწილების მოცულობა (Vდ) შეადგენს 0.11-0.18 ლ/კგ.
მეტაბოლიზმი: იბუპროფენი განიცდის ბიოტრანსფორმაციას, ძირითადად, ღვიძლში.
გამოყოფა: ნახევარგამოყოფის პერიოდი (T_1/2) შეადგენს დაახლოებით 2 სთ-ს. გამოიყოფა შარდთან ერთად მეტაბოლიტების სახით. ერთჯერადი დოზის მიღების შემდეგ იბუპროფენი მთლიანად გამოიყოფა 24 სთ-ის განმავლობაში.

ჩვენება:
ბებიტი გამოიყენება 3 თვიდან 12 წლამდე ასაკის ბავშვებში.
როგორც სიცხის დამწევი საშუალება:
•   მწვავე რესპირატორული დაავადებები;
•   გრიპი;
•   ბავშვთა ინფექციები;
•   აცრის შემდგომი რეაქციები;
•   სხვა ინფექციურ-ანთებითი დაავადებები, რომლებსაც თან ახლავს სხეულის ტემპერატურის მომატება.
როგორც ტკივილგამაყუჩებელი საშუალება სუსტი ან ზომიერი ინტენსივობის ტკივილის სინდრომის დროს, მათ შორის:
•   თავის ტკივილი;
•   კბილის ტკივილი;
•   შაკიკი;
•   ნევრალგიები;
•   ყურისა და ყელის ტკივილი;
•   ტკივილი საყრდენ-მამოძრავებელი აპარატის ტრავმების დროს (მათ შორის დაჭიმულობები).

მიღების წესი და დოზირება:
ბებიტი სპეციალურად განკუთვნილია ბავშვებისათვის.
პრეპარატი მიიღება პერორალურად.
სუსპენზია მიღების წინ შეანჯღრიეთ!
სუსპენზიის ზუსტი დოზირებისათვის გამოიყენეთ საზომი ხუფი.
ბავშვებისათვის დოზირება დგინდება ბავშვის ასაკის და სხეულის მასის მიხედვით.
ცხელებისა და ტკივილის სინდრომის დროს ერთჯერადი დოზა შეადგენს 5-10 მგ/კგ სხეულის მასაზე 3-4-ჯერ დღეში. მაქსიმალური სადღეღამისო დოზა არ უნდა აღემატებოდეს 30 მგ/კგ სხეულის მასაზე.

bavSvis asaki

dozirebis reJimi

maqsimaluri sadReRamiso doza

3-6 Tve

(bavSvis wona 5 kg-ze meti)

50 mg (2.5 ml) 3-jer

24 sT-is ganmavlobaSi

150 mg

6-12 Tve

(bavSvis saSualo wona 6-10 kg)

50 mg (2.5 ml) 3-4-jer

24 sT-is ganmavlobaSi

200 mg

1-3 weli

(bavSvis saSualo wona 10-15 kg)

100 mg (5 ml) 3-jer

24 sT-is ganmavlobaSi

300 mg

4-6 weli

(bavSvis saSualo wona 15-20 kg)

150 mg (7.5 ml) 3-jer

24 sT-is ganmavlobaSi

450 mg

7-9 weli

(bavSvis saSualo wona 21-29 kg)

200 mg (10 ml) 3-jer

24 sT-is ganmavlobaSi

600 mg

10-12 weli

(bavSvis saSualo wona 30-40 kg)

300 mg (15 ml) 3-jer

24 sT-is ganmavlobaSi

900 mg

მიღებებს შორის ინტერვალი უნდა შეადგენდეს არანაკლებ 6-8 სთ-ს.
მითითებული დოზის გადაჭარბება არ შეიძლება.
იმუნიზაციის შემდგომი ცხელების დროს 1 წლამდე ასაკის ბავშვებში პრეპარატი ინიშნება დოზით 50 მგ (2.5 მლ); 1 წელზე უფროსი ასაკის ბავშვებისთვის, აუცილებლობის შემთხვევაში, 6 სთ-ის შემდეგ შესაძლებელია პრეპარატის განმეორებითი მიღება იმავე დოზით. მაქსიმალური სადღეღამისო დოზა არ უნდა აღემატებოდეს 100 მგ-ს (5 მლ-ს).
როგორც სიცხის დამწევი საშუალება პრეპარატი გამოიყენება არაუმეტეს 3 დღისა, როგორც ტკივილგამაყუჩებელი – არაუმეტეს 5 დღისა.
3-6 თვის ასაკის ბავშვებში პრეპარატის მიღების ხანგრძლივობა არ უნდა აღემატებოდეს 24 სთ-ს.
ცხელების შენარჩუნების შემთხვევაში მიმართეთ ექიმს.

გვერდითი მოვლენები:
პრეპარატის რეკომენდებული დოზით მიღებისას გვერდითი მოვლენები იშვიათად აღინიშნება, მაგრამ შესაძლებელია შემდეგი გვერდითი ეფექტების გამოვლინება:
საჭმლის მომნელებელი სისტემის მხრივ: გულისრევა, ღებინება, დისკომფორტის ან ტკივილის შეგრძნება ეპიგასტრიუმში, დიარეა, ყაბზობა, ალანინამინოტრანსფერაზას, ასპარტატამინოტრანსფერაზას, ტუტე ფოსფატაზას აქტივობის მატება; შესაძლებელია კუჭ-ნაწლავის ტრაქტის ეროზიულ-წყლულოვანი დაზიანებები, სისხლდენები;
ალერგიული რეაქციები: გამონაყარი კანზე, ქავილი, ჭინჭრის ციება, ბრონქული ასთმის გამწვავება, ანგიონევროზული შეშუპება, ანაფილაქტოიდური რეაქციები, ანაფილაქსიური შოკი, ბრონქოსპაზმი, ცხელება, მულტიფორმული ექსუდაციური ერითემა (სტივენს-ჯონსონის სინდრომი), ტოქსიკური ეპიდერმული ნეკროლიზი (ლაიელის სინდრომი);
ნერვული სისტემის მხრივ: თავის ტკივილი, თავბრუ, ძილიანობა, ფსიქომოტორული აგზნება, უძილობა, დეპრესია, დეზორიენტაცია; შუილი ყურებში; იშვიათად – მხედველობის დარღვევები (ტოქსიკური ამბლიოპია);
გულ-სისხლძარღვთა სისტემის მხრივ: ტაქიკარდია, არტერიული წნევის მომატება;
სისხლმბადი ორგანოების მხრივ: ანემია, თრომბოციტოპენია, აგრანულოციტოზი, ლეიკოპენია;
შარდგამომყოფი სისტემის მხრივ: თირკმლის ფუნქციის დარღვევა, ცისტიტი.

იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
•   მომატებული მგრძნობელობა იბუპროფენის, აცეტილსალიცილის მჟავას ან სხვა ანთების საწინააღმდეგო არასტეროიდული საშუალებების, ასევე პრეპარატის შემადგენელი კომპონენტების მიმართ;
•   ბრონქული ასთმა, ჭინჭრის ციება, რინიტი, რომლებიც პროვოცირებულია აცეტილსალიცილის მჟავას (სალიცილატების) ან სხვა ანთების საწინააღმდეგო არასტეროიდული საშუალებების მიღებით;
•   კუჭ-ნაწლავის ტრაქტის ეროზიულ-წყლულოვანი დაზიანებები, სისხლდენა კუჭ-ნაწლავის ტრაქტიდან, ნაწლავების ანთებითი დაავადებები;
•   დადასტურებული ჰიპოკალემია;
•   სისხლის დაავადებები (ჰიპოკოაგულაცია, ლეიკოპენია, ჰემოფილია);
•   ღვიძლის ან/და თირკმლის ფუნქციის დარღვევები;
•   სმენის დაქვეითება;
•   ფერმენტ გლუკოზო-6-ფოსფატდეჰიდროგენაზას დეფიციტი;
•   ბავშვთა ასაკი 3 თვემდე.

ურთიერთქმედება სამკურნალო საშუალებებთან და სხვა სახის ურთიერთქმედება:
ანტიკოაგულანტების და ბებიტის ერთდროული გამოყენებისას შესაძლებელია ანტიკოაგულანტების მოქმედების გაძლიერება.
პრეპარატი ამცირებს დიურეტიკების და ანტიჰიპერტენზიული საშუალებების ეფექტურობას.
ერთდროული გამოყენებისას ბებიტი ზრდის დიგოქსინის, ფენიტოინის, მეტოტრექსატის, ლითიუმის კონცენტრაციას სისხლის პლაზმაში.
ბებიტი აძლიერებს მინერალოკორტიკოსტეროიდების და გლუკოკორტიკოსტეროიდების გვერდით ეფექტებს.

ჭარბი დოზირება:
სიმპტომები: ტკივილი მუცლის არეში, გულისრევა, ღებინება, თავის ტკივილი, თავბრუ, შუილი ყურებში, მეტაბოლური აციდოზი, კომა, თირკმლის მწვავე უკმარისობა, არტერიული წნევის დაქვეითება, ბრადიკარდია, ტაქიკარდია.
მკურნალობა: კუჭის ამორეცხვა (მხოლოდ მიღებიდან ერთი საათის განმავლობაში), გააქტივებული ნახშირი, ტუტე სასმელის მიღება, ფორსირებული დიურეზი, აუცილებლობის შემთხვევაში – სიმპტომური მკურნალობა.

განსაკუთრებული მითითებები:
კლინიკურ პრაქტიკაში იბუპროფენის გამოყენებისას გამოვლენილი იქნა ტოქსიკური ამბლიოპიის სპორადიული შემთხვევები, ამიტომ პრეპარატის მიღების პერიოდში მხედველობის დარღვევების განვითარებისას საჭიროა ოფთალმოლოგის კონსულტაცია.
ბებიტის გამოყენება შეიძლება შაქრიანი დიაბეტით დაავადებულ ბავშვებში, რადგან პრეპარატი არ შეიცავს შაქარს. არ შეიცავს საღებავებს.
ბავშვის მშობლები უნდა იყვნენ ინფორმირებული იმის შესახებ, რომ გვერდითი მოვლენების განვითარების შემთხვევაში საჭიროა პრეპარატის გამოყენების შეწყვეტა და ექიმის კონსულტაცია.

შეფუთვა:
100 მლ სუსპენზია ნარინჯისფერ პოლიმერულ ფლაკონში საზომი ხუფით, თითო ფლაკონი მუყაოს კოლოფში.

შენახვის პირობები:
ინახება არა უმეტეს 30ºC ტემპერატურაზე, სინათლისაგან დაცულ და ბავშვებისათვის მიუწვდომელ ადგილას.
ფლაკონის გახსნის შემდეგ სუსპენზია ვარგისია გამოყენებისათვის 30 დღის განმავლობაში.

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა :
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა ურეცეპტოდ.

მწარმოებელი:
შპს “ავერსი-რაციონალი”.

მისამართი:
საქართველო 0198, თბილისი, ჭირნახულის ქ. 14.
www.aversi.ge

აქსენი ფორტე 550მგ #10ტ

აქსენ ფორტე ტაბლეტი 550 მგ.
(Aksen fort)

შემადგენლობა: თითოეული ტაბლეტი შეიცავს 550მგ ნატრიუმის ნაპროქსენს.

ფარმაკოლოგიური თავისებურებანი: ნატრიუმის ნაპროქსენი წარმოადგენს არანარკოტიკულ ანალგეტიკს. იგი ხასიათდება ძლიერი ტკივილგამაყუჩებელი, ანთებისსაწინააღმდეგო და სიცხისდამწევი მოქმედებით. პრეპარატის მოქმედების მექანიზმი განპირობებულია პროსტაგლანდინების სინთეზის ინჰიბირებით. ნატრიუმის ნაპროქსენი პერორალური მიღებიდან სწრაფად შეიწოვება კუჭ-ნაწლავის ტრაქტიდან. პრეპარატის სწრაფი და სრული შეწოვიდან გამომდინარე, ტკივილგამაყუჩებელი ეფექტი დგება მიღებიდან 20 წუთის შემდეგ. პლაზმაში მაქხიმალურ კონცენტრაციას აღწევს 1-2 საათში. პრეპარატის სტაბილური პლაზმური კონცენტრაცია მიიღწევა 4-5 დოზის მიღების შემდეგ. ნატრიუმის ნაპროქსენის ნახევრადგამოყოფის პერიოდი შეადგენს 13 საათს. აქტიური ნივთიერების 99% უკავშირდება პლაზმის ცილებს. მიღებული დოზის დაახლოებით 96% გამოიყოფა შარდით შეუცვლელი ნაპროქსენის, 6-0-დიმეთილნაპროქსენის ან ნაპროქსენის კონიუგატის სახით. ნატრიუმის ნაპროქსენი არ იწვევს მეტაბოლიზმის მასტიმულირებელი ფერმენტების ინდუცირებას.

ჩვენებები: მდგომარეობები რომალსაც ახლავს ტკივილის სინდრომი: ნევრალგია, იშალგია, თავ-ზურგ-ტვინის თიაქარი, კბილის ექსტაქცია.
- ეპიზიოტომია, მშობიარობის შემდგომი ტკივილი, ოპერაციის შემდგომი ტკივილი
- დისმენორეა, საშვილოსნოსშიდა სპირალის ჩადგმასთან დაკავშირებული ტკივილი
- შაკიკის პრიფილაქტიკა და შაკიკის შეტევები
- რევმატოლოგიური დაავადებები, რევმატოიდული ართრიტი, ოსტეოართრიტი, მაანკილოზირებელი სპონდილიტი, რევმატიზმი
- ტრავმატოლოგია: ტრავმები, ტრავმატოლოგიური და ორთოპედიული ოპერაციები
- პოდაგრის შეტევები
- ანთებითი პროცესებით გამოწვეული ტკივილი, უროლოგიასა და ოტორინოლარინგოლოგიაში
- ინფექციური დაავადებების დროს, როგორც ტკივილგამაყუჩებელი, ანთებისსაწინააღმდეგო და სიცხისდამწევი საშუალება.

უკუჩვენებები: მომატებული მგრძნობელობა ნაპროქსენის მიმართ, რინიტი და/ან ალერგიული გამონაყარი სხვა აასს-ებზე კუჭისა და თორმეტგოჯა ნაწლავის წყლული, მიდრეკილება წყლულის ჩამოყალიბებასა და სისხლდენასაკენ, ”ასპირინული ”ასთმა.

განსაკუთრებული მითითებანი: პაციენტებში, რომლებსაც აღენიშნებათ კუჭ-ნაწლავის დაავადებები, ნატრიუმის ნაპროქსენი ინიშნება ექიმის მეთვალყურეობის ქვეშ. სხვა აასს-ებთან შედარებით ნატრიუმის ნაპროქსენი გაცილებით ნაკლებად იწვევს წყლულის ჩამოყალიბებასა და სისხლდენას კუჭ-ნაწლავის ტრაქტიდან.
- ნატრიუმის ნაპროქსენი სიფრთხილით ინიშნება თირკმლის უკმარისობის მქონე პაციენტებში. ამ შემთხვევაში აუცილებელია შრატში კრეატინინის დონისა და/ან კრეატინინის კლირენსის კონტროლი.
-ღვიძლის ფუნქციის დარღვევის ან ფუნქციონალური ტესტების ცვლილების შემთხვევაში, აუცილებელია ნაპროქსენით მკურნალობის შეწყვეტა.
- გულის უკმარისობის მქონე პაციენტებში რეკომენდებულია მუდმივი კონტროლი და დღიური დოზის კორექცია.

გამოყენება ბავშვებში:
არ ინიშნება 16 წლამდე ასაკის ბავშვებში. თუმცა იუვენილური ართრიტის დროს ბავშვებში 5 წლის ზევით შესაძლებელია ნატრიუმის ნაპროქსენის მიღება 10მგ/კგ დოზით, ყოველ 12 საათში.

გამოყენება ორსულებში: ექსპერიმენტულ კვლევებში ცხოველებზე ტერატოგენული მოქმედება არ გამოვლენილა, მაგრამ რამდენადაც აასს-ებმა შესაძლოა გამოიწვიოს ნაყოფის სიყვითლე, ვადაგადაცილებული მშობიარობა, ამდენად ორსულებში ინიშნება მხოლოდ აბსოლიტური ჩვენებისას

გამოყენება ლაქტაციისას: არ გამოიყენება. რადგან ნატრიუმის ნაპროქსენის პლაზმის კონცენტრაციის 1% გადადის რძეში, რამაც შესაძლოა გამოიწვიოს გვერდითი მივლენები ახალშობილებში.

გამოყენება მოხუცებში: ვინაიდან აასს- ების გვერდითი მოვლენების გამოვლენის სიხშირე ასაკოვან პაციენტებში უფრო ხშირია , ამიტომ ინიშნება დაბალი დოზებით.

გვერდითი ეფექტები: დისპეფსია, გულისრევა, მსუბუქი პერიფერიული სისხლჩაქცევები, შუილი ყურებში , თაბრუსხვევა. იშვიათ შემთხვევაში გრანულოციტოპენია, თრომბოციტოპენია, ჰემოლიზური ანემია, აპლასტიური ანემია, ალერგიული რეაქციები და სისხლდენა კუჭ-ნაწლავის ტრაქტიდან.

სხვა პრეპარატებთან ურთიერთქმედება:
- ნატრიუმის ნაპროქსენი აძლიერებს გიდანტოინის, სულფანილამიდებისა და ბეტა-ბლოკერების მოქმდებას, ამდენად აღნიშნულ პრეპარატებთან ერთად გამოყენებისას საჭიროა დოზის კორექცია.
- ორალურ ანტიკოაგულანტებთან ერთად გამოყენებისას საჭიროა დოზის კორექცია.
- პრობენეციდთან ერთად გამოყენებისას ნატრიუმის ნაპროქსენის პლაზმური კონცენტრაცია და ნახევრადგამოყოფის პერიოდი ხანგრძლივდება.
- სიფრთხილეა საჭირო ნატრიუმის ნაპროქსენის მეტოტრექსატთან ერთად გამოყენებსის, რადგან შესაძლოა მეტოტროქსატის ტიქსიურობის მომატება მისი ტუბულარული სეკრეციის შემცირების გამო.
- შესძლოა გამოვლინდეს ნატრიუმის ნაპროქსენის უერთიერთქმდება ფუროსემიდთან ერთად გამოყენებისას, კერძოდ იგი ამცირებს ფუროსემიდის ნატრიურეზულ ეფექტს. ნატრიუმის ნაპროქსემი აქვეითებს პროპანოლილისა და სხვა ბეტა-ადრენობლოკატორების ჰიპოტენზიურ მოქმედებას.

მიღების წესი და დოზირება:
შაკიკის პროფილაქტიკა: 1 ტაბლეტი (550მგ) ორჯერ დღეში. თუ 4-6 კვირის განმავლობაში არ აღინიშნება გაუმჯობესება, პრეპატარის მიღება წყდება.

შაკიკის მკურნალობა: მწვავე კრიზების დროს, საწყისი დოზაა 1.5 ტაბლეტი (825 მგ.) საჭიროების შემთხვევაში, საწყისი დოზის მიღებიდან ნახევარ საათში შესაძლებელია დაემატოს 1/2-1 ტაბლეტი (275-550 მგ.).

გინეკოლოგიაში გამოიყენება როგორ ტკივილგამაყუჩებელი: საწყისი დოზა 1 ტაბლეტი (550 მგ.), შემდეგ 1/2 ტაბლეტი (275 მგ.) ყოველ 6-8 საათში.

პოდაგრის გამწვავება: მკურნალობას იწყებენ 1.5 ტაბლეტით (825 მგ.), ხოლო 8 საათის შემდეგ 1 ტაბლეტი (550 მგ.) შემდგომი დღეების განმავლობაში მკურნალობა გრძელდება 1/2 ტაბლეტით (275 მგ.) 8 საათიანი შუალდებით კრიზის დამთავრებამდე.

კბილისა და პოსტოპერაციული ტკივილის დროს ინიშნება ტკივლის გაყუჩების, ანთების საწინააღმდეგო და სიცხის დაწევის მიზნით. საწყისი დოზაა 1 ტაბლეტი (550 მგ.), ხოლო შემდეგ 1/2 ტაბლეტი (275 მგ.) 6-8 საათიანი შუალედებით.

იუვენილური ართრიტის დროს: ბავშვებში 5 წელზე ზემოთ დღიური დოზა იქნება 10 მგ./კგ-ზე გადაანგარიშებით 2-ჯერ დღეში ყოველ 12 საათში.

რევმატოიუდული ართრიტის, ოსტეოართრიტის, მაანკილოზებელი სპონდილიტის მკურნალობა მოზრდილებში: საწყისი თერაპია: 1-2 ტაბლეტი (550-1100 მგ.) ყოველ 12 საათში.
1. ძლიერი ტკივილი ღამით და/ან დილის შებოჭილობა.
2. პაციენტის გადმოყვანა სხვა ანტირევმატოიდული საშუალებებიდან აქსენ ფორტეზე.
3. ტკივილის დროს, რომლებიც მიანიშნებს ოსტეოართრიტის საწყის პერიოდზე, მკურნალობა საჭიროა დაიწყოს 1.5-2 ტაბლეტით (825-1100 მგ.) და გაგრძელდეს რამდენიმე კვირის განმავლობაში.
შემანარჩუნებელი თერაპიული დოზა: 1-2 ტაბლეტი (550-1100 მგ.) ყოველ 12 საათში. დილისა და საღმოს დოზები განისაზღვრება პაციენტის ჩივილების მიხედვით.
შემანარჩუნებელი თერაპიისას ეფექტურია აქსენ ფორტეს ერთჯერადი მიღება. ინიშნება დილით ან საღმოს (550-1100 მგ.).
სადღეღამისო დოზა არ უნდა აღემატებოდეს 1375 მგ.-ს, ხოლო პაციენტებში რომლებიც კარგად იტანენ პრეპარატს და ანამნზში არ აღენიშნებათ გასტროინტესტინალური დაავადებები, სადღეღამისო დოზა შესაძლოა გაიზარდოს 1850 მგ.-მდე, მოკლე მკურნალობის კურსით.

შენახვის პირობები:
ინახება ოთახის ტემპერატურაზე, შეფუთულ მგდომარეობაში 30ºC-ზე ქვემოთ. ბავშვებისთვის მიუწვდომელ ადგილას.

გამოშვების ფორმა:
აქსენ ფორტე 550 მგ. ტაბლეტები #10 შეფუთვაში.
სხვა გამოშვების ფორმა: აქსენ ფორტე 275 მგ. ტაბლეტები #10 შეფუთვაში.
გაიცემა რეცეპტით.
ლიცენზიის მფლობელი და წარმოების ადგილი:
ალი რაიფი ილაჩ სანაი ა.შ.
34670 იქითელი/სტამბული/თურქეთი

ალოხოლი #50ტ (რუსეთი)

~~2.75 ლარი~~
2.64 ლარი

ქვეყანა: რუსეთი

მწარმოებელი: ვიფიტეხი

გაცემის ფორმა: III ჯგუფი ურეცეპტო

აუქსილენი 50მგ/2მლ2მლ ი/მ,ვ#5ა

აუქსილენი 50 მგ / 2 მლ საინექციო/საინფუზიო ხსნარი

Dexketoprofenum

პრეპარატის გამოყენების წინ ყურადღებით გაეცანით მოცემულ ინსტრუქციას, ვინაიდან იგი შეიცავს თქვენთვის მნიშვნელოვან ინფორმაციას.

შეინახეთ ინსტრუქცია. შესაძლოა ხელახლა დაგჭირდეთ წაკითხვა.
დამატებითი კითხვების შემთხვევაში მიმართეთ ექიმს ან ფარმაცევტს.
პრეპარატი დანიშნულია მხოლოდ თქვენთვის. არ მისცეთ იგი სხვას. შესაძლოა, მან ზიანი მიაყენოს სხვას მიუხედავად იმისა, რომ თქვენი მსგავსი სიმპტომები აქვთ.
გვერდითი მოვლენების შემთხვევაში მიმართეთ ექიმს ან ფარმაცევტს. ეს ეხება ისეთ გვერდით მოვლენებსაც, რომლებიც არაა მითითებული ამ ინსტრუქციაში. იხილეთ მე-4 ნაწილი.

გამოყენების ინსტრუქცია მოიცავს:

1. რა არის აუქსილენი და რისთვის გამოიყენება იგი

2. რა უნდა იცოდეთ აუქსილენის გამოყენების წინ

3. აუქსილენის გამოყენების წესი

4. შესაძლო გვერდითი მოვლენები

5. აუქსილენის შენახვის პირობები

6. შეფუთვის შიგთავსი და სხვა ინფორმაცია

რა არის აუქსილენი და რისთვის გამოიყენება იგი

აუქსილენი წარმოადგენს ტკივილგამაყუჩებელ საშუალებას, რომელიც არასტეროიდულ, ანთების საწინააღმდეგო პრეპარატების ჯგუფს (NSAID ჯგუფი) მიეკუთვნება.

აუქსილენი გამოიყენება მწვავე, საშუალო ან ძლიერი ტკივილის სამკურნალოდ როდესაც ტაბლეტების მიღება არ არის მართებული, მაგალითად პოსტ-ოპერაციული ტკივილის, თირკმლის კოლიკის ან წელის ტკივილის დროს.

2. რა უნდა იცოდეთ აუქსილენის გამოყენების წინ

არ გამოიყენოთ აუქსილენი იმ შემთხვევაში, თუ:

- ალერგიული ხართ დექსკეტოპროფენის ან პრეპარატის სხვა ინგრედიენტების მიმართ (იხილეთ მე-6 ნაწილი);

- ალერგიული ხართ აცეტილსალიცილის მჟავის ან სხვა NSAID-ების მიმართ;

- თუ გაქვთ ასთმა ან ოდესმე გქონიათ ასთმური შეტევა, გაქვთ მწვავე ალერგიული რინიტი (ცხვირის ღრუს ლორწოვანი გარსის ანთება), ნაზალური პოლიპები (ალერგიით გამოწვეული წარმონაქმნები ცხვირის ღრუში), ურტიკარია (ჭინჭრის ციება), ანგიოედემა (სახის, თვალების, ტუჩების ან ენის შეშუპება, ან რესპირატორული დისტრესი ), ხიხინი მკერდში, ასპირინის ან სხვა NSAID-ის მიღების შემდეგ;

- გაქვთ ფოტოალერგიული ან ფოტოტოქსიკური რეაქციები (მზის სხივებიდან დაუცველი კანის სიწითლის ან ბუშტუკების წარმოქმნის განსაკუთრებული ფორმა) კეტოპროფენის (NSAID) ან ფიბრატების (პრეპარატი, რომელიც ამცირებს ლიპიდების დონეს სისხლში) მიღებისას;

- გაქვთ პეპტიური წყლული და კუჭ-ნაჭლავიდან სისხლდენა ან თუ წარსულში გქონიათ კუჭიდან ან ნაწლავიდან სისხლდენა, წყლული ან პერფორაცია.

- თუ გაქვთ ან ადრე გქონიათ კუჭიდან ან ნაწლავიდან სისხლდენა NSAID-ების გამოყენების შემდეგ;

- გაწუხებთ საჭმლის მონელებასთან დაკავშირებული ქრონიკული პრობლემები (მაგალითად, დისპეფსია, გულძმარვა)

- გაქვთ ქრონიკული ანთებით მიმდინარე ნაწლავის დაავადება (კრონის დაავადება ან წყლულოვანი კოლიტი)

- გაქვთ გულის მძიმე უკმარისობა, თირკმლის ფუნქციის საშუალო ან მძიმე დარღვევები, ან ღვიძლის ფუნქციის სერიოზული დარღვევები;

- გაქვთ სისხლდენასთან ან სისხლის შედედებასთან დაკავშირებული დარღვევები;

- აღგენიშნებათ დეჰიდრატაცია (დაკარგეთ ბევრი სითხე) პირღებინების, დიარეის ან სითხის არასაკმარისი მიღების გამო;

- თუ ხართ ორსულობის მესამე ტრიმესტრში ან ძუძუთი კვებავთ ბავშვს.

გაფრთხილება და სიფრთხილის ზომები:

გაესაუბრეთ ექიმს აუქსილენის მიღებამდე:

- თუ წარსულში გაწუხებდათ ნაწლავის ქრონიკული ანთებით მიმდინარე დაავადება (წყლულოვანი კოლიტი, კრონის დაავადება);

- თუ გაქვთ ან წარსულში გქონიათ კუჭ-ნაწლავის პრობლემები;

- თუ იღებთ სხვა ისეთ პრეპარატს, რომელიც ზრდის პეპტიური წყლულის ან სისხლდენის რისკს, მაგალითად ორალურ სტეროიდებს, ანტიდეპრესანტებს (SSRI ტიპის, ანუ სეროტონინის უკუმიტაცების სელექტიური ინჰიბიტორები), ისეთ ნივთიერებებს, რომლებიც ამცირებენ სისხლის შედედებას, როგორიცაა აცეტილსალიცილის მჟავა ან ანტიკოაგულანტი როგორიცაა ვარფარინი. ასეთ შემთხვევებში, გაიარეთ კონსულტაცია თქვენს ექიმთან აუქსილენის მიღებამდე- მან შესაძლოა დამატებითი პრეპარატი დაგინიშნოთ კუჭის დაცვის მიზნით. (მაგალითად, მიზოპროსტოლი ან ისეთი პრეპარატები, რომლებიც ამცირებენ კუჭის წვენის წარმოქმნას);

- თუ გაქვთ გულის პრობლემები, გადატანილი გაქვთ ინსულტი ან ფიქრობთ, რომ აღნიშნული საფრთხის ქვეშ ხართ (თუ, მაგალითად, გაწუხებთ მაღალი წნევა, დიაბეტი, მაღალი ქოლესტერინი ან ხართ მწეველი), აუცილებლად უნდა გაესაუბროთ თქვენი მკურნალობის შესახებ ექიმს ან ფარმაცევტს; ისეთი პრეპარატები, როგორიცაა აუქსილენი, შესაძლოა დაკავშირებული იყოს გულის შეტევის (,,მიოკარდიუმის ინფარქტი’’) ან ინსულტის მცირედ გაზრდილ რისკთან. ნებისმიერი რისკი იზრდება მაღალი დოზების მიღებასას და ხანგრძლივი მკურნალობისას. არავითარ შემთხვევაში არ გადააჭარბოთ რეკომენდებულ დოზას ან პრეპარატის მიღების ხანგრძლივობას;

- ხანდაზმულობის შემთხვევაში მეტია გვერდითი ეფექტების რისკი (იხილეთ მე-4 ნაწილი). მათი გამოვლენის შემთხვევაში, დაუყოვნებლივ მიმართეთ ექიმს;

- თუ გაწუხებთ ან წარსულში გაწუხებდათ ალერგია;

- თუ გაქვთ თირკმლის, ღვიძლის ან გულის პრობლემები (ჰიპერტენზია და (ან) გულის უკმარისობა), ასევე სითხის შეკავება, ან წარსულში გაწუხებდათ რომელიმე აღნიშნული პრობლემა;

- თუ იღებთ დიურეტიკებს ან აღგენიშნებათ დეჰიდრატაცია და სისხლის შემცირებული რაოდენობა სითხეების გადაჭარბებული დაკარგვის გამო (მაგალითად, გაძლიერებული შარდვა, დიარეა ან პირღებინება);

- თუ ხართ ქალი და გაქვთ ფარტილობასთან დაკავშირებული პრობლემები (აუქსილენმა შესაძლოა მოახდინოს ფერტილობის დარღვევები, მაშასადამე, არ უნდა გამოიყენოთ იგი იმ შემთხვევაში, თუ გეგმავთ ორსულობას ან იკვლევთ ფერტილობას);

- თუ ხართ ორსულობის პირველ ან მეორე ტრიმესტრში;

- თუ გაწუხებთ სისხლის ან სისხლის უჯრედების წარმოქმნასთან დაკავშირებული პრობლემები;

- თუ გაქვთ სისტემური წითელი მგლურა (Systemic Lupus Erithematosus) ან შემაერთებელი ქსოვილის შერეული დაავადებები (იმუნური სისტემის ისეთი დარღვევები, რომლებიც გავლენას ახდენს შემაერთებელ ქსოვილზე);

- თუ გაქვთ ვარიცელა (ჩუტყვავილა), განსაკუთრებით მის შემდეგ, NSAID-ებმა შესაძლოა გააუარესონ ინფექციის მიმდინარეობა;

- თუ გაქვთ ასთმა კომბინირებული ქრონიკულ რინიტთან, ქრონიკულ სინუსიტთან, და (ან) ნაზალურ პოლიპოზთან, ეს არის დაკავშირებული ალერგიის შედარებით მომატებული რისკთან აცეტილსალიცილის მჟავის ან NSAID-ების მიმართ, მოსახლეობის დანარჩენ ნაწილთან შედარებით. ამ პრეპარატის მიღებამ შესაძლოა გამოიწვიოს ასთმის შეტევა ან ბრონქოსპაზმი, განსაკუთრებით იმ პაციენტებში, რომლებიც ალერგიულნი არიან აცეტილსალიცილის მჟავის ან NSAID-ების მიმართ.

ბავშვები და მოზარდები:

აუქსილენი არ არის შესწავლილი ბავშვებსა და მოზარდებში. მაშასადამე, მათ შემთხვევაში უსაფრთხოება და ეფექტურობა დაუდგენელია და შესაბამისად არ გამოიყენება.

სხვა პრეპარატები და აუქსილენი:

შეატყობინეთ ექიმს ან ფარმაცევტს თუ იღებთ, ბოლო პერიოდში მიღებული გაქვთ ან მომავალში აპირებთ მიიღოთ რაიმე მედიკამენტი, მათ შორის ურეცეპტოდ გასაცემი მედიკამენტებიც. ვინაიდან არსებობს მედიკამენტები, რომელთა მიღებაც აუქსილენთან ერთად დაუშვებელია ან ისეთი პრეპარატებიც, რომელთა დოზებიც უნდა შეიცვალოს აუქსილენთან ერთად მიღების შემთხვევაში. ყოველთვის შეატყობინეთ ექიმს ან ფარმაცევტს თუ ქვემოთ ჩამოთვლილთაგან რომელიმეს იღებთ აუქსილენთან ერთად:

არარეკომენდებული კომბინაციები:

- აცეტილსალიცილის მჟავა (ასპირინი), კორტიკოსტეროიდები ან ანთების საწინააღმდეგო სხვა პრეპარატები;

- ვარფარინი, ჰეპარინი ან სხვა ანტიკოაგულანტები;

- ლითიუმი, გამოიყენება ქცევითი დარღვევების სამკურნალოდ;

- მეტოტრექსატი, გამოიყენება რევმატიული ართრიტის და კიბოს სამკურნალოდ;

- ჰიდანტოინები და ფენიტოინი, გამოიყენება ეპილეფსიის სამკურნალოდ;

- სულფამეთოქსაზოლი, გამოიყენება ბაქტერიული ინფექციების სამკურნალოდ.

კომბინაციები, რომლებიც საჭიროებენ სიფრთხილეს:

- ACE ინჰიბიტორები, დიურეტიკები, ბეტა ბლოკერები და ანგიოტენზინ II-ის ანტაგონისტები, გამოიყენება მაღალი წნევისა და გულის დაავადებების სამკურნალოდ;

- პენტოქსიფილინი და ოქსპენტიფილინი, გამოიყენება ვენების ქრონიკული წყლულების სამკურნალოდ.

- ზიდოვუდინი, გამოიყენება ვირუსული ინფექციების სამკურნალოდ;

- ამინოგლიკოზიდები ანტიბიოტიკები, რომლებიც გამოიყენება ბაქტერიული ინფექციების სამკურნალოდ;

- ქლორპროპამიდი და გლიბენკლამიდი, გამოიყენება დიაბეტის სამკურნალოდ.

ფრთხილად შესარჩევი კომბინაციები:

- ქინოლინის ჯგუფის ანტიბიოტიკები (მაგალითად, ციპროფლოქსაცინი, ლევოფლოქსაცინი), რომლებიც გამოიყენება ბაქტერიული ინფექციების სამკურნალოდ;

- ციკლოსპორინი ან ტაქროლიმუსი, რომლებიც გამოიყენება იმუნური სისტემის დარღვევებისა და ორგანოების ტრანსპლანტაციის დროს;

- სტრეპტოკინაზა და სხვა თრომბოლიზური ან ფიბრინოლიზური პრეპარატები, რომლებიც თრომბის დასაშლელად გამოიყენება;

- პრობენეციდი, გამოიყენება პოდაგრის სამკურნალოდ;

- დიგოქსინი, გამოიყენება გულის ქრონიკული უკმარისობის დროს;

- მიფეპრისტონი, გამოიყენება მედიკამენტოზური აბორტის დროს (ორსულობის შესაწყვეტად);

- ანტიდეპრესანტები, სეროტონინის უკუმიტაცების სელექტიური ინჰიბიტორების ტიპის (SSRI);

- ანტი-თრომბული აგენტები, რომლებიც გამოიყენება თრომბოციტების აგრეგაციის და თრომბის ფორმირების დასაქვეითებლად.

თუ ეჭვი გეპარებათ ან დარწმუნებული არ ხართ აუქსილენთან ერთად სხვა პრეპარატის მიღებაში, მიმართეთ ექიმს ან ფარმაცევტს.

ორსულობა, ლაქტაცია და ფერტილობა:

არ გამოიყენოთ აუქსილენი ორსულობის ბოლო 3 თვის განმავლობაში ან ძუძუთი კვების დროს. რჩევისთვის მიმართეთ ექიმს.

თუ ხართ ორსულად, ან ფიქრობთ, რომ ხართ ან გეგმავთ ორსულობას, პრეპარატის მიღებამდე მიმართეთ ექიმს, ვინაიდან აუქსილენი შესაძლოა არ აღმოჩნდეს თქვენთვის შესაფერისი.

აუქსილენის გამოყენება თავიდან უნდა აირიდონ მათ, ვინც გეგმავს ან უკვე არის ორსულად. ორსულობის ნებისმიერ ეტაპზე მკურნალობა შესაძლებელია მხოლოდ და მხოლოდ ექიმის მითითების შემდეგ.

აუქსილენის მიღება მიზანშეწონილი არ არის დაორსულების მცდელობის ან ფერტილობის კვლევის დროს.

ავტომობილისა და სხვა მოწყობილობების მართვა:

აუქსილენმა შესაძლოა მსუბუქი გავლენა იქონიოს თქვენი მართვის შესაძლებლობაზე, თავბრუსხვევის ან ძილიანობის, როგორც მკურნალობის გვერდითი მოვლენების გამოვლენის გამო. თუ აღნიშნულ გვერდით მოვლენებს შენიშნავთ, თავი შეიკავეთ ავტომობილის ან სხვა მოწყობილობების მართვისგან, სიმპტომების გაქრობამდე. რჩევისთვის მიმართეთ ექიმს.

აუქსილენი შეიცავს ეთანოლს:

აუქსილენის თითო ამპულა შეიცავს 200 მგ ეთანოლს, რაც ექვივალენტურია 5 მლ ლუდის ან 2.08 მლ ღვინის თითო დოზაზე.

საზიანოა ალკოჰოლიზმის მქონე პაციენებისათვის.

გასათვალისწინებელია ორსული და მეძუძური ქალები, ბავშვები და მაღალი რისკის ჯგუფი, როგორიცაა პაციენტები ღვიძლის დაავადებებით და ეპილეფსიით.

ეს პრეპარატი შეიცავს 1 მმოლ-ზე ნაკლებ ნატრიუმს (23მგ) თითო დოზაზე, ე.ი. არსებითად ნატრიუმის გარეშეა.

3. გამოყენების წესი:

ყოველთვის გამოიყენეთ ეს პრეპარატი ზუსტად ექიმის მითითებით. თუ დარწმუნებული არ ხართ, მიმართეთ ექიმს.

ექიმი დაგინიშნავთ აუქსილენის თქვენთვის საჭირო დოზას, თქვენი სიმპტომების ტიპის, სიმძიმის და ხანგრძლივობის გათვალისწინებით. რეკომენდებული დოზა შეადგენს 50 მგ დექსკეტოპროფენს (აუქსილენის 1 ამპულა) ყოველ 8-12 საათში. საჭიროების შემთხვევაში, ინექცია შესაძლოა განმეორდეს მხოლოდ 6 საათის შემდეგ. არავითარ შემთხვევაში არ გადააჭარბოთ დღიურ დოზას- დექსკეტოპროფენის 150 მგ-ს (აუქსილენის 3 ამპულა).

გამოიყენეთ ინექციები მხოლოდ მწვავე პერიოდში (არაუმეტეს 2 დღისა). შემდეგ შეგიძლიათ გადახვიდეთ ორალურ ტკივილგამაყუჩებელზე.

რენალური დისფუნქციის მქონე ხანდახმულ პაციენტებში და პაციენტებში თირკმლის ან ღვიძლის პრობლემებით, არ უნდა გადააჭარბონ აუქსილენის დღიურ დოზას- 50 მგ (1 ამპულა).

მიღების წესი:

აუქსილენის მიღება შესაძლებელია როგორც ინტრამუსკულურად (კუნთში),

ასევე ინტრავენურად (ვენაში) ინექციის გზით. ინტრავენურ ინექციასთან დაკავშირებული ტექნიკური დეტალები იხილეთ სამედიცინო პერსონალისთვის განკუთვნილ ნაწილში.

აუქსილენის ინტრამუსკულური მიღების დროს, ხსნარი უნდა იქნას შეყვანილი ამპულიდან მისი ამოღებისთანავე, ნელი ინექციით ღრმად კუნთში.

უნდა გამოვიყენოთ მხოლოდ სუფთა და გამჭვირვალე ხსნარი.

ამპულის გახსნის ინსტრუქცია:

1) შეაბრუნეთ ამპულა გაფერადებული ბოლოთი ზემოთ. თუ ხსნარის მცირე რაოდენობა რჩება ამპულის ზედა ნაწილში, თითით მსუბუქად დააკაკუნეთ, რომ მთელი სითხე ამპულის ქვედა ნაწილში გადმოვიდეს.

2) გასახსნელად გამოიყენეთ ორივე ხელი; სანამ ერთი ხელით დაფიქსირებული გაქვთ ამპულის ქვედა ნაწილი, მეორე ხელით მოატეხეთ ამპულის ზედა ნაწილი გაფერადებული ნაწილისგან მოშორებით (იხილეთ სურათები ქვემოთ).

ბავშვებსა და მოზარდებში გამოყენება:

მედიკამენტი არ გამოიყენება ბავშვებსა და მოზარდებში (18 წლამდე).

თუ გამოიყენეთ საჭიროზე მეტი აუქსილენი:

პრეპარატის ჭარბი დოზის გამოყენების შემთხვევაში, მიმართეთ ექიმს ან ფარმაცევტს ან თქვენს სახლთან ყველაზე ახლოს მდებარე სამედიცინო დაწესებულებას. სასურველია თან იქონიოთ მედიკამენტის შეფუთვა ან ეს ინსტრუქცია.

თუ დაგავიწყდათ აუქსილენის მიღება:

დაუშვებელია ორმაგი დოზის გამოყენება ერთ ჯერზე, გამოტოვებული დოზის სანაცვლოდ. უნდა განაგრძოთ მისი მიღება საჭიროებისამებრ (მესამე ნაწილის მიხედვით- ,,გამოყენების წესი’’).

პრეპარატის გამოყენებასთან დაკავშირებით დამატებითი კითხვების შემთხვევაში მიმართეთ ექიმს ან ფარმაცევტს.

4.შესაძლო გვერდითი მოვლენები:

სხვა პრეპარატების მსგავსად, აუქსილენმაც შესაძლოა გამოიწვიოს გვერდითი მოვლენები, თუმცა ყველა შემთხვევაში ისინი არ ვლინდება.

გამოვლენის მიხედვით შესაძლო გვერდითი მოვლენები მოცემულია ქვემოთ.

ხშირი გვერდითი მოვლენები (10-დან 1 შემთხვევა):

გულისრევა და (ან) პირღებინება, ინექციის არეში ტკივილი, რეაქციები ინექციის ადგილას, მაგალითად ანთება, დალურჯება ან სისხლდენა.

არახშირი გვერდითი მოვლენები (100-დან 1 შემთხვევა):

სისხლით პირღებინება, დაბალი არტერიული წნევა, სიცხე, დაბინდული მხედველობა, თავბრუსხვევა, ძილიანობა, ძილის დარღვევა, თავის ტკივილი, ანემია, აბდომინალური ტკივილი, ყაზბობა, მონელებასთან დაკავშირებული პრობლემები, დიარეა, პირის სიმშრალე, მოთენთილობა, გამონაყარი, დერმატიტი, ქავილი, მომატებული ოფლიანობა, დაღლილობა, ტკივილი, სიცივის შეგრძნება.

იშვიათი გვერდითი მოვლენები (1 000-დან 1 შემთხვევა):

პეპტიური წყლული, პეპტიური წყლულიდან სისხლდენა ან პეპტიური წყლულის პერფორაცია, მაღალი არტერიული წნევა, გონების დაკარგვა, შენელებული სუნთქვა, ზედაპირული ვენების ანთება სისხლის შედედების გამო (ზედაპირული თრომბოფლებიტი), გულის რიტმის დარღვევა (ექსტრასისტოლა), ტაქიკარდია, პერიფერიული შეშუპება, ლარინგეალური შეშუპება, უსიამოვნო შეგრძნება მუცლის არეში, შეხურება და კანკალი, ხმაური ყურებში (ტინიტუსი), გამონაყარი ქავილით, სიყვითლე, აკნე, ზურგის ტკივილი, თირკმელების ტკივილი, წყლის გახშირებული დაკარგვა, მენსტრუალური დარღვევები, პროსტატის პრობლემები, კუნთებისა და სახსრების რიგიდობა, კუნთების სპაზმი, ღვიძლის ფუნქციის დარღვევა (სისხლის ანალიზში), სისხლში შაქრის მომატებული დონე (ჰიპერგლიკემია), სისხლში შაქრის დაქვეითებული დონე (ჰიპოგლიკემია), ტრიგლიცერიდის მომატებული რაოდენობა სისხლში (ჰიპერტრიგლიცერიდემია), შარდში კეტონური სხეულები (კეტონურია), შარდში ცილა (პროტეინურია), ღვიძლის უჯრედების დაზიანება (ჰეპატიტი), თირკმლის მწვავე უკმარისობა.

ძალიან იშვიათი გვერდითი ეფექტები (10 000-დან 1 შემთხვევა):

ანაფილაქსიური რეაქციები (ჰიპერსენსიტიური რეაქცია, რომელიც შესაძლოა შოკით დასრულდეს), კანის, პირის ღრუს, თვალების და გენიტალური არეს წყლულები (სტივენს ჯონსონის და ლაელის სინდრომები), სახის , ტუჩებისა და ყელის (ანგიოედემა) შეშუპება, სუნთქვის გაძნელება (დისპნოე) გამოწვეული სასუნთქი გზების გარშემო არსებული კუნთების სპაზმით (ბრონქოსპაზმი), სუნთქვის გაიშვიათება, პანკრეატიტი, კანის მგრძნობელობის რეაქციები და კანის მომატებული მგრძნობელობა სინათლის მიმართ, თირკმლის დაზიანება, სისხლის თეთრი უჯრედების შემცირებული რაოდენობა (ნეიტროპენია), თრომბოციტების შემცირებული რაოდენობა (თრომბოციტოპენია).

დაუყოვნებლივ აცნობეთ ექიმს, თუ შეამჩნევთ კუჭის/ნაწლავის რაიმე სახის გვერდით მოვლენას მკურნალობის დაწყებისას (მაგალითად, კუჭის ტკივილი, გულძმარვა ან სისხლდენა), ან თუ ადრე გაწუხებდათ რაიმე გვერდითი მოვლენა ანთების საწინააღმდეგო პრეპარატის ხანგრძლივი მიღების გამო, განსაკუთრებით იმ შემთხვევაში, თუ ასაკოვანი ხართ.

შეწყვიტეთ აუქსილენის მიღება, როგორც კი შენიშნავთ კანზე გამონაყარს, დაზიანებას ლორწოვან ზედაპირზე (მაგალითად, პირის ღრუს ლორწოვანი გარსი) ან ალერგიის რაიმე ნიშანს.

NSAID-ით მკურნალობის დროს, ზოგმა პაციენტმა განაცხადა სითხის შეკავებისა და შეშუპების (განსაკუთრებით კოჭებისა და ქვედა კიდურების), წნევის მომატებისა და გულის უკმარისობის შესახებ.

ისეთი პრეპარატები, როგორიცაა აუქსილენი, ასოცირდება გულის შეტევის (,,მიოკარდიუმის ინფარქცი’’) ან ინსულტის მცირედ მომატებულ რისკთან.

სისტემური წითელი მგლურის ან შემაერთებელი ქსოვილის შერეული დაავადებების მქონე პაციენტებში (იმუნური სისტემის დარღვევები, რომლებიც გავლენას ახდენენ შემაერთებელ ქსოვილზე), ანთების საწინააღმდეგო პრეპარატებმა შესაძლოა იშვიათად გამოიწვიონ სიცხე, თავის ტკივილი ან კისრის უკანა ნაწილის რიგიდულობა.

მიმართეთ ექიმს, თუ ინფექციის ნიშნები გამოვლინდება ან გაუარესდება აუქსილენის მიღების დროს.

გვერდითი მოვლენების შეტყობინება:

თუ შენიშნავთ რომელიმე გვერდით ეფექტს, მიმართეთ ექიმს ან ფარმაცევტს. ეს შესაძლოა მოიცავდეს ისეთ სიმპტომებსაც, რომლებიც ინსტრუქციაში მითითებული არაა. თქვენ შეგიძლიათ შეატყობინოთ ამის შესახებ ნაციონალურ მედიცინის სააგენტოს ან სავაჭრო ლიცენზიის მფლობელს.

გვერდითი ეფექტების შესახებ განცხადების გაკეთების შემთხვევაში, თქვენ დაეხმარებით პრეპარატის უსაფრთხოების შესახებ მეტი ინფორმაციის მოპოვებაში.

5. შენახვის პირობები:

ეს პრეპარატი შენახვისთვის არ საჭიროებს სპეციალურ ტემპერატურულ პირობებს. შეინახეთ ორიგინალ შეფუთვაში სინათლისაგან დაცვის მიზნით. არ გაყინოთ.

შეინახეთ ბავშვებისათვის მიუწვდომელ ადგილას.

არ გამოიყენოთ პრეპარატი შეფუთვაზე აღნიშნული ვარგისობის ვადის გასვლის შემდეგ. შენახვის ვადა გულისხმობს მითითებული თვის ბოლო დღეს.

არ გამოიყენოთ მედიკამენტი, თუ შეამჩნიეთ, რომ ხსნარი არაა სუფთა და უფერული, და შეინიშნება დაზიანების ნიშნები (მაგალითად, ნაწილაკები).

ქიმიური და ფიზიკური სტაბილურობა გამოვლინდა 0.9% ნატრიუმის ქლორიდის, 5% გლუკოზისა და რინგერის ლაქტატის ხსნარებთან გამოყენებისას 18 საათის განმავლობაში 25^◦C ტემპერატურაზე და 2-8^◦ C ტემპერატურაზე, სინათლისაგან დაცულ პირობებში.

მიკრობიოლოგიური თვალსაზრისით, გახსნის/რეკონსტიტუციის/განზავების მეთოდის და მიკრობული კონტამინაციის რისკის გათვალისწინებით, პროდუქტი გამოყენებული უნდა იყოს დაუყოვნებლივ. წინააღმდეგ შემთხვევაში, შენახვის დროსა და პირობებზე პასუხისმგებლობა ეკისრება მომხმარებელს.

არ გადააგდოთ პრეპარატი კანალიზაციაში ან საყოფაცხოვრებო ნარჩენებთან ერთად. ჰკითხეთ ფარმაცევტს მედიკამენტის განადგურების შესახებ. აღნიშნული ზომების მიღებით დაეხმარებით გარემოს დაცვას.

6.შეფუთვის შემადგენლობა და სხვა ინფორმაცია:

რას შეიცავს აუქსილენი

-აქტიური ნივთიერება არის დექსკეტოპროფენი

1 მლ ხსნარი შეიცავს დექსკეტოპროფენის ტრომეტამოლს, რაც იდენტურია 25 მგ დექსკეტოპროფენისა. ერთი ამპულა (2მლ) შეიცავს დექსკეტოპროფენის ტრომეტამოლს, რაც იდენტურია 50 მგ დექსკეტოპროფენისა.

-დამხმარე ნივთიერებები: ნატრიუმის ქლორიდი, 96%-იანი ეთანოლი, ნატრიუმის ჰიდროქსიდი (pH-ის რეგულირებისთვის), საინექციო წყალი.

აუქსილენის აღწერილობა და გამოშვების ფორმა:

სუფთა უფერული ხსნარი, ხილული ნაწილაკების გარეშე.

აუქსილენი მოთავსებულია I ტიპის ქარვისფერი შუშის ამპულაში, 2 მლ-ის მოცულობით.

შეფუთვის ზომა: 1 ან 5 ამპულა.

შესაძლოა, ბაზარზე არ იყოს ხელისაწვდომი ყველა ზომის შეფუთვა.

სავაჭრო ლიცენზიის მფლობელი:

სს კალცეკსი (AS KALCEKS)

კრუსტპილსის ქუჩა (Krustpils iela) 53

1057 რიგა (Riga)

ლატვია (Latvia)

ეს ინსტრუქცია ბოლოს შემოწმებულია 2018.04.06.

ამ პრეპარატმა ავტორიაცია გაიარა EEA-ის წევრ ქვეყნებში შემდეგი სახელების ქვეშ:

ესტონეთი Dexketoprofen Kalceks

ლატვია Dexketoprofen Kalceks 50 mg/2 ml šķīdums injekcijām/infūzijām

ლიტვა Dexketoprofen Kalceks 50 mg/2 ml injekcinis ar infuzinis tirpalas

რუნიმეთი Xedofen 50 mg/2 ml soluţie injectabilă/perfuzabilă

ბულგარეთი Auxilen 50 mg/2 ml инжекционен/инфузионен разтвор

ირლანდია Morsadex 50 mg/2 ml solution for injection/infusion

პოლონეთი Auxilen

ავსტრია Auxilen 50 mg/2 ml Injektions-/Infusionlösung

გერმანია Dexketoprofen Kalceks 50 mg Injektions-/Infusionlösung

ესპანეთი Auxilen 50 mg/2 ml solución inyectable/infusión

1...109110111...798 გვერდი 110 of 798