საერთაშორისო დასახელება – ambroxol hydrochloride
ათქ.კლასიფიკაციის კოდი – R05CB06

კლინიკურ-ფარმაკოლოგიური ჯგუფი – მუკოლიზური და ხველის საწინააღმდეგო საშუალებები; მუკოლიზური და ამოსახველებელი საშუალებები


შემადგენლობა და გამოშვების ფორმა
ტაბ. 30 მგ: 20 ც.

მოქმედი სამკურნალო კომპონენტი:
1 ტაბლეტი შეიცას 30 მგ ამბროქსოლის ჰიდროქლორიდს.
სხვა კომპონენტები:
ლაქტოზას მონოჰიდრატი, სიმინდის სახამებელი, ფხვნილის ცელულოზა, კროსკარმელოზის ნატრიუმის მარილი, პოვიდონი (მნიშვნელობა K=30), მაგნიუმის სტეარატი.

დოზირება
თუ რამე განსხვავებული დანიშნულება არ არის, რეკომენდებულია ფლავამედი® ხველების საწინააღმდეგო ტაბლეტების შემდეგი დოზებით მიღება:
6-დან 12 წლამდე ბავშვებს:
როგორც წესი, ენიშნებათ პრეპარატი ფლავამედის® 1/2 ტაბლეტი 2-3 ჯერ დღე-ღამეში. (შესაბამისად 15 მგ ამბროქსოლის ჰიდროქლორიდი 2-3 ჯერ დღეში).
მოზრდილები და 12 წლის ასაკის ზევით ბავშვები:
როგორც წესი, პირველი 2-3 დღის განმავლობაში ენიშნებათ პრეპარატი ფლავამედი® ხველების საწინააღმდეგო ტაბლეტების თითო ტაბლეტი 3 ჯერ დღე-ღამეში (შესაბამისად 30 მგ ამბროქსოლის ჰიდროქლორიდი 3 ჯერ დღეში), შემდეგ პრეპარატი ფლავამედი® ხველების საწინააღმდეგო ტაბლეტების თითო ტაბლეტი 2 ჯერ დღეში (შესაბამისად 30 მგ ამბროქსოლის ჰიდროქლორიდი 2 ჯერ დღეში).
მითითება
აუცილებლობის შემთხვევაში მოზრდილების დოზის დანიშვნის დროს შეიძლება პრეპარატის ეფექტურობის გაზრდა 2 ტაბლეტის 2 ჯერ დღეში დანიშვნის გზით (რაც შეესაბამება 120 მგ ამბროქსოლის ჰიდროქლორიდს/დღე-ღამეში).
მიღების წესი და მკურნალობის ხანგრძლივობა ტაბლეტები მიიღება ჭამის შემდეგ, დაუღეჭავად, საკმარისი რაოდენობის სითხის დაყოლებით.
მითითება
სითხის მიღების ხარჯზე პრეპარატი ფლავამედი® ხველების საწინააღმდეგო ტაბლეტების ნახველის გათხელებისაკენ მიმართული მოქმედება უმჯობესდება, ამიტომ მკურნალობის დროს საჭიროა ორგანიზმის დიდი რაოდენობის სითხით მომარაგება.
მკურნალობის ხანგრძლივობა დამოკიდებულია დაავადების სიმძიმეზე. არ შეიძლება ფლავამედი® ხველების საწინააღმდეგო ტაბლეტების მიღება არ უნდა აღემატებოდეს 4-5 დღეს ექიმის კონსულტაციის გარეშე.

გვერდითი მოვლენები
როგორც ყველა სხვა სამკურნალო საშუალებას, ფლავამედი® ხველების საწინააღმდეგო ტაბლეტებსაც შესაძლოა ჰქონდეს გვერდითი მოქმედება. გვერდითი მოვლენების შეფასებას საფუძვლად უდევს სიხშირის შემდეგი მონაცემები:

გენერალიზებული დარღვევები:
ზოგჯერ (> 0,1% –
ძალიან იშვიათად (
კუჭ-ნაწლავის ტრაქტის მხრივ:
ზოგჯერ: გულისრევა, ტკივილი მუცლის არეში, ღებინება.
კანის მხრივ:
ძალიან იშვიათად: კანის მძიმე რეაქციები, მაგალითად, ეპიდერმული ნეკროლიზი და სტივენს-ჯონსონის სინდრომი.

უკუჩვენება
ამოსახველებელი საშუალება ფლავამედის ტაბლეტების გამოყენება არ შეიძლება ამბროქსოლის ჰიდროქლორიდის ან პრეპარატის სხვა კომპონენტების მიმართ მომატებული მგრძნობელობისას.
თუ თქვენთვის ცნობილია შაქრის ზოგიერთი სახეობის აუტანლობის შესახებ, აღნიშნული სამკურნალო საშუალების მიღების წინ აცნობეთ თქვენს მკურნალ ექიმს.

ორსულობა და ლაქტაცია
ქალებში ორსულობის და ძუძუთი კვების პერიოდში პრეპარატის გამოყენების გამოცდილება საკმარისი არ არის, ამიტომ ფლავამედი® ხველების საწინააღმდეგო ტაბლეტები გამოიყენება მხოლოდ ექიმის დანიშნულებით მხოლოდ იმ შემთხვევაში, თუ პრეპარატის გამოყენებისას მოსალოდნელი სარგებელი აღემატება პოტენციურ რისკს.

განსაკუთრებული მითითებები
თირკმელების ფუნქციის შეზღუდვის ან ღვიძლის მძიმე დაავადების შემთხვევაში ფლავამედი® ხველების საწინააღმდეგო ტაბლეტები მიიღება განსაკუთრებული სიფრთხილის დაცვით (ე.ი. მიღებებს შორის ინტერვალის გახანგრძლივებით და დოზის შემცირებით).
ჭარბი ნახველების დაგროვების თანხლებით მიმდინარე ბრონქების ზოგიერთი იშვიათი დაავადების შემთხვევაში (მაგალითად, ავთვისებიანი წამწამოვანი სინდრომი) სეკრეტის შესაძლო შეგუბების გამო ფლავამედი® ხველების საწინააღმდეგო ტაბლეტები მიიღება განსაკუთრეული სიფრთხილის დაცვით, ე.ი ექიმის მეთვალყურეობის ქვეშ.
ბავშვები მოქმედი ნივთიერების მაღალი შემცველობის გამო პრეპარატი ფლავამედი® ხველების საწინააღმდეგო ტაბლეტების გამოყენება 6 წლამდე ასაკის ბავშვების სამკურნალოდ არ არის მიზანშეწონილი.

ზემოქმედება სატრანსპორტო საშუალებების და მექანიზმების მართვის უნარზე
განსაკუთრებული მითითება არ არსებობს.
მომატებული მგრძნობელობის რეაქციის პირველი ნიშნების გამოვლენის შემთხვევაში საჭიროა ფლავამედი® ხველების საწინააღმდეგო ტაბლეტების მიღების შეწყვეტა და ექიმთან მიმართვა, რომელიც შეაფასებს მდგომარეობის სიმძიმეს და, აუცილებლობის შემთხვევაში მიიღებს საჭირო ზომებს.

ჭარბი დოზირება
პრეპარატის ჭარბი დოზით მიღების და მოწამვლის შემთხვევების შესახებ ცნობები არ მოიპოვება. არსებობს მონაცემები მოუსვენრობის ხანმოკლე ეპიზოდების და ფაღარათის შესახებ.
დოზის ძლიერი გადაჭარბების შემთხვევაში შეიძლება ადგილი ჰქონდეს ნერწყვის გამოყოფის მომატებას, გულისრევის შეგრძნებას, ღებინებას და სისხლის წნევის დაცემას. აღნიშნული სიმპტომების გამოვლენის შემთხვევაში მიმართეთ ექიმს.

სხვა წამლებთან ურთიერთქმედება
პრეპარატის და ხველების საწინააღმდეგო საშუალებების კომბინირებულმა მიღებამ ხველების რეფლექსის შესუსტების შედეგად შეიძლება გამოიწვიოს სეკრეტის შეგუბება, რაც საშიშია, ამიტომ აღნიშნული კომბინირებული მკურნალობის აუცილებლობა საგულდაგულოდ უნდა შემოწმდეს.

შენახვის პირობები და ვადები
ვარგისიანობის ვადა: 2 წელი
ინახება არა უმეტეს 25°C ტემპერატურაზე.
პრეპარატის გამოყენება შეფუთვაზე მითითებული ვარგისიანობის ვადის გასვლის შემდეგ არ შეიძლება.
სამკურნალო საშუალება ინახება ბავშვებისათვის მიუწვდომელ ადგილას.

აფთიაქში გაცემის წესი
ფლავამედი® ხველების საწინააღმდეგო ტაბლეტები გაიცემა რეცეპტის გარეშე.

მწარმოებელი ფირმა, ქვეყანა:
BERLIN-CHEMIE AG
გერმანია

თვის შეთავაზება

მხოლოდ 150 ლარად – გულმკერდის ღრუს (ფილტვების, ბრონქების, საყლაპავის, გულმკერდის მალების, სარძევე ჯირკვლების) კომპიუტერული ტომოგრაფია!

ქვეყანა: ეგვიპტე

მწარმოებელი: ფარკო ფარმაცევტიკალს

გაცემის ფორმა: III ჯგუფი ურეცეპტო

ტუსტური სიროფი

TUSTURE SYRUP

(ამბროქსოლი, ლევოსალბუტამოლი და გვაიფენეზინი)

შემადგენლობა:

სიროფის 5 მლ შეიცავს:

ლევოსალბუტამოლის სულფატს I.P.,

რომელიც  1 მგ ლევოსალბუტამოლის ეკვივალენტურია;

ამბროქსოლის ჰიდროქლორიდს I.P. – 30 მგ;

გვაიფენეზინს I.P. – 50 მგ.

ფარმაკოლოგია

ფარმაკოდინამიკა:

სალბუტამოლი არის ხანმოკლე მოქმედების ბეტა-2-ადრენერგული რეცეპტორების აგონისტი. იგი სელექციურად ასტიმულირებს  სასუნთქ გზებში, საშვილოსნოსა და სისხლძარღვთა გლუვ კუნთებში ლოკალიზებულ ბეტა-2-ადრენერგულ რეცეპტორებს. იგი იწვევს სასუნთქი გზების გლუვი კუნთების რელაქსაციას და ბრონქოდილატაციას.  ბეტა-2-ადრენერგული რეცეპტორების სტიმულაციის  შედეგად G პროტეინის სუბერთეული (Gs) ააქტივებს ადენილატციკლაზას, რაც ზრდის ციკლური ამფ-ის წარმოქმნას, რის შედეგადაც ადგილი აქვს გლუვი კუნთების რელაქსაციას. ბეტა-2-ადრენერგული რეცეპტორების აგონისტები ასევე ააქტივებენ Ca²⁺-ზე დამოკიდებულ კალიუმის არხებს, რაც იწვევს მემბრანის ჰიპერპოლარიზაციას და გლუვი კუნთების მოდუნებას.

გვაიფენაზინი არის ამოსახველებელი საშუალება, რომელიც კუჭ-ნაწლავის ტრაქტში შეწოვის შემდეგ ხვდება ტრაქეო-ბრონქულ ჯირკვლებში და გამოიყოფა ბრონქულ სეკრეტთან ერთად. იგი ზრდის ბრონქების სეკრეციას და ლორწოვანი გარსის მუკოცილიარულ აქტივობას. ბრონქული სეკრეტის ადჰეზიურობის და სიბლანტის შემცირების გზით, იგი იწვევს ნახველის გათხელებას.

ამბროქსოლის ჰიდროქლორიდი არის მუკოლიზური და ამოსახველებელი საშუალება. იგი ცვლის ნახველის სტრუქტურას და ამცირებს მის სიბლანტეს. ამბროქსოლი იწვევს მუკოპოლისაქარიდების დეპოლიმერიზაციას, ლიზოსომური ფერმენტების გამოთავისუფლებას და ბოჭკოების ქსელის დესტრუქციას ბლანტ ნახველში.

ფარმაკოკინეტიკა:

აბსორბცია: კარგად შეიწოვება პერორალური მიღების შემდეგ.

განაწილება: გამოიყოფა ტრაქეობრონქული ჯირკვლებით. სალბუტამოლი არ გაივლის ჰემატოენცეფალურ ბარიერს.

მეტაბოლიზმი: მეტაბოლიზდება ღვიძლში არააქტიური მეტაბოლიტების წარმოქმნით. გამოიყოფა შარდით. ძირითადი მეტაბოლიტი არის ბეტა-(2-მეტოქსიფენოქსი) რძის მჟავა.

გამოყოფა: სალბუტამოლი ძირითადად გამოიყოფა შარდით და მცირე რაოდენობით განავლით.

ჩვენება:

სალბუტამოლი არის სელექციური ბეტა-2-ადრენერგული რეცეპტორების აგონისტი, ბრონქოდილატატორი, რომელიც უზრუნველყოფს ხანმოკლე მოქმედების ბრონქოდილატაციას სასუნთქი გზების ობსტრუქციის დროს. სალბუტამოლი გამოიყენება ბრონქული ასთმის, ბრონქოსპაზმის და სასუნთქი გზების ობსტრუქციის დროს. პრეპარატი გამოიყენება ტრაქეობრონქიტის ყველა ფორმის, ემფიზემის, პნევმოკონიოზით გამოწვეული ბრონქიტის, ფილტვების ქრონიკული ანთებითი დაავადებების, ბრონქოექტაზიების, ბრონქულ ასთმასთან ასოცირებული ბრონქიტის დროს. ბრონქიტის გამწვავებისას ინიშნება შესაბამისი ანტიბიოტიკი. გვაიფენაზინი ინიშნება სიმპტომური ხველის მოსახსნელად.

უკუჩვენებები:

მიუხედავად იმისა, რომ სალბუტამოლი ორსულობის დროს ინტრავენურად და ზოგჯერ სიროფის სახით გამოიყენება ნაადრევი მშობიარობის პირობებშიც, იგი არ უნდა დაინიშნოს ორსულობის პირველ ან მეორე ტრიმესტრში მოსალოდნელი აბორტის რისკის გამო. პრეპარატი სიფრთხილით გამოიყენება კუჭის წყლულის მქონე პაციენტებში, მიუხედავად იმისა, რომ ამის აბსოლუტური უკუჩვენება არ არსებობს.

გამოყენების წესი:

ტუსტური სიროფი–ს რეკომენდებული დოზებია:

2-5 წლის ბავშვებში:  2.5 მლ  2-ჯერ დღეში.

6-12 წლის ბავშვებში:  5 მლ  2-ჯერ დღეში.

მოზრდილებში:  10 მლ  2-ჯერ დღეში.

გაფრთხილებები და უსაფრთხოების ზომები:

მძიმე ან არასტაბილური ასთმის დროს ბრონქოდილატატორები არ გამოიყენება ერთადერთი ან ძირითადი სამკურნალო საშუალების სახით.  მძიმე ხარისხის ასთმის დროს საჭიროა პაციენტების მკაცრი მონიტორინგი  მდგომარეობის რეგულარული შეფასებით, მათ შორის ფილტვის ფუნქციის კონტროლი, რადგან მაღალია მძიმე ასთმური შეტევების და სიკვდილიანობის რისკი. ამ ჯგუფის პაციენტებში განსახილველია პერორალური ან/და ინჰალაციური კორტიკოსტეროიდების მაღალი დოზების გამოყენება.

ორსულობა და ლაქტაცია:

ორსულობა. ორსულობის დროს გამოიყენება მხოლოდ იმ შემთხვევაში, თუ დედისათვის მოსალოდნელი სარგებელი მნიშვნელოვნად აღემატება ნაყოფისათვის მოსალოდნელ პოტენციურ რისკს.

ძუძუთიკვება. სალბუტამოლი სავარაუდოდ გადადის დედის რძეში, რაც გასათვალისწინებელია ძუძუთი კვების დროს.

ფერტილობა. ადამიანის ფერტილობაზე პრეპარატის ზემოქმედების შესახებ მონაცემები არ მოიპოვება. ცხოველების ფერტილობაზე გვერდითი ეფექტები არ აღინიშნებოდა.

გვერდითი ეფექტები:

სალბუტამოლის სიროფის ყველაზე გავრცელებული გვერდითი ეფექტი არის ხელების ტრემორი, რაც შემაფერხებელია ზუსტი სამუშაოს შესრულებისას. შესაძლებელია დაძაბულობა, მოუსვენრობა და გულისცემის აჩქარება. ძალიან იშვიათად ვითარდება კრუნჩხვები. იშვიათია ჰიპერმგრძნობელობის რეაქციები, მაგ., ანგიოედემა, ურტიკარია, ასევე ბრონქოსპაზმი, ჰიპოტონია და კოლაფსი. ბეტა-2-ადრენორეცეპტორების აგონისტების გამოყენებამ შეიძლება პოტენციურად სერიოზული ჰიპოკალემია გამოიწვიოს. არსებობს თავის ტკივილის შემთხვევები.

ჭარბი დოზირება და მკურნალობა:

სიმპტომები. სალბუტამოლის ჭარბი დოზირების ყველაზე გავრცელებული სიმპტომები არის ბეტა-აგონისტებისათვის დამახასიათებელი ტაქიკარდია, ტრემორი, ჰიპერაქტიურობა და მეტაბოლური ეფექტები, მათ შორის ჰიპოკალემია. სალმუტამოლის ჭარბი დოზირებისას მაღალია ჰიპოკალემიის განვითარების რისკი, რის გამოც საჭიროა სისხლის შრატში კალიუმის რეგულარული კონტროლი.

მკურნალობა. სალბუტამოლის სულფატით ჭარბი დოზირებისას რეკომენდებულია კარდიოსელექციური ბეტა-ბლოკატორის გამოყენება, თუმცა დიდი სიფრთხილით ბრონქოსპაზმის ისტორიის მქონე პაციენტებში. შემდგომი მართვა უნდა განხორციელდეს არსებული სიმტომების მიხედვით ან, შეძლებისამებრ, ინტოქსიკაციის ეროვნული ცენტრის რეკომენდაციების შესაბამისად.

შენახვა:

ინახება მშრალ, სინათლისაგან დაცულ ადგილას, არა უმეტეს 25 °C ტემპერატურაზე.

სამკურნალო ფორმა და შეფუთვა:

100 მლ ვარდისფერი სიროფი წითელი ფერის პოლიეთილენის ფლაკონში.

გაცემის წესი:

ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი:

წარმოებულია ინდოეთში

ZEE LABORATORIES LIMITED

ბიჰაინდ 47, ინდასტრიალ ერია, პაონტა საჰიბ – 173025, ჰ.პ. (ინდოეთი)

სოლტუქსი
(Difass SPA)

შემადგენლობა:
ყოველი 10 მლ შეიცავს:
ადჰადოტა ვაზიკას (Adhatoda vasika) მშრალი ექსტრაქტი 100 მგ.
სუროს ფოთლების (Hedera helix) ექსტრაქტი 175 მგ
მრგვალფოთოლა დროზერას (Drozera rotundifolia) მშრალი ექსტრაქტი 75 მგ
ძირტკბილას (Glycyrrhiza glabra) მშრალი ექსტრაქტი 40 მგ
ბეგქონდარას (Thymus vulgaris) მშრალი ექსტრაქტი 75 მგ
გრინდელიას (Grindelia Robusta) მშრალი ექსტრაქტი 50 მგ
ყაყაჩოს ყვავილის (Papaver rhoeas) მშრალი ექსტრაქტი 50 მგ
C ვიტამინი 30 მგ
თუთიის ციტრატი 4,5 მგ    
დამხმარე ნივთიერებები: მოცხარის ნატურალური წვენი, ფრუქტოზა, ევკალიპტის თაფლი.
    
მოქმედების მექანიზმი
სოლტუქსი – მუკოლიტიკი, რომელიც დამზადებულია სპეციალურად შერჩეული მცენარეების ნაკრებისაგან, რომლის შემადგენლობაში შედის თუთია და ვიტამინი C. სოლტუქსი ახდენს ხველის შეტევის კუპირებას და გააჩნია ანთებისსაწინააღმდეგო და ანტიმიკრობული მოქმედება.
Adhatoda vasika: უხსოვარი დროიდან გამოიყენებოდა როგორც მუკოლიტიკი. ალკალოიდის წარმოებული vazisin-ი შედის ბრომგექსინის შემადგენლობაში და Adhatoda vasika-ში. ბრომგექსინი ორგანიზმში გარდაიქმნება ამბროქსოლის აქტიურ მეტაბოლიტად. ალკალოიდი ადჰადატო ვაზიკა არღვევს მუკოპოლისაქარიდებისა და მუკოპროტეინების მტკიცე შენაერთს ნახველში, რის შედეგადაც გამოთავისუფლებული ლიზოსომური ფერმენტები ათხიერებნ ნახველს და ხელს უწყობენ სასუნთქი გზების დაცლას მისგან. აფერხებენ ისეთი მიკრობების გამრავლებასა და განვითარებას, როგორიცაა: სტაფილოკოკი, სტრეპტოკოკი, ტუბერკულოზისა და ნაწლავის ჩხირი. მისი ერთ-ერთი მთავარი უპირატესობაა სურფაქტანტის სინთეზის აქტივაცია და მუკოცილიარული კლირენსის აღდგენა.
Hedera helix: აქვს ამოსახველებელი, მუკოლიზური და ანტიბაქტერიული მოქმედება, ჰედერა და ჰედერაგინინი სპაზმოლიზურად მოქმედებს ბრონქების გლუვ კუნთებზე, ხსნისს ბრონქოსპაზმს, ხოლო ბუნებრივი ფლავონოიდები აძლიერებენ ბრონქის მოციმციმე ეპითელის მოძრაობას და ნახველის გამოდევნას.
Thymus vulgaris: მის შემადგენლობაში შედის ეთერზეთები და ფლავონოიდები, გააჩნია ბრონქოლიზური, ამოსახველებელი და მუკოლიზური ეფექტი. იგი გამოიყენება ზედა და ქვედა სასუნთქი გზების ანთებითი დაავადებების დროს, ასევე გააჩნია ბაქტერიოსტატული მოქმედება რეზისტენტული შტამების მიმართაც კი. მეცნიერულად დამტკიცებულია რომ ის მოქმედებს პიროგენულ სოკოებზე. ასევე ათხიერებს ხახისა და ბრონქის ლორწოვანის მიერ გამომუშავებულ ლორწოს.
Papaver rhoeas: ყაყაჩოს ყვავილის ფურცლის მშრალი ექსტრაქტი ამცირებს ხველის შეტევებს.
Grindelia Robusta: მასში შემავალ ალკალოიდებს აქვთ ანტისეპტიური, მუკოლიზური და ანტისპაზმური თვისებები, აგრეთვე მასში არსებული ეთერზეთებს აქვთ იმუნომასტიმულირებელი ეფექტი.
Drozera rotundifolia: მასში შემავალი ნაფტოხინები სპაზმოლიზურ გავლენას ახდენენ ბრონქების გლუვ მუსკულატურაზე, აგრეთვე, მასში შემავალ ნივთიერება პლიმბაგოს აქვს ანტისეპტიური და სოკოს საწინააღმდეგო მოქმედება.
ვიტამინი C და ცინკი ზრდიან ინტერფერონის დონეს და ასტიმულირებენ იმუნურ სისტემას. ამიტომ ავადმყოფებში დაქვეითებული იმუნიტეტით და ძლიერი ხველებით მიზანშეწონილია სოლტუქსის გამოყენება. ვიტ. C მონაწილეობს უჯრედის ოქსიგენაციის პროცესში. ახდენს ნახველის გამათხიერებელი ფერმენტების აქტივაციას, გააჩნია ანთების საწინააღმდეგო მოქმედება.

ჩვენება:
–    სასუნთქი გზების მწ. და ქრონიკული დაავადებები, მიმდინარე წებოვანი ნახველის არსებობით  (ბრონქიტი, ტრაქეობრონქიტი, ობსტრუქციული ბრონქიტი)
–    მონოთერაპია ვირუსული ეტიოლოგიის ხველის დროს
–    ყივანახველა
–    ბრონქული ასთმა
–    ტუბერკულოზი
–    ლარინგიტი, ფარინგიტი, რინოსინუსიტი

დოზირების რეჟიმი:
0-1 წლამდე ბავშვებში: საზომი მენზურის 1/4 (2,5 მლ)  3-ჯერ დღეში (აუცილებელია მეთვალყურეობა).
1-6 წლამდე ბავშვებში: საზომი მენზურის 1/4 (5 მლ)  3-ჯერ დღეში.
ბავშვებში 6 წლიდან და მოზრდილებში: 1 მთლიანი დოზა (10 მლ)  3-ჯერ დღეში.
სოლტუქსის სიროფი  მიიღება საკვების მიღების შემდეგ. საჭიროების შემთხვევაში შესაძლოა დაინიშნოს დღეში 4-ჯერ.

წინააღმდეგჩვენება: მომატებული მგრძნობელობა შემადგენელი კომპონენტების მიმართ.

გვერდითი მოვლენები: იშვიათად შეიძლება გამოვლინდეს გულისრევა.

განსაკუთრებული მითითებები: ორსულებში ინიშნება მხოლოდ ექიმის რეკომენდაციით (რადგან პრეპარატის შემადგენლობაში შემავალი Adhatoda vasika იწვევს საშვილოსნოს ტონუსის მომატებას). პრეპარატი ინიშნება ლაქტაციის დროს.

გამოშვების ფორმა
Soltuks სიროფი, ფლაკონი 200 მლ.

თვის შეთავაზება

მხოლოდ 150 ლარად – გულმკერდის ღრუს (ფილტვების, ბრონქების, საყლაპავის, გულმკერდის მალების, სარძევე ჯირკვლების) კომპიუტერული ტომოგრაფია!

თვის შეთავაზება

მხოლოდ 150 ლარად – გულმკერდის ღრუს (ფილტვების, ბრონქების, საყლაპავის, გულმკერდის მალების, სარძევე ჯირკვლების) კომპიუტერული ტომოგრაფია!

თვის შეთავაზება

მხოლოდ 150 ლარად – გულმკერდის ღრუს (ფილტვების, ბრონქების, საყლაპავის, გულმკერდის მალების, სარძევე ჯირკვლების) კომპიუტერული ტომოგრაფია!

თვის შეთავაზება

მხოლოდ 150 ლარად – გულმკერდის ღრუს (ფილტვების, ბრონქების, საყლაპავის, გულმკერდის მალების, სარძევე ჯირკვლების) კომპიუტერული ტომოგრაფია!