მუკოსოფტ კომპლექსი 500 მგ / 200 მგ ფხვნილი პერორალური ხსნარისთვის

პარაცეტამოლი + აცეტილცისტეინი

პრეპარატის მიღების დაწყებამდე სრულად წაიკითხეთ შეფუთვის ბროშურა, რადგანაც ის შეიცავს თქვენთვის მნიშვნელოვან ინფორმაციას.

– შეინახეთ შეფუთვის ბროშურაში. შეიძლება დაგჭირდეთ მისი კვლავ წაკითხვა.

– ჰკითხეთ თქვენს ექიმს ან ფარმაცევტს თუ გჭირდებათ მეტი ინფორმაცია ან რჩევა.

– თუ თქვენ განგივითარდებათ რაიმე გვერდითი მოვლენა, გაესაუბრეთ თქვენს ექიმს ან ფარმაცევტს. ეს მოიცავს ყველა შესაძლო გვერდით მოვლენას, რომელიც არ არის ჩამოთვლილი მოცემულ შეფუთვის ბროშურაში. იხილეთ ნაწილი 4.

-თქვენ უნდა გაესაუბროთ ექიმს, თუ არ გრძნობთ თავს უკეთესად, ან თავს გრძნობთ უარესად 3-5 დღის შემდეგ.

რა არის მოცემული  შეფუთვის ბროშურაში

1. რა არის და რისთვის გამოიყენება მუკოსოფტ კომპლექსი

2. რა უნდა იცოდეთ მუკოსოფტ კომპლექსის მიღებამდე

3. როგორ მიიღება მუკოსოფტ კომპლექსი

4. შესაძლო გვერდითი მოვლენები

5. როგორ ინახება მუკოსოფტ კომპლექსი

6. შეფუთვის შიგთავსი და სხვა ინფორმაცია

1. რ აარის და რისთვის გამოიყენება მუკოსოფტ კომპლექსი

მუკოსოფტ კომპლექსი არის კომბინირებული სამკურნალო საშუალება, რომელიც შეიცავს პარაცეტამოლს და აცეტილცისტეინს. პარაცეტამოლი აყუჩებს ტკივილს და აქვეითებს ცხელებას. აცეტილცისტეინი სასუნთქ გზებში ათხიერებს სეკრეტს, ხელს უწყობს ამოხველებას და აადვილებს სუნთქვას ბრონქებში სქელი და ბლანტი სეკრეტის არსებობისას.  

მუკოსოფტ კომპლექსი გამოიყენება მოზრდილებში და 12 წელზე უფროსი ასაკის ბავშვებში მოკლევადიანი მკურნალობისთვის და ისეთი სიმპტომების შესამსუბუქებლად, როგორიცაა კუნთების ტკივილი, ყელის ტკივილი, ცხელება და არაპროდუქტიული ხველა, რომელიც ახლავს მწვავე ვირუსულ ინფექციებს, გაციებას და გრიპს.

თქვენ უნდა გაესუბროთ თქვენს ექიმს, თუ თავს არ გრძნობთ უკეთესად, ან თუ უარესად გრძნობთ თავს 3-5 დღის შემდეგ.

2. რა უნდა იცოდეთ მუკოსოფტ კომპლექსის მიღებამდე

არ მიიღოთ მუკოსოფტ კომპლექსი:

– თუ თქვენ ხართ ალერგიული პარაცეტამოლის, აცეტილცისტეინის ან ამ პრეპარატის ნებისმიერი სხვა ინგრედიენტების მიმართ (ჩამოთვლილია მე-6 ნაწილში).

– თუ გაქვთ ღვიძლის დაავადებები, კერძოდ ღვიძლის უკმარისობა.

გაფრთხილებები და სიფრთხილის ზომები

მუკოსოფტ კომპლექსის მიღებამდე გაესაუბრეთ თქვენს ექიმს ან ფარმაცევტს.

განსაკუთრებულად ფრთხილად იყავით ამ პრეპარატის მიმართ შემდეგ შემთხვევებში:

•  თუ ტკივილი და ხველა გრძელდება 5 დღეზე მეტხანს, ხოლო ცხელება 3 დღეზე მეტ ხანს, თქვენ უნდა მიმართოთ კონსულტაციისთვის თქვენს ექიმს ან ფარმაცევტს დოზის კორექციის ან მკურნალობის შეცვლის მიზნით.  

• მკურნალობის დროს თქვენ არ უნდა მიიღოთ პარაცეტამოლის შემცველი სხვა პროდუქტები. საჭიროების შემთხვევაში მიმართეთ კონსულტაციისთვის თქვენს  ექიმს ან ფარმაცევტს.

• მაღალი დოზით ტკივილგამაყუჩებელი პრეპარატების ხანგრძლივმა გამოყენებამ შეიძლება გამოიწვიოს თავის ტკივილი, რომელზეც გავლენას არ მოახდენს მოცემული პროდუქტით მკურნალობა.

• ანალგეტიკების, განსაკუთრებით კომბინირებული მედიკამენტების რეგულარულმა გამოყენებამ შეიძლება გამოიწვიოს თირკმელების ფუნქციის დარღვევა ან იშვიათად თირკმელების უკმარისობა.

• ხანგრძლივად მაღალი დოზებით გამოყენებისას, განსაკუთრებით ალკოჰოლის რეგულარულ მოხმარებასთან ერთად, ღვიძლის ფუნქციის დარღვევის რისკი იზრდება.

• თუ თქვენ გაქვთ ბრონქული ასთმა.

• თუ თქვენ გაქვთ ან გქონდათ კუჭის ან თორმეტგოჯა ნაწლავის წყლული.

• თუ გაქვთ ჰისტამინის აუტანლობა, რომელიც გამოხატულია თავის ტკივილით, ცხვირიდან ჭარბი სეკრეტის გამოყოფით და ქავილით.

ბავშვები და მოზარდები

ეს პრეპარატი არ არის გამიზნული 12 წლამდე ასაკის ბავშვებისათვის, რადგანაც ფარმაცევტული ფორმა (ფხვნილი პერორალური ხსნარისთვის) ამ ასაკობრივ ჯგუფში არ იძლევა სწორი დოზირების საშუალებას.

სხვა პრეპარატები და მუკოსოფტ კომპლექსი

აცნობეთ თქვენს ექიმს ან ფარმაცევტს, თუ ღებულობთ, ბოლო დროს  მიიღეთ ან შეიძლება მიიღოთ ნებისმიერი სხვა პრეპარატები.

უნდა იცოდეთ, რომ ამ პრეპარატმა შესაძლოა შეცვალოს ზოგიერთი ერთდროულად გამოყენებული პრეპარატის ეფექტი. ამიტომ მნიშვნელოვანია ექიმის ინფორმირება, თუ იღებთ:

• მეტოკლოპრამიდი (თრგუნავს გულისრევას და ღებინებას), დომპერიდონი (ამცირებს სისხლის კოლტის წარმოქმნის რისკს) ან ქოლესტირამინი (ამცირებს სისხლში ქოლესტერინის დონეს): ამ პრეპარატებმა შეიძლება შეცვალონ პარაცეტამოლის ნაწლავური აბსორბციის სიჩქარე და ამით შეცვალონ მისი ეფექტურობა
• პრეპარატები, რომლებიც ამცირებენ სისხლის შედედებას, მაგალითად ვარფარინი და სხვა კუმარინული ანტიკოაგულანტები: პარაცეტამოლმა შეიძლება გააძლიეროს მათი ეფექტი და გაზარდოს სისხლდენის რისკი.

• პრობენეციდი (ზრდის შარდმჟავას წარმოქმნას) და იზონიაზიდი (ტუბერკულოზის სამკურნალოდ) მნიშვნელოვნად ამცირებენ პარაცეტამოლის ელიმინაციას. თქვენი ექიმი შეაფასებს, თუ საჭირო იქნება პარაცეტამოლის დოზის შემცირება.

• ანტიბიოტიკმა რიფამპიცინმა და ზოგიერთმა ეპილეფსიის სამკურნალო პრეპარატმა (კარბამაზეპინი, ფენიტოინი, ფენობარბიტალი), შეიძლება გააძლიერონ პარაცეტამოლის ღვიძლზე უარყოფითი მოქმედება.

• ლამოტრიგინი (დეპრესიის სამკურნალოდ): პარაცეტამოლმა შეიძლება გამოიწვიოს მისი ეფექტის შემცირება.

• ანტიბიოტიკები, როგორიცაა ტეტრაციკლინი, ცეფალოსპირინი, პენიცილინები: მათი ეფექტი შეიძლება შესუსტდეს აცეტილცისტეინთან ერთდროულად გამოყენებისას, ამიტომ ცალკეული პრეპარატების მიღებებს შორის უნდა იყოს მინიმუმ 2 საათიანი ინტერვალი.
• ხველის სუპრესანტები: აცეტილცისტეინთან ერთდროულად გამოყენებისას, შესაძლებელია ბრონქული სეკრეტის საშიში მომატება, რადგანაც ეს წამლები თრგუნავენ ხველას, რაც აძნელებს აცეტილცისტეინის მიერ გათხიერებული სეკრეტის ამოხველებას.

• ნიტროგლიცერინი: აცეტილცისტეინმა შეიძლება გააძლიეროს ნიტროგლიცერინის ეფექტი.

თუ საჭიროა, რომ თქვენ ჩაგიტარდეთ ლაბორატორიაში შარდმჟავას ან სისხლში შაქრის ტესტირება, თქვენ უნდა აცნობოთ თქვენს ექიმს, რომ ღებულობთ ამ პრეპარატს.  პარაცეტამოლმა შეიძლება შეცვალოს მოცემული ტესტების შედეგები.  

აცეტილცისტემინმა შეიძლება გამოიწვიოს სალიცილატის დონის არასწორი გაზომვა.

მუკოსოფტ  კომპლექსი საკვებთან, სასმელთან და ალკოჰოლთან ერთად

უნდა ერიდოთ ალკოჰოლის მიღებას ამ პრეპარატის მიღების დროს. თქვენ უნდა იცოდეთ, რომ ალკოჰოლთან ერთდროულმა გამოყენებამ შეიძლება გაზარდოს ღვიძლის ფუნქციის დარღვევის რისკი.

აცეტილცისტეინის მოქმედება ძლიერდება დიდი რაოდენობით სითხეების მიღებისას.

ორსულობა, ძუძუთი კვება და ფერტილობა

ორსულობა

ორსული და მეძუძური ქალების მიერ ამ პრეპარატის გამოყენება არ არის მიზანშეწონილი. მისი გამოყენება ორსულობისა და ძუძუთი კვების პერიოდში უნდა მოხდეს მხოლოდ დადასტურებული აუცილებლობის შემთხვევაში.

თუ ხართ ორსულად თქვენი ექიმი შეაფასებს, შეიძლება თუ არა თქვენი მკურნალობა მოცემული პრეპარატით. ის შეაფასებს თქვენთვის სარგებელის და თქვენი ბავშვისათვის რისკებს  შორის თანაფარდობას.

ძუძუთი კვება

თქვენი ექიმი შეაფასებს, შეიძლება თუ არა თქვენი მკურნალობა ამ პრეპარატით, თუ ხართ მეძუძური. ის შეაფასებს თქვენთვის სარგებელის და თქვენი ბავშვისათვის რისკებს  შორის თანაფარდობას.

მანქანის მართვა და მექანიზმებთან მუშაობა

მუკოსოფტ კომპლექსი სიფრთხილით უნდა გამოიყენონ მძღოლებმა და პირებმა, ვისი ყოველდღიური საქმიანობაც მოითხოვს მომატებულ ყურადღებას, რადგანაც მის შემადგენლობაში არსებულმა  აცეტილცისტეინმა  შეიძლება გამოიწვიოს ძილიანობა, თავბრუსხვევა ან სისხლის წნევის დაქვეითება.

მნიშვნელოვანი ინფორმაცია მუკოსოფტ კომპლექსის ზოგიერთი კომპონენტის შესახებ

ეს პროდუქტი შეიცავს დამხმარე ნივთიერების სახით შაქარს (საქაროზას), ამიტომაც არ არის რეკომენდებული ზოგიერთ შაქრის მიმართ თანდაყოლილი ან შეძენილი აუტანლობის მქონე პაციენტებისთვის. თუ ექიმმა გითხრათ, რომ  თქვენ გაქვთ ამგვარი აუტანლობა, ამ  პროდუქტის მიღებამდე გაიარეთ მასთან კონსულტაცია.

პროდუქტი შეიცავს 1.78 გ შაქარს (საქაროზას) ყოველ დოზაში, რაც უნდა იქნას გათვალისწინებული შაქრიანი დიაბეტის მქონე პაციენტებში გამოყენებისას.

3. როგორ მიიღება მუკოსოფტ კომპლექსი

ამ პრეპარატით მკურნალობა უნდა ჩატარდეს სასურველი ეფექტის მისაღწევად ყველაზე დაბალი შესაძლო დოზით, შესაძლო უმოკლესი ხანგრძლივობით.

რეკომენდებული დოზაა:

მოზრდილებიდა 12 წელზეუფროსიასაკისბავშვები:

ერთი პაკეტი 3-4 ჯერ დღეში 4-6 საათიანი ინტერვალით.

მაქსიმალური სადღეღამისო დოზა არ უნდა აღემატებოდეს პარაცეტამოლს მოზრდილებში 4 გ, და 1.8 გ ბავშვებში, და 600 მგ აცეტილცისტეინს, ხოლო ცალკეულ მიღებებს შორის ინტერვალი უნდა იყოს მინიმუმ 4 საათი.

12 წლამდე ასაკის ბავშვები

პროდუქტის გამოყენება ამ ასაკობრივ ჯგუფში არ არის რეკომენდებული შესაძლო არასწორი დოზირების გამო.

ხანდაზმული პაციენტები

დოზის კორექცია საჭირო არ არის.

თირკმელების ფუნქციის დარღვევისმ ქონე პაციენტები:

თირკმლის მძიმე უკმარისობის მქონე პაციენტებში მიღებებს შორის ინტერვალი უნდა იყოს მინიმუმ 8 საათი (იხ. ნაწილი 4.4).

გამოყენების მეთოდი და ხანგრძლივობა

გახსენით ერთი პაკეტის შიგთავსი საკმარისი რაოდენობის (150 მლ) ფინჯან ცხელ წყალში, მოურიეთ და დალიეთ ხსნარი.

რეკომენდებულია დიდი რაოდენობით სითხეების დალევა აცეტილცისტეინის ეფექტის ხელშეწყობის მიზნით.

თუ პრეპარატი არ იყო დანიშნული ექიმის მიერ, მისი გამოყენება არ უნდა აღემატებოდეს 3-5 დღეს. თუ თქვენი ჩივილები გაგრძელდება ან თქვენი მდგომარეობა გაუარესდება, უნდა მიმართოთ სამედიცინო დახმარებას.

თუ მიიღეთ საჭიროზე მეტი მუკოსოფტ კომპლექსი

პარაცეტამოლის დოზის გადაჭარბებამ, განსაკუთრებით ბავშვებში, შეიძლება გამოიწვიოს სერიოზული შედეგები. ეს შეიძლება გამოვლინდეს გულისრევით, ღებინებით, სიფერმკრთალით, მუცლის ტკივილით, ოფლიანობით და ძილიანობით, რომელიც ძირითადად ვითარდება პირველი 24 საათის განმავლობაში. დოზის გადაჭარბებამ (10 გ-ზე მეტი პარაცეტამოლი) შეიძლება გამოიწვიოს ღვიძლის მძიმე უკმარისობა და ცნობიერების დაკარგვა.

პარაცეტამოლის დოზის გადაჭარბების მკურნალობა უნდა ჩატარდეს საავადმყოფოს პირობებში; ამიტომაც, დოზის გადაჭარბების სიმპტომების გამოჩენისას ან პრეპარატის რეკომენდებულზე მეტი დოზით მიღების შემთხვევაში, დაუყოვნებლივ უნდა მიმართოთ ექიმს.

აცეტილცისტეინის დოზის გადაჭარბების შემთხვევები დღემდე არ ყოფილა დაფიქსირებული. უფრო მაღალი დოზის მიღების შემთხვევაში შეიძლება განვითარდეს გულისრევა, ღებინება ან დიარეა.

თუ დაგავიწყდათ მუკოსოფტ კომპლექსის მიღება

თუ დაგავიწყდათ დოზის მიღება, მიიღეთ ის გახსენებისთანავე. არ მიიღოთ ორმაგი დოზა დავიწყებული დოზის სანაცვლოდ.

4. შესაძლო გვერდითი მოვლენები

ყველა მედიკამენტის მსგავსად, ამ მედიკამენტმაც შეიძლება გამოიწვიოს გვერდითი მოვლენები, თუმცა ყველას არ განუვითარდეთ.

დაფიქსირებული გვერდითი რეაქციების სიხშირე მოცემულია ქვემოთ/

არა-ხშირი (100 პაციენტიდან  1-ზენაკლებში)

ალერგიული რეაქციები, თავის ტკივილი, ყურებში ხმაური, გულისცემის გახშირება,  პირის ღრუს ლორწოვანი გარსის ანთება, მუცლის ტკივილი, დიარეა, ღებინება, წვის შეგრძნება და გულისრევა, ჭინჭრის ციება (ურტიკარია), ქავილი, ცხელება, სისხლის წნევის დაქვეითება.

იშვიათი (1000 პაციენტიდან 1-ზენაკლებში)

სუნთქვის გაძნელება ან ხიხინი (ბრონქოსპაზმი), განსაკუთრებით პაციენტებში  აცეტილსალიცილის მჟავასა და სხვა ანალგეტიკებისა და ანტიპირეტიკების მიმართ მომატებული მგრძნობიარობით, დისპეფსია.

ძალიან იშვიათი (10 000 პაციენტიდან 1-ზენაკლებში)

თრომბოციტების რაოდენობის დაქვეითება, ღვიძლის მხრივი დარღვევები, მძიმე ალერგიული რეაქცია, რომელიც იწვევს სუნთქვის გაძნელებას ან თავბრუსხვევას, სახის ან ყელის შეშუპება, ჰემორაგიები.

არ არის ცნობილი (ვერ შეფასდება  არსებული მონაცემების საფუძველზე)

სახის შეშუპება, ბრონქული ობსტრუქცია

თუ მუკოსოფტ კომპლექსით მკურნალობის პერიოდში განგივითარდებათ ნებისმიერი ქვემოთ ჩამოთვლილი გვერდითი მოვლენა, დაუყოვნებლივ შეწყვიტეთ მკურნალობა და აცნობეთ თქვენს ექიმს ან მიმართეთ უახლოეს საავადმყოფოს:

• სახის, ენის ან ყელის შეშუპება, რამაც შეიძლება გამოიწვიოს სუნთქვის გაძნელება, გულისცემის გახშირება, სისხლის წნევის უეცარი და სწრაფი დაქვეითება;

• ქოშინი და გულმკერდში ხიხინი, სისხლის წნევის დაქვეითება (ალერგიული რეაქციის სწრაფი პროგრესირების ნიშნები);

• ქავილი, სიცხის შეგრძნება ენაზე და მის ქვეშ,  ხელისგულებში და ქუსლებში, კანზე გამონაყარი, ქოშინი და გულმკერდში ხიხინი;

• კანის სიწითლე, ბუშტუკები ხელების, ტერფების და ქუსლების კანზე, უფრო იშვიათად ტუჩებზე, სახესა და სასქესო ორგანოებზე, კანის აქერცვლა ან კანისა და ლორწოვანი გარსის მთლიანობის დარღვევა;

გვერდითი ეფექტების შესახებ ინფორმაციის მიწოდება

თუ განგივითარდებათ  ნებისმიერი გვერდითი მოვლენა, გაესაუბრეთ თქვენს ექიმს ან ფარმაცევტს. აღნიშნული მოიცავს ყველა შესაძლო გვერდითი მოვლენას, რომელიც არ არის ჩამოთვლილი შეფუთვის ბროშურაში. გვერდითი მოვლენების შესახებ თქვენ ასევე შეგიძლიათ აცნობოთ პირდაპირ: 

„ბულგარეთის წამლების სააგენტოს“,

დამიანე გრუევის ქ. #8 , 1303 სოფია. ტელ: +359 28903417 , ვებ გვერდი: www.bda.bg

გვერდითი ეფექტების შესახებ ინფორმაციის მიწოდებით, თქვენ შეგიძლიათ დახმარება მოცემული პრეპარატის უსაფრთხოების შესახებ მეტი ინფორმაციის მიწოდებაში.

5. როგორ ინახება მუკოსოფტ კომპლექსი

შეინახეთ არაუმეტეს 25°C ტემპერატურაზე.

პრეპარატი შეინახეთ  ბავშვებისთვის ფარულ და  მიუწვდომელ ადგილზე.

შეინახეთ ორიგინალურ შეფუთვაში სინათლისაგან დაცულ ადგილას.

არ გამოიყენოთ ეს პრეპარატი ვარგისიანობის ვადის გასვლის შემდეგ, რომელიც მითითებულია პაკეტზე. ვარგისიანობის ვადის გასვლის თარიღი ეხება მითითებული თვის ბოლო დღეს.

არ გამოიყენოთ ეს პრეპარატი, თუ შეამჩნევთ მისი გარეგნული ცვლილების რაიმე ვიზუალურ  ნიშნებს.

არ გადააგდოთ პრეპარატი ჩამდინარე წყლების ან საყოფაცხოვრებო ნარჩენების საშუალებით. ჰკითხეთ თქვენს ფარმაცევტს, თუ როგორ უნდა მოხდეს გამოუყენებელი პრეპარატის უტილიზაცია, რომელსაც აღარ იყენებთ. მოცემული ზომები ხელს შეუწყობს გარემოს დაცვას.

6. შეფუთვის შიგთავსი და სხვა ინფორმაცია

რასშეიცავს მუკოსოფტ კომპლექსი

– 1 პაკეტში აქტიური ნივთიერებებია პარაცეტამოლი 500 მგ და აცეტილცისტეინი 200 მგ.

–  სხვა ინგრედიენტებია (დამხმარე ნივთიერებები): საქაროზა, ასკორბინის მჟავა, მალტოდექსტრინი, ლიმონის მჟავა უწყლო, ნატრიუმის ციტრატი, ნატრიუმის ციკლამატი, საქარინის ნატრიუმი, კოლოიდური უწყლო სილიციუმის ორჟანგი, მარწყვის არომატი (არომატული ნივთიერებებისა და გლუკოზის ნარევი).

როგორ გამოიყურება მუკოსოფტ კომპლექსი და შეფუთვის შიგთავსი

თეთრი ან თითქმის თეთრი ფხვნილი მარწყვის არომატით.

ფხვნილი პერორალური ხსნარისთვის 3.6 გ ქაღალდი / ალუმინი/ პოლიეთილენისგან დამზადებულ პაკეტში.

თითოეული შეფუთვა შეიცავს 10 პაკეტს.

სავაჭრო ლიცენზიის მფლობელი და მწარმოებელი

„ადიფარმ ეად“ ADIPHARM EAD

ბულ. სიმეონოვსკოს შოსე # 130. სოფია 1700, ბულგარეთი

მუკოსოფტი 600 მგ ფხვნილი პერორალური ხსნარისთვის

აცეტილცისტეინი

პრეპარატის მიღების დაწყებამდე სრულად წაიკითხეთ შეფუთვის ბროშურა, რადგანაც ის შეიცავს თქვენთვის მნიშვნელოვან ინფორმაციას.

ყოველთვის მიიღეთ ეს პრეპარატი ზუსტად ისე, როგორც ეს აღწერილია მოცემულ შეფუთვის ბროშურაში, ან როგორც გირჩიათ თქვენმა ექიმმა ან ფარმაცევტმა.

– შეინახეთ შეფუთვის ბროშურაში. შეიძლება დაგჭირდეთ მისი კვლავ წაკითხვა.

– ჰკითხეთ თქვენს ექიმს ან ფარმაცევტს, თუ გჭირდებათ მეტი ინფორმაცია ან რჩევა.

– თუ თქვენ განგივითარდებათ რაიმე გვერდითი მოვლენა, გაესაუბრეთ თქვენს ექიმს ან ფარმაცევტს. ეს მოიცავს ყველა შესაძლო გვერდით მოვლენას, რომელიც არ არის ჩამოთვლილი შეფუთვის ბროშურაში. იხილეთ ნაწილი 4.

-თქვენ უნდა გაესაუბროთ ექიმს, თუ არ გრძნობთ თავს უკეთესად, ან თავს გრძნობთ უარესად 4-5 დღის შემდეგ.

რა არის მოცემული  შეფუთვის ბროშურაში

1. რა არის და რისთვის გამოიყენება მუკოსოფტი

2. რისი ცოდნაა საჭირო მუკოსოფტის მიღებამდე

3. როგორ მიიღება მუკოსოფტი

4. შესაძლო გვერდითი მოვლენები

5. როგორ ინახება მუკოსოფტი

6. პაკეტის შიგთავსი და სხვა ინფორმაცია

1. რა არის და რისთვის გამოიყენება მუკოსოფტი

მუკოსოფტი არის სამკურნალო პრეპარატი, რომელიც გამოიყენება ბრონქების სქელი და ბლანტი სეკრეტის გასათხიერებლად და მისგან გასანთავისუფლებლად, ბრონქებისა და ფილტვების მწვავე და ქრონიკული დაავადებების მკურნალობის დროს, როგორიცაა: მწვავე და ქრონიკული ბრონქიტი, ფილტვების ქრონიკული ობსტრუქციული დაავადება (ფქოდ), ბრონქოექტაზია (ბრონქების პერმანენტული გაფართოება), რომლებიც დაკავშირებულია ბრონქული სეკრეტის ფორმირების გაზრდასთან და ამოხველების გაძნელებასთან.
თქვენ უნდა გაესუბროთ ექიმს,  თუ არ გრძნობთ თავს უკეთესად, ან თავს გრძნობთ უარესად 4-5 დღის შემდეგ.

2. რისი ცოდნაა საჭირო მუკოსოფტის მიღებამდე

არ მიიღოთ მუკოსოფტი:

– თუ თქვენ ხართ ალერგიული (ჰიპერმგრძნობიარე) აცეტილცისტეინის ან ამ პრეპარატის რომელიმე სხვა ინგრედიენტის მიმართ (ჩამოთვლილია მე-6 ნაწილში).

– თუ თქვენ გაწუხებთ პეპტიკური წყლული, ან თქვენი მდგომარეობა გამწვავებულია;

გაფრთხილებები და სიფრთხილის ზომები

მუკოსოფტის მიღებამდე გაესუბრეთ თქვენს ექიმს ან ფარმაცევტს.

საჭიროა სიფრთხილე ამ პრეპარატის გამოყენებისას შემდეგ შემთხვევებში:

• ბრონქული ასთმის მქონე პაციენტებზე მკურნალობის პერიოდში უნდა განხორციელდეს ყურადღებით მონიტორინგი: თუ განვითარდა ბრონქოსპაზმი, მკურნალობა დაუყოვნებლივ უნდა შეწყდეს;

• საჭიროა სიფრთხილე ამ პრეპარატის მიცემისას სუნთქვის უკმარისობის მქონე ხანდაზმული პაციენტიებისთვის;

 • თუ გათხიერებულია დიდი რაოდენობით ნახველი,  განსაკუთრებით მცირე ასაკის ბავშვებში და  ლოგინად ჩავარდნილ პაციენტებში,  არსებობს სეკრეტის შეწოვის რისკი;

• აცეტილცისტეინი არ უნდა მიიღონ პაციენტებმა შემცირებული ამოხველების უნარით, თუ ასპირაცია არ გამოიყენება მათი მკურნალობის დროს.

ბავშვები და მოზარდები

პრეპარატი არ გამოიყენება 14 წლამდე ასაკის ბავშვებისთვის, აქტიური ნივთიერების მაღალი შემცველობის გამო.

სხვა პრეპარატები და მუკოსოფტი

აცნობეთ თქვენს ექიმს ან ფარმაცევტს, თუ თქვენ იღებთ, ბოლო დროს მიიღეთ ან შეიძლება მიიღოთ სხვა პრეპარატები, ურეცეპტო პრეპარატების ჩათვლით.

ხველის სუპრესანტები

როდესაც ეს სამკურნალო პროდუქტი გამოიყენება ხველის საწინააღმდეგო საშულები ერთად, ბრონქული სეკრეტი შეიძლება შეკავდეს ხველის რეფლექსის დათრგუნვის შედეგად.

ბაქტერიული ინფექციების  სამკურნალო  საშუალებები (ანტიბიოტიკები)

არ უნდა მიიღოთ პერორალური ანტიბიოტიკები მუკოსოფტთან ერთად. რეკომენდებულია მიღებებს შორის მინიმუმ 2 საათიანი ინტერვალის დაცვა.

ნიტროგლიცერინი

მუკოსოფტის ერთდროულმა მიღებამ გლიცეროლტრინიტრატთან (ნიტროგლიცერინი) შეიძლება გამოიწვიოს ნიტროგლიცერინის ეფექტურობის გაძლიერება, როგორიცაა სისხლძარღვების გაფართოება და თრომბოციტების აგრეგაციის დათრგუნვა.

მუკოსოფტის მიღება საკვებთან, სასმელთან და ალკოჰოლთან ერთად

ალკოჰოლის მოხმარება თავიდან უნდა იქნას აცილებული ამ პრეპარატით მკურნალობის დროს. უნდა იცოდეთ, რომ ალკოჰოლთან ერთდროული მიღება ზრდის ღვიძლის დაზიანების რისკს.

აცეტილცისტეინის ეფექტი იზრდება დიდი რაოდენობით სითხეების მიღებისას.

ორსულობა, ძუძუთი კვება და ფერტილობა

 თუ ხართ ორსული ან მეძუძური, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის მიღებამდე მიმართეთ რჩევისათვის თქვენს ექიმს ან ფარმაცევტს.

ორსულობა

ჰკითხეთ რჩევა თქვენს ექიმს ან ფარმაცევტს ნებისმიერი პრეპარატის მიღებამდე. საჭიროა სიფრთხილე, თუ მუკოსოფტი გამოიყენება ორსულობის ან ძუძუთი კვების დროს, რადგანაც ამ პერიოდების განმავლობაში ამ პროდუქტის გამოყენებასთან დაკავშირებული საკმარისი გამოცდილება არ არსებობს.

თქვენი ექიმი განიხილავს, შეიძლება თუ არა თქვენი მკურნალობა ამ პრეპარატით, თუ ხართ ორსულად. ის შეაფასებს თქვენთვის სარგებელისა და თქვენი ბავშვისათვის რისკებს შორის  თანაფარდობას.

ძუძუთი კვება

თქვენი ექიმი განიხილავს, შეიძლება თუ არა თქვენი მკურნალობა ძუძუთი კვების პერიოდში. თქვენ შეგიძლიათ მიიღოთ მუკოსოფტი მხოლოდ იმ შემთხვევაში, თუ ექიმი დაადგენს, რომ ეს აბსოლუტურად აუცილებელია.

მანქანის მართვა და მექანიზმების გამოყენება

არ არსებობს მონაცემები იმის შესახებ, რომ აცეტილცისტეინი ახდენს გავლენას კონცენტრაციის უნარზე ან რეაგირებისდროზე მანქანის მართვისას და მექანიზმების გამოყენების დროს.

3. როგორ მიიღება მუკოსოფტი

ყოველთვის მიიღეთ ეს პრეპარატი ზუსტად ისე, როგორც ეს აღწერილია მოცემულ შეფუთვის ბროშურაში, ან როგორც გირჩიათ თქვენმა ექიმმა ან ფარმაცევტმა. თუ დარწმუნებული არა ხართ, გადაამოწმეთ თქვენს ექიმთან ან ფარმაცევტთან.

 რეკომენდებული დოზა:

მოზრდილებიდა 14 წელზეუფროსიასაკისბავშვები:

1 პაკეტი (600 მგ აცეტილცისტეინი) ყოველდღიურად.

14 წლამდეასაკისბავშვები:

ამ პროდუქტის გამოყენება არ არის რეკომენდებული მოცემულ ასაკობრივ ჯგუფში, აქტიური ნივთიერების (აცეტილცისტეინის) მაღალი შემცველობის გამო.
გამოყენების მეთოდი და მკურნალობის ხანგრძლივობა

პერორალური გამოყენება

გახსენით ერთი პაკეტის შიგთავსი ფინჯან ცხელ წყალში და დალიეთ ვიდრე თბილია, ჭამის შემდეგ. პრეპარატის სითხეებთან ერთად მიღება გაზრდის მის სეკრეტოლიზურ ეფექტს.

მკურნალობის ხანგრძლივობა დამოკიდებულია დაავადების სიმძიმეზე და განისაზღვრება ინდივიდუალურად. მკურნალობის კურსი არის 5-დან 10 დღის ფარგლებში მწვავე მდგომარეობის შემთხვევაში, ან 1-დან 2 თვემდე ქრონიკული მდგომარეობისას. პრეპარატი არ უნდა იქნას გამოყენებული 4-5 დღეზე მეტი დროის განმავლობაში, თუ ეს ექიმმა არ გირჩიათ.

თუ რაიმეში დარწმუნებული არ ხართ, გადაამოწმეთ თქვენს ექიმთან ან ფარმაცევტთან.

თუ მიიღეთ საჭიროზე მეტი მუკოსოფტი.

აცეტილცისტეინის პერორალური დოზის გადაჭარბებით გამოწვეული  ინტოქსიკაციის ძლიერი ნიშნების ან სიმპტომების შემთხვევები არ დაფიქსირებულა, მაღალი დოზებით მკურნალობის შემთხვევაშიც.

დოზისგადაჭარბებისსიმპტომები

დოზის გადაჭარბების სიმპტომები შეიძლება მოიცავდეს გულისრევას, ღებინებას, დიარეას, მუცლის ტკივილს ან გულძმარვას.

დოზისგადაჭარბების მკურნალობა

საჭიროების შემთხვევაში ტარდება სიმპტომური მკურნალობა, როგორიც არის ბრონქების ასპირაცია.

თუ, შემთხვევით ან განზრახ, თქვენ მიიღეთ უფრო მეტი პრეპარატი, ვიდრე მითითებულია შეფუთვის ბროშურაში, აცნობეთ თქვენს ექიმს ან ფარმაცევტს.

თუ დაგავიწყდათ მუკოსოფტის მიღება

თუ დაგავიწყდათ პრეპარატის დოზის  მიღება, მიიღეთ ის გახსენებისთანავე. არ მიიღოთ ორმაგი დოზა დავიწყებული დოზის სანაცვლოდ.

4. შესაძლო გვერდითი მოვლენები

ყველა პრეპარატის მსგავსად, ამ პრეპარატმაც შეიძლება გამოიწვიოს გვერდითი მოვლენები, თუმცა ყველას არ განუვითარდება.

ქვემოთ მოყვანილი სიხშირე ეხება დაფიქსირებულ წამლისმიერ გვერდით რეაქციებს:

ძალიან ხშირი: უვითარდება 10 -დან 1-ზე მეტ ადამიანს

ხშირი: უვითარდება 10 -დან 1-ზე ნაკლებ და 100-დან 1-ზე მეტი ადამიანს

არა-ხშირი: უვითარდება 100 -დან 1-ზე ნაკლებ და 1,000-დან 1-ზე მეტი ადამიანს

იშვიათი: უვითარდება 1,000 -დან 1-ზე ნაკლებ და 10,000-დან 1-ზე მეტი ადამიანს

ძალიან იშვიათი: უვითარდება 10,000-დან 1-ზე ნაკლები ადამიანს, ცალკეული შემთხვევების ჩათვლით.  

იმუნური სისტემის მხრივი დარღვევები

არა-ხშირი: ჰიპერმგრძნობელობა

ძალიანიშვიათი: ანაფილაქსიური შოკი, ანაფილაქსიური/ანაფილაქტოიდური რეაქციები

ნერვული სისტემის მხრივი დარღვევები

არა-ხშირი: თავის ტკივილი

ყურისა და ლაბირინთის მხრივი დარღვევები

არა-ხშირი: ყურებში ხმაური

გულის მხრივი დარღვევები

არა-ხშირი: ტაქიკარდია

სისხლძარღვოვანი დარღვევები

ძალიანიშვიათი: სისხლდენა

რესპირატორული, გულმკერდისა და შუასაყარის მხრივი დარღვევები

იშვიათი: ბრონქოსპაზმი, სუნთქვის გაძნელება

კუჭ–ნაწლავის მხრივი დარღვევები

 არა-ხშირი: ღებინება, დიარეა, სტომატიტი, მუცლის ტკივილი, გულისრევა

იშვიათი: დისპეფსია

კანისა და კანქვეშა ქსოვილების მხრივი დარღვევები

არა-ხშირი:  ჭინჭრის ციება, გამონაყარი, ანგიონევროზული შეშუპება, ქავილი

ზოგადი დარღვევები და ეფექტი გამოყენებისადგილზე

არა-ხშირი: ცხელება

უცნობია: სახის შეშუპება

გამოკვლევები

არა-ხშირი: დაბალი არტერიული წნევა

გვერდითი მოვლენების შესახებ ინფორმაციის მიწოდება

თუ განგივითარდებათ  ნებისმიერი გვერდითი მოვლენა, გაესაუბრეთ თქვენს ექიმს ან ფარმაცევტს. აღნიშნული მოიცავს ყველა შესაძლო გვერდითი მოვლენას, რომელიც არ არის ჩამოთვლილი შეფუთვის ბროშურაში. გვერდითი მოვლენების შესახებ თქვენ ასევე შეგიძლიათ აცნობოთ პირდაპირ: 

„ბულგარეთის წამლების სააგენტოს“,

დამიანე გრუევის ქ. #8 , 1303 სოფია. ტელ: +359 28903417 , ვებ გვერდი: www.bda.bg

გვერდითი ეფექტების შესახებ ინფორმაციის მიწოდებით, თქვენ შეგიძლიათ დახმარება მოცემული პრეპარატის უსაფრთხოების შესახებ მეტი ინფორმაციის მიწოდებაში.

5. როგორ ინახება მუკოსოფტი

შეინახეთ  პრეპარატი ბავშვებისათვის ფარულ და მიუწვდომელ  ადგილზე.

შეინახეთ ორიგინალურ შეფუთვაში არაუმეტეს 25°C ტემპერატურაზე.

არ გამოიყენოთ ეს პრეპარატი ვარგისიანობის ვადის გასვლის შემდეგ, რომელიც მითითებულია შეფუთვაზე. ვარგისიანობის ვადის გასვლა ეხება მითითებული თვის ბოლო დღეს.

არ გამოიყენოთ ეს პრეპარატი, თუ შეამჩნევთ რაიმე ცვლილებას მის გარეგნულ მახასიათებლებში.

არ გადააგდოთ პრეპარატი ჩამდინარე წყლების ან საყოფაცხოვრებო ნარჩენების საშუალებით. ჰკითხეთ თქვენს ფარმაცევტს, თუ როგორ უნდა მოხდეს გამოუყენებელი პრეპარატის უტილიზაცია, რომელსაც აღარ იყენებთ. მოცემული ზომები ხელს შეუწყობს გარემოს დაცვას.

6. შეფუთვის  შიგთავსი და სხვა ინფორმაცია

რას შეიცავს მუკოსოფტი

– აქტიური ნივთიერებაა აცეტილცისტეინი 600 მგ.

– სხვა ინგრედიენტები (დამხმარე ნივთიერებები): მანიტოლი, ნატრიუმის ციკლამატი, ლიმონის არომატი და უწყლო სილიციუმის ორჟანგი.

როგორია ვიზუალურად მუკოსოფტი და პაკეტის შიგთავსი

თეთრი ან თითქმის თეთრი ფხვნილი და მშრალი აგლომერატები.

ფხვნილი პერორალური ხსნარისთვის 2,950 გ ქაღალდის/ალუმინის/ პოლიეთილენის პაკეტში.

თითოეულ შეფუთვა შეიცავს 6 (ექვსი) ან 10 (ათი) პაკეტს და შეფუთვის ბროშურას პაციენტისათვის.

სავაჭრო ლიცენზიის მფლობელი და მწარმოებელი

„ადიფარმ ეად“ ADIPHARM EAD

ბულ. სიმეონოვსკოს შოსე # 130. სოფია 1700, ბულგარეთი

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

მუკალტინის  სიროფი
ჟოლოთი და მარწყვით
Sirupus Mucaltini cum Rubii

შემადგენლობა: მუკალტინი; ჟოლოს არომატიზატორი, მარწყვის არომატიზატორი, სორბინის მჟავა, 96% ეთილის სპირტი, შაქრის სიროფი;
პრეპარატში შემავალი მცენარეები შეიცავს ბიოლოგიურად აქტიურ ნივთიერებათა კომპლექსს: ლორწოს, ეთერზეთებს, ფლავონოიდებს (ქვერცეტინი, კემფეროლი), კუმარინებს ანთოციანებს, ორგანულ მჟავებს (ლიმონის, ვაშლის, სალიცილის), C ვიტამინს, პექტინოვან ნივთიერებებს, კაროტინს.

ფარმაკოლოგიური მოქმედება: მუკალტინის სიროფი აწყნარებს ხველას, ფარავს დაზიანებულ ლორწოვან გარსს თხელი ფენით, არბილებს და შლის მკვრივ, ანთებით ნადებებს (ყელის, ხორხის, ხმოვანი იოგების), აჩქარებს დაზიანებული ლორწოვანი გარსის რეგენერაციას, იცავს სასუნთქი გზების ნერვულ დაბოლოებებს გაღიზიანებისაგან,  აუმჯობესებს მადას, ამცირებს წყურვილის შეგრძნებას.

ჩვენება: სასუნთქი გზების მწვავე და ქრონიკული დაავადებები:
>ბრონქიტები;
> პნევმონია;
> ბრონქოექტაზია;
> ტრაქეიტი;
> ლარინგიტი;
> ანგინა;

უკუჩვენება:
• შაქრიანი დიაბეტი.
• სიროფში მარწყვის არომატიზატორის არსებობის გამო, შეიძლება ინდივიდუალურად გამოვლინდეს კანზე ალერგიული გამონაყარი ძლიერი ქავილით.

მიღების წესი და დოზირება: მოზრდილებში: პერორულად თითო სუფრის კოვზი 3-4-ჯერ დღეში ჭამის წინ.
ბავშვებში:  1-დან 3 წლამდე ნახევარი ჩაის კოვზი, 3-დან 6 წლამდე თითო ჩაის კოვზი, 6-დან 12 წლამდე თითო დესერტის კოვზი 2-3-ჯერ დღეში ჭამის წინ.
(შეიძლება მითითებული დოზების წყალში განზავებით მიღება).

გამოშვების ფორმა:  125გ ნარინჯისფერ მინის ან პოლიმერული მასალის  ფლაკონში მჭიდროდ თავდახურული ხუფით. ფლაკონს ათავსებენ მუყაოს კოლოფში პოლიეთილენის ამზომ ჭიქასთან ერთად.

ვარგისიანობის ვადა: 2 წელი.

შენახვის პირობები:
15-25°C ტემპერატურის პირობებში, სინათლისგან დაცულ ადგილზე.

აფთიაქიდან გაცემის წესი:
ურეცეპტოდ.

საერთაშორისო დასახელება – tamsulosin

კლინიკურ-ფარმაკოლოგიური ჯგუფი – წინამდებარე ჯირკვლის კეთილთვისებიანი ჰიპერპლაზიის (ადენომის) დროს გამოსაყენებელი საშუალებები;  ალფა1- ადრენობლოკატორები

შემადგენლობა და გამოშვების ფორმა
0.4 მგ კაფსულა #30

პრეპარატის თითოეული მოდიფიცირებული გამოთავისუფლების კაფსულა შეიცავს:
აქტიური ნივთიერება – 0.4 მგ ტამსულოზინის ჰიდროქლორიდი.
დამხმარე ნივთიერებები: მიკროკრისტალური ცელულოზა, კალციუმის სტეარატი, მეტაკრილის მჟავასა და ეთილაკრილატის სოპოლიმერი, ტვინი 80, ტალკი, ტრიეთილციტრატი.
კაფსულის გარსი შეიცავს: ჟელატინი, ინდიგოკარმინი, ქინოლინის ყვითელი, ტიტანის დიოქსიდი.

ჩვენებები
ტულოზინის® აქტიური ნივთიერება – ტამსულოზინი განეკუთვნება იმ სამკურნალო საშუალებათა ჯგუფს, რომლებსაც ალფა-1-ადრენორეცეპტორების ბლოკატორები ეწოდებათ. იგი ამცირებს წინამდებარე ჯირკვლისა და შარდსადენი არხის გლუვი კუნთების დაჭიმულობას, და ამგვარად აადვილებს შარდის დინებას და ხელს უწყობს შარდის ბუშტის დაცლას. იგი გამოიყენება წინამდებარე ჯირკვლის კეთილთვისებიანი ჰიპერპლაზიის სიმპტომების შესამცირებლად (ხშირი შარდვა დღისით და ღამით; გაძნელებული შარდვა – შარდვის დაწყების გაძნელება, შარდის სუსტი და წყვეტილი ნაკადი; შარდის მოწოლა, შარდვის იმპერატიული (გადაუდებელი) მოთხოვნილება, შარდის ბუშტის არასრულად დაცლის შეგრძნება).

მიღების წესები და დოზები
ტულოზინი® მიიღება შიგნით თითო კაფსულა დღეში. კაფსულები მიიღება 30 წუთში საკვების ერთსა და იმავე დროს მიღებისას, კაფსულის მთლიანად ჩაყლაპვით და საკმარისი რაოდენობით – თითქმის ნახევარი ჭიქა – წყალის მიყოლებით. კაფსულების მიღებისას პაციენტი უნდა იჯდეს ან იდგეს. არ შეიძლება კაფსულების დაღეჭვა, გახსნა ან გატეხვა, ვინაიდან ამან შეიძლება იმოქმედოს პრეპარატის ეფექტზე.
ტამსულოზინის ჩვეულებრივი სადღეღამისო დოზაა 0.4 მგ-ს (ერთი კაფსულა). პრეპარატის თვისებების წყალობით დოზის ინდივიდუალურად შერჩევა საჭირო არ არის.
ტულოზინი® ხანგრძლივად მოქმედი პრეპარატია, იგი ყოველთვის დღეში ერთხელ მიიღება.
მკურნალობის კურსის ხანგრძლივობას განსაზღვრავს ექიმი.
პრეპარატის მიღების თვითნებურად შეწყვეტა არ შეიძლება.
ტულოზინი® განკუთვნილია მხოლოდ მამრობითი სქესის მოზრდილი პაციენტებისათვის.
გამოტოვებული დოზა
დოზის გამოტოვებისას მისი მიღება უნდა მოხდეს გახსენებისთანავე. ამის შემდეგ პრეპარატის მიღება გრძელდება ექიმის მიერ დანიშნული რეჟიმითა და დოზებში. თუ გამოტოვებულის შემდეგ შემდეგი დოზის მიღებამდე დარჩენილია 12 საათზე ნაკლები დრო, გამოტოვებული კაფსულის მიღება არ შეიძლება და პრეპარატის მიღება ჩვეულებრივ დანიშნულებისამებრ გრძელდება. გამოტოვებული დოზის კომპენსაციისათვის დოზის გაორმაგება არ შეიძლება, ვინაიდან ამან შეიძლება ჭარბი დოზირება გამოიწვიოს.

გვერდითი მოვლენები
რეკომენდებულ დოზებში პრეპარატი ჩვეულებრივ კარგი ამტანობით ხასიათდება. როგორც სხვა სამკურნალო პრეპარატების გამოყენებისას შესაძლებელია გვერდითი ეფექტების განვითარება.
მძიმე გვერდითი ეფექტების ან იმ ეფექტების, რომლებიც არ არის მოხსენიებული ამ ინსტრუქციაში, განვითარებისას აუცილებელია ექიმთან მიმართვა.
პირველი დოზის მიღების შემდეგ ან ტულოზინით® მკურნალობის პირველ დღეებში იშვიათ შემთხვევებში შეიძლება აღინიშნოს არტერიული წნევის მნიშვნელოვნად დაქვეითება, რომელიც შეიძლება გამოვლინდეს თავბრუსხვევით, მოძრაობის კოორდინაციის დარღვევით, გულყრით, განსაკუთრებით დაჯდომის ან წოლითი მდგომარეობიდან ადგომის მცდელობისას. იგივე მოვლენა შეიძლება განვითარდეს რამოდენიმედღიანი შესვენების შემდეგ პრეპარატის მიღების განახლებისას. სისუსტის ან თავბრუსხვევის ნიშნების შეგრძნებისას აუცილებელია დაჯდომა ან დაწოლა მდგომარეობის გაუმჯობესებამდე.
სხვა არასასურველი ეფექტები ჩვეულებრივ სუსტად გამოხატულია და სწრაფად გაივლის. ტამსულოზინით მკურნალობისას შეიძლება განვითარდეს თავბრუსხვევა და ძილიანობა. უფრო იშვიათად აღინიშნა თავის ტკივილი, მხედველობის დარღვევა, გულისცემა, რინიტი, ყაბზობა, დიარეა, ღებინება, გულისრევა, გამონაყარი კანზე, ქავილი, ეაკულაციის დარღვევა (რეტროგრადული ეაკულაცია), სისუსტე. ძალიან იშვიათ შემთხვევებში აღინიშნა გულყრა, ანგიონევროზული შეშუპება. ძალიან იშვიათი არასასურველი ეფექტი – პრიაპიზმი (სასქესო ორგანოს მტკივნეული და ხანგრძლივი ერექცია, რომელიც სასწრაფოდ საჭიროებს ექიმის დახმარებას).
ნებისმიერი გვერდითი ეფექტის გამოვლინებისას აუცილებელია ექიმთან ან ფარმაცევტთან მიმართვა.

უკუჩვენება
ტულოზინის® გამოყენება არ შეიძლება ალერგიული რეაქციის შემთხვევაში ტამსულოზინის ან სხვა ალფა-1-ადრენორეცეპტორების ბლოკატორების მიღების შემდეგ, ან ჰიპერმგრძნობელობისას ემ კაფსულების ნებისმიერი სხვა კომპონენტის მიმართ.

განსაკუთრებული მითითებები
• თირკმლის ან ღვიძლის მძიმე უკმარისობა;
• თავბრუსხვევა ან გულყრა მწოლიარე ან მჯდომარე მდგომარეობიდან ფეხზე ადგომის დროს.
ტულოზინით® მკურნალობის დაწყებამდე ექიმმა აუცილებლად უნდა იცოდეს ჩამოთვლილი მდგომარეობების შესახებ.
ტულოზინით® მკურნალობის დაწყებამდე ექიმს შეუძლია მთელი რიგი გამოკვლევების ჩატარება წინამდებარე ჯირკვლის კეთილთვისებიანი ჰიპერპლაზიის თაობაზე, რათა გამოირიცხოს ამ ჯირკვლის სხვა დაავადებების არსებობა.
ქალებისა და ბავშვების სამკურნალოდ ტულოზინის® გამოყენება არ შეიძლება.
ზეგავლენა ავტოსატრანსპორტო საშუალებების მართვისა და პოტენციურად საშიშ ქანიზმების მუშაობის უნარზე
პრეპარატის მიღებაზე ინდივიდუალური რეაქციის მიხედვით ტულოზინს შეუძლია გამოიწვიოს თავბრუსხვევა. ამიტომ ტულოზინით® მკურნალობის პერიოდში აუცილებელია სიფრთხილის დაცვა ავტოტრანსპორტის მართვისა და სხვა პოტენციურად საშიში სახეობების საქმიანობის განხორციელებისას, რომლებიც საჭიროებს ყურადღების კონცენტრაციას და ფსიქომოტორული რეაქციების სისწრაფეს.

ჭარბი დოზირება
ჭარბი დოზის მიღების შემთხვევაში აუცილებელია დაუყოვნებლივ ექიმთან მიმართვა.
ჭარბი დოზის სიმპტომები: შესაძლებელია არტერიული წნევის დაწევა.
მკურნალობა: არტერიული წნევის მნიშვნელოვანი დაწევისას სისხლის მიმოქცევის ნორმალიზებისათვის ავადმყოფი უნდა დაწვეს. თუ ჰიპოტენზიის სიმპტომები შენარჩუნდა, უნდა მოხდეს სიცოცხლისათვის მნიშვნელოვანი ფუნქციების მონიტორირებისა და შენარჩუნების უზრუნველყოფა ინტენსიური თერაპიის განყოფილებებში. ტამსულოზინის შემდგომი შეწოვის პრევენციისათვის მიზანშეწონილია კუჭის ამორეცხვა, აქტივირებული ნახშირისა და ოსმოსური საფაღარათე საშუალების მიღება. სიმპტომური მკურნალობის ჩატარებისას აუცილებელია ცირკულირებადი სისხლის მოცულობის გაზრდა შემდგომი ვაზოპრესული ნივთიერებების მიღებით. ტამსულოზინი კარგად უერთდება სისხლის პლაზმის ცილებს, ამიტომ ჰემოდიალიზი ნაკლებად ეფექტურია.

სხვა წამლებთან ურთიერთქმედება
ტამსულოზინს სხვა ადრენობლოკატორებთან ან სხვა ჰიპოტენზიურ პრეპარატებთან ერთად გამოყენებამ შეიძლება გამოიწვიოს არტერიული წნევის უფრო მკვეთრად დაქვეითება.

შენახვის პირობები და ვადები
ინახება ბავშვებისათვის მიუწვდომელ ადგილას არაუმეტეს 25ºC ტემპერატურაზე.
ვარგისიანობის ვადა
4 წელი. შენახვის ვადა მითითებულია შეფუთვაზე.
შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება.

აფთიაქში გაცემის წესი
რეცეპტით.
მწარმოებელი ფირმა, ქვეყანა
სს ფარმაცევტული ქარხანა ეგისი
უნგრეთი

ბაუმე
(ყურის წვეთები)

ზოგადი დახასიათება:
საერთაშორისო არაპატენტირებული დასახელება: ქლორამფენიკოლი, ბეკლომეთაზონი, კლოტრიმაზოლი, ლიდოკაინი;

ძირითადი ფიზიკურ-ქიმიური თვისებები:
გამჭვირვალე უფეროდან ღია მოყვითალო ფერამდე ზეთოვანი სითხე.

შემადგენლობა:   
ყურის წვეთების 1 მლ შეიცავს:
ქლორამფენიკოლს – 50 მგ;
ბეკლომეთაზონის დიპროპიონატს – 0.25 მგ;
კლოტრიმაზოლს – 10 მგ;
ლიდოკაინის ჰიდროქლორიდს – 20 მგ;
დამხმარე ნივთიერებები: პროპილენგლიკოლი, გლიცერინი.

გამოშვების ფორმა:
ყურის წვეთები, 5 მლ.

ფარმაკოლოგიური ჯგუფი:
კორტიკოსტეროიდები მიკრობების საწინააღმდეგო პრეპარატებთან კომბინაციაში. ათქ-კოდი: S02CA.

ფარმაკოლოგიური თვისებები:
ადგილობრივი მოქმედების კომბინირებული პრეპარატი ტკივილგამაყუჩებელი, ანტიბაქტერიული, ანთებისა და სოკოს საწინააღმდეგო თვისებებით.
ქლორამფენიკოლი _ ფართო სპექტრის ანტიბიოტიკი, რომელიც ხასიათდება ბაქტერიოსტატული ეფექტით. მისი მოქმედების მექანიზმი განპირობებულია მიკროორგანიზმის უჯრედში ცილის სინთეზის ინჰიბირებით. ქლორამფენიკოლი ეფექტურია როგორც გრამდადებითი, ასევე გრამუარყოფითი ბაქტერიების მიმართ. მიკროორგანიზმების მდგრადობა ქლორამფენიკოლის მიმართ შედარებით ნელა ვითარდება.
ბეკლომეთაზონის დიპროპიონატი _ გლუკოკორტიკოსტეროიდი, ეფექტურად ხსნის ანთებით პროცესს.
კლოტრიმაზოლი _ ფართო სპექტრის მქონე გარეგანი გამოყენების სოკოს საწინააღმდეგო საშუალება. კლოტრიმაზოლის მოქმედების ეფექტი განპირობებულია სოკოს უჯრედული მემბრანის შემადგენლობის დარღვევით, განვლადობის შეცვლით და უჯრედის შემდგომი ლიზისით.
ლიდოკაინის ჰიდროქლორიდი _ ადგილობრივი მოქმედების ტკივილგამაყუჩებელი საშუალება. იგი აფერხებს ნატრიუმის იონების შეღწევას ნერვული უჯრედების მემბრანაში, რის შედეგადაც ნერვულ ბოჭკოებში შექცევადად ფერხდება იმპულსის გატარება, რაც უზრუნველყოფს ადგილობრივ ანესთეზიას. ლიდოკაინის ჰიდროქლორიდი ხსნის ტკივილსა და ქავილს, რომელიც ხშირად თან ახლავს ყურის დაავადებებს.
 
ფარმაკოკინეტიკა:
არ არსებობს მონაცემები ბაუმეს ფარმაკოკინეტიკის შესახებ.

ჩვენება:

• ყურის ინფექციურ-ანთებითი დაავადებები;
• ყურზე ქირურგიული ჩარევის შემდგომი მდგომარეობა.

მიღების წესი და დოზირება:
ინიშნება 4-5 წვეთი სამ-ოთხჯერ დღეში ან ექიმის დანიშნულების მიხედვით. მკურნალობის კურსი შეადგენს 7-10 დღეს. 
პრეპარატის ჩაწვეთებამდე დაზიანებული ყურის გარეთა სასმენი მილი უნდა იქნას ბამბით გამოწმენდილი და გამშრალებული, აგრეთვე რეკომენდებულია ყურის წვეთების შეთბობა სხეულის ტემპერატურამდე. ბაუმეს ჩაწვეთების შემდეგ რამოდენიმე წთ-ის განმავლობაში თავი უნდა იყოს მოხრილი საწინააღმდეგო მხარეს (დაზიანებული ყურით ზევით), რომ არ მოხდეს პრეპარატის გამოჟონვა ყურიდან.

გვერდითი მოვლენები:
ბაუმე, როგორც წესი, კარგად გადაიტანება. იშვიათად შესაძლებელია აღინიშნოს ალერგიული რეაქციები (ადგილობრივად – წვა, ქავილი). 

უკუჩვენება:
მომატებული მგრძნობელობა პრეპარატის რომელიმე კომპონენტის მიმართ, დაფის აპკის მთლიანობის დარღვევა.

ურთიერთქმედება სხვა სამკურნალო საშუალებებთან:
მონაცემები ბაუმეს ურთიერთქმედების შესახებ სხვა სამკურნალო საშუალებებთან არ არსებობს.

ჰიპერდოზირება: 
არ არსებობს მონაცემები ბაუმეს დოზის გადაჭარბების შესახებ.

ორსულობა და ლაქტაცია:
ბაუმეს გამოყენების უსაფრთხოება ორსულებში და ძუძუთი კვების პერიოდში დადგენილი არ არის.

გამოყენების თავისებურებები:
პრეპარატი განკუთვნილია გარეგანი გამოყენებისათვის.
გვერდითი მოვლენების განვითარებისას შესაძლოა, საჭირო გახდეს მკურნალობის შეწყვეტა.
4 წლამდე ასაკის ბავშვებისათვის პრეპარატის გამოყენება არ არის რეკომენდებული.
ბაუმეს გამოყენება შესაძლებელია ფლაკონის გახსნიდან 1 თვის განმავლობაში. 

შეფუთვა:
5 მლ ყურის წვეთები პოლიმერულ პიპეტიან ფლაკონში, თითო ფლაკონი მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, სინათლისა და ბავშვებისაგან დაცულ ადგილას.

ვარგისიანობის ვადა:
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი, ჭირნახულის ქ. 14.
www.aversi.ge

მუკალტინი
ტაბლეტები 0,05 გრ

სამკურნალო საშუალების შემადგენლობა:
აქტიური ნივთიერება: 1 ტაბლეტი შეიცავს 0,05 გრ მუკალტინს;

დამხმარე ნივთიერებები: ღვინის მჟავა, კალციუმის სტეარატი,

სამკურნალო ფორმა: ტაბლეტები.

ფარმაკოთერაპიული ჯგუფი: ამოსახველებელი საშუალება.
ფარმაკოლოგიური თვისებები. მუკალტინი – ამოსახველებელი საშუალება, რომლის მოქმედება განპირობებულია სეკრეტოლიტური და ბრონქოლიტური თვისებებით. პრეპარატს გააჩნია ხველის საწინააღმდეგო ზომიერი მოქმედება, ამცირებს რა ხველის შეტევებს და მათ ინტენსიურობას. მუკალტინი არატოქსიკურია და არ გააჩნია ადგილობრივი გამაღიზიანებელი ზემოქმედება.

ჩვენებები. სასუნთქი გზების მწვავე და ქრონიკული დაავადებები (ბრონქიტები, პნევმონია, ბრონქოექტაზიური დაავადება, ბრონქული ასთმა, ფილტვების ტუბერკულოზი არასპეციფიკური ბრონქიტის მოვლენებით).

უკუჩვენებები. პრეპარატის კომპონენტების მიმართ ჰიპერმგრძნობელობა (ალერგია).

უსაფრთხოების ზომები გამოყენებისას.
მკურნალობის დაწყებამდე აუცილებელია ექიმთან კონსულტაცია!

სხვა სამკურნალო საშუალებებთან ურთიერთქმედება.
მუკალტინის გამოყენება შეიძლება ხველის საწინააღმდეგო და ამოსახველებელ სხვა საშუალებებთან ერთად.

გამოყენების მეთოდები და დოზები. პრეპარატი მიიღება 3-4-ჯერ დღეში ჭამამდე. უფროსები ღებულობენ 1-2 ტაბლეტს ერთ მიღებაზე. ერთჯერადი დოზა ბავშვებისათვის, ასაკის მიხედვით შეადგენს: 1 წლამდე – 0,5 ტაბლეტი, 1-3 წელი – 1 ტაბლეტი, 3 წლიდან – 1-2 ტაბლეტი.
ბავშვებში გამოყენებისას პრეპარატს ხსნიან 1/3 ჭიქა თბილ წყალში, უმატებენ შაქრის ან ხილის სიროფს.
მკურნალობის კურსი – 15 დღემდე. მკურნალობის კურსის ხანგრძლივობას ექიმი ადგენს.

გვერდითი მოვლენები. შესაძლებელია ალერგიული რეაქციები (ჭინჭრის ციება, ქავილი).

ვარგისიანობის ვადა. პრეპარატის ვარგისიანობის ვადა – 4 წელი.
ნუ გამოიყენებთ შეფუთვაზე მითითებული ვარგისიანობის ვადის გასვლის შემდეგ!

შენახვის პირობები. ინახება ბავშვებისათვის მიუწვდომელ, სინათლისაგან დაცულ ადგილას +8°C-დან +15°C-მდე ტემპერატურის პირობებში.

შეფუთვა. 10 ტაბლეტი კონტურულ-არაუჯრედოვან შეფუთვაში, 30 ტაბლეტი კონტეინერში პირველი გახსნის კონტროლით.

აფთიაქიდან გაცემის პირობები. ურეცეპტოდ.

მწარმოებლის დასახელება და მისამართი.
ს/ს “გალიჩფარმა”.
უკრაინა, 79024, ქ. ლვოვი. ოპრიშკოვსკაიას ქ. N 6/8.

აქვალორი / AQualor

ცხვირის ღრუს პროფილაქტიკური გამორეცხვა!

ყელ -ყურ- ცხვირი ექიმების, ოჯახის ექიმების რეკომენდაციით  საკმაოდ მნიშვნელოვანია ცხვირ – ხახის ჰიგიენის დაცვა,  ცხვირის ღრუს გამორეცხვა და სანაცია. რადგან ცხვირ-ხახა ინფიცირების ერთ – ერთი  პირველი ჭიშკარია. ცხვირის ღრუს პროფილაქტიკური გამორეცხვისთვის  საუკეთესო საშუალება არის ზღვის წყალი. აღსანიშნავია ის ფაქტი რომ ზრვის წყალში აღმოჩენილია 72 ქიმიური ელემენტი (მაგნიუმი, კალიუმი, კალციუმი, ჟანგბადი, ცინკი, იოდი, ქლორი, ბრომი, ფტორი, გოგირდი, ცინკი ნატრიუმი, სილიციუმი და ა.შ). ზღვის წყალი ეწინააღმდეგება ცხვირის ლორწოვანის სიმშრალეს. ასუფთავებს მას ჩამორეცხავს ბაქტერიებს, ვირუსებს , ალერგენებს,  აუმჯობესებს ცხვირის ლორწოვანის მოციმციმე ეპითელიუმის ბარიერულ ფუნქციას. აუმჯობესებს  ნივთიერებათა ცვლას ქსოვილებში და ზრდის ადგილობრივ იმუნიტეტს. ამგვარად ზღვის წყალს გააჩნია უნიკალური სამკურნალო და საპროფილაქტიკო თვისებიბი, არ აქვს ასაკობრივი შეზღუდვა, და უკუჩვენება.  

აღწერა:
გამჭვირვალე უფერო სითხე

გამოშვების ფორმა :
სპრეი ნაზალური

მარილის იზოტონური შემცველობის ზღვის წყლით:  NaCI 9გ/ლ

1. აქვალორი ბეიბი 15 მლ წვეთები, სპრეი 125 მლ

2. აქვალორ სოფტი სპრეი 125 მლ

3. აქვალორ ნორმი სპრეი 125 მლ

მარილის ჰიპერტონული  შემცველობის ზღვის წყლით: NaCI 21გ/ლ

1. აქვალორ ფორტე სპრეი  125 მლ

2.აქვალორ ექსტრა ფორტე  სპრეი 125 მლ

აქვალორში შენარჩუნებულია ზღვის წყლის ყველა აქტიური ნივთიერება და მიკროელემენტი: K, Mg, Na, Ca, Cl, Se, I, Zn, Cu, Fe

თვისებები:

– გამორეცხავს ცხვირის ღრუდან  ვირუსებს  ბაქტერიებსა  და ალერგენებს.

– ამცირებს ცხვირ-ხახის ლორწოვანის ანთებას, და ხელს უწყობს სუნთქვის აღდგენას

– ახდენს ანთების საწინააღმდეგო და დამატენიანებელ მოქმედებას

– აძლიერბს ადგილობრივ იმუნიტეტს

– აძლიერებს მოციმციმე ეპითელიუმის ბარიერულ ფუნქციას, და ხელს უწყობს ლორწოვანი ფიზიოლოგიური მდგომარეობის შენარჩუნებას

– ამცირებს ცხვირ- ხახის მიდამოში ჩატარებული ოპერაციის შემდგომი გართულებების განვითარების რისკს

– ზრდის სამკურნალწამლო  საშუალებების (დეკონგესტანდები, ანტიბიოტიკები, ალერგიის საწინააღმდეგო)

თერაპიულ ეფექტურობას

ჩვენებები:

ცხვირის ღრუს, ცხვი ხახისა და ცხვირი დანამატი ღრუების  მწვავე და ქრონიკული დაავადებების მკურნალობა და პროფილაქტიკა

– მწვავე და ქრონიკული რინიტები

– მწვავე და ქრონიკული სინუსიტები

– მწვავე და ქრონიკული ადენოიდიტი

– ალერგიული და ვაზომოტორული რინიტი

– სუბატროფიული რინიტი ( ცხვირის ლორწოვანის სიმშრალე)

– მწვავე რესპირატორული დაავადებებისა და გრიპის კომპლექსური მკურნალობა

– ცხვირ ხახისა და ცხვირის ღრუს ყოველდღიური ჰიგიენა

– გრიპის ეპიდსეზონის  განმავლობაში პროფილაქტიკური ღონისძიებები

– ოპერაციის შემდგომი პერიოდი

1. აქვალორი ბეიბი 15 მლ წვეთები,  სპრეი 125 მლ  ბავშვებისთვის სიცოცხლის პირველივე დღეებიდან, 

     გამოფრქვევა – რბილი შხაპი. შესასხურებელი დაცულია სპეციალური რგოლით რომელიც გამორიცხავს 

     ბავშვის ცხვირის ღრუს ტრავმირების შესაძლებლობას

2. აქვალორ სოფტი  სპრეი 125 მლ  დიდებისა და პატარებისათვის 6 თვიდან. გამოფრქვევა – შხაპი. 

3. აქვალორ ნორმი სპრეი 125 მლ  დიდებისა და პატარებისათვის 6 თვიდან. გამოფრქვევა – შხაპი. ინტენსიური 

    გამორეცხვა ნაკადით.

4. აქვალორ ფორტე სპრეი  125 მლ  ბავშვებისათვის 2 წლის ზემოთ და მოზრდილთათვის. გამოფრქვევა შხაპი.

    რეკომენდებული ცხვირის  ძლიერი  გაჭედილობის დროს

5. აქვალორ ექსტრა ფორტე  სპრეი 125 მლ  დამატებით შეიცავს Aლოე Vერა – ს  და გვირილას  ექსტრაქტს ,  

    რომლებიც აძლიერებენ ზღვის წყლის ანტისეპტიკურ, ანთებისსაწინააღმდეგო და აღმდგენ თვისებებს.    

    გამოფრქვევა  ნაკადი

ორსულობა და ლაქტაცია არ წარმოადგენს  აქვალორის გამოყენების უკუჩვენებას.

გვერდითი მოვლენები გამოვლენილი არ არის

გაიცემა ურეცეპტოდ