კვადრიცა 10 10მგ #30ტ

კვადრიცა 10
(QUADRICA 10)

ზოგადი დახასიათება:
არაპატენტირებული საერთაშორისო დასახელება: ლიზინოპრილი;

ძირითადი ფიზიკურ-ქიმიური თვისებები:
მკრთალი ვარდისფერი (კვადრიცა 10) და თეთრი ან მოთეთრო ფერის (კვადრიცა 20), მრგვალი ფორმის, ბრტყელი ზედაპირის მქონე შემოუგარსავი ტაბლეტები, ნაზოლითა და ჭდით.

შემადგენლობა:
1 შემოუგარსავი ტაბლეტი შეიცავს: ლიზინოპრილს – 10 მგ ან 20 მგ-ს.
დამხმარე ნივთიერებები: ლაქტოზა, პოვიდონი, სიმინდის სახამებელი, ნატრიუმის სახამებლის გლიკოლატი, მაგნიუმის სტეარატი, გასუფთავებული ტალკი, საღებავი კარმოიზინი (კვადრიცა 10), ტიტანის დიოქსიდი (კვადრიცა 20).

გამოშვების ფორმა:
შემოუგარსავი ტაბლეტი, 10 მგ ან 20 მგ.

ფარმაკოლოგიური ჯგუფი:
ანტიჰიპერტენზიული საშუალება. აგფ ინჰიბიტორი. C09AA03.

ფარმაკოლოგიური თვისებები:
კვადრიცა წარმოადგენს ანგიოტენზინ-გარდამქმნელი ფერმენტის ინჰიბიტორს, რომელიც ხასიათდება ჰიპოტენზიური მოქმედებით. იგი თრგუნავს ანგიოტენზინ I-დან ანგიოტენზინ II-ის წარმოქმნას, ამცირებს ანგიოტენზინ II-ის ვაზოკონსტრიქციულ ეფექტს და თირკმელზედა ჯირკვალში ალდოსტერონის გამომუშავებას. ლიზინოპრილის მოქმედების ფონზე მცირდება სისხლძარღვთა საერთო პერიფერიული წინააღმდეგობა, პრე- და პოსტდატვირთვა გულზე, იზრდება გულის წუთმოცულობა მისი შეკუმშვათა სიხშირის ცვლილების გარეშე, მცირდება არტერიული წნევა.
ლიზინოპრილის მოქმედების ხანგრძლივობა საშუალოდ შეადგენს 24 სთ-ს.

ფარმაკოკინეტიკა:
პერორალური მიღებისას ლიზინოპრილი აბსორბირდება კუჭ-ნაწლავის ტრაქტიდან. საკვების მიღება გავლენას არ ახდენს მის შეწოვაზე. მისი ბიოშეღწევადობა შეადგენს
20-50%. პრეპარატის Cmax სისხლის პლაზმაში მიიღწევა დაახლოებით 7 სთ-ში. იგი არ უკავშირდება პლაზმის ცილებს და არ განიცდის ბიოტრანსფორმაციას. პრეპარატის ნახევარგამოყოფის პერიოდი შეადგენს 12 სთ-ს. ლიზინოპრილი გამოიყოფა შეუცვლელი სახით თირკმელების საშუალებით.

ჩვენება:
– არტერიული ჰიპერტენზია (მათ შორის რენოვასკულური);
– გულის ქრონიკული უკმარისობა (კომბინირებული თერაპიის შემადგენლობაში);
– მიოკარდიუმის მწვავე ინფარქტი (პაციენტებში სტაბილური ჰემოდინამიური მაჩვენებლებით, პირველ დღეებში);
– დიაბეტური ნეფროპათია.

მიღების წესი და დოზირება:
დოზის შერჩევა ხდება ინდივიდუალურად.
არტერიული ჰიპერტენზიის დროს: საწყისი დოზა შეადგენს 10 მგ-ს დღეში ერთხელ, შემანარჩუნებელი _ 20 მგ-ს დღეში ერთხელ, მაქსიმალური დღიური დოზა _ 40 მგ-ს.
ლიზინოპრილით მკურნალობის დაწყებამდე 2-3 დღით ადრე საჭიროა დიურეზული საშუალებების მოხსნა და წყლისა და ელექტროლიტების ბალანსის აღდგენა. პრეპარატის სრული თერაპიული ეფექტი ვლინდება მკურნალობის დაწყებიდან 2-4 კვირის შემდეგ.
გულის ქრონიკული უკმარისობის დროს: ლიზინოპრილით მკურნალობა იწყება მცირე დოზით. მისი შემანარჩუნებელი დოზა შეადგენს 5-20 მგ/დღეში. გულის უკმარისობის დროს შესაძლებელია ლიზინოპრილის, დიურეზული საშუალებების და გლიკოზიდების კომბინაცია.
თირკმლის უკმარისობის დროს: პრეპარატის საწყისი დოზა განისაზღვრება კრეატინინის კლირენსის გათვალისწინებით, ხოლო შემანარჩუნებელი დოზა დგინდება არტერიული წნევის მაჩვენებლებით (თირკმლის ფუნქციის, სისხლის პლაზმაში კალიუმის და ნატრიუმის კონტროლით).
კვადრიცა ინიშნება დღეში ერთხელ დილას, ჭამის წინ ან ჭამის შემდეგ, სასურველია ერთსა და იმავე დროს.

გვერდითი მოვლენები:
ცნს-ის მხრივ: თავბრუსხვევა, თავის ტკივილი;
კუჭ-ნაწლავის ტრაქტის მხრივ: დიარეა, გულისრევა, ღებინება;
სასუნთქი სისტემის მხრივ: მშრალი ხველა;
გულ-სისხლძარღვთა სისტემის მხრივ: არტერიული ჰიპოტენზია, ტკივილი მკერდის ძვლის უკან, ტაქიკარდია;
სისხლმბადი სისტემის მხრივ: აგრანულოციტოზი, ჰემატოკრიტისა და ჰემოგლობინის მაჩვენებლების შემცირება, ცალკეულ შემთხვევაში ედს-ის მომატება;
ალერგიული რეაქციები: გამონაყარი კანზე, ანგიონევროზული შეშუპება;
ლაბორატორიული მაჩვენებლების მხრივ: ჰიპერკალემია, სისხლში კრეატინინის და შარდოვანას აზოტის მაჩვენებლების მატება (განსაკუთრებით თირკმლის დაავადებების, შაქრიანი დიაბეტის, რენოვასკულური ჰიპერტენზიის ფონზე).

უკუჩვენება:
მომატებული მგრძნობელობა პრეპარატის მიმართ, ანგიონევროზული შეშუპება აგფ ინჰიბიტორებით მკურნალობის დროს, თირკმლის ფუნქციის გამოხატული დარღვევები, თირკმლის არტერიების ორმხრივი სტენოზი ან ცალი თირკმლის არტერიის სტენოზი პროგრესირებადი აზოტემიით, თირკმლის ტრანსპლანტაციის შემდგომი პერიოდი, აზოტემია, ჰიპერკალემია, პირველადი ალდოსტერონიზმი, აორტის სტენოზი და სისხლის მიმოქცევის დაბრკოლება, კვინკეს შეშუპება.
პრეპარატის გამოყენება ბავშვებში დაუშვებელია.

ურთიერთქმედება სხვა სამკურნალო საშუალებებთან:
ლიზინოპრილისა და კალიუმის შემნახველი დიურეზული საშუალებების (სპირონოლაქტონი, ტრიამტერენი, ამილორიდი), აგრეთვე კალიუმის პრეპარატების ერთდროული გამოყენებისას იზრდება ჰიპერკალემიის განვითარების რისკი (განსაკუთრებით თირკმლის ფუნქციის დარღვევის მქონე პაციენტებში). აღნიშნული კომბინაციები ინიშნება სიფრთხილით, სისხლის პლაზმაში კალიუმის დონისა და თირკმლის ფუნქციის კონტროლის ქვეშ.
ლიზინოპრილის და დიურეზული ან ანტიჰიპერტენზიული საშუალებების ერთდროული გამოყენებისას აღინიშნება სინერგიული ჰიპოტენზიური ეფექტი.
ანთების საწინააღმდეგო არასტეროიდული საშუალებები (განსაკუთრებით ინდომეტაცინი) ამცირებენ კვადრიცას ჰიპოტენზიურ მოქმედებას.
კვადრიცამ შესაძლოა გააძლიეროს ეთანოლის მოქმედება, ხოლო ლითიუმის პრეპარატებთან კომბინაციაში _ შეაფერხოს ორგანიზმიდან ლითიუმის ელიმინაცია.

ჰიპერდოზირება:
დოზის გადაჭარბება იწვევს არტერიულ ჰიპოტენზიას.
მკურნალობა: წყლისა და ელექტროლიტების ბალანსის აღდგენა, საჭიროებისას _ სიმპტომური თერაპია.

ორსულობა და ლაქტაცია:
პრეპარატის მიღება ორსულობის (განსაკუთრებით I და II ტრიმესტრი) და ლაქტაციის პერიოდში დაუშვებელია.

გამოყენების თავისებურებები:
ლიზინოპრილით მკურნალობის დაწყებამდე მოსალოდნელი არტერიული ჰიპოტენზიის თავიდან ასაცილებლად საჭიროა წყლის და ელექტროლიტების დანაკარგის კომპენსირება.
პრეპარატი განსაკუთრებული სიფრთხილით ინიშნება თირკმლის ფუნქციის დარღვევის დროს, სალურეზული საშუალებებით და ანტიდეპრესანტებით მკურნალობისას, ასევე ხანდაზმულ პაციენტებში.
კვადრიცათი მკურნალობის პერიოდში საჭიროა პერიფერიული სისხლის სურათის ლაბორატორიული კონტროლი.

შეფუთვა:
10 ტაბლეტი კონტურულ უჯრედოვან შეფუთვაში, 3 კონტურული შეფუთვა მუყაოს კოლოფში.

შენახვის პირობები:
ინახება არა უმეტეს 25°C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა :
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი, ჭირნახულის ქ. 14.

ანსარა 100 100მგ #4ტ

ანსარა 50/100
Ansara 50/100

პრეპარატის სავაჭრო დასახელება: ანსარა 50/100
საერთაშორისო არადაპატენტებული დასახლება: სილდენაფილის ციტრატი ტაბლეტები 50/100მგ
სამკურნალწამლო ფორმა: ტაბლეტები
შემადგენლობა:
თითოეული აპკიანი გარსით დაფარული ტაბლეტი შეიცავს:
სილდენაფილის ციტრატი აშშფ
50/100 მგ სილდენაფილის ექვივალენტური
ფარმაკოთერაპიული ჯგუფი: უროლოგიური პრეპარატები. ერექციული დისფუნქციის დროს გამოყენებული პრეპარატები
ათქ კოდი: G04BE03
ფარმაკოლოგიური თვისებები
ფარმაკოდინამიკა
in vitro კვლევებმა აჩვენა, რომ სოლდენაფილი არის სელექციური PDE5-სთვის, რომელიც ჩართულია ერექციის პროცესში. მისი ეფექტი უფრო მძლავრია PDE5-ზე ვიდრე სხვა ცნობილ ფოსფოდიესთერაზებზე. არსებობს 10-ჯერ მაღალი სელექციურობა PDE6-ზე, რომელიც ჩართულია ფოტოტრასნდუქციის გასავალში ბადურაში. მაქსიმალური რეკომენდებული დოზებით 80-ჯერ მაღალი სელექციურობა აქვს ვიდრე PDE1-ზე და დაახლოებით 700-ჯერ მაღალი ვიდრე PDE2-ზე, 3, 4, 7, 8, 9, 10 და 11. კონკრეტულად, სილდენაფილს აქვს 4000-ჯერ უფრო მაღალი არჩევითობა PDE5-თვის PDE3-თან შედარებით, ციკლური ადენოზინ-მონოფოსფატის სპეციფიკური ფოსფოდიესთერაზას იზოფორმა რომელიც ჩართულია გულის შეკუმშვადობის კონტროლში.
ფარმაკოკინეტია
აბსორბცია
სილდენაფილი სწრაფად შეიწოვება., მაქსიმალური პალზმური კონცენტრაცია მიიღწევა 30-120 წუთის განმავლობაში (საშუალო 60 წუთი) უზმოზე ორალური დოზის მიღებისას საშუალო აბსოლუტური ბიოშეღწევადობა არის 41% (დიაპაზონი 25-63%). სილდენაფილის ორალური მიღების შემდეგ AUC და Cmax იზრდება დოზის პროპორციულად, რეკომენდებული დოზის დიაპაზონის ზემოთ (25-100 მგ)
სილდენაფილის საკვებთან ერთად მიღებისას, აბსორბციის მაჩვენებლი მცირდება Cmax-ის 60 წუთიანი საშუალო შემცირებით და Cmax-ის 29% საშუალო შემცირებით.
განაწილება
განაწილების საშუალო წონასწორული მოცულობა (V_d) არის 1051, რაც მიუითითებს ქსოვილებში განაწილებაზე. 100 მგ ერთჯერადი ორალური დოზის მიღების შემდეგ სილდენაფილის მაქსიმალური ტოტალური პლაზმური კონცეტრაცია არის დაახლოებით 440 ნგ/მლ (CV 40%). იმის გამო, რომ სილდენაფილი (და მისი მთავარი მოცირკულირე N-დისმეთილ მეტაბოლიტი) 96%-ით უკავშირდება პლაზმის პროტეინებს, ეს იწვევს 18ნგ/მლ (38ნმ) სილდენაფილის საშუალო მაქსიმალურ თავისუფალ პლაზმურ კონცეტრაციას. პროტეინებთან კავშირი არ არის დამოკიდებული პრეპარატის ტოტალურ კონცეტრაციაზე.
ბიოტრანსფორმაცია
სილდენაფილი პრედომინანტურად გამოიყოფა CYP3A4 (ძირითადი გზა) და CYP2C9 (უმნიშვნელო გზა) ღვიძლის მიკროსომალური იზოფერმენტებით, მთავარი მოცირკულირე მეტაბოლიტი მომდინარეობს სილდენაფილის N-დიმეთილაციიდან. ამ მეტაბოლიტს აქვს ფოსფოდოესთერაზას არჩევითი პროფილი, რომელიც სილდენაფილის მსგავსია და in vitro სიმძლავრე PDE5-თვის საწყისი სამკურნალო საშუალების დაახლოებით 50%-ით. ამ მეტაბოლიტის პლაზმური კონცეტრაცია არის დაახლოებით 40%. N-დიმეთილ მეტაბოლიტი შემდეგში მეტაბოლიზდება დაახლოებით 4 საათიანი საბოლოო ნახევარდაშლის პერიოდით.

ელიმინაცია
სილდენაფილის სხეულის საერთო კლირენსი არის 41ლ/სთ, 3-5 საათიანი შედეგობრივი საბოლოო ფაზური ნახავარდაშლის პერიოდით. ორალური ან ინტრავენური ადმინისტრირების შემდეგ სილდენაფილი გამოიყოფა მეტაბოლტების სახით ფეკალურ მასებში (შეყვანილი ორალური დოზის დაახლოებით 80%) და ნაკლები მოცულობით შარდში (შეყვანილი ორალური დოზის დაახლოებით 13%).

ჩვენებები
ანსარა-50/100 არის ფოსფოდიესთეარზას-5 (PDE5) ინჰიბიტორი, რომელიც ნაჩვენებია ერექციული დისფუქნციის სამკურნალოდ.

უკუჩვენებები
• ანსარა 50/100 დანიშვნა პაციენტებში რომლებიც იღებენ აზოტის ოქსიდის დონორებს, როგორიც არის ორგანული ნიტარტები ან ორგანული ნიტრიტები ნებისმიერი ფორმით. ანსარა 50/100 აჩვენა, რომ აძლიერებს ნიტრატების ჰიპოტენზიურ ეფექტს.
• ცნობილი ჰიპერმგრძნობელობა სილდენაფილის ან ტაბლეტის ნებისმეირი კომპონენტის მიმართ

დოზირება და მიღების წესები

• პაციენტების უმრავლესობისთვის რეკომენდებული დოზა არის 50 მგ, რომელიც მიიღება საჭიროების შემთხვევაში სქესობრივ აქტივობამდე დაახლოებით 1 საათით ადრე. თუმცა ანსარა 50/100 მიღება შეიძლება ნებისმიერ დროსაც, სქესობრივ აქტივობამდე 30 წუთიდან 4 საათამდე.
• ეფექტურობაზე და ტოლერანტობაზე დაყრდნობით შეიძლება დოზის გაზრდა მაქსიმუმ 100 მგ-მდე ან შემცირება 25 მგ-მდე.
• მაქსიმალური რეკომენდებული დოზირების სიხშირე არის დღეში ერთხელ.

სიფრთხილის ზომები
• პაციენტებმა არ უნდა გამოიყენონ ანსარა 50/100 მგ თუ არ არის რეკომენდებული სქესობრივი აქტივობა კარდიოვასკულარული დაავადების გამო.
• თუ ერექცია 4 საათზე ხანგრძლივია პაციენტებმა უნდა მიიღონ გადაუდებელი მკურნალობა. ანსარა 100 სიფრთხილით გამოიყენება პაციენტებში რომლებიც წინსსწარგანწყობილი არიან პრიაპიზმის მიმართ.
• პაციენტებმა უნდა შეწყვიტონ ანსარა 50/100 და მიიღონ ექიმის კონსულტაცია თუ ერთ ან ორივე თავლში გამოვლინდა მხედველობის უცაბედი დაკარგვა, რომელიც შეიძლება იყოს არაარტერიული წინა იშემიური ოპტიკური ნეიროპათია. ანასრა 50/10 გამოყენება უნდა მოხდეს დიდი სიფრთხილით, და როდესაც მოსალოდნელი სარგებელი აჭარბებს რისკს, პაციენტებში, რომლებსაც ანამნეზში აქვთ არა არტერიული წინა იშემიური ოპტიკური ნეიროპათია. პააციემტები, რომლებსაც აქვთ “გადავსებული” ოპტიკური დისკი შეიძლება ასევე იმყოფებოდნენ არა არტერიული წინა იშემიური ოპტიკური ნეიროპათიის რისკი ქვეშ.
• პაციენტებმა უნდა შეწყვიტონ ანსარა 50/100 და მიიღონ სასწრაფო სამედიცინო კონსულტაცია თუ მოხდა სმენის უცაბედი დაქვეითება ან შეწყვეტა.
• სიფრთხილის გამოჩენაა საჭირო როდესაც ანსარა 50/100 მიღება ხდება ალფა ბლოკერებთან ან ანტიჰიპერტენზიულ საშუალებებთან ერთად. ერთდროულმა გამოყენებამ შეიძლება გამოიწვიოს ჰიპოტენზია
• სისხლის წნევის შემცირება, სინკოპე, და გახანგრძლივებული ერექცია შეიძლება გამოვლინდეს სილდენაფილის მაღალი ექსპოზიციის დროს. თუ პაციენტები იღებენ მძლავრ CYP ინჰიბიტორებს, როგორიცაა რიტონავირი, სილდენაფილის ექპოზიცია იზრდება. რეკომენდებულია ანსარა 50/100 დოზირების შემცირება.

გვერდითი ეფექტები
ყველაზე გავრცელებული გვერდითი რეაქციები (≥ 2%) (მოიცავს თავის ტკივილს, სისხლის მოწოლას, დისპეფსიას, მხედველობის დარღევევას, ცხვირის გაჭედვას, ზურგში ტკივილს, მიალგიას, თავბრუსხვევას და გამონაყარს.

დოზის გადაჭარბება
800 მგ-მდე ერთჯერადი დოზების გამოყენებისას ჯანმრთელ მოხალისეებში კვლევებში, გვერდითი რეაქციები ჰგავდა რეაქციებს, რომლებიც გამოიწვია დაბალმა დოზებმა, მაგრამ ინციდენტობის შემთხვევები და სიმწვავე გაიზრდა.
დოზის გადაჭარბების შემთხვევაში საჭიროებისას გამოყენებული უნდა იქნას სტანდარტული შემანარჩუნებელი ღონისძიებები. თირკმლის დიალიზი სავარაუდოდ არ დააჩქარებს კლირენს, ვინაიდან სილდენაფილი მაღალი ხარისხით უკავშირდება პლაზმის პროტეინებს და არ გამოიყოფა შარდში.

სხვა პრეარატებთან ურთიერთქმედება
• ანსარა 50/100 შეიძლება გააძლიეროს ნიტარტების, ალფა ბლოკერების და ანტიჰიპერტენზიული საშაულებების ჰიპოტენზიური ეფექტები.
• ალფა ბლოკერებთან ერთად გამოყენებსიას, ანსარა 50/100 უნდა დაიწყოს 25 მგ დოზით.
• CYP3A4 ინჰიბიტორები (მაგალითად რიტონავირი, კეტოკონაზოლი, იტრაკონაზოლი, ერითრომიცინი): ზრდიან ანსარა 50/100 ექსპოზიციას.
• რიტონავირი: არ გადააჭარბოთ 25 მგ მაქსიმალურ ერთჯერად დოზას 45 საათიან პერიოდში.
• ერითრომიცინი ან მძლავრი CYP3A4 ინჰიბიტორების (მაგალითად კეტოკონაზოლი, იტრკონაზოლი, საქვინავირი) საწყისი დოზა უნდა იყოს 25მგ

სათავსის ხასიათი და შემცველობა
4 ტაბლეტი შეფუთულია ბლისტერულ სტრიპში ჩანართთან ერთად.

შენახვის პირობები
ინახება 25°C.
ინახება სინათლისგან და ნესტისგან დაცულ ადგილზე

გაცემის წესი:
ფარმაცევტული პროდუქტის ჯგუფი III ჯგუფი, გაიცემა რეცეპტის გარეშე
მწარმოებელი

Biodeal Pharmaceuticals Pvt. Ltd.

Nalagarh-Ropar Road, Nalagarh,

H.P., INDIA-174101

კალკური #20ტ

შემადგენლობა: ტაბლეტები #20
ფხვნილი: ექსტარქტი:

Saxifraga ligulata -150 mg Parmelia perlata-150 mg
Boerhaavia diffusa -75 mg Crataeva nurvala-150 mg
Saccharum officinarum -75 mg Tribulus terrestris-75 mg
Hazarat Yahud Pishti – 37.5 mg Picrorrhiza kurrooa-75 mg
Yavakshar -15 mg Tinospora cordifolia-75 mg

კონკრემენტების წარმოქმნის ხელშემწყობი ფაქტორები:
– მემკვიდრული მიდრეკილება
– ენდემიური ფაქტორები (წყალი გაჯერებული მინერალებით)
– საკვებში ა ვიტამინის უკმარისობა
– მეტაბოლური დისბალანსი, დაკავშირებული პურინების ჭარბ მიღებასთან (კაკაო, შოკოლადი..)
– ჰიპერპარათირეოდიზმი (ფარისებრი ჯირკვლის ჰიპერფუნქცია) და ჰიპოკალცემია
– ხანგრძლივი წოლითი რეჯიმი ძვლების და ხერხემლის დაავადებების დროს, პოლიომილელიტი, თირკმლის ტუბულარული აციდოზი (ინტოქსიკაცია მჟავებით), დ ვიტამინის ჭარბი მიღება.
– სისხლში კოლოიდური დისბალანსი.

ბალახეული კომპონენტების ზემოქმედება:
ლიტოტრიფსიული მოქმედება:
Saxifraga ligulata, Crataeva nurvala, Parmelia perlata, Tribulus terrestris, Yavakshar.
ანტიანთებითი მოქმედება:
Tribulus terrestris, Boerhaavia diffusa
დიურეზული მოქმედება:
Yavakshar, Saxifraga ligulata, Boerhaavia diffusa, Saccharum officinarum, Tribulus terrestris
შარდსასქესო გზებში წვის და კრისტალიზაციის საწინააღმდეგო, ტკივილგამაყუჩებელი მოქმედება:
Boerhaavia diffusa, Saccharum officinarum, Tribulus terrestris, Yavakshar
კალკური სამკურნალო ეფექტები:
1. ლიტოტრიფსიული მოქმედება ( ქვების დეზინტეგრაცია, დაშლა)
2. დაშლილი ქვების გამოდევნა დიურეზის და საშარდე გზების პერისტალტიკის გაძლიერების ხარჯზე
3. სპაზმოლიზური მოქმედება: თირკმლის კოლიკის სიხშირის შემცირება და უკეთესი ამტანობა( ტკივილის შემსუბუქება)
4. ანტისეპტიკური მოქმედება: სტრანგურიის (მტკივნეული შარდვის) სიხშირის შემცირება, ტემპერატურის ნორმალიზება ცისტიტის და პიელიტის დროს
5. კონკრემენტების განმეორებითი წარმოქმნის პრევენცია (ლიტოტრიფსიის შემდგომ)
6. ორგანიზმის დამცველი ძალების გაძლიერება
ჩვენება:

• შარდკენჭოვანი დაავადება
• არასპეციფიური ურეთრიტი
• შარდ-სასქესო გზების ინფექციები
• ქვების წარმოქმნის საპროფილაქტიკოდ

დოზირება:
1-2 ტაბლეტი 3-ჯერ დღეში 1-3 თვის განმავლობაში.
ბავშვებში გამოიყენება 5 წლის ზევით 1 ტაბლეტი 2-3 ჯერ დღეში

დეპურატივო 9 ერბე 200მლ ფლ

დეპურატივო 9 ერბე / Depurativo

შემადგენლობა:

• ალოე (ალოე ვერა) გელი ACTIValoeTM) (20%),

• მცენარეული გლიცერინის ექსტრაქტები (არტიშოკი (Cynara scolymus) L.

ფოთლები (არტიშოკი) 6%,

• Silybum marianum L. Gaertner semi (ნარშავი) 5%,

• ბაბუაწვერა ფესვები (ბაბუაწვერა) 4%,

• ოროვანდი. ფესვები (ოროვანდი) 3%,

• ვერბენა ფესვები (ვერბენა) 2%,

• ჭინჭრის ფოთლები L. (ურტიკა დიოიკა) (ჭინჭარი) 2%,

• Juniperus communis L. ნაყოფი (ღვია) 2%,

• არყის ხის L. ფოთლები (არყის ხე) 2%).

• ანისულის 4%

გამოყენების წესი:

14 წლის ზემოთ, ორი კოვზი ჭამის წინ, ან 40 მლ. განაზავეთ (4 სუფრის კოვზის ტოლი)

ნახევარ ლიტრ ნატურალურ წყალში და მიიღეთ დღის განმავლობაში. გამოყენების

ხანგრძლივობა 10 დღე თვეში, 1-3 თვის განმავლობაში.

გამწმენდი 9 მცენარე:

ჩვენებები:

• გასტრიტი

• გასტროენტერიტი

• წყლულოვანი კოლიტი

• ღვიძლის ტოქსიური დაზიანება

• ქრონიკული ჰეპატიტი (არა ვირუსული)

• ღვიძლის ციროზი და სტეატოზი

• ქოლანგიტი

• სანაღვლე გზების დისკინეზია

• შარდ-კენჭოვანი დაავადება

• სხეულის წონის კორექცია

• ქოლეცისტოპანკრეატიტი

შეინახეთ სინათლისგან მოშორებით. გამოყენებამდე შეანჯღრიეთ. პროდუქტმა, რომელიც ნატურალურია, შეიძლება გაიკეთოს მცირედი დანალექი, რომელიც არანაირად არ იმოქმედებს მის თვისებაზე.

შეფუთვა: 200 მლ. ფლაკონი

დენეფრინი 500მლ ორალ/ხსნ

~~56.35 ლარი~~
52.96 ლარი

ქვეყანა: თურქეთი

მწარმოებელი: იენ ფარმა

გაცემის ფორმა: III ჯგუფი ურეცეპტო

ბურგეონი 300მლ სიროფი*

Burgeon

(ბურგეონი)

შემადგენლობა:

პერორალურად მისაღები ხსნარის ყოველი 100 მლ შეიცავს:

Cranberry (Vaccinium macrocarpon)- შტოში (წითელი მოცვი)..500მგ

Betula alba(Betula pendula)- არყის ხე…………………………………280მგ

Equisetum arvense ( Horsetail)- მინდვრის შვიტა……………………..500მგ

Opuntia ficus-indica(Prickly pear)- ოპუნცია (კაკტუსი)……………………………170მგ

Arctostaphylos uva-ursi(Bearberry)-დათვის კენკრა…………………………………170მგ

Cynodon dactylon(Bermuda grass)-ბერმუდის ბალახი……………………………..170მგ

Melissa officinalis ( Lemon balm)-მელისა, სამკურნალო ფოთლები………….170მგ

Rosmarinus officinalis(Rosemary)-როზმარინი, სააფთიაქო ფოთლები……..170მგ

დამხმარე ნივთიერებები:წყალი,სორბიტოლი,ქსილიტოლი,გლიცერინი,ქსანტინი,კალიუმის სორბატი, ნატრიუმის ბენზოატი,ლიმონმჟავა,მარწყვის არომატი.

ფარმაკოლოგიური თვისებები:

ბურგეონი მცენარეული წარმოშობის კომბინირებული პრეპარატია.მას გააჩნია ერთდროულად ნეფროლითოლიზური და ანტიმიკრობული მოქმედება. ნეფროლითოლიზური მოქმედება გამოიხატება თირკმელებში კენჭების დაშლის უნარით. ასევე გამოყოფს ორგანიზმიდან სხვადასხვა მარილებს(ოქსალატები,ფოსფატები,შარდოვანა). ანტიმიკრობული თვისება გამოიხატება დამთრგუნველი მოქმედებით თირკმელებში და შარდგამომყოფ გზებში მოხვედრილ პათოგენურ და პირობითპათოგენურ მიკრობების ზრდასა და განვითარებაზე.როგორც კომბინირებული პრეპარატი ბურგეონი ავლენს დიურეზულ,სპაზმოლიზურ,ლითიოლიზურ,ანთებისსაწინააღმდეგო,ნაღვლმდენ და ანტიოქსიდაციურ მოქმედებას.

ბურგეონი აძლიერებს თირკმელების და შარდგამომყოფ სისტემის სისხლით მომარაგებას, ამრიგად ავლენს ანთებისსაწინააღმდეგო და შარდმდენ თვისებებს. ბურგეონი შარდში მნიშვნელოვნად ამცირებს კენჭების წარმომქმნელ ელემენტების კონცენტრაციას (კალციუმი,მჟავუნა,ჰიდროქსიპროლინი) და ამაღლებს კენჭების წარმომქმნელ პროცესის მაინჰიბირებელი ელემენტების დონეს(კალიუმი,ნატრიუმი,მაგნიუმი). შარდგამომყოფ სისტემის ინფექციების დროს ბურგეონი აძლიერებს ანტიბიოტიკოთერაპიის ეფექტს,ანორმალიზებს შარდის გამოყოფას,ამცირებს ტკივილს და გამწვავების განმეორებით რისკს.

ბურგეონს გააჩნია ორგანიზმის მიერ კარგი ამტანობა,შესაძლებელია პრეპარატის ხანგრძლივი მიღება ანტიბიოტიკებთან კომბინაციშიც.

Cranberry—წითელი მოცვი—აქვს გამოხატული ბაქტერიოციდული და შარდმდენი ეფექტი და გამოიყენება პიელონეფრიტის დროს.წითელი მოცვი იცავს შარდსასქესო სისტემას ინფექციებისაგან.მოცვი შეიცავს პროანტოციანიდინის ელემენტებს,რომლებიც ხელს უშლიან ბაქტერიების ზრდასა და განვითერებას შარდსასქესო სისტემის უჯრედებში.

წითელი მოცვი შეიცავს მრავალ ანტიოქსიდანტებს და გააჩნია ანტისიმსივნური და ანთებისსაწინააღმდეგო თვისებები.

Betula alba—-არყის ხე—-მას გააჩნია შარდმდენი,ნაღვლმდენი,ოფლმდენი,ბაქტერიოციდული,ანტიანთებითი,რეგენერაციული და სისხლის გამასუფთავებელი თვისებები.

ის გამოიყენება:

შარდკენჭოვანი დაავადების,ქრონიკული გასტრიტის,წყლულისა და კუჭნაწლავის სისტემის სხვა დაავადებების დროს.

როგორს დეზინტოქსიკაციური საშუალება -კანის დაავადებების დროს.

შეშუპებისას ,რომელიც წარმოიქმნება გულის ან თირკმელების უკმარისობის დროს.

სასუნთქი სისტემის დაავადებების ,პოდაგრა და რევმატიზმის დროს.

Equisetum arvense—მინდვრის შვიტა—-ძალზედ პოპულარული მცენარეა.ის წარმატებით

გამოიყენება თირკმელების და შარდის ბუშტის დაავადებების დროს,აძლიერებს თირკმელებში გორგლოვან ფილტრაციას, აფერხებს კენჭების წარმოქმნას.

Opuntia ficus-indica—ოპუნცია (კაკტუსი)—გააჩნია სუსტი საფაღარათო თვისება,აუმჯობესებს კუჭის,თირკმელების მდგომარეობას და გამოიყენება როგოც შარდმდენი.

Arctostaphylos uva-ursi—–დათვის კენკრა—ავლენს ანთებისსაწინააღმდეგო და დეზინტოქსიკაციურ თვისებებს შარდის ბუშტის და შარდგამომყოფი გზების ანთების დროს. დათვის კენკრა ასუფთავებს შარდგამომყოფ გზებს ბაქტერიებისგან და ანთების პროდუქტებისგან.

Cynodon dactylon—–ბერმუდის ბალახი—გააჩნია დიურეზული თვისებები.შარდმდენი ეფექტი გამოიხატება დილატაციური მოქმედებით თირკმელების სისხლძარაღვებზე. გამოიყენება შარდის ბუშტის პაპილომას დროს,პიელონეფრიტის,თირკმლკენჭოვანი დაავადების,პროსტატის ჰიპერტროფიის და იმპოტენციის დროს.

Melissa officinalis—მელისა–გამოიყენება კენჭების წარმოქმნისას ნაღვლის ბუშტსა და თირკმელებში.

Rosmarinus officinalis—–როზმარინი—-მსუბუქი მოქმედების დიურეტიკია.

ძალზედ ეფექტურია შეშუპებისას.მეცნიერებმა შეისწავლეს როზმარინის ექსტრაქტის შარდმდენი მოქმედება თირკმელებზე და დაადგინეს,რომ როზმარინის ექსტრაქტის ყოველდღიურმა მიღებამ სითხის სახით მნიშვნელოვნად გააუმჯობესა თირკმელების ფუნქციონირება, გააძლიერა შარდის გამოყოფა და ასევე შეინარჩუნა ორგანიზმისთვის აუცილებელი მიკროელემენტები ( Na,Ka,Cl).ეს მნიშვნელოვანია, რადგან ჩვეულებრივ დიურეტიკებს შეუძლიათ გამოდევნონ ორგანიზმიდან აუცილებელი მიკროელემენტები.

ჩვენებები:

თირკმელებში მარილების (ურატები,ოქსალატები,ფოსფატები,კარბონატები) დიდი რაოდენობით წარმოქმნა.
წვრილი უროლითიაზი.
კენჭების წარმოქმნის რეციდივის პროფილაქტიკა კონკრემენტის მოცილების შემდეგ.
პოდაგრა.
შარდგამომყოფი გზების ინფექციები:ცისტიტი,ურეთრიტი,პიელონეფრიტი.
დიზურიული მოვლენები
შარდის და ნაღვლის გამომყოფი გზების სპაზმი.
სპასტიკური კოლიტი.
ინტოქსიკაციის სხვადასხვა სახე(მედიკამენტოზური,ალკოჰოლური,ნარკოტიკული და კვებითი ინტოქსიკაციები)

უკუჩვენებები:

მომატებული მგრძნობელობა პრეპარატის რომელიმე კომპონენტის მიმართ.

ურთიერთმოქმედება სხვა პრეპარატებთან: არ არის გამოვლენილი.

მიღების წესი და დოზირება:

მიიღება 3 ჯერ დღეში ჭამამდე 30 წთ.ადრე პერორალურად.

სამკურნალო დოზა:

სკოლამდელი ასაკის ბავშვები……. 5მლ 3 ჯერ დღეში

სკოლის ასაკის ბავშვები……………… 5-10 მლ 3 ჯერ დღეში

მოზრდილები……………………………25 მლ 3 ჯერ დღეში

ორსულები……………………………….20 მლ 3 ჯერ დღეში

მკურნალობის კურსი 2-4 კვირა,დოზირება და მკურნალობის კურსი კორეგირდება ექიმის მიერ.

განსაკუთრებული მითითებები:

დოზის გამოტოვების შემთხვევაში არ გააორმაგოდ დოზა შემდეგ მიღებაზე.

ორსულობა და ლაქტაცია:ორსულობის დროს პირველ ტრიმესტრში გამოიხატება გულისრევის შეგრძნება,ღებინება,რომელიც გამოწვეულია ჰორმონების მაღალი დონით სისხლში,ასევე ძლიერდება გაღიზიანებადობა,.აღზნებადობა,,ძლიერდება ჰორმონალური დატვირთვა გულზე,თირკმელებზე და მთლიანად ორგანიზმზე.

იმისათვის რომ მოვახდინოთ პრევენცია ზემოდ ჩამოთვლილი მოვლენებისა ექიმები ორსულობის დროს გვირჩევენ ბურგეონს.

ორსულებში და 12 წლამდე ასაკის ბავშვებში გამოიყენება ექიმის დანიშნულებით.

გვერდითი მოვლენები: არ აქვს გამოხატული რეკომენდირებული დოზების მიღებისას.

შენახვის წესი: ინახება ოთახის ტემპერატურაზე სინათლისა და ნესტისგან დაცულ ბავშვებისგან მიუწვდომელ ადგილზე.

გამოშვების ფორმა:

300მლ პერორალურად მისაღები ხსნარი მუქი ფერის შუშის ფლაკონში,პლასტიკური მზომი ჭიქით მოთავსებული მუყაოს კოლოფში.

მწარმოებელი

Made in EU by Fortex Nutraceuticals LTD

Sofia 1362,str Proxladen,Bulgaria

On behalf of RICH PHARMA –United Kingdom

DISTRIBUTED BY RICH PHARM

ალოპურინოლი 100მგ #50ტ

ალოპურინოლი
ტაბლეტები 0.1 გ

სამკურნალო საშუალების შემცველობა:
მოქმედი ნივთიერება: ალოპურინოლი;
1 ტაბლეტი შეიცავს 0.1 გ ალოპურინოლს;
დამხმარე ნივთიერებები: ლაქტოზას მონოჰიდრატი, მიკროკრისტალური ცელულოზა, სიმინდის სახამებელი, მაგნიუმის სტეარატი.
წამლის ფორმა. ტაბლეტები.
ფარმაკოთერაპიული ჯგუფი.
ალოპურინოლი – პოდაგრის საწინააღმდეგო პრეპარატია, რომელიც თრგუნავს შარდმჟავასა და მისი მარილების სინთეზს ორგანიზმში.

ჩვენებები.
ალოპურინოლი გამოიყენება დაავადებების სამკურნალოდ, რომლებსაც ახლავს ჰიპერურიკემია, პირველადი და მეორადი პოდაგრისას, თირკმლის კენჭოვანი დაავადებისას ურატების წარმოქმნით, პირველადი და მეორადი ჰიპერურიკემიისას, რომელიც არის პათოლოგიური პროცესების დროს, რომლებსაც ახლავს ნუკლეოპროტეიდების გაძლიერებული დაშლა და შარმჟავას შემცველობის მომატება სისხლში, სხვადასხვა ჰემობლასტომების ჩათვლით (მწვავე ლეიკოზი, ლიმფოსარკომა და სხვ.), სიმსივნეების ციტოსტატური და სხივური თერაპიის, ფსორიაზის, კორტიკოსტეროიდული პრეპარატებით მასიური თერაპიის დროს. არსებობს მონაცემები ბავშვებში ეპილეფსიის კომპლექსურ თერაპიაში პრეპარატის გამოყენების შესახებ (სეროტონინის ბიოსინთეზის მომატება).

უკუჩვენებები.
თირკმლის უკმარისობა, ორსულობა და ლაქტაცია, მომატებული მგრძნობელობა პრეპარატის კომპონენტების მიმართ.

სიფრთხილე გამოყენებისას.
მანქანებისა და მექანიზმების მართვის უნარზე ზეგავლენა აღწერილი არ არის.

ურთიერთქმედება სამკურნალო საშუალებებთან.
ალოპურინოლის გამოყენებისას ჰემობლასტით, სიმსივნის საწინააღმდეგო პრეპარატებით (მეტოტრექსატი, მერკაპტოპურინი და სხვ.) მკურნალობის შემთხვევაში გასათვალისწინებელია, რომ ალოპურინოლი არა მხოლოდ თრგუნავს ხსენებული პრეპარატების ენზიმატურ ჟანგვას და აძლიერებს მათ სიმსივნის საწინააღმდეგო აქტივობას, არამედ მნიშვნელოვნად ამაღლებს მათ ტოქსიკურობას. ამიტომ მათი დოზები უნდა შემცირდეს (50%-მდე).
ალოპურინოლის ზეგავლენით ასევე შესაძლებელია არაპირდაპირი მოქმედების ანტიკოაგულანტების, ანტიპირინის, დიფენინის, თეოფილინის ეფექტების (მათ შორის არასასურველი) გაძლიერება, ვინაიდა მათი ინაქტივაცია ღვიძლში ნელდება.
ამპიცილინის პრეპარატებთან ერთად გამოყენებისას იზრდება კანზე გამონაყარის გაჩენის რისკი.
თიაზიდური დიურეზული საშუალებების, ფუროსემიდის, ეტაკრინის მჟავას ზემოქმედებით მცირდება ალოპურინოლის ანტიჰიპერურიკემიული მოქმედება, ვინაიდან ეს პრეპარატები იწვევენ შარდმჟავას დონის მომატებას სისხლის შრატში.
ალოპურინოლის დანიშვნა რკინის შემცველ სამკურნალო საშუალებებთან ერთად არ შეიძლება.

განსაკუთრებული მითითებები.
გასათვალისწინებელია, რომ ალოპურინოლის მიღების შეწყვეტის შემდეგ მე-3-4 დღეს ურიკოზურიისა და ურიკემიის მაჩვენებლები უბრუნდება საწყის მაღალ დონეს, ამიტომ მკურნალობა ხანგრძლივი უნდა იყოს. პრეპარატის მიღებათა შორის 2-3 დღეზე ხანგრძლივი ინტერვალი სასურველი არ არის.
პრეპარატი ფრთხილად მიიღება თირკმლის არამკვეთრად გამოხატული უკმარისობისას (მოზრდილებში დოზით არა უმეტეს 0.2 გ დღეში). ალოპურინოლის გამოყენებისას დიურეზი მოზრდილებში უნდა შენარჩუნდეს არა ნაკლებ 2 ლ დღე-ღამეში. შარდის რეაქცია უნდა იყოს ნეიტრალური ან ტუტე სუსტი, რათა არ მოხდეს კონკრემენტების წარმოქმნა. ამისათვის ალოპურინოლი ინიშნება შარდის მაალკალიზირებელ პრეპარატებთან ერთად.
მკურნალობის დასაწყისში შესაძლო პოდაგრული ართრიტის შეტევების პროფლაქტიკისათვის შეიძლება არასტეროიდული ანთების საწინააღმდეგო საშუალებების ან კოლხიცინის გამოყენება (მოზრდილებში 0.5 მგ 3-ჯერ დღეში).
ალოპურინოლით თერაპიის დასაწყისში აუცილებელია თირკმელების ფუნქციური მდგომარეობის სისტემატური კონტროლის ჩატარება.

გამოყენების წესი და დოზები.
ალოპურინოლი გამოიყენება პერორალურად ჭამის შემდეგ.
დოზები დგინდება სისხლში შარდმჟავას შემცველობის რაოდენობის მიხედვით. დღე-ღამის მინიმალური თერაპიული დოზა მოზრდილებისათვის შეადგენს 0.1 გ, მაქსიმალური – 0.8 გ. ჩვეულებრივ, ზომიერი ჰიპერურიკემიისას (70-100 მგ/ლ-მდე) მოზრდილებში ინიშნება 0.2-0.4 გ დღე-ღამეში 2-3 კვირის განმავლობაში 1-2-ჯერ დღე-ღამეში, შემდეგ ხდება შემანარჩუნებელ დოზაზე გადასვლა (0.2-0.3 გ დღე-ღამეში 2-3 მიღებაზე).
პოდაგრის მძიმე ფორმების დროს და მაღალი ჰიპერურიკემიის დროს (80-100 მგ/ლ-ზე მეტი) მოზრდილებში ინიშნება (არა უმეტეს 0.2 გ მიღებაზე) 0.6-0.8 გ-მდე დღეში 2-4 კვირა, ამის შემდეგ ხდება შემანარჩუნებელ დოზებზე გადასვლა (0.1-0.3 გ დღეში), რომლებიც ხანგრძლივად მიიღება, რამოდენიმე თვის განმავლობაში.
ჰიპერურიკემიის პროფილაქტიკისათვის სიმსივნეების სხივური თერაპიის და ქიმიოთერაპიის დროს დღე-ღამის საშუალო დოზა მოზრდილებისათვის შეადგენს 0.4 გ. პრეპარატი მიიღება 2-3 დღით ადრე თერაპიის დაწყებამდე (ან ერთდროულად) და მიღება გრძელდება კიდევ რამოდენიმე დღის განმავლობაში სპეციფიური თერაპიის დასრულების შემდეგ.
6 წლამდე ასაკის ბავშვებში პრეპარატი ინიშნება დღე-ღამის დოზით 5 მგ/კგ; 6-10 წლის – 10 მგ/კგ დღე-ღამეში, 3-4-ჯერ დღე-ღამეში. ბავშვებში ეპილეფსიის კომპლექსური მკურნალობის დროს პრეპარატის დოზა შეადგენს 4-5 მგ/კგ სხეულის წონაზე (2-ჯერ დღეში, 10-დღიანი კურსებით მათ შორის 1.5-2-თვიანი შესვენებებით).
თუ პრეპარატის დროული მიღება გამოტოვებულია, მაშინ ალოპურინოლის დოზა აუცილებლად უნდა იქნეს მიღებული რაც შეიძლება სწრაფად. თუ შემდეგი მიღება დაგეგმილია 12 საათში ან მეტი, მაშინ ალოპურინოლი დაუყოვნებლივ უნდა იქნეს მიღებული, ხოლო შემდეგი დოზა – დადგენილ დროს. თუ შემდეგი დოზის მიღებამდე დარჩა 12 საათზე ნაკლები, მიღება გამოტოვებული უნდა იქნეს, ხოლო შემდეგ მიღება გაგრძელდება ჩვეულებრივი რეჟიმით.
პრეპარატის ჭარბი დოზის მიღებისას შესაძლოა წარმოიშვას ღებინება, გულისრევა, დიარეა, თავბრუსხვევა, ოლიგურია. მკურნალობა: ფორსირებული დიურეზი და სასწრაფოდ ექიმთან მიმართვა.

გვერდითი ეფექტები.
ალოპურინოლს ახასიათებს კარგი ამტანობა. პოდაგრის დროს მკურნალობის დასაწყისში შესაძლოა განვითარდეს გამწვავება, დაკავშირებული შარდმჟავას მობილიზებასთან პოდაგრული კვანძებიდან და სხვა დეპოებიდან. ცალკეულ შემთხვევებში შესაძლებელია დისპეფსიური მოვლენები – ღებინება, გულისრევა, კუჭის ტკივილი, დიარეა; ალერგიული რეაქციები – გამონაყარი კანზე, ქავილი, ჰიპერემია, იშვიათად – ექსფოლიატური დერმატიტი, ცხელება, ართრალგია; სისხლწარმოქმნის სისტემის მხრივ – ლეიკოპენია, ლეიკოციტოზი, ეოზინოფილია; ნერვული სისტემის მხრივ – ნევრიტები, ძილის დარღვევა, დეპრესია, ამნეზია.

ვარგისიანობის ვადა.
პრეპარატის ვარგისიანობის ვადა – 5 წელი.
ნუ გამოიყენებთ პრეპარატს შეფუთვაზე მითითებული ვარგისიანობის ვადის გასვლის შემდეგ.

შენახვის პირობები.
ინახება მშრალ, სინათლისაგან დაცულ ადგილას. არა უმეტეს 25°C ტემპერატურაზე.
პრეპარატი ინახება ბავშვებისათვის მიუწვდომელ ადგილას.

შეფუთვა.
10 ტაბლეტი კონტურულ დანაყოფებიან შეფუთვაში, 5 დანაყოფებიანი შეფუთვა მოთავსებულია კოლოფში.

გაცემის წესი.
რეცეპტით.

მწარმოებლის დასახელება და მისამართი.
დსს სსც “ბორშჩაგოვსკის ქიმიურ-ფარმაცევტული ქარხანა”.
უკრაინა, 03134, კიევი, მშვიდობის ქ. 17.