წამლის ფორმა:
დრაჟე
შემადგენლობა: 1 დრაჟე შეიცავს 10 მგ ნიფედიპინს
და დამხმარე ნივთიერებებს:
ლაქტოზა                        0.0605გ
სახამებელი                      0.02245გ
მაგნიუმის სტეარატი           0.001გ
პოლივინილპიროლიდონი     0.00605გ
შაქარი                            0.03გ
მაგნიუმის კარბონატი          0,007გ
ტალკი                            0.00047გ
ტიტანის დიოქსიდი            0.0002გ
აეროსილი                       0,0001გ
FD&C Yellow No.5 E 102     0.0001გ

ფარმაკოთერაპიული ჯგუფი:

II კლასის კალციუმის არხების სელექტიური ბლოკატორი.

ფარმაკოლოგიური თვისებები:

ნიფედიპინი აფერხებს კალციუმის შესვლას კარდიომიოციტებში და სისხლძარღვების გლუვკუნთოვან უჯრედებში, რითაც განპირობებულია მისი ანტიანგინალური და ჰიპოტენზიური თვისებები.

ფარმაკოკინეტიკა:

პერორალური მიღების შემდეგ სწრაფად შეიწოვება კუჭ-ნაწლავის ტრაქტიდან.
ღვიძლში ბიოქიმიური გარდაქმნის შემდეგ წარმოიქმნებიან არააქტიური მეტაბოლიტები. ცილებთან შეკვრის ხარისხი შეადგენს 92-98 %. ელიმინაციის ნახევარგამოყოფის პერიოდი შეადგენს 2 საათს. მეტაბოლიტების 20 % გამოიყოფა ნაწლავებით, ხოლო დანარჩენი თირკმელების საშუალებით.

ჩვენებები:
სტენოკარდიული შეტევების პროფილაქტიკა (ვაზოსპაზმური სტენოკარდიის ჩათვლით) ცალკეულ შემთხვევებში სტენოკარდიის შეტევის მოხსნა. არტერიული ჰიპერტენზია, ჰიპერტონული კრიზები; რეინოს დაავადება, ჰიპერტროფიული კარდიომიოპათია.

დოზირების რეჟიმი:
ინდივიდუალური. ხშირ შემთხვევაში საწყისი დოზაა 10 მგ 3-4 ჯერ დღეში. საჭიროებისას დოზა შეიძლება თანდათანობით გაიზარდოს 20 მგ-დე 3-4 ჯერ დღეში. ჰიპერტონული კრიზის და აგრეთვე სტენოკარდიული შეტევის მოსახსნელად შეიძლება 1 ან 2 ტაბლეტის დაღეჭვა.

გვერდითი მოვლენები:
კანის ჰიპერემია, სიმხურვალის შეგრძნება, ტაქიკარდია, არტერიული ჰიპოტენზია, პერიფერიული შეშუპება, კანზე გამონაყარი იშვიათად_ ბრადიკარდია, პარკუჭოვანი ტაქიკარდია, ასისტოლია. გულისრევა, გულძმარვა, ფაღარათი. ხანგრძლივი მიღების შემთხვევაში მოსალოდნელია დისპეფსიური მოვლენები.

ჭარბი დოზირება:
დოზის გადაჭარბებისას: შესაძლებელია გვერდითი მოვლენების გამოხატული გაძლიერება. გადაჭარბებული დოზის მიღებისას მიმართეთ ექიმს.

უკუჩვენებები:
არტერიული ჰიპოტენზია, კოლაფსი, კარდიოგენური შოკი, გულის უკმარისობა, აორტალური სტენოზი, მომატებული მგრძნობელობა ნიფედიპინზე.

ორსულობა და ლაქტაცია:
ნიფედიპინის უსაფრთხოება ამ პერიოდში სრულყოფილად შესწავლილი არ არის. ამიტომ ორსულობის დროს არ არის რეკომენებული აღნიშნული პრეპარატის მიღება.

განსაკუთრებული მითითებები:
ნიფედიპინი ინიშნება მხოლოდ ექიმის მიერ და მისი მეთვალყურეობის ქვეშ.

ბავშვებში გამოყენება:
ნიფედიპინის უსაფრთხოება და ეფექტურობა არ არის სრულად შესწავლილი ბავშვთა ასაკში ამიტომ ამ პრეპარატის გამოყენება არ არის რეკომენდირებული პედიატრიული პაციენტებისთვის

პრეპარატი არ ახდენს გავლენას მანქანა დანადგარებზე მომუშავე პერსონალიზე.

სხვა წამლებთან ურთიერთქმედება:
პრეპარატის ერთდროულ გამოყენებისას ჰიპოტენზიურ საშუალებებთან, ნიტრატებთან და ტრიციკლურ ანტიდეპრესანტებთან აღინიშნება ჰიპოტენზიური ეფექტის გაძლიერება.
ბეტა-ადრენობლოკატორებთან ერთდროულ დანიშვნისას ძლიერდება ჰიპოტენზიური მოქმედება.
ციმეტიდინთან და რანიტიდინთან ერთდროულ გამოყენებისას მატულობს ნიფედიპინის კონცენტრაცია სისხლის პლაზმაში.

შენახვის პირობები და ვადა:
პრეპარატი ინახება ოთახის ტემპერატურაზე, მშრალ სინათლისგან დაცულ ადგილას. შეფუთვაზე მითითებულ შენახვის ვადის გასვლის შემდეგ პრეპარატის გამოყენება არ დაიშვება.
ვარგისობის ვადა 5 წელი
გაცემის რეჟიმი: მხოლოდ ექიმის რეცეპტით
გამოშვების ფორმა: 30 დრაჟე ბლისტერში და მუყაოს კოლოფში.
მწარმოებელი: ფარმაცევტული საწარმო შ.პ.ს. “გამა”
საქართველო. ტელ: 2 109916

საერთაშორისო დაუპატენტებელი სახელწოდება:
დიოსმინი+ჰესპერიდინი, ასკორბინის მჟავა
Diosmine+Gesperidine, Ascorbic acid

წამლის ფორმა:
ტაბლეტები

შემადგენლობა:
ვენოდიოლის 1 ტაბლეტი შეიცავს:

აქტიური ნივთიერება:
დიოსმინი 450 მგ
ჰესპერიდინი 50 მგ
ასკორბინის მჟავა 100 მგ

დამხმარე ნივთიერებები:
ჟელატინი, ნატრიუმის კროსკარმელოზა, მაგნიუმის სტეარატი, მიკროკრისტალური ცელულოზა, გასუფთავებული წყალი.

ათქ კოდი: C05CA53

ფარმაკოთერაპიული ჯგუფი:
კაპილარების კედლის გამტარობის შემამცირებელი პრეპარატები.
ვენოტონური და ანგიოპროტექტორული საშუალება.

ფარმაკოლოგიური მოქმედება:
ვენოდიოლს გააჩნია ვენოტონური და ანგიოპროტექტორული მოქმედება. ის ამცირებს ვენების დაჭიმულობას, ამაღლებს მათ ტონუსს და ამცირებს ვენურ შეგუბებას; ასევე ამცირებს კაპილარების კედლის გამტარობას, “მტვრევადობას” და ზრდის მათ რეზისტენტობას; აუმჯობესებს მიკროცირკულაციას და ლიმფურ უკუდინებას.
ვენოდიოლის შემადგენლობაში შემავალი ასკორბინის მჟავა (C ვიტამინი), აუმჯობესებს სისხლძარღვების ელასტიურობას, ამცირებს კაპილარების კედლის გამტარობას, ხელს უწყობს ნორმალურ სისხლწარმოქმნას, აძლიერებს ორგანიზმის დამცავ ძალებს.
სისტემატიური გამოყენებისას ეს პრეპარატი ამცირებს ქვედა კიდურების ორგანული და ფუნქციური წარმოშობის ქრონიკული ვენური უკმარისობის კლინიკურ გამოვლინებებს.

გამოყენების ჩვენებები:
პრეპარატი ვენოდიოლი გამოიყენება შემდეგ შემთხვევებში:
–  ქვედა კიდურების ორგანული და ფუნქციური წარმოშობის ქრონიკული ვენური უკმარისობისას: ფეხებში სიმძიმის შეგრძნება, ტკივილი, კრუნჩხვები, ტროფიკული დარღვევები;
–  მწვავე ჰემოროიდული შეტევის დროს.

უკუჩვენებები: პრეპარატი უკუნაჩვენებია მისი რომელიმე კომპონენტის მიმართ ჰიპერმგრძნობელობის დროს.

განსაკუთრებული მითითებები:
ბუასილის გამწვავების დროს ვენოდიოლი არ ანაცვლებს ანორექტალური მიდამოს დაავადებების სპეციფიურ მკურნალობას. ჩატარებული მკურნალობის არაეფექტურობის შემთხვევაში, ტარდება დამატებითი გამოკვლევა და ხდება თერაპიის კორექტირება.
ამ პრეპარატის დანიშვნისას იმ პაციენტებში, რომლებსაც აღენიშნებათ ვენური სისხლის მიმოქცევის დარღვევები, პაციენტებს უნდა მიეცეთ გაფრთხილება იმის თაობაზე, რომ მოერიდონ მზეზე ხანგრძლივად ყოფნას, დაიკლონ წონაში და ატარონ სპეციალური წინდები, რომლებიც აუმჯობესებენ სისხლის ცირკულაციას.
პრეპარატი სიფრთხილით გამოიყენება იმ პაციენტებში, რომლებსაც აღენიშნებათ კუჭ-ნაწლავის ტრაქტის ეროზიულ-წყლულოვანი დაზიანებები გამწვავების ფაზაში.

ზეგავლენა ავტოტრანსპორტის მართვისა და მექანიზმების მართვის შესაძლებლობაზე: ვენოდიოლი გავლენას არ ახდენს ავტომობილის მართვის შესაძლებლობაზე და ისეთი სამუშაოების შესრულებაზე, რომლებიც საჭიროებენ ფსიქომოტორული რეაქციების სისწრაფეს.

გვერდითი მოქმედება:
პრეპარატის გამოყენების პერიოდში არ გამოვლენილა ისეთი გვერდითი რეაქციები, რომლებიც გამოიწვევდა პრეპარატის მიღების შეწყვეტას. მხოლოდ რამდენიმე პაციენტში ვენოდიოლის მიღებიდან პირვველი დღეების განმავლობაში აღინიშნა ვეგეტატიური რეაქციები (მომატებული სისუსტე, თავბრუსხვევა, სიცხის შეგრძნება და ჩხვლეტის შეგრძნება ქვედა კიდურებში). აღნიშნული სიმპტომების გამოვლენა არ შეიძლება გახდეს პრეპარატის მიღების შეწყვეტის მიზეზი, ვინაიდან 2-3 კვირის შემდეგ ეს რეაქციები სპონტანურად ქრება.

მიღების წესი და დოზირების რეჟიმი:
ვენოდიოლის მნიშვნელოვან თავისებურებას წარმოადგენს სტანდარტული სადღეღამისო დოზა, რაც ამარტივებს ამ პრეპარატის გამოყენებას.
შესაძლებელია პრეპარატის მიღების ორი სხვადასხვა წესი:
–  1 ტაბლეტი 2-ჯერ დღე-ღამეში ჭამის დროს მთელი მკურნალობის მანძილზე;
–  1 ტაბლეტი 2-ჯერ დღე-ღამეში პირველი ორი კვირის განმავლობაში, ხოლო შემდეგ 2 ტაბლეტი 1-ჯერ დღე-ღამეში ჭამის დროს.
პრეპარატის გამოყენებით მიღებული გამოცდილება მოწმობს, რომ ვენოდიოლის გამოყენების ხანგრძლივობა პირდაპირ პროპორციულია დაავადების სიმძიმისა.

ქრონიკული ვენური უკმარისობის საწყისი ფორმების მკურნალობისას, როდესაც ვლინდება “ფეხებში სიმძიმის” სინდრომი, ჩვეულებრივ საკმარისია 2-თვიანი კურსი, რომელიც უნდა განმეორდეს აუცილებლობის მიხედვით, წელიწადში 2-3-ჯერ.
უფრო მძიმე შემთხვევების დროს, როდესაც ადგილი აქვს ტკივილს, კრუნჩხვებსა და შეშუპებას, ვენოდიოლის მიღება აუცილებლად უნდა გაგრძელდეს 3-4 თვის განმავლობაში.
ვენური ტროფიკული წყლულების მკურნალობისას, შეიძლება საჭირო გახდეს უფრო ხანგრძლივი კურსი – 6 და მეტი თვის განმავლობაში.
ბუასილის მწვავე შეტევის დროს ინიშნება დღე-ღამეში 6 ტაბლეტი პირველი 4 დღის განმავლობაში, ხოლო შემდეგ დღე-ღამეში 4 ტაბლეტი მომდევნო 3 დღის განმავლობაში.
უნდა აღინიშნოს, რომ ვენოდიოლის გამოყენება არ იწვევს ამ პრეპარატის მიმართ შეჩვევას.

დოზის გადაჭარბება: დოზის გადაჭარბების შემთხვევები აღწერილი არ არის.

ურთიერთქმედება სხვა სამკურნალო საშუალებებთან:
ვენოდიოლის ურთიერთქმედება სხვა სამკურნალო საშუალებებთან აღწერილი არ არის.

პრეპარატის გამოყენება ორსულობისა და ლაქტაციის პერიოდში:
დღემდე არ არსებობს მონაცემები ორსულებში პრეპარატის გამოყენებით გამოწვეული რაიმე სახის გვერდითი ეფექტის შესახებ.
ძუძუთი კვება არ არის რეკომენდებული ამ პრეპარატით მკურნალობის პერიოდში, ვინაიდან არ არსებობს მონაცემები იმის შესახებ, გამოიყოფა თუ არა აქტიური ნივთიერებები დედის რძესთან ერთად.
ექსპერიმენტული გამოკვლევების დროს არ გამოვლენილა ტერატოგენული მოქმედიბა.

გამოშვების ფორმა:
10 ტაბლეტი პოლივინილქლორიდის და ალუმინის ფოლგის კონტურულ უჯრედოვან ფირფიტაში.  
3 კონტურულ უჯრედოვანი ფირფიტა ინსტრუქციის ფურცელთან ერთად მოთავსებულია მუყაოს კოლოფში.

შენახვის პირობები:
ინახება არაუმეტეს 30ºC-ზე.
ინახება ბავშვებისათვის მიუწვდომელ ადგილას.

ვარგისიანობის ვადა:
3 წელი წარმოების თარიღიდან.
პრეპარატი არ გამოიყენება ვარგისიანობის ვადის გასვლის შემდეგ.

აფთიაქიდან გაცემის წესი: გაიცემა ექიმის რეცეპტით.

მწარმოებელი:
“სედიკო ფარმასიუტიკალ კო”  სიქს ოვ ოქტობერ სიტი,   პირველი სამრეწველო ზონა, ეგვიპტე
“უორლდ მედიცინ“-ისთვის, ინგლისი,  48 Queen Anne Street, London W1G9JJ, England;
E-mail: [email protected], Web-Site: www.wmcorp.us

ქვეყანა: საფრანგეთი

მწარმოებელი: სერვიე საფრანგეთი

გაცემის ფორმა: II ჯგუფი რეცეპტული

ქვეყანა: გერმანია

მწარმოებელი: დენკ ფარმა გერმანია

გაცემის ფორმა: II ჯგუფი რეცეპტული

ვენო – რიცი® / VENO-RITZ®

• საერთაშორისო დასახელება (აქტიური ნივთიერება): diosmin, hesperidin, rutin
• კლინიკურ–ფარმაკოლოგიური ჯგუფი: გულ-სისხლძარღვთა სისტემა → პერიფერიული სისხლის მიმოქცევის გასაუმჯობესებელი საშუალებები → მიკროცირკულაციის გასაუმჯობესებელი პრეპარატები, ანგიოპროტექტორები → ბიოფლავონოიდები
• მწარმოებელი კომპანია: ჯი-ემ-პი
• მწარმოებელი ქვეყანა: საქართველო
• გამოშვების ფორმა: – 510მგ კაფსულა #30
• გაცემის რეჟიმი: III ჯგუფი (ურეცეპტოდ)

შემადგენლობა

პრეპარატის ერთი კაფსულა შეიცავს ფლავონოიდების 450 მგ დიოსმინისა (Diosmin) და 50 მგ ჰესპერიდინის (Hesperidin) მიკრონიზირებულ ფრაქციებს და 10 მგ რუტინს (Rutin).
მოქმედების მექანიზმი
ვენო-რიცი მცენარეული წარმოშობის კომბინირებული პრეპარატია.
ვენო-რიცის შემადგენელი კომპონენტები ბიოფლავონოიდებია, რომლებიც ხასიათდებიან ვენოტონური და ანგიოპროტექტორული თვისებებით. დიოსმინისა და ჰესპერიდინის კომბინაცია ამცირებს ვენების დაჭიმულობას და ვენურ სტაზს, აუმჯობესებს ვენების ტონუსს. ამცირებს კაპილარების კედლების გამტარობას და ზრდის მათ რეზისტენტობას, აუმჯობესებს მიკროცირკულაციას, ლიმფის დრენაჟს. რუტინი ანგიოპროტექტორია. მიეკუთვნება P ჯგუფის ვიტამინებს. ამცირებს კაპილარების კედლის გამტარობას, მათ შეშუპებას და ანთებას, აძლიერებს სისხლძარღვის კედლებს. ახასიათებს ანტიაგრეგანტული (შედედების საწინააღმდეგო) მოქმედება, რაც ხელს უწყობს მიკროცირკულაციის გაუმჯობესებას.

ჩვენებები
– ქვედა კიდურების ორგანული და ფუნქციური გენეზის ქრონიკული ვენური უკმარისობა, რომელსაც ახლავს: კიდურებში სიმძიმის და დაღლილობის შეგრძნება, შეშუპება, ტკივილი, ტროფიკული დარღვევები, წვივის კუნთების კრუნჩხვები;
– შეშუპებისა და ტკივილის სიმპტომების შემსუბუქება ვენების ვარიკოზული გაგანიერების დროს;
– ქრონიკული ბუასილის და მწვავე ჰემოროიდული კრიზების ფუნქციური სიმპტომების შემსუბუქება. ბუასილის გამწვავებისას ვენო-რიცი არ ცვლის ანორექტალური არის დაავადებების სპეციფიკურ სამკურნალო საშუალებებს.

მიღების წესები და დოზები
ვენური უკმარისობის დროს ინიშნება 2 კაფსულა დღეში: თითო კაფსულა შუა დღისას და საღამოს ჭამის დროს. ვენო-რიცით 2 კვირიანი მკურნალობის კურსის შემდეგ მცირდება ქვედა კიდურების ქრონიკული ვენური უკმარისობისთვის დამახასიათებელი ორგანული და ფუნქციური გენეზის კლინიკური გამოვლინებანი. რეკომენდებულია პრეპარატით მკურნალობის გაგრძელება შეშუპების და სხვა სიმპტომების სრულ გაქრობამდე. ვენების ქრონიკული უკმარისობის დროს ვენო-რიცის სისტემატური გამოყენება უზრუნველყოფს ვენების ვარიკოზული წყლულებისა და ტროფიკული დარღვევების განვითარების რისკის შემცირებას. მწვავე ჰემოროიდული კრიზების დროს პირველი 4 დღის განმავლობაში ვენო-რიცი ინიშნება დღე-ღამეში 6 კაფსულა, მომდევნო 3 დღის განმავლობაში – 4 კაფსულა, კომბინირებულ თერაპიაში.

გვერდით იმოვლენები
შესაძლებელია მცირედი დარღვევები საჭმლის მომნელებელი და ნეირო-ვეგეტატიური სისტემის მხრივ, რომელიც არ მოითხოვს პრეპარატის მოხსნას და სწრაფად ქრება მკურნალობის კურსის დამთავრებისთანავე.

უკუჩვენება
– ორსულობის და ლაქტაციის პერიოდი;
– პრეპარატის კომპონენტებისადმი მომატებული მგრძნობელობა.

განსაკუთრებული მითითებები
ვენური სისხლის მიმოქცევის დარღვევის მქონე პაციენტები პრეპარატის დანიშვნისას უნდა მოერიდონ მზეზე დიდხანს ყოფნას, სასურველია სხეულის წონის დაკლება და სისხლის ცირკულაციის მარეგულირებელი სპეციალური წინდების გამოყენება. ვენო-რიცის შემადგენელი კომპონენტების ურთიერთქმედება სხვა პრეპარატებთან და მათი დოზის გადაჭარბების შემთხვევები აღწერილი არ არის.

შენახვის პირობები და ვადები
პრეპარატის ვარგისიანობის ვადაა 3 წელი, ინახება 10-25°C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

აფთიაქში გაცემის წესი
ექიმის რეცეპტის გარეშე!

ამტასი-ავერსი 10მგ
(ამლოდიპინი)

ზოგადი დახასიათება:
საერთაშორისო არაპატენტირებული დასახელება: ამლოდიპინი;
ძირითადი ფიზიკურ-ქიმიური თვისებები:
ცისფერი (5 მგ) ან ვარდისფერი (10 მგ)  ფერის მრგვალი ფორმის, ბრტყელი ზედაპირის მქონე შემოუგარსავი ტაბლეტები ნაზოლითა და ჭდით.

შემადგენლობა:   
1 შემოუგარსავი ტაბლეტი შეიცავს: ამლოდიპინის ბეზილატს, 5 მგ ან 10 მგ ამლოდიპინის ეკვივალენტურს.
დამხმარე ნივთიერებები: ლაქტოზა, პოვიდონი, კოლოიდური სილიციუმის დიოქსიდი, სიმინდის სახამებელი, ნატრიუმის კროსკარმელოზა, მაგნიუმის სტეარატი, საღებავი Brilliant Blue FCF (E 133) (5 მგ),  საღებავი Carmoisine (E 122) (10 მგ).
                                              
გამოშვების ფორმა:
შემოუგარსავი ტაბლეტი, 5 მგ ან 10 მგ.

ფარმაკოლოგიური ჯგუფი:
კალციუმის ნელი არხების ბლოკატორი. ათქ-კოდი: C08CA01.

ფარმაკოლოგიური თვისებები:
ამლოდიპინი წარმოადგენს კალციუმის ნელი არხების ბლოკატორს. მას გააჩნია ანტიჰიპერტენზიული და ანტიანგინალური მოქმედება. პრეპარატი ხელს უშლის კალციუმის იონების შეღწევას სისხლძარღვების გლუვ კუნთოვან უჯრედებში და იწვევს რეზისტენტული არტერიოლების დილატაციას და სისხლძარღვთა პერიფერიული წინააღმდეგობის შემცირებას, სისხლის არტერიული წნევის დაქვეითებას, გულზე პოსტდატვირთვის შემცირებას. იგი აგრეთვე აფართოებს მსხვილი კალიბრის კორონარულ სისხლძარღვებს და კორონარულ არტერიოლებს ინტაქტურ და იშემიურ უბნებში, რაც ხელს უწყობს მიოკარდიუმის ჟანგბადით მომარაგებას.

ფარმაკოკინეტიკა:
პერორალური მიღებისას ამლოდიპინი სრულად აბსორბირდება კუჭ-ნაწლავის ტრაქტიდან. საკვების მიღება არ ახდენს გავლენას პრეპარატის შეწოვაზე. მისი ბიოშეღწევადობა შეადგენს 64%-ს.
პრეპარატის  მაქსიმალური კონცენტრაცია (Cmax)  სისხლის პლაზმაში მიიღწევა მიღებიდან 6-12 სთ-ის შემდეგ. ამლოდიპინის 95% უკავშირდება  პლაზმის ცილებს.
წონასწორული კონცენტრაცია (Css) აღინიშნება მკურნალობის დაწყებიდან მეშვიდე-მერვე დღეს.
მეტაბოლიზდება ღვიძლში. პრეპარატის ნახევარგამოყოფის პერიოდი მერყეობს 31-დან 48 სთ-მდე. მიღებული დოზის 60% გამოიყოფა თირკმელებით, არააქტიური მეტაბოლიტების სახით, 10% _ შეუცვლელი სახით, ხოლო 20-25% _ ფეკალურ მასებთან ერთად.

ჩვენება:
– არტერიული ჰიპერტენზია (კომბინირებული თერაპიის შემადგენლობაში);
– გულის იშემიური დაავადება _ სტაბილური სტენოკარდია, ვაზოსპასტიური (პრინცმეტალის) სტენოკარდია.

მიღების წესი და დოზირება:
სტენოკარდიისა და არტერიული ჰიპერტენზიის დროს ამტასი-ავერსის საწყისი დოზა შეადგენს 5 მგ-ს, ერთჯერადად. პაციენტის მდგომარეობიდან გამომდინარე საწყისი დოზა შეიძლება გაიზარდოს 10 მგ-მდე, ერთხელ დღეში.
რეკომენდებულია პრეპარატის მიღება დღის ერთი და იგივე მონაკვეთში.
ღვიძლის ფუნქციის დარღვევისას რეკომენდებული დღიური დოზა შეადგენს 2.5 _ 5 მგ-მდე.

გვერდითი მოვლენები:
გულ-სისხლძარღვთა სისტემის მხრივ: არტერიული ჰიპოტენზია, ქოშინი, წვივების შეშუპება, სახის ჰიპერემია, იშვიათად _ ტკივილი გულმკერდის არეში;
ნერვული სისტემის მხრივ: თავის ტკივილი, თავბრუსხვევა, ძილიანობა, მხედველობის დარღვევა;  
საჭმლის მომნელებელი სისტემის მხრივ: ტკივილი ეპიგასტრიუმის არეში, დიარეა, გულისრევა, ღებინება, პირის სიმშრალე, იშვიათად _ ღრძილების ჰიპერპლაზია;
ალერგიული რეაქციები: გამონაყარი კანზე, ქავილი, ანგიონევროზული შეშუპება.

უკუჩვენება:
ამლოდიპინის მიმართ და/ან პრეპარატის შემადგენელი სხვა ნივთიერებების მიმართ მომატებული მგრძნობელობა.
გამოხატული არტერიული ჰიპოტენზია, კოლაფსი, არასტაბილური სტენოკარდია, ორსულობა და ლაქტაციის პერიოდი, 18 წლამდე პაციენტები (პრეპარატის უსაფრთხოება შესწავლილი არ არის).

ურთიერთქმედება სხვა სამკურნალო საშუალებებთან:
ამლოდიპინისა და ანთების საწინააღმდეგო არასტეროიდული საშუალებების, α-ადრენოსტიმულატორების, ესტროგენებისა და სიმპატომიმეტური საშუალებების  ერთდროული გამოყენებისას მცირდება პრეპარატის ჰიპოტენზიური ეფექტი.
თიაზიდური და მარყუჟოვანი დიურეტიკები, β-ადრენობლოკატორები, ვერაპამილი, აგფ- ინჰიბიტორები, ნიტრატები აძლიერებენ ამტასი-ავერსის ანტიანგინალურ და ჰიპოტენზიურ მოქმედებას.
ამიოდარონი, ქინიდინი, α1-ადრენობლოკატორები, ნეიროლეპსიური საშუალებები და კალციუმის ნელი არხების ბლოკატორები აძლიერებენ პრეპარატის ჰიპოტენზიურ ეფექტს. 
ამლოდიპინისა და ციმეტიდინის  ერთდროულად მიღებისას ამლოდიპინის ფარმაკოკინეტიკური მაჩვენებლები არ იცვლება.

ჰიპერდოზირება:
შესაძლებელია განვითარდეს პერიფერიული ვაზოდილატაცია და არტერიული ჰიპოტონია.
მკურნალობა: კუჭის ამორეცხვა, ვაზოკონსტრიქციული საშუალებების გამოყენება. საჭიროებისას _ სიმპტომური თერაპია.
კალციუმის არხების ბლოკირების თავიდან ასაცილებლად ინტრავენურად შეყავთ კალციუმის გლუკონატი.

ორსულობა და ლაქტაცია:
პრეპარატის მიღება ორსულობის (განსაკუთრებით I  და  II ტრიმესტრი) და ლაქტაციის პერიოდში დაუშვებელია.

გამოყენების თავისებურებები:
ამტასი-ავერსი სიფრთხილით ინიშნება  ღვიძლის ფუნქციის დარღვევის, გულის ქრონიკული უკმარისობის, არტერიული ჰიპოტენზიის, მიტრალური სტენოზის, ჰიპერტროფიული ობსტრუქციული კარდიომიოპათიის, მიოკარდიუმის ინფარქტის დროს, აგრეთვე შაქრიანი დიაბეტით დაავადებულ და ხანდაზმულ პაციენტებში.
პრეპარატის მიმდინარე დოზის გამოტოვების შემთხვევაში არ არის რეკომენდებული მისი დამატებით მიიღება, არამედ საჭიროა მკურნალობის ჩვეულებრივი რეჟიმის გაგრძელება.
ამტასი-ავერსით  მკურნალობის პერიოდში საჭიროა პერიფერიული სისხლის სურათის ლაბორატორიული კონტროლი.
გრეიფრუტის წვენის მიღებამ შეიძლება დააქვეითოს ამლოდიპინის კონცენტრაცია სისხლის პლაზმაში.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატი მკურნალობის დასაწყისში იწვევს გადაღლილობის შეგრძნებას ან თავბრუსხვევას,  რაც ზემოქმედებას ახდენს ყურადღების კონცენტრაციასა და სატრანსპორტო საშუალებების მართვის უნარზე.

შეფუთვა:
10 ტაბლეტი კონტურულ უჯრედოვან შეფუთვაში, 2 კონტურული შეფუთვა მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისა  და ბავშვებისაგან დაცულ ადგილას.

ვარგისიანობის ვადა :
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი, ჭირნახულის ქ. 14.
www.aversi.ge  

ქვეყანა: გერმანია

მწარმოებელი: დენკ ფარმა გერმანია

გაცემის ფორმა: II ჯგუფი რეცეპტული