ქვეყანა: სლოვენია

მწარმოებელი: ლეკი სანდოზი სლოვენია

გაცემის ფორმა: II ჯგუფი რეცეპტული

ქვეყანა: იტალია

მწარმოებელი: პორტუგალ/ნატურის

გაცემის ფორმა: III ჯგუფი ურეცეპტო

შემადგენლობა
მოქმედი ნივთიერება: ეტამზილატი.
თითოეული ტაბლეტი შეიცავს 250 მგ ეტამზილატს.
დამხმარე ნივთიერებები: ლიმონის მჟავა უწყლო (E 330), სიმინდის სახამებელი, ლაქტოზის მონოჰიდრატი, პოვიდონი, მაგნიუმის სტეარატი.

აღწერა
თეთრი ან თითქმის თეთრი, მრგვალი, ორმხრივამოზნექილი ტაბლეტები.

ფარმაკოთერაპიული ჯგუფი 
სხვა სისტემური ჰემოსტატიკები. ATC კოდი: B02BX01. 

ფარმაკოლოგიური თვისებები
ფარმაკოდინამიკა
ეტამზილატი არის სინთეტური სისხლის შემაჩერებელი და ანგიოპროტექტორული საშუალება, რომელიც მოქმედებს ჰემოსტაზის საწყის სტადიაზე (ენდოთელიუმს და თრომბოციტებს შორის ურთიერთქმედების სტადიაზე).  თრომბოციტების ადგეზიის გაუმჯობესების და კაპილარული წინააღმდეგობის აღდგენის წყალობით, ის ამცირებს სისხლდენის დროს და სისხლის დანაკარგების მოცულობას.
ეტამზილატს არ გააჩნია სისხლძარღვების შემავიწროვებელი ეფექტი, ის არ ახდენს გავლენას ფიბრინოლიზზე და შედედების პლაზმურ ფაქტორებზე.

ფარმაკოკინეტიკა    
შინაგანად მიღებისას ეტამზილატი ნელა და სრულად შეიწოვება კუჭ-ნაწლავის ტრაქტიდან. აბსოლუტური ბიოხელმისაწვდომობა დადგენილი არ არის. შინაგანად 500 მგ-ის მიღების შემდეგ 15 მკგ/მლ-ის ტოლი მაქსიმალური კონცენტრაცია სისხლის პლაზმაში, მიიღწევა დაახლოებით 4 საათის შემდეგ. ბმა პლაზმის ცილებთან – დაახლოებით 95%.  აღწევს პლაცენტარულ ბარიერში. დედის და ჭიპლარის სისხლში აღინიშნება პრეპარატის მსგავსი დონეები. აღწევს თუ არა ეტამზილატი დედის რძეში, უცნობია.

პლაზმიდან ნახევრად გამოყოფის პერიოდი საშუალოდ შეადგენს 8 საათს. დოზის დაახლოებით 70-80%  გამოიყოფა შარდთან ერთად პირველი 24 საათის განმავლობაში უცვლელი სახით. 
ეცვლებათ თუ არა ეტამზილატის ფარმაკოკინეტიკა პაციენტებს თირკმელების და/ან ღვიძლის ფუნქციის დარღვევით, უცნობია. 

გამოყენების ჩვენებები
ქირურგიაში
წინა- და ოპერაციის შემდგომი კაპილარული სისხლდენის პროფილაქტიკა და მკურნალობა ყველა რთული ოპერაციის დროს ან ოპერაციებისას კარგად ვასკულიზებულ ქსოვილებზე: ოტოლარინგოლოგიაში, გინეკოლოგიაში, მეანობაში, უროლოგიაში, სტომატოლოგიაში, ოფტალმოლოგიაში ან პლასტიკურ და აღდგენით ქირურგიაში. 

თერაპიაში
ნებისმიერი წარმოშობის და ლოკალიზაციის კაპილარული სისხლდენის პროფილაქტიკა და მკურნალობა: ჰემატურია, სისხლიანი ღებინება, მელენა, სისხლდენა ცხვირიდან, სისხლდენა ღრძილებიდან.

გინეკოლოგიაში
მეტრორაგია, პირველადი მენორაგია ან საშვილოსნოს შიდა ჩასახვის საწინააღმდეგო საშუალებით გამოწვეული მენორაგია, ორგანული პათოლოგიის არ არსებობის დროს.

უკუჩვენებები
-მომატებული მგრძნობელობა პრეპარატის მოქმედი ან ნებისმიერი დამხმარე ნივთიერების მიმართ. 
-მწვავე პორფირია. 

განსაკუთრებული მითითებები და სიფრთხილის ზომები
თუ პრეპარატი ინიშნება ჭარბი და/ან ხანგრძლივი მენსტრუალური სისხლდენების შესამცირებლად და ამასთან სასურველი ეფექტის მიღწევა ვერ ხერხდება, აუცილებელია გამოირიცხოს ყველა სხვა პათოლოგიის არსებობა, რომელსაც ამგვარი მდგომარეობის გამოწვევა შეუძლიათ. 
პრეპარატი შეიცავს ლაქტოზას. პაციენტებმა ისეთი იშვიათი მემკვიდრეობითი პათოლოგიით, როგორიცაა გალაქტოზის გადაუტანლობა, ლაქტაზის დეფიციტი ან გლუკოზა-გალაქტოზის შეწოვის დარღვევა, ეს პრეპარატი არ უნდა მიიღონ.

ორსულობა და ძუძუთი კვება 
კლინიკური მონაცემები პრეპარატის ორსულ ქალებში გამოყენების შესახებ არ არსებობს. ცხოველებზე ჩატარებულმა გამოკვლევებმა ვერ გამოავლინეს რაიმენაირი პირდაპირი ან ირიბი ტოქსიკურობა, რომელიც ზეგავლენას მოახდენდა ორსულობაზე, ემბრიონალურ, ფეტალურ და/ან პოსტნატალურ განვითარებაზე. გამოყენება ორსულობის დროს უნდა მოხდეს სიფრთხილით. 
პრეპარატის დედის რძეში შეღწევის უნარის თაობაზე მონაცემების არ არსებობასთან დაკავშირებით, ძუძუთი კვება მკურნალობის დროს არ შეიძლება. თუკი ძუძუთი კვება გრძელდება, მაშინ პრეპარატის გამოყენება უნდა შეწყდეს.  

ზეგავლენა სატრანსპორტო საშუალებების მართვისა და მექანიზმებთან მუშაობის უნარზე
გამოკვლევები ტრანსპორტის მართვის ან სხვა მექანიზმებთან მუშაობის უნარზე ზემოქმედების თაობაზე არ ჩატარებულა.

დოზები და გამოყენების წესი 
შინაგანად მისაღები.
მოზრდილები და მოზარდები
ოპერაციის წინ: 1-2 ტაბლეტი დიცინონი 250 მგ (250-500 მგ) ერთი საათით ადრე ქირურგიულ ჩარევამდე. 
ოპერაციის შემდეგ: 1-2 ტაბლეტი დიცინონი 250 მგ (250-500 მგ) ყოველ 4-6 საათში მთელი იმ დროის განმავლობაში, სანამ შენარჩუნებული იქნება სისხლდენის რისკი. 
თერაპიაში: ჩვეულებრივ 2 ტაბლეტი დიცინონი 250 მგ (500 მგ) 2-3-ჯერ დღე-ღამეში (1000-1500 მგ) ჭამის დროს, მცირეოდენი წყლის დაყოლებით.
გინეკოლოგიაში მენო-მეტრორაგიისას:  2 ტაბლეტი დიცინონი 250 მგ (500 მგ) 3-ჯერ დღე-ღამეში (1500 მგ) ჭამის დროს, მცირეოდენი წყლის დაყოლებით. მკურნალობას იწყებენ ხუთი დღით ადრე მენსტრუაციული სისხლდენის სავარაუდო დაწყებამდე და აგრძელებენ 10 დღის განმავლობაში.
ბავშვები 
მოზრდილებისთვის განკუთვნილი დოზის ნახევარი. 
პაციენტები ღვიძლის ან თირკმელების უკმარისობით
პაციენტებში ღვიძლის ან თირკმელების უკმარისობით კლინიკური გამოკვლევები არ ჩატარებულა. ამიტომ აუცილებელია სიფრთხილის დაცვა ასეთი პაციენტებისთვის დიცინონის ტაბლეტების 250 მგ დანიშვნისას. 

გვერდითი მოქმედება
სიხშირის და ორგანოების სისტემების მიხედვით გვერდითი ეფექტების კლასიფიცირება MedDRA-ს კონვენციის შესაბამისად შემდეგნაირად  ხდება: 
ძალიან ხშირი (≥1/10), ხშირი (≥1/100, დარღვევები კუჭ-ნაწლავის ტრაქტის მხრიდან
ხშირი: გულისრევა, დიარეა, უსიამოვნო შეგრძნება მუცლის არეში. 
დარღვევები კანისა და კანქვეშა ქსოვილის მხრიდან
ხშირი: გამონაყარი. 
ზოგადი დარღვევები და დარღვევები შეყვანის ადგილას
ხშირი: ასთენია. 
ძალიან იშვიათი: ციებ-ცხელება. 
დარღვევები ნერვული სისტემის მხრიდან
ხშირი: თავის ტკივილი. 
დარღვევები სისხლძარღვების მხრიდან
ძალიან იშვიათი: თრომბოემბოლია. 
დარღვევები სისხლის და ლიმფური სისტემის მხრიდან
ძალიან იშვიათი: აგრანულოციტოზი, ნეიტროპენია, თრომბოციტოპენია.
დარღვევები ენდოკრინული სისტემის მხრიდან
ძალიან იშვიათი: მწვავე პორფირია.
დარღვევები ჩონჩხ-კუნთოვანი და შემაერთებელი ქსოვილის მხრიდან
იშვიათი: ართრალგია (ტკივილი სახსრებში), ტკივილები ზურგში/ზურგის ქვედა ნაწილში.
დარღვევები იმუნური სისტემის მხრიდან
ძალიან იშვიათი: ჰიპერმგრძნობელობა. 
ჩვეულებრივ ეს რეაქციები მკურნალობის კურსის დამთავრების შემდეგ შექცევადია. 
კანის რეაქციების ან მომატებული ტემპერატურის შემთხვევაში აუცილებელია მკურნალობის შეწყვეტა და მკურნალი ექიმის ინფორმირება, ვინაიდან, ეს შეიძლება ჰიპერმგრძნობელობის რეაქციის ნიშანი იქნეს.
თუ გვერდითი ეფექტების გამოხატულობა მზარდი ხდება ან წარმოიქმნება ისეთი გვერდითი ეფექტები, რომელნიც არ არიან ჩამოთვლილნი ამ ჩანართ ფურცელში, აცნობეთ ამის შესახებ ექიმს ან ფარმაცევტს.

ჭარბი დოზირება
პრეპარატით ჭარბი დოზირების სიმპტომები უცნობია. რეკომენდებულია სიმპტომატური მკურნალობა. 

ურთიერთქმედება სხვა სამკურნალო პრეპარატებთან
დღევანდელ დღემდე სამკურნალწამლო ურთიერთქმედებები და შეუთავსებლობა  სხვა პრეპარატებთან გამოვლენილი არ არის. 

გამოშვების ფორმა
10 ტაბლეტი ალუმინის/პვქ/პვდქ-ის ბლისტერში. 10 ბლისტერი მუყაოს კოლოფში.

შენახვის პირობები
ინახება ბავშვებისათვის მიუწვდომელ ადგილას.
ინახება არაუმეტეს 25°С ტემპერატურაზე სინათლის და ტენისგან დაცულ ადგილას.

ვარგისიანობის ვადა
5 წელი. არ გამოიყენოთ შეფუთვაზე და ბლისტერზე მითითებული ვარგისიანობის ვადის ამოწურვის შემდეგ.
ვარგისიანობის ვადა იწურება მითითებული თვის ბოლო დღეს.

გაცემის პირობები
გაიცემა მხოლოდ ექიმის რეცეპტის მიხედვით.

ქვეყანა: ესპანეთი

მწარმოებელი: სინთონ

გაცემის ფორმა: II ჯგუფი რეცეპტული

დისტრეპტაზა 2გ

1. სამკურნალო საშუალების დასახელება საერთაშორისო არაპატენტირებული დასახელების მითითებით, თუ მწარმოებელი (განმცხადებელი) იყენებს საერთაშორისო არაპეტენტირებელი დასახელებისაგან განსხვავებულ სახელწოდებას, ან იმ შემთხვევაში, თუ სამკურნალო საშუალება მხოლოდ ერთ აქტიურ ინგრიდიენტს შეიცავს.

დისტრეპტაზა®

DISTREPTAZA®

სტრეპტოკინაზა + სტრეპტოდორნაზა 

Streptokinaza + Streptodornaza

2. სამკურნალო საშუალების დოზა, თუ სამკურნალო საშუალება გამოდის რამდენიმე სამკურნალო ფორმით და (ან) სამკურნალო ფორმებით, რომლებიც ერთმანეთისგან განსხვავდება მოქმედებით (ახალშობილები, ბავსვები, მოზრდილები), რაც მითითებულია სამკურნალო საშუალების სავაჭრო დასახელების გვერდით.

distreptaza® (15 000 სე + 1250 სე)

ერთი სუპოზიტორია (2 გ) შეიცავს სტრეპტოკინაზას (Streptokinasum) 15000 სე, სტრეპტოდორნაზას (Streptodornasum) 1250 სე.

3. სამკურნალო ფორმის დასახელება

რექტალური სუპოზიტორიები

4. მზა სამკურნალო ფორმის მოკლე დახასიათება, ფიზიკურ-ქიმიური თვისებების ჩათვლით (ინფორმაცია უნდა შეესაბამებოდეს მწარმოებლის ხარისხის კონტროლის ნორმატიულ დოკუმენტის კარს „აღწერა“).

ფიზიკურ-ქიმიური თვისებები:

კონუსის ან „ტორპედოს“ ფორმა წვეტიანი წვერით. მოთეთრო-მოკრემისფრო ფერის. შენახვისას სუპოზიტორიები ინარჩუნებენ სწორ ფორმას, გლუვ ზედაპირს, მათზე არ წარმოიქმნება ბზარები ან მექანიკური დაზიანებები. სუპოზიტორიები წარმოადგენენ ერთფეროვან და ერთგვაროვან მასას, სიგრძივი ჭრილის ზედაპირი არის ერთიანი, ლაქების, კონგლომერატების და ჰაერის ბუშტუკების გარეშე.

სუპოზიტორიები მექანიკურად სათანადოდ მდგრადები არიან, რაც იცავს მათ დეფორმაციისგან დაფასოების, ტრანსპორტირტების და გამოყენების დროს. 

სუპოზიტორიები სათანადოდ მყარები არიან, რაც დასტურდება სიმტკიცის ტესტებით.  

სუპოზიტორიები პასუხობენ შემდეგ მოთხოვნებს:

• ცალკეული სუპოზიტორიის მასის ერთგვაროვნება - სუპოზიტორიის საშუალო მასა არის საშუალო მასის ± 0.5%-ის ფარგლებში. 20 გამოკვლეული სუპოზიტორიიდან მხოლოდ ორის მასა შეიძლება აღემატებოდეს მაქსიმალურ ზღვრულ მონაცემებს, მაგრამ არა უმეტეს ორჯერ.

• სუპოზიტორიის სრული დეფორმაციის დრო - სუპოზიტორიის დეფორმაციის დრო შეადგენს არა უმეტეს 30 წთ-ს 37°C ტემპერატურაზე, ხოლო დროის სხვაობა სხვადასხვა გაზომვებს შორის არ უნდა აღემატებოდეს ± 10%-ს.

• დაშლის დრო - სუპოზიტორიის დაშლის დრო არის არა უმეტეს 30 წთ 37°C ტემპერატურაზე.

• სამკურნალო ნივთიერების შემცველობა: სტრეპტოკინაზას შემცველობა არის შემდეგ ფარგლებში: 15.000 ± 10%  SK / 1 სუპოზიტორია, სტრეპტოდორნაზას შემცველობა ერთ სუპოზიტორიაში არის 1250 საზომ ერთეულიდან 20.000 საზომ ერთეულამდე SD.  

• სტრეპტოლიზინი О-ს (SLO) კონტამინაციის შემცველობა - 1 სუპოზიტორია არ უნდა შეიცავდეს SLO-ს 10 ერთეულზე მეტს, SK-ს 1000 საზომ ერთეულზე გადაანგარიშებით.  

• ცილის შემცველობა შეადგენს 1-2 მგ-ს ერთ სუპოზიტორიაში.

• 1 გ შეიცავს არა უმეტეს 103 კოლონიის წარმომქმნელ ბაქტერიებს (CFU), არა უმეტეს 102 კოლონიების წარმომქმნელ სოკოებს, არ შეიცავს Staphylococcus aureus-ს, Pseudomonas aeruginosa-ს, Escherichia coli-ს, Salmonellа-ს, ასევე არ შეიცავს Enterobacteriaceae-ს ოჯახის ბაქტერიებს და სხვა გრამუარყოფით ჩხირებს. 

აქტიური ნივთიერებები თანაბრად არის განაწილებული სუპოზიტორიის ლიპოფილურ ფუძეში, რომელიც შედგება ნეიტრალური ცხიმებისა და თხევადი პარაფინისაგან.

5. სამკურნალო საშუალების შემადგენლობა, მისი მოქმედი ნივთიერების აღნიშვნით საერთაშორისო არაპატენტირებული დასახელების სახით და მისი რაოდენობრივი შემცველობა ერთ დოზაში ან ერთ შეფუთვაში, დამხმარე ნივთიერებების ჩამონათვალი. 

ნივთიერების დასახელება რაოდენობა დოზირების ერთეულში / 1 სუპოზიტორია

ნივთიერებების ფუნქციები

სტრეპტოკინაზა + სტრეპტოდორნაზა 15.000 სე ± 10%

1.250 სე – 20.000 სე აქტიური ნივთიერებები

თხევადი პარაფინი

(პარაფინის ზეთი) 0.16 გ დამხმარე ნივთიერება

ნეიტრალური ცხიმი

ვიტეპსოლი Н15 1.84 გ დამხმარე ნივთიერება

6. ინფორმაცია იმის შესახებ, თუ რომელ ფარმაკოთერაპიულ ჯგუფს მიეკუთვნება  სამკურნალო საშუალება ან მისი ფარმაკოლოგიური მოქმედება პაციენტისათვის გასაგები ტერმინოლოგიით.

ფარმაკოთერაპიული ჯგუფი: სტრეპტოკინაზა, რთული მედიკამენტები, ათქ-კოდი В06АА55.

7. ინფორმაცია სამკურნალო საშუალების ჩვენებების შესახებ იმ დაავადებების და მდგომარეობების ჩამონათვალით, როდესაც იგი გამოიყენება.

distreptaza® სუპოზიტორიების სახით გამოიყენება მოზრდილებში შემდეგი დაავადებების სამკურნალოდ:

1. საშვილოსნოს დანამატების ქრონიკული ანთება.

2. მცირე მენჯის ორგანოების პოსტოპერაციული ინფილტრაციული დაზიანებები.

3. საშვილოსნოს ლორწოვანი გარსის ანთება.

4. მწვავე და ქრონიკული მიმდნარეობის ბუასილი.

5. პერირექტალური აბსცესი  და ფისტულა გავრცელებული ანთებითი ინფილტრატით.

6. ჩირქოვანი კაუდალური კისტები.

distreptaza® სუპოზიტორიების სახით შეიცავს ორ მოქმედ სუბსტანციას: სტრეპტოკინაზას და სტრეპტოდორნაზას.

სტრეპტოკინაზა სუპოზიტორიების სახით არის ადამიანის სისხლში არსებული პროენზიმის - პლაზმინოგენის აქტივატორი. პლაზმინოგენი სტრეპტოკინაზას მოქმედების შედეგად გადადის პლაზმინში, რომელსაც ადამიანის სისხლის კოაგულატორების გახსნის უნარი გააჩნია.  

სტრეპტოდორნაზა ენზიმია, რომელსაც ნუკლეოპროტეინების წებოვანი მასების, ნეკროზული უჯრედების ან ჩირქის გახსნის უნარი აქვს. ამავე დროს, იგი არ მოქმედებს ცოცხალ უჯრედებზე და მათ ფიზიოლოგიურ ფუნქციებზე.  

distreptaza® სუპოზიტორიების სახით გამოიყენება როგორც დამოუკიდებელი, ისე დამხმარე მედიკამენტი, რომელიც თავისი მოქმედებით აძლიერებს ანტიბიოტიკების ან ქიმიოთერაპიული პრეპარატების შეღწევას ანთების კერაში.

პრეპარატი ამცირებს სუბიექტურ შეგრძნებებს და მრავალჯერად ამცირებს განკურნების პერიოდს.

8. ინფორმაცია სამკურნალო საშუალების სწორი გამოყენების შესახებ, მათ შორის, უკუჩვენებები, გაფრთხილებები, ურთიერთქმედება სხვა სამკურნალო საშუალებებთან და სხვა სახის ურთიერთქმედებები (თამბაქოსთან, ალკოჰოლთან, საკვებ პროდუქტებთან), რომლებმაც შეიძლება გავლენა იქონიოს სამკურნალო საშუალების მოქმედებაზე, განსაკუთრებული მითითებები სამკურნალო საშუალების გამოყენების შესახებ.  

ბლისტერიდან ამოღების შემდეგ სუპოზიტორია უნდა შეიყვანოთ ღრმად სწორ ნაწლავში. 

გამოუყენებელი პროდუქტი ან მისი ნარჩენები უნდა განადგურდეს ადგილობრივი წესების მიხედვით.

გამოყენების უკუჩვენებებია ალერგია კომპონენტების მიმართ, ჰემორაგიული დიათეზი. დაუშვებელია პროდუქტის შეხება ჭრილობაზე, რომელიც დაფარულია ქერქით ან  ჭრილობაზე, რომელზეც ახალი დადებული ნაკერებია, რადგან შეხებისას შეიძლება მოხდეს ნაკერების დასუსტება და ჭრილობიდან სისხლდენის განვითარება.

არ გამოიყენოთ ანტიკოაგულანტებთან ერთად, რადგან შესაძლებელია ადგილობრივი სისხლდენის განვითარება.

პრეპარატი აძლიერებს ანტიბიოტიკების ან ქიმიოთერაპიული პრეპარატების შეღწევას ანთების კერაში.

თუ თქვენ გამოიყენებთ სხვა სამკურნალო საშუალებებს, აუცილებლად აცნობეთ ამის შესახებ თქვენ მკურნალ ექიმს!

დისტრეპტაზით მკურნალობის პერიოდში ექიმთან კონსულტაციის გარეშე არ მიიღოთ სხვა სამკურნალო საშუალებები, მათ შორის ურეცეპტო. არაკონტროლირებადმა მკურნალობამ შეიძლება ზიანი მიაყენოს თქვენ ჯანმრთელობას.

9. ინფორმაცია სხვადასხვა კატეგორიის პაციენტებში (ბავშვები, ორსულები ან მეძუძური ქალები, ხანდაზმულები, სხვადასხვა პათოლოგიის მქონე პაციენტები)  სამკურნალო საშუალების გამოყენების თავისებურებების შესახებ. 

distreptaza® სუპოზიტორიების სახით არ გამოიყენება ორსულებში, ასევე ძუძუთი კვების დროს.

10. ინფორმაცია პრეპარატის მოქმედების შესახებ ადამიანის ქცევაზე, ავტომობილის  ან მექანიზმების მართვის უნარზე (აუცილებლობისას).

distreptaza® არ იწვევს ფსიქიკური შესაძლებლობების დაქვეითებას, არ მოქმედებს მექანიკური საშუალებების მართვის და მექანიკური დანადგარების მომსახურების უნარზე.

11. ინფორმაცია დამხმარე ნივთიერებების შესახებ, რომლებიც მნიშვნელოვანია სამკურნალო საშუალების გამოყენების უსაფრთხოებისა და ეფექტურობისათვის.

სუპოზიტორიების დასამზადებლად გამოიყენება სანთელი, რომლის შემადგენლობაში შედის შემდეგი ნივთიერებები:

- ნეიტრალური ცხიმი (ვიტეპსოლი Н15),

- თხევადი პარაფინი (პარაფინის ზეთი).

ვიტეპსოლი Н15 (ნეიტრალური ცხიმი, Adept neutralis, Adept solidus) წარმოადგენს ნეიტრალურ ცხიმს, რომლისგანაც სედგება სუპოზიტორიის ლიპოფილური ფუძე. ქიმიური თვალსაზრისით, ეს არის გაჯერებული, უმაღლესი ცხიმოვანი მჟავების მონო-, დი- და ტრიგლიცერიდების ნარევი, რომელიც მიიღება მცენარეულ ზეთებში -  ქოქოსის და პალმის ზეთში არსებული ნატურალური გლიცერიდების ჰიდროლიზის გზით. 

ვიტეპსოლი Н15 არის თეთრი, მყარი, მყიფე მასა, ხელის შეხებით - ცხიმოვანი და მყარი, რომელიც უჯერი ცხიმოვანი მჟავების მოშორებისას არ მძაღდება. იგი სწრაფად მაგრდება ოთახის ტემპერატურაზე. მას ახასიათებს კონტრაქცია (მოცულობის ცვლილება ურთიერთგამხსნელი თხევადი ნივთიერებების შერევისას).

ვიტეპსოლი Н15 გამოიყენება სანთლის მასის ფუზედ, რადგან იგი ადვილად დნება 33.5 – 35.5°С-ზე მეტ ტემპერატურაზე. ეს პარამეტრი პასუხობს „ევროპულ ფარმაკოპეაში“ მითითებულ ზღვარს („ევროპული ფარმაკოპეის თანახმად“ ნეიტრალური ცხიმის დნობის ტემპერატურა არის 30 – 45°С ფარგლებში).

თხევად მდგომარებაში მყოფ ვიტეფსოლში შესაძლებელია ადვილად აიწონოს აქტიური ნივთიერებები, რომლებიც შერევის გზით ადვილად მიჰყავთ ჰომოგენურ მდგომარეობამდე.  ოთახისა და უფრო დაბალ ტემპერატურაზე ვიტეპსოლი გადადის მყარ მდგომარეობაში, რის გამოც იგი გამოიყენება სუპოზიტორიების დასამზადებლად. 

ვიტეპსოლი Н15 არ აღიზიანებს ლორწოვან გარსებს, ადამიანის სხეულის ტემპერატურაზე იგი დნება და ადვილად ათავისუფლებს აქტიურ ნივთიერებებს.

თხევადი პარაფინი (პარაფინის ზეთი, Paraffinum liquidum) არის უმაღლესი ხარისხის რაფინირებული მინერალური ზეთი, რომელიც სინთეზური გზით მიიღება. თხევადი პარაფინი არის უფერო, ცხიმოვანი, გამჭვირვალე, უსუნო სითხე, რომელიც პრაქტიკულად არ იხსნება წყალში და ეთანოლში.

№ CAS: 8042-47-5/8012-95-1

სუპოზიტორიაში თხევადი პარაფინი გამოიყენება ლუბრიკანტის სახით.

12. ინფორმაცია პრეპარატის სწორი მიღების შესახებ, მათ შორის დოზირება, შეყვანის გზა და წესი, გამოყენების ჯერადობა და, საჭიროების შემთხვევაში, სამკურნალო საშუალების მიღების საათის მითითება, საკვების მიღებასთან დამოკიდებულება, ასევე, აუცილებლობისას, სამკურნალო საშუალების თვისებებიდან გამომდინარე, გამოყენების ხანგრძლივობა ექიმის კონტროლის გარეშე, თუ იგი შეზღუდულია.

ბლისტერიდან ამოღების შემდეგ სუპოზიტორია შეჰყავთ ღრმად სწორ ნაწლავში.

დოზირება დამოკიდებულია ანთებითი პროცესის სახეობასა და ხარისხზე.

გამოიყენება ექიმის რეკომენდაციით.

მოზრდილებში დაავადების მძიმე მიმდინარეობისას ინიშნება:

1 სუპოზიტორია 3-ჯერ დღეში პირველი 3 დღის განმავლობაში;

1 სუპოზიტორია 2-ჯერ დღეში შემდეგი 3 დღის განმავლობაში;

1 სუპოზიტორია ერთხელ დღეში შემდეგი 3 დღის განმავლობაში.

მოზრდილებში დაავადების საშუალო და მსუბუქი ხარისხის დროს ინიშნება:

1 სუპოზიტორია 2-ჯერ დღეში 3 დღის განმავლობაში;

1 სუპოზიტორია ერთხელ დღეში შემდეგი 4 დღის განმავლობაში;

ან

1 სუპოზიტორია 2-ჯერ დღეში 2 დღის განმავლობაში.

მკურნალობის კურსის განმავლობაში საშუალოდ 8 - 18 სუპოზიტორია ინიშნება.

მკურნალობის კურსის საშუალო ხანგრძლივობაა 7 - 10 დღე.

13. ინფორმაცია სამკურნალო საშუალების ჭარბი დოზირების შემთხვევების შესახებ და იმ ზომების შესახებ, რომელიც მისაღებია ასეთი შემთხვევების დროს (სასწრაფო (გადაუდებელი) სამედიცინო დახმარების ღონისძიებები და სიმპტომური თერაპია).

ჭარბი დოზირების სიმპტომები ცნობილი არ არის.

14. ინფორმაცია პაციენტის მოქმედების შესახებ სამკურნალო საშუალების მორიგი დოზის გამოტოვების შემთხვევაში, სამკურნალო საშუალების მიღების შეწყვეტის ეფექტის რისკის განვითარების მითითებით  (აუცილებლობისას). 

სამკურნალო საშუალების დოზის გამოტოვებისას არ გამოიყენოთ ორმაგი დოზა.

15. გვერდითი რეაქციები, რომლებიც აღინიშნება სამკურნალო საშუალების  თერაპიული ან პროფილაქტიკური დოზებით გამოყენებისას, აუცილებელი მითითება ინსტრუქციაში აღნიშნული ან სხვა გვერდითი რეაქციების გამოვლენისას ექიმთან მიმართვის საჭიროების შესახებ.   

ზოგჯერ მოსალოდნელია ალერგიული რეაქციების განვითარება, სხეულის ტემპერატურის მომატება და სისხლდენებისადმი მიდრეკილება.

არატიპური რეაქციების განვითარებისას აუცილებელად მიიღეთ ექიმის კონსულტაცია პრეპარატის გამოყენების გაგრძელების შესაძლებლობის შესახებ! 

16. ინფორმაცია შენახვის განსაკუთრებული პირობების შესახებ, მათ შორის ზუსტი ტემპერატურული რეჟიმის (პარამეტრების) მითითება, რომლის პირობებშიც  სამკურნალო საშუალება ინარჩუნებს ფარმაკოლოგიურ თვისებებს, გაფრთხილება სამკურნალო საშუალების ვიზუალური კონტროლის  შესახებ (აუცილებლობისას), სამკურნალო საშუალების ვარგისობის ვადა, გაფრთხილება სამკურნალო საშუალების გამოყენების დაუშვებლობის შესახებ მისი ვარგისობის ვადის გასვლის შემდეგ, სამკურნალო საშუალების შენახვის აუცილებლობა ბავსვებისათვის მიუწვდომელ ადგილას.

პრეპარატის ინახება ბავშვებისათვის მიუწვდომელ ადგილას.

ინახება 2°С – 8°С ტემპერატურაზე (მაცივარში). დაუშვებელია გაყინვა.

ვარგისობის ვადა - 3 წელი.

შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

17. ინფორმაცია სამკურნალო საშუალების გაცემის წესის შესახებ: ექიმის რეცეპტით თუ რეცეპტის გარეშე.

ფარმაცევტული პროდუქტის ჯგუფი II, გაცემა ფორმა №3 რეცეპტით.

18. ინფორმაცია შეფუთვაში არსებული დოზების რაოდენობის და სამკურნალო საშუალების  შეფუთვის სახის შასახებ.

6 რექტალური სუპოზიტორია ბლისტერში, 1 ბლისტერი 6 სუპოზიტორიით. პვქ/პე ბლისტერი მუყაოს კოლოფში.

5 რექტალური სუპოზიტორია ბლისტერში, 2 ბლისტერი 5 სუპოზიტორიით თითოზე. პვქ/პე ბლისტერი მუყაოს კოლოფში.

19. ინფორმაცია მწარმოებლის (განმცხადებლის) შესახებ, მისი მისამართი, ასევე მონაცემები მწარმოებლის (განმცხადებლის) ინტერესების წარმომადგენელი სუბიექტის შესახებ, მისი მისამართი, ტელეფონი და სხვა ინფორმაცია.

„ბიომედ-ლუბლინი“ ვიტვურნია სუროვიც და შჩეპიონეკ სპულკა 

აკციინა

უნივერსიტეტსკაიას ქ. 10, 20-029 ლუბლინი, პოლონეთი

ექსკლუზიური წარმომადგენელი

ალპენ ფარმა აგ

ბერნი, შვეიცარია

ქვეყანა: ესპანეთი

მწარმოებელი: ჯ. ურიაჩ ცია ს.ა

გაცემის ფორმა: II ჯგუფი რეცეპტული

ნერმო პლუსი
(NERMO PLUS)

ზოგადი დახასიათება:
არაპატენტირებული საერთაშორისო დასახელება:  გლუკოზამინი; ქონდროიტინის სულფატი; ტოკოფეროლი;  ასკორბინის მჟავა;  მანგანუმის სულფატი.

ძირითადი ფიზიკურ-ქიმიური თვისებები:
გაუმჭვირვალე ლურჯი / წითელი ფერის, მყარი ჟელატინის კაფსულები, შევსებული თეთრი ან მოთეთრო ფერის გრანულირებული ფხვნილით.

შემადგენლობა:   
1 კაფსულა შეიცავს:
გლუკოზამინის სულფატის ნატრიუმის ქლორიდს _ 250 მგ;
ნატრიუმის ქონდროიტინის სულფატს _ 200 მგ;
ვიტამინ E-ს  (ტოკოფეროლის აცეტატი) _ 4 მგ;
ვიტამინ C-ს (ასკორბინის მჟავა) _ 25 მგ;
მანგანუმის სულფატს, 10 მგ მანგანუმის ეკვივალენტურს. 
დამხმარე ნივთიერებები: კოლოიდური სილიციუმის დიოქსიდი.
                                              
გამოშვების ფორმა:
კაფსულები.

ფარმაკოლოგიური ჯგუფი:
ხრტილოვანი ქსოვილის მეტაბოლური პროცესების მასტიმულირებელი საშუალება. M09AX.

ფარმაკოლოგიური თვისებები:
გლუკოზამინის სულფატი:
იგი მიეკუთვნება ხრტილოვან ქსოვილში ნივთიერებათა ცვლაზე მოქმედ პრეპარატებს.
გლუკოზამინის სულფატი წარმოადგენს ადამიანის ორგანიზმში ფიზიოლოგიურად  არსებულ,  დაბალი მოლეკულური მასის გლუკოზამინის ამინომონოსაქარიდის ბუნებრივ მარილს,  რომელიც გაწმენდილია მაკრომოლეკულური კომპონენტებისაგან. იგი ავსებს გლუკოზამინის ენდოგენურ დეფიციტს, ასევე ასტიმულირებს პროტეოგლიკანებისა და ჰიალურონის მჟავას სინთეზს სინოვიალურ სითხეში და ხელს უწყობს კოლაგენის წარმოქმნას ხრტილოვან ქსოვილში. გლუკოზამინის სულფატი სახსრების ხრტილისა და სინოვიალური მემბრანების უჯრედებში აღადგენს ფერმენტულ პროცესებს.
გლუკოზამინის სულფატის ანთების საწინააღმდეგო მოქმედება განპირობებულია მაკროფაგების მიერ სუპეროქსიდული რადიკალების წარმოქმნის ბლოკირებით და ლიზოსომური ფერმენტების ინჰიბირებით.
ქონდროიტინგოგირდმჟავას სინთეზის პროცესში პრეპარატი ხელს უწყობს გოგირდის ფიქსაციასა და კალციუმის ნორმალურ დეპონირებას ძვლოვან ქსოვილში.
პრეპარატი ანელებს და/ან აჩერებს სახსრებში დეგენერაციული პროცესების პროგრესირებას, რაც იწვევს  სახსრების ფუნქციის აღდგენასა  და ტკივილის სინდრომის კუპირებას.
სულფატები ასევე მონაწილეობენ გლიკოზამინოგლიკანების სინთეზისა და ხრტილოვანი ქსოვილის მეტაბოლიზმის პროცესებში.
ქონდროიტინის სულფატი:
იგი მოქმედებს ჰიალინური ხრტილის ცვლის პროცესებზე, ამცირებს სახსრების ხრტილოვან ქსოვილში დეგენერაციულ ცვლილებებს და ასტიმულირებს გლუკოზამინოგლიკანების ბიოსინთეზს. პრეპარატით მკურნალობის პროცესში მცირდება არასტეროიდულ ანთების საწინაარმდეგო საშუალებებზე მოთხოვნილება.
გლუკოზამინისა და ქონდროიტინის კომბინაცია აძლიერებს ერთმანეთის მოქმედების ეფექტს, რაც დოზის 2-ჯერ შემცირების და კლინიკური ეფექტის სწრაფად გამოვლენის საშუალებას იძლევა.
ვიტამინი C აუცილებელია ანთებითი პროცესების დასათრგუნად. იგი აუმჯობესებს ქსოვილების რეგენერაციას და ააქტიურებს ორგანიზმის დაცვით ძალებს.
ვიტამინი E  წარმოადგენს ანტიოქსიდანტს, რომელიც მონაწილეობს ცილების ბიოსინთეზისა და ქსოვილოვანი სუნთქვის პროცესებში.
მანგანუმის სულფატი მონაწილეობს ძვლოვანი და ხრტილოვანი ქსოვილების ფორმირებაში.
მკურნალობის დაწყებიდან 2 კვირის შემდეგ აღინიშნება კლინიკური სიმპტომების შემცირება.

ფარმაკოკინეტიკა:
გლუკოზამინის სულფატი:
პერორალურად მიღების შემდეგ გლუკოზამინის სულფატი სწრაფად და სრულად შეიწოვება წვრილ ნაწლავში. მისი აბსორბციის ხარისხი შეადგენს 90%-ს.
გლუკოზამინის სულფატი ადვილად გადის ბიოლოგიურ ბარიერს  და ნაწილდება სახსრების ხრტილოვან ქსოვილებში. პრეპარატის ბიოშეღწევადობა შეადგენს 25%-ს, ნახევარგამოყოფის პერიოდი _ 68 სთ-ს.
ქონდროიტინის სულფატი:
პერორალური მიღებისას ქონდროიტინის სულფატი სწრაფად  აბსორბირდება კუჭ-ნაწლავის ტრაქტიდან. მისი Cmax სისხლის პლაზმაში მიიღწევა დაახლოებით 3-4 სთ-ის განმავლობაში. პრეპარატის დაგროვება ძირითადად ხდება სახსრების სინოვიალურ სითხეში. მისი ბიოშეღწევადობა შეადგენს 13%-ს. გამოიყოფა ძირითადად თირკმელების საშუალებით.
პერორალური მიღებისას ვიტამინი C სწრაფად  აბსორბირდება კუჭ-ნაწლავის ტრაქტიდან. Cmax სისხლის პლაზმაში მიიღწევა დაახლოებით 2-3 სთ-ის განმავლობაში. იგი გამოიყოფა თირკმელების საშუალებით.
პერორალური მიღებისას ვიტამინი E  აბსორბირდება კუჭ-ნაწლავის ტრაქტიდან. მეტაბოლიზდება ღვიძლში. გამოიყოფა თირკმელების საშუალებით.
პერორალური მიღებისას მანგანუმის სულფატის აბსორბცია მერყეობს 3%-დან  50%-მდე.

ჩვენება:
- სახსრებისა და ხერხემლის დეგენერაციულ-დისტროფიული დაავადებები (ოსტეოართროზები, ართროპათიები);
- სხვადასხვა ლოკალიზაციის ოსტეოართრიტები (მუხლის, მენჯ-ბარძაყის, სხივ-მაჯის სახსრები, ხერხემალი და სხვა);
- მხარ-ბეჭის პერიართრიტი;
- სპონდილოზი.

მიღების წესი და დოზირება:
ნერმო პლუსი 55 კგ-ზე ნაკლები სხეულის მასის მქონე პაციენტებში ინიშნება 1 კაფსულა 2-ჯერ დღეში, 55 კგ-ზე მეტი სხეულის მასის მქონე პაციენტებში _ 2 კაფსულა 2-ჯერ დღეში.

გვერდითი მოვლენები:
პრეპრატის მიღებისას გვერდითი ეფექტები გამოხატულია სუსტად ან ზომიერად და აქვთ გარდამავალი ხასიათი.
კუჭ-ნაწლავის ტრაქტის მხრივ: ცალკეულ შემთხვევებში _ მეტეორიზმი, დიარეა, ყაბზობა, გულისრევა, ღებინება;
ალერგიული რეაქციები: ცალკეულ შემთხვევებში კანის ჰიპერემია, ქავილი, ერითემა, ურტიკარია, დერმატიტი.

უკუჩვენება:
გლუკოზამინის სულფატის და პრეპარატის შემადგენლობაში შემავალი სხვა კომპონენტების მიმართ მომატებული მგრძნობელობა. თირკმლის ფუნქციის გამოხატული დარღვევები. 

ურთიერთქმედება სხვა სამკურნალო საშუალებებთან:
გლუკოზამინის სულფატი შეთავსებადია არასტეროიდულ ანთების საწინააღმდეგო და გლუკოკორტიკოიდულ საშუალებებთან. იგი აძლიერებს ტეტრაციკლინების აბსორბციას და აქვეითებს პენიცილინისა და ქლორამფენიკოლის შეწოვას.  
ვიტამინ C –სა და ვიტამინ B12-ის მიღებათა შორის აუცილებელია 2 სთ-იანი ინტერვალი, ვინაიდან ეს უკანასკნელი  იშლება ვიტამინ C-ს ზეგავლენით.

ჰიპერდოზირება:
დოზის გადაჭარბების შემთხვევები არ არსებობს.

ორსულობა და ლაქტაცია:
ორსულობისა  და ლაქტაციის პერიოდში ადექვატური და მკაცრად კონტროლირებადი კვლევები პრეპარატის უსაფრთხოების შესახებ არ ჩატარებულა.

გამოყენების თავისებურებები:
პრეპარატი სიფრთხილით გამოიყენება შაქრიანი დიაბეტით და ბრონქული ასთმით დაავადებულ პაციენტებში.
12 წლამდე ასაკის ბავშვებში ადექვატური და მკაცრად კონტროლირებადი კვლევები პრეპარატის უსაფრთხოების შესახებ არ ჩატარებულა.
პრეპარატი ზემოქმედებას არ ახდენს ყურადღების კონცენტრაციასა და სატრანსპორტო საშუალებების მართვის უნარზე.

შეფუთვა:
10 კაფსულა ალუმინის სტრიპში, 3 სტრიპი მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისა  და ბავშვებისაგან დაცულ ადგილას.

ვარგისიანობის ვადა :
1.5 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა ურეცეპტოდ.

მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი, ჭირნახულის ქ. 14.

გორდოქსი ამპულები
GORDOX pro injection

შემადგენლობა:
1 ამპულა (10მლ) შეიცავს 100000 ერთეულ კალიკრეინის ინაქტივატორს (კსე).

ფარმაკოთერაპიული ჯგუფი:
ფიბრინოლიზის ინჰიბიტორი

ფორმა:
საინექციო ხსნარი

ფარმაკოლოგიური თვისებები;
კალიკრეინის ინჰიბიტორი იწვევს სისხლში პათოლოგიურად მომატებული კალიკრეინ-ტრიფსინის ინაქტივაციას. პრეპარატის მოქმედების მექანიზმი განაპირობებს მის გამოყენებას თერაპიული და ქირურგიული ჩვენების მიხედვით კუჭქვეშა ჯირკვლის და მის გარშემო განლაგებული პარენქიმული ორგანოების დაავადების დროს. გორდოქსი მწვავე პანკრეატიტის, კუჭქვეშა ჯირკვლის ნეკროზის დროს ხელს უწყობს ანთებითი პროცესის შემცირებას, სისხლმიმოქცევის მწვავე უკმარისობის ნორმალიზაციას, ტკივილის გაყუჩებას და ავადმყოფის ზოგადი მდგომარეობის გაუმჯობესებას. პრეპარატი იწვევს ორგანიზმში პროტეოლიზური პროცესების დათრგუნვას, რაც განაპირობებს მის გამოყენებას პროფილაქტიკის მიზნით მუცლის ღრუზე ოპერაციების დროს, ასევე პრე- და პოსტოპერაციული მკურნალობის დროს.

ჩვენება:
მკურნალობისათვის:
მწვავე პანკრეატიტი, კუჭქვეშა ჯირკვლის ნეკროზი. ქრონიკული მორეციდივე პანკრეატიტი, მწვავე არასპეციფიური პოსტოპერაციული პაროტიტი, ანგიონევროზული შეშუპება, მძიმე შოკური მდგომარეობა (ენდოტოქსიური შოკი, ტრავმული შოკი, შოკი დამწვრობის დროს, ჰემორაგიული შოკი). ქსოვილთა ვრცელი და ღრმა დაზიანებები.

პირველადი ჰიპერფიბრინოლიზური სისხლდენები და მეორადი ჰიპერფიბრინოლიზის თანმხლები კოაგულოპათია, მიოკარდიუმის ინფარქტი.
პრემედიკაცია: კუჭქვეშა ჯირკვლის ქირურგიაში, მასზე კვლევის დროს, სეკვესტროტომიის დროს, პანკრეასის კისტის და პანკრეასის თავის კიბოს ამოკვეთა, ლანგერჰანსის კუნძულების ადენომის გამო ოპერაციისას, დაზიანებული პანკრეასის ქირურგიული მკურნალობა, პანკრეატოლიტექტომია.
პროფილაქტიკისათვის:
კუჭქვეშა ჯირკვლის გარშემო მდებარე ორგანოების ოპერაცია, ნაღვლის ბუშტზე ოპერაციის შემდეგ, ჩატარებული ქოლანგიოგრაფიასთან ერთად, კუჭის ან 12-გოჯა-ნაწლავის წყლულის პენეტრაცია კუჭქვეშა ჯირკვალში; კუჭქვეშა ჯირკვლის ნაწილობრივი რეზექცია, სპელენექტომია პოსტოპერაციული პანკრეატიტის თავიდან ასაცილებლად, კუჭქვეშა ჯირკვლის გარშემო მდებარე ორგანოების დაცვა პანკრეასის აუტოლიზური პროცესისაგან. მუცლის ღრუს ზედა ნაწილზე ოპერაციის შემდეგ ნაკერის დასაცავად. პოსტოპერაციული ფილტვის ემბოლიის და სისხლდენების თავიდან ასაცილებლად, ჭრილობების პოსტოპერაციული შეხორცების შეფერხების პროფილაქტიკა, მრავლობითი ტრავმების, განსაკუთრებით ქვემო კიდურების და თავის ქალას მოტეხილობის დროს ცხიმოვანი ემბოლიის პროფილაქტიკის მიზნით.

დოზირება და მიღების წესი:
გორდოქსით მკურნალობა იწყება ინტრავენურად დიდი დოზის ნელა შეყვანით (მაქსიმუმი 5მლ/წუთში). ავადმყოფი იმყოფება მწოლიარე მდგომარეობაში. სისხლში მიღწეული დოზის შესანარჩუნებლად აუცილებელია ხანგრძლივი შეყვანა წვეთოვანის სახით. თუ ეს შეუძლებელია, წარმოებს კანქვეშა ინექცია ყოველ 2-3 საათში ერთხელ. ფერმენტული დარღვევის დროს აუცილებელია გორდოქსის შეყვანა დიდი დოზებით.
მკურნალობის მიზნით:
საწყისი დოზა 500000კსე ნელა ინტრავენურად, შემდეგ ყოველ საათში 50000კსე ხანგრძლივი წვეთოვანი შეყვანის სახით. შემდგომ დღეებში კლინიკური სურათის და ლაბორატორიული მონაცემების გაუმჯობესებისას, დღეღამური დოზა მცირდება 300000-500000კსე-მდე. კოაგულოპათიის დროს თანმხლები მეორადი ჰიპერფიბრინოლიზით, აუცილებელია დიდი დოზების შეყვანა (1 მილიონი კსე ან მეტი). მუდმივი ნელი სისხლდენების დროს მიზანშეწონილია გორდოქსის ადგილობრივი გამოყენება (100000კსე) მარლის საფენით, რომელიც გაჟღენთილია 10მლ ხსნარით.
პოსტოპერაციული პერიოდი და პროფილაქტიკა:
უშუალოდ ოპერაციის წინ ინტრავენურად, ნელა 200000კსე. ოპერაციის დღეს და პოსტოპერაციული პერიოდის პირველ და მეორე დღეს ყოველ 6 საათში ერთხელ ინტრავენურად, ნელა, ხანგრძლივად წვეთოვანის სახით 100000კსე.
ბავშვებში:
ზემოთ აღნიშნული დოზების მიხედვით, რომლებიც დადგენილია მოზრდილისათვის სხეულის წონით 70კგ, ბავშვებში ინიშნება დოზები გათვლილი მისი სხეულის კგ წონაზე.

გვერდითი მოვლენები:
პრეპარატი პრაქტიკულად არ იწვევს გვერდითი მოვლენების განვითარებას. გორდოქსის მოქმედ ნივთიერებას გააჩნია პოლიპეპტიდური სტრუქტურა, ამიტომ შესაძლოა მისი მოქმედება, როგორც ანტიგენის. პრეპარატის ინდივიდუალური ამტანიანობა დგინდება მკურნალობის დასაწყისში ჩატარებული კანის სინჯით.

გამოყენების თავისებურება:
თუ პრეპარატის გამოყენებისას ინექციის ან ინფუზიის სახით აღინიშნება ალერგიული რეაქცია, მისი შეყვანა წყდება.

შენახვის ვადა: 5 წელი

შენახვის პირობები: ინახება ორიგინალურ შეფუთვაში 15-30ºC ტემპერატურაზე.

შეფუთვა
10მლ 5 ან 25 ამპულა.

გაცემის წესი – ექიმის რეცეპტით.

მწარმოებელი
ს.ს. “გედეონ რიხტერი”, უნგრეთი