ქვეყანა: უნგრეთი

მწარმოებელი: ხინოინი უნგრეთი

გაცემის ფორმა: III ჯგუფი ურეცეპტო

ცენტროვიტი  G (ჟენშენით) №20 შუშხუნა ტაბლეტი

ვიტამინებისა და მინერალების კომპლექსი

საკვები დანამატი

ცენტროვიტი G – ის (ჟენშენით)  1 შუშხუნა ტაბლეტი შეიცავს  ჟენშენის ფესვების ექსტრაქტს 200 მგ–ს, 10 ვიტამინს  და 7 მინერალს.

ცენტროვიტი G (ჟენშენით)  გამოიყენება:

• გონებრივი და ფიზიკური შრომისუნარიანობის გასაზრდელად;
• ვიტამინებისა და მინერალების დეფიციტის შესავსებად;
• სტრესის, გადაღლის,  სხვადასხვა დაავადებების გადატანის შემდგომ პერიოდში რეაბილიტაციის  დაჩქარების  მიზნით;
• კომპლექსური თერაპიის შემადგენლობაში ასთენიური  სინდრომის  (მათ შორის სქესობრივი ფუნქციის დაქვეითების) და ჰიპოტონური ტიპის ვეგეტო-სისხლძარღვოვანი დისტონიის დროს;
• სპორსტმენებში ფიზიკური ამტანობის გასაზრდელად;
• ორგანიზმის არასპეციფიკური რეზისტენტობის გასაზრდელად.

მიღების წესი და დოზირება:
1 შუშხუნა ტაბლეტი იხსნება 200 მლ გრილ წყალში.

მიიღება მოზრდილებში პერორალურად 1 ტაბლეტი 1–ჯერ დღეში.

მწარმოებელი: „ეფერტა“, პოლონეთი, www.efferta.pl

კალცემინი
(CALCEMIN)
SAGMEL, INC აშშ 

ათქ კლასიფიკაციის კოდიBA12AX
შემადგენლობა და გამოშვების ფორმა: შემოგარსული ტაბლეტები: შეფუთვაში 30, 60 და 120 ც.1 ტაბ.
კალციუმი . . . . . . . . . 250 მგ
ვიტამინი D3. . . . . . . . 50 სე
თუთია . . . . . . . . . . . 2 მგ
სპილენძი . . . . . . . . . . 0.5 მგ
მანგანუმი  . . . . . . . . . .0.5 მგ
ბორი  . . . . . . . . . . . . 50 მკგ

დამხმარე ინგრედიენტები: მიკროკრისტალური ცელულოზა, სტეარინის მჟავა, ნატრიუმის კროსკარმელოზა, აკაცია, მალტოდექსტრინი, ჰიდროქსიპროპილმეთილცელულოზა,  მაგნიუმის სტეარატი, სოიოს პოლისაქარიდი, ტიტანის დიოქსიდი, ნატრიუმის ლაურილსულფატი, მაგნიუმის სილიკატი, სილიციუმის დიოქსიდი, პოლიეთილენგლიკოლი, მინერალური ზეთი.

კლინიკურ-ფარმაკოლოგიური ჯგუფი: ფოსფორ–კალციუმის ცვლის მარეგულირებელი საშუალება. ფარმაკოლოგიური თვისებები კომბინირებული პრეპარატი, რომელიც შეიცავს კალციუმის ციტრატსა და კარბონატს,  ვიტამინ  D3–ს, მიკრო- და მაკროელემენტებს. არეგულირებს ფოსფორ-კალციუმის ცვლას, ავსებს მიკროელემენტებისა და ვიტამინ D3–ის დეფიციტს. ახდენს საყრდენ-მამოძრავებელი აპარატის დაავადებათა პრევენციას, ხელს უწყობს ძვლებისა და სახსრების სისტემის გაძლიერებას.

ჩვენებები: სხვადასხვა გენეზის ოსტეოპოროზის პროფილაქტიკა და კომპლექსური მკურნალობა: ხანდაზმულ ადამიანებში, პირებში რომლებსაც აწუხებთ რევმატიული, ენდოკრინული სისტემის, ფილტვების ქრონიკული ობსტრუქციული და პროფესიული დაავადებები და სხვ.; პირებში, რომლებიც ხანგრძლივად სარგებლობენ კორტიკოსტეროიდებითა და იმუნოდეპრესანტებით. მოზარდებში, ორსულ და მეძუძურ ქალებში კალციუმისა და მიკროელემენტების დეფიციტის შესავსებად.დოზირების რეჟიმი მოზრდილებსა და ბავშვებში 12 წლის ასაკის ზევით თითო ტაბლეტი ორჯერ დღეში ჭამის დროს. 5-დან-12 წლამდე ბავშვებში თითო ტაბლეტი დღეში ერთხელ ჭამის დროს.

გვერდითი მოვლენები: ვლინდება ძალიან იშვიათად დოზის გადაჭარბების ან ინდივიდუალური ჰიპერმგრძნობელობის დროს პრეპარატის შემადგენელი ინგრედიენტების მიმართ. ამ შემთხვევებში შესაძლებელია აღინიშნოს ზომიერი გულისრევის შეგრძნება, მუცლის ტკივილი, ნაწლავების შებერილობა, ალერგიული რეაქციები, ჰიპერკალციემია, ჰიპერკალციურია.უკუჩვენებებიმომატებული ინდივიდუალური მგრძნობელობა პრეპარატში შემავალი კომპონენტების მიმართ (ალერგიული რეაქციები), თირკმლის კენჭოვანი დაავადება, ჰიპერკალციემია და ჰიპერკაციურია.

განსაკუთრებული მითითებები: დოზა არ უნდა აჭარბებდეს ინსტრუქციაში მითითებულს, ვინაიდან კალციუმის ჭარბად მიღებამ შესაძლოა დათრგუნოს ნაწლავში რკინის, თუთიისა და სხვა აუცილებელი მინერალების შეწოვა.

ჭარბი დოზირება: დოზის გადაჭარბების შემთხვევაში შესაძლებელია ყაბზობა, ღებინება და გულისრევა. ჭარბი დოზის გამოვლინებები მოიცავს ჰიპერკალციემიასა და ჰიპერკალციურიას, რომელიც იწვევს კალციუმის დაგროვებას რბილ ქსოვილებში და გამოუსწორებელ ცვლილებებს თირკმლებსა და გულსისხლძარღვთა სისტემაში.შენახვის პირობები და ვადა პრეპარატი ინახება 15-30⁰C ტემპერატურაზე, მშრალ, ბნელ, ბავშვებისათვის მიუწვდომელ ადგილას. ვარგისიანობის ვადა - 3 წელი. აფთიაქიდან გაცემის პირობები:პრეპარატი გაიცემა ექიმის რეცეპტით.
Sagmel, Inc.

ნო-შპა
(NO-SPA)

პრეპარატის სავაჭრო დასახელება
ნო-შპა

საერთაშორისო (დაუპატენტებელი) სახელწოდება: დროტავერინი.

ქიმიური რაციონალური სახელწოდება
1-[(3,4-დიეთოქსიფენილი)მეთილენ)]-6,7-დიეთოქსი-1,2,3,4-ტეტრაჰიდროიზოქინოლინ ჰიდროქლორიდი.

სამკურნალო ფორმა: 40 მგ ტაბლეტები

შემადგენლობა
თითოეული ტაბლეტი შეიცავს აქტიური ნივთიერების სახით 40,0მგ დროტავერინის ჰიდროქლორიდს.
დამხმარე ნიოვთიერებები: მაგნიუმის სტეარატი, ტალკი, პოლივიდონი, სიმინდის სახამებელი, ლაქტოზა.

აღწერილობა:
ყვითელი ფერის მსხვილი ტაბლეტები, მომწვანო ან მოწითალო შეფერილობის, ცალ მხარეს – მარკირება- “spa”

ფარმაკოთერაპიული ჯგუფი: სპაზმოლიზური საშუალება [A03AD02]

ფარმაკოლოგიური თვისებები:
ფარმაკოდინამიკა:
დროტავერინი - იზოქინოლინის წარმოებული, მოქმედებს უშუალოდ გლუვ კუნთებზე (მუსკულატურაზე) ფოსფოდიესთერაზის ინჰიბირების გზით და ციკლური ამფ შიდაუჯრედოვანი დაგროვებით, რაც იწვევს გლუვი კუნთის მოდუნებას მიოზინ კინაზის მსუბუქი ჯაჭვის (მმჯკ)  ინაქტივაციის დახმარებით. პაპავერინთან შედარებით აქვს უფრო ძლიერ მოქმედება, შეწოვა ხდება უფრო სწრაფად, ძნელად უკავშირდება პლაზმის ცილებს. დროტავერინის სპაზმოლიზური მოქმედება არ არის დამოკიდებული ვეგეტატიური ინერვაციის ხასიათზე, ერთნაირად მოქმედებს გასტრიონტესტინური, ბილიარული, უროგენიტალური და სისხლძარღვთა სისტემების გლუვ კუნთებზე. სისხლძარღვთა გაფართოების გამო იზრდება სისხლის მიწოდება ქსოვილში. არ აქვს ტერატოგენული და ემბრიოტოქსიური მოქმედება.

ჩვენება:
ფუნქციური მდგომარეობებისა და ტკივილის სინდრომის პროფილაქტიკა და მკურნალობა, რომელიც დაკავშირებულია გლუვი კუნთის სპაზმთან, მ.შ ქრონიკული გასტროდუოდენიტის, ქრონიკული ქოლეცისტიტის, ქოლელითიაზის, პოსტ- ქოლეცისტექტომიური სინდრომის დროს, კუჭის წყლულოვანი დაავადებისას და 12-გოჯა ნაწლავის, კუჭის პილორული და კარდიული ნაწილების სპაზმის დროს, სპასტიური კოლიტის, შარდ-კენჭოვანი დაავადებებისას, პიელიტის, ცისტიტის, ალგოდისმენორეის დროს.
მშობიარობის დროს საშვილოსნოს ყელის სპაზმის მოხსნისას და საშვილოსნოს კუმშვადობის შესუსტების დროს.
პერიფერიულ არტერიულ სისხლძარღვთა, თავის ტვინის სისხლძარღვთა სპაზმების დროს.
გლუვი კუნთების სპაზმის პროფილაქტიკა, ინსტრუმენტული გამოკვლევების ჩატარების დროს.

გამოყენების წესი და დოზები:
მოზრდილებს ენიშნებათ 40-80 მგ 1-3 ჯერ დღე-ღამეში.
ბავშვებს: 1-6 წლის ასაკში დღიურ დოზას შეადგენს 10-40 მგ, 6 წლის ზევით-20-40 მგ (1-2 მიღება)

გვერდითი მოვლენები;
თავის ტკივილი, თავბრუსხვევა, გულისცემის აჩქარება, არტერიული ჰიპოტენზია, ოფლიანობა, ღებინება, ალერგიული რეაქციები.

უკუჩვენება:
ინდივიდუალური აუტანლობა; ღვიძლის, თირკმლის, გულის გამოხატული უკმარისობა, II-III ხარისხის AV ბლოკადა.

გაფრთხილება:
პრეპარატი სიფრთხილით ენიშნებათ პაციენტებს, რომელთაც აქვთ გამოხატული კორონარული არტერიების ათეროსკლეროზი, პროსტატის ადენომა, გლაუკომა, ორსულობისა და ლაქტაციის პერიოდში.

ურთიერთქმედება სხვა სამკურნალო საშუალებებთან:
ერთდროული მიღებისას ნო-შპამ შეიძლება შეამციროს ლევოდოპას ანტიპარკინსონული ეფექტი.

გამოშვების ფორმა:
20 ტაბლეტი (2X10) ბლისტერულ შეფუთვაში.
100 ტაბლეტი პოლიპროპილენის ფლაკონში პოლიეთილენის საცობით.

შენახვის პირობები:
ტაბლეტები ბლისტერულ შეფუთვაში: ინახება ორიგინალურ შეფუთვაში,  30ºC დაბალ ტემპერატურაზე.
ტაბლეტები ფლაკონში: ინახება ოთახის ტემპერატურაზე (15-25ºC) სინათლისაგან დაცულ ადილას
პრეპარატი უნდა ინახებოდეს ბავშვებისაგან მოუწვდომელ ადგილას.

შენახვის ვადა:
5 წელი
არ მიიღება შეფუთვაზე მითითებული ვადის ამოწურვის შემდეგ.

აფთიაქიდან გაცემის პირობა
რეცეპტით

მწარმოებლის დასახელება და მისამართი:
ფარმაცევტული და ქიმიური პროდუქტების ქარხანა სს ხინოინი
1045 ბუდაპეშტი, ქ. 1-5. უნგრეთი

მოქმედება:

ცენტროვიტი წარმოადგენს ვიტამინებისა და მინერალების კომპლექსს, რომლის მოქმედება განპირობებულია მასში შემავალი კომპონენტების თვისებებით.
ცენტროვიტი აკმაყოფილებს ვიტამინებისა და მინერალების დღიურ მოთხოვნილებას, აუმჯობესებს ორგანიზმის იმუნიტეტს, რეკომენდებულია ვიტამინების, მიკრო- და მაკროელემენტების ნაკლებობის დროს.

შემადგენლობა:   
1 ტაბლეტი შეიცავს:
 
ვიტამინი A  - 800 მკგ; ვიტამინი B1  - 1.4 მგ; ვიტამინი B2  - 1.6 მგ; ვიტამინი B3 - 18 მგ; ვიტამინი B5   - 6 მგ; ვიტამინი B6   - 2 მგ; ვიტამინი B9 - 200 მკგ; ვიტამინი B12    - 1.0 მკგ; ვიტამინი H - 150 მკგ; ვიტამინი C - 75 მგ; ვიტამინი E - 10 მგ; ვიტამინი K  - 30 მკგ; კალციუმი - 200 მგ; ფოსფორი - 125 მგ; მაგნიუმი - 100 მგ; კალიუმი  - 80 მგ; რკინა - 5 მგ; იოდი - 100 მკგ; თუთია - 5 მგ; სპილენძი - 1 მგ; მოლიბდენი - 80 მკგ; ქრომი - 60 მკგ; სელენი - 30 მკგ. ვიტამინი D3   - 5.0 მკგ (200 სე);

ჩვენება:

- მოზრდილებში ვიტამინებისა და მინერალების ნაკლებობა;
- გადაღლა და სტრესი;
- არასრულფასოვანი და არაბალანსირებული კვება;
- ჰიპოვიტამინოზის სეზონური პროფილაქტიკა;
- რეაბილიტაციის პერიოდი.

მიღების წესი და დოზირება:
მოზრდილებში მიიღება 1 ტაბლეტი დღეში ერთხელ მცირე რაოდენობის წყალთან ერთად.

უკუჩვენება:
ცენტროვიტის შემადგენლობაში შემავალი კომპონენტების მიმართ მომატებული  მგრძნობელობა.

შეფუთვა:
30 ტაბლეტი ფლაკონში, 1 ფლაკონი მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისა და ბავშვებისაგან დაცულ ადგილას.

შპს "ავერსი-რაციონალი" საქართველო. 

კალცემინი

(CALCEMIN)

წამლის მიღებამდე/გამოყენებამდე ყურადღებით წაიკითხეთ ეს ინსტრუქცია. ოპტიმალური შედეგების მისაღწევად სამკურნალო საშუალება უნდა გამოიყენოთ ინსტრუქციაში მითითებული ყველა რეკომენდაციის მკაცრი დაცვით. შეინახეთ ინსტრუქცია, ის შეიძლება კიდევ დაგჭირდეთ.

თუ თქვენ გაგიჩნდათ შეკითხვები, თუ თქვენი მდგომარეობა გაუარესდა ან ჩატარებული მკურნალობის შემდეგ არ გაუმჯობესდა, მიმართეთ ექიმს.

ეს სამკურნალო საშუალება გამოწერილია მხოლოდ თქვენთვის. არ გადასცეთ ის სხვა პირებს. ამან შეიძლება მათ ზიანი მოუტანოს, იმ შემთხვევაშიც კი თუ მათი დაავადების სიმპტომები ემთხვევა თქვენსას.

სავაჭრო დასახელება

კალცემინი

სამკურნალწამლო ფორმა

შემოგარსული ტაბლეტები

აღწერილობა

თეთრი ფერის, ოვალური ტაბლეტები, ცალ მხარეს ნაზოლით.

შემადგენლობა

აქტიური ნივთიერებები: კალციუმი (კალციუმის ციტრატი და კალციუმის კარბონატი) 250 მგ, ვიტამინ D₃  50 მე, თუთია (თუთიის ოქსიდი) 2მგ, სპილენძი (სპილენძის ოქსიდი) 0.5მგ, მანგანუმი (მანგანუმის სულფატი), 0.5მგ, ბორი (ნატრიუმის ბორატი) 50მკგ.

დამხმარე ნივთიერებები: სოიოს პოლისაქარიფი, ნატრიუმის ლაურილსულფატი, სილიციუმის კოლოიდური დიოქსიდი, ნატრიუმის კროსკარმელოზა, მიკროკრისტალური ცელულოზა, სტეარინმჟავა, მაგნიუმის სტეარატი.

გარსი: ჰიპრომელოზა, ტრიაცეტინი, მინერალური ზეთი, ნატრიუმის ლაურილსულფატი, ტიტანის დიოქსიდი, მაგნიუმის სილიკატი.

ფარმაკოლოგიური თვისებები

კომბინირებული პრეპარატი, რომელიც შეიცავს ვიტამინებს, მაკრო-მირკოელემენტებს. მოქმედება განპირობებულია მის შემადგენლობასი შემავალი ინგრედიენტების თვისებებით.

გამოყენების ჩვენებები

სხვადასხვა გენეზის ოსტეოპოროზის პროფილაქტიკა და მკურნალობა

ორგანიზმში კალციუმის და ვიტამინ D_3-ის დეფიციტის მდგომარეობა, რაც დაკავშირებულია არასრულფასოვან კვებასთან , ან როდესაც საკვებით მიღებული კალციუმი და ქოლეკალციფეროლი არასაკმარისია.

ორგანიზმის კალციუმის და ვიტამინ D_3-ის გაზრდილი მოთხოვნილება ორსულობის და ლაქტაციის პერიოდში, ასევე 6 წელზე უფროსი ასაკის ბავშვებში ინტენსიური ზრდის პერიოდი.

მიღების წესი და დოზირება

6-დან 12 წლამდე ასაკის ბავშვებში, 1 ტაბლეტი დღეში ერთხელ, ჭამის დროს.

მოზრდილებში და 12 წელზე უფროსი ასაკის ბავშვებში 1 -ტაბლეტი დღეში ორჯერ, ჭამის დროს. ორსულობის მე-20 კვირიდან და მთელი ლაქტაციის პერიოდსი -1 ტაბლეტი 2-ჯერ დღეში.

12 წლამდე ასაკის ბავშვებში დოზირების რეჟიმში, მხოლოდ ექიმის რეკომენდაციების შესაბამისად.

მკურნალობის ხანგრძლივობა

ოსტეოპოროზის სამკურნალოდ და საპროფილაქტიკოდ გამოყენებისას მკურნალობის ხანგრძლივობა დგინდება ინდივიდუალურად, ექიმის მიერ.

კალციუმის და ვიტამინ D_3-ს დეფიციტის მკურნალობის კურსის საშუალო ხანგრზლივობაა არანაკლებ 4-6 კვირისა. განმეორებითი კურსის რაოდენობა წლის განმავლობაში, დგინდება ინდივიდუალურად.

პაციენტები ღვიძლის ფუნქციის დარღვევით:

დოზის კორექცია საჭირო არ არის

პაციენტები თირკმლის ფუნქციის დარღვევით:

თირკმლის ფუნქციის მძიმე დაზიანებისას, პრეპარატი კალცემინის მიღება არ შეიძლება

ხანდაზმული პაციენტები:

დოზა ისეთივეა, როგორიც მოზრდილებისათვის. საჭიროა თირკმლის ფუნქციის შესაძლო დაქვეითების შესაძლებლობის გათვალისწინება.

არ შეწყვიტოთ კალცემინის მიღება მკურნალი ექიმის კონსულტაციის გარეშე!

გვერდითი მოქმედება

იშვიათ შემთხვევებში: საჭმლის მომნელებელი სისტემის მხრივ: ყაბზობა ან დიარეა, მეტეორიზმი, გულისრევა, ტკივილი მუცლის არეში.

ნივთიერებათა ცვლის მხრივ: იშვიათად - ჰიპერკალციემია და ჰიპერკალციურია

სხვა: ალერგიული რეაქციები.

გვერდითი ეფექტების გამოვლენისას აცნობეთ მათ შესახებ მკურნალ ექიმს. ეს ეხება ყველა შესაძლო გვერდით ეფექტს, ისეთებსაც რომლებიც არ არის ჩამოთვლილი ფურცელ-ჩანართში.

უკუჩვენებები

ჰიპერმგრძნობელობა, ჰიპერკალციემია (მათ შორის როგორც ჰიპერპარატირეოზის (პირველადის ან მეორადის) შედეგი); ჰიპერკალციურია,  D₃ჰიპერვიტამინოზი; ნეფროლითიაზი; დეკალცინირებადი სიმსივნეები; მიელომა, ძვლის მეტასტაზები, სარკოიდოზი; შარდ-კენჭოვანი დაავადება; იმობილიზაციით გამოწვეული ოსტეოპოროზი; ათეროსკლეროზი; ჰიპერმგრძნობელობა აქტიური და ნიბისმიერი დამხმარე ნივთიერებების მიმართ; 6 წლამდე ასაკის ბავშვები

ჭარბი დოზირება

ჭარბი დოზირების სიმპტომები: ანორექსია, წყურვილი, პოლიურია, კუნთების სისუსტე, გულისრევა, ღებინება, ყაბზობა, ტკივილი მუცლის არეში, სწრაფი დაღლა, ძვლების ტკივილი, ფსიქიუტი დარღვევები, ნეფროკალცინოზი, შარდ-კენჭოვანი დაავადება და მძიმე შემთხვევებში გულის არითმიები. ჭარბი დოზების ხანგრზივი გამოყენებისას (2500მგ კალციუმზე მეტი)-თირკმელების დაზიანება, რბილი ქსოვილების კალცინოზი.

ჭარბი დოზირების ნიშნების აღმოჩენისას აუცილებელია კალციუმის და ვიტამინ D_3-ს, ასევე, თიაზიდური საშუალებების და საგულე გლიკოზიდების მიღების შეწყვეტა.

მკურნალობა: კუჭის ამორეცხვა, სითხის დანაკარგის შევსება, მარყუჟოვანი დიურეზული საშუალებების (მაგ. ფუროსემიდი), გლუკოკორტიკოსტეროიდების, კალციტონინის, ბიფოსფონატების გამოყენება.

აუცილებელია სისხლის პლაზმაში ელექტროლიტების შემცველობის, თირკმლის ფუნქციის და დიურეზის კონტროლი.

მძიმე შემთხვევებში აუცილებელია ცენტრალური ვენური წნევის გაზომვა და ელექტროკარდიოგრამის კონტროლი.

უსაფრთხოების ზომები

ხანგრძლივი თერაპიისას საჭიროა სისხლის შრატში კალციუმის და კრეატინინის შემცველობის კონტროლი. დაკვირვება განსაკუთრებით მნიშვნელოვანია ხანდაზმული ასაკის პაციენტებში საგულე გლიკოზიდებით და დიურეზული საშუალებებით ერთდროული მკურნალობის დროს (იხ. განყოფილება ,,ურთიერთქმედება სხვა სამკურნალწამლო საშუალებებთან“) და პაციენტებში, თირკმელებში კენჭების წარმოქმნისკენ მიდრეკილებით. ჰიპერკალციემიის და თირკმლის ფუნქციის დაზიანების ნიშნების შემთხვევაში საჭიროა დოზის შემცირება ან მკურნალობის შეწყვეტა.

ვიტამინი D სიფრთხილით მიიღება პაციენტებში, თირკმლის უკმარისობით. ამ შემთხვევაში აუცილებელია სისხლის შრატში კალციუმის და ფოსფატების შემცველობის კონტროლი. ასევე, აუცილებელია რბილი ქსოვილების კალცინოზის განვითარების რისკის გათვალისწინება. ჭარბი დოზირების თავიდან ასაცილებლად, აუცილებელია ვიტამინ D-ს სხვა წყაროებიდან დამატებითი შემოსვლის გათვალისწინება.

კალციუმი და ვიტამინი D სიფრთხილით გამოიყენება იმობილიზებულ პაციენტებში, ოსტეოპოროზით, ჰიპერკალციემიის რისკთან დაკავშირებით

ვიტამინ D სიფრთხილით გამოიყენება პაციენტებში სარკოიდოზით, რადგანაც მათ გააჩნიათ ვიტამინ D- ს მეტაბოლიზმის პათოლოგია და შეიძლება განვითარდეს ჰიპერკალციემია, კენჭები თირკმელებში და თირკმლის უკმარისობა. კალციუმის კონცენტრაცია სისხლში და შარდში ასეთ პაციენტებში უნდა შემოწმდეს რეგულარულად.

ტეტრაციკლინის და ქინოლონის ჯგუფის ანტიბიოტიკებთან ერთდროული გამოყენება ჩვეულებრივ რეკომენდებული არ არის, ან უნდა განხორციელდეს სიფრთხილით (იხ. განყოფილება ,,ურთიერთქმედება სხვა სამკურნალო საშუალებებთან“).

ვიტამინ D_3-ის დიდი დოზების გამოყენება არამიზანშეწონილია, რადგანაც  იგი ამ შემთხვევაში აინჰიბირებს ვიტამინ D_3-ის ბიოლოგიურად აქტიური შენაერთების წარმოქმნას. ამავე დროს, ორგანიზმში იზრდება გარდაუქმნელი ვიტამინ D_3-ს შემცველობა, რომელიც ექვემდებარება დაჟანგვას და ამით იზრდება D-ჰიპერვიტამინოზის განვითარების რისკი.

გამოყენება ორსულობის და ლაქტაციის პერიოდში

თუ თქვენ ხართ ორსულად ან კვებავთ ძუძუთი ბავშვს, თუ ფიქრობთ, რომ ხართ ორსულად ან არ გამორიცხავთ ორსულობის დადგომას, აცნობეთ ამის შესახებ თქვენს მკურნალ ექიმს.

ორსულობის დროს ჭარბმა დოზირებამ შეიძლება გამოიწვიოს ბავშვის ფსიქიკური და ფიზიკური განვითარების დარღვევა.

ქოლეკალციფეროლი და მისი მეტაბოლიტები შეიძლება გამოიყოს ლაქტატში. ეს გასათვალისწინებელია მაშინ, როცა ბავშვი დამატებით იღებს ვიტამინ D-ს.

გავლენა ავტომობილის და მექანიზმების მართვაზე

თუ ამჟამად ან უახლოეს წარსულში თქვენ იღებდით სხვა სამკურნალო საშუალებებს, აცნობეთ ამის შესახებ ექიმს.

კალციუმის და ვიტამინ D-ს პრეპარატებთან, საგულე გლიკოზიდების ერთდროული გამოყენებისას, ჰიპერკალციემიას შეუძლია მოახდინოს მათი ტოქსიკური ეფექტების პოტენცირება. აუცილებელია ეკგ-ს და სისხლის შრატში კალციუმის შემცველობის კონტროლი.

კალციუმის პრეპარატებს შეუძლიათ შეამცირონ საჭმლის მომნელებელი ტრაქტიდან ტეტრაციკლინის შეწოვა. ამიტომ ტეტრაცუჯკუნის რიგის პრეპარატების მიღება უნდა მოხდეს პრეპარატ კალცემინის მიღებამდე 2 საათით ადრე ან 4-6 საათის შემდეგ.

ბიფოსფონატების შეწოვის შემცირების თავიდან ასაცილებლად, მათი მიღბა რეკომენდებულია პრეპარატის კალცემინის მიღებამდე არაუმცირეს ერთი საათით ადრე.

გლუკოკორტიკოიდები ამცირებენ კალციუმის შეწოვას, ამიტომ გლუკოკორტიკოიდებით მკურნალობამ შეიძლება მოითხოვოს პრეპარატ კალცემინის დოზის გაზრდა.

თიაზიდური რიგის დიურეზული საშუალებების ერთდროული გამოყენებისას საჭიროა სისხლის შრატში კალციუმის დონის რეგულარული კონტროლი.

ფუროსემიდი და სხვა მარყუჟოვანი დიურეზული საშუალებები, პირიქით, ზრდიან თირკმელებით კალციუმის გამოყოფას.

კალციუმი ამცირებს ლევოთიროქსინის ეფექტურობას, მისი შეწოვის შემცირების გზით. ლევოთიროქსინის და პრეპარატ კალცემინის მიღებებს შორის პერიოდი უნდა შეადგენდეს არანაკლებ 4 საათისა.

ქინოლონის რიგის ანტიბიოტიკების შეწოვა კალციუმის პრეპარატებთან ერთდროული გამოყენებისას მცირდება. ამიტომ ქინოლონის რიგის ანტიბიოტიკების მიღება უნდა მოხდეს პრეპარატ კალცემინის მიღებამდე 2 საათით ადრე ან 6 საათის შემდეგ.

ქოლიკალციფეროლის აქტივობა შეიძლება შემცირდეს მისი ერთობლივი გამოყენებისას ფენიტოინთან ან ბარბიტურატებთან.

ქოლესტირამინი და საფაღარათე საშუალებები მინერალური ან მცენარეული ზეთის ფუძეზე, ამცირებენ ვიტამინ D_3-ს შეწოვას.

კალცემინის მიღება ოქსალატების (მჟაუნა, რევანდი, ისპანახი) და ფიტინი (ბურღულეული) შემცველ საკვებთან ერთად, რომელთა მიღება ამცირებს კალციუმის შეწოვას არ შეიძლება.

შენახვის პირობები

არაუმეტეს 25°С ტემპერატურაზე, ბავშვებისთვის მიუწვდომელ ადგილას.

ვარგისობის ვადა

3 წელი. არ გამოიყენება შეფუთვაზე მითითებული ვარგისობის ვადის გასვლის შემდეგ

გამოშვების ფორმა

30, 60 ან 120 ტაბლეტი ფლაკონში. ფლაკონი ფურცელ-ჩანართთან ერთად მოთავსებულია მუყაოს კოლოფში.

გაცემის პირობები

ურეცეპტოდ

მწარმოებელი/განმცხადებელი ფირმის დასახელება, მისამართი:

ბაიერ კონსუმერ კერ აგ

პეტერ მერიან-შტრასე 84, 4052 ბაზელი შვეიცარია

კონტრაქტ ფარმაკალ კორპორეიშნ

135 ადამს ავენიუ, ჰოპოგ, ნიუ-იორკი 11788, აშშ

ქვეყანა: პოლონეთი

მწარმოებელი: მედანა ფარმა

გაცემის ფორმა: III ჯგუფი ურეცეპტო