33.19 ლარი
31.20 ლარი
ქვეყანა: ინგლისი
მწარმოებელი: პიმეა ლიმიტედ
გაცემის ფორმა: III ჯგუფი ურეცეპტო
იმუნ აქტივ დენკი #20პაკ
47.20 ლარი
44.37 ლარი
ქვეყანა: გერმანია
მწარმოებელი: დენკ ფარმა გერმანია
გაცემის ფორმა: III ჯგუფი ურეცეპტო
ორამინ F #30კაფს
ორამინ-F #30კაფს
შემადგენლობა
ორამინ-F-ის ერთი კაფსულა შეიცავს:
კორეული ჟენშენი................................................................... 50 მგ
სამეფო ჟელე (ფუტკრის რძე).......................................... 10 მგ
რეტინოლის პალმიტატი (ვიტამინი A)......................... 2500 ს.ე.
ერგოკალციფეროლი (ვიტამინი D2)................................ 400 ს.ე
dl-α- ტოკოფეროლის აცეტატი (ვიტამინი E).............. 45 მგ
თიამინის ნიტრატი (ვიტამინი B1)................................... 2 მგ
რიბოფლავინი (ვიტამინი B2).............................................. 2 mg
პირიდოქსინის ჰიდროქლორიდი (ვიტამინი B6).........2 მგ
ასკორბინის მჟავა (ვიტამინი C)....................................... 100 მგ
ნიკოტინამიდი (ვიტამინი B3)............................................. 20 მგ
კალციუმის პანტოთენატი (ვიტამინი B5)..................... 30 მგ
ციანკობალამინი (ვიტამინი B12)....................................... 6 მკგ
რკინის ფუმარატი.................................................................... 27.38 მგ
სპილენძის სულფატი............................................................. 7.86 მგ
მაგნიუმის ოქსიდი................................................................... 66.34 მგ
თუთიის ოქსიდი....................................................................... 5 მგ
კალციუმის ჰიდროფოსფატი უწყლო.............................. 307.5 მგ
მანგანუმის სულფატი............................................................. 3 მგ
კალიუმის სულფატი.............................................................. 18 მგ
ფარმაკოლოგიური თვისებები
ორამინ-F შეიცავს ორგანიზმის ნორმალური ფუნქციონირებისათვის აუცილებელი ვიტამინების, მინერალური ნივთიერებების, მაკრო- და მიკროელემენტების, ბიოლოგიურად აქტიური ნივთიერებების დაბალანსებულ კომპლექსს, რომლებიც ამაღლებს ორგანიზმის წინააღმდეგობის უნარს ინფექციური დაავადებების, გაციების, გარემოს მავნე ზემოქმედების მიმართ; ასევე გააჩნია ზოგადი მატონიზებელი მოქმედება, ხელს უწყობს ორგანიზმის ფიზიკური და გონებრივი პოტენციალის გაუმჯობესებას.
ორამინ-F -ის შემადგენლობაში არსებული ვიტამინები მონაწილეობენ ორგანიზმში მიმდინარე სხვადასხვა ბიოქიმიურ პროცესებში და ორგანიზმზე მრავალმხრივ დადებით ბიოლოგიურ ზემოქმედებას ახდენენ. მინერალური ნივთიერებები უზრუნველყოფენ ორგანიზმის ბუნებრივ ქიმიურ ბალანსს.
კორეული ჟენშენის ბიოლოგიურად აქტიური ნივთიერებების კომპლექსი ასტიმულირებს ცენტრალური ნერვული სისტემის მოქმედებას, ამაღლებს გონებრივ და ფიზიკურ შრომისუნარიანობას, ორგანიზმის ბუნებრივ წინააღმდეგობას და რეგენერაციულ შესაძლებლობლებს.
სამეფო ჟელე (ფუტკრის რძე) შეიცავს A, C, E, B ჯგუფის ვიტამინებს, ამინომჟავებს, კალციუმის მინერალურ მარილებს, რკინას, სილიციუმს, ორგანულ მჟავებს. აფართოებს სისხლძარღვებს, არეგულირებს არტერიულ წნევას, წარმოადგენს ორგანიზმის უჯრედების საკვებ მასალას, ხელს უწყობს გადაღლისა და სტრესისადმი ტოლერანტობის ზრდას, ასტიმულირებს იმუნურ სისტემას, უჯრედულ მეტაბოლიზმს და რეგენერაციულ პროცესებს. გააჩნია ანთების საწინააღმდეგო და ადაპტოგენური თვისებები.
რეტინოლის პალმიტატი (ვიტამინი A) მონაწილეობს მხედველობის პიგმენტის ფორმირებაში, უზრუნველყოფს ეპითელური ქსოვილის მთლიანობას, არეგულირებს ორგანიზმის ზრდას.
ერგოკალციფეროლი (ვიტამინი D2) ასტიმულირებს კალციუმის, ფოსფატების და მაგნიუმის შეწოვას ნაწლავებიდან, ააქტიურებს ძვლების ცილოვანი სტრომის სინთეზს და კალციუმის გადანაწილებას ძვლის ქსოვილსა და დენტინში, აფერხებს ძვლის ქსოვილის რეზორბციას; ხელს უწყობს ორგანიზმიდან ტყვიის გამოდევნას. დლ-α-ტოკოფეროლის აცეტატი (ვიტამინი E) ხასიათდება ანტიოქსიდანტური თვისებებით, უზრუნველყოფს უჯრედების მემბრანის უჯერი ცხიმოვანი მჟავების დაცვას ლიპოოქსიდაციისგან; მონაწილეობს უჯრედშორისი ნივთიერების, კოლაგენური და ელასტიკური ბოჭკოების ფორმირებაში.
თიამინის ნიტრატი (ვიტამინი B1) ადამიანის ორგანიზმში ფოსფოლირების შედეგად გარდაიქმნება კოკარბოქსილაზად, რომელიც წარმოადგენს მრავალი ფერმენტული რეაქციის კოფერმენტს. მნიშვნელოვან როლს თამაშობს ნახშირწყლოვან, ცილოვან და ცხიმოვან ცვლაში; მონაწილეობს ჭარბი გლუკოზის დეპონირებულ ცხიმებად ტრანსფორმირებაში, სინაფსებში ნერვული აგზნების გატარების პროცესში, განსაკუთრებული მნიშვნელობა აქვს კუჭ-ნაწლავის ტრაქტის ფუნქციების, გულის და ენდოკრინული ჯირკვლების მუშაობის უზრუნველყოფაში.
რიბოფლავინი (ვიტამინი B2) კოფერმენტის სახით მონაწილეობს ნახშირწყლოვან ცვლაში, ნერვული სისტემის ფუნქციონირებაში; იგი უჯრედული სუნთქვის და მხედველობითი აღქმის კატალიზატორია; მნიშვნელოვან როლს თამაშობს დნმ-ის ფორმირებაში, ხელს უწყობს ქსოვილების (მათ შორის კანის უჯრედების) რეგენერაციის პროცესებს.
პირიდოქსინის ჰიდროქლორიდი (ვიტამინი B6) კოფერმენტის სახით მონაწილეობს ამინომჟავების, ცილების მეტაბოლიზმში, აგრეთვე ნეირომედიატორების სინთეზის პროცესებში.
ასკორბინის მჟავა (ვიტამინი C) მნიშვნელოვან როლს თამაშობს ჟანგვა-აღდგენითი პროცესების რეგულირებაში, უზრუნველყოფს კოლაგენის სინთეზს; მონაწილეობს ფოლის მჟავისა და რკინის მეტაბოლიზმში, აგრეთვე სტეროიდული ჰორმონების და კატექოლამინების სინთეზში.
ნიკოტინამიდი (ვიტამინი B3) ორი კოენზიმის (NAD და FAD) კომპონენტია, რომლებიც აუცილებელია ცხიმების უტილიზაციისთვის, უჯრედული სუნთქვისთვის, შაქრების პროდუქციისთვის. აძლიერებს ინსულინის სეკრეციას და ზრდის ინსულინისადმი მგრძნობელობას; მონაწილეობს დნმ-ის სინთეზში. კალციუმის პანტოთენატი (ვიტამინი B5) კოენზიმ A შემადგენელი ნაწილის სახით მნიშვნელოვან როლს თამაშობს ჟანგვისა და აცეტილირების პროცესებში; ხელს უწყობს ეპითელისა და ენდოთელის შენებას და რეგენერაციას.
ციანკობალამინი (ვიტამინი B12) ფოლის მჟავასთან ერთად მონაწილეობს ნუკლეოტიდების სინთეზში, ერითროციტების და მიელინური უჯრედების ფორმირებაში; აუცილებელია ორგანიზმის ზრდისთვის.
რკინა მონაწილეობს ერითროპოეზში, ჰემოგლობინის შემადგენლობაში უზრუნველყოფს ჟანგბადის ტრანსპორტს ქსოვილებში.
სპილენძი მონაწილეობს ქსოვილოვან სუნთქვაში, სისხლწარმოქმნაში, იმუნურ რეაქციებში.
მაგნიუმი აქვეითებს ნეირონების აგზნებადობას და ნერვული იმპულსის გადაცემას კუნთებში, კოფაქტორის სახით მონაწილეობს მრავალ ფერმენტულ რეაქციაში. თუთია ხელს უწყობს B ჯგუფის ვიტამინების ათვისებას, მნიშვნელოვანია ძვლის ქსოვილის ნორმალური განვითარებისთვის, წარმოადგენს პანკრეასის წვენის შემადგენელ ნაწილს, მონაწილეობს სხვადსხვა ჰორმონის წარმოქმნაში.
კალციუმი აუცილებელია ძვლოვანი ქსოვილის და კბილების ფორმირებისათვის; უზრუნველყოფს სისხლის შედედების პროცესს.
მანგანუმი გავლენას ახდენს ძვლის ქსოვილის განვითარებაზე, მონაწილეობს ქსოვილოვან სუნთქვაში, იმუნურ რეაქციებში.
კალიუმი მონაწილეობს უჯრედშიდა ოსმოსური წნევის შენარჩუნებაში, ნერვული იმპულსების გატარების პროცესებში; მნიშვნელოვან როლს თამაშობს კუნთების, მათ შორის მოიკარდიუმის, მეტაბოლიზმსა და ფუნქციებში.
ჩვენებები
ორამინ-F ინიშნება როგორც ბიოლოგიურად აქტიური დანამატი შემდეგი მდგომარეობების დროს:
– ჰიპო- და ავიტამინოზი მოზრდილებსა და ბავშვებში 12 წლის ასაკიდან;
– გონებრივი და ფიზიკური შრომისუნარიანობის დაქვეითება, დაღლილობა, სისუსტე, ყურადღების კონცენტრაციის უნარის დარღვევა;
– გამოჯანმრთელების პროცესის დაჩქარება, მათ შორის ავადმყოფობის, ქირურგიული ოპერაციების ან რადიოთერაპიის შემდეგ;
– სხვადასხვა წარმოშობის ანემიები;
– ფიზიკური გამძლეობის ასამაღლებლად სპორტსმენებში;
– სტრესის შედეგების პროფილაქტიკა;
– კლიმაქტერული პერიოდი ქალებში;
– იმპოტენცია მამაკაცებში;
– სექსუალური ასთენია და უნაყოფობა;
– სქესობრივი მომწიფების პერიოდში ვიტამინების გაზრდილი მოთხოვნილება;
– მკაცრ დიეტაზე მყოფი პირებისთვის;
– დაუბალანსებელი და არასრულფასოვანი კვების დროს;
– თმის ცვენის და მტვრევადობის დროს;
– ოფთალმოქსეროზის და „ღამის სიბრმავის“ დროს;
– რაქიტის დროს ძვლოვანი ქსოვილის და კბილების არასრული განვითარებისას;
– ნევროზების, შაქრიანი დიაბეტის, სახსრების ანთებითი დაავადებების, თვალის, კანის დაავადებების და სხვა ქრონიკული დაავადებების დროს;
– ორგანიზმის ზოგადი წინააღმდეგობის ასამაღლებლად.
მიღების წესები და დოზები
მოზრდილებსა და 12 წელზე მეტი ასაკის ბავშვებში ინიშნება 1 კაფსულა ყოველდღე, საუზმის შემდეგ ან დღის პირველ ნახევარში.
რეკომენდებული კურსი – 2-4 კვირა.
უკუჩვენება
– პრეპარატის კომპონენტებისადმი მომატებული მგრძნობელობა;
– 12 წლამდე ასაკი.
უსაფრთხოების ზომები
ორამინ-F-ის მიღება დღის მეორე ნახევარში რეკომენდებული არ არის.
ორამინ-F-ის რეკომენდებულ დოზებში გამოყენებისას დოზის გადაჭარბების შემთხვევები არ აღინიშნება.
ორსულობა და ლაქტაცია
რეკომენდებული არ არის ორსულობისა და ლაქტაციის პერიოდში.
სხვა წამლებთან ურთიერთქმედება
ორამინ-F- არ ინიშნება სხვა ვიტამინებთან და მინერალებთან ერთად.
შენახვის პირობები და ვადები
ვარგისობის ვადა – 3 წელი.
ინახება მშრალ, სინათლისაგან დაცულ ადგილას 25°C ტემპერატურამდე.
ინახება ბავშვებისათვის ხელმიუწვდომელ ადგილზე!
აფთიაქში გაცემის წესი
ურეცეპტოდ!
იანგ გერონი-2 500მგ #2კაფს
შემადგენლობა:
აქტიური სუბსტანცია (ები):
1. ჟენ-შენის (ინსამის ქერქის) მშრალი ექსტარაქტი - 60 მგ
2. ატრაქტილისის ფესვის მშრალი ექსტარაქტი - 8 მგ
3. კორეული ჟოლოს თესლების მშრალი - 12 მგ
4. კორეული ყავისფერი ხის ქერქის ექსტარაქტი - 5 მგ
5. ჟენ_შენის (ველური ინსამის) მშრალი ექსტარაქტი - 5 მგ
6. რემანის მშრალი ექსტარაქტი - 10 მგ
დამხმარე ნივთიერებები:
ლაქტოზა The International Pharmacopenia: Third edition: Voliume 4)
Saccharum lactis
ფარმაკოთერაპიული ჯგუფი:
ერექციის ფუნქციის სამკურნალო და პროფილაქტიკური საშუალება
ფარმაკოლოგიური თვისებები:
პრეპარატში შემავალი სამკურნალო მცენარეების სპეციალური კომბინაციისთვის დამახასიათებელი თვისებების მეშვეობით იგი მაღალეფეკტურია სხვადასხვა მიზეზებით გამოწვეული იმპოტენციეს სამკურნალოდ. პრეპარატი აძლიერებს სექსუალურ პოტენციეს, ახანგძლივებს სქესობრივი აქტის პროცესს, ხსნის დაღლილობის შეგრძნებას, ამაღლებს ორგანიზმის ზოგად ტონუსს, აუმჯობესებს ღვიძლის ფუნქციას, გამოიყენება როგორც მამაკაცებში ასევე ქალებში. იგი მიიღება როგორც ერთჯერადად, ასევე სამკურნალო კურსის ჩასატარებლად.
ჩვენება:
სქესობრივი ფუნქციის სტიმულირებისათვის მამაკაცებში (ერექციის დაქვეითებისას, ნაადრევი ეაკულაციის დროს) და სქესობრივი დისფუნქციის სამკურნალოდ ქალებში (ლიბიდოს დაქვეითება, ფრიგიდულობა).
უკუჩვენება:
პრეპარატის გამოყენება წინააღმდეგნაჩვენებია პაციენტებში მძიმე ფორმის ჰიპერტონიითა და გულ-სისხლძარღვთა დაავადებებით, ალკოჰოლთან ერთად და წნევის დამაქვეითებელ საშუალებებთან კომბინაციაში.
გვერდითი მოვლენები:
სახის ჰიპერემია 30 წთ-დან 3 სთ-მდე 3%-ში, თავის ტკივილი 2%-ში.
განსაკუთრებული მითითებები:
პრეპარატის სრული ეფექტურობის შესანარჩუნებლად ცხიმიანი საკვებისა და ხორცის მიღება არ არის სასურველი, აგრეთვე პრეპარატის გამოყენების დროს არ უნდა იქნეს მიღებული არტერიული წნევის დამაქვეითებელი საშუალებები.
მიღების წესი და დოზირება:
მამაკაცებში სქესობრივი უძლურობის დროს სქესობრივი აქტის სტიმულირებისათვის: გამოიყენება 2 კაფსულა სქესობრივ აქტამდე 30-50 წთ-ით ადრე თბილი წყლის მიყოლებით. იღებენ დღეში ერთხელ, ჭამიდან არანაკლებ 1 სთ-ის შემდეგ. თუ პრეპარატის მიღებიდან 8-16 სთ-ს შემდეგ ერექცია სუსტია, შესაძლებელია დამატებით 1 კაფსულის მიღება. ჩვეულებრივ პრეპარატს იყენებენ დღეში ერთხელ ყოველ 1-3 დღეში. პირველი ნორმალური ერექციის შემთხვევაში, მისი გამოყენებისათვის საკმარისია 2 კაფსულა.
მკურნალობის კურსი:
მამაკაცებში არასრულფასოვანი სქესობრივი ფუნქციით (1-2 სქესობრივი აქტი 1-2 თვის განმავლობაში) საკმარისია 6-12 კაფსულა 12-24 დღის განმავლობაში (2 კაფსულა 2-3 დღეში ერთხელ).
მამაკაცებში მძიმე ფორმის სქესობრივი უძლურების დროს (1 სქესობრივ აქტზე ნაკლები 3-4 თვის განმავლობაში) ერექცია ვითარდება პრეპარატის 18-24 კაფსულის (2 კაფსულა 2-3 დღეში ერთხელ) მიღების შემდეგ. ქალებში პრეპარატი გამოიყენება სექსუალური დარღვევების დროს (სექსუალური აქტის დროს სექსუალური აგზნების დაქვეითება, ფსიქოლოგიური ხასიათის სქესობრივი ლტოლვის დაქვეითება). იგი ხელს უწყობს ორგანიზმის ზოგადი ტონუსის მომატებას, ასუფთავებს და ნაზს ხდის სახის კანს. მკურნალობის კურსი შეადგენს 6-12 კაფსულას 12-24 დღის განმავლობაში (2 კაფსულა 2-3 დღეში ერთხელ). მიღების წესი ისეთივეა როგორც მამაკაცებში.
შეფუთვა:
2 კაფსულა ბლისტერზე, 1 ბლისტერი ინსტრუქციასთან ერთად მუყაოს კოლოფში.
შენახვის წესი:
ინახება ოთახის ტემპერატურაზე (15-30°C), ბავშვებისაგან მიუწვდომელ, მშრალ და სინათლისგან დაცულ ადგილას.
შენახვის ვადა: 3 წელი
გაცემის წესი: რეცეპტის გარეშე.
ომესამი ჟელი #50ტ საღ
50.50 ლარი
47.47 ლარი
ქვეყანა: გერმანია
მწარმოებელი: ველტფარმა
გაცემის ფორმა: III ჯგუფი ურეცეპტო
თურმანიძის მალამო 40გ ნაწოლებ.
თურმანიძის მალამო
(ნაწოლებისთვის)
ფარმაკოლოგიური მოქმედება: ახასიათებს ანთების საწინააღმდეგო, ადგილობრივად ტკივილგამაყუჩებელი და ანტისეპტიკური მოქმედება. აცილებს ნეკროზულ ქსოვილებს, ასუფთავებს ჭრილობას ჩირქოვანი ნადებებისგან, ხელს უწყობს ეპითელური ქსოვილის რეგენერაციას და გრანულაციური ქსოვილის განვითარებას, აჩქარებს შეხორცებით პროცესს.
ჩვენებები: პრეპარატი გამოიყენება ნაწოლების სამკურნალოდ როგორც მაცერირებული, ასევე შორს წასულ შემთხვევაში ინფიცირებული და ნეკროზული ქსოვილის არსებობისას.
გამოყენების წესი და დოზირება: პრეპარატით გაჟღენთილ სტერილურ მიტკალს ან სამფენოვან დოლბანდს დავაფარებთ ჭრილობის ზედაპირზე. ღრმა ჭრილობებში მალამო გამოიყენება ტამპონების სახით. ყოველი შეხვევის წინ ჭრილობას ამუშავებენ ანტისეპტიკური (მაგალითად: 3% წყალბადის ზეჟანგი) ხსნარით, ნახვევის გამოცვლა რეკომენდებულია 24 სთ-ში ერთხელ.
გვერდითი მოვლენები: არ აღინიშნება.
წინააღმდეგჩვენება: არ არის გამოვლენილი.
გამოშვების ფორმა: 40გ პოლიპროპილენის ხრახნილიანი ქილა.
ვარგისიანობის ვადა: 3 წელი.
შენახვის პირობები: ინახება მშრალ, გრილ ადგილას.
ომევიტი (A/B) N30კაფს
ბიოლოგიურად აქტიური დანამატის
ომევიტის
გამოყენების ინსტრუქცია
შემადგენლობა ერთ კაფსულაზე „ა“:
აქტიური ნივთიერებები:
ომეგა-3 — 500 მგ
შემადგენლობა ერთ კაფსულაზე „ბ“:
მოცვის ფხვნილი — 100 მგ, ყურძნის წიპწების ექსტრაქტი — 60 მგ, ციტრუსის ბიოფლავონოიდები — 60 მგ, ლუთეინი — 10 მგ, ზეაქსანტინი — 500 მკგ, ვიტამინი E — 10 მგ (10 სე-ის ეკვივალენტური), ვიტამინი А — 800 მკგ (2664 სე-ის ეკვივალენტური), ვიტამინი D3 — 10 მკგ (400 სე-ის ეკვივალენტური), ბეტა-კაროტინი — 6 მგ, თუთიის ოქსიდი — 10 მგ.
დამხმარე ნივთიერებები: მალტოდექსტრინი.
თვისებები
ომეგა - 3 წარმოადგენს მოზრდილებისა და ბავშვების ჯანსაღი კვების ერთ-ერთ კომპონენტს, გამოიყენება ნივთიერებათა ცვლის ჩამოყალიბებისა და ნორმალური მიმდინარეობის და უმეტესესი ორგანოებისა და სისტემების (ცენტრალური ნერვული სისტემის, გულის, სისხლძარღვების, მხედველობის) ფუნქციონირების უზრუნველსაყოფად. ომეგა-3 აუმჯობესებს უჯრედების მემბრანების სტრუქტურას და მათ ფუნქციონალურ თვისებებს, აუმჯობესებს ლიპოპროტეიდების ურთიერთქმედებას ფერმენტებთან და მთლიანობაში ლიპოპროტეიდების მეტაბოლიზმს.
მოცვი - ბუნებრივი კაროტინოიდია, რომელიც შეიცავს პიროკატექინებს, შაქარს, ორგანულ მჟავებს (ლიმონის, ვაშლის, ქარვის), მინერალურ ნივთიერებებს: კალიუმს, ნატრიუმს, მაგნიუმს, კალციუმს, რკინას, გოგირდს, ფოსფორს. კომპლექსურად ისინი მონაწილეობენ მხედველობის სისტემის უჯრედების ფუნქციონალურ აქტივობასთან დაკავშირებულ ბიოლოგიურ პროცესებსა და მეტაბოლიზმში.
ყურძნის წიპწების ექსტრაქტი შეიცავს ნატურალურ ანტიოქსიდანტებს, კვერცეტინს, კატექინებს, რესვერატროლს, პიკნოგენოლს, ლუთეინს, ზეაქსანტინს, ბიოფლავონოიდებს, ვიტამინებსა და მიკროელემენტებს, რომლებიც მონაწილეობენ უჯრედების სუნთქვაში, როგორც კატალიზატორები, გულ-სისხლძარღვთა სისტემის, საჭმლის მომნელებელი ორგანოების, ლიპიდების ცვლის ფიზიოლოგიური პროცესების აჩქარებით.
ლუთეინი - კვერცხის გულში არსებული ყვითელი პიგმენტია, რომელიც ასევე გვხვდება ზოგიერთ წყალმცენარეში, ბევრ მცენარეში. ლუთეინს ასევე შეიცავს ჩვენი თვალის ბადურა, სადაც იგი მნიშვნელოვანია მხედველობის ორგანოებში ნორმალური ფიზიოლოგიური პროცესების მიმდინარეობისთვის.
ზეაქსანტინი - კაროტინოიდების ჯგუფის ნატურალური მცენარეული პიგმენტია, რომელიც გვხვდება მცენარეული წარმოშობის პროდუქტებში. ადამიანის ორგანიზმში ზეაქსანტინი გროვდება სისხლის შრატში და თვალის ბადურაში, ყვითელ ლაქად წოდებულ არეში და დიდ გავლენას ახდენს მხედველობის ორგანოს ფუნქციონირებაზე.
ვიტამინი А, ვიტამინი D, ვიტამინი E ან რეტინოლი - ადამიანისთვის ერთ-ერთი ყველაზე სასიცოცხლოდ მნიშვნელოვანი და აუცილებელი ვიტამინებია, მიეკუთვნებიან ცხიმხსნად კლასს, ამიტომ ორგანიზმში ყველაზე უკეთ ათვისება ხდება ცხიმთან ერთად. მონაწილეობას იღებენ ორგანოებისა და სისტემების ფიზიოლოგიურ რეგულაციასთან დაკავშირებულ მთავარ ბიოქიმიურ პროცესებში. ბეტა-კაროტინი არის „А“ ვიტამინის ადვილად ათვისებადი ფორმა. წარმოადგენს სხვადასხვა მეტაბოლური პროცესების აქტივაციის ფაქტორს. გააჩნია ანტიჰიპოქსიური მოქმედება და მონაწილეობს უჯრედების ენერგეტიკული სუბსტრატით უზრუნველყოფის ბიოქიმიზმში.
თუთია ხელს უწყობს უჯრედების მემბრანების გამტარიანობის სტაბილიზაციას, იცავს მათ თავისუფალი რადიკალების დამაზიანებელი გავლენისგან. ასევე აძლიერებს საერთო იმუნიტეტს იმუნური უჯრედების წარმოქმნისა და დიფერენცირების სტიმულირების ხარჯზე. მეცნიერულად დამტკიცებულია, რომ ბეტა-კაროტინისა და თუთიის მიღება ხელს უწყობს ნორმალური მხედველობის შენარჩუნებას.
გამოყენების რეკომენდაციები:
ბიოლოგიურად აქტიური დანამატი ომევიტი წარმოადგენს ვიტამინების, ამინომჟავების და მიკროელემენტების კარგად შერჩეულ კომპლექსს, რომელსაც გააჩნია ადამიანის ორგანიზმზე, მათ შორის მხედველობის ორგანოების ფიზილოგიურ ფუნქციაზე გავლენის ზოგადი თვისებები.
რეკომენდებულია:
— როგორც ორგანიზმისთვის საჭირო ბიოლოგიურად აქტიური ნივთიერებების დამატებითი წყარო, მათი ორგანიზმში საკვებთან ერთად არასაკმარისად მოხვედრისას (არასრულფასოვანი კვება, დიეტის ხანგრძლივად დაცვა, არახელსაყრელი ეკოლოგიური პირობები და ა. შ.);
— რეკომენდებულია, როგორც ვიტამინებისა და მიკროელემენტების დამატებითი წყარო თვალის დასაცავად და გასაძლიერებლად ცვლის ტოქსიკური პროდუქტების (თავისუფალი რადიკალების) მავნე ზემოქმედებისგან, თვალების დაღლისგან.
— ომევიტი იცავს თვალის ბადურას მზის სინათლის აგრესიული ზემოქმედებისგან, ეხმარება მხედველობითი დაძაბულობისას (ხანგრძლივი კითხვა, კომპიუტერთან მუშაობა და ა. შ.);
— ასტიმულირებს იმუნიტეტის ფუნქციას და სისხლის მიმოქცევის გაუმჯობესებას. ხელს უწყობს მხედველობის ორგანოების ფუნქციის ასაკობრივი ცვლილებების შენელებას.
უკუჩვენებები:
უკუნაჩვენებია ბიოლოგიურად აქტიური დანამატის კომპონენტების ინდივიდუალური აუტანლობისას.
გამოყენების წესი და დოზირება:
მოზრდილებსა და 12 წელზე უფროს ბავშვებში 1 კაფსულა „ა“ და 1 კაფსულა „ბ“ დღეში ერთხელ.
განსაკუთრებული მითითებები:
არ წარმოადგენს სამკურნალო საშუალებას.
ვარგისიანობის ვადა: 2 წელი
შენახვის პირობები:
ბიოლოგიურად აქტიური დანამატის შენახვა რეკომენდებულია მშრალ, ბავშვებისთვის მიუწვდომელ ადგილას 10°С-დან 30°С-მდე ტემპერატურაზე.
გამოშვების ფორმა:
ტაბლეტები ან კაფსულები.
მწარმოებელი:
წარმოებულია “CITCOCHEMICALSLTD”-სთვის, ინგლისი.
LLC “NATUREX” უზბეკეთის რესპუბლიკა, 100069, ტაშკენტი, ალმაზარის რაიონი, იანგი ალმაზარის ქ. N51.
თურმანიძე პლუსი40გ ნაწოლ.მალ
6.50 ლარი
6.11 ლარი
ქვეყანა: საქართველო
მწარმოებელი: თურმანიძე +
გაცემის ფორმა: III ჯგუფი ურეცეპტო
ომეგა-3 პრემიუმი #30კაფს
ომეგა-3 პრემიუმი, არის ბალანსირებული და უნიკალური კომბინაცია, რომელიც შეიცავს მაღალი ხარისხის თევზის ქონს, სელენიუმს და ვიტამინებს.
შემადგენლობა: 1 კაფსულა შეიცავს: თევზის ქონი 1000მგ (EPA – 18%, DHA 12%); ვიტამინი E – 5 მგ; ვიტამინი D3 - 3.33 მკგ; სელენიუმი – 50 მკგ
ფარმაკოლოგიური მოქმედაბა: ომეგა-3 მიეკუთვნება პოლიუჯერი ცხიმოვანი მჟავების ჯგუფს, რომელიც არ სინთეზირდება ორგანიზმში. იგი წარმოდგენილია დოკოზაჰექსანისა (DHA) და ეიკოზაპენტანის (EPA) მჟავების სახით. DHA შედის თავის ტვინის ქერქის რუხი ნივთიერების შემადგენლობაში, ხელს უწყობს მიელინის გარსის წარმოქმნას, რითაც აუმჯობესებს ნერვული იმპულსის გადაცემას.
ომეგა-3 აძლიერებს გულ-სისხლძარღვთა, ნერვული და საყრდენ-მამოძრავებელი სისტემის ფუნქციონირებას, ასევე აუმჯობესებს კანის ტროფიკას.Aდადებითად მოქმედებს დაბალი სიმკვრივის ლიპოპროტეიდების შემცირებაზე, ახდენს ქოლესტერინისა და ტრიგლიცერიდების კავშირის ნორმალიზებას სისხლში, ხელს უშლის გაცხიმოვნებას. ომეგა-3 აუმჯობესებს სისხლის რეოლოგიურ თვისებებს. Aახორციელებს თრომბის წარმოქმნის პრევენციას.Uუზრუნველყოფს ორგნიზმის იმუნური სტატუსის შენარჩუნებას, ახდენს თავის ტვინის სისხლის მიმოქცევის ნორმალიზებას ჰიპოქსიისა და არტერიული წნევის დაქვეითების დროს. ომეგა-3 შედის ფოტორეცეპტორების მემბრანის შემადგენლობაში, ხელს უწყობს მხედველობის სიმახვილის შენარჩუნებას.
ვიტ. E მონაწილეობს ორგანიზმში მიმდინარე ჟანგვა-აღდგენით პროცესებში. ამცირებს ათეროსკლეროზული ფოლაქების ჩამოყალიბებასა და გულის იშემიური დაავადების განვითარების რისკს. ვიტ. E დადებით ზეგავლენას ახდენს სისხლძარღვის კედელზე.
ვიტ. D3 განსაზღვრავს ორგანიზმში კალციუმისა და ფოსფორის ცვლის რეგულაციას, რაც ხელს უწყობს ჩონჩხის მინერალიზაციისა და ზრდის პროცესს. ასევე მნიშვნელოვან როლს ასრულებს იმუნური სისტემის ნორმალურ ფუნქციონირებაში.
სელენიუმი ხასიათდება ანტიოქსიდაციური, ანთების საწინააღმდეგო, ანტიათეროსკლეროზული მოქმედებით. ხელს უწყობს მომწამლავი მეტალების ელიმინაციას ორგანიზმიდან, რომლებიც აზიანებენ გულის კუნთს.
ჩვენებები: გულ-სისხლძარღვთა სისტემის დაავადებების პროფილაქტიკა; ლიპიდური ცვლის დარღვევა; საყრდენ-მამოძრავებელი სისტემის დაავადებები; მაკულოდისტროფიული პროცესები; დერმატიტები.
დოზირება და მიღების წესი: 1 კაფსულა დღეში ერთხელ წყლის მიყოლებით, მიიღება 3 წლიდან
უკუჩვენება: ჰიპერმგრძნობელობა პრეპარატის შემადგენელი კომპონენტების მიმართ.
აფთიაქიდან გაცემის წესი: გაიცემა ურეცეპტოდ.
გამოშვების ფორმა: საკვები დანამატი. ჟელატინის რბილი კაფსულა პერორალური გამოყენებისთვის, #30.
თუთია+D+C+კვერცეტინი#50ტ
თუთია+D+C+კვერცეტინი #50
აქტიური ნივთიერება
თუთია, ვიტამინი D3, ვიტამინი C, კვერცეტინი
მოქმედება
ხელს უწყობს იმუნიტეტის გაძლიერებას, სხეულის დამცავი ძალების აღდგენას გრიპის სეზონური ეპიდემიებისა და გაციების დროს. გაუმჯობესებული შემადგენლობა იმუნიტეტის დახმარების გასაძლიერებლად, გაციების და ვირუსული დაავადებების საშიშროების შესამცირებლად. ვიტამინი D და კვერცეტინი ხელს უწყობს ბრონქებისა და ფილტვების ფუნქციონალური მდგომარეობის, გარე სუნთქვის მაჩვენებლების გაუმჯობესებას, სისხლძარღვების და კაპილარების კედლების გამაგრებას.
პროდუქტის აღწერა
ვირუსები, ბაქტერიები, ინფექციები ... ჩვენს იმუნიტეტს ისინი მუდმივად ესხმიან თავს. იმ პერიოდში, როდესაც ეს დაავადებების გამომწვევი ორგანიზმები განსაკუთრებით აქტიურია, იმუნური სისტემა ვეღარ ახერხებს დამოუკიდებლად გამკლავებას და საჭიროებს დამატებით დახმარებას. თუთია+D+C+კვერცეტინი, არის გაუმჯობესებული შემადგენლობა იმუნიტეტის დახმარების გასაძლიერებლად, გაციების და ვირუსული დაავადებების საშიშროების შესამცირებლად. მასში ერთდროულად შედის რამდენიმე აქტიური იმუნოსტიმულატორული კომპონენტი, რომლებიც ერთობლიობაში აძლიერებს ერთმანეთის მოქმედებას: თუთია, ვიტამინი D, ვიტამინი C და კვერცეტინი.
როგორ მოქმედებს ეს ნივთიერებები
თუთია ერთ-ერთი იშვიათი ნივთიერებაა, რომელიც ერთდროულად მოქმედებს ადამიანის იმუნიტეტის ყველა რგოლზე. ის ზრდის ინტერფერონების - სხეულის ვირუსებით, ბაქტერიებით და სხვა მიკროორგანიზმებით დასნებოვნებისგან დამცავი ცილების გამომუშავებას. თუთია ხელს უშლის უჯრედში ვირუსის გავრცელებას, იცავს ლიმფოციტებს დაშლისგან. ის ასევე აძლიერებს თიმუსის (მკერდუკანა ჯირკვლის) მუშაობას, რომელსაც ზოგჯერ „იმუნური სისტემის გულს“ უწოდებენ, რადგან შეუძლია ახალი T უჯრედების გამომუშავება. ისინი, თავის მხრივ, ამოიცნობენ ვირუსებს და ანადგურებენ მათ.
ვიტამინი D არის უნიკალური შეგუებითი იმუნომოდულატორი. ის აძლიერებს თანდაყოლილ იმუნიტეტს, ააქტიურებს მიკრობსაწინააღმდეგო პეპტიდებს, რომლებიც ანადგურებენ დაავადებების გამომწვევ ორგანიზმებს - მიკრობებს, ბაქტერიებს და ვირუსებს. ვიტამინი D აძლიერებს უჯრედულ იმუნიტეტს, ამცირებს „ციტოკინის შტორმის“ დონეს, აგრეთვე ხელს უწყობს ფილტვების მუშაობას ვირუსებით გამოწვეული ანთებითი რეაქციის შემცირებით. გარდა ამისა, ის ასევე ხელს უწყობს მიკრობსაწინააღმდეგო ცილების წარმოქმნას ზედა სასუნთქი გზების ლორწოვან გარსებში.
ვიტამინი C არის ცნობილი იმუნოსტიმულატორი. ის აძლიერებს ინტერფერონის ცილების გამომუშავებას, რომლებიც ერთ-ერთი პირველი ებრძვიან ვირუსებს. მას აქვს ანთების საწინააღმდეგო თვისებები, ხელს უწყობს თავისუფალი რადიკალების მოსპობას და იცავს ფილტვის უჯრედებს მათი აგრესიული მოქმედებისგან.
კვერცეტინი არის უნიკალური ბუნებრივი ბიორეგულატორი, სანიმუშო ანტიოქსიდანტი, რომელიც ხელს უშლის თავისუფალი რადიკალებით უჯრედების მემბრანების დაშლას და ანთების განვითარებას. ბრონქების და ფილტვების დაავადებების მქონე ადამიანებში პნევმონიის, ქრონიკული ბრონქიტის, ასთმის, ფილტვის ქრონიკული ობსტრუქციული დაავადების დროს ხელს უწყობს შეტევების სიხშირის შემცირებას, ხველის, ქოშინი, ბრონქების შეშუპების უფრო სწრაფად გაქრობას, ბრონქების გამტარობის გაუმჯობესებას, ფილტვების ქსოვილის და ნორმალური სუნთქვის აღდგენას. ხოლო ჩინეთის უახლესი კვლევის მონაცემები აჩვენებს, რომ კვერცეტინი ეხმარება ვირუსებისგან დაცვაში.
გამოხატული ჟანგვის საწინააღმდეგო თვისებების მქონე აქტიური ნივთიერებების ასეთი მძლავრი ურთიერთშეხამების წყალობით თუთია+D+C+კვერცეტინი ხელს უწყობს იმუნური სისტემის გაძლიერებას, ორგანიზმის დამცავი ძალების აღდგენას გრიპის სეზონური ეპიდემიებისა და გაციების დროს, ბრონქებისა და ფილტვების ფუნქციური მდგომარეობის, გარე სუნთქვის მაჩვენებლების გაუმჯობესებას, აგრეთვე სისხლძარღვების და კაპილარების კედლების გამაგრებას.
შემადგენლობა
ასკორბინის მჟავა; მიკროკრისტალური ცელულოზა (მატარებელი), თუთიის ლაქტატი, კვერცეტინი, ქოლეკალციფეროლი (ვიტამინი D3), კალციუმის სტეარატი და ამორფული სილიციუმის ორჟანგი (დაკოშტვის საწინააღმდეგო ნივთიერებები).
მიღების წესი და დოზირება
მოზრდილებმა და 14 წელზე მეტი ასაკის ბავშვება უნდა მიიღონ 1 ტაბლეტი საკვებთან ერთად. მიღების ხანგრძლივობაა არანაკლებ 1 თვე. საჭიროების შემთხვევაში შესაძლებელია კურსის განმეორება. რეკომენდებულია ყოველდღიური მიღება გრიპის სეზონური ეპიდემიებისა და გაციების დროს.
დღეში 1 ტაბლეტის მიღება უზრუნველყოფს ამ ნივთიერებების მიღების რეკომენდებულ დღიურ დონეებს: თუთიის (12 მგ*) - 80%-ით, ვიტამინ C-ს (90 მგ*) - 150%-ით, ვიტამინ D-ს (500 სე*) - 250%-ით და კვერცეტინის (10 მგ*) - 33%-ით.
უკუჩვენება
კომპონენტების პირადი აუტანლობა, ორსულობა, ძუძუთი კვება. გამოყენებამდე საჭიროა ექიმთან კონსულტაცია.
