რიბოქსინი 0,2გრ

სამკურნალო საშუალების შემადგენლობა:
აქტიური ნივთიერება: რიბოქსინი;
1 ტაბლეტი შეიცავს 0,2 გრ რიბოქსინს;
დამხმარე ნივთიერებები: კალციუმის სტეარატი, კარტოფილის სახემებელი, შაქარი-პუდრა, ოპადრყ.

სამკურნალო ფორმა. შემოგარსული ტაბლეტები.

ფარმაკოთერაპიული ჯგუფი. კარდიოლოგიური საშუალება.
ფარმაკოლოგიური თვისებები. რიბოქსინს გააჩნია ანტიჰიპოქსიური და ანტიარითმიული თვისებები, ხასიათდება ანაბოლური მოქმედებით. ის ატფ-ის წინამორბედს წარმოადგენს, უშუალოდ ღებულობს მონაწილეობას გლუკოზის ცვლაში და ხელს უწყობს მეტაბოლიზმის აქტივიზაციას ჰიპოქსიისა და ატფ-ის არარსებობის პირობებში. პრეპარატი ააქტიურებს პიროყურძნის მჟავას მეტაბოლიზმს ქსოვილოვანი სუნთქვის ნორმალური პროცესის უზრუნველსაყოფად და ხელს უწყობს ქსანტინდეჰიდროგენაზის აქტივაციას. რიბოქსინი დადებითად მოქმედებს ნივთიერებათა ცვლაზე მიოკარდიუმში, კერძოდ კი ზრდის უჯრედების ენერგეტიკულ ბალანს, ასტიმულირებს ნუკლეოტიდების სინთეზს, ზრდის კრებსის ციკლის რიგი ფერმენტების აქტივობას. პრეპარატი აწესრიგებს მიოკარდიუმის შეკუმშვის აქტივობას და ხელს უწყობს დიასტოლის ფაზაში მიოკარდიუმის სრულ მოდუნებას კალციუმის იონების შეკავშირების უნარის ხარჯზე, რომლებიც უჯრედებს ეკვრიან მათი აღგზნების დროს, ააქტიურებს ქსოვილების რეგენერაციას (განსაკუთრებით მიოკარდიუმისა და საჭმლის მომნელებელი ტრაქტის ლორწოვანი გარსისა).

ჩვენებები. გულის იშემიური დაავადების კომპლექსური მკურნალობა (მიოკარდიუმის ინფარქტის შემდგომი მდგომარეობა, სტენოკარდია), საგულე გლიკოზიდების გამოყენებით გამოწვეული გულის რითმის დარღვევა, სხვადასხვა გენეზის კარდიომიოპათიების, მიოკარდიტების (ფიზიკური დატვირთვის ფონზე), ღვიძლის დაავადებების (ჰეპატიტები, ღვიძლის ციროსი, ღვიძლის ცხიმოვანი დისტროფია) მკურნალობა, უროკოპორფირია; ლეიკოპენიის პროფილაქტიკა დასხივებისას. მხედველობის ფუნქციის გაუმჯობესების სახით რიბოქსინი გამოიყენება ღიაკუთხოვანი გლაუკომის დროს ნორმალიზებული თვალშიდა (ანტიჰიპერტენზიული პრეპარატების საშუალებით) წნევით.

უკუჩვენებები. პრეპარატის მიმართ ჰიპერმგრძნობელობა. პოდაგრა, ჰიპერურიკემია. პრეპარატის მიღება შეზღუდულია თირკმლის უკმარისობის დროს.

უსაფრთხოების ზომები გამოყენებისას. თირკმლის უკმარისობის დროს პრეპარატის მიღებასთან დაკავშირებით საჭიროა ექიმთან კონსულტაცია.
მკურნალობის დროს საჭიროა სისხლში შარდმჟავას დონის რეგულარული კონტროლი.

სხვა სამკურნალო საშუალებებთან ურთიერთქმედება. რიბოქსინის ერთდროული გამოყენებისას ბეტა-ადრენობლოკატორებთან რიბოქსინის ეფექტი არ მცირდება. საგულე გლიკოზიდებთან ერთად გამოყენებისას პრეპარატი ხელს უშლის არითმიების განვითარებას და აძლიერებს ინოტროპულ მოქმედებას.

გამოყენების თავისებურებანი. ავტომობილის მართვისა და რთულ მექანიზმებთან მუშაობის უნარზე პრეპარატს უარყოფითი ზეგავლენა არ გააჩნია.

გამოყენების მეთოდები და დოზები. რიბოქსინი მიიღება პერორალურად, ჭამამადე.
დღიური დოზა უფროსებისა და უფროსი ასაკის ბავშვებისათვის დგინდება ინდივიდუალურად და შეადგენს 0,6-2,4 გრ-ს დღეში.
ჩვეულებრივ მკურნალობის დასაწყისში პრეპარატი ინიშნება დღიური დოზით 0,6-0,8 გრ (1 ტაბლეტი 3-4-ჯერ დღეში). პრეპარატის კარგად ამტანობის შემთხვევაში დოზას თანდათანობით ზრდიან (2-3 დღის განმავლობაში) თავდაპირველად 1,2 გრ-მდე დღეში (2 ტაბლეტი 3-ჯერ დღეში), შემდგომ – 2,4 გრ დღეში (4 ტაბლეტი 3-ჯერ დღეში).
ურიკოპორფირიის დროს რიბოქსინი ინიშნება დოზით 0,8 გრ დღეში (1 ტაბლეტი 4-ჯერ დღეში).
მკურნალობის კურსის ხანგრძლივობა – 1-3 თვე.
ჭარბი დოზირების დროს შესაძლებელია პრეპარატის ინდივიდუალური აუტანლობა, რომელიც გამოვლინდება ქავილისა და კანის ჰიპერემიის სახით.
ასეთ შემთხვევაში პრეპარატის მიღება უნდა შეწყდეს და უნდა მივმართოთ ექიმს.

გვერდითი მოვლენები. პაციენტებში პრეპარატის მიმართ ჰიპერმგრძნობელობით შეიძლება განვითარდეს ქავილი, კანის ჰიპერემია. იშვიათ შემთხვევებში მკურნალობის დროს შეიძლება განვითარდეს სისხლში შარდოვანას დონის მომატება, ხანგრძლივი მკურნალობისას – პოდაგრას გამწვავება.

ვარგისიანობის ვადა. 3 წელი.
ნუ გამოიყენებთ პრეპარატს შეფუთვაზე მითითებული ვარგისიანობის ვადის გასვლის შემდეგ.
 
შენახვის პირობები. ინახება ბავშვებისათვის მიუწვდომელ, მშრალ სინათლისაგან დაცულ ადგილას +15°C-დან +25°C-მდე ტემპერატურის პირობებში.

შეფუთვა.N 10 X 5 ტაბლეტი კონტურულ უჯრედოვან შეფუთვაში და კოლოფში

აფთიაქიდან გაცემის პირობები. რეცეპტით.

ქვეყანა: რუსეთი

მწარმოებელი: პოლარისი

გაცემის ფორმა: III ჯგუფი ურეცეპტო

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს - უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

საინექციო პლაზმოლი

ზოგადი დახასიათება:
ძირითადი ფიზიკურ-ქიმიური თვისებები:
უფერო ან ოდნავ მოყვითალო ფერის, გამჭვირვალე ან ოპალესციური სითხე სპეციფიკური სუნითა და ოდნავ მარილის გემოთი, წყალში ხსნადი  pH 6,7-7,0;

შემადგენლობა:
1 ამპულა შეიცავს 1 მლ ადამიანის დონორის სისხლის ექსტრაქტს.
დამხმარე ნივთიერება:
ნატრიუმის ქლორიდი.
 
გამოშვების ფორმა:
საინექციო ხსნარი

ფარმაკოლოგიური ჯგუფი:
საჭმლისმომნელებელი სისტემაზე და მეტაბოლურ პროცესებზე მოქმედი საშუალება ბიოგენური სტიმულატორი.

ფარმაკოლოგიური თვისებები:
პლაზმოლი მიეკუთვნება ბიოგენურ სტიმულატორს, რომელსაც გააჩნია არასპეციფიკური მადესენსიბილიზებელი მოქმედება და ანთების საწინააღმდეგო ეფექტი.

ფარმაკოკინეტიკა:
არ არის შესწავლილი.
 
ჩვენება:
პლაზმოლი ინიშნება კუჭისა და 12-გოჯა ნაწლავის წყლულოვანი დაავადების, ბრონქული ასთმის, რადიკულიტის, ნევრალგიების, ტკივილით მიმდინარე ნევრიტების, აგრეთვე ქრონიკული ანთებითი პროცესების, ართრიტებისა და პოლიართრიტების სამკურნალოდ.
 
გამოყენების წესი და დოზირება:
პლაზმოლი შეჰყავთ კანქვეშ. მოზრდილებში ინიშნება დოზით 1 მლ ყოველდღიურად ან დღეგამოშვებით. მკურნალობის კურსი საშუალოდ შეადგენს 10 ინექციას.

გვერდითი მოვლენები:
შესაძლებელია ალერგიული რეაქციების განვითარება, რომელიც ვლინდება კანზე გამონაყარისა და ქავილის სახით.

ურთიერთქმედება სხვა სამკურნალო საშუალებებთან:
არ არის შესწავლილი

წინააღმდეგჩვენება:
პრეპარატის გამოყენება წინააღმდეგჩვენება გულის დეკომპენსაციის, ნეფრიტის, ენდოკარდიტის, ენდომიოკარდიტისა და ტუბერკულოზის დროს.

ჭარბი დოზირება:
კანის მხრივ რეაქციების-ქავილის, კანზე გამონაყარის დროს პრეპარატის მიღება უნდა შეწყდეს.

გამოყენების თავისებურებანი:
პრეპარატის გამოყენებისას დაუშვებელია თერაპიის ფიზიკური მეთოდების – კვარცის, სოლუქსისა და დიათერმიის გამოყენება.
 
შენახვის პირობები და ვადა:
პრეპარატი ინახება მშრალ, ბავშვებისაგან დაცულ ადგილას +4-დან +10° C ტემპერატურაზე.
ვარგისიანობის ვადა: 2 წელი
აფთიაქიდან პრეპარატი გაიცემა რეცეპტით.

შეფუთვა:
1 მლ პრეპარატი ამპულაში 10 ამპულა კოლოფში.

მწარმოებელი:
კიევის ბაქტერიული პრეპარატების წარმოების სახელმწიფო დაწესებულება “ბიოფარმი”  (უკრაინა)

ქვეყანა: რუსეთი

მწარმოებელი: პოლარისი

გაცემის ფორმა: III ჯგუფი ურეცეპტო

შემადგენლობა –კალიუმ ქლორიკუმი მზადდება KCIO₃-ის 10% ხსნარი და გამოხდილი წყლით ხდება პოტენცირება D4-მდე: 0,001 გრ
სტაბილიზატორი - ნატრიუმის ჰიდროქსიდის 0,1% ხსნარით ხდება pH მიყვანა pH= 10-11,5 მდე. გამოხდილი წყალი 100 მლ.
ფარმაკოლოგიური თვისებები: ფართო გამოყენების ჰომეოპათიური საშუალება
ჩვენებები: გამოიყენება როგორც სიმპტომატური საშუალება ჰიპოქსიის (ჟანგბადის ნაკლებობის) შესამცირებლად სხვადასხვა სახის პათოლოგიის დროს:
- ვეგეტო-ვასკულარული დისტროფია;
- გულ-სისხლძარღვთა დაავადებები;
- სასუნთქი გზების დაავადებები;
- საჭმლის მომნებელი სისტემის დაავადებები ( მათ შორის კუჭ-ნაწლავის ტრაქტის ლორწოვანი გარსის სხვადასხვა ეთიოლოგიის ანთებითი პროცესები, სტომატიტი);
- ორსულთა ტოქსიკოზი;
- გარეგანად გამოიყენება ინფიცირებული ჭრილობებისა და გამონაყარის სამკურნალოდ.
გამოყენება: პერორალურად- 5 წვეთი გახსნილი ნახევარ ჭიქა წყალში ჭამის წინ 15-30 წთ. ადრე, დღეში 3 ჯერ 3-4 კვირის განმავლობაში. აუცილებლობის შემთხვევაში შესაძლებელია კურსის განმეორება 2 კვირიანი ინტერვალის შემდეგ.
გარეგანად საფენის სახით- 5 წვეთი გახსნილი ნახევარ ჭიქა წყალში დღეში 2-3 ჯერ.
უკუჩვენება: არ არის დადგენილი.
გვერდითი მოვლენები: არ არის გამოვლენილი.
გაფრთხილება: არ საჭიროებს
განსაკუთრებული მითითებები – არ საჭიროებს.
სიფრთხილე –არ საჭიროებს.
ურთიერთქმება სხვა წამლებთან და ურთიერთობის სხვა ფორმები - არ არის შეზღუდული.
ორსულობა და ლაქტაციის პერიოდი – გამოიყენება ექიმის დანიშნულებით.
ბავშვები – გამოიყენება ექიმის დანიშნულებით.
ჭარბი დოზირება – არ არის აღწერილი.
გავლენა ავტომობილის მძღოლებზე და პოტენციურად საშიშ მანქანა-დანადგარებთან მომუშავე პერსონალზე – არ ახასიათებს ზეგავლენა.
მითითება გამოტოვილი დოზის შესახებ – დოზის გამოტოვების შემთხვევაში მკურნალობა ჩვეულებრივ გრძელდება გამოტოვებული დოზის გაორმაგების გარეშე
შენახვის ვადა: 2 წელი. ვარგისობის ვადის ამოწურვის შემდეგ პრეპარატის გამოყენება აგრძალულია.
ვიზუალური დაკვირვებისას ნალექის არსებობის შემთხვევაში პრეპარატის მიღება დაუშვებელია.
შენახვის პირობები: მზის პირდაპირი სხივებისგან დაცულ ადგილას.
გამოშვების ფორმა: 25 მლ ნარინჯისფერ პოლიეთილენის ფლაკონში. მეურეული შეფუთვა – მუყაოს კოლოფი.
ფარმაცევტული პროდუქტის გაცემის რაჟიმი: ჯგუფი III – გამოყენება შესაძლებელია ექიმის დანიშნულების გარეშე ინსტრუქციის შესაბამისად.

მწარმოებელი: შპს “ბიოფარმი L” შპს “აქილეა”-სთვის გოთუას ქ.№3, თბილისი, საქართველო.

ქვეყანა: ინგლისი

მწარმოებელი: ნატურეს აიდი

გაცემის ფორმა: III ჯგუფი ურეცეპტო