ვიტ C პრო ფორტე500მგ#30ტ.საღ

ვიტამინი C - პრო ფორტე / Vitamin C Pro Forte

ვიტამინი C პრო ფორტე

ინოვაციური, ორიგინალი, დაპატენტებული ვიტამინი C-ს ფორმულის „Ester – C“- ს შემცველი გემრიელი, საღეჭი აბები ფიზიკური და მენტალური ჯანმრთელობისთვის.

რას წარმოადგენს „ვიტამინი C პრო ფორტე“?

„ვიტამინი C პრო ფორტე“ წარმოადგენს 500 მგ C ვიტამინის უნიკალური, პროლონგირებული მოქმედების მქონე ფორმულის „Ester-C”-ს შემცველ ბრენდს. სტანდარტული C ვიტამინებისაგან განსხვავებით ვიტამინი „Ester-C” გამოირჩევა მაღალი ბიოშეღწევადობით და უზრუნველყოფს ორგანიზმში C ვიტამინის ბალანსის სწრაფ აღდგენას. მიღებიდან 24 საათის განმავლობაში ხელს უწყობს C ვიტამინის დონის შენარჩუნებას და აქვს გახანგრძლივებული მოქმედება. არ იწვევს კუჭ-ნაწლავის ტრაქტის გაღიზიანებას და ოქსალატური ქვების წარმოქნის რისკს. გამოირჩევა კლინიკური კვლევებით დადასტურებული მაღალი თერაპიული ეფექტითა და უსაფრთხოების სტანდარტით.

„ვიტამინი C პრო ფორტე“ უზრუნველყოფს:

იმუნური სისტემის ჯანსაღ ფუნქციობირებას და ორგანიზმის ენერგიით გამდიდრებას;
ნერვული სისტემისა და ფსიქო-ემოციური მდგომარეობის სიჯანსაღეს;
დაღლილობის, ასთენიისა და მოთენთილობის შემცირებას;
ორგანიზმის დაცვას გარემო ფაქტორების მავნე ზეგავლენისა და ოქსიდაციური სტრესისაგან;
კოლაგენის ბიოსინთეზის გაუმჯობესებასა და გულ-სისხლძარღვთა სისტემის სიჯანსაღეს.

„ვიტამინი C პრო ფორტეს“ შემადგენლობა:

ყოველი 1 საღეჭი აბი შეიცავს		NRV*%
ვიტამინი C	500 მგ	625 %

*NRV- Nutrient Reference Value

„ვიტამინი C პრო ფორტეს“ ჩვენებები:

ვიტამინი C-ს დეფიციტის და დეფიციტით გამოწვეული დაავადებების პროფილაქტიკა და მკურნალობა;
სეზონური, ვირუსული და ბაქტერიული ინფექციების, ასევე რესპირატორულ-გრიპოზული ინფექციების პრევენცია და კომპლექსური თერაპია;
ხშირი ავადობა; ასთენია; საერთო სისუტე; გადაღლილობა; კუნთების ტკივილი;
ავადობის დროს და ავადობის შემდგომ პერიოდში იმუნური სისტემის გაძლიერებისთვის; რეკონვალესცენციის პროცესის დაჩქარება;
გაზრდილი ფიზიკური და გონებრივი დატვირთვა; გარემოს მავნე ზეგავლენისაგან ორგანიზმის დაცვა;
ღრძილების ანთება, სისხლმდენი ღრძილების პრევენცია და კომპლექსური თერაპია;
გულ-სისხლძარღვთა სისტემის დაავადებების პრევენცია და კომპლექსური თერაპია;
ნაღველგამომყოფი გზების დაავადებების დროს კომპლექსურ თერაპიაში;
რკინადეფიციტური ანემიის პრევენცია და კომპლექსური თერაპია;
კანის, თმისა და ფრჩხილის სტრქუტურული დაზიანებით გამოწვეული დაავადებების პრევენცია და მკურნალობა;
ბავშვის აქტიური ზრდის პერიოდის ხელშეწყობა;
ორსულობა და ლაქტაციის პერიოდში C ვიტამინის დეფიციტის და დეფიციტით გამოწვეული დაავადებების პრევენცია და კომპლექსური ტერაპია.

“ვიტამინი С პრო ფორტე“-ს მიღების წესი და დოზირები სრეჟიმი:

3 წლიდან ასაკის ბავშვები და მოზრდილები: 1 საღეჭი აბი 1-ჯერ დღეში.

დოზის კორექცია და კურსის ხანგრძლივობა განისაზღვრება ექიმის რეკომენდაციის მიხედვით.

სიფრთხილის ზომები: საკვები დანამატი. არ გადააჭარბოთ რეკომენდებულ დოზას. არ წარმოადგენს მრავალფეროვანი საკვების ჩამნაცვლებელ საშუალებას. არ არის რეკომენდებული 3 წლამდე ასაკის ბავშვებისთვის. ჭარბი დოზირების დროს შესაძლოა გამოიწვიოს ფაღარათი.

შენახვის პირობები: ინახება მშრალ, ბავშვებისთვის მიუწვდომელ ადგილას, არაუმეტეს 25⁰C ტემპერატურაზე.

გვერდითი მოვლენები: დღიური რეკომენდებული დოზით მიღების შემთხვევაში გვერდითი მოვლენები არ ახასიათებს.

ურთიერთქმედება სხვა საშუალებებთან: მოცემული დოზით არ გააჩნია პოტენციური ურთიერთქმედების უნარი. კომპლექსური თერაპიის საჭიროებისას კონსულტაციისათვის მიმართეთ ექიმს.

“ვიტამინი С პრო ფორტე“ არ შეიცავს შაქარს, გლუტენს, ასპარტამს, ხელოვნურ საღებავებსა და კონსერვანტებს.

გამოშვების ფორმა: №30 საღეჭი აბი სასიამოვნო გრეიფუტის არომატით.

აფთიაქიდან გაცემის წესი: გაიცემა ურეცეპტოდ.

მწარმოებელი: „Acconitum“, ლიეტუვა

სავაჭრო ლიცენზიის მფლობელი: შპს „არტ ფარმა“

ამს პერლი კაპსი 1500მგ #60კაფს

PEARLY CAPS - მარგალიტისებრი კაფსულები

გლუტათიონის კომპლექსი - 1500მგ

სამმაგი ძალა

2 კაფსულა დღეში / 60 ადვილად მისაღები კაფსულა შეფუთვაში

საკვები დანამატი

დამატებითი ინფორმაცია:

ერთჯერადად მიიღება 1 კაფსულა/ 30 დღის განმავლობაში მისაღები რაოდენობა

1 კაფსულის შემადგენლობა % დღიური ნორმა

ვიტამინი C (კალციუმის ასკორბატი) 60 მგ 100%

კანისთვის ძირითადი 1500 მგ *

ინგრედიენტების საერთო რაოდენობა

გლუტათიონი

L-ცისტეინი

მწვანე ჩაის ექსტრაქტი

ბაყაყურა

სხვა ნივთიერებები: ჰიპერმელოზა, ცელულოზა, მაგნიუმის სტეარატი

გაფრთხილება: ორსულობის, ძუძუთი კვების ან სხვა პრეპარატების მიღების შემთხევვაში გაიარეთ კონსულტაცია თქვენს ექიმთან პრეპარატის მიღებამდე. გვერდითი მოვლენების განვითარების შემთხვევაში დაუყოვნებლივ დაუკავშირდით ექიმს.

შეინახეთ მშრალ, გრილ, ბავშვებისგან ხელმიუწვდომელ ადგილას ოთახის ტემპერატურაზე. არ გამოიყენოთ, თუკი საცობი თავსახურის ქვეშ დაზიანებულია ან არ არის.

მითითება: მიიღეთ 2 კაფსულა დღეში. სასურველია 30 წუთით ადრე საკვების მიღებამდე, ან საკვების მიღებიდან 30 წუთის შემდეგ (კვებისგან დამოუკიდებლად). გაძლიერებული ეფექტისთვის შესაძლებელია დღეში 6 კაფსულის მიღება: 2-2 კაფსულა 3-ჯერ დღეში. არ არის სასურველი მიიღოთ დღეში 6 კაფსულაზე მეტი.

მიღება შესაძლებელია ვეგეტარიანელების მიერ.

არ შეიცავს ხელოვნურ საღებავებს, სურნელის მიმნიჭებლებს და დამატკბობლებს; შემნახველებს, შაქრებს, სახამებელს, რძეს, ლაქტოზას, გლუტენს, საფუარსა და ნატრიუმს.

დამზადებულია პროდუქციის ხარისხის მიმნიჭებელი უმაღლესი სტანდარტებით, ნივთიერების სისუფთავისა და ეფექტურობის ჩათვლით.

გლუტათიონი არის ბუნებრივი ტრიპეპტიდი, რომელიც შედგება: გლუტამინის მჟავის, ცისტეინისა და გლიცინისაგან, რომლებიც მონაწილეობენ რამდენიმე ბიოლოგიურ პროცესში და მნიშვნელოვან როლს თამაშობენ დეტოქსიკაციურ რეაქციაში, იცავენ რა უჯრედებს ქსენობიოტიკების, ეკოლოგიური და უჯრედიშიდა ოქსიდანტების, გამოსხივების მავნე ზეგავლენისაგან. გამოკვლევებმა აჩვენეს რომ გლუტათიონი თამაშობს ორგანიზმის დამცავ როლს რამდენიმე პათოლოგიურ სიტუაციაში, რომლებიც იწვევენ უჯრედის დაზიანებას, ისეთი სიტუაციები, როგორიცაა ინტოქსიკაცია: ეთანოლის სპირტით, პარაცეტამოლით, სალიცილატებით, ფენობარბიტალით, ტრიციკლური ანტიდეპრესანტებით, ფოსფოროორგანული ინსექტიციდებით და ა.შ.

ღვიძლის ჯანმრთელობა

იმდენად რამდენადაც გლუტათიონი მონაწილეობს დეტოქსიკაციის პროცესებში, განსაკუთრებით მაღალია მისი კონცენტრაცია ღვიძლში, როგორც ორგანიზმის ყველაზე ძლიერ დეტოქსიკაციურ ორგანოში. გლუტათიონი აგრეთვე წარმოადგენს ღვიძლის ჯანმრთელობისა და ნორმალური ფუნქციის მარკერს. როდესაც მაღალია გლუტათიონის კონცენტრაცია, ღვიძლის დატვირთვა მცირდება და მას თვითაღდგენის საშუალება ეძლევა. ეს ამცირებს ციროზისა და ღვიძლის ფუნქვიის დარღვევით გამოწვეულ ანთებას ღვიძლში.

ფარმაკოლოგიური თვისებები

ორგანიზმში მოხვედრის შემდეგ აღადგენს ენდოგენურ გლუტათიონს. გლუტათიონი, როგორც ტრიპეპტიდი, ერთვება გამა გლუტამინურ ციკლში და მონაწილეობს რნმ–ისა და პროტეინების სინთეზში. ახდენს ჰეპატოციტების პროლიფერაციისა და რეგენერაციის პროცესების სტიმულაციას. გლუტათიონი–SH თიოლური ჯგუფების შემცველი ენზიმების აღდგენით აუმჯობესებს ღვიძლის ენერგეტიკულ მეტაბოლიზმს. პრეპარატი მნიშვნელოვან როლს ასრულებს ორგანიზმის დეტოქსიკაციაში. ზრდის ქსენობიოტიკების მეტაბოლიტების ჰიდროფილურობას, მათ გამოყოფას ორგანიზმიდან, აუმჯობესებს ნაღვლის მჟავების რეოლოგიურ თვისებებს, ამცირებს მათ დამაზიანებელ მოქმედებას ღვიძლზე, ახდენს ცისპლატინითა და მისი წარმოებულებით ინდუცირებული ნეიროტოქსიურობის პროფილაქტიკას. გლუტათიონი ხელს უშლის პლატინის აკუმილირებას პერიფერიულ ნერვულ სისტემაში, განსაკუთრებით ზურგის ტვინის უკანა ნერვული ფესვებში, რაც საშუალებას იძლევა მიღწეული იქნას ქიმიოთერაპიული პრეპარატების მაღალი კუმულაციური დოზები.

იმუნური ფუნქცია

გლუტათიონი მნიშვნელოვან როლს ასრულებს იმუნური სისტემის ჯანმრთელობის შენარჩუნებაში. გლუტათიონის დაბალი დონე იმუნიტეტის დაქვეითებას განაპირობებს. გლუტათიონის დონის გაზრდით იზრდება ორგანიზმის წინააღმდეგობის უნარი სხვადასხვა ინფექციებისა და დაავადებების მიმართ.

დაბერების საწინააღმდეგო მოქმედება

თავისუფალი რადიკალები და ოქსიდაციური დაზიანება ითვლება დაბერების ძირითად მიზეზებად. ისინი აზიანებენ უჯრედებს და საერთო ჯამში მთელს ორგანიზმს. მათი ზემოქმედების შედეგად ვითარდება არასასურველი კოსმეტიკური ცვლილებები გარეგნობაში, რაც დაკავშირებულია ასაკთან. თავისუფალი რადიკალების წინააღმდეგ მოქმედი ყველაზე ძლიერი ანტიოქსიდანტია გლუტათიონი.

ანთების საწინააღმდეგო მოქმედება

ანთება წარმოადგენს თითქმის ყველა დაავადების განვითარებაში მონაწილე ერთერთ მთავარ მექანიზმს. რა თქმა უნდა ანთება ბუნებრივი პროცესია და წარმოადგენს ნორმალურ იმუნურ პასუხს, თუმცა თუკი გახანგრძლივდა ჯანმრთელობის სერიოზულ პრობლემებსა და ქრონიკულ პათოლოგიებს იწვევს.

დაჟანგული და აღდგენილი გლუტათიონის რაოდენობებს შორის ფარდობა წარმოადგენს ზოგადი ინტოქსიკაციის მაჩვენებელს, აგრეთვე ანთებითი პასუხის ინდიკატორს. გლუტათიონის დაბალი დონე კორელაციაშია ქრონიკულ ანთებასთან, მიტოქონდრიული სუპეროქსიდის პროდუქციასთან და ცილებისა და დნმ-ის ოქსიდაციურ დაზიანებასთან.

მძიმე მეტალების ხელატი

გლუტაიონი წარმოადგენს პოტენციურ ხელატს, რომელიც ჩართულია მძიმე მეტალებისადმი უჯრედულ პასუხში, ტრანსპორტსა და ექსკრეციაში. გლუტათიონი აგრეთვე წარმოადგენს ტოქსიური მეტალებით მოწამვლის (დატვირთვის) ბიომარკერს.

მძიმე მეტალების შეკავშირება (მძიმე მეტალებთან ხელატური ფორმების წარმოქმნა) სასიცოცხლოდ აუცილებელია ორგანიზმის ჯანმრთელობისთვის, განსაკუთრებით კი ასაკის მატებასთან ერთად. ორგანიზმში მძიმე მეტალები ხვდება ყოველდიურად, სასმელი წყლით თუ საკვებით, თუ საყოფაცხოვრებო ნივთებით ან ანტიპერსპირანტებით.

გლუტათიონის საკმარისი რაოდენობის საშუალებით ორგანიზმიდან ხდება მძიმე მეტალების გამოდევნა, რაც ამცირებს უჯრედულ სტრესს და დაზიანებას. გლუტათიონის მიღებითა და ჯანსაღი ცხოვრების წესის დანერგვით მნიშვნელოვნად უმჯობესდება მძიმე მეტალებისადმი მდგრადობა, კოგნიტიური და ნევროლოგიური განვითარება.

ანტიოქსიდანტი

გლუტათიონი წარმოადგენს ორგანიზმის ყველაზე მძლავრ ანტი-ოქსიდანტს. ის არის ყველა უჯრედში და გამოდევნის ორგანიზმიდან ტოქსინებს, თავისუფალ რადიკალებსა და მძიმე მეტალებს.

გლუტათიონის დაჟანგული თუ აღდგენილი ფორმა მოქმედებს როგორც მძლავრი ანტი-ოქსიდანტიი. დაჟანგვისთანავე ის იწყებს გადამუშავების პროცესს და ამ პროცესის ეფექტურობა დამოკიდებულია დაჟანგულ და აღდგენილ ფორმებს შორის თანაფადობით. აღდგენილი ფორმის გლუტათიონის სიჭარბე წარმოადგენს უჯრედული ტოქსინების დაბალი კონცენტრაციისა და იმუნური სისტემის მდგრადობის ინდიკატორს.

კოგნიტიური ფუნქცია

გლუტათიონი 115000-ზე მეტი სამედიცინო კვლევითაა შესწავლილი და გამოვლენილია მისი დადებითი ეფექტები. ორგანიზმი თავად წარმოქმნის გლუტათიონს ბუნებრივად, თუმცა ეს არ არის საკმარისი მისი ადექვატური დონის შენარჩუნებისთვის მთელი სიცოცხლის განმავლობაში. ასაკთან ერთად გლუტათიონის რაოდენობა მცირდება, რაც ამცირებს სხვადასხვა ავადმყოფობებისა და ინფექციების წინააღმდეგ ბრძოლის უნარს. მძიმე მეტალები და თავისუფალი რადიკალები აზიანებს თავის ტვინს, ჰემატო-ენცეფალური ბარიერის გადალახვის უნარის მქონე ანტი-ოქსიდანტების რაოდენობა კი მცირეა. ასეთი ანტიოქსიდანტების რაოდენობის ზრდა ეხმარება თავის ტვინს ნორმალურ ფუნქციას და იცავს მას შემდგომი დაზიანებისგან.

მძიმე მეტალები აზიანებს კოგნიტიურ ფუნქციას, რამაც შეიძლება გამოიწვიოს კოგნიტიური დარღვევების პროგრესი, როგორიცაა დემენცია და სხვა... გლუტათიონის დამატება ხელს უწყობს მძიმე მეტალების გაუვნებელყოფას და ამცირებს ტვინის დაზიანების სიმძიმეს, აუმჯობესებს კოგნიტიურ ფუნქციას და ანელებს დაბერების პროცესს.

კანის ჯანმრთელობა და გარეგნობა

როგორც დაბერების საწინააღმდეგო ანტი-ოქსიდანტი გლუტათიონი გამოიყენება, როგორც ადგილობრივად ტოპიკურად კრემების სახით, ასევე სისტემურად ტაბლეტების ან კაფსულების სახით. გლუტათიონი ძალიან სასარგებლოა კანის ჯანმრთელობისთვის.

კანი წარმოადგენს პირველ დამცველ ორგანოს ინფექციებისა და სხვადასხვა დაავადებების წინააჭმდეგ, სწორედ ამიტომ მასში ანტიოქსიდანტების კონცენტრაცია მაღალია ღრმად მდებარე ქსოვილებთან შედარებით. ჯანმრთელობის დარღვევების დროს ირღვევა კანის გარეგნობა. თავისუფალი რადიკალები და ოქსიდაციური სტრესი ახალგაზრდა და ჯანმთელი კანის ყველაზე დიდი საფრთხეა.

გლუტათიონის დონის ნორმალიზაცია აუმჯობესებს კანის ხარისხს, ამცირებს ნაოჭებსა და პიგმენტურ ლაქებს, აძლევს კანს ბუნებრივ ჯანსაღ იერს. ადგილობრივი გამოყენებისას ათეთრებს კანს მელანინის პროდუქციის შემცირების ხარჯზე.

ვასატორი 20მგ #30ტ

ვასატორი 20 მგ

საერთაშორისო დასახელება (აქტიური ნივთიერება): atorvastatinი

კლინიკურ-ფარმაკოლოგიური ჯგუფი: ქოლესტერინის სინთეზის ინჰიბიტორები

გამოშვების ფორმა: 20მგ ტაბლეტი №30

გაცემის რეჟიმი: II ჯგუფი (გაიცემა ფორმა N3 რეცეპტით)

სამკურნალწამლო ფორმა

აპკით შემოგარსული ტაბლეტები

შემადგენლობა

ერთი შემოგარსული ტაბლეტი შეიცავს:

აქტიური ნივთიერება:

ატორვასტატინი 20მგ;

(ატორვასტატინ კალციუმის სახით)

დამხმარე ნივთიერება: ტიტანის დიოქსიდი

ფარმაკოთერაპიული ჯგუფი

ლიპიდური ცვლის მამოდიფიცირებელი საშუალება, ფერმენტ ჰმგ-კოA-რედუქტაზას ინჰიბიტორი.

ფარმაკოლოგიური თვისებები

ფარმაკოკინეტიკა

შეწოვა: ატორვასტატინი სწრაფად შეიწოვება პერორალური მიღების შემდეგ, მაქსიმალური პლაზმური კონცენტრაცია მიიღება 1-2 საათის განმავლობაში. შეწოვის ხარისხი ატორვასტატინის დოზაზეა დამოკიდებული. ატორვასტატინის ტაბლეტები ატორვასტატინის ხსნარის ბიოექვივალენტურია. ატორვასტატინის აბსოლუტური ბიოშეღწევადობა დაახლოებით არის 12% და ჰმგ-კოA რედუქტაზას მაინჰიბირებელი აქტივობის სისტემური ხელმისაწვდომობა დაახლოებით არის 30%.

განაწილება: ატორვასტატინის განაწილების საშუალო მოცულობა დაახლოებით 381 ლიტრია. ატორვასტატინი ≥98%-ით შეკავშირებულია პლაზმის ცილებთან.

მეტაბოლიზმი: ატორვასტატინი მეტაბოლიზდება ციტოქრომ P450 3A4-ით ორთო- და პარაჰიდროქსილირებულ წარმოებულებამდე და სხვადასხვა ბეტა-ოქსიდაციურ პროდუქტებამდე. Iნ ვიტრო, ჰმგ-კოA რედუქტაზას დათრგუნვა ორთო- და პარაჰიდროქსილირებული მეტაბოლიტებით ატორვასტატინის ექვივალენტურია. ჰმგ-კოA რედუქტაზას მაინჰიბირებელი აქტივობის დაახლოებით 70% დამოკიდებულია აქტიურ მეტაბოლიტებზე.

გამოყოფა: ატორვასტატინის პლაზური ნახევრად გამოყოფის პერიოდი შეადგენს 14 საათს. ჰმგ-კოA რედუქტაზას აქტივობის ინჰიბიტორის ნახევრად დაშლის პერიოდი შეადგენს 20-30 საათს აქტიური მეტაბოლიტების მონაწილეობის გამო.

ფარმაკოდინამიკა

ატორვასტატინი წარმოადგენს ფერმენტ 3-ჰიდროქსი 3-მეთილ-გლუტარილ კოენზიმ A რედუქტაზას სელექტიურ კონკურენტულ ინჰიბიტორს, რომელიც გარდაქმნის 3-ჰიდროქსი 3-მეთილ-გლუტარილ კოენზიმ A-ს მევალონის მჟავად. მევალონის მჟავა კი წარმოადგენს ქოლესტერინის წინემორბედს. ატორვასტატინი აქვეითებს პლაზმაში ქოლესტერინისა და ლიპოპროტეინების დონეს, ღვიძლში ქოლესტერინის სინთეზს, დაბალი სიმკვრივის ლიპოპროტეიდების მიტაცებას და მათ მეტაბოლიზმს.

ჩვენებები

• პირველადი ჰიპერქოლესტერინემია (ჰეტეროზიგოტული ოჯახური და არაოჯახური ჰიპერქოლესტერინემია (ტიპი IIა ფრედრიქსონის კლასიფიკაციით);

• კომბინირებული (შერეული) ჰიპერლიპიდემია (ტიპი IIა და IIბ ფრედრიქსონის კლასიფიკაციით);

• დისბეტალიპოპროტეინემია (ტიპი III ფრედრიქსონის კლასიფიკაციით)- დიეტასთან კომბინაციაში;

• ოჯახური ენდოგენური ჰიპერტრიგლიცერიდემია (ტიპი IV ფრედრიქსონის კლასიფიკაციით), რეზისტენტული დიეტის მიმართ;

• ჰომოზიგოტური ოჯახური ჰიპერქოლესტერინემია, დიეტის და სხვა არაფარმაკოლოგიური მეთოდების არაეფექტურობის შემთხვევაში;

• გულ-სისხლძარღვთა გართულებების პირველადი პროფილაქტიკა უსიმპტომო გულის იშემიური დაავადების მქონე პაციენტებში, რისკ-ფაქტორების არსებობისას (>55 წელზე მეტი ასაკი, ნიკოტინური დამოკიდებულება, არტერიული ჰიპერტენზია, შაქრიანი დიაბეტი, ჰიპერქოლესტერინემია და გენეტიკური განწყობა);

• გულ-სისხლძარღვთა გართულებების მეორადი პროფილაქტიკა გულის იშემიური დაავადების მქონე პაციენტებში სიკვდილიანობის, განმეორებითი მიოკარდიუმის ინფარქტის, ინსულტის, ჰოსპიტალური სტენოკარდიის და რევასკულარიზაციის აუცილებლობის სიხშირის შესამცირებლად.

დოზირება და მიღების წესი

ჰიპერქოლესტერინემია და შერეული დისლიპიდემია

ატორვასტატინის მიღება შეიძლება 10-80 მგ/დღეში დოზირების ფარგლებში ერთჯერადი დღიური დოზის სახით. ატორვასტატინის მიღება შეიძლება დღის ნებისმიერ დროს, საკვებისგან დამოუკიდებლად. დოზირება უნდა შეირჩეს ინდივიდუალურად, სამიზნე ლიპიდების დონის, დაავადებისა და პაციენტის პასუხის მიხედვით. ატორვასტატინით მკურნალობის დროს ლიპიდების დონე უნდა გადამოწმდეს 4 კვირის შემდეგ და მოხდეს დოზის კორექცია პაციენტის საჭიროების მიხედვით.

პირველადი ჰიპერქოლესტერინემია და შერეული ჰიპერლიპიდემია

საშუალო რეკომენდებული დოზა შეადგენს 10 მგ-ს დღეში ერთხელ. თერაპიული ეფექტი მიიღება ორი კვირის განმავლობაში, ხოლო მაქსიმალური ეფექტი ჩვეულებრივ მიიღწევა ოთხი კვირის განმავლობაში და ნარჩუნდება თერაპიის დროს.

ჰომოზიგოტური ოჯახური ჰიპერქოლესტერინემია

მოზრდილები: რეკომენდებული დოზა შეადგენს ატორვასტატინის 80 მგ-ს დღეში ერთხელ ( ამცირებს LDL-ქოლესტერინს 18%-45%-ით).

ბავშვები: პედიატრიულ პოპულაციაში მკურნალობის გამოცდილება შეზღუდულია.

ჰიპერტრიგლიცერიდემია და დისბეტალიპოპროტეინემია

ატორვასტატინის დოზა პაციენტთა ამ ჯგუფში შეადგენს 10-80 მგ დღეში ერთხელ. დოზა შეიძლება ინდივიდუალურად შეირჩეს და დარეგულირდეს პაციენტის საპასუხო რეაქციის მიხედვით 4 კვირის შემდეგ.

დოზირება თირკმლის უკმარისობის მქონე პაციენტებში

თირკმლის დაავადება ზეგავლენას არ ახდენს პლაზმურ კონცენტრაციაზე და LDL-ქოლესტერინის დაქვეითებაზე; ამრიგად, დოზის კორექცია საჭირო არ არის.

დოზირება ღვიძლის უკმარისობის მქონე პაციენტებში

ღვიძლის უკმარისობა: ატორვასტატინის პლაზმური კონცენტრაციები მნიშვნელოვნად იზრდება პაციენტებში ქრონიკული ალკოჰოლური ღვიძლის დაავადებით (ჩაილდ პიუ B). პაციენტებში ღვიძლის უკმარისობით შესაფასებელია მკურნალობის სარგებელი და რისკი.

გვერდითი მოვლენები

ატორვასტატინი ჩვეულებრივ კარგად გადაიტანება. გვერდითი მოვლენები ხშირად მსუბუქი და ტრანზიტორულია. ატორვასტატინით თერაპიასთან დაკავშირებული ყველაზე ხშირი გვერდითი მოვლენები იყო:

საერთო: თავის ტკივილი, ასთენია და მუცლის ტკივილი

საჭმლის მომნელებელი სისტემა: დისპეფსია, გულისრევა, მეტეორიზმი, ყაბზობა და ფაღარათი.

ნერვული სისტემა: უძილობა

ჩონჩხ-კუნთოვანი სისტემა: მიალგია

იშვიათი გვერდითი მოვლენები:

საერთო: ალერგიული რეაქციები (ანაფილაქსიის ჩათვლით), ტკივილი გულმკერდში, სისუსტე, ადვილად დაღლა

ჩონჩხ-კუნთოვანი სისტემა: რაბდომიოლიზი.

ნერვული სისტემა: ჰიპესთეზია, თავბრუსხვევა, ამნეზია

ყურისა და ლაბირინთის დარღვევები: ყურებში ხმაური.

კანი და კანქვეშა ქსოვილები: ბულოზური გამონაყარი (მულტიფორმული ერითემის, სტივენს-ჯონსონის სინდრომისა და ტოქსიური ეპიდერმული ნეკროლიზის ჩათვლით), ჭინჭრის ციება

მეტაბოლური და კვებითი დარღვევები: პერიფერული შეშუპება, წონის მატება.

სისხლისა და ლიმფური სისტემა: თრომბოციტოპენია.

უკუჩვენებები

• ჰიპერმგრძნობელობა პრეპარატის ნებისმიერი კომპონენტის მიმართ.

ღვიძლის აქტიური დაავადება ან შრატის ტრანსამინაზების აუხსნელი მუდმივი მომატება.

• 18 წლამდე ასაკი

• ორსულობა და ლაქტაცია

სხვა პრეპარატებთან ურთიერთქმედება

ჰმგ-კოA რედუქტაზას სხვა ინჰიბიტორების მსგავსად, ატორვასტატინით მკურნალობის დროს მიოპათიის რისკი იზრდება ციკლოსპორინთან, ფიბრატებთან, ერითრომიცინთან, კლარიტრომიცინთან, ანტიმიკოზურ საშუალებებთან და ნიკოტინის მჟავასთან ერთდროული მიღებისას.

ანტაციდები: მაგნიუმის და ალუმინის შემცველი ანტაციდური პერორალური სუსპენზიის მიღება აქვეითებს ატორვასტატინის პლაზმურ კონცენტრაციას დაახლოებით 35%-ით, მიუხედავად ამისა, ჰიპოლიპიდემიური მოქმედება არ იცვლება.

ანტიპირინი: ვინაიდან ატორვასტატინი ზეგავლენას არ ახდენს ანტიპირინის ფარმაკოკინეტიკაზე, იმავე ციტოქრომული იზოფერმენტების საშუალებით მეტაბოლიზებულ სხვა პრეპარატებთან ურთიერთქმედება მოსალოდნელი არ არის.

კოლესტიპოლი: ატორვასტატინის პლაზმური კონცენტრაციები მცირდება დაახლოებით 25%-ით კოლესტიპოლისა და ატორვასტატინის ერთად გამოყენებისას. მიუხედავად ამისა, LDL-ქოლესტერინის დაქვეითება უფრო დიდი იყო ატორვასტატინისა და კოლესტიპოლის კომბინირებისას, ვიდრე ამ ორი პრეპარატის ცალკ-ცალკე გამოყენების დროს.

ქოლესტრიამინი: მონაცემები არ მოიპოვება.

ციმეტიდინი: ატორვასტატინის პლაზმური კონცენტრაციები და LDL-ქოლესტერინის დაქვეითება არ შეცვლილა ციმეტიდინის თანმხლები გამოყენების დროს.

დიგოქსინი: ატორვასტატინით ხანგრძლივი მკურნალობის დროს, დიგოქსინთან ერთდროული მიღებისას დიგოქსინის პლაზმური კონცენტრაცია იზრდება დაახლოებით 20%-ით. პაციენტში, რომლებიც დიგოქსინს ღებულობენ, აუცილებელია სათანადო მონიტორინგი.

ერითრომიცინი: ატორვასტატინის პლაზმური კონცენტრაცია იზრდება დაახლოებით 40%-ით ატორვასტატინისა და ერითრომიცინის (ციტოქრომ P450 3A4 ინჰიბიტორი) კომბინირებისას.

პერორალური კონტრაცეპტივები: ატორვასტატინისა და პერორალური კონტრაცეპტივების ერთად გამოყენებისას იზრდება ნორეთინდრონისა და ეთინილ ესტრადიოლის AUჩ მაჩვენებლები დაახლოებით 30% და 20%-ით, შესაბამისად აღნიშნული მომატება გასათვალისწინებელი პერორალური კონტრაცეპტივების შერჩევისას ატორვასტატინით მკურნალობის დროს.

ვარფარინი: ატორვასტატინს კლინიკურად მნიშვნელოვანი ზეგავლენა არ გააჩნია პროთრომბინის დროზე. მიუხედავად ამისა, ვარფარინისა და ატორვასტატინის კომბინირებისას სათანადო მონიტორინგი არის საჭირო.

სხვა თანმხლები თერაპია: კლინიკურ კვლევებში, ატორვასტატინი გამოიყენებოდა ანტიჰიპერტენზიულ საშუალებებთან და ესტროგენის ჩანაცვლებით თერაპიასთან ერთად კლინიკურად მნიშვნელოვანი მავნე ურთიერთქმედების გარეშე.

ორსულობა და ლაქტაცია

ატორვასტატინი უკუნაჩვენებია ორსულობისა და ძუძუთი კვების დროს. რეპროდუქციული ასაკის ქალებმა უნდა გამოიყენოს შესაფერისი კონტრაცეპტიული მეთოდები. 1 თვიანი ინტერვალია საჭირო ატორვასტატინით მკურნალობის შეწყვეტასა და ჩასახვას შორის ორსულობის დაგეგმვის შემთხვევაში.

განსაკუთრებული მითითებანი

ღვიძლის დისფუნქცია

ატორვასტატინით მკურნალობის ფონზე შესაძლებელია შრატის ტრანსამინაზების მატება.

ატორვასტატინის დოზის შემცირებისას, ან პრეპარატით მკურნალობის შეწყვეტის დროს, ტრანსამინაზების დონე უბრუნდება მკურნალობამდე არსებულ დონეს. მკურნალობის დაწყებამდე და შემდეგ პერიოდულად აუცილებელია ღვიძლის ფუნქციური სინჯების გაკეთება.

ატორვასტატინი სიფრთხილით გამოიყენება პაციენტებში, რომლებიც ღებულობენ დიდი რაოდენობით ალკოჰოლს და აქვთ ღვიძლის დაავადება ანამნეზში. ღვიძლის აქტიური დაავადება ან ტრანსამინაზების აუხსნელი პერსისტული მომატება წარმოადგენს ატორვასტინის გამოყენების უკუჩვენებას.

ჩონჩხის კუნთები

ატორვასტატინით მკურნალობისას აღინიშნებოდა გაურთულებული მიალგია. ატორვასტატინით მკურნალობა უნდა შეწყდეს, იმ შემთხვევაში თუ საეჭვოა მიოპათიის დიაგნოზი.

ატორვასტატინით მკურნალობა დროებით უნდა შეწყდეს ნებისმიერ პაციენტში მწვავე მიოპათიით ან რისკ ფაქტორებით, რომლებიც ხელს უწყობენ თირკმლის უკმარისობის განვითარებას რაბდომიოლიზის შედეგად (მაგ. მძიმე მწვავე ინფექცია, ჰიპოტენზია, დიდი ქირურგიული ოპერაცია, ტრავმა, მძიმე მეტაბოლური, ენდოკრინული და ელექტროლიტური დარღვევები, და არაკონტროლირებადი კრუნჩხვები).

ენდოკრინული ფუნქცია

ჰმგ-კოA რედუქტაზას ინჰიბიტორები ხელს უშლიან ქოლესტერინის სინთეზს და თეორიულად შეიძლება დაარღვიონ თირკმელზედა ჯირკვლის და/ან სასქესო ჰორმონების წარმოქმნა. სიფრთხილეა საჭირო, ჰმგ-კოA რედუქტაზას ინჰიბიტორების გამოყენებისას პრეპარატებთან, რომლებიც აქვეითებეან ენდოგენური სტეროიდული ჰორმონების (კეტოკონაზოლი, სპირონოლაქტონი და ციმეტიდი) დონეს ან აქტივობას.

ბავშვები

18 წლამდე პაციენტებში პრეპარატის ეფექტურობა და უსაფრთხოება არ არის შესწავლილი.

ჭარბი დოზირება

ატორვასტატინის ჭარბი დოზირების სპეციფიკური მკურნალობა არ არსებობს. ჭარბი დოზირების შემთხვევაში, მკურნალობა სიმპტომურია. პლაზმის ცილებთან ძლიერი შეკავშირების გამო, ჰემოდიალიზი მნიშვნელოვნად არ აძლიერებს ატორვასტატინის კლირენსს.

შენახვის პირობები

ინახება არაუმეტეს 25°C ტემპერატურაზე, ბავშვებისთვის მიუწვდომელ ადგილას.

აფთიაქიდან გაცემის წესი

ფარმაცევტული პროდუქტის ჯგუფი ІІ, გაიცემა ფორმა #3 რეცეპტით

მწარმოებელი : ეჯ ფარმა, ინდოეთი

მილდრონატი 0.5გ/5მლ 5მლ #10ა

მილდრონატი
Mildronatum

ფორმა:
0,5 გ / 5 მლ საინექციო ხსნარი, 5 მლ ამპულა N10

ქიმიური დასახელება:
3-(2,2,2-ტრიმეთილჰიდრაზინი) პროპიონატის დიჰიდრატი

ძირითადი ქიმიკო-ფარმაცევტული მახასიათებლები:
გამჭვირვალე უფერო სითხე
შემადგენლობა: 1 მლ საინექციო ხსნარი შეიცავს 100 მგ 3-(2,2,2-ტრიმეთილჰიდრაზინი) პროპიონატის დიჰიდრატს. 5 მლ (1 ამპულა) _ 500 მგ 3-(2,2,2-ტრიმეთილჰიდრაზინიუმის) პროპიონატის დიჰიდრატს;
დამხმარე ნივთიერება: საინექციო წყალი.

გამოშვების ფორმა:
საინექციო ხსნარი 0,5გ/5 მლ 10%

ფარმაკოთერაპიული ჯგუფი:
ქსოვილთა მეტაბოლური პროცესების გამაუმჯობესებელი საშუალება

ფარმაკოლოგიური თვისებები
ფარმაკოდინამიკა
   მილდრონატი _ სტრუქტურული ანალოგია გამა-ბუთირობეტაინისა, ნივთიერებისა, რომელიც ადამიანის ორგანიზმის ყველა უჯრედშია წარმოდგენილი.
   მომატებული დატვირთვის პირობებში მილდრონატი აღადგენს წონასწორობას ჟანგბადის მიწოდებასა და უჯრედების ჟანგბადზე მოთხოვნილებას შორის, ხელს უშლის უჯრედებში ნივთიერებათა ცვლის ტოქსიკური პროდუქტების დაგროვებას, იცავს რა მათ დაზიანებისაგან; ასევე ახდენს მატონიზებელ გავლენას. მისი გამოყენების შედეგად ორგანიზმი იძენს დატვირთვის ატანისა და ენერგეტიკული რეზერვების სწრაფი აღდგენის უნარს. ამ თვისებების წყალობით მილდრონატს იყენებენ გულ-სისხლძარღვთა სისტემის, ტვინის სისხლმომარაგების სხვადასხვა დარღვევებისას და ასევე ფიზიკური და გონებრივი მუშაობის უნარის ასამაღლებლად. კარნიტინის კონცენტრაციის შემცირების შედეგად სინთეზირდება გამა-ბუტირობეტაინი, რომელსაც ვაზოდილატაციური თვისებები გააჩნია. მიოკარდიუმის მწვავე იშემიური დაზიანების შემთხვევაში მილდრონატი ანელებს ნეკროზული ზონის წარმოქმნას, ამოკლებს რეაბილიტაციის პერიოდს. გულის უკმარისობისას ზრდის მიოკარდიუმის კუმშვადობას, ზრდის ტოლერანტულობას ფიზიკური დატვირთვის მიმართ, ამცირებს სტენოკარდიის შეტევების სიხშირეს. ტვინის სისხლმომარაგების მწვავე და ქრონიკული დარღვევებისას აუმჯობესებს სისხლის ცირკულაციას იშემიის ზონაში, ხელს უწყობს სისხლის გადანაწილებას იშემიური უბნის სასარგებლოდ. ეფექტურია თვალის ფსკერის ვასკულური და დისტროფიული პათოლოგიისას. პრეპარატი აწესრიგებს ნერვული სისტემის ფუნქციურ დარღვევებს ქრონიკული ალკოჰოლიზმით ავადმყოფებში აბსტინენციის სინდრომისას. არეგულირებს უჯრედულ იმუნიტეტს.

ფარმაკოკინეტიკა
პრეპარატის ბიოშეღწევადობა ინტრავენური შეყვანის შემდეგ შეადგენს 100%-ს. სისხლის პლაზმაში მაქსიმალური კონცენტრაცია მიიღწევა შეყვანისთანავე. ნახევარელიმინაციის პერიოდი შეადგენს 3-6 საათს.

ჩვენება
   გულის იშემიური დაავადების კომპლექსური მკურნალობა (სტენოკარდია, მიოკარდიუმის ინფარქტი), გულის ქრონიკული უკმარისობა და დისჰორმონული კარდიომიოპათია, ასევე თავის ტვინის სისხლმიმოქცევის მწვავე და ქრონიკული დარღვევების კომპლექსურ თერაპიაში (თავის ტვინის ინსულტი და ცერებროვასკულური უკმარისობა).
   ჰემოფთალმი და სხვადასხვა ეტიოლოგიის სისხლჩაქცევები ბადურაში, ბადურის ცენტრალური ვენისა და მისი ტოტების თრომბოზები, სხვადასხვა ეტიოლოგიის რეტინოპათიები (დიაბეტური, ჰიპერტონიული).
   დაქვეითებული შრომისუნარიანობა; ფიზიკური გადაძაბვა, მათ შორის, სპორტსმენებში.
   აბსტინენციის სინდრომი ქრონიკული ალკოჰოლიზმის დროს (ალკოჰოლიზმის სპეციფიკურ თერაპიასთან კომბინაციაში).
   ბრონქული ასთმა და ქრონიკული ობსტრუქციული ბრონქიტი (როგორც იმუნომოდულატორი კომპლექსური თერაპიის შემადგენლობაში).

დოზირება და გამოყენების ხერხი
   ამგზნები ეფექტის შესაძლო გამოვლენის გამო რეკომენდირებულია, მიღებული იქნას დღის პირველი ნახევარში.
1.   გულ-სისხლძარღვთა დაავადებანი. კომპლექსური თერაპიის შემადგენლობაში _ 0,5 – 1,0 გ დღეში ინტრავენურად (5-10 მლ საინექციო ხსნარი 0,5 გ/5 მლ), მთელი დოზის ერთდროული მიღებით ან 2 მიღებაზე გაყოფით. მკურნალობის კურსი _ 4-6 კვირა.
2.   თავის ტვინის სისხლმიმოქცევის მოშლა. მწვავე ფაზა _ 0,5 გ 1-ჯერ დღეში ინტრავენურად 10 დღის განმავლობაში, შემდგომში პერორალურ მიღებაზე გადასვლით. მკურნალობის საერთო კურსი გრძელდება 4-6 კვირა.
   ქრონიკული დარღვევებისას იყენებენ პერორალურ სამკურნალწამლო ფორმას.
   განმეორებითი კურსების ჩატარება (ჩვეულებრივ, 2-3-ჯერ წელიწადში) დასაშვებია ექიმთან კონსულტაციის შემდეგ.
3.   სისხლძარღვოვანი პათოლოგია და ბადურის დისტროფიული დაავადებები. პარაბულბარულად 0,5 მლ მილდრონატის საინექციო ხსნარისა (0,5 გ/5 მლ) ათი დღის განმავლობაში.
4.   გონებრივი და ფიზიკური გადაძაბვები, მათ შორის, სპორტსმენებში. 0,5 გ ინტრავენურად 1-ჯერ დღეში. მკურნალობის კურსი _ 10-14 დღე. აუცილებლობის შემთხვევაში მკურნალობას იმეორებენ 2-3 კვირის შემდეგ.
   სპორტსმენებს უნიშნავენ პერორალურ სამკურნალწამლო ფორმას.
5.   ქრონიკული ალკოჰოლიზმი. ინტრავენურად _ 0,5 გ 2-ჯერ დღეში. მკურნალობის კურსი _ 7-10 დღე.
6.   ბრონქული ასთმა _ იყენებენ პერორალურ სამკურნალწამლო ფორმას.

გვერდითი მოვლენები
იშვიათად _ ალერგიული რეაქციები (გაწითლება, გამონაყარი, ქავილი, შეშუპება), ასევე დისპეფსიური მოვლენები, ტაქიკარდია, არტერიული წნევის შეცვლა, აგზნება.

უკუჩვენებები
მილდრონატის ან პრეპარატის რომელიმე სხვა კომპონენტის მიმართ მომატებული მგრძნობელობა, ქალასშიდა წნევის მომატება (ვენური სისხლმიწოდების დარღვევისას, ქალასშიდა სიმსივნეებისას).

სიფრთხილე
   ღვიძლისა და თირკმლების ქრონიკული დაავადებების მქონე პაციენტებმა პრეპარატის მიღებისას უნდა დაიცვან სიფრთხილე.
   არაა საკმარისი მონაცემები მილდრონატის გამოყენების შესახებ ბავშვებში.
   მიოკარდიუმის მწვავე ინფარქტისა და არასტაბილური სტენოკარდიის მკურნალობის გამოცდილება აჩვენებს, რომ ტრიმეთილჰიდრაზინის პროპიონატის დიჰიდრატი არ წარმოადგენს პირველი რიგის პრეპარატს მწვავე კორონარული სინდრომის დროს.

ორსულობა და ლაქტაცია
   არ არის დამტკიცებული ორსულობის დროს პრეპარატის გამოყენების უსაფრთხოება. იმისათვის, რომ თავი ავარიდოთ ნაყოფზე შესაძლო არაკეთილსასურველ გავლენას, მას არ ნიშნავენ ორსულობის დროს.
   არაა გამორკვეული, გამოიყოფა თუ არა პრეპარატი დედის რძეში. თუ მილდრონატით მკურნალობა აუცილებელია დედისათვის, მაშინ ბავშვის დედის მკერდით კვებას წყვეტენ.

ჭარბი დოზირება.
მილდრონატის ჭარბი დოზირების შემთხვევები ცნობილი არაა. პრეპარატი მეტად მცირედტოქსიკურია და არ იწვევს პაციენტების ჯანმრთელობისათვის საშიშ გვერდით ეფექტებს.

ურთიერთქმედება სხვა პრეპარატებთან
აძლიერებს კორონაროგამაფართოებელი საშუალებების მოქმედებას, ზოგიერთი ჰიპოტენზიური პრეპარატის, საგულე გლიკოზიდების მოქმედებას. დასაშვებია კომბინაცია ანტიანგინალურ პრეპარატებთან, ანტიკოაგულანტებთან, ანტიაგრეგანტებთან, ანტიარითმიულ, დიურეზულ, ბრონქოლიზურ საშუალებებთან. ზომიერი ტაქიკარდიისა და არტერიული ჰიპოტენზიის შესაძლო განვითარების გამო, უნდა დავიცვათ სიფრთხილე ნიტროგლიცერინთან, ნიფედიპინთან, ალფა-ადრენომაბლოკირებელ, ჰიპოტენზიურ საშუალებებთან და პერიფერიულ ვაზოდილატატორებთან კომბინაციის დროს.

ვარგისიანობის ვადა:
4 წელი.
პრეპარატის გამოყენება დაუშვებელია შეფუთვაზე მითითებული ვარგისიანობის ვადის ამოწურვის შემდეგ.

შენახვის პირობები.
არაუმეტეს 25ºC ტემპერატურაზე; ხსნარი ამპულებში _ არ გაყინოთ!
შეინახეთ ბავშვებისათვის მიუწვდომელ ადგილას!
შეფუთვა. 5 მლ ამპულაში; 5 ამპულა _ უჯრებიან შეფუთვაში. ორ უჯრებიან შეფუთვას პრეპარატის გამოყენების ინსტრუქციასთან ერთად ათავსებენ მუყაოს კოლოფში.

გაცემის ფორმა:
გაიცემა რეცეპტით.

სარეგისტრაციო მოწმობის მფლობელი:
ს.ს. “გრინდექსი” კრუსტპილსის ქ. 53, რიგა, LV-1057, ლატვია
ტელეფონი: +371 67083205
ფაქსი: +371 67083505

მწარმოებელი:
ჰოეცხსტ-ბიოტიკა სპოლ. ს.პ.ო
სკლაბინსკის ქ. 30, 03680, მარტინი, სლოვაკეთი

ვიტ C ვირუცილი1000მგ #30კაფს

Viruziel Vitamin C

საერთაშორისო არაკომერციული სახელწოდება (INN)

ასკორბინის მჟავა

ფარმაცევტული ფორმა

მყარი ჟელატინის კაფსულები

შემადგენლობა

თითოეული მყარი ჟელატინის კაფსულა შეიცავს:

აქტიური ნივთიერება:ასკორბინის მჟავა1000მგ.

დამხმარე ნივთიერებები:

კაფსულის შემცველობა: მაგნიუმის სტეარატი (E572)

მყარი ჟელატინის კაფსულა: ჟელატინი, ტიტანის დიოქსიდი (E 171), რკინის ყვითელი ოქსიდი (E 172), რკინის წითელი ოქსიდი (E172)

ფარმაკოთერაპიული ჯგუფი

ვიტამინები – ასკორბინის მჟავა (ვიტამინი C)

ATC კოდი: A11GA01

ფარმაკოლოგიური მახასიათებლები

ფარმაკოდინამიკა

C ვიტამინი აუცილებელია ადამიანის ორგანიზმისთვის. მისი კომპონენტები, ასკორბინის მჟავა და დეჰიდროასკორბინის მჟავა, ქმნის მნიშვნელოვან რედოქს/ჟანგვა-აღდგენით სისტემას.

ვიტამინი C მისი ჟანგვა-აღდგენითი პოტენციალიდან გამომდინარე (კოლაგენის წარმოქმნა, კატექოლამინის სინთეზი, სტეროიდების ჰიდროქსილაცია, თიროზინი და ეგზოგენური ნივთიერებები, კარნიტინის ბიოსინთეზი, ტეტრაჰიდროფოლიკური მჟავის რეგენერაცია და პეპტიდების ალფა-ამიდაცია, მაგ. ადრენოკორტიკოტროპული ჰორმონი და გასტრინი) წარმოაგდენს ფერმენტული სისტემის მოქმედების თანაფაქტორს.

C ვიტამინის ნაკლებობა აქვეითებს იმუნურ სისტემას, იგი განსაკუთრებით გავლენას ახდენს ქემოტაქსისზე, კომპლემენტის აქტივაციაზე და ინტერფერონის წარმოქმნაზე. C ვიტამინის მოლეკულური ბიოლოგიური ფუნქციები ჯერ სრულად არ არის აღწერილი.

ასკორბინის მჟავა აუმჯობესებს რკინის მარილების შეწოვას რკინის იონების შემცირებით და რკინის ხელატების ფორმირებით. იგი ბლოკავს ჯაჭვურ რეაქციებს წყლის ნაწილაკებში, რომლებიც გამოწვეულია ჟანგბადის რადიკალებით.

ანტიოქსიდანტური ფუნქციები წარმოქმნიან ბიოქიმიურ ურთიერთქმედებას ვიტამინ E, ვიტამინ A-სა და კაროტინოიდებთან მჭიდრო კავშირში. ჯერჯერობით არ არის დადასტურელი, რომ ასკორბინის მჟავა იწვევს პოტენციურ კანცეროგენული ნივთიერებების შემცირებას კუჭ-ნაწლავის ტრაქტში

ფარმაკოკინეტიკა

შეწოვა

ასკორბინის მჟავა კარგად შეიწოვება კუჭ-ნაწლავის ტრაქტში

განაწილება

ასკორბინის მჟავა ფართოდ არის განაწილებული ქსოვილებში. ასკორბინის მჟავას მარაგი სხეულშო არის დაახლოებით 1.5გრ. კონცენტრაცია ლეიკოციტებსა და თრომბოციტებში უფრო მაღალია, ვიდრე ერითროციტებსა და პლაზმაში.

მეტაბოლიზმი

ასკორბინის მჟავას მეტაბოლიზმის ძირითადი გზა შარდში მისი ოქსალატად გარდაქმნაა. მიიჩნევა, რომ ეს მისი ოქსიდაციური პროდუქტის დეჰიდროაკორბინის მჟავას შუალედური პროდუქტის წარმოქმნით ხორციელდება.

ელიმინაცია

ასკორბინის მჟავას ორგანიზმისათვის საჭიროზე მეტი რაოდენობა სწრაფად გამოიდევნება ორგანიზმიდან; არამეტაბოლიზებული ასკორბინის მჟავისა და მისი არააქტიური მეტაბოლური პროდუქტების გამოდევნა ორგანიზმიდან ძირითადად ხდება შარდის საშუალებით. ასკორბინის მჟავის შარდში უცვლელი სახით გამოყოფა დამოკიდებულია მიღებულ დოზაზე.

ჩვენებები

ვიტამინი C-ს დეფიციტით გამოწვეული დაავადებების მკურნალობა (მაგ. სურავანდი)
დაქვეითებული იმუნიტეტის პერიოდი (მაგალითად, სეზონურად - შემოდგომაზე და ზამთარში)
C ვიტამინზე გაზრდილი მოთხოვნილება (მაგ. სტრესის დროს, სპორტსმენებსა და მწეველებში)
ყოველდღიური საკვები დანამატი C ვიტამინის სახით, მისი ნაკლებობის შემთხვევაში

გამოყენება:

მიიღეთ ერთი კაფსულა ყოველდღიურად ჭამის დროს დიდი რაოდენობით წყალთან ერთად.

Viruziel ვიტამინი C-ს მიღებამდე გაესაუბრეთ ექიმს.

მიღების წესები და დოზები

დოზირება

რეკომენდირებული დოზა:

ზრდასრულებისთვის 1კაფსულა დღეში (= 1000მგ ასკორბინის მძავა) დღიურად.

თერაპიის ხანგრძლივობა დამოკიდებულია ფიზიოლოგიურ მოთხოვნილებაზე (მაგ., ფიზიკური დატვირთვის გაზრდის შემთხვევაში) და C ვიტამინის დეფიციტისას (მაგ. დამწვრობა, ალკოჰოლიზმი ან სურავანდი) C ვიტამინი უნდა იქნას მიღებული ფიზიოლოგიური საჭიროების მთელი პერიოდის განმავლობაში ან სიმპტომების შესუსტებამდე. მაქსიმალური თერაპიული დოზა არის 1000მგ (1 კაფსულა დღეში).

არ გადააჭარბოთ დოზას.

თირკმლის უკმარისობის მქონე პაციენტებმა უნდა მიიღონ სამკურნალო საშუალებები, რომელიც შეიცავს ასკორბინის მჟავას დაბალ დოზებს.

პედიატრიული მაჩვენებლები

მოცემული დოზირება არ არის რეკომენდირებული 18 წლამდე ასაკის ბავშვებისთვის. ბავშვებისთვის რეკომენდებულია სამკურნალო საშუალებები, რომლებიც შეიცავს ასკორბინის მჟავას დაბალ დოზებს.

მიღების წესები

პრეპარატი მიიღება ორალურად

უკუჩვენებები

მომატებული მგრძნობელობა აქტიური ნივთიერების ან პრეპარატის რომელიმე დამხმარე ნივთიერების მიმართ.

ასკორბინის მჟავა არ უნდა დაინიშნოს ჰიპეროქსალურიით დაავადებული პაციენტებში.

ასევე აღნიშნული დოზა არ უნდა დაინიშნოს ბავშვებსა და მოზრდილებში თვრამეტ წლამდე.

განსაკუთრებული მითითებები და სიფრთხილის ზომები

ასკორბინის მჟავას მომატებულმა მიღებამ ხანგრძლივი პერიოდის განმავლობაში შეიძლება გამოიწვიოს ასკორბინის მჟავას თირკმლისმიერი კლირენსის ზრდა, ხოლო ნაკლებობა შეიძლება გამოიწვიოს იმ შემთხვევაში, თუ მნიშვნელოვნად შეამცირებთ მისი მიღების დოზას ან სწრაფად შეწყვეტთ მიღებას.

ზეგავლენა სერელოგიურ ტესტზე

ასკორბინის მჟავამ შეიძლება ხელი შეუშალოს შარდში გლუკოზის დონის სწორედ დადგენასა და ანალიზებში სწორი პასუხების მიღებას. შეიძლება მოგვცეს მცდარი უარყოფით შედეგები, მეთოდით, რომელიც გამოიყენება გლუკოზა ოქსიდაზას ინდიკატორით (მაგ. Labstix, Tes-Tape) და მცდარი დადებითი შედეგები ნეოკუპროინის მეთოდით.

ასკორბინის მჟავამ ასევე შეიძლება ზეგავლენა იქონიოს შარდმჟავას შეფასებაზე ფოსფოთუნგსტატით ან ურიკაზას დაქვეითებით სპილენძის შემცირებით. ასევე კრეატინინის შეფასებაზე არა- დეპროტეინიზებულ შრატში.

ასკორბინის მჟავას მაღალმა დოზებმა შეიძლება მოგვცენ ცრუ უარყოფითი შედეგები ფეკალურიოკულტური სისხლის ტესტებში.

პაციენტებს, რომლებსაც აქვთ გალაქტოზას აუტანლობის იშვიათი მემკვიდრეობითი პრობლემები, ლაქტაზას სრული დეფიციტი და გლუკოზა-გალაქტოზას შეწოვის/თვისების პრობლემები, არ უნდა მიიღონ ეს დანამატი.

სხვა წამლებთან ურთიერთქმედება

ასკორბინის მჟავა ზრდის თირკმლისმიერი ამფეტამინის ექსტრაქციას. ასკორბატის პლაზმური კონცენტრაცია მცირდება მოწევის და პერორალური კონტრაცეპტივების მიღებისას. ასკორბინის მჟავა ზრდის რკინის შეწოვას.

ასპირინისა და ასკორბინის მჟავას ერთდროულმა მიღებამ შეიძლება ხელი შეუშალოს ასკორბინის მჟავას შეწოვას. სალიცილატის თირკმლისმიერი ექსკრეცია არ ირღევევა და არ იწვევს ასპირინის ანთების საწინააღმდეგო ეფექტის შემცირებას. ალუმინის შემცველი ანტაციდების ერთდროულმა მიღებამ შეიძლება გაზარდოს შარდით ალუმინის ელიმინაცია. ანტაციდების და ასკორბინის მჟავას ერთდროული მიღება არ არის რეკომენდებული, განსაკუთრებით თირკმლის უკმარისობის მქონე პაციენტებში.

ამიგდალინთან (დამატებითი მედიკამენტის) ერთდროულმა მიღებამ შეიძლება გამოიწვიოს ციანიდით ინტოქსიკაცია.

ასკორბინის მჟავას დესფერიოქსამინთან ერთად მიღება აძლიერებს ორგანიზმიდან რკინის გამოდევნას შარდის საშუალებით. კარდიომიოპათიისა და გულის შეგუბებითი უკმარისობის შემთხვევები გვხვდება იდიოპათიური ჰემოქრომატოზითა და თალასემიით დაავადებულ პაციენტებში, რომლებიც იღებენ დესფერიოქსამინს და შემდგომში ასკორბინის მჟავის მიღებაც დაიწყეს. ასკორბინის მჟავა ასეთ პაციენტებში უნდა იქნას გამოყენებული სიფრთხილით და მოხდეს გულის ფუნქციის მონიტორინგი.

ასკორბინის მჟავამ შეიძლება ხელი შეუშალოს კრეატინინის, შარდმჟავას და გლუკოზის ბიოქიმიურ განსაზღვრას სისხლის და შარდის ნიმუშებში.

ორსულობა და ლაქტაცია

ორსულობა

არ არსებობს არანაირი კლინიკური მონაცემები ორსულობის დროს ასკორბინის მჟავას მიღებით გამოწვეული უკუეფექტის შესახებ. ცხოველებზე ჩატარებულ კვლევებში არ არის მოცემული რაიმე პირდაპირი ან მავნე ზემოქმედება ორსულებზე, ემბრიონის/ნაყოფის განვითარებაზე ან მშობიარობაზე. თუმცა ორსულმა ქალებმა სიფრთხილე უნდა გამოიჩინონ.

ძუძუთი კვება

ასკორბინის მჟავა გამოიყოფა დედის რძეში. იმის მიუხედავად, რომ არ არსებობს რაიმე სახის მტკიცებულებები იმის შესახებ, რომ ასეთი ექსკრეცია საშიშია ჩვილისთვის, მაინც სიფრთხილეა საჭირო.

ზემოქმედება ნაყოფზე

ნაყოფზე დიდი დოზების მოქმედება არ არის ცნობილი.

გავლენა ავტომობილის მართვისა და მექანიკურ საშუალებებთან მუშაობის უნარებზე

პროდუქტის ფარმაკოდინამიკური პროფილისა და არსებული უარყოფითი ეფექტების შესწავლის საფუძველზე, შეგვიძლია ვთქვათ, რომ არ არსებობს რაიმე სახის ინფორმაცია იმის შესახებ, რომ ასკორბინის მჟავა ახდენს გავლენას ადამიანის უნარებზე მართოს და აკონტროლოს ავტომობილი და სხვა მექანიკური საშუალებები.

არასასურველი ეფექტები

ნერვული სისტემის დარღვევები: თავის ტკივილი.

სისხლძარღვოვანი დარღვევები: სიწითლე

კუჭ-ნაწლავის ტრაქტის დარღვევები: გულისრევა, პირღებინება და კუჭის სპაზმი. ასკორბინის მჟავას დიდმა დოზებმა შეიძლება გამოიწვიოს დიარეა. კანისა და კანქვეშა ქსოვილის დარღვევები: კანის სიწითლე.

თირკმელებისა და საშარდე სისტემის დარღვევები: ჰიპეროქსალურიის რისკის ქვეშ მყოფი პაციენტები არ უნდა მიიღონ ასკორბინის მჟავას დღეში 1მგ-ზე მეტი დოზით, რადგან შესაძლოა შარდში ოქსალატის ექსკრეცია გაიზარდოს. ამასთან, ასეთი რისკი არ გამოვლენილა პირებში, რომლებსაც არ აქვს ჰიპერქსალურია. ასკორბინის მჟავა ჩართულია ჰემოლიზური ანემიის დაჩქარებაში გარკვეულ პირებში, რომლებსაც აქვთ გლუკოზა-6-ფოსფატდეჰიდროგენაზას დეფიციტი.

ასკორბინის მჟავას დიდი დოზით მიღებამ ხანგრძლივი პერიოდის განმავლობაში შეიძლება გამოიწვიოს ასკორბინის მჟავას თირკმლისმიერი კლირენსის ზრდა და თირკმლის უკმარისობა, თუ მისაღებ დოზას მკვეთრად შეამცირებთ ან სრულიად შეწყვეტთ. დღეში 600 მგ-ზე მეტ დოზას აქვს შარდმდენი ეფექტი.

ჭარბი დოზირება

სიმპტომები

დღეში 3გრ-ზე მეტი დოზით, აუთვისებელი ასკორბინის მჟავა ძირითადად გამოიყოფა არატაბოლიზირებული ფორმით, განავალში. ათვისებული ასკორბინის მჟავა, გარდა იმ ოდენობისა რაც სხეულსესაჭიროება, სწრაფად გამოიდევნება ასკორბინის მჟავას დიდმა დოზებმა შეიძლება გამოიწვიოს დიარეა და თირკმელში ოქსალატის კენჭების/ქვების წარმოქმნა. შესაძლოა საჭირო გახდეს სიმპტომური მკურნალობა.

ასკორბინის მჟავამ შეიძლება გამოიწვიოს აციდოზი ან ჰემოლიზური ანემია გარკვეულ პირებში, რომლებსაც აქვთ გლუკოზა-6-ფოსფატდეჰიდროგენაზას დეფიციტი. ასკორბინის მჟავის გადაჭარბებული დოზით მიღებამ შეიძლება გამოიწვიოს თირკმლის უკმარისობა.

მართვა

კუჭის ამორეცხვა შეიძლება შედეგიანი იქნეს, როცა ახალი მიღებული გაქვთ ვიტამინი, წინააღმდეგ შემთხვევაში უნდა იქნეს გამოყენებული დახმარების შესაბამისი ზომები, საჭიროებისამებრ.

ვადები

2 წელი, არ გამოიყონოთ Viruziel Vitamin C, მის კოლოფზე მითითებული მომქედების ვადის გასვლის შემდეგ.

შენახვის პირობები

შეინახეთ 25°C-ზე დაბალ ტემპერატურაზე. შეინახეთ ბნელ ადგილზე. შეინახეთ ბავშვებისთვის მიუწვდომელ ადგილას.

კონტეინერის მახასიათებლები

1000მგ კაფსულა.

10 კაფსულა ALU/ PVC/PVDC ბლისტერის შეფუთვა. 3 ბლისტერის შეფუთვა ერთ მუყაოს კოლოფში.

ხელმისაწვდომობა

გაიცემა რეცეპტის გარეშე, საკვები დანამატი

მწარმოებელი და რეალიზაციის ლიცენზიის მფლობელი

დამზდებულია Symbiofarm-ის მიერ

Nowa Wies 160,

38-120 Czudec, პოლონეთი

Westliche Heilmittel-ისთვის

Max-Högger-Strasse 6,

8048 Zürich, შვეიცარია

ამს ოსტეო პლუსი #96კაპლეტი

ოსტეო - პლუს

გლუკოზამინი

ქონდროიტინი

მსმ

5-ლოქსინით

3-მაგი ძალა

5-ლოქსინის შემცველი საკვები დანამატი ამცირებს მწვავე ტკივილს სახსრებში. დადგენილია, რომ 5-ლოქსინი აუმჯობესებს კომფორტის შეგრძნებას სახსრებში 7 დღეში.

სამმაგი ძალის საკვები დანამატი იცავს სასახსრე ხრტილებს და ამცირებს სახსრების მწვავე ტკივილის განვითარების ეპიზოდებს სახსრების უჯრედშიდა კომპონენტების განახლებით.

ოსტეო-პლუსი წარმოადგენს სახსრების დამცველ რევოლუციურ ფორმულას, რომელიც შეიცავს უნიკალურ ფორმულად 5-ლოქსინს. 5-ლოქსინის მიღება მნიშვნელოვნად აუმჯობესებს სახსრების კომფორტს მიღებიდან 7 დღეში. მისი მოქმედების მექანიზმი განპირობებულია იმ ფერმენტების ზემოქმედებისგან დაცვით, რომლებიც აზიანებს სახსრის სისტემას. დამატებით, ოსტეო-პლუსი მოქმედებს როგორც ქონდროპროტექტორი და ახდენს სახსარშიდა უჯრედული ელემენტების განახლებას. ძირითადი კომპონენტი სახსრის დაცვისთვის არის ბოსველიას ექსტრაქტი ე.წ. 5-ლოქსინი, 10-ჯერ უფრო ძლიერი აცეტილ-11-კეტო-ბოსველიას მჟავას (AKBA) შემცველობის გამო, ვიდრე ჩვეულებრივი ბოსველიას ექსტრაქტია. 5-ლოქსინი ამცირებს სახსრის მწვავე ტკივილს. ოსტეო-პლუსი სახსრის დამცავ კომპონენტებთან ერთად წარმოადგენს მძლავრ სინგერგიული მოქმედების კომბინაციას სახსრის მოვლის მეცნიერებაში, განსაკუთრებით კი მათთვის, ვინც სერიოზულად ეკიდება სახსრების დაცვასა და გაძლიერებას. ბოსველიას ექსტრაქტი მნიშვნელოვნად აუმჯობესებს მუხლის სახსრის კომფორტს, მოძრაობას მუხლის სახსარში და განვლილი მანძილის სიდიდეს.

5-ლოქსინი აუმჯობესებს სახსრების ჯანმრთელობასა და კომფორტს 7 დღეში

ადამიანებში ჩატარებული ბოლო კვლევებით, 5-ლოქსინის ორივე დოზის 100მგ და 250მგ ყოველდღიურად მიღებამ აჩვენა სახსრების კომფორტისა და მოძრაობის გაუმჯობესება 7 დღეში
5-ლოქსინმა აჩვენა მნიშვნელოვანი სარგებელი სახსრის ჯანმრთელობის შეფასების სხვადასხვა სტანდარტული სისტემის მიხედვით, როგორიცაა WOMAC, VAS და LFI.
5-ლოქსინი დადებითად მოქმედებს სახსრებისა და ზოგად ჯანმრთელობასთან დაკავშირებულ სხვადასხვა ბიომარკერებზე, როგორიცაა CRP, TNFa, IL-6.
5-ლოქსინი მნიშვნელოვნად აინჰიბირებს ფერმენტის მატრიქს მეტალოპროტეინაზას (MMP-3) აქტივობას, რომელიც შლის ხრტილს, კოლაგენსა და შემაერთებელ ქსოვილს.
5-ლოქსინი ხასიათდება კარგი ამტანობით, არ აღიზიანებს კუჭს და აქვს უსაფრთხოების ფართო მონაცემები.

წამყვანი ტესტი სახსრის კომფორტის შესაფასებლად არის WOMAC ინდექსი. წარმოდგენილი დიაგრამა აჩვენებს სახსრის კომფორტის გაუმჯობესებას 90 დღის განმავლობაში პაციენტებში, რომლებიც იღებდნენ 5-ლოქსინს. რეალურად, 100 მგ დოზის მიღებისას ინდექსის შემცირება მოხდა 40%-ით, ხოლო 250 მგ დოზის მიღებისას - 52%-ით.

გამოქვენებული ლაბორატორული და ადამიანებში კვლევის შედეგები ადასტურებს 5-ლოქსინის ეფექტურობასა და უსაფრთხოებას. სახსრის ჯანმრთელობის შენარჩუნებასთან ერთად, 5-ლოქსინი ახდენს ხრტილზე დამაზიანებელი მოქმედების მქონე ფერმენტების გაუვნებელყოფას.

5-ლოქსინი წარმოადგენს დაპატენტებულ ნაერთს, რომელიც აუმჯობესებს სახსრის კომფორტსა და მოძრაობას. ის ამცირებს დამაზიანებელი ფერმენტების მოქმედებას, რომელიც ახდენენ სასახსრე კომპონენტების დაშლას. ბოსველია უძველესი დროიდან გამოიყენებოდა ინდურ ტრადიციულ მეცნიერებაში საუკუნეების განმავლობაში. 5-ლოქსინი კი წარმოადგენს ტრადიციული ინდური ფიტოთერაპიული ისტორიის თანამედროვე მიღწევას, რომლის ეფექტურობაც კლინიკურად დამტკიცებულია.

ორმაგად ბრმა, რანდომიზებული, პლაცებო-კონტროლირებული 5-ლოქსინის ეფექტურობისა და უსაფრთხოების კვლევა მუხლის სახსრის ოსტეოართრიტის მკურნალობაში.

კრიშანუ სენგუპტა, ართრიტის კვლევა და მკურნალობა, 2008, კლინიკური კვლევის რეგისტრაციის ნომერი: ISRCTN05212803

შესავალი:

5-ლოქსინი წარმოადგენს ბოსველიას ექსტრაქტის სახეობას, რომელიც შეიცავს 30% 3-O-აცეტილ-11-კეტო-ბოსველიას მჟავას (AKBA), რომელსაც გააჩნია ანთებისსაწინააღმდეგო მოქმედება ფერმენტ 5-ლიპოქსიგენაზას ინჰიბირებით. ჩატარდა 90 დღიანი, ორმაგად ბრმა, რანდომიზებული, პლაცებო-კონტროლირებული 5 ლოქსინის ეფექტურობისა და უსაფრთხოების შეფასების კვლევა მუხლის სახსრის ოსტეოართრიტის მკურნალობაში.

მეთოდები:

75 ოსტეოართრიტის მქონე პაციენტი კვლევაში ჩაერთო. პაციენტები იღებდნენ 100 მგ (N=25), 250 მგ (N=25) 5-ლოქსინს და პლაცებოს (N=25) 90 დღის განმავლობაში. თითოეული პაციენტის ტკივილისა და ფიზიკური ფუნქციის შეფასება ხდებოდა სტანდარტული მეთოდებით (ვიზუალურ-ანალოგიური სკალა, ონტარიოსა და მაკმასტერის უნივერსიტეტის ოსტეოართრიტის ინდექსი, LEQUESNE’S ფუნქციონალური ინდექსი) დასაწყისში (დღე 0), მე-7, 30-ე, მე-60 და 90-ე დღეებში. დამატებით, ოსტეოართრიტის მქონე პაციენტებში ხდებოდა მატრიქს მეტალოპროტეინაზა-30ის დონის განსაზღვრა სინოვიურ სითხეში. შრატში ბიოქიმიური და ჰემატოლოგიური მაჩვენებლების განსაზღვრა, შარდის საერთო ანალიზი ტარდებოდა 5-ლოქსინის უსაფრთხოების შეფასების მიზნით.

შედეგები:

კვლევა დაასრულა 70 პაციენტმა. კვლევის ბოლოს 5-ლოქსინის ორივე დოზის ჯგუფებში გამოვლინდა მნიშვნელოვანი გაუმჯობესება ტკივილისა და ფუნქციონალური შეფასების სისტემებით ოსტეოართრიტის მქონე პაციენტებში. საინტერესოა, რომ 250 მგ 5-ლოქსინის ჯგუფში ტკივილისა და ფუნქციონალური შეფასების შედეგები მნიშვნელოვნად გაუმჯობესდა დანამატის მიღებიდან 7 დღეში. ამასთან, მნიშვნელოვნად შემცირდა სინოვიურ სითხეში მატრიქს მეტალოპროტეინაზა-3ის შემცველობა. პლაცებოსთან შედარებით უსაფრთხოების პროფილი არ იყო განსხვავებული 5-ლოქსინის ჯგუფებში.

დასკვნა:

5-ლოქსინი ამცირებს ტკივილს და მნიშვნელოვნად აუმჯობესებს ფიზიკურ ფუნქციას ოსტეოართრიტის მქონე პაციენტებში. ადამიანისთვის არის უსაფრთხო. 5-ლოქსინის დამატებითი დადებითი ეფექტებია ანთების მიმართ პასუხის რეგულაცია ანთებაში მონაწილე პროინფლამატორული მოდულატორების შემცირება, აგრეთვე სასახსრე ხრტილის დაცვა დამშლელი ფერმენტების დონის შემცირებით.

ოსტეო-პლუსი სახსრის დამცავ კომპონენტებთან ერთად წარმოადგენს მძლავრ სინგერგიული მოქმედების კომბინაციას სახსრის მოვლის მეცნიერებაში და წამყვანი ბრენდს სახსრების დაცვის ეფექტური მექანიზმით. ოსტეოპლუსი დამზადებულია პროდუქციის ხარისხის უმაღლესი სტანდარტებით, ნივთიერებების სისუფთავისა და ეფექტურობის ჩათვლით. ბუნებრივი დაბერების პროცესი დამატებითი დატვირთვაა სასახსრე სისტემისთვის. შემაწუხებელი უეცარი მწვავე სახსრის ტკივილების აღმოცენება შესაძლებელია ნებისმიერ დროს განვითარდეს.

ოსტეო-პლუსი შეიცავს გლუკოზამინს, ქონდროიტინს, მსმ-სა და უნიკალურ საერთაშორისო დაპატენტებულ კომპონენტს 5-ლოქსინს.

5-ლოქსინი, გლუკოზამინი და სხვა შემადგენელი კომპონენტები ქმნიან ეფექტურ კომპლექსს, რომელიც აუმჯობესებს მოძრაობას სახსრებში, ანახლებს ხრტილოვან საფარველს, უნარჩუნებს შემაერთებელ ქსოვილს ჯანმრთელობას. დღეში 2 იოლად მისაღები ტაბლეტი ხელს უწყობს ხრტილის დაცვასა და სახსარშიდა უჯრედული კომპონენტების განახლებით ხელს უშლის მწვავე ტკივილის განვითარებას სახსრებში.

გლუკოზამინი და ქონდროიტინი

გლუკოზამინი და ქონდროიტინი წარმოადგენს სახსარშიდა ხრტილის შემადგენელ ძირითად მოლეკულებს. სახსრის შიგნით მუდმივად მიმდინარეობს ხრტილის დაშლისა და კვლავწარმოქმნის პროცესები. ხრტილის განახლებისთვის აუცილებელია საკმარისი რაოდენობით არსებობდეს ძირითადი საშენი მასალა. აღნიშნულ თეორიას ეფუძნება ქონდროიტინისა და გლუკოზამინის მიღება ხრტილის განახლების ხელშეწყობისთვის.

გლუკოზამინი- გლიკოზამინოგლიკანის მოლეკულის ნაწილია, რომელიც მონაწილეობს ხრტილის წარმოქმნასა და განახლებაში.

ქონდროიტინი - ხრტილის ყველაზე გავრცელებული გლიკოზამინოგლიკანია, რომელიც ხრტილის დრეკადობას განაპირობებს.

ორალურად გლუკოზამინისა და ქონდროიტინის მიღება ხელს უწყობს ხრტილის განახლების პროცესს.

რას წარმოადგენს მსმ?

მეთილსულფონილმეთანი უშუალოდ არის ჩართული კოლაგენის წარმოქმნაში, რომელიც განაპირობებს კანის, სახსრებისა და კუნთოვანი ქსოვილის ელასტიურობას. რაც უფრო მეტია კოლაგენი, მით უფრო ელასტიურია ქსოვილი. კოლაგენის ელასტიური ბუნება ქსოვილს მოქნილსა და მკვრივს ხდის.

2006 წელს საუთვესტის კოლეჯის კვლევით ინსტიტუტში ჩატარდა კვლევა, რომლის მიხედვითაც მუხლის ართრიტული ტკივილი დრამატულად გაუმჯობესდა მსმ-ის 12 კვირიანი გამოყენების შედეგად. სხვა კვლევამ აჩვენა, რომ მსმ-ის სხვა სასახსრე დანამატებთან, როგორიცაა გლუკოზამინი, ერთად გამოყენება ძალიან ეფექტურია ართრიტის მკურნალობაში.

მიიღება 2 აბი დღეში 1 ჯერ.

ვასატორი 10მგ #30ტ

ვასატორი 20 მგ

საერთაშორისო დასახელება (აქტიური ნივთიერება): atorvastatinი

კლინიკურ-ფარმაკოლოგიური ჯგუფი: ქოლესტერინის სინთეზის ინჰიბიტორები

გამოშვების ფორმა: 20მგ ტაბლეტი №30

გაცემის რეჟიმი: II ჯგუფი (გაიცემა ფორმა N3 რეცეპტით)

სამკურნალწამლო ფორმა

აპკით შემოგარსული ტაბლეტები

შემადგენლობა

ერთი შემოგარსული ტაბლეტი შეიცავს:

აქტიური ნივთიერება:

ატორვასტატინი 20მგ;

(ატორვასტატინ კალციუმის სახით)

დამხმარე ნივთიერება: ტიტანის დიოქსიდი

ფარმაკოთერაპიული ჯგუფი

ლიპიდური ცვლის მამოდიფიცირებელი საშუალება, ფერმენტ ჰმგ-კოA-რედუქტაზას ინჰიბიტორი.

ფარმაკოლოგიური თვისებები

ფარმაკოკინეტიკა

შეწოვა: ატორვასტატინი სწრაფად შეიწოვება პერორალური მიღების შემდეგ, მაქსიმალური პლაზმური კონცენტრაცია მიიღება 1-2 საათის განმავლობაში. შეწოვის ხარისხი ატორვასტატინის დოზაზეა დამოკიდებული. ატორვასტატინის ტაბლეტები ატორვასტატინის ხსნარის ბიოექვივალენტურია. ატორვასტატინის აბსოლუტური ბიოშეღწევადობა დაახლოებით არის 12% და ჰმგ-კოA რედუქტაზას მაინჰიბირებელი აქტივობის სისტემური ხელმისაწვდომობა დაახლოებით არის 30%.

განაწილება: ატორვასტატინის განაწილების საშუალო მოცულობა დაახლოებით 381 ლიტრია. ატორვასტატინი ≥98%-ით შეკავშირებულია პლაზმის ცილებთან.

მეტაბოლიზმი: ატორვასტატინი მეტაბოლიზდება ციტოქრომ P450 3A4-ით ორთო- და პარაჰიდროქსილირებულ წარმოებულებამდე და სხვადასხვა ბეტა-ოქსიდაციურ პროდუქტებამდე. Iნ ვიტრო, ჰმგ-კოA რედუქტაზას დათრგუნვა ორთო- და პარაჰიდროქსილირებული მეტაბოლიტებით ატორვასტატინის ექვივალენტურია. ჰმგ-კოA რედუქტაზას მაინჰიბირებელი აქტივობის დაახლოებით 70% დამოკიდებულია აქტიურ მეტაბოლიტებზე.

გამოყოფა: ატორვასტატინის პლაზური ნახევრად გამოყოფის პერიოდი შეადგენს 14 საათს. ჰმგ-კოA რედუქტაზას აქტივობის ინჰიბიტორის ნახევრად დაშლის პერიოდი შეადგენს 20-30 საათს აქტიური მეტაბოლიტების მონაწილეობის გამო.

ფარმაკოდინამიკა

ატორვასტატინი წარმოადგენს ფერმენტ 3-ჰიდროქსი 3-მეთილ-გლუტარილ კოენზიმ A რედუქტაზას სელექტიურ კონკურენტულ ინჰიბიტორს, რომელიც გარდაქმნის 3-ჰიდროქსი 3-მეთილ-გლუტარილ კოენზიმ A-ს მევალონის მჟავად. მევალონის მჟავა კი წარმოადგენს ქოლესტერინის წინემორბედს. ატორვასტატინი აქვეითებს პლაზმაში ქოლესტერინისა და ლიპოპროტეინების დონეს, ღვიძლში ქოლესტერინის სინთეზს, დაბალი სიმკვრივის ლიპოპროტეიდების მიტაცებას და მათ მეტაბოლიზმს.

ჩვენებები

• პირველადი ჰიპერქოლესტერინემია (ჰეტეროზიგოტული ოჯახური და არაოჯახური ჰიპერქოლესტერინემია (ტიპი IIა ფრედრიქსონის კლასიფიკაციით);

• კომბინირებული (შერეული) ჰიპერლიპიდემია (ტიპი IIა და IIბ ფრედრიქსონის კლასიფიკაციით);

• დისბეტალიპოპროტეინემია (ტიპი III ფრედრიქსონის კლასიფიკაციით)- დიეტასთან კომბინაციაში;

• ოჯახური ენდოგენური ჰიპერტრიგლიცერიდემია (ტიპი IV ფრედრიქსონის კლასიფიკაციით), რეზისტენტული დიეტის მიმართ;

• ჰომოზიგოტური ოჯახური ჰიპერქოლესტერინემია, დიეტის და სხვა არაფარმაკოლოგიური მეთოდების არაეფექტურობის შემთხვევაში;

• გულ-სისხლძარღვთა გართულებების პირველადი პროფილაქტიკა უსიმპტომო გულის იშემიური დაავადების მქონე პაციენტებში, რისკ-ფაქტორების არსებობისას (>55 წელზე მეტი ასაკი, ნიკოტინური დამოკიდებულება, არტერიული ჰიპერტენზია, შაქრიანი დიაბეტი, ჰიპერქოლესტერინემია და გენეტიკური განწყობა);

• გულ-სისხლძარღვთა გართულებების მეორადი პროფილაქტიკა გულის იშემიური დაავადების მქონე პაციენტებში სიკვდილიანობის, განმეორებითი მიოკარდიუმის ინფარქტის, ინსულტის, ჰოსპიტალური სტენოკარდიის და რევასკულარიზაციის აუცილებლობის სიხშირის შესამცირებლად.

დოზირება და მიღების წესი

ჰიპერქოლესტერინემია და შერეული დისლიპიდემია

ატორვასტატინის მიღება შეიძლება 10-80 მგ/დღეში დოზირების ფარგლებში ერთჯერადი დღიური დოზის სახით. ატორვასტატინის მიღება შეიძლება დღის ნებისმიერ დროს, საკვებისგან დამოუკიდებლად. დოზირება უნდა შეირჩეს ინდივიდუალურად, სამიზნე ლიპიდების დონის, დაავადებისა და პაციენტის პასუხის მიხედვით. ატორვასტატინით მკურნალობის დროს ლიპიდების დონე უნდა გადამოწმდეს 4 კვირის შემდეგ და მოხდეს დოზის კორექცია პაციენტის საჭიროების მიხედვით.

პირველადი ჰიპერქოლესტერინემია და შერეული ჰიპერლიპიდემია

საშუალო რეკომენდებული დოზა შეადგენს 10 მგ-ს დღეში ერთხელ. თერაპიული ეფექტი მიიღება ორი კვირის განმავლობაში, ხოლო მაქსიმალური ეფექტი ჩვეულებრივ მიიღწევა ოთხი კვირის განმავლობაში და ნარჩუნდება თერაპიის დროს.

ჰომოზიგოტური ოჯახური ჰიპერქოლესტერინემია

მოზრდილები: რეკომენდებული დოზა შეადგენს ატორვასტატინის 80 მგ-ს დღეში ერთხელ ( ამცირებს LDL-ქოლესტერინს 18%-45%-ით).

ბავშვები: პედიატრიულ პოპულაციაში მკურნალობის გამოცდილება შეზღუდულია.

ჰიპერტრიგლიცერიდემია და დისბეტალიპოპროტეინემია

ატორვასტატინის დოზა პაციენტთა ამ ჯგუფში შეადგენს 10-80 მგ დღეში ერთხელ. დოზა შეიძლება ინდივიდუალურად შეირჩეს და დარეგულირდეს პაციენტის საპასუხო რეაქციის მიხედვით 4 კვირის შემდეგ.

დოზირება თირკმლის უკმარისობის მქონე პაციენტებში

თირკმლის დაავადება ზეგავლენას არ ახდენს პლაზმურ კონცენტრაციაზე და LDL-ქოლესტერინის დაქვეითებაზე; ამრიგად, დოზის კორექცია საჭირო არ არის.

დოზირება ღვიძლის უკმარისობის მქონე პაციენტებში

ღვიძლის უკმარისობა: ატორვასტატინის პლაზმური კონცენტრაციები მნიშვნელოვნად იზრდება პაციენტებში ქრონიკული ალკოჰოლური ღვიძლის დაავადებით (ჩაილდ პიუ B). პაციენტებში ღვიძლის უკმარისობით შესაფასებელია მკურნალობის სარგებელი და რისკი.

გვერდითი მოვლენები

ატორვასტატინი ჩვეულებრივ კარგად გადაიტანება. გვერდითი მოვლენები ხშირად მსუბუქი და ტრანზიტორულია. ატორვასტატინით თერაპიასთან დაკავშირებული ყველაზე ხშირი გვერდითი მოვლენები იყო:

საერთო: თავის ტკივილი, ასთენია და მუცლის ტკივილი

საჭმლის მომნელებელი სისტემა: დისპეფსია, გულისრევა, მეტეორიზმი, ყაბზობა და ფაღარათი.

ნერვული სისტემა: უძილობა

ჩონჩხ-კუნთოვანი სისტემა: მიალგია

იშვიათი გვერდითი მოვლენები:

საერთო: ალერგიული რეაქციები (ანაფილაქსიის ჩათვლით), ტკივილი გულმკერდში, სისუსტე, ადვილად დაღლა

ჩონჩხ-კუნთოვანი სისტემა: რაბდომიოლიზი.

ნერვული სისტემა: ჰიპესთეზია, თავბრუსხვევა, ამნეზია

ყურისა და ლაბირინთის დარღვევები: ყურებში ხმაური.

კანი და კანქვეშა ქსოვილები: ბულოზური გამონაყარი (მულტიფორმული ერითემის, სტივენს-ჯონსონის სინდრომისა და ტოქსიური ეპიდერმული ნეკროლიზის ჩათვლით), ჭინჭრის ციება

მეტაბოლური და კვებითი დარღვევები: პერიფერული შეშუპება, წონის მატება.

სისხლისა და ლიმფური სისტემა: თრომბოციტოპენია.

უკუჩვენებები

• ჰიპერმგრძნობელობა პრეპარატის ნებისმიერი კომპონენტის მიმართ.

ღვიძლის აქტიური დაავადება ან შრატის ტრანსამინაზების აუხსნელი მუდმივი მომატება.

• 18 წლამდე ასაკი

• ორსულობა და ლაქტაცია

სხვა პრეპარატებთან ურთიერთქმედება

ჰმგ-კოA რედუქტაზას სხვა ინჰიბიტორების მსგავსად, ატორვასტატინით მკურნალობის დროს მიოპათიის რისკი იზრდება ციკლოსპორინთან, ფიბრატებთან, ერითრომიცინთან, კლარიტრომიცინთან, ანტიმიკოზურ საშუალებებთან და ნიკოტინის მჟავასთან ერთდროული მიღებისას.

ანტაციდები: მაგნიუმის და ალუმინის შემცველი ანტაციდური პერორალური სუსპენზიის მიღება აქვეითებს ატორვასტატინის პლაზმურ კონცენტრაციას დაახლოებით 35%-ით, მიუხედავად ამისა, ჰიპოლიპიდემიური მოქმედება არ იცვლება.

ანტიპირინი: ვინაიდან ატორვასტატინი ზეგავლენას არ ახდენს ანტიპირინის ფარმაკოკინეტიკაზე, იმავე ციტოქრომული იზოფერმენტების საშუალებით მეტაბოლიზებულ სხვა პრეპარატებთან ურთიერთქმედება მოსალოდნელი არ არის.

კოლესტიპოლი: ატორვასტატინის პლაზმური კონცენტრაციები მცირდება დაახლოებით 25%-ით კოლესტიპოლისა და ატორვასტატინის ერთად გამოყენებისას. მიუხედავად ამისა, LDL-ქოლესტერინის დაქვეითება უფრო დიდი იყო ატორვასტატინისა და კოლესტიპოლის კომბინირებისას, ვიდრე ამ ორი პრეპარატის ცალკ-ცალკე გამოყენების დროს.

ქოლესტრიამინი: მონაცემები არ მოიპოვება.

ციმეტიდინი: ატორვასტატინის პლაზმური კონცენტრაციები და LDL-ქოლესტერინის დაქვეითება არ შეცვლილა ციმეტიდინის თანმხლები გამოყენების დროს.

დიგოქსინი: ატორვასტატინით ხანგრძლივი მკურნალობის დროს, დიგოქსინთან ერთდროული მიღებისას დიგოქსინის პლაზმური კონცენტრაცია იზრდება დაახლოებით 20%-ით. პაციენტში, რომლებიც დიგოქსინს ღებულობენ, აუცილებელია სათანადო მონიტორინგი.

ერითრომიცინი: ატორვასტატინის პლაზმური კონცენტრაცია იზრდება დაახლოებით 40%-ით ატორვასტატინისა და ერითრომიცინის (ციტოქრომ P450 3A4 ინჰიბიტორი) კომბინირებისას.

პერორალური კონტრაცეპტივები: ატორვასტატინისა და პერორალური კონტრაცეპტივების ერთად გამოყენებისას იზრდება ნორეთინდრონისა და ეთინილ ესტრადიოლის AUჩ მაჩვენებლები დაახლოებით 30% და 20%-ით, შესაბამისად აღნიშნული მომატება გასათვალისწინებელი პერორალური კონტრაცეპტივების შერჩევისას ატორვასტატინით მკურნალობის დროს.

ვარფარინი: ატორვასტატინს კლინიკურად მნიშვნელოვანი ზეგავლენა არ გააჩნია პროთრომბინის დროზე. მიუხედავად ამისა, ვარფარინისა და ატორვასტატინის კომბინირებისას სათანადო მონიტორინგი არის საჭირო.

სხვა თანმხლები თერაპია: კლინიკურ კვლევებში, ატორვასტატინი გამოიყენებოდა ანტიჰიპერტენზიულ საშუალებებთან და ესტროგენის ჩანაცვლებით თერაპიასთან ერთად კლინიკურად მნიშვნელოვანი მავნე ურთიერთქმედების გარეშე.

ორსულობა და ლაქტაცია

ატორვასტატინი უკუნაჩვენებია ორსულობისა და ძუძუთი კვების დროს. რეპროდუქციული ასაკის ქალებმა უნდა გამოიყენოს შესაფერისი კონტრაცეპტიული მეთოდები. 1 თვიანი ინტერვალია საჭირო ატორვასტატინით მკურნალობის შეწყვეტასა და ჩასახვას შორის ორსულობის დაგეგმვის შემთხვევაში.

განსაკუთრებული მითითებანი

ღვიძლის დისფუნქცია

ატორვასტატინით მკურნალობის ფონზე შესაძლებელია შრატის ტრანსამინაზების მატება.

ატორვასტატინის დოზის შემცირებისას, ან პრეპარატით მკურნალობის შეწყვეტის დროს, ტრანსამინაზების დონე უბრუნდება მკურნალობამდე არსებულ დონეს. მკურნალობის დაწყებამდე და შემდეგ პერიოდულად აუცილებელია ღვიძლის ფუნქციური სინჯების გაკეთება.

ატორვასტატინი სიფრთხილით გამოიყენება პაციენტებში, რომლებიც ღებულობენ დიდი რაოდენობით ალკოჰოლს და აქვთ ღვიძლის დაავადება ანამნეზში. ღვიძლის აქტიური დაავადება ან ტრანსამინაზების აუხსნელი პერსისტული მომატება წარმოადგენს ატორვასტინის გამოყენების უკუჩვენებას.

ჩონჩხის კუნთები

ატორვასტატინით მკურნალობისას აღინიშნებოდა გაურთულებული მიალგია. ატორვასტატინით მკურნალობა უნდა შეწყდეს, იმ შემთხვევაში თუ საეჭვოა მიოპათიის დიაგნოზი.

ატორვასტატინით მკურნალობა დროებით უნდა შეწყდეს ნებისმიერ პაციენტში მწვავე მიოპათიით ან რისკ ფაქტორებით, რომლებიც ხელს უწყობენ თირკმლის უკმარისობის განვითარებას რაბდომიოლიზის შედეგად (მაგ. მძიმე მწვავე ინფექცია, ჰიპოტენზია, დიდი ქირურგიული ოპერაცია, ტრავმა, მძიმე მეტაბოლური, ენდოკრინული და ელექტროლიტური დარღვევები, და არაკონტროლირებადი კრუნჩხვები).

ენდოკრინული ფუნქცია

ჰმგ-კოA რედუქტაზას ინჰიბიტორები ხელს უშლიან ქოლესტერინის სინთეზს და თეორიულად შეიძლება დაარღვიონ თირკმელზედა ჯირკვლის და/ან სასქესო ჰორმონების წარმოქმნა. სიფრთხილეა საჭირო, ჰმგ-კოA რედუქტაზას ინჰიბიტორების გამოყენებისას პრეპარატებთან, რომლებიც აქვეითებეან ენდოგენური სტეროიდული ჰორმონების (კეტოკონაზოლი, სპირონოლაქტონი და ციმეტიდი) დონეს ან აქტივობას.

ბავშვები

18 წლამდე პაციენტებში პრეპარატის ეფექტურობა და უსაფრთხოება არ არის შესწავლილი.

ჭარბი დოზირება

ატორვასტატინის ჭარბი დოზირების სპეციფიკური მკურნალობა არ არსებობს. ჭარბი დოზირების შემთხვევაში, მკურნალობა სიმპტომურია. პლაზმის ცილებთან ძლიერი შეკავშირების გამო, ჰემოდიალიზი მნიშვნელოვნად არ აძლიერებს ატორვასტატინის კლირენსს.

შენახვის პირობები

ინახება არაუმეტეს 25°C ტემპერატურაზე, ბავშვებისთვის მიუწვდომელ ადგილას.

აფთიაქიდან გაცემის წესი

ფარმაცევტული პროდუქტის ჯგუფი ІІ, გაიცემა ფორმა #3 რეცეპტით

მწარმოებელი : ეჯ ფარმა, ინდოეთი

მილდრო ქსინი 500მგ #60კაფს

მილდროქსინი
(MILDROXYN)

ზოგადი დახასიათება:
საერთაშორისო არაპატენტირებული დასახელება: მელდონიუმი;

ძირითადი ფიზიკურ-ქიმიური თვისებები:
კაფსულები: გაუმჭვირვალე თეთრი/თეთრი ფერის, მყარი ჟელატინის კაფსულები, შევსებული თეთრი ან თითქმის თეთრი ფერის ფხვნილით;
საინექციო ხსნარი: გამჭვირვალე უფერო ხსნარი;

შემადგენლობა:
კაფსულები: 1 კაფსულა შეიცავს:
3-(2,2,2-ტრიმეთილჰიდრაზინ) პროპიონატის დიჰიდრატს - 250 მგ.
დამხმარე ნივთიერებები: კარტოფილის სახამებელი, კოლოიდური სილიციუმის დიოქსიდი, კალციუმის სტეარატი.
კაფსულის გარსის შემადგენლობა: ჟელატინი, საღებავი - ტიტანის დიოქსიდი (E 171).
საინექციო ხსნარი: საინექციო ხსნარის 1 მლ შეიცავს:
3-(2,2,2-ტრიმეთილჰიდრაზინ) პროპიონატის დიჰიდრატს - 100 მგ.
დამხმარე ნივთიერებები: საინექციო წყალი.

გამოშვების ფორმა:
კაფსულა, 250 მგ.
საინექციო ხსნარი, 100 მგ/მლ.

ფარმაკოლოგიური ჯგუფი:
სხვა პრეპარატები გულის დაავადებების მკურნალობისათვის. ათქ-კოდი: C01EB.

ფარმაკოლოგიური თვისებები:
მილდროქსინი მეტაბოლიზმის გამაუმჯობესებელი საშუალებაა. იგი წარმოადგენს გამა-ბუთირობეტაინის (კარნიტინის წინამორბედი) სტრუქტურულ ანალოგს.
მომატებული დატვირთვის პირობებში პრეპარატი აღადგენს წონასწორობას ჟანგბადზე მოთხოვნილებასა და მის მიწოდებას შორის, ხელს უშლის უჯრედებში ნივთიერებათა ცვლის ტოქსიკური პროდუქტების დაგროვებას, რითაც იცავს მათ დაზიანებისაგან; ასევე ახდენს მატონიზებელ გავლენას. მისი გამოყენების შედეგად იზრდება ორგანიზმის ტოლერანტობა ფიზიკური დატვირთვისადმი და ძლიერდება ენერგეტიკული რეზერვების სწრაფი აღდგენის უნარი. ზემოაღნიშნულიდან გამომდინარე, მელდონიუმი გამოიყენება გულ-სისხლძარღვთა სისტემის დაავადებებისა და თავის ტვინის სისხლის მიმოქცევის მოშლის დროს, აგრეთვე ფიზიკური და გონებრივი მუშაობის უნარის ასამაღლებლად. კარნიტინის კონცენტრაციის შემცირების შედეგად ძლიერდება გამა-ბუთირობეტაინის სინთეზი, რომელსაც გააჩნია ვაზოდილატაციური თვისება. მიოკარდიუმის მწვავე იშემიური დაზიანების შემთხვევაში პრეპარატი ანელებს ნეკროზული ზონების წარმოქმნას, ამოკლებს რეაბილიტაციის პერიოდს. გულის უკმარისობისას მელდონიუმი ზრდის მიოკარდიუმის კუმშვადობას, ამცირებს სტენოკარდიული შეტევების სიხშირეს. თავის ტვინის სისხლის მიმოქცევის მწვავე და ქრონიკული მოშლის დროს პრეპარატი აუმჯობესებს სისხლის ცირკულაციას იშემიურ უბნებში. მილდროქსინი ეფექტურია თვალის ფსკერის ვასკულარული და დისტროფიული პათოლოგიების დროს. ქრონიკული ალკოჰოლიზმით დაავადებულ პაციენტებში, აბსტინენციის სინდრომის დროს პრეპარატი ხსნის ნერვული სისტემის ფუნქციურ დარღვევებს.

ფარმაკოკინეტიკა:
პერორალური მიღებისას მელდონიუმი სწრაფად აბსორბირდება კუჭ-ნაწლავის ტრაქტიდან, მისი ბიოშეღწევადობა შეადგენს დაახლოებით 78%-ს, მაქსიმალური კონცენტრაცია (Cmax) სისხლის პლაზმაში მიიღწევა 1-2 სთ-ის შემდეგ. პრეპარატის ნახევარგამოყოფის პერიოდი (T1/2) ერთჯერადი მიღებისას შეადგენს 4 სთ-ს, 8 დღიანი მიღებისას - 10 სთ-ს.
მილდროქსინის ბიოშეღწევადობა ინტრავენური შეყვანისას უდრის 100%-ს, მაქსიმალური კონცენტრაცია (Cmax) სისხლის პლაზმაში მიიღწევა შეყვანისთანავე. ნახევარგამოყოფის პერიოდი (T1/2) შეადგენს 3-6 სთ-ს.
მელდონიუმი ბიოტრანსფორმირდება ორგანიზმში ორი ძირითადი მეტაბოლიტის წარმოქმნით, რომლებიც გამოიყოფა თირკმლების საშუალებით.

ჩვენება:
 კომპლექსური თერაპიის შემადგენლობაში გულ-სისხლძარღვთა ქრონიკული დაავადებებისას: სტენოკარდია, გულის ქრონიკული უკმარისობა (NYHA I-III ფუნქციონალური კლასი), დისჰორმონალური კარდიომიოპათია; გულ-სისხლძარღვთა სისტემის მოქმედების ფუნქციური დარღვევები, მიოკარდიუმის ინფარქტის შემდგომი აღდგენითი პერიოდი;
 თავის ტვინის სისხლის მიმოქცევის ქრონიკული დარღვევები: ინსულტი, ცერებროვასკულური უკმარისობა (კომპლექსური თერაპიის შემადგენლობაში);
 აღდგენითი პერიოდის განმავლობაში ცერებროვასკულური დარღვევების, თავის ტვინის ტრავმებისა და ენცეფალიტის შემდეგ (კომბინირებული თერაპიის შემადგენლობაში);
 ჰემოფთალმი, სხვადასხვა ეტიოლოგიის სისხლჩაქცევები ბადურაში, ბადურის ცენტრალური ვენისა და მისი ტოტების თრომბოზი, სხვადასხვა ეტიოლოგიის რეტინოპათიები (დიაბეტური, ჰიპერტონული);
 შრომისუნარიანობის დაქვეითება, ფიზიკური და გონებრივი გადაძაბვა (მათ შორის სპორტსმენებში);
 აბსტინენციის სინდრომი ქრონიკული ალკოჰოლიზმის დროს (სპეციფიკური კომპლექსური თერაპიის შემადგენლობაში).

მიღების წესი და დოზირება:
ამგზნები ეფექტის შესაძლო გამოვლინების გამო, პრეპარატის გამოყენება რეკომენდებულია დღის პირველ ნახევარში.
გულ-სისხლძარღვთა დაავადებების დროს, კომპლექსური თერაპიის შემადგენლობაში პრეპარატის დოზა შეადგენს 500-1000 მგ დღეში (დღიური დოზა მიიღება მთლიანად ან იყოფა ორ მიღებაზე), მკურნალობის კურსი შეადგენს 4-6 კვირას.
არასტაბილური სტენოკარდიის და მიოკარდიუმის ინფარქტის დროს, კომბინირებული თერაპიის შემადგენლობაში: ინტრავენურად ნაკადურად 500-1000 მგ დღეში ერთხელ. შემდგომი მკურნალობის გასაგრძელებლად გადადიან პრეპარატის კაფსულების სახით მიღებაზე. მკურნალობის კურსი შეადგენს 4-6 კვირას.
კარდიალგიის დროს, მიოკარდიუმის დისჰორმონალური დისტროფიის ფონზე - პერორალურად 250 მგ 2-ჯერ დღეში, მკურნალობის კურსი - 12 დღე.
თავის ტვინის სისხლის მიმოქცევის მოშლისას, მწვავე ფაზაში (კომბინირებული თერაპიის შემადგენლობაში): ინტრავენურად 500 მგ ერთჯერადად 10 დღის განმავლობაში, ხოლო შემდეგ გადადიან პრეპარატის პერორალურ მიღებაზე: 500-1000 მგ ერთჯერადად ან გაყოფილი 2 მიღებაზე. მკურნალობის საერთო კურსი შეადგენს 4-6 კვირას.
თავის ტვინის სისხლის მიმოქცევის ქრონიკული მოშლის დროს, კომბინირებული თერაპიის შემადგენლობაში - ინტრავენურად 500 მგ დღეში ერთხელ, 2-3 კვირის განმავლობაში, ან პერორალურად _ 500-1000 მგ ერთჯერადად ან გაყოფილი 2 მიღებაზე.
დასაშვებია მკურნალობის განმეორებითი კურსების ჩატარება წელიწადში 2-3-ჯერ, ექიმთან კონსულტაციის შემდეგ.
შრომისუნარიანობის დაქვეითების, გონებრივი და ფიზიკური გადატვირთვის დროს (მათ შორის სპორტსმენებში): ინტრავენურად - 500 მგ ერთხელ დღეში ან პერორალურად - 250 მგ 4-ჯერ დღეში, მკურნალობის კურსი - 10-14 დღე. აუცილებლობის შემთხვევაში მკურნალობას იმეორებენ 2-3 კვირის შემდეგ; სპორტსმენებისათვის რეკომენდებულია პრეპარატის მიღება პერორალურად 500-1000 მგ 2-ჯერ დღეში, ვარჯიშის წინ. მკურნალობის კურსის ხანგრძლივობა მოსამზადებელ პერიოდში შეადგენს 14-21 დღეს, შეჯიბრებისას - 10-14 დღეს.
ქრონიკული ალკოჰოლიზმის დროს (კომბინირებული თერაპიისას) - პერორალურად 500 მგ 4-ჯერ დღეში ან ინტრავენურად - 500 მგ 2-ჯერ დღეში. მკურნალობის კურსი _ 7-10 დღე.

გვერდითი მოვლენები:
გულ-სისხლძარღვთა სისტემის მხრივ: იშვიათად - ტაქიკარდია, არტერიული წნევის ცვლილება;
ცენტრალური ნერვული სისტემის მხრივ: იშვიათად - ფსიქომოტორული აგზნებადობა;
საჭმლის მომნელებელი სისტემის მხრივ: იშვიათად - დისპეფსიური მოვლენები;
ალერგიული რეაქციები: იშვიათად - ქავილი, სიწითლე, გამონაყარი კანზე, შეშუპება.

უკუჩვენება:
მომატებული მგრძნობელობა პრეპარატის ან მის შემადგენლობაში შემავალი რომელიმე კომპონენტის მიმართ;
ქალასშიდა წნევის მომატება (მათ შორის, ვენური გადინების დარღვევები, ქალასშიდა სიმსივნეები);
ღვიძლისა ან თირკმლის მძიმე უკმარისობა;
12 წლამდე ასაკი.

ურთიერთქმედება სხვა სამკურნალო საშუალებებთან:
არ არის რეკომენდებული მილდროქსინის გამოყენება იმ პრეპარატებთან კომბინაციაში, რომლებიც შეიცავენ მელდონიუმს (გვერდითი მოვლენების განვითარების რისკი).
მილდროქსინი აძლიერებს კორონარული სისხლძარღვების გამაფართოებელი საშუალებების, ზოგიერთი ჰიპოტენზიური პრეპარატის, საგულე გლიკოზიდების მოქმედებას.
დასაშვებია მელდონიუმის კომბინაცია ანტიანგინალურ პრეპარატებთან, საგულე გლიკოზიდებთან, ანტიკოაგულანტებთან, ანტიაგრეგანტულ, ანტიარითმიულ, დიურეზულ და მიკროცირკულაციის გამაუმჯობესებელ სამკურნალო საშუალებებთან.
სიფრთხილეა საჭირო მილდროქსინისა და ნიტროგლიცერინის, ნიფედიპინის, ბეტა-ადრენობლოკატორების, ჰიპოტენზიური საშუალებების, პერიფერიული ვაზოდილატატორების ერთდროული გამოყენებისას.

ჰიპერდოზირება:
პრეპარატის დოზის გადაჭარბების შემთხვევაში შესაძლებელია არტერიული წნევის მკვეთრი ცვლილება. მკურნალობა სიმპტომურია.

ორსულობა და ლაქტაცია:
ორსულობისა და ლაქტაციის პერიოდში მილდროქსინის უსაფრთხოების შესახებ კვლევები არ ჩატარებულა.
ლაქტაციის პერიოდში პრეპარატის მიღების აუცილებლობისას საჭიროა ძუძუთი კვების შეწყვეტა.

გამოყენების თავისებურებები:
პრეპარატი სიფრთხილით გამოიყენება პაციენტებში, რომელთაც აღენიშნებათ თირკმლისა და ღვიძლის ქრონიკული დაავადებები.
12 წლამდე ასაკის პაციენტებში პრეპარატის უსაფრთხოებისა და ეფექტურობის შესახებ საკმარისი მონაცემები არ არსებობს.
მიოკარდიუმის მწვავე ინფარქტისა და არასტაბილური სტენოკარდიის მკურნალობის გამოცდილება აჩვენებს, რომ მილდროქსინი არ წარმოადგენს პირველი რიგის პრეპარატს მწვავე კორონარული სინდრომის დროს.
პრეპარატის ზემოქმედება ავტოტრანსპორტისა და მექანიზმების მართვის უნარზე:
ფსიქომოტორული რეაქციების სიჩქარეზე მილდროქსინის უარყოფითი ზეგავლენის შესახებ მონაცემები არ არსებობს.

შეფუთვა:
კაფსულები: 10 კაფსულა კონტურულ უჯრედოვან შეფუთვაში, 4 კონტურული შეფუთვა მუყაოს კოლოფში.
საინექციო ხსნარი: 5 მლ საინექციო ხსნარი უფერო მინის ამპულაში, 10 ამპულა მუყაოს კოლოფში.

შენახვის პირობები:
კაფსულები: ინახება არა უმეტეს 25ºC ტემპერატურაზე, მშრალ, ბავშვებისაგან დაცულ ადგილას.
საინექციო ხსნარი: ინახება არა უმეტეს 25ºC ტემპერატურაზე, სინათლისა და ბავშვებისაგან დაცულ ადგილას.

ვარგისიანობის ვადა:
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა რეცეპტით.

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი, ჭირნახულის ქ. 14.
www.aversi.ge

ვიტ C 500მგ თუთიით/ასკილით#90ტ

~~38.69 ლარი~~
36.37 ლარი

ქვეყანა: ესპანეთი

მწარმოებელი: ფორტექს ნუტრაცევტიკალს

გაცემის ფორმა: III ჯგუფი ურეცეპტო

ვაზუროტინი 20მგ #30ტ

ვაზუროტინი

აქტიური ნივთიერება როზუვასტატინი

შემადგენლობა

1 ტაბ.

როზუვასტატინი (როზუვასტატინ კალციუმის სახით) 20 მგ

დამხმარე ნივთიერებები: მიკროკრისტალური ცელულოზა ტიპი 102, ლაქტოზას მონოჰიდრატი, კროსპოვიდონი ტიპი, მაგნიუმის სტეარატი, ჰიპრომელოზა (E464) ტიტანის დიოქსიდი (E171) ტრიაცეტინი (E1518) ქინოლინი ყვითელი ალუმინის ლაქი (E104).

ჩვენებები

ჰიპერქოლესტერინემია

ვაზუროტინი გამოიყენება საერთო ქოლესტერინის, LDL ქოლესტერინის, B აპოლიპოპროტეინისა და ტრიგლიცერიდების მომატებული კონცენტრაციების შემცირების მიზნით, იმ შემთხვევაში, თუ სხვა მეთოდები (დიეტის შეცვლა, ფიზიკური ვარჯიშები, წონის დაკლება) სასურველ შედეგებს ვერ გვაძლევენ:

- ჰიპერქოლესტერინემია (IIა ტიპის, მათ შორის ოჯახური ჰეტეროზიგოტული ჰიპერქოლესტერინემია);

- კომბინირებული ჰიპერქოლესტერინემია (შერეული) (IIბ ტიპის);

- ჰომოზიგოტური ოჯახური ჰიპერქოლესტერინემია;

გულ-სისხლძარღვოვანი დაავადებების პროფილაქტიკა.

მიღების წესები და დოზები

1 აბი დღეში ერთხელ

ვაზუროტინის დღიური მაქსიმალური დოზა შეადგენს 40 მგ-ს. ეს დოზა განკუთვნილია მხოლოდ ქოლესტერინის მაღალი დონის მქონე პაციენტებისათვის და გულის შეტევის, სტენოკარდიის მაღალი რისკის მქონე პაციენტებისათვის, რომელთა ქოლესტერინის დონე არ შემცირდა შესაბამისად 20მგ ტაბლეტის მიღებისას.

რეკომენდებულია ქოლესტერინის რეგულარული შემოწმება.

დოზის გამოტოვების შემთხვევაში: დოზის გამოტოვების შემთხვევაში, შემდეგი დოზა მიიღება ჩვეულ დროს. არ მიიღოთ გაორმაგებული დოზა გამოტოვებული დოზის საკომპენსაციოდ.

მიღების შეწყვეტის შემთხვევაში: ვაზუროტინის მიღების შეწყვეტამდე მიმართეთ ექიმს. პრეპარატის შეწყვეტამ შესაძლოა გამოიწვიოს ქოლესტერინის დონის მომატება.

გვერდითი მოვლენები

ყველა პრეპარატის მსგავსად, ვაზუროტინმაც შეიძლება გამოიწვიოს გვერდითი მოვლენები,. ჩვეულებრივ, ეს გვერდითი მოვლენები გარდამავალია და მსუბუქი ხასიათისაა.

ქვემოთ ჩამოთვლილი ალერგიული რეაქციების შემთხვევაში დაუყოვნებლივ უნდა შეწყდეს პრეპარატის მიღება:

- სუნთქვის გაძნელება, სახის, ენის, ტუჩების და/ან ყელის შეშუპებით ან მათ გარეშე;

- სახის, ენის, ტუჩების და/ან ყელის შეშუპება, რამაც შეიძლება გამოიწვიოს ყლაპვის გაძნელება;

- კანის ძლიერი ქავილი (კანის ამობურცვა).A

ასევე დაუყოვნებლივ უნდა შეწყდეს ვაზუროტინის მიღება, თუ აღინიშნებაკუნთების უჩვეულო ტკივილი, რომელიც დიდხანს გრძელდება. სხვა სტატინების მსგავსად, ადამიანთა მცირე ნაწილში ვლინდება არასასურველი გავლენა კუნთებზე და იშვიათად იწვევს კუნთების სერიოზულ დაზიანებას ე.წ. რაბდომიოლოზს.

ხშირი გვერდითი მოვლენები (შეიძლება გამოვლიდეს 10-100 პაციენტიდან 1 პაციენტში): თავის ტკივილი, კუჭის ტკივილი, შეკრულობა, ღებინება, კუნთების ტკივილი, თავბრუსხვევა.

თუ რომელიმე გვერდითი მოვლენა გახდება სერიოზული, ან თუ შეამჩნევთ ისეთ მოვლენებს, რომლებიც არ არის აღწერილი ამ დანართ-ფურცელში, მიმართეთ თქვენს ექიმს, ან ფარმაცევტს.

უკუჩვენება

- მომატებული მგრძნობელობა ვაზუროტინის მიმართ, ან მისი რომელიმე კომპონენტის მიმართ;

- ორსულობა და ლაქტაციის პერიოდი;

- ღვიძლის ან თირკმლის მწვავე უკმარისობა;

- კუნთების განმეორებითი, ან უჩვეულო ტკივილი;

- 70 წლის ზემოთ ასაკის პაციენტებში;

- მწვავე რესპირატორული უკმარისობისას;

ზოგიერთ ადამიანში სტატინებმა შეიძლება გავლენა მოახდინონ ღვიძლზე. ამის დადგენა ხდება მარტივი ანალიზით, სადაც ხდება ღვიძლის ენზიმების მომატებული დონის განსაზღვრა სისხლში. ამ მიზნით, ექიმი ყოველთვის აკეთებს სისხლის ამ ანალიზს (ღვიძლის ფუნქციური ანალიზი) ვაზუროტინით მკურნალობის დაწყებამდე და მკურნალობის პერიოდში.

ორსულობა და ლაქტაცია

ნებისმიერი პრეპარატის მიღებამდე რჩევისათვის მიმართეთ ექიმს, ან ფარმაცევტს.

ვაზუროტინი არ გამოიყენება ორსულობის და ლაქტაციის პერიოდში. ვაზუროტინის მიღების დროს რეკომენდებულია პერორალური კონტრაცეპტივების მიღება, ორსულობის თავიდან აცილების მიზნით.

ჭარბი დოზირება

პრეპარატის ჭარბი დოზით მიღების შემთხვევაში მიმართეთ ექიმს, ან უახლოეს საავადმყოფოს.

სხვა წამლებთან ურთიერთქმედება

ექიმს უნდა ეცნობოს ყველა იმ პრეპარატის შესახებ, რომელსაც იღებს ან იღებდა პაციენტი, მათ შორის ურეცეპტოდ გასაცემი პრეპარატების შესახებ. განსაკუთრებით ციკლოსპორინის (გამოიყენება მაგ. ორგანოს ტრანსპლანტაციის შემდეგ), ვარფარინის (ან ნებისმიერი სხვა პრეპარატის, რომელიც გამოიყენება სისხლის გასათხელებლად), ფიბრატების (როგორებიცაა გემფიბროზილი, ფენობიბრატი), ან ქოლესტერინის შესამცირებელი ნებისმიერი სხვა პრეპარატის (როგორიცაა ეზეტიმიბი), საჭმლის მოსანელებელი საშუალებების (რომლებიც გამოიყენება კუჭში მჟავიანობის გასანეიტრალებლად), ერითრომიცინის (ანტიბიოტიკი), ორალური კონტრაცეპტივების, ლიპონავირი/რიტონავირის (გამოიყენება აივ ინფექციის საწინააღმდეგოდ) პრეპარატების გამოყენებისას, ან თუ ტარდება ჰორმონ-ჩანაცვლებითი თერაპია.

შენახვის პირობები და ვადები

პრეპარატი ინახება არაუმეტეს 25^oC მშრალ, ბავშვებისაგან დაცულ ადგილას.

აფთიაქში გაცემის წესი

პრეპარატი გაიცემა ექიმის რეცეპტით.

მწარმოებელი : ეჯ ფარმა პრაივეტ ლიმიტედ

მუმბაი, ინდოეთი