მიელოიკი 600მგ #30ტ

თვის შეთავაზება kirurgia.ge

აქცია მათთვის, ვისაც აწუხებს საერთო სისუსტე, ძვლებისა და სახსრების ტკივილი, ხშირი ავადობა

ბენორალი B12 #30ტ

~~30.30 ლარი~~
28.48 ლარი

ქვეყანა: თურქეთი

მწარმოებელი: სანტა ფარმა ილაჩ თურქეთი

გაცემის ფორმა: III ჯგუფი ურეცეპტო

მეტაკარტინი 2გ/10მლ #10ფლ

~~62.53 ლარი~~
58.78 ლარი

ქვეყანა: თურქეთი

მწარმოებელი: ვოლდ მედიცინ ილაჩ სან ვე

გაცემის ფორმა: III ჯგუფი ურეცეპტო

ბენევრონი BF #20ტ

ბენევრონი BF
(Benevron BF)

სავაჭრო დასახელება
ბენევრონი BF, Benevron BF

წამლის ფორმა
შაქრიანი გარსით დაფარული ტაბლეტები.

აღწერილობა:
მრგვალი, ორმხრივამოზნექილი, შაქრის გარსით დაფარული ტაბლეტები გრავირებით BENEV ცალ მხარეს და გლუვი ზედაპირით მეორე მხარეს.

შემადგენლობა
შაქრიანი გარსით დაფარული ტაბლეტი შეიცავს:
აქტიურინივთიერებები:
ვიტამინი B1 (თიამინის ნიტრატი)                            250 მგ
ვიტამინი B2 (რიბოფლავინი)                                     15 მგ
ვიტამინი B6 (პირიდოქსინის ჰიდროქლორიდი)   200 მგ
ვიტამინი B9 (ფოლის მჟავა)                                        0,50 მგ
ვიტამინი B12 (ციანოკობალამინი)                             0,25 მგ
დამხმარენივთიერებები: პოვიდონი (K30), მიკროკრისტალური ცელულოზა, კალციუმის ჰიდროფოსფატი, გასუფთავებული ტალკი, მაგნიუმის სტეარატი, სილიციუმის კოლოიდური უწყლო დიოქსიდი, ნატრიუმის მეტაბისულფიტი, დინატრიუმის ედეტატი, ნატრიუმის მეთილპარაბენი, ნატრიუმის პროპილპარაბენი, ნატრიუმის კროსკარმელოზა.
გარსისშემცველობა: შელაკი, საქაროზა, ტიტანის დიოქსიდი, გუმიარაბიკი, პონსო 4R სუპრა, კალციუმის კარბონატი, ჟელატინი, ცვილი თეთრი, კარნაუბის ცვილი.

პრეპარატის ათქ კოდი    A11EA

ფარმაკოთერაპიული ჯგუფი
B ჯგუფის ვიტამინების კომპლექსი.

ფარმაკოლოგიური თვისებები
ვიტამინი B1 (თიამინისნიტრატი) ადამიანის ორგანიზმში ფოსფორილირების პროცესების შედეგად გარდაიქმნება კოკარბოქსილაზად, რომელიც წარმოადგენს მრავალი ფერმენტული რეაქციის კოფერმენტს. თიამინი მნიშვნელოვან როლს თამაშობს ნახშირწყლოვან, ცილოვან და ცხიმოვან ცვლაში. აქტიურად მონაწილეობს სინაფსებში ნერვული აგზნების გატარების პროცესებში, განსუკუთრებული მნიშვნელობა აქვს კუჭ-ნაწლავის ტრაქტის ფუნქციების, გულის და ენდოკრინული ჯირკვლების მუშაობის უზრუნველსაყოფად. ვიტამინ B1-ის დეფიციტი იწვევს რძემჟავის და პიროყურძნის მჟავის დაგროვებას, რის შედეგად შესაძლებელია პოლინევრიტების, ბერი-ბერის, ვერნიკეს ენცეფალოპათიის და კორსაკოვის სინდრომის, პოლინევროპათიის განვითარება.

ვიტამინი B2 (რიბოფლავინი) წარმოადგენს უჯრედოვანი სუნთქვის და მხედველობითი აღქმის პროცესების უმნიშვნელოვანეს კატალიზატორს. რიბოფლავინი, არეგულირებს რა ჟანგვა-აღდგენით პროცესებს, მონაწილეობს ნახშირწყლოვან, ცილოვან და ცხიმოვან ცვლაში, მნიშვნელოვან როლს თამაშობს დნმ-ის ფორმირებაში, ჰემოგლობინის სინთეზში, ხელს უწყობს ქსოვილების (მ.შ. კანის უჯრედების) რეგენერაციის პროცესებს, უჯრედებში ტროფიკული დარღვევების კორექციას.

ვიტამინი B6 (პირიდოქსინისჰიდროქლორიდი) აუცილებელია ცენტრალური და პერიფერიული ნერვული სისტემის ნორმალური ფუნქციონირებისთვის. ფოსფორილირებული ფორმით წარმოადგენს კოფერმენტს ამინომჟავების მეტაბოლიზმში (მათ შორის, დეკაბოქსილირება, გადაამინირება). მონაწილეობს შემდეგი ნეირომედიატორების ბიოსინთეზში: დოპამინი, ნორადრენალინი, ადრენალინი, სეროტონინი, ჰისტამინი და GABA. ვიტამინ B6-ის დეფიციტი შესაძლებელია საკვებთან მისი არასაკმარისი რაოდენობით მიღების შემთხვევაში, ნაწლავებში შეწოვის დარღვევის შემთხვევაში, ისეთი წამლების მიღებისას, რომლებიც მის ანტაგონისტებს წარმოადგენენ, სხივური თერაპიის დროს. დეფიციტის სიმპტომებია სებორეის მსგავსი დაზიანება თვალების, ცხვირის ირგვლივ, გლოსიტი, სტომატიტი, პერიფერიული ნევრიტი, კრუნჩხვები (GABA -ს დაბალი კონცენტრაციის გამო), ძალიან იშვიათად – ანემია.

ვიტამინი B9 (ფოლისმჟავა) აუცილებელია ქსოვილების ზრდის, განვითარების და პროლიფერაციის პროცესების ნორმალური მიმდინარეობისათვის, კერძოდ, ჰემოპოეზის და ემბრიოგენეზისათვის, ამაღლებს გონებრივ და ფიზიკურ შრომისუნარიანობას. ასტიმულირებს მარილმჟავის გამომუშავებას კუჭში. ორსული ქალის ორგანიზმში დაბალი შემცველობის შემთხვევაში არ არის გამორიცხული მუცლის მოშლის, დღენაკლული ბავშვის გაჩენის შესაძლებლობა და სხვა.
გამოიყენება მეგალობლასტური ანემიის, ქრონიკული გასტროენტერიტის და პოსტრეზექციული ანემიის დროს, ორსულობის და ლაქტაციის პერიოდში და სხვა.

ვიტამინი B12 (ციანოკობალამინი) აუცილებელია ნორმალური სისხლმბადი ფუნქციისათვის და ერითროციტების მომწიფებისათვის, მონაწილეობს რიგ ბიოქიმიურ რეაქციებში, რომლებიც უზრუნველყოფენ ორგანიზმის ცხოველმყოფელობას – მეთილის ჯგუფების გადატანაში, ნუკლეინის მჟავების, ცილის სინთეზში, ამინომჟავების, ნახშირწყლების, ლიპიდების ცვლაში. გავლენას ახდენს პროცესებზე ნერვულ სისტემაში (დნმ-ის, რნმ-ის, მიელინის სინთეზი, ცერებროზიდების და ფოსფოლიპიდების ლიპიდური შემადგენლობა). ციანოკობალამინის კოფერმენტული ფორმები – მეთილკობალამინი და ადენოზილკობალამინი _ აუცილებელია უჯრედების რეპლიკაციისა და ზრდისათვის. ვიტამინ B12-ის დეფიციტი ვლინდება სიმპტომებით სისხლმბადი და ნერვული სისტემის მხრივ. ჰემოპოეზი არაეფექტური ხდება, ამასთან ერითროპოეზი ხდება მეგალობლასტური, ხოლო მძიმე შემთხვევებში ვითარდება პანციტოპენია. ნერვული სისტემის მხრივ შესაძლებელია განვითარდეს შეუქცევი დაზიანებები – დემიელინიზაცია, ნეირონების კვდომა ზურგის ტვინსა და თავის ტვინის ქერქში, რაც ვლინდება პარესთეზიებით კიდურებში, არამყარი სიარულით, ზოგიერთი რეფლექსების დარღვევით და ბოლო სტადიაში – ფსიქიური დარღვევებით, ჰალუცინაციებით, ხასიათის ცვალებადობით, მეხსიერების, მხედველობის დაკარგვით და ფსიქოზით.

გამოყენების ჩვენებები
- ნერვული სისტემის სხადასხვა გენეზის დაავადებები:^პერიფერიული ნევრიტები და პოლინევრიტები, ნევრალგია, პერიფერიული პარეზები და დამბლები, რადიკულიტები, ლუმბაგო, პლექსიტები, ნეკნთაშუა ნევრალგია, გვერდითი ამიოტროფული სკლეროზი, ბავშთა ცერებრალური დამბლა, პერიფერიული ნერვების ტრავმები, ენცეფალოპათია, მათ შორის დიაბეტური, ალკოჰოლური;
- იზონიაზიდური რიგის ტუბერკულოზის საწინააღმდეგო საშუალებების, ანტიბიოტიკების, სხივური და ქიმიოთერაპიის გვერდითი ეფექტების პროფილაქტიკა და კორექცია;
- სხვადასხვა გენეზის ანემია;
- კუჭ-ნაწლავის ტრაქტის დაავადებები: კუჭისა და 12-გოჯა ნაწლავის წყლულოვანი დაავადება, ქრონიკული გასტრიტი, ენტეროკოლიტი, ჰეპატიტი, ღვიძლის ციროზი;
- კანის დაავადებები: ეგზემა და ნევროგენული წარმოშობის დერმატოზები, დერმატიტები და ნეიროდერმიტები, ფსორიაზი;
- სახსრების დაავადებები: ართრიტი, ოსტეოართროზი, რევმატიზმი, რევმატოიდული ართრიტი და სხვა.
- ათეროსკლეროზის, გულის იშემიური დაავადების, სისხლის მიმოქცევის ქრონიკული უკმარისობის კომპლექსური მკურნალობა;
- ორსულთა ტოქსიკოზები;
- თვალის დაავადებების კომპლექსური მკურნალობა: ჰემერალოპია, კერატიტი, ირიტი, კატარაქტა, რქოვანის წყლული;

უკუჩვენებები
მომატებული მგრძნობელობა პრეპარატის კომპონენტების მიმართ, 2 წლამდე ასაკი.

განსაკუთრებული მითითებები
გასათვალისწინებელია, რომ ბენევრონი BF-ის მიღებისას შესაძლებელიაშარდის შეფერადება ყვითელ ფერად, რაც განპირობებულია პრეპარატის შემადგენლობაში რიბოფლავინის არსებობით.

გვერდითი მოქმედება
შესაძლებელია ალერგიული რეაქციები, კანის ქავილი.

მიღების წესი და დოზირება
ბენევრონი BF მიიღება შიგნით ჭამის დროს 1 ტაბლეტი 1-3-ჯერ დღე-ღამეში.
ბავშვებში 2-5 წლამდე ინიშნება ½ ტაბლეტი, ხოლო 5 წლის ასაკის ზევით – 1 ტაბლეტი 1-2 ჯერ დღე-ღამეში.
მკურნალობის კურსი ვარირებს ავადმყოფის მდგომარეობის მიხედვით.

ჭარბი დოზირება
ჭარბი დოზირების შემთხვევები აღწერილი არ არის.

ურთიერთქმედება სხვა სამკურნალო საშუალებებთან
ბენევრონი BF-ისლევოდოპასთან ერთდროული გამოყენებისას აღინიშნება ამ უკანასკნელის ანტიპარკინსონული მოქმედების დაქვეითება.
ეთანოლიამცირებს თიამინის აბსორბციას.

გამოყენება ორსულობის და ლაქტაციის დროს
ორსულობის და ლაქტაციის დროს პრეპარატი გამოიყენება დანიშნულების თანახმად.

გამოშვების ფორმა
შაქრის გარსით დაფარული ტაბლეტები. 20 ტაბლეტი პლასტმასის ფლაკონში. 1 ფლაკონი მუყაოს კოლოფში გამოყენების ინსტრუქციასთან ერთად.

შენახვის პირობები
ინახება არაუმეტეს +25ºC ტემპერატურაზე მშრალ ადგილას.
ინახება ბავშვებისათვის მიუწვდომელ ადგილას.

ვარგისიანობის ვადა
3 წელი წარმოების თარიღიდან.
არ გამოიყენოთ ვარგისიანობის ვადის ამოწურვის შემდეგ.

აფთიაქიდან გაცემის პირობა
რეცეპტის გარეშე.

World Medicine, ინგლისი

ლ-კადეტინი 1გ/10მლ 10მლ #10ფლ

L-კადეტინი
(L-CADETIN)

ზოგადი დახასიათება:
საერთაშორისო არაპატენტირებული დასახელება: ლევოკარნიტინი;
ძირითადი ფიზიკურ-ქიმიური თვისებები:

საინექციო ხსნარი:
გამჭვირვალე უფერო ხსნარი;

პერორალური ხსნარი:
უფეროდან მოყვითალო ფერამდე გამჭვირვალე ხსნარი.

შემადგენლობა:
საინექციო ხსნარი:
საინექციო ხსნარის 1 მლ შეიცავს:
ლევოკარნიტინს – 200 მგ.
დამხმარე ნივთიერებები: ქლორწყალბადმჟავა, საინექციო წყალი.
პერორალური ხსნარი:
პერორალური ხსნარის 1 მლ შეიცავს:
ლევოკარნიტინს – 100 მგ.
დამხმარე ნივთიერებები: ვაშლის მჟავა, ნატრიუმის მეთილპარაბენი, ნატრიუმის
პროპილპარაბენი, ნატრიუმის ბენზოატი, ნატრიუმის საქარინი, ალუბლის არომატიზატორი,
გასუფთავებული წყალი.
გამოშვების ფორმა:
საინექციო ხსნარი.
პერორალური ხსნარი.
ფარმაკოლოგიური ჯგუფი:
ამინომჟავები და მათი წარმოებულები. ათქ-კოდი: A16AA01.
ფარმაკოლოგიური თვისებები.
ფარმაკოდინამიკა:
ლევოკარნიტინი B ჯგუფის ვიტამინების მსგავსი ნივთიერებაა, რომელიც წარმოადგენს ცხოველური ქსოვილების, მიკროორგანიზმებისა და მცენარეების ბუნებრივ კომპონენტს. ადამიანის ორგანიზმში ლევოკარნიტინის რაოდენობის შევსება ხდება როგორც კარნიტინის შემცველი პროდუქტების მიღებით, ასევე მისი ენდოგენური სინთეზით ღვიძლსა და თირკმელებში. ბიოლოგიურად აქტიურია მხოლოდ კარნიტინის L-იზომერი (ლევოკარნიტინი), რომელიც მონაწილეობს ცხიმოვანი მჟავების ტრანსპორტირებაში ციტოპლაზმიდან მიტოქონდრიებში, სადაც ამ მჟავების β-ჟანგვის შედეგად წარმოიქმნება დიდი რაოდენობით მეტაბოლური ენერგია. კოენზიმ A-ს გამოთავისუფლებით ლევოკარნიტინი აძლიერებს მეტაბოლიტების მიდინებას კრებსის ციკლში, ასტიმულირებს პირუვატდეჰიდროგენაზას აქტივობას ჩონჩხის კუნთებში და განშტოებული ამინომჟავების ჟანგვას. Aამგვარად, პრეპარატი ახდენს ცილოვანი და ცხიმოვანი ცვლის ნორმალიზებას, აღადგენს სისხლის ტუტოვან რეზერვს, თრგუნავს კეტომჟავების წარმოქმნას და ანაერობულ გლიკოლიზს, ამცირებს ლაქტაციდოზის ხარისხს, ზრდის მოტორულ აქტივობასა და გამძლეობას ფიზიკური დატვირთვისადმი, ამასთანავე ხელს უწყობს გლიკოგენის ეკონომიურ ხარჯვასა და ღვიძლში მისი მარაგის ზრდას.
ფარმაკოკინეტიკა:
ი/ვ შეყვანის შემდეგ ლევოკარნიტინი სისხლის საშუალებით ტრანსპორტირდება ორგანიზმის ყველა ქსოვილში, მაღალი კონცენტრაციები იქმნება ჩონჩხის კუნთებსა და მიოკარდიუმში. მაქსიმალური კონცენტრაცია პლაზმაში ნარჩუნდება 9 საათის განმავლობაში. გამოიყოფა თირკმლებით, უპირატესად აცილური ეთერების სახით. პერორალურად მიღებული ლევოკარნიტინი კარგად შეიწოვება კუჭ-ნაწლავის ტრაქტიდან (80%). მაქსიმალური კონცენტრაცია პლაზმაში მიიღწევა მიღებიდან 4 სთ-ში. სისხლის პლაზმიდან აღწევს ღვიძლში, მიოკარდიუმსა და ჩონჩხის კუნთებში. ექსკრეტირდება თირკმლების საშუალებით, უპირატესად აცილური ეთერების სახით.
ჩვენება:
- კარნიტინის პირველადი და მეორადი დეფიციტი მოზრდილებსა და ბავშვებში (მათ შორის ახალშობილებსა და ჩვილებში).
- კარნიტინის დეფიციტი ჰემოდიალიზზე მყოფ პაციენტებში, რომლებსაც აღენიშნებათ შემდეგი მდგომარეობები: გამოხატული და ხანგრძლივი კუნთების სპაზმი და/ან ჰიპოტენზიის ეპიზოდები დიალიზის პერიოდში; ენერგიის ნაკლებობა, რომელიც მნიშვნელოვნად აუარესებს ცხოვრების ხარისხს; კუნთების სისუსტე და/ან მიოპათია; კარდიომიოპათია; ურემიით გამოწვეული ანემია, რომელიც არ ექვემდებარება მკურნალობას ან მოითხოვს ერითროპოეტინის დიდ დოზებს; კვების ნაკლებობით გამოწვეული კუნთოვანი მასის დაკარგვა.
მიღების წესი და დოზირება:
საინექციო ხსნარი:
ინტრავენურად საინექციო ხსნარი შეჰყავთ ნელა (2-3 წუთის განმავლობაში). ადექვატური დოზის შესარჩევად რეკომენდებულია პლაზმაში და შარდში თავისუფალი და აცილირებული ლევოკარნიტინის დონის განსაზღვრა. კარნიტინის პირველადი დეფიციტის შემთხვევაში დოზირება და მკურნალობის ხანგრძლივობა დამოკიდებულია მეტაბოლური დარღვევების კლინიკური გამოვლინების სიმძიმეზე და დგინდება ინდივიდუალურად. მწვავე დეკომპენსაციის დროს L-კადეტინის რეკომენდებული დოზა შეადგენს 100 მგ/კგ/დღეში, გაყოფილი 3-4 მიღებაზე. საჭიროებისამებრ, შესაძლებელია პრეპარატის უფრო მაღალი დოზების გამოყენება, თუმცა ამ შემთხვევაში მატულობს გვერდითი მოვლენების განვითარების რისკი. კარნიტინის მეორადი დეფიციტი ჰემოდიალიზზე მყოფ პაციენტებში ივარაუდება, თუ სისხლის პლაზმაში აცილური და თავისუფალი ლევოკარნიტინის თანაფარდობის მაჩვენებელი 0.4-ზე მეტია და/ან თავისუფალი ლევოკარნიტინის დონე 20 მკმოლ/ლ-ზე ნაკლებია. პრეპარატი შეჰყავთ დიალიზის ყოველი პროცედურის ბოლოს ინტრავენური ბოლუსის სახით, დოზით 20 მგ/კგ (დაახლოებით სამი პროცედურა კვირაში). მკურნალობა
გრძელდება სულ მცირე 3 თვის განმავლობაში, რაც აუცილებელია კუნთებში თავისუფალი კარნიტინის ნორმალური დონის აღსადგენად. მკურნალობის შედეგის შეფასება და განმეორებითი კურსის ჩატარების აუცილებლობა დგინდება პაციენტის მდგომარეობისა და სისხლში კარნიტინის მაჩვენებლების რეგულარული ინტერვალებით მონიტორინგის საფუძველზე.
პერორალური ხსნარი.
განკუთვნილია მხოლოდ პერორალური გამოყენებისთვის. გამოყენების წინ სხნარი იხსნება წყალში ან ხილის წვენში. ოპტიმალური დოზის განსაზღვრის მიზნით რეკომენდებულია თავისუფალი და აცილური ლევოკარნიტინის კონტროლი სისხლის პლაზმასა და შარდში. დოზირების რეჟიმის განსაზღვრა ხდება ინდივიდუალურად და დამოკიდებულია მეტაბოლური დარღვევების სიმძიმეზე, პაციენტის ასაკსა და წონაზე. ჩვეულებრივ, დოზა შეადგენს 100-200 მგ/კგ-ს Dდღეში, გაყოფილს 2-4 მიღებაზე. თუ კლინიკური და ბიოქიმიური მაჩვენებლების გაუმჯობესება არ აღინიშნება, შესაძლებელია დოზის გაზრდა მოკლე პერიოდით. მაღალი დოზების გამოყენება (400 მგ/კგ დღეში) შესაძლოა საჭირო გახდეს მწვავე მეტაბოლური დარღვევების საკომპენსაციოდ. პრეპარატის მიღების ხანგრძლივობა ისაზღვრება ექიმის მიერ მკურნალობის ეფექტურობაზე დაყრდნობით. ჰემოდიალიზზე მყოფ პაციენტებში თირკმლის ქრონიკული უკმარისობის ტერმინალური სტადიის დროს, პერორალური ხსნარი გამოიყენება დიალიზის ყოველი სეანსის შემდეგ დღეში 1 გ.
გვერდითი მოვლენები:
ნერვული სისტემის მხრივ: მიასთენია, ავადმყოფებში ურემიით არსებობს კრუნჩხვის განვითარების რისკი. კუჭ-ნაწლავის ტრაქტის მხრივ: გარდამავალი ტკივილი ეპიგასტრიუმის არეში, დისპეფსიური მოვლენები.
ალერგიული რეაქციები: გამონაყარი, კანის ქავილი, ანაფილაქსიური შოკი. სხვა: იშვიათად სხეულის სპეციფიური სუნი, ინტრავენურად სწრაფი შეყვანისას (80 წვეთი წუთში ან მეტი) შესაძლებელია ტკივილი ვენების გასწვრივ. იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.
უკუჩვენება:
მომატებული მგრძნობელობა პრეპარატის შემადგენელი კომპონენტების მიმართ.
ურთიერთქმედება სამკურნალო საშუალებებთან და სხვა სახის ურთიერთქმედება:
გლუკოკორტიკოსტეროიდები ხელს უწყობენ ლევოკარნიტინის დაგროვებას ქსოვილებში (ღვიძლის გარდა). სხვა ანაბოლური საშუალებები აძლიერებენ ლევოკარნიტინის მოქმედებას.
ჭარბი დოზირება:
ლევოკარნიტინის ჭარბი დოზირების შემთხვევაში მისი ტოქსიკურობის შესახებ მონაცემები არ არსებობს. დოზის გადაჭარბებისას ტარდება სიმპტომური თერაპია.
ორსულობა და ლაქტაცია:
ორსულობის დროს L-კადეტინის გამოყენება შესაძლებელია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად აღემატება ნაყოფზე უარყოფითი მოქმედების რისკს. პრეპარატის უსაფრთხოება ძუძუთი კვების პერიოდში არ არის დადგენილი.
განსაკუთრებული მითითებები:
ლევოკარნიტინის დანიშვნამ შაქრიანი დიაბეტის მქონე პაციენტებში, გლუკოზის ათვისების გაუმჯობესების შედეგად, შეიძლება გამოიწვიოს ჰიპოგლიკემიის განვითარება. ამასთან დაკავშირებით მკურნალობის პერიოდში უნდა ტარდებოდეს სისხლში გლუკოზის დონის რეგულარული კონტროლი და საჭიროებისამებრ მოხდეს ინსულინისა და ჰიპოგლიკემიური პრეპარატების დოზის კორექცია.
თირკმლის ფუნქციის დარღვევის მქონე პაციენტებში არ არის რეკომენდებული ლევოკარნიტინის მაღალი დოზების ხანგრძლივი გამოყენება, რადგან შესაძლოა ადგილი ჰქონდეს ტოქსიური მეტაბოლიტების, ტრიმეთილამინის და ტრიმეთილამინ-N-ოქსიდის კუმულაციას, რომლებიც შარდით გამოიყოფა. პრეპარატის ზემოქმედება ავტოტრანსპორტისა და მექანიზმების მართვის უნარზე:
ინდივიდუალურ შემთხვევებში ავტოტრანსპორტისა და მექანიზმების მართვის უნარი შეიძლება შეიზღუდოს განვითარებული გვერდითი მოვლენების გამო.
შეფუთვა:
საინექციო ხსნარი:
5 მლ საინექციო ხსნარი გამჭვირვალე მინის ამპულებში, 5 ამპულა მუყაოს კოლოფში გამოყენების ინსტრუქციასთან ერთად.
პერორალური ხსნარი:
10 მლ პერორალური ხსნარი მუქი ფერის მინის ფლაკონში, 10 ფლაკონი მუყაოს კოლოფში გამოყენების ინსტრუქციასთან ერთად.
შენახვის პირობები:
საინექციო ხსნარი:
ინახება არა უმეტეს 25ºC ტემპერატურაზე, სინათლისაგან დაცულ და ბავშვებისათვის მიუწვდომელ ადგილას. დაუშვებელია საინექციო ხსნარის გაყინვა.
პერორალური ხსნარი:
ინახება არა უმეტეს 25ºC ტემპერატურაზე, სინათლისაგან დაცულ და ბავშვებისათვის მიუწვდომელ ადგილას. ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.
ვარგისობის ვადა:
საინექციო ხსნარი: 2 წელი.
პერორალური ხსნარი: 3 წელი.
შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
აფთიაქიდან გაცემის პირობა:
საინექციო ხსნარი:
ფარმაცევტული პროდუქტის ჯგუფი II, გაიცემა ფორმა # 3 რეცეპტით.
პერორალური ხსნარი:
ფარმაცევტული პროდუქტის ჯგუფი III, გაიცემა რეცეპტის გარეშე.
მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი, ჭირნახულის ქ. 14.
www.aversi.ge

ლ-ვიავა 1გ/10მლ 10მლ #10ფლ

~~46.20 ლარი~~
43.43 ლარი

ქვეყანა: თურქეთი

მწარმოებელი: დოქტ. სერტუს ილაჩ სანაი

გაცემის ფორმა: III ჯგუფი ურეცეპტო

ბენევრონი B 3მლ #5ა

ბენევრონი B
(Benevron B)

სავაჭრო დასახელება
ბენევრონი B, Benevron B

წამლის ფორმა:
საინექციო ხსნარი
აღწერილობა: გამჭვირვალე მუქი წითელი ან მურა-წითური ფერის ხსნარი.

შემცველობა:
პრეპარატის 1 ამპულა შეიცავს:
აქტიური ნივთიერებები:
თიამინის ჰიდროქლორიდი (ვიტამინი B1)                            250 მგ
პირიდოქსინის ჰიდროქლორიდი (ვიტამინი B6)         250 მგ
ციანოკობალამინი (ვიტამინი B12)                     1500 მკგ
რიბოფლავინი (ვიტამინი B2) რიბოფლავინის
ნატრიუმის ფოსფატის სახით                                                       4 მგ
დამხმარე ნივთიერებები: ბენზილის სპირტი, კალიუმის ჰექსაციანოფერატი, დინატრიუმის ედეტატის დიჰიდრატი, მონოთიოგლიცერინი, ნატრიუმის ბიკარბონატი, საინექციო წყალი.

პრეპარატის ათქ კოდი:    A11EA

ფარმაკოთერაპიული ჯგუფი:
B ჯგუფის ვიტამინების კომპლექსი

ფარმაკოლოგიური თვისებები:
ბენევრონი B წარმოადგენს კომბინირებულ პრეპარატს, რომლის მოქმედება განპირობებულია მის შემადგენლობაში შემავალი კომპონენტების (ვიტამინები B1, B6, B12, B2) თვისებებით.
ფარმაკოდინამიკა
ვიტამინი B1
თიამინი ადამიანის ორგანიზმში ფოსფორილირების პროცესების შედეგად გარდაიქმნება კოკარბოქსილაზად, რომელიც წარმოადგენს მრავალი ფერმენტული რეაქციის კოფერმენტს. თიამინი მნიშვნელოვან როლს თამაშობს ნახშირწყლოვან, ცილოვან და ცხიმოვან ცვლაში. აქტიურად მონაწილეობს სინაფსებში ნერვული აგზნების გატარების პროცესებში, განსაკუთრებული მნიშვნელობა აქვს გულის მუშაობის, კუჭ-ნაწლავის ტრაქტისა და ენდოკრინული ჯირკვლების ფუნქციების უზრუნველსაყოფად.
ვიტამინი B6
პირიდოქსინი აუმჯობესებს ორგანიზმის მიერ უჯერი ცხიმოვანი მჟავების მოხმარებას, დადებით გავლენას ახდენს ნერვული სისტემის, ღვიძლის ფუნქციებზე, სისხლწარმოქმნაზე. ფოსფორილირებული ფორმით კოფერმენტის როლს ასრულებს ამინომჟავების მეტაბოლიზმში (მათ შორის, დეკარბოქსილირება, გადაამინირება). პირიდოქსინი ხელს უწყობს გოგირდის შემცველი ამინომჟავა ტაურინის სინთეზს (მეთიონინიდან და ცისტეინიდან), რომელიც ახდენს ნერვ-კუნთოვანი გამტარობის, კუნთების კუმშვადობის ნორმალიზაციას, აფერხებს კრუნჩხვების განვითარებას. მონაწილეობს ნეირომედიატორების: დოპამინი, ნორადრენალინი, ადრენალინი, სეროტონინი, ჰისტამინი და GABA ბიოსინთეზში. ხელს უწყობს ლიპიდური ცვლის ნორმალიზაციას.
ვიტამინი B12
ციანოკობალამინი მონაწილეობს რიგ ბიოქიმიურ რეაქციებში, რომლებიც უზრუნველყოფენ ორგანიზმის ცხოველმყოფელობას – მეთილის ჯგუფების გადატანაში, ნუკლეინის მჟავების, ცილის სინთეზში, ამინომჟავების, ნახშირწყლების, ლიპიდების ცვლაში. აუცილებელია ნორმალური სისხლმბადი ფუნქციისათვის და ერითროციტების მომწიფებისათვის. ხელს უწყობს სულფჰიდრული ჯგუფების შემცველი ნაერთების დაგროვებას ერითროციტებში, რაც ზრდის მათ ტოლერანტობას ჰემოლიზის მიმართ. ციანოკობალამინის კოფერმენტული ფორმები – მეთილკობალამინი და ადენოზილკობალამინი – აუცილებელია უჯრედების რეპლიკაციისა და ზრდისათვის. ციანოკობალამინი გავლენას ახდენს პროცესებზე ნერვულ სისტემაში (დნმ-ის, რნმ-ის, მიელინის სინთეზი, ცერებროზიდების და ფოსფოლიპიდების ლიპიდური შემადგენლობა), ამცირებს ტკივილის შეგრძნებას, რომელიც დაკავშირებულია დაზიანებასთან მისპერიფერიულ ნაწილში. ამცირებს ქოლესტერინის კონცენტრაციას სისხლში. დადებით გავლენას ახდენს ღვიძლის ფუნქციაზე. ამაღლებს ქსოვილების რეგენერაციის უნარს.
ვიტამინი B2
რიბოფლავინიწარმოადგენს უჯრედული სუნთქვის და მხედველობითი აღქმის პროცესების უმთავრეს კატალიზატორს. რიბოფლავინი, არეგულირებს რა ჟანგვა-აღდგენით პროცესებს, მონაწილეობს ცილოვან, ცხიმოვან და ნახშირწყლოვან ცვლაში, მნიშვნელოვან როლს თამაშობს დნმ-ის ფორმირებაში, მონაწილეობს ჰემოგლობინის სინთეზში, ხელს უწყობს ქსოვილების (მათ შორის, კანის უჯრედების) რეგენერაციის პროცესებს, უჯრედებში ტროფიკული დარღვევების კორექციას.

ფარმაკოკინეტიკა
ვიტამინი B1
ინტრამუსკულარული ინექციის შემდეგ სწრაფად აღწევს სისხლში. ღვიძლში განიცდის ფოსფორილირებას. გროვდება ღვიძლში, გულში, ტვინში, თირკმელებში, ელენთაში, მაგრამ მისი მარაგი ორგანიზმში უმნიშვნელოა. გადალახავს პლაცენტარულ ბარიერს და ვლინდება დედის რძეში. გამოიყოფა ნაწლავების ან თირკმელების მეშვეობით.
ვიტამინი B6
მეტაბოლიზდება ღვიძლში ფარმაკოლოგიურად აქტიური მეტაბოლიტების წარმოქმნით (პირიდოქსალფოსფატი და პირიდოქსამინოფოსფატი). პირიდოქსალფოსფატი უკავშირდება პლაზმის ცილებს 90%-ით. კარგად აღწევს ყველა ქსოვილში; გროვდება ძირითადად ღვიძლში, ნაკლებად – კუნთებში და ცნს-ში. გაივლის პლაცენტას, სეკრეტირდება დედის რძესთან ერთად. T1/2 – 15-20 დღე. გამოიყოფა თირკმელებით, ასევე ჰემოდიალიზის დროს.
ვიტამინი B12
ინტრამუსკულარული შეყვანისას პლაზმური კონცენტრაციის პიკი მიიღწევა 60 წუთის შემდეგ. სისხლში უკავშირდება სპეციფიურ ცილებს – ტრანსკობალამინებს, რომლებიც ახდენენ მის ტრანსპორტირებას ქსოვილებში. დეპონირდება უპირატესად ღვიძლში. გამოიყოფა თირკმელების ნორმალური ფუნქციის დროს – 7-10% თირკმელებით, 50%-მდე – ფეკალურ მასებთან ერთად; თირკმელების დაქვეითებული ფუნქციის დროს – 0-7% თირკმელებით, 70-100% – ფეკალურ მასებთან ერთად. გადალახავს პლაცენტარულ ბარიერს, აღწევს დედის რძეში.
ვიტამინი B2
ნაწილდება ყველა ორგანოში და ქსოვილში, დეპონირდება კუნთოვან ქსოვილში, ღვიძლში, ელენთაში, თირკმელებში და მიოკარდიუმში. გადალახავს პლაცენტარულ ბარიერს, აღწევს დედის რძეში. მეტაბოლიზდება ღვიძლში. T1/2 – 66-84 წთ. გამოიყოფა თირკმელებით, პრაქტიკულად სრულად მეტაბოლიტების სახით, მაღალი დოზით მიღებისას – ძირითადად უცვლელი სახით. უმნიშვნელო რაოდენობით გამოიყოფა განავალთან ერთად. გამოიყოფა ჰემოდიალიზის დროს, მაგრამ უფრო ნელა, ვიდრე თირკმელებით ექსკრეციის დროს.

გამოყენების ჩვენებები
- ნერვული სისტემის სხადასხვა გენეზის დაავადებები:^ პერიფერიული ნევრიტი და პოლინევრიტი, ნევრალგია, პერიფერიული პარეზები (მათ შორის, სახის ნერვის) და დამბლები, რადიკულიტები, ლუმბაგო, პლექსიტები, რეტრობულბური ნევრიტი, ნეკნთაშორისი ნევრალგია (მათ შორის, სარტყლისებური ლიქენი), ნეიროპათია, პოლინეიროპათია (დიაბეტური, ალკოჰოლური და სხვა), გვერდითი ამიოტროფული სკლეროზი, გაფანტული სკლეროზი, ბავშვთა ცერებრალური დამბლა, ცენტრალური და პერიფერიული ნერვული სისტემის ტრავმები, ენცეფალოპათია, მათ შორის დიაბეტური, ალკოჰოლური;
- იზონიაზიდური რიგის ტუბერკულოზის საწინააღმდეგო საშუალებების, ანტიბიოტიკების გვერდითი ეფექტების პროფილაქტიკა და კორექცია;
- სხვადასხვა გენეზის ანემიები;
- კუჭ-ნაწლავის ტრაქტის დაავადებები: კუჭისა და 12-გოჯა ნაწლავის წყლულოვანი დაავადება, ქრონიკული გასტრიტი, ენტეროკოლიტი, ჰეპატიტი, ღვიძლის ციროზი;
- კანის დაავადებები: ეგზემა და ნევროგენული წარმოშობის დერმატოზები, დერმატიტები და ნეიროდერმიტები, ფსორიაზი;
- სახსრების დაავადებები: ართრიტი, ოსტეოართროზი, რევმატიზმი, რევმატოიდული ართრიტი და სხვა;
- ათეროსკლეროზის, გულის იშემიური დაავადების, სისხლის მიმოქცევის ქრონიკული უკმარისობის კომპლექსური მკურნალობა;
- თვალის დაავადებების კომპლექსური მკურნალობა: ჰემერალოპია, კერატიტი, ირიტი, კატარაქტა, რქოვანის წყლული;

უკუჩვენებები
- მომატებული მგრძნობელობა პრეპარატის კომპონენტების მიმართ, გულის უკმარისობის მძიმე ფორმები, 10 წლამდე ბავშვთა ასაკი.

გვერდითი მოქმედება
შესაძლებელია გამონაყარი, ქავილი, ურტიკარია, ეგზანტემა, ანგიოედემა. ძალზე იშვიათად - თავბრუსხვევა, ოფლიანობა, ტაქიკარდია, დისპნოე, ანაფილაქსიური რეაქციები.

მიღების წესი და დოზირება
პრეპარატის ბენევრონი დოზირების რეჟიმი და მიღების ხანგრძლივობა დგინდება ექიმის მიერ.
10 წლის ასაკზე უფროს ბავშვებში და მოზრდილებში პრეპარატი ინიშნება ინტრამუსკულარულად - 1 ამპულა (4 მლ) ერთჯერ დღეში.
საინექციო ხსნარი შეჰყავთ ღრმად კუნთებში.
ექიმის დანიშნულებით პრეპარატის ბენევრონი B1 ამპულა შეიძლება გამოყენებულ იქნას 2-3 დღეში ერთჯერ.

ჭარბი დოზირება
B ჯგუფის ვიტამინების გამოყენებისას ჭარბი დოზირების შემთხვევები ძალზე იშვიათია, რადგან ისინი წყალში ხსნადი ვიტამინებია და მათი ჭარბი რაოდენობა გამოიყოფა შარდთან ერთად. ჭარბი დოზირების ნიშნებს წარმოადგენს: დაბუჟება, ჩხვლეტა ფეხებში, ხელებში და სხეულის სხვა ნაწილებში, მგრძნობელობის, წონასწორობის და კოორდინაციის დარღვევა. ამ სიმპტომების განვითარების შემთხვევაში საჭიროა მიმართოთ ექიმს. მკურნალობა სიმპტომურია.

განსაკუთრებული მითითებები
გასათვალისწინებელია, რომ ბენევრონი B-ს მიღებისას შესაძლებელიაშარდის შეფერადება ყვითელ ფერად, რაც განპირობებულია პრეპარატის შემადგენლობაში რიბოფლავინის არსებობით.

გამოყენება ორსულობის და ლაქტაციის დროს:
ორსულობისა და ლაქტაციის პერიოდში პრეპარატის გამოყენება შესაძლებელია იმ შემთხვევაში, როდესაც მოსალოდნელი სარგებელი დედისათვის აღემატება პოტენციურ რისკს ნაყოფისათვის ან ძუძუთა ბავშვისათვის.

ურთიერთქმედება სხვა სამკურნალო საშუალებებთან:
ვიტამინი B1
თიამინის ჰიდროქლორიდის ხსნარის შერევა სულფიტების შემცველ ხსნარებთან დაუშვებელია, რადგან მათში ის მთლიანად იშლება. კრუნჩხვის საწინააღმდეგო პრეპარატებით (ფენობარბიტალი, ფენიტოინი, კარბამაზეპინი) ხანგრძლივმა მკურნალობამ შეიძლება გამოიწვიოს თიამინის დეფიციტი. კოფეინის, გოგირდის და ესტროგენების შემცველი პრეპარატების გამოყენება ზრდის თიამინზე მოთხოვნილებას. თიამინი აქვეითებს მადეპოლარიზებელი მიორელაქსანტების კურარეს მსგავს მოქმედებას (დითილინი და სხვა).
ვიტამინი B6
აძლიერებს დიურეტიკების მოქმედებას; ამცირებს ლევოდოპას აქტივობას. იზონიკოტინის ჰიდრაზიდი, პენიცილამინი, ციკლოსერინი და ესტროგენშემცველი პერორალური კონტრაცეპტივები აქვეითებენ პირიდოქსინის ეფექტს. კარგად შეთავსებადია საგულე გლიკოზიდებთან (პირიდოქსინი ხელს უწყობს კუმშვის პროცესში მონაწილე ცილების სინთეზის გაძლიერებას მიოკარდიუმში), გლუტამინის მჟავასთან და ასპარკამთან (ზრდის ამტანობას ჰიპოქსიის მიმართ).
ვიტამინი B12
ციანოკობალამინი ინაქტივირდება მძიმე ლითონების მარილებთან ურთიერთქმედებისას. ამინოგლიკოზიდები, სალიცილატები, ეპილეფსიის საწინააღმდეგო საშუალებები, კოლხიცინი, კალიუმის პრეპარატები ამცირებენ აბსორბციას. ქლორამფენიკოლი ამცირებს ციანოკობალამინის გავლენას ჰემოპოეზზე. რეკომენდებული არ არის გამოყენება იმ პრეპარატებთან ერთად, რომლებიც ამაღლებენ სისხლის შედედების უნარს.
ვიტამინი B2
აქვეითებს დოქსიციკლინის, ტეტრაციკლინის, ოქსიტეტრაციკლინის, ერითრომოცინის და ლინკომიცინის აქტივობას. შეუთავსებადია სტრეპტომიცინთან. თირეოიდული ჰორმონები აჩქარებენ რიბოფლავინის მეტაბოლიზმს. ამცირებს ქლორამფენიკოლის გვერდით ეფექტებს (ჰემოპოეზის დარღვევა, მხედველობის ნერვის ნევრიტი). შეთავსებადია ჰემოპოეზის მასტიმულირებელ სამკურნალო საშუალებებთან, ანტიჰიპოქსანტებთან, ანაბოლურ სტეროიდებთან.

გამოშვების ფორმა:
საინექციო ხსნარის 4 მლ ყავისფერი შუშის ამპულაში.
5 ამპულა კონტურულ უჯრედოვან პლასტიკურ შეფუთვაში გამოყენების ინსტრუქციასთან ერთად მუყაოს კოლოფში.

შენახვის პირობები:
ინახება 25ºC-მდე ტემპერატურაზე, ორიგინალურ შეფუთვაში.
ინახება ბავშვებისათვის მიუწვდომელ ადგილას.

ვარგისიანობის ვადა
3 წელი წარმოების თარიღიდან.
ვარგისიანობის ვადის ამოწურვის შემდეგ გამოიყენება არ შეიძლება.

აფთიაქიდან გაცემის პირობა
II ჯგუფი (გაცემის რეჟიმი: ექიმის რეცეპტით).

World Medicine, ინგლისი

კარტანი 200მგ/მლ 5მლ #5ა

კარტანი
Cartan
საინექციო ხსნარი 1 გ/5 მლ ამპ.

შემადგენლობა:
აქტიური ნივთიერება: L-კარნიტინი
პეროლარული ხსნარის 1 მლ შეიცავს L-კარნიტინის 100 მგ-ს.
საინექციო ხსნარის 1 მლ შეიცავს L-კარნიტინის 200 მგ-ს.
ა) პერორალური ხსნარი ერთჯერადი დოზის კონტეინერში: სორბიტოლი 70%-იანი ხსნარი, მეთილპარაბენი E218, საქარინ ნატრიუმი, ნატრიუმის ციტრატ დიჰიდრატი (ნატრიუმის უწყლო ციტრატის ექვივალენტური), ფორთოხლის არომატიზატორი, მარილმჟავა და/ან ნატრიუმის ჰიდროქსიდი Q.S. pH-ის დასარეგულირებლად, საინექციო წყალი.
ბ) საინექციო ხსნარი 1 გ/5 მლ ამპ.: მარილმჟავა Q.S. pH-ის დასარეგულირებლად, საინიექციო წყალი.

ფარმაკოლოგიური ჯგუფი:
მეტაბოლური პროცესების რეგულატორი

ფარმაკოლოგიური მოქმედება:
L-კარნიტინი B ჯგუფის ვიტამინების მსგავსი ბუნებრივი ნივთიერებაა. ის მონაწილეობს ნივთიერებათა ცვლის პროცესებში, გადააქვს გრძელჯაჭვიანი ცხიმოვანი მჟავები ციტოპლაზმიდან მიტოქონდრიებში, სადაც განიცდიან β-დაჟანგვას, რის შედეგადაც წარმოიქმნება დიდი რაოდენობით ენერგია (ატფ-ის სახით).
კარტანი აწესრიგებს ცილოვან და ცხიმოვან ცვლას, აღადგენს მჟავა-ტუტოვან წონასწორობას. თრგუნავს კეტოსხეულების წარმოქმნას და ანაერობულ გლიკოლიზს. ამცირებს რძემჟავა აციდოზის ხარისხს, ზრდის ორგანიზმის ამტანობას ფიზიკური დატვირთვისადმი. ამასთანავე ხელს უწყობს გლიკოგენის მარაგის გაზრდას ღვიძლში.
კარტანი ავლენს ანაბოლურ მოქმედებას. თიროქსინის მიმართ ანტაგონისტური მოქმედებით აწესრიგებს ჰიპერთირეოზის დროს მომატებულ ძირითად ცვლას. ასტიმულირებს კუჭის წვენის სეკრეციას, ანელებს ცილოვანი და ნახშირწყლოვანი მოლეკულების კატაბოლიზმს. მცირდება სხეულის ჭარბი წონა და ქვეითდება ცხიმების შემცველობა კუნთებში.
კარტანი ავლენს ნეიროტროპულ მოქმედებას, ამუხრუჭებს აპოფტოზის განვითარებას, შემოფარგლავს დაზიანებულ ზონას, აღადგენს ნერვული ქსოვილის სტრუქტურას.
კარტანი აუმჯობესებს სუსტ და დღენაკლი ბავშვების ფიზიკურ განვითარებას.

ფარმაკოკინეტიკა:
პრეპარატი კარგად შეიწოვება, Cmax მიიღწევა
3 სთ-ის შემდეგ, თერაპიულ დონეს ინარჩუნებს
9 სთ-მდე. პრეპარატი აღწევს ყველა ქსოვილში, მაღალი კონცენტრაციით გროვდება კუნთებსა და მიოკარდიუმში; ექსკრეცია წარმოებს თირკმელების საშუალებით, გამოიყოფა შეუცვლელი სახით (80%-ზე მეტი 24 სთ-ის განმავლობაში).

ჩვენება:
-ახალშობილთა ასფიქსია და სამშობიარო ტრავმები; ახალშობილთა ჰიპოტროფია და ჰიპოტონია; რესპირატორული დისტრეს სინდრომი ახალშობილებში, პარენტერალურ კვებაზე მყოფი დღენაკლი ბავშვები; ჰემოდიალიზზე მყოფი ბავშვები;
-სხეულის მასის დეფიციტი და ზრდაში შეფერხება ბავშვთა ასაკში და მოზარდებში 16 წლამდე.
-კარდიომიოპათია, მიოკარდიტი, გულის იშემიური დაავადება (სტენოკარდია, პოსტინფარქტული მდგომარეობა).
-თავის ტვინის სისხლის მიმოქცევის დარღვევა; ნევრასთენია; ტრავმული ენცეფალოპათია; მიოპათია
-ინტენსიური ფიზიკური დატვირთვა სპორტსმენებში
-ანორექსია, ქრონიკული ჰიპოაციდური გასტრიტი, ქრონიკული პანკრეატიტი, ღვიძლის დაავადებები.
-პირველადი (გენეტიკური) და მეორადი კარნიტინის დეფიციტი, ჰემოდიალიზზე მყოფი თირკმლის ქრონიკული უკმარისობის მქონე ავადმყოფები.
-თირეოტოქსიკოზის მსუბუქი ფორმა, სიმსუქნე.
-ფსორიაზი, სებორეა, სკლეროდერმიის კანის ფორმები.
-მამაკაცთა უშვილობა (ოლიგოსპერმია, აზოოსპერმია).
-სისტემური დაავადებები (რევმატოიდული ართრიტი).

წინააღმდეგჩვენება:
მომატებული მგრძნობელობა პრეპარატში შემავალ კომპონენტებზე.

გვერდითი მოვლენები:
კარტანის მიღების ფონზე გვერდითი მოვლენები აღინიშნება იშვიათად. შეიძლება აღინიშნოს გულისრევა, ღებინება, ტკივილი ეპიგასტრიუმის არეში.

განსაკუთრებული მითითებები:
კარტანის მიმართ შეჩვევა არ ვითარდება, რადგან L-კარნიტინი ორგანიზმში არსებული ბუნებრივი ნივთიერებაა. დიაბეტიან პაციენტებში, რომლებიც მკურნალობენ ინსულინით და პერორალური ჰიპოგლიკემიური საშუალებებით, კარტანის დანიშვნამ შეიძლება გამოიწვიოს ჰიპოგლიკემია, ამ დროს რეკომენდებულია გლუკოზის დონის რეგულარული მონიტორინგი და აუცილებელია ანტიდიაბეტური მკურნალობის კორექცია.

ორსულობა და ლაქტაციის პერიოდი:
კარტანი შეიძლება დაინიშნოს ორსულებში და ლაქტაციის პერიოდში კლინიკური მდგომარეობიდან გამომდინარე.
ზეგავლენა ავტომობილის მართვასა და სხვა სამართავ ტექნიკურ საშუალებებზე:
კარტანი არ ახდენს ზეგავლენას ავტომობილის მართვასა და მანქანა-დანადგარებთან მუშაობის უნარზე.

სხვა წამლებთან ურთიერთქმედება:
სხვა ანაბოლური საშუალებები აძლიერებენ კარტანის მოქმედებას. გლუკოკორტიკოსტეროიდები ხელს უწყობენ პრეპარატის დაგროვებას ქსოვილებში (გარდა ღვიძლისა);

მიღების წესი და დოზირება:
ა) პერორალური ხსნარი პოლიპროპილენის ამპულაში
ინიშნება 30 წუთით ადრე ჭამამდე, აუცილებელია განზავდეს სითხეში (წყალი ან ხილის წვენი). მიიღება ჭამამდე 30 წუთით ადრე. დღიური დოზა განისაზღვრება ასაკისა და სხეულის მასის მიხედვით
-ბავშვებში 2 წლამდე: 150 მგ/კგ წონაზე.
-2-დან 6-წლამდე: 100 მგ/კგ წონაზე.
-6-დან 12 წლამდე: 75 მგ/კგ წონაზე.
-12 წლის ზემოთ და მოზრდილებში: დღიური დოზა 2-3 გ.
-ჰემოდიალიზის დროს 2-4 გ.
-სტენოკარდია და პოსტინფარქტული მდგომარეობა: 2-6 გ დღეში.

ბ) საინექციო ხსნარი: ინიშნება ი/ვ ან ი/მ. ი/ვ ინექციისას პრეპარატი შეიყვანება ნელა 2-3 წუთის განმავლობაში.
-ბავშვებში: 50-100 მგ/კგ წონაზე.
-მოზრდილებში: 1-3 გ Dღღეში.
კარტანით მკურნალობას იწყებენ 1 გ-დან დღეში, პრეპარატის დოზა შეიძლება გაიზარდოს 3 გ-მდე დღე-ღამეში.
ჰემოდიალიზის დროს 2 გ ერთჯერადად (პროცედურის შემდგომ).
მიოკარდიუმის მწვავე ინფარქტი: 100-200 მგ/კგ წონაზე დღეში ორჯერად მიღებაზე ან პირველი 48 სთ-ის განმავლობაში წარმოებს პრეპარატის უწყვეტი მიღება, შემდგომი დოზის ორჯერ შემცირებით.

ჭარბი დოზირება:
პრეპარატზე ჭარბი დოზირების შემთხვევები არაა გამოვლენილი.

გამოშვების ფორმა:
10 მლ უფერო პოლიპროპილენის ამპულა, მოყვითალო სითხე, პერორალური გამოყენებისათვის, #10 ამპულა. თითოეულ ამპულაში 1 გ L-კარნიტინი.
5 მლ საინექციო ხსნარი #5 ამპულა, თითოეულ ამპულაში 1 გ L-კარნიტინი

შენახვის პირობები:
ა პერორალური ხსნარი პოლიპროპილენის ამპულაში ინახება მშრალ,
25ºC –ზე ნაკლებ ტემპერატურაზე.
ბ) საინექციო ხსნარი ინახება მშრალ ადგილას, 25ºC –ზე ნაკლებ ტემპერატურაზე.

ვარგისიანობის ვადა:
პერორალური ხსნარი – 4 წელი.
საინექციო ხსნარი – 3 წელი.

გაცემის წესი:
აფთიაქიდან გაიცემა რეცეპტით.

მწარმოებელი:
Demo S.A
21ST.Km National Road Athens-Lamia
14568 ათენი, საბერძნეთი
ტელ: + 30 210 8161802

აქვადეტრიმი პლუსი 10მლ ფლ

~~14.20 ლარი~~
13.35 ლარი

ქვეყანა: პოლონეთი

მწარმოებელი: მედანა ფარმა

გაცემის ფორმა: III ჯგუფი ურეცეპტო

კარტანი 1გ/10მლ #10ა პერორ/ხს

კარტანი
Cartan
პერორალური ხსნარი პოლიპროპილენის ამპულაში 1 გ/10 მლ