პოსტინორი

POSTINOR

გენერიული დასახელება:
Levonorgestrel

შემადგენლობა:
აქტიური ნივთიერება:
ლევონორგესტრელი-750მკგ.
დამხმარე ნივთიერებები:
უწყლო კოლოიდური სილიციუმი, მაგნიუმის სტეარატი, კარტოფილის სახამებელი, ტალკი, სიმინდის სახამებელი, ლაქტოზა.

ფორმა:
ტაბლეტები

ფარმაკოთერაპიული ჯგუფი:
პოსტკოიტური ჰორმონული კონტრაცეპტივი.

ფარმაკოლოგიური თვისებები:
ფარმაკოდინამიკა:
პროგესტაგენი
პოსტინორის მოქმედების მექანიზმი მთლიანად შესწავლილი არ არის.
აღნიშნული დოზით ლევონორგესტრელის გამოყენება, ძირითადად, ოვულაციის დათრგუნვითა და განაყოფიერების დაბრკოლებით იმ შემთხვევაშია შესაძლებელი, როდესაც სქესობრივი კავშირი მყარდება ოვულაციის წინ (ამ დროს განაყოფიერების შესაძლებლობა შედარებით უფრო მაღალია).
გარდა ამისა, ტაბლეტების მიღების შედეგად, ენდომეტრიუმის ცვლილებები ხელს უშლის განაყოფიერებული კვერცხუჯრედის ნორმალურ განვითარებას. იმ შემთხვევაში, როდესაც საშვილოსნოს ეპითელიუმში ზიგოტის განვითარება უკვე დაწყებულია, მკურნალობა არაეფექტურია.
ეფექტურობა:
პოსტინორის ტაბლეტების მიღებით შესაძლებელია დაუგეგმავი ორსულობის თავიდან აცილება დაახლოებით 85%-ით. რაც მეტია დროის ინტერვალი სქესობრივ კავშირსა და პრეპარატის მიღებას შორის, მით ნაკლებია პრეპარატის ეფექტურობა (პირველი 24სთ-ის განმავლობაში 95%; 24სთ-დან 48სთ-მდე 85%; 48სთ-დან 72სთ-მდე 58%). არ არსებობს მონაცემები 72სთ-ის შემდეგ მკურნალობის ეფექტურობის შესახებ.
ლევონორგესტრელი რეკომენდებულ დოზაში სისხლის შედედების ფაქტორებზე, ლიპიდებისა და ნახშირწყლების ცვლაზე არ მოქმედებს.

ფარმაკოკინეტიკა:
ლევონორგესტრელი შიგნით მიღებისას სწრაფად და მთლიანად აბსორბირდება.
პრეპარატის ერთი ტაბლეტის მიღების შემდეგ, ლევონორგესტრელის მაქსიმალური კონცენტრაცია სისხლის პლაზმაში (საშუალოდ 14.1მგმლ) აღინიშნება 2-4სთ-ის შემდეგ, რის შემდეგაც მიმდინარეობს ლევონორგესტრელის კონცენტრაციის 2 ეტაპიანი დაქვეითება. პრეპარატის ნახევრად გამოყოფის პერიოდი მერყეობს 9-დან 14.5სთ-ის ფარგლებში.
ლევონორგესტრელის მეტაბოლიტები ორგანიზმიდან გამოიყოფა შარდთან და განავალთან ერთად დაახლოებით თანაბარი რაოდენობით.
ლევონორგესტრელის ბიოტრანსფორმაცია სტეროიდების მეტაბოლიზმის მსგავსია.
იგი მეტაბოლიზდება ღვიძლში, ხოლო მეტაბოლიტები გამოიყოფიან კონიუგატების (გლუკურონიდების) სახით.
ლევონორგესტრელს არ ახასიათებს ცნობილი ფარმაკოლოგიურად აქტიური მეტაბოლიტების წარმოქმნის უნარი.
ლევონორგესტრელი უკავშირდება პლაზმის ცილებს, ძირითადად სასქესო ჰორმონების შემაკავშირებელ ალბუმინებს და გლობულინებს. მიღებული დოზის მხოლოდ 1.5% შრატში იმყოფება თავისუფალ მდგომარეობაში, ხოლო 65% სპეციფიურად დაკავშირებულია სასქესო ჰორმონების შემაკავშირებელ გლობულინთან.
პრეპარატის ბიოშეღწევადობა შეადგენს 100%-ს.
მიღებული დოზის დაახლოებით 0.1% დედის რძით გადადის ნაყოფის ორგანიზმში.

ჩვენება:
პოსტინორის ტაბლეტებს იყენებენ დაუგეგმავი ორსულობის თავიდან აცილების მიზნით სქესობრივი აქტის შემდეგ 72სთ-ის განმავლობაში, როდესაც კონტრაცეპციის სხვა მეთოდების გამოყენება უშედეგოა.

წინააღმდეგჩვენება:
მომატებული მგრძნობელობა პრეპარატის ან მასში შემავალი ინგრედიენტების მიმართ;
ორსულობა და ლაქტაცია;
16 წლამდე ასაკის ბავშვებში.

ორსულობა და ლაქტაცია:
პოსტინორის მიღება ორსულობის პერიოდში ნებადართული არ არის. პრეპარატის მიღება არ იწვევს ორსულობის შეწყვეტას. პროგესტაგენებით მკურნალობისას ორსულობის დადგომის დროს ეპიდემიოლოგიური გამოკვლევებით პრეპარატის ტერატოგენულ ეფექტი არ აღინიშნება.
ლევონორგესტრელი გადადის დედის რძეში. ნაყოფზე პრეპარატის პოტენციური ზემოქმედების დაქვეითება შესაძლებელია ორივე ტაბლეტის სწრაფად მიღებით ძუძუთი კვების შემდეგ და შემდგომ ძუძუთი კვების შეწყვეტით.

გვერდითი მოვლენები:

გვერდითი მოვლენები:                    სიხშირე (%): n=977
გულისრევა                                       23.1
ტკივილი მუცლის ქვედა არეში                  17.6
გადაღლილობა                                    16.9
თავის ტკივილი                                   16.8
თავბრუსხვევა                                    11.2
სარძევე ჯირკვლების გამკვრივება              10.8
ღებინება                                           5.6
სხვადასხვა (დიარეა, მენსტრუალური
ციკლის დარღვევა, სისხლიანი გამონადენი).    13.5

შესაძლებელია მენსტრუალური ციკლის დროებითი დარღვევა, მაგრამ უმრავლეს ქალებში მომდევნო ოვულაციის პროცესი ნორმალურია. იმ შემთხვევაში, როდესაც მენსტრუალური ციკლის გადავადება ხდება 5დღეზე მეტი ხნით, საჭიროა გამოირიცხოს შესაძლებელი ორსულობა.

ურთიერთქმედება სხვა პრეპარატებთან:
ღვიძლის მეტაბოლიზმის ინდუქტორებთან პრეპარატის კომბინაციით ლევონორგესტრელის მეტაბოლიზმი ძლიერდება.
ბარბიტურატები (პრიმიდონის ჩათვლით), ფენიტოინი, კარბამაზეპინი, კრაზანას შემცველი პრეპარატები (Hypericum perforatum), რიფამპიცინი, რიტონავირი, რიფაბუტინი, გრიზეოფულვინი აქვეითებენ პოსტინორის ეფექტურობას და პირიქით, ციკლოსპორინის მეტაბოლიზმის დათრგუნვით, ლევონორგესტრელის შემცველი პრეპარატები აძლიერებენ ციკლოსპორინის ტოქსიურ ეფექტს.

სიფრთხილე:
სწრაფად მომქმედი პოსტინორის ტიპის საშუალებების გამოყენება შესაძლებელია მხოლოდ ექსტრემალურ პირობებში. იგი არ ცვლის რეგულარულად მისაღებ ჩასახვის საწინააღმდეგო საშუალებებს. ზოგჯერ ამგვარი ჩასახვის საწინააღმდეგო საშუალების გამოყენებით შესაძლებელია ორსულობის განვითარება.
იმ შემთხვევაში, როდესაც ქალს ექიმთან ვიზიტის დროს არ ახსოვს სქესობრივი კავშირის ზუსტი დრო, ან იგივე მენსტრუალური ციკლის დროს 72სთ-ით ადრე ადგილი ჰქონდა დაუცველ სქესობრივ კავშირს, შესაძლებელია განაყოფიერება. ამ დროს მეორე სქესობრივი კავშირის შემდეგ პეპარატის გამოყენება სასურველ ეფექტს არ იწვევს. იმ შემთხვევაში, როდესაც მენსტრუალური ციკლის გადავადება ხდება 5დღეზე მეტი ხნით ან დროულია, მაგრამ მისი მიმდინარეობა განსხვავდება ნორმალური ციკლისაგან ან სხვა რაიმე მიზეზის გამო საეჭვო ორსულობის შემთხვევაში, საჭიროა გამოირიცხოს შესაძლებელი ორსულობა.
პოსტინორის მიღების მიუხედავად განაყოფიერების შემთხვევაში, ვითარდება საშვილოსნოს გარე ორსულობა.
ღვიძლის ფუნქციის მძიმე უკმარისობის დროს პოსტინორის გამოყენება რეკომენდებული არ არის.
შეწოვის პროცესის მძიმე დარღვევები (მაგ. კრონის დაავადება) აქვეითებს პოსტინორის ტაბლეტების ეფექტურობას. პრეპარატის მიღების შემდეგ მენსტრუაცია იწყება ჩვეულებრივ დროს და ნორმალურად მიმდინარეობს. ზოგჯერ იგი იწყება რამდენიმე დღით ადრე ან იგვიანებს. პრეპარატის მიღების შემდეგ რეკომენდებულია სამედიცინო შემოწმება კონტრაცეპციის რეგულარული მეთოდის გამოყენების შესახებ.
იმ შემთხვევაში, როდესაც პოსტინორის მიღება შეცდომით მოხდა რეგულარულ ჰორმონულ ჩასახვის საწინააღმდეგო საშუალებებთან ერთად და რეგულარული ტაბლეტების მიღებიდან მომდევნო 7 დღიანი შესვენების შემდეგ ადგილი არა აქვს მენსტრუაციას, საჭიროა გამოირიცხოს შესაძლებელი ორსულობა.
ერთთვიანი მენსტრუალური ციკლის განმავლობაში პოსტინორის ტაბლეტების განმეორებითი მიღება მენსტრუალური ციკლის დარღვევის გამო რეკომენდებული არ არის.
პოსტინორის ეფექტურობა რეგულარულ ჩასახვის საწინააღმდეგო საშუალებებთან შედარებით უფრო დაბალია.
რეგულარული სქესობრივი კავშირის დროს ქალებმა საჭიროა მიმართონ კონტრაცეპციის სხვა საშუალებებს.

მიღების წესი და დოზირება:
პერორალურად ენიშნებათ 2ტაბლეტი.
შედარებით უფრო საიმედო ეფექტის მისაღებად საჭიროა პირველი ტაბლეტის მიღება რაც შეიძლება ადრე სქესობრივი აქტის შემდეგ (მაგრამ არა უგვიანეს 72სთ-სა). მეორე ტაბლეტის მიღება ხდება 12სთ-ის შემდეგ (მაგრამ არა უგვიანეს 16სთ-სა) პირველი ტაბლეტის მიღებიდან.
იმ შემთხვევაში, როდესაც ნებისმიერი ტაბლეტის მიღების შემდეგ 3სთ-ის განმავლობაში არ აღინიშნება ღებინება, საჭიროა მეორე ტაბლეტის მიღება.
პოსტინორის ტაბლეტების მიღება ხდება მენსტრუალური ციკლის ნებისმიერ დღეს, წინამდებარე დროული მენსტრუაციის შემთხვევაში.
სწრაფი ჩასახვის საწინააღმდეგო საშუალებების მიღების შემდეგ მომდევნო მენსტრუაციამდე აუცილებელია ადგილობრივი ბარიერული (მაგ. კონდომის) ჩასახვის საწინააღმდეგო მეთოდების გამოყენება.
პოსტინორის ტაბლეტებთან ერთად შესაძლებელია მუდმივი პერორალური ჰორმონული ჩასახვის საწინააღმდეგო საშუალებების გამოყენება.
ბავშვებში პრეპარატის გამოყენება ნებადართული არ არის.
დღეისათვის არ არსებობს საკმარისი მონაცემები 16 წლამდე ასაკის ბავშვებში პრეპარატის გამოყენების შესახებ.

დოზის გადაჭარბება:
სიმპტომები:
შესაძლებელია ღებინება ან სისხლდენა.
მკურნალობა:
სიმპტომატური. სპეციფიკური ანტიდოტი არ არსებობს.

შენახვის ვადა:
5 წელი

შენახვის პირობები:
15-25⁰C-მდე ტემპერატურაზე.

შეფუთვა:
N2 ტაბლეტი ბლისტერში.

აფთიაქიდან გაცემის პირობები
ექიმის რეცეპტით

მწარმოებელი და მისი მისამართი:
“GEDEON RICHTER” უნგრეთი

შემადგენლობა:

1 კაფსულის შემადგენლობაში შედის: აბრამისხე (ვიტექს აგნუს კაქტუსი) – 150მგ; ინდოლ-3-კარბინოლი – 60მგ; მწვანეჩაისექსტრაქტი – 100მგ; სოიოსიზოფლავონები– 30მგ.

ორგანიზმზემოქმედება:

ინარჩუნებს ესტროგენ-პროგესტერონის ნორმალურ ბალანსს.

სარძევე ჯირკვლის დაცვა: ხელს უშლის სარძევე ჯირკვლების კისტების განვითარებას

ამცირებს ალებს, მენოპაუზის პერიოდში

აჩერებს უჯრედების ანომალურ ზრდას (მიომა, კისტები, ენდომეტრიოზი)

აფერხებს 2 ჰიდროქსიესტრონის ესტროგენის კანცეროგენურ მეტაბოლიტად გარდაქმნას (16-ალფა-ჰიდროქსიესტრონი)

ხსნის პმს-ს და ამცირებს მენსტრუალურ ტკივილებს.

ნორმაში მოყავს პაპ-ნაცხის სურათი.

აბრამისხე (ვიტექსაგნუსი) – წარმოადგენს ერთ-ერთ კარგად შესწავლილ მცენარეს. რეკომენდებულია მენსტრუალური ციკლის დარღვევის, პმს-ის, კლიმაქსის და უნაყოფობის ტრადიციული მკურნალობისთვის. 1997 წელს გერმანიის მკვლევართა ჯგუფმა ჩაატარა ორმაგი-ბრმა, პლაცებო-კონტროლირებული კვლევა, რომელშიც ვიტექსი უფრო ეფექტური აღმოჩნდა პმს-ის კუპირებისთვის (მკერდის მტკივნეულობა, შეშუპება, თავის ტკივილი, ყაბზობა, დეპრესია, კანის პრობლემები) ვიდრე ვიტამინი ბ6, რომელიც ჩვეულებრივ გამოიყენება პმს-ის სამკურნალოდ. სხვა კვლევამ აჩვენა, რომ 1542 მონაწილე ქალიდან 90%-ში აღინიშნა პმს-ის სიმპტომების შემსუბუქება. გერმანიაში ორმაგად-ბრმა მეთოდით ჩატარებულმა სხვა კვლევამ დაადასტურა, რომ ვიტექსი ხელს უწყობს ქალებში პროლაქტინის დონის დაქვეითებას.

ინდოლ-3-კარბინოლი – ფიტონუტრიენტი ჯვაროსანთა ოჯახიდან კიბოსთან ბრძოლისთვის. წინასწარმა კვლევამ აჩვენა, რომ ინდოლ-3-კარბინოლს შეუძლია ესტროგენის კიბოს გამომწვევი ფორმა გადააქციოს არატოქსიურ დაშლის პროდუქტად.

მწვანეჩაისექსტრაქტი შეიცავს პოლიფენოლებს, კატექინებს და ფლავონოიდებს, რომლებიც ხელს უშლის ესტროგენ დამოკიდებული სიმსივნეების განვითარებას.

სოიოსიზოფლავონები თავისი სტრუქტურით ესტროგენების მსგავსია, ამიტომ შეიძლება გავლენას ახდენდეს საკუთარი ესტროგენების ქცევაზე. ესტროგენური რეცეპტორების ტიპის მიხედვით იზოფლავონები შეიძლება ზრდიდეს ან ამცირებდეს ესტროგენის აქტივობას. იზოფლავონები შეიძლება ესტროგენებთან კონკურირებდეს იგივე რეცეპტორისთვის, ამასთან აქვეითებს ჯანმრთელობისთვის ჭარბი ესტროგენის რისკის ხარისხს. თუ მენოპაუზის დროს ორგანიზმში ბუნებრივად მცირდება ესტროგენის დონე, იზოფლავონებს შეუძლიათ მისი კომპენსირება იმავე რეცეპტორებთან კავშირით, ამგვარად მცირდება მენოპაუზის გამოვლინება.

მიღებისჩვენება:

• რეპროდუქციული სისტემის ჰორმონდამოკიდებული დაავადებების კომლექსური თერაპია (საშვილოსნოს მიომა, ფიბროზულ-კისტოზური მასტოპათია, საშვილოსნოს ყელის დისპლაზია, ენდომეტრიუმის ჰიპერპლაზია და სხვა);
• რეპროდუქციული სისტემის ჰორმონდამოკიდებული დაავადების განვითარების რისკის შემცირება;
• ფიბროადენომით განმეორებით დაავადების პროფილაქტიკა ქირურგიული მკურნალობის შემდეგ;
• საშვილოსნოს ყელის, სარძევე ჯირკვლის კიბოს პროფილაქტიკა;
• ქალის რეპროდუქციული სისტემის ფუნქციური მდგომარეობის გაუმჯობესების საშუალების სახით;
• ადამიანის პაპილომა ვირუსთან დაკავშირებული დაავადებების პროფილაქტიკა (საშვილოსნოს ყელის დისპლაზია, მახვილბოლოიანი კონდილომები, პაპილომატოზი);

დოზირება:

მოზრდილები (12 წელზე უფროსი ასაკის): 1-2 კაფსულა დღეში, ჭამის დროს.

უკუჩვენება:

• კომპონენტების ინდივიდუალური აუტანლობა
• ორსულობა
• ლაქტაცია

გამოშვებისფორმა:

შეფუთვაში 6 ბლისტერი, თითოში 10 კაფსულა.

შენახვისპირობები:

ოთახის ტემპერატურაზე, ბავშვებისთვის მიუწვდომელ ადგილას.

მწარმოებელი:

FORTEX ნუტრასიუტიკალს ოოდ, ბულგარეთის რესპუბლიკა.

ქვეყანა: უკრაინა

მწარმოებელი: ბიოფარმა კიევი

გაცემის ფორმა: II ჯგუფი რეცეპტული

ომნადრენი 250
(OMNADREN 250)
TESTOSTERON;  MIXTURE OF ESTHERS

Pharmaceutical Company JELFA S.A., პოლონეთი
ათქ კლასიფიკაციის კოდი
G03BA03

შემადგენლობა და გამოშვების ფორმა
საინექციო ხსნარი: ამპულაში 1 მლ, შეფუთვაში 5 ც.
1 მლ
ტესტოსტერონის პროპიონატი. . .  . . . 30.0 მგ
ტესტოსტერონის ფენილპროპიონატი . . . 60.0მგ
ტესტოსტერონის იზოკაპრონატი. . . . . . 60.0მგ
ტესტოსტერონის კაპრონატი. . . . . . . . 100.0მგ
დამხმარე ნივთირებები:
ბენზილური სპირტი, არაქისის ზეთი ინექციისათვის.

კლინიკურ-ფარმაკოლოგიური ჯგუფი
ანდროგენული პრეპარატი  – დეპო ფორმა.

ფარმაკოლოგიური თვისებები
პრეპარატი შეიცავს მოქმედების სხვადასხვა სიჩქარის მქონე ჰორმონ ტესტოსტერონის 4 ეთერს.
ტესტოსტერონის მოქმედების ძირითად მექანიზმს მამაკაცებში წარმოადგენს გონადების ფორმირება და ფუნქცია, გარეგანი სასქესო ორგანოების ჩამოყალიბება, წინამდებარე ჯირკვლის განვითარება, სათესლეების მომწიფების პროცესი, მამაკაცის მეორადი სასქესო ნიშნების ჩამოყალიბება (სიმაღლეში ზრდა, ხმის ტემბრის შეცვლა, სახის გათმიანება).
ქალებში ტესტოსტერონი ესტროგენების ანტაგონისტურად მოქმედებს. მას იყენებენ კლიმაქსით გამოწვეული დარღვევების სამკურნალოდ.
პრეპარატის შემადგენლობაში შემავალი ტესტოსტერონის ეთერები განსაზღვრავენ მისი შეწოვის სიჩქარეს და გამოყოფას, ხელს უწყობენ ტესტოსტერონის ანდროგენული  მოქმედების მუდმივი, წონასწორული მდგომარეობის შენარჩუნებას მისი ერთჯერადი ინექციიდან 4 კვირის განმავლობაში.  

ჩვენებები
პრეპარატს იყენებენ მამაკაცებში სასქესო ჯირკვლების უკმრისობის დროს ჩანაცვლებითი ჰორმონთერაპიის მიზნით: მამაკაცებში:
– სქესობრივი მოუმწიფებლობა;
– უნაყოფობა (ოლიგოსპერმია);
– ანდროგენული ჰორმონების  უკმარისობა და სასქესო ორგანოების განუვითარებლობა;
– კლიმაქტერული პერიოდით გამოწვეული დარღვევები;
– იმპოტენცია.
განსაკუთრებულ შემთხვევებში პრეპარატს იყენებენ ქალებში ჰიპერესტროგენიზმით გამოწვეული დაავადებების დროს.

დოზირების რეჟიმი
პრეპარატის დოზა ინდივიდუალურია. მისი გამოყენების წესი და სიხშირე განისაზღვრება ექიმის მიერ.
ძირითადად ინიშნება კუნთებში 1 ინექცია (1 ამპულა) ყოველი 4 კვირიანი შესვენებით.
ყურადღება: ასოს მტკივნეული ერექციის შემთხვევაში საჭიროა პრეპარატით მკურნალობის შეწყვეტა.

გვერდითი მოვლენები
ფერიმჭამელები, გინეკომასტია, შეშუპებები, ჰიპერმგრძნობელობით გამოწვეული კანის ალერგიული რეაქციები, ხშირი ერექცია, ჰიპერკალციემიის სიმპტომები, ხანდაზმულ მამაკაცებში ხშირი სქესობრივი აგზნება, სპერმატოზოიდების წარმოქმნის და მათი მომწიფების პროცესის დარღვევა, თრომბოფლებიტი, ქოლესტაზური სიყვითლე, ამინოტრანსფერაზების აქტივობის მომატება, ძვლების ტკივილი, სასქესო ორგანოებიდან სისხლდენა, ლიბიდოს გაძლიერება, სითხის გამოყოფის პროცესის შეფერხება ორგანიზმიდან და შეშუპებები. იშვიათად: ინსულინრეზისტენტულ ავადმყოფებში ინსულინის მიმართ ტოლერანტობის მომატება.
ქალებში პრეპარატის ხანგრძლივი დროის განმავლობაში გამოყენებისას შესაძლებელია განვითარდეს ვირილიზაციის სიმპტომები, ხოლო  ინექციის ადგილას- ტკივილი, ქავილი და ჰიპერემია.

უკუჩვენებები
წინამდებარე ჯირკვლის კიბო ან ეჭვი მასზე. ჰიპერკალციემია, ჰიპერკალციურია, გულის, ღვიძლის ან თირკმელების ფუნქციის უკმარისობა.
პრეპარატის გამოყენება ასთენიით შეპყრობილ პაციენტებში, წვევანდელებში სქესობრივ მომწიფებამდე და ხანდაზმულ მამაკაცებში არ არის ნებადართული.

ორსულობა და ლაქტაცია
ქალებში, ომნადრენის გამოყენების აუცილებლობის შემთხვევაში, საჭიროა გათვალისწინებულ იქნას ორსულობის პერიოდში პრეპარატის გამოყენების აბსოლუტური წინააღმდეგჩვენება.

სხვა წამლებთან ურთიერთქმედება
ომნადრენის კომბინაციით ღვიძლის ფერმენტების ინდუქტორებთან (რიფამპიცინი, ბარბიტურატები, კარბამაზეპინი, სალიცილატები, ფენიტოინი, პრიმიდონი) მცირდება ტესტოსტერონის მოქმედების ეფექტი.

შენახვის პირობები და ვადა
პრეპარატი ინახება არაუმეტეს 15-25ºC ტემპერატურაზე, სინათლისა და ბავშვებისაგან დაცულ ადგილას.
Pharmaceutical Company JELFA S.A.

                                                             ნორკოლუტი
                                                               (Norethisterone)

ჩვენება:
– პრემენსტრუალური სინდრომი;
– მასტოდინია;
– ციკლის დარღვევა სეკრეტორული ფაზის შემოკლებით;
– დისფუნქციური სისხლდენა საშვილოსნოდან;
– ენდომეტრიუმის კისტოზური გლანდულური ჰიპერპლაზია;
– ენდომეტრიოზი;
– ადენომიოზი;
– ლაქტაციის და აბლაქტაციის თავიდანაცილება;
– დისფუნქციური დარღვევები, სისხლდენები კლიმაქტერიულ პერიოდში.

ფარმაკოლოგიური თვისება: ნორეთისტერონი წარმოადგენს გესტაგენურ პრეპარატს, რომელიც იწვევს ენდომეტრიუმის ტრანსფორმაციას პროლიფერაციული ფაზიდან სეკრეტორულ ფაზაში. რეკომენდებულ დოზებში თრგუნავს ჰიპოფიზის მიერ ჰონადოტროპინის სეკრეციის, რაც ხელს უშლის ფოლიკულების მომწიფებას და აფერხებს მათ ოვულაციას.

ფარმაკოკინეტიკა: პრეპარატი პერორალური მიღებისას კარგად აბსორბირდება კუჭ-ნაწლავის ტრაქტიდან. აქტიური ნივთიერების მაქსიმალური კონცენრაცია სისხლის პლაზმში აღინიშნება 1-2 საათის შემდეგ. მისი ნახევრადგამოყოფის პერიოდი შეადგენს 2,8-10 საათს. პრეპარატის 50-70% ელიმინირდება შარდით, ხოლო 20-40% – განავალით.

დოზირება და მიღების წესი: პრემენსტრუალური სინდრომის, მასტოდინიის და არარეგულარული ციკლის დროს ინიშნება ციკლის მე-16 დღიდან 25-დღემდე ყოველდღიურად 5-10მგ (1-2აბი). შესაძლებელია მისი მიღება ერთდროულად ესტროგენთან. საშვილოსნოდან დისფუნქციური სისხლდენების, ენდომეტრიუმის კისტოზური გლანდულური ჰიპერპლაზიის დროს (თუ სისხლდენის ფუნქციური ხასიათი დადასტურებულია ჰისტოლოგიური კვლევით, რომელიც ჩატარებულია პირველი 6 თვის განმავლობაში) ინიშნება 6-12 დღის განამავლობაში 5-10მგ დღეში (1-2 აბი). რეციდივის თავიდან ასაცილებლად ციკლის მე-16 დღიდან 25 დღემდე გამოიყენება 5-10მგ დღეში (1-2აბი ერთდროულად ესტროგენთან). ენდომეტრიოზის და ადენომიოზის დროს: ციკლის მე-5 დღიდან 25-დღემდე – 5მგ ერთხელ დღეში (1 აბი), 6 თვის განმავლობაში ან უწყვეტად – ციკლის მე5 დღიდან 2,5მგ დღეში (1/2აბი) და ზრდიან დოზას Ѕ 1/2აბით ყოველ 2-3 კვირაში, პროფუზული სისხლდენის თავიდან ასაცილებლად, 4-6 თვის განმავლობაში. ლაქტაციის თავიდან ასაცილებლად: ორსულობის შეწყვეტა: მე-16-28-ე კვირას: – პირველი დღე 15მგ(3 აბი), – მეორე-მესამე დღე 10მგ(2 აბი), – მეოთხე-მეშვიდე დღე 5მგ(1 აბი). 28-36-ე კვირას: – პირველი დღე 15მგ (3 აბი), – მეორე-მესამე დღე 10მგ (2 აბი). აბლაქტაცია: – 1-3 დღე დღეღამური დოზა 20მგ (4 აბი); – 4-7დღე დღეღამური დოზა 15მგ (3 აბი); – 8-10დღე დღეღამური დოზა 10მგ (2 აბი). დისფუნქციური დარღვევის დროს კლიმაქტერიულ პერიოდში ინიშნება: 5მგ (1 აბი) ხანგრძლივი კურსებით. მკურნალობის არაეფექტურობის შემთხვევაში დამატებით ინიშნება ეთინილესტრადიოლი 25-50მგ დღეში (მაგალითად, მიკროფოლინი აბებში).

გვერდითი მოვლენები: იშვიათად ვითარდება და დამოუკიდებლად ქრება შემდგომი ციკლის დროს: თავის ტკივილი, გულისრევა, ღებინება, სარძევე ჯირკვლების დაჭიმულობა, ჩივილები კუჭნაწლავის ტრაქტის მხრივ, პროფუზული სისხლდენა, შეშუპება, პარესთეზიები, სხეულის წონის ცვალებადობა, დაღლილობა.

უკუჩვენება:
– სქესობრივი მომწიფების პერიოდი;
– ორსულობა;
– სარძევე ჯირკვლის და სასქესო ორგანოების კიბო;
განსაკუთრებული მიდგომაა საჭირო შემდეგი მდგომარეობების დროს:
– გულის დაავადება;
– ბრონქული ასთმა;
– ეპილეფსია;
– მიდრეკილება თრომბოზის მიმართ;
– ჰეპატიტი;
– ღვიძლის ფუნქციის დარღვევა.

განსაკუთრებული მითითებები: პრეპარატის დანიშვნის წინ უნდა გამოირიცხოს ავთვისებიანი სიმსივნის არსებობა. მკურნალობის დაწყების წინ აუცილებელია ონკოლოგიური შემოწმება.

ურთიერთქმედება სხვა მედიკამენტებთან: პრეპარატი სიფრთხილით ინიშნება ფერმენტების ინდუქტორულ საშუალებებთან (შესაძლებელია მეტაბოლიზმის დაჩქარება).

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

შემადგენლობა:

წმინდა ვიტექსის ექსტრაქტი 10%, ინდოლ-3-კარბინოლი 1%, ველური ბატატის ექსტრაქტი 10%.

დამხმარეინგრედიენტები: ტრიეთანოლამინი, გლიცერინი, აკრილატი C10-30 აკრილაკრილატ კროსპოლიმერი, ფენოქსიეთანოლი.

მასტოქეა წარმოადგენს მცენარეების განსაკუთრებულ ნაკრებს, რომლებიც ხელს უწყობს სარძევე ჯირკვლების ფუნქციის ნორმალიზებას, დაჭიმულობის შეგრძნების შემცირებას და მასტოპათიური ცვლილებების პრევენციას.

წმინდავიტექსი წარმოადგენს ერთ-ერთ ყველაზე კარგად შესწავლილ მცენარეს. 1997 წელს გერმანიის მკვლევართა ჯგუფმა ჩაატარა ორმაგი-ბრმა, პლაცებო-კონტროლირებული კვლევა, რომელშიც ვიტექსი უფრო ეფექტური აღმოჩნდა პმს-ის კუპირებისთვის (მკერდის მტკივნეულობა, შეშუპება, თავის ტკივილი, ყაბზობა, დეპრესია, კანის პრობლემები) ვიდრე ვიტამინი ბ6, რომელიც ჩვეულებრივ გამოიყენება პმს-ის სამკურნალოდ. სხვა კვლევამ აჩვენა, რომ 1542 მონაწილე ქალიდა,ნ 90%-ში აღინიშნა პმს-ის სიმპტომების შემსუბუქება. გერმანიაში ორმაგი-ბრმა მეთოდით ჩატარებულმა სხვა კვლევამ დაადასტურა, რომ ვიტექსი ხელს უწყობს ქალებში პროლაქტინის დონის დაქვეითებას.

ინდოლ-3-კარბინოლი – ფიტონუტრიენტი ჯვაროსანთა ოჯახიდან კიბოსთან ბრძოლისთვის. წინასწარმა კვლევამ აჩვენა, რომ ინდოლ-3-კარბინოლს შეუძლია ესტროგენის კიბოს გამომწვევი ფორმა გადააქციოს არატოქსიკურ დაშლის პროდუქტად.

ველურიბატატი შეიცავს დიოსგენინს, რომელიც წარმოადგენს პროგესტერონის ბუნებრივ წინაპარს. მენოპაუზის განმავლობაში ველური ბატატის გამოყენება ალტერნატიული ჰორმონალური თერაპიის სახით მნიშვნელოვნად ამცირებს სარძევე ჯირკვლის და ენდომეტრიუმის კიბოს განვითარების რისკს.

ჩვენება: მასტოქეა გამოიყენება ქალებში ესტროგენდამოკიდებული მდგომარეობებისას, მათ შორის:

• სარძევე ჯირკვლების გამაგრება;
• სარძევე ჯირკვლების პათოლოგიური წარმონაქმნები ფიბროზულ-კისტოზური და დიფუზური მასტოპათია.
• პრემენსტრუალური სინდრომი

გამოყენებისმეთოდი: მასტოქეას გელი დაიტანება დღეში 1-2-ჯერ მკერდის მიდამოში, შეიზილება მასირებით, სრულ შეწოვამდე; მკურნალობის ხანგრძლივობა – არანაკლებ 2 თვე.

გამოშვებისფორმა:

მასტოქეა გელი 50მლ

შენახვისპირობები:

ოთახის ტემპერატურაზე, ბავშვებისთვის მიუწვდომელ ადგილზე.

წარმოებულია

FORTEX ნუტრასიუტიკალს ოოდ-ისთვის, ბულგარეთის რესპუბლიკა.

უკუჩვენებები:

მომატებული მგრძნობელობა  Vitex agnus  castus და/ან Caulophyllum   thalictroides და/ან Cyclamen purpurascens და/ან Stychnos ignatia და/ან Iris versicolor და/ან Lilium tigrinum-ის ან პრეპარატის  ნებისმიერი დამატებითი ინგრედიენტის მიმართ.

მასტოდინონი
MASTODYNON
МАСТОДИНОН

წამლის ფორმა: ჰომეოპათიური ტაბლეტები
შემადგენლობა:
1 ტაბლეტი   შეიცავს :
Agnus   castus  (ადამის ხე ან ხეპილპილა)   D1      162მგ
Caulophyllum thalictroides   (კაულოფილიუმი )     D4        81მგ
Cyclamen ( ყოჩივარდა )   D4     81მგ
Ignatia    ( ქუჩულა )      D6    81მგ
Iris     ( ზამბახი )       D2     162მგ
Lilium tigrinum  (შროშანი)   D3   81მგ
სხვა ინგრედიენტები :
ლაქტოზის მონოჰიდრატი , სახამებელი , მაგნიუმის სტეარატი
აღწერილობა :
მრგვალი , ბრტყელცილინდრული ფორმის , ჩალისფერი ტაბლეტები , შესაძლებელია   ღია – ყავისფერი ჩაწინწკვლა .
ჩვენებები :
სიმპტომატური საშუალება კომპლექსურ თერაპიაში :
პრემენსტრუალური სინდრომი ( მასტოდინია, დაჭიმულობის შეგრძნება სარძევე ჯირკვლების არეში,  შეშუპება,   თავის ტკივილი/ შაკიკი, ფსიქიური ლაბილობა,)
ფიბროზულ- კისტოზური მასტოპათია.
მენსტრუალური ციკლის დარღვევა და/ ან უნაყოფობა, გამოწვეული ყვითელი სხეულების უკმარისობით.
უკუჩვენებები:
მომატებული მგრძნობელობა პრეპარატის შემადგენელი კომპონენტების მიმართ.
არ გამოიყენება ორსულებში და ლაქტაციის პერიოდში;
ვინაიდან პრეპარატი შეიცავს ლაქტოზას, არ არის რეკომენდებული იმ   პაციენტებისათვის ვისაც გალაქტოზის მიმართ აქვთ მემკვიდრეობითი აუტანლობა, ლაქტაზას გენეტიკური დეფიციტი ან გლუკოზისა და გალაქტოზის შეწოვის პროცესების დარღვევა.
პრეპარატი არ გამოიყენება 12 წლის ასაკამდე ბავშვებში.
მასტოდინონის ტაბლეტების მიღებისას დაორსულების შემთხვევაში პრეპარატის მიღება უნდა შეწყდეს.
დოზირების რეჟიმი:
მიიღება თითო ტაბლეტი 2- ჯერ დღეში ( დილით და საღამოს)   მცირე ოდენობით წყლის დაყოლებით.
მასტოდინონი მიიღება არანაკლებ 3 თვის განმავლობაში, მათ შორის მენსტრუაციის პერიოდშიც. მკურნალობის ეფექტი ჩვეულებრივ ვლინდება 6 კვირის განმავლობაში. თუ მკურნალობის დამთავრების შემდეგ   გამოვლინდა ჩივილები, საჭიროა განაგრძოთ მკურნალობა და მიმართოთ ექიმს.
პრეპარატი კარგი ამტანობის გამო გამოიყენება ხანგრძლივი თერაპიისათვის.
გვერდითი მოვლენები:
შესაძლოა ალერგიული რეაქციები.
იშვიათ შემთხვევაში,   აღინიშნება ტკივილი კუჭის არეში , ღებინება, გულისრევა, სხეულის მასის უმნიშვნელო მატება, ეგზანთემა, აკნე და თავის ტკივილი.
” Agnus castus”- ის შემცველი პრეპარატის მიღებისას, შესაძლებელია იშვიათ შემთხვევებში, დროებითი ფსიქომოტორული აღზგნება, გონების დაბინდვა და ჰალუცინაცია.
ურთიერთქმედება სხვა სამკურნალო საშუალებებთან:
შესაძლებელია პრეპარატის მოქმედების შესუსტება დოფამინის ანტაგონისტებთან კომბინირებული გამოყენების დროს .
განსაკუთრებული მითითებები :
თამბაქოს მოწევა და ალკოჰოლის გამოყენება უარყოფით ზემოქმედებას ახდენს ჰომეოპათიურ სამკურნალო საშუალებების   მოქმედების ეფექტურობაზე .
მასტოდინონის ტაბლეტები არ გამოიყენება მკერდის ავთვისებიანი დაავადების მკურნალობისათვის . ხანგრძლივი გაურკვეველი და განმეორებითი ჩივილების დროს საჭიროა მიმართოთ ექიმს , რადგან შესაძლებელია საქმე გვქონდეს ისეთ დაავადებებთან , რომლებიც საჭიროებენ ექიმის აუცილებელ მეთვალყურეობას .
ჰომეოპათიური პრეპარატებით მკურნალობა არ გამორიცხავს სხვა სამკურნალო საშუალებების გამოყენებას .
გამოშვების ფორმა:
20 ტაბლეტი ბლისტერში.   3 ან 6 ბლისტერი მოთავსებულია მუყაოს კოლოფში, თან ერთვის გამოყენების ინსტრუქცია.
შენახვის პირობები:
ინახება მშრალ, სინათლისა და ბავშვებისაგან მიუწვდომელ ადგილას , 250C ტემპერატურაზე.
ვარგისიანობის ვადა:
3 წელი
არ გამოიყენება შეფუთვაზე მითითებული   ვარგისიანობის ვადის გასვლის შემდეგ .
გაცემის რეჟიმი :
ურეცეპტოდ
მწარმოებელი :
ბიონორიკა აგ
კერშენსტანერშტრასსე 11-15, დ-92308 ნოიმარკტი/ გერმანია

წყარო: http://www.mkurnali.ge/enciklopedia.html?task=term&id=7844

მამოკასტი კრემი

ცხენისწაბლას ექსტრაქტი

დიოსკორეა

აბრაამის ხის ექსტრაქტი

მამოკასტის კრემი  შეიცავს ცხენისწაბლას,დიოსკორეას  და აბრაამის ხის ექსტრაქტს. მამოკასტში შემავალი მცენარეები ხელს  უწყობს  სარძევე ჯირკვლების ფუნქციის ნორმალიზებას, დაჭიმულობის შეგრძნების შემცირებას და მასტოპათიური ცვლილებების პრევენციას.

ცხენისწაბლას ექსტრაქტი  – შეიცავს ბიოლოგიურად აქტიური ნივთიერების – ესცინს, რომელსაც გააჩნია ვენოტროპული  და შეშუპების საწინააღმდეგო მოქმედება. ამცირებს კაპილარების განვლადობას, ამაღლებს ვენების ტონუსს, ამცირებს ანთებით მოვლენებს, ახასიათებს ანტითრომბოზული მოქმედება

Vitex agnus castus – ადამის ხის ნაყოფის მშრალი ექსტრაქტი სელექტიურად ასტიმულირებს ჰიპოფიზის ე.წ ლაქტოგენური უჯრედების დოფამინურ -2 რეცეპტორებს, აინჰიბირებს პროლაქტინის სეკრეციას. აღადგენს ფიზიოლოგიური გონადოტროპინის სეკრეციას და მენსტრუალურ ციკლს.

ექსტრაქტის აქტიურ კომპონენტებს აქვს გამაწონასწორებელი ეფექტი პროლაქტინის დონეზე.

დიოსკორეა (ველური ბატატი) – შეიცავს დიოსგენინს, რომელიც წარმოადგენს პროგესტერონის ბუნებრივ წინამორბედს. მენოპაუზის განმავლობაში ველური ბატატის გამოყენება ალტერნატიული ჰორმონალური თერაპიის სახით .მნიშვნელოვნად ამცირებს სარძევე ჯირკვლის და ენდომეტრიუმის კიბოს განვითარების რისკს.

ჩვენება: მამოკასტი კრემი  გამოიყენება ქალებში ესტროგენდამოკიდებული მდგომარეობებისას, მათ შორის:

სარძევე ჯირკვლების გამაგრება;

სარძევე ჯირკვლების პათოლოგიური წარმონაქმნები ფიბროზულ-კისტოზური და დიფუზური მასტოპათია.

პრემენსტრუალური სინდრომი

გამოყენების მეთოდი: მამოკასტი კრემი  დაიტანება დღეში 1-2-ჯერ მკერდის მიდამოში, შეიზილება მასირებით, სრულ შეწოვამდე; მკურნალობის ხანგრძლივობა – არანაკლებ 2 თვე.

 გამოშვების ფორმა: მამოკასტი კრემი 50მლ