კაინოსტატი / Kaynostat

100 მლ შეიცავს:
დიეთილამინის სალიცილატი _ 10გ;
ლიდოკაინის ჰიდროქლორიდი _ 2გ.
დამატებითი ნივთიერებები:
კარბოქსიმეთილი, ცელულოზა ნატრიუმი, პროპილენგლიკოლი, ნატრიუმის მეთილპარაბენი, გამოხდილი წყალი.

კაინოსტატს გააჩნია ადგილობრივი საანესთეზიო და ანთების საწინააღმდეგო მოქმედება, რაც განპირობებულია მის შემადგენლობაში შემავალი კომპონენტებით. Lლიდოკაინის ჰიდროქლორიდი წარმოადგენს ადგილობრივ საანესთეზიო საშუალებას, ასევე ხელს უწყობს დიეთილამინის სალიცილატის უკეთეს პენეტრაციას და პოტენცირებას უკეთებს მის მოქმედებას.

კაინოსტატი განკუთვნილია ტკივილის მოხსნისათვის შემდეგი მდგომარეობების დროს:
• ლუმბაგო;
• დისკოზური თიაქარი;
• დაჟეჟილობა;
• ნევრალგიები;
• რევმატიული დარღვევები, მათ შორის ოსტეოართრიტები;
• მიალგიები, ტკივილები ძვლებსა და სახსრებში;
• იშიაზი;
• მტკივნეული კისერმრუდობა;
• დაჭიმვები;
• სინოვიტები, ბურსიტები და სხვა.

დაიტანება მტკივნეულ უბნებზე.

ძალიან იშვიათ შემთხვევებში _ ალერგიული რეაქციები.

მომატებული მგრძნობელობა პრეპარატის კომპონენტების მიმართ.

კაინოსტატი განკუთვნილია გარეგანი გამოყენებისთვის. დაუშვებელია მისი მოხვედრა ღია ჭრილობაზე.

შეინახეთ ყუთში გრილ და მაღალ ტემპერატურიდან მოშორებულ და ბავშვებისათვის მიუწვდომელ ადგილას.
შენახვის ვადა: 3 წელი.

ურეცეპტოდ.

ფლუკასტი / FLUCAST

გრიპისა და გაციების საწინააღმდეგო სიროფი

ფლუკასტის სიროფი წარმოადგენს კომბინირებულ პრეპარატს, რომლის ყოველი 5 მლ (1 საზომი კოვზი) შეიცავს:
პარაცეტამოლი - 120 მგ
ოქსოლამინის ციტრატი - 50 მგ
ქლორფენირამინის მალეატი - 1 მგ

ფარმაკოლოგიური თვისებები:

პარაცეტამოლი წარმოადგენს ეფექტურ ტკივილგამაყუჩებელ და სიცხის დამწევ საშუალებას, რომელსაც ასევე გააჩნია უმნიშვნელოდ გამოხატული ანთების საწინააღმდეგო მოქმედება. იგი ახდენს ზეგავლენას ჰიპოთალამუსში ლოკალიზებულ თერმორეგულაციის ცენტრზე და აინჰიბირებს პროსტაგლანდინების სინთეზს უპირატესად ცნს-ში. პარაცეტამოლი ეფექტურად და საიმედოდ ხსნის გაცივებასთან დაკავშირებულ ყელის, თავის, კუნთებისა და სახსრების ტკივილს. პარაცეტამოლი გავლენას არ ახდენს წყალ-ელექტროლიტურ ბალანსზე (არ იწვევს ნატრიუმისა და წყლის შეკავებას ორგანიზმში) და არ აზიანებს კუჭ-ნაწლავის ტრაქტის ლორწოვან გარსს, ვინაიდან არ მოქმედებს პერიფერიულ ქსოვილებში პროსტაგლანდინების სინთეზზე.

ქლორფენირამინის მალეატი წარმოადგენს ჰისტამინური H1-რეცეპტორების ბლოკატორს და ამასთანავე გააჩნია ქოლინომაბლოკირებელი მოქმედება. იგი ხელს უშლის ალერგიული რეაქციების განვითარებას, აქვეითებს სისხლძარღვების განვლადობას, ამცირებს კონიუნქტივის, ხსნის ცხვირის, ცხვირხახისა და დანამატი წიაღების ლორწოვანი გარსის შეშუპებასა და ჰიპერემიას, შესაბამისად აუმჯობესებს სასუნთქი გზების გამტარობას და აღმოფხვრავს ხველის გამომწვევ მიზეზებს. ზედა სასუნთქი გზების ალერგიული დაავადებების დროს იგი ახდენს სიმპტომურ მოქმედებას ჰისტამინური H1-რეცეპტორების ბლოკადის ხარჯზე.

ოქსალამინის ციტრატი პერიფერიული მოქმედების სინთეზური ხველის საწინააღმდეგო საშუალებაა. სასუნთქი გზების აფერენტული ნერვული დაბოლოებების მგრძნობელობის შემცირების გზით, ხელს უშლის ხველის ცენტრისკენ იმპულსების გადაცემას, ამავდროულად ზრდის ბრონქების ეპითელიუმის ცილიარულ აქტივობას. ხასიათდება ანთების საწინააღმდეგო, ტკივილგამაყუჩებელი და სპაზმოლიზური ეფექტით.

ფლუკასტის სიროფი :
- ეფექტურად და საიმედოდ ხსნის გაციებასთან დაკავშირებულ ყელის, თავის, კუნთებისა და სახსრების ტკივილს
- ამცირებს ცხვირის, ცხვირხახისა და დანამატი წიაღების ლორწოვანი გარსის შეშუპებასა და ჰიპერემიას, აუმჯობესებს სასუნთქი გზების გამტარობას
- ზედა სასუნთქი გზების ალერგიული დაავადებების დროს იგი ახდენს სიმპტომურ მოქმედებას ჰისტამინური H1-რეცეპტორების ბლოკირების ხარჯზე
- მოქმედებს ხველის გამომწვევ მიზეზებზე და ხელს უშლის ხველის ცენტრისკენ იმპულსების გადაცემას, ამავდროულად ზრდის ბრონქების ეპითელიუმის ცილიარულ აქტივობას.
- ხასიათდება ანთების საწინააღმდეგო, სპაზმოლიზური და ზომიერად გამოხატული სიცხის დამწევი ეფექტით

ჩვენება:
- გრიპი და გაციება: ზომიერად და სუსტად გამოხატული ტკივილის სინდრომი (თავისა და ყელის ტკივილი, მიალგია, ართრალგია), ზედა სასუნთქი გზების ალერგიული მდგომარეობები (ცემინება, რინორეა, რინიტი)
- ზედა სასუნთქი გზების ინფექციურ-ანთებითი დაავადებების სიმპტომური მკურნალობა (მწვავე რესპირატორულ-ვირუსული ინფექცია, გრიპი, მწვავე რინიტი, სინუსიტი, ტონზილიტი, ფარინგიტი, ლარინგიტი, ბრონქიტი)

მიღების წესი და დოზირება:
ფლუკასტის სიროფი მიიღება პეროლალურად, წყლის მიყოლებით (მაგ. ჭიქა წყალი). მიიღება 3-4 ჯერ დღეში, 6-8 საათში ერთხელ. პრეპარატის მიღება კავშირში არ არის კვებასთან. იმ შემთხვევაში თუ პაციენტს დაავიწყდა ფლუკასტის მიღება, არ უნდა მიიღოს ორმაგი დოზა გამოტოვებულის სანაცვლოდ.

ასაკობრივი ჯგუფი	ერთჯერადი დოზა	მაქსიმალური სადღეღამისო დოზა
ბავშვები 6-დან 12 წლამდე	2,5 - 5 მლ (1/2 - 1 საზომი კოვზი)	20 მლ (4 საზომი კოვზი)
ბავშვები 12 წლის ასაკიდან	5 - 10 მლ (1 - 2 საზომი კოვზი)	40 მლ (8 საზომი კოვზი)
მოზრდილები	10 მლ (1 - 2 საზომი კოვზი)	40 მლ (8 საზომი კოვზი)

უკუჩვენება:

ინდივიდუალური აუტანლობა პრეპარატების კომპონენტების მიმართ, 6 წლამდე ასაკის ბავშვები.

შენახვის პირობები:
პრეპარატი ინახება ოთახის ტემპერატურაზე არაუმეტეს 25℃ . შეფუთვის გახსის შემდეგ შეინახეთ მაცივარში. პრეპარატი გამოიყენეთ ვარგისობის ვადის შესაბამისად.

გამოშვების ფორმა:
100 მლ ფლაკონი საზომი კოვზით. მუქი ვარდისფერი სიროფი მარწყვის და ბანანის არომატით

ჰუსტელი – HUSTEEL – ГУСТЕЛЬ

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

ხველების საწინააღმდეგო ჰომეოპათიური სამკურნალო საშუალება.

შემადგენლობა და გამოშვების ფორმა:

წვეთები პერორალური მიღებისათვის: საწვეთურიან ფლაკონში, შეფუთვაში 30 და 100 მლ

100 მლ

Arsenum jodatum D6 ................................	20 მლ
Belladonna D4 ...........................................	20 მლ
Scilla D4 .....................................................	20 მლ
Cuprum aceticum D6 ................................	10 მლ
Causticum Hahnemanni D6 .....................	30 მლ
Spiritus 35 vol %

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

ხველება, რომელიც გამოწვეულია გაციების, მწვავე რესპირატორული დაავადებების სპასტიური ბრონქიტის, არატუბერკულოზური წარმოშობის პლევრიტის, ბრონქული ასთმის, ემფიზემის, ლარინგიტის, ტრაქეიტის, ბრონქიტის (ქრონიკული) შედეგად;
როგორც დამხმარე საშუალება ყივანახველას შემთხვევაში.

მიღების წესი და დოზირება:

ჩვეულებრივ ინიშნება 10 წვეთი 3-ჯერ დღეში;

შეტევითი ხასიათის ხველების დროს - 10 წვეთი ყოველ 15 წუთში ერთხელ 2 საათის განმავლობაში.

გამოყენების წესი: ჭამამდე ნახევარი საათით ადრე ენაზე (ან ენის ქვეშ) დაწვეთებით წყლის მიყოლების გარეშე. შეიძლება მცირეოდენ წყალში გახსნით ყლუპებად დალევა.

გვერდითი მოვლენები:

არ არის გამოვლენილი.

უკუჩვენებები:

ფარისებრი ჯირკვლის დაავადებები.

სხვა წამლებთან ურთიერთქმედება:

არ არის დადგენილი.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 5 წელი.

ჰუმულინ რეგულარი – HUMULIN REGULAR – ХУМУЛИН РЕГУЛАР

საერთაშორისო დასახელება:

MIXED HUMAN SOLUBLE INSULIN AND

ISOPHANE INSULIN SUSPENSION

მწარმოებელი: ELI LILLY

კლინიკურ-ფარმაკოლოგიური ჯგუფი:

ჰიპოგლიკემიური საშუალება; მოკლე ხანგრძლიობის ინსულინი

შემადგენლობა და გამოშვების ფორმა:

სუსპენზია ინექციისათვის: ფლაკონში.

1 ფლ.

ინსულინი ცინკ სუსპენზია ....... 40 სე

1 ფლ.

ინსულინი ცინკ სუსპენზია ...... 100 სე

ვრცლად აქტრაპიდი (დოზირება, მიღების წესი ინდივიდუალური)

ჰუმულინ M3 – HUMULIN M3 – ХУМУЛИН M3

საერთაშორისო დასახელება:

MIXED (AMORPH. AND CRYST.) HUMAN INSULIN ZINC SUSPENSION

მწარმოებელი: ELI LILLY

კლინიკურ-ფარმაკოლოგიური ჯგუფი:

ჰიპოგლიკემიური საშუალება-მოკლე და საშუალო ხანგრძლიობის ინსულინების კომბინაცია

შემადგენლობა და გამოშვების ფორმა:

საინექციო ხსნარი: კარტრიჯში 3 მლ, შეფუთვაში 5 ც.

3 მლ

ინსულინი ადამიანის ...... 100 სე

ვრცლად აქტრაპიდი (დოზირება, მიღების წესი ინდივიდუალური)

ჰუმალოგი – HUMALOG – ГУМАЛОГ

სახელი, გვარი ^*

მიმართულება ^*

კლინიკა ^*

თუ გსურთ ერთის გარდა რამოდენიმე კლინიკის
მითითება დააწექით ღილაკს.

ჰორმელ სნ – HORMEEL SN – ГОРМЕЛЬ СН

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

ენდოკრინოლოგიური დაავადებების სამკურნალო ჰომეოპათიური საშუალება.

შემადგენლობა და გამოშვების ფორმა:

წვეთები პერორალური მიღებისათვის: საწვეთურიან ფლაკონში 30 და 100 მლ.

100 მლ

Senecio fuchsii D6 ......................................	5მლ
Acidum nitricum D4 ....................................	5მლ
Erigeron canadensis D3 ..............................	5მლ
Moschus D6 ..............................................	5მლ
Viburnum opulus D3 ...................................	5მლ
Pulsatilla D4 ..............................................	5მლ
Sepia D6 ...................................................	5მლ
Cyclamen D4 .............................................	5მლ
Ignatia D6 ................................................	5მლ
Thlaspi Bursa pastoris D3 ...........................	5მლ
Calcium carbonicum Hahnemanni D8 ............	10მლ
Aquilegia D4 ..............................................	10მლ
Cypripedium pubescens D8 .........................	10მლ
Majorana D4 ..............................................	10მლ
Nux moschata D6 .......................................	10მლ

Spiritus 35 vol%.

ფარმაკოლოგიური თვისებები:

HORMEEL SN კომპლექსურ მასტიმულირებელ ზემოქმედებას ახდენს შინაგანი სეკრეციის ჯირკვლებზე, განსაკუთრებით ჰიპოფიზზე, შიდა სეკრეციის ჯირკვლებზე (სასქესო, ფარისებრ, თირკმელზედა ჯირკვლებზე) - ჰორმონთა მობილიზაციის გზით და აგრეთვე შემაერთებელ ქსოვილზე ზეგავლენით. ამგვარად, პრეპარატი ყველა იმ შემთხვევაშია ნაჩვენები, როდესაც ადგილი აქვს ჰორმონულ დარღვევებს.

HORMEEL SN -ის გამოყენება შეიძლება ნაადრევი მენსტრუაციის და სისხლდენის გაძლიერების მიზეზი გახდეს.

ჩვენებები:

მენსტრუალური ციკლის ფუნქციური დარღვევა, საკვერცხეებსა და ჰიპოფიზიის უკმარისობის გამოვლინება, ამენორეა, დისმენორეა.
ზოგადად ენდოკრინული სისტემის ფუნქციის რეგულაცია, როგორც დამხმარე საშუალება უშვილობის და მუცლის ხშირი მოშლის შემთხვევაში, ადნექსიტების საკვერცხეების და ფალოპის მილების ანთების, პარა-, მიო- და ენდომეტრიტის, კოლპიტის, თეთრად შლის, კრაუროზის, შარდის ბუშტის ანთების, კანის სხვადასხვა დაავადებების (ნეიროდერმიტი, ფერიმჭამელები და ა.შ.) ლორწოვანი გარსის დაავადებების (რინიტი, ფარინგიტი, ლარინგიტი, ხმის იოგების მოდუნების - რძიანას დროს, აფტების), ჩიყვის, ჰიპერთირეოზის დროს;
აგრეთვე ნეიროვეგეტატური და ფსიქოსომატური დარღვევები (შაკიკი, დეპრესია, ნიმფომანია), კლიმაქსურ პერიოდში.

მიღების წესი და დოზირება:

წვეთები პერორალური მიღებისათვის: ჩვეულებრივ ინიშნება 10 წვეთი დღეში 3-ჯერ.

გამოყენების წესი: ჭამამდე ნახევარი საათით ადრე ენაზე (ან ენის ქვეშ) დაწვეთებით, წყლის მიყოლების გარეშე. შეიძლება მცირეოდენ წყალში გახსნით ყლუპებად დალევა.

გვერდითი მოვლენები:

არ გააჩნია.

უკუჩვენებები:

არ გააჩნია.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას. ფლაკონი დახურეთ გამოყენებისთანავე.

ვარგისიანობის ვადა: 5 წელი.