საერთაშორისო დასახელება:

PYRANTEL

მწარმოებელი: Laboratoire INNOTECH INTERNATIONAL,

INNOTHERA CHOUZY

მოქმედი ნივთიერება: პირანტელი

კლინიკურ-ფარმაკოლოგიური ჯგუფი:

ანტიჰელმინთური საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 6 ც.

1 ტაბ.

პირანტელი  ………… 125 მგ

შემოგარსული ტაბლეტები: შეფუთვაში 3 ც.

1 ტაბ.

პირანტელი ………..  250 მგ

პერორალური სუსპენზია: ფლაკონში 15 მლ

2.5 მლ

პირანტელი ………..  125 მგ

ფარმაკოლოგიური თვისებები:

პრეპარატი აქტიურია მახვილა ჭიების Enterobius vermicularis, ასკარიდების Ascaris lumbricoides, ანკილოსტომების (Ancilostoma duodenale და Necator americanis-ის) მიმართ. იგი იწვევს მის მიმართ მგრძნობიარე ჰელმინთების ნერვ-კუნთოვან ბლოკადას და უზრუნველყოფს მათ გადევნას ნაწლავებიდან. პრეპარატი აქტიურია ნაწლავებში მყოფ მის მიმართ მგრძნობიარე ორივე სქესის ჰელმინთების მიმართ და არ მოქმედებს ქსოვილებში მიგრირებულ ჭუპრებზე.

ფარმაკოკინეტიკა:

პრეპარატი პრაქტიკულად არ აბსორბირდება კუჭ-ნაწლავის ტრაქტიდან. 50%-ზე მეტი რაოდენობით გამოიყოფა უცვლელი სახით ფეკალიებით.

ჩვენებები:

• ასკარიდოზი;
• ენტერობიოზი (მახვილა ჭიებით ინვაზია);
• ანკილოსტომოზი.

მიღების წესი და დოზირება:

პრეპარატი მიიღება ერთჯერადად. მისაღები დოზა დგინდება ინდივიდუალურად პაციენტის სხეულის წონის მიხედვით.

რეკომენდებული დოზირება:

ენტერობიოზისა და ასკარიდოზის მკურნალობისას პრეპარატი მიიღება ერთჯერადად რეკომენდებულ დოზებში, ენტერობიოზის მკურნალობის შემთხვევაში შესაძლებელია საჭირო გახდეს 3 კვირის შემდეგ პრეპარატის განმეორებითი მიღება. Necator americanis ინვაზიის ან Ancilostoma duodenale-თი ინვაზიის მძიმე ფორმის დროს (ეპიდემიის ზონაში) პრეპარატი მიიღება 2-3 დღის განმავლობაში 1 ან 2 მიღებაზე შემდეგი რეკომენდებული დოზით:

Ancilostoma duodenale-თი ინვაზიის მსუბუქი ფორმის დროს (არა ეპიდემიის ზონაში) პრეპარატი მიიღება დღე-ღამეში ერთხელ დოზით 10 მგ/კგ-ზე.

გვერდითი მოვლენები:

საჭმლის მომნელებელი ტრაქტის მხრივ: იშვიათად აღინიშნება გულისრევა, ღებინება, ტკივილი მუცლის არეში, დიარეა, მადის დაქვეითება, ღვიძლის ტრანსამინაზების აქტივობის ტრანზიტორული მომატება.

ცნს–ის მხრივ: ცალკეულ შემთხვევებში ადგილი აქვს თავის ტკივილს, თავბრუსხვევას, ძილის დარღვევას.

ალერგიული რეაქციები: ცალკეულ შემთხვევებში აღინიშნება გამონაყარი კანზე.

უკუჩვენებები:

* მომატებული მგრძნობელობა პირანტელის ან სხვა ინგრედიენტების მიმართ;

* მიასთენია;

* ღვიძლის უკმარისობა.

ორსულობა და ლაქტაცია:

ორსულობის და ლაქტაციის პერიოდში პრეპარატის გამოყენება შესაძლებელია მხოლოდ ექიმის რეკომენდაციით, როდესაც დედისათვის სასარგებლო შედეგი მკვეთრად სჭარბობს ნაყოფზე ზემოქმედების პოტენციურ რისკს, ვინაიდან არ არსებობს საკმარისი მონაცემები, რომლებიც ადასტურებენ პრეპარატის უსაფრთხო გამოყენებას ამ პერიოდში.

განსაკუთრებული მითითებები:

◄ ჰელმინტოქსის გამოყენება არ საჭიროებს კუჭ-ნაწლავის ტრაქტის წინასწარ სპეციალურ მომზადებას და საფაღარათო საშუალებების მიღებას.

◄ საჭიროა მკაცრად დავიცვათ ჰიგიენის წესები და სასურველია ოჯახის წევრების ერთდროული მკურნალობა.

ჭარბი დოზირება:

სიმპტომები: ვინაიდან პრეპარატი პრაქტიკულად არ აბსორბირდება კუჭ-ნაწლავის ტრაქტიდან, მისი კონცენტრაცია პლაზმაში არ არის მაღალი. დოზის გადაჭარბების შემთხვევაში მოსალოდნელია საჭმლის მომნელებელი ტრაქტის ფუნქციის მოშლა, დაღლილობის შეგრძნება, თავბრუსხვევა, თავის ტკივილი; იშვიათად – ღვიძლის ტრანსამინაზების აქტივობის მომატება.

მკურნალობა: რეკომენდებულია კუჭის ამორეცხვა, სუნთქვისა და გულ-სისხლძარღვთა სისტემის ფუნქციის მონიტორინგი. სპეციფიკური ანტიდოტი არ არსებობს.

სხვა წამლებთან ურთიერთქმედება:

– ჰელმინტოქსის და პიპერაზინის ერთდროული გამოყენება არ არის რეკომენდებული;

– ჰელმინტოქსისა და ლევამიზოლის კომბინირებისას მოსალოდნელია ამ უკანასკნელის ტოქსიკური ეფექტის გაძლიერება.

შენახვის პირობები:

პრეპარატი ინახება მშრალ, გრილ, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი.

მწარმოებელი: BIOFARMA, Turkey.

ფარმაკოთერაპიული ჯგუფი:

ანტიჰელმინთური პრეპარატი

შემადგენლობა:

1 აბი შეიცავს 200 მგ ალბენდაზოლს.

ფარმაკოლოგიური მოქმედება:

ჰელმიზოლი წარმოადგენს ბენზიმიდაზოლის ჯგუფის, ფართო მოქმედების სპექტრის მქონე პრეპარატს. ახდენს ჰელმინთის ფერმენტ – მალეატდეჰიდროგენაზას ბლოკირებას, რის შედეგადაც ირღვევა გლუკოზის აბსორბცია, ჰელმინთი იფიტება და კვდება. პერორალური მიღებისას კარგად შეიწოვება კუჭ-ნაწლავის ტრაქტიდან.

მაქსიმალური კონცენტრაციას აღწევს 2 სთ-ის შემდეგ. მისი ნახევარდაშლის პერიოდი 8,5 სთ-ია. პრეპარატი გამოიყოფა შარდით. აღსანიშნავია ის ფაქტიც, რომ პრეპარატის მიღება არ საჭიროებს დიეტას, კვების რეჟიმის დაცვას და ეფექტურია, როგორც მონო, ასევე პოლიინვაზიების დროს.

ჩვენებები:

• პრეპარატი გამოიყენება ნემატოდოზების, ცესტოდოზების და ექინოკოკოზის სამკურნალოდ. მის მიმართ მგრძნობიარენი არიან: Ascaris lumbricoides, Enterobius vermicularis, Ancylostoma duodenalis, Necator americanus, Trichuris trichuria, Strongiloides stercoralis, Taenia saginata, Taenia solium, Hymenolepis nn.Trichostrongylus spp, Trichinella spirale, Gnatostoma spinigerum, Toxocara canis, Echinoccocus granulosus, Echinococcus multilocularis.

გამოყენების წესი და დოზირება:

ნემატოდოზების და ცესტოდოზების სამკურნალოდ 2 წლამდე ინიშნება 200 მგ ერთხელ დღეში 1-3 დღე, ხოლო 2 წლის ზემოთ და მოზრდილებში 400 მგ ერთხელ დღეში 1-3 დღე. სასურველია 21 დღის შემდეგ მკურნალობის კურსის გამეორება.

ექინოკოკოზის სამკურნალოდ ინიშნება: 12 წლამდე 7,5 მგ კგ-ზე 2-ჯერ დღეში 8-30 დღე. ტარდება 3 კურსი 14 დღიანი ინტერვალებით. 12 წლის ზემოთ და მოზრდილებში 400 მგ 2-ჯერ დღეში 30 დღის განმავლობაში. აუცილებელია 3-6 კურსის ჩატარება 14 დღიანი ინტერვალებით.

უკუჩვენებები:

* პრეპარატის მიმართ მომატებული მგრძნობელობა, ორსულობა და ლაქტაციის პერიოდი.

* პრეპარატი სიფრთხილით ინიშნება ღვიძლის და თირკმლის ფუნქციის სერიოზული დარღვევებისას (ხანგრძლივი მკურნალობის საჭიროების შემთხვევაში).

გვერდითი მოვლენები:

პრეპარატი კარგი ამტანობით ხასიათდება. იშვიათად აღინიშნება გვერდითი მოვლენები:

გულისრევა, ღებინება, ტკივილი ეპიგასტრიუმის არეში, დიარეა, ანორექსია, თავბრუსხვევა,

თავის ტკივილი, ნეიტროპენია.

გამოშვების ფორმა:

ჰელმიზოლი 200 მგ აბები #6 და #40.

საერთაშორისო დასახელება:

ALBENDAZOLE

მწარმოებელი: WORLD MEDICINE, დიდი ბრიტანეთი

მოქმედი ნივთიერება: ალბენდაზოლი

კლინიკურ-ფარმაკოლოგიური ჯგუფი:

ანტიპარაზიტული პრეპარატი.

შემადგენლობა და გამოშვების ფორმა:

შემოგარსული ტაბლეტები: შეფუთვაში 2 ც.

1 ტაბ.

ალბენდაზოლი …..  200 მგ

დამხმარე ნივთიერებები:

უწყლო ლაქტოზა, სიმინდის სახამებელი, ნატრიუმის სახამებლის გლიკოლატი, ტალკი, პოლიპლასიდონი XL, პოლივინილპირალიდონი K 25, მაგნიუმის სტეარატი, ნატრიუმის ლაურილსულფატი.

გარსი: ჰიდროქსიმეთილცელულოზა, პოლიეთილენგლიკოლი 20000, ტიტანის დიოქსიდი.

ფარმაკოლოგიური თვისებები:

ჰელმადოლი წარმოადგენს ანტიჰელმინთურ პრეპარატს, რომლის ფარმაკოლოგიური თვისებები განპირობებულია აქტიური ნივთიერების -ალბენდაზოლის მოქმედებით;

ალბენდაზოლი განეკუთვნება კარბამატბენზიმიდაზოლების ჯგუფს და ეფექტურია ნაწლავური ნემატოდოზების უმრავლესობის, ასევე ლარვული (ჭუპრისებრი ფორმები) ცესტოდოზების მიმართ. ალბენდაზოლს გააჩნია მოქმედების საკმაოდ ფართო სპექტრი.

ჩვენებები:

• ნემატოდოზები: ასკარიდოზი, გამომწვევი – მრგვალი ჰელმინთი Ascaris lumbricoides; ტრიქოცეფალოზი (თავგარსა), გამომწვევი – მრგვალი ჰელმინთი Trichocephalus trichiurus; ენტერობიოზი (მახვილები), გამომწვევი – მრგვალი ჰელმინთი Enterobius vermicularis; ანკილოსტომიდოზები (ირიბთავიანები), გამომწვევები – Ancylostoma duodenale და Necator americanus ტრიქინელოზი, გამომწვევები (ხორცის ტრიქინელები) Trichinella spiralis; ტოქსოკაროზი, გამომწვევი – Toxocara canis, ძაღლების პარაზიტი; სტრონიგილოიდოზი (ნაწლავური ჭია), გამომწვევი – მრგვალი ჰელმინთი Strongiloides stercoralis; ასევე შერეული ინვაზიები;
• ქსოვილოვანი ცესტოდოზები: ცისტიცერკოზი (გამომწვევი – Cysticercus cellulosus ღორის სოლიტერის ლენტისებური პარაზიტის ჭუპრის სტადია); ღვიძლის, ფილტვების, მუცლის ჰიდატიდოზური ექინოკოკოზი, გამოწვეული ძაღლის ლენტისებური ჭიის ჭუპრისებრი ფორმით (Echinococcus granulosus); პრეპარატი ასევე გამოიყენება დამხმარე საშუალების სახით ალვეოლური ექინოკოკოზის ქირურგიული მკურნალობის დროს.

მიღების წესი და დოზირება:

პრეპარატი მიიღება პერორალურად, ჭამის დროს ან ჭამის შემდეგ. სპეციალური მომზადება და დიეტა საჭირო არ არის.

პრეპარატის დოზის დადგენა ხდება ინდივიდუალურად ინვაზიის სახეობისა და პაციენტის სხეულის წონის მიხედვით.

მაქსიმალური სადღეღამისო დოზა შეადგენს 80 მგ-ს.

ასკარიდოზის, ტრიქოცეფალოზის დროს სხეულის 60 კგ და მეტი წონის პაციენტებს ჰელმადოლი ენიშნებათ დოზით 400 მგ დღეღამეში ერთ ან 2 მიღებად; ხოლო 60 კგ-ზე ნაკლები სხეულის წონის პაციენტებს – 15 მგ/კგ-ზე დღე-ღამეში ორ მიღებად.

ენტერობიოზის დროს პრეპარატი ინიშნება დოზით 5 მგ/კგ სხეულის წონაზე ერთჯერადად. 14 დღის შემდეგ მკურნალობის კურსი უნდა განმეორდეს იმავე დოზითა და რეჟიმით.

სტრონგილოიდოზის, ანკილოსტომიდოზის დროს ჰელმადოლი ინიშნება დოზით 10 მგ/კგ სხეულის წონაზე ერთჯერადად 3 დღის განმავლობაში. ერთი კვირის შემდეგ რეკომენდებულია მკურნალობის განმეორება იმავე დოზებით.

ტრიქინელოზის დროს პრეპარატი ინიშნება დოზით 10 მგ/კგ სხეულის წონაზე დღე-ღამეში 2 მიღებად 7-10 დღის განმავლობაში.

ტოქსოკაროზის მკურნალობა: ჰელმადოლი ინიშნება დოზით 10 მგ/კგ სხეულის წონაზე დღე-ღამეში 2 მიღებად ჭამის შემდეგ 10 დღის განმავლობაში. საჭიროა მკურნალობის კურსის განმეორება 2 კვირიანი ან 1 თვიანი ინტერვალებით.

ჰიდატიდოზური ექინოკოკოზის მკურნალობა: მკურნალობა ტარდება ნორმალური ლაბორატორიული მაჩვენებლების არსებობისას. ჰელმადოლი ინიშნება დოზით 10 მგ/კგ სხეულის წონაზე 2-3 მიღებად. მკურნალობის კურსის ხანგრძლივობა – 28 დღიანი 3 ციკლი 14 დღიანი შესვენებებით ციკლებს შორის.

ცისტიცერკოზის დროს ჰელმადოლი ინიშნება დოზით 15 მგ/კგ წონაზე 3 მიღებად. კურსის ხანგრძლივობა 28-30 დღე.

გვერდითი მოვლენები:

საჭმლის მომნელებელი სისტემის მხრივ: ტკივილები მუცლის არეში, გულისრევა, ღებინება.

ცენტრალური ნერვული სისტემის მხრივ: თავის ტკივილი და თავბრუსხვევა.

დერმატოლოგიური რეაქციები: ქავილი, გამონაყარი კანზე და სხვა ალერგიული რეაქციები;

უკუჩვენებები:

* მომატებული მგრძნობელობა პრეპარატის კომპონენტებისა და  ბენზიმიდაზოლის სხვა წარმოებულების მიმართ;

* თვალის ბადურის პათოლოგიები;

* ორსულობა და ლაქტაციის პერიოდი.

ორსულობა და ლაქტაცია:

პრეპარატ ჰელმადოლის გამოყენება უკუნაჩვენებია ორსულობისა და ლაქტაციის პერიოდში.

განსაკუთრებული მითითებები:

◄ პრეპარატი ჰელმადოლი სიფრთხილით გამოიყენება ღვიძლის დაავადების დროს.

◄ რეპროდუქციული ასაკის ქალებს მკურნალობის დაწყებამდე საჭიროა ჩაუტარდეთ ტესტი ორსულობაზე.

ზემოქმედება ავტრანსპორტისა და მექანიზმების მართვაზე: პრეპარატი არ იწვევს პაციენტის ფსიქოფიზიკური მდგომარეობის ცვლილებებს, არ იწვევს ავტოტრანსპორტისა და მექანიზმების მართვის უნარის დაქვეითებას.

ჭარბი დოზირება:

სიმპტომები: აღინიშნება გვერდითი ეფექტების გაძლიერება.

მკურნალობა: კუჭის ამორეცხვა, აქტივირებული ნახშირის მიღება, საჭიროების შემთხვევაში, აუცილებელია ექიმთან კონსულტაცია.

სხვა წამლებთან ურთიერთქმედება:

დექსამეტაზონი და ციმეტიდინი ზრდიან სისხლში ალბენდაზოლის სულფოქსიდის კონცენტრაციას.

შენახვის პირობები:

პრეპარატი ინახება 15-25⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

პრეპარატის ყოველი 2,5 მლ. შედგება :

ნივრის ექსტრაქტი (Allium sativum) 0,22 მგ.

შავი კაკლის კანის ექსტრაქტი (Juglans nigra) 5 მგ.

კლდის ძირტკბილა (Polypodium virginianum) 20 მგ.

მიხაკის ზეთი (Syzigium aromaticum) 0,11 მგ.

ჩვეულებრივი ასფურცელა (Tanacetum vulgare) 0,10 მგ.

ურცი (Thumus spp) 0,12 მგ.

გოგრის თესლის გარეკანის ექსტრაქტი (Cucurbita pepo) 0,04 მგ.

მამულა (Artemisia vulgaris) 0,08 მგ.

მწარე აბზინდა (Artemisia absinthium) 0,10 მგ.

გამოხდილი წყალი და სპირტი

მოქმედება:

ნივრის ექსტრაქტს გააჩნია ანტიბაქტერიული, ანტივირუსული, პარაზიტებისსაწინააღმდეგო, ანტიოქსიდანტური და იმუნომასტიმულირებელი მოქმედება. რეფლექტორული, გამღიზიანებელი და სეკრეტორული მოქმედების წყალობით ხელს უწყობს მადის მომატებას, არეგულირებს კუჭის მოქმედებას,უზრუნველყოფს ნაწლავის ნორმალური ფლორის ჩამოყალიბებას. ნივრის ექსტრაქტში შემავალი ფიტონციდები, კაროტინი, სელენი და სხვა ნივთიერებები, ანტიოქსიდანტური მოქმედების წყალობით, იცავენ უჯრედებს თავისუფალი რადიკალების მავნე ზემოქმედებისგან. ნივრის ექსტრაქტი აუმჯობესებს მიკროცირკულაციას.

შავი კაკლის კანის ექსტრაქტი – მდიდარია C, B1, B2, B3 ვიტამინებით, ბეტა კაროტინით, იოდით, რკინით, საკვები ბოჭკოთი, ტანინებით, იუგლონითა და იუგლონის მჟავით. აღნიშნულ ნივთიერებებს გააჩნია ანთებისსაწინააღმდეგო, პარაზიტებისსაწინააღმდეგო, სოკოსსაწინააღმდეგო, იმუნომასტიმულირებელი, დამცველობითი მოქმედება; არეგულირებენ ლორწოს სეკრეციას; ნაღვლის გამოყოფას. ანტიჰელმინთური მოქმედება განპირობებულია ჭიის ფერმენტების ბლოკირებით, რომლებიც ასრულებენ ძირითად როლს პარაზიტის ენერგეტიკულ ცვლაში.

კლდის ძირტკბილა – შეიცავს საპონინებს, ფლავონოიდებს, ბენზოისა და სალიცილის მჟავას, სტეროიდ-გლიკოზიდებს: პოლიპოდინს, კატექინს, შაქარს. აქვს ანტიჰელმინთური (ჭიის საწინააღმდეგო), დამამშვიდებელი, ლორწოს სეკრეციის მარეგულირებელი მოქმედბა; ხელს უწყობს ჰელმინთების (ჭიების) გამოძევებას ორგანიზმიდან; მის შემადგენლობაში არსებულ ეთერზეთებს გააჩნია ყაბზობისსაწინააღმდეგო მოქმედება ნაწლავთა პერისტალტიკის სტიმულაციის გზით.

მიხაკის ზეთი – მისი ძირითადი მოქმედი ნივთიერებაა ევგენოლი. იგი ხსნის საჭმლის მომნელებელი სისტემის გლუვი მუსკულატურის სპაზმს და ეფექტურია კუჭ-ნაწლავის ტრაქტის დისფუნქციის დროს. გააჩნია ანტიოქსიდანტური, ანტიმიკრობული, ანტიფუნგალური, მოქმედება.

ჩვეულებრივი ასფურცელა – ნივთიერება თიიონი, რომელიც შედის ასფურცელას შემადგენლობაში, გამოირჩევა ანტიჰელმინთური, ანტისეპტიკური, სპაზმოლიზური, ნაღვლის სეკრეციის მარეგულირებელი მოქმედებით.

ურცი – გააჩნია ანტიჰელმინთური, ანტისეპტიკური, დამამშვიდებელი, მადის მასტიმულირებელი და იმუნომასტიმულირებელი მოქმედება.

მწარე და ჩეულებრივი აბზინდა – აქვს ანტიჰელმინთური, ლამბლიებისსაწინააღმდეგო მოქმედება (ეფექტურია ლამბლიოზის სამკურნალოდ). არეგულირებს ნივთიერებათა ცვლას; გააჩნია დამამშვიდებელი და ანთებისსაწინააღმდეგო მოქმედება.

გოგრის თესლის გარეკანის ექსტრაქტი – აქვს ანტიჰელმინთური მოქმედება, ეფექტურია ყველა სახის ჭიით ინვაზიის დროს; არ არის ტოქსიკური და არ იწვევს ალერგიას.

ჩვენებები:

* ჭიებით ინვაზია (ენტერობიოზი, ასკარიდოზი);

*პროტოზოებით ინვაზია (ლამბლიოზი, ამებიაზი);

*დისპეფსია, მეტეორიზმი, ქოლეცისტიტი, გაღიზიანებული ნაწლავის სინდრომი, ქრონიკული

კოლიტი;

*სუსტი იმუნური სისტემა;

*მადის დაქვეითება.

დოზირება:

ბავშვები:

1 – 5 წელი: 1,25 მლ. 2 -ჯერ დღეში

5 – 12 წელი: 1,25 მლ. 3 -ჯერ დღეში, ექიმის დანიშნულებით.

მოზრდილები:

2,5 მლ. 3-ჯერ დღეში

პრეპარატი მიიღება ჭამამდე 15 წუთით ადრე. მკურნალობის კურსი შეადგენს 15 – 20 დღეს.

მკურნალობის განმეორებითი კურსი შესაძლოა ჩატარდეს 20 – 30 დღიანი შესვენების შემდეგ.

წინააღმდეგჩვენება:

ინდივიდუალური ჰიპერმგრძნობელობა პრეპარატის შემადგენელი კომპონენტების მიმართ,

ორსულობა, ლაქტაცია.

გამოშვების ფორმა:

ჰელიქსი® სიროფი 100 მლ.-იან ბოთლში.
მწარმოებელი: EU, Polipharm Sp. zo.o ul. Pilsudskiego 40 48-303 Nysa, Poland

მწარმოებელი: Cilpa LTD India

შემადგენლობა:

თითეული კომპლექტი შეიცავს:

ომეპრაზოლის 2 კაფსულას;

თითეული კაფსულა შეიცავს:

Omeprazole BP    20მგ.

(ნაწლავში ხსნადი გარსით დაფარული გრანულები).

ტინიდაზოლს 2 ტაბლეტს.

თითეული ფირფიტოვანი გარსით დაფარული ტაბლეტი შეიცავს:

Tinidazole BP   500მგ.

ამოქსაცილინის ტრიჰიდრატის 2 ტაბლეტს.

თითეული უგარსო ტაბლეტი შიცავს: Amoxacillin trihydrate BP

ექვივალენტური ამოქსაცილინის 750 მგ–ისა.

აღწერილობა:

ჰელიპაკი წარმოადეგენს კომბინირებულ კომპლექტს, რომლის ერთი კომპლეტი შეიცავს: ომეპრაზოლის 2 კაფსულას. 2 ტაბლეტ ტინიდაზოლსა და 2 ტაბლეტ ამოქსაცილინის და შედგება 7 ასეთი კომპლექტისაგან, რაც უზრუნველყოფს სრულ თერაპიულ კურსს Helicobater pylori –ის ერადიკაციის მიზნით წყლულოვანი დაავადების დროს.

ფარმაკოლოგია:

Helicobater pylori წარმოადგენს ერთერთ ყველაზე გავრცელებულ ბაქტერიულ ინფექციას დაახლოებით 50% გავრცელებით მსოფლიო მასშტაბით, Helicobater pylori არის ადამიანებში გასტრიტებისა და პეპტიური წყლულების ეტიოლოგიური ფაქტორი.

H₂ –რეცეპტორების ანტაგონისტები ვერ ახდენენ მის სუპრესიას და ერადიკაციას. მას ახასიათბს წყლულის რეციდივის მაღალი სიხშირე. მონოთერაპია ბისმუტის შენაერთების ან ანტიმიკრობული აგენტების გამოყენებით არ არის ეფექტური. ერადიკაციის სიხშირე ამ დროს არ აღმატება 15–20%. ბისმუტის ნაერთებისა და ანტიმიკრობული საშუალებების ერთდროული გამოყენების დროს Helicobater pylori –ის ერადიკაციის სიხშირე მხოლოდ 50%–ია.დამტკიცებულია, რომ სტანდარტული სამკომპონენტიანი თერაპია, რომელიც მოიცავს ბისმუტის მარილს, მეტრონიდაზოლს ან თინიდაზოლს და ტეტრაციკლინს ან ამოქსიცილინის – ეფექტურია Helicobater pylori–ის ერადიკაციის თვალსაზრისით, მაგრამ ბისმუტის შემცველი სამმაგი თერაპიის მთავარი ნაკლი ისაა, რომ მისი ეფექტურობისათვის პაციენტმა უნდა მიიღოს 15 ტაბლეტი დღეში, რაც იწვევს მნიშვნელოვან გვერდით ეფექტებს: სისუსტე, პირის სიმშრალე, დიარეა, გულისრევა და დისულფირამის  მსგავსი რეაქციის შესაძლებლობა, როდესაც მეტრონიდაზოლი და ალკოჰოლი მიიღება ერთდროულად. აღნიშნულმა შეიძლება საკმაოდ მძიმე ეფექტი გამოიწვიოს.

უახლესი სამკომპონენტიანი თერაპია, რომელიც მოიცავს პროტონული ტუმბოს ინჰიბიტორს – ომეპრაზოლს, თინიდაზოლს და ამოქსაცილინს – უფრო ხანმოკლე, მარტივი და ეფექტური რეჟიმია Helicobater pylori–ის ერადიკაციისთვის.

ომეპრაზოლი ბენზიმიდაზოლის ჩანაცვლებული აგენტია კუჭზე ანტისეკრეტორული მოქმედებით. ომეპრაზოლი უკავშირდება H⁺ , K^+, ATP–აზას კუჭის პარიეტულ უჯრედებში და ამ ფერმენტული სისტემის ინაქტივაცია აბლოკირებს მარილმჟავას სეკრეციის საბოლოო სტადიას უჯრედებში. ომეპრაზოლი ასევე აქვეითებს კუჭის წვენის ბაზალური და სტიმულირებულ სეკრეციას, ომეპრაზოლის მინიმალური ინჰიბიტორული კონცენტრაცია Helicobater pylori–ისთვის არის 25მგ/ლ.

ომეპრაზოლის Helicobater pylori–ისადმი სელექტიური მოქმედება, მისი ანტიურეაზული ეფექტი და სტაბილურობა, მჟავა და ნეიტრალურ გარემოში მნიშვნელოვანი ფაქტორია Helicobater pylori ინფექციის მკურნალობაში.

ტინიდაზოლი – 5–ნიტროიმიდაზოლი, უფრო მძლავრი და ხანგრძლივი მოქმედების აგენტია მეტრონიდაზოლთან შედარებით. იგი აქტიურია უმარტივესებისა და ანაერობების წინააღმდეგ, ასევე აქტიური ანტიმიკრობული აგენტია Helicobater pylori–ისთან მიმართებაში და ახდენს სწრაფ ბაქტერიციდულ მოქმედებას. ტინიდაზოლი მოქმედებს დნმ–ის ჯაჭვების დაზიანების ან მათი სინთეზის ინჰიბირების გზით.

ამოქსაცილინი ახორციელებს თავის ანტიბაქტერიულ მოქმედებას ბაქტერიის უჯრედის კედლის სინთეზის ინჰიბირების გზით. ამოქსიცილინს გააჩნია ძლიერი in vitro აქტიობა Helicobater pylori–ის საწინააღმდეგოდ.

ჩვენებები:

ჰელიკაპი ნაჩვენებია Helicobater pylori–ის ერადიკაციის მიზნით ქრონიკული გასტრიტების, 12–გოჯა ნაწლავისა და კუჭის წყლულის დროს.

მიღების წესი და დოზირება:

ჰელიპაკის ერთი კომპლექტი შეიცავს ომეპრაზოლის (20მგ) 2 კაფსულას, 2 ტაბლეტ ტინიდაზოლს (500მგ) და 2 ტაბლეტ ამოქსიცილინს (750მგ). ერთი კომპლექტი გამიზნულია მკურნალობის ერთი დღისთვის.

ამ სპეციალურად შედგენილი კომპლექტიდან ომეპრაზოლის 1 კაფსულა, 1 ტაბლეტი ტინიდაზოლი და 1 ტაბლეტი ამოქსიცილინი მოზრდილებში მიიღება დილით და ანალოგიურად თითეული – საღამოს.

უკუჩვენებები:

ომეპრაზოლის, ტინიდაზოლის ან ამოქსიცილინის მიმართ მომატებული მგრძნობელობა;

ამოქსიცილინი უკუნაჩვენებია იმ პაციენტებში, რომელთაც აღენიშნებათ მომატებული მგრძნობელობა პერნიცილინის ჯგუფის ნებისმიერ წარმომადგენელზე.

გაფრთხილება: ამოქსიცილინს გააჩნია პენიცილინის მსგავსი ტოქსიკური ეფექტი, ჰიპერმგრძნობელობის (ანაფილაქსიური) რეაქციის ჩათვლით. ჰელიპაკის მკურნალობის დაწყებამდე საჭიროა დადგინდეს წარსულში ჰიპერმგრძნობელობის რეაქციების არსებობა პენიცილინზე, ცეფალოსპორინებზე ან სხვა ალერგენებზე. თუ გამოვლენილია ალერგიული რეაქცია, ჰელიპაკის მიღება წყდება და დგინდება სათანადო მკურნალობა.

სიფრთხილის ზომები:

ურთიერთქმედება:

– ომეპრაზოლმა შეიძლება გაახანგრძლიოს დიაზეპამის, ვარფარინის და ფენიტოინის ელიმინაცია, წამლებისა, რომლებიც მეტაბოლიზდება ღვიძლში ოქსიდაციის გზით. ჩვეულებრივ ურთიერთქმედება არ აღინიშნება თეოფილინთან ან პროპრანოლოლთან, თუმცა არსებული კლინიკური მონაცემებით ადგილი აქვს სხვა წამლებთან ურთიერთქმედებას, რომლებიც მეტაბოლიზდება ციტოქრომ P–450 სისტემით (ციკლოსპორინი, დისულფირიმი, ბენზოდიაზეპინები). საჭიროა პაციენტების მონიტორინგი, რომ განისაზღვროს შეიცვალოს თუ არა აღნიშნული პეპარატის დოზები, როდესაც მათი მიღება ხდება ომეპრაზოლთან ერთად.

კეტოკონაზოლი, ამპიცილინის ეთრები, რკინის მარილები: ომეპრაზოლი იწვევს კუჭის წვენის სეკრეციის ღრმა და ხანგრძლივ ინჰიბირებას. აქედან გამომდინარე, შესაძლებელია მან გავლენა მოახდინოს ჩამოთვლილი პრეპარატების აბსორბციაზე.

ალკოჰოლი: ალკოჰოლის მიღებამ ამ კომბინაციასთნ ერთად შიძლება გამოიწვიოს ანტაბუსის ეფეტი და ამიტომ თავიდან უნდა იქნას მისი მიღება აუცილებელი.

დისულფირამი: ერთდროულმა მიღებამ შეიძლება გამოიწვიოს დელირიუმი და გონების დაბინდვა.

ორსულობა:

ჰელიპაკის გამოყენება ორსულობის დროს არ არის მიზანშეწონილი.

ლაქტაცია:

ცნობილი არ არის ექსკრეტირდება თუ არა ომეპრაზოლი, ტინიდაზოლი ან ამოქსიცილინი დედის რძეში. პრეპარატის მიღება მეძუძურ დედებში ხდება სიფრთხილით.

თირკმლის და ღვილის უკმარისობა:

პაციენტებში თირკმლისა და ღვძლის ფუნქციის დარღვევითა და დაავადებებით, ჰელიპაკი ინიშნება სიფრთხილით.

ფსევდომემბრანული კოლიტი – აღნიშნულია თითქმის ყველა ანტიბაქტერიულ აგენტებთან დაკავშირებით ამოქსიცილინის ჩათვლით და სიმძიმის მიხედვით მერყეობს საშუალოდან სიცოცხლისათვის საშიშ ფორმამდე. მნიშვნელოვანია, განხილულ იქნას აღნიშნული დიაგნოზის შესაძლებლობა პაციენტებში, რომელთაც აღენიშნებათ დიარეა ანტიბაქტერიული პრეპარატების მიღების შემდეგ.

გვერდითი ეფექტები:

ცენტრალური და პეიფერიული ნერვული სისტემა:

ართრალგია, კუნთების სისუსტე, მიალგია, ცნობიერების შექცევადი მოშლილობა, ეიფორია, დეპრესია და ჰალუცინაციები, შფოთვა, ინსომნია, კონვულსია, ქცევის ცვლილებები, თავბრუსხვევა, ატაქსია, თავის ტკივილი, ჰიპერსთეზია, პარესთზია, პერიფერიული ნევროპათია, სენსორული დარღვევები, ვერტიგო, ლითონის გემო, ჰიპერემია.

გასტროინტესტინალური:

პირის სიმშრალე, სტომატიტი და გასტრიოინტესტინალური კანდიდოზი, გულისრევა, ღებინება, დიარეა და ჰემორაგიული ფსევდომემბრანოზული კოლიტი, აბდომინალური ტკივილი, ანორექსია, ნადები ენაზე, გლოსიტი.

ღვიძლის მხრივ:

ენცეფალოპათია იმ პაციენტებში, რომლებსაც ადრე ჰქონდათ გადატანილი ღვიძლის დაავადება სიყვითლით ან მის გარეშე მიმდინარე ჰეპატიტიები. ღვიძლის უკმარისობა, აღინიშნება ღვიძლის ფერმენტების მატებაც.

ენდოკრინული:

გინეკომასტია;

ჰემატოლოგიური:

ლეიკოპენია და თრომბოციტოპენია, ჰემოლიზური ანემია, თრომბოციტოპენიური პურპურა, ეოზინოფილია და აგრანულოციტოზი.

ჰიპერმგრძნობელობის რეაქციები:

შრატის დაავადების მსგავსი რეაქციები, ერითემატოზული მაკროპაპულარული გამონაყერი, მულტიფორმული ერითემა, სტივენს ჯონსონის სინდრომი, ექსფოლიაციური დერმატიტი, ტოქსიური ეპიდერმალური ნეკროლიზი, მწვავე გენერალიზებული ეგზანთემატოზური პუსტულოზი, ჰიპერმგრძნობელობითი ვასკულიტი და ურტიკარია, კანის გამონაყარი, ქავილი, ურტიკარია და ანგიონევროზული შეშუპება.

რენალური:

კრისტალურია და მუქი შარდი.

კუჭის წვენის ინჰიბირებასთან დაკავშირებული ეფექტები:

ხანგრძლივი მკურნალობისას უფრო ხშირად აღინიშნება კუჭის ჯირკვლოვანი კისტები. ეს ცვლილებები შექცევადია და კუჭის წვენის სეკრეციის გამოხატული ინჰიბირების ფიზიოლოგიური შედეგია.

კუჭის წყლულის არსებობაზე ეჭვის შემთხვევაში უნდა გამოირიცხოს ავთვისებიანი სიმსივნის შესაძლებლობა, რადგან მკურნალობას შეუძლია შენიღბოს სიმპტომები და შეაფერხოს დიაგნოსტიკა.

ჭარბი დოზირება:

ჭარბი დოზირების შესახებ მონაცემები შეზღუდულია. ჭარბი დოზირების მართვა გულისხმობს სიმპტომურ და შემანარჩუნებელ თერაპიას.

აღწერა:

წითელი პორცია მიანიშნებს დილის დოზირებას, რომელიც მიიღება საუზმემდე, იგი შეიცავს 1 კაფსულას, 1 ყვითლ ტაბლეტს, 1 ღია ყვითლ ტაბლეტს.

ლურჯი პორცია მიანიშნებს საღამოს დოზირებას, რომელიც მიიღება ვახშმამდე, იგი შეიცავს: 1 კაფსულას, 1 ყვითელ ტაბლეტს, 1 ღია ყვითელ ტაბლეტს.

შენახვის პირობები: ინახება 8–15 ⁰C ტემპერატურაზე, მზის სხივებისა და ნესტისგან დაცულ ადგილას.

ვარგისიანობის ვადა:

2 წელი.

აფთიაქიდან გაცემის რეჟიმი: გაიცემა რეცეპტით.

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

სანაღვლო გზების დაავადებების სამკურნალო ჰომეოპათიური საშუალება.

შემადგენლობა და გამოშვების ფორმა:

წვეთები პერორალური მიღებისათვის: საწვეთურიან ფლაკონში 30 და 100 მლ

100 მლ

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

• ქრონიკული ქოლეცისტიტი;
• სანაღვლე გზების დისკინეზია;
• ნაღვლის ბუშტის ჭვალი;
• ქრონიკული ჰეპატიტი;
• ობტურაციული სიყვითლე (შეგუბებითი);
• ციროზი და ღვიძლის სხვა დაავადებები.

მიღების წესი და დოზირება:

ჩვეულებრივ ინიშნება 10 წვეთი 3-ჯერ დღეში. მწვავე მდგომარეობისას – 10 წვეთი ყოველ 15 წუთში, არა უმეტეს 2 საათის განმავლობაში.

გამოყენების წესი: ჭამამდე ნახევარი საათით ადრე ენაზე (ან ენის ქვეშ) დაწვეთებით წყლის მიყოლების გარეშე. შეიძლება მცირეოდენ წყალში გახსნით ყლუპებად დალევა.

გვერდითი მოვლენები:

არ გააჩნია.

უკუჩვენებები:

არ არის დადგენილი.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 5 წელი.

აღწერა: თეთრი ორმხრივამოზნექილი ტაბლეტები.

შემადგენლობა:

ერთი ტაბლეტი შეიცავს:

მოქმედი ნივთიერება:

Apis Tr.D4 ……………………..   10მგ

Baptisia Tr.D4 …………………..   5მგ

Cinnabaris Tr.D3 ………………..   5მგ

Echinacea Tr.D2 ……………….   30მგ

Hepar sulfuris Tr.D3 …………….  10მგ

Kalium bichromicum Tr.D8 ……   30მგ

Lachesis Tr.D8  …………………  10მგ

Luffa operculate Tr.D4  ……….  60მგ

Mercuruis bijodatus Tr.D9 ……   70მგ

Silicea Tr.D42   ………………..    5მგ

Spongia Tr.D6   ………………..  10მგ

დამხმარე ნივთიერებები: ლაქტოზას მონიჰიდრატი, მაგნიუმის სტეარატი, სიმინდის სახამებელი.

ფარმაკოლოგიური ჯგუფი:

ჰომეოპათური საშუალება.

ფარმაკოთერაპიული ჯგუფი:

სასუნთქი ორგანოების დაავადებების სხვა სამკურნალო პრეპარატები.

გამოშვების ფორმა:

ტაბლეტები.

ჩვენებები;

• სინუსიტები, რინიტები, ფარინგიტები და ლარინგიტები.
• სახისა და თავის ტკივილი;
• სახის არეში რბილი ქსოვილების ორგანული შეშუპება;
• ცხვირის ღრუს ლორწოვანი გარსის შეშუპება და ცხვირით სუნთქვის შესუსტება;
• სეკრეცია: წყალწყალადან ლორწოვანამდე, ჩირქოვნი, ცალმხრივი ან ორმხრივი, შესუსტებული სეკრეცია;
• ყელის ტკივილი, განსაკუთრებით ყლაპვისას;
• რეგიონული ლიმფური კვანძების შეშუპება;
• ნუშურების სიწითლე, შეშუპება;
• დისფონია, ხმის დაკარგვა;
• ცხელება.

უკუჩვენებები:

პეპარატის კომპონენტების მიმართ მომატებული მგრძნობელობა;

ტუბერკულოზი, ლეიკემია, კოლაგენოზი, აუტოიმუნური დაავადებები, მრავლობითი სკლეროზი; შიდსი და სხვა ქრონიკული ვირუსული ინფექციები.

მიღების წესი და დოზირება:

ტაბლეტები უნდა გაიწუწნოს ან მიიღება ენის ქვეშ.

თუ ექიმის მიერ სხვაგვარი დანიშნულება არ არის მოზარდებში და 3 წელზე მეტი ასაკის ბავშვებისთვის რეკომენდებულია:

2 ტაბლეტი 4–ჯერ დღეში ჭამამდე ან ჭამის შემდეგ 20–30 წთ–ით ადრე/შემდეგ.

მწვავე შემთხვევაში 2 ტაბლეტი ყოველ ნახევარ საათში, არაუმეტს 12 ტაბლეტი დღეღამეში.

3 წლამდე ასაკის ბავშვებში – 1 ტაბლეტი 4–ჯერ დღეში. ამ შემთხვევაში ტაბლეტს დაფხვნიან და ურევენ საჭმელში.

გაუმჯობესების შემდეგ მიღების სიხშირეს ამცირებენ.

ინფორმაცია დიაბეტიანებისთვის: პრეპარატი შეიცავს ლაქტოზას , ამიტომ მიიღება მხოლოდ ექიმთან კონსულტაციის შემდეგ.

განსაკუთრებული სიფრთხილე:

არ გამოიყენოთ ექიმთან კონსულტაციის გარეშე ფარისებრი ჯირკვლის დაავადების შემთხვევაში.

ჰომეოპათური საშუალებების გამოყენებისას დასაწყისში სიმპტომები შეიძლება გაძლიერდეს, ასეთ შემთხვევაში პრეპარატი გამოყენება უნდა შეწყდეს და კონსულტაციისთვის მიმართოთ ექიმს.

გვერდითი მოქმედება:

არ არის ცნობილი.

ჭარბი დოზირება:

დოზის გადაჭარბების შემთხვევები არ არის ცნობილი.

სხვა სამკურნალო საშუალებებთან ურთიერთქმედება:

არ არის ცნობილი.

ორსულობა და ლაქტაცია:

მიიღება მხოლოდ ექიმ–ჰომეოპათთან კონსულტაციის შემდეგ.

მანქანა–დანადგარების მართვა:

მანქანა–დანდაგარების მართვის უნარზე გავლენა  მკურნალობის პერიოდში არ არის ცნობილი.

შენახვის ვადა:

4 წელი. არ გამოიყენოთ შეფუთვაზე მითითებული ვადის ამოწურვის შემდეგ.

შენახვის პირობები:

ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილზე.

აფთიაქიდან გაცემა: გაიცემა ურეცეპტოდ.

მწარმოებელი: Hevert Arzneimittel GmbH, გერმანია.

აღწერა: მრგვალი ორმხრივ ამოზნექილი ტაბლეტი უფერო–მოყვითალო–მონაცრისფრო ფერით, სპეციფიური სუნის გარეშე.

შემადგენლობა:

Drosera Tr. D3 ………………………. 100მგ

Grindelia robusta Tr.D4 ……………   10მგ

კალი იოდატი Tr.D6 ………………   20მგ

Spongia Tr.D4  ……………………..   20მგ

Sticta TR.D3   ……………………….  20მგ

Teucrium scorodoniaTr D3 ……….   20მგ

Verbascum Tr.D1   ………………..   20მგ

Yerba santa Tr. D1 …………………  20მგ

დამხმარე ნივთიერებები: ლაქტოზას მონოჰიდრატი, მაგნიუმის სტეარატი, სიმინდის სახამებელი.

ფარმაკოლოგიური ჯგუფი:

ჰომეოპათიური საშუალება.

ფარმაკოთერაპიული ჯგუფი: სხვა პრეპარატები სასუნთქი ორგანოების დაავადებების სამკურნალო.

გამოშვების ფორმა: ტაბლეტები.

ჩვენებები:

ზედა და ქვედა რესპირატორული ტრაქტის ანთებითი პროცესები.

• რინიტი (სურდო);
• სინუსიტი (ცხვირის ღრუს მწვავე ან ქრონიკული ანთება);
• ლარინგიტი (ხორხის ანთება);
• ტრაქეიტი (ტრაქეის ანთება);
• ბრონქიტი (ბრონქების ანთება);
• პნევმონია (ფილტვების ანთება);
• ლარინგოტრაქეიტი;
• ბრონქოპნევმონია.

უკუჩვენებები:

პრეპარატის კომპონენტების მიმართ მომატებული მგრძნობელობა.

მიღების წესი და დოზირება:

თუ ექიმის მიერ არ არის სხვა მითითება მოზარდებისთვის და 12 წელზე უფროსი ასაკის ბავშვებისთვის რეკომენდებულია:

მწვავე შემთხვევაში: 1 ტაბლეტი ყოველ ნახევარ საათში მაქსიმუმ 6–ჯერ დღეში ჭამიდან ან ჭამამდე 20–30 წთ–ის შემდეგ/ადრე.

ერთ კვირაზე მეტი ხანგრძლიობით მიღება შეიძლება მხილოდ ექიმის მეთვალყურეობით, რომელსაც აქვს ჰომეოპათური საშუალებებით მკურნალობის გამოცდილება.

ქრონიკულ შემთხვევებში: 1 ტაბლეტი 1–3–ჯერ დღეში. მდგომარეობის გაუმჯობესებისას მიღების სიხშირე მცირდება.

ინფორმაცია დიაბეტიკებისთვის: პრეპარატი შეიცავს ლაქტოზას, ამიტომ მიიღება ექიმთან კონსულტაციის შემდეგ.

12 წლამდე ასაკის ბავშვებში მიიღება ექიმი – ჰომეოპათის მიერ მითითებული დოზით.

განსაკუთრებული სიფრთხილე: არ გამოიყენეოთ ექიმთან კონსულტაციის გარეშე ფარისებრი ჯირკვლის დაავადებისას.

ჰომეოპათური საშუალებების გამოყენებისას დასაწყისში სიმპტომები შეიძლება გაძლიერდეს, ასეთ შემთხვევაში პრეპარატი გამოყენება უნდა შეწყდეს და კონსულტაციისთვის მიმართოთ ექიმს.

გვერდითი მოქმედება:

არ არის ცნობილი.

ჭარბი დოზირება:

დოზის გადაჭარბებეის შემთხვევები არ არის ცნობილი.

სხვა სამკურნალო საშუალებებთან ურთიერთქმედება:

არ არის ცნობილი.

ორსულობა და ლაქტაცია:

მიიღება მხოლოდ ექიმ–ჰომეოპათთან კონსულტაციის შემდეგ.

მანქანა–დანადგარების მართვა:

მანქანა–დანდაგარების მართვის უნარზე გავლენა  მკურნალობის პერიოდში არ არის ცნობილი.

შენახვის ვადა:

4 წელი. არ გამოიყენოთ შეფუთვაზე მითითებული ვადის ამოწურვის შემდეგ.

შენახვის პირობები:

ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილზე.

აფთიაქიდან გაცემა: გაიცემა ურეცეპტოდ.

მწარმოებელი: Hevert Arzneimittel GmbH, გერმანია

საერთაშორისო დასახელება:

FOLIA HEDERAE HELICIS

მწარმოებელი: KREWEL MEUSELLBACH, გერმანია

კლინიკურ-ფარმაკოლოგიური ჯგუფი:

მცენარეული წარმოშობის ხველების საწინააღმდეგო საშუალება.

შემადგენლობა და გამოშვების ფორმა:

წვეთები: ფლაკონში 50 მლ.

1 მლ (30 წვეთი)

სუროს ფოთლების თხიერი ექსტრაქტი შაქრის და სპირტის გარეშე …….. 0.1 გ (1:1)

დამხმარე ნივთიერებები:

პროპილენგლიკოლი, გლიცეროლი არომატული ნივთიერება.

ჩვენებები:

• სასუნთქი გზების ანთებითი დაავადებები, ბრონქების ქრონიკული ანთებითი დაავადებების სიმპტომური მკურნალობა;
• შემაწუხებელი “ღამის” ხველა.

მიღების წესი და დოზირება:

ექიმის დანიშნულების გარეშე პრეპარატი ინიშნება 3-ჯერ დღეში;

ჰედელიქსი ინიშნება განზავების გარეშე.

ჩვილ და პატარა ასაკის ბავშვებში პრეპარატის განზავება ხდება ხილის წვენთან ან ჩაისთან ერთად.

გამოყენების ხანგრძლივობა:

პრეპარატის გამოყენების ხანგრძლივობა დამოკიდებულია დაავადების სახეობაზე და სიძიმეზე.

მსუბუქი ფორმის დაავადების დროს მკურნალობის ხანგრძლივობა შეადგენს 1 კვირას. თერაპიული შედეგის შესანარჩუნებლად პრეპარატით მკურნალობა გრძელდება 2-3 დღის განმავლობაში დაავადების სიმპტომების გაქრობის შემდეგ.

გვერდითი მოვლენები:

მონაცემები არ მოიპოვება.

უკუჩვენებები:

არ არის დადგენილი.

ორსულობა და ლაქტაცია:

პრეპარატის გამოყენება შესაძლებელია ჩვენების მიხედვით.

განსაკუთრებული მითითებები:

♦ მითითება შაქრიანი დიაბეტით დაავადებულთათვის:

ვინაიდან პრეპარატი არ შეიცავს სპირტს და შაქარს, მისი გამოყენება შესაძლებელია როგორც შაქრიანი დიაბეტით დაავადებულებში, ასევე პაციენტებში, რომლებიც ერიდებიან ალკოჰოლის მიღებას.

♦ დაუშვებელია ვადაგასული პრეპარატის გამოყენება.

♦ ვინაიდან პრეპარატი შეიცავს მცენარეული წარმოშობის ექსტრაქტს, შესაძლებელია მისი შემღვრევა, ან გემოს მცირედ შეცვლა. აღნიშნულის მიუხედავად პრეპარატის თერაპიული ეფექტი არ მცირდება.

ჭარბი დოზირება:

მონაცემები არ მოიპოვება.

სხვა წამლებთან ურთიერთქმედება:

მონაცემები არ მოიპოვება.

შენახვის პირობები:

პრეპარატი ინახება 5-25⁰C ტემპერატურაზე, ბავშვებისა და სინათლისაგან დაცულ ადგილას.

ვარგისიანობის ვადა: 4 წელი.

საერთაშორისო დასახელება:

RAMIPRIL

მწარმოებელი: EGIS PHARMACEUTICALS PLC, უნგრეთი

მოქმედი ნივთიერება: რამიპრილი

კლინიკურ-ფარმაკოლოგიური ჯგუფი:

აგფ-ინჰიბიტორი.

შემადგენლობა და გამოშვების ფორმა:

ტაბლეტები: ბლისტერზე 7 ტაბ., შეფუთვაში 2 და 4 ბლისტერი.

ჰარტილი 1.25 მგ:

1 ტაბ.

რამიპრილი ……………  1.25 მგ

დამხმარე ნივთიერებები:

ნატრიუმის ჰიდროკარბონატი, ლაქტოზის მონოჰიდრატი, ნატრიუმის კროსკარმელოზა, პრეჟელატინიზირებული სახამებელი 1500, ნატრიუმის სტეარილფუმარატი.

ჰარტილი 2.5 მგ:

1 ტაბ.

რამიპრილი ………    2.5 მგ

დამხმარე ნივთიერებები:

ნატრიუმის ჰიდროკარბონატი, ლაქტოზის მონოჰიდრატი, ნატრიუმის კროსკარმელოზა, პრეჟელატინიზირებული სახამებელი 1500, ნატრიუმის სტეარილფუმარატი, რკინის ყვითელი ოქსიდი.

ჰარტილი 5 მგ:

1 ტაბ.

რამიპრილი ………..  5 მგ

დამხმარე ნივთიერებები:

ნატრიუმის ჰიდროკარბონატი, ლაქტოზის მონოჰიდრატი, ნატრიუმის კროსკარმელოზა, პრეჟელატინიზირებული სახამებელი 1500, ნატრიუმის სტეარილფუმარატი, რკინის წითელი ოქსიდი, რკინის ყვითელი ოქსიდი.

ჰარტილი 10 მგ:

1 ტაბ.

რამიპრილი ………… 10 მგ

დამხმარე ნივთიერებები:

ნატრიუმის ჰიდროკარბონატი, ლაქტოზის მონოჰიდრატი, ნატრიუმის კროსკარმელოზა, პრეჟელატინიზირებული სახამებელი 1500, ნატრიუმის სტეარილფუმარატი.

ჩვენებები:

• პრეპარატი განკუთვნილია არტერიული ჰიპერტონიის, გულის და თირკმლის ზოგიერთი დაავადების აგრეთვე, მათი გართულებების სამკურნალოდ (მაგალითად: მიოკარდიუმის ინფარქტის ან ინსულტის დროს).

მიღების წესი და დოზირება:

ჰარტილი ყოველთვის უნდა იქნას მიღებული მხოლოდ ექიმის მიერ დანიშნული დოზით. ნებისმიერი საკითხის გასარკვევად აუცილებელია ექიმის ან ფარმაცევტის კონსულტაცია. ტაბლეტები მიღებულ უნდა იქნას მთლიანად, დაუღეჭავად, სითხის დიდი რაოდენობის მიყოლებით (დაახლოებით ერთი ჭიქა). ტაბლეტების მიღება შეიძლება საკვებისგან დამოუკიდებლად.

თუ ექიმის მიერ არ არის დანიშნული სხვაგვარად, ჩვეულებრივი დოზებია:

მოზრდილები:

ჰიპერტენზია: რეკომენდებული საწყისი დოზაა 2.5 მგ დღეში ერთხელ (ყოველდღიურად ჰარტილის 2.5 მგ-იანი 1 ტაბლეტი), თერაპიული ეფექტის გათვალისწინებით, ექიმს შეუძლია დოზის მომატება, დღიური დოზის გაორმაგებით ყოველ 2-3 კვირაში ერთხელ. რეკომენდებული შემანარჩუნებელი დოზა შეადგენს 2.5-5 მგ-ს დღეში (ყოველდღიურად 2.5 მგ-იანი ან 5 მგ-იანი ჰარტილის 1 ტაბლეტი). მაქსიმალური დღიური დოზა არ უნდა აღემატებოდეს 10 მგ-ს.

გულის უკმარისობა: რეკომენდებული საწყისი დოზაა 1.25 მგ დღეში ერთხელ (ყოველდღიურად ჰარტილის 1.25 მგ-იანი 1 ტაბლეტი). თერაპიული ეფექტის გათვალისწინებით, ექიმს შეუძლია დოზის მომატება დღიური დოზის გაორმაგებით ყოველ 2-3 კვირაში ერთხელ. პრეპარატის 2.5 მგ-ზე მეტი დოზის საჭიროებისას ამ დოზის მიღება შეიძლება ერთჯერადად ან შესაძლებელია მისი გაყოფა 2 მიღებად. მაქსიმალური დღიური დოზა არ უნდა აღემატებოდეს 10 მგ-ს.

მიოკარდიუმის ინფარქტის შემდეგ განვითარებული გულის უკმარისობა: პრეპარატის მიღებას, ჩვეულებრივ იწყებენ მიოკარდიუმის ინფარქტიდან 2-9 დღის შემდეგ. რეკომენდებული საწყისი დოზა, პაციენტის მდგომარეობისა და მიოკარდიუმის ინფარქტიდან გასული დროის გათვალისწინებით – შეადგენს 1.25 მგ-ს ან 2.5 მგ-ს დღეში 2-ჯერ (ჰარტილის 1.25 მგ-ანი 1 ტაბლეტი დღეში 2-ჯერ ან ჰარტილის 2.5 მგ-ანი 1 ტაბლეტი დღეში 2-ჯერ). თერაპიული ეფექტის მიხედვით, შეიძლება საწყისი დოზის გაორმაგება 2.5 მგ-მდე დღეში 2-ჯერ ან 5 მგ-მდე დღეში 2-ჯერ (2.5 მგ-ანი ჰარტილის 1 ტაბლეტი დღეში 2-ჯერ ან 5 მგ-ანი ჰარტილის 1 ტაბლეტი დღეში 2-ჯერ). თუ პაციენტი ვერ იტანს მომატებულ დოზას, ექიმს შეუძლია მისი შემცირება. მაქსიმალური დღიური დოზა არ უნდა აღემატებოდეს 10 მგ-ს.

მიოკარდიუმის ინფარქტის შემდეგ განვითარებული გულის მძიმე უკმარისობის დროს არსებობს პრეპარატ ჰარტილის გამოყენების მხოლოდ შეზღუდული გამოცდილება.

არადიაბეტური ან დიაბეტური ნეფროპათია: რეკომენდებული საწყისი დოზაა 1.25 მგ დღეში ერთხელ (ყოველდღიურად 1.25 მგ-ანი ჰარტილის 1 ტაბლეტი). თერაპიული ეფექტის გათვალისწინებით, შეიძლება დოზის მომატება, დღიური დოზის გაორმაგებით ყოველ 2- 3 კვირაში ერთხელ. რეკომენდებული საწყისი დოზა შეადგენს 5 მგ-ს.

მიოკარდიუმის ინფარქტის ინსულტის ან გულ–სისხლძარღვოვანი სიკვდილის პროფილაქტიკა:

რეკომენდებული საწყისი დოზა შეადგენს რამიპრილის 2.5 მგ-ს დღეში ერთხელ (ყოველდღიურად 2.5 მგ-ანი ჰარტილის 1 ტაბლეტი). საწყისი დოზის კარგად ატანის შემთხვევაში, ექიმს შეუძლია დოზის გაორმაგება მკურნალობის დაწყებიდან ერთი კვირის შემდეგ (5 მგ-იანი ჰარტილის 1 ტაბლეტი დღეში ერთხელ ან 2.5 მგ-ანი ჰარტილის 2 ტაბლეტი დღეში ერთხელ). რეკომენდებულია დოზის განმეორებითი გაორმაგება მკურნალობის დაწყებიდან 3 კვირის შემდეგ შემანარჩუნებელი დოზის მისაღწევად – 10 მგ დღეში ერთხელ (10 მგ-იანი ჰარტილის 1 ტაბლეტი დღეში ერთხელ ან 5 მგ-ანი ორი ტაბლეტი დღეში ერთხელ).

ბავშვები:

ბავშვებისათვის ამ პრეპარატის გამოყენების გამოცდილების სიმცირის გამო, არ არის მიზანშეწონილი მათთვის ჰარტილის დანიშვნა.

პაციენტების განსაკუთრებული ჯგუფები:

ამ პრეპარატის გამოყენება ხანდაზმული პაციენტებისთვის, რომლებიც იღებენ დიურეზულებს და/ან აღენიშნებათ გულის უკმარისობა, აგრეთვე, ღვიძლის ან თირკმელების ფუნქციის დარღვევა, საჭიროებს განსაკუთრებულ ყურადღებას. ამ შემთხვევაში მიზანშეწონილია უფრო დაბალი საწყისი დოზის გამოყენება.

თირკმლის ფუნქციის ზომიერი დაქვეითების დროს ჩვეულებრივი საწყისი დოზა შეადგენს 1.25 მგ-ს დღეში ერთხელ. მაქსიმალური დღიური დოზა არ უნდა აღემატებოდეს 5 მგ-ს. არსებობს ამ პრეპარატის გამოყენების საკმარისი გამოცდილება თირკმლის მძიმე უკმარისობის დროს.

ღვიძლის ფუნქციის დარღვევისას შეიძლება ერთნაირი სიხშირით აღინიშნოს პრეპარატ ჰარტილის შემცირებული ან გაძლიერებული ეფექტი. ამიტომ ავადმყოფები ღვიძლის ფუნქციის დარღვევით საჭიროებენ გულდასმით სამედიცინო მეთვალყურეობას. მკურნალობის დროს მაქსიმალური დღიური დოზა ასეთ შემთხვევებში არ უნდა აღემატებოდეს 2.5 მგ-ს.

თუ პაციენტი იღებს შარდმდენ საშუალებებს, პრეპარატ ჰარტილის მიღების დაწყებამდე ექიმს შეუძლია მათი შეწყვეტა ან 2-3 დღით ადრე შარდმდენი პრეპარატების დოზის შემცირება. ავადმყოფებისათვის, რომლებიც მცირე ხნის წინ იღებდნენ დიურეზულებს, ჩვეულებრივ საწყისი დოზა შეადგენს 1.25 მგ-ს.

მძიმე ჰიპერტენზიის  დროს და იმ შემთხვევაში, როდესაც არტერიული წნევის მომატებას შეუძლია ზიანის მიყენება ორგანიზმისთვის (მაგალითად: კორონარული ან თავის ტვინის სისხლძარღვთა შევიწროვება), ასევე, სითხისა და ელექტროლიტური ბალანსის საწყისი დარღვევის სრული კომპენსაციის შეუძლებლობის დროს, რეკომენდებულია დაბალი საწყისი დოზის გამოყენება (1.25 მგ დღეში).

გვერდითი მოვლენები:

როგორც ყველა სხვა სამკურნალო საშუალებას, ჰარტილსაც შეუძლია გვერდითი მოვლენების გამოწვევა. ნებისმიერი ქვემოთ ჩამოთვლილი მოვლენის განვითარებისას, შეწყვეტილ უნდა იქნას ჰარტილის ტაბლეტების მიღება (პაციენტმა დაუყოვნებლივ უნდა მიმართს ექიმს ან უახლოეს საავადმყოფოს სასწრაფო დახმარების განყოფილებას ან გამოძახებულ უნდა იქნას სასწრაფო დახმარების ბრიგადა):

♦ ხელების, ფეხების, ტუჩების, პირის ან ხახის შეშუპება, სუნთქვის და ყლაპვის გაძნელებით. მათი გამოვლენა შეიძლება ნიშნავდეს იმას, რომ პაციენტს აქვს ძალიან მძიმე, შეშუპებითი ალერგიული რეაქცია. ამ მდგომარეობამ შეიძლება გამოიწვიოს სიკვდილი. რის თავიდან ასაცილებლად შეიძლება საჭირო გახდეს სასწრაფო სამედიცინო დახმარება ან ჰოსპიტალიზაცია. ეს გვერდითი მოვლენები ძალიან მძიმეა და იშვიათად ვითარდება. მათი გამოვლენისას უნდა შეწყდეს ყველანაირი პრეპარატის მიღება, რომელიც შეიცავს აგფ-ინჰიბიტორებს.

ჭინჭრის ციება

♦ ჭინჭრის ციება, ასევე, შეიძლება იყოს ალერგიული რეაქციის გამოვლინება, დაუყოვნებლივ უნდა შეწყდეს პრეპარატის მიღება და შემდგომი მკურნალობა გაგრძელდეს ექიმთან კონსულტაციის შემდეგ.

♦ სერიოზული შედეგების თავიდან ასაცილებლად, პაციენტმა დაუყოვნებლივ უნდა მიმართოს ექიმს მთელ ტანზე გამოხატული გამონაყრის განვითარებისას.

იშვითად აღინიშნება მძიმე გვერდითი მოვლენები. პაციენტმა დაუყოვნებლივ უნდა მიმართოს ექიმს მათგან ნებისმიერის განვითარებისას:

♦ პრეპარატის პირველი დოზის ან მაღალი დოზის პირველი მიღების შემდეგ, ან შარდმდენი საშუალებების დამატების დროს შეიძლება განვითარდეს ძლიერი თავბრუსხვევა, უგუნებობა, გონების დაკარგვის გარდამავალი მდგომარეობა (ზოგიერთ პაციენტში, მაგალითად: მძიმე ჰიპერტენზიის, გულის უკმარისობის, სითხის ან ნატრიუმის დეფიციტის, თირკმელთა სისხლძარღვების ძლიერი შევიწროებისა და შარდმდენი თერაპიის დროს, პრეპარატის პირველი დოზის მიღებამ ან მომატებული დოზის პირველმა მიღებამ შეიძლება გამოიწვიოს არტერიული წნევის მნიშვნელოვანი, შოკში გარდამავალი დაქვეითება);

♦ პირის და ხახის ლორწოვანი გარსების დაზიანება, მორეციდივე ინფექციები შეიძლება იყოს გვერდითი მოვლენების გამოხატულება სისხლწარმოქმნელი სისტემის მხრივ: სიყვითლე, კანის ქავილი, თიხის ფერი განავალი, შარდის გამუქება, ძლიერი ცხელება (ეს სიმპტომები შეიძლება ღვიძლის მძიმე დაზიანებასა და/ან მექანიკურ სიყვითლეზე მიუთითებდეს);

♦ მუცლის არეში ძლიერი ტკივილი, გულისრევა და ღებინება (ეს სიმპტომები შეიძლება მიუთითებდეს პანკრეატიტზე).

ზემოთ ჩამოთვლილი მძიმე გვერდითი მოვლენების გარდა, პრეპარატ ჰარტილის მიღების დროს შეიძლება აღინიშნოს შემდეგი გვერდითი მოვლენები ორგანოთა ცალკეული სისტემის მხრივ:

გულ–სისხლძარღვთა სისტემის მხრივ: ძირითადად, მკურნალობის კურსის დასაწყისში, სისხლძარღვთა გაფართოებისა და არტერიული წნევის დაცემის შედეგად – თუნდაც თუ ის არ არის საჭირო დონეზე ნაკლები – შეიძლება აღინიშნებოდეს მეხსიერების დაქვეითება (ზოგჯერ ყურადღების კონცენტრაციის დაქვეითებით), რეაქციის შენელება, დაღლილობა, სისუსტე და თავბრუსხვევა. შესაძლებელია ტაქიკარდია, გულისცემის გახშირება, ორთოსტატული ჰიპოტენზია (არტერიული წნევის დაცემა და თავბრუსხვევა ჰორიზონტალური მდგომარეობიდან ვერტიკალურში გადასვლის დროს), გულისრევა, ოფლიანობა, შუილი ყურებში, მხედველობის და სმენის დარღვევა, თავის ტკივილი, შფოთვა, უძილობა, ძილიანობა და გონების დაკარგვა. იშვიათ შემთხვეველში შეიძლება განვითარდეს გულის რითმის დარღვევა. ჰარტილის მიღების დროს შეიძლება აღინიშნოს პერიფერიულ სისხლძარღვთა ფუნქციის მორეციდივე დარღვევა.

♦ ზოგიერთ შემთხვევაში, განსაკუთრებით, კორონარული არტერიების დაავადებების ან თავის ტვინის სისხლძარღვთა შევიწროვების დროს, შეიძლება განვითარდეს სტენოკარდია, მიოკარდიუმის ინფარქტი ან თავის ტვინის სისხლმიმოქცევის მოშლა.

♦ თირკმლოვანი გვერდითი მოვლენები: პრეპარატ ჰარტილის გამოყენებამ შეიძლება გააუარესოს თირკმელების ფუნქცია, ზოგიერთ შემთხვევაში კი გამოიწვიოს სიცოცხლისათვის საშიში თირკმლის უკმარისობა. თირკმლის ფუნქციის დარღვევის გამოვლენა შეიძლება შარდის მოცულობის შემცირებისა და თირკმლის ფუნქციის ლაბორატორიული მაჩვენებლების მომატების მიხედვით (შარდოვანისა და კრეატინინის დონე). პრეპარატის მიღების დასაწყისში შეიძლება აღინიშნოს შარდის მოცულობის შემცირება. პრეპარატ ჰარტილის მიღების დროს არსებული პროტეინურია შეიძლება გაძლიერდეს, თუმცა თირკმელებით ცილის გამოყოფა შეიძლება, ასევე, შემცირდეს.

♦ კანი, სისხლძარღვები და ალერგიული რეაქციები: იშვიათად სახის მძიმე, ხახის და ხორხის შეშუპების შემთხვევების გარდა, შესაძლებელია კანის შემდეგი რეაქციები: წამოხურება კანის ზოგიერთ ადგილას, კონიუნქტივიტი, კანის ქავილი, ურტიკარული ელემენტები, გამონაყარი კანზე, თმის ცვენა, რეინოს სინდრომის რეციდივი ან გამწვავება (სისხლმიმოქცევის დარღვევა თითებში). როგორც ყველა სხვა აგფ-ინჰიბიტორი, ჰარტილს შეუძლია გამოიწვიოს ფსორიაზისმაგვარი დარღვევები, კანის ფოტოსენსიბილიზაცია და ონიქოლიზი (ფრჩხილების დაშლა).

♦ შესაძლებელია ტკივილი კუნთებსა და სახსრებში, ვასკულიტი, ცხელება და სისხლის უჯრედული შემადგენლობის ცვლილება.

სუნთქვის ორგანოების მხრივ: ხშირად ვითარდება მშრალი ხველა. იგი ძლიერდება ღამით და მწოლიარე მდგომარეობაში, ხშირად აღინიშნება ქალებსა და არამწეველებში. გარდა ამისა, შესაძლებელია რინიტი, სინუსიტი, ბრონქიტი, ბრონქოსპაზმი და ქოშინი.

კუჭ–ნაწლავის სისტემის მხრივ: პირის სიმშრალე, პირის ლორწოვანი გარსის მაღალი მგრძნობელობა ან ანთება, საჭმლის მონელების დარღვევა, ფაღარათი, ყაბზობა, გულის რევა და ღებინება, გასტრიტისმაგვარი ტკივილი მუცლის არეში, დისკომფორტი კუჭში. უფრო მძიმე შემთხვევებში შესაძლებელია პანკრეატიტი, ღვიძლის ფუნქციის დარღვევა, სიყვითლე, ნაღვლის შეგუბება, ხანდახან კი სიცოცხლისათვის საშიში ჰეპატიტი.

სისხლის ფორმულა: შეიძლება მოხდეს ერითროციტების რიცხვისა და ჰემოგლობინის კონცენტრაციის შემცირება, ზოგჯერ ჰემოლიზური ანემიის შედეგად, თრომბოციტებისა და ლეიკოციტების რიცხვის შემცირება.

სხვა გვერდითი მოვლენები: შესაძლებელია წვივების შეშუპება, წონასწორობის დარღვევა, თავის ტკივილი, ნერვული აგზნება, შფოთვა, ტრემორი, ძილის დარღვევა, გაბრუება, უმადობა, გუნება-განწყობის დარღვევა, არასასიამოვნო შეგრძნებები, გემოვნების შეგრძნებების დაქვეითება ან დაკარგვა, კუნთების სპაზმი, იმპოტენცია, ლიბიდოს დაქვეითება.

ლაბორატორიული მაჩვენებლების ცვლილება:

ამ პრეპარატის მიღების დროს თირკმლის ფუნქციის მახასიათებელმა პარამეტრებმა ( სისხლის შრატის კრეატინინი და შარდოვანა) და კალიუმის დონემ სისხლის შრატში შეიძლება მოიმატოს, ნატრიუმის დონე კი სისხლის შრატში შემცირდეს. შეიძლება მოიმატოს კუჭქვეშა ჯირკვლისა და ღვიძლის ფერმენტების, ბილირუბინის დონემ; ალერგიული რეაქციების დროს შეიძლება აღინიშნოს ლეიკოციტების ზოგიერთი სახეობის (ეოზინოფილების) მომატება. ცალკეულ შემთხვევებში ვლინდება პათოლოგიური იმუნური რეაქციები (ბირთვის საწინააღმდეგო ანტისხეულები). შეიძლება შემცირდეს ერითროციტების რიცხვი, ჰემოგლობინის დონე და, ასევე, თრომბოციტებისა და ლეიკოციტების რაოდენობა.

ნებისმიერი გვერდითი ეფექტის გამოვლენისას, რომელიც არ არის აღნიშნული ამ ინსტრუქციაში, გთხოვთ, მიმართოთ ექიმს ან ფარმაცევტს.

უკუჩვენებები:

არ შეიძლება ამ ტაბლეტების მიღება თუ:

* პაციენტს აქვს მაღალი მგრძნობელობა რამიპრილის ან პრეპარატის ნებისმიერი სხვა კომპონენტის მიმართ.

* ამ პრეპარატის მიღების შემდეგ გამოვლინდა სახის, ტუჩების, ენის ან ფეხების შეშუპება.

* თირკმლის არტერიის მძიმე, ორმხრივი (ან ცალმხრივი, ერთი თირკმლის შემთხვევაში) შევიწროვება.

* დაბალი არტერიული წნევის დროს.

* ორსულობის ან ლაქტაციის პერიოდში.

* თუ ერთდროულად დანიშნულია მადესენსიბილიზიებელი პრეპარატები მწერების ნაკბენზე ალერგიის სამკურნალოდ.

სათანადო კლინიკური გამოცდილების უქონლობის გამო არ არის მიზანშეწონილი პრეპარატ ჰარტილის დანიშვნა:

* ბავშვებში;

* ავადმყოფებში თირკმლის მძიმე დაავადებით;

* ავადმყოფებში, რომლებიც იმყოფებიან ჰემოდიალიზზე.

ორსულობა და ლაქტაცია:

ჰარტილი უკუნაჩვენებია ორსულობის დროს, ამიტომ მისი მიღების დაწყებამდე აუცილებელია ორსულობის გამორიცხვა. პრეპარატ ჰარტილის მიღებისას საჭიროა დაორსულების პროფილაქტიკა კონტრაცეპციის ადეკვატური მეთოდის გამოყენებით.

თუ დაგეგმილია ბავშვის ჩასახვა პრეპარატ ჰარტილის მიღების დროს, საჭიროა ექიმის კონსულტაცია ორსულობის დადგომამდე, რადგან აუცილებელი იქნება ანტიჰიპერტენზიული პრეპარატის შეცვლა და იმ საშუალების მიღება, რომელიც არ შეიცავს აგფ-ინჰიბიტორს.

თუ ორსულობა დადგება პრეპარატ ჰარტილის მიღების დროს, აუცილებელია, რაც შეიძლება სწრაფად (ყოველ შემთხვევაში – პირველი ტრიმესტრის დამთავრებამდე) მისი შეცვლა პრეპარატით, რომელიც არ შეიცავს აგფ-ინჰიბიტორს ნაყოფის დაზიანების რისკის თავიდან ასაცილებლად.

არ არის მიზანშეწონილი პრეპარატის მიღება ძუძუთი კვების დროს.

განსაკუთრებული მითითებები:

ამ ტაბლეტების გამოყენება შეიძლება მხოლოდ ექიმის სპეციალური დანიშნულებით შემდეგ შემთხვევებში:

◄ მძიმე ავთვისებიანი ჰიპერტენზიის დროს;

◄ გულის უკმარისობის დროს (განსაკუთრებით სხვა ანტიჰიპერტენზიულ პრეპარატებთან კომბინაციაში);

◄შარდმდენი საშუალებების მიღების შემდეგ;

◄ სითხის ან მარილების სავარაუდო ან არსებული დეფიციტის დროს;

◄თირკმლის არტერიის გამოხატული შევიწროვების დროს;

◄ თირკმლის დაავადების დროს;

◄ თირკმლის ტრანსპლანტაციის შემდეგ;

◄ ღვიძლის დაავადების დროს;

◄გულის ზოგიერთი სარქვლოვანი მანკის დროს;

◄ იმუნიტეტის დარღვევის და სისხლის სისტემის დაავადების დროს;

◄ თავის ტვინის ან კორონარული სისხლძარღვების შევიწროვების დროს;

◄ ხანდაზმულ პაციენტებში, რომლებიც იღებენ შარდმდენ პრეპარატებს, აგრეთვე, გულის უკმარისობის დროს ღვიძლის და/ან თირკმლის ფუნქციების დარღვევის თანადართვისას.

პრეპარატი ჰარტილით მკურნალობის დროს აუცილებელია რეგულარული სამედიცინო კონტროლი. განსაკუთრებით  მნიშვნელოვანია ექიმის მიერ დანიშნული ყველა გამოკვლევის ჩატარება.

ტრანსპორტისა და მექანიზმების მართვა: არტერიული წნევის დაქვეითებამ შეიძლება უარყოფითად იმოქმედოს ყურადღების კონცენტრაციასა და პაციენტის რეაქციაზე. ეს განსაკუთრებით ვლინდება თერაპიის დასაწყისში ან ალკოჰოლის მიღების შემდეგ. ამის შესახებ საჭიროა ექიმის კონსულტაცია.

შეზღუდვის ან აკრძალვის ხარისხი ტრანსპორტისა და მექანიზმების მართვაზე ექიმმა უნდა განსაზღვროს ინდივიდუალურად ყოველი პაციენტისათვის.

მნიშვნელოვანი ინფორმაცია პრეპარატის ზოგიერთი კომპონენტის შესახებ:

ლაქტოზის აუტანლობის შემთხვევაში საჭიროა ტაბლეტებში ლაქტოზის შემადგენლობის გათვალისწინება.

– ჰარტილი 1.25 მგ ტაბლეტები: ყოველი ტაბლეტი შეიცავს 79.5 მგ ლაქტოზის მონოჰიდრატს.

– ჰარტილი 2.5 მგ ტაბლეტები: ყოველი ტაბლეტი შეიცავს 158.8 მგ ლაქტოზის მონოჰიდრატს.

– ჰარტილი 5 მგ ტაბლეტები: ყოველი ტაბლეტი შეიცავს 96.47 მგ ლაქტოზის მონოჰიდრატს.

– ჰარტილი 10 მგ ტაბლეტები: ყოველი ტაბლეტი შეიცავს 1932.გ ლაქტოზის მონოჰიდრატს.

ჭარბი დოზირება:

ჭარბი დოზირების დროს პაციენტმა დაუყოვნებლივ უნდა მიმართოს ექიმს ან უახლოესი საავადმყოფოს სასწრაფო დახმარების განყოფილებას.

ჭარბი დოზირების სიმპტომები: გამოხატული ჰიპოტენზია, შოკი, თირკმლის უკმარისობა, ლაბორატორიული მაჩვენებლების ცვლილება.

ჰარტილის ერთი დოზის მიღების დავიწყების შემთხვევაში: ჭარბი დოზირების თავიდან ასაცილებლად არ უნდა იქნას მიღებული ორმაგი დოზა გამოტოვებული დოზის ასანაზღაურებლად; პრეპარატის მიღება უნდა გაგრძელდეს ექიმის დანიშნულებით.

სხვა წამლებთან ურთიერთქმედება:

ექიმი ან ფარმაცევტი ინფორმირებული უნდა იყოს იმ პრეპარატების შესახებ, რომლებსაც პაციენტი ამჟამად იღებს ან რამდენიმე ხნის წინ იღებდა რეცეპტით თუ ურეცეპტოდ, რადგან სამკურნალო საშუალებებს შეუძლიათ ერთმანეთის ეფექტის შეცვლა.

საჭიროა ექიმის კონსულტაცია, თუ პაციენტი იღებს ნებისმიერ პრეპარატს, რომელიც შეიცავს ქვემოთ ჩამოთვლილ აქტიურ ნივთიერებებს:

– ალოპურინოლს; ცენტრალურ ნერვულ სისტემაზე მოქმედ ნივთიერებებს; სტეროიდებს; პროკაინამიდს; ციტოსტატურ ნივთიერებებს; ანტიდიაბეტურ პრეპარატებს (ინსულინი ან პერორალური საშუალებები); ანტიჰიპერტენზულ საშუალებებს; შარდმდენს; ნიტრატებს; ანტიდეპრესანტებს; ანტიკოაგულანტებს; ლითიუმს; არასტეროიდულ ანთების საწინააღმდეგო საშუალებებს; პრეპარატებს ნატრიუმის მაღალი შემცველობით; ალკოჰოლს.

თუ პაციენტი იმყოფება ჰემოდიალიზზე, განსაკუთრებით მნიშვნელოვანია ექიმის ინფორმირება ამის შესახებ.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: მითითებულია კოლოფზე.

აფთიაქიდან გაცემის პირობები:

პრეპარატი გაიცემა ექიმის რეცეპტით.