მწარმოებელი: WORLD MEDICINE, დიდი ბრიტანეთი

კლინიკურ-ფარმაკოლოგიური ჯგუფი:

მეტაბოლური პროცესების მარეგულირებელი და ანემიის საწინააღმდეგო საშუალება. ჰემოპოეზის მასტიმულირებელი რკინის პრეპარატი.

შემადგენლობა და გამოშვების ფორმა:

მყარი ჟელატინის სპანსულირებული კაფსულები:

6 სპანსულირებული კაფსულა დაბეჭდილი ბლისტერზე, კოლოფში 5 ბლისტერი.

1 კაფს.

დამხმარე ნივთიერებები:

სიმინდის სახამებელი, გასუფთავებული ტალკი, საქაროზა, კალციუმის სულფატის დიჰიდრატი, ტიტანის დიოქსიდი, ეთილცელულოზა, პოვიდონი, გლიცერინის მონოსტეარატი, ფუტკრის დინდგელი, რკინის ოქსიდი წითელი (E172), ჟელატინი.

კაფსულის გარსის შემადგენლობა: ტიტანის დიოქსიდი, რკინის ოქსიდი შავი, ჟელატინი, ერითროზინი, ინდიგოტინი.

ფარმაკოლოგიური თვისებები:

ფერსინოლ-Z ანემიის საწინააღმდეგო კომბინირებული შემადგენლობის პრეპარატია, რომელიც განკუთვნილია რკინადეფიციტური მდგომარეობების სამკურნალოდ.

პრეპარატის შემადგენლობაში შემავალი რკინის სულფატი (II) ავსებს ორგანიზმში რკინის დეფიციტს. უზრუნველყოფს რკინის შემცველი მეტაბოლიტების სინთეზს. მიკროდიალიზურ გრანულებში C ვიტამინთან და B ჯგუფის ვიტამინებთან კომბინაციაში რკინის არსებობა აუმჯობესებს იონიზირებული რკინის შეწოვას და ათვისებას, ახდენს მისი პროოქსიდური მოქმედების პრევენციას, ხელს უწყობს ცილების კარგად ათვისებას.

ასკორბინის მჟავა (ვიტამინი C) არეგულირებს სისხლის შედედებას, ჟანგვა-აღდგენით პროცესებს და ლიპიდების დონეს სისხლში, მონაწილეობს ფოლის მჟავას მეტაბოლიზმში, ასევე ასტიმულირებს სისხლწარმოქმნის პროცესებს, იმუნურ სისტემას, ორგანიზმის დამცავი ფუნქციების გაზრდით.

ფოლის მჟავა (ვიტამინი B₉) აუცილებელია მეგალობლასტების ნორმალური მომწიფებისა და ნორმობლასტების ჩამოყალიბებისათვის. ორგანიზმში აღდგებიან ტეტრაჰიდროფოლის მჟავამდე, რომელიც წარმოადგენს სხვადასხვა მეტაბოლურ პროცესებში მონაწილე კოენზიმს. ასტიმულირებს ერითროპოეზს, მონაწილეობს ამინომჟავების, ნუკლეინის მჟავების, პურინებისა და პირიმიდინების სინთეზში, ქოლინის ცვლაში.

თიამინის მონონიტრატი (ვიტამინი B₁) როგორც კოფერმენტი მონაწილეობს ნახშირწყლების ცვლაში, ნერვული სისტემის ფუნქციონირებაში.

რიბოფლავინი (ვიტამინი B₂) უჯრედული სუნთქვისა და მხედველობითი აღქმის კატალიზატორია, მნიშვნელოვან როლს ასრულებს დნმ-ის ინფორმირებაში, ხელს უწყობს ქსოვილების რეგენერაციის პროცესებს (მ.შ. კანის უჯრედების).

პირიდოქსინი (ვიტამინი B₆) ფერმენტის სახით მონაწილეობს ამინომჟავების, ცილების მეტაბოლიზმში, ასევე ნეირომედიატორების სინთეზის პროცესებში.

ნიკოტინამიდი (ვიტამინი PP) მონაწილეობს ქსოვილოვანი სუნთქვის პროცესებში, ცხიმებისა და ნახშირწყლების ცვალში.

თუთია სულფატის სახით ხელს უწყობს B ჯგუფის ვიტამინების ათვისებას, მნიშვნელოვანია ძვლოვანი ქსოვილის ნორმალური განვითარებისათვის, მონაწილეობს რიგი ჰორმონების წარმოქმნაში. თუთიის ბიოლოგიური როლი ასევე განისაზღვრება მისი აუცილებლობით სისხლის წარმოქმნის პროცესების მოწესრიგებაში, ჭრილობების რეპარაციაში, რომლის მოქმედების მოლეკულური მექანიზმები დაკავშირებულია ბევრი ფერმენტის შემადგენლობასა და ფუნქციონირებაში თუთიის მონაწილეობასთან.

ჩვენებები:

• რკინადეფიციტური ანემიის მკურნალობა და პროფილაქტიკა;
• რკინის ფარული დეფიციტი;
• სხვადასხვა ზემოქმედებით გამოწვეული ანემიები (ქირურგიული ჩარევები, მაიონიზებელი გამოსხივება, ხანგრძლივი ჰემოდიალიზი და სხვა);
• ორსულობა და ლაქტაციის პერიოდი;
• ინტენსიური ფიზიკური დატვირთვა;
• ჰიპო- და ავიტამინოზები.

მიღების წესი და დოზირება:

პრეპარატი მიიღება შიგნით უშუალოდ ჭამის დროს ან ჭამის შემდეგ.

რკინადეფიციტური ანემიით დაავადებულებში 1-2 კაფსულა დღეში 2-ჯერ, საშუალოდ 3 თვის განმავლობაში (ანემიის სიმძიმის მიხედვით).

რკინის ფარული დეფიციტის დროს 1-2 კაფსულა დღეში ერთხელ 3-4 კვირის განმავლობაში.

ორსულ ქალებში, დაწყებული ორსულობის მე-14 კვირიდან, ყოველი ორი კვირის შემდეგ ერთი კვირიანი შესვენებით მშობიარობამდე თითო კაფსულა დღეში ერთხელ.

ლაქტაციის პერიოდში 1 კაფსულა დღეში მკურნალობის. ხანგრძლივობა განსაზღვრება ინდივიდუალურად პლაზმაში რკინის კონტროლით.

რკინის უკმარისობის გამოხატული კლინიკური გამოვლინებისას მკურნალობის ხანგრძლივობა 3-6 თვეს შეადგენს. ჰემოგლობინის მაჩვენებლის ნორმალიზებისას თერაპია კიდევ თითქმის 2 თვეს უნდა გაგრძელდეს ორგანიზმში რკინის დეპოს სრულად შევსებამდე.

სამედიცინო აბორტის წინ 1-2 კაფსულა დღეში 10 დღის განმავლობაში.

გეგმიური ოპერაციების წინ 1-2 კაფსულა დღეში 2-3 კვირის განმავლობაში.

მენსტრუალურ პერიოდში: 1 კაფსულა 2 დღე მენსტრუაციის დაწყებამდე, მთელი მენსტრუაციის განმავლობაში და 2 დღე მისი დასრულების შემდეგ. პრეპარატის გამოყენების საერთო ხანგრძლივობა, მენსტრუაციის დღეების ჩათვლით, 10 დღეს არ უნდა აღემატებოდეს.

პირებისთვის ინტენსიური ფიზიკური დატვირთვით, ასევე ჰიპო- და ავიტამინოზის დროს რეკომენდებულია 1-2 კაფსულა დღეში. პროფილაქტიკისა და თერაპიის კურსი 10 დღეს შეადგენს.

გვერდითი მოვლენები:

საჭმლის მომნელებელი სისტემის მხრივ: ყაბზობა ან დიარეა, ღებინება, გასტრალგია.

ცნს-ის მხრივ: ძილის დარღვევა, აგზნება, დეპრესია.

ალერგიული რეაქციები: იშვიათად - ეგზემური მოვლენები, ჭინჭრის ციება.

უკუჩვენებები:

* ჰიპერმგრძნობელობა პრეპარატის კომპონენტების მიმართ;

* რკინის დეფიციტით არგამოწვეული ანემიები (აპლასტიური, ჰემოლიზური, სიდეროაქრესტიული, ტყვიის ანემიები, მეგალობლასტური ანემია, გამოწვეული ვიტამინის B₁₂-ის ან ფოლის მჟავას დეფიციტით);

* ჰემოსიდეროზი, ჰემოქრომატოზი;

* ღვიძლის უკმარისობა.

განსაკუთრებული მითითებები:

◄ რკინის შეწოვის დაქვეითება რომ არ მოხდეს, რეკომენდებული არაა კაფსულებზე შავი ჩაის, ყავის ან რძის მიყოლება.

◄ განავლის მუქი შეფერილობა დაკავშირებულია შეუწოველი რკინის გამოყოფასთან და მას კლინიკური მნიშვნელობა არ გააჩნია.

ზეგავლენა ავტომანქანის მართვასა და მექანიზმებთან მუშაობის უნარზე: პრეპარატი არ იწვევს პაციენტის ფსიქიკური მდგომარეობის ცვლილებებს, არ აქვეითებს ავტომანქანის მართვასა და მექანიზმებთან მუშაობის უნარს.

ჭარბი დოზირება:

სიმპტომები: ტკივილი ეპიგასტრიუმში, ღებინება, გულისრევა, დიარეა, ძილიანობა, კანის მკრთალი ფერი.

მკურნალობა: საჭიროების შემთხვევაში, აუცილებელია ექიმთან მიმართვა ან პაციენტის კლინიკაში მიყვანა.

სხვა წამლებთან ურთიერთქმედება:

- ორგანული მჟავები, კალციუმის მარილები, ფოსფატები, ფიტინი, ქოლესტირამინი, ასევე ანტაციდური პრეპარატები, რომლებიც შეიცავენ ალუმინს, მაგნიუმს, კალციუმს არღვევენ რკინის შეწოვას არახსნადი კომპლექსების წარმოქმნის შედეგად.

- კუჭქვეშა ჯირკვლის ფერმენტების შემცველი პრეპარატები ამცირებენ რკინის შეწოვას.

- ფენობარბიტალთან, კარბამაზეპინთან, ვალპროატთან, სულფასალაზინთან, ჰორმონულ კონტრაცეპტივებთან, ფოლის მჟავას ანტაგონისტებთან, ტრიმეტოპრიმთან, პირიმეტამინთან და ტრიამტერონთან ერთად გამოყენებისას, ქვეითდება ფოლის მჟავას ათვისება.

- ტეტრაციკლინის ჯგუფის ანტიბიოტიკებთან, ასევე პენიცილამინთან ერთად დანიშვნისას წარმოიქმნება კომპლექსური ნაერთები, რომლებიც ამცირებენ რკინის შეწოვას და ანტიბიოტიკების ანტიმიკრობულ აქტივობას.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

წარმოებულია: GlaxoSmithKline group of companies

ქაირო. ეგვიპტე

შემცველობა:

თითოეული კაფსულა შეიცავს:

რკინის ფუმარატი ...................... 350.0 მგ

ვიტამინი  B       ......................... 127.5 მკგ

ფოლის მჟავა ..............................    2.0 მგ

ასკორბინის მჟავა ........................ 150.0 მგ

მანგანუმის სულფატი ექვივალენტური ....... 2.5 მგ Mn

სპილენძის სულფატი ექვივალენტური ........ 2.5 მგ Cu

ფარმაკოლოგიური თვისებები:

- ფეროტონი წარმოადგენს კარგად შესაწავლილ კომბინაციას, რომელიც უზრუნველყოფს რკინის მაქსიმალურ შეწოვას და მის გამოყენებას რკინადეფიციტური ანემიების სამკურნალოდ.

- ფეროტონი შეიცავს ყველა ფაქტორს, რაც საჭიროა ნორმალური ერითროპოეზისათვის.

- ასკორბინის მჟავა ხელს უწყობს რკინის გარდაქმნას ფორმაში, რომელიც უფრო ადვილად იწოვება კუჭ-ნაწლავის ტრაქტიდან.

- ვიტამინი B₁₂, ფოლის მჟავა, მანგანუმი და სპილენძი რკინასთნ ერთად აუცილებელია ჰემოგლობინის სინთეზისათვის.

- რკინის ფუმარატს გააჩნია ელემენტალური რკინის ყველაზე მაღალი შემცველობა (33%) მის სხვა მარილებთან შედარებით.

ფარმაკოლოგიური ჯგუფი:

ზოგადმატონიზირებელი, ჰემოპოეზის მასტიმულირებელი.

ჩვენებები:

ანემიის, რკინადეფიციტური ანემიის ჩათვლით, სამკურნალოდ და პროფილაქტიკისათვის შემდეგ შემთხვევებში:

- ორსულობისა და ლაქტაციის დროს;

- კვების უკმარისობისას;

- ოპერაციულ ჩარევებამდე და მათ შემდეგ;

- სისხლდენებისას ან სისხლის ნებისმიერი დაკარგვისას;

- სისხლის დანაკარგის კომპენსაციისათვის მენსტრუაციის დროს;

- სქესობრივი მომწიფების პერიოდში;

- გამოჯანმრთელების პერიოდში.

უკუჩვენებები:

* უკუნაჩვენებია პრეპარატის რომელიმე კომპონენტის მიმართ მაღალი მგრძნობელობისას.

დოზირება:

პრეპარატი ინიშნება თითო ტაბლეტი დღეში ძირითადი ჭამის შემდეგ.

დოზის გაზრდა შეიძლება 2 ტაბლეტამდე ექიმის დანიშნულებით.

შენახვის პირობები:

შეინახეთ მშრალ, სინათლისაგან დაცულ ადგილას 25ºC ტემპერატურაზე, ბავშვებისათვის მიუწვდომელ ადგილას.

აფთიაქიდან გაცემის რეჟიმი:

რეცეპტით გასაცემი

ვარგისიანობის ვადა:

36 თვე

საერთაშორისო დასახელება:

FERROUS SULFATE; ASCORBIC ACID

მწარმოებელი: TEVA Pharmaceutical works CO LTD, უნგრეთი

მოქმედი ნივთიერება: რკინის სულფატი+ასკორბინის მჟავა

კლინიკურ-ფარმაკოლოგიური ჯგუფი:

რკინადეფიციტური ანემიის საწინააღმდეგო საშუალება.

შემადგენლობა და გამოშვების ფორმა:

დრაჟე: შეფუთვაში 100 ც.

1 დრაჟე

რკინის სულფატი .........    50 მგ

ასკორბინის მჟავა ...........  30 მგ

დამხმარე ნივთიერებები:

კარტოფილის სახამებელი, ჟელატინი, სტეარინი, ტალკი, მაგნიუმის ჟანგი, მცენარეული ზეთი, ლაქტოზა და საქაროზა, არაბეთის გუმფისი.

ფარმაკოლოგიური თვისებები:

პრეპარატი აღადგენს ორგანიზმში რკინის დეფიციტს, რომელიც საჭიროა ჰემოგლობინის სინთეზისათვის, ასკორბინის მჟავა კი უზრუნველყოფს კუჭ-ნაწლავის ტრაქტიდან რკინის შეწოვის გაუმჯობესებას. პრეპარატის მიღების შემდეგ რკინის შეწოვა ხდება უშუალოდ წვრილი ნაწლავი დისტალურ ნაწილში. შეწოვა იზრდება ორგანიზმში რკინის მარაგის დაქვეითებისას.

ჩვენებები:

• პრეპარატი გამოიყენება რკინადეფიციტური მდგომარეობისას ორსულობისა და ლაქტაციის პერიოდში, ხანგრძლივი სისხლდენების, არარეგულარული და არასრულყოფილი კვების შედეგად გამოწვეული რკინის დეფიციტის მკურნალობისა და პროფილაქტიკისათვის.

მიღების წესი და დოზირება:

პრეპარატი ინიშნება პერორალურად ჭამის შემდეგ. მკურნალობის ხანგრძლივობა დგინდება ინდივიდუალურად მკურნალი ექიმის მიერ.

მოზრდილებში პრეპარატს იყენებენ 3 დრაჟეს 2-ჯერ ჭამის შემდეგ.

პრეპარატი ანალოგიური დოზით ინიშნება ორსულობისა (II და III ტრიმესტრი) და ლაქტაციის პერიოდში.

4-დან 12 წლამდე ასაკის ბავშვებში ფეროპლექსი გამოიყენება ერთი დრაჟე 3-ჯერ დღეში ჭამის შემდეგ.

გვერდითი მოვლენები:

მუცლის არეში ტკივილები, გულისრევა, ღებინება, დიარეა, ალერგიული რეაქციები.

უკუჩვენებები:

* პრეპარატის გამოყენება წინააღმდეგნაჩვენებია მასში შემავალი კომპონენტების მიმართ მომატებული მგრძნობელობისას, აგრეთვე

ისეთივე დაავადებისას, როგორიცაა: აპლასტური და ჰემოლიზური ანემია, თალასემია, ჰემოსიდეროზი, ჰემოქრომატოზი, რკინის შეთვისების დარღვევისას (სიდერობლასტური ანემია, პერნიციოზულიანემია, ვიტამინ B₁₂-ის უკმარისობა).

განსაკუთრებული მითითებები:

◄ მკურნალობის დაწყებამდე აუცილებელია შრატში შრატისმიერი რკინის და ფერიტინის დონის გამოკვლევა.

◄ პრეპარატით მკურნალობა უნდა ჩატარდეს სისხლის სურათის ნორმალიზებამდე (8-12 კვირა).

◄  პრეპარატის მიღების შემთხვევაში დამახასიათებელია შავი ფერის განავალი რკინის სულფიდის წარმოქმნის გამო, ბენზიდინის ცრუ დადებითი სინჯი.

◄ მხედველობაში უნდა მივიღოთ ის გარემოება, რომ დიდი რაოდენობით ჩაის მიღება ამცირებს რკინის იონების კუჭ-ნაწლავის ტრაქტის მიერ შეწოვას.

◄ სიფრთხილეა საჭირო პრეპარატის დანიშვნისას კუჭისა და 12-გოჯა ნაწლავის წყლულოვანი დაავადების, ენტერიტისა და წყლულოვანი კოლიტის დროს.

ჭარბი დოზირება:

ჭარბი დოზირების სიმპტომებს წარმოადგენს: გულისრევა, ღებინება, დიარეა.

იმ შემთხევაში, თუკი არსებობს ჭარბი დოზირების მხრივ ეჭვი, აუცილებელია შრატში შრატისმიერი რკინისა და ფერიტინის დონის გამოკვლევა, კუჭის ამორეცხვა, რძისა და უმი კვერცხის მიღება კუჭნაწლავის ტრაქტში რკინის იონებს შებოჭვა და მათი შემდგომი გამოყოფის გასაძლიერებლად.

თუკი შრატში აღინიშნება ფერიტინის მაჩვენებლების მომატება, მაშინ აუცილებელია რკინის ქელატორის (დესფერალი) მიღება.

სხვა წამლებთან ურთიერთქმედება:

- ანტაციდურ პრეპარატებთან, ქოლესტირამინთან, მეთილდოფასთან, თუთიის, მაგნიუმის, კალციუმის, ფოსფორის და ალუმინის შემცველ პრეპარატებთან, ტეტრაციკლინის ჯგუფის ანტიბოტიკებთან, პენიცილამინთან, ციპროფლოქსაცინთან, ნორფლოქსაცინთან, როფლოქსაცინთან, ფეროპლექსის ერთდროული გამოყენებისას რკინის შეწოვა მცირდება.

- ფეროპლექსის რკინის შემცველ სხვა პრეპარატებთან კომბინაცია არ არის რეკომენდებული.

შენახვის პირობები:

პრეპარატი ინახება არა უმეტეს 30⁰C ტემპერატურაზე, მშრალ, გრილ, სინათლისა და ბავშვებისაგან დაცულ ადგილას.

ვარგისიანობის ვადა: 5 წელი.

საერთაშორისო დასახელება:

FERROUS FUMARATE

მწარმოებელი: IVAX, ჩეხეთი

მოქმედი ნივთიერება: რკინის ფუმარატი

კლინიკურ-ფარმაკოლოგიური ჯგუფი:

ანემიის საწინააღმდეგო პრეპარატი.

შემადგენლობა და გამოშვების ფორმა:

სუსპენზია პერორალური მიღებისათვის:

ფლაკონში 100 მლ

1 მლ

რკინის ფუმარატი  ......  30 მგ,

რაც შესაბამება ≈ 10 მგ ელემენტარულ რკინას.

ფარმაკოლოგიური თვისებები:

რკინადეფიციტური ანემიის საწინააღმდეგო საშუალება.

ჩვენებები:

• ანემია, რომელიც ვითარდება რკინის დეფიციტის შედეგად, ძლიერი სისხლდენის შემდეგ, რკინის აბსორბციის დარღვევის ან მისი გაძლიერებული მოხმარების გამო.

მიღების წესი და დოზირება:

დოზა და მკურნალობის ხანგრძლივობა ყოველთვის განისაზღვრება მკურნალი ექიმის მიერ!

ჩვეულებრივ დოზა შეადგენს 5-6 მგ ელემენტარულ რკინას 1კგ სხეულის წონაზე ანუ დაახლოებით 0.5 მლ პრეპარატი „ფერონატის სუსპენზია“ 1კგ სხეულის წონაზე; შესაბამისად 5 კგ წონის მქონე ბავშვისთვის სადღეღამისო დოზა შეადგენს 2.5 მლ-ს.

ჩვეულებრივი დოზა სხვადასხვა ასაკის ბავშვებისთვი არის შემდეგი:

- 2 წლამდე ასაკის ბავშვები: 5 მლ ერთხელ დღეში.

- 2-6 წელის ასაკის ბავშვები: 5 მლ 2-ჯერ დღეში.

- 6 წელზე უფროსი ბავშვები: 5 მლ 3-4-ჯერ დღეში.

მოზრდილები (ინიშნება მხოლოდ რკინის შემცველი სხვა პრეპარატების აუტანლობის შემთხვევაში): 10 მლ ჩვეულებრივ 2-3-ჯერ დღეში. მკურნალობის ეფექტი (გამომდინარე სისხლის ანალიზიდან) ვლინდება დაახლოებით 4 დღის შემდეგ, თუმცა ამის შემდეგ მკურნალობა გრძელდება კიდევ სულ მცირე 4-5 კვირის განმავლობაში.

დოზის განსაზღვრა ხდება სპეციალური მენზურის საშუალებით.

უმჯობესია პრეპარატის მიღება კვებათა შორის პერიოდში და მხოლოდ წყალთან ერთად (არავითარ შემთხვევაში ჩაისთან ერთად!). პრეპარატის მიღებამდე არ არის სასურველი ცხიმიანი საკვების მიღება. მკურნალობის პერიოდში შესაძლებელია განავლოვანი მასა გახდეს შავი ფერის. პრეპარატის გამოყენებამდე ფლაკონი კარგად უნდა შეინჯღრეს. წარმოქმნილი ნალექი არ მოქმედებს პრეპარატის თვისებებზე. გამოყენებამდე და გამოყენების შემდეგ მენზურა უნდა გაირეცხოს ცხელი წყლით.

გვერდითი მოვლენები:

იშვიათ შემთხვევებში შესაძლებელია გამოვლინდეს ჩივილები საჭმლის მომნელებელი სისტემის მხრივ, როგორიც არის ღებინება, ფაღარათი, კბილების შეღებვა შავ ფერად, ყაბზობა -განსაკუთრებით ეს ეხება მოზრდილებს. აგრეთვე შესაძლებელია განავლოვანი მასა გახდეს შავი ფერის, თუმცა ეს არ ნიშნავს, რომ პრეპარატი უარყოფითად მოქმედებს ორგანიზმზე.

უკუჩვენებები:

* არ გამოიყენება სიდერობლასტური ანემიის დროს.

ორსულობა და ლაქტაცია:

არ არის დადასტურებული, რომ პრეპარატის გამოყენება უარყოფითად მოქმედებს ორსულობისა და ლაქტაციის პერიოდზე, შესაბამისად მისი გამოყენება დასაშვებია.

განსაკუთრებული მითითებები:

◄პრეპარატის გამოყენება მხოლოდ ექიმის რეკომენდაციის შესაბამისად და მისი დაკვირვების ქვეშ! ეს განსაკუთრებით გასათვალისწინებელია ბავშვებში.

◄ პრეპარატი შეიცავს 50 გ საქაროზას. რეკომენდირებული დოზების გამოყენებისას თითოეული დოზა შეიცავს 5 გრ საქაროზას. პრეპარატის მიღება არ არის სასურველი ფრუქტოზის თანდაყოლილი აუტანლობის მქონე პაციენტებისთვის, აგრეთვე გლუკოზის და გალაქტოზის დარღვეული  მეტაბოლიზმის და საქაროზა-იზომალტაზას დეფიციტის დროს.

ალერგიული რეაქციები უხშირესად ვითარდება აცეტილსალიცილის მჟავის მიმართ მომატებული მგრძნობელობის შემთხვევაში.

◄ პრეპარატი ღებავს ტექსტილის ნაკეთობებს.

ჭარბი დოზირება:

მძიმე ინტოქსიკაციის დროს ჭარბობს კუჭ-ნაწლავის გაღიზიანების და სერიოზოული დაზიანების ნიშნები, მათ შორის პირველ რიგში ღებინება და ფაღარათი. ასეთი პაციენტი რაც შეიძლება მალე უნდა იქნას მოთავსებული საავადმყოფოში კვალიფიციური სამედიცინო დახმარების აღმოსაჩენად. მკურნალობის პირველ ეტაპზე საჭიროა ღებინების გამოწვევა, აგრეთვე დასაშვებია კვერცხის ცილიანი რძის დალევა.

სხვა წამლებთან ურთიერთქმედება:

მჟავა გარემოს გამანეიტრალებელი პრეპარატები, მაგნიუმის შემცველი ანტაციდები, კალციუმი, ნატრიუმის ჰიდროკარბონატი, ოქსალატები, ფოსფატები, ბოსტნეული, მარცვლეული, კვერცხის გული და ჩაი აქვეითებს რკინის შეწოვას.

თავის მხრივ რკინა ძალიან აქვეითებს ტეტრაციკლინების და პენიცილამინის აბსორბციას. შესაბამისად პრეპარატი არ გამოიყენება ზემოხსენებულ სამკურნალო პრეპარატებთან და საკვებ პროდუქტებთან ერთად.

შეუთავსებლობა: არ არის ცნობილი.

შენახვის პირობები:

პრეპარატი ინახება არა უმეტეს 25⁰C ტემპერატურაზე, სინათლისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 3 წელი.

ფარმაკოლოგიური ჯგუფი: ანტიანემიური საშუალებები

ქვეყანა: საქართველო

მწარმოებელი: ავერსი-რაციონალი

გაცემის ფორმა: III ჯგუფი ურეცეპტო

ზოგადი დახასიათება:
საერთაშორისო არაპატენტირებული დასახელება: რკინა (III) ჰიდროქსიდის პოლიმალტოზური კომპლექსი.
ძირითადი ფიზიკურ-ქიმიური თვისებები:
მრგვალი, ორმხრივამოზნექილი ზედაპირის მქონე, მარმარილოსებური ყავისფერი ტაბლეტები;
შემადგენლობა:
1 საღეჭი ტაბლეტი შეიცავს: რკინა (III) ჰიდროქსიდის პოლიმალტოზურ კომპლექსს 100მგ ელემენტარული რკინის ეკვივალენტურს.
დამხმარე ნივთიერებები: მანიტოლი, სორბიტოლი, კოლოიდური სილიციუმის დიოქსიდი, პოვიდონი, ნატრიუმის სახარინი, მაგნიუმის სტეარატი, შოკოლადის არომატიზატორი.

გამოშვების ფორმა:
საღეჭი ტაბლეტები.

ფარმაკოლოგიური ჯგუფი:
ანემიის საწინააღმდეგო საშუალებები. სამვალენტიანი რკინის პერორალური პრეპარატები.
ათქ-კოდი: B03AB05.

ფარმაკოლოგიური თვისებები:
რკინა წარმოადგენს ორგანიზმისთვის მეტად მნიშვნელოვან მიკროელემენტს, რომელიც შედის ჰემოგლობინის, მიოგლობინის და სხვადასხვა ფერმენტის შემადგენლობაში. იგი მონაწილეობს სუნთქვის, სისხლის წარმოქმნის, იმუნობიოლოგიურ და სასიცოცხლო მნიშვნელობის სხვა პროცესებში. ფეროვიტი-ავერსის შემადგენლობაში რკინა წარმოდგენილია რკინა (III) ჰიდროქსიდის პოლიმალტოზური კომპლექსის სახით, რომლის სტრუქტურა ორგანიზმის ბუნებრივი ნაერთის – ფერიტინის მსგავსია. პრეპარატი გამოიყენება რკინადეფიციტური ანემიის, რკინის ლატენტური (ფარული) დეფიციტის მკურნალობისას და რკინადეფიციტური მდგომარეობის პროფილაქტიკის მიზნით.
პოლიმალტოზურ კომპლექსს არ გააჩნია ორვალენტიანი რკინის მარილებისთვის დამახასიათებელი პროოქსიდანტური თვისებები, რის გამოც ძალიან დაბალი და დაბალი სიმკვრივის ლიპოპროტეინები ნაკლებად ექვემდებარება დაჟანგვას.

ფარმაკოკინეტიკა:
პერორალური მიღების შემდეგ პრეპარატი შეიწოვება უმეტესწილად თორმეტგოჯა და წვრილ ნაწლავში. ფიზიოლოგიურ პირობებში პოლიმალტოზური კომპლექსი სტაბილურია და არ დისოცირებს რკინის იონების გამოთავისუფლებით. მისი შეწოვა კუჭ-ნაწლავის ტრაქტიდან ხდება აქტიური ტრანსპორტის გზით.
ორმაგი იზოტოპების (55Fე და 59Fე) გამოყენებით ჩატარებული კვლევების თანახმად, რკინის აბსორბცია მიღებული დოზის უკუპროპორციულია (რაც უფრო მაღალია დოზა, მით უფრო დაბალია აბსორბცია), რაც პრაქტიკულად გამორიცხავს ჭარბ დოზირებას. დადგენილია ასევე, რომ რაც უფრო დიდია ორგანიზმში რკინის დეფიციტი, მით უფრო აქტიურად მიმდინარეობს მისი შეწოვის პროცესი. შეწოვილი რკინა გამოიყენება ძვლის ტვინში ჰემოგლობინის სინთეზისთვის ან ფერიტინის სახით დეპონირდება უმეტესად ღვიძლში. არააბსორბირებული რკინა გამოიყოფა განავლით. კუჭ-ნაწლავის და კანის აქერცლილი ეპითელიუმით, ოფლით, შარდით და ნაღველით ორგანიზმიდან დღე-ღამეში დაახლოებით 1 მგ რკინა გამოიყოფა. გასათვალისწინებელია რკინის დაკარგვა ქალებში მენსტრუაციის დროს.

ჩვენება:
- რკინის ლატენტური დეფიციტის მკურნალობა;
- რკინადეფიციტური ანემიის მკურნალობა;
- რკინადეფიციტური ანემიის პროფილაქტიკა ორსულობის დროს.

მიღების წესი და დოზირება:
დოზირება და მკურნალობის ხანგრძლივობა დამოკიდებულია რკინის დეფიციტის ხარისხზე და დგინდება ინდივიდუალურად. სადღეღამისო დოზის მიღება შესაძლებელია ერთ ჯერზე ან გაყოფილი რამდენიმე მიღებად. ტაბლეტი უნდა დაიღეჭოს ან გადაიყლაპოს მთლიანად ჭამის დროს ან დაუყოვნებლივ ჭამის შემდეგ.
12 წლის ზევით ასაკის ბავშვები და მოზრდილები (მათ შორის მეძუძური ქალები):
რკინადეფიციტური ანემიის დროს ინიშნება 1-3 ტაბლეტი (100-300 მგ) დღეში. მკურნალობის ხანგრძლივობა შეადგენს 3-5 თვეს და ჰემოგლობინის მაჩვენებლის ნორმალიზების შემდეგ გრძელდება კიდევ რამდენიმე კვირის განმავლობაში, ორგანიზმში რკინის მარაგის აღდგენის მიზნით.
რკინის ლატენტური დეფიციტის დროს ინიშნება 1 ტაბ (100 მგ) დღეში. მკურნალობის ხანგრძლივობა – 1-2 თვე.
ორსული ქალები:
რკინადეფიციტური ანემიის დროს ინიშნება 2-3 ტაბ (200-300 მგ) დღეში ჰემოგლობინის მაჩვენებლის ნორმალიზებამდე. შემდეგ, ორგანიზმში რკინის დონის შენარჩუნების მიზნით, მკურნალობას განაგრძობენ დოზით 1 ტაბ დღეში ორსულობის ბოლომდე.
რკინის ლატენტური დეფიციტი და რკინადეფიციტური მდგომარეობის პროფილაქტიკა: ჩვეულებრივ ინიშნება 1 ტაბ (100 მგ) დღეში.
ფეროვიტი-ავერსი საღეჭი ტაბლეტების რეკომენდებული დოზირება მოყვანილია შემდეგ ცხრილში:

გვერდითი მოვლენები:

კუჭ-ნაწლავის ტრაქტის მხრივ: ხშირად - განავლის ფერის შეცვლა (რკინის პრეპარატების მიღებით განპირობებულ განავლის მუქ შეფერილობას კლინიკური მნიშვნელობა არ აქვს), იშვიათად - მუცლის ტკივილი, გულისრევა, ყაბზობა, კბილის მინანქრის ფერის შეცვლა.
ნერვული სისტემის მხრივ: იშვიათად - თავის ტკივილი.
კანის მხრივ: გამონაყარი, ქავილი.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
- მომატებული მგრძნობელობა პრეპარატის რომელიმე კომპონენტის მიმართ;
- რკინის სიჭარბე ორგანიზმში (ჰემოქრომატოზი, ჰემოსიდეროზი) ან რკინის უტილიზაციის დარღვევა (სიდეროაქრესტიული ანემია, ტყვიისმიერი ანემია, თალასემია);
- ანემია, რომელიც არ არის დაკავშირებული რკინის დეფიციტთან (ჰემოლიზური, მეგალობლასტური, გამოწვეული ვიტამინ B12-ის უკმარისობით).

ურთიერთქმედება სხვა სამკურნალო საშუალებებთან და სხვა სახის ურთიერთქმედება:
კლინიკურად მნიშვნელოვანი ურთიერთქმედების გამოვლენა ფეროვიტი-ავერსით მკურნალობისას სხვა სამკურნალო საშუალებებთან (ტეტრაციკლინი, ანტაციდები) ან კვებით პროდუქტებთან (ფიტინი, ოქსალატები, ტანინი) ნაკლებად სავარაუდოა.
პრეპარატის მიღება არ ახდენს გავლენას ფარულ სისხლდენაზე ანალიზების შედეგებზე, ამიტომ გამოკვლევის დროს არ არის აუცილებელი მკურნალობის შეწყვეტა.
არ არის რეკომენდებული ფეროვიტი-ავერსის რკინის პრეპარატების პარენტერალურ ფორმებთან ერთდროული დანიშვნა, რადგან ამ შემთხვევაში პერორალურად მიღებული რკინის შეწოვა მკვეთრად ქვეითდება.

ჭარბი დოზირება:
რკინა (III) ჰიდროქსიდის პოლიმალტოზური კომპლექსით მკურნალობისას ჭარბი დოზირების შემთხვევები აღწერილი არ არის, რაც განპირობებულია პრეპარატის კონტროლირებადი შეწოვით და დაბალი ტოქსიკურობით (LD50 > 2000 მგ Fe/კგ სხეულის მასაზე).

ორსულობა და ლაქტაცია:
ფეროვიტი-ავერსის გამოყენება ორსულობის და ძუძუთი კვების პერიოდში შესაძლებელია მხოლოდ ექიმთან კონსულტაციის შემდეგ.

განსაკუთრებული მითითებები:
მკურნალობის დაწყებამდე რკინის დეფიციტი დადასტურებული უნდა იყოს ლაბორატორიული მაჩვენებლებით.
იმ შემთხვევაში, თუ ანემია განვითარდა ინფექციური ან სიმსივნური პროცესის ფონზე, რკინის პრეპარატების დანიშვნა მიზანშეწონილია ძირითადი დაავადების მკურნალობის შემდეგ.
ფეროვიტი-ავერსი შეიცავს სორბიტოლს და ნატრიუმის საქარინს, რის გამოც არ ინიშნება პაციენტებში ისეთი იშვიათი მემკვიდრეობითი დაავადებებით, როგორიცაა ფრუქტოზას აუტანლობა, გლუკოზა/გალაქტოზას შეწოვის დარღვევა და საქაროზა-იზომალტაზას უკმარისობა.
პრეპარატის მიღება ბავშვებში რეკომენდებულია სიროფის სახით.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატის მიღება გავლენას არ ახდენს სატრანსპორტო საშუალებებისა და სხვა მექანიზმების მართვის უნარზე.

შეფუთვა:
10 ტაბლეტი ბლისტერში, 3 ბლისტერი მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე ბავშვებისათვის მიუწვდომელ ადგილას.
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა:
3 წელი.
შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი,
ჭირნახულის ქ. 14.

ფარმაკოლოგიური ჯგუფი: ანტიანემიური საშუალებები

ქვეყანა: საქართველო

მწარმოებელი: ავერსი-რაციონალი

გაცემის ფორმა: III ჯგუფი ურეცეპტო

ზოგადი დახასიათება: საერთაშორისო არაპატენტირებული დასახელება: რკინა (III) ჰიდროქსიდის პოლიმალტოზური კომპლექსი.

ძირითადი ფიზიკურ-ქიმიური თვისებები: მოწითალო-მოყავისფრო ბლანტი სითხე ტყის თხილის არომატითა და ტკბილი გემოთი;

შემადგენლობა:  სიროფის 5 მლ შეიცავს: რკინა (III) ჰიდროქსიდის პოლიმალტოზურ კომპლექსს 50 მგ ელემენტარული რკინის ეკვივალენტურს.
დამხმარე ნივთიერებები: თხევადი სორბიტოლი 70% (არაკრისტალიზებადი), გლიცეროლი, მეთილ ჰიდროქსიბენზოატი, პროპილ ჰიდროქსიბენზოატი, ნატრიუმის ციკლამატი, ტყის თხილის არომატიზატორი, გასუფთავებული წყალი.

გამოშვების ფორმა: სიროფი.

ფარმაკოლოგიური ჯგუფი: ანემიის საწინააღმდეგო საშუალებები. სამვალენტიანი რკინის პერორალური პრეპარატები.
ათქ-კოდი: B03AB05.

ფარმაკოლოგიური თვისებები:
რკინა წარმოადგენს ორგანიზმისთვის მეტად მნიშვნელოვან მიკროელემენტს, რომელიც შედის ჰემოგლობინის, მიოგლობინის და სხვადასხვა ფერმენტის შემადგენლობაში. იგი მონაწილეობს სუნთქვის, სისხლის წარმოქმნის, იმუნობიოლოგიურ და სასიცოცხლო მნიშვნელობის სხვა პროცესებში. ფეროვიტის შემადგენლობაში რკინა წარმოდგენილია რკინა (III) ჰიდროქსიდის პოლიმალტოზური კომპლექსის სახით, რომლის სტრუქტურა ორგანიზმის ბუნებრივი ნაერთის – ფერიტინის მსგავსია. პრეპარატი გამოიყენება რკინადეფიციტური ანემიის, რკინის ლატენტური (ფარული) დეფიციტის მკურნალობისას და რკინადეფიციტური მდგომარეობის პროფილაქტიკის მიზნით.
პოლიმალტოზურ კომპლექსს არ გააჩნია ორვალენტიანი რკინის მარილებისთვის დამახასიათებელი პროოქსიდანტური თვისებები, რის გამოც ძალიან დაბალი და დაბალი სიმკვრივის ლიპოპროტეინები ნაკლებად ექვემდებარება დაჟანგვას.

ფარმაკოკინეტიკა:
პერორალური მიღების შემდეგ პრეპარატი შეიწოვება უმეტესწილად თორმეტგოჯა და წვრილ ნაწლავში. ფიზიოლოგიურ პირობებში პოლიმალტოზური კომპლექსი სტაბილურია და არ დისოცირებს რკინის იონების გამოთავისუფლებით. მისი შეწოვა კუჭ-ნაწლავის ტრაქტიდან ხდება აქტიური ტრანსპორტის გზით.
ორმაგი იზოტოპების (55Fe და 59Fe) გამოყენებით ჩატარებული კვლევების თანახმად, რკინის აბსორბცია მიღებული დოზის უკუპროპორციულია (რაც უფრო მაღალია დოზა, მით უფრო დაბალია აბსორბცია), რაც პრაქტიკულად გამორიცხავს ჭარბ დოზირებას. დადგენილია ასევე, რომ რაც უფრო დიდია ორგანიზმში რკინის დეფიციტი, მით უფრო აქტიურად მიმდინარეობს მისი შეწოვის პროცესი. შეწოვილი რკინა გამოიყენება ძვლის ტვინში ჰემოგლობინის სინთეზისთვის ან ფერიტინის სახით დეპონირდება უმეტესად ღვიძლში. არააბსორბირებული რკინა გამოიყოფა განავლით. კუჭ-ნაწლავის და კანის აქერცლილი ეპითელიუმით, ოფლით, შარდით და ნაღველით ორგანიზმიდან დღე-ღამეში დაახლოებით 1 მგ რკინა გამოიყოფა. გასათვალისწინებელია რკინის დაკარგვა ქალებში მენსტრუაციის დროს.

ჩვენება:
- რკინის ლატენტური დეფიციტის მკურნალობა;
- რკინადეფიციტური ანემიის მკურნალობა;
- რკინადეფიციტური ანემიის პროფილაქტიკა ორსულობის დროს.

მიღების წესი და დოზირება:
დოზირება და მკურნალობის ხანგრძლივობა დამოკიდებულია რკინის დეფიციტის ხარისხზე და დგინდება ინდივიდუალურად. სადღეღამისო დოზის მიღება შესაძლებელია ერთ ჯერზე ან გაყოფილი რამდენიმე მიღებად, ჭამის დროს ან დაუყოვნებლივ ჭამის შემდეგ. დასაშვებია სიროფის დამატება ხილის/ბოსტნეულის წვენებსა და ბავშვთა კვებაში. სიროფის გამოყენება შესაძლებელია ფლაკონის გახსნიდან 28 დღის განმავლობაში.
რკინადეფიციტური ანემია:
მკურნალობის ხანგრძლივობა შეადგენს 3-5 თვეს და ჰემოგლობინის მაჩვენებლის ნორმალიზების შემდეგ გრძელდება კიდევ რამდენიმე კვირის განმავლობაში, ორგანიზმში რკინის მარაგის აღდგენის მიზნით.
1 წლამდე ასაკის ბავშვები: მკურნალობას იწყებენ დოზით 2.5 მლ სიროფი (1/2 საზომი კოვზი) დღეში. შემდეგ დოზას თანდათან ზრდიან 5 მლ-მდე (1 საზომი კოვზი) დღეში.
1-დან 12 წლამდე ასაკის ბავშვები: 5-10 მლ სიროფი (1-2 საზომი კოვზი) დღეში.
12 წლის ზევით ასაკის ბავშვები და მოზრდილები (მათ შორის მეძუძური ქალები):
საშუალო სადღეღამისო დოზა შეადგენს 10-30 მლ-ს (2-6 საზომი კოვზი).
ორსული ქალები: ინიშნება 20-30 მლ სიროფი (4-6 საზომი კოვზი) დღეში ჰემოგლობინის მაჩვენებლის ნორმალიზებამდე. შემდეგ, ორგანიზმში რკინის დონის შენარჩუნების მიზნით, მკურნალობას განაგრძობენ დოზით 10 მლ (2 საზომი კოვზი) დღეში ორსულობის ბოლომდე.
რკინის ლატენტური დეფიციტი:
მკურნალობის ხანგრძლივობა შეადგენს 1-2 თვეს.
ფეროვიტის სიროფი არ გამოიყენება ერთ წლამდე ასაკის ბავშვებში რკინის ლატენტური დეფიციტის დროს.
1-დან 12 წლამდე ასაკის ბავშვები: 2.5-5 მლ სიროფი (1/2-1 საზომი კოვზი) დღეში.
12 წლის ზევით ასაკის ბავშვები და მოზრდილები (მათ შორის მეძუძური ქალები): 5-10 მლ სიროფი (1-2 საზომი კოვზი) დღეში.
ორსული ქალები: რკინის ლატენტური დეფიციტის და რკინადეფიციტური მდგომარეობის პროფილაქტიკის მიზნით ინიშნება 5–10 მლ სიროფი (1-2 საზომი კოვზი) დღეში.
ფეროვიტი სიროფის რეკომენდებული დოზირება მოყვანილია შემდეგ ცხრილში:

გვერდითი მოვლენები:

კუჭ-ნაწლავის ტრაქტის მხრივ: ხშირად - განავლის ფერის შეცვლა (რკინის პრეპარატების მიღებით განპირობებულ განავლის მუქ შეფერილობას კლინიკური მნიშვნელობა არ აქვს), იშვიათად - მუცლის ტკივილი, გულისრევა, ყაბზობა, კბილის მინანქრის ფერის შეცვლა.
ნერვული სისტემის მხრივ: იშვიათად - თავის ტკივილი.
კანის მხრივ: გამონაყარი, ქავილი.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
- მომატებული მგრძნობელობა პრეპარატის რომელიმე კომპონენტის მიმართ;
- რკინის სიჭარბე ორგანიზმში (ჰემოქრომატოზი, ჰემოსიდეროზი) ან რკინის უტილიზაციის დარღვევა (სიდეროაქრესტიული ანემია, ტყვიისმიერი ანემია, თალასემია);
- ანემია, რომელიც არ არის დაკავშირებული რკინის დეფიციტთან (ჰემოლიზური, მეგალობლასტური, ვიტამინ B12-ის უკმარისობით გამოწვეული).

ურთიერთქმედება სხვა სამკურნალო საშუალებებთან და სხვა სახის ურთიერთქმედება:
ფეროვიტით მკურნალობისას კლინიკურად მნიშვნელოვანი ურთიერთქმედების გამოვლენა სხვა სამკურნალო საშუალებებთან (ტეტრაციკლინი, ანტაციდები) ან კვებით პროდუქტებთან (ფიტინი, ოქსალატები, ტანინი) ნაკლებად სავარაუდოა.
პრეპარატის მიღება არ ახდენს გავლენას ფარულ სისხლდენაზე ანალიზის შედეგზე, ამიტომ, გამოკვლევის დროს არ არის აუცილებელი მკურნალობის შეწყვეტა.
არ არის რეკომენდებული ფეროვიტის რკინის პრეპარატების პარენტერალურ ფორმებთან ერთდროული დანიშვნა, რადგან ამ შემთხვევაში, პერორალურად მიღებული რკინის შეწოვა მკვეთრად ქვეითდება.

ჭარბი დოზირება:
რკინა (III) ჰიდროქსიდის პოლიმალტოზური კომპლექსით მკურნალობისას ჭარბი დოზირების შემთხვევები აღწერილი არ არის, რაც განპირობებულია პრეპარატის კონტროლირებადი შეწოვით და დაბალი ტოქსიკურობით (LD50 > 2000 მგ Fe/კგ სხეულის მასაზე).

ორსულობა და ლაქტაცია:
ფეროვიტის გამოყენება ორსულობის და ძუძუთი კვების პერიოდში შესაძლებელია მხოლოდ ექიმთან კონსულტაციის შემდეგ.

განსაკუთრებული მითითებები:
მკურნალობის დაწყებამდე რკინის დეფიციტი დადასტურებული უნდა იყოს ლაბორატორიული მაჩვენებლებით.
იმ შემთხვევაში, თუ ანემია განვითარდა ინფექციური ან სიმსივნური პროცესის ფონზე, რკინის პრეპარატების დანიშვნა მიზანშეწონილია ძირითადი დაავადების მკურნალობის შემდეგ.
ფეროვიტი შეიცავს სორბიტოლს, რის გამოც არ ინიშნება პაციენტებში ისეთი იშვიათი მემკვიდრეობითი დავადებებით, როგორიცაა ფრუქტოზას აუტანლობა, გლუკოზა/გალაქტოზას შეწოვის დარღვევა და საქაროზა-იზომალტაზას უკმარისობა.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატის მიღება გავლენას არ ახდენს სატრანსპორტო საშუალებებისა და სხვა მექანიზმების მართვის უნარზე.

შეფუთვა:
100 მლ სიროფი ფლაკონში, 1 ფლაკონი საზომი კოვზით მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე ბავშვებისათვის მიუწვდომელ ადგილას.
ფლაკონის გახსნის შემდეგ სიროფი გამოყენებისთვის ვარგისია 28 დღე.

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა: 3 წელი.
შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:
შპს “ავერსი-რაციონალი” (საქართველო).

მისამართი:
საქართველო 0198, თბილისი,
ჭირნახულის ქ. 14.

არაპატენტირებული საერთაშორისო დასახელება:

რკინის (III) ჰიდროქსიდ-საქაროზული კომპლექსი - Sacchararated iron oxidi

მწარმოებელი: სანტა ფარმა ილაჩ სანაია ა. შ.

წამლის ფორმა:

ხსნარი ინტრავენური ინექციისთვის

შემადგენლობა: 1 ამპულა (5მლ) შეიცავს:

აქტიურ ნივთიერებას: რკინის (III) ჰიდროქსიდ-საქაროზული კომპლექსს, რომელიც 100 მგ ელემენტალური რკინის ექვივალენტურია.

დამხმარე ნივთიერებას: ნატრიუმის ჰიდროქსიდი, საინექციო წყალი.

აღწერა: მუქი ხსნარი უფერო ამპულებში.

ფარმაკოთერაპიული ჯგუფი:

ანტიანემიური პრეპარატი/რკინის (III) პრეპარატი პარენტერალური გამოყენებისათვის

ფარმაკოლოგიური თვისებები:

ფარმაკოდინამიკა:

სამვალენტიანი რკინა რომელსაც შეიცავს პრეპარატი ფეროვენი წარმოადგენს რკინის (III) ჰიდროქსიდ-საქაროზულ კომპლექსს.  მაკრომოლეკულურ ვენაში შეყვანის შემდეგ ფეროვენი შემადგენლობაში არსებული მაკრომოლეკულური რკინის (III) ჰიდროქსიდ-საქაროზული კომპლექსი იშლება რკინად და საქაროზად, ძირითადად ღვიძლში. მიუხედავად იმისა, რომ რკინა გამოიყენება ჰემოგლობინის, მიოგლობინის და რკინის შემცველი ფერმენტების ბიოსინთეზისათვის, ნაწილობრივ იგი ორგანიზმში რჩება ფერიტინის მარაგის სახით. კლინიკური კვლევების დროს გამოვლინდა, რომ უფრო სწრაფი ჰემატოლოგიური პასუხი მიიღწეოდა რკინის (III) ჰიდროქსიდ-საქაროზული კომპლექსით, რომლის შეყვანაც წარმოებდა ვენაში, რკინის ხსნადი პრეპარატების პერორალურ ფორმასთან შედარებით. 22 ავადმყოფში ადამიანის რეკომბინანტური ერითროპოეტინს (ჰემოდიალიზის თერაპიის პირობებში) რკინის (III) ჰიდროქსიდ-საქაროზულ კომპლექსთან ინტრავენურად მოხმარებისას კვირაში სამჯერ სამი კვირის მანძილზე იწვევდა შრატის რკინისა და შრატის ფერიტინის დონის მნიშვნელოვან გაზრდას. სისხლის შრატში ადგილი ჰქონდა რკინის შემაკავშირებელი უნარის მნიშვნელოვან შემცირებას რკინის  ჰიდროქსიდ-საქაროზული კომპლექსის ვენაში შეყვანის დაწყებიდან ოთხი კვირის განმავლობაში. კომპლექსის შემადგენლობაში არსებული ბმულები შედგება საქაროზისგან (დისაქარიდი) და არ შეიცავს დექსტრანს (პოლისაქარიდს). დექსტრანის საწინააღმდეგო გარკვეული ანტისხეულების ერთდროულად მოქმედებისას არ ვლინდება დექსტრანით გამოწვეული ანაფილაქსიური რეაქციები.

ისევე როგორც რკინით ყოველი თერაპია, რკინა  ჰიდროქსიდ-საქაროზული კომპლექსიც არ ახდენს გავლენას ერითროპოეზსა და ანემიაზე, რომლებიც არ არის დაკავშირებული რკინადეფიციტთან.

ფარმაკოკინეტიკა

აბრსორბცია და განაწილება: რკინის ჰიდროქსიდ-საქაროზული კომპლექსის ვენაში შეყვანისას ნახევრადგამოყოფის პერიოდი შეადგენს 6 სთ-ს, ხოლო საერთო კლირენსი 1,2 ლ/სთ-ს. არასტაციონარული მდგომარეობის დროს განაწილების მოცულობა შეადგენს 10,0 ლ-ს, ხოლო სტაციონარული მდგომარეობის დროს - 7,9 ლ-ს.

მეტაბოლიზმი და გამოყოფა:

ვენაში შეყვანის შემდეგ რკინა (III) ჰიდროქსიდ-საქაროზული კომპლექსი იშლება რკინად და საქაროზად რეტიკულურ-ენდოთელურ სისტემაში. საქაროზის ნაწილი ძირითადად გამოიყოფა შარდთან ერთად. საქაროზის 68% შარდთან ერთად გამოიყოფა 4 საათის განმავლობაში, ხოლო 75% - 24 საათის განმავლობაში. რკინის მხოლოდ 5% გამოიყოფა შარდთან ერთად 24 საათის განმავლობაში ყოველი დოზის მიღებისას.

პაციენტების განსაკუთრებული ჯგუფები:

ამ ეტაპზე არ არსებობს მონაცემები რკინა (III) ჰიდროქსიდ-საქაროზული კომპლექსთან დაკავშირებით ღვიძლის ან თირკმელების დისფუნქციის მქონე ავადმყოფებში გამოყენებასთან დაკავშირებით.

გამოყენების ჩვენება:

ვინაიდან არ არსებობს მონაცემები ბავშვებში პრეპარატის გამოყენების ეფექტურობასა და უსაფრთხოებასთან დაკავშირებით ფეროვენი® გამოყენებული უნდა იქნეს მხოლოდ მოზრდილებში.

ერთი ამპულა (100 მგ) ფეროვენი კვირაში 1-3-ჯერ. მთლიანი დოზა ჰემოდიალიზზე მყოფ ავადმყოფებში შეადგენს 1000 მგ, რომელიც 10 დოზად უნდა იქნას განაწილებული. რეკომენდირებული დოზა აუცილებლობის შემთხვევაში შეიძლება განმეორდეს, სიხშირე არ უნდა აღემატებოდეს კვირაში სამჯერადს.

პრეპარატი ფეროვენი საჭიროა გამოყენებული იქნას  მხოლოდ ინტრავენურად (ინექციის ნელ-ნელად შეყვანით, ან ინფუზიით).

რეკომენდირებულია ვენაში ინექციის ნელი შეყვანა, შემდეგი გაანგარიშებით: გაუზავებელი ფეროვენის 1 მლ ერთ წუთში. ერთი ინექციისთვის გამოიყენება ფეროვენის მხოლოდ ერთი ამპულა, გამოყენების შემდეგ ამპულაში ნარჩენი უნდა განადგურდეს.

ინფუზიისთვის ფეროვენის ყოველი ამპულა უშუალოდ მოხმარების წინ განზავებული უნდა იქნას 0,9%-იან ნატრიუმის ქლორიდის 100 მლ ხსნარში. მომზადებული ხსნარი პაციენტებში შეიყვანება 15 წუთის განმავლობაში. პრეპარატის ვენაში ნელი შეყვანა ამცირებს ჰიპოტენზიური კრიზისის განვითარების რისკს.

არ შეიძლება ფეროვენის ამპულის შერევა სხვა სამკურნალო პრეპარატთან შერევა.

სიფრთხილის ზომები გამოყენების დროს:

შენახვის პირობების დაუცველობისას შესაძლებელია წარმოქმნას ნალექი.

ინექციის შეყვანამდე საჭიროა ამპულის შემოწმება;

არ გამოიყენება ნალექიანი ამპულა.

ავადმყოფებში შესაძლებელია იშვიათ შემთხვევაში გამოიწვიოს ჰიპოტენზია, კიდურების კრუნჩხვა, გულისრევა, ღებინება, დიარეა, ჭინჭრის ციება. ქალებში იშვიათად ვითარდება ანაფილაქსიური რეაქციები, საჭიროა მიღებული იქნას უსაფრთხოების ზომები.

ფეროვენის შემადგენლობაში არსებული კომპონენტების მომატებული მგრძნობელობა;

რკინით გადატვირთვის დროს (ჰემოქრომატოზი, ქრონიკული ჰემოლიზი, რკინის უტილიზაციის მექანიზმების დარღვევა, ტყვიით გამოწვეული ანემია, სიდეროაქრესტიული ანემია);

თალასემია;

არარკინადეფიციტური ანემიები (ჰემოლიზური ანემია).

რეგულარული სისხლის გადასხმა. ფეხმძიმობის I ტრიმესტრი.

ღვიძლის ციროზის მძიმე ფორმა ან ჰეპატიტი.

სხვა პრეპარატებთან ურთიერთქმედება:

არ ინიშნება რკინის პერორალურ პრეპარატებთან ერთად. მათი მირება რეკომენდირებულია ბოლო ინექციიდან 5 დღის შემდეგ. ფეროვენის განზავება ან ერთ შპრიცში შერევა შესაძლებელია მხოლოდ ფიზიოლოგიურ ხსნართან.

ფეხმძიმობა და ლაქტაცია:

ნაყოფზე ზემოქმედების მიხედვით განეკუთვნება B კატეგორიას FDA -ს მიხედვით. პრეპარატი გამოიყენება მხოლოდ უკიდურესი აუცილებლობის შემთხვევაში.

გამოშვების ფორმა:

5 ამპულა (I ტიპის მინა 5 მგ-იანი), განთავსებული სეპარატორში, რომელსაც თან ახლავს ინსტრუქცია, მოთავსებული მუყაოს კოლოფში)

შენახვის პირობები:

ინახება ოთხის ტემპერატურაზე 25ºC ქვევით, კარგად დახურულ დაფასოებაში, ბნელ და ბავშვებისათვის მიუწვდომელ ადგილას. არ შეიძლება მისი გაყინვა.

ვარგისიანობის ვადა:

2 წელიწადი

გაცემის პირობები:

ფარმაცევტული პროდუქტის ჯგუფი I I (გაიცემა ექიმის რეცეპტით)

სახელი, გვარი ^*

მიმართულება ^*
აირჩიე

კლინიკა ^*
აირჩიე

საერთაშორისო დასახელება:

comb. drug

კლინიკურ-ფარმაკოლოგიური ჯგუფი:

ნაწლავის მიკროფლორის წონასწორობის მარეგულირებელი საშუალებები

მწარმოებელი: ESI s.p.a, იტალია

შემადგენლობა და გამოშვების ფორმა:

კაფსულა # 15

თითოეული კაფსულის შემადგენლობაში აქტიური კომპონენტების სახით შედის:

Bifidobacterium bifidum, Lactobacillus acidophilus, Streptococcus thermophilus, Lactobacillus bulgaricus, Lactobacillus rhamnosus ბაქტერიების კუჭის მჟავე გარემოს მიმართ მდგრადი 20 მილიარდი შტამი,

1.4 მგ ვიტამინი B1;

1.6 მგ ვიტამინი B2;

2 მგ ვიტამინი B6;

1 მკგ ვიტამინი B12;

20 მგ ალოე ვერა 200:1.

დამხმარე ნივთიერებები:

საკვები ჟელატინი, მიკროკრისტალური ცელულოზა, ჰიდროქსიპროპილმეთილცელულოზა, მცენარეული მაგნიუმის სტეარატი და სილიციუმის დიოქსიდი, საღებავი – ტიტანის დიოქსიდი.

ფარმაკოლოგიური თვისებები:

ფერმენტალის შემადგენლობაში შემავალი გასტრო-რეზისტენტული რძემჟავა ბაქტერიები არ იშლებიან კუჭის მჟავე გარემოში, ხანმოკლე დროის განმავლობაში აღწევენ ნაწლავებამდე და აღადგენენ ნაწლავური მიკროფლორის დარღვეულ ბალანსს.

Bifidobacterium bifidum, Lactobacillus acidophilus და Lactobacillus bulgaricus ნორმალური ნაწლავური ფლორის წარმომადგენლებია. ეს ბაქტერიები არეგულირებენ და ინარჩუნებენ ნაწლავური მიკროფლორის ფიზიოლოგიურ ბალანსს და უზრუნველყოფენ მის ფიზიოლოგიურ ფუნქციონირებას, ხელს უშლიან პირობით - პათოგენური და პათოგენური მიკროორგანიზმების განვითარებას, ასტაბილებენ პერისტალტიკას, აუმჯობესებენ საჭმლის მონელებას, მონაწილეობენ ვიტამინების სინთეზში, მცირდება აირების წარმოქმნა.

Lactobacillus rhamnosus ასტიმულირებს ინტერფერონის და იმუნოგლობულინების სინთეზს, რის შედეგად იზრდება ორგანიზმის მდგრადობა ინფექციური დაავადებების მიმართ. Lactobacillus rhamnosus ამცირებს ნაწლავების ავთვისებიანი სიმსივნის განვითარების რისკს.

B ჯგუფის ვიტამინები ავსებენ ნაწლავების ფიზიოლოგიური წონასწორობის დარღვევის შედეგად განვითარებულ ვიტამინების დეფიციტს. ამავე დროს B ჯგუფის ვიტამინები უზრუნველყოფენ ნაწლავური ფლორის წონასწორობის აღდგენას.

ალოე ვერა აღმოფხვრის დისპეფსიურ მდგომარეობას და აუმჯობესებს საჭმლის მონელებას, აძლიერებს ლორწოვანი გარსის რეგენერაციას, აკონტროლებს ნაწლავური მოკროფლორის განვითარებას, ხელს უშლის პათოგენური მიკროორგანიზმების და სოკოების განვითარებას. ფერმენტალის შემადგენლობაში შემავალი ალოე წარმოადგენს მოლეკულა ანტრაქინონ-ლაქსატივებისგან გასუფთავებულ ალოეს, რის გამოც არ ახასიათებს საფაღარათო მოქმედება.

ჩვენებები:

ფერმენტალი გამოიყენება შემდეგი მდგომარეობების დროს:

• დისბაქტერიოზი და მისი სიმპტომები.
• ანტიბიოტიკოთერაპიის და სხივური თერაპიის შედეგად განვითარებული დისბაქტერიოზი.
• საჭმლის მონელების დარღვევები (დისპეფსია): ყაბზობა, მეტეორიზმი, გულისრევა, ღებინება, ბოყინი, ტკივილი მუცლის მიდამოში.
• მალაბსორბციის სინდრომი.
• მწვავე ნაწლავური ინფექციები (დიზენტერია, სალმონელოზი, სტაფილოკოკური ენტეროკოლიტი, როტავირუსული ინფექცია და სხვა).
• იმუნოდეფიციტური მდგომარეობები. საფაღარათო საშუალებების ხანგრძლივი გამოყენება.

მიღების წესები და დოზები:

ორი წლის ზემოთ და მოზრდილებში ინიშნება 1 კაფსულა დღეში ერთხელ. ორ წლამდე ასაკის ბავშვებში ინიშნება 1/2 კაფსულა დღეში ერთხელ. კაფსულის გახსნის შემდეგ მისი შიგთავსი შეიძლება გაიხსნას სითხეში (ჩაი, წყალი, წვენი).

გვერდითი მოვლენები:

არ აღნიშნულა.

უკუჩვენება:

* მომატებული მგრძნობელობა პრეპარატის შემადგენლობაში შემავალი კომპონენტების მიმართ.

შენახვის პირობები და ვადები:

მითითებული ვადის გასვლის შემდეგ პრეპარატი არ გამოიყენება.

ინახება არაუმეტეს 25С° ტემპერატურაზე, მშრალ ადგილას, კოლოფში.

სასახსრე სითხე:

სასახსრე სითხე  არის სახსრის საპოხი ნივთიერება, რომლის ერთ-ერთი ყველაზე მნიშვნელოვანი შემადგენელი კომპონენტია ჰიალურონის მჟავა - ნატრიუმის ჰიალურონატის სახით. ჰიალურონის მჟავა არის ბუნებრივი წარმოშობის ნივთიერება, რომელიც შედის ხერხემლიანი ორგანიზმის თითქმის ყველა შემაერთებელი ქსოვილის ციტოპლაზმის შემადგენლობაში. ადამიანის სახსრის ჰიალურონის მჟავა წარმოიქმნება  სასახსრე ქსოვილში და გამოიყოფა სასახსრე სივრცეში სადაც აკუმულირდება ხრტილებისა და იოგების ზედაპირზე.

სახსარში ჰიალურონის მჟავის არსებობა უზრუნველყოფს კოლაგენური ქსოვილის გაპოხვას, დაცვას და მექანიკურ სტაბილურობას. ჰიალურონის მჟავა იცავს სასახსრე ხრტილის უჯრედებს ბიომექანიკური ცვეთისაგან და ტკივილის რეცეპტორებს გაღიზიანებისაგან.

ოსტეოართრიტი:

ოსტეოართრიტი არის არაანთებითი გენეზის პროგრესირებადი დაავადება, რომელიც აზიანებს მოძრავი სახსრს, განსაკუთრებით კი წონითი დატვირთვის მქონე სახსარს, როგორიცაა მუხლის სახსარი.

დაავადება იწვევს სინოვიალური სითხის შემადგენლობის ცვლილებებს, რის შედეგადაც სინოვიალური სითხის სხვადასხვა დამცავი ფიზიოლოგიური ფუნქციები ითრგუნება. კლინიკური კვლევები ადასტურებენ ნატურალური ნივთიერების ჰიალურონის მჟავის სახსარშიდა ინექციის დადებით თერაპიული ეფექტს, რის შედეგადაც მცირდება ტკივილი და სახსარში მოძრაობა უმჯობესდება.

ოსტეოართრიტი იწვევს სასახსრე სითხის ცვლილებებს:

• მცირდება ჰიალურონის მჟავის საშუალო მოლეკულურ მასა;

• მცირდება სინოვიალური სითხის წებოვნება-სიბლანტე;

• მცირდება ჰიალურონის მჟავის კონცენტრაცია;

• მცირდება ჰიალურონის მჟავის ინტრამოლეკულური ურთიერთქმედება.

აღნიშნული რეოლოგიური თვისებების შეცვლა იწვევს კოლაგენური ქსოვილის მთლიანობის დარღვევას და ტკივილის რეცეპტორების გაღიზიანებას. ჰიალურონის მჟავის შემცველი ბუნებრივი სასახსრე სითხის ინექციის შედეგად ხდება სასახსრე სივრცის რეოლოგიური თვისებების აღდგენა. პირველად 1971 წელს აღწერილ იქნა ამ მეთოდის   გამოყენება ადამიანზე; შემდგომმა კვლევებმა დაადასტურა რომ იგი წარმოადგენს ეფექტურ სიმპტომურ თერაპიას.

ფერმატრონი არის ნატრიუმის ჰიალურონატის ხსნარი სახსარშიდა ინექციისთვის. ფერმატრონის შემადგენლობაში შემავალი ნატრიუმის ჰიალურონატის მოლეკულური მასაა 1 მლნ დალტონი; იგი ქიმიურად ადამიანის ორგანიზმში აღმოჩენილი ნატრიუმის ჰიალურონატის იდენტურია. აქედან გამომდინარე ცხადია, რომ ფერმატრონი ხასითდება მაქსიმალურად მაღალი ბიოშეთავსებადობით.

წარმოება: ნატრიუმის ჰიალურონატის წარმოება ხდება ბუნებრივი ბაქტერიის Streptococcus equi-ის უწყვეტი ფერმენტაციის შედეგად. უწყვეტი ფერმენტაციის პროცესი ქმნის ხელსაყრელ მდგრად გარემოს, სადაც მიკროორგანიზმების ზრდა ბალანსირებულია და უჯრედის დაშლისა და ცვლის დონის მინიმიზირების შედეგად მცირდება ტოქსიური მეტაბოლიტების გამოყოფა.

ნატრიუმის ჰიალურონატი წარმოიქმნება ბაქტერიის ირგვლივ კაფსულის სახით, ასე რომ რომ მისი გამოყოფა შესაძლებელია ბაქტიერიის მთლიანობის დაშლის გარეშე. უწყვეტი ბაქტერიული ფერმენტაციის პროცესი იძლევა მარტივი, მაგრამ საგულდაგულო გასუფთავების საშუალებას, რის შედეგადაც მიიღება მაღალ დასუფთავებული საბოლოო პროდუქტი.

აღწერილობა: ფერმატრონი წარმოადგენს ნატრიუმის ჰიალურონატისა და  ბუფერული ფოსფატის წმინდა სტერილურ 1%-იანი ხსნარს. ფილტრაციის გზით სტერილიზირებული 2.0მლ ფერმატრონი მოთავსებულია ერთჯერადი მოხმარების მინის შპრიცში. შპრიცი შეფუთულია ბლისტერით და მოთავსებულია გარეგან შეფუთვაში – მუყაოს კოლოფში. შპრიცის გარეგანი ზედაპირი სტერილიზებულია ეთილენის ოქსიდით.

დოზირება:

რეკომენდირებული დოზირების რეჟიმი – დაზიანებული სინოვიალური სახსრის არეში ინექცია კვირაში ერთხელ, ინექციის რაოდენობა ვარირებს 3-5 ინექციამდე და დამოკიდებულია სანოვიალური სახსრის დეგენერაციული პროცესის ან ტრამვის სიმძიმეზე. მსუბუქი და საშუალო სიმძიმის მუხლის სახსრის ოსტეოართრიტის დროს კეთდება  2მლ ფერმატრონის ინექცია, კვირაში ერთი, ინექციების საერთო რაოდენობა ვარირებს - 3-5–მდე.

ინექციის გაკეთების წესი:

აუცილებელია დარწმუნდეთ, რომ დაზიანებული სახსრის არე – ანუ ინექციის არე არ არის ინფიცირებული, და გამოირიცხოს კანის რომელიმე დაავადება. გაწმინდეთ საინექციო არე ანტისეპტიკური საშულებით. ინექციის გაკეთებდამდე დაელოდეთ საინექციო არის გაშრობას. თუ კი ადგილი აქვს სახსრიდან გამონადენის არსებობას, ინექციის ჩატარებამდე აუცილებელია მისი ამოშრობა.

შპრიცის შიგთავსი სტერილურია, ამიტომ ინექციის ჩატარება უნდა მოხდეს სტერილური შესაბამისი ზომის ნემსით (რეკომენდირებულია 19-დან 20 დანაყოფამდე). შპრიცი ერგება ლუერის საკეტით (6%).

მუხლის ოსტეოართრიტის დროს ფერმატრონის ეფექტურობა და უსაფრთოხოება შედარებულ იქნა ალტერნატიულ საპოხი თვისებების მქონე დანამატთან ფართო რანდომიზირებულ მრავალცენტრიან კვლევაში

Lequesne Index –ეს ინდექსი მოიცავს ტკივილის (5 კითხვა), სიარულის დისტანციის (1 კითხვა), (4 კითხვა) თეძოსა და მუხლის სახსარში მოძრაობის  შესაძლებლობების შესახებ მონაცემებს. თითოეულ კითხვის შესაბამისი ქულა ჯამდება სხვა დანარჩენთან, რათა განსაზღვრულ იქნეს დაავადების სიმძიმის შემაფასებელი ქულა. ქულა 1-დან 4 მდე  - კლასიფიცირებულია როგორც მსუბუქი ოსტეოართრიტი, 5-7-მდე – საშუალო სიმძიმის ოსტეოართრიტი, 8-10მდე – მძიმე ფორმის ოსტეოართრიტი, 14 –კი უკიდურესად მძიმე ფორმის ოსტეოართრიტი.

მთლიანი შეფასება: დაკვირვების შედეგად დადგინდა ლექუესნეს ინდექსისა და ტკივილის სიმპტომის შესაბამისი ქულის გაუმჯობესება ფერმატრონით ნამკურნალევ პაციენტთა 72.4%-ში, ხოლო 69-6%-ანალოგიური პრეპარატით ნამკურნალევ პაციენტთა ჯგუფში. კლინიკური სიმტომების გაუმჯობესება ნარჩუნდება არანაკლებ 6 თვის განმავლობაში, მხოლოდ 9 პაციენტის შემთხვევაში შეიქმნა დამატებითი ჩარევის აუცილებლობა.

ამტანობა:

ტოლერანტულობა ინტრაარტიკულარული ინექციის მიმართ დამაკმაყოფილებელია. არ აღინიშნებოდა ფერმატრონთან დაკავშირებული სისტემური გვერდითი ეფექტები.

მხოლოდ 24 პაციენტში აღინიშნებოდა ისეთი სიმპტომები როგორიცაა ტკივილი, შეშუპება, გამონადენი, სახსარში მოძრაობის შეზღუდვა. აღნიშნული სიმპტომები გამოწვეულია სახსარშიდა ინექციით და წარმოადგენს ადგილობრივი რეაქციის შედეგს. ეს სიმპტომები უმეტეს შემთხვევაში არის ადგილობრივი და უმთავრესად ატარებს მსუბუქ და გარდამავალ ხასიათს ამიტომ მკურნალობის შეწყვეტის აუცილებლობა არ იქმნება.

ვიზუალური ანალოგიური ტკივილის შკალა: დაზინებული სახსარში ტკივილი პაციენტის მიერ შეფასებულ იქნა - 100მმ VAS-ით. ორივე ჯგუფის შემთხვევაში ტკივილის მნიშვნელოვანი შემცირება აღინიშნა. ფერმატონის ჯგუფში საწყისი მაჩვენებლიდან სამი თვის გასვლის შემდეგ ტკივილის მაჩვენებელი შემცირდა 55%-ით. ჯგუფებს შორის მნიშვენლოვანი განსხვავება არ დაფიქსირებულა.