ფარმაკოლოგიური თვისებები

მიდოკალმი წარმოადგენს პრეპარატს, რომელიც მოქმედებს ცენტრალურ ნერვულ სისტემაზე. იგი ამცირებს ექსპერიმენტულად გაძლიერებულ კუნთოვან ტონუსს და დეცერებრაციულ რიგიდობას. პრეპარატი თრგუნავს რეტიკულოსპინალურ რეფლექსურ აგზნებადობას. იგი არ მოქმედებს თავის ტვინის ქერქის ფუნქციაზე, აძლიერებს პერიფერიულ სისხლმიმოქცევას. პრეპარატის მოქმედება სისხლმიმოქცევაზე არ არის დამოკიდებული თავის ტვინის ვაზომოტორული ცენტრების რეგულაციაზე, რაც მიუთითებს მისი მოქმედების პერიფერიული მექანიზმების შესახებ.

ჩვენებები

• განივზოლიანი კუნთების მომატებული ტონუსის დასაქვეითებლად, რომელიც გამოწვეულია ორგანული ნევროლოგიური დაავადებებით (პირამიდული გზების დაზიანება, მრავლობითი სკლეროზი, მიელოპათია, ენცეფალომიელიტი), მაგალითად, კუნთების ჰიპერტონია, კუნთების სპაზმი, კუნთების კონტრაქტურა, რიგიდულობა, სპინალური ავტომატიზმი.
• სისხლძარღვთა მაობლიტირებელი დაავადებები (არტერიების მაობლიტირებელი ათეროსკლეროზი, დიაბეტური ანგიოპათია, მაობლიტირებელი თრომბანგიტი, რეინოს დაავადება, დიფუზური სკლეროდერმა). ამის გარდა, პათოლოგია, გამოწვეული სისხლძარღვოვანი ინერვაციის დარღვევით (აკროციანოზი, ხანგამოშვებითი ანგიონევროზული დისბაზია). პოსტთრომბული ვენური და ლიმფის მიმოქცევის მხრივ დარღვევები, წვივის წყლული.

დოზირების რეჟიმი

მიდოკალმი ინიშნება დოზით 200 მგ დღეში (1 ამპულა 2-ჯერ) კუნთებში, ან ყოველდღიურად 100 მგ (1 ამპულა) ინტრავენურად, ნელა.

გვერდითი მოვლენები

- კუნთების სისუსტე, ძილიანობა.

- იშვიათად აღინიშნება ჰიპერმგრძნობელობის რეაქცია (ანაფილაქსიური, შოკი, დისპნოე);

- კანის რეაქციები: ქავილი, ერითემა, მაკულოპაპულოზური გამონაყარი, ამის გარდა, ჰიპოტენზია, გულისრევა, ღებინება, დისკომფორტის შეგრძნება მუცელში.

გვერდითი მოვლენები გაივლის დოზის შემცირების შემთხვევაში.

უკუჩვენებები

* მძიმე მიასთენია;

* ორსულობა და ლაქტაციის პერიოდი;

* ბავშვებში.

ფარმაკოლოგიური თვისებები

კანის სოკოვანი დაავადებების სამკურნალო ანტიმიკოზური საშუალება. ეფექტურია სოკოების Epidermophyton, microsporum spp., Malassezia furfur წინააღმდეგ, მაგრამ უეფექტოა Candida spp., და ბაქტერიების წინააღმდეგ.

ჩვენებები

• დერმატომიკოზების მკურნალობა და პროფილაქტიკა;
• ქატოსებრი ლიქენი (Pityriasis versicolor)

დოზირების რეჟიმი

დაზიანებული კანი მალამოს თხელი ფენით იფარება.

გვერდითი მოვლენები

მოსალოდნელი ალერგიული რეაქციები.

უკუჩვენებები

ჭარბი მგრძნობელობა ტოლნაფტატისადმი.

განსაკუთრებული მითითებები

სოკოვანი დაავადების პირველადი განკურნების მიუხედავად მოსალოდნელია რეციდივი, რასაც მკურნალობის მეორე კურსი შეიძლება დასჭირდეს.

ტოლნაფტატი მონოთერაპიის სახით არაა განკუთვნილი ფრჩხილის ბუდის ან თმის ფოლიკულების ღრმა სოკოვან დაავადებათა სამკურნალოდ, მაგრამ აღნიშნულ შემთხვევებში სისტემური მოქმედების პრეპარატებთან ერთად შეიძლება იქნეს გამოყენებული.

საერთაშორისო დასახელება:

TOCOPHEROL

მწარმოებელი: BIOPHARM

მოქმედი ნივთიერება: ტოკოფეროლი

კლინიკურ-ფარმაკოლოგიური ჯგუფი:

ვიტამინი E; უპირატესად ქსოვილოვან ცვლაზე მოქმედი საშუალება

შემადგენლობა და გამოშვების ფორმა: ტოკოფეროლი

ზეთოვანი საინექციო ხსნარი 10%: ამპულაში 1 მლ შეფუთვაში 10 ც.

1 მლ

ტოკოფეროლი ..........    100 მგ

ვრცლად ტოკოფარმ ნეო (მიღების წესი, დოზირება განსხავავებული)

საერთაშორისო დასახელება:

TOCOPHEROL

მწარმოებელი: BALKANPHARMA

მოქმედი ნივთიერება: ტოკოფეროლი

კლინიკურ-ფარმაკოლოგიური ჯგუფი:

ვიტამინი  E;  ანტიოქსიდანტი; ნივთიერებათა ცვლაში მონაწილე

შემადგენლობა და გამოშვების ფორმა:

კაფსულები: ბლისტერზე 40 კაფს., შეფუთვაში 1 ბლისტერი.

1 კაფს.

ტოკოფეროლი .........   67 მგ

ფარმაკოლოგიური მოქმედება:

წყალში ხსნადი ვიტამინი, რომლის ფუნქცია ბოლომდე გაურკვეველია. როგორც ანტიოქსიდანტი, ამუხრუჭებს თავისუფალ რადიკალურს რეაქციებს, იცავს ზეჟანგების წარმოქმნისაგან, რომელიც აზიანებს უჯრედულ და სუბუჯრედულ მემბრანებს, რასაც დიდი მნიშვნელობა აქვს ორგანიზმის განვითარებისათვის, ნერვული და კუნთოვანი სისტემის ფუნქციონირებისათვის. სელენთან ერთად ამუხრუჭებს უჯერი ცხიმოვანი მჟავების დაჟანგვას, იცავს ერითროციტების ჰემოლიზს. წარმოადგენს ზოგიერთი ფერმენტული სისტემის კოფაქტორს.

ჩვენებები:

E ჰიპოვიტამინოზი და E ვიტამინზე ორგანიზმის გაზრდილი მთხოვნილება (მათ შორის, ახალშობილებში, დღენაკლულებში  სხეულის მცირე წონით, მცირე ასაკი ბავშვებში საჭმელთან ერთად E ვიტამინი არასაკმარისი რაოდენობით მოხვედრისას);

პერიფერიული ნევროპათიის დროს, მანეკროზებელი მიოპათიისასა, აბეტალიპოპროტეინემიისას, გასტრექტომია, ქრონიკული ქოლესტაზი, ღვიძლის ციროზი, სანაღვლე გზების ატრეზია, ობსტრუქციული სიყვითლისას, ცელიაკია, ტროპიკული სპრუ, კრონის დაავადება, მალაბსორბცია, პარენტერალური კვებისას;

ორსულობისას (განსაკუთრებით მრავალნაყოფიანი);

ნიკოტინური დამოკიდებულება, ნარკომანია, ლაქტაცია, კოლესტირამინის, კოლესტიპოლის, მინერალური ცხიმების და რკინის შემცველი პროდუქტების მიღებისას, ნახევრადუჯერი ცხიმოვანი მჟავების შემცველი დიეტის დანიშვნისას).

ახალშობილებში სხეულის მცირე წონით: ჰემოლიტური ანემიის საპროფილაქტიკოდ, ბრონქოპულმონალური დისპლაზია, რეტროლენტალური ფიბროპლაზიით გართულებული.

მიღების წესი და დოზირება:

1–6 წლამდე ასაკის ბავშვებში E ვიტამინზე სადღეღამისო მოთხოვნილება შეადგენს 5–7მგ, 7–17 წლამდე – 10–15მგ, ქალებში და მამაკაცებში – 10მგ/დღ, მეძუძურებში – 11–12მგ/დღ; 3 წლამდე ასაკის ბავშვებში – 3–6 მგ/დღ, 4–10 წლამდე – 7 მგ/დღ. E ჰიპოვიტამინოზის მკურნალობის ხანგრძლიობა ინდივიდუალურია და დამოკიდებულია მდგომარეობის სიმძიმეზე.

პარენტერალურად (ათბობენ 37⁰C) შეყავთ იგივე დოზით, როგორსაც ნიშნავენ შიგნით მისაღებად ყოველდღიურად ან დღეგამოშვებით.

უკუჩვენებები:

ჰიპერმგრძნობელობა; სიფრთხილით: ჰიპოპროთრომბინემიისას (K ვიტამინის დეფიციტის ფონზე – შეიძლება გაძლიერდეს 400ME  Eვიტამინის დოზაზე).

გვერდითი მოქმედება:

ალერგიული რეაქციები; კუნთში შეყვანისას – მტკივნეულობა, ინფილტრატი, რბილი ქსოვილების კალციფიკაცია.

ჭარბი დოზირება:

სიმპტომები: ხანგრძლივი დროის მანძილზე 400–800 ED/დღ (1მგ=1.21 ME) მიღებისას აღინიშნება მხედველობის დაბინდვა, თავბრუსხვევა, თავის ტკივილი, ღებინება, უჩვეულო დაღლილობა, დიარეა, გასტრალგია, ასთენია;

800 ED/დღ –ზე მეტი მიღებისას ხანგრძლივი დროის მანძილზე – K ვიტამინის დეფიციტის ფონზე შეიძლება განვითარდეს სისხლდენა, თირეოიდული ჰორმონების მეტაბოლიზმის დარღვევა, სექსუალური ფუნქციის მოშლილობა, თრომბოფლებიტი, თრომბოემბოლია, ნეკროზული კოლიტი, სეფსისი, ჰეპატომეგალია, ჰიპერბილირუბინემია, თირკმლის უკმარისობა, სისხლჩაქცევა თვალის ბადურა გარსში, ჰემორაგიული ინსულტი, ასციტი.

მკურნალობა: სიმპტომატური, პრეპარატის შეწყვეტა, გლუკოკორტიკოსტეროიდების დანიშვნა.

განსაკუთრებული მითითებები:

თვალის პიპეტში აღებული 5–10–30% ხსნარის  1 წვეთი შეიცავს დაახლოებით 1,2 და 6.5 მგ ტოკოფეროლის აცეტატს. ტოკოფეროლი შედის მცენარის მწვანე ნაწილების შემადგენლობაში, განსაკუთრებით ახალგაზრდა გამონაზარდებში;

ტოკოფეროლის დიდი რაოდენობაა აღმოჩენილი მცენარეულ ზეთში (მზესუმზირის,ბამბის, სიმინდის, მიწის თხილის, სოიოს, ქაცვის). გარკვეულ რაოდენობას შეიცავს ხორცი, ცხიმი, კვერცხი, რძე.

მხედველობაშია მისაღები, რომ მცირე წონის ახალშობილებში E ვიტამინის დეფიციტის მიზეზი შეიძლება იყოს პლაცენტის დაბალი განვლადობა (ნაყოფის სისხლი დედის სისხლში არსებული E ვიტამინის  მხოლოდ 20–30% შეიცავს).

დიეტა სელენის და გოგირდშემცველი ამინომჟავების შემცველი E ვიტამინზე მოითხოვნას ამცირებს. ახალშობილებში E ვიტამინის რუტინული დანიშვნისას ერთმანეთის პირისპირ უნდა დადგეს სარგებელი და ნეკროტული ენტეროკოლიტის განვითარების რისკი.

დღესდღეობით E ვიტამინის მიღება არასაფუძვლიანად დასაბუთებულად ითვლება შემდეგი დაავადებების მკურნალობისა და პროფილაქტიკისათვის: ბეტა–თალასემია, ონკოლოგიური დაავადებები, ფიბროზო–კისტოზური დისპლაზია სარძევე ჯირკვლების, კანის ანთებითი დაავადებები, თმის ცვენა, ჩვეული აბორტი, გულის დაავადებები,  „გარდამავალი“ კოჭლობა, პოსტმენსტრუალური სინდრომი, უნაყოფობა, პეპტიკური წყლული, ნამგლისებრუჯრედოვანი ანემია, დამწვრობა, პორფირია, ნერვკუნთოვანი გამტარებლობის დარღვევა, თრომბოფლებიტი, იმპოტენცია, ფუტკრის ნაკბენი, მოხუცებულობითი ლენტიგო, ბურსიტი, დახვეული სახვევის დერმატიტი, ატმოსფეროს დაბინძურებისას ფილტვისმიერი ინტოქსიკაცია, ათეროსკლეროზი, დაბერება.

დაუმტკიცებლად ითვლება E ვიტამინის მიღება სექსუალური აქტიობის ასამაღლებლად.

ურთიერთქმედება:

აძლიერებს გლუკოკორტიკოსტეროიდის, არასტეროიდული ანთების საწინააღმდეგი პრეპარატების, ანტიოქსიდანტების ეფექტს. აძლიერებს ეფექტურობას და ამცირებს ტოქსიურობას A და D ვიტამინებისა და საგულე გლიკოზიდებისა. E ვიტამინის დიდ დოზებით დანიშვნამ შეიძლება A ვიტამინის დეფიციტი გამოიწვიოს. აძლერებს ანტიეპილეპტიკურების ეფექტურობას ეპილეფსიით დაავადებულიებში.

E ვიტამინის 400 ED/დღ და უფრო მეტი დოზით მიღება ანტიკოაგულანტებთან ერთად (კუმარინისა და ინდანდიონის წარმოებულების) ზრდის ჰიპოპროთრომბინემიისა და სისხლდენის რისკს. კოლესტირამინი, კოლესტიპოლი, მინერალური ზეთები აქვეითებენ შეწოვას. Fe–ის მაღალი დოზა აძლიერებს ჟნგვის პროცესს ორგანიზმში, რაც ზრდის E ვიტამინზე მოთხოვნილებას.

საერთაშორისო დასახელება:

TOBRAMYCIN

მწარმოებელი: WORLD MEDICINE, დიდი ბრიტანეთი

მოქმედი ნივთიერება: ტობრამიცინი

კლინიკურ-ფარმაკოლოგიური ჯგუფი:

ანთების საწინააღმდეგო, ანტიბაქტერიული პრეპარატი, ამინოგლიკოზიდების ჯგუფის ანტიბიოტიკი მოქმედების ფართო სპექტრით.

შემადგენლობა და გამოშვების ფორმა:

თვალის წვეთები 0.3%: პლასტიკურ ფლაკონ-საწვეთურში 5 მლ.

1 მლ

ტობრამიცინი ..............        3.0 მგ

დამხმარე ნითიერებები:

ბენზალკონიუმის ქლორიდი, დინატრიუმის ედეტატი, მონოფუძიანი ნატრიუმის ფოსფატმონოჰიდრატი, ორფუძიანი ნატრიუმის ფოსფატი უწყლო, ნატრიუმის ქლორიდი, ორთოფოსფომჟავა 10%, საინექციო წყალი.

თვალის მალამო 0.3%: ალუმინის ტუბში 5.0 გ.

1 გ

ტობრამიცინი ..............        3.0 მგ

დამხმარე ნივთიერებები:

უწყლო ლანოლინი, ქლორბუტანოლი, რბილი ყვითელი პარაფინი.

ფარმაკოლოგიური თვისებები:

პრეპარატი წარმოადგენს ამინოგლიკოზიდების ჯგუფის ანტიბიოტიკის მოქმედების ფართო სპექტრით.

ახდენს ბაქტერიციდულ მოქმედებას, არღვევს რა ცილების სინთეზს და ბაქტერიების ციტოპლაზმური მემბრანის განვლადობას. მაღალაქტიურია Escherichia coli, Klebsiella pneumoniae, Serratia spp., Providencia spp., Shigella spp., Citrobacter spp., Enterobacter aerogenes, Proteus mirabilis (ინდოლ-უარყოფითი, Hemophilius influenzae,  Hemophilius aegyptius, Moraxella lacunata, Acinetobacter calcoaceticus (Herellea vaginacola), Neisseria spp. ზოგიერთი სახეობის მიმართ   ((მათ შორის, Neisseria gonorrhoeae); გრამდადებითი ბაქტერიების მიმართ: Staphylococcus spp. (მათ შორის, პენიცილინაზას მაპროდუცირებელი შტამები).

ჩვენებები:

ტობრიმედის მიმართ მგრძნობიარე გამომწვევებით გამოწვეული თვალისა და მისი დანამატების ინფექციური დაავადებები;

• ბლეფარიტი, კონიუნქტივიტი, კერატოკონიუნქტივიტი, ბლეფაროკონიუნქტივიტი, კერატიტი, ენდოფთალმიტი, დაკრიოცისტიტი, მეიბომიტი;
• ოფთალმოლოგიაში პოსტოპერაციული ინფექციური გართულებების პროფილაქტიკა.

მიღების წესი და დოზირება:

პრეპარატის დანიშვნამდე სასურველია, განისაზღვროს მის მიმართ მიკროფლორის მგრძნობელობა, რომელმაც გამოიწვია დაავადება პაციენტში.

ტობრიმედი თვალის მალამო 0.3%: მალამოს 1.25 სმ-იანი ზოლი თავსდება კონიუნქტივალურ პარკში (ღრუ ქუთუთოების უკანა ზედაპირისა და თვალის კაკლის წინა ზედაპირს შორის) 2-3-ჯერ დღე-ღამეში;

მძიმე ინფექციის დროს - ყოველ 3-4 საათში საჭირო ეფექტის მიღწევამდე, ხოლო შემდეგ დოზა მცირდება სრულ შეწყვეტამდე. თვალის წვეთებთან ერთად ღამით შესაძლებელია დამატებით თვალის მალამოს გამოყენება პრეპარატთან უფრო ხანგრძლივი კონტაქტის უზრუნველყოფის მიზნით.

ტობრიმედი თვალის წვეთები 0.3%: თვალის (ან თვალების) გარეგანი ინფექციების დროს 1-2 წვეთის ჩაწვეთება ხდება დაზიანებული თვალის (ან თვალების) კონიუნქტივალურ პარკში ყოველ 6 საათში.

მწვავე ინფექციური პროცესის განვითარების შემთხვევაში პრეპარატის ჩაწვეთება ხდება ყოველ 30-60 წთ-ში საჭირო ეფექტის მიღებამდე, ხოლო შემდეგ პრეპარატის დოზა თანდათან მცირდება.

ოფთალმოლოგიაში პოსტოპერაციული ინფექციური გართულებების პროფილაქტიკა: 0.3% ხსნარის 1 წვეთი ყოველ 15 წუთში 9-ჯერ ოპერაციამდე.

გვერდითი მოვლენები:

• ტობრიმედის გამოყენების შემთხვევათა 15%-ში პაციენტებს აღენიშნებათ წვა, ქავილი, ჩხვლეტა;

• ხოლო 1-5%-ში კი - თვალის ლორწოვანი გარსის ჰიპერემია, თვალში უცხო სხეულის შეგრძნება, ცრემლდენა;

• 1%-ზე ნაკლებ შემთხვევებში კი ვლინდება ბლეფარიტი. კერატიტი, ქუთუთოების შეშუპება, ტკივილი თვალში, ქემოზი, კრისტალების დაგროვება, რქოვანას დაწყლულება.

უკუჩვენებები:

* მომატებული მგრძნობელობა ტობრამიცინისა და სხვა ამინოგლიკოზიდების მიმართ;

* ორსულობა და ლაქტაციის პერიოდი;

* ბავშვთა ასაკი.

ორსულობა და ლაქტაცია:

! პრეპარატ ტობრიმედის გამოყენება ორსულობისა და ლაქტაციის დროს უკუნაჩვენებია.

განსაკუთრებული მითითებები:

◄ პრეპარატი გამოიყენება მხოლოდ ადგილობრივად.

◄ პრეპარატით მკურნალობის პერიოდში არ არის რეკომენდებული კონტაქტური ლინზების ტარება.

◄ თავიდან უნდა იქნას აცილებული პრეპარატით ხანგრძლივი გამოყენება პრეპარატის მიმართ არამგრძნობიარე მიკროორგანიზმების გამრავლების საშიშროების გამო.

◄ პაციენტი უნდა მოერიდოს საწვეთურის თავის მოხვედრას რაიმე ზედაპირზე, რათა თავიდან იქნას აცილებული ფლაკონში არსებული შიგთავსის მიკრობული დაინფიცირება.

ზემოქმედება ავტოტრანსპორტისა და მექანიზმების მართვაზე: იმ პაციენტებისათვის, რომლებსაც ტობრიმედის თვალის წვეთების ან თვალის მალამოს გამოყენების შემდეგ აღენიშნებათ მხედველობის სიმკვეთრის დროებითი დაქვეითება, არ არის რეკომენდებული ავტომობილის მართვა ან რთულ ტექნიკასთან, დაზგებთან ან სხვა რთულ დანადგარებთან მუშაობა, რაც მოითხოვს მხედველობის სიმკვეთრეს.

გამოყენება პედიატრიაში: ამჟამად არ არის დადგენილი პრეპარატის ბავშვებში გამოყენების უსაფრთხოება და ეფექტურობა.

ჭარბი დოზირება:

სიმპტომები: წერტილოვანი კერატიტი, ერითემა, მომატებული ცრემლდენა, ქავილი და ქუთუთოს შეშუპება.

მკურნალობა: ტარდება სიმპტომური თერაპია.

სხვა წამლებთან ურთიეთრქმედება:

ტობრიმედის თვალის წვეთებისა და ამინოგლიკოზიდების ჯგუფის სისტემური ანტიბიოტიკების ერთდროული გამოყენების შემთხვევაში, შესაძლებელია სისტემური გვერდითი ეფექტების გაძლიერება (ნეფროტოქსიური, ოტოტოქსიური მოქმედების, მინერალური ცვლისა და ჰემოპოეზიის მოშლა).

შენახვის პირობები:

პრეპარატი ინახება არა უმეტეს 30⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი. ტუბისა და ფლაკონის გახსნის შემდეგ პრეპარატი გამოიყენება ერთი თვის განმავლობაში.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

TOBRAMYCIN

მწარმოებელი: ALCON, ბელგია

მოქმედი ნივთიერება: ტობრამიცინი

კლინიკურ-ფარმაკოლოგიური ჯგუფი:

მინოგლიკოზიდების ჯგუფის ანტიბაქტერიული პრეპარატი ადგილობრივი გამოყენებისათვის ოფთალმოლოგიაში.

შემადგენლობა და გამოშვების ფორმა:

თვალის წვეთები 0.3%: ფლაკონში 5 მლ

1 მლ

ტობრამიცინი ..............                  3 მგ

დამცავი ნივთიერებები:

ბენზალკონიუმის ქლორიდი ........   0.01%

ნეიტრალური ნივთიერება და გამოხდილი წყალი.

თვალის მალამო 0.3%: ტუბში 3.5 გ

1 გ

ტობრამიცინი ................      3 მგ

დამცავი ნივთიერების სახით შეიცავს 0.5% ქლორბუტანოლს, მინერალურ ზეთს, ვაზელინის ფუძეს.

ფარმაკოლოგიური თვისებები:

ტობრამიცინი წარმოადგენს წყალში ხსნად ამინოგლიკოზიდური ჯგუფის ანტიბიოტიკს, რომელიც მოქმედებს ოფთალმოლოგიური დაავადებების გამომწვევ გრამდადებითი და გრამუარყოფითი მიკროორგანიზმების ფართო სპექტრზე.

In vitro კვლევით დადგენილი იქნა, რომ ტობრამიცინი ეფექტურია შემდეგი მიკროორგანიზმების მგრძნობიარე შტამების მიმართ: Staphilococci, მათ შორის Staphilococcus aureus  და St. Epidermidis. (კოაგულაზა დადებითი და კოაგულაზა უარყოფითი), მათ შორის პენიცილინის მიმართ გამძლე შტამები. კვლევებით დადგენილი იქნა, რომ გენტამიცინის მიმართ რეზისტენტული მიკროორგანიზმები ზოგ შემთხვევაში ინარჩუნებენ მგრძნობელობას ტობრამიცინის მიმართ, თუმცა არ არის გამორიცხული ბაქტერიების მდგრადობის მომატება პრეპარატის ხანგრძლივი გამოყენების შემთხვევაში.

ჩვენებები:

• ტობრექსის მიმართ მგრძნობიარე ბაქტერიებით გამოწვეული თვალის დაავადებები.

ტობრექსის გამოყენებას თან უნდა ახლდეს შესაბამისი დაკვირვება ბაქტერიათა მგრძნობელობაზე. კლინიკური კვლევებით დადასტურდა, რომ ტობრამიცინის გამოყენება ბავშვებში უსაფრთხოა და ეფექტური.

მიღების წესი და დოზირება:

ხსნარი

მსუბუქი და საშუალო სიმძიმის დაავადების შემთხვევაში - 1-2 წვეთი დაზიანებულ თვალში (ორივე თვალში) ყოველ ოთხ საათში ერთხელ.

მწვავე ინფექციური დაავადებების შემთხვევაში 2 წვეთი ყოველ საათში ერთხელ მდგომარეობის გაუმჯობესებამდე, რის შემდეგ პრეპარატის დოზა თანდათანობით უნდა შემცირდეს სრულ შეწყვეტამდე.

მალამო

მსუბუქი და საშუალო სიმძიმის დაავადებების დროს მალამო უნდა წასმული იქნას დაზიანებულ თვალში (ორივე თვალში) 2-3-ჯერ დღეში;

მძიმე ინფექციური დაავადების შემთხვევაში დაზიანებულ თვალში (ორივე თვალში) ყოველ 3-4 სთ-ში ერთხელ მდგომარეობის გაუმჯობესებამდე პრეპარატის დოზა თანდათანობით უნდა შემცირდეს მისი მიღების სრულ შეწყვეტამდე.

ტობრექსის მალამოსა და წვეთების გამოყენება შესაძლებელია ერთად.

გვერდითი მოვლენები:

ყველაზე გავრცელებულ არასასურველ რეაქციას წარმოადგენს თვალის ადგილობრივი ჰიპერმგრძნობელობა, რომელიც გამოიხატება ქუთუთოს ჰიპერემიით და შეშუპებით, აგრეთვე კონიუქტივური ერითემით. ანალოგიური რეაქციები ვითარდება სხვა ამინოგლიკოზიდური ანტიბიოტიკების გამოყენების შემთხვევაშიც. სხვა გვერდითი მოვლენები ტობრექსის გამოყენებისას არ აღინიშნება.

ტობრექსის ადგილობრივ გამოყენებასთან ერთად, სხვა ამინოგლიკოზიდების სისტემური მიღება, საჭიროებს მათი შემცველობის კონტროლს სისხლის პლაზმაში.

კლინიკური კვლევების საფუძველზე დადგენილ იქნა, რომ ტობრექსის ოფთალმოლოგიური მალამო გვერდით მოვლენებს იწვევს გაცილებით ნაკლები რაოდენობის პაციენტებში (3.7%), ვიდრე ოფთალმოლოგიური მალამო - გენტამიცინი (10.6%).

უკუჩვენებები:

* მომატებული მგრძნობელობა პრეპარატის ნებისმიერი შემადგენელი კომპონენტის მიმართ.

ორსულობა და ლაქტაცია:

ცხოველებზე ჩატარებული კვლევებით არ დადასტურდა პრეპარატის ტერატოგენული მოქმედება. ტობრექსი ორსულებში ინიშნება მხოლოდ განსაკუთრებული აუცილებლობის შემთხვევაში.

განსაკუთრებული მითითებები:

◄ თვალშიდა ინექციისათვის იგი არ გამოიყენება.

◄ ამინოგლიკოზიდების ადგილობრივი გამოყენებისას ჰიპერმგრძნობელობითი რეაქციის შემთხვევაში ტობრექსის გამოყენება უნდა შეწყდეს.

უსაფრთხოების ზომები: ანტიბიოტიკების ხანგრძლივმა გამოყენებამ შეიძლება ხელი შეუწყოს რეზისტენტული მიკროორგანიზმების ზრდის გაძლიერებას, მათ შორის სოკოების. სუპერინფექციის შემთხვევაში საჭიროა შესაბამისი მკურნალობა.

◄ ოფთალმოლოგიურმა მალამოებმა შეიძლება გამოიწვიონ ჭრილობის შეხორცების შეფერხება.

ჭარბი დოზირება:

დოზის გადაჭარბების სიმპტომები ემთხვევა გვერდით მოვლენებს (წერტილოვანი კერატიტი, ერითემა, გაძლიერებული ცრემლდენა, ქუთუთოს შეშუპება და ჰიპერემია).

შენახვის პირობები:

პრეპარატი ინახება 8-30⁰C ტემპერატურაზე, ბავშვებისაგნ დაცულ ადგილას.

ვარგისიანობის ვადა: 1 წელი; ფლაკონის ან ტუბის გახსნის შემდეგ  1 თვე.

საერთაშორისო დასახელება:

DEXAMETHASONE; TOBRAMYCIN

მწარმოებელი: ALCON, ბელგია

მოქმედი ნივთიერება: ტობრამიცინი+დექსამეთაზონი

კლინიკურ-ფარმაკოლოგიური ჯგუფი:

ანტიბაქტერიული და ანთების საწინააღმდეგო კომბინირებული პრეპარატი ადგილობრივი გამოყენებისათვის ოფთალმოლოგიაში.

შემადგენლობა და გამოშვების ფორმა:

თვალის წვეთები: ფლაკონში 5 მლ

1 მლ

ტობრამიცინი ............    3 მგ

დექსამეთაზონი ........     1 მგ

კონსერვანტი:

ბენზალკონიუმის ქლორიდი .....  0.01%

არააქტიური ნივთიერებები:

ტილაქსოპოლი, დინატრიუმის ედეტატი, ნატრიუმის ქლორიდი, ჰიდროქსიმეთილცელულოზა, ნატრიუმის სულფატი, გოგირდმჟავა (pH-ის რეგულირებისათვის) და დისტილირებული წყალი.

თვალის მალამო: ტუბში 3.5 გ.

1 გ

ტობრამიცინი .................   3 მგ

დექსამეთაზონი ...............  1 მგ

კონსერვანტი:

ქლორბუტანოლი  .............  0.5%

არააქტიური ნივთიერებები: მინერალური ცხიმი და თეთრი ვაზელინი.

ფარმაკოლოგიური თვისებები:

ტობრამიცინი წარმოადგენს ამინოგლიკოზიდების ჯგუფის ანტიბიოტიკს, რომელსაც გააჩნია ფართო სპექტრის ანტიბაქტერიული მოქმედება გრამუარყოფით და გრამდადებით მიკროორგანიზმებზე: სტაფილოკოკი (st.aureus, st. epidermidis) აგრეთვე პენიცილინაზარეზისტენტული შტამები და ზოგიერთი A ჯგუფის ბეტა-ჰემოლიზური და არაჰემოლიზური სახეობა, St. pneumoniae, Pseudomonas aeruginoza, e. coli, Klebsiela pneumoniae, Enterobacter aerogenes, Proteus mirabillis, Morganella morganii, უმეტესობა Proteus vulgaris, Haemophilus influenza- სახეობებიდან.

დექსამეთაზონი მიეკუთვნება გლუკოკორტიკოსტეროიდებს, რომელსაც გაჩნია ანთების საწინააღნდეგო, ანტიალერგიული და მადესენსიბილიზირებელი მოქმედება. იგი აგრეთვე ხასიათდება ანტიექსუდაციური და იმუნოდეპრესიული მოქმედებით. დექსამეთაზონი სწრაფად აქრობს ანთებით პროცესებს და პრაქტიკულად არ იწვევს ნატრიუმისა და წყლის შეკავებას ორგანიზმში.

პრეპარატი ანტიბაქტერიულ კომპონენტებთან ერთად კომბინაციაში ამცირებს ინფექციური პროცესების განვითრების რისკს.

ჩვენებები:

• ბლეფარიტი;
• კონიუქტივიტი;
• კერატიტი (ეპითელიუმის დაზიანების გარეშე);
• პოსტოპერაციული ინფექციების პროფილაქტიკა.

მიღების წესი და დოზირება:

სუსპენზია

1-2 წვეთი ქვედა ქუთუთოში 4-6 სთ-ში ერთხელ.

მალამო

მალამო დაიტანება ქვედა ქუთუთოზე 3-4-ჯერ დღეში.

შეიძლება მალამოსა და ხსნარის გამოყენება კომბინაციაში: მალამო - საღამოს ძილის წინ და ხსნარი - დღის განმავლობაში.

გვერდითი მოვლენები:

* მომატებული მგრძნობელობა და ალერგიული რეაქციები, კონიუქტივის ჰიპერემია.

* მეორადი ინფექციები, თვალშიდა წნევის მომატება.

უკუჩვენებები:

* მარტივი ჰერპესით გამოწვეული კერატიტი;

* კონიუქტივისა და რქოვანას ვირუსული ინფექციები;

* თვალის მიკრობაქტერიული ინფექცია;

* მომატებული მგრძნობელობა პრეპარატის ნებისმიერი კომპონენტის მიმართ.

* არ არის რეკომენდებული რქოვანადან უცხო სხეულის ამოღების დროს.

* არ გამოიყენება თვალში საინექციოდ.

ორსულობა და ლაქტაცია:

პრეპარატის დანიშვნა რეკომენდებულია მხოლოდ იმ შემთხვევაში, როდესაც მკურნალობის სასარგებლო ეფექტი სჭარბობს ნაყოფზე შესაძლო უარყოფითი მოქმედების რისკს.

! ძუძუთი კვება: ამ შემთხვევაში მკურნალობა უნდა შეწყდეს.

შენახვის პირობები:

პრეპარატი ინახება 8-30⁰C  ტემპერატურაზე, ბავშვებისაგან დაცულ ადგილას.

ვარგისიანობის ვადა - 1 წელი; ფლაკონის ან ტუბის გახსნის შემდეგ - 1 თვე.

საერთაშორისო დასახელება:

THIOCTIS ACID

მწარმოებელი: WOERWAG PHARMA GmbH and CO KG

მოქმედი ნივთიერება: თიოქტის მჟავა

კლინიკურ-ფარმაკოლოგიური ჯგუფი:

სინთეტური ჰიპოგლიკემიური საშუალება

შემადგენლობა და გამოშვების ფორმა:

შემოგარსული ტაბლეტები: შეფუთვაში 30, 60 და 100 ც.

1 ტაბ.

თიოქტის მჟავა ...............    600 მგ

საინექციო ხსნარი: ამპულაში 20 მლ, შეფუთვაში 5, 10, 20, 50, 100, 500 და 1000 ც.

1 ამპ.

თიოქტის მჟავა ..............     600 მგ

ვრცლად თიოქტაციდი 600 (დოზირება, მიღების წესი ინდივიდუალური)

საერთაშორისო დასახელება:

TINIDAZOLE    

მწარმოებელი: POLPHARMA, პოლონეთი

მოქმედი ნივთიერება: ტინიდაზოლი

კლინიკურ-ფარმაკოლოგიური ჯგუფი:

ანტიმიკრობული და ანტიპროტოზული საშუალება.

შემადგენლობა და გამოშვების ფორმა:

შემოგარსული ტაბლეტები: ბლისტერზე 4 და 6 ტაბ.

1 მლ

ტინიდაზოლი ................     500 მგ

დამხმარე ნივთიერებები:

მიკროკრისტალური ცელულოზა, ალგინის მჟავა, სიმინდის სახამებელი, მაგნიუმის სტეარატი, ნატრიუმის ლაურილსულფატი;

გარსი: ჰიპრომელოზა, ტიტანის ორჟანგი, მაკროგოლი 6000, ტალკი, პროპილენგლიკოლი.

ფარმაკოლოგიური თვისებები:

ანტიმიკრობული და ანტიპროტოზული საშუალება, აქტიურია Trichomonas vaginalis,Entamoeba histolytica, Lamblia ანაერობული ინფექციების გამომწვევის (Bacteroides spp., მათ შორის B.flagilis, B.Melaninogenicus, Clostridium spp.,Fuvacterum spp., Fusobaqterium spp., Peptococcus spp., Pepotostreptococcus spp.) მიმართ.

ტინიდაზოლი მაღალპროფილური საშუალებაა, იგი აღწევს ტრიქომონადებსა და ანაერობულ მიკროორგანიზმებში, სადაც ხდება ნიტრორედუქტოზის სახით აღდგენა, თრგუნავს სინთეზს და აზიანებს დნმ-ის სტრუქტურას.

ფარმაკოკინეტიკა:

ტინიდაზოლი შინაგანი მიღების შემდეგ სწრაფად და თითქმის სრულად შეიწოვება კუჭ-ნაწლავის ტრაქტის მეშვეობით, ტინიდაზოლი კარგად ნაწილდება ორგანიზმის ყველა ქსოვილს შორის. ჯანმრთელ მოხალისეებზე ჩატარებული დაკვირვებით, რომლებიც 2 გ ტინიდაზოლს ღებულობდნენ, დადგენილ იქნა, რომ სისხლის შრატში მაქსიმალური კონცენტრაცია, რომელიც 40-51 მკგ/მლ-ს შეადგენდა, 2 საათის მანძილზე იყო შენარჩუნებული და 24 საათის შემდეგ მცირდებოდა 11-19 მკგ/მლ-მდე. 72 საათის შემდეგ სისხლის შრატში პრეპარატის კონცენტრაცია შეადგენდა 1 მკგ/მლ-ს.

პრეპარატი გაივლის პლაცენტას და გამოიყოფა დედის რძის მეშვეობით. პრეპარატი აღწევს ასევე ჰემატოენცეფალურ ბარიერში.

ტინიდაზოლის დაახლოებით 12% უკავშირდება პლაზმის ცილებს. ტინიდაზოლი მეტაბოლიზირდება ღვიძლში, გამოიყოფა თირკმელებით. ჯანმრთელ მოხალისეებზე ჩატარებულმა დაკვირვებებმა აჩვენა, რომ ტინიდაზოლის გამოყენებული დოზის 60-65% გამოიყოფა თირკმელების მეშვეობით, მათ შორის, 20-25% უცვლელი ფორმით, 5 დღის განმავლობაში. დაახლოებით 12% გამიყოფა განავლის მეშვეობით.

ჩვენებები:

• ტრიქომონადოზი;
• ლამბლიოზი;
• ამებიოზი და მისი ღვიძლის ფორმა;
• ანაერობული ბაქტერიებით გამოწვეული ინფექციები, ან შერეული აერობული და ანაერობული ინფექციები, როგორც წესი, შესაბამისად შერჩეულ ანტიბიოტიკებთან კომბინაციაში;
• ტინიდაზოლი ასევე გამოიყენება ინფექციის - Helicobacter pylori მკურნალობის დროს, რომელსაც თან ახლავს 12-გოჯა ნაწლავის ან კუჭის წყლულოვანი დაავადება, ვისმუტის პრეპარატებთან და ანტიბიოტიკებთან (მაგალითად, ამოქსაცილინთან) ერთად;
• პოსტოპერაციული ანაერობული ინფექციების პროფილაქტიკა.

მიღების წესი და დოზირება:

პრეპარატს ღებულობენ ექიმის დანიშნულებით.

ტრიქომონადოზი

მოზრდილები: 2 გ ტინიდაზოლი (4 ტაბლეტი, თითო 500 მგ), ერთხელ დღე-ღამეში.

ბავშვები: სხეულის მასის 59-75 მგ/კგ, ერთხელ დღე-ღამეში.

საჭიროებისამებრ შეიძლება დოზის გამეორება.

ლამბლიოზი

მოზრდილები: 2 გ ტინიდაზოლი (4 ტაბლეტი,  თითო 500 მგ), ერთხელ დღე-ღამეში.

ბავშვები: სხეულის მასის 59-75 მგ/კგ, ერთხელ დღე-ღამეში.

საჭიროებისამებრ, შეიძლება დოზის გამეორება.

ნაწლავური ამებიოზი

მოზრდილები: 2 გ ტინიზადოლი (4 ტაბლეტი, თითო 500 მგ), ერთხელ დღე-ღამეში, 2 ან 3 დღის მანძილზე.

ბავშვები: სხეულის მასის 50-60 მგ/კგ, ერთხელ დღე-ღამეში, 3 დღის მანძილზე.

ღვიძლის ამებური აბსცესი

მოზრდილები: ინფექციის სიმძიმის მიხედვით, თითო კურსი - 4.5-12 გ ტინიზადოლი. მკურნალობის დაწყება უმჯობესია შემდეგი დოზით: 1.5-დან 2 გ-მდე დღე-ღამეში, 3 დღის მანძილზე. საჭიროებისამებრ, შეიძლება მკურნალობის გაგრძელება 6 დღემდე.

ბავშვები: სხეულის მასის 50-60 მგ/კგ, 5 დღის მანძილზე.

ანაერობული ბაქტერიებით გამოწვეული ვირუსის მკურნალობის დროს

მოზრდილები: პირველი დღე - 2 გ ტინიდაზოლი (4 ტაბლეტი, თითო 500 მგ) ერთჯერადი მიღებით, შემდეგ კი - 1 გ (2 ტაბლეტი, თითო 500 მგ) ერთჯერადი ან 2-ჯერადი მიღებით, თითო 500 მგ.

მკურნალობის ხანგრძლივობა 5-6 დღეა.

მკურნალობის პროცესში სავალდებულოა სისხლის სურათის რეგულარული კლინიკური და ლაბორატორიული კონტროლი, განსაკუთრებით, თუ მკურნალობა 7 დღეზე მეტ ხანს გრძელდება.

12 წლამდე ასაკის ბავშვებისათვის დოზირება განსაზღვრული არ არის.

პოსტოპერაციული ინფექციების პროფილაქტიკა

მოზრდილები: 2 გ ტინიდაზოლი (4 ტაბლეტი თითო 500 მგ) ერთჯერადი მიღებით ქირურგიულ ჩარევამდე 12 საათით ადრე.

12 წლამდე ასაკის ბავშვებისათვის დოზირება განსაზღვრული არ არის.

გვერდითი მოვლენები:

საჭმლის მომნელებელი სისტემის მხრივ: პირის ღრუს ლორწოვანი გარსის სიმშრალე, გულისრევა, დიარეა, ტკივილი მუცლის არეში, მეტალის გემო პირის ღრუში;

იშვიათად - გამონაყარი, ქავილი, ანგიონევროზული შეშუპება, თავბრუსხვევა, ატაქსია, პერიფერიული ნევროპათია (კიდურებში ჭიანჭველების ცოცვის შეგრძნება) კრუნჩხვა, გარდამავალი ლიეკოპენია, შარდის მუქი შეფერილობა.

ნერვული სისტემის მხრივ: დიზართრია, სისუსტე.

უკუჩვენებები:

* სისხლის წარმოქმნის მოშლა;

* ბავშვები 12 წლამდე ასაკის;

* ორსულობა და ლაქტაცია.

ორსულობა და ლაქტაცია:

პრეპარატი გადის პლაცენტარული ბარიერს, ამიტომ ორსულობის I ტრიმესტრში მისი მიღება უკუნაჩვენებია. ხოლო II და III ტრიმესტრში პრეპარატი ინიშნება მხოლოდ გადაუდებელი აუცილებლობის შემთხვევაში, რადგან არსებობს ტინიდაზოლის ნაყოფზე მოქმედების პოტენციური საშიშროება.

ტინიდაზოლით მკურნალობის შემთხვევაში საჭიროა შევწყვიტოთ ბავშვის ძუძუთი კვება. პრეპარატი რძეში რჩება 72 სთ-ის განმავლობაში, ამიტომ კვების გაგრძელება დასაშვებია პრეპარატის მიღებიდან 72 სთ-ის შემდეგ.

განსაკუთრებული მითითებები:

◄ ტინიდაზოლით მკურნალობის დამთავრებიდან 3 დღის განმავლობაში არ არის რეკომენდებული სპირტიანი სასმელების მიღება, რადგან შეიძლება განვითარდეს ისეთი არასასურველი რეაქციები, როგორიცაა: სიცხის შეგრძნება, კუჭის სპაზმი, ღებინება, ტაქიკარდია.

◄ მკურნალობის პერიოდში შეიძლება გამოვლინდეს ნევროლოგიური დარღვევები: თავბრუსხვევა, ატაქსია, პერიფერიული ნევროპათია. ასეთ შემთხვევაში საჭიროა შეწყდეს თინიდაზოლით მკურნალობა და მიმართოთ ექიმს.

◄ გენიტალური ტრიქომონიაზის მკურნალობის დროს აუცილებელია პარტნიორების ერთდროული მკურნალობა. პრეპარატის 6 დღეზე მეტ ხანს გამოყენების შემთხვევაში, აუცილებელია პერიფერიული სისხლის სურათის კონტროლი.

პრეპარატის გავლენა ავტომობილისა და სხვადასხვა მექანიზმების მართვაზე: ტინიდაზოლი ზრდის ავტომობილისა და მექანიზმების მართვის რეაქციის დროს. ამიტომ პაციენტი ინფორმირებული უნდა იყოს მოსალოდნელი საშიშროების შესახებ.

ჭარბი დოზირება:

არ არის აღწერილი პრეპარატას ჭარბი დოზის შემთხვევები. არ არსებობს სპეციფიკური ანტიდოტი ტინიდაზოლით მოწამვლის დროს. აუცილებელია სიმპტომატური მკურნალობის ჩატარება. სასარგებლოა კუჭის ამორეცხვა. ტინიდაზოლი იოლად გამოიყოფა დიალიზის გზით.

სხვა წამლებთან ურთიერთქმედება:

ურთიერთქმედება სხვა პრეპარატებთან:

- რეკომენდებული არ არის ეთიონამიდთან ერთად დანიშვნა;

- ფენობარბიტალი აჩქარებს მეტაბოლიზმს;

- ტინიდაზოლი აძლიერებს ანტიკოაგულანტების მოქმედებას.

შენახვის პირობები:

პრეპარატი ინახება 15-20⁰C ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

TIMOLOL MALEATE

მწარმოებელი: MERCK SHARP & DOHME

მოქმედი ნივთიერება: თიმოლოლის მალეატი

კლინიკურ-ფარმაკოლოგიური ჯგუფი:

გლაუკომის სამკურნალო საშუალება - ბეტა ადრენობლოკატორი

შემადგენლობა და გამოშვების ფორმა:

თვალის წვეთები 0.25%: ფლაკონში 5 მლ

1 მლ

თიმოლოლის მალეატი ..............  3.42 მგ,

მათ შორის თიმოლოლი ............  2.5 მგ

თვალის წვეთები 0.5%: ფლაკონში 5 მლ

1 მლ

თიმოლოლის მალეატი ...........    6.48 მგ

მათ შორის თიმოლოლი ..........   5 მგ

ფარმაკოლოგიური მოქმედება:

არასელექტიური ბეტა – ბლოკატორი მემბრანომასტაბილიზებელი აქტიობის გარეშე. ადგილობრივი გამოყენებისას აქვეითებს თვალშიგა წნევას წყლიანობის შემცირების გზით და მცირედ მისი უკუდენის გაზრდით. თვალშიგა წნევის შემცირება გავლენას არ ახდენს აკომოდაციაზე და გუგის ზომაზე, ამიტომ მხედველობის სიმახვილის გაუარესება არ ხდება, არ უარესდება ფერადი და ღამის მხედველობა.

მოქმედება ვლინდება ჩაწვეთებიდან 20წთ–ის შემდეგ, მაქსიმალური ეფექტი მიიღწევა  1–2სთ–ის შემდეგ, მოქმედების ხანგრძლიობა – 24სთ.

ჩვენებები:

თვალშიგა ჰიპერტენზია: ღიაკუთხოვანი გლაუკომა, მეორადი გლაუკომა (უვეალური, აფაკიური, პოსტრავმატული);

დამხმარე სამკურნალო საშუალების სახით: დახურულკუთხოვანი გლაუკომისას (მიოტიკებთან კომბინაციაში), თანდაყოლილი გლაუკომა (სხვა თერაპიული მეთოდების უეფექტობისას), თვლშიგა წნევის მწვავედ მომატება.

მიღების წესი და დოზირება:

მოზრდილებს და 10 წელზე უფროსი ასაკის ბავშვებს კონიუნქტივის პარკში აწვეთბენ 0.25% ხსნარის 1 წვეთს 2–ჯერ დღეში, არასაკმარისი ეფექტისას – 0.5% ხსნარის 1 წვეთს 2–ჯერ დღეში.

თვალშიგა წნევის მოწესრიგებისას შემანარჩუნებელი დოზა შეადგენს – 0.25% ხსნარის 1 წვეთს 1–ჯერ დღეში. ორი კონცენტრაციის მოქმედებაში ცვლილება შეადგენს 10–15%. ახალშობილებში და 10 წლამდე ასაკის ბავშვებში – 25% ხსნარის 1 წვეთი 2–ჯერ დღეში.

უკუჩვენებები:

ჰიპერმგრძნობელობა, რქოვანაზე დისტროფიული პროცესები.

სიფრთხილით: ფილტვების ქრონიკული ობსტრუქციული დაავადება მძიმე მიმდინარეობით, ბრონქიალური ასთმა, სინუსური ბრადიკარდია (გულის შეკუმშვათა რიცხვი

გვერდითი მოქმედება:

ადგილობრივი რეაქციები: კონიუნქტივის გაღიზიანება – კონიუნქტივის ჰიპერემია, ცრემლდენა ან ცრემლის გამოყოფის შემცირება, სინათლის შიში, რქოვანას ეპითელის შეშუპება, თვალის წვა და ქავილი, ქუთუთოების კანის ჰიპერემია, მხედველობის სიმახვილის ხანმოკლე დარღვევა, ბლეფარიტი, კონიუნქტივიტი, კერატიტი, ხანგრძლივი გამოყენებისას შესაძლებელია ზედაპირული წერტილოვანი კერატოპათიის განვითარება (რქოვანას გამჭვირვალობის შემცირება) და რქოვანას მგრძნობელობის დაქვეითება, შესაძლებელია ფტოზი, იშვიათად– დიპლოპია.

სისტემური რეაქციები: პარესთეზიები, რინიტი, „გაჭედილი“ ცხვირი, ცხვირიდან სისხლდენა, არტერიული წნევის დაქვეითება, კოლაფსი, ბრადიკარდია, ბრადიარითმია, AV –ბლოკადა, მიოკარდის კუმშვადობის დაქვეითება, გულის ქრონიკული უკმარისობის გაღრმავება, თავის ტკივილი, თავბრუსხვევა, ძილიანობა, ჰალუცინაციები, დეპრესია, მიასთენია, პოტენციის დაქვეითება; ქოშინი, ბრონქოსპაზმი, ფილტვისმიერი უკმარისობა; გულისრევა, ღებინება, დიარეა, ტკივილი გულმკერდში, ხმაური ყურებში.

ფსიქომოტორული რეაქციების შენელება;

ალერგიული რეაქციები (მათ შორის ჭინჭრის ციება).

ჭარბი დოზირება:

სიმპტომები: შესაძლებელია ბეტა–ბლოკერებისთვის დამახასიათებელი თავბრუსხვევა, თავის ტკივილი, არითმია, ბრადიკარდია, ბრონქოსპაზმი, გულისრევა, ღებინება.

მკურნალობა: დაუყოვნებლივ საჭიროა თვალების დაბანა წყლით ან 0.9% NaCl ხსნარით, სიმპტომატური თერაპია.

განსაკუთრებული მითითებები:

აუცილებელია სიფრთხილის დაცვა ავტომანქანის მართვისას ღამის საათებში , ასევე უნდა მოერიდოთ ცუდი განათების პირობებში მუშაობას, სადაც საჭიროა მომატებული ადაპტაცია.

ეფექტურობის კონტროლი უნდა ჩატარდეს დაახლოებით თერაპიის დაწყებიდან 3–4 კვირის შემდეგ (არა უადრეს 1–2 კვირისა). თიმოლოლის ხანგრძლივი მოხმარებისას შესაძლებელია ეფექტის დასუსტება. მკურნალობისას ყურადღება უნდა მიექცეს ცრემლის გამოყოფის ფუნქციას, რქოვანას მთლიანობას და შეფასდეს მხედველობის ველი 6 თვეში 1–ჯერ. თვეში 1–ჯერ მაინც უნდა გაიზომოს თვალშიგა წნევა. პრეპარატში შემავალი კონსერვანტი შეიძლება რბილ კონტაქტურ ლინზებზე დაგროვდეს, ამიტომ მათი გამოყენება მკურნალობის დროს არ ღირს. მაგარი კონტაქტური ლინზები კი პრეპარატის  ჩაწვეთების წინ მოხსნილი უნდა იქნას და გამოყენება შეიძლება 15წთ–ის შემდეგ.

მკურნალობის პერიოდში სიფრხილის დაცვაა საჭირო ავტოტრასპორტის მართვისა და პოტენციურად საშიში სამუშოების შესრულებისას, რომელიც მოითხოვს ყურადღების კონცენტრაციას,  სწრაფ ფსიქომოტორულ რეაქციებს და კარგ მხედველობას (ჩაწვეთებიდან 0.5 სთ–ია მანძილზე).

ურთიერთქმედება:

ეპინეფრინი, პილოკარპინი, სისტემური ბეტა–ადრენობლოკატორები აძლიერებენ მოქმედებას. არ შეიძლება ერთდროულად ანტიფსიქოტროპული საშუალებების მიღება (ნეირილეპტიკები და ანქსიოლიტიკები (ტრანკვილიზატორები). აძლიერებს მიორელაქსანტების და ზოგადი ანესთეტიკების მოქმედებას (ქლოროფორმით ან ეთერით ზოგადი ანესთეზიისას ან პერიფერიული მიორელაქსანტების გამოყენებისას აუცილებელია პრეპარატის მიღების შეწყვეტა). პრეპარატით მკურნალობისას არ არის რეკომენდებული ვენაში ვერაპამილის, დილთიაზემის, (შსაძლებელია AV გამტარებლობის დათრგუნვა, ბრადიკარდიის განვითარება და არტერიული წნევის დაქვეითება). მკურნალობის დროს არ შეიძლება ეთნოლის მიღება (შესაძლოა არტერიული წნევის მკვეთრად დაქვეითება). სიფრთხილით ინიშნება ჰიპოტენზიურებთან ერთად და სხვა ბეტა–ადრენობლოკატორებთან, ინსულინთან ან პერორალურ ჰიპოგლიკემიურ საშუალებებთან, გლუკოკორტიკოსტეროიდებთან, ფსიქოაქტიურ სამკურნალო საშუალებებთან, ასევე, პრეპარატებთან რომელთა მოქმედება ეპინეფრინის გაძლიერებულ გამოყოფასთან არის დაკავშირებული.