საერთაშორისო დასახელება:

CHONDROITINE SULFATE

მწარმოებელი: Pierre Fabre Medicament Production, საფრანგეთი

მოქმედი ნივთიერება: ქოდროიტინ სულფატი

კლინიკურ-ფარმაკოლოგიური ჯგუფი:

ართროზების სამკურნალო საშუალება.

შემადგენლობა და გამოშვების ფორმა:

კაფსულები: ბლისტერზე 12 კაფს., შეფუთვაში 5 ბლისტერი.

1 კაფს.

ნატრიუმის ქოდროიტინ სულფატი …………  500 მგ

დამხმარე ნივთიერებები:

ტალკი, ჟელატინი, ტიტანის დიოქსიდი, ინდიგოტინი.

ფარმაკოლოგიური თვისებები:

სტრუქტუმი წარმოადგენს ართროზისა და ოსტეოქონდროზის ბაზისურ სამკურნალო საშუალებას. იგი აფერხებს ხრტილის დეგრადაციის პროცესებს. ავლენს მასტიმულირებელ მოქმედებას ქონდროციტებზე, ზრდის ხრტილის მატრიქსის კომპონენტების ბიოსინთეზს. ჩაანაცვლებს ქონდროიტინ სულფატის დეფიციტს. აუმჯობესებს მიკროცირკულაციას სუბქონდრალურ ძვალსა და სინოვიალურ ქსოვილში. ავლენს ტკივილგამაყუჩებელ და ანთების საწინააღმდეგო მოქმედებას და 50%-ით ამცირებს არასტეროიდების მოხმარებას.

ჩვენებები:

• ხერხემლისა და სახსრების დეგენერაციული დაავადებები, ოსტეოართროზები, მალთაშუა ოსტეოქონდროზი.

მიღების წესი და დოზირება:

კაფსულები მიიღება წყლის დაყოლებით. მოზრდილებს ენიშნებათ 500 მგ 2-ჯერ დღეში. კურსის რეკომენდებული ხანგრძლივობაა 3-6 თვე, წელიწადში ერთხელ.

გვერდითი მოვლენები:

იშვიათ შემთხვევებში ერითემა, დერმატიტი, გულისრევა, პირღებინება, შეშუპება.

უკუჩვენებები:

* პრეპარატის ინდივიდუალური აუტანლობა.

* ორსულობის, ლაქტაციის პერიოდსა და ბავშვთა ასაკში სტრუქტუმის გამოყენების შესახებ მონაცემები დღეისათვის არ არსებობს.

შენახვის პირობები:

პრეპარატი ინახება არა უმეტეს 25⁰C ტემპერატურაზე.

ვარგისიანობის ვადა: 3 წელი.

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

ჩიყვის საწინააღმდეგო ჰომეოპათიური საშუალება.

შემადგენლობა და გამოშვების ფორმა:

სუბლინგვალური ტაბლეტები: შეფუთვაში 50 და 250 ც

1 ტაბ.

Spongia D3 …………………………   150 მგ

Calcium jodatum D4 …………………  90 მგ

Silicea D4 …………………………….   30 მგ

Fucus vesicilosus D4 ………………..  30 მგ

ერთი ტაბლეტი შეიცავს 9.3-γ-იოდს.

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანას ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

• ჩიყვი (დიფუზური, იუვენილური), ჩიყვის პროფილაქტიკა;
• ათეროსკლეროზი (არტერიოსკლეროზი, კორონაროსკლეროზი) და სხვა მდგომარეობები, რომელთა დროსაც იოდის მიღებაა ნაჩვენები;
• როგორც დამხმარე საშუალება ჰიპერტონიის, ჯირკვლების სკროფულოზური შეშუპების, რეტიკულოზის, ხველების და კრუპის დროს.

მიღების წესი და დოზირება:

დოზირება ინიშნება მკაცრად ინდივიდუალურად. ჩვეულებრივ 1 ტაბლეტი სუბლინგვალურად 1-3-ჯერ დღეში ან 2 ტაბლეტი 3-ჯერ დღეში.

გამოყენების წესი: ჭამამდე ნახევარი საათით ადრე სუბლინგვალურად სრულ გაწოვამდე, წყლის მიყოლების გარეშე.

გვერდითი მოვლენები:

მოსალოდნელია ფარისებრი ჯირკვლის ჰიპერფუნქცია, ალერგიული გამოვლინებები.

უკუჩვენებები:

იოდის მიმართ მომატებული მგრძნობელობა.

განსაკუთრებული მითითებები:

ფარისებრი ჯირკვლის დაავადებისას არ მიიღება ექიმის დანიშნულების გარეშე.

სხვა წამლებთან ურთიერთქმედება:

არ არის დადგენილი.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 5 წელი.

საერთაშორისო დასახელება:

OUABIN

მწარმოებელი: JENAPHARM, გერმანია

მოქმედი ნივთიერება: ოუაბაინი

კლინიკურ-ფარმაკოლოგიური ჯგუფი:

საგულე გლიკოზიდი.

შემადგენლობა და გამოშვების ფორმა:

საინექციო ხსნარი: ამპულაში 1 მლ, შეფუთვაში 100 ც.

1 მლ.

ოუაბაინი …………   250 მკგ

დამხმარე ნივთიერებები:

ლიმონმჟავას მონოჰიდრატი, ნატრიუმის ჰიდროჟანგი, საინექციო წყალი.

ფარმაკოლოგიური თვისებები:

პრეპარატი ხასიათდება დადებითი ინოტროპული (გულის შეკუშვის ძალის გაძლიერება) და ბათმოტროპული (გულის კუნთის აგზნებადობის მომატება) და უარყოფითი ქრონოტროპული (გულის რითმის გაიშვიათება რეფლექსური მექანიზმით) და დრომოტროპული (გულის გამტარებლობის დათრგუნვა) ეფექტებით. იგი იწვევს სისტოლის ძალის და მისი ამპლიტუდის გაზრდას დროის უფრო ხანმოკლე ინტერვალში და დიასტოლის გახანგრძლივებას. პრეპარატის დადებით ნოოტროპულ მოქმედებას საფუძვლად უდევს უჯრედის მემბრანულ Na⁺ K⁺ -ატფ-ის ბლოკირება და უჯრედის შიგნით სარკოპლაზმური რეტიკულუმიდან მობილიზირებული Ca⁺⁺-ს იონების დაგროვება.

ჩვენებები:

• III-IV ხარისხის გულის ქრონიკული უკმარისობა;
• პაროქსიზმული წინაგულოვანი მოციმციმე არითმია;
• სუპრავენტრიკულური ტაქიკარდია.

მიღების წესი და დოზირება:

მოზრდილებში პრეპარატის საწყისი დოზა ვენაში ინექციის სახით შეადგენს 0..250 მგ-ს – 1 ამპულას.

მაქსიმალური ინდივიდუალური დოზა არ უნდა აღემატებოდეს 0.250 მგ-ს.

დოზის მომატებისას 0.5 მგ-მდე საჭიროა 0..250 მგ პრეპარატის ორი ინექცია ე.ი. თითო ამპულა 12 სთ-იანი ინტერვალით.

გვერდითი მოვლენები:

ოუაბაინი ხასიათდება მოქმედების მცირე თერაპიული დიაპაზონით. სრული თერაპიული ეფექტის არარსებობის შემთხვევაშიც კი, შესაძლებელია შემდეგი გვერდითი მოვლენების განვითარება:

კუჭ–ნაწლავის ტრაქტის მხრივ: გულისრევა, ღებინება, მადის დაკარგვა, იშვიათად – დიარეა, ცალკეულ შემთხვევებში – ჯორჯლის ინფარქტი.

ცნს–ის მხრივ: თავის ტკივილი, საერთო სისუსტე, უძილობა, დეპრესია, ფსიქოზი, ჰალუცინაციები, იშვიათად – მხედველობის დარღვევა.

ხანდაზმულ მამაკაცებში იშვიათად ადგილი აქვს სარძევე ჯირკვლების გადიდებას.

იშვიათად – ალერგიული რეაქციები.

გულის რითმის დარღვევა, ვენტრიკულური ტაქიკარდია, ატრიოვენტრიკულური ბლოკადა, პარკუჭების ციმციმი და გულის გაჩერება.

გვერდითი მოვლენების სიხშირე შეადგენს დაახლოებით 20%-ს.

უკუჩვენებები:

* გლიკოზიდური ინტოქსიკაცია, მიოკარდიუმის მწვავე ინფარქტი,  ვენტრიკულური ტაქიკარდია, II და III ხარისხის ატრიოვენტრიკულური ბლოკადა, ჰიპერკალციემია, ჰიპერკალიემია, ჰიპოკალიემია ჰიპერტროფული ობსტრუქციული კარდიომიოპათიები და კონსტრიქციული პერიკარდიტი, კაროტიდული სინუსის სინდრომი, აორტის თორაკალური ანევრიზმა, ვოლფ-პარკინსონ-უაიტის სინდრომი.

* პრეპარატი განსაკუთრებით სიფრთხლით ინიშნება – ბრადიკარდიით გამოწვეული არითმიების, გულის სხვადასხვა სახის ბლოკადების ღვიძლისა და თირკმელების ფუნქციის დარღვევის, ჰიპომაგნიემიის, აგრეთვე ჰიპოთირეოზით შეპყრობილ ხანდაზმულ პაციენტებში და საგულე გლიკოზიდების მიმართ მომატებული მგრძნობელობის დროს (ჰიპოქსია).

ორსულობა და ლაქტაცია:

პრეპარატის გამოყენება ორსულობის და ლაქტაციის პერიოდში რეკომენდებული არ არის.

განსაკუთრებული მითითებები:

◄ პრეპარატი განსაკუთრებული სიფრთხილით ინიშნება საგულე გლიკოზიდების მიმართ მომატებული მგრძნობელობის დროს;

◄ პაციენტებში მჟავა-ტუტოვანი და ელექტროლიტური ბალანსის დარღვევის დროს;

◄ თირკმელების უკმარისობით გამოწვეული საგულე გლიკოზიდების ორგანიზმიდან გამოყოფის პროცესის დარღვევის დროს;

◄ მიოკარდიტის დროს;

◄ ჟანგბადის უკმარისობით და ატფ-ის დეფიციტით გამოწვეული გულის კორონარული დაავადების დროს;

◄ ჰიპოთირეოზი;

◄ ჭარბი წონა;

◄ ხანდაზმული ასაკის პაციენტებში.

პრეპარატი ვენაში შეყავთ ძალიან ნელა. პრეპარატის მოქმედება იწყება ინექციიდან 3-10 წთ-ის შემდეგ, ხოლო მისი სრული მოქმედება გულის კუნთზე აღინიშნება 0.5-2 სთ-ის შემდეგ და გრძელდება 1-3 დღის განმავლობაში.

აღნიშნული საინექციო ხსნარი არ შეიცავს კონსერვანტებს, გათვალისწინებულია მხოლოდ ერთჯერადი გამოყენებისათვის. პრეპარატის ვენაში ინექცია წარმოებს სწრაფად, ამპულის გატეხვის და ხსნარის ამოღებისთანავე.

გამოუყენებელი ხსნარი საჭიროა განადგურდეს.

პრეპარატის დოზა და მკურნალობის ხანგრძლივობა ინდივიდუალურია, იგი დამოკიდებულია დაავადების სიმძიმესა და პაციენტის მდგომარეობაზე.

სხვა წამლებთან ურთიერთქმედება:

– პრეპარატის კომბინაციით სიმპათომიმეტური საშუალებებთან, მეთიქსანტინებთან, რეზერპინთან, ტრიციკლურ ანტიდეპრესანტებთან, ფოსფოდიესთერაზას ბლოკატორებთან (მაგ., თეოფილინთან) იზრდება გულის რითმის დარღვევის საშიშროება.

– პრეპარატის კომბინაციით ქინიდინთან, ამიოდარონთან, კაპტოპრილთან, კალციუმის ანტაგონისტებთან, ერითრომიცინთან და ტეტრაციკლინებთან იზრდება უაბაინის კონცენტრაცია სისხლის პლაზმაში.

– პრეპარატის კომბინაცია მარყუჟოვან დიურეზულ, საფაღარათო საშუალებებთან, ინსულინთან, გლუკოკორტიკოიდებთან, კარბენოქსოლონთან, ამფოტერიცინ B-თან, ბენზილპენიცილინთან, სალიცილატებთან, ადრენოკორტიკოტროპულ ჰორმონთან იწვევს უაბაინის მიმართ მომატებულ მგრძნობელობას.

– ბეტა-ბლოკატორებთან და ანტიარითმიულ პრეპარატებთან კომბინაციით ძლიერდება უარყოფითი ქრონოტროპული და დრომოტროპული მოქმედება.

– პრეპარატის კომბინაციით ფენიტოინთან, რიფამპიცინითან, ფენობარბიტალთან, ფენილბუტაზონთან, სპირონოლაქტონთან, აგრეთვე ნეომიცინთან, და ციტოსტატურ საშუალებებთან მცირდება უაბაინის კონცენტრაციები სისხლის პლაზმაში.

შენახვის პირობები:

პრეპარატი ინახება სინათლისა და ბავშვებისაგან დაცულ ადგილას.

საერთაშორისო დასახელება:

OUABIN

მწარმოებელი: GALICHFARM

მოქმედი ნივთიერება: ოუაბაინი

კლინიკურ-ფარმაკოლოგიური ჯგუფი:

კარდიოტონული საშუალება – გულის გლიკოზიდი

შემადგენლობა და გამოშვების ფორმა:

საინექცო ხსნარი 0.025%: ამპულაში.

1 მლ.

ოუაბაინი ……………………… 250 მკგ

საინექციო ხსნარი 0.05%: ამპულაში.

1 მლ

ოუაბაინი …………………….  500 მკგ

ვრცლად სტროფანტინი G (დოზირება ინდივიდუალური)

მწარმოებელი: FERROSAN

კლინიკურ-ფარმაკოლოგიური ჯგუფი:

მცენარეული წარმოშობის ბიოლოგიურად აქტიური დანამატი; რეტინოპროტექტორი

შემადგენლობა და გამოშვების ფორმა:

ტაბლეტები: ბლისტერზე 30 ტაბ.

მოცვის ექსტრაქტი ……………     102.61 მგ

ლუთეინი ……………………….        3 მგ

ვიტამინი A …………………….      400 მკგ

ვიტამინი E ………………………       5 მგ

თუთია ……………………………     7.5 მგ

სელენიუმი ……………………….    25 მკგ

ვრცლად სტრიქსი (დოზირება ინდივიდუალური)

სახელი, გვარი ^*

მიმართულება ^*
აირჩიე

კლინიკა ^*
აირჩიე

მწარმოებელი: FERROSAN

კლინიკურ-ფარმაკოლოგიური ჯგუფი:

მცენარეული წარმოშობის ბიოლოგიურად აქტიური დანამატი; რეტინოპროტექტორი

შემადგენლობა და გამოშვების ფორმა:

შემოგარსული ტაბლეტები: ბლისტერზე 30 ტაბ.

1 ტაბ.

მოცვის ნაყოფის მშრალი ექსტრაქტი …………….     82.4 მგ

ბეტა-კაროტინის კონცენტრატი 10% ……………..    12 მგ

შემავსებლები:

მოცვის წვენის ლიოფილიზატი (ფხვნილი), მიკროკრისტალური ცელულოზა, სიმინდის სახამებელი, სილიციუმის დიოქსიდი, მაგნიუმის სტეარატი. ტაბლეტის გარსი : მეთილცელულოზა, გაწმენდილი წყალი.

აღწერა

მრგვალი ორმაგად ამობურცული ტაბლეტები, შემოგარსული მუქი-იისფერი გარსით, სხვადასხვა ინტენსიურობის იისფერი წერტილებით.

ფარმაკოლოგიური თვისებები:

ახდენს მხედველობითი პიგმენტის როდოფსინის სინთეზის სტიმულირებასა და რეგენერაციას. ხელსუწყობს მხედველობის სიმკვეთრის ზრდას, აუმჯობესებს სიბნელისა და ცუდი განათების პირობებში ადაპტაციას. გააჩნია ანგიოპროტექტული მოქმედება და აუმჯობესებს თვალის ბადურისადმი სისხლის მიწოდებას. პრეპარატს გააჩნია ანტიოქსიდანტური მოქმედება.

ჩვენებები:

მიღების წესი და დოზირება:

ბავშვებში 7 წლიდან: 1 ტაბ. დღეში.

დიდებში: 2 ტაბლეტი დღეში.

ექიმის მიერ დადგენილი მკურნალობის კურსი.

გვერდითი მოვლენები:

პრეპარატის კომპონენტების მიმართ ინდივიდუალური აუტანლობის შემთხვევაში შესაძლებელია ალერგიული რეაქციები.

უკუჩვენება:

პრეპარატის კომპონენტების მიმართ ინდივიდუალური აუტანლობა.

ორსულობა და ლაქტაცია:

პრეპარატის გამოყენება ორსულობისა და/ან ლაქტაციის პერიოდში შესაძლებელია ექიმთან კონსულტაციის შემდეგ.

განსაკუთრებული მითითებები:

არ არის სასურველი მითითებული დღიური დოზის გადაჭარბება.

შენახვის პირობები:

მშრალ, სინათლისგან დაცულ ადგილზე, ტემპერატურაზე არაუმეტეს 25°C. შეინახეთ ბავშვებისათვის მიუწვდომელ ადგილზე.

ვარგისიანობის ვადა: 3 წელი. არ გამოიყენით ვარგისიანობის ვადის გასვლის შემდეგ.

აფთიაქში გაცემის წესი:

ურეცეპტოდ

საერთაშორისო დასახელება:

ETIFOXINE

მწარმოებელი: Laboratoires BIOCODEX, საფრანგეთი

მოქმედი ნივთიერება: ეტიფოქსინი

კლინიკურ-ფარმაკოლოგიური ჯგუფი:

ანქსიოლიზური (შფოთვის საწინააღმდეგო) საშუალება.

შემადგენლობა და გამოაშვების ფორმა:

კაფსულები: ბლისტერზე 12 კაფს., შეფუთვაში 5 ბლისტერი.

1 კაფს.

ეტიფოქსინის ჰიდროქლორიდი ……… 50 მგ

დამხმარე ნივთიერებები:

ლაქტოზას მონოჰიდრატი, ტალკი, მიკროკრისტალური ცელულოზა, კოლოიდური სილიკატი, მაგნიუმის სტეარატი.

ფარმაკოლოგიურ თვისებები:

თერაპიული დოზებით ეტიფოქსინის ჰიდროქლორიდს აქვს ანქსიოლიზური მოქმედება. ეტიფოქსინის ჰიდროქლორიდი არ მოქმედებს ფსიქომოტორული რეაქციების სიჩქარეზე და შეიძლება გამოყენებულ იქნას როგორც დღის ტრანკვილიზატორი.

ჩვენებები:

• ნევრასთენიული მდგომარეობები, რომელთაც ახლავს შფოთვა, შიში და მოუსვენრობა;
• შფოთვით-ფობიური მოშლილობები;
• ვეგეტატიური მოშლილობები ზომიერად გამოხატული შიშით, აპათიით, აქტივობის დაქვეითებით.

მიღების წესი და დოზირება:

პრეპარატის დოზას და მკურნალობის კურსის ხანგრძლივობას განსაზღვრავს ექიმი დაავადების სიმძიმის მიხედვით.

მოზრდილები – 1 კაფსულა 2-3-ჯერ დღეში ჭამის წინ. მკურნალობის მაქსიმალური ხანგრძლივობა შეადგენს 12 კვირას.

გვერდითი მოვლენები:

ხანდახან აღინიშნება თავბრუსხვევა, რომელიც შეიძლება წარმოიქმნას მკურნალობის დასაწყისში და მკურნალობის გაგრძელებისას თავისით გაქრეს.

იშვიათად – გამონაყარი კანზე, ძალიან იშვიათად – ალერგიული რეაქციები, ისეთი, როგორც ჭინჭრის ციება, ანგიოდერმიტი.

უკუჩვენებები:

* პრეპარატი არ ინიშნება ბავშვებში 15 წლამდე (არასაკმარისი კლინიკური კვლევების გამო).

განსაკუთრებული მითითებები:

♦  სტრესამით მკურნალობის შეწყვეტისას პაციენტს არ აღენიშნება მოხსნის სინდრომი.

♦ სტრესამი არ მოქმედებს ფსიქომოტორული რეაქციების სიჩქარეზე, მაგრამ პრეპარატის მიმართ ინდივიდუალური რეაქციის გათვალისწინებით, მკურნალობის პერიოდში შესაძლებელია საავტომობილო ტრანსპორტის და პოტენციურად საშიში მექანიზმების მართვის უნარის ხანმოკლე გაუარესება.

♦ მკურნალობის პერიოდში საჭიროა თავის შეკავება ალკოჰოლური სასმელების, ცენტრალური მოქმედების სხვა ნივთიერებების (ჰალოპერიდოლი, დიაზეპამი, იმიპრამინი) მიღებისაგან.

ჭარბი დოზირება:

აღინიშნება ჰიპოტენზია (არტერიული წნევის დაქვეითება).

აუცილებლობის შემთხვევაში სამედიცინო პერსონალის მიერ ტარდება სიმპტომური მკურნალობა.

სპეციფიკური ანტიდოტი არ არსებობს.

სხვა წამლებთან ურთიერთქმედება:

სტრესამის და იმ პრეპარატების, რომლებიც თრგუნავენ ცენტრალური ნერვული სისტემის მოქმედებას (ნეიოროლეპტიური, ტრანკვილიზური, ანალგეზიური, სედატიური საშუალებები, ანტიდეპრესანტები) ერთდროულმა გამოყენებამ შეიძლება გამოიწვიოს მოქმედების ეფექტურობის პოტენცირება.

შენახვის პირობები:

პრეპარატი ინახება ოთახის ტემპერატურაზე, მშრალ, ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

SULFANILAMIDE

მწარმოებელი: DARNITSA

მოქმედი ნივთიერება: სულფანილამიდი

კლინიკურ-ფარმაკოლოგიური ჯგუფი:

ანტიმიკრობული საშუალება, სულფანილამიდი

შემადგენლობა და გამოშვების ფორმა:

ტაბლეტები: შეფუთვაში 10 ც.

1 ტაბ.

სულფანილამიდი ………… 0.3 გ

ვრცლად სულფანილამიდი

საერთაშორისო დასახელება:

SULFANILAMIDE+AMINITROZOLE

მწარმოებელი: DARNITSA

კლინიკურ-ფარმაკოლოგიური ჯგუფი:

ანტიმიკრობული კომბინირებული საშუალება

შემადგენლობა და გამოშვების ფორმა:

მალამო: ტუბში 15 გ.

100 გ

სტრეპტოციდი ……..   5 გ

ნიტრაზოლი ………..   2 გ

ფარმაკოლოგიური მოქმედება:

კომბინირებული პეპარატი, ახდენს ანტიბაქტერიულ მოქმედებას ასპოროგენულ ანაერობულ ბაქტერიებზე (ბაქტეროიდები, პეპტოკოკები, პეპტოსტრეპტოკოკები და სხვა), კლოსტრიდიები, სტაფილოკოკები, სტრეპტოკოკები, ლურჯ–მწვანე და ნაწლავური ჩხირები, ანტიბიოტიკო გამძლე შტამების ჩათვლით. ახასიათებს ანთების საწინააღმდეგო და ზომიერად ჰიპეროსმოლარული მოქმედება. ადგილობრივ გამაღიზიანებელ მოქმედებას არ ახდენს.

ჩვენებები:

• სხვადასხვა წარმოშობის ჩირქოვანი ჭრილობები: ოპერაციის შემდგომი, ფლეგმონის, აბსცესის გახსნის შემდეგ, ანთების (როცა ჭარბი ექსუდაცია არ არის) და რეგენერაციის ფაზაში;
• დამწვრობა (I-IV ხარისხის; ალტერაციის, ექსუდაცის, ფუფხის ფორმირებისა და მოცილების სტადიაში);
• დამწვარის ზედაპირის მოსამზადებლად აუტოდერმოპლასტიკისათვის;
• ნაწოლებისა და ტროფიკული წყლულებისას;
• დიაბეტური განგრენა;
• ატოპიური დერმატიტი;
• გართულებული ბაქტერიული ინფექცია;
• პიოდერმია, ფერისმჭამელა.

მიღების წესი და დოზირება:

ადგილობრივად. ჭრილობებისა და დამწვრობების დამუშავების შემდეგ (რაც გულისხმობს – ნეკროზული ქსოვილების და ჩირქოვანი ექსუდატის მოშორებას, წყალბადის ზეჟანგის ხსნარით, ფურაცილინით 1:5000 ან ბიგლუკონატის ქლორჰექსიდინით 0.05% გამორეცხვა,) პრეპარატი დაიტანება თხელი ფენის სახით დაზიანებულ ზედაპირზე, რის შემდეგაც ედება სტერილური მარლის სახვევი ან ესმება გადასახვევ მასალას და შემდეგ თავსდება დაზიანებულ ზედაპირზე.

ჩირქოვანი ჭრილობების მკურნალობისას – დღეში 1–2–ჯერ.

ჭარბი ჩირქოვანი ექსუდაციით ჭრილობები– მისი ლიკვიდაციის შემდეგ, პოლიეთილენოქსიდის ფუძეზე დამზადებული მაზების საშუალებით.

დამწვრობის მკურნალობისას – 1–ჯერ 1–2 დღეში.

III-IV ხარისხის დამწვრობისას –ნეკროზული ქსოვილის ძირითადი  მასის მოცილებისას, აუტოდერმოპლატიკისთვის მოსამზადებლად და ჭრილობაში ინფექციის (მათ შორის, ლური–მწვანე) ლიკვიდაციის შემდეგ.

დოზა დამოკიდებულია დაზიანებული ზედაპირის ფართზე. მკურნალობის ხანგრძლიობა განისაზღვრება ჭრილობის შეხორცების დინამიკით და აუტოდერმოპლასტიკისთვის მზადყოფნით.

კანის ინფექციების სამკურნალოდ – 2–ჯერ დღეში; ისმება თხელ ფენად, ნახვევის გარეშე ან ნახვევით 1–3 კვირის მანძილზე.

უკუჩვენებები:

ჰიპერმგრძნობელობა, ჭრილობები ჭარბი ჩირქოვანი ექსუდატით.

გვერდითი მოქმედება:

წვა, მტკივნეულობა.