მწარმოებელი: ნიჟფარმი, რუსეთი

შემადგენლობა:

თეთრი ფერის, ბრტყელცილინდრული ფორმის ტაბლეტები. დაიშვება ზედაპირის ბზინვარება.

ერთი ტაბლეტი შეიცავს:

პირაცეტამი ……………. 0,4 გ,

ცინარიზინი ………….. 0,025 გ;

დამხმარე ნივთიერებები: რძის შაქარი (ლაქტოზა) ბირთვის საშუალო მასის არაუმეტეს 10%., მაგნიუმის კარბონატი ძირითადი, პოლივინილპიროლიდონი დაბალმოლეკულური სამედიცინო, კაჟბადის დიოქსიდი კოლოიდური (აეროსილი), კალციუმის სტეარატი, კროსპოვიდონი 0,52 გ მასის ტაბლეტის მიღებამდე.

ფარმაკოთერაპიული ჯგუფი:

ნოოტროპული საშუალება

ფარმაკოლოგიური თვისებები

ფარმაკოდინამიკა – კომბინირებული სამკურნალო საშუალება გამოხატული ანტიჰიპოქსიური, ნოოტროპული და სისხლძარღვების გამაფართოვებელი ეფექტით.

პირაცეტამი – ააქტიურებს პროცესებს თავის ტვინში ენერგეტიკული და ცილოვანი ცვლის გაძლიერების, უჯრედების მიერ გლუკოზას უტილიზაციის დაჩქარებისა და ჰიპოქსიის მიმართ მათი მდგრადობის მომატების მეშვეობით. აუმჯობესებს ნეირონებს შორის გადაცემას ცენტრალურ ნერვულ სისტემაში, აუმჯობესებს რეგიონულ სისხლდინებას იშემიზირებულ ზონაში.

ცინარიზინი ნელი კალციუმის არხების სელექციური ბლოკატორი, აინჰიბირებს უჯრედებში კალციუმის იონების მიწოდებას და ამცირებს მათ შემცველობას პლაზმოლემის დეპოში, აქვეითებს არტერიოლების გლუვი მუსკულატურის ტონუსს, ამცირებს მათ რეაქციას სისხლძარღვების გამაფართოვებელ ბიოგენურ ნივთიერებებზე (ეპინეფრინი, ნორეპინეფრინი, დოფამინი, ანგიოტენზინი, ვაზოპრესინი). გააჩნია სისხლძარღვების გამაფართოვებელი ეფექტი (განსაკუთრებით თავის ტვინის სისხლძარღვების მიმართ, პირაცეტამის ანტიჰიპოქსიური მოქმედების გაძლიერებით), და არ ახდენს მნიშვნელოლოვან გავლენას არტერიულ წნევაზე. ავლენს ზომიერ ანტიჰისტამინურ აქტივობას, ამცირებს ვესტიბულური აპარატის აგზნებულობას, ამცირებს სიმპათიკური ნერვული სისტემის ტონუსს. ზრდის ერითროციტების მემბრანების ელასტიკურობას, ადეფორმირებს მათ უნარს, ამცირებს სისხლის წებოვნებას.

ფარმაკოკინეტიკა:

პრეპარატი სწრაფად და მთლიანად შეიწოვება კუჭ-ნაწლავის ტრაქტში. პირაცეტამის მაქსიმალური კონცენტრაცია პლაზმაში 2-6 საათში მიიღწევა; მაქსიმალური კონცენტრაცია ლიქვორში 2-8 საათში. ბიოშეღწევადობა 100% შეადგენს. პლაზმის ცილებს არ უერთდება. აღწევს ყველა ორგანოსა და ქსოვილში, აღწევს პლანცეტურ ბარიერში. შერჩევითად გროვდება თავის ტვინის ქერქში, ძირითადად, შუბლის, საფეთქლისა და კეფის ნაწილებში, ნათხემსა და ბაზალურ განგლიებში. არ მეტაბოლიზდება. 30 საათის შემდეგ 95%-ზე მეტი თირკმელებით გამოიყოფა.

ცინარიზინის მაქსიმალური კონცენტრაცია პლაზმაში 1-4 საათში მიიღწევა. პლაზმის ცილებს 91%-ით უერთდება. აქტიურად და მთლიანად მეტაბოლიზდება. ნახევარგამოყოფის პერიოდი 4 საათს შეადგენს. მეტაბოლიტების 1/3 შარდთან ერთად გამოიყოფა, 2/3 განავალთან ერთად.

გამოყენების ჩვენებები:

ტვინის სისხლის მიმოქცევის უკმარისობა (თავის ტვინის სისხლძარღვების ათეროსკლეროზი, იშემიური და ჰემორაგიული ინსულტების, ქალა-ტვინის ტრავმების აღდგენითი პერიოდი, სხვადასხვა გენეზის ენცეფალოპათიები), ინტოქსიკაციები; ცენტრალური ნერვული სისტემის სხვა დაავადებები, რომლებსაც ახლავს ინტელექტუალურ-შემეცნებითი ფუნქციების დაქვეითება (მეხსიერების, ყურადღების, განწყობის მოშლა), ფსიქოორგანული სინდრომი ასთენიისა და ადინამიის ნიშნების სიჭარბით, ასთენიური სინდრომი; ლაბირინთოპათიები, მენიერის სინდრომი; ინტელექტუალური განვითარების ჩამორჩენა ბავშვებში, შაკიკისა და კინეტოზების პროფილაქტიკა.

უკუჩვენებები:

* ინდივიდუალური აუტანლობა; 
* ღვიძლის და/ან თირკმელების ფუნქციის მძიმე დარღვევები;
* ორსულობა, ლაქტაცია;
* 5 წლამდე ასაკის ბავშვები.

გამოყენება ორსულობისა და ლაქტაციის დროს:

ორსულობისა და ლაქტაციის პერიოდში პრეპარატის გამოყენება უკუნაჩვენებია.

გამოყენების წესი და დოზები:

მიიღება შიგნით, მოზრდილებში ინიშნება 1-2 ტაბლეტი დღეში 3-ჯერ, 1-3 თვის განმავლობაში დაავადების სიძიმის მიხედვით; ბავშვებში 1-2 ტაბლეტი 1-2-ჯერ დღეში. 3 თვეზე მეტხანს გამოყენება არ შეიძლება.

გვერდითი მოქმედება:

დისპეფსია, თავის ტკივილი, ძილის მოშლა, იშვიათად – ალერგიული რეაქციები კანზე გამონაყრის სახით.

ურთიერთქმედება სხვა სამკურნალო საშუალებებთან:

ერთად მიღებისას შესაძლებელია იმ საშუალებების სედაციური მოქმედების გაძლიერება, რომლებიც თრგუნავენ ცენტრალური ნერვული სისტემის მოქმედებას, ასევე ალკოჰოლის, ნოოტროპული და ჰიპოტენზიული საშუალებების, სისხლძარღვების გამაფართოვებელი საშუალებები აძლიერებენ პრეპარატის მოქმედებას. ასუსტებს ჰიპოტენზიური სამკურნალო საშუალებების ეფექტს.

აუმჯობესებს ანტიფსიქოზური საშუალებებისა და ტრიციკლური ანტიდეპრესანტების ამტანობას.

განსაკუთრებული მითითებები:

პრეპარატი სიფრთხილით უნდა დაინიშნოს პაციენტებში ღვიძლის და/ან თირკმლის დაავადებებით. თირკმლის მსუბუქი და ზომიერი უკმარისობის შემთხვევებში (განსაკუთრებით, თუ კრეატინინის კლირენსი 60 მლ/წთ-ზე ნაკლებია) უნდა შემცირდეს თერაპიული დოზა ან გაიზარდოს მიღებათა შორის ინტერვალები. პაციენტებში ღვიძლის ფუნქციის დარღვევებით აუციებელია ღვიძლის ფერმენტების შემცველობის კონტროლი.

მკურნალობის დროს ალკოჰოლის მიღება არ შეიძლება.

პრეპარატი სიფრთხილით უნდა დაინიშნოს თვალის მაღალი წნევის, ასევე პარკინსონის დაავადების დროს.

ავტომანქანების მართვა და მექანიზმებთან მუშაობა:

მკურნალობის დროს საჭიროა სიფრთხილის დაცვა ავტომანქანის მართვისა და მექანიზმებთან მუშაობის დროს.

ვარგისიანობის ვადა:

2 წელი. ვარგისიანობის ვადის გასვლის შემდეგ პრეპარატის გამოყენება არ შეიძლება.

შენახვის პირობები:

სია ბ. ინახება მშრალ, ბავშვებისათვის მიუწვდომელ ადგილას, არაუმეტეს +25C ტემპერატურაზე.

გაცემის პირობები:

რეცეპტით.

ომაკორი

საერთაშორისო არაპატენტირებული დასახელება :

ომეგა -3 ტრიგლიცერიდები [ ეპმ / დჰმ -1,2/1-90%]

სამკურნალო ფორმა: კაფსულები

შემადგენლობა:

ყოველი კაფსულა შეიცავს:

აქტიური ნივთიერება:

ომეგა -3- მჟავების ეთილეთერი …………….  1000 მგ

( ომეგა -3- მჟავის ეთილის ეთერი , რომელიც შედგება ეიკოზაპენტაენის მჟავის ეთილ ეთერისგან ( ეპმ ) -46%) და დოკოზაჰექსანის მჟავის ეთილეთერისგან

(დჰმ ) -38%);

ალფა – ტოკოფეროლი ……………………………       4 მგ

კაფსულის გარსის შემადგენლობა : ჟელატინი , გლიცერინი , გამოხდილი წყალი .

აღწერილობა :

ჟელატინის გამჭვირვალე რბილი კაფსულა ზომით 20, კაფსულის შიგთავსი – ღია ყვითელი ფერის ზეთოვანი სითხე .

ფარმაკოთერაპიული ჯგუფი :

ჰიპოლიპიდემიური საშუალება

ფარმაკოლოგიური თვისებები:

ფარმაკოდინამიკა

ომეგა -3 ჯგუფის პოლიუჯერი ცხიმოვანი მჟავები – ეიკოზაპენტაენის მჟავა

(ეპმ ) და დოკოზაჰექსანის მჟავა ( დჰმ ) მიეკუთვნება შეუცვლელ

(ესენციალურ ) ცხიმოვან მჟავებს .

ომაკორი აქვეითებს ტრიგლიცერიდების შემცველობას ძალიან დაბალი სიმკვრივის ლიპოპროტეიდების კონცენტრაციის შემცირების შედეგად, გარდა ამისა აქტიურად მოქმედებს ჰემოსტაზზე, ამცირებს რა თრომბოქსან A2 – ის სინთეზს და უმნიშვნელოდ ზრდის სისხლის შედედების დროს.

ომაკორი აკავებს ტრიგლიცერიდების სინთეზს ღვიძლში ეპმ და დჰმ – ს ეთერიფიკაციის ინჰიბირების ხარჯზე .

ტრიგლიცერიდების დონის დაქვეითება ხელს უწყობს პერიქსიმოზა β – ით ცხიმოვანი მჟავების დაჟანგვის მატებას . ( თავისუფალი ცხიმოვანი მჟავების რაოდენობის შემცირებას , რომლებიც იმყოფებიან ტრიგლიცერიდების სინთეზის ქვეშ ).

მაღალი სიმკვრივის ლიპოპროტეიდების მატება ძალიან უმნიშვნელოა და არ არის მუდმივი. ის გაცილებით ნაკლებია ვიდრე ფიბრატების მიღების შემდეგ.

იმ პაციენტების დაკვირვების შედეგებმა (3,5 წლის განმავლობაში ) რომლებიც იღებდნენ 1 გ ომაკორს დღეღამეში , აჩვენეს კომბინირებული მაჩვენებლის მნიშვნელოვანი შემცირება, რომელიც მოიცავს სიკვდილიანობას ყველა მიზეზით აგრეთვე მიოკარდიუმის არაფატალურ ინფარქტს და ინსულტს.

ფარმაკოკინეტიკა:

ომეგა -3 ტიპის ცხიმოვანი მჟავების შეწოვის პროცესში ან მის შემდეგ არსებობს მეტაბოლიზმის 3 ძირითადი გზა :

·  ცხიმოვანი მჟავები თავდაპირველად გადადიან ღვიძლში , სადაც ჩაერთვებიან სხვადასხვა კატეგორიის ლიპოპროტეიდების შემადგენლობაში და მიემართებიან ლიპიდების პერიფერიული რეზერვებისკენ .

·   უჯრედული მემბრანების ფოსფოლიპიდები იცვლება ლიპოპროტეიდების ფოსფოლიპიდებით , რის შემდეგაც ცხიმოვანი მჟავები შეიძლება მოგვევლინონ სხვადასხვაგვარი ეიკოზანოიდების წინამორბედების სახით .

·   ცხიმოვანი მჟავების უმრავლესობა იჟანგება ენერგეტიკული მოთხოვნილების უზრუნველყოფის მიზნით .

ომეგა -3 ჯგუფის ცხიმოვანი მჟავების კონცენტრაცია – ეპმ და დჰმ – სისხლის პლაზმის ფოსფოლიპიდებში შეესაბამება ეპმ და დჰმ – ს კონცენტრაციას , რომელებიც შედიან უჯედული მემბრანის შემადგენლობაში.

ჩვენებები:

მიოკარდიუმის ინფარქტის მეორადი პროფილაქტიკა ( მკურნალობის სხვა სტანდარტულ მეთოდებთან ერთად : სტატინებით, ანტიაგრეგაციული საშუალებებით, ბეტა – ადრენობლოკატორებით,   აგფ ინჰიბიტორებით )

ჰიპერტრიგლიცერიდემია

ენდოგენური ჰიპერტრიგლიცერიდემია – მისი არასაკამარისი ეფექტურობის დროს საკვები დანამატის სახით .

·   ტიპი IV ( მონოთერაპიის სახით )

·   ტიპი II ბ /III ( სტატინებთან კომბინაციაში – იმ შემთხვევაში , როცა ტრიგლიცერიდების კონცენტრაცია რჩება მაღალი )

უკუჩვენებები:

* მომატებული მგრძნობელობა პრეპარატის კომპონენტების მიმართ , ეგზოგენური ჰიპერტრიგლიცერიდემია (I ტიპის ჰიპერჰილომიკრონემია ), ორსულობა და ლაქტაციის პერიოდი).

* სიფრთხილით უნდა იქნას გამოყენებული შემდეგ შემთხვევბში :

18 წლამდე ასაკი ( ეფექტურობა და უსაფრთხოება არ არის დადგენილი )

ხანდაზმული ასაკი (70 წელზე ზევით );

* ღვიძლის ფუნქციის გამოხატული დარღვევა;

* ფიბრატებთან ერთად გამოყენება;

* პერორალურ ანტიკოაგულანტებთან ერთად გამოყენება;

* მძიმე ტრავმები , ქირურგიული ოპერაციები ( სისხლდენის დროის მომატების რისკთან დაკავშირებული ).

მიღების წესები და დოზირება:

შიგნით მისაღებად , საკვებთან ერთად .

მიოკარდიუმის ინფარქტის მეორადი პროფილაქტიკის მიზნით რეკომენდებულია დღეღამეში 1 კაფსულის მიღება . მკურნალობის ხანგრძლივობა განისაზღვრება ექიმის რეკომენდაციით .

ჰიპერტრიგლიცერიდემია : საწყისი დოზა შეადგენს 2 კაფსულას დღეში . თერაპული ეფექტის არარსებობის შემთხვევაში შესაძლებელია დოზის გაზრდა 4 კაფსულამდე დღეში .

მკურნალობის ხანგრძლივობა განისაზღვრება ექიმის რეკომენდაციით .

გვერდითი ეფექტები:

გვერდითი ეფექტების სიხშირე განისაზღვრება შემდეგი თანმიმდევრობით : ხშირი ( შემთხვევათა 1-10%); არახშირი ( შემთხვევათა 0.1-1%); იშვიათი ( შემთხვევათა 0.01-0.1%). ძალიან იშვიათი (0.01%- ზე ნაკლები ), მათ შორის ერთეული შემთხვევები .

ინფექციური პროცესებ : გასტროენტერიტი არახშირად .

იმუნური სისტემის მხრივ: არახშირად მომატებული მგრძნოებელობა

ნივთირებათა ცვლის და კვების დარღვევები: იშვიათად ჰიპერგლიკემია

ნერვული სიისტემის მხრივ: არახშირად თავბრუსხვეა , დისგევზია ( გემოს გაუარესება ); იშვაითად თავის ტკივილი .

სისხლძარღვოვანი დარღვევები: ძალიან იშვიათად არტერიული წნევის დაქვეითება ;

სუნთქვის ორგანოების , გულმკერდის და შუასაყარის მხრივ: ძალიან იშვაითად ცხვირის სიმშრალე .

კუჭ – ნაწლავის ტრაქტის მხრივ: ხშირად დისპეფსია , გულისრევა ; არახშირად ტკივილი მუცლის არეში , კუჭ – ნაწლავის მხრივ დარღვევები , გასტრიტი , მუცლის ზედა ნაწილის ტკივილი ; ძალიან იშვიათად სისხლდენა კუჭ – ნაწლვის ტრაქტის ქვედა ნაწილებიდან .

ღვიძლის მხრივ: იშვიათად ღვიძლის ფუნქციის დარღვევა .

კანის და კანქვეშა – ცხიმოვანი ქსოვილის მხრივ: იშვიათად აკნე , ქავილით მიმდინარე გამონაყარი ; ძალიან იშვიათად ჭინჭრის ციება .

გამოკვლევის პროცესში: ძალიან იშვიათად აღინიშნება სისხლის ლეიკოციტების მატება , სისხლის ლაქტატდეჰიდროგენაზის მომატება . პაციენტებში , რომლებსაც აქვთ ჰიპერტრიგლიცერიდემია , აღინიშნებოდა ტრანსამინაზების ზომიერი მომატება ( ალტ და ასტ )

ერთეული გვერდითი ეფექტების შემთხვევები:

ნივთიერებათა ცვლის და კვების დარღვევები : გაზრდილი მოთხოვნილება ინსულინზე ( სტანდარტული დოზის მომატების აუცილებლობა )

დარღვევები ღვიძლის მხრივ : ” ღვიძლის ” ფერმენტების აქტივობის მამატება .

დარღვევები კანისა და კანქვეშა ქსოვილების მხრივ : ვარდისფერი აკნე , გამონაყარი , სიწითლე / ერითემა , ჭინჭრის ციება გულმკერდის , კისრის და მხრების მიდამოში .

გამოკვლევის პროცესში აღინიშნა ერთეული შემთხვევები სისხლში კრეატინფოსფოკინაზის მომატების , მიალგიის , ალტ და ასტ და სხეულის მასის მომატების შესახებ .

დოზის გადაჭარბება:

შესაძლებლია გვერდითი ეფექტების გამოვლენა ან მათი გამოხატვის გაძლიერება .

რეკომენდირებულია სიმპტომური მკურნალობა .

პრეპარატის ურთიერთქმედება სხვა სამკურნალო საშუალებებთან;

– პერორალურ ანტიკოაგულანტებთან ერთად მისი ერთდროული გამოყენებისას  სისხლდენის დროის მომატების რისკი .

ომაკორის დანიშვნა ვარფარინთან ერთად არ იწვევს რაიმე სახის ჰემორაგიულ გართულებებს . თუმცა ომაკორის და ვარფარინის კომბინირებული მიღებისას ან ომაკორის მკურნალობის კურსის შეწყვეტისას აუცილებელია პროთრომბინის დროის კონტროლი .

არ არის რეკომენდირებული მისი მიღება ფიბრატებთან ერთად .

განსაკუთრებული მითითებანი :

სისხლდენის დროის ზომიერ მომატებასათან დაკავშირებით ( მაღალი დოზის – 4 კაფსულის მიღების შემთხვევაში ) საჭიროა პაციენტებზე დაკვირვება , რომელიც ხორციელდება ანტიკოაგულაციური თერაპიის საშუალებით , ხოლო საჭიროების შემთხვევაში – ანტიკოაგულანტის დოზის შესაბამისი კორექცია .   მკურნალობის ასეთი კურსის ჩატარება არ გამორიცხავს ასეთი პაციენტების კონტროლის ჩვეულ აუცილებლობას .

საჭიროა სისხლდენის დროის მატების გათვალისწინება ისეთ პაციენტებში , რომლებსაც აქვთ ჰემორაგიის მომატებული რისკი ( მძიმე ტრავმის , ქირურგიული ოპერაციის და ა . შ . შედეგად ).

ძალიან შეზღუდულია მეორადი ენდოგენური ჰიპერტრიგლიცერიდემიის   ( განსაკუთრებით იმ ტიპის , რომელიც არ ექვემდებარება შაქრიანი დიაბეტის კონტროლს ) კვლევის გამოცდილება .

არ არსებობს რაიმე სახის კლინიკური გამოცდილება ჰიპერტრიგლიცერიდემიის მკურნალობასთან დაკავშირებით ფიბრატებთან ერთად .

ომაკორის მიღებისას შესაძლებელია ღვიძლის ტრანსამინაზის აქტივობის ზომიერი მატება .

პაციენტებში , რომლებსაც დარღვეული აქვთ ღვიძლის ფუნქცია , ( განსაკუთრებით მაღალი დოზების – 4 კაფსულა , მიღების შემთხვევაში ) აუცილებელია ღვიძლის ფუნქციის რეგულარული კონტროლი ( ალტ და ასტ )

არ არსებობს მონაცემები ომაკორის გამოყენების შესახებ ბავშვებში , 70 წელზე უფროსი ასაკის პირებში და პაციენტებში , რომლებსაც აღენიშნებათ ღვიძლის ფუნქციის დარღვევა .

არ არის საჭირო დოზის კორექცია იმ პაციენტებში , რომლებსაც დარღვეულია აქვთ თირკმელების ფუნქცია .

პრეპარატის ზეგავლენა ავტომანქანის ან სხვა მექანიზმების მართვაზე:

არ გააჩნია .

გამოშვების ფორმა:

28 ან 100 ჟელატინის კაფსულა თეთრი ფერის მაღალი სიმკვრივის პოლიეთილენის ფლაკონებში სახურავით , რომლესაც აქვს ამოსაძრობი რგოლი ( პირველი გახსნის კონტროლით ), და მოსაჭერი სახურავით . ფლაკონზე დაკრულია თვითწებვადი ეტიკეტი მასზე გამოყენების ინსტრუქციით .

შენახვის პირობები:

B სია , ინახება მშრალ ადგილას არაუმეტეს 25⁰C – ს , არ შეიძლება გაყინვა .

ინახება ბავშვებისთვის მიუწვდომელ ადგილას .

შენახვის ვადა:

3 წელი

არ შეიძლება პრეპარატის გამოყენება შეფუთვაზე მითითებული შენახვის ვადის ამოწურვის შემდეგ .

აფთიქიდან გაცემის პირობები:

რეცეპტით

მწარმოებელი კომპანიის დასახელება და მისამართი:

” სოლვეი ფარმაცეუტიკალს გმბხ ”  გერმანია.

საერთაშორისი დასახელება: DICLOFENAC

მწარმოებელი: MEPHA, შვეიცარია

მოქმედი ნივთიერება: დიკლოფენაკი

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო საშუალება.

შემადგენლობა და გამოშვების ფორმა:

გელი: ტუბში 20 გ და 50 გ

1გ

ნატრიუმი დიკლოფენაკი ………    10 მგ

დამხმარე ნივთიერებები:

რძის მჟავა, დი-იზოპროპილადიპატი, ისოპროპილის სპირტი, ნატრიუმის დისულფატი (E223), ჰიდოქსიეთილცელულოზა, ჰიდროქსიპროპილცელულოზა, გასუფთავებული წყალი.

ფარმაკოლოგიური თვისებები:

ოლფენი გელი გარეგანი გამოყენების ანთების საწინააღმდეგო და ტკივილგამაყუჩებელი საშუალებაა. შეიცავს 1% ნატრიუმი დიკლოფენაკს გელის საფუძველზე. ადგილობრივი გამოყენებისას იგი აღწევს კანში და გროვდება კანქვეშა ქსოვილებში. მისი მოქმედების მექანიზმის უმნიშვნელოვანეს რგოლად ითვლება დიკლოფენაკის მიერ პროსტოგლანდინის ბიოსინთეზის დათრგუნვა. რევმატული და ტრავმის შემდგომი ანთების დროს ოლფენი გელი ავლენს ტკივილგამაყუჩებელ და ანთების საწინაღმდეგო მოქმედებს, ამცირებს შესიებას და აჩქარებს ფუნქციის აღდგენას.

ჩვენებები:

ადგილობრივი მკურნალობისთვის:

• რბილი ქსოვილების რევმატიზმის ლოკალური ფორმები, როგორიცაა ტენდოვაგინიტი, მხრის სინდრომი, ბურსიტი, პერიართროპათია;
• ლოკალური რევმატული დარღვევები, როგორიცაა პერიფერიული შეერთებებისა და ხერხემლის ართროზები;
• მყესების, იოგების, კუნთებისა და სახსრების ტრავმისშემდგომი ანთებები, როგორიცაა ღრძობა და დაჭიმულობა, რომელთა დროს კანი დაზიანებული არ არის.

მიღების წესი და დოზირება:

გელი გამოიყენება მხოლოდ გარეგანი მოხმარებისათვის.

მოზრდილებში: სხეულის სამკურნალო ნაწილის ზომის მიხედვით ესმება 2-4 გ (დაახლოებით 1-2 თითის ბოლოს ტოლი) ოლფენის გელი 3-4-ჯერ დღეში (შეზელვა საჭირო არ არის).

ეფექტის შესანარჩუნებლად შეიძლება მისი გამოყენება ოლფენის სხვა ფორმებთან კომბინაციაში. დღიური დოზა არ უნდა აღემატებოდეს 15 გ. მკურნალობის ხანგრძლივობა დამოკიდებულია ჩვენებაზე. თუმცა მკურნალობის მიზანშეწონილობა უნდა გადამოწმებულ იქნას 2 კვირიანი მკურნალობის  შემდეგ.

ბავშვებში:

ზუსტი რეკომენდაციები დოზირების შესახებ არ არსებობს. თუმცა იმის გათვალისწინებით, რომ გარეგანი ხმარებისას შეიწოვება დიკლოფენაკის მხოლოდ 6% დასაშვებია ოლფენი გელი ბავშვებში გამოყენებულ იქნას ჩვეულებრივი დოზირებით.

გვერდითი მოვლენები:

ადგილობრივი რეაქციები: იშვიათად ალერგიული ან გაღიზიანებული დერმატიტი ქავილით შეწითლებული და შესიებული პაპულებით, ბუშტუკების გაჩენით და კანის აქერცვლით.

სისტემური რეაქციები: შესაძლებელია გამონაყრის, სინათლეზე ზემგრძნობელობისა და ზემგრძნობელობის გენერალიზებული რეაქციების (მაგ. ასთმის შეტევა ან კვინკეს შეშუპება) ერთეული შემთხვევები.

სისტემური გვერდითი მოვლენების განვითარების შესაძლებლობა დიკლოფენაკის ადგილობრივი გამოყენებისას უმნიშვნელოა მისი პერორალურად გამოყენებასთან შედარებით.

უკუჩვენებები:

* ოლფენ გელის გამოყენება არ შეიძლება დიკლოფენაკისა და ოლფენის სხვა შემადგენლების მიმართ, ასევე აცეტილსალიცილის მჟავისა ან სხვა არასტეროიდული ანთებისსაწინააღმდეგო საშუალებებისადმი მომატებული მგრძნობელობის დროს.

ორსულობა და ლაქტაცია:

ორსულობის I და II ტრიმესტრში, ოლფენ გელის გამოყენების კონტროლირებადი შესწავლა არ ჩატარებულა, ამიტომ გადაწყვეტილება მისი გამოყენების შესახებ უნდა მიიღოს მკურნალმა ექიმმა.

ოლფენი გელის გამოყენება ორსულობის III ტრიმესტრში მიზანშეწონილი არ არის არტერიული სადინარის ვადამდელი დახშობისა და საშვილოსნოს შეკუმშვის დათრგუნვის შესაძლებლობის გამო.

ლაქტაცია: ნაკლებ სავარაუდოა, რომ დიკლოფენაკი გადავიდეს დედის რძეში, მაგრამ არავითარი გამოცდილება მისი გამოყენებისა ლაქტაციის პერიოდში არ არსებობს.

განსაკუთრებული მითითებები:

არ შეიძლება ოლფენი გელის წასმა ყრუ ჰაერისათვის გაუმტარი ნახვევების ქვეშ. არ არის სასურველი ოლფენ გელის გამოყენება დიდ ზედაპირებზე და დიდ დოზებში.

სხვა წამლებთან ურთიერთქმედება:

▪ თუ თქვენ იღებდით სხვა მედიკამენტებს, უთხარით ამის შესახებ ექიმს. ოლფენით მკურნალობისას არ მიიღოთ არცერთი სხვა მედიკამენტი, მათ შორის ურეცეპტოდ გასაცემიც კი ექიმთან წინასწარი კონსულტაციის გარეშე. უკონტროლო მკურნალობამ შეიძლება გამოიწვიოს ცუდი შედეგი.

▪არ არსებობს მონაცემები სხვა მედიკამენტებთან ურთიერთქმედების რაიმე შემთხვევისა ოლფენ გელის გამოყენების დროს.

შენახვის პიობები:

პრეპარატი ინახება არა უმეტეს 25⁰C ტემპერატურაზე, მშრალ, ბავშვებისათვის მიუწვდომელ ადგილას.

ვარგისიანობის ვადა: 5 წელი.

საერთაშორისი დასახელება: DICLOFENAC

მწარმოებელი: MEPHA, შვეიცარია

მოქმედი ნივთიერება: დიკლოფენაკი

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო საშუალება.

შემადგენლობა და გამოშვების ფორმა:

ლაქტაბლეტები: შეფუთვაში 20 ც.

1 ლაბტაბ.

დიკლოფენაკ ნატრიუმი ……………            50 მგ

დეპოტაბლეტები: შეფუთვაში 30 ც.

1 დეპოტაბ.

დიკლოფენაკ ნატრიუმი ………………..       75 მგ

დეპოკაფსულები: შეფუთვაში 10 და 20 ც.

1 დეპოკაფს.

დიკლოფენაკ ნატრიუმი …………………      100 მგ

რექტალური კაფსულები: შეფუთვაში 5 ც.

1 რექტალური კაფს.

დიკლოფენაკ ნატრიუმი ………………..       100 მგ

საინექციო ხსნარი: ამპულაში 2 მლ, შეფუთვაში 5 ც.

1 ამპ.

დიკლოფენაკ ნატრიუმი ………………         75 მგ

ფარმაკოლოგიური თვისებები:

ოლფენი წარმოადგენს ანთების საწინააღმდეგო არასტეროიდულ საშუალებას, რომელსაც ახასიათებს ანტირევმატული, ანთების საწინააღმდეგო და ტკივილგამაყუჩებელი მოქმედება. მისი ეფექტი განპირობებული ფერმენტ ციკლოოქსიგენაზას-ბლოკირებით და პროსტაგლანდინების სინთეზის დათრგუნვით. ოლფენი გამოიყენება როგორც რევმატული, ასევე არარევმატული ანთებითი ტკივილების დროს. იგი ახანგრძლივებს სისხლის შედედების დროს თრომბოციტების აგრეგაციის ინჰიბირების გამო. საშვილოსნოს პროსტაგლანდინების სინთეზის ინჰიბირებამ შეიძლება შეაფერხოს მშობიარობის პროცესი.

ფარმაკოკინეტიკა:

პრეპარატის კონცენტრაცია პლაზმაში პირდაპირ კავშირშია მიღებულ დოზასთან. მისი 97% უკავშირდება სისხლის პლაზმის ცილებს. მაქსიმალური კონცენტრაცია სისხლის პლაზმაში რეაქტული კაფსულის შეყვანიდან აღინიშნება 1-2 საათის შემდეგ. თერაპიული კონცენტრაცია პლაზმაში შეადგენს 0.7-2 მკგ/მლ.

პერორალური მიღებისას პრეპარატის 20-30% გამოიყოფა შარდით, ხოლო 10-20% – ნაღველით მეტაბოლიტების სახით. 1%-ზე ნაკლები უცვლელი სახით გამოიყოფა შარდით.

პრეპარატის ფარმაკოკინეტიკა არ არის დამოკიდებული ავადმყოფთა ასაკზე. ავადმყოფებს გამოხატული თირკმელების უკმარისობით (KK

ჩვენებები:

• რევმატოიდული ართრიტი;
• ოსტეოართრიტი;
• ტენდინიტი;
• ტენდოსინოვიტი;
• ბურსიტი;
• მაანკილიზირებელი სპონდილიტი;
• პოდაგრა;
• იუვენილური ქრონიკული პოლიართრიტი;
• ტკივილი რენული ჭვალის დროს;
• არარევმატული ანთებითი ტკივილის მოსახსნელად.

მიღების წესი და დოზირება:

ლაქტაბლეტები

მოზრდილებში რეკომენდებული 50-150 მგ დღეში. საწყისი დოზა შეადგენს 150 მგ. შეიძლება დოზის დაყოფა 2-3 მღებაზე.

ღამის ტკივილების და დილის შებოჭილობის მოსახსნელად 1 კაფსულა ერთხელ დღეში.

ბავშვებში 1 წლის ასაკის ზევით – 0.5 მგ-2მგ/კგ 2-3-ჯერ დღეში. იუვენილური ქრონიკული პოლიართრიტის დროს მაქსიმალური დღიური დოზა შეადგენს 3 მგ/კგ-ზე. პრეპარატი ინიშნება ჭამის წინ, აუცილებელია წყლის მიყოლება.

ოლფენი 50 მგ – ბავშვებში არ არის რეკომენდებული.

დეპოტაბლეტები

მოზრდილებში რეკომენდებულია 75-150 მგ დღეში. საწყისი დოზა შეადგენს 150 მგ. შეიძლება დოზის დაყოფა 2-3 მიღებაზე.

ღამის ტკივილების და დილის შებოჭილობის მოსახსნელად 1 კაფსულა ერთხელ დღეში. დასაშვებია კომბინაცია ლაქტაბის ტაბლეტებთან – 75 მგ 2-ჯერ დღეში.

ბავშვებში 1 წლის ასაკის ზევით: ოლფენი 25 მგ – 0.5 მგ-2 მგ/კგ 2-3-ჯერ დღეში იუვენილური ქრონიკული პოლიართრიტის დროს მაქსიმალური დღიური დოზა შეადგენს 3 მგ/კგ. პრეპარატი ინიშნება ჭამის წინ, აუცილებელია წყლის მიყოლება.

ოლფენი 75 მგ – ბავშვებში არ არის რეკომენდებული.

დეპოკაფსულა

მოზრდილებში რეკომენდებულ 50-150 მგ დღეში. საწყისი დოზა შეადგენს 150 მგ. საერთოდ ინიშნება 1 დეპოკაფსულა ერთხელ დღეში ხანგრძლივად.

ბავშვებში 1 წლის ასაკის ზევით: 1-3 მგ/კგ/დღეში. პრეპარატი ინიშნება ჭამის წინ, აუცილებელია წყლის მიყოლება.

რექტალური კაფსულები

მოზრდილებში რეკომენდებულია 50-150 მგ დღეში. საწყისი დოზა შეადგენს 150 მგ. ღამის ტკივილების და დილის შებოჭილობის მოსახსნელად 1 კაფსულა ერთხელ დღეში. დასაშვებია კომბინაცია ლაქტაბის ტაბლეტებთან.

ბავშვებში 1 წლის ასაკის ზევით: 1-3 მგ/კგ/დღეში.

გვერდითი მოვლენები:

გულისრევა, ანორექსია, ტკივილი ეპიგასტრიუმის არეში, კუჭ-ნაწლავის ტრაქტის ეროზიულ-წყლულოვანი დაზიანება, ფარული სისხლდენა, სისხლდენა კუჭიდან, თრომბოციტოპენია, გრანულოციტოპენია, ჰემოლიზური ანემია, ალერგიული რეაქციები, ანგიონევროზული შეშუპება, იშვიათად ანაფილაქტოიდური რეაქციები.

თავბრუსხვევა, თავის ტკივილი, აგზნება, უძილობა, დაღლილობა, შუილი ყურებში.

პარენტერული შეყვანისას წვა შეყვანის ადგილას, ცალკეულ შემთხვევაში -ინფილტრატის და აბსცესის წარმოქმნა, ცხიმოვანი ქსოვილის ნეკროზი.

უკუჩვენებები:

* მომატებული მგრძნობელობა პრეპარატის მიმართ;

* ჰემოპოეზიის დარღვევა;

* პაციენტებში ანამნეზში „ასპირინული ტრიადით“;

* კუჭისა და 12-გოჯა ნაწლავის წყლული გამწვავების ფაზაში;

* ორსულობა და ლაქტაცია;

* ღვიძლის და თირკმელების ფუნქციის მძიმე დარღვევები.

განსაკუთრებული მითითებები:

* ხანგრძლივი გამოყენებისას საჭიროა სისხლის საერთო ანალიზის რეგულარული კონტროლი, საჭიროა სიფრთხილით დანიშვნა ავადმყოფებში ღვიძლის და თირკმელების უკმარისობის დროს და ავადმყოფებში ბრონქული ასთმით ანამნეზში.

* პრეპარატი ფსიქომოტორულ აქტივობაზე არ ახდენს ზემოქმედებას.

ჭარბი დოზირება:

აღწერილია ჭარბი დოზირების 27 შემთხვევა. აღინიშნებოდა თირკმელების უკმარისობა, ღებინება, ძილიანობა.

შემთხვევით ჭარბი დოზირებისას საერთო თერაპიული ღონისძიებები მიმართულია ინტოქსიკაციის მოსახსნელად.

მკურნალობა: პრეპარატის მიღების შეწყვეტა, კუჭის ამორეცხვა, გააქტივებული ნახშირის მიღება. მძიმე შემთხვევაში რეკომენდებულია ჰემოდიალიზი ან ჰემაბსორბცია.

სხვა წამლებთან ურთიერთქმედება:

ლითიუმი: ოლფენთან ერთდროული გამოყენებისას იზრდება ლითიუმის კონცენტრაცია პლაზმაში თირკმელების დარღვეული ექსკრეციის დროს, რასაც შეუძლია ინტოქსიკაციის გამოწვევა.

დიგოქსინი: ერთდროული გამოყენებისას შეიძლება აღინიშნოს დიგოქსინის კონცენტრაციის გაზრდა სისხლში ინტოქსიკაციის სიმპტომებით.

მეტოტრექსატი: მათი ერთდროული გამოყენებისას იზრდება მეტოტრექსატის დონე პლაზმაში და ამის გამო მატულობს მისი ტოქსიკურობა.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისაგან დაცულ ადგილას.

ვარგისიანობის ვადა: 5 წელი.

საერთაშორისო დასახელება:

CO-TRIMOXAZOLE

მწარმოებელი: MARION BIOTECH

მოქმედი ნივთიერება: კო-ტრიმოქსაზოლი

კლინიკურ-ფარმაკოლოგიური ჯგუფი:

ანტიმიკრობული, ანტიპროტოზოული საშუალება

შემადგენლობა და გამოშვების ფორმა:

ტაბლეტები: შეფუთვაში 100 ც.

1 ტაბ.

კო-ტრიმოქსაზოლი ……..   480 მგ

ვრცლად სეპტრინი

საერთაშორისო დასახელება:

ISOSORBIDE MONONITRATE

მწარმოებელი: SOLVAY PHARMA

მოქმედი ნივთიერება: იზოსორბიდ-მონონიტრატი

კლინიკურ-ფარმაკოლოგიური ჯგუფი:

პერიფერიული ვაზოდილატატორი; ანტიანგინალური საშუალება

შემადგენლობა და გამოშვების ფორმა:

კაფსულები: შეფუთვაში 20 ც.

1 კაფს.

იზოსორბიდ-5-მონონიტრატი ………..40 მგ

მონო მაკი(დოზირება, მიღების წესი ინდივიდუალური)

პრეპარატის დაპატენტებული დასახელება , ფარმაცევტული ფორმა :

ოლიგოვიტი ® შემოგარსული ტაბლეტები

შემადგენლობა :

აქტიური ნივთიერებების შემცველობა : ერთი შემოგარსული ტაბლეტი შეიცავს :

დამხმარე ნივთიერებები: მონოჰიდრატ ლაქტოზა ; ჟელატინი ; მეთილ პარაჰიდროქსიბენზოატი ( E 128 ); სტეარინის მჟავა ; ტალკი ; ევდრაჟიტი L 12,5; ევდრაჟიტი შ 12,5; სიმინდის სახამებელი ; შელაკი ყვითელი ; საქაროზა ; აკცია ; კარმოიზინის საღებავი ( E 122 ); საღებავი “ყვითელი დაისი”( E 110 ); კარნაუბის ცვილი; თეთრი ცვილი .

აღწერა:

მრგვალი ორმხრივ ამოზნექილი წითელი ფერის შემოგარსული ტაბლეტები.

ფარმაკოლოგიური ჯგუფი:

ვიტამინების კომპლექსი. კომბინირებული პრეპარატი.

ფარმაკოთერაპიული თვისებები:

ოლიგოვიტის შემადგენლობაში შემავალი ვიტამინები და მინერალები აუცილებელია იმუნიტეტის გასაძლიერებლად, ზრდის პროცესისათვის, ორგანიზმის განვითარებისა და ნორმალური ფუნქციონირებისათვის, ვინაიდან ისინი უშუალოდ მონაწილეობას ღებულობენ ორგანიზმში მიმდინარე ყველა მნიშვნელოვან ბიოქიმიურ პროცესში .

ჩვენებები:

ორგანიზმის მიერ ვიტამინებისა და მინერალების არასაკმარისი რაოდენობით მიღების დროს , ორგანული ხასიათის დაავადების დროს ( კიბო , იმუნოდეფიციტის სინდრომი );

ვიტამინებისა და მინერალების არასათანადო რეზორბცია ( დაქვეითებული აბსორბციის სინდრომი , ნაწლავის ტრაქტის დაავადებები , ფისტულის არსებობა , კრონის დაავადება ; ერთდროული მიღება პრეპარატებისა , რომლებიც ამცირებენ ვიტამინებისა და მინერალების რესორბციას ).

-გამოჯანმრთელების პერიოდში – გადატანილი დაავადების შემდეგ (როდესაც მაგალითად აღინიშნება ანორექსიისა და კახექსიის სიმპტომები ), ქიმიო – და რადიოთერაპიის შემდეგ ;

ქირურგიული ჩარევების შემდეგ , როდესაც კვება არაადექვატურია :

დიეტის ცალკეული სახეობების დროს ( დიეტა პაციენტებისათვის თირკმლების დაავადებებით , დიეტა გასახდომად , როდესაც შეზღუდულია კვების გარკვეული პროდუქტების მიღება );

ვიტამინებისა და მინერალების მიმართ ორგანიზმის პათოლოგიური ( ფარისებრი ჯირკვლის ჰორმონების მომატებული შემცველობა , სტრესი ) და ფიზიოლოგიური ( ზრდის პროცესი , ორსულობა , ლაქტაცია ) ხასიათის მომატებული მოთხოვნილების შემთხვევაში .

უკუჩვენებები:

კალციუმის მომატებული შემცველობა ( ჰიპერკალციემია );

დარღვევები , რომლებიც იწვევენ ორგანიზმში რკინის დაგროვების პროცესს ( მაგ . ჰემოქრომატოზი );

მომატებული მგრძნობელობა საქაროზისა და ლაქტოზის მიმართ .

განსაკუთრებული მითითებები:

ოლიგოვიტ – თან ერთად არ შეიძლება სხვა მულტივიტამინური პრეპარატების მიღება .

ვინაიდან პრეპარატი შეიცავს რკინას , ბავშვებში მისი დანიშვნისას აუცილებელია სიფრთხილე, ჭარბი დოზირების თავიდან აცილების მიზნით .

შაქრიანი დიაბეტის   შემთხვევაში, პრეპარატის მიღებამდე აცნობეთ ამის შესახებ ექიმს, ვინაიდან მის შემადგენლობაში შედის საქაროზა და სორბიტოლი .

ორსულობისა და ლაქტაციის პერიოდში გამოყენება:

ექიმის რეკომენდაციით პრეპარატის გამოყენება შეიძლება ორსულობისა და ლაქტაციის პერიოდში.

ურთიერთქმედება სხვა სამკურნალო საშუალებებთან:

ოლიგოვიტის შემაგენლობაში შემავალი რკინა და თუთია , ამცირებენ ტეტრაციკლინების ჯგუფში შემავალი ანტიბიოტიკების რეზორბციას .

დოზირება და მიღების წესი:

ერთი ტაბლეტი დღეში ჭამის შემდეგ მცირე რაოდენობა სითხის მიყოლებით . ექიმთან კონსულტაციის გარეშე პრეპარატის მიღება შეიძლებ 30 დღის განმავლობაში , მკურნალობის გაგრძელების საკითხებთან დაკავშირებით აუცილებელია მიმართოთ ექიმს .

ოლიგოვიტი არ ენიშნებათ 12 წლამდე ასაკის ბავშვებს .

პრეპარატი   მიიღება პერორალურად .

ჭარბი დოზირება:

პრეპარატის   ჭარბი დოზირების შემთხვევები არ აღინიშნება . პრეპარატის დიდი რაოდენობის მიღების შემდეგ შეიძლება განვითარდეს გულისრევა , ღებინება , ფაღარათი , ტკივილი მუცელში , ამოღებინებულ მასაში სისხლის არსებობა , სისხლდენები მსხვილი ნაწლავის ბოლოში . აღნიშნული სიმპტომების გამოვლენისას , რომლებიც ოლიგოვიტის შემადგენლობაში შემავალი რკინის ჭარბ დოზირებაზე მიუთითებს , დაუყოვნებლივ საჭიროა ექიმის კონსულტაცია გადაუდებელი ღონისძიებების გასატარებლად .

გვერდითი მოვლენები:

პრეპარატის დოზირების მიხედვით გამოყენების შემთხვევაში გვერდითი მოვლენები არ აღინიშნება .

შეფუთვა:

30 შემოგარსული ტაბლეტი (3 ბლისტერი ).

შენახვა: ინახება 25⁰C- მდე ტემპერატურის პირობებში , ბავშვებისაგან დაცულ ადგილას .

ვარგისიანობა:

3 წელი .

გაცემის რეჟიმი:

გაიცემა ექიმის რეცეპტის გარეშე .

მწარმოებელი :

გალენიკა ა . დ ., ბატაინიჩკი დრუმ ბ . ბ ., 11080 ბელგრადი – ზემუნი , სერბეთი .

საერთაშორისო დასახელება:

OLANZAPINE

მწარმოებელი: GMP, საქართველო

მოქმედი ნივთიერება: ოლანზაპინი 

კლინიკურ-ფარმაკოლოგიური ჯგუფი:

ანტიფსიქოზური (ნეიროლეფსიური) საშუალება.

შემადგენლობა და გამოშვების ფორმა:

ტაბლეტები: ბლისტერზე 30 ც.

1 ტაბ.

ოლანზაპინი ………………5 მგ

1 ტაბ.

ოლანზაპინი ……………10 მგ

ფარმაკოლოგიური თვისებები:

ოლანზაპინი ანტიფსიქოზური (ნეიროლეფსიური) საშუალებაა, რომელსაც ახასიათებს მთელ რიგ რეცეპტორულ სისტემაზე ფართო ფარმაკოლოგიური მოქმედება.

დადგენილია ოლანზაპინის მსგავსება სეროტონინო 5-HT_2A/C; 5-HT_3, 5-HT_6; დოფამინო D₁, D₂, D₃, D₄, D₅ ; მუსკარინულ M_1-5; ადრენერგულ α₁ და ჰისტამინო-H₁ რეცეპტორებისადმი. გამოვლენილია ანტაგონიზმი ოლანზაპინსა და 5HT, დოფამინო- და ქოლინო-რეცეპტორებს შორის. ოლანზაპინს ახასიათებს უფრო მეტად გამოხატული აქტივობა სეროტონინო 5HT₂ რეცეპტორებისადმი, ვიდრე დოფამინო-D₂ რეცეპტორებისადმი. ოლანზაპინი შერჩევითად ამცირებს მეზოლიმბური დოფაინერგული ნეირონების აგზნებადობას, ამავდროულად უმნიშვნელო გავლენას ახდენს მოტორული ფუნქციის მარეგულირებელ სტრიარულ ნერვულ გზებზე.

ოლანზაპინის შედარებით ნაკლები დოზა აქვეითებს პირობით დაცვით რეფლექსს (ანტიფსიქოზური აქტივობის მახასიათებელი ტესტი), ვიდრე დოზა, რომელიც იწვევს აკატალეფსიას (მოშლილობა, რომელიც აისახება მოტორულ ფუნქციაზე). ანქსიოლიზური ტესტის ჩატარებისას, სხვა ნეიროლეფსიური საშუალებებისგან განსხვავებით, ოლანზაპინი აძლიერებს განგაშის საწინააღმდეგო ეფექტს.

შიზოფრენიით დაავადებულებში კვლევის შედეგად დადგინდა, რომ ოლანზაპინი უზრუნველყოფს როგორც პროდუქტიული (ბოდვა, ჰალუცინაცია და სხვ.) ასევე ნეგატიური მოშლილობების რედუქციას.

ფარმაკოკინეტიკა:

ოლანზაპინი პერორალური მიღების შემდეგ კარგად აბსორბირდება კუჭ-ნაწლავის ტრაქტიდან, სისხლის პლაზმაში C_max მიიღწევა 5-8. საათში. საკვების მიღება გავლენას არ ახდენს პრეპარატის აბსორბციაზე. T_1/2 შეადგენს საშუალოდ 33 (12-47) საათს. ოლანზაპინის ფარმაკოკინეტიკური მაჩვენებლები განსხვავებულია პაციენტის სქესის, ასაკის მიხედვით და თამბაქოს მომხმარებლებში.

ჩვენებები:

ოლანზაპინი ინიშნება:

• შიზოფრენიისა და სხვა ფსიქოზური მოშლილობების მწვავე შეტევების კუპირებისა და ხანგრძლივი შემანარჩუნებელი მკურნალობის მიზნით, რომელიც ვლინდება პროდუქტიული (ბოდვა, ჰალუცინაცია, ავტომატიზმი) და/ან ნეგატიური (ემოციური და სოციალური აქტივობის დაქვეითება, მეტყველების სიმწირე) სიმპტომატიკით. ასევე, სხვადასხვა ფსიქიკური დაავადებებით გამოწვეული აფექტური მოშლილობების დროს;
• ბიპოლარული აფექტური მოშლილობების სამკურნალოდ, მწვავე მანიაკალური და შერეული ტიპის შეტევების დროს, ფსიქოზური გამოვლინებებით და ფაზების სწრაფი მონაცვლეობით ან მათ გარეშე.

მიღების წესი და დოზირება:

შიზოფრენია და მსგავსი ფსიქოზური მოშლილობები:

ოლანზაპინის რეკომენდებული საწყისი დოზა შეადგენს 10 მგ-ს დღეში ერთხელ.

საკვების მიღება გავლენას არ ახდენს პრეპარატის აბსორბციაზე.

ოლანზაპინის დღიური თერაპიული დოზა მერყეობს 5-20 მგ-ის ფარგლებში. დღიური დოზის შერჩევა ხდება ინდივიდუალურად პაციენტის კლინიკური მდგომარეობიდან გამომდინარე. სტანდარტული დღიური დოზის (10 მგ) გაზრდის შემთხვევაში აუცილებელია პაციენტის შესაბამისი კლინიკური გამოკვლევის ჩატარება.

ბიპოლარული მოშლილობები:

რეკომენდებული საწყისი დოზა შეადგენს 15 მგ-ს დღეში ერთხელ.

დღიური თერაპიული დოზა მერყეობს 5-20 მგ-ის ფარგლებში, დღიური დოზის შერჩევა ხდება ინდივიდუალურად პაციენტის კლინიკური მდგომარეობიდან გამომდინარე. სტანდარტული დღიური დოზის (15 მგ) გაზრდის შემთხვევაში აუცილებელია პაციენტის შესაბამისი კლინიკური გამოკვლევის ჩატარება. დოზის მატება უნდა მოხდეს თანდათანობით 24 საათიანი ინტერვალებით.

დოზის შერჩევა სხვადასხვა ჯგუფის პაციენტებისათვის:

ასაკოვან პაციენტებში, ასევე პაციენტებში თირკმლების მძიმე უკმარისობით ან ღვიძლის ფუნქციების საშუალო სიმძიმის უკმარისობით, პრეპარატი ინიშნება საწყისი დღიური დოზით 5 მგ. საწყისი დოზის შემცირება რეკომენდებულია პაციენტებში რისკ-ფაქტორების კომბინაციით (მდედრობითი სქესის პაციენტები, ასაკოვანი და არამწეველები), როდესაც მოსალოდნელია ოლანზაპინის მეტაბოლიზმის შენელება.

18 წელზე ნაკლები ასაკის პაციენტებში ოლანზაპინის მოქმედება შესწავლილი არ არის.

გვერდითი მოვლენები:

ოლანზაპინის ყველაზე ხშირ გვერდით მოვლენებს განეკუთვნება ძილიანობა და წონის მატება.

ასევე გამოვლენილია პლაზმაში პროლაქტინის კონცენტრაციის მცირედ გამოხატული და ტრანზიტორული მატება, რომელიც უმრავლეს შემთხვევაში ოლანზაპინის მოხსნის გარეშე უბრუნდება ნორმას.

ხშირ გვერდით მოვლენებს განეკუთვნება თავბრუსხვევა, ასთენია, აკატიზია, მადის გაძლიერება, პერიფერიული შეშუპება, ორთოსტატული ჰიპოტენზია, პირის სიმშრალე, ყაბზობა, იშვიათად ვლინდება ტრანზიტორული, უსიმპტომოდ მიმდინარე ღვიძლის ტრანსამინაზების მატება, ერთეულ შემთხვევაში – პლაზმაში გლუკოზის დონის ზრდა ან ეოზინოფილია.

უკუჩვენებები:

* პრეპარატის შემადგენელი კომპონენტებისადმი მაღალი მგრძნობელობა.

ორსულობა და ლაქტაცია:

ოლანზაპინის უსაფრთხოება ორსულობისა და ლაქტაციის პერიოდში შესწავლილი არ არის. ორსულობის პერიოდში პრეპარატის გამოყენების აუცილებლობა დედისთვის უნდა აჭარბებდეს ნაყოფზე მისი გავლენის პოტენციურ რისკს;

* ხოლო ლაქტაციის პერიოდში ოლანზაპინის გამოყენებისას უნდა შეწყდეს ძუძუთი კვება.

განსაკუთრებული მითითებები:

* ოლანზაპინის (ისევე როგორც სხვა ნეიროლეფსიური საშუალებების) გამოყენებისას შესაძლებელია ავთვისებიანი ნეიროლეფსიური სინდრომის განვითარება, რაც გულისხმობს:

ტემპერატურის მატებას, კუნთების რიგიდობას ფსიქიკური სტატუსის და ვეგეტატიური დარღვევების გამოვლინებას (არასტაბილური პულსი და არტერიული წნევა, ტაქიკარდია, არითმია, ოფლდენის გაძლიერება). დამატებით შესაძლებელია – კრეატინოფსოფოკინაზას დონის მატება, მიოგლობინურია (რაბდომიოლიზი) და თირკმლების მწვავე უკმარისობა. აღნიშნული სინდრომის ნებისმიერი კლინიკური სიმპტომების გამოვლინება მოითხოვს ოლანზაპინის მოხსნას.

* ჰალოპერიდოლთან შედარებით, ოლანზაპინი გაცილებით იშვიათად იწვევს დისკინეზიას, რომელიც მედიკამენტის მოხსნას მოითხოვს. თუმცა ხანგრძლივი მკურნალობის დროს გასათვალისწინებელია გვიანი დისკინეზიის გამოვლინების რისკი. ამ შემთხვევაში, რეკომენდებულია დოზის შემცირება ან პრეპარატის მოხსნა. გვიანი დისკინეზიის სიმპტომები შესაძლებელია გაღრმავდეს ან გამოვლინდეს პრეპარატის მოხსნის შემდეგაც.

* ოლანზაპინით მკურნალობის საწყის ეტაპზე შესაძლებელია გამოვლინდეს გარდამავალი, უსიმპტომოდ მიმდინარე ღვიძლის ტრანსამინაზების (ასპარტატამინოტრასფერაზა და ალანინამინოტრანსფერაზა) დონის მატება. ამ შემთხვევაში, განსკუთრებული ყურადღება ექცევათ პაციენტებს ღვიძლის ფუნქციური უკმარისობით ან პაციენტებს, რომლებიც იღებენ პოტენციურად ჰეპატოტოქსიკურ პრეპარატებს. ღვიძლის ტრანსამინაზების დონის მატება მოითხოვს პაციენტებზე განსაკუთრებულ ყურადღებას და საჭიროებისას დოზის შემცირებას.

* ოლანზაპინი სიფრთხილით ენიშნება პაციენტებს ანამნეზში ეპილეფსიური გულყრების არსებობისა ან პაციენტებს კრუნჩხვითი განტვირთვის დაბალი ზღვრით.

* ოლანზაპინი სიფრთხილით ინიშნება პაციენტებში:

ლეიკოციტების და/ან/ ნეიტროფილების შემცირებული რაოდენობით (სხვადასხვა მიზებით გამოწვეული), ანამნეზში მედიკამენტების მიღების ფონზე ძვლის ტვინის ფუნქციის დათრგუნვით/ტოქსიკური დარღვევით, ანამნეზში რადიოთერაპიით, ქიმიოთერაპიით ან თანმხლები დაავადებებით გამოწვეული ძვლის ტვინის ფუნქციის დათრგუნვით, ჰიპერეოზინოფილიით ან მიელოპროლიფერაციული დაავადებით.

* ოლანზაპინით მკურნალობის ფონზე გვერდითი ეფექტების სახით იშვიათად ვლინდება ანტიქოლინერგული აქტივობა. მიუხედავად ამისა, სიფრთხილით ინიშნება პაციენტებში წინამდებარე ჯირკვლის ჰიპერპლაზიით, ნაწლავის პარალიზური გაუვალობით, დახურულკუთხოვანი გლაუკომით და სხვა.

* ოლანზაპინმა თეორიულად შესაძლებელია დათრგუნოს დოფამინის აგონისტების მოქმედება. ოლანზაპინი სიფრთხილით ინიშნება ცენტრალური მოქმედების სხვა პრეპარატებთან და ალკოჰოლთან ერთად.

* ოლანზაპინი იწვევს ძილიანობას, ამიტომ მექანიკური საშუალებებისა და ავტოტრანსპორტის მართვისას საჭიროა სიფრთხილის დაცვა.

* ოლანზაპინის კლირენსი მატულობს თამბაქოს მომხმარებლებსა და პაციენტებში, რომლებიც იღებენ კარბამაზეპინს.

* ერთჯერადად მიღებული ოლანზაპინი გავლენას არ ახდენს შემდეგი პრეპარატების მეტაბოლიზმზე: იმიპრამინი ან მისი მეტაბოლიტი დეზიპრამინი, ვარფარინი, თეოფილინი, დიაზეპამი, ასევე – ლითიუმი და ბიპერიდინი.

* ეთანოლთან კომბინაციაში შესაძლებელია ოლანზაპინის სედატიური ეფექტის გაძლიერება.

* ერთჯერადად მიღებული ალუმინისა და მაგნიუმის შემცველი ანტაციდები ან ციმეტიდინი გავლენას არ ახდენენ პერორალურად მიღებული ოლანზაპინის ბიოშეღწევადობაზე.

* აქტივირებული ნახშირი 50-60%-ით ამცირებს ოლანზაპინის ბიოშეღწევადობას.

* ფლუოქსეტინი ზრდის ოლანზაპინის მაქსიმალურ კონცენტრაციას და ამცირებს მის კლირენსს.

* ოლანზაპინსა და ვალპროატის მჟავას შორის კლინიკური მნიშვნელობის ფარმაკოკინეტიკური ურთიერთგავლენა ნაკლებად მოსალოდნელია.

ჭარბი დოზირება:

ყველაზე ხშირად გამოვლენილი სიმპტომებია: ტაქიკარდია, აგზნებადობა/აგრესიულობა, არტიკულაციის მოშლა, ექსტრაპირამიდული დარღვევები და ცნობიერების სხვადასხვა სიმძიმის დარღვევა (სედატიური ეფექტიდან კომამდე).

კლინიკური მნიშვნელობის სხვა გამოვლინებებს მიეკუთვნება დელირია, კრუნჩხვა, ავთვისებიანი ნეიროლეფსიური სინდრომი, სუნთქვის დათრგუნვა, ასპირაცია, არტერიული ჰიპერტენზია ან ჰიპოტენზია, არითმია, გულისა და სუნთქვის გაჩერება.

მკურნალობა: სპეციფიკური ანტიდოტი არ არსებობს. ღებინების ხელოვნურად გამოწვევა რეკომენდებული არ არის. ნაჩვენებია დეზინტოქსიკაციის სტანდარტული მეთოდები (კუჭის ამორეცხვა, აქტივირებული ნახშირის მიღება, რაც ოლანზაპინის ბიოშეღწევადობას ამცირებს 50-60%-ით).

კლინიკური სურათიდან გამომდინარე ინიშნება სიმპტომური თერაპია, ტარდება სასიცოცხლო ორგანოების ფუნქციათა კონტროლი (არტერიული ჰიპოტენზიისა და სისხლძარღვოვანი კოლაფსის თერაპია, სუნთქვის ფუნქციის კონტროლი).

! არ ინიშნება ეპინეფრინი, დოფამინი ან სხვა ბეტა-ადრენორეცეპტორების აგონისტი სიმპათომიმეტური საშუალებები, ვინაიდან შესაძლებელია არტერიული ჰიპოტენზიის გაღრმავება გამოიწვიონ.

შენახვის პირობები:

პრეპარატი ინახება 10-25⁰C ტემპერატურაზე, სინათლისაგან დაცულ, მშრალ, ბავშვებისათვის მიუწვდომელ ადგილას.

ვარგისიანობის ვადა: 2 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

რეგისტრაციის ნომერი ЛСР-004896/09

ჯგუფის დასახელება :ბენზილდიმეთილ-მირისტოილამინო- პროპილამონიუმი

ქიმიური დასახელება: ბენზილდიმეთილ[3-(მირისტოილამინო)პროპილ]ამონიუმის ქლორიდის მონოჰიდრატი (Benzyldimethyl[3-(myristoylamino) propyl ] ammonium chloride monohydrate)

წამლის ფორმა თვალის წვეთები

შემადგენლობა 100 მლ

აქტიური ნივთიერება: ბენზილდიმეთილ[3-(მირისტოილამინო)პროპილ]ამონიუმის ქლორიდის მონოჰიდრატი (უწყლო ნივთიერებაზე გადაანგარიშებით) – 0,01 გ

დამხმარე ნივთიერებები: ნატრიუმის ქლორიდი – 0,90 გ, გასუფთავებული წყალი 100 მლ-მდე.

წამლის ფორმის აღწერა: უფერო, გამჭვირვალე სითხე.

ფარმაკოთერაპიული ჯგუფი: ანტისეპტიკური საშუალება.

ათქ კოდი S01АХ

ფარმაკოლოგიური თვისებები ფარმაკოდინამიკა :

პრეპარატ ოკომისტინი თვალის წვეთების ძირითად მოქმედ ნივთიერებას წარმოადგენს ანტისეპტიური საშუალება ბენზილდიმეთილ-მირისტოილამინო- პროპილამონიუმი, რომელსაც გააჩნია გამოხატული ანტიმიკრობული მოქმედება გრამდადებითი და გრამუარყოფითი, აერობული და ანაერობული ბაქტერიების მიმართ, რომლებიც არიან მონოკულტურების და მიკრობული ასოციასიების სახით, ანტიბიოტიკებისადმი პოლირეზისტენტული ჰოსპიტალური შტამების ჩათვლით.

პრეპარატი მოქმედებს ქლამიდიებზე, პათოგენურ სოკოებზე, ასევე ჰერპესის ვირუსებზე, ადენოვირუსებზე. პრეპარატი უფრო აქტიურია გრამდადებითი ბაქტერიების მიმართ, მათ შორის სტაფილოკოკების, სტრეპტოკოკების მიმართ. პრეპარატის ზემოქმედებით ქვეითდება ბაქტერიების და სოკოების მდგრადობა ანტიბიოტიკებისადმი.

მიღების ჩვენებები: ოკომისტინის თვალის წვეთების გამოყენება რეკომენდებულია მწვავე და ქრონიკული კონიუნქტივიტის, ბლეფაროკონიუნქტივიტის, კერატიტის, კერატოუვეიტის დროს; ოპერაციის წინა და ოპერაციის შემდგომ პერიოდში ჩირქოვან-ანთებითი გართულებების პროფილაქტიკისათვის, ასევე თვალის ტრავმის მკურნალობისას.

პედიატრიულ პრაქტიკაში: ბავშვებში 3 წლის ასაკიდან გამოიყენება ბაქტერიული კონიუნქტივიტის სამკურნალოდ.

წინააღმდეგჩვენებები: მომატებული მგრძნობელობა პრეპარატის მიმართ. 3 წლამდე ბავშვთა ასაკი. პრეპარატის გამოყენება ბავშვებში 3 წლის ასაკიდან შესაძლებელია ბაქტერიული კონიუნქტივიტის ჩვენებით, სხვა ჩვენებებით შეზღუდვა რჩება 18 წლამდე.

ორსულობა და ძუძუთი კვება.

გამოყენების წესი და დოზები:

ადგილობრივი გამოყენებისათვის. მკურნალობის მიზნით, პრეპარატ ოკომისტინს, თვალის წვეთებს, იწვეთებენ კონიუნქტივურ პარკში 1-2 წვეთს 4-6 ჯერ დღე-ღამეში კლინიკურ გამოჯანმრთელებამდე.

პროფილაქტიკის მიზნით, პრეპარატს იწვეთებენ 2-3 ჯერ დღე-ღამეში ოპერაციამდე, ასევე ოპერაციის შემდეგ 1-2 წვეთს 3 ჯერ დღე-ღამეში 10-15 დღის განმავლობაში.

პედიატრიულ პრაქტიკაში, ბაქტერიული კონიუნქტივიტების სამკურნალოდ, ბავშვებში 3 წლის ასაკიდან ოკომისტინს იწვეთებენ კონიუნქტივურ პარკში 1 წვეთს 6 ჯერ დღე-ღამეში 7-10 დღის განმავლობაში.

გვერდითი მოვლენები: შესაძლებელია ალერგიული რეაქციები. ცალკეულ შემთხვევებში შეიძლება განვითარდეს მსუბუქი წვის შეგრძნება, დისკომფორტი, რომლებიც გაივლის თავისთავად 15-20 წუთში და პრეპარატის მოხსნას არ საჭიროებს.

ურთიერთქმედება სხვა სამკურნალო საშუალებებთან: კვლევა პრეპარატის სხვა სამკურნალო საშუალებებთან ურთიერთქმედების შესახებ არ ჩატარებულა.

განსაკუთრებული მითითებები : პრეპარატ ოკომისტინის თვალის წვეთების ჩაწვეთების წინ, საჭიროა კონტაქტური ლინზების მოხსნა და ჩაწვეთების შემდეგ არანაკლებ 15 წუთის შემდეგ გაკეთება. მკურნალობის პერიოდში აუცილებელია თვალში ჩაწვეთების შემდეგ თავის შეკავება ავტოტრანსპორტის მართვისა და სხვა პოტენციურად საშიში ქმედებებისაგან, რომლებიც მოითხოვენ ყურადღების მომატებულ კონცენტრაციას, ფსიქომოტორული რეაქციების სისწრაფეს და კარგ მხედველობას.

გამოშვების ფორმა : ოკომისტინი, თვალის წვეთები, 10 მლ პოლიმერულ ფლაკონში, დახუფული საწვეთურიანი საცობით და ხრახნიანი თავსახურით, პირველი გახსნის კონტროლით.

შენახვის პირობები: შეინახეთ არაუმეტეს 25°С ტემპერატურის პირობებში. შეინახეთ ბავშვებისთვის მიუწვდომელ ადგილას.

ვარგისიანობის ვადა: 3 წელი. ვარგისიანობის ვადა გახსნის შემდეგ – 1 თვე. არ გამოიყენოთ ვარგისიანობის ვადის გასვლის შემდეგ.

აფთიაქიდან გაცემის პირობები: გაიცემა ექიმის რეცეპტით.

მწარმოებელი: შპს “ინფამედ კ” 238420, რუსეთი, კალინინგრადის ოლქი, ბაგრატიონოვსკის რაიონი, ქ. ბაგრატიონოვსი, კომუნალის ქ. სახლი 2, ტელ. (495) 775-83- 20

პრეტენზიების მიმღები ორგანიზაცია: შპს “ინფამედ კ” 238420, რუსეთი, კალინინგრადის ოლქი, ბაგრატიონოვსკის რაიონი, ქ. ბაგრატიონოვსი, კომუნალის ქ. სახლი 2, ტელ. (495) 775-83- 20

საერთაშორისო დასახელება:

ESTRIOL

მწარმოებელი: ORGANON

მოქმედი ნივთიერება: ესტრიოლი

კლინიკურ–ფარმაკოლოგიური ჯგუფი:

ესტროგენი

შემადგენლობა და გამოშვების ფორმა:

ვაგინალური კრემი: ტუბში 15გ.

1გ

ესტრიოლი …………   1მგ

ვაგინალური სანთლები: შეფუთვაში 15ც.

1 სანთელი

ესტრიოლი ………….  500მკგ

ფარმაკოლოგიური მოქმედება:

ადამიანის ორგანიზმში სინთეზირებული  ესტროგენი; ხვდება სისხლის ნაკადში წარმოქმნის კომპლექსს სპეციფიურ რეცეპტორებთან (საშვილოსნოში, საშოში, შარდგამომყოფ არხში, გულმკერდის ჯირკვალში, ღვიძლში, ჰიპოთალამუსში, ჰიპოფიზში), ახდენს დნმ–ის და პროტეინების სინთეზს. ხასიათდება სელექტიური მოქმედებით, უპირატესად საშოს ყელზე, საშოზე, ვულვაზე, იწვევს საშოსა და საშვილოსნოს ყელის ეპითელის პროლიფერაციას, ასტიმულირებს მის სისხლით მომარაგებას, პრემენოპაუზისა და მენოპაუზის დროს უზრუნველყოფს ეპითელის აღდგენას მისი ატროფიული ცვლილებისას, ნორმაში მოჰყავს საშოს Ph, საშოს მიკროფლორა, ამაღლებს მისი ეპითელის წინააღმდეგობის უნარს ინფექციური და ანთებითი პროცესებისადმი, ახდენს გავლენას ცერვიკალური ლორწოს რაოდენობაზე და ხარისხზე.

ენდომეტრიუმზე გავლენა უმნიშვნელოა (უმნიშვნელოა საშოსმიერი სისხლდენის რისკი). ახდენს ჰიპოლიპიდემიურ მოქმედებას, უმნიშვნელოდ ზრდის სისხლში ბეტა ლიპოპროტეინების კონცენტრაციას, ზრდის ინსულინის მიმართ მგრძნობელობას, აუმჯობესებს გლუკოზის უტილიზაციას, ასტიმულირებს ღვიძლის მიერ გლობულინების გამომუშავებას, ბოჭავს სასქესო ჰორმონებს, რენინს, მაღალის სიმკვრივის ლიპოპროტეინებს და სისხლის შემდედებელ ფაქტორებს. იმის გამო, რომ მონაწილეობას ღებულობს დადებითი და უარყოფითი უკუკავშირის რეალიზებაში, ჰიპოთალამო–ჰიპოფიზალურ–ოვარიულ სისტემაში, ესტრადიოლს უნარი აქვს გამოიწვიოს ზომიერად გამოხატული ცენტრალური ეფექტი; ასტიმულირებს პარასიმპატომიმეტიკურ რეაქციებს.

ჩვენებები:

ჩანაცვლებითი თერაპია, საკვერცხეების ჰიპოფუნქცია (პირვალადი და მეორეული ამენორეა, ჰიპომენორეა, დისმენორეა), უნაყოფობა, დაკავშირებული ცერვიკალურ ფაქტორებთან, ვაგინიტი (გოგონებში და ხანდაზმულებში), ჰიპოგენიტალიზმი, სასქესო ინფანტილიზმი, ხანდაზმულებში კოლპიტი, კლიმაქტერული სინდრომი („ალები“ სხეულის ზედა ნაწილში, მომატებული ოფლიანობა, ძილის დარღვევა, გაღიზიანებულობა, დეპრესია, გულმავიწყობა, კანისა და ლორწოვანი გარსისი დეგენერაციული ცვლილება – ფრჩხილების მტვრევადობა, კანის განლევა, ნაოჭების წარმოქმნა, შარდსასქესო გზების ლორწოვანის სიმშრალე, პოსტმენოპაუზური ოსტეოპოროზი, ატროფიული ცისტიტი, ვულვის ქავილი, საშოსმიერი წყლულები, საშოსმიერი ნაწოლები, ვულვის კრაუროზი; ენურეზი (დამხმარე სამკურნალო საშუალების სახით), წინა– და ოპერაციის შემდგომი თერაპია პოსტმენოპაუზურ პერიოდში საშოს მხრივი მიდგომისას ოპერაციული ჩარევის დროს; საშოსა და საშარდე გზების მორეციდივე ინფექციების პროფილაქტიკა.

უკუჩვენებები:

ჰიპერმგრძნობელობა, ორსულობა, ესტროგენდამოკიდებული ავთვისებიანი წარმონაქმნი ან ეჭვი მასზე, უჩვეულო ან არადიაგნოსტირებული გენიტალური ან საშვილოსნოსმიერი სისხლდენა, თრომბოფლებიტი ან თრომბოემბოლიური დაავადება აქტიურ ფაზაში.

სიფრთხილით: თრომბოფლებიტი, თრომბოზი ან თრომბოემბოლია (ანამნეზში ესტროგენის მიღების ფონზე); ოჯახური ჰიპერლიპოპროტეინემია, პანკრეატიტი, ენდომეტრიოზი, ანამნეზში ნაღვლის ბუშტის დაავადება (განსაკუთრებით ქოლელითიაზი), ღვიძლის მძიმე უკმარისობა, სიყვითლე (მათ შორის ანამნეზში ორსულობის დროს განვითარებული), ღვიძლის პორფირია, ლეიომიომა, ჰიპერკალციემია, ასოცირებული სარძევე ჯირკვლის კიბოს დროს განვითარებულ ძვლოვან მეტასტაზებთან.

გვერდითი მოქმედება:

სარძევე ჯირკვლების მტკივნეულობა, მგრძნობელობის მომატება და ზომაში გაზრდა, ამენორეა, ძლიერი სისხლდენა, მენორაგია, მენსტრუაციათაშორისი ლორწოვანი გამონადენი საშოდან, სარძევე ჯირკვლების სიმსივნე, ლიბიდოს მომატება. პერიფერიული შეშუპება, ნაღვლის ბუშტის ობსტრუქცია, ჰეპატიტი, პანკრეატიტი. ნაწლავური ან ნაღვლის ბუშტის ჭვალი, მეტეორიზმი, ანორექსია, გულისრევა, დიარეა, თავბრუსხვევა, თავის ტკივილი (მათ შორის შაკიკი), კონტაქტური ლინზების აუტანლობა, ღებინება (ძირითდად ცენტრალური წარმოშობის, უფრო ხშირად დიდი დოზების მიღებისას).

სარძევე ჯირკვლისა და წინამდებარე ჯირკვლის კიბოს მკურნალობისას (დამატებით): თრომბოემბოლია, თრომბოზი.

მიღების წესი და დოზირება:

შინაგანად. დღეღამური დოზა პერორალური მიღებისას არ უნდა აჭარბებდეს 8 მგ. პათოლოგიური სიმპტომებისას, დაკავშირებული ესტროგენულ უკმარისობასთან, პრემენოპაუზის პერიოდში – 1.5–2მგ/დღ, 10 დღის მანძილზე, შემდგომი 20 დღიანი შესვენებებით; სიმპტომების შესუსტებისას რეკომენდებულია მიღების ხანგრძლიობა შემცირდეს თვეში 7 დღემდე.

პათოლოგიური სიმპტომებისას, დაკავშირებული ესტროგენულ უკმარისობასთან, მენოპაუზის პერიოდში – 0.5–1 მგ/დღ, 20 დღის მანძილზე, შემდგომი 7 დღიანი შესვენებით; სიმპტომების შესუსტებისას – თვეში 7 დღე. მკურნალობის გაგრძელება საჭიროა 6 თვის მანძილზე. აუცილებლობისას კუნთში 1მგ/დღ.

დეგენერაციული სიმპტომებისას, დაკავშირებული ესტროგენულ უკმარისობასთან, 1–2მლ/დღ; მდგომარეობის გაუმჯობესებისას რეკომენდებულია დღეღამური დოზის შემცირება 0.5მგ–მდე. ვულვის კრაუროზის დროს, ვულვის ქავილისას – 0.5–1მგ/დღ ესტრიოლის მაზთან ერთად. ხანდაზმულთა კოლპიტისას დღეღამური დოზა – 1მგ; მდგომარეობის გაუმჯობესებისას დოზა მცირდება 0.5 მგ – მდე/დღ. საშოს ნაწოლის დროს დღეღამური დოზა შეადგენს – 0.5 მგ. განსაკუთრებულ გაჭიანურებულ შემთხვევაში – კუნთში 1მგ დოზით. შარდის შეუკავებლობისას – 1მგ/დღ, 20დღის მანძილზე.

საშოს სუპოზიტორია – 0.5მგ/დღ 2–ჯერ ყოველდღიურად პირველ 2–3 კვირას, შემდეგ ნელ–ნელა ამცირებენ დოზას 0.5მგ– მდე/დღ, კვირაში 2–ჯერ.

კრემი – ინტრავაგინალურად, 0.5მგ/დღ, ყოველდღიურად მკურნალობის პირველი კვირის განმავლობაში, თანდათანობით შემანარჩუნებელ დოზაზე გადასვლით (0.5 მგ/დღ 2–ჯერ კვირაში).

განსაკუთრებული მითითებები:

ესტროგენებით ხანგრძლივი მკურნალობისას ნაჩვენებია სისტემატური სამედიცინო გამოკვლევა. მიღების წინ და ყოველ 6 თვეში მკურნალობა ტარდება საფუძვლიანი სამედიცინო და გინეკოლოგიური გამოკველევის შემდეგ, სარძევე ჯირკვლების ჩათვლით.

ურთიერთქმედება:

აძლიერებს ჰიპოლიპიდემიური საშუალებების მოქმედებას. ასუსტებს მამაკაცის სასქესო ჰორმონების, ანტიკოაგულანტების, ანტიდეპრესანტების, დიურეტიკების, ჰიპოტენზიური, ჰიპოგლიკემიური სამკურნალო საშუალებების ეფექტს. ბარბიტურატები, ანტიეპილეფსიური სამკურნალო საშუალებები (კარბამაზეპინი, ფენიტოინი) აძლიერებენ სტეროიდული ჰორმონების მეტაბოლიზმს. ანტიბიოტიკები (ამპიცილინი, რიფამპიცინი), ზოგადი ანესთეზიის სამკურნალო საშუალებები, ნარკოტიკული ანალგეტიკები, ანქსიოლიტიკები, ანტიეპილეფსიური საშუალებები, ზოგიერთი ჰიპოტენზიურები, ეთანოლი აქვეითებს ეფექტურობას. ფოლიუმის მჟავა და ფარისებრი ჯირკვლის პრეპარატები აძლიერებენ ესტრიოლის მოქმედებას.