საერთაშორისო დასახელება:

paracetamol, phenylephrine, ascorbic acid

მწარმოებელი: «სმიტკლაინ ბიჩემ», ესპანეთი.

კლინიკურ–ფარმაკოლოგიური ჯგუფი:

გაციების დროს გამოსაყენებელი საშუალებები; პრეპარატები სისტემური გამოყენებისათვის

შემადგენლობა და გამოშვების ფორმა:

3 გ პაკეტი 10 ც

წამლის ფორმა:

ფხვნილი ხსნარის დასამზადებლად, შიგნით მისაღებათ (ბავშვებისათვის)

აღწერილობა:

თეთრიდან ღია ყვითელ შეფერილობამდე, ჰეტეროგენული ფხვნილი, ლიმონის არომატით.

125მლ ცხელ წყალში პრეპარატის გახსნისას წარმოიქმნება ხსნარი ყვითელიდან მოყვითალო-მწვანე შეფერილობამდე, ზედაპირზე აპკის წარმოქმნის გარეშე, ლიმონის არომატით; შესაძლოა უმნიშვნელო რაოდენობით ნალექი.

შემადგენლობა:

აქტიური ნივთიერებები:

პარაცეტამოლი …………………………………… 300მგ,

ფენილეფრინის ჰიდროქლორიდი ……………..  5მგ,

ასკორბინის მჟავა …………………………………  20მგ:

დამხმარე ნივთიერებები: ნატრიუმის საქარინი, ნატრიუმის ციკლამატი, ლიმონის მჟავა, ნატრიუმის ციტრატი, სიმინდის სახამებელი, საქაროზა, ლიმონის არომატიზატორი 610399 E, კურკუმინის საღებავი E 100, კრემნის კოლოიდური დიოქსიდი.

ფარმაკოლოგიური თვისებები:

კოლდრექსი იუნიორი ჰოთდრინქი – კომბინირებული პრეპარატი.

პარაცეტამოლი ახდენს ტკივილგამაყუჩებელ და სიცხის დამწევ მოქმედებას ფენილეფრინის ჰიდროქლორიდი – სისხლძარღვთა შემავიწროვებელი საშუალება, ხსნის ცხვირის შეგუბებას, (ავიწროებს ცხვირის ლორწოვანი გარსის სისხლძარღვებს) და აუმჯობესებს სუნთქვას.

ასკორბინის მჟავა (ვიტამინი C) აკმაყოფილებს C ვიტამინზე გაზრდილ მოთხოვნილებას, გაციებისა და გრიპის დროს.

ჩვენებები:

გამოიყენება ბავშვებში 6-12 წლამდე გაციებისა და გრიპის ძირითადი სიმპტომების კუპირებისათვის, ისეთი როგორიცაა მომატებული ტემპერატურა, თავის ტკივილი, კანკალი, სახსრებისა და კუნთების ტკივილი, ცხვირის შეგუბება, ყელის ტკივილი.

მიღების წესები და დოზები:

1 საშეტის შიგთავსი მოვათავსოთ ფინჯანში, დავასხათ დაახლოებით 125 მლ ცხელი წყალი, მოვურიოთ გახსნამდე. თუ აუცილებელია დავამატოთ ცივი წყალი და შაქარი.

ბავშვებში 6-12 წლამდე: 1 საშეთი ყოველ 4 საათში. არაუმეტეს 4 საშეტისა 24 საათის განმავლობაში.

ნუ გამოვიყენებთ პრეპარატს 6 წლამდე ასაკის ბავშვებში ექიმთან კონსულტაციის გარეშე.

პრეპარატის მიღება 5 დღეზე მეტი ხანგრძლივობით არ არის რეკომენდებული ექიმთან კონსულტაციის გარეშე. თუ სიმპტომები ნარჩუნდება მიმართეთ ექიმს.

ნუ გადააჭარბებთ მითითებულ დოზას, დოზის გადაჭარბების შემთხვევაში დაუყოვნებლივ მიმართეთ ექიმს, ვინაიდან მოგვიანებით შესაძლოა ღვიძლის სერიოზული დაზიანება.

უკუჩვენება:

პრეპარატის მიღება არ არის რეკომენდებული პარაცეტამოლის შემცველ სხვა  პრეპარატებთან ერთად, პრეპარატში შემავალი ინგრედიენტების მიმართ მომატებული მგრძნობელობისას, გლუკოზო-6-ფოსფატ დეჰიდროგენაზას გენეტიკური არ არსებობისას, სისხლის დაავადებების დროს, ღვიძლის და თირკმლის ფუნქციის მძიმე დარღვევების დროს, თირეოტოქსიკოზი, დიაბეტი, არტერიული ჰიპერტენზია, გულის დაავადებები ( აორტალური სარქვლის გამოხატული სტენოზი, მწვავე მიოკარდის ინფარქტი, ტაქიარითმია), დახურულკუთხოვანი გლაუკომა, 6 წლამდე ასაკის ბავშვები. სიფრთხილით გამოიყენება კეთილთვისეიანი ჰიპერბილირუბინემიის დროს

განსაკუთრებული მითითებები:

პრეპარატის მიღებამდე აუცილებელია ექიმის კონსულტაცია: ჰიპონატრიული დიეტის შენარჩუნების აუცილებლობისას (ყოველი საშეტი შეიცავს 0,06გ ნატრიუმს).

ღვიძლის ტოქსიური დაზიანების თავიდან ასაცილებლად პრეპარატი არ მიიღება ეთანოლის შემცველ პრეპარატებთან ერთად. კოლდრექს იუნიორის აქტიური ნივთიერებები არ იწვევს ძილიანობას.

სხვა წამლებთან ურთიერთქმედება:

პრეპარატის მიღება ტრიციკლურ ანტიდეპრესანტებთან, ბეტა-ადრენობლოკატორებთან, მაო-ს ინჰიბიტორებთან ერთად არ არის რეკომენდებული, ასევე მათი მოხსნიდან 14 დღის განმავლობაში. ჰეპატოტოქსიური მოქმედების რისკი იზრდება ბარბიტურატებთან, დიფენინთან, კარბამაზეპინთან, რიფამპიცინთან, ზიდოვუდინთან და ღვიძლის სხვა  მიკროსომალური ფერმენტების ინჰიბიტორებთან ერთად მიღებისას.

მიმართეთ ექიმს კონსულტაციისთვის თუ თქვენ იღებთ მეტოკლოპრამიდს, დომპერიდონს (გულისრევისა და ღებინების მკურნალობისას) ან ქოლესტირამინს (სისხლში ქოლესტერინის დონის შესამცირებლად), მეტოკლოპრამიდი და დომპერიდოლი ზრდის პარაცეტამოლის შეწოვის სიჩქარეს, ხოლო ქოლესტირამინი აქვეითებს.

გლუკოკორტიკოსტეროიდები ზრდიან გლაუკომის განვითარების რისკს. პარაცეტამოლი აქვეითებს დიურეზული პრეპარატების ეფექტს. გალოტანი ზრდის პარკუჭოვანი არითმიის რისკს.

ფენილეფრინი აქვეითებს გუანეტიდინის ჰიპოტენზიურ ეფექტს. გუანეტიდინი აძლიერებს ალფა-ადრენომასტიმულირებელი, ხოლო ტრიციკლური ანტიდეპრესანტები – ფენილეფრინის სიმპატომიმეტიკურ ეფექტს. ხანგრძლივი მიღებისას პარაცეტამოლი აძლიერებს არაპირდაპირი ანტიკოაგულანტების ეფექტს (ვარფარინი და სხვა კუმარინები), რაც ზრდის სისხლდენის განვითარების რისკს.

შენახვის პირობები და ვადები:

ბავშვებისთვის მიუწვდომელ ადგილას და ტემპერატურე არაუმეტეს 25°C

3 წელი.

შეფუთვაზე მითითებული ვარგისიანობის ვადის გასვლის შემდგომ ნუ გამოიყენებთ პრეპარატს.

აფთიაქში გაცემის წესი:

რეცეპტის გარეშე

მწარმოებელი: “სმიტკლაინბიჩემი ს.ა”-ს მიერ გლაქსოსმიტკლაინისათვის. ესპანეთი.

შემადგენლობა და გამოშვების ფორმა:

თოთოეული პაკეტი შეიცავს აქტიურ ინგრედიენტებს:

პარაცეტამოლი ……………………………….. 1000მგ,

ფენილეფრინის ჰიდროქლორიდი ………..  10მგ

ასკორბინის მჟავა (ვიტამინი C) ……………. 40მგ.

ფარმაკოთერაპიული ჯგუფი:

გაციებისა და სხვა ინფექციურ-ანთებითი დაავადებების სიმპტომატური მკურნალობის საშუალება.

კოლდრექს მაქსგრიპი ლიმონის არომატით – კომბინირებული პრეპარატია. პარაცეტამოლს გააჩნია ტკივილგამაყუჩებელი და ტემპერატურის დამწევი მოქმედება. პრეპარატი შეიცავს მის მაქსიმალურ ერთჯერად დოზას, რაც დასაშვებია რეცეპტის გარეშე მისაღებად.

ფენილეფრინის ჰიდროქლორიდი – სისხლძარღვთა შემავიწროვებელი საშუალება, ხსნის ცხვირის დაგუბებას (ავიწროვებს ცხვირის ლორწოვანი გარსის სისხლძარღვებს) და ამსუბუქებს სუნთქვას.

ასკორბინის მჟავა ავსებს C ვიტამინის მომატებულ მოთხოვნილებას გაციებისა და გრიპის დროს, განსაკუთრებით ავადმყოფობის საწყისს ეტაპზე.

აქტიური ნივთიერება კოლდრექს მაქსგრიპი ლიმონის არომატით, არ იწვევს ძილიანობას.

გამოყენების ჩვენება:

კოლდრექს მაქსგრიპი ლიმონის არომატით ხელს უწყობს გაცივებისა და გრიპის სიმპტომების აღმოფხვრას:

მომატებული ტემპერატურა, თავის ტკივილი, კანკალი, სახსრებისა და კუნთების ტკივილი, ცხვირის დაგუბება, ტკივილი ცხვირსა და ყელის მიდამოებში.

უკუჩვენებები:

პრეპარატი არ მიიღება ერთდროულად ისეთ პრეპარატებთან ერთად, რომლებიც შეიცავენ პარაცეტამოლს, ასევე გრიპის, გაცივების და სურდოს საწინააღმდეგო პრეპარატებთან ერთად.

* არ მისცეთ პრეპარატი 18 წლამდე ასაკის ბავშვებს.

* არ მიიღოთ კოლდრექს მაქსგრიპი ლიმონის არომატით:

• პარაცეტამოლის, ფენილეფრინის ჰიდროქლორიდის, ასკორბინის მჟავას (ვიტამინი C) ან სხვა ზემოთ ჩამოთვლილი ინგრედიენტების მიმართ მომატებული მგრძნობელობის შემთხვევაში;

• თუ ხართ ორსულად ან ძუძუთი კვებავთ ბავშვს;

• თუ გაქვთ ღვიძლის ან თირკმელის მძიმე დაავადება;

• თუ გაქვთ სისხლძარღვთა სისტემის დაავადებები;

• ფარისებრი ჯირკვლის მომატებული ფუნქციის (თირეოტოქსიკოზის), შაქრინი დიაბეტის, არტერიული ჰიპერტენზიის ან გულის დაავადებების დროს;

• თუ გაქვთ წინამდებარე ჯირკვლის ადენომა;

• თუ გაქვთ დახურულკუთხოვანი გლაუკომა;

• პრეპარატი არ მიიღება ერთდროულად სამციკლიან ანტიდეპრესანტებთან, ბეტა-ადრენობლოკატორებთან, მაო-ს ინჰიბიტორებთან ერთად და მათი მიღების დასრულებიდან 14 დღის განმავლობაში.

• დაავადებების დროს, რაც დაკავშირებულია შაქრის შეწოვის დარღვევასთან, რადგან თითოეული პაკეტი შეიცავს 4გ შაქარს.

• გლუკოზა-6-ფოსფატის დეჰიდროგენაზების გენეტიკური არარსებობის დროს.

განსაკუთრებული მითითებები:

კოლდრექს მაქსგრიპი ლიმონის არომატით მიღებამდე, კონსულტაციისათვის მიმართეთ ექიმს:

• თუ თქვენ იღებთ მეტოკლოპრამიდს, დომპერიდონს (გულისრევისა და პირღებინების წინააღმდეგ მისაღებად) ან ქოლესტირამინს, სისხლში ქოლესტერინის დონის შესამცირებლად.

• თუ თქვენ იღებთ პრეპარატებს სისხლის შედედების შესამცირებლად (მაგ. ვარფარინი).

• თუ იმყოფებით დიეტაზე ნატრიუმის შემცირებული შემადგენლობით – თითოეული პაკეტი შეიცავს 0,12 გ ნატრიუმს.

ღვიძლის ტოქსიკური დაზიანების თავიდან აცილების მიზნით პარაცეტამოლი არ მიიღოთ ალკოჰოლურ სასმელებთან ერთად, ასევე დაუშვებელია მისი მიღება იმ პირთათვის, რომლებიც ქრონიკულად მოიხმარენ ალკოჰოლს.

მიღების წესი და დოზები:

ერთი პაკეტი ფხვნილი მოათავსეთ ჭიქაში და გაავსეთ ცხელი წყლით. ურიეთ გახსნამდე. დაუმატეთ ცივი წყალი, თუ აუცილებელია შაქარი გემოვნებით.

მოზრდილები: ერთი პაკეტი ყოველ 4-6 საათში.

24 საათის განმავლობაში არ მიიღოთ 4 პაკეტზე მეტი.

არ მიიღოთ პრეპარატი 4 საათიან ინტერვალზე უფრო ხშირად.

არ მისცეთ პრეპარატი 18 წლამდე ასაკის ბავშვებს, გამონაკლის შემთხვევაში თუ გამოწერილია ექიმის მიერ. პრეპარატის მიღება 5 დღეზე მეტ ხანს არ არის რეკომენდებული ექიმის კონსულტაციის გარეშე. თუ სიმპტომები შენარჩუნდა, მიმართეთ ექიმს.

არ გადააჭარბოთ მითითებულ დოზას. იმ შემთხვევაში, თუ მიიღეთ რეკომენდებულზე მეტი დოზა, დაუყოვნებლივ მიმართეთ ექიმს სამედიცინო დახმარებისათვის, იმ შემთხვევაშიც კი, თუ თავს კარგად გრძნობთ, ვინაიდან არსებობს ღვიძლის სერიოზული დაზიანების რისკი. სპეციფიურ ანტიოდს პარაცეტამოლით მოწამვლისას წარმოადგენს აცეტილცისტეინი.

გვერდითი მოვლენები:

პარაცეტამოლი იშვიათად იწვევს გვერდით მოვლენებს. ზოგჯერ შესაძლებელია გამოვლინდეს ალერგიული რეაქციები: გამონაყარი კანზე, ჭინჭრის ციება, ანგიონევროტული შეშუპება.

იშვიათად – სისხლის სურათის დარღვევა (თრომბოციტოპენია, ლეიკოპენია, აგრანულოციტოზი).

პარაცეტამოლის ხანგრძლივი მიღებისას რეკომენდებულზე მეტი დოზებით შესაძლოა აღინიშნოს ჰეპატოტოქსიკური და ნეფროტოქსიკური ზემოქმედება.

იმ შემთხვევაში, როდესაც ხდება ბარბიტურატების, დიფენინის, კარბამაზეპინის, რიფამპიცინის, ზიდოვუდინის და სხვა ღვიძლის ფერმენტების მიკროსომალური ინდუქტორების ერთდროული მიღება ჰეპატოტოქსიკური ზემოქმედების განვითარების რისკი მატულობს.

ფენილეფრინმა შესაძლოა გამოიწვიოს გულისრევა, თავის ტკივილი, სისხლის წნევის უმნიშვნელო მომატება და უკიდურესად იშვიათად გულისცემის გახშირება. აღნიშნული ეფექტები ქრება პრეპარატის მიღების შეწყვეტისას. უჩვეულო რეაქციების გამოვლენის შემთხვევაში მიმართეთ ექიმს.

ჭარბი დოზის მიღება:

პრეპარატის მიღება უნდა მოხდეს მხოლოდ რეკომენდებული დოზებით.

ჭარბი დოზა განპირობებულია პარაცეტამოლით.

შესაძლებელია: კანის საფარის სიფერმკრთალე, ანორექსია, გულისრევა, პირღებინება, ჰეპატონეკროზი, ღვიძლის ტრანსამინაზის აქტივობის მომატება, პროთრომბინული დროის მომატება. ჭარბი დოზის მიღებისას სასწრაფოდ მიმართეთ ექიმს.

მკურნალობა: კუჭის ამორეცხვა და აქტივირებული ნახშირის დანიშვნა; სიმპტომატური თერაპია.

ურთიერთქმედება სხვა პრეპარატებთან:

აძლიერებს მაო-ს ინჰიბიტორების ეფექტს, სედაციური პრეპარატების, ეთანოლის ეფექტებს.

ანტიდეპრესანტები, პარკინსონის საწინააღმდეგო პრეპარატები, ანტიფსიქოზური საშუალებები, ფენოთიაზინური წარმოებულები ზრდიან შარდის შეკავების, პირის ღრუში სიმშრალის და კუჭის შეკრულობის განვითარების რისკს.

გლუკოკორტიკოსტეროიდები აძლიერებენ გლაუკომის განვითარების რისკს. პარაცეტამოლი ამცირებს დიურეზული პრეპარატების ეფექტურობას. სამციკლიანი ანტიდეპრესანტები აძლიერებენ სიმპატომიმეტური საშუალებების მოქმედებას, ჰალოტანის ერთდროული დანიშვნა ზრდის გულის პარკუჭის არითმიის განვითერების რისკს. ამცირებს გუანეტიდინის ჰიპოტენზიურ მოქმედებას, რაც თავის მხრივ, აძლიერებს ფენილეფრინის ალფა-ადრენომიმეტურ აქტიურობას.

შენახვის პირობები:

შეინახეთ ბავშვებისათვის მიუწვდომელ ადგილას არაუმეტეს 25°C ტემპერატურის პირობებში.

ვარგისიანობის ვადა:

3 წელი. არ გამოიყენოთ შეფუთვაზე მითითებული ვარგისიანობის ვადის ამოწურვის შემდეგ.

აფთიაქიდან გაშვების წესი:

ექიმის რეცეპტის გარეშე.

საერთაშორისო დასახელება:

Guaifenesin

მწარმოებელი: გლაქსოსმიტკლაინ კონსიუმერ ჰელსქერ, დიდი ბრიტანეთი.

კლინიკურ–ფარმაკოლოგიური ჯგუფი:

მუკოლიზური და ხველის საწინააღმდეგო საშუალებები; მუკოლიზური და ამოსახველებელი საშუალებები.

შემადგენლობა და გამოშვების ფორმა:

100მლ სიროფი

წამლის ფორმა:

სიროფი

შემადგენლობა:

სიროფის ყოველი 5მლ შეიცავს აქტიურ ნივთიერებას:

გვაიფენეზინი ……………..  100მლ,

დამხმარე ნივთიერებებს: გლუკოზის ხსნარი, პატოკის, მაკროგოლ 300, შაქრის უბრალო კოლერი, ნატრიუმოს ციკლამატი, ყინულოვანი ძმარმჟავა, ნატრიუმის ბენზოატი, ძირტკბილა-ანისის არომატიზატორი 510877E, წითელი პარკოსანი წიწაკის ნაყენი, აცესულფამ K, ნატრიუმის მეტაბისულფიტი, ქსანტიმური გუმფისი (Keltrol TF), ვარსკვლავისებური ანისის თესლების ზეთი, ლევიმენთოლი, ქაფური, დეიონიზირებული წყალი.

ფარმაკოლოგიური თვისებები:

მუკოლიზური და ამოსახველებელი საშუალება, ათხიერებს ნახველს, აადვილებს მის გამოძევებას და ხელს უწყობს არაპროდუქტიული ხველიდან პროდუქტიულში გადასვლას. არბილებს და აცხრობს ყელის გაღიზიანებას.

ფარმაკოკინეტიკა:

გვაიფენეზინი სწრაფად აბსორბირდება კუჭ-ნაწლავის ტრაქტიდან (მიღებიდა 25-30 წუთში). ნახევრადგამოყოფის პერიოდი 0,5-1 საათი. ქსოვილებში აღწევს, შემავალი მუკოპოლისაქარიდები. ექსკრეცია ფილტვებით ნახველთან ერთად და თირკმელებით შეუცვლელი და მეტაბოლიტების სახით.

ჩვენებები:

«კოლდრექს ბრონქო» რეკომენდებულია სასუნთქი გზების დაავადების დროს, რასაც თან ახლავს ხველა, წებვადი, ძნელადამოსახველებელი ნახველით, მათ შორის გრიპის, მწვავე ტრაქეიტის, სხვადასხვა ეტიოლოგიის ბრონქიტის და ზემო სასუნთქი დზების კატარის დროს. გაციებისა და გრიპის დროს პრეპარატი ახდენს შემამსუბუქებელ და დამცველ მოქმედებას ყელის გაღიზიანების და ტკივილისას.

მიღების წესები და დოზები:

მოზრდილები (მოხუცების ჩათვლით) და ბავშვეები 12 წლიდან: შევავსოთ მზომი ჭიქა 10მლ მონიშვნამდე და მივიღოთ ერთი დოზა 10მლ (ორი 5მლ კოვზი).

საჭიროების შემთხვევაში დოზის გამეორება შეიძლება ყოველ 2-3 საათში. ბავშვები 3-12 წლამდე: ერთი დოზა 5მლ შეიძლება გავიმეოროთ ყოველ 2-3 საათში.

თუ სიმპტომები ნარჩუნდება მიმართეთ ექიმს.

გვერდითი მოვლენები:

რეკომენდებული დოზით პრეპარატის გამოყენებისას გვერდითი ეფექტები იშვიათად ვლინდება. იშვიათად შესაძლებელია გულისრევა, ღებინება, მუცლის ტკივილი, დიარეა, ძილიანობა, ალერგიული რეაქცია (კანზე გამონაყარი, ჭინჭრის ციება, ჰიპერთერმია), ასევე თავბრუსხვევა და თავის ტკივილი, რაც ქრება პრეპარატის მოხსნისთანავე.

თუ პრეპარატმა გამოიწვია ძილიანობა, თავი შეიკავეთ მანქანის მართვისგან. გვერდითი ეფექტების გამოვლენის შემთხვევაში მიმართეთ ექიმს ან ფარმაცევტს.

უკუჩვენება:

ნუ მიიღებთ «კოლდრექს ბრონქო»-ს, თუ თქვენ გაქვთ ალერგიული რეაქცია გვაიფენეზის ან ნებისმიერი პრეპარატში შემავალი ინგრედიენტის მიმართ. თუ გაქვთ წყლულოვანი დაავადება გამწვავების სტადიაში. ნუ გამოიყენებთ 3 წლამდე ასაკის ბავშვებში.

პრეპარატი სიფრთხილით უნდა გამოვიყენოთ ფეხმძიმობის პერიოდში და ძუძუთი კვებისას.

განსაკუთრებული მითითებები:

არ არის რეკომენდებული გვაიფენეზინის გამოყენება მუდმივი ხველისას ექიმის დანიშნულების გარეშე. მკურნალობისას რეკომენდებულია საკმარისი რაოდენობით სითხის მიღება. უმჯობესია, პრეპარატის გამოყენებას თან ახლდეს გულმკერდის პოსტურალური დრენაჟი ან ვიბრაციული მასაჟი. შესაძლოა შარდის შეფერილობის შეცვლა ვარდისფრად. პრეპარატი სიფრთხილით უნდა მიიღონ პაციენტებმა ანამნეზში კუჭიდან სისხლდენით, ან ბრონქების დაავადებებით, რომელსაც თან ახლავს სეკრეტის ჭარბი რაოდენობით დაგროვება.

გაფრთხილება დიაბეტით დაავადებული პაციენტებისათვის:

პრეპარატი შეიცავს ნახშირწყლებს – 5მლ-ში 3,6გ.

ჭარბი დოზირება:

გვაიფენეზინის განსაკუთრებით დიდმა დოზამ შეიძლება გამოიწვიოს გულისრევა და ღებინება. ღებინების შემთხვევაში უნდა მივმართოთ ორგანიზმში სითხის აღდგენის ღონისძიებებს და ელექტროლიტების კონტროლს.

სხვა წამლებთან ურთიერთქმედება:

პრეპარატის დანიშვნა შეიძლება სხვა პრეპარატებთან ერთად, რომლებიც გამოიყენება სასუნთქი სისტემის დაავადებების დროს. არ არის რეკომენდებული კოდეინის შემცველ პრეპარატებთან ერთად გამოყენება, ვინაიდან რთულდება ნახველის ამოხველება.

შენახვის პირობები:

ტემპერატურა არაუმეტეს 30°C. ბავშვებისთვის მიუწვდომელ ადგილას

ვარგისიანობის ვადა: 3 წელი

შეფუთვაზე მითითებული ვარგისიანობის ვადის გასვლის შემდგომ ნუ გამოიყენებთ პრეპარატს.

აფთიაქში გაცემის წესი:

რეცეპტის გარეშე

შემადგენლობა და გამოშვების ფორმა:

გამჭვირვალე, მოყვითალო ფერის, ოდნავ ბლანტი სითხე.

კოლადერმი წარმოადგენს ბიოდეგრადირებადი, ბიოშეთავსებადი პოლიესტერამიდის 7%-იან ხსნარს ეთილის სპირტში.

ფარმაკოლოგიური მოქმედება:

პრეპარატი სხეულის ზედაპირზე შეფრქვევის (ან დატანის) და სპირტის აორთქლების შემდეგ, წარმოქმნის პოლიესტერამიდის დამცავ აპკს, რომელიც მჭიდროდ ეკვრის ზედაპირს. ხასიათდება ბაქტერიციდული და ანტისეპტიკური აქტივობით, აჩქარებს დაზიანებული ქსოვილების რეგენერაციას და ეპითელიზაციას. არ იწვევს ალერგიულ რეაქციებს და არ გააჩნია ტოქსიკური ზემოქმედება ორგანიზმზე.

ჩვენება:

უკუჩვენება:

* ინდივიდუალური მგრძნობელობა პრეპარატის შემადგენელი კომპონენტების მიმართ.

* ფენილკეტონურია;

მიღების წესი და დოზირება:

კანის მცირე ზომის დაზიანებებისას სასურველია გამოყენებული იქნეს 10 მლ ტევადობის საწვეთურიანი ფლაკონები, რომლიდანაც პრეპარატი დაზიანებულ უბანზე დაიტანება ფლაკონზე ხელის ოდნავ მოჭერით.

კლინიკურ პირობებში, ფართო მასშტაბის დამწვრობების და მექანიკურად დაზიანებული კანის  მკურნალობისთვის, ასევე საოპერაციო ველის დამუშავების მიზნით ოპერაციამდე და ოპერაციის შემდეგ, გამოიყენება “კოლადერმი” გამფრქვევი მექანიზმის მქონე ფლაკონებით (120 მლ და 30 მლ ტევადობის). საოპერაციო ველს, ხსნარის დასხურების და სპირტის აორთქლების შემდეგ, ფარავენ სტერილური ბინტით.

სხვადასხვა ფართობის მქონე დაზიანებულ ზედაპირზე ხსნარის თანაბარი განაწილებისათვის საჭიროა ბალონიდან გაფრქვევის სწორი რეგულირება სათანადო დისტანციის დაცვითა და გამფრქვევზე სხვადასხვა ინტენსივობით დაჭერით: პოლიესტერამიდის დამცავი აპკით დიდი ზომის დაზიანებული ზედაპირის დასაფარად დისტანცია ბალონსა და სხეულის ზედაპირს შორის უნდა იყოს  20 სმ; ხოლო გაფრქვევის ინტენსივობა – მაქსიმალური, რაც მიიღწევა ბალონის გამფრქვევზე მაქსიმალური (შესაბამისად – მე-2 დონემდე) დაჭერით, ხოლო შედარებით მცირე ზომის ჭრილობის დასამუშავებლად დისტანცია სასურველია იყოს  10-15 სმ, ხოლო გამფრქვევზე დაჭერა  საშუალო სიძლიერის (პირველ დონემდე).

პრეპარატის გამოყენება შეიძლება დღეში ერთჯერ ან ორჯერ, საჭიროების მიხედვით.

გამოშვების ფორმა:

80 გ და 15 გ-ის ოდენობით 120 მლ და 30 მლ მოცულობის გამფრქვევი მოწყობილობით აღჭურვილ პოლიმერული მასალის ბალონებში და 8 გ-ის ოდენობით 10 მლ ტევადობის პოლიმერული მასალის ფლაკონებში საწვეთურით.

ვარგისიანობის ვადა:

3 წელი

აფთიაქიდან გაცემის წესი:

ურეცეპტოდ.

შენახვის პირობები:

მშრალ, სინათლისაგან დაცულ და ბავშვებისთვის მიუწვდომელ  ადგილზე, ოთახის ტემპერატურაზე.

საერთაშორისო დასახელება:

amoxicillin, clavulanic acid

მწარმოებელი: ჯი-ემ-პი, საქართველო

კლინიკურ–ფარმაკოლოგიური ჯგუფი:

ბეტა ლაქტამური ანტიბიოტიკები (პენიცილინები და ცეფალოსპორინები); ამოქსიცილინისა და კლავულანის მჟავას კომბინირებული პრეპარატები

შემადგენლობა და გამოშვების ფორმა:

500მგ+125მგ აბი #12

875მგ+125მგ აბი #12

პრეპარატის ერთი ტაბლეტი შეიცავს:

– ამოქსიცილინის ტრიჰიდრატის 500 მგ-სა და კლავულანის მჟავას (კალიუმის მარილის სახით) 125 მგ-ს;

– ამოქსიცილინის ტრიჰიდრატის 875 მგ-სა და კლავულანის მჟავას (კალიუმის მარილის სახით) 125 მგ-ს.

მოქმედების მექანიზმი:

ფართო სპექტრის კომბინირებული ანტიბაქტერიული პრეპარატი.

ამოქსიცილინი – ნახევრადსინთეზური ფართო სპექტრის ანტიბიოტიკი. მოქმედებს ბაქტერიციდულად, არღვევს ბაქტერიების უჯრედის კედლის სინთეზის პროცესს. ეფექტურია როგორც გრამდადებითი, ასევე გრამუარყოფითი ბაქტერიების მიმართ.

კლავულანის მჟავა – აინჰიბირებს ბეტა-ლაქტამაზების ფართო სპექტრს. პრეპარატის შემადგენლობაში კლავულანის მჟავის არსებობა იცავს ამოქსიცილინს ბეტა-ლაქტამაზების მოქმედებისაგან და შესაბამისად ზრდის ანტიბაქტერიული მოქმედების სპექტრს იმ მიკროორგანიზმების მიმართაც, რომლებიც რეზისტენტულნი არიან პენიცილინებისა და ცეფალოსპორინების მიმართ.

პრეპარატისადმი მგრძნობიარე აერობული გრამდადებითი ბაქტერიები: Bacillus anthracis; Corynebacterium species; Enterococcus faecalis; Enterococcus faecium; Listeria monocytogenes; Nocardia asteroids; Staphylococcus aureus, კოაგულაზა-უარყოფითი სტაფილოკოკები (Staphylococcus epidermidis ჩათვლით); Streptococcus agalactiae; Streptococcus pneumonia; Streptococcus pyogenes; Streptococcus species; Streptococcus viridians.

ანაერობული გრამდადებითი ბაქტერიები: Clostridium spp., Peptococcus spp., Peptostreptococcus spp..

აერობული გრამუარყოფითი ბაქტერიები: Bordetella pertussis; Brucella spp., Escherichia coli; Gardnerella vaginalis; Haemophilus influenza; Helicobacter pylori; Klebsiella spp., Legionella spp., Moraxella catarrhalis (Branhamella catarrhalis);Neisseria gonorrhoeae; Neisseria meningitides; Pasteurella multocida; Proteus mirabilis; Proteus vulgaris; Salmonella spp., Shigella spp., Vibrio cholera; Yersinia enterocolitica.

ანაერობული გრამუარყოფითი ბაქტერიები: Bacteroides spp., (Bacteroides fragilis ჩათვლით); Fusobacterium spp..

სხვა მიკროორგანიზმები: Borrelia burgdorferi; Chlamydiae; Leptospira icterohaemorrhagiae; Treponema pallidum.

კოკლავი სწრაფად და სრულად შეიწოვება საჭმლის მომნელებელი სისტემიდან. აბსორბციისათვის ოპტიმალურია პრეპარატის მიღება ჭამამდე. აქტიური ნივთიერებების თერაპიული კონცენტრაცია ისაზღვრება სხვადასხვა ორგანოებში, ქსოვილებსა და სითხეებში, როგორიცაა ფილტვები, მუცლის ღრუს ორგანოები, ცხიმოვანი, ძვლოვანი და კუნთოვანი ქსოვილები, პლევრალური, პერიტონეალური და სინოვიალური სითხეები, კანი, ნაღველი, შარდი, ჩირქოვანი გამონადენი, ნახველი, ინტერსტიციალური სითხეები. პლაზმის ცილებს უკავშირდება ამოქსიცილინის 18%, ხოლო კლავულანის მჟავის 25%. პერორალურად მიღებული პრეპარატის T 1/2 ამოქსიცილინისათვის შეადგენს 1.3 საათს, ხოლო კლავულანის მჟავასათვის – 0.8 საათს. ამოქსიცილინის 70%, ხოლო კლავულანის მჟავას – 65% პირველი 6 სთ-ის განმავლობაში შეუცვლელი სახით გამოიყოფა შარდთან ერთად.

ჩვენებები:

პრეპარატისადმი მგრძნობიარე მიკროორგანიზმებით გამოწვეული ინფექციურ-ანთებითი დაავადებები:

– ზედა სასუნთქი გზებისა და ყელ-ყურ-ცხვირის ინფექციები (ბრონქიტი, მორეციდივე ტონზილიტი, სინუსიტი, შუა ყურის ანთება);

– ქვედა სასუნთქი გზების ინფექციები (ქრონიკული ბრონქიტი გამწვავების ფაზაში, წილოვანი პნევმონია, ბრონქოპნევმონია, პლევრის ემპიემა, ფილტვის აბსცესი);

– შარდ-სასქესო სისტემის ინფექციები (ცისტიტი, ურეთრიტი, პიელონეფრიტი, პიელიტი, პროსტატიტი, ცერვიციტი, სალპინგიტი, სალპინგოოფორიტი, ტუბოოვარიული აბსცესი, ენდომეტრიტი, ბაქტერიული ვაგინიტი).

– ნაწლავური და სანაღვლე გზების ინფექციები (ქოლანგიტი, ქოლეცისტიტი, დიზენტერია, სალმონელოზი);

– კანისა და რბილი ქსოვილების ინფექციები (წითელი ქარი, იმპეტიგო, მეორადად დაინფიცირებული დერმატოზები, აბსცესი, ფლეგმონა, ინფიცირებული ჭრილობები);

– ძვალ-სახსართა სისტემის ინფექციები (ოსტეომიელიტი);

– შერეული ინფექციები (სეპტიური აბორტი, მშობიარობის შემდგომი სეფსისი, ინტრააბდომინალური ინფექციები);

– საჭმლის მომნელებელი სისტემის, მცირე მენჯის ღრუს, თავისა და კისრის მიდამოს, გულ-სისხლძარღვთა სისტემის, თირკმლის, სანაღვლე გზებისა და სახსრების პოსტოპერაციული ინფექციები და მათი პროფილაქტიკა.

მიღების წესები და დოზები:

პრეპარატის დოზირება განისაზღვრება პაციენტის ასაკის, წონის, თირკმლის ფუნქციისა და ინფექციის სიმძიმის გათვალისწინებით.

საჭმლის მომნელებელ სისტემის მხრივ გამოვლენილი გვერდითი მოვლენების შესუსტების მიზნით რეკომენდებულია კოკლავის მიღება ჭამამდე.

14 დღეზე მეტი ხანგრძლივობით მკურნალობის კურსის გაგრძელება პაციენტის კლინიკური მგდომარეობის შეფასების გარეშე არ არის რეკომენდებული.

საჭიროების შემთხვევაში შესაძლებელია საფეხურებრივი თერაპია (მკურნალობის დასაწყისში პრეპარატის ინტრავენურად შეყვანა, ხოლო შემდეგ – პერორალურად).

მოზრდილებსა და 12 წლის ზემოთ 40 კგ-ზე მეტი წონის ბავშვებში: 1 ტაბლეტი (875 მგ ამოქსიცილინი / 125 მგ კლავულანის მჟავა) 2-ჯერ დღე-ღამეში ან 1 ტაბლეტი (500 მგ ამოქსიცილინი / 125 მგ კლავულანის მჟავა) 3- ჯერ დღე-ღამეში.

ბავშვებში 12 წლამდე: დოზა დამოკიდებულია პაციენტის ასაკსა და წონაზე. რეკომენდებული დოზაა 45 მგ/კგ 2-ჯერ დღე-ღამეში ან 40 მგ/კგ 3-ჯერ დღე-ღამეში, მათ შორის ბავშვებში 6 – 12 წლის ასაკში პრეპარატი ინიშნება 1 ტაბლეტი ( 500 მგ / 125 მგ) 2-ჯერ დღეში.

პაციენტებში თირკმლის უკმარისობით დღიური დოზის შერჩევა ხდება კრეატინინის კლირენსის გათვალისწინებით:

ბავშვებში თირკმლის ფუნქციის დარღვევით:

უმეტესად უპირატესობა ენიჭება პარენტერალურ თერაპიას.

ჰემოდიალიზზე მყოფი პაციენტებისათვის დოზის კორექცია ხდება ამოქსიცილინის მაქსიმალურ რეკომენდებულ დოზასთან მიმართებაში.

მოზრდილებში ინიშნება 1 ტაბლეტი (500 მგ/125 მგ) ყოველ 24 საათში. დამატებით ერთი დოზა ინიშნება უშუალოდ დიალიზის პროცედურამდე და კიდევ ერთი დოზა დიალიზის პროცედურის დასრულების შემდეგ.

ბავშვებში ინიშნება 15 მგ (ამოქსიცილინი) + 3.75 მგ (კლავულანის მჟავა)/კგ ერთხელ. დამატებით ერთი დოზა ინიშნება უშუალოდ დიალიზის პროცედურამდე და კიდევ ერთი დოზა დიალიზის პროცედურის დასრულების შემდეგ.

ასაკოვან პაციენტებში პრეპარატი ინიშნება მოზრდილებისათვის განკუთვნილი დოზით.

გვერდითი მოვლენები:

პრეპარატის გვერდითი მოვლენები სუსტად ვლინდება.

ალერგიული რეაქციები: გამონაყარი კანზე, ქავილი, ჭინჭრის ციება, ანგიონევროზული შეშუპება; ანაფილაქსიური რეაქცია. იშვიათად – ინტერსტიციალური ნეფრიტი.

საჭმლის მომნელებელი სისტემის მხრივ: დიარეა, გულისრევა, ღებინება, საჭმლის მონელების დარღვევა. ასევე შესაძლებელია განვითარდეს ჰეპატიტი, ქოლესტაზური სიყვითლე, ღვიძლის ფერმენტების დონის გარდამავალი მატება. იშვიათად – ფსევდომემბრანული და ჰემორაგიული კოლიტი; კანისა და ლორწოვანი გარსების კანდიდოზი.

სისხლმბადი სისტემის მხრივ: გარდამავალი ლეიკოპენია (ასევე ნეიტროპენია, აგრანულოციტოზი); თრომბოციტოპენია და ჰემოლიზური ანემია; სისხლის შედედებისა და პროთრომბინის დროის გახანგრძლივება.

ცენტრალური ნერვული სისტემის მხრივ: იშვიათად – თავბრუსხვევა, თავის ტკივილი, გულყრები, რომლებიც ვითარდება პაციენტებში თირკმლის ფუნქციის დარღვევით ან პრეპარატის მაღალი დოზით მიღების შემთხვევაში.

უკუჩვენება:

– ანამნეზში ბეტა-ლაქტამური ანტიბიოტიკების მიმართ მომატებული მგრძნობელობა;

– ანამნეზში კოკლავით ან პენიცილინით გამოწვეული სიყვითლე ან ღვიძლის ფუნქციის დარღვევა.

პრეპარატი სიფრთხილით ინიშნება პაციენტებში ინფექციური მონონუკლეოზით, ორსულობისა და ლაქტაციის პერიოდში, ასევე პაციენტებში საჭმლის მომნელებელი სისტემის დაავადებებით (ანამნეზში პენიცილინებით გამოწვეული კოლიტი) და ღვიძლის ქრონიკული უკმარისობით.

ორსულობა და ლაქტაცია:

ორსულობის პერიოდში პრეპარატის მიღება არ არის რეკომენდებული, განსაკუთრებით პირველ ტრიმესტრში, უკიდურესი საჭიროების შემთხვევების გარდა.

კოკლავი შესაძლოა დაინიშნოს ლაქტაციის პერიოდში ექიმის განსაკუთრებული ყურადღების ქვეშ, ვინაიდან პრეპარატის მცირე რაოდენობა მაინც გადადის რძეში.

განსაკუთრებული მითითებები:

პრეპარატით მკურნალობის დაწყებამდე აუცილებელია პენიცილინზე, ცეფალოსპორინებსა და სხვა ალერგენებზე მომატებული მგრძნობელობის გადამოწმება. ხოლო პრეპარატის მიღებისას ალერგიული რეაქციის განვითარების შემთხვევაში უნდა შეწყდეს მკურნალობა და ჩატარდეს შესაბამისი თერაპია.

კოკლავი, როგორც წესი კარგად გადაიტანება და დაბალი ტოქსიკურობით ხასიათდება, თუმცა ხანგრძლივი თერაპიის შემთხვევაში რეკომენდებულია თირკმლისა და ღვიძლის ფუნქციებისა და ჰემოპოეზის კონტროლი.

პრეპარატით ხანგრძლივი მკურნალობის შემთხვევაში შესაძლოა რეზისტენტული შტამების წარმოქმნა.

კოკლავი სიფრთხილით ინიშნება ღვიძლის ფუნქციის დარღვევისას, ხოლო თირკმლის ფუნქციის დარღვევის შემთხვევაში პრეპარატის დოზა დამოკიდებულია თირკმლის უკმარისობის სიმძიმეზე.

პრეპარატი ზრდის არაპირდაპირი ანტიკოაგულანტების ეფექტს, ვინაიდან ნაწლავური მიკროფლორის შემცირების შედეგად მცირდება ვიტამინ K-ს სინთეზი და პროთრომბინის ინდექსი. ამიტომ ანტიკოაგულანტებთან ერთდროული მიღებისას საჭიროა სისხლის შედედების მაჩვენებლების კონტროლი.

პრობენეციდი და მისი მსგავსი პრეპარატები (დიურეზული საშუალებები, ფენილბუტაზონი, ანთების საწინააღმდეგო არასტეროიდული პრეპარატები) ამცირებენ ამოქსიცილინის მილაკოვან სეკრეციას და შესაბამისად ზრდიან ამ უკანასკნელის კონცენტრაციას სისხლში. ამიტომ აღნიშნული პრეპატების ერთდროული მიღება არ არის რეკომენდებული. აღნიშნული პრეპარატები გავლენას არ ახდენენ თირკმლის მიერ კლავულანის მჟავას ექსკრეციაზე.

კოკლავისა და ალოპურინოლის ერთდროულმა მიღებამ შესაძლოა ალერგიული რეაქცია გამოიწვიოს.

პრეპარატი ამცირებს პერორალური კონტრაცეპტივების ეფექტურობას.

პრეპარატის გავლენა ავტომობილისა და სხვა მექანიკური საშუალებების მართვაზე არ არის დადგენილი.

ჭარბი დოზირება:

სიმპტომები: შესაძლოა გამოვლინდეს საჭმლის მომნელებელი სისტემის ან წყალ-ელექტროლიტური ბალანსის დარღვევები. იშვიათად შესაძლოა განვითარდეს ამოქსიცილინური კრისტალურია.

მკურნალობა: სიმპტომური თერაპია. კოკლავი ორგანიზმიდან გამოიდევნება ჰემოდიალიზის მეშვეობით.

შენახვის პირობები და ვადები:

პრეპარატის ვარგისიანობის ვადაა 3 წელი, ინახება არა უმეტეს 25ºC, ტემპერატურაზე, მშრალ, სინათლისაგან დაცულ, ბავშვებისათვის მიუწვდომელ ადგილზე!

აფთიაქში გაცემის წესი:

ექიმის რეცეპტის მიხედვით!

საერთაშორისო დასახელება:

Amoxicillin/Clavulanic acid

ფარმაკოლოგიური ჯგუფი:

პენიცილინის ჯგუფი

შემადგენლობა და გამოშვების ფორმა:

სტერილური ფხვნილი ვენაში ინექციისა და ინფუზიისათვის – 1 გ ამოქსიცილინი / 0.2 გ კლავულანის მჟავა;

შეფუთვაში 1 ფლაკონი; მეორადი შეფუთვა – მუყაოს კოლოფში.

პრეპარატის ერთი ფლაკონი შეიცავს აქტიურ ნივთიერებებს:

ამოქსიცილინის ნატრიუმის მარილს, რომელიც შეესაბამება 1 გ ამოქსიცილინს და კლავულანის კალიუმის მარილს, რომელიც შეესაბამება 0.2 გ კლავულანის მჟავას.

მოქმედების მექანიზმი:

ფართო სპექტრის კომბინირებული ანტიბაქტერიული პრეპარატი.

ამოქსიცილინი – ნახევრადსინთეზური ფართო სპექტრის ანტიბიოტიკი. მოქმედებს ბაქტერიციდულად, არღვევს ბაქტერიების უჯრედის კედლის სინთეზის პროცესს. ეფექტურია როგორც გრამდადებითი, ასევე გრამუარყოფითი ბაქტერიების მიმართ.

კლავულანის მჟავა – აინჰიბირებს ბეტა-ლაქტამაზების ფართო სპექტრს. პრეპარატის შემადგენლობაში კლავულანის მჟავის არსებობა იცავს ამოქსიცილინს ბეტა-ლაქტამაზების მოქმედებისაგან და შესაბამისად ზრდის ანტიბაქტერიული მოქმედების სპექტრს იმ მიკროორგანიზმების მიმართაც, რომლებიც რეზისტენტულნი არიან პენიცილინებისა და ცეფალოსპორინების მიმართ.

პრეპარატისადმი მგრძნობიარე აერობული გრამდადებითი ბაქტერიები: Bacillus anthracis; Corynebacterium species; Enterococcus faecalis; Enterococcus faecium; Listeria monocytogenes Nocardia asteroids; Staphylococcus aureus, კოაგულაზა-უარყოფითი სტაფილოკოკები (Staphylococcus epidermidis ჩათვლით); Streptococcus agalactie; Streptococcus pneumonia; Streptococcus pyogenes; Streptococcus species; Streptococcus viridians.

ანაერობული გრამდადებითი ბაქტერიები: Clostridium spp., Peptococcus spp., Peptostreptococcus spp..

აერობული გრამუარყოფითი ბაქტერიები: Bordetella pertussis; Brucella spp., Escherichia coli; Gardnerella vaginalis; Haemophilus influenza; Helicobacter pylori; Klebsiella spp., Legionella spp., Moraxella catarrhalis (Branhamella catarrhalis); Neisseria gonorrhoeae; Neisseria meningitides; Pasteurella multocida; Proteus mirabilis; Proteus vulgaris; Salmonella spp., Shigella spp., Vibrio cholera; YErsenia enterocolitica.

ანაერობული გრამუარყოფითი ბაქტერიები: Bacteroides spp., (Bacteroides fragilis ჩათვლით); FUsobacterium spp..

სხვა მიკროორგანიზმები: Borrelia burgdorferi; Chlamydiae; Leptospira icterohaemorrhagiae; Treponema pallidum.

ინტრავენურად შეყვანილი აქტიური ნივთიერებების თერაპიული კონცენტრაცია ისაზღვრება სხვადასხვა ორგანოებში, ქსოვილებსა და სითხეებში, როგორიცაა ფილტვები, მუცლის ღრუს ორგანოები, ცხიმოვანი, ძვლოვანი და კუნთოვანი ქსოვილები, პლევრალური, პერიტონეალური და სინოვიალური სითხეები, კანი, ნაღველი, შარდი, ჩირქოვანი გამონადენი, ნახველი, ინტერსტიციალური სითხეები. პლაზმის ცილებს უკავშირდება ამოქსიცილინის 18%, ხოლო კლავულანის მჟავას 25%. ინტრავენურად შეყვანილი პრეპარატის T1/2 0.9 საათს შეადგენს. ამოქსიცილინის 70%, ხოლო კლავულანის მჟავას – 65% პირველი 6 სთ-ის განმავლობაში შეუცვლელი სახით გამოიყოფა შარდთან ერთად.

ჩვენება:

პრეპარატისადმი მგრძნობიარე მიკროორგანიზმებით გამოწვეული ინფექციურ-ანთებითი დაავადებები:

– ზედა სასუნთქი გზებისა და ყელ-ყურ-ცხვირის ინფექციები (ბრონქიტი, მორეციდივე ტონზილიტი, სინუსიტი, შუა ყურის ანთება);

– ქვედა სასუნთქი გზების ინფექციები (ქრონიკული ბრონქიტი გამწვავების ფაზაში, წილოვანი პნევმონია, ბრონქოპნევმონია, პლევრის ემპიემა, ფილტვის აბსცესი);

– შარდ-სასქესო სისტემის ინფექციები (ცისტიტი, ურეთრიტი, პიელონეფრიტი, პიელიტი, პროსტატიტი, ცერვიციტი, სალპინგიტი, სალპინგოოფორიტი, ტუბოოვარიული აბსცესი, ენდომეტრიტი, ბაქტერიული ვაგინიტი).

– ნაწლავური და სანაღვლე გზების ინფექციები (ქოლანგიტი, ქოლეცისტიტი, დიზენტერია, სალმონელოზი);

– კანისა და რბილი ქსოვილების ინფექციები (წითელი ქარი, იმპეტიგო, მეორადად დაინფიცირებული დერმატოზები, აბსცესი, ფლეგმონა, ინფიცირებული ჭრილობები);

– ძვალ-სახსართა სისტემის ინფექციები (ოსტეომიელიტი);

– შერეული ინფექციები (სეპტიური აბორტი, მშობიარობის შემდგომი სეფსისი, ინტრააბდომინალური ინფექციები);

– საჭმლის მომნელებელი სისტემის, მცირე მენჯის ღრუს, თავისა და კისრის მიდამოს, გულ-სისხლძარღვთა სისტემის, თირკმლის, სანაღვლე გზებისა და სახსრების პოსტოპერაციული ინფექციები და მათი პროფილაქტიკა.

უკუჩვენება:

– ანამნეზში ბეტა-ლაქტამური ანტიბიოტიკების მიმართ მომატებული მგრძნობელობა;

– ანამნეზში კოკლავით ან პენიცილინით გამოწვეული სიყვითლე ან ღვიძლის ფუნქციის დარღვევა.

პრეპარატი სიფრთხილით ინიშნება პაციენტებში ინფექციური მონონუკლეოზით, ორსულობისა და ლაქტაციის პერიოდში, ასევე პაციენტებში საჭმლის მომნელებელი სისტემის დაავადებებით (ანამნეზში პენიცილინებით გამოწვეული კოლიტი) და ღვიძლის ქრონიკული უკმარისობით.

უსაფრთხოების ზომები:

პრეპარატით მკურნალობის დაწყებამდე აუცილებელია პენიცილინზე, ცეფალოსპორინებსა და სხვა ალერგენებზე მომატებული მგრძნობელობის გადამოწმება. ხოლო პრეპარატის მიღებისას ალერგიული რეაქციის განვითარების შემთხვევაში უნდა შეწყდეს მკურნალობა და ჩატარდეს შესაბამისი თერაპია.

კოკლავი, როგორც წესი კარგად გადაიტანება და დაბალი ტოქსიკურობით ხასიათდება, თუმცა ხანგრძლივი თერაპიის შემთხვევაში რეკომენდებულია თირკმლისა და ღვიძლის ფუნქციებისა და ჰემოპოეზის კონტროლი.

პრეპარატით ხანგრძლივი მკურნალობის შემთხვევაში შესაძლოა რეზისტენტული შტამების წარმოქმნა.

კოკლავი სიფრთხილით ინიშნება ღვიძლის ფუნქციის დარღვევისას, ხოლო თირკმლის ფუნქციის დარღვევის შემთხვევაში პრეპარატის დოზა დამოკიდებულია თირკმლის უკმარისობის სიმძიმეზე.

პრეპარატი იშვიათად იწვევს პროთრომბინის დროის გახანგრძლივებას, ამიტომ სიფრთხილით ინიშნება ანტიკოაგულანტებთან კომბინაციაში.

პრობენეციდი და მისი მსგავსი პრეპარატები (დიურეზული საშუალებები, ფენილბუტაზონი, ანთების საწინააღმდეგო არასტეროიდული პრეპარატები) ამცირებენ ამოქსიცილინის მილაკოვან სეკრეციას და შესაბამისად ზრდიან ამ უკანასკნელის კონცენტრაციას სისხლში. ამიტომ აღნიშნული პრეპატების ერთდროული მიღება არ არის რეკომენდებული. აღნიშნული პრეპარატები გავლენას არ ახდენენ თირკმლის მიერ კლავულანის მჟავას ექსკრეციაზე.

კოკლავისა და ალოპურინოლის ერთდროულმა მიღებამ შესაძლოა ალერგიული რეაქცია გამოიწვიოს.

პრეპარატი ამცირებს პერორალური კონტრაცეპტივების ეფექტურობას.

კოკლავის ხსნარის შერევა არ შეიძლება სისხლის შემცველ პრეპარატებთან და ცილის შემცველ სხვა სითხეებთან, როგორიცაა პროტეინული ჰიდროლიზატები ან ინტრავენური ლიპიდემიური ემულსიები, აგრეთვე დექსტროზის, დექსტრანისა და ნატრიუმის ბიკარბონატის საინფუზიო ხსნარებთან.

პრეპარატის ამინოგლიკოზიდურ ანტიბიოტიკებთან ერთ შპრიცში შერევა დაუშვებელია, ამ უკანასკნელის აქტივობის დაქვეითების გამო.

პრეპარატის გავლენა ავტომობილისა და სხვა მექანიკური საშუალებების მართვაზე არ არის დადგენილი.

ორსულობა და ლაქტაცია:

ორსულობის პერიოდში პრეპარატის მიღება არ არის რეკომენდებული, განსაკუთრებით პირველ ტრიმესტრში, უკიდურესი საჭიროების შემთხვევების გარდა.

კოკლავი შესაძლოა დაინიშნოს ლაქტაციის პერიოდში ექიმის განსაკუთრებული ყურადღების ქვეშ, ვინაიდან პრეპარატის მცირე რაოდენობა მაინც გადადის რძეში.

დოზის გადაჭარბება:

სიმპტომები: შესაძლოა გამოვლინდეს საჭმლის მომნელებელი სისტემის ან წყალ-ელექტროლიტური ბალანსის დარღვევები. იშვიათად შესაძლოა განვითარდეს ამოქსიცილინური კრისტალურია.

მკურნალობა: სიმპტომური თერაპია. კოკლავი ორგანიზმიდან გამოიდევნება ჰემოდიალიზის მეშვეობით.

დოზირება და მიღების წესი:

პრეპარატის დოზირება განისაზღვრება პაციენტის ასაკის, წონის, თირკმლის ფუნქციისა და ინფექციის სიმძიმის მიხედვით.

მოზრდილებში: სტანდარტული დოზაა 1 გ ამოქსიცილინი / 0.2 გ კლავულანის მჟავა 8 საათში ერთხელ, ხოლო მძიმე ინფექციების შემთხვევაში – 1 გ ამოქსიცილინი / 0.2 გ კლავულანის მჟავა 4-6 საათში ერთხელ.

პოსტოპერაციული ინფექციების პროფილაქტიკისათვის:

ოპერაციის ხანგრძლივობა

ოპერაციის ხანგრძლივობა > 1 საათი: 1 გ ამოქსიცილინი / 0.2 გ კლავულანის მჟავა შემყვანი ნარკოზის დროს და დამატებით 1 გ ამოქსიცილინი / 0.2 გ კლავულანის მჟავა 4-ჯერ ოპერაციამდე 24 საათის განმავლობაში.

ოპერაციის განმავლობაში ინფექციის განვითარების ნიშნების გამოვლინებისას ინიშნება კოკლავით სტანდარტული მკურნალობის კურსი.

პაციენტებში თირკმლის უკმარისობით ინტრავენური დღიური დოზის შერჩევა ხდება კრეატინინის კლირენსის მიხედვით:

კრეატინინის კლირენსი > 30 მლ/წთ კორექციას არ საჭიროებს;

კრეატინინის კლირენსი 10-30 მლ/წთ საწყისი დოზა 1 გ ამოქსიცილინი / 0.2 გ კლავულანის მჟავა, შემდეგ 0.5 გ ამოქსიცილინი / 0.1 გ კლავულანის მჟავა 2-ჯერ დღეში

კრეატინინის კლირენსი

ჰემოდიალიზზე მყოფი პაციენტებისათვის საწყისი დოზა შეადგენს 1 გ ამოქსიცილინი / 0.2 გ კლავულანის მჟავა, შემდეგ 0.5 გ ამოქსიცილინი / 0.1 გ კლავულანის მჟავა ერთხელ დღეში და დამატებითი დოზა 0.5 გ ამოქსიცილინი / 0.1 გ კლავულანის მჟავა ყოველი დიალიზის შემდეგ.

პაციენტებში ღვიძლის ფუნქციის დარღვევით უნდა მოხდეს ღვიძლის ფუნქციის მუდმივი კონტროლი.

ასაკოვან პაციენტებში პრეპარატი ინიშნება მოზრდილებისათვის განკუთვნილი დოზით.

ბავშვებში 40 კგ-ზე ნაკლები წონით დოზირება ხდება წონის შესაბამისად.

3 თვემდე ასაკის ბავშვებში 4 კგ-ზე ნაკლები წონით პრეპარატი ინიშნება 25 მგ ამოქსიცილინი / 5 მგ კლავულანის მჟავა /კგ წონაზე ყოველ 12 საათში ერთხელ, ხოლო 4 კგ-ზე მეტი წონის ბავშვებში – 25 მგ ამოქსიცილინი / 5 მგ კლავულანის მჟავა /კგ წონაზე ყოველ 8 საათში ერთხელ.

3 თვიდან 12 წლამდე ასაკის ბავშვებში ინიშნება 25 მგ ამოქსიცილინი / 5 მგ კლავულანის მჟავა /კგ წონაზე ყოველ 6-8 სათში ერთხელ ინფექციის სიმძიმის მიხედვით.

ბავშვებში თირკმლის ფუნქციის დარღვევით:

კრეატინინის კლირენსი > 30 მლ/წთ კორექციას არ საჭიროებს

კრეატინინის კლირენსი 10-30 მლ/წთ 25 მგ ამოქსიცილინი / 5 მგ კლავულანის მჟავა /კგ წონაზე 2-ჯერ დღე-ღამეში;

კრეატინინის კლირენსი

ჰემოდიალიზზე მყოფი პაციენტებისათვის საწყისი დოზა შეადგენს 25 მგ ამოქსიცილინი / 5 მგ კლავულანის მჟავა ერთხელ დღეში და დამატებითი დოზა 12.5 მგ ამოქსიცილინი / 2.5 მგ კლავულანის მჟავა / კგ წონაზე დიალიზის დამთავრების შემდეგ.

მკურნალობის კურსის გახანგრძლივება პაციენტის კლინიკური მგდომარეობის შეფასების გარეშე არ არის რეკომენდებული.

ხსნარის მომზადების და შეყვანის წესები:

პრეპარატი გამოიყენება ვენაში საინექციოდ 3-4 წუთის განმავლობაში ან ვენაში საინფუზიოდ 30-40 წუთის განმავლობაში.

დაუშვებელია კოკლავის კუნთში ინექცია.

ვენაში ინექციისათვის: პრეპატარის 1.2 გ (1 გ ამოქსიცილინი / 0.2 გ კლავულანის მჟავა) იხსნება 20 მლ საინექციო წყალში.

პრეპარატის ინექცია დაუშვებელია გახსნიდან 20 წუთის განმავლობაში.

ვენაში ხანმოკლე ინფუზიისთვის: მიღებული საინექციო ხსნარი (პრეპარატის 1.2 გ გახსნილი 20 მლ საინექციო წყალში) დამატებით იხსნება 100 მლ საინფუზიო სითხეში.

ანტიბიოტიკის საკმარისი კონცენტრაცია სტაბილურია საინფუზიო ხსნარის მომზადებიდან შემდეგი პერიოდის განმავლობაში:

სტაბილურობის პერიოდი 25°C-ზე

საინექციო წყალი 4 სთ

ნატრიუმის ქლორიდის 0.9% ხსნარი 4 სთ

ნატრიუმის ლაქტატი ინტრავენური ინფუზიისათვის (1.85% ხსნარი) 4 სთ

რინგერის ხსნარი 3 სთ

ჰარტმანის ხსნარი 3 სთ

კალიუმის ქლორიდისა (0.3%) და ნატრიუმის ქლორიდის (0.9%) ხსნარი ინტრავენური ინფუზიისათვის 3 სთ

კოკლავის მომზადებული ხსნარი (საინექციო წყალი; ნატრიუმის ქლორიდის ხსნარი ინტრავენური ინფუზიისათვის) სტაბილურობას ინარჩუნებს 8 საათის განმავლობაში 5°C-ზე შენახვის შემთხვევაში.

მომზადებული საინფუზიო ხსნარი გამოყენებულ უნდა იქნას ოთახის ტემპერატურის მიღწევისთანავე.

კოკლავი ნაკლებად სტაბილურია ისეთ გამხსნელებში, რომლებიც გლუკოზას, დექსტრანს ან ნატრიუმის ბიკარბონატს შეიცავენ. ხსნარი წვეთოვნად უნდა იქნას შეყვანილი მომზადებიდან 3-4 წუთის განმავლობაში.

დაუშვებელია ანტიბიოტიკის ნებისმიერი ნარჩენი ხსნარის გამოყენება!

კოკლავის ფლაკონები არ არის განკუთვნილი მრავალჯერადი გამოყენებისათვის!

გვერდითი მოვლენები:

პრეპარატის გვერდითი მოვლენები სუსტად ვლინდება.

ალერგიული რეაქციები: გამონაყარი კანზე, ქავილი, ჭინჭრის ციება, ანგიონევროზული შეშუპება; ანაფილაქსიური რეაქცია. იშვიათად – ინტერსტიციალური ნეფრიტი.

საჭმლის მომნელებელი სისტემის მხრივ: დიარეა, გულისრევა, ღებინება, საჭმლის მონელების დარღვევა: ასევე შესაძლებელია განვითარდეს ჰეპატიტი, ქოლესტაზური სიყვითლე, ღვიძლის ფერმენტების დონის გარდამავალი მატება. იშვიათად – ფსევდომემბრანული და ჰემორაგიული კოლიტი; კანისა და ლორწოვანი გარსების კანდიდოზი.

სისხლმბადი სისტემის მხრივ: გარდამავალი ლეიკოპენია (ასევე ნეიტროპენია, აგრანულოციტოზი); თრომბოციტოპენია და ჰემოლიზური ანემია; სისხლის შედედებისა და პროთრომბინის დროის გახანგრძლივება.

ცენტრალური ნერვული სისტემის მხრივ: იშვიათად – თავბრუსხვევა, თავის ტკივილი, გულყრები, რომლებიც ვითარდება პაციენტებში თირკმლის ფუნქციის დარღვევით ან პრეპარატის მაღალი დოზით მიღების შემთხვევაში.

ადგილობრივი რეაქციები: თრომბოფლებიტი ინექციის ადგილას.

ვარგისიანობა და შენახვის პირობები:

პრეპარატის ვარგისიანობის ვადაა 2 წელი, ინახება არა უმეტეს 25ºC ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილზე!

აფთიაქიდან გაცემის პირობები:

ექიმის რეცეპტის მიხედვით!

მწარმოებელი: WORLD MEDICINE, აშშ

კლინიკურ-ფარმაკოლოგიური ჯგუფი:

ქსოვილების ენერგომომარაგების და მეტაბოლიზმის გამაუმჯობესებელი საშუალება

შემადგენლობა და გამოშვების ფორმა:

საინექციო ხსნარი: შეფუთვაში ლიოფილიზირებული ამპ. 3 ც. გამხსნელთან ამპ. 3 ც. კომპლექტში.

1 ამპ.

ადენოზინტრიფოსფატი ……………………..10 მგ

კოკარბოქსილაზა………………………………..50 მგ

ციანოკობალამინი (ვიტ.B₁₂) …………..       500 მკგ

ნიკოტინამიდი ………………………………….20 მგ

გამხსნელის 1 ამპულა შეიცავს:

ლიდოკაინის ჰიდროქლორიდი – 10 მგ

დამხმარე ნივთიერებები:

გლიცინი, მეთილპარაჰიდროქსიბენზოატი, პროპილპარაჰიდროქსიბენზოატი.

ფარმაკოლოგიური თვისებები:

ადენოზინტრიფოსფატის თერაპიული ზემოქმედება გულ-სისხლძარღვთა სისტემაზე მდგომარეობს სისხლძარღვთა გამაფართოებელ მოქმედებაში გულის კუნთის სისხლით უკეთ მოსამარაგებლად და მისი დაშლის შედეგად (ფოსფატის რადიკალის გამოთავისუფლება) მიღებული ენერგიით მიოკარდიუმის მომარაგებაში.

კოკარბოქსილაზა კომერფენტია, რომელიც ორგანიზმში წარმოიქმნება თიამინისგან. იგი ახდენს მარეგულირებელ ზემოქმედებას ორგანიზმის ცალკეულ ფუნქციებზე, უმეტესად ცვლით პროცესებზე; კოენზიმის სახით მონაწილეობს ნივთიერებათა ცვლის პროცესებში, განსაკუთრებით მნიშვნელოვან როლს თამაშობს ნახშირწყლოვან ცვლაში. აუმჯობესებს ნერვული ქსოვილის ტროფიკას, ხელს უწყობს გულ-სისხლძარღვთა სისტემის ფუნქციის ნორმალიზებას.

ციანოკობალამინი მონაწილეობს ტრანსმეთილირების პროცესში, წყალბადის ტრანსპორტში, მეთიონინის, ნუკლეინის მჟავების, ქოლინის წარმოქმნის პროცესებში; მონაწილეობს ერითროციტების ფორმირებაში. ვიტ B₁₂ ავლენს დადებით ეფექტს ნერვული სისტემის ფუნქციაზე, აუმჯობესებს თავის ტვინის მუშაობას, მონაწილეობს იმ ფერმენტების სინთეზში, რომლებიც აუცილებელია მიელინის გარსში შემავალი ლიპოპროტეიდების პროდუქციისათვის.

ნიკოტინამიდი არეგულირებს ფოსფორილირების პროცესებს და წყლისა და ელექტროლიტების მეტაბოლიზმს. ნიკოტინამიდის ფარმაკოლოგიური მოქმედება გულ-სისხლძარღვთა სისტემაზე განპირობებულია მისი სისხლძარღვთა გამაფართოვებელი ეფექტით.

ჩვენებები:

• ნევრიტები და სხვადასხვა გენეზის ნევრალგიები;
• რადიკულიტი, ლუმბაგო;
• მიალგია, იშალგია;
• ბურსიტები და ტენდინიტები;
• გულის იშემიური დაავადება, მიოკარდიტები და კარდიომიოპათიები;
• პერნიციზიონული ანემია;
• დიაბეტური ნეიროპათია, ანგიოპათია, რეტინოპათია;
• ორსულთა ტოქსიკოზი, ნაყოფის ჰიპოქსია;
• ქრონიკული დაავადებების კომპლექსური მკურნალობა.

მიღების წესი და დოზირება:

კოკარნიტის 1-2 ამპულა ყოველდღიურად ან დღეგამოშვებით ექიმის დანიშნულებისამებრ შეჰყავთ კუნთებში. ხსნარის მომზადების შემდეგ იგი დაუყოვნებლივ უნდა იქნას გამოყენებული.

გვერდითი მოვლენები:

შესაძლოა აღინიშნოს ჰიპერმგრძნობელობა იმ ავადმყოფებში, რომელთაც აღენიშნებათ მომატებული მგრძნობელობა თიამინის ან ციანოკობალამინის მიმართ.

უკუჩვენებები:

* კოკარნიტი უკუნაჩვენებია თიამინის ან ციანოკობალამინის მიმართ მომატებული მგრძნობელობისას.

განსაკუთრებული მითითებები:

ამპულა არ გამოიყენება, თუკი შეიცვლება მომზადებული ხსნარის წითელი ფერი.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისთვის მიუწვდომელ ადგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

ფარმაკოლოგიური თვისებები

პრეპარატი წარმოადგენს, კოფერმენტს, რომელიც ორგანიზმში წარმოიქმნება თიამინიდან. იგი ორგანიზმის ცალკეულ ფუნქციებზე ახდენს მარეგულირებელ ზემოქმედებას. პრეპარატი ნივთიერებათა ცვლის პროცესში მონაწილეობს კოენზიმის სახით. იგი განსაკუთრებით მნიშვნელოვან როლს ასრულებს ნახშირწყლების ცვლაში, კერძოდ მონაწილეობს კეტომჟავების ჟანგვით დეკარბოქსილირების პროცესში (პიროყურძნის მჟავა, ალფა-კეტოგლუტარის მჟავა და ა.შ.) გლუკოზის დაშლის პენტოზოფოსფატურ ციკლში. პრეპარატი ორგანიზმში აქვეითებს რძისა და პირყურძნის მჟავას დონეს, აუმჯობესებს გლუკოზის უტილიზაციას, აუმჯობესებს ნერვული ქსოვილის ტროფიკას, ხელს უწყობს გულსისხლძარღვთა სისტემის ფუნქციის ნორმალიზაციას.

ჩვენებები

• გამოიყენება დიაბეტური გენესის და რესპირატორული აციდოზის, ფილტვებისა და გულის უკმარისობის დიაბეტური და ღვიძლის კომის, ღვიძლისა და თირკმელების უკმარისობის, გულის იშემიური დაავადების, სისხლმიმოქცევის ქრონიკული უკმარისობის, პერიფერიული ნევრიტების, ქრონიკული ალკოჰოლიზმის, სხვადასხვა პათოლოგიური მდგომარეობების დროს, რომლებიც მოითხოვენ ნახშირწყლების ცვლის გაუმჯობესებას;

დოზირების რეჟიმი

პრეპარატი შეყავთ კუნთებში, იშვიათად კანქვეშ და ვენაში.

მოზრდილებში ინიშნება დოზით 50-100 მგ-ის ოდენობით ერთხელ დღეში. აუცილებლობის შემთხვევაში რეკომენდებული დოზა შესაძლებელია შევიყვანოთ განმეორებით. მკურნალობის კურსი შეადგენს ჩვეულებრივ 15-30 დღეს.

ბავშვებში პრეპარატი გამოიყენება დოზით – 25-50 მგ ერთხელ დღეში (ასაკის მიხედვით).

შაქრიანი დიაბეტის დროს (აციდოზი, კომა) სადღეღამისო დოზა შესაძლებელია შეადგენდეს 0.1-1 გ-ს.

გვერდითი მოვლენები

შესაძლებელია ალერგიული რეაქციები

უკუჩვენებები

პრეპარატის მიმართ მომატებული მგრძნობელობა.

განსაკუთრებული მითითებები

კოკარბოქსილაზა აძლიერებს საგულე გლიკოზიდების კარდიოტონულ მოქმედებას.

საერთაშორისო დასახელება:

COCARBOXYLASE

მწარმოებელი: Pharmaceutical Compani JELFA S.A., პოლონეთი

მოქმედი ნივთიერება: კოკარბოქსილაზას ჰიდროქლორიდი

კლინიკურ-ფარმაკოლოგიური ჯგუფი:

ქსოვილების  მეტაბოლიზმის, ენერგოუზრუნველყოფის გამაუმჯობესებელი და ქსოვილების ჰიპოქსიის შემამცირებელი პრეპარატი.

შემადგენლობა და გამოშვების ფორმა:

ფხვნილი საინექციო ხსნარის დასამზადებლად:

ამპულაში, შეფუთვაში 3 და 5 ც. გამხსნელთან (ამპულაში 2 მლ) კომპლექტში

1 ამპ.

კოკარბოქსილაზას ჰიდროქლორიდი ……….  50 მგ

ფარმაკოლოგიური თვისებები:

კოკარბოქსილაზა წარმოადგენს კოფერმენტს, რომელიც ორგანიზმში წარმოიქმნება თიამინიდან.

მას გააჩნია მარეგულირებელი ზემოქმედება ორგანიზმის სხვადასხვა ფუნქციებზე ძირითადად ცვლის პროცესებზე. იგი მონაწილეობას იღებს ცვლის პროცესებში კოენზიმის სახით; განსაკუთრებით მნიშვნელოვან როლს თამაშობს ნახშირწყლების ცვლაში, კერძოდ, კეტომჟავების ჟანგვით დეკაბორქისილირებაში (პიროყურძნის, ალფა-კეტოგლუტარის და სხვა), ასევე გლუკოზის პენტოზოფოსფატურ დაშლაში. პრეპარატი იწვევს ორგანიზმში რძის და პიროყურძნის მჟავების კონცენტრაციის შემცირებას, აუმჯობესებს გლუკოზის ათვისებას. იგი იწვევს ნერვული ქსოვილის ტროფიკის გაუმჯობესებას, ხელს უწყოს გულ-სისხლძარღვთა სისტემის ფუნქციის ნორმალიზაციას.

ჩვენებები:

• დიაბეტური აციდოზი;
• ფილტვ-გულის უკმარისობის დროს სუნთქვითი აციდოზი;
• დიაბეტური და ღვიძლის კომა;
• ღვიძლის და თირკმელების უკმარისობა;
• გულის იშემიური დაავადება, სისხლის მიმოქცევის ქრონიკული უკმარისობა;
• პერიფერიული ნევრიტები;
• ქრონიკული ალკოჰოლიზმი;
• სხვადასხვა პათოლოგიური მდგომარეობები, რომლებიც მოითხოვენ ნახშირწყლების ცვლის პროცესის გაუმჯობესებას.

მიღების წესი და დოზირება:

პრეპარატი შეჰყავთ კუნთებში, იშვიათად – კანქვეშ, ან ინტრავენურად.

დოზა მოზრდილებისათვის შეადგენს 50-100 მგ-ს ერთხელ დღეში. თუ საჭიროა შესაძლებელია აღნიშნული დოზის განმეორებითი შეყვანა.

დოზა ბავშვებისათვის – 25-50 მგ ერთხელ დღეში (ასაკის შესაბამისად).

მკურნალობის კურსი შეადგენს 15-30 დღეს.

შაქრიანი დიაბეტის დროს (აციდოზი, კომა) დღეღამური დოზა შეადგენს 100 მგ-ს -1 გ-ს.

გვერდითი მოვლენები:

შესაძლებელია ალერგიული რეაქციების განვითარება.

უკუჩვენებები:

* მომატებული მგრძნობელობა პრეპარატის მიმართ.

განსაკუთრებული მითითებები:

* კოკარბოქსილაზა აძლიერებს საგულე გლიკოზიდების კარდიოტონურ მოქმედებას.

შენახვის პირობები:

პრეპარატი ინახება 5-25⁰C ტემპერატურაზე, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

LOSARTAN

მწარმოებელი: MERCK SHARP & DOHME IDEA, ნიდერლანდები

მოქმედი ნივთიერება: ლოზარტანი

კლინიკურ-ფარმაკოლოგიური ჯგუფი:

ანგიოტენზინ II ტიპის რეცეპტორების სპეციფიკური ანტაგონისტი, ანტიჰიპერტენზული საშუალება.

შემადგენლობა და გამოშვების ფორმა:

ტაბლეტები: შეფუთვაში 7 და 28 ც.

1 ტაბ.

ლოზარტანი ……….  25 მგ

1 ტაბ.

ლოზარტანი …………50 მგ

ფარმაკოლოგიური თვისებები:

ანგიოტენზინ II (AT₁) ტიპის რეცეპტორები ლოკალიზებულია მრავალ ქსოვილში და გააჩნიათ მნიშვნელოვანი ბიოლოგიური აქტივობა (ვაზოკონსტრიქცია და ალდოსტერონის გამოთავისუფლება).

პრეპარატი და მისი ფარმაკოლოგიურად აქტიური მეტაბოლიტი-კარბოქსილის მჟავა აინჰიბირებს ანგიოტენზინ II-ის ყველა ფიზიოლოგიურ ეფექტს. იგი ამცირებს საერთო პერიფერიულ წინააღმდეგობას და გულზე პოსტდატვირთვას, რაც იწვევს სისტემური არტერიული წნევის დაქვეითებას და აგრეთვე წნევის შემცირებას სისხლმიმოქცევის მცირე წრეში. პრეპარატის ეფექტი გრძელდება 24 სთ-ის განმავლობაში.

ჩვენებები:

• არტერიული ჰიპერტენზია.

მიღების წესი და დოზირება:

ჩვეულებრივ კოზაარის საწყისი დოზა შეადგენს 50 მგ ერთხელ დღეში. მაქსიმალური ჰიპერტენზული ეფექტი აღინიშნება მკურნალობის დაწყებიდან 3-6 კვირის შემდეგ. ზოგ შემთხვევაში საჭიროა დოზის გაზრდა 100 მგ-მდე დღეში.

ხანდაზმულებში 75 წლის ასაკის ზევით: საწყისი დოზა შეადგენს 25 მგ დღეში.

თირკმელების ფუნქციის დარღვევისას: საშუალო სიმძიმის თირკმელების უკმარისობისას (თუ კრეატინინის კლირენსი შეადგენს 25-50 მლ/წუთში) ჩვეულებრივ საწყისი დოზა შეიძლება შეადგენდეს 50 მგ-ს, ხოლო პაციენტებში, რომელთაც აღენიშნებათ მძიმე ხარისხის თირკმლების უკმარისობა (ანუ, თუ კრეატინინის კლირენსი

პაციენტებში, რომლებიც იღებენ დიურეზული საშუალებების მაღალ დოზებს: რეკომენდებულია კოზაარის დოზის შემცირება 25 მგ-მდე დღეში ერთხელ.

ღვიძლის უკმარისობის დროს: რეკომენდებულია დაბალი დოზებით მკურნალობა.

კოზაარი შეიძლება გამოყენებული იყოს სხვა ანტიჰიპერტერზულ საშუალებებთან ერთად, საკვებთან ან მის გარეშეც.

გვერდითი მოვლენები:

თავბრუსხვევა, ორთოსტატული რეაქციები, ანგიონევროზული შეშუპება (მათ შორის სახის, ტუჩების, ხორხის და/ან ენის შეშუპება), ჭინჭრის ციება, დიარეა, შაკიკი, ქავილი, მიალგია, ურტიკარია; ზოგჯერ ღვიძლის ტრანსამინაზების აქტივობის მომატება.

უკუჩვენებები:

* კოზაარი უკუნაჩვენებია ორსულებში, ლაქტაციის პერიოდში და პაციენტებისათვის, რომელთაც აღენიშნებათ მომატებული მგრძნობელობა პრეპარატის რომელიმე კომპონენტისადმი.

ორსულობა და ლაქტაცია:

* არ არის მონაცემები კოზაარის გამოყენების შესახებ ორსულებში. ცნობილია, რომ პრეპარატი მოქმედებს რენინგ-ანგიოტენზინურ სისტემაზე, II და III ტრიმესტრში შეიძლება გამოიწვიოს ნაყოფის განვითარების დეფექტი ან ზოგ შემთხვევაში სიკვდილიანობაც, ამიტომ ორსულობის დროს პრეპარატის მიღება სასტიკად აკრძალულია. ლაქტაციის პერიოდში უნდა შეწყდეს პრეპარატის მიღება.

განსაკუთრებული მითითებები:

* პაციენტებში დეჰიდრატაციით (რომლებიც იღებდნენ დიურეზული საშუალებების მაღალ დოზებს), კოზაარით მკურნალობის დასაწყისში შეიძლება განვითარდეს სიმპტომური ჰიპოტენზია.

* საჭიროა მკურნალობის დაწყებამდე დეჰიდრატაციის კორექცია ან მკურნალობის დაწყება დაბალი დოზით.

* ფარმაკოლოგიური კვლევები მიუთითებენ, რომ ავადმყოფებში, რომელთაც აღენიშნებათ ღვიძლის ციროზი, კოზაარის კონცენტრაცია პლაზმაში მომატებულია, ამიტომ რეკომენდებულია მისი დაბალი დოზების დანიშვნა.

* პრეპარატებს, რომლებიც მოქმედებენ რენირ-ანგიოტენზინურ სისტემაზე, შესწევთ უნარი გაზარდონ შარდოვანას დონე სისხლში და შრატის კრეატინინი თირკმელების ბილატერალური სტენოზის ან ცალი თირკმლის არტერიის სტენოზის დროს. ამ შემთხვევებში საჭიროა მკურნალობის შეწყვეტა.

* კოზაარი გამოიყენება კალიუმის შემნახველ დიურეზულ საშუალებებთან კომბინაციაში.

ჭარბი დოზირება:

ჭარბი დოზირებისას აღინიშნება არტერიული ჰიპოტენზია და ტაქიკარდია, ვაგუსის სტიმულაციის გამო შეიძლება განვითარდეს ბრადიკარდია.

კოზაარი და არც მისი აქტიური მეტაბოლიტი არ გამოიყოფა ჰემოდიალიზით.

სხვა წამლებთან ურთიერთქმედება:

არ მოიპოვება მონაცემები სხვა წამლებთან მისი კომბინირებისას კლინიკურად მნიშვნელოვანი ურთიერთქმედების შესახებ. ფარმაკოკინეტიკურ კლინიკურ კვლევებში გამოყენებული იყო ჰიდროქლორთიაზიდი, დიგოქსინი, ვარფარინი, ციმეტიდინი, კეტოკონაზოლი და ფენობარბიტალი.

შენახვის პირობები: პრეპარატი ინახება არა უმეტეს 30⁰C ტემპერატურაზე, მშრალ ადგილას.

ვარგისიანობის ვადა: 2 წელი.