საერთაშორისო დასახელება:

CALCIUM GLUCONATE

მწარმოებელი: DARNITSA

კლინიკურ-ფარმაკოლოგიური ჯგუფი:

კალციუმისა და ფოსფორის ცვლის მარეგულირებელი

შემადგენლობა და გამოშვების ფორმა:

ტაბლეტები: შეფუთვაში 10 ც.

1 ტაბ.

კალციუმის გლუკონატი ..........     0.5 გ

ფარმაკოლოგიური თვისებები:

კალციუმის იონები მონაწილეობენ ნერვული იმპულსების გადაცემის, ასევე გლუვი და განივზოლებიანი კუნთების, გულის კუნთის მუშაობის პროცესების განხორციელებაში. კალციუმის იონები აუცილებელია ძვლოვანი ქსოვილების ფორმირებისათვის, სისხლის შედედების პროცესისათვის, აგრეთვე სხვა სისტემებისა და ორგანოების ნორმალური ფუნქციონირებისათვის. კალციუმის იონების კონცენტრაცია სისხლის პლაზმაში მცირდება მრავალი პათოლოგიური პროცესის შედეგად, ხოლო გამოხატული ჰიპოკალციემია ხელს უწყობს ტეტანიის განვითარებას. კალციუმის გლუკონატი, ჰიპოკალციემიის ნიველირების გარდა, ამცირებს სისხლძარღვთა განვლადობას, ავლენს ანტიალერგიულ, ანთების საწინააღმდეგო და სისხლდენის შემაჩერებელ ეფექტს.

ფარმაკოკინეტიკა:

პრეპარატი შიგნით მიღებისას შეიწოვება წვრილი ნაწლავის ზედა ნაწილში პასიური დიფუზიის გზით და ნაწილობრივ აქტიური ტრანსპორტის მექანიზმით. სისხლში იგი იმყოფება იონიზირებულ და შეკავშირებულ მდგომარეობაში. ფიზიოლოგიური აქტივობა გააჩნია იონიზირებულ კალციუმს, რომლის დეპოს წარმოადგენს ძვლოვანი ქსოვილი. პრეპარატი ორგანიზმიდან გამოიყოფა შარდით, უპირატესად კი – ფეკალიებით. ორგანიზმში 1 გ კალციუმის მოხვედრის უზრუნველსაყოფად  აუცილებელია 11 გ კალციუმის გლუკონატი.

ჩვენებები:

კალციუმის გლუკონატი გამოიყენება პარაფარისებრი ჯირკვლების ფუნქციის უკმარისობის, ორგანიზმიდან კალციუმის გაძლიერებული გამოყოფის  (ნაწილობრივ ხანგრძლივი იმობილიზაციის დროს), აგრეთვე

როგორც დამატებითი საშუალება ალერგიული დაავადებებისა და წამლისმიერი ალერგიების სამკურნალოდ.

პრეპარატი გამოიყენება სხვადასხვა გენეზის პათოლოგიური პროცესებით გამოწვეული სისხლძარღვთა განვლადობის შემცირების, ღვიძლის ტოქსიური დაზიანების, პარენქიმატოზური ჰეპატიტის, ნეფრიტის, ეკლამფსიის, პაროქსიზმული მიოპლეგიის ჰიპერკალიემიური ფორმის, კანის დაავადებების სამკურნალოდ, როგორც დამატებითი ჰემოსტაზური საშუალება, და აგრეთვე  ანტიდოტის სახით მაგნიუმის მარილებით, მჟაუნმჟავათი და მისი ხსნადი მარილებით და ფტორის მჟავას ხსნადი მარილებით მოწამვლისას.

მიღების წესი და დოზირება:

კალციუმის გლუკონატის ტაბლეტები მიიღება ჭამის წინ მოზრდილებში დოზით 1-3 გ (2-6 ტაბლეტი) 2-3-ჯერ დღეში.

1 წლამდე ასაკის ბავშვებში – 0,5 გ, 2-დან 4 წლამდე ასაკის ბავშვებში – 1 გ; 5-დან 6 წლამდე ასაკის ბავშვებში – 1-1,5 გ; 7-დან 9 წლამდე ასაკის ბავშვებში – 1,5-2 გ; 10-დან 14 წლამდე ასაკის ბავშვებში – 2-3 გ. ტაბლეტი მიიღება 2-3-ჯერ დღეში.

გვერდითი მოვლენები:

იშვიათად მოსალოდნელია ყაბზობა, ხანდახან ვითარდება ობსტრუქტიული პროცესები ნაწლავებში, რაც განპირობებულია კალციუმის კონკრემენტების ფორმირებით.

წინააღმდეგჩვენება:

პრეპარატის გამოყენება წინააღმდეგნაჩვენებია ჰიპერკალციემიის, გამოხატული ჰიპერკალციურიის, თირკმელების გამოხატული უკმარისობის, თრომბოზების მიმართ მიდრეკილების, აგრეთვე პრეპარატის მიმართ მომატებული მგრძნობელობის დროს.

ურთიერთქმედება სხვა სამკურნალო საშუალებებთან:

კალციუმს შესწევს უნარი შეამციროს ტეტრაციკლინის ჯგუფის ანტიბიოტიკებისა და ფტორის პრეპარატების აბსორბცია მათთან ერთდროული გამოყენებისას.

ვიტამინ P-ს და პრეპარატის ერთდროული გამოყენება ზრდის კალციუმის შეწოვას.

კალციუმის მაღალი დოზით პერორალურად დანიშვნამ შესაძლებელია გააძლიეროს დიგოქსინის არითმოგენური ეფექტი.

ჭარბი დოზირება:

არ არსებობს მონაცემები, თუმცა მოსალოდნელია საჭმლის მომნელებელი ტრაქტის მხრივ დარღვევები, რაც არ იწვევს ჰიპერკალციემიის განვითარებას.

განსაკუთრებული მითითებანი:

პრეპარატი სიფრთხილით ინიშნება ანამნეზში უმნიშვნელო ჰიპერკალციემიის, თირკმელების ფუნქციის დარღვევის ან შარდ-კენჭოვანი დაავადების არსებობისას, რაც მოითხოვს შარდში კალციუმის ექსკრეციის დონის რეგულარულ შემოწმებას.

პაციენტებში, რომლებსაც მიდრეკილება აქვთ შარდში კონკრემენტების წარმოქმნისადმი რეკომენდებულია დიდი რაოდენობით სითხის გამოყენება.

საჭმლის-მომნელებელი ტრაქტიდან კალციუმის შეწოვა შესაძლებელია შემცირდეს ზოგიერთი სახის საკვების (მარცვლეული, ისპანახი, რძე ან რძის ნაწარმი) ზემოქმედებით.

ვარგისიანობის ვადა:

4 წელი. შეფუთვაზე აღნიშნული ვადის გასვლის შემდეგ პრეპარატის გამოყენება არ არის რეკომენდბეული.

შენახვის პირობები:

ინახება მშრალ და სინათლისაგან და ბავშვებისაგან  დაცულ ადგილას 18-25° C ტემპერატურაზე.

საერთაშორისო დასახელება:

CALCIUM CARBONATE; COLECALCIFEROL

მწარმოებელი: NYCOMED PHARMA AS, ნორვეგია

მოქმედი ნივთიერება: ქოლეკალციფეროლი+კალციუმის კარბონატი

კლინიკურ-ფარმაკოლოგიური ჯგუფი:

კალციუმისა და ფოსფორის ცვლის მარეგულირებელი საშუალება.

შემადგენლობა და გამოშვების ფორმა:

საღეჭი ტაბლეტები ლიმონის გემოთი: ფლაკლონში 30, 60 და 120 ც

1 ტაბ.

ქოლეკალციფეროლი ..............       400 სე

კალციუმის კარბონატი .....................1.25 გ

მათ შორის კალციუმი ..............     500 მგ

დამხმარე ნივთიერებები: სორბიტოლი, პოლოვიდონი, იზომალტი, ლიმონის ზეთი, ცხიმოვანი მჟავას მონო- და დიგლიცერიდები, ასპარტამი, მაგნიუმის სტეარატი, ტოკოფეროლი. მცენარეული ზეთი, საქაროზა, ჟელატინი, სიმინდის სახამებელი.

ფარმაკოლოგიური თვისებები:

ავსებს კალციუმისა და D₃ ვიტამინის დეფიციტს ორგანიზმში. კალციუმი მონაწილეობს ძვლოვანი ქსოვილის ფორმირებაში, კბილების მინერალიზაციაში, სისხლის შედედებაში, ნერვული გამტარებლობისა და კუნთების შეკუმშვის მარეგულირებელ პროცესებში, გულის სტაბილური მუშაობის შენარჩუნებაში.

ქოლეკალციფეროლი (D₃ ვიტამინი) არეგულირებს კალციუმისა და ფოსფორის ცვლას ორგანიზმში, ხელს უწყობს კალციუმის სრულ შეწოვას.

ფარმაკოკინეტიკა:

D₃ ვიტამინი ხელს უწყობს კალციუმის შეწოვას ნაწლავებში.

კალციუმისა და D₃ ვიტამინის მიღება ეწინააღმდეგება პარათირეოიდული ჰორმონის გაძლიერებულ გამომუშავებას, რომელიც თავის მხრივ, ძვლის გაძლიერებული რეზორბციის (კალციუმის გამორეცხვა ძვლებიდან) სტიმულატორია.

D₃ ვიტამინის შეწოვა წვრილ ნაწლავებში ხდება. იონიზირებული ფორმით კალციუმის შეწოვა წვრილი ნაწლავების პროქსიმალურ ნაწილში D-ვიტამინდამოკიდებული აქტიური სატრანსპორტო მექანიზმის მეშვეობით ხდება.

ჩვენებები:

გამოიყენება როგორც სამკურნალო-პროფილაქტიკური საშუალება:

• ოსტეოპოროზი (მენოპაუზური, სენილური, სტეროიდული, იდიოპათური და სხვა კლინიკური ფორმები), მისი პროფილაქტიკა და მკურნალობა, ასევე მისი გართულებების დროს (ძვლების მოტეხილობები) კომპლექსური თერაპიის შემადგენლობაში.
• კალციუმისა და/ან D ვიტამინის დეფიციტი.

მიღების წესი და დოზირება:

ოსტეოპოროზის პროფილაქტიკის მიზნით ინიშნება 2 ტაბ. დღეში (დილით და საღამოს), ხოლო

ოსტეოპოროზის მკურნალობის დროს დოზირებასა და  მიღების ხანგრძლივობას განსაზღვრავს ექიმი ინდივიდუალურად კონკრეტული კლინიკური სიტუაციის მიხედვით. ტაბლეტი შეიძლება დაიღეჭოს, მთლიანად გადაიყლაპოს ან გავადნოთ პირში.

გვერდითი მოვლენები

საჭმლის მომნელებელი ტრაქტის მხრივ: იშვიათად, ყაბზობა, მეტეორიზმი, გულისრევა, ტკივილი მუცლის არეში. იშვიათად ვლინდება ჰიპერკალციემია და ჰიპერკალციურია.

უკუჩვენებები:

* პრეპარატის რომელიმე კომპონენტისადმი მომატებული მგრძნობელობა;

* ჰიპერკალციემია ან ჰიპერკალციურია;

* ხანგრძლივი იმობილიზაციით გამოწვეული ოსტეოპოროზი;

* დეკალცინირებადი სიმსივნეები, როგორიცაა მიელომა, ძვლოვანი მეტასტაზები, სარკოიდოზი;

* კალციუმის კონცენტრაციის მომატება სისხლში ან შარდში;

* შარდკენჭოვანი დაავადება და თირკმლის უკმარისობა.

ორსულობა და ლაქტაცია:

ორსულობისა და ლაქტაციის პერიოდში იზრდება კალციუმისა და D ვიტამინის მიმართ მოთხოვნილება.

ორსულობის პერიოდში: სადღეღამისო დოზა არ უნდა აღემატებოდეს 1500 მგ კალციუმსა და 600 სე D ვიტამინს.

ლაქტაციის პერიოდი: კალციუმი და D₃ ვიტამინი ხასიათდებიან დედის რძეში განვლადობით, ამიტომ ლაქტაციის პერიოდში პრეპარატ კალციუმი-D₃ ნიკომედი ფორტეს მიღება მხოლოდ ექიმის დანიშნულებით უნდა ხდებოდეს.

* კალციუმი D₃ ნიკომედი ფორტეს ტაბლეტი შეიცავს ასპარტამს, რომელიც ორგანიზმში ფენილალანინად გარდაიქმნება. ამიტომ პრეპარატის მიღება ფენილკეტონურიით დაავადებულთათვის არ შეიძლება.

*12 წლამდე ასაკის ბავშვებისათვის პრეპარატის მიღება მხოლოდ ექიმის დანიშნულებითაა რეკომენდებული.

* პაციენტები, რომლებიც კალციუმი D₃ ნიკომედი ფორტესთან ერთდროულად ღებულობენ საგულე გლიკოზიდებსა და/ან დიურეტიკებს, აგრეთვე ვინც ხანგრძლივად ღებულობს კალციუმის პრეპარატებს, აუცილებელად უნდა აკონტროლებდნენ კალციუმისა და კრეატინინის რაოდენობას სისხლში.

* სისხლში კალციუმისა და კრეატინინის კონცენტრაციის მომატებისას საჭიროა პრეპარატის დოზის შემცირება ან მკურნალობის დროებით შეწყვეტა.

დოზის გადაჭარბების თავიდან ასაცილებლად აუცილებელია D₃ ვიტამინის მიღების დამატებითი წყაროების გათვალისწინება.

ჭარბი დოზირება:

დოზის გადაჭარბების შემთხვევაში მიმართეთ ექიმს.

დოზის გადაჭარბებისას შესაძლოა განვითარდეს: ანორექსია, წყურვილის გრძნობა, პოლიურია, გულისრევა, ღებინება, ჰიპერკალციურია, ჰიპერკრეატინემია. ამ დროს რეკომენდებულია ორგანიზმში დიდი რაოდენობით სითხის შეყვანა, მარყუჟოვანი დიურეტიკების (მაგ: ფუროსემიდის), კორტიკოსტეროიდების, კალციტონინის, ბისფოსფონატების გამოყენება.

სხვა წამლებთან ურთიერთქმედება:

- D₃ ვიტამინის აქტივობა მცირდება ფენიტოინისა და ბარბიტურატების ერთდროული მიღებისას.

- საგულე გლიკოზიდების ერთდროული მიღებისას აუცილებელია ეკგ-ს კონტროლი და დაკვირვება კლინიკურ მდგომარეობაზე, რადგან კალციუმის პრეპარატებს შეუძლიათ საგულე გლიკოზიდების თერაპიული და ტოქსიკური ეფექტების პოტენცირება გამოიწვიონ. კალციუმისა და D₃ ვიტამინის პრეპარატებმა შეიძლება კუჭ-ნაწლავის ტრაქტში ტეტრაციკლინის შეწოვა გაზარდოს.

ამიტომ დროის ინტერვალი ტეტრაციკლინის რიგის პრეპარატების მიღებასა და კალციუმი D₃ ნიკომედი ფორტეს მიღებას შორის უნდა იყოს არანაკლებ 3 საათისა.

- ბისფოსფონატების ან ნატრიუმის ფტორიდის ნორმალური შეწოვისათვის რეკომენდებულია ამ პრეპარატების მიღებასა და კალციუმი- D₃ ნიკომედი ფორტეს მიღებას შორის ინტერვალი შეადგენდეს არანკლებ 2 საათს.

- კორტიკოსტეროიდები ამცირებს კალციუმის შეწოვას, ამიტომ კორტიკოსტეროიდებით მკურნალობის დროს საჭიროა კალციუმი- D₃ ნიკომედი ფორტეს დოზის გაზრდა.

- ქოლესტირამინის, ან მინერალური ან მცენარეული ზეთის საფუძველზე დამზადებული საფაღარათო საშუალების ერთდროულმა მიღებამ შესაძლოა შეამციროს D ვიტამინის შეწოვა.

- თიაზიდური ჯგუფის დიურეტიკების ერთდროული მიღებისას იზრდება ჰიპერკალციემიის განვითარების რისკი, რადგანაც ისინი ზრდიან კალციუმის მილაკოვან რეაბსორბციას; ხოლო ფუროსემიდი და სხვა მარყუჟოვანი დიურეტიკები პირიქით აძლიერებენ კალციუმის გამოყოფას თირკმელებით.

შენახვის პირობები:

პრეპარატი ინახება არა უმეტეს 25^oC ტემპერატურაზე მჭიდროდ დახურულ ფლაკონში.

ვარგისიანობის ვადა: 3 წელი.

საერთაშორისო დასახელება:

CALCIUM CARBONATE; COLECALCIFEROL

მწარმოებელი: NYCOMED PHARMA AS, ნორვეგია

მოქმედი ნივთიერება: ქოლეკალციფეროლი+კალციუმის კარბონატი

კლინიკურ-ფარმაკოლოგიური ჯგუფი:

კალციუმისა და ფოსფორის ცვლის მარეგულირებელი საშუალება.

შემადგენლობა და გამოშვების ფორმა:

საღეჭი ტაბლეტები ფორთოხლის გემოთი: ფლაკონში 20, 50 და 100 ც

1 ტაბ.

ქოლეკალციფეროლი ......   200 სე

კალციუმის კარბონატი.........  1.25 გ

მათ შორის კალციუმი.........500 მგ

დამხმარე ნივთიერებები: სორბიტოლი, იზომალტი, პოვიდონი, მაგნიუმის სტეარატი, ასპარტამი, ფორთოხლის ზეთი, ცხიმოვანი მჟავას მონო- და დიგლიცერიდები.

ფარმაკოლოგიური თვისებები:

ავსებს კალციუმისა და D₃ ვიტამინის დეფიციტს ორგანიზმში. კალციუმი მონაწილეობს ძვლოვანი ქსოვილის ფორმირებაში, კბილების მინერალაზაციაში, სისხლის შედედებაში, ნერვული გამტარებლობისა და კუნთების შეკუმშვის მარეგულირებელ პროცესებში. გულის სტაბილური მუშაობის შენარჩუნებაში.

ქოლეკალციფეროლი (D₃ ვიტამინი) არეგულირებს კალციუმისა და ფოსფორის ცვლას ორგანიზმში, ხელს უწყობს კალციუმის სრულ შეწოვას.

ფარმაკოკინეტიკა:

D₃ ვიტამინი ხელს უწყობს კალციუმის შეწოვას ნაწლავებში.

კალციუმისა და D₃ ვიტამინის მიღება ეწინააღმდეგება პარათირეოიდული ჰორმონის გაძლიერებულ გამომუშავებას, რომელიც თავის მხრივ, ძვლის გაძლიერებული რეზორბციის (კალციუმის გამორეცხვა ძვლებიდან) სტიმულატორია.

D₃ ვიტამინის შეწოვა წვრილ ნაწლავებში ხდება. იონიზირებული ფორმით კალციუმის შეწოვა წვრილი ნაწლავების პროქსიმალურ ნაწილში D ვიტამინდამოკიდებული აქტიური სატრანსპორტო მექანიზმის მეშვეობით ხორციელდება.

ჩვენებები:

გამოიყენება როგორც სამკურნალო-პროფილაქტიკური საშუალება:

• არასრულფასოვან კვებასთან დაკავიშირებული კალციუმისა და D₃ ვიტამინის დეფიციტური მდგომარეობისას, როცა საკვებთან ერთად მიღებული კალციუმისა და D₃ ვიტამინის რაოდენობა საკმარისი არ არის;
• კალციუმისა და D₃ ვიტამინის მიმართ გაზრდილი მოთხოვნილების დროს ორსულობისა და ლაქტაციის პერიოდში, ასევე 12 წლის ასაკის ზევით. ინტენსიური ზრდის პერიოდში;
• ოსტეოპოროზის პროფილაქტიკისას და როგორც დამატება ოსტეოპოროზის ნებისმიერ სპეციფიკურ თერაპიაზე.

მიღების წესი და დოზირება:

12 წლამდე ასაკის ბავშვებისათვის დოზირება შეირჩევა ინდივიდუალურად.

12 წლის ასაკის ზევით ბავშვებსა და მოზრდილებს ენიშნებათ 2 ტაბ. დღეში (დილით და საღამოს) ან ინდივიდუალურად კონკრეტული კლინიკური სიტუაციის მიხედვით. ტაბლეტი შეიძლება დაიღეჭოს, მთლიანად გადაიყლაპოს ან გავადნოთ პირში.

გვერდითი მოვლენები:

საჭმლის მომნელებელი ტრაქტის მხრივ: იშვიათად - ყაბზობა, მეტეორიზმი.

უკუჩვენებები:

* ჰიპერკალციემია, როგორც ჰიპერპარათირეოზის შედეგი (პირველადი ან მეორადი);

* ვიტამინის ჰიპერდოზირება;

* დეკალცინირებადი სიმსივნეები, როგორიცაა მიელომა, ძვლოვანი მეტასტაზები, სარკოიდოზი;

* კალციუმის კონცენტრაციის მომატება სისხლში ან შარდში;

* შარდკენჭოვანი დაავადება და თირკმლის უკმარისობა;

* ხანგრძლივი იმობილიზაციით გამოწვეული ოსტეოპოროზი.

ორსულობა და ლაქტაცია:

ორსულობისა და ლაქტაციის პერიოდში იზრდება კალციუმისა და D ვიტამინის მიმართ მოთხოვნილება.

კალციუმი D₃ ნიმკომედის მიღება ნაჩვენებია ორსულობისა და ლაქტაციის დროს, თუმცა აუცილებელია კალციუმისა და D ვიტამინის სხვა წყაროებიდან დამატებით მიღების გათვალისწინება და მუდმივი სამედიცინო კონტროლის ჩატარება.

განსაკუთრებული მითითებები:

* კალციუმი-D₃ ნიკომედის ტაბლეტი შეიცავს ასპარტამს, ამიტომ პრეპარატის მიღება ფენილკეტონურიით დაავადებულთათვის არ შეიძლება.

* თირკმლის მსუბუქი და ზომიერი უკმარისობის (ჩვეულებრივ აღენიშნებათ ასაკოვან ადამიანებს) ან უმნიშვნელო ჰიპერკალციურიის მქონე პირებში აუცილებელია შარდსა და სისხლში კალციუმის კონცენტრაციის პერიოდული კონტროლი. გარდა ამისა, აუცილებელია შარდში გამოყოფილი კალციუმის კონტროლი იმ პაციენტებში, რომელთაც ანამნეზში აღენიშნებოდათ კენჭები თირკმელში, რათა თავიდან იქნას აცილებული ჰიპერკალციურიის განვითარება.

* თიაზიდური ჯგუფის დიურეტიკების მიმღებ პაციენტებს იშვიათ შემთხვევაში, შეიძლება აღენიშნოთ ჰიპერკალციემია. პრეპარატი სიფრთხილით ენიშნებათ იმ პაციენტებს, რომლებიც იღებენ სათითურას პრეპარატებს.

ჭარბი დოზირება:

დოზის მწვავე ან ქრონიკული გადაჭარბებისას გაცილებით სერიოზულ შედეგად ითვლება D ვიტამინისადმი ჰიპერმგრძნობელობით განპირობებული ჰიპერკალციემიის განვითარება. ტოქსიკური ეფექტი შესაძლებელია განვითარდეს დღე-ღამეში 200 საღეჭი ტაბლეტის მიღებისას.

სიმპტომები: ანორექსია, გულისრევა, ღებინება, თავბრუსხვევა, სისუსტე, თავის ტკივილი (ამ დროს კალცუმის დონე სისხლში დაახლოებით 2,6 მმოლ/ლ-ს აღწევს), შესაძლებელია გულის წასვლა და კომის განვითარება. პოლიდიფსია და პოლიურია თირკმლის შესაძლო დაზიანებაზე მიგვითითებს.

მკურნალობა: აუცილებელია პრეპარატის მიღების დაუყოვნებლივ შეწყვეტა. საჭიროა ორგანიზმში დიდი რაოდენობით სითხის შეყვანა და დიეტის დაცვა კალციუმის რაოდენობის შეზღუდვით. ძალიან მძიმე შემთხვევებში შესაძლოა საჭირო გახდეს კორტიკოსტეროიდების ან სხვა სპეციალური თერაპიის გამოყენება.

სხვა წამლებთან ურთიერთქმედება:

კალციუმმა შეიძლება ტეტრაციკლინის რიგის, ფთორის ან რკინის შემცველი პრეპარატების აბსორბცია გაძლიეროს. ამიტომ კალციუმი-D₃ ნიკომედის ტაბლეტების მიღება აუცილებელია ზემოთაღნიშნული პრეპარატების მიღებამდე 3 საათით ადრე ან შემდეგ.

შენახვის პირობები:

პრეპარატი ინახება არა უმეტეს 25⁰C ტემპერატურაზე მჭიდროდ დახურულ ფლაკონში.

ვარგისიანობის ვადა: 3 წელი.

მწარმოებელი: NATUR PRODUKT

კლინიკურ-ფარმაკოლოგიური ჯგუფი:

ვიტამინები

შემადგენლობა და გამოშვების ფორმა:

შუშხუნა ტაბლეტები: შეფუთვაში 12 ც.

საერთაშორისო დასახელება:

CALCIUM CARBONATE; COLECALCIFEROL

მწარმოებელი: NYCOMED PHARMA AS, ნორვეგია

მოქმედი ნივთიერება: ქოლეკალციფეროლი+კალციუმის კარბონატი

კლინიკურ-ფარმაკოლოგიური ჯგუფი:

კალციუმისა და ფოსფორის ცვლის მარეგულირებელი საშუალება.

შემადგენლობა და გამოშვების ფორმა:

საღეჭი ტაბლეტები მენთოლით: ფლაკონში 30 და 100 ტ.

1 ტაბ.

ქოლეკალციფეროლი ..............       200 სე

კალციუმის კარბონატი......................1.25 გ

ვრცლად კალციუმი-D3 ნიკომედი

საერთაშორისო დასახელება:

კალციუმის კარბონატი, ქოლეკალციფეროლი;

მწარმოებელი:

შპს “ავერსი-რაციონალი” (საქართველო).

ძირითადი ფიზიკურ-ქიმიური თვისებები:

მრგვალი ფორმის, ბრტყელი ზედაპირის მქონე, ნარინჯისფერი საღეჭი შემოუგარსავი ტაბლეტი ნაზოლითა და ჭდით (400 მგ/100 სე, 500 მგ/250 სე);

კვადრატული ფორმის, ბრტყელი ზედაპირის მქონე, ნარინჯისფერი საღეჭი შემოუგარსავი ტაბლეტი (600 მგ/400 სე).

შემადგენლობა:

1 შემოუგარსავი ტაბლეტი შეიცავს:

კალციუმის კარბონატს ...........................   400 (500,600)მგ ელემენტარული კალციუმის ეკვივალენტურს;

ქოლეკალციფეროლს (ვიტამინი D3) .........  100 (250, 400) სე.

დამხმარე ნივთიერებები: სიმინდის სახამებელი, საქაროზა, მიკროკრისტალური ცელულოზა, მეთილპარაბენი, ჟელატინი, პოლიდექსტროზა, სორბიდექსი, ლევომენთოლი, ნატრიუმის ციტრატი, ფორთოხლის არომატიზატორი, ანანასის არომატიზატორი, კროსპოვიდონი, მაგნიუმის სტეარატი, საღებავი Sunset Yellow (E 110).

გამოშვების ფორმა:

საღეჭი შემოუგარსავი ტაბლეტები, 400 მგ/100სე, 500 მგ/250 სე, 600 მგ/400 სე.

ფარმაკოლოგიური ჯგუფი:

კალციუმის პრეპარატები სხვა პრეპარატებთან კომბინაციაში. კალციუმისა და ფოსფორის ცვლის მარეგულირებელი საშუალება.

ფარმაკოლოგიური თვისებები:

კალციტრონი წარმოადგენს კომბინირებულ პრეპარატს, რომელიც არეგულირებს კალციუმისა და ფოსფორის ცვლას ორგანიზმში. ამცირებს რეზორბციას და ზრდის ძვლოვანი ქსოვილის სიმკვრივეს, აღადგენს კალციუმისა და ქოლეკალციფეროლის (ვიტამინი D3) უკმარისობას ორგანიზმში, რაც აუცილებელია კბილების მინერალიზაციისათვის. კალციუმი მონაწილეობს ნერვული გამტარებლობის რეგულაციაში, კუნთების შეკუმშვაში, იგი წარმოადგენს სისხლის შედედების სისტემის შემადგენელ კომპონენტს. ქოლეკალციფეროლი (ვიტამინი D3) აუმჯობესებს კალციუმის შეწოვას კუჭ-ნაწლავის ტრაქტიდან.

კალციუმისა და ვიტამინ D3-ის გამოყენება ხელს უშლის პარათირეოიდური ჰორმონის მომატებულ გამომუშავებას, რომელიც ასტიმულირებს ძვლოვან რეზორბციას (ძვლებიდან კალციუმის გამორეცხვას).

ფარმაკოკინეტიკა:

ვიტამინი D3  შეიწოვება წვრილ ნაწლავში.

კალციუმი შეიწოვება იონიზირებული ფორმით წვრილი ნაწლავის პროქსიმალურ ნაწილში აქტიური ვიტამინ D-დამოკიდებული სატრანსპორტო მექანიზმის მეშვეობით.

ჩვენება:

• ოსტეოპოროზის (სენილური, სტეროიდული, იდიოპათიური, მენოპაუზის დროს) და მისი გართულების (ძვლების მოტეხილობა) პროფილაქტიკა და კომპლექსური თერაპია;

• კალციუმისა და ვიტამინ  D3-ის დეფიციტის აღდგენა (საკვებით მათი არასაკმარისი მიღება, ორგანიზმის მომატებული მოთხოვნილება მათზე, ორსულობა და ლაქტაციის პერიოდი, ბავშვებისა და მოზარდების ინტენსიური ზრდის პერიოდი).

მიღების წესი და დოზირება:

ტაბლეტი უნდა დაიღეჭოს ან გაიწუწნოს (მთლიანი ტაბლეტის გადაყლაპვა არ არის რეკომენდებული).

კალციტრონი 400: მოზრდილებსა და ბავშვებში 12 წლის ზემოთ ინიშნება 2-3 ტაბლეტი დღეში;

ბავშვებში 3-დან 12 წლამდე ინიშნება 1-2 ტაბლეტი დღეში ან დოზირება  დგინდება ინდივიდუალურად;

კალციტრონი 500: მოზრდილებსა და ბავშვებში 12 წლის ზემოთ - 2 ტაბლეტი დღეში;

ბავშვებში 3-დან 12 წლამდე ინიშნება ექიმის რეკომენდაციის მიხედვით;

კალციტრონი 600: მოზრდილებში, ხანდაზმულებსა და ბავშვებში 12 წლის ზემოთ - 2 ტაბლეტი დღეში; ბავშვებში 12 წლამდე არ არის რეკომენდებული.

გვერდითი მოვლენები:

საჭმლის მომნელებელი სისტემის მხრივ: შესაძლოა განვითარდეს ყაბზობა, დიარეა, მეტეორიზმი, გულისრევა, ღებინება, ტკივილი მუცლის არეში;

ნივთიერებათა ცვლის მხრივ: ჰიპერკალცემია, ჰიპერკალციურია;

სხვა: ალერგიული რეაქციები.

უკუჩვენება:

* მომატებული მგრძნობელობა პრეპარატის ან მის შემადგენლობაში შემავალი რომელიმე კომპონენტის მიმართ;

* ჰიპერკალცემია; ჰიპერკალციურია;

* ნეფროლითიაზი;

* სარკოიდოზი;

* ვიტამინ D3-ის დოზის გადაჭარბება;

* სიმსივნური მეტასტაზები ძვალში;

* თირკმლის მძიმე უკმარისობა;

* ტუბერკულოზის აქტიური ფორმა;

* ხანგრძლივი იმობილიზაციით გამოწვეული ოსტეოპოროზი;

* 3 წლამდე ასაკი.

ურთიერთქმედება სხვა სამკურნალო საშუალებებთან:

კალციტრონთან  ფენიტოინისა და ბარბიტურატების გამოყენებისას მცირდება ვიტამინ D3-ის აქტივობა.

კალციტრონისა და საგულე გლიკოზიდების ერთდროულად მიღებისას აუცილებელია ეკგ-ს და პაციენტის კლინიკური მდგომარეობის კონტროლი, ვინაიდან კალციუმის პრეპარატები ახდენენ გავლენას საგულე გლიკოზიდების თერაპიულ და ტოქსიკურ ეფექტზე.

კალციტრონისა და ტეტრაციკლინის ჯგუფის პრეპარატების ერთდროულად მიღებისას, ინტერვალი მიღებებს შორის უნდა შეადგენდეს არანაკლებ 3 სთ-ისა, რადგან ვიტამინ D3-ს შეუძლია გაზარდოს მათი აბსორბცია კუჭ-ნაწლავის ტრაქტიდან.

კალციტრონის მიღება რეკომენდებულია არანაკლებ 2 სთ-ის შემდეგ ბისფოსფონატების და ნატრიუმის ფტორიდის გამოყენებიდან, ვინაიდან ის ამცირებს მათ შეწოვას.

პრეპარატის კორტიკოსტეროიდებთან ერთდროულად მიღებისას, შესაძლოა საჭირო გახდეს კალციტრონის დოზის მომატება, რადგან  კორტიკოსტეროიდები ამცირებენ კალციუმის აბსორბციას.

კალციტრონისა და ქოლესტირამინის, საფაღარათო საშუალებების (რომლებიც დამზადებულია მინერალური ან მცენარეული ზეთის საფუძველზე) ერთდროულად მიღებამ შესაძლოა გამოიწვიოს ვიტამინ D3-ის აბსორბციის შემცირება.

კალციტრონისა და თიაზიდური ჯგუფის პრეპარატების ერთობლივი გამოყენებისას იზრდება ჰიპერკალცემიის რისკი კალციუმის მილაკოვანი რეაბსორბციის მომატების შედეგად.

ფუროსემიდის და სხვა მარყუჟოვანი  დიურეტიკების მიღებისას პირიქით, იზრდება კალციუმის გამოყოფა თირკმელებით.

საკვები პროდუქტების მჟავე რეაქცია ზრდის, ხოლო სუსტი ტუტოვანი რეაქცია ამცირებს კალციუმის შეწოვას.

ჰიპერდოზირება:

სიმპტომები: ანორექსია, წყურვილის შეგრძნება, პოლიურია, მადის დაქვეითება, თავბრუსხვევა, გულის წასვლა, სისუსტე, გულისრევა, ღებინება, ჰიპერკალციურია, ჰიპერკალცემია, ჰიპერკრეატინემია; ხანგრძლივი გამოყენებისას მაღალი დოზით – სისხლძარღვების და ქსოვილების კალცინოზი.

მკურნალობა: დაუყოვნებლივ უნდა შეწყდეს პრეპარატის მიღება. რეკომენდებულია სითხის დიდი რაოდენობით შეყვანა ორგანიზმში, მარყუჟოვანი დიურეტიკების (მაგ. ფუროსემიდი), კორტიკოსტეროიდების, კალციტონინის, ბისფოსფონატის მიღება.

პაციენტი უნდა იყოს გაფრთხილებული, რომ  ჰიპერდოზირების ნიშნების გამოვლენისას აუცილებლად უნდა მიაკითხოს ექიმს.

ორსულობა და ლაქტაცია:

პრეპარატი სიფრთხილით გამოიყენება ორსულობისა და ლაქტაციის პერიოდებში.

ორსულობის პერიოდში პრეპარატის დღიური დოზა არ უნდა აღემატებოდეს 1500 მგ კალციუმს და 600 სე ვიტამინ D3-ს. ჰიპერკალცემიამ (რომელიც ვითარდება დოზის გადაჭარბებისას) ორსულობის დროს შეიძლება გამოიწვიოს ნაყოფის გონებრივი და ფიზიკური განვითარების დეფექტები.

ვიტამინი D3 და მისი მეტაბოლიტები გამოიყოფა დედის რძესთან ერთად, ამიტომ აუცილებლად უნდა გავითვალისწინოთ დედასთან და ბავშვთან ამ ვიტამინების მიწოდების დამატებითი წყაროები.

გამოყენების თავისებურებები:

პრეპარატი სიფრთხილით ინიშნება თირკმლის უკმარისობისას, მძიმე უკმარისობის შემთხვევაში კატეგორიულად აკრძალულია.

კალციტრონის მიღებისას პაციენტები, რომლებიც იღებენ საგულე გლიკოზიდებს ან/და დიურეზულ საშუალებებს, საჭიროებენ კალციუმისა და კრეატინინის კონცენტრაციის კონტროლს სისხლის შრატში.

კალციუმისა ან კრეატინინის კონცენტრაციის მომატებისას სისხლის შრატში, აგრეთვე ჰიპერკალციურიისას, რომელიც აღემატება 7.5 მმოლ/24 სთ (300 მგ/24 სთ), საჭიროა პრეპარატის დოზის შემცირება ან მკურნალობის დროებით შეწყვეტა.

პრეპარატის მიღებისას უნდა გავითვალისწინოთ ვიტამინ D3-ის დამატებითი მიღება სხვა წყაროებიდან იმისათვის, რომ ავიცილოთ დოზის გადაჭარბება.

საკვები, რომელიც შეიცავას ოქსალატებს (მჟაუნა, ისპანახი) და ფიტინს (ბურღულეული), ამცირებს კალციუმის შეწოვას, ამიტომ არ შეიძლება კალციტრონის მიღება ასეთი საკვების მიღებიდან 2 სთ-ის განმავლობაში.

სიფრთხილით უნდა გამოვიყენოთ ოსტეოპოროზით დაავადებულ იმობილიზირებულ ავადმყოფებში, ვინაიდან არსებობს ჰიპერკალცემიის განვითარების  რისკი.

პრეპარატის მიღება არ შეიძლება პოლივიტამინურ კომპლექსებთან ერთად, რომლებიც შეიცავენ კალციუმს და D ჯგუფის ვიტამინებს.

შეფუთვა:

20 საღეჭი ტაბლეტი ფლაკონში, თითო ფლაკონი მუყაოს კოლოფში.

შენახვის პირობები:

ინახება არა უმეტეს 25ºC ტემპერატურაზე, მშრალ, სინათლისა და ბავშვებისგან დაცულ ადგილას.

ვარგისიანობის ვადა:

3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:

გაიცემა ურეცეპტოდ.

მწარმოებელი: შპს “ავერსი-რაციონალი” (საქართველო).

საერთაშორისო დასახელება:

კალციუმის კარბონატი, ქოლეკალციფეროლი;

ძირითადი ფიზიკურ-ქიმიური თვისებები:

მრგვალი ფორმის, ბრტყელი ზედაპირის მქონე, ნარინჯისფერი საღეჭი შემოუგარსავი ტაბლეტი ნაზოლითა და ჭდით (400 მგ/100 სე, 500 მგ/250 სე);

კვადრატული ფორმის, ბრტყელი ზედაპირის მქონე, ნარინჯისფერი საღეჭი შემოუგარსავი ტაბლეტი (600 მგ/400 სე).

შემადგენლობა და გამოშვების ფორმა:

საღეჭი შემოუგარსავი ტაბლეტები: 400 მგ/100სე, 500 მგ/250 სე, 600 მგ/400 სე.

1 შემოუგარსავი ტაბლეტი შეიცავს:

კალციუმის კარბონატს .................................. 400 (500,600)მგ

ელემენტარული კალციუმის ეკვივალენტურს;

ქოლეკალციფეროლს (ვიტამინი D3) ............... 100 (250, 400) სე.

დამხმარე ნივთიერებები: სიმინდის სახამებელი, საქაროზა, მიკროკრისტალური ცელულოზა, მეთილპარაბენი, ჟელატინი, პოლიდექსტროზა, სორბიდექსი, ლევომენთოლი, ნატრიუმის ციტრატი, ფორთოხლის არომატიზატორი, ანანასის არომატიზატორი, კროსპოვიდონი, მაგნიუმის სტეარატი, საღებავი Sunset Yellow (E 110).

ფარმაკოლოგიური ჯგუფი:

კალციუმის პრეპარატები სხვა პრეპარატებთან კომბინაციაში. კალციუმისა და ფოსფორის ცვლის მარეგულირებელი საშუალება. ათქ-კოდი: A12AX.

ფარმაკოლოგიური თვისებები:

კალციტრონი წარმოადგენს კომბინირებულ პრეპარატს, რომელიც არეგულირებს კალციუმისა და ფოსფორის ცვლას ორგანიზმში. ამცირებს რეზორბციას და ზრდის ძვლოვანი ქსოვილის სიმკვრივეს, აღადგენს კალციუმისა და ქოლეკალციფეროლის (ვიტამინი D3) უკმარისობას ორგანიზმში, რაც აუცილებელია კბილების მინერალიზაციისათვის. კალციუმი მონაწილეობს ნერვული გამტარებლობის რეგულაციაში, კუნთების შეკუმშვაში, იგი წარმოადგენს სისხლის შედედების სისტემის შემადგენელ კომპონენტს.

ქოლეკალციფეროლი (ვიტამინი D3) აუმჯობესებს კალციუმის შეწოვას კუჭ-ნაწლავის ტრაქტიდან.

კალციუმისა და ვიტამინ D3-ის გამოყენება ხელს უშლის პარათირეოიდური ჰორმონის მომატებულ გამომუშავებას, რომელიც ასტიმულირებს ძვლოვან რეზორბციას (ძვლებიდან კალციუმის გამორეცხვას).

ფარმაკოკინეტიკა:

ვიტამინი D3  შეიწოვება წვრილ ნაწლავში.

კალციუმი შეიწოვება იონიზირებული ფორმით წვრილი ნაწლავის პროქსიმალურ ნაწილში აქტიური ვიტამინ D-დამოკიდებული სატრანსპორტო მექანიზმის მეშვეობით.

ჩვენება:

• ოსტეოპოროზის (სენილური, სტეროიდული, იდიოპათიური, მენოპაუზის დროს) და მისი გართულების (ძვლების მოტეხილობა) პროფილაქტიკა და კომპლექსური თერაპია;

• კალციუმისა და ვიტამინ  D3-ის დეფიციტის აღდგენა (საკვებით მათი არასაკმარისი მიღება, ორგანიზმის მომატებული მოთხოვნილება მათზე, ორსულობა და ლაქტაციის პერიოდი, ბავშვებისა და მოზარდების ინტენსიური ზრდის პერიოდი).

მიღების წესი და დოზირება:

ტაბლეტი უნდა დაიღეჭოს ან გაიწუწნოს (მთლიანი ტაბლეტის გადაყლაპვა არ არის რეკომენდებული).

კალციტრონი 400: მოზრდილებსა და ბავშვებში 12 წლის ზემოთ ინიშნება 2-3 ტაბლეტი დღეში;

ბავშვებში 3-დან 12 წლამდე ინიშნება 1-2 ტაბლეტი დღეში ან დოზირება  დგინდება ინდივიდუალურად;

კალციტრონი 500: მოზრდილებსა და ბავშვებში 12 წლის ზემოთ - 2 ტაბლეტი დღეში;

ბავშვებში 3-დან 12 წლამდე ინიშნება ექიმის რეკომენდაციის მიხედვით;

კალციტრონი 600: მოზრდილებში, ხანდაზმულებსა და ბავშვებში 12 წლის ზემოთ -

2 ტაბლეტი დღეში;

ბავშვებში 12 წლამდე არ არის რეკომენდებული.

გვერდითი მოვლენები:

საჭმლის მომნელებელი სისტემის მხრივ: შესაძლოა განვითარდეს ყაბზობა, დიარეა, მეტეორიზმი, გულისრევა, ღებინება, ტკივილი მუცლის არეში;

ნივთიერებათა ცვლის მხრივ: ჰიპერკალცემია, ჰიპერკალციურია;

სხვა: ალერგიული რეაქციები.

უკუჩვენება:

მომატებული მგრძნობელობა პრეპარატის ან მის შემადგენლობაში შემავალი რომელიმე კომპონენტის მიმართ;

ჰიპერკალცემია; ჰიპერკალციურია; ნეფროლითიაზი; სარკოიდოზი; ვიტამინ D3-ის დოზის გადაჭარბება; სიმსივნური მეტასტაზები ძვალში; თირკმლის მძიმე უკმარისობა; ტუბერკულოზის აქტიური ფორმა; ხანგრძლივი იმობილიზაციით გამოწვეული ოსტეოპოროზი;  3 წლამდე ასაკი.

ურთიერთქმედება სხვა სამკურნალო საშუალებებთან:

კალციტრონთან  ფენიტოინისა და ბარბიტურატების გამოყენებისას მცირდება ვიტამინ D3-ის აქტივობა.

კალციტრონისა და საგულე გლიკოზიდების ერთდროულად მიღებისას აუცილებელია ეკგ-ს და პაციენტის კლინიკური მდგომარეობის კონტროლი, ვინაიდან კალციუმის პრეპარატები  ახდენენ გავლენას საგულე გლიკოზიდების თერაპიულ და ტოქსიკურ ეფექტზე.

კალციტრონისა და ტეტრაციკლინის ჯგუფის პრეპარატების ერთდროულად მიღებისას, ინტერვალი მიღებებს შორის უნდა შეადგენდეს არანაკლებ 3 სთ-ისა, რადგან ვიტამინ D3-ს შეუძლია გაზარდოს მათი აბსორბცია კუჭ-ნაწლავის ტრაქტიდან.

კალციტრონის მიღება რეკომენდებულია არანაკლებ 2 სთ-ის შემდეგ ბისფოსფონატების და ნატრიუმის ფტორიდის გამოყენებიდან, ვინაიდან ის ამცირებს მათ შეწოვას.

პრეპარატის კორტიკოსტეროიდებთან ერთდროულად მიღებისას, შესაძლოა საჭირო გახდეს კალციტრონის დოზის მომატება, რადგან  კორტიკოსტეროიდები ამცირებენ კალციუმის აბსორბციას.

კალციტრონისა და ქოლესტირამინის, საფაღარათო საშუალებების (რომლებიც დამზადებულია მინერალური ან მცენარეული ზეთის საფუძველზე) ერთდროულად მიღებამ შესაძლოა გამოიწვიოს ვიტამინ D3-ის აბსორბციის შემცირება.

კალციტრონისა და თიაზიდური ჯგუფის პრეპარატების ერთობლივი გამოყენებისას იზრდება ჰიპერკალცემიის რისკი კალციუმის მილაკოვანი რეაბსორბციის მომატების შედეგად.

ფუროსემიდის და სხვა მარყუჟოვანი  დიურეტიკების მიღებისას პირიქით, იზრდება კალციუმის გამოყოფა თირკმელებით.

საკვები პროდუქტების მჟავე რეაქცია ზრდის, ხოლო სუსტი ტუტოვანი რეაქცია ამცირებს კალციუმის შეწოვას.

ჭარბი დოზირება:

სიმპტომები: ანორექსია, წყურვილის შეგრძნება, პოლიურია, მადის დაქვეითება, თავბრუსხვევა, გულის წასვლა, სისუსტე, გულისრევა, ღებინება, ჰიპერკალციურია, ჰიპერკალცემია, ჰიპერკრეატინემია; ხანგრძლივი გამოყენებისას მაღალი დოზით – სისხლძარღვების და ქსოვილების კალცინოზი.

მკურნალობა: დაუყოვნებლივ უნდა შეწყდეს პრეპარატის მიღება. რეკომენდებულია სითხის დიდი რაოდენობით შეყვანა ორგანიზმში, მარყუჟოვანი დიურეტიკების (მაგ. ფუროსემიდი), კორტიკოსტეროიდების, კალციტონინის, ბისფოსფონატის მიღება.

პაციენტი უნდა იყოს გაფრთხილებული, რომ  ჰიპერდოზირების ნიშნების გამოვლენისას აუცილებლად უნდა მიაკითხოს ექიმს.

ორსულობა და ლაქტაცია:

პრეპარატი სიფრთხილით გამოიყენება ორსულობისა და ლაქტაციის პერიოდებში.

ორსულობის პერიოდში პრეპარატის დღიური დოზა არ უნდა აღემატებოდეს 1500 მგ კალციუმს და 600 სე ვიტამინ D3-ს. ჰიპერკალცემიამ (რომელიც ვითარდება დოზის გადაჭარბებისას) ორსულობის დროს შეიძლება გამოიწვიოს ნაყოფის გონებრივი და ფიზიკური განვითარების დეფექტები.

ვიტამინი D3 და მისი მეტაბოლიტები გამოიყოფა დედის რძესთან ერთად, ამიტომ აუცილებლად უნდა გავითვალისწინოთ დედასთან და ბავშვთან ამ ვიტამინების მიწოდების დამატებითი წყაროები.

გამოყენების თავისებურებები:

პრეპარატი სიფრთხილით ინიშნება თირკმლის უკმარისობისას, მძიმე უკმარისობის შემთხვევაში კატეგორიულად აკრძალულია.

კალციტრონის მიღებისას პაციენტები, რომლებიც იღებენ საგულე გლიკოზიდებს ან/და დიურეზულ საშუალებებს, საჭიროებენ კალციუმისა და კრეატინინის კონცენტრაციის კონტროლს სისხლის შრატში.

კალციუმისა ან კრეატინინის კონცენტრაციის მომატებისას სისხლის შრატში, აგრეთვე ჰიპერკალციურიისას, რომელიც აღემატება 7.5 მმოლ/24 სთ (300 მგ/24 სთ), საჭიროა პრეპარატის დოზის შემცირება ან მკურნალობის დროებით შეწყვეტა.

პრეპარატის მიღებისას უნდა გავითვალისწინოთ ვიტამინ D3-ის დამატებითი მიღება სხვა წყაროებიდან იმისათვის, რომ ავიცილოთ დოზის გადაჭარბება.

საკვები, რომელიც შეიცავას ოქსალატებს (მჟაუნა, ისპანახი) და ფიტინს (ბურღულეული), ამცირებს კალციუმის შეწოვას, ამიტომ არ შეიძლება კალციტრონის მიღება ასეთი საკვების მიღებიდან 2 სთ-ის განმავლობაში.

სიფრთხილით უნდა გამოვიყენოთ ოსტეოპოროზით დაავადებულ იმობილიზირებულ ავადმყოფებში, ვინაიდან არსებობს ჰიპერკალცემიის განვითარების  რისკი.

პრეპარატის მიღება არ შეიძლება პოლივიტამინურ კომპლექსებთან ერთად, რომლებიც შეიცავენ კალციუმს და D ჯგუფის ვიტამინებს.

შენახვის პირობები:

ინახება არა უმეტეს 25ºC ტემპერატურაზე, მშრალ, სინათლისა და ბავშვებისგან დაცულ ადგილას.

ვარგისიანობის ვადა:

3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:

გაიცემა ურეცეპტოდ.

ფარმაკოლოგიური თვისებები

პრეპარატი წარმოადგენს ბუნებრივი ვიტამინის D₃-ის ერთ-ერთ ყველაზე აქტიური მეტაბოლიტის სინთეზურ ანალოგს. იგი დოზადამოკიდებული სახით იწვევს კერეტანოციტების პროლიფერაციის დათრგუნვას (რომელიც გაძლიერებულია ფსორიაზით დაავადებულ პაციენტებში) და აჩქარებს მათ მორფოლოგიურ დიფერენციაციას. ორგანიზმში კალციუმის მეტაბოლიზმზე პრეპარატი ახდენს უმნიშვნელო ზეგავლენას.

ჩვენებები

• პრეპარატი გამოიყენება ფსორიაზის სამკურნალოდ.

დოზირების რეჟიმი

მალამოს სახით თხელ ფენად დაიტანება კანის დაზიანებულ უბანზე 2-ჯერ დღეში.  მისი მაქსიმალური სადღეღამისო დოზა არ უნდა აღემატებოდეს 15 გ-ს, ხოლო კვირის განმავლობაში - 100 გ-ს.

თერაპიული ეფექტი ჩვეულებრივ აღინიშნება პრეპარატის გამოყენებიდან 1-2 კვირის შემდეგ. მკურნალობის კურსის ხანგრძლივობა არ უნდა აჭარბებდეს 6-8 კვირას.

გვერდითი მოვლენები

იშვიათად აღინიშნება კანის გაღიზიანება. პრეპარატის მაღალი დოზით გამოყენებისას, რომელიც სჭარბობს რეკომენდებულს, შესაძლებელია ჰიპერკალციემიის განვითარება, რომელიც მისი გამოყენების შეწყვეტის ან დოზის შემცირების დროს ქრება.

უკუჩვენებები

პრეპარატის მიმართ მომატებული მგრძნობელობა.

განსაკუთრებული მითითებები

პრეპარატის სახის კანზე გამოყენება დაუშვებელია. მისი ხმარების შემდეგ რეკომენდებულია ხელების საგულდაგულოდ დაბანა. იგი სიფრთხილით გამოიყენება ბავშვებში, ხოლო ორსულობის პერიოდში მისი გამოყენება არ არის ნებადართული.

პრეპარატისა და სალიცილის მჟავას გარეგანი გამოყენების საშუალებების კომბინაცია არ არის რეკომენდებული.

მწარმოებელი: Ponroy Vytarmonil Industries, საფრანგეთი

საერთაშორისო დასახელება:

colecalciferol, calcium carbonate

კლინიკურ- ფარმაკოლოგიური ჯგუფი:
ფოსფორისა და კალციუმის ცვლაზე მოქმედი საშუალებები. ძვლის ქსოვილში ნივთიერებათა ცვლის მარეგულირებელი საშუალებები; D3 ვიტამინის პრეპარატები.

შემადგენლობა და გამოშვების ფორმა:

საღეჭი ტაბლეტები ლიმონის არომატით #20

აქტიური კომპონენტები:

კალციუმის კარბონატი ...................................  1250 მგ

(ექვივალენტურია კალციუმის - 500მგ),

ქოლეკალციფეროლი (ვიტამინ D3) ....................  5მკგ (200სე)

2 მგ ქოლეკალციფეროლის კონცენტრატის სახით.

დამხმარე კომპონენტები: სორბიტოლი, მალტოდექსტრინი, ლიმონის არომატი, მაგნიუმის სტეარატი.

პრეპარატის აღწერა: მრგვალი, ბრტყელი, თეთრი ფერის ტაბლეტი, ლიმონის არომატით.

ფარმაკოლოგიური თვისებები:

კომბინირებული პრეპარატი, რომელიც არეგულირებს კალციუმის და ფოსფორის ცვლას ორგანიზმში (ძვლებში, კბილებში, ფრჩხილებში, თმებში, კუნთებში). იგი ამცირებს რეზორბციას (გაწოვას) და ზრდის ძვლოვანი ქსოვილის სიმყარეს, ავსებს რა კალციუმისა და ვიტ. D3- ის დეფიციტს ორგანიზმში, იგი აუცილებელია კბილების მინერალიზაციისთვის. კალციუმი ხელს უწყობს ნერვული გამტარობისა და კუნთების კუმშვადობის რეგულაციას და წარმოადგენს სისხლის შედედების სისტემის კომპონენტს.

ფარმაკოდინამიური თვისებები:

ვიტამინი D3 ზრდის ნაწლავის მიერ კალციუმის აბსორბციას. კალციუმის და ვიტამინ D3- ის მიღება ხელს უშლის პარათირეოიდული ჰორმონის გამომუშავებას (პთჰ), რომელიც წარმოადგენს ძვლის მომატებული რეზორბციის (ძვლებიდან კალციუმის გამოდევნის) სტიმულატორს.

ფარმაკოკინეტიკა:

ვიტამინი D3 შეიწოვება წვრილი ნაწლავის მიერ. კალციუმი შეიწოვება იონიზირებული ფორმით წვრილი ნაწლავის პროქსიმალურ ნაწილში D - ვიტამინ დამოკიდებული ტრანსპორტული მექანიზმის მეშვეობით.

ჩვენებები:

• კალციუმის ან ვიტამინი D3- ის დეფიციტის პროფილაქტიკა და მკურნალობა.

• ოსტეოპოროზის (მენოპაუზის დროს, სენილური, სტეროიდული, იდიოპათიური და ა.შ.) პროფილაქტიკა და კომპლექსური თერაპია.

მიღების წესები და დოზები:

მოზრდილებში ოსტეოპოროზის სამკურნალოდ ინიშნება 1 ტაბლეტი 2-3-ჯერ დღეში.

ოსტეოპოროზის პროფილაქტიკისთვის - 1 ტაბლეტი 2-ჯერ დღეში. კალციუმის და ვიტამინ D3-ს დეფიციტის დროს:

მოზრდილებში და 12 წელზე მეტი ასაკის ბავშვებში ინიშნება 1 ტაბლეტი 2-ჯერ დღეში.

ბავშვებში 5-დან 12 წლამდე - 1-2 ტაბლეტი დღეში.

3-დან 5 წლამდე ბავშვებში დოზირება განისაზღვრება ექიმის დანიშნულების მიხედვით.

ტაბლეტი შეიძლება გაიწუწნოს ან დაიღეჭოს ჭამის დროს.

გვერდითი მოვლენები:

ალერგიული რეაქციები, კუჭ-ნაწლავის ტრაქტის დისფუნქცია: (ყაბზობა ან დიარეა, მეტეორიზმი, გულისრევა, ტკივილი მუცლის არეში), ჰიპერკალციემია და ჰიპერკალციურია (შარდში ან სისხლში კალციუმის მაღალი შემადგენლობა).

უკუჩვენება:

• ჰიპერკალციემია (სისხლში კალციუმის მაღალი კონცენტრაცია);

• ჰიპერკალციურია (შარდში კალციუმის მაღალი შემცველობა);

• ნეფროლითიაზი;

• ვიტამინ D3-ის ჰიპერვიტამინოზი;

• მომატებული მგრძნობელობა პრეპარატის კომპონენტების მიმართ;

• თირკმლის მწვავე უკმარისობა;

• ტუბერკულოზის აქტიური ფორმა;

• სარკოიდოზი;

პრეპარატი არ ინიშნება 3 წლამდე ასაკის ბავშვებში.

სიფრთხილე მიღებისას: ორსულობა და ლაქტაციის პერიოდი.

ორსულობა და ლაქტაცია:

დღე-ღამის დოზამ არ უნდა გადააჭარბოს 1500მგ კალციუმს და 600სე ვიტამინ D3- ს.

ორსულობის დროს პრეპარატის დოზის გადაჭარბების დროს წარმოქმნილმა ჰიპერკალციემიამ შეიძლება გამოიწვიოს ნაყოფის გონებრივი და ფიზიკური განვითარების დეფექტები.

ვიტამინ D3- მ და მისმა მეტაბოლიტებმა შეიძლება შეაღწიოს დედის რძეში, რის გამოც აუცილებელია გავითვალისწინოთ კალციუმის და ვიტამინ D3- ს მიღება სხვადასხვა წყაროებიდან დედისა და ბავშვის მიერ.

ჭარბი დოზირება:

ჭარბი დოზირების სიმპტომები: ანორექსია, წყურვილი, პოლიურია, ლაქსატიური ეფექტი, მადის დაქვეითება, თავბრუსხვევა, სინკოპე, სისუსტე, გულისრევა, ღებინება, ჰიპერკალციურია, ჰიპერკალციემია, ჰიპერკრეატინემია. ზედმეტი დოზის ხანგრძლივად მიღების შემთხვევაში სისხლძარღვების და ქსოვილის კალცინოზი.

მკურნალობა: ორგანიზმში დიდი რაოდენობით სითხის შეყვანა, დიურეზულების (მაგ. ფუროსემიდის), გლუკოკორტიკოსტეროიდების, კალციტონინის, ბიფოსფონატების მიღება.

ჭარბი დოზირების სიმპტომების აღმოჩენის შემთხვევაში დახმარებისთვის მიაკითხეთ ექიმს. ჭარბი დოზირების კლინიკური სიმპტომების განვითარების შემთხვევაში სასურველია შემოწმდეს სისხლში კალციუმის და კრეატინინის კონცენტრაცია. სისხლის შრატში კალციუმის და კრეატინინის მაღალი კონცენტრაციის დროს საჭიროა შემცირდეს პრეპარატის დოზა ან დროებით შეწყდეს პრეპარატის მიღება.

ჰიპერკალციურიის შემთხვევაში, რომელიც აჭარბებს 7,5მმოლ-ს დღე-ღამეში, აუცილებელია პრეპარატის დოზის შემცირება ან პრეპარატის მიღების შეწყვეტა.

სხვა წამლებთან ურთიერთქმედება:

• ვიტამინ D3- ის აქტიურობა შეიძლება შემცირდეს მასთან ერთად ფენიტოინის ან ბარბიტურატების მიღების გამო.

• ერთდროულად გულის გლიკოზიდების მკურნალობის დროს აუცილებელია ეკგ-ს და კლინიკური მდგომარეობის კონტროლი.

• კალციუმის და ვიტ. D3- ის მიღებამ შეიძლება გაზარდოს კუჭ-ნაწლავის ტრაქტიდან ტეტრაციკლინების შეწოვა, ამიტომ ტეტრაციკლინების რიგის პრეპარატების მიღებასა და კალცინორმ -D3- ის მიღებას შორის შუალედი უნდა იყოს არა უმცირესი 3 საათი.

შენახვის პირობები და ვადები:

გამოყენების ვადა: 3 წელი. არ გამოიყენოთ ვადის გასვლის შემდეგ.

შეინახეთ მჭიდროდ თავდახურული მშრალ, ბავშვებისათვის ხელმიუწვდომელ ადგილას, არა უმეტეს 25ºC ტემპერატურაზე.

აფთიაქში გაცემის წესი:

გაიცემა ექიმის რეცეპტის გარეშე.

მწარმოებელი: KRKA, სლოვენია

კლინიკურ-ფარმაკოლოგიური ჯგუფი:

ვიტამინურ-მინერალური კომპლექსი.

შემადგენლობა და გამოშვების ფორმა:

ტაბლეტები: ბლისტერზე 9 ტაბ., შეფუთვაში 3 ბლისტერი.

1 ტაბ.

ვიტამინი A(Retinolum) .....................         1000 სე

ვიტამინი D₃(Colecalciferolum) .....................100 სე

ვიტამინი B₆ (Pyridoxin chloridum) ...................0.4 მგ

ვიტამინი C (Acidum ascorbicum)   .................15 მგ

დამხმარე ნივთიერებები:

საქაროზა, სიმინდის სახამებელი, პოვიდონი, ლიმონმჟავა, პოლისორბატი 80, მაგნიუმის სტეარატი, საღებავები (ცისფერი E132, ყვითელი E104, წითელი E129), არომატული ნივთიერებები (კივი, მოცვი, ანანასი, ჟოლო).

ფარმაკოლგიური თვისებები:

კალცინოვა მოქმედებს მეტაბოლურ პროცესებზე. იგი მონაწილეობს ძვლის ქსოვილის ფორმირებაში სისხლის შედედებაში, ნერვული იმპულსების გადაცემაში, ჩონჩხისა და გლუვი კუნთების შეკუმშვაში, გულის ნორმალურ მუშაობაში.

კალციუმთან ერთად ფოსფორი მონაწილეობს ძვლებისა და კბილების ფორმირებაში, ასევე მონაწილეობს ენერგეტიკული ცვლის პროცესებში.

ძვლებისა და კბილების სწორი მინერალიზებისათვის კალციუმისა და ფოსფორის გარდა, რომლებიც სამშენებლო მასალას წარმოადგენენ, აუცილებელი ვიტამინების მიღება, განსაკუთრებით ვიტამინ D₃-ის, რომელიც ხელს უწყობს კალციუმისა და ფოსფორის აბსორბციას საჭმლის მომნელებელ ორგანოებში და მათ სწორად განაწილებას ძვლისა და კბილის ქსოვილებში.

ვიტამინი A მონაწილეობს სხვადასხვა ნივთიერებების სინთეზში (ცილების, ლიპიდების, მუკოპოლისაქარიდების) და უზრუნველყოფს კანის, ლორწოვანი გარსების, ასევე მხედველობის ორგანოების ნორმალურ ფუნქციას.

ვიტამინი B₆ ხელს უწყობს ძვლების, კბილების, ღრძილების სტრუქტურისა და ფუნქციის შენარჩუნებას, ზეგავლენას ახდენს ერითროპოეზზე, ხელს უწყობს ნერვული სისტემის ნორმალურ ფუნქციონირებას.

ვიტამინი C მონაწილეობს რიგი ბიოლოგიურად აქტიური ნივთიერების ჟანგვაში. შემაერთებელ ქსოვილში ცვლის, ნახშირწყლების ცვლის რეგულირებაში, სისხლის შედედებასა და ქსოვილების რეგენერაციაში, ასტიმულირებს სტეროიდული ჰორმონების წარმოქმნას, აწესრიგებს კაპილარების გამტარობას.

ვიტამინი C ზრდის ორგანიზმის გამძლეობას ინფექციების მიმართ, ამცირებს ანთებით რეაქციებს.

ჩვენებები:

კალცინოვას ტაბლეტები რეკომენდებულია შემდეგ შემთხვევებში:

• ბავშვებისათვის ინტენსიური ზრდისა და განვითარების პერიოდში;
• ბავშვებისათვის რძისა და რძის პროდუქტების მიმართ აუტანლობით;
• ბავშვებში კბილებისა და ძვლების გასამაგრებლად და დასაცავად.

მიღების წესი და დოზირება:

2-4 წლის ბავშვებში მიიღება 2-3 ტაბლეტი დღეში;

4 წლიდან და უფროსი ასაკის ბავშვებში - 4-5 ტაბლეტი დღეში.

რეკომენდებულია ტაბლეტების დაღეჭვა.

გვერდითი მოვლენები:

შესაძლებელია ალერგიული რეაქციები. ამ შემთხვევაში აუცილებელია ამ პრეპარატით მკურნალობის შეწყვეტა და ექიმთან მიმართვა.

უკუჩვენებები:

*ჰიპერმგრძნობელობა პრეპარატის ნებისმიერი კომპონენტის მიმართ.

*კალციუმის მარილების დიდი რაოდენობით შემცველობა სისხლსა და შარდში.

* ბავშვთა ასაკი 2 წლამდე.

განსაკუთრებული მითითებები:

შაქრიანი დიაბეტით დაავადებულებისათვის კალცინოვას ტაბლეტების მიღება რეკომენდებული არ არის, ვინაიდან ისინი შაქარს შეიცავენ.

ჭარბი დოზირება:

არ შეიძლება რეკომენდებულზე დიდი დოზების მიღება. კალცინოვას დიდი დოზების ხანგრძლივად მიღებამ შეიძლება გამოიწვიოს A და D ვიტამინების  ჰიპერვიტამინოზი, კალციუმის შემცველობის მომატება სისხლსა და შარდში.

სხვა წამლებთან ურთიერთქმედება:

კალცინოვას მიღება ტეტრაციკლინების რიგის პრეპარატებთან და ნატრიუმის ფტორიდთან არ შეიძლება, ვინაიდან ამ პრეპარატების მოქმედება სუსტდება. თუ აუცილებელია ამ პრეპარტებითა და კალცინოვათი ერთდროული მკურნალობა, მაშინ მიღებათა შორის ინტერვალი უნდა იყოს არანაკლებ 3საათი.

შენახვის პირობები:

პრეპარატი ინახება არა უმეტეს 25⁰Cტემპერატურაზე, მშრალ, სინათლისაგან დაცულ და ბავშვებისათვის მიუწვომელ ადგილას.

ვარგისიანობის ვადა: 2 წელი.