საერთაშორისო დასახელება:

LACTULOSE

მწარმოებელი: BALKANPHARMA-TROIAN AD., ბულგარეთი

მოქმედი ნივთიერება: ლაქტულოზა

კლინიკურ-ფარმაკოლოგიური ჯგუფი:

საფაღარათო საშუალება.

შემადგენლობა და გამოშვების ფორმა:

სიროფი: ფლაკონში 200 მლ, შეფუთვაში საზომ ჭიქასთან კომპლექტში.

1 მლ

ლაქტულოზა .........  667 მგ

სხვა ინგრედიენტები:

გალაქტოზა არა უმეტეს 150 მგ, ლაქტოზა არა უმეტეს 100 მგ.

დამხმარე ნივთიერებები:

კალიუმის სორბატი 202, კარამელის არომატი, გასუფთავებული წყალი.

ფარმაკოლოგიური თვისებები:

იმოპერი შეიცავს ლაქტულოზას (საქაროზას), რომელიც არ იშლება წვრილი ნაწლავის ფერმენტებით და აღწევს მსხვილ ნაწლავში უცვლელი სახით. მსხვილ ნაწლავში ლაქტულოზა ნაწლავის ბაქტერიული ფლორის ზემოქმედებით ორგანულ მჟავებად გადამუშავდება, რაც იწვევს ნაწლავში მჟავიანობის შემცირებას და მსხვილი ნაწლავის შემცველობის გაზრდას. ეს ასტიმულირებს ნაწლავის პერისტალტიკას (ნაწლავების კედლების რითმულ შევიწროვებას), აწესრიგებს განავლის კონსისტენციას და აღადგენს მსხვილი ნაწლავის ფიზიოლოგიურ რითმს.

ჩვენებები:

• ყაბზობის სამკურნალოდ და მსხვილი ნაწლავის ფიზიოლოგიური რითმის რეგულირებისათვის;
• კლინიკური საჭიროების დროს განავლის დასარბილებლად და დეფეკაციის გასაადვილებლად ბუასილის, ანალური ფისტულების და ნახეთქების დროს, ქირურგიული ოპერაციული ჩარევების საჭიროების დროს მსხვილ ნაწლავსა და ანალურ ხვრელზე;
• პორტალური სისტემური ენცეფალოპათიისას - ღვიძლის პრეკომისა და კომის პროფილაქტიკისა და მკურნალობისათვის.

დოზირების რეჟიმი:

სადღეღამისო დოზა ინიშნება ერთჯერადად დილით ჭამის დროს.

სადღეღამისო დოზები განისაზღვრება ინდივიდუალური მოთხოვნილების შესაბამისად. პრეპარატის მოქმედების სპეციფიკური მექანიზმის გამო კლინიკური ეფექტი ვლინდება რამდენიმე დღეში.

ეფექტის არარსებობისას პრეპარატის მიღების პირველი ორი დღის შემდეგ შეიძლება დოზის მომატება.

სადღეღამისო რეკომენდებული დოზები:

ყაბზობა და დეფეკაციის გაადვილების კლინიკური საჭიროება

ღვიძლის პრეკომა და კომა

სადღეღამისო საწყისი დოზა 30-50 მლ 3-ჯერ. სადღეღამისო შემანარჩუნებელი დოზა ინდივიდუალურად შეირჩევა ისე, რომ რბილი განავალი იყოს დღე-ღამეში 2-3ჯერ, იმ გაანგარიშებით, რომ განავლის pH მაჩვენებელი იყოს 5,0-5,5 ფარგლებში.

გვერდითი მოვლენები:

- მიღების პირველ დღეებში შეიძლება მოხდეს მეტეორიზმის განვითარება (ნაწლავში გაზების წარმოქმნა). ჩვეულებრივ ეს მოვლენა თანდათან მცირდება და გაივლის.

- რეკომენდებულზე უფრო მაღალი დოზების მიღებისას შესაძლოა აღინიშნოს მუცლის არეში ტკივილები და დიარეა, რაც დოზის შემცირებას საჭიროებს.

- ხანგრძლივი დრის განმავლობაში მაღალი დოზების გამოყენებისას ღვიძლის პრეკომისა და კომის პროფილაქტიკისა და მკურნალობისათვის შეიძლება განვითარდეს ფაღარათი და ორგანიზმში მარილების ბალანსის დარღვევა.

უკუჩვენებები:

*მომატებული მგრძნობელობა აქტიური ან რომელიმე დამხმარე ნივთიერების მიმართ;

*ნაწლავური გაუვალობა.

ორსულობა და ლაქტაცია:

იმოპერის გამოყენება ორსულობისა და ლაქტაციის დროს შეიძლება რეკომენდებული დოზებითა და მკურნალობის კურსის ხანგრძლივობით.

განსაკუთრებული მითითებები:

რამდენიმე დღის განმავლობაში კლინიკური ეფექტის არარსებობის ან ყაბზობის განახლების დროს მკურნალობის დასრულების შემდეგ აუცილებელია ექიმთან კონსულტაცია.

სადღეღამისო რეკომენდებული დოზების დანიშვნა ყაბზობის სამკურნალოდ ან დეფეკაციის გასაადვილებლად პაციენტებში შაქრიანი დიაბეტით დასაშვებია.

მონაცემები დამხმარე ნივთიერებათა შესახებ:

ვინაიდან პრეპარატი შეიცავს ლაქტოზას, მისი გამოყენება შეუძლებელია ავადმყოფებში ლაქტოზას უკმარისობით, გალაქტოზემიით ან გლუკოზურ/გალაქტოზური სინდრომით.

ზემოქმედება სატრანსპორტო საშუალებების მართვისა და ტექნიკასთან მუშაობის უნარზე:

იმოპერი ზეგავლენას არ ახდენს ავტომობილის მართვისა და ტექნიკასთან მუშაობის უნარზე.

ჭარბი დოზირება:

მონაცემები პრეპარატის ჭარბი დოზის შესახებ არ არსებობს. მაღალი დოზების გამოყენებამ შეიძლება გამოიწვიოს ტკივილები მუცლის არეში და ფაღარათი. ამ შემთხვევებში პრეპარატის მიღება უნდა შეწყდეს.

სხვა წამლებთან ურთიერთქმედება:

რეკომენდებულია იმოპერის ერთობლივი გამოყენება სამკურნალო საშუალებებთან, რომელთა შეწოვა ან ორგანიზმიდან გამოყოფა დამოკიდებულია ნაწლავის მჟავიანობაზე, ვინაიდან პრეპარატი იწვევს მის შემცირებას.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილას. გაყინვა არ შეიძლება!

ვარგისიანობის ვადა: 2 წელი.

ვარგისიანობის ვადა შეფუთვის გახსნიდან - 28 დღე.

საერთაშორისო დასახელება:

ZOPICLONE

მწარმოებელი: OLAINFARM

მოქმედი ნივთიერება: ზოპიკლონი

კლინიკურ-ფარმაკოლოგიური ჯგუფი:

საძილე საშუალება

შემადგენლობა და გამოშვების ფორმა:

ტაბლეტები: შეფუთვაში 10 ც.

1 ტაბ.

ზოპიკლონი ...........  7,5 მგ

ვრცლად იმოვანი

მწარმოებელი: AVENTIS PASTEUR, საფრანგეთი

კლინიკურ-ფარმაკოლოგიური ჯგუფი:

ვაქცინა.

შემადგენლობა და გამოშვების ფორმა:

ლიოფილიზირებული ვაქცინა: ფლაკონში 1 დოზა, შეფუთვაში 10 ფლ., შპრიცთან და გამხსნელთან კომპლექტში

1 დოზა

პაროტიტის ცოცხალი ატენუირებული ვირუსი .......  5000 სე

გამხსნელი: საინექციო წყალი ამპულაში 0.5 მლ.

ჩვენებები:

ეპიდემიური პაროტიტის პროფილაქტიკა.

დოზირების რეჟიმი:

გამოიყენება კანქვეშ ან კუნთებში. ვაქცინაცია ტარდება ვაქცინის 1 დოზის ერთჯერადი შეყვანით 12 თვის ასაკიდან. აცრა არ არის რეკომენდებული 12 თვემდე ასაკის ბავშვებში, მათ ორგანიზმში დედის ანტისხეულების არსებობის გამო.

აცრილებთან კონტაქტი არ არის საშიში.

ეპიდემიური პაროტიტის პროფილაქტიკისათვის ვაქცინა გამოდის ლიოფილიზირებული სახით. გახსნილი პრეპარატი გამჭვირვალეა და გააჩნია ფერი, რომელიც ვარირებს უფერო ყვითელი ფერიდან გამჭვირვალე მოვარდისფრო-მოყვითალო ფერებს შორის.

გამოყენებული შპრიცი აუცილებლად უნდა განადგურდეს. გახსნილი ვაქცინა გამოყენებული უნდა იქნას დაუყოვნებლივ.

გვერდითი მოვლენები:

- ინექციის ადგილას შესაძლოა უმნიშვნელო ერითემატოზული რეაქციის განვითარება, რომელსაც ხანდახან თან ახლავს ტემპერატურის ზომიერი მომატება და (იშვიათად) - ყბა-ყურის ჯირკვლების ანთება. გვერდითი მოვლენები ჩვეულებრივ ხანმოკლე და უმნიშვნელოა, რომელიც ვლინდება ვაქცინაციიდან 4 დღის შემდეგ ან მოგვიანებით.

- მონიტორინგის შედეგად იშვიათად აღინიშნება ნევროლოგიური დარღვევები როგორიცაა: მენინგიტი ან მენინგოენცეფალიტი და ცალმხრივი სიყრუე. ვაქცინის შეყვანის შემდეგ 30 დღის განმავლობაში, რომელიც შეიცავს Urabe AM-9-ის შტამს, აღინიშნება არაბაქტერიული მენინგიტი გართულებების გარეშე. ხანდახან ცერებროსპინალური სითხიდან შეიძლება იზოლირებულ იქნას ეპიდემიური პაროტიტის ვირუსი. ზოგიერთ შემთხვევებში სპეციალური მეთოდის გამოყენება, რომელიც დაფუძნებულია პოლიმერაზულ ჯაჭვურ რეაქციაზე და ნუკლეოტიდების თანმიმდევრობის განსაზღვაზე იძლევა ვაქცინის მსგავსი ვირუსის იდენტიფიცირების შესაძლებლობას.

- ასეპტიური მენინგიტის შემთხვევების სიხშირე ვაქცინაციის დროს შედარებით დაბალია, ვიდრე ეპიდემიური პაროტიტის, რომელიც პაროტიტის ველური ვირუსით არის გამოწვეული. ჩვეულებრივ ადგილი აქვს გამოჯანმრთელებას რაიმე გართულებების გარეშე.

- ორქიტის განვითარების შემთხვევები ძალზე იშვიათად აღინიშნება.

უკუჩვენებები:

*მწვავე ინფექციური დაავადებები;

*პროგრესირებადი დაავადებები (მწვავე ან ქრონიკული);

*თანდაყოლილი ან შეძენილი იმუნოდეფიციტი;

*კვერცხის ცილების მიმართ დადასტურებული ალერგია;

*ორსულობა.

თეორიულად, შიდსის ინფექცია არ წარმოადგენს წინააღმდეგჩვენებას ეპიდემიური პაროტიტის დროს აცრის ჩასატარებლად. ამასთან ერთად, აღნიშნული კატეგორიის პაციენტებში ვაქცინაცია რეკომენდებულია ჩატარდეს სპეციალური კონსილიუმის გადაწყვეტილების საფუძველზე.

განსაკუთრებული მითითებები:

*პრეპარატი სიფრთხილით გამოიყენება კანამიცინის მიმართ დადგენილი ალერგიის დროს.

სხვა წამლებთან ურთიერთქმედება:

იმუნოგლობულინის გამოყენებისას, ყველა სახის მკურნალობის ჩატარების შემდეგ, აგრეთვე სისხლის გადასხმის შემდეგ აუცილებელია დაცული იქნას ინტერვალი არანაკლებ 6 კვირისა (დაახლოებით 3 თვე). იმუნოგლობულინების შეყვანა ვაქცინაციის ჩატარების შემდეგ 2 კვირის განმავლობაში დაუშვებელია.

შენახვის პირობები:

პრეპარატი ინახება 2-8⁰C ტემპერატურაზე.

მწარმოებელი: AVENTIS PASTEUR

კლინიკურ-ფარმაკოლოგიური ჯგუფი:

ვაქცინა.

შემადგენლობა და გამოშვების ფორმა:

სუსპენზია ინექციისათვის: ფლაკონში 5 მლ (10 დოზა).

საერთაშორისო დასახელება:

ZOPICLONE

მწარმოებელი: SANOFI AVENTIS

მოქმედი ნივთიერება: ზოპიკლონი

კლინიკურ-ფარმაკოლოგიური ჯგუფი:

საძილე საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 20 ც.

1 ტაბ.

ზოპიკლონი ..........   7.5 მგ

დამხმარე ნივთიერებები:

ორფუძიანი კალციუმის ფოსფატი, ლაქტოზა, სიმინდის ან ხორბლის სახამებელი, სახამებლის კარბოქსიმეთილის ეთერის ნატრიუმის მარილი, მაგნიუმის სტეარატი.

გარსის შემადგენლობა:

ჰიდროქსიპროპილმეთილცელულოზა, ტიტანის დიოქსიდი.

ფარმაკოლოგიური თვისებები:

ზოპიკლონი წარმოადგენს საძილე საშუალებას ციკლოპიროლანის ჯგუფიდან, რომელიც ხასიათდება საძილე, სედატიური, ტრანკვილიზური, კრუნჩხვების საწინააღმდეგო და მიორელაქსაციური ეფექტებით.

მისი მოქმედების მექანიზმი დაკავშირებულია ცნს-ის გაემ (გამაამინოერბომჟავა) მაკრომოლეკულური კომპლექსის რეცეპტორებზე მის ზემოქმედებასთან და ქლორის იონების არხების გახსნის მოდულირების უნართან. ზოპიკლონი იწვევს დაძინების დროის და ღამის გამოღვიძებათა სიხშირის შემცირებას, ძილის ხანგრძლივობის გაზრდას და ძილისა და გამოღვიძების ხარისხის გაუმჯობესებას.

შესწავლილი და რეკომენდებული დოზით დანიშნული ზოპიკლონის ეფექტი დაკავშირებულია სპეციფიკურ ელექტრო-ენფეცალოგრაფიულ პროფილთან, რომელიც განსხვავდება ბენზოდიაზეპინების მიღების შემდეგ გამოვლენილი თავისებურებებისაგან. უძილობის დროს პაციენტებში ზოპიკლონი ამცირებს ძილის I სტადიას, ახანგრძლივებს II სტადიას, იმავდროულად არ ცვლის ან ახანგრძლივებს ღრმა ძილის ფაზებს (III და IV სტადიები) და პარადოქსულ ძილს.

მოხსნის სინდრომის მოვლენების ობიექტურმა შესწავლამ ძილის პროცესის მრავალარხიანი რეგისტრაციის გზით, არ გამოავლინა უკუგების ნიშნები მკურნალობიდან 28 დღის შემდეგაც. სხვა გამოკვლევებმა ასევე დაადასტურა პრეპარატის საძილე ზემოქმედებისადმი შეჩვევის არ არსებობა მკურნალობის ხანგრძლივი პერიოდის განმავლობაში (17 კვირამდე).

ფარმაკოკინეტიკა:

აბსორბცია: პერორალური მიღებისას ზოპიკლონი სწრაფად შეიწოვება კუჭ-ნაწლავის ტრაქტიდან. მისი მაქსიმალური კონცეტრაციები აღინიშნება მიღებიდან 1.5-2 საათის ფარგლებში და შეადგენს დაახლოებით 30 და 60 ნგ/მლ შესაბამისად, 3.75 მგ და 7,5 მგ პრეპარატის დოზის შიგნით მიღებისას. პრეპარატის აბსორბცია არ არის დამოკიდებული პაციენტის სქესზე და საკვების მიღებაზე. პლაზმის ცილებთან მისი შეკავშირების ხარისხი დაახლოებით 45%-ია, რაც განაპირობებს ზოპიკლონის სხვა პრეპარატებთან  ურთიერთქმედების მინიმალურ რისკს.

მეტაბოლიზმი: განმეორებითი დანიშვნისას ზოპიკლონის და მისი მეტაბოლიტების დაგროვებას არ აქვს ადგილი.

ინდივიდებს შორის განსხვავებები უმნიშვნელოა. ძირითადი მეტაბოლიტებია: N - ოქსიდი (ფარმაკოლოგიურად აქტიურ ცხოველებში) და N- დიმეთილი (ფარმაკოლოგიურად არააქტიური ცხოველებში), მათ ნახევარგამოყოფის პერიოდი, განსაზღვრული შარდში, შეადგენს დაახლოებით 4,5 და 7,4 საათს შესაბამისად. ცხოველებში პრეპარატის ფერმენტების მიმართ ინდუქცია არ არის გამოხატული, მისი დიდი დოზებით გამოყენების დროსაც.

რეკომენდებული დოზებით გამოყენებისას, შეუცვლელი ზოპიკლონის ნახევარგამოყოფის პერიოდი შეადგენდა დაახლოებით 5 საათს. შარდთან ერთად ზოპიკლონი გამოიყოფა (დაახლოებით 80%), ძირითადად მეტაბოლიტების სახით. ფეკალურ მასებთან ერთად გამოიყოფა მისი დაახლოებით 16%.

ავადმყოფთა ცალკეული ჯგუფები: ხანდაზმულებში, ღვიძლში მეტაბოლიზმის პროცესის შემცირების და ზოპიკლონის ნახევარგამოყოფის პერიოდის დაახლოებით 7 საათამდე გაზრდის მიუხედავად, მისი მრავალჯერადი დანიშვნის დროს კუმულაციის შემთხვევა არც ერთ კვლევაში არ იქნა გამოვლენილი.

თირკმლის უკმარისობის მქონე პაციენტებში პრეპარატის ან მისი მეტაბოლიტების ორგანიზმში დაგროვების შემთხვევები ასევე არ იქნა გამოვლენილი. მისი ხანგრძლივად გამოყენების დროსაც.

ზოპიკლონი გამოიყოფა ჰემოდიალიზის გზით. ციროზით დაავადებულ პაციენტებში ზოპიკლონის კლირენსი მცირდება დაახლოებით 40%-მდე, მისი დემეთილირების პროცესის შემცირების შესაბამისად, ამიტომ ასეთ პაციენტებში აუცილებელია დოზირების შეცვლა.

ჩვენებები:

• გარდამავალი, ხანმოკლე და ქრონიკული უძილობის მკურნალობა მოზრდილებში (გაძნელებული დაძინების, ღამისა და ადრეული გამოღვიძებების ჩათვლით).

დოზირების რეჟიმი:

მკურნალობა შეძლებისდაგვარად უნდა იყოს ხანმოკლე და მისი ხანგრძლივობა არ უნდა აღემატებოდეს 4 კვირას. მკურნალობის კურსის გახანგრძლივებას მაქსიმალურად დაშვებულზე მეტად ახდენენ პაციენტის ზოგადი მდგომარეობის შეფასების შემდეგ.

პრეპარატი მიიღება ძილის წინ.

მკურნალობის ხანგრძლივობა:

გარდამავალი უძილობა: 2-დან 5 დღე;

ხანმოკლე უძილობა: 2-დან 3 კვირა;

ქრონიკული უძილობა: ხანგრძლივი მკურნალობა ინიშნება სპეციალისტთან კონსულტაციის შემდეგ.

დოზები:

მოზრდილებისათვის რეკომენდებული დოზაა - 7,5 მგ არ არის რეკომენდებული მისი გადაჭარბება.

ხანდაზმულ, ღვიძლის დარღვეული ფუნქციის, ან ფილტვის ქრონიკული უკმარისობის მქონე პაციენტების სამკურნალოდ ინიშნება 3.75 მგ, ხოლო აუცილებლობის შემთხვევაში, დოზა შესაძლებელია გაიზარდოს 7,5 მგ-მდე. მიუხედავად იმისა, რომ თირკმელების უკმარისობის მქონე პაციენტებში პრეპარატის ან მისი მეტაბოლიტების დაგროვების შემთხვევები არ იქნა გამოვლენილი, რეკომენდებულია მათი მკურნალობის დაწყება დოზით 3.75 მგ.

გვერდითი მოვლენები:

- ზოპიკლონის დანიშვნისას ყველაზე გავრცელებული გვერდითი ეფექტია მწარე გემო პირის ღრუში.

სხვა გვერდითი ეფექტებიდან აღსანიშნავია:

- თავბრუსხვევა, თავის ტკივილი, პოსტჰიპნოზური ეფექტი;

- საჭმლის მონელების დარღვევა; დისპეფსია, გულისრევა, პირის სიმშრალე;

- ალერგიული ან კანის რეაქციები ქავილისა და გამონაყარის სახით.

ამნეზია: შესაძლებელია აღინიშნოს ანტეგრადული ამნეზია.

რეაქციები ფსიქიური სფეროს მხრივ და პარადოქსული რეაქციები: ღამის “კოშმარები”, გაღიზიანებადობა, ჰალუცინაციები, აგრესიულობა, არაადექვატური ქმედებები, შემდგომი ამნეზიით გვხვდება იშვიათად.

მოხსნის სინდრომი და უკუგების ფენომენი ზოგჯერ აღინიშნება მკურნალობის შეწყვეტის შემდეგ.

უკუჩვენებები:

*მძიმე მიასთენია;

*მომატებული მგრძნობელობა ზოპიკლონის მიმართ;

*სუნთქვის უკმარისობა;

*ღვიძლის მძიმე უკმარისობა;

*ძილში სუნთქვის შეჩერების მძიმე სინდრომი;

*ორსულობა და ლაქტაციის პერიოდი.

ორსულობა და ლაქტაცია:

*ზოპიკლონის გამოყენება ორსულობის დროს არ არის რეკომენდებული;

*ზოპიკლონი არ უნდა დაენიშნოთ მეძუძურ დედებს.

განსაკუთრებული მითითებები:

მინიმალური რისკის მიუხედავად, არ შეიძლება პრეპარატისადმი შეჩვევისა და მის მიმართ დამოკიდებულების განვითარების უარყოფა, რის შესახებაც ყოველთვის უნდა გვახსოვდეს იმოვანის დანიშვნისას.

პრეპარატისადმი დამოკიდებულებისა და მისი ბოროტად გამოყენების რისკი ვითარდება შემდეგ შემთხვევებში:

- მკურნალობის დროს დოზისა და მიღების ხანგრძლივობის დარღვევისას;

- ალკოჰოლისა და/ან სამკურნალო საშუალებათა ბოროტად გამოყენებისას;

- ალკოჰოლთან ან სხვა ფსიქოტროპულ საშუალებებთან მისი ერთად გამოყენებისას.

უკუგების ფენომენი ან მოხსნის სინდრომი:

ასეთი მოვლენების განვითარების რისკი, ზოპიკლონის მიღების მკვეთრად შეწყვეტის შედეგად, არ შეიძლება იქნას გამორიცხული, განსაკუთრებით, ხანგრძლივი მკურნალობისას; ამიტომ რეკომენდებულია დოზის თანდათანობითი შემცირება და პაციენტის გაფრთხილება ამის შესახებ.

ტოლერანტობა:

განმეორებითი მიღებისას შესაძლებელია გამოვლინდეს სხვა საძილე საშუალებების ეფექტურობის შემცირება, თუმცა, ზოპიკლონით 4 კვირის განმავლობაში მკურნალობის დროს, მის მიმართ ტოლერანტობის ცვლილება არ აღინიშნება.

ამნეზია:

შესაძლებელია შეგვხვდეს ანტეგრადული ამნეზია, განსაკუთრებით ძილის შეწყვეტის შემდეგ, ან საკმაო დროის გასვლისას პრეპარატის მიღებიდან დაძინებამდე. ანტეგრადული ამნეზიის განვითარების რისკის შესამცირებლად პაციენტებმა უნდა დაიცვან შემდეგი პირობები:

- მიიღონ ტაბლეტი უშუალოდ ძილის წინ;

- იყვნენ დარწმუნებული იმაში, რომ ძილის დროს მათ არ შეაწუხებენ.

ცნობილია ფსიქიური სფეროს მხრივ და პარადოქსული რეაქციების შემთხვევები.

დეპრესია:

ისევე როგორც სხვა საძილე საშუალებები, ზოპიკლონიც არ კურნავს დეპრესიას და შესაძლებელია კიდეც შენიღბოს მისი სიმპტომები.

გამოყენება ბავშვებში:

ბავშვებში და ახალგაზრდა 18 წლამდე პაციენტებში მისი უსაფრთხო და ეფექტური დოზა არ იქნა დადგენილი.

თავისი ფარმაკოლოგიური თვისებების გამო, ზოპიკლონმა შესაძლებელია არასასურველი გავლენა მოახდინოს ტრანსპორტის მართვის უნარზე, რის გამოც არ შეიძლება ტრანსპორტის მართვა ზოპიკლონისა და ალკოჰოლის ერთდროული მიღებისას.

ჭარბი დოზირება:

დოზის გადაჭარბება, ჩვეულებრივ ვლინდება ცენტრალური ნერვული სისტემის სხვადასხვა ხარისხით დათრგუნვის სახით, ძილიანობიდან კომამდე და დამოკიდებულია მიღებული პრეპარატის რაოდენობაზე. ჭარბი დოზირება არ არის სიცოცხლისათვის საშიში, თუ არ იქნა ზოპიკლონი ერთდროულად მიღებული ცნს-ის დამთრგუნველ სხვა პრეპარატებთან, ან ალკოჰოლთან ერთად. რეკომენდებულია სიმპტომური და შემანარჩუნებელი თერაპიის ჩატარება ადექვატურ კლინიკურ გარემოში, განსაკუთრებული ყურადღება უნდა მიექცეს სუნთქვისა და გულ-სისხლძარღვთა ფუნქციებს.

კუჭის ამორეცხვა ითვლება სასარგებლო ღონისძიებად, განსაკუთრებით უშუალოდ პრეპარატის მიღების შემდეგ.

ჰემოდიალიზს ნაკლებად ენიჭება მნიშვნელობა, ზოპიკლონის განაწილების დიდი მოცულობის გამო. ფლუმაზენილი შესაძლებელია გამოყენებულ იქნას, როგორც ანტიდოტი.

სხვა წამლებთან ურთიერთქმედება:

არ არის რეკომენდებული: ერთდროული მიღება ალკოჰოლთან ერთად, ვინაიდან ამ დროს ზოპიკლონის დამამშვიდებელი ეფექტი ძლიერდება. ზოპიკლონის ცნს-ზე დამთრგუნველი ზემოქმედება შეიძლება გაძლიერდეს მისი კომბინაციით ნეიროლეფსიურ, საძილე საშუალებებთან, ტრანკვილიზატორებთან, სედატიურ საშუალებებთან, ანტიდეპრესანტებთან, ნარკოტიკებთან, ანტიეპილეფსიურ პრეპარატებთან, ტკივილგამაყუჩებელ და სედატიური ეფექტის მქონე ანტიჰისტამინურ პრეპარატებთან ერთდროული გამოყენებისას. ერითრომოცინთან ერთდროული მიღებისას შესაძლებელია გაძლიერდეს ზოპიკლონის საძილე ეფექტი.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

LOPERAMIDE

მწარმოებელი: LANSSEN-CILAG

მოქმედი ნივთიერება: ლოპერამიდი

კლინიკურ-ფარმაკოლოგიური ჯგუფი:

ფაღარათის საწინააღმდეგო საშუალება

შემადგენლობა და გამოშვების ფორმა:

კაფსულები: შეფუთვაში 6 და 20 ც.

1 კაფს.

ლოპერამიდის ჰიდროქლორიდი ......  2 მგ

ვრცლად ლოპედიუმი

გენერიული დასახელება: დომპერიდონი

მწარმოებელი ქვეყანა: კვიპროსი

რეცეპტული აღწერა: იმირანი 10 მგ ტაბლეტები

შემადგენლობა: თითოეული ტაბლეტი შეიცავს 10 მგ დომპერიდონს.

დამხმარე ნივთიერებები: პრეჟელატინიზებული სიმინდის სახამებელი, მიკროკრისტალური ცელულოზა, ნატრიუმის სახამებლის გლიკოლატი, ნატრიუმის კროსკარმელოზა, სილიციუმის კოლოიდური დიოქსიდი, მაგნიუმის სტეარატი, ნატრიუმის ერითროზინი.

ფარმაკოთერაპიული ჯგუფი: ღებინების საწინააღმდეგო საშუალება.

ჩვენებები:

დისპეფსიური სინდრომი დაკავშირებული გასტროეზოფაგურ რეფლუქსთან, ეზოფაგიტთან, კუჭის ნელა დაცლასთან, რომლის სიმპტომებია ტკივილი ეპიგასტრიუმში, სისავსის შეგრძნება, გულძმარვა, ბოყინი, კუჭის დისკომფორტი, შებერილობა, გულისრევა, ღებინება. სხვადასხვა წარმოშობის გულისრევა და ღებინება, მათ შორის ფუნქციური, ორგანული, ინფექციური, დიეტური, ციტოტოქსიკური, გასტრიტი და 12-გოჯა ნაწლავის წყლული, ჰეპატიტი, პანკრეატიტი.

კუჭ-ნაწლავის მოტორიკის დარღვევები, მათ შორის პაციენტებში დიაბეტით, აგრეთვე ნერვული სისტემის დაავადებების დროს. გულისრევა და ღებინება, კუჭ-ნაწლავის მოტორიკის დარღვევები დაკავშირებული დოფამინის აგონისტის გამოყენებასთან პარკინსონის დაავადების მკურანლობის დროს, როგორიცაა ლევოდოპა, ბრომოკრიპტინი.

კუჭ-ნაწლავის დიაგნოსტიკის წინ და ქირურგიული ჩარევის შემდეგ, გულისრევის და ღებინების პრევენციისთვის, კუჭ-ნაწლავის მოტორიკის გასაუმჯობესებლად.

დოზირება და მიღების წესი: მოწოდებულია შიგნით მისაღებად. რეკომენდებულია იმირანის მიღება ჭამამდე 15-30 წუთით ადრე.

ჭამის შემდეგ მიღების შემთხვევაში, პრეპარატის შეწოვა შეყოვნებულია. გახანგრძლივებული გამოყენების დროს პაციენტებმა უნდა მიიღონ ყოველი დოზა დაგეგმილ დროს.

დოზის გამოტოვების შემთხვევაში უნდა მოხდეს ჩვეული გრაფიკით პრეპარატის მიღება. დაუშვებელია ორმაგი დოზის მიღება გამოტოვებულის სანაცვლოდ.

როგორც წესი, მკურანლობის ხანგრძლივობა განისაზღვრება ექიმის მიერ.

გულისრევის და ღებინების ხანმოკლე ეპიზოდის საკონტროლოდ, იმირანი მიიღება უმცირესი დოზით.

მოზრდილები და მოზარდები:
1 ტაბლეტი, თუ აუცილებელია 2 ტაბლეტი 3-4-ჯერ დღეში. მაქსიმალური დოზაა 8 ტაბლეტი დღეში.

ბავშვები: 0,25-0,5 მგ სხეულის მასის 1 კგ-ზე დღეში 3-4-ჯერ. მაქსიმალური დოზაა 2,4 მგ სხეულის მასის კგ-ზე დღეში.

ანაფილაქსიური რეაქციები ანაფილაქსიური შოკის ჩათვლით, შფოთვა, ნევროზი, გულყრები, ექსტრაპირამიდული დარღვევები, თვალის მოძრაობის დარღვევები, პარკუჭოვანი არითმიები, Q -T-ინტერვალის გახანგრძლივება ეკგ-ზე, მოციმციმე არითმია, უეცარი კარდიალური სიკვდილი. ჭინჭრის ციება, ანგიონევროზული შეშუპება, შარდის შეკავება, სარძევე ჯირკვლის ზომაში მომატება, მენსტრუალური ციკლის დარღვევა, ღვიძლის ფუნქციური ტესტების დარღვევები, სისხლში პროლაქტინის დონის მომატება. უკუჩვენებები: დომპერიდონის ან რომელიმე დამხმარე ნივთიერების მიმართ მომატბეული მგრძნობელობა. ჰიპოფიზის პროლაქტინ-მაპროდუცირებელი სიმსივნე, არ არის რეკომენდირებული პრეპარატის გამოყენება კუჭის მოტორული ფუნქციის სტიმულაციის მიზნით: კუჭ-ნაწლავის ჰემორაგია, მექანიკური გაუვალობის ან პერფორაციის დროს.

პაციენტებში ღვიძლის ზომიერი ან მწვავე დისფუნქციით. პაციენტებში, რომელთაც აღენიშნებათ გულის გამტარობის ინტერვალების გახანგრძლივება, განსაკუთრებით QTc, პაციენტებში ელექტროლიტების კონცენტრაციის მნიშვნელოვანი დარღვევით ან ფონური გულის დაავადებებით, როგორიცაა გულის შეგუბებითი უკმარისობა. QT_გამახანგრძლივებელ პრეპარატებთან ერთდროული გამოყენება. ბავშვებში 35 კგ-მდე სხეულის წონით.

ურთიერთქმედება სხვა პრეპარატებთან: შემდეგ ნივთიერებებთან ერთად მიღება უკუნაჩვენებია: დისოპირამიდი, ჰიდროქინინი, ქინიდინი, ამიოდარონი, დოფეტილიდი, დრონედარონი, იბუტილიდი, სოტალოლი, ჰალოპერიდოლი, პრიმოზიდი, სერტინდოლი; ციტალოპრამი, ესციტალოპრამი, ერითრომიცინი, ლევოფლოქსაცინი, მოქსიფლოქსაცინი, სპირამიცინი; პენტამიდინი; ჰალოფანტრინი, ლუმეფანტრინი, ცისაპრიდი, დოლასეტრონი, პრუკალოპრიდი, მექიტაზინი, მიზოლასტინი, ტორემიფინი, ვანდეტანიბი, ვინკამიცინი, ბეპრიდილი, დიფემანილი, მეთადონი, პროტეაზას ინჰიბიტორები, სისტემური აზოლური სოკოს საწინააღმდეგო საშუალებები, ზოგიერთი მაკროლიდი, როგორიცაა ერითრომიცინი, კლარითრომიცინი და ტელითრომიცინი. არ არის რეკომენდებული შემდეგ ნივთიერებებთან ერთდროული გამოყენება: დილთიაზემი, ვერაპამილი და ზოგიერთი მაკროლიდი. შემდეგ ნივთიერებებთან ერთად გამოყენება მოითხოვს სიფრთხილეს: ბრადიკარდიის და ჰიპოკალემიის გამომწვევი პრეპარატების გამოყენება, ასევე მაკროლიდები, რომლებიც მონაწილეობენ QT ინტერვალის გახანგრძლივებაში: აზითრომიცინი და ტოქსითრომიცინი.

განსაკუთრებული მითითებები: იმ შემთხვევაში, თუ გულისრევა და ღებინება გრძელდება 48 საათზე მეტი ხნის განმავლობაში, საჭიროა ექიმთან კონსულტაცია. დოპმერიდონი არ არის რეკომენდებული მოძრაობის დარღვევებთან დაკავშირებული დაავადების სამკურნალოდ. დომპერიდონთან დაკავშირებულია ეკგ-ზე QT ინტერვალის გახანგრძლივება. დომპერიდონის გამოყენება უნდა მოხდეს ყველაზე დაბალი ეფექტური დოზით მოზრდილებსა და ბავშვებში.

დომპერიდონი

უკუნაჩვენებია პაციენტებში ელექტროლიტების კონცენტრაციების მნიშვნელოვანი დარღვევით, როგორიცაა ჰიპოკალემია, ჰიპერკალემია, ჰიპომაგნემია, ან ბრადიკარდიით, ან პაციენტებში გულის ფონური დაავადებებით როგორიცაა გულის შეგუბებითი უკმარისობა პარკუჭოვანი არითმიის მომამტებული რისკის გამო. დომეპრიდონით მკურნალობა უნდა შეწყდეს თუ ვითარდება ისეთი ნიშნები და სიმპტომები, რომელიც შესაძლოა უკავშირდებოდეს გულის არითმიასთან ან კარდიალურ რაიმე სახის სიმტპომებთან, პაციენტმა კონსულტაცია უნდა გაიაროს ექიმთან.

დომპერიდონის გამოყოფა გახანგრძლივებულია თირკმლის ფუნქციის მწვავე დარღვევისას. განმეორებითი გამოყენებისას პრეპარატის მიღების სიხშირე უნდა შემცირდეს დღეში ერთხელ ან ორჯერ, დარღვევის სიმწვავიდან გამომდინარე. შესაძლებელია საჭირო გახდეს დოზის შემცირებაც. დომპერიდონით ხანგრძლივი მკურნალობისას, საჭიროა პაციენტების მონიტორინგი რეგულარულად.

ორსულობა და ლაქტაცია: არ არის რეკომენდირებული პრეპარატის გამოყენება ორსულისა და ძუძუთი კვების პერიოდში. მისი გამოყენება უნდა მოხდეს მხოლოდ ექიმის მიერ რისკისა და სარგებლის შეფასების შემდეგ.

მანქანისა და სხვა მექანიზმების მართვა: იმირანს არ გააჩნია უარყოფითი გავლენა ავტომობილის და სხვა მექანიზმების მართვის უნარზე.

ჭარბი დოზირება: დოზის გადაჭარბების შემთხვევაში შეიძლება აღინიშნოს შფოთვა, ცნობიერების დარღვევა, გულყრა, დეზორიენტაცია, ძილიანობა, ექსტრაპირამიდული რეაქციები.

მკურნალობა: უნდა შეწყდეს დომპერიდონით მკურნალობა და დაინიშნოს სტანდარტული სიმპტომური მკურნალობა ექიმის მეთვალყურეობის ქვეშ, ეკგ მონიტორინგი, საჭიროებისას კუჭის ამორეცხვა და აქტივირებული ნახშირის გამოყენება.

გარეგნული სახე და შეფუთვა: შიგნით მისაღები ტაბლეტი: ვარდისფერი, მრგვალი, ბრტყელი, ნაჭდევით, ამოტვიფრულია "MC". #10 ტაბლეტი შეფუთულია ალუმინის.პვქ ბლისტერში. 20 ტაბლეტი გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები: ინახება არაუმეტეს 25⁰C ტემპერატურაზე, სინათლისაგან დაცულ, მშრალ, ბავშვებისთვის მიუწვდომელ ადგილას.

ვარგისიანობის ვადა: 5 წელი.

აფთიაქიდან გაცემის პირობები: რეცეპტით.

საერთაშორისო დასახელება:

SUMATRIPTAN

მწარმოებელი: GLAXOSMITHKLINE, დიდი ბრიტანეთი

მოქმედი ნივთიერება: სუმატრიპტანი

კლინიკურ-ფარმაკოლოგიური ჯგუფი:

სეროტონინის 5 HT₁-რეცეპტორების სპეციფიკური და სელექციური აგონისტი, შაკიკის საწინააღმდეგო საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 6 ც.

1 ტაბ.

სუმატრიპტანი

(სუქცინატის სახით) ......... 50 მგ

ფარმაკოლოგიური თვისებები:

სუმატრიპტანი წარმოადგენს სეროტონინური 5 HT₁-რეცეპტორების (5-ჰიდროქსიტრიპტამინ-ID) სპეციფიკურ სელექციურ აგონისტს. 5HT₁-რეცეპტორები ძირითადად განლაგებულნი არიან ქალა-ტვინის სისხლძარღვებში. 5HT სეროტონინული სხვა რეცეპტორები ნაკლებ მგრნობელობას ამჟღავნებენ პრეპარატის მოქმედების მიმართ. პრეპარატი არ მოქმედებს 5HT რეცეპტორების სხვა ქვეტიპებზე (5HT_2-5HT₇).

5HT₁ რეცეპტორების სტიმულაციით სუმატრიპტანი იწვევს თავის ტვინის სისხლძარღვების შევიწროვებას და მასთან დაკავშირებული თავის ტკივილის შემცირებას. ექსპერიმენტულ კვლევებში დადგენილია, რომ პრეპარატი ამცირებს აგრეთვე ნეიროპეპტიდებისა და ანთებითი მედიატორების გამოყოფას. დამტკიცებულია აგრეთვე, რომ სუმატრიპტანი აინჰიბირებს სამწვერა ნერვის აქტივობას. სწორედ ზემოთ აღნიშნული ეფექტები უდევს საფუძვლად სუმატრიპტანის შაკიკის საწინააღმდეგო აქტივობას.

კლინიკური ეფექტი აღინიშნება 30 წუთში პერორალური ან რექტალური გზით გამოყენებისას შემდეგი დოზით 100 მგ.

ფარმაკოკინეტიკა:

შეწოვა: პერორალური მიღების შემდეგ სუმატრიპტანი სწრაფად შეიწოვება და 45 წუთში პლაზმაში მისი კონცენტრაცია აღწევს მაქსიმალური კონცენტრაციის 70%-ს. პერორალურად მიღებისას აბსოლუტური ბიოშეღწევადობა პრეპარატის პრესისტემური მეტაბოლიზმის და არასრული შეწოვის გამო შეადგენს საშუალოდ 14%-ს.

ინტრანაზალური გამოყენების დროს სუმატრიპტანი სწრაფად შეიწოვება. C_max აღინიშნება 1-1.5 საათში. ბიოშეღწევადობა ინტრანაზალური გამოყენებისას უფრო ნაკლებია, ვიდრე მისი კანქვეშ შეყვანისას, რაც სავარაუდოდ პრესისტემური მეტაბოლიზმით არის განპირობებული.

განაწილება: პლაზმის ცილებთან შეკავშირების კოეფიციენტი შეადგენს 14-21%-ს.

გამოყოფა: პრეპარატის პლაზმური კლირენსი საშუალოდ შეადგენს 1160 მლ/წუთში, რენული კლირენსი - 260 მლ/წუთში, ხოლო არარენული კლირენსი შეადგენს საერთო კლირენსის 80%-ს.

ჩვენებები:

• აურით ან აურის გარეშე მიმდინარე შაკიკის მწვავე შეტევის კუპირება;
• აურით ან აურის გარეშე მიმდინარე შაკიკის მწვავე შეტევების კუპირება იმ პაციენტებში, რომელთაც აღენიშნებათ გულისრევა ან ღებინება, აგრეთვე იმ პაციენტებში, რომლებშიც ნაჩვენებია შეტევის განსაკუთრებით სწრაფი კუპირება.

დოზირების რეჟიმი:

იმიგრანის გამოყენება არ არის რეკომენდებული შაკიკის პროფილაქტიკის მიზნით.

იმიგრანის მიღება რეკომენდებულია რაც შეიძლება სწრაფად შაკიკის შეტევის კუპირებისათვის, თუმცა პრეპარატი ერთნაირად ეფექტურია შეტევის ნებისმიერ სტადიაზე.

მოზრდილებში შაკიკის მწვავე შეტევის კუპირებისთვის რეკომენდებულია პრეპარატის 50 მგ-ის, ზოგ შემთხვევაში - 100 მგ-ის პერორალური მიღება. თუ შაკიკის სიმპტომები არ ქრება ან არ მცირდება პირველი დოზის მიღების შემდეგ, არ არის რეკომენდებული მორიგი დოზის მიღება, თუმცა შესაძლებელია მისი გამოყენება შემდეგი შეტევის კუპირებისათვის. თუ სიმპტომები შემცირდა ან გაქრა და შემდგომში ხელმეორედ აღინიშნა, შესაძლებელია მეორე დოზის მიღება შემდგომი 24 საათის განმავლობაში.

24 საათიანი პერიოდის განმავლობაში სუმატრიპტანის მაქსიმალური დოზა არ უნდა აღემატებოდეს 300 მგ-ს.

გვერდითი მოვლენები:

გულ-სისხლძარღვთა სისტემის მხრივ: არტერიული ჰიპერტენზია, ბრადიკარდია, გულისცემის შეგრძნება, ტაქიკარდია, არტერიული წნევის გარდამავალი მომატება პრეპარატის შეყვანისას, იშვიათ შემთხვევებში - გულის რითმის დარღვევა, ეკგ-ს იშემიური ტიპის გარდამავალი დარღვევები, მიოკარდიუმის ინფარქტი, კორონარული არტერიების სპაზმი; ძალიან იშვიათად - იშემიური კოლიტის და რეინოს სინდრომის განვითარება.

კუჭ-ნაწლავის სისტემის მხრივ: ზოგ ავადმყოფებში აღინიშნება გულისრევა, და ღებინება, მაგრამ მათი კავშირი პრეპარატის მიღებასთან არ არის დადგენილი.

ცნს-ის მხრივ: წამოხურების შეგრძნება, თავბრუსხვევა, სისუსტე; იშვიათად ძილიანობა, გადაღლილობა, კრუნჩხვები (უმრავლეს პაციენტს ანამნეზში აღენიშნებოდა ეპილეფსია და თავის ტვინის დაზიანება). ზოგჯერ ადგილი აქვს დიპლოპიას, ნისტაგმს, სკოტომას, მხედველობის სიმახვილის დაქვეითებას; ძალიან იშვიათად ვითარდება მხედველობის დარღვევის გარდამავალი ფორმა (ამ შემთხვევებში გათვალისწინებული უნდა იყოს, რომ მხედველობის დარღვევა შეიძლება დაკავშირებული იყოს შაკიკის შეტევასთან).

ალერგიული რეაქცები: იშვიათ შემთხვევებში კანის რეაქციებიდან ანაფილაქსიურ შოკამდე.

უკუჩვენებები:

*გულის იშემიური დაავადება;

*პრინცმეტალის სტენოკარდია;

*არაკონტროლირებადი არტერიული ჰიპერტენზია;

*პერიფერიული სისხლძარღვების დაავადება;

*ინსულტი ან თავის ტვინის სისხლმიმოქცევის გარდამავალი დარღვევა ანამნეზში;

*ღვიძლის ფუნქციის მძიმე დარღვევები;

*ერგოტამინთან ან მის წარმოებულებთან (მათ შორის მეტილსერგიდი) კომბინირება;

*მომატებული მგრძნობელობა პრეპარატისადმი.

ორსულობა და ლაქტაცია:

ორსულობისა და ლაქტაციის დროს პრეპარატის გამოყენების შესახებ არ მოიპოვება საკმარისი ინფორმაცია.

განსაკუთრებული მითითებები:

*სუმატრიპტანი არ გამოიყენება ჰემიპლეგიური, ბაზილარული ან ოფთალმოპლეგიური შაკიკის სამკურნალოდ.

*პრეპარატის დანიშვნა არ არის რეკომენდებული პაციენტებში გულ-სისხლძარღვთა დაავადებების მაღალი რისკით. ასეთ პაციენტებს შეიძლება მიეკუთვნონ ქალები პოსტკლიმაქტერიულ პერიოდში, მამაკაცები 40 წლის ასაკის ზევით, იშემიური დაავადების განვითარებისადმი რისკ ფაქტორების მქონე პირები.

*პრეპარატი სიფრთხილით ინიშნება პაციენტებში, კონტროლირებადი არტერიული ჰიპერტენზიით. ვინიდან პრეპარატმა შეიძლება გამოიწვიოს არტერიული წნევის და საერთო პერიფერიული წინააღმდეგობის გაზრდა.

*პრეპარატი სიფრთხილით ინიშნება თირკმელების და ღვიძლის ფუნქციის დარღვევის, ეპილეფსიის და თავის ტვინის ორგანული დაზიანების დროს.

*რეკომენდებული დოზის გადაჭარბება ნებადართული არ არის.

*პაციენტებში 65 წლის ასაკის ზევით პრეპარატის დანიშვნა არ არის მიზანშეწონილი.

გამოყენება პედიატრიაში:

18 წლამდე ასაკის ბავშვებში არ არის შესწავლილი პრეპარატის ეფექტურობა და უსაფრთხოება.

პრეპარატის მიღებისას სიფრთხილეა საჭირო ავტომანქანის მართვისას.

ჭარბი დოზირება:

ჭარბი დოზირების შემთხვევაში აუცილებელია დაკვირვება ვაწარმოოთ პაციენტზე 10 საათის განმავლობაში.

მკურნალობა: სიმპტომური და შემანარჩუნებელი თერაპია.

სხვა წამლებთან ურთიერთქმედება:

- ერგოტამინის და სუმატრიპტანის კომბინირებისას აღინიშნება სისხლძარღვების ხანგრძლივი სპაზმი. სუმატრიპტანი შეიძლება დანიშნული იყოს ერგოტამინის პრეპარატების მიღებიდან მხოლოდ 24 საათის შემდეგ.

- შესაძლებელია სუმატრიპტანის და მაოს- ინჰიბიტორების ურთიერთქმედება.

- არ მოიპოვება მონაცემები სუმატრიპტანის და პროპრანოლოლის, ფლუნარიზინის და ეთანოლის კომბინირების შესახებ.

შენახვის პირობები:

პრეპარატი ინახება ოთახის ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი.

საერთაშორისო დასახელება:  FRAMYCETIN

მწარმოებელი:  Laboratories du Docteur E. BOUCHARA, საფრანგეთი

მოქმედი ნივთიერება: ფრამიცეტინი

კლინიკურ-ფარმაკოლოგიური ჯგუფი:

ანტიბიოტიკი ამინოგლიკოზიდების ჯგუფიდან ადგილობრივი გამოყენებისათვის ოტორინოლარინგოლოგიაში.

შემადგენლობა და გამოშვების ფორმა:

ნაზალური სპრეი: პლასტიკურ ფლაკონში 15 მლ, პულვერიზატორით.

1 მლ

ფრამიცეტინის სულფატი ........... 12.5 მგ (8 000 სე)

ფარმაკოლოგიური თვისებები:

ფრამიცეტინი ამინოგლიკოზიდების ჯგუფის ბაქტერიციდული ანტიბიოტიკია და განკუთვნილია ადგილობრივი გამოყენებისათვის.

ფრამიცეტინის მიღწეული კონცენტრაცია უზრუნველყოფს ბაქტერიციდულ აქტივობას გრამდადებითი და გრამუარყოფითი მიკროორგანიზმების მიმართ.

ფრამიცეტინი სისტემური აბსორბციის დაბალი დონით გამოირჩევა. ცხვირის ღრუს ლორწოვანი გარსიდან პრაქტიკულად არ შეიწოვება და არ ამჟღავნებს სისტემურ მოქმედებას.

ჩვენებები:

• რინოსინუსიტის, რინოფარინგიტის, ადენოიდიტის ადგილობრივი მკურნალობა;
• ოპერაციის შემდგომ პერიოდში, ენდონაზალური ჩარევის დროს, ანთებითი პროცესების მკურნალობა და პროფილაქტიკა.

დოზირების რეჟიმი:

მოზრდილებში: ერთჯერადი შესხურება თითოეულ ნესტოში 4-6-ჯერ დღეში.

ბავშვებში: ერთჯერადი შესხურება თითოეულ ნესტოში 3-ჯერ დღეში.

მკურნალობის კურსის ხანგრძლივობა საშუალოდ 7 დღეა.

შესხურების დროს სასურველია ფლაკონის ვერტიკალურ მდგომარეობაში დაჭერა.

გვერდითი მოვლენები:

იშვიათად შესაძლოა კანის ალერგიული რეაქციის განვითარება.

უკუჩვენებები:

პრეპარატის ერთ-ერთი კომპონენტის ან სხვა ამინოგლიკოზიდების მიმართ მომატებული მგრძნობელობა.

შენახვის პირობები:

პრეპარატი ინახება არა უმეტეს 25⁰C  ტემპერატურაზე.

ვარგისიანობის ვადა: 3 წელი.

ფარმაკოლოგიური თვისებები

იზოსორბიდის დინიტრატი წარმოადგენს ერთ-ერთ ძირითად პერორალურ ანტიანგინალურ ორგანულ ნიტრატს. იგი ადუნებს გლუვ კუნთებს (განსაკუთრებით კორონალურ სისხლძარღვებს), ხანმოკლე დროით აქვეითებს არტერიულ წნევას, კაპილარების დილატაციით აძლიერებს მიოკარდის სისხლით და ჟანგბადით მომარაგების პროცესს, ახშირებს გულის მუშაობას, აღრმავებს და აძლიერებს სუნთქვას; შიგნით მიღებისას ტაბლეტების სახით ნიტროსორბიდი ნიტროგლიცერინისაგან განსხვავებით ნელა შეიწოვება. პრეპარატის მოქმედება იწყება მიღებიდან 30-50 წთ-ის შემდეგ. მაქსიმალურ ეფექტს მიაღწევს 1.5-2 სთ-ის შემდეგ და მისი მოქმედების ხანგრძლივობა შეადგენს 4-6 სთ-ს და მეტს.

ჩვენებები

• პრეპარატი ენიშნებათ როგორც ანტიანგინალური საშუალება ქრონიკულად მიმდინარე გულის იშემიური დაავადების თავიდან აცილების მიზნით, დაძაბვის სტაბილური სტენოკარდიის შეტევების დროს.
• იყენებენ აგრეთვე როგორც პერიფერიულ ვაზოდილატატორს გულის უკმარისობის მძიმე ფორმების დროს.
• პერიფერიული ვენური სისხლძარღვების (ვენულები) ტონუსის დაქვეითების გამო პრეპარატი ამცირებს ვენური სისხლის დინებას გულისაკენ, წნევას სისხლის მიმოქცევის მცირე წრეში, ქოშინს, მოხრჩობის შეგრძნებას, ციანოზს.

• იშვიათად ენიშნებათ ანგიოსპაზმებით მიმდინარე დაავადების და ენდარტერიტების დროს.

დოზირების რეჟიმი

მოზრდილებს შიგნით მისაღებად ენიშნებათ 0.005-0.01 გ (5-10 მგ) 3-4-ჯერ დღეში ჭამამდე 30 წთ-ით ადრე. ზოგ შემთხვევებში, ჩვენებების მიხედვით, შესაძლებელია ერთჯერადი დოზის გაზრდა 20-30 მგ-მდე.

გულის მწვავე უკმარისობის დროს ენიშნებათ 2 ტაბლეტი (20 მგ) ყოველ 4-5 სთ-ში.

ტაბლეტების სახით სუბლინგვალურად მიღებული პრეპარატი, ნიტროგლიცერინის მსგავსად, მაგრამ შედარებით სუსტად, კუპირებას უკეთებს სტენოკარდიულ შეტევებს.

გვერდითი მოვლენები

თავის ტკივილი, თავბრუსხვევა, ღებინება, რომლებიც პრეპარატის დოზის შემცირებით მალევე გაივლის.

ნიტროსორბიდის ხანგრძლივად მიღების დროს ვითარდება ტოლერანტობა, მისი თავიდან აცილების მიზნით, რეკომენდირებულია პრეპარატით 3-6 კვირიანი მკურნალობის შემდეგ, შესვენების გაკეთება 3-5 დღით და ნიტროსორბიდის შეცვლა სხვა ანტიანგინალური პრეპარატით.

უკუჩვენებები

* ინსულტი;

* ქალას შიდა წნევის მომატება;

* მიოკარდიუმის ინფარქტის მწვავე პერიოდი;

* მკვეთრად გამოხატული ჰიპოტენზია;

* დახურულ კუთხოვანი გლაუკომა მომატებული თვალის შიდა წნევით (ღია კუთხოვანი გლაუკომის დროს პრეპარატის გამოყენება წინააღმდეგნაჩვენები არ არის).