საერთაშორისო დასახელება:

DICLOFENAC NATRIUM

მწარმოებელი: NOVARTIS PHARMA

მოქმედი ნივთიერება: დიკლოფენაკი

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო საშუალება

შემადგენლობა და გამოშვების ფორმა:

საინექციო ხსნარი: ამპულაში 3 მლ შეფუთვაში 5 ც.

1 ამპ.

დიკლოფენაკ  ნატრიუმი ………….     75 მგ

რექტალური სანთლები: შეფუთვაში 10 ც.

1 სანთელი

დიკლოფენაკ ნატრიუმი …………….   25 მგ

რექტალური სანთლები: შეფუთვაში 10 ც.

1 სანთელი

დიკლოფენაკ ნატრიუმი …………….    50 მგ

რექტალური სანთლები: შეფუთვაში 5 ც.

1 სანთელი

დიკლოფენაკ ნატრიუმი ……….     100 მგ

ვრცლად ვოლტარენი(მიღების წესი, დოზირება განსხვავებული)

საერთაშორისო დასახელება:

DICLOFENAC POTASSIUM

მწარმოებელი: NOVARTIS PHARMA AG, შვეიცარია

მოქმედი ნივთიერება: დიკლოფენაკი

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 30 ც.

1 ტაბ.

კალიუმის დიკლოფენაკი …………….         25 მგ

შემოგარსული ტაბლეტები: შეფუთვაში 20 ც.

1 ტაბ.

კალიუმის დიკლოფენაკი ………….            50 მგ

ფარმაკოლოგიური თვისებები:

ვოლტარენი რაპიდი შეიცავს დიკლოფენაკის კალიუმის მარილს. არასტეროიდული სტრუქტურის ნივთიერებას, რომელსაც ახასიათებს ანალგეზიური, ანთების საწინააღმდეგო და სიცხის დამწევი მოქმედება.

ვოლტარენი რაპიდი ხასიათდება მოქმედების სწრაფი დაწყებით, რის გამოც განსაკუთრებით ხშირად გამოიყენება მწვავე ტკივილებისა და ანთებითი სინდრომების დროს. დიკლოფენაკის მოქმედების ძირითადი მექანიზმი, რაც ექსპერიმენტულად არის დამტკიცებული, გამოიხატება პროსტაგლანდინების ბიოსინთეზის დათრგუნვით. პროსტაგლანდინები ასრულებენ მთავარ როლს ანთების, ტკივილის და ცხელების გენეზში.

In vitro კალიუმის დიკლოფენაკი იმ კონცენტრაციით, რომელსაც იგი ქმნის პაციენტების მკურნალობის დროს, არ თრგუნავს ხრტილოვანი ქსოვილის პროტეოგლიკანების ბიოსინთეზს.

დადგენილია, რომ ვოლტრენი რაპიდი ავლენს ძლიერ ტკივილგამაყუჩებელ მოქმედებას გამოხატული მძიმე ტკივილს სინდრომის დროს. ანთების არსებობის დროს გამოწვეული, მაგალითად, ტრავმით ან ქირურგიული ჩარევით, ვოლტარენი რაპიდი სწრაფად აქრობს როგორც სპონტანურ ტკივილს, ასევე ტკივილს მოძრაობის დროს, ასევე ამცირებს ქსოვილების ანთებად შეშუპებას და შეშუპებას ქირურგიული ჭრილობის არეში. ჩატარებული კლინიკური კვლევების შედეგად დადგინდა, რომ კალიუმის დიკლოფენაკს შეუძლია გააქროს ტკივილის შეგრძნება და შეამციროს სისხლდანაკარგი პირველადი დისმენორეის დროს.

შაკიკის შეტევების დროს ვოლტარენი რაპიდი ამცირებს თავის ტკივილს და ისეთ თანმხლებ სიმპტომებს, როგორიცაა გულისრევა და ღებინება.

ფარმაკოკინეტიკა:

შეწოვა: დიკლოკენაფი მთლიანად და სწრაფად შეიწოვება. აქტიური ნივთიერების შეწოვა იწყება პრეპარატის მიღებისთანავე. კალიუმის დიკლოფენაკის 50 მგ ტაბლეტის ერთჯერადად მიღებისას, პლაზმაში მისი მაქსიმალური კონცენტრაცია აღინიშნება 20-60 წუთის შემდეგ და შეადგენს 3.8 მკმოლ/ლ. საკვებისა და პრეპარატის ერთდროული მიღება არ იწვევს დიკლოფენაკის შეწოვის რაოდენობის ცვლილებას, მაგრამ შეწოვის დასაწყისი და სისწრაფე შესაძლებელია შენელებული იყოს. შეწოვის ხარისხი პირდაპირდამოკიდებულია პრეპარატის დოზაზე.

ვინაიდან დიკლოფენაკის დაახლოებით ნახევარი მეტაბოლიზდება ღვიძლში “პირველადი გავლის” შემდეგ, პრეპარატის პერორალურად მიღებისას “კონცენტრაცია-დრო”-ს მრუდის ფართობი (AUC) თითქმის 2-ჯერ ნაკლებია, ვიდრე პრეპარატის ექვივალენტური დოზის პარენტერალურად შეყვანის შემდეგ.

ვოლტარენ რაპიდის განმეორებით მიღებისას ფარმაკოკინეტიკური მაჩვენებლები არ იცვლება, ამიტომ, თუკი დაცული იქნება პრეპარატის ცალკეული დოზების მიღებებს შორის რეკომენდებული ინტერვალი, კუმულაცია არ აღინიშნება.

განაწილება: სისხლის შრატის ცილებთან კავშირი შეადგენს 99.7%, აქედან ალბუმინებთან კავშირი შეადგენს 99.4%. მოცულობის განაწილება შეადგენს 0.12-0.17 ლ/კგ. დიკლოფენაკი აღწევს სინოვიალურ სითხეში, სადაც მისი მაქსიმალური კონცენტრაცია აღინიშნება 2-4 სთ-ით გვიან, ვიდრე სისხლის პლაზმაში. სინოვიალური სითხიდან მისი ნახევარგამოყოფის პერიოდი შეადგენს 3-6 სთ-ს. პლაზმისაგან განსხვავებით დიკლოფენაკის მაქსიმალური კონცენტრაცია სინოვილუარ სითხეში აღინიშნება 2 საათის შემდეგ. ამავე დროს მისი მაღალი მაჩვენებელი შენარჩუნებულია 12 საათის განმავლობაში.

მეტაბოლიზმი: დიკლოფენაკის მეტაბოლიზმი ხორციელება ნაწილობრივ უცვლელი მოლეკულის გლუკურონიზაციით როგორც ერთჯერადი, ასევე მრავალჯერადი ჰიდროქსილირებით და მეთოქსილირებით, რაც იწვევს რამოდენიმე ფენოლური მეტაბოლიტის წარმოშობას (3-ჰიდროქსი-, 4-ჰიდროქსი-, 5-ჰიდროქსი-, 4.5-დიჰიდროქსი და 3-ჰიდროქსი- 4-მეთოქსიდიკლოფენაკი), რომელთა უმრავლესობა გარდაიქმნება გლუკურონის მჟავის კონიუგატად.

ფენოლური მეტაბოლიტებიდან ორი ბიოლოგიურად აქტიურია, თუმცა ამ მხრივ მნიშვნელოვნად ჩამორჩებიან დიკლოფენაკს.

გამოყოფა: დიკლოფენაკის საერთო სისტემური კლირენსი შეადგენს 263±56მლ/წთ. ნახევარგამოყოფის საბოლოო პერიოდი სისხლის შრატში შეადგენს 1-2 სთ-ს. 4 მეტაბოლიტის, მათ შორის 2 ფარმაკოლოგიურად აქტიური მეტაბოლიტის ნახევარგამოყოფის პერიოდი არ არის ხანგრძლივი და 1-3 სთ-ს შეადგენს. ერთ-ერთ მეტაბოლიტს, კერძოდ, 3-ჰიდროქსი-4-მეთოქსიდიკლოფენაკს გააჩნია ნახევარგამოყოფის შედარებით ხანგრძლივი პერიოდი, მაგრამ იგი არ არის აქტიური. მიღებული დოზის დაახლოვებით 60% გამოიყოფა შარდთან ერთად გლუკურონული კონიუგატების უცვლელი აქტიური ნივთიერების სახით, რომელთა უმრავლესობა წარმოადგენს გლუკურონულ კონიუგატებს. უცვლელი სახით გამოიყოფა დიკლოფენაკის 1%-ზე ნაკლები. მიღებული დოზის დარჩენილი ნაწილი გამოიყოფა მეტაბოლიტების სახით ნაღველითა და ფეკალიებით.

ფარმაკოკინეტიკა ცალკეული ჯგუფის პაციენტებისათვის:

პრეპარატის შეწოვა, მეტაბოლიზმი და გამოყოფა პაციენტის ასაკზე დამოკიდებული არ არის. თირკმელების ფუნქციის დაზიანების მქონე პაციენტებში ვოლტარენი რაპიდის თერაპიული დოზის მიღებისას უცვლელი აქტიური ნივთიერების დაგროვება არ აღინიშნება. თუკი კრეატინინის კლირენსი შეადგენს 10 მლ/წთ-ზე მეტს, მაშინ დიკლოფენაკის ჰიდროქსი მეტაბოლიტების კონცენტრაცია დაახლოებით 4-ჯერ მეტია ჯანმრთელ პაციენტებთან შედარებით. საბოლოოდ, მეტაბოლიტები გამოიყოფა ნაღველით.

ქრონიკული ჰეპატიტით ან ღვიძლის კომპენსირებული ციროზით დაავადებულ პაციენტებში დიკლოფენაკის ფარმაკოკინეტიკის და მეტაბოლიზმის მაჩვენებლები ჯანმრთელი ღვიძლის მქონე პაციენტების იდენტურია.

ჩვენებები:

შემდეგი მწვავე მდგომარეობების ხანმოკლე მკურნალობა:

• პოსტტრავმული ტკივილი, ანთება და შეშუპება, მაგალითად დაჭიმულობის დროს;
• პოსტოპერაციული ტკივილი, ანთება და შეშუპება, მაგალითად სტომატოლოგიური ან ორთოპედიული ოპერაციების შემდეგ;
• ტკივილი და/ან ანთება, თანმხლები ანთებადი გინეკოლოგიური დაავადებების დროს, მაგალითად პირველადი დისმენორეა და ადნექსიტი;
• ხერხემლის მხრივ ტკივილები;
• არასახსროვანი რბილი ქსოვილების რევმატული დაავადება;
• როგორც დამატებითი საშუალება ყურის, ყელისა და ცხვირის ინფექციების დროს, მაგალითად ფარინგოტონზილიტის, ოტიტის დროს, თანმხლები გამოხატული ტკივილით და ანთებით.

იზოლირებული მომატებული ტემპერატურა არ გახლავთ ვოლტარენი რაპიდის დანიშვნის ჩვენება.

მიღების წესი და დოზირება:

მოზრდილებში რეკომენდებული საწყისი დოზა 100-150 მგ/ დღე-ღამეში. გამოხატული სიმპტომების შემთხვევაში. ასევე ,

ბავშვებში 14 წლის ასაკის ზევით, ჩვეულებრივ საკმარისია 75-100 მგ/დღეში. დღიური დოზა იყოფა 2-3 მიღებაზე.

პირველადი დისმენორეის დროს ვოლტარენი რაპიდის სადღეღამისო დოზა დგინდება ინდივიდუალურად და შეადგენს ჩვეულებრივ 50-150 მგ-ს. აუცილებლობის შემთხვევაში რამდენიმე მენსტრუალური ციკლის განმავლობაში დოზა შესაძლებელია გავზარდოთ მაქსიმალურად და შეადგენს 200 მგ/დღე-ღამეში.

პრეპარატის მიღების დაწყება რეკომენდებულია პირველივე სიმპტომების გამოვლინებისთანავე. კლინიკური ეფექტის მიხედვით შესაძლებელია მკურნალობის გახანგრძლივება რამოდენიმე დღით.

ტაბლეტები უნდა გადაიყლაპოს მთლიანად, არ დაიღეჭოს, სითხის მიყოლებით, სასურველია ჭამამდე.

ვოლტარენი რაპიდის დანიშვნა ბავშვებში არ არის რეკომენდებული.

გვერდითი მოვლენები:

ხანდახან: კუჭ-ნაწლავის გაღიზიანება, თავის ტკივილი, თაბრუსხვევა, გამონაყარი.

იშვიათად: კუჭ-ნაწლავის წყლულოვანი დაავადება, კუჭ-ნაწლავიდან სისხლდენა, ღვიძლის ფუნქციის მოშლა. ჰეპატიტი, ჰიპერმგრძნობელობა.

სამომავლო შედეგი: პანკრეატიტი, ნაწლავებში დიაფრაგმის მაგვარი სტრუქტურების წარმოქმნა, ასეპტიური მენინგიტი, პნევმონია, მულტიფორმული ერითემა, სტივენ-ჯონსონის სინდრომი. ლაიელის სინდრომი, ერითროდერმია, პურპურა, სისხლწარმოქმნის დარღვევა, ცვლილებები გულსისხძარღვთა სისტემის მხრივ, მგრძნობელობისა და მხედველობის დაქვეითება.

უკუჩვენებები:

*კუჭის ან ნაწლავის წყლულოვანი დაავადება;

*აქტიური ნივთიერების ან პრეპარატის ნებისმიერი სხვა ინგრედიენტების მიმართ მომატებული მგრძნობელობა.

*ვოლტარენი რაპიდი, ისევე როგორც სხვა არასტეროიდული ანთების საწინააღმდეგო პრეპარატები (აასს) უკუნაჩვენებია იმ პაციენტებისთვის, რომელთაც აცეტილსალიცილის მჟავას ან სხვა (აასს) მიღებისას უვითარდებათ ბრონქული ასთმის, ჭინჭრის ციების ან მწვავე რინიტის შეტევები.

განსაკუთრებული მითითებები:

აუცილებელია ანამნეზის მონაცემებით გამოირიცხოს კუჭ-ნაწლავის დაავადები, ბრონქული ასთმა, თირკმლის, გულის ან ღვიძლის ფუნქციის დარღვევა. არასტეროიდული ანთების საწანააღმდეგო პრეპარატებს შეუძლიათ შენიღბონ სხვადასხვა ინფექციური დაავადებები დროებით შეაჩერონ თრომბოციტების აგრეგაცია. სიფრთხილე აუცილებელია ორსულებში, ლაქტაციისას და ხანდაზმულ ასაკში.

გვერდითმა მოვლენებმა ცნს-ის მხრივ შეიძლება უარყოფითად იმოქმედოს ავტომობილის მართვაზე.

ხანგრძლივი მკურნალობისას რეკომენდებული ღვიძლის ფუნქციისა და სისხლის სურათის შემოწმება.

აუცილებელია სიფრთხილე სხვადახვა სამკურნალო პრეპარატებთან კომბინაციისას: დიგოქსინი, მეტოტრექსატი, ციკლოსპორინი, დიურეტიკები, ანტიკოაგულანტები, ორალური ანტიდიაბეტური საშუალებები.

შენახვის პირობები:

პრეპარატი ინახება არა უმეტეს 25⁰C ტემპერატურაზე.

ვარგისიანობის ვადა: 5 წელი.

საერთაშორისო დასახელება:

DICLOFENAC NATRIUM

მწარმოებელი: NOVARTIS PHARMA

მოქმედი ნივთიერება: დიკლოფენაკი

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო საშუალება

შემადგენლობა და გამოშვების ფორმა:

ხსნადი ტაბლეტები: შეფუთვაში 20 ც.

1 ტაბ

დიკლოფენაკ ნატრიუმი …………       50 მგ

ვრცლად ვოლტარენი(მიღების წესი ინდივიდუალური)

საერთაშორისო დასახელება:

DICLOFENAC NATRIUM

მწარმოებელი: NOVARTIS PHARMA S.p. A., იტალია

მოქმედი ნივთიერება: დიკლოფენაკი.

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო საშუალება.

შემადგენლობა და გამოშვების ფორმა:

შემოგარსული ტაბლეტები შეფუთვაში 20 და 30 ც.

1 ტაბ.

დიკლოფენაკ ნატრიუმი …………………      25 მგ

1 ტაბ.

დიკლოფენაკ ნატრიუმი …………………      50 მგ

დამხმარე ნივთიერებები:

სილიციუმის ორჟანგის აეროგელი; მიკრორკისტალური ცელულოზა, ლაქტოზა, მაგნიუმის სტეარატი, სიმინდის სახამებელი, პოლივიდონი, ნატრიუმის კარბოქსილმეთილის სახამებელი, ჰიდროქსიპროპილმეპთილცელულოზა, გლიცერილის პოლიეთილენგლიკოლის სტეარატი, რკინის ყვითელი ჟანგი (E172), ტალკი, ტიტანის ორჟანგი, მეტაკრილის მჟავას სოპოლიმერი, მაკროგოლი 8000, სიმეტიკონის ემულსია. 50 მგ ტაბლეტი ასევე შეიცავს რკინის წითელ ჟანგს (E172).

ფარმაკოლოგიური თვისებები:

ვოლტარენი შეიცავს დიკლოფენაკ ნატრიუმს. იგი წარმოადგენს არასტეროიდული სტრუქტურის ნივთიერებას, რომელიც ავლენს ანთების საწინააღმდეგო, ანალგეზიურ და სიცხის დამწევ გამოხატულ მოქმედებას.

დიკლოფენაკის მოქმედების ძირითად მექანიზმად, რომელიც დადგენილია ექსპერიმენტების შედეგად, ითვლება პროსტაგლანდინების ბიოსინთეზის ინჰიბირება. პროსტალგანდინებს დიდი მნიშვნელობა ენიჭებათ ანთებითი რეაქციის, ტკივილისა და ცხელების ფორმირებაში.

რევმატიული დაავადებების დროს ვოლტარენის ანთების საწინააღმდეგო და ანალგეზიური თვისებები უზრუნველყოფენ ამ უკანასკნელის კლინიკურ ეფექტს, რომელიც გამოიხატება ისეთი სიმპტომებისა და ჩივილების მნიშველოვანი შემცირებით, როგორიცაა: მოსვენებისა და მოძრაობის მდგომაროების დროს არსებული სახსრების ტკივილები, დილის შებოჭილობა და შეშუპება, აგრეთვე მოძრაობის ფუნქციის გაუმჯობესება.

In vitro დიკლოფენაკ ნატრიუმი იმ კონცენტრაციით, რომელიც პაციენტების მკურნალობის შედეგის ექვივალენტურია, არ თრგუნავს პროტეოგოლიკანების ხრტილოვანი ქსოვილების ბიოსინთეზს.

პოსტტრავმული და პოსტოპერაციული პერიოდის ანთებითი გამოვლინებისას ვოლტარენი სწრაფად ამცირებს ტკივილებს (როგორც სპონტანურს, ასევე მოძრაობის შედეგად გამოწვეულს), ანთების და პოსტსოპერაციული ჭრილობების შედეგად გამოწვეულ შეშუპებებს.

კლინიკური კვლევის შედეგად დადგენილ იქნა ვოლტარენის ზომიერად და ძლიერდაგამოხატული არარევმატიული გენეზის ტკივილის სინდრომის მნიშვნელოვანი კუპირების უნარი. ასევე დადგენილ იქნა, რომ ვოლტარენი თრგუნავს პირველადი დისმენორეის დროს ტკივილის შეგრძნებას და აქვეითებს სისხლის დაკარგვას. ვოლტარენი დადებითა მოქმედებს შაკიკის შეტევის პრევენციის თვალასაზრისით.

ფარმაკოკინეტიკა:

ვოლტარენი პერორალურად მიღების შემდეგ მთლიანად შეიწოვება ნაწლავებში გავლის პროცესში. მიუხედავად იმისა, რომ შეწოვის პროცესი დაჩქარებულია, ტაბლეტის გარშემო ნაწლავებში ხსნადი გარსის არსებობის გამო შეწოვის პროცესის დასაწყისი შესაძლებელია შენელებული იყოს.

ერთჯერადად 50 მგ პრეპარატის გამოყენებისას პლაზმაში მისი მაქსიმალური კონცენტრაცია აღინიშნება 2 საათის შემდეგ და შეადგენს 1.5 მკგ/მლ (5 მკმოლ/ლ). აბსორბციის ხარისხი პირდაპირდამოკიდებულია მიღებულ დოზაზე. საკვებისა და პრეპარატის ერთდროული მიღება იწვევს ამ უკანასკნელის შეწოვის ხარისხის შენელებას, მაგრამ დიკლოფენაკის შეწოვის მოცულობა არ იცვლება.

ვინაიდან დიკლოფენაკის დაახლოვებით ნახევარი მეტაბოლიზდება ღვიძლში “პირველადი გავლის” შემდეგ, პრეპარატის პერორალურად მიღებისას “კონცენტრაცია-დრო”-ს მრუდის ფართობი (AUC) თითქმის 2-ჯერ ნაკლებია, ვიდრე პრეპარატის ექვივალენტური დოზის პარენტერალურად შეყვანის შემდეგ.

განმეორებითი დოზის დროს ფარმაკოკინეტიკური მაჩვენებლები არ იცვლება. თუკი დაცული იქნება პრეპარატის დოზის მიღებას შორის რეკომენდებული ინტერვალი, მაშინ კუმულაცია არ აღინიშნება.

ბავშვებში დიკლოფენაკის კონცენტრაცია სისხლის პლაზმაში ექვივალენტური დოზის მიღების შემდეგ (მგ/კგ სხეულის წონა) შეესაბამება მოზრდილების მაჩვენებლებს.

სისხლის შრატის ცილებთან კავშირი შეადგენს 99.7%, ძირითადად ალბუმინთან (99.4%). მოცულობის განაწილება შეადგენს 0.12-0.17 ლ/კგ. დიკლოფენაკი აღწევს სინოვიალურ სითხეში, სადაც მისი მაქსიმალური კონცენტრაცია აღინიშნება 2-4 სთ-ით გვიან, ვიდრე სისხლის პლაზმაში. სინოვიალური უჯრედიდან მისი ნახევარგამოყოფის პერიოდი შეადგენს 3-6 სთ-ს. პლაზმისაგან განსხვავებით 2 საათის შემდეგ დილკოფენაკის მაქსიმალური კონცენტრაცია აღინიშნება სინოვიალურ სითხეში. ამავე დროს მისი მაღალი მაჩვენებელი შენარჩუნებულია 12 საათის განმავლობაში.

დიკლოფენაკის მეტაბოლიზმი ხორციელდება ნაწილობრივ უცვლელი მოლეკულის გლუკურონიზაციით, როგორც ერთჯერადი, ასევე მრავალჯერადი მეტოქსილირებით, რაც ხელს უწყობს რამოდენიმე ფენოლური მეტაბოლიტის წარმოშობას, რომელთა უმრავლესობა გარდაიქმნება გლუკურონიდულ კონიუგატად. ფენოლური მეტაბოლიტებიდან ბიოლოგიურად აქტიურია, თუმცა ამ მხრივ მნიშვნელოვნად ჩამორჩებიან დიკლოფენაკს.

დიკლოფენაკის საერთო სისტემური კლირენსი შეადგენს 263

±56 მლ/წთ. ნახევარგამოყოფის საბოლოო პერიოდი შეადგენს 1-2 სთ-ს. 4 მეტაბოლიტის, მათ შორის 2 ფარმაკოლოგიურად აქტიური მეტაბოლიტის ნახეევარგამოყოფის პერიოდი არ არის ხანგრძლივი და 1-3 სთ-ს შეადგენს.

ერთ-ერთ მეტაბოლიტს კერძოდ, 3’-ჰიდროქსი-4’-მეთოქსი-დიკლოფენაკს გააჩნია ნახევარგამოყოფის შედარებით ხანგრძლივი პერიოდი, მაგრამ იგი არ არის აქტიური.

მიღებული დოზის დაახლოებით 60% გამოიყოფა გლუკურონული კონიუგატების უცვლელი აქტიური ნივთიერების სახით, აგრეთვე იმ მეტაბოლიტების სახით, რომელთა უმრავლესობა წარმოადგენს გლუკურონულ კონიუგატებს.

უცვლელი სახით გამოიყოფა დიკლოფენაკის 12%-ზე ნაკლები. მიღებული დოზის დარჩენილი ნაწილი გამოიყოფა მეტაბოლიტების სახით ნაღველითა და ფეკალიებით.

ფარმაკოკინეტიკა ცალკეული ჯგუფის პაციენტებისათვის:

ხანდაზმულ პაციენტებში პრეპარატის შეწოვის, მეტაბოლიზმის ან გამოყოფის შესახებ სხვაობა არ აღინიშნება.

თირკმელების ფუნქციის დაზიანების მქონე პაციენტებში ერთჯერადად ვოლტარენის მიღებისას დიკლოფენაკის დაგროვება არ აღინიშნება. ამავე დროს, თუკი კრეატინინის კლირენსი შეადგენს 10 მლ/წთ-ზე მეტს, მაშინ დიკლოფენაკის ჰიდროქსიმეტაბოლიტების კონცენტრაცია დაახლოებით 4-ჯერ მეტია ჯანმრთელ პაციენტებთან შედარებით. საბოლოოდ, მეტაბოლიტები გამოიყოფა ნაღველით.

ქრონიკული ჰეპატიტით ან ღვიძლის კომპენსირებული ციროზით დაავადებულ პაციენტებში დიკლოფენაკის ფარმაკოკინეტიკის მაჩვენებლები ჯანმრთელი ღვიძლის მქონე პაციენტების იდენტურია.

ჩვენებები:

ანთებითი და დეგენერაციული ფორმის რევმატიული დაავადებები:

• რევმატოიდული ართრიტი;
• იუვენილური რევმატიდული ართრიტი (მხოლოდ 25 მგ კუჭში ხსნადი გარსით დაფარული ტაბლეტი და 25 მგ რექტალური სუპოზიტორია);
• მაანკილოზირებელი სპონდილიტი;
• ოსტეოართროზი;
• სპონდილოართრიტი;
• ხერხემლის მხრივ ტკივილები;
• არასახსროვანი რბილი ქსოვილების რევმატული დაავადება;
• პოდაგრას მწვავე შეტევა (მხოლოდ კუჭში ხსნადი გარსით დაფარული ტაბლეტი);
• პოსტტრავმული და პოსტოპერაციული პერიოდის დროს, რომელთა თანმხლებია ანთებითი პროცესი და შეშუპება;
• გინეკოლოგიური დაავადებები, რომელთა თანმხლებია პირველადი დისმენორეა და ადნექსიტი.

როგორც დამატებითი საშუალება ვოლტარენი გამოიყენება ყურის, ყელისა და ცხვირის ანთებითი დაავადებების დროს, რომლებიც მიმდინარეობს ტკივილის შეგრძნებით, მაგალითად ფარინგიტის, ტონზილიტის, ოტიტის (გამონაკლისს წარმოადგენს ტაბლეტი რეტარდი).

მიღების წესი და დოზირება:

მოზრდილებში რეკომენდებულია საწყისი დოზა 100-150 მგ/დღე-ღამეში, განსაკუთრებით დაავადების მსუბუქი ფორმების დროს. ხანგრძლივი დროით პრეპარატის მიღებისას დღეღამური დოზა შეადგენს 75-100 მგ-ს.

დღეღამური დოზა საჭიროა გავყოთ რამდენიმე მიღებაზე, დამატებით შესაძლებელია ვოლტარენის სუპოზიტორიის გამოყენება ძილის წინ, მაგრამ დღეღამური დოზა არ უნდა აჭარბებდეს 150 მგ-ს.

პირველადი დისმენორეის დროს დღეღამური დოზა დგინდება ინდივიდუალურად და შეადგენს 50-150 მგ-ს. საწყისი დოზა უნად შეადგენდეს 50-100 მგ-ს; აუცილებლობის შემთხვევაში რამდენიმე მენსტრუალური ციკლის განმავლობაში დოზა შესაძლებელია გავზარდოთ 150 მგ/დღე-ღამეში. პრეპარატის მიღების დაწყება შესაძლებელია პირველივე სიმპტომების გამოვლინებისთანავე. კლინიკური ეფექტის მიხედვით შესაძლებელი მკურნალობის გახანგრძლივება რამოდენიმე დღით.

6-დან 15 წლამდე ბავშვებში მიიღება მხოლოდ 25 მგ-იანი ტაბლეტები. დღეღამური დოზა შეადგენს 0.5-2 მგ/კგ სხეულის წონაზე (2-3-ჯერ დაავადების სიმძიმის მიხედვით).

რევმატოიდული ართრიტის სამკურნალოდ დღეღამური დოზა შესაძლებელია გავზარდოთ მაქსიმალურად 3 მგ/კგ (რამდენიმე მიღებად).

16-დან 18 წლამდე მოზარდებში შესაძლებელია 50 მგ პრეპატის გამოყენება.

ტაბლეტები უნდა გადავყლაპოთ მთლიანად, სითხის მიყოლებით სასურველია ჭამამდე.

გვერდითი მოვლენები:

კუჭ-ნაწლავის ტრაქტის მხრივ: იშვიათად ეპიგასტრალურ მიდამოში ტკივილები, გულისრევა, ღებინება, დიარეა, მუცლის სპაზმები, დისპეფსია, მუცლის შებერვა, ანორექსია; იშვიათად – კუჭ-ნაწლავის ტრაქტიდან სისხლდენა (სისხლით ღებინება, მელენა, დიარეა), კუჭისა და 12-გოჯა ნაწლავის წყლულოვანი დაავადება, რომლის თანმხლებია სისხლდენა და პერფორაცია;

ცალკეული შემთხვევებში – აფტოზური სტომატიტი, გლოსიტი;

საჭმლის მონელების მხრივ ცვლილებები, ნაწლავში დიაფრაგმის მსგავსი სტრიქტურის განვითარება ნაწლავში, ნაწლავის ქვედა ნაწილის მხრივ დარღვევები, ისეთი როგორიცაა: არასპეციფიკური წყლულოვანი კოლიტის ან კრონის დაავადების გამწვავება, ყაბზობა, პანკრეატიტი.

რექტალური სანთლის შემთხვევაში ბუასილის სიმპტომების გამწვავება.

ცნს-ის მხრივ: იშვიათად – თავის ტკივილი, თავბრუსხვევა, გამოხატული თავბრუსხვევა; ხანდახან – ძილიანობა; ცალკეულ შემთხვევებში – მგრძნობელობის დარღვევა, მეხსიერების დაქვეითება, დეორიენტაცია, უძილობა, გაღიზიანება, კრუნჩხვები, დეპრესია, შიშის გრძნობა, ღამის შიშები, ტრემორი, ფსიქოზური რეაქციები, ასეპტური მენინგიტი.

მგრძნობელობის დარღვევა– მეხსიერების დაქვეითება, დეზორიენტაცია, უძილობა, გაღიზიანება, კრუნჩხვები, დეპრესია, შიშის გრძნობა, ღამის შიშები, ტრემორი, ფსიქოზური რეაქციები, ასეპტური მენინგიტი.

გრძნობათა ორგანოების მხრივ: ცალკეულ შემთვევაში მხედველობის დარღვევა, სმენის დაქვეითება, ყურებში შუილი, გემოს დარღვევა.

დერმატოლოგიური რეაქციები: ხანდახან – კანზე გამონაყარი, იშვიათად – ურტიკარია, ცალკეულ შემთხვევებში – ბუშტუკოვანი სახის გამონაყარი, ეგზემა, მრავალფორმიანი ერითემა, სტივენს-ჯონსის სინდრომი, ლაიელის სინდრომი, ერთითროდერმია, თმის ცვენა, ფოტომგრძნობელობის რეაქცია, პურპურა, ალერგიული პურპურას ჩათვლით.

თირკმელების მხრივ: იშვიათად – შეშუპება, ცალკეულ შემთხვევებში – თირკმლების მწვავე უკმარისობა, შარდის ფერის შეცვლა, ინტერსტიციური ნეფრიტი, ნეფროზული სინდრომი, პაპილარული ნეკროზი.

ღვიძლის მხრივ: ხანდახან – სისხლის შრატში ამინოტრანსფერაზას დონის  მომატება; იშვიათად – ჰეპატიტი, რომლის თანმხლებია ან არ არის თანხმლები სიყვითლე; ცალკეულ შემთხვევებში ჰეპატიტი.

სისხლმბადი სისტემის მხრივ: ცალკეულ შემთხვევებში – თრმბოციტოპენია, ლეიკოპენია, ჰემოლიზური ანემია, აპლასტური ანემია, აგრანულოციტოზი.

ჰიპერმგრძნობელობის რეაქციის მხრივ: იშვითად – ჰიპერმგრძნობელობის რეაქციები, ისეთი, როგორიცაა ბრონქული ასთმა. სისტემური ანაფილაქსიური/ანაფილაქტოიდური რეაქციები, ჰიპოტენზიის ჩათვლით. ცალკეულ შემთხვევებში – ვასკულიტი, პნევმონიტი.

გულ-სისხლძარღვთა სისტემის მხრივ: ცალკეული შემთხვევებში ტაქიკარდია, მკერდში ტკივილი, გულის უკმარისობა.

უკუჩვენებები:

*პრეპარატის ან მის შემადგენლობაში შემავალი რომელიმე კომპონენტის მიმართ მომატებული მგრძნობელობა;

*კუჭისა და 12-გოჯა ნაწლავის წყლულოვანი დაავადება;

*ორსულობის III ტრიმესტრი.

ორსულობა და ლაქტაცია:

*ორსულობის I და II ტრიმესტრში პრეპარატი გამოიყენება მინიმალური ეფექტური დოზით აუცილებლობის შემთხვევაში.

*ლაქტაციის პერიოდში პრეპარატი არ გამოიყენება.

განსაკუთრებული მითითებები:

-ვოლტარენით მკურნალობისას შესაძლებელია სისხლდენა კუჭ-ნაწლავის ტრაქტიდან ან წყლულოვანი დაავადების განვითარება, იშვიათად გართულებული პერფორაციით. შედარებით სერიოზული შედეგები ზემოთაღნიშნული დაავადებების წარმოშობისას შეიძლება აღენიშნოთ ხანდაზმულ პაციენტებს. ასეთი შემთხვევების დროს პრეპარატის მიღება უნდა შევწყვიტოთ.

-სისხლმბადი სისტემის დაავადების დროს, აგრეთვე ღვიძლის პათოლოგიის მქონე პაციენტებში (პორფირიის შეტევის აღმოჩენების საშიშროების გამო) პრეპარატის გამოყენება არ არის რეკომენდებული.

-პაციენტებს, რომლებიც ადრე არ იყენებდნენ ვოლტარენს, ამ უკანასკნელით ან სხვა არასტეროიდული ანთების საწინააღმდეგო საშუალებებით მკურნალობისას იშვიათად შესაძლებელია განუვითარდეთ ალერგიული რეაქციები, ანაფილაქსიური და ანაფილაქტოიდური რეაქციის ჩათვლით.

-ვოლტარენის გამოყენება ბრონქული ასთმით, აგრეთვე ალერგიული რინიტით (მათ შორის სეზონური) და ცხვირის ლორწოვანის პოლიპებით დაავადებულ პაციენტებში არ არის რეკომენდებული.

-ვოლტარენი, ფარმაკოდინამიკური თვისებებიდან გამომდინარე ნიღბავს ინფექციურ-ანთებითი დაავადებებისს სიმპტომებსა და მათთან დაკავშირებულ ჩივილებს.

-პაციენტებმა, რომლებიც იყენებენ ვოლტარენს და გააჩნიათ კუჭ-ნაწლავის ტრაქტის მხრივ ჩივილები, აგრეთვე დაავადებულნი არიან წყლულოვანი კოლიტით ან კრონის დაავადებით, დარღვეული აქვთ ღვიძლის ფუნქცია, საჭიროა ჩაიტარონ სამედიცინო შემოწმება.

-ვოლტარენის, ისევე როგორც სხვა არასტეროიდული ანთების საწინაამღდეგო საშუალების გამოყენებისას შესაძლებელი ღვიძლის ერთი ან რამდენიმე ფერმენტის აქტივობის მომატება. ამიტომ ვოლტარენის ხანგრძლივი დროით გამოყენებისას საჭიროა ღვიძლის ფუნქციის მაჩვენებლების რეგულარული შემოწმება. იმ შემთხვევაში თუკი აღინიშნება მაჩვენებლების ცვლილება და/ან განვითარდება სხვა გვერდითი მოვლენები (მაგალითად, ეოზინოფილია, გამონაყარი და სხვა), ვოლტარენის მიღება დაუყოვნებლივ უნდა შევწყვიტოთ. -მხედველობაში უნდა მივიღოთ ის ფაქტი, რომ ვოლტარენის გამოყენებისას ჰეპატიტი ვითარდება პროდრომალური გამოვლინების გარეშე.

-ვინაიდან პროსტაგლადინები ასრულებენ მნიშვნელოვან როლს თირკმლის სისხლმიმოქცევის რეგულაციაში, ამიტომ განსაკუთრებული ყურადღება უნდა მიექცეს გულის ან თირკმელების ფუნქციის დარღვევით შეპყრობილ პაციენტებს, ასევე ხანდაზმულ და იმ პაციენტებს, რომლებიც იყენებენ დიურეზულ საშუალებებს. აგრეთვე პაციენტებს, რომლებსაც პრე და/ან პოსტორპერაციის შემდეგ აღენიშნებათ სხვადასხვა ეტიოლოგიის ცირკულირებადი პლაზმის მოცულობის შემცირება. ზემოთაღნიშნული შემთხვევებისას საჭიროა თირკმლების ფუნქციის რეგულარული შემოწმება. პრეპარატის მიღების შეწყვეტა ჩვეულებრივ იწვევს თირკმლების ფუნქციის აღდგენას საწყის დონემდე.

-ვოლტარენისა და სხვა არასტეროიდული ანთების საწინააღმდეგო საშუალებების გამოყენების შემთხვევაში რეკომენდებულია პერიფერიული სისხლის სურათის სისტემატური შემოწმება.

-ვოლტარენი, ისევე როგორც სხვა არასტეროიდული ანთების საწინააღმდეგო საშუალებები დროებით აინჰიბირებენ თრომბოციტების აგრეგაციას. ამიტომ ჰემოსტაზის დარღვევის პაციენტებში რეკომენდებულია შესაბამისი ლაბორატორიული მაჩვენებლების მონიტორინგი.

-პრეპარატი სიფრთხილით ინიშნება ხანდაზმულ პაციენტებში, განსაკუთრებით კი სხეულის დაბალი წონის მქონე პირებში მათ პრეპარატი ენიშნებათ მინიმალური ეფექტური დოზით.

სატრანსპორტო საშუალებების მართვის უნარზე ზემოქმედება:

ვოლტარენის გამოყენებისას პაციენტებს აღენიშნებათ თავბრუსხვევა ან სხვა არასასიამოვნო შეგრძნებები ცნს-ის მხრივ, მხედველობის დარღვევების ჩათვლით, ამიტომ ვოლტარენით მკურნალობისას არ არის რეკომენდებული სატრანსპორტო საშუალებების მართვა და სხვა ისეთი სამუშაოების შესრულება, რომლებიც მოითხოვენ ყურადღების მაქსიმალურ კონცენტრაციას.

ჭარბი დოზირება:

ვოლტარენის ჭარბი დოზირების შესახებ მონაცემები არ არსებობს.

მკურნალობა სიმპტომატურია.

საჭიროა კუჭის ამორეცხვა და აქტივირებული ნახშირის გამოყენება.

შემანარჩუნებელი და სიმპტომატური მკურნალობა რეკომენდებულია ისეთი შემთხვევების დროს როგორიცაა არტერიული ჰიპოტენზია, თირკმელების უკმარისობა, კრუნჩხვები, კუჭ-ნაწლავის ტრაქტის მხრივ დარღვევები და სუნთქის დათრგუნვა. ფორსირებული დიურეზი,  ჰემოდიალიზი ან ჰემოპერფუზია არ იწვევს არასასურველ მოვლენებს ჭარბი დოზირების დროს.

სხვა წამლებთან ურთიერთქმედება:

-ვოლტარენი სისხლის პლაზმაში ზრდის ლითიუმისა და დიგოქსინის კონცენტრაციას.

-ვოლტარენი, ისევე როგორც სხვა არასტეროიდული ანთების საწინააღმდეგო საშუალებები, ამცირებს დიურეზის, ვოლტარენისა და კალიუმის შემანარჩუნებელი დიურეზული საშუალებების ერთდროული გამოყენება იწვევს სისხლის შრატში კალიუმის დონის მომატებას.  არასტეროიდული ანთების საწინააღმდეგო საშუალებების სისტემური გამოყენება ზრდის არასასურველი მოვლენების წარმოშობის ალბათობას.

-მიუხედავად იმისა, რომ კლინიკური კვლევების შედეგად დადგენილი არ არის ვოლტარენის ურთიერთქმედება ანტიკოაგულანტებთან, მაინც არსებობს ცალკეული მონაცემები სისხლდენის მომატების რისკის შესახებ იმ პაციენტებში, რომლებიც ერთდროულად იყენებენ ვოლტარენსა და ანტიკოაგულანტებს. ამიტომ ასეთი კომბინაციის დროს რეკომენდებულია პაციენტის მდგომარეობის საგულდაგულო და რეგულარული შემოწმება.

-კლინიკურმა კვლევებმა ცხადყო, რომ ვოლტარენისა და ანტიდიაბეტური პრეპარატების ერთდროული გამოყენება შესაძლებელია. ამავე დროს ამ უკანასკნელის ეფექტურობა არ იცვლება. არსებობს ცალკეული მონაცემები როგორც ჰიპოგლიკემიის, ასევე ჰიპერგლიკემიის განვითარების შესახებ, არც საჭიროებს შაქრის შემცველი პრეპარატების დოზის კორექციას ვოლტარენის მიღების დროს.

-ვოლტარენისა და სხვა არასტეროიდული ანთების საწინააღმდეგო პრეპარატების გამოყენება შესაძლებელია მეტოტრექსატის მიღებიდან 24 საათის შემდეგ. ვინაიდან შესაძლებელია სისხლში მეტოტრექსატის კონცეტრაციის მომატება და მისი ტოქსიკური მოქმედების გაძლიერება.

-ვოლტარენი და სხვა არასტეროიდული ანთების საწინააღმდეგო პრეპარატები გავლენას ახდენენ პროსტაგლანდინების სინთეზზე. ამ დროს  თირკმელებზე შესაძლებელია ციკლოსპორინების ნეფროტოქსიკურობის გაძლიერება.

-არსებობს ცალკეული შემთხვევები კრუნჩხვების განვითარების შესახებ პაციენტებში, რომლებიც ერთდროულად იყენებდნენ ქინოლინის წარმოებულებსა და არასტეროიდული ანთების საწინააღმდეგო საშუალებებს.

შენახვის პირობები:

პრეპარატი ინახება არა უმეტეს 30⁰C ტემპერატურაზე, ნესტისა და ბავშვებისაგან დაცულ ადგილას.

ვარგისიანობის ვადა: 5 წელი.

საერთაშორისო დასახელება:

DICLOFENAC

მწარმოებელი: NOVARTIS CONSUMER HEALTH S. A., შვეიცარია

მოქმედი ნივთიერება: დიკლოფენაკი

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო საშუალება გარეგანი გამოყენებისათვის.

შემადგენლობა და გამოშვების ფორმა:

გელი 1% გარეგანი გამოყენებისათვის: ტუბში 20 გ და 50 გ

100 გ

დიკლოფენაკის დიეთილანი …………….  1.16 გ,

რაც შეესაბამება 1 გ დიკლოფენაკის ნატრიუმს.

დამხმარე ნივთიერებები:

დიეთილანი, კარბომერები (კარბოპილი 974P), მაკროგოლი ცეტოსტეარილის ეთერი (ცეტომაკროგოლი 1000), კოკოილ კაპრილოკაპრატი (ცეტიოლი LC), იზოპროპილის სპირტი, თხევადი პარაფინი (მინერალური ზეთი), არომატული მალამო 45, პროპილენგლიკოლი, გასუფთავებული წყალი.

ფარმაკოლოგიური თვისებები:

აქტიური კომპონენტი დიკლოფენაკი არის არასტეროიდული ანთების საწინააღმდეგო პრეპარატი, რომელსაც გააჩნია ტკივილგამაყუჩებელი და ანთების საწინააღმდეგო თვისებები. თრგუნავს რა I და II ტიპის ციკლოოქსიგენაზას, ის არღვევს არაქიდონის მჟავის მეტაბოლიზმს.

ვოლტარენ ემულგელი გამოიყენება ტკივილის სინდრომის მოსახსნელად და შეშუპების შესამცირებლად, რაც დაკავშირებულია ანთებით პროცესთან.

პრეპარატის რეკომენდებული წესით წასმისას აბსორბირდება დიკლოფენაკის არანაკლებ 6%.

ჩვენებები:

• რბილი ქსოვილებისა და სახსრების პოსტტრავმული ანთებები (მაგ: დაჭიმულობის და დაშავების შედეგად განვითარებული);
• რბილი ქსოვილების რევმატული დაავადებები (ტენდოვაგინიტი, ბურსიტი, პერიარტიკულური ქსოვილების დაზიანება);
• ტკივილის სინდრომი და შეშუპება, რაც დაკავშირებულია კუნთებისა და სახსრების დაავადებებთან (რევმატოიდული ართრიტი, ოსტეოართროზი, რადიკულიტი, ლუმბაგო, იშიაზი).

მიღების წესი და დოზირება:

გელი გარეგანი გამოყენებისათვის

მოზრდილებში და ბავშვებში 12 წლის ზემოთ პრეპარატის წასმა ხდება კანზე დღეში 3-4-ჯერ; წასმის შემდეგ ხდება გელის ოდნავ შეზელვა. პრეპატის საჭირო რაოდენობის განსაზღვრა ხდება მტკივნეული მიდამოს ზომის მიხედვით (რაც ზომით შეესაბამება ალუბლის ან კაკლის ზომას). პრეპარატის ერთჯერადი დოზა შეადგენს 2-4 გ-ს.

პრეპარატის წასმის შემდეგ აუცილებელია ხელების დაბანა. მკურნალობის ხანგრძლივობა დამოკიდებულია ჩვენებებზე და გამოვლენილ ეფექტზე (ეფექტის გასაძლიერებლად შესაძლებელია გელის გამოყენება ვოლტარენის სხვა სამკურნალო ფორმებთან ერთად). პრეპარატის ორკვირიანი გამოყენების შემდეგ აუცილებელია ექიმთან კონსულტაცია.

გვერდითი მოვლენები:

ადგილობრივი რეაქციები: ეგზემა, ფოტოსენსიბილიზაცია, კონტაქტური დერმატიტი (ქავილი, შეწითლება, კანის დამუშავებული უბნის შეშუპება, პაპულომები, ვეზიკულები, კანის აქერცვლა).

სისტემური რეაქციები: გენერალიზებული გამონაყარი კანზე, ალერგიული რეაქციები (ჭინჭრის ციება, ანგიონევროზული შეშუპება, ბრონქოსპასტიკური რეაქციები), ფოტოსენსიბილიზაცია.

უკუჩვენებები:

*მომატებული მგრძნობელობა დიკლოფენაკის ან პრეპარატის სხვა კომპონენტების მიმართ;

*აცეტილსალიცილმჟავის ან სხვა არასტეროიდული ანთების საწინააღმდეგო პრეპარატების მიმართ, “ასპირინული” ასთმა;

*ორსულობა (III ტრიმესტრი), ლაქტაციის პერიოდი;

*ბავშვთა ასაკი (12 წლამდე);

*კანის საფარის მთლიანობის დარღვევა.

ორსულობა და ლაქტაცია:

*პრეპარატის გამოყენება არ შეიძლება ორსულობის III ტრიმესტრში. გამოცდილება ლაქტაციის პერიოდში ამ პრეპარატის გამოყენების შესახებ არ არსებობს. ორსულობის I და II ტრიმესტრებში პრეპარატის გამოყენება შეიძლება მხოლოდ ექიმებთან კონსულტაციით.

განსაკუთრებული მითითებები:

პრეპარატი სიფრთხილით გამოიყენება შემდეგ შემთხვევებში: ღვიძლის პორფირია (გამწვავება), კუჭ-ნაწლავის ტრაქტის ეროზიულ-წყლულოვანი დაზიანებები, ღვიძლისა და თირკმელების ფუნქციის მწვავე მოშლა, გულის ქრონიკული უკმარისობა, ბრონქული ასთმა, ორსულობის I და II ტრიმესტრი.

ვოლტარენ ემულგელის წასმა უნდა მოხდეს მხოლოდ დაზიანებულ კანზე და თავიდან უნდა იქნეს აცილებული გელის მოხვედრა ღია ჭრილობებზე. გელის წასმის შემდეგ არ უნდა გაკეთდეს ოკლუზიური სახვევი. დაუშვებელია პრეპარატის მოხვედრა თვალებში და ლორწოვან გარსზე.

ჭარბი დოზირება:

გარეგანი გამოყენებისას პრეპარატის აქტიური კომპონენტების ძალიან დაბალი სისტემური აბსორბცია პრატიკულად შეუძლებელს ხდის ჭარბ დოზირებას.

სხვა წამლებთან ურთიერთქმედება:

ვოლტარენ ემულგელმა შეიძლება გააძლიეროს ისეთი პრეპარატების მოქმედება, რომლებიც იწვევენ ფოტო სენსიბილიზაციას. კლინიკურად მნიშვნელოვანი ურთიერთქმედება სხვა სამკურნალო საშუალებებთან არ რის აღწერილი.

შენახვის პირობები:

პრეპარატი ინახება არა უმეტეს 30⁰C ტემპერატურაზე, მშრალ, ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

DICLOFENAC

მწარმოებელი: MARION BIOTECH

მოქმედი ნივთიერება: დიკლოფენაკი

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო საშუალება.

შემადგენლობა და გამოშვების ფორმა:

საინექციო ხსნარი: ამპულაში 3 მლ,.

შეფუთვაში 5 ც.

1 მლ 1 ამპ.

დიკლოფენაკი ……………..    25 მგ 75 მგ

ტაბლეტები რეტარდი: შეფუთვაში 30 ც.

1 ტაბ.

დიკლოფენაკი ………………..50 მგ

ვრცლად ვოლტარენი(დოზირება, მიღების წესი ინდივიდუალური)

მწარმოებელი: www.kendy.com. ბულგარეთი.

შემადგენლობა:

ერთი კაფსულა შეიცავს:

L – კარნიტინი  ………………       500 მგ

მაგნიუმის სტეარატი ………          5 მგ

ფარმაკოლოგიური თვისებები:

L-კარნიტინი (l-carnitine) ორგანიზმში სინთეზირდება ღვიძლისა და თირკმელების მეშვეობით. ორგანიზმში L-კარნიტინის მწვავე უკმარისობა დაფიქსირებულია ნივთიერებათა ცვლის დარღვევის, ნერვული განლევის, ინფექციების, ორგანიზმის დაბერების, გულთან დაკავშირებული პრობლემების და განსაკუთრებით ინტენსიური ხანგრძლივი ფიზიკური დატვირთვების დროს. L-კარნიტინი არის ამინომჟავური ვიტამინისებური ნაერთი, რომელიც მონაწილეობს ცხიმოვანი მჟავების ცვლაში (ცხიმოვანი მჟავების ცვლის კოფერმენტი) და წარმოადგენს ბუნებრივ ნივთიერებას, რომელიც გვხვდება ორგანიზმის თითქმის ყველა უჯრედში.

მეტაბოლიზმში კარნიტინის განსაკუთრებით მნიშვნელოვანი როლი  – დაჟანგვის ადგილზე ცხიმოვანი მჟავების ტრანსპორტირების უზრუნველყოფა. მისი უნიკალური თვისება მდგომარეობს იმაში რომ, ის ზრდის უჯრედული მემბრანის შეღწევადობის ხარისხს ცხიმოვანი მჟავებისათვის. კარნიტინი, ცხიმოვანი ქსოვილის დაშლის სიჩქარის გაზრდის გარეშე და ენერგიით მომარაგების მიზნით ზრდის ლიპიდების გამოყენებას რის შედეგადაც მცირდება კანქვეშა–ცხიმოვან დეპოში ცხიმის მოლეკულების სინთეზის სიჩქარე.

კარნიტინის შესანიშნავ თვისებას წარმოადგენს მისი უნარი შეამციროს ორგანიზმში ქოლესტერინის შემცველობა და შეანელოს სისხლძარღვოვანი ათეროსკლეროზული ფოლაქების წარმოშობა. 
Vozitex-L -L ხელს უწყობს ღვიძლის დეტოქსიკაციის ფუნქციის, ცილის და გლიკოგენის სინთეზის  გაძლიერებას, რძის და პიროყურძნის მჟავის, ე.წ. „დაღლილობის ტოქსინების“, აქტიურ დაშლას.

გამოყენების წესები:

გვერდითი ეფექტები:

არ შეიმჩნევა

დოზირება:

ბავშვებში 4–8 წლამდე – 1 კაფსულა ერთჯერ დღეში;

9–18 წლამდე –  1 კაფსულა 2–ჯერ დღეში;

მოზრდილებსა და 18 წლის ზემოთ ბავშვებში  – 1 კაფსულა 3–ჯერ დღეში.

მიიღეთ ჭამის დროს ან ვარჯიშის  (სპორცმენები) წინ მცირე რაოდენობის წყალთან ერთად. წამლის მიღებისათვის  რეკომენდირებული დრო – 2 თვე.

განსაკუთრებული მითითებები და სიფრთხილის ზომები:

არ გადააჭარბოთ რეკომენდირებულ დოზას!

შეინახეთ ბავშვებისაგან დაცულ ადგილას!

არ გამოიყენოთ როგორც საკვები დანამატი კვების რაციონის გასამდიდრებლად!

შენახვა:

შეინახეთ მშრალ, სინათლისაგან დაცულ  ადგილას ტემპერატურაზე

გამოყენების ვადა მითითებულია შეფუთვაზე.

არ გამოიყენოთ ვარგისიანობის ვადის გასვლის შემთხვევაში.

მწარმოებელი: MUCOS PHARMA, გერმანია

კლინიკურ-ფარმაკოლოგიური ჯგუფი:

ანთების საწინააღმდეგო და იმუნომოდულატორული თვისებების მქონე პრეპარატი.

შემადგენლობა და გამოშვების ფორმა:

შემოგარსული ტაბლეტები: ბლისტერზე 20 ც., შეფუთვაში 2 ან 10 ბლისტერი.

1 ტაბ.

პანკრეატინი …………………..   100 მგ

პაპაინი  ………………………..    60 მგ

ბრომელაინი ………………….    45 მგ

ტრიფსინი     …………………    24 მგ

ქიმოტრიფსინი ………………     1 მგ

ამილაზა ……………………….    10 მგ

ლიპაზა ………………………..     10 მგ

რუტინი ……………………….      50 მგ

დამხმარე საშუალებები:

ლაქტოზა, სიმინდის სახამებელი, მაგნიუმის სტეარატი, სტეარინის მჟავა, გაწმენდილი წყალი, კოლოიდური სილიკონი (დიოქსიდი), ტალკი, საქაროზა.

ფარმაკოლოგიური თვისებები:

ფერმენტები წარმოადგენენ ორგანიზმის ცხოველქმედების საფუძველს, ისინი მონაწილეობენ პრაქტიკულად ყველა ბიოლოგიური პროცესის განხორციელებაში. ენზიმების აქტივობის დაქვეითება ხშირად იწვევს მწვავე და ქრონიკულ დაავადებებს.

ვობენზიმი წარმოადგენს ცხოველური და მცენარეული წარმოშობის ბუნებრივი მაღალაქტიური ენზიმების კომბინაციას. იგი შეიცავს მცენარეული და ცხოველური წარმოშობის ფერმენტებს, რომლებიც მიღებულია ანანასისა და პაპაისაგან და ცხოველების კუჭქვეშა ჯირკვლიდან. ორგანიზმში მოხვედრისას, ენზიმები შეიწოვებიან წვრილ ნაწლავში ინტაქტური მოლეკულების რეზორბციის გზით, სადაც ისინი უკავშირდებიან სისხლის სატრანსპორტო ცილებს და ამგვარი ნაერთების სახით ხვდებიან სისხლის მიმოქცევის სისტემაში. ენზიმები თავიანთი აქტივობის რეალიზაციას ახდენენ იმუნომამოდულირებელი, ანთების საწინააღმდეგო, ფიბრინოლიზური შეშუპების საწინააღმდეგო, ანტიაგრეგაციული და მეორადი ანალგეზიური მოქმედების საშუალებით, ამასთან ენზიმები პათოლოგიურ პროცესზე მოქმედებენ კომპლექსურად.

ვობენზიმი დადებითად მოქმედებს ანთების მსვლელობაზე, ზღუდავს აუტოიმუნური და იმუნოპათოლოგიური პროცესების გამოვლენას. ამასთან ერთად, იგი დადებითად მოქმედებს ორგანიზმის იმუნოლოგიური რეაქტიულობის მაჩვენებლებზე, ახორციელებს მონოციტი-მაკროფაგების ბუნებრივი კილერი უჯრედების სტიმულაციასა და ფუნქციური აქტივობის რეგულაციას, ასტიმულირებს სიმსივნის საწინაღმდეგო იმუნიტეტს, ციტოტოქსიკურ T-ლიმფოციტებს უჯრედების ფაგოციტურ აქტივობას.

ვობენზიმის მოქმედებით მცირდება მოცირკულირე იმუნური კომპლექსების რაოდენობა და ხდება იმუნური კომპლექსების მემბრანული დეპოზიტების გამოსვლა ქსოვილებიდან.

ვობენზიმი ამცირებს ინტერსტიციის ინფილტრაციას პლაზმური უჯრედებით, ხელს უწყობს ცილოვანი დეტრიტისა და ფიბრინის დეპოზიდების ელიმინაციას ანთების ზონიდან, აჩქარებს ნივთიერებათა ცვლის შედეგად წარმოქმნილი ტოქსიკური პროდუქტებისა და ნეკროზული ქსოვილების ლიზისს. აუმჯობესებს ჰემატომებისა და შეშუპების გაწოვას, ხელს უწყობს სისხლძარღვთა კედლების განვლადობის ნორმალიზირებას.

ვობენზიმი ამცირებს თრომბოქსანის კონცენტრაციას და თრმობოციტების აგრეგაციას. არეგულირებს:

სისხლის უჯრედების ადჰეზიას, აუმჯობესებს ერითროციტების დეფორმირებულობის უნარს მათი პლასტიურობის რეგულირებით, ახდენს ნორმალური დისკოციტების რიცხვის რეგულირებას, ამცირებს თრომბოციტების გააქტივებული ფორმების საერთო რაოდენობას, ამცირებს სისხლის სიბლანტეს, ამცირებს მიკროაგრეგატების საერთო რაოდენობას, და ამგვარად აუმჯობესებს სისხლის რეოლოგიურ თვისებებსა და მიკროცირკულაციას, შესაბამისად ქსოვილების მომარაგებას ჟანგბადითა და საკვები ნივთიერებებით.

ვობენზიმი ამცირებს ჰორმონული პრეპარატების მიღებით გამოწვეულ გვერდით ეფექტებს.

ვობენზიმის მეორადი ანალგეზიური თვისება მწვავე ანთებითი პროცესის ფაქტორებზე ზემოქმედების შედეგად ვლინდება.

ვობენზიმი აწესრიგებს ლიპიდურ ცვლას, ამცირებს ენდოგენური ქოლესტერინის სინთეზს, ზრდის მაღალი სიმკვრივის ლიპოპროტეინების კონცენტრაციას, ამცირებს ათეროგენული ლიპიდების დონეს, აუმჯობესებს პოლიუჯერი ცხიმოვანი მჟავების შეწოვას.

ვობენზიმი ხელს უწყობს ანტიბიოტიკების მაღალი კონცენტრაციის მიღწევას სისხლის პლაზმასა და ანთების კერაში და ამ გზით ზრდის მათ გამოყენების ეფექტურობას იმავდროულად, მასში შემავალი ენზიმები ამცირებენ ანტიბიოტიკების მიღებასთან დაკავშირებულ გვერდით ეფექტებს.

ვობენზიმი არეგულირებს არასპეციფიკური დაცვის მექანიზმებს (ინტერფერონების გამომუშავება), და ამგვარად ავლენს ანტივირუსულ და ანტიმიკრობულ მოქმედებას.

ჩვენებები:

• შემდეგი დაავადებების კომპლექსური თერაპია:

ანგიოლოგია: თრომბოფლებიტები, ზედაპირული ვენების პოსტტრომბოფლებიტური დაავადებისა და მწვავე თრომბოფლებიტების მკურნალობა, ქვემო კიდურების ენდარტერიტისა და მაობლიტირებელი ათეროსკლეროზის მკურნალობა, რეციდივული ფლებიტების პროფილაქტიკა, ლიმფური შეშუპება.

უროლოგია: შარდ-სასქესო ტრაქტის ანთებითი დაავადებები, ცისტიტი, ცისტოპიელიტი, პროსტატიტი. ინფექციები, შეშუპება.

გინეკოლოგია: ქრონიკული ინფექციები ადნექსიტი, ჰესტოზები, მასტოპათია. ჰორმონჩანაცვლებითი თერაპიის გართულების გამოხატულებისა და სიხშირის შესამცირებლად.

კარდიოლოგია: მიოკარდიუმის ინფარქტის შემდგომი პერიოდი (სისხლის რეოლოგიური თვისებების გასაუმჯობესებლად), გულის იშემიური დაავადება.

პულმონოლოგია: ზემო და ქვემო სასუნთქი გზების ანთება, სინუსიტი, ბრონქიტი, ბრონქოპნევმონია, ბრონქული ასთმა.

გასტროენტეროლოგია: პანკრეტატი. ჰეპატიტი.

ნეფროლოგია: პიელონეფრიტი, გლომერულონეფრიტი.

ენდოკრინოლოგია: დიაბეტური ანგიოპათია, დიაბეტური რეტინოაპათია, აუტოიიმუნური თირეოდიტი.

რევმატოლოგია: რევმატოდული ართრიტი, რეაქტიული ართრიტი, ბეხტერევის დააავადება.

დერმატოლოგია: ატოპიური დერმატიტი, გამონაყარი ფერიმჭამელებით.

ქირურგია: ოპერაციის შემდგომი გართულებების (ანთება, თრომბოზი, შეშუპება) პროფილაქტიკა და მკურნალობა, შეხორცებითი დაავადებები, პოსტტრავმული და ლიმფური შეშუპება, პლასტიური და რეკონსტრუქციული ოპერაციები.

ტრავმატოლოგია: ტრავმები, მოტეხილობები, დისტორსია, ამოვარდნილობები, დაჟეჟილობები, ქრონიკული და პოსტტრავმული პროცესები, რბილი ქსოვილების ანთება, დამწვრობა, ტრავმები სპორტულ მედიცინაში.

ნევროლოგია: გაფანტული სკლეროზი.

პროფილაქტიკა: მიკროცირკულაციის დარღვევა, პოსტსტრესული დარღვევები, ადაპტაციური მექანიზმების მოშლა. ჰორმონჩანაცვლებითი თერაპიის გვერდითი ეფექტების პროფილაქტიკა, ჰორმონული კონტრაცეპცია. ქირურგიული ჩარევის დროს ინფექციური გართულებებისა და შეხორცებითი დაავადების პროფილაქტიკისათვის.

ვობნეზიმი რეკომენდებულია ონკოლოგიური ავადმყოფებისათვის. ქიმიო და სხივური თერაპიის ჩატარების დროს ინფექციური დაავადების პროფილაქტიკისა და სიცოცხლის ხარისხის გასაუმჯობესებლად, ასევე ვირუსული ინფექციებისა და მათი გართულებების პროფილაქტიკისათვის.

მიღების წესი და დოზირება:

დაავადების აქტივობისა და სიმძიმის მიხედვით ვობენზიმი ინიშნება:

3-დან 10 ტაბლეტამდე 3-ჯერ დღეში. პრეპარატის მიღების პირველ 3 დღეს რეკომენდებული დოზაა 3 ტაბლეტი 3-ჯერ დღეში.

დაავადების საშუალო სიმძიმის დროს ვიბენზიმი ინიშნება 5-7 ტაბლეტი 3-ჯერ დღეში. 2 კვირის მანძილზე. შემდგომში დოზა უნდა შემცირდეს 3-5 ტაბლეტამდე 3-ჯერ დღეში, 2 კვირიანი კურსით.

დაავადების მაღალი აქტივობის შემთხვევაში, ვობენზიმი ინიშნება 7-10 ტაბლეტი 3-ჯერ დღეში, 2-3 კვირის განმავლობაში, შემდგომში დოზა მცირდება 5 ტაბლეტამდე 3-ჯერ დღეში, მკურნალობის კურსი 2-3 თვეს შეადგენს.

ქრონიკული, ხანგრძლივი და მიმდინარე დაავადებების დროს ვობენზიმი ინიშნება ხანგრძლივი კურსების სახით 3-დან 6 თვემდე ან უფრო ხანგრძლივად.

ანტიბიოტიკების აქტივობის გაზრდისა და დისბაქტერიოზის პროფილაქტიკის მიზნით, ვობენზიმი უნდა მივიღოთ ანტიბიოტიკოთერაპიის მთელი კურსის განმავლობაში დოზით 5 ტაბლეტი 3-ჯერ დღეში.

ანტიბიოტიკების კურსის შეწყვეტის შემდეგ, მიკროფლორის (ბიოცენოზი) აღსადგენად, ვობენზიმი ინიშნება 2-3 ტაბლეტი 3-ჯერ დღეში 2 კვირის მანძილზე.

დამცავი თერაპიის სახით გამოყენებისას, ქიმიო და სხივური თერაპიის კურსის დროს, ვობენზიმი ინიშნება 3-5 ტაბლეტი 3-ჯერ დღეში თერაპიის კურსის დასრულებამდე – ინფექციური გართულებების ასაცილებლად, ბაზისური თერაპიის ამტანობისა და სიცოცხლის ხარისხის გასაუმჯობესებლად.

პროფილაქტიკური მიზნით გამოყენების შემთხვევაში ვობენზიმის დოზა შეადგენს 2-3 ტაბლეტს 3-ჯერ დღეში, მკურნალობის კურსია 1.5 თვე, წელიწადში 2-3-ჯერ განმეორებით.

ტაბლეტების მიღება ხდება ჭამამდე 30 წუთით ადრე მაინც, დაუღეჭავად, საკმაო რაოდენობით წყალთან (200 მლ) ერთად.

გვერდითი მოვლენები:

ვობენზიმს პაციენტები კარგად იტანენ. უმრავლეს შემთხვევაში მისი გვერდითი მოქმედება არ იქნა გამოვლენილი მაღალი დოზებით და ხანგრძლივი მკურნალობის დროსაც კი.

ერთეულ შემთხვევებში აღინიშნება განავლის კონსისტენციისა და სუნის ცვლილება, კანის გამონაყარი ჭინჭრის ციების სახით, რომლებიც შექცევადია დოზის შემცირებასთან ერთად.

სხვა გვერდითი რეაქციის განვითარების შემთხვევაში რომელიც ინსტრუქციაში არ არის მითითებული, რეკომენდებულია პრეპარატის მიღების შეწყვეტა და ექიმის კონსულტაცია.

განსაკუთრებული მითითებები:

*ინფექციური პროცესის შემთხვევაში ვობენზიმი არ ცვლის ანტიბიოტიკებს, მაგრამ ზრდის მათ ეფექტურობას, რადგან ზრდის მათ კონცენტრაციას სისხლის პლაზმასა და ანთებით უბანში.

*ორსულობა და ლაქტაცია არ წარმოადგენს უკუჩვენებას პრეპარატის მიღებისათვის, მაგრამ ორსული ქალები პრეპარატს უნდა იღებდნენ ექიმის  მეთვალყურეობის ქვეშ.

*ანტიდოპინგური ცენტრის გამოკვლევების მაჩვენებლების მიხედვით, პრეპარატ ვობენზიმში  დოპინგური ნაერთები არ იქნა აღმოჩენილი.

*პრეპარატი არ ახდეს ნეგატიურ მოქმედებას ავტომობილის მართვაზე და იმ სამუშაოს შესრულებაზე, რომელიც მოითხოვს ფსიქიური და ფიზიკური რეაქციის მაღალ სიჩქარეს.

სხვა წამლებთან ურთიერთქმედება:

ვობენზიმის ერთდროული მიღებისას სხვა პრეპარატებთან ერთად, შეუთავსებლობის შემთხვევები არ იქნა გამოვლენილი.

შენახვის პირობები:

პრეპარატი ინახება ოთახის ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2.5 წელი.

საერთაშორისო დასახელება:

CHYMOTRIPSIN; TRYPSIN;PAPAIN

მწარმოებელი: MUCOS PHARMA, გერმანია

მოქმედი ნივთიერება: ქიმოტრიფსინი+ტრიფსინი+პაპაინი

კლინიკურ-ფარმაკოლოგიური ჯგუფი:

ფერმენტული საშუალება სისტემური ენზიმოთერაპიისათვის.

შემადგენლობა და გამოშვების ფორმა:

შემოგარსული ტაბლეტები: ბლისტერზე 20 ტაბ., შეფუთვაში 1, 2 და 5 ც.

1 ტაბ.

ქიმოტრიფსინი …………..     40 მგ

ტრიფსინი ………………….      40 მგ

პაპაინი……………………….      100 მგ

1 ტაბლეტი შეიცავს ცხოველების პანკრეასიდან და Carica papaya-ისგან მიღებული პროტეოლიზური ფერმენტების 200 მგ-ს.

ფარმაკოლოგიური თვისებები:

ენზიმები (ფერმენტები) მონაწილეობენ ორგანიზმის ცხოველქმედების პრაქტიკულად ყველა პროცესში; ენზიმების აქტივობის შემცირება ხშირად განაპირობებს ამა თუ იმ დაავადების განვითარებას. ენზიმების მნიშვნელოვან თვისებას წარმოადგენს დარღვეული იმუნიტეტის აღდგენის უნარი.

ვობე-მუგოს E ტაბლეტები დაფარულია კუჭის წვენის მოქმედებისაგან დამცავი გარსით.

იგი წარმოადგენს მაღალაქტიური მცენარეული და ცხოველური წარმოშობის ბუნებრივი ენზიმების მიზანმიმართულ კომბინაციას. პრეპარატი ააქტივებს ანტივირუსულ იმუნიტეტს, (NK უჯრედებს, ციტოტოქსიკურ T ლიმფოციტებს, მაკროფაგებს) და არეგულირებს ციტოკინების კონცენტრაციას. იგი ამცირებს სხივური და ქიმიოთერაპიის უარყოფით გავლენას ორგანიზმზე, პირველადი სიმსივნის პროგრესირების ტემპებს და მეტასტაზირების შესაძლებლობას, ახდენს ენდოთელიუმისა და სიმსივნური უჯრედების ადჰეზიური მოლეკულების ექსპრესიის ინჰიბირებას.

პრეპარატი აუმჯობესებს სისხლის რეოლოგიურ თვისებებსა და მიკროცირკულაციას, რაც ხელს უწყობს ტოქსიკური პროდუქტების გამოყოფასა და ქსოვილების ტროფიკის გაუმჯობესებას. ამასთან ერთად, იგი ხელს უწყობს იმუნური კომპლექსების ფრაგმენტაციას და მათ ელიმინაციას მაკროფაგების ფაგოციტური აქტივობის სტიმულირების ხარჯზე.

ჩვენებები:

• ვირუსული დაავადებების, ჰერპესული ინფექციების მკურნალობა: ჰერპეს ზოსტერი, მარტივი ჰერპესი, ასევე მათი მორეციდივე ფორმები;
• დამხმარე თერაპია ქიმიო- და სხივური თერაპიის დროს: ამცირებს ზემოთ აღნიშნული თერაპიის გვერდით მოვლენებს (იმუნოსუპრესია, პოსტრადიაციული მუკოზიტი, ფიბროზები), აუმჯობესებს ქიმიოპრეპარატებისა და სხივური თერაპიის მიმართ ტოლერანტობას.

მიღების წესი და დოზირება:

-ქიმიო- და სხივური თერაპიის კურსის ჩატარებისას, განსაკუთრებით, გვერდითი ეფექტების ან ქიმიო და სხივური თერაპიის მიმართ აუტანლობის განვითარებისას, რეკომენდებულია 3 ტაბლეტის მიღება 3-ჯერ დღეში ქიმიო- ან სხივური თერაპიის მთელი კურსის მანძილზე.

-მეტასტაზირების პროფილაქტიკისათვის ხანგრძლივი მკურნალობის დროს, რეკომენდებულია 2 ტაბლეტი 3-ჯერ დღეში. აუცილებლობის შემთხვევაში, პრეპარატის დოზა შეიძლება გაიზარდოს 5 ტაბლეტამდე 3-ჯერ დღეში. მკურნალობის კურსის ხანგრძლივობა განისაზღვრება ექიმის მიერ. ინდივიდუალურად თითოეული ავადმყოფისათვის.

-ვირუსული დაავადებების მკურნალობისათვის იღებენ 5 ტაბლეტს 3-ჯერ დღეში, ძირითადი კლინიკური სიმპტომების უკუგანვითარებამდე. მკურნალობა უნდა დაიწყოს რაც შეიძლება ადრე – დაავადების პირველი სიმპტომების განვითარებისთანავე.

ტაბლეტებს ღებულობენ დაუღეჭავად, ჭამამდე არანაკლებ 30 წთ-ით ადრე, წყლის საკმაოდ დიდ რაოდენობასთან (200 მლ) ერთად.

გვერდითი მოვლენები:

ჩვეულებრივ, პაციენტები პრეპარტს კარგად იტანენ. გვერდითი მოქმედება არ ვლინდება მისი მაღალი დოზებით ხანგრძლივი მკურნალობის დროსაც კი. ერთეულ შემთხვევებში, შესაძლებელია, განავლის ფერის, სუნისა და კონსისტენციის შეცვლა. პრეპარატის მაღალი დოზებით მიღებისა, ზოგჯერ აღინიშნება მუცლის შებერვა და დიარეა. ასეთ დროს პრეპარატის მიღების შეწყვეტა არ არის საჭირო. არამედ რეკომენდებულია დოზის დროებით შემცირება.

უკუჩვენებები:

*სისხლის შედედების პათოლოგიები (ჰემოფილია), ასევე ჰემოდიალიზის ჩატარებისას. ასეთ დროს აუცილებელია ექიმის მიერ კონტროლი. ორსულობის პერიოდში პრეპარატის მიღება უნდა მოხდეს ამ მდგომარეობისათვის ადექვატური სიფრთხილით.

სხვა წამლებთან ურთიერთქმედება:

სხვა პრეპარატებთან ერთად ერთდროული მიღებისას შეუთავსებლობის შემთხვევები ცნობილი არ არის.

-ანტიბიოტიკებთან ერთად მიღება ზრდის მათ კონცენტრაციას სისხლსა და სამიზნე ორგანოებში.

შენახვის პირობები:

პრეპარატი ინახება ოთახის ტემპერატურაზე, ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

VISHNEVSKY LINIMENTUM BALSAMICUM

მწარმოებელი: FITOPHARM

კლინიკურ-ფარმაკოლოგიური ჯგუფი:

ანტისეპტიური და ადგილობრივი გამაღიზიანებელი მოქმედების საშუალება. აჩქარებს რეგენერაციის პროცესს. გარე ხმარების კომბინირებული პრეპარატი

შემადგენლობა და გამოშვების ფორმა:

მალამო: ტუბში 40 გ

კომბინირებული პრეპარატი.

გარეგანი გამოყენების პრეპარატი. შემადგენლობა: 3  ნაწილი –  ქსეროფორმი, 3 ნაწილი – კუპრი, 89–94 ნაწილი – ქაფურის ზეთი.

სამკურნალო თვისებები:

ხასიათდება ანტისეპტიკური მოქმედებით, ქსოვილების რეგანერაცის დამაჩქარებელი (ჭრილობების შემახორცებელი) და ანთების საწინააღმდეგო თვისებების.

ჩვენებები:

ვიშნევსკის მაზი გამოიყენება აბსცესების, კარბუნკულის, ფურუნკულის, ჭრილობების, წყლულების, ნაწოლების, დამწვრობების, ფსორიაზის ტროფიკული წყლულების, გრანულირების სტადიაში ვარიკოზული ვენების მკურნალობისათვის. ქვედა კიდურების სისხლძარღვოვანი დაავადებისას (მაობლიტირებელი ენდარტერიტი, თრომბოფლებიტი), ლიმფადენიტი, ლიმფანგოიტი.

მიღების წესი:

ვიშნევსკის მაზს მოიხმარენ გარეგანად კომპრესის, ნახვევის და ტამპონის სახით.

ფურუნკული, კარბუნკული, პანარიციუმი – მომწიფების სტადიაში მყოფ ჩირქგროვაზე 8–12სთ–ით ადებენ ვიშნევსკის მაზს (მარლის სახვევი პრეპარატთან ერთად). სახვევის მოხსნის შემდეგ კანი იწმინდება (თავიდან სალფეთქით მშრალად, შემდეგ – სპირტით), შემდეგ ისევ მაზი იდება. შეიძლება ოკლუზიური სახვევის გამოყენებაც (მაზიანი კომპრესი, დაფარული ცელოფანით ან კომპრესის ქაღალდით).

თრომბოფლებიტისას დაავადებულ კიდურზე იდება რამდენიმე ფენა მაზით გაჟღენთილი მარლა. შესახვევი უნდა გამოიცვალოს დღეში 2–ჯერ, მონაცვლეობა ხდება ვიშნევსკისა და ჰეპარინის მაზის.

ორსულობა და ლაქტაცია:

არ არის მონაცემები.

განსაკუთრებული მითითებები:

არ არის მონაცემები.

შენახვის პირობები:

ინახება ბნელ, გრილ ადგილზე.

ვადა: 3 წელი.