საერთაშორისო დასახელება:

TOFISOPAM

მწარმოებელი: EGIS PHARMACEUTICALS PLC, უნგრეთი

მოქმედი ნივთიერება: ტოფიზოპამი

კლინიკურ–ფარმაკოლოგიური ჯგუფი:

ტრანკვილიზური საშუალება. ბენზოდიაზეპინების ჯგუფის დღის ანქსიოლიტიკი.

შემადგენლობა და გამოშვების ფორმა:

ტაბლეტები შეფუთვაში 20 ც.

1 ტაბ.

ტოფიზოპამი ……………  50 მგ

სხვა კომპონენტები:

ლაქტოზის მონოჰიდრატი, კარტოფილის სახამებელი, მიკროკრისტალური ცელულოზა, ჟელატინი, ტალკი, სტეარინის მჟავა, მაგნიუმის სტეარატი

ფარმაკოლოგიური თვისებები:

ბენზოდიაზეპინის წარმოებული – ტოფიზოპამი (2.3-ბენზოდიაზეპინი) სხვა ბენზოდიაზეპინების წარმოებულებისგან განსხვავდება, როგორც ქიმიური შემადგენლობით, აგრეთვე ფარმაკოლოგიური თვისებებით.

პრეპარატის ანქსიოლიზური ეფექტი დადგენილია ექსპერიმენტში ჩატარებული კვლევის შედეგად და დამტკიცებულია მისი კლინიკაში ფართოდ გამოყენების საფუძველზე. ამასთან, პრეპარატს არ გააჩნია სედატიური მოქმედება. პრეპარატი სხვა ანქსიოლიზურ საშუალებებთან შედარებით ეფექტურია ვეგეტატური კორელატების კორეგირების მხრივ, რომლებიც თან ახლავს შიშისა და დაძაბულობის შეგრძნებას. მიუხედავად იმისა, რომ პრეპარატს გააჩნია სუსტად გამოხატული ფსიქომასტიმულირებელი მოქმედება, იგი უარყოფითად არ მოქმედებს პაციენტის ფსიქიკურ და ფიზიკურ მდგომარეობაზე. პრეპარატი აძლიერებს ფსიქიკური კონცენტრაციის უნარს.

ვინაიდან პრეპარატს არ გააჩნია მიორელაქსაციური ეფექტი, იგი შესაძლებელია გამოყენებულ იქნას ნეირომუსკულური დაავადების არსებობის შემთხვევაშიც. ტოფიზოპამი თერაპიულ დოზებში არ ახდენს ალკოჰოლის ეფექტის პოტენცირებას.

პრეპარატის მიღებისას გვერდითი მოვლენები ძალიან იშვიათად აღინიშნება. იგი არ თრგუნავს გულ-სისხლძარღვთა ფუნქციას.

იმის გამო, რომ პრეპარატს არ გააჩნია სედატიური მოქმედება, იგი წარმოადგენს დღის ანქსიოლიზურ საშუალებას.

ჩვენებები:

• ფსიქიკური (ნევროზული) და სომატური დარღვევები რომლებსაც თან ახლავს შფოთვა, ვეგეტატიური დარღვევები, ენერგიისა და/ან მოტივაციის არარსებობა, აპათია, დაღლილობა, გუნება-განწყობის დაქვეითება;
• მკერდის არეში ფსევდოანგინოზური ტკივილის სიმპტომური მკურნალობა;
• ალკოჰოლის მოხსნის სინდრომი: ეს პრეპარატი ხელს უწყობს ვეგეტატიური სიმპტომებისა და აგზნების კუპირებას პრედელირიოზული და დელირიოზული მდგომარეობისას.
• გრანდაქსინის გამოყენება შეიძლება იმ შემთვევაშიც, როდესაც უკუნაჩვენებია მიორელაქსანტების მიღება. მაგალითად, მიასთენიის, მიოპათიისა და კუნთების ნევროგენული ატროფიის დროს.

მიღების წესები და დოზირება:

გრანდაქსინის მიღება შეიძლება მხოლოდ ექიმს დანიშნულებით. ნებისმიერი საკითხის გასარკვევად საჭიროა ექიმის ან ფარმაცევტის კონსულტაცია.

ჩვეულებრივი დოზები: 1-2 ტაბლეტი 1-3-ჯერ დღეში (დღე-ღამური დოზა 5-დან 300 მგ-მდე). არარეგულარული გამოყენებისას შეიძლება 1-2 ტაბლეტის მიღება.

მკურნალობის დაწყება შეიძლება ნებისმირი დასაშვები დოზით. დოზის თანდათანობითი ზრდა ჩვეულებრივ, არ არის საჭირო, ვინაიდან პრეპარატი ადვილად ასატანია და მისი მიღებისას, ჩვეულებრივ, არ აღინიშნება უძილობის შემცირება.

გრანდაქსინის ტაბლეტის მიღების დავიწყების შემთხვევაში არ უნდა იქნას მიღებული ორმაგი დოზა გამოტოვებული დოზების ასანაზღაურებლად. ექიმი განსაზღვრავს პრეპარატ გრანდაქსინით მკურნალობის კურსის ხანგრძლივობას. ექიმის მითითებები აუცილებლად უნდა შესრულდეს.

გვერდითი მოვლენები:

ავადმყოფებში, რომლებიც იღებენ ამ პრეპარატს, შეიძლება ქვემოთ ჩამოთვლილი გვერდითი მოვლენებიდან ყველა არ განვითარდეს.

გრანდაქსინის მიღებისას შეიძლება აღინიშნოს ნებისმიერი ქვემოთ ჩამოთვლილი მოვლენები: უმადობა, ყაბზობა, მეტეორიზმი, გულისრევა, პირის სიმშრალე, თავის ტკივილი, დაძაბულობის შეგრძნება, უძილობა, მომატებული გაღიზიანებადობა, აგზნება, გამონაყარი კანზე, ქავილი, კუნთების დაჭიმულობა, ტკივილი კუნთებში, სუნთქვის დარღვევა.

ზოგჯერ აღინიშნება სიყვითლე, შეიძლება აღინიშნოს გონების დაბინდვა, კრუნჩხვითი შეტევები ეპილეფსიით დაავადებულებში.

უკუჩვენებები:

*ალერგია, რომელიმე ზემოთ ჩამოთვლილი კომპონენტისა ან ნებისმიერი სხვა ბენზოდიაზეპინის მიმართ;

*სუნთქვის დეკომპენსირებული უკმარისობა ან რესპირატორული დისტრეს-სინდრომი;

*ანამნეზში ძილის დროს სუნთქვის შეწყვეტის სინდრომი;

*ანამნეზში კომატოზური მდგომარეობა.

*ორსულობის პირველი სამი თვე და ლაქტაციის პერიოდი.

არსებული დაავადებისას ან დანიშნული პრეპარატის შესახებ ზუსტი ინფორმაციის უქონლობისას საჭიროა ექიმის კონსულტაცია.

ორსულობა და ლაქტაცია:

გრანდაქსინი გადის პლაცენტარულ ბარიერს. ამ პრეპარატის გამოყენება უკუნაჩვენებია ორსულობის პირველი ტრიმესტრის განმავლობაში. ორსულ ქალებში ამ პრეპარატის დანიშვნამდე საჭიროა მკურნალობის შესაძლო სარგებლისა და რისკის გათვალისწინება.

ძუძუთი კვება: პრეპარატი რძით გამოიყოფა. ამიტომ მისი მიღება ძუძუთი კვების დროს არ არის რეკომენდებული.

განსაკუთრებული მითითებები:

აუცილებელია სიფრთხილე, ერთ-ერთი ქვემოთ ჩამოთვლილი დაავადების არსებობისას:

*ქრონიკული რესპირატორული დისტრეს-სინდრომი ან ანამნეზში სუნთქვის მწვავე უკმარისობა;

*თირკმელების და/ან ღვიძლის ფუნქციის დარღვევა (პრეპარატ გრანდაქსინის ეფექტი შეიძლება გაძლიერდეს);

*სხვა ფსიქიკური დაავადება (დეპრესია, ქრონიკული ფსიქოზი, ფობიები, აკვიატებული მდგომარეობები, პიროვნების დარღვევები). გრანდაქსინმა შეიძლება ზეგავლენა მოახდინოს ამ დაავადებათა სიმპტომებზე:

*ეპილეფსია (პრეპარატ გრანდაქსინის მიღებამ შეიძლება გამოიწვიოს კრუნჩხითი შეტევები);

*დახურულკუთხოვანი გლაუკომა.

გრანდაქსინის თითო ტაბლეტი შეიცავს ლაქტოზის 92 მგ-ს. ეს უნდა იყოს გათვალსიწინებული იმ ავადმყოფთათვის, რომელთაც აქვთ ლაქტოზის აუტანლობა.

ამ პრეპარატის მკურნალობისას არ შეიძლება ალკოჰოლური სასმელის მიღება.

ტრანსპორტისა და მექანიზმების მართვა: მიუხედავად იმისა, რომ გრანდაქსინი არ იწვევს ძილიანობას ან სედატიურ ეფექტს, პაციენტები არ უნდა მართავდნენ ტრანსპორტს და არ უნდა შეასრულონ უბედური შემთხვევების მაღალი რისკის მქონე სამუშაო, მკურნალობის პირველი კურსის დასაწყისში მაინც. შემდგომში ამ შეზღუდვის ხანგრძლივობა და ხარისხი ინდივიდუალურად დგინდება თითოეული პაციენტისთვის.

სხვა წამლებთან ურთიერთქმედება:

დაუშვებელია გრანდაქსინის მიღება შემდეგ პრეპარატებთან ერთად:

პრეპარატები, რომლებიც თრგუნავს ცენტრალური ნევრული სისტემის ფუნქციებს (ანალგეტიკები, ზოგადი ანესთეზიის საშუალეები, ანტიდეპრესანტები, H₁-ანტიჰისტამინური პრეპარატები, სედატიურ-საძილე, ანტიფსიქოზური), ღვიძლის ფერმენტების ინდუქტორები (ალკოჰოლი, ნიკოტინი, ბარბიტურატები, ეპილეფსიის საწინააღმდეგო საშუალებები), სოკოს საწინააღმდეგო ზოგიერთი პრეპარატი (კეტოკონაზოლი, ინტრაკონაზოლი), ზოგიერთი ანტიჰიპერტენზიული პრეპარატი (კლონიდინი, კალციუმის არხის ანტაგონისტები), დიგოქსინი, ვარფარინი, ანტაციდური და პერორალური კონტრაცეპტიული საშუალებები.

ჭარბი დოზირება:

ჭარბი დოზირებისას, დაუყოვნებლივ საჭიროა მიმართვა უახლოეს საავადმყოფოში. პაციენტმა თან უნდა იქონიოს ეს ინსტრუქცია და დარჩენილი ტაბლეტები ექიმის ინფორმირებისათვის.

ჭარბი დოზირების სიმპტომები: ცენტრალური ნერვული სისტემის ფუნქციათა დათრგუნვის სიმპტომები ვლინდება მხოლოდ მაღალი დოზების მიღების შემდეგ (50-120 მგ/კგ სხეულის წონაზე). ასეთმა დოზებმა შეიძლება გამოიწვიოს ღებინება, გონების დაბინდვა, კომა. სუნთქვის დათრგუნვა და/ან ეპილეფსიური შეტევები.

მკურნალობა: ცნს-ის ფუნქციების გამოხატული დათრგუნვისას არ არის რეკომენდებული ღებინების გამოწვევა. თუმცა შეიძლება კუჭის ამორეცხვა. აქტივირებული ნახშირის მიღება ხელს უწყობს პრეპარატის შეწოვის შემცირებას; ანტაგონისტის სახით შეიძლება ფლუმაზენილის (ანექსატის) შეყვანა, თუმცა იგი არ უნდა იქნას გამოყენებული პაციენტებში, რომლებიც იღებენ ტოფიზოპამს ან ტრიციკლურ ანტიდეპრესანტებს.

ასევე არ არის სასურველი მისი გამოყენება ბენზოდიაზეპინებისა ან ფლუმაზენილის მიმართ ჰიპერმგრძნობელობის შემთხვევაში, ან ანამნეზში ეპილეფსიის არსებობისას. საჭიროა ძირითადი ფიზიოლოგიური პარამეტრების მუდმივი მონიტორინგი და შესაბამისი სიმპტომური მკურნალობის ჩატარება.

სუნთქვის დათრგუნვისას ფლუმაზელენის შეყვანასთან ერთად შეიძლება დამხმარე სუნთქვის განხორციელება. ცნს-ის სტიმულატორების შეყვანა არ არის რეკომენდებული. ჰიპოტენზია ყველაზე კარგად აღმოიფხვრება სითხეების ი/ვ შეყვანის და პაციენტის მოთავსებით ტრენდელენბურგის მდგომარეობაში. თუ ამ ზომებით არ აღდგა ნორმალური არტერიული წნევა, შეიძლება დოფამინის ან ნორადრენალინის გამოყენება. დიალიზი და ფორსირებული დიურეზი უსარგებლოა.

შენახვის პირობები:

პრეპარატი ინახება 15-25⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: მითითებულია კოლოფზე.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

APROTININ

მწარმოებელი: GEDEON RICHTER

მოქმედი ნივთიერება: აპროტინინი

კლინიკურ–ფარმაკოლოგიური ჯგუფი:

ანტიფერმენტული აქტივობის სამკურნალო საშუალება;  გამოიყენება მწვავე პანკრეატიტის სამკურნალოდ.

შემადგენლობა და გამოშვების ფორმა:

საინექციო ხსნარი: ამპულაში 10 მლ, შეფუთვაში 25 ც.

1 მლ 1 ამ.

აპროტინინი …………………….. 10000 კსე 100000 კსე

ვრცლად კონტრიკალი

საერთაშორისო დასახელება:

FOLLITROPIN ALPHA

მწარმოებელი: ARES SERONO GROUP,შვეიცარია

მოქმედი ნივთიერება: ალფა ფოლიტროპინი

კლინიკურ–ფარმაკოლოგიური ჯგუფი:

ფოლიკულომასტიმულირებელი ჰორმონი.

შემადგენლობა და გამოშვების ფორმა:

ლიოფილიზირებული ფხვნილი საინექციო ხსნარის მოსამზადებლად: ამპულაში 1 მლ, შეფუთვაში 3 და 100 ც. გამხსნელთან (ამპულა 1 მლ) კომპლექტში

1 ამპ.

ალფა ფოლიტროპინი  …………………..       37.5 სე

1 ამპ.

ალფა ფოლიტროპინი …………………..         75 სე

1 ამპ.

ალფა ფოლიტროპინი  ……………………     150 სე

სხვა ინგრედიენტები: საქაროზა, ნატრიუმის ერთჩანაცვლებული ფოსფატი, ნატრიუმის ორჩანაცვლებული ფოსფატი, ფოსფორის მჟავა, ნატრიუმის ჰიდროქსიდი.

ფარმაკოკინეტიკა:

პრეპარატის ბიოშეღწევადობა კანქვეშ და კუნთებში შეყვანისას შეადგენს დაახლოებით 70%-ს. ვენაში შეყვანის შემდეგ იგი ნაწილდება ორგანიზმის ექსტრაცელულურ სივრცეში, რის გამოც მისი ნახევარგამოყოფის საწყისი პერიოდი შეადგენს დაახლოებით 2 საათს, მაშინ როდესაც საბოლოო ნახევარგამოყოფის პერიოდი ერთი დღეღამის ტოლია; პრეპარატის განაწილების მოცულობა 10 ლ-ის ტოლია, ხოლო საერთო კლირენსი შეადგენს 0.6 ლ/სთ. შეყვანილი დოზის 1/8 გამოიყოფა შარდთან ერთად.

ჩვენებები:

პრეპარატი გამოიყენება უნაყოფობის დროს, რომელიც განპირობებულია ანოვულაციის შედეგად ჰიპოთალამო-ჰიპოფიზური დარღვევებით, რომელთა თანმხლებია როგორც ოლიგომენორეა, ასევე ამენორეა (მათ შორის საკვერცხეების პოლიკისტოზის დროს).

პრეპარატი გამოიყენება აგრეთვე ოვულაციის სტიმულაციისათვის, როდესაც გამოყენებულია ჩასახვის დამხმარე რეპროდუქციული მეთოდი: in vitro განაყოფიერება, გამეტას ან ზიგოტას გადანერგვა ფალოპის მილში (მრავლობითი ფოლიკულების ზრდის სტიმულაცია).

ალფა ფოლიტროპინი წარმოადგენს ფოლიკულომასტიმულირებელ ჰორმონს, რომელიც მიიღება გენური ინჟინერიის მეთოდით ჩინური ჯიშის ზაზუნას საკვერცხეების გამოყენებით. პრეპარატი ხელს უწყობს საკვერცხეებში ფოლიკულების მომწიფებასა და ზრდას, იგი აგრეთვე ზრდის ესტროგენების დონეს. პრეპარატი ასტიმულირებს ენდომეტრიუმის პროლიფერაციას ქალებში, რომლებსაც დაქვეითებული აქვთ გონადოტროპინების ენდოგენური სეკრეცია.

მიღების წესები და დოზირება:

პრეპარატი განკუთვნილია კანქვეშ ან კუნთებში მისაღებად. ამისათვის მშრალი ნივთიერება უნდა გაიხსნას თანმხლებ გამხსნელში უშუალოდ გამოყენების წინ. 1 მლ გამხსნელში შესაძლებელია გავხსნათ 3 ამპულამდე 37.5; 75 და 150 სე-ის კონცენტრაციის მქონე პრეპარატი, რაც საშუალებაა გვაძლევს შევამციროთ შეყვანილი ინექციის მოცულობა.

ანოვულატორული უნაყოფობის დროს პაციენტებში, რომლებსაც შენარჩუნებული აქვთ მენსტრუალური ციკლი პრეპარატის მიღება რეკომენდებულია დაწყებულ იქნას ციკლის პირველი 7 დღის განმავლობაში პაციენტის რეაქციის მიხედვით. მკურნალობის კურსი აუცილებელია დადგინდეს ინდივიდუალურად, რომელიც განისაზღვრება ულტრაბგერითი გამოკვლევით ფოლიკულების ზომების განსაზღვრით და ესტროგენების სეკრეციის დონით. მკურნალობა საჭიროა დაწყებულ იქნის ყოველდღიური დოზებით 75-150 სე, რომლებიც 7-14 დღიანი ინტერვალის შემდეგ აუცილებლობის შემთხვევაში შესაძლოა გავზარდოთ 37.5 სე-ით (75 სე). იმ შემთხვევაში როდესაც არ არსებობს დადებითი ეფექტი 5 კვრიანი მკურნალობის შემდეგ პრეპარატის მიღება აუცილებლად უნდა შევწყვიტოთ.

ადამიანის ქორიონული გონადოტროპინის ერთჯერადი დოზა 10 000 სე-მდე შეჰყავთ ბოლო ინექციიდან 24-48 საათის შემდეგ. ინექციის დღეს და მომდევნო დღეს რეკომენდებულია პაციენტს ჰქონდეს კოიტუსი.

დამხმარე რეპროდუქციული მეთოდის ჩატარებისას ყოველდღიურად ინიშნება პრეპარატის 150-225 სე, ციკლის დაწყებიდან მე-2 ან მე-3 დღეს. მკურნალობა გრძელდება მანამ, სანამ არ წარმოიქმნება ადექვატური ფოლიკულები, რომელთა წარმოქმნაც მოწმდება ესტროგენის კონცენტრაციის მიხედვით შრატში და/ან ულტრაბგერითი გამოკვლევით. პრეპარატის დოზა რეგულირდება პაციენტის მდგომარეობის შესაბამისად ჩატარებული მკურნალობის მიხედვით. მაქსიმალური დოზა შეადგენს 450 სე-ს. ადამიანის ქორიონული გონადოტროპინის ერთჯერადი დოზა 100 000 სე-მდე შეჰყავთ ბოლო ინექციიდან 24-48 საათის შემდეგ, რაც ხელს უწყობს მომწიფებული ფოლიკულების საბოლოოდ ინდუცირებას.

უკურეგულაციისათვის ჩვეულებრივ გამოიყენება გონადოტროპინ-რილიზინგ ჰორმონის ანტაგონისტი, რომელიც თრგუნავს ენდოგენური მალუთეინიზირებელი ჰორმონის გამოყოფას, დგინდება რა ამ უკანასკნელის აუცილებელი მატონიზირებელი დონე. პრეპარატი ჩვეულებრივ გამოიყენება ანტაგონისტების მკურნალობის პარალელურად. ამასთანავე ორივე კურსის პროცედურა გრძელდება მანამ, სანამ არ იქნება მიღწეული ფოლიკულების განვითარების ადექვატური დონე.

გვერდითი მოვლენები:

ენდოკრინული და გინეკოლოგიური სტატუსის მხრივ: პრეპარატის მიღებისას შესაძლებელია საკვერცხეების ჰიპერსტიმულაციის სინდრომის განვითარება, რომლის პირველი სიმპტომებია მუცლის ქვედა არეში ტკივილის შეგრძნება, გულისრევა, ღებინება, სხეულის წონის მომატება; შედარებით მძიმე შემთხვევების დროს აღინიშნება საკვერცხეების ზომაში მომატება, საკვერცხეების კისტის წარმოქმნა, ასციტი, ჰიდროთორაქსი, თრომბოემბოლია.

პრეპარატის მიღებისას ქალებში, რომლებსაც აღენიშნებათ ფალოპის მილების დაავადება ანამნეზში, არსებობს საშვილოსნოს გარე ორსულობის შესაძლებლობის საფრთხე.

პრეპარატის შეყვანისას შესაძლებელია ისეთი ადგილობრივი რეაქციების განვითარება, როგორიცაა ტკივილის შეგრძნება და ჰიპერემია ინექციის ადგილას, ართრალგია და ცხელება.

უკუჩვენებები:

*პრეპარატის მიღება წინააღმდეგნაჩვენებია ორსულობის, საკვერცხეების ზომაში მომატების ან მათი კისტის წარმოქმნისას, აგრეთვე საკვერცხეების პოლიკისტოზის სინდრომის არსებობისას.

*პრეპარატის მიღება არ არის რეკომენდებული უცნობი ეტიოლოგიის გინეკოლოგიური სისხლდენების, სარძევე ჯირკვლის, საშვილოსნოს ან საკვერცხეების კარცინომის, ჰიპოფიზის ან ჰიპოთალამუსის სიმსივნის დროს.

*პრეპარატის მიღება წინააღმდეგნაჩვენებია მის მიმართ მომატებული მგრძნობელობის, აგრეთვე რეპროდუქციული სისტემის ფუნქციური და ორგანული დარღვევისას, რომელიც განაპირობებს პრეპარატის არაეფექტურ გამოყენებას: პირველი რიგის ოოციტების არ არსებობა, სასქესო ორგანოების არასწორი განვითარება, საშვილოსნოს ფიბრომა, რომელიც შეუთავსებელია ორსულობასთან.

განსაკუთრებული მითითებები:

პრეპარატის გამოყენების წინ საჭიროა დადგინდეს უნაყოფობის ფაქტის არსებობა და ორსულობის შესაძლო წინააღმდეგჩვენება. პაციენტს უნდა ჩაუტარდეს გამოკვლევა: ჰიპოთირეოზის, ადრენოკორტიკული უკმარისობის, ჰიპერპროლაქტინემიის, ჰიპოთალამუსის და ჰიპოფიზის სიმსივნის არსებობაზე. საჭიროების შემთხვევაში ტარდება მკურნალობის კურსი.

აუცილებელია პრეპარატის რეკომენდებული დოზის მკაცრად დაცვა. მხედველობაში უნდა ვიქონიოთ, რომ არსებობს საკვერცხეების ჰიპერსტიმულაციის და მრავლობითი ოვულაციის წარმოშობის შესაძლებლობა, ვინაიდან გასკდომისადმი მიდრეკილება გააჩნია საკვერცხეების დიდი ზომის კისტას.

მომატებულ ესტროგენულ რეაქციას იშვიათად მივყავართ მნიშვნელოვან ჰიპერსტიმულაციამდე, თუ ოვულაციის ინდუქციისათვის არ არის დანიშნული ქორიონული გონადოტროპინი. თუ არსებობს ესტროგენული რეაქციის მომატების ალბათობა, პაციენტებმა 4 დღის განმავლობაში თავი უნდა შეკავონ კოიტუსისაგან.

პაციენტებში, რომლებიც იტარებენ სუპეროვულაციის პროცედურას, არსებობს ჰიპერსტიმულაციის წარმოშობის ალბათობა, რომელიც შესაძლებელია ოვულაციის წინ ფოლიკულების გამოწოვის გზით დაქვეითდეს.

მრავალნაყოფიანი ორსულობის რისკის ხარისხი არსებობს იმ შემთხვევაში, როდესაც გამოყენებული ხელოვნური რეპროდუქციის ტექნოლოგია დაკავშირებულია ოოციტებისა და ემბრიონების რიცხვი შეცვლასთან. პრეპარატის გამოყენების შემდეგ, ისევე როგორც სხვა ოვულაციის მასტიმულირებელი პრეპარატების მიღებისას რიგ პაციენტებში აღინიშნება მრავალნაყოფიანი ორსულობისა და მშობიარობის რიცხვის გაზრდა. ამასთანავე მრავალნაყოფიანობის უმრავლეს შემთხვევაში იბადებიან ტყუპები. პრეპარატის მიღება რეკომენდებულია უშუალოდ მისი საინექციო ხსნარის მომზადებისთანავე.

ჭარბი დოზირება:

არ არსებობს მონაცემები ჭარბი დოზირების შესახებ. მიუხედავად ამისა, სავარაუდოა საკვერცხეების ჰიპერსტიმულაციის სინდრომის განვითარება.

სხვა წამლებთან ურთიერთქმედება:

პრეპარატისა და ოვულაციის სხვა მასტიმულირებელი საშუალებების ერთდროულმა მიღებამ შესაძლებელია გააძლიეროს ფოლიკულების წარმოქმნა, მაშინ როდესაც ჰიპოფიზის ერთდროულმა დესენსიტიზაციამ გონადოტროპინ-რილიზინგ-ჰორმონის აგონისტებით, შესაძლოა გამოიწვიოს პრეპარატის დოზის მომატების აუცილებლობა, რომელიც თავის მხრივ გამოიწვევს საკვერცხეების მხრივ ადექვატურ რეაქციას.

შენახვის პირობები:

პრეპარატი ინახება არაუმეტეს 25⁰C ტემპერატურაზე მშრალ, სინათლისაგან დაცულ ადგილას.

ვარგისიანობის ვადა: 2 წელი.

მწარმოებელი:

WORLD MEDICINE, დიდი ბრიტანეთი

საერთაშორისო დასახელება: comb.drug

კლინიკურ-ფარმაკოლოგიური ჯგუფი:

ანტიოქსიდანტი, იმუნომოდულატორი.

შემადგენლობა და გამოშვების ფორმა:

კაფსულები: ბლისტერზე 5 ც., შეფუთვაში 2 ბლისტერი.

1 კაფს.

ნატურალური ფუტკრის რძე

(ლიოფილიზატი HAD 5.8%) ……….   1000 მგ

ბეტა-კაროტინი

(A ვიტამინის პროვიტამინი) ………    2500 სე

ხორბლის ღივების ზეთი ……………..   500 მგ

ნივრის ფხვნილი …………………….     100 მგ

დამხმარე ნივთიერებები:

ეთილვანილინი, სოიოს ლეციტინი – 45%, ჰიდროგენიზირებული მცენარეული ზეთი (ტიპი I), ჰიდროგენიზირებული მცენარეული ზეთი (ტიპი II).

ფარმაკოლოგიური თვისებები:

გოლდ რეი წარმოადგენს რაციონალურად შერჩეული აქტიური ნივთიერებების კომპლექსს, რომელიც ორგანიზმს ეხმარება ფუნქციონალური შესაძლებლობების შენარჩუნებასა და გაუმჯობესებაში. პრეპარატში შემავალი კომპონენტები დადებით და ეფექტურ გავლენას ახდენენ, როგორც ორგანიზმის საერთო მდგომარეობაზე (ზრდიან ემოციური და ფიზიკური დატვირთვების ამტანობას), ასევე, მისი ცალკეული ორგანოების და სისტემების ფუნქციებზეც.

ნატურალური ფუტკრის რძე მდიდარია ორგანიზმისათვის სასიცოცხლო მნიშვნელობის ვიტამინებით, მინერალური ნივთიერებებით, ცილებითა და ამინომჟავებით. მისი გამოყენება ასტიმულირებს სასქესო ჰორმონების გამომუშავებას, ახდენს რეპროდუქციული ფუნქციის ნორმალიზებას მამაკაცებსა და ქალებში, ზრდის სექსუალურ აქტივობას.; ფუტკრის რძე ხელს უწყობს ძილის მოწესრიგებას, აღმოფხვრის შფოთვის, მოუსვენრობის შეგრძნებას;

გააჩნია იმუნომოდულაციური ეფექტი. ფუტკრის რძის შემადგენლობაში შემავალი კოლაგენი ხელს უშლის კანის დაბერების პროცესს და ამცირებს სახსრების დეგენერაციულ ცვლილებებს. გააჩნია მცირედ გამოხატული ანტიბაქტერიული ეფექტი.

ბეტა-კაროტინი წარმოადგენს A ვიტამინის პროვიტამინს; მისი A ვიტამინად გარდაქმნა ხდება ღვიძლში დაჟანგვის შედეგად. იგი დადებით ზემოქმედებას ახდენს მხედველობის ორგანოზე; აუცილებელია იმუნური სისტემის ნორმალური ფუნციონირებისათვის და მნიშვნელოვან როლს თამაშობს ინფექციასთან ბრძოლაში. აძლიერებს ორგანიზმის მდგრადობას ინფექციური დაავადებების მიმარ; გამოიყენება პრაქტიკულად კანის ყველა დაავადების სამკურნალოდ; იგი წარმოადგენს ძლიერ ანტიოქსიდანტს და სიმსივნურ დაავადებათა საპროფილაქტიკო და სამკურნალო საშუალებას. ბეტა-კაროტინის ანტიოქსიდანტური მოქმედება მნიშვნელოვან როლს თამაშობს გულ-სისხლძარღვთა დაავადებების და მათი გართულებების თავიდან აცილების თვალსაზრისით; ზრდის “სასარგებლო” ქოლესტერინის შემცველობას სისხლში.

ხორბლის ღივების ზეთი E ვიტამინის წყაროა და წარმოადგენს ძლიერ ანტიოქსიდანტს. იგი იცავს უჯრედებს თავისუფალი რადიკალების დამაზიანებელი მოქმედებისაგან, რითაც ხელს უშლის უჯრედების დაბერების პროცესს, აფერხებს სიბერის ლაქების განვითარებას; ხელს უწყობს A ვიტამინის ათვისებას და იცავს მას დაჟანგვისაგან; აფერხებს თრომბების წარმოქმნას; გააჩნია ანტიკანცეროგენული მოქმედება. გარდა ამისა, E ვიტამინით ხორბლის ღივების ზეთის სხვა კომპონენტებთან ერთად კომპლექსში იცავს სისხლძარღვთა კედლებს ათეროსკლეროზული დაზიანებისაგან; კურნავს სექსუალურ დისფუნქციას, როგორც მამაკაცებში, ასევე ქალებში.

ნივრის ფხვნილი, რომელიც დამზადებულია სპეციალური ტექნოლოგიით, იწვევს ქოლესტერინის დონის დაქვეითებას სისხლში; გააჩნია ანტიაგრეგაციული ეფექტი; ხელს უწყობს მომატებული არტერიული წნევის ნორმალიზებას; გააჩნია ანტიკანცეროგენული მოქმედება; ზრდის ორგანიზმის წინააღმდეგობის უნარს ბაქტერიული და სოკოვანი ინფექციების მიმართ.

ჩვენებები:

• გადაღლა, გონებრივი და ფიზიკური შრომისუნარიანობის დაქვეითება;
• აღდგენითი პერიოდი გადატანილი ინფექციური დაავადებების ოპერაციული ჩარევების, ტრავმების, სხივური და ქიმიოთერაპიის შემდეგ;
• ფიზიკური შესაძლებლობების სტიმულაცია (მაგ. სპორტსმენებში);
• კლიმაქტერული პერიოდი;
• უნაყოფობა;
• არასრულფასოვანი კვება;
• სახსრების დეგენერაციული დაავადებები;
• კანის დაავადებები;
• მხედველობის დარღვევები;
• ქრონიკული დაავადებების კომპლექსური მკურნალობა.

მიღების წესები და დოზირება:

ბავშვებში 12 წლის ასაკიდან და მოზრდილებში ინიშნება თითო კაფსულა დღე-ღამეში ერთხელ, ჭამის დროს ან ჭამის დამთავრებისთანავე.

გვერდითი მოვლენები:

რეკომენდებულ დოზებში პრეპარატის გამოყენებისას გვერდითი ეფექტები გამოვლენილი არ არის.

უკუჩვენებები:

მომატებული მგრძნობელობა პრეპარატის შემადგენლობაში შემავალი კომპონენტების მიმართ, ორსულობა, ლაქტაცია.

პრეპარატის გამოყენება რეკომენდებული არ არის 12 წლამდე ასაკის ბავშვებში.

განსაკუთრებული მითითებები:

პრეპარატის მიღება დღის მეორე ნახევარში რეკომენდებული არ არის.

შენახვის პირობები:

პრეპარატი ინახება არა უმეტეს 30⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი.

მწარმოებელი : სს ” თბილქიმფარმი “

სამკურნალწამლო ფორმა : ტაბლეტი

შემადგენლობა : 1 ტაბლეტი შეიცავს :

კალციუმის გლუკონატს ……………………  0.2 გ

ფენობარბიტალს ………………………….….  0.025 გ

ნატრიუმის კოფეინ – ბენზოატს ………… 0.005 გ

ბრომიზოვალს ………………………………..  0.07 გ

დამხმარე ნივთიერებები :

კარტოფილის სახამებელი , სტეარინის მჟავა

აღწერილობა : თეთრი ფერის ტაბლეტი .

ფარმაკოთერაპიული ჯგუფი :

კრუნჩხვების საწინააღმდეგო საშუალება .

ფარმაკოლოგიური თვისებები :

პრეპარატი ავლენს კრუნჩხვების საწინააღმდეგო მოქმედებას .

ჩვენება :

• ეპილეფსია

უკუჩვენება:

თირკმელების და ღვიძლის მძიმე დაავადებები , ალკოჰოლიზმი , ორსულობის პერიოდი , ლაქტაცია, სხვა სედატიურ საშუალებებთან ერთდროულად მიღება.

მიღების წესი და დოზირება :

პრეპარატი გამოიყენება პერორალურად . დოზა დგინდება ინდივიდუალურად . მოზრდილებში დოზა ვარირებს 2- დან 4 ტაბლეტამდე . მაქსიმალური დღეღამური დოზა შეადგენს 10 ტაბლეტს .
ბავშვებში იგი ინიშნება ასაკის მიხედვით და შეადგენს  1 / 2   ტაბლეტიდან 1 ტაბლეტამდე. მაქსიმალური დღეღამური დოზა 10 წლამდე ასაკის ბავშვებისათვის შეადგენს  5 ტაბლეტს .

პრეპარატის დოზას ზრდიან თანდათანობით შეტევის შეწყვეტამდე , მაგრამ არა უმეტეს რეკომენდებული დღეღამური მაქსიმიმალური დოზისა.

გვერდითი მოვლენები :

პრეპარატის გამოყენებისას პირველ დღეებში შესაძლებელია აღინიშნოს ძილიანობა , რომელიც ჩვეულებრივ რამოდენიმე დღის შემდეგ თავისთავად ქრება.

ჭარბი დოზირების შემთხვევაში   შესაძლებელია აღინიშნოს თავის ტკივილი, კოორდინაციის დარღვევა. ზემოთ აღნიშნული მოვლენები დოზის შემცირებისთანავე ქრება. 
ურთიერთქმედება სხვა სამკურნალო საშუალებებთან :

პრეპარატი ეპილეფსიის დროს გამოიყენება როგორც დამოუკიდებლად, ასევე სხვა კრუნჩხვების საწინააღმდეგო საშუალებებთან კომბინაციაში

( ძირითადად ძლიერი ტონურ – კლონური კრუნჩხვების დროს ).   გლუფერალი სხვადასხვა სახის ეპილეფსიური აბსანსების დროს გამოიყენება ოქსაზოლიდინთან კომბინაციაში.

განსაკუთრებული მითითებები :

პრეპარატის მიღების შეწყვეტა ხორციელდება დოზის თანდათანობითი შემცირების გზით . მისი მიღების მკვეთრი შეწყვეტის შემთხვევაში   შესაძლებელია შეტევის განახლება და მისი გახშირება, ხოლო ზოგიერთ შემთხვევაში   შესაძლებელია ეპილეფსიური სტატუსის განვითარება.

გამოშვების ფორმა :

#10 ტაბლეტი კონტურულ უჯრედოვან შეფუთვაში .

#10 ტაბლეტი კონტურულ არაუჯრედოვან შეფუთვაში,   2 ბლისტერი მუყაოს კოლოფში გამოყენების ინსტრუქციასთან ერთად.

შენახვის პირობები : ინახება მშრალ , სინათლისაგან დაცულ და ბავშვებისათვის მიუწვდომელ ადგილა , 15-25°C ტემპერატურაზე .

ვარგისიანობის ვადა : 5 წელი.

აფთიაქიდან გაცემის წესი : გაიცემა რეცეპტით .

საერთაშორისო დასახელება:

GLIQUIDONE

მწარმოებელი: BOEHRINGER INGELHEIM ELLAS,საბერძნეთი

მოქმედი ნივთიერება: გლიქვიდონი

კლინიკურ–ფარმაკოლოგიური ჯგუფი:

ჰიპოგლიკემიური საშუალება.

გამოშვების ფორმა:

შემადგენლობა და გამოშვების ფორმა

ტაბლეტები: შეფუთვაში 10 ც.

1 ტაბ.

გლიქვიდონი …………  30 მგ

დამხმარე ნივთიერებები:

ლაქტოზა, სიმინდის მშრალი სახამებელი, მაგნიუმის სტეარატი.

ფარმაკოლოგიური თვისებები:

გლურენორმი ასტიმულირებს კუჭქვეშა ჯირკვლის ბეტა-უჯრედების მიერ ინსულინის პროდუქციას.

ფარმაკოკინეტიკა:

გლურენორმი სწრაფად და თითქმის მთლიანად შეიწოვება კუჭ-ნაწლავის ტრაქტიდან. ერთჯერადი დოზის მიღების შემდეგ პლაზმაში მისი მაქსიმალური კონცენტრაცია 500-700 ნგ/მლ 0.5-1 საათში აღინიშნება, ხოლო 1 საათში 50%-ით ქვეითდება.

გლურენორმი ღვიძლში განიცდის სრულ მეტაბოლიზმს. მეტაბოლიტების ძირითადი ნაწილი ნაღველთან და განავალთან ერთად გამოიყოფა, უმნიშვნელო ნაწილი კი შარდთან ერთად. დოზის და მიღების გზის მიუხედავად შარდში (მეტაბოლიტების სახით) პრეპარატის მიღებული დოზის მხოლოდ 5% აღინიშნება. გლურენორმის რეგულარულად მიღების მიუხედავად, შარდთან ერთად მისი გამოყოფა მინიმალურია.

ჩვენებები:

II ტიპის შაქრიანი დიაბეტი საშუალო და ხანდაზმული ასაკის ავადმყოფებში (დიეტოთერაპიის არაეფექტურობის შემთხვევაში)

მიღების წესები და დოზირება:

აუცილებელია ექიმის რეკომენდაციის მკაცრი დაცვა. დაუშვებელია მკურნალობის თვითნებურად შეწყვეტა.

საწყისი დოზა: 0.5 ტაბლეტი (15 მგ) საუზმის დროს. საჭიროებისას, ექიმის რეკომენდაციის თანახმად, დასაშვებია დოზის თანდათანობითი გაზრდა.

სადღეღამისო დოზის გაზრდა 4 ტაბლეტამდე (120 მგ) ფარმაკოლოგიური ეფექტის გაძლიერებას არ იწვევს.

პერორალური ჰიპოგლიკემიური პრეპარატის სხვა მსგავსი მოქმედების მექანიზმის მქონე საშუალებით შეცვლისას საწყისი დოზის განსაზღვრა დაავადების სიმძიმეზეა დამოკიდებული. ასეთ შემთხვევაში საწყისი  დოზა ძირითადად 1/2-1 ტაბლეტის (15-30 მგ) ტოლია. დოზის შემდგომი ზრდა ექიმის მეთვალყურეობის ქვეშ მიმდინარეობს.

თუ გლურენორმის სადღეღამისო დოზა 12 ტაბლეტს (60 მგ) არ აღემატება, მისი მიღება შესაძლებელია ერთჯერადად საუზმის დროს, თუმცა აღსანიშნავია, რომ პრეპარატის სადღეღამისო დოზის ორჯერადად მიღებისას თერაპიული ეფექტი უმჯობესდება.

გლურენორმი უნდა იქნეს მიღებული ჭამის დროს უშუალოდ საკვების მიღების წინ.

გვერდითი მოთვლენები:

იშვიათად: ჰიპოგლიკემიური რეაქციები, კანის ალერგიული რეაქცები, სისხლმბადი სისტემის მხრივ ცვლილელები და კუჭნაწლავის ტრაქტის მხრივ გართულებები.

უკუჩვენებები:

* I ტიპის შაქრიანი დიაბეტი (ინსულინდამოკიდებული);

*დიაბეტური კეტოაციდოზი, პრეკომა, კომა;

*მომატებული მგრძნობელობა სულფანილშარდოვანას ან სულფანილამიდების წარმოებულების მიმართ;

*ორსულობისა და ლაქტაციის პერიოდები.

განსაკუთრებული მითითებები:

მიუხედავად იმისა, რომ გლურენორმი შარდთან ერთად უმნიშვნელო რაოდენობით გამოიყოფა და თირკმელების დაავადების დროს ხასიათდება კარგი ტოლერანტობით, თირკმელების მკვეთრად გამოხატული უკმარისობის ფონზე პრეპარატით მკურნალობა ექიმის გულმოდგინე მეთვალყურეობას საჭიროებს.

დაორსულების შემთხვევაში ავადმყოფმა პრეპარატის მიღება უნდა შეწყვიტოს და დაუყოვნებლივ მიმართოს ექიმს.

დიაბეტის ფონზე ავადმყოფებს აღენიშნებათ მიდრეკილება გულ-სისხლძარღვთა სისტემის ფუნქციის დარღვევების მხრივ, რომელთა განვითარების რისკის შემცირება დიეტის მკაცრი დაცვით არის შესაძლებელი. პერორალური ანტიდიაბეტური საშუალებები ვერ ცვლიან სამკურნალო დიეტას, რომელიც ავადმყოფის სხეულის მასის კონტროლის საშუალებას იძლევა. რეკომენდებული დოზირების დარღვევა, შაქრის, კამფეტების ან ტკბილი სასმელების მიღება ხელს უშლის ჰიპოგლიკემიური ეფექტის განვითარებას. ჰიპოგლიკემიური რეაქციის გახანგრძლივების შემთხვევაში საჭირო დაუყოვნებელი ღონისძიებების ჩატარება.

გლურენორმით მკურნალობისას ცხელების, გამონაყარის ან გულისრევის განვითარების შემთხვევაში საჭიროა ექიმთან კონსულტაცია.

გლურენორმით მკურნალობისას ალერგიული რეაქციის განვითარებისას საჭიროა პრეპარატის მიღების შეწყვეტა და სხვა ანტიდიაბეტური საშუალების ან ინსულინის დანიშვნა.

გლურენორმის დოზის შერჩევის ან სხვა პრეპარატით მისი შეცვლის დროს დაუშვებელია იმ სამუშაოს შესრულება, რომელიც ყურადღების მაქსიმალურ კონცენტრაციას მოითხოვს.

ჭარბი დოზირება:

ჰიპოგლიკემიური მდგომარეობა, კუჭ-ნაწლავის ტრაქტის მხრივ ცვლილებები. ჰიპოგლიკემიური მდგომარეობის განვითარების შემთხვევაში აუცილებელია გლუკოზის პერორალური ან ინტრავენური შეყვანა.

სხვა წამლებთან ურთიერთქმედება:

სალიცილატები, სულფანილამიდები, ფენილბუტაზონის ნაწარმები, ქლორამფენიკოლი, ტეტრაციკლინები, კუმარინის ნაწარმები, ციკლოფოსფამიდი, მაო-ს ინჰიბიტორები და ბეტა-ადრენობლოკატორები აძლიერებენ სულფანილშარდოვანას ჰიპოგლიკემიურ ეფექტს.

ქლორპრომაზინი, სიმპათომიმეტური საშუალებები, გლუკოკორტიკოსტეროდიები, თირეოდიული ჰორმონები, ჩასახვის საწინააღმდეგო პერორალური საშუალებები და ნიკოტინრის მჟავას შემცველი პრეპარატები ამცირებენ გლურენორმის ჰიპოგლიკემიურ ეფექტს.

გლურენორმი აქვეითებს ალკოჰოლის მიმართ ტოლერანტობას.

შენახვის პირობები და ვადა:

პრეპარატი ინახება არა უმეტეს 25⁰ Cტემპერატურაზე, მშრალ, ბნელ ადგილას. დაუშვებელია პრეპარატის გაყინვა.