21.29 ლარი
20.01 ლარი
ქვეყანა: რუმინეთი
მწარმოებელი: რომფარმა რუმინეთი
გაცემის ფორმა: III ჯგუფი ურეცეპტო
გინოტრანი – GYNOTRAN – ГИНОТРАН
შემადგენლობა და გამოშვების ფორმა:
კოლოფშია 14 ვაგინალური სანთელი 14 ცალ სათითურთან ერთად.
ერთი სანთელი შეიცავს 500 მგ. მეტრონიდაზოლს და 100მგ. მიკონაზოლის ნიტრატს.
მწარმოებელი: ემბილი/თურქეთი
ფარმაკოლოგიური თვისებები:
გინოტრანის ვაგინალურ სანთელს, მასში მეტრონიდაზოლის შემცველობის გამო, გამოხატული აქვს ანტიბაქტერიული და ანტიპროტოზოული მოქმედება, ხოლო მიკონაზოლ ნიტრატის არსებობაც, ანიჭებს მას ანტიფუნგალურ ეფექტს.
მეტრონიდაზოლს ახასიათებს ბაქტერიციდული მოქმედება ანაერობულ ბაქტერიებზე, რომლებიც იწვევენ ვაგინიტების განვითარებას, პირველ რიგში Gardnerella vaginalis-ზე და Trichomonas vaginalis-ზე. პრეპარატებზე ჩატარებულმა გამოკვლევებმა აჩვენეს მაღალი ეფექტურობა მისი ვაგინალური ფორმების გამოყენების დროს.
მიკონაზოლ ნიტრატი ფართო სპექტრის ანტიფუნგალური მოქმედების პრეპარატია, იმიდაზოლის წარმოებული, შეიძლება გამოყენებულ იქნას ადგილობრივად (ვაგინალურად), ეფექტურია მრავალი სახის პათოგენური სოკოების მიმართ, პირველ რიგში Candida albicas-ის მიმართ, აგრეთვე ზოგიერთი გრამდადებითი ბაქტერიების მიმართ.
მეტრონიდაზოლი თავის ეფექტს განახორციელებს მიკროორგანიზმის უჯრედზე შუალედური პროდუქტების (ჰიდროქსილური მეტაბოლიტების) ტოქსიური გავლენით.
მიკონაზოლი კი მიკოზური უჯრედების მემბრანის განვლადობის ცვლილებით და უჯრედის გლუკოზისადმი მოთხოვნილების ინჰიბირებით.
ფარმაკოკინეტიკა:
მეტრონიდაზოლის ვაგინალური გზით გამოყენების შემთხვევაში სისხლის პლაზმაში მისი კონცეტრაცია შეადგენს 2-12% ორალური ერთჯერადი დოზით მიღებული 500მგ. მეტრონიდაზოლის კონცეტრაციიდან. ეს მონაცემები თამაშობს მნიშვნელოვან როლს პრეპარატის ვაგინალური ხმარების დროს მეტრონიდაზოლის სისტემური მოქმედების მინიმალიზაციაში.
ვაგინალური გზით მიკონაზოლ ნიტრატის გამოყენებისას, ძალიან მცირე კონცენტრაცია შეიწოვება (დოზის 1,4%)
გინოტრანის ვაგინალურ სანთლებზე ჩატარებულმა გამოკვლევებმა აჩვენა, რომ სისხლის პლაზმა არ შეიცავს მიკონაზოლს, ხოლო მეტრონიდაზოლი წარმოდგენილია 1,6-7,2მკგრმლ-ით. (მეტრონიდაზოლის დონე ორალური გზით სტანდარტული დოზით – 200მგ-ის მიღებისას შეადგენს 5მკგმლ)
მეტრონიდაზოლი მეტაბოლიზირდება ღვიძლში, ნახევრად დაშლის პერიოდი შეადგენს 6 -11 სთ-ს. შეწოვილი დოზის 20% შეუცვლელი სახით გამოიყოფა შარდთან ერთად. 5 დღის მანძილზე 75%-გამოიყოფა შარდთან, ხოლო 15-% ფეკალურ მასებთან ერთად.
ჩვენება:
გამოიყენება ვაგინალური კანდიდოზის, ბაქტერიული ვაგინიტის (არასპეციფიური ვაგინიტი), ტრიხომონიაზისა და მიქს-ინფექციების ადგილობრივად სამკურნალოდ.
უკუჩვენება:
არ გამოიყენება გინოტრანის შემადგენლობაში შემავალი ნივთიერებებისა და მათი წარმოებულების მიმართ მომატებული მგრძნობელობის შემთხვევაში, ორსულობის პირველ ტრიმესტრში, პორფირიის, ეპილეფსიის და ღვიძლის ფუნქციების მძიმე დარღვევების დროს.
რეკომენდაციები, სიფრთხილე:
ორსულობის პირველი ტრიმესტრის შემდეგ, მკურნალობის მწვავე აუცილებლობის შემთხვევაში გინოტრანის ვაგინალური სანთელი ინიშნება ექიმის კონტროლის ქვეშ. მეძუძურმა ქალებმა მკურნალობის დროს უნდა შეწყვიტონ დედის რძის მიცემა ბავშვებისათვის, მეტრონიდაზოლის რძეში გადასვლის გამო. ძუძუთი კვება აღდგება მკურნალობის დასრულებიდან 24-48 სთ.-ში. გარკვეული რეაქციების აღმოცენების შესაძლებლობის გამო, რომელიც მსგავსია დისულფირამის გამოყენების შედეგად მიღებული რეაქციების, მკურნალობის პირველ 2 დღეს ალკოჰოლის მიღება არ შეიძლება.
ვაგინალური სანთლები არ ინიშნება კონტრაცეპტიულ დიაფრაგმასთან და პრეზერვატივებთან ერთდროულად, ამ უკანასკნელთა რეზინის დაზიანების გამო.
გინოტრანის სანთლით ტრიხომონადული ვაგინიტის მკურნალობის დროს, პარალელურად მკურნალობა უნდა ჩაუტარდეს სქესობრივ პარტნიორს.
გვერდითი მოვლენები, ადვერსიული მოქმედება.
გინოტრანის ვაგინალური სანთლების გამოყენებას შეიძლება თან ახლდეს ადგილობრივი და სისტემური გვერდითი რეაქციები, რაც დაკავშირებულია პრეპარეტში შემავალი მეტრონიდაზოლის და მიკონაზოლ ნიტრატის მოქმედებასთან.
ვაგინალური გზით მიკონაზოლ ნიტრატის გამოყენებამ, ისევე როგორც, იმიდაზოლის წარმოებული სხვა ანტიფუნგალური პრეპარატების ხმარებამ, 2-6% -ში შეიძლება გამოიწვიოს ვაგინალური ირიტაციის განვითარება (წვა, ქავილი), იშვიათად – თავის ტკივილი, ტკივილი მუცლის არეში, გამონაყარი კანზე. საშოს ლორწოვანის ანთების და ვაგინიტის გამო ვაგინალური ირიტაციის ნიშნები შეიძლება გამოვლინდეს მკურნალობის დაწყებიდან პირველ ან მესამე დღეს. თუ ირიტაციის ნიშნები სუსტადაა გამოხატული მკურნალობა გრძელდება, სიმპტომები თანდათან შემცირდება და შემდეგ გაივლის. ხოლო თუ გართულება სერიოზულ სახეს ატარებს მკურნალობა წყდება.
იმის გამო, რომ გინოტრანის შემადგენლობაში შემავალი მეტრონიდაზოლის დონე ვაგინალური გამოყენების დროს დაბალია(2-12%) ამ უკანასკნელის ორალური გზით მიღებულ კონცეტრაციასთან შედარებით, სისტემური გვერდითი მოვლენების განვითარების შესაძლებლობა ნაკლებია.
მეტრონიდაზოლის ორალური გზით მიღების შემდეგ ვითარდება შემდეგი გვერდითი მოვლენები: იშვიათად – ჰიპერსენსიბილიზაცია, ლეიკოპენია, ატაქსია.
პრეპარეტის მაღალი დოზებით ხანგძლივი გამოყენების შემთხვევაში-პერიფერიული ნეიროპათია, კონვულსიები, იშვიათად დიარეა, თავბრუსხვევა, თავის ტკივილი, მადის არარსებობა, გულისრევა, პირღებინება, ტკივილები ან სპაზმები მუცლის არეში, იშვიათად – გემოვნების შეცვლა, პირის სიმშრალე, შეკრულობა, საერთო სისუსტე.
გინოტრანის ვაგინალური გამოყენებისას მეტრონიდაზოლის სისხლის პლაზმაში დაბალი შემცველობის გამო აღნიშნული მოვლენები იშვიათად გვხვდება. მიკონაზოლ ნიტრატი ხელს უშლის ვაგინალური კანდიდოზის განვითარებას მეტრონიდაზოლით მკურნალობის დროს.
სხვა მოვლენების განვითარების შემთხვევაში მიმართეთ ექიმს!
სხვა პრეპარატებთან ურთიერთქმედება:
ალკოჰოლი: ალკოჰოლის აუტანლობა
ორალური ანტიკოაგულანტები: ანტიკოაგულანტების მოქმედების გაძლიერება
ფენითოინი: სისხლის პლაზმაში ფენითოინის დონის მომატება, მეტრონიდაზოლის დაკლება.
დისულფირამი: ეფექტები ცენტრალური ნერვული სისტემის მხრიდან
ციმეტიდინი: სისხლში მეტრონიდაზოლის დონის მატება, ნევროლოგიური გვერდითი მოვლენების მომატების რისკი.
ლითიუმი: ლითიუმის ტოქსიურობის მომატება
ასტემიზოლი და ტერფენადინი: სისხლის პლაზმაში მათი კონცეტრაციის მომატება.
მეტრონიდაზოლით მკურნალობის დროს შეიძლება აღინიშნებოდეს ურთიერთქმედება ღვიძლის ფერმენტების, გლუკოზის, თეოფილინის და პროკაინამიდის დონეებს შორის.
გამოყენების მეთოდი და დოზირება:
არ გამოიყენება ექიმის დანიშნულების გარეშე. მკურნალობის დასაწყისში ინიშნება ერთი ვაგინალური სანთელი ყოველ საღამოს 14 დღის განმავლობაში ან 7 დღის განმავლობაში დღეში 2 სანთელი, დილას და საღამოს.
რეციდივის შემთხვევაში, განმეორებითი მკურნალობის დროს 14 დღის განმავლობაში ინიშნება გინოტრანის 2 ვაგინალური სანთელი ასევე დილას და საღამოს.
გინოტრანის ვაგინალური სანთელი შეიყვანება მწოლიარე მდგომარეობაში საშოს სიღრმეში სათითურის მეშვეობით, რომელიც მოყვება კოლოფს.
მოხუცები: 65 წლის ზევით ინიშნება დიდების დოზა
ბავშვები: ბავშვებში არ ინიშნება
ქალიშვილებში არ გამოიყენება
არ მიიღება ორალური გზით!
დოზის გადაჭარბება და მკურნალობა:
გინოტრანის per os შემთხვევით მიღების შემთხვევაში აუცილებელია ხელოვნური ღებინების გამოწვევა და კუჭის გამორეცხვა. ანტიდოტი არ არსებობს, ინიშნება სიმპტომური თერაპია.
შენახვის პირობები:
ინახება ოთახის ტემპერატურაზე არა უმეტეს 25°C ტემპერატურაზე
მაცივარში მისი შენახვა არ შეიძლება.
ჰეელი-ვალერიანოჰელი 30მლ ფლ
კლინიკურ-ფარმაკოლოგიური ჯგუფი - ჰომეოპათიური საშუალებები
შემადგენლობა და გამოშვების ფორმა
წვეთები საწვეთურიან ფლაკონში 30 მლ ან 100 მლ.
100 გ (110 მლ) შეიცავს: Valeriana Q _ 65 g, Lupulus Q, Crataegus Q, Hypericum D1 _ შესაბამისად 5 გ, Melissa Q _ 3 g, Chamomilla Q, Avena sativa Q _ შესაბამისად 2 გ, Acidum picrinicum D5 _ 10 g; Kalium bromatum D1, Ammonium bro¬matum D1, Natrium bromatum D1 _ შესაბამისად 1 გ.
ჩვენებები
დამამშვიდებელი საშუალება მოუსვენრობის, შფოთვის, ნევრასთენიული მდგომარეობებისას.
მიღების წესები და დოზები
ჩვეულებრივ - 15 წვეთი 3-ჯერ დღეში. საღამოს, ძლიერი აგზნების ან უძილობის შემთხვევაში 25 წვეთი. ჩვილებში 2 წლამდე 3 წვეთი 3-ჯერ დღეში. 2-დან 6 წლამდე - 5 წვეთი, 6-დან 12 წლამდე - 10 წვეთი
გვერდითი მოვლენები
არ გააჩნია.
უკუჩვენება
არ გააჩნია.
განსაკუთრებული მითითებები
მოქმედებს დამამშვიდებლად, არ ახდენს გავლენას სატრანსპორტო საშუალებათა მართვის უშიშროებაზე.
Valerianaheel ინიშნება როგორც ბრომის შემცველი (3:1000) მცენარეული დამამშვიდებელი საშუალება, შიშის, მოუსვენარი მდგომარეობის, ტკივილის და ბავშვებში კბილების ამოჭრის დროს, სხვადასხვაგვარი უძილობისას, მ.შ., რაიმე დაავადებით გამოწვეული უძილობისას; კლიმაქტერიული ნევროზებისას უძილობის თანხლებით (Cralonin და Klimaktheel- თან ერთად).
პრეპარატი ნაჩვენებია, აგრეთვე, უძილობით მიმდინარე ცხელების და მწვავე ინფექციური დაავადებისას (Gripp-Heel, Bryaconeel, Traumeel S- თან ერთად).
პრეპარატის მიღებისას არ აღინიშნება მძიმე ნარკოტიკული ან ტოქსიკური გვერდითი ეფექტები. იგი დამამშვიდებლად მოქმედებს და არ ახდენს გავლენას სატრანსპორტო საშუალებათა მართვის უშიშროებაზე.
Valerianaheel- ის მოქმედება შეიძლება გაძლიერებულ იქნეს სხვა ნაჩვენები ბიოლოგიური პრეპარატებით, მაგ., _ Nux vomica-Homaccord, Hepeel _ ღვიძლის ფუნქციის დარღვევის შედეგად გამოწვეული უძილობისას (მჟავების მომატებული გამოყოფისას ღამის 2-დან 6 საათამდე, შემდგომი დაღლილობით დილით – გამოღვიძების შემდეგ).
სხვა წამლებთან ურთიერთქმედება
აღსანიშნავ თავისებურებათა გარეშე.
შენახვის პირობები და ვადები
დაიცავით გადახურებისგან! შეინახეთ ოთახის ტემპერატურაზე, მზის სხივების პირდაპირი ზემოქმედებისაგან დაცულ მშრალ, ბავშვებისთვის მიუწვდომელ ადგილას, (ტუბი, ფლაკონი) დაიხუროს გამოყენებისთანავე.
აფთიაქში გაცემის წესი
პრეპარატი გაიცემა ურეცეპტოდ
მწარმოებელი ფირმა, ქვეყანა
Biologische Heilmittel Heel GmbH
გერმანია
ქოლინარტი1000მგ/4მლ 4მლ #5
68.00 ლარი
63.92 ლარი
ქვეყანა: ბელორუსია
მწარმოებელი: ლეკფარმი
გაცემის ფორმა: II ჯგუფი რეცეპტული
გინო-ტრავოგენი ოვულუმ – GYNO – TRAVOGEN OVULUM – ГИНО-ТРАВОГЕН ОВУЛУМ
საერთაშორისო დასახელება:
ISOCONAZOLE
მწარმოებელი: Schering S. p A, იტალია
მოქმედი ნივთიერება: იზოკონაზოლის ნიტრატი
კლინიკურ-ფარმაკოლოგიური ჯგუფი:
ანტიმიკოზური საშუალება.
შემადგენლობა და გამოშვების ფორმა:
ვაგინალური სუპოზიტორიები: შეფუთვაში 1 ოვულა (2 ც. სათითურით).
1 სუპ.
იზოკონაზოლის ნიტრატი .............. 600 მგ
ფარმაკოლოგიური თვისებები:
პრეპარატი წარმოადგენს ანტიმიკოზურ საშუალებას ადგილობრივი გამოყენებისათვის გინეკოლოგიაში. ხასიათდება ფუნგისტატიკური მოქმედებით დერმატოფიტებზე. საფუარის მსგავს და ობის სოკოებზე. აქტიურია აგრეთვე ერითრაზმის და გრამდადებითი ბაქტერიების მიმართ.
ჩვენებები:
ყველა სახის დერმატომიკოზები, მათ შორის ხელმეორედ ინფიცირებული: კანდიდოზი, ერითრაზმა, ვაგინალური ინფექციურ-ანთებითი დაავადებები, რომლებიც გამოწვეულია პრეპარატის მიმართ მგრძნობიარე სოკოებით და/ან გრამდადებითი მიკროორგანიზმებით.
დოზირების რეჟიმი:
ოვულის შეყვანა ხდება ღრმად საშოში, სასურველია მწოლიარე მდგომარეობაში ღამით, ძილის წინ ერთხელ დღეში, ერთჯერადად. ამისათვის საჭიროა სპეციალური სათითურის გამოყენება, რომელიც თან ახლავს პრეპარატს.
პრეპარატის ერთჯერადი გამოყენებისას, არასაკმარისი ეფექტურობის შემთხვევაში შესაძლებელია კურსის გამეორება 10 დღის შემდეგ.
გვერდითი მოვლენები:
იშვიათად - გაღიზიანება წვის და ქავილის შეგრძნება საშოში პირველი 12-24 სთ-ის განმავლობაში.
უკუჩვენებები:
მომატებული მგრძნობელობა იზოკონაზოლის მიმართ.
ორსულობა და ლაქტაცია:
იზოკონაზოლის შემცველი პრეპარატების ორსულობის დროს გამოყენების გამოცდილებამ არ გამოავლინა მისი მავნე გავლენა ნაყოფზე. ძალიან მცირე აბსორბციისა (5%-ზე ნაკლები) და თერაპიის ხანმოკლე კურსის გამო, შეიძლება გამოირიცხოს ბავშვზე პრეპარატის მავნე ზემოქმედების ალბათობა ლაქტაციის დროს.
პედიატრიაში გამოყენება: პრეპარატი არ ენიშნებათ ქალწულებს.
განსაკუთრებული მითითებები:
მენსტრუაციის დროს პრეპარატის გამოყენება რა არის რეკომენდებული. ვულვო-ვაგინალური მიკოზების დროს რეკომენდებულია სქესობრივი პარტნიორის მკურნალობაც.
ჭარბი დოზირება:
დღეისათვის ცნობები დოზის გადაჭარბების შესახებ არ მოიპოვება.
სხვა წამლებთან ურთიერთქმედება:
არ არის აღწერილი.
შენახვის პირობები:
პრეპარატი ინახება ოთახის ტემპერატურაზე, ბავშვებისთვის მიუწვდომელ ადგილას.
ვარგისიანობის ვადა: 5 წელი.
აფთიაქიდან გაიცემა ექიმის რეცეპტით.
ჰაიზინი 6მგ/მლ 15მლ წვეთები
15.80 ლარი
14.85 ლარი
ქვეყანა: ინდოეთი
მწარმოებელი: ზეე ლაბორატორია
გაცემის ფორმა: II ჯგუფი რეცეპტული
გინო-ტარდიფერონი – GYNO-TARDIFERON – ГИНО-ТАРДИФЕРОН
საერთაშორისო დასახელება:
FERROUS SULFATE; FOLIC ACID
მწარმოებელი: Pierre Fabre Medicament Prduction, საფრანგეთი
მოქმედი ნივთიერება: რკინის სულფატის ჰიდრატი + ფოლის მჟავა
კლინიკურ-ფარმაკოლოგიური ჯგუფი:
რკინადეფიციტური ანემიის საწინააღმდეგო საშუალება.
შემადგენლობა და გამოშვების ფორმა:
შემოგარსული ტაბლეტები: ბლისტერზე 10 ტაბ., შეფუთვაში 3 ბლისტერი.
1 ტაბ.
რკინის სულფატის ჰიდრატი ............. 256.30 მგ
(ექვივალენტური 80 მგ რკინის)
ფოლის მჟავა ................................ 0.350 მგ
დამხმარე ნივთიერებები:
ტაბლეტის გული: ასკორბინის მჟავა, უწყლო მუკოპროტეაზა, კარტოფილის სახამებელი, მეთილმეთაკრილატის კოპოლიმერის მეთაკრილის მჟავა (ეუდრაგიტ S,) ტრიეთილციტრატი, პოვიდონი, ტალკი, მაგნიუმის სტეარატი, ჰიდროგენიზებული აბუსალათინის ზეთი, ტრისილიკატის მაგნიუმი.
გარსი: ძირითადი ბუტილირებული მეტაკრილის კოპოლიმერი (ეუდრაგიტი E), ტალკი, ტიტანის დიოქსიდი, ნატრიუმის ჰიდროკარბონატი, კარნაუბის ცვილი, სუკროზა.
ჩვენებები:
- რკინადეფიციტური და ფოლის დეფიციტური ანემიის მკურნალობა და პროფილაქტიკა;
- რკინის ფარული დეფიციტი ფოლის მჟავის დეფიციტთან ერთად ორსულობის და ლაქტაციის პერიოდში.
მიღების წესები და დოზირება;
ერთჯერადი დოზა: 1 ტაბლეტი.
სადღეღამისო დოზა: რკინის და ფოლის მჟავის დეფიციტის პროფილაქტიკის და ორსულობის დროს გამოხატული ზომიერი სიმძიმის ანემიის დროს მიიღება 1 ტაბლეტი დღე-ღამეში.
რკინის და ფოლის მჟავის გამოხატული დეფიციტის დროს ინიშნება 1 ტაბლეტი 2-ჯერ მთელი ამ პერიოდის განმავლობაში.
გვერდითი მოვლენები:
შიგნით მისაღები რკინის სხვა პრეპარატის მსგავსად, გინო-ტარდიფერონს შეუძლია გამოიწვიოს ფეკალური მასის გამუქება, რასაც არ აქვს კლინიკური ღირებულება.
იშვიათად შესაძლებელია გამოვლინდეს გვერდითი მოვლენები კუჭ-ნაწლავის მხრივ: ღებინება, ტკივილი ეპიგასტრიუმის არეში, დიარეა, ყაბზობა.
უკუჩვენებები:
ჰემოლიზური ანემიები, ჰემოსიდეროზი, ჰემოქრომატოზი, აპლასტიური ანემია, ვიტამინი B12, დეფიციტთან დაკავშირებული მეგალობლასტური ანემია.
ჭარბი დოზირება:
გინო-ტარდიფერონის რეკომენდებული დოზების მიღებისას არ ვლინდება დოზის გადაჭარბების სიმპტომები.
მიუხედავად ამისა, შემთხვევით დიდი რაოდენობით პრეპარატის შიგნით მიღებამ ბავშვებში, შესაძლებელია გამოიწვიოს დოზის გადაჭარბების სიმპტომები.
დოზის გადაჭარბების სიმპტომები: კუჭ-ნაწლავის ტრაქტის გაღიზიანება და ნეკროზი, რასაც უმეტეს შემთხვევაში თან ახლავს გულის რევა, ღებინება და შოკური მდგომარეობა. დოზის გადაჭარბების შემთხვევაში მიიღება უმი კვერცხი და რძე, რაც ხელს უწყობს რკინის იონების შებოჭვას კუჭ-ნაწლავის ტრაქტში და შესაბამისად მათ გაძევებას.
თუ პრეპარატი მიღებულია უახლოეს პერიოდში, ასეთ შემთხვევაში მისი გამოძევება ორგანიზმიდან შესაძლებელია ღებინების საშუალებით. მკურნალ ექიმს ასევე შეუძლია დანიშნოს კუჭის ამორეცხვა 1% ნატრიუმის ბიკარბონატის ხსნარით და დეფეროქსამინით. იმის გამო, რომ პრეპატი შეიცავს ფოლის მჟავის მცირე კონცენტრაციას, შესაბამისად არ არის მოსალოდნელი გამოვლინდეს მისი გადაჭარბების სიმპტომები.
სხვა წამლებთან ურთიერთქმედება:
შეუთავსებელია ანტაციდებთან და ტეტრაციკლინის დერივატებთან (ამცირებს შეწოვას);
თუ გინო-ტარდიფერონი მიიღება ანტაციდებთან, ტეტრაციკლინის რიგის ანტიბიოტიკებთან, მაგნიუმის და კალციუმის, ფოსფატის და ქოლესტირამინის მარილებთან ერთად, ასეთ შემთხვევაში უნდა ეცნობოს მკურნალ ექიმს ან ფარმაცევტს.
შენახვის პირობები:
პრეპარატი ინახება ოთახის ტემპერატურაზე, ბავშვებისთვის მიუწვდომელ ადგილას.
ვარგისიანობისა ვადა: 3 წელი.
უბიკარი 500მგ/10მლ 100მლ სიროფ
შემადგენლობა: 10 მლ. შეიცავს: L-კარნიტინი – 500 მგ. კოენზიმ Q-10 – 30 მგ.
ფარმაკოლოგიური თვისებები: L-კარნიტინი მიეკუთვნება ვიტამინისმაგვარ ნივთიერებებს (ვიტ. Вт – ,,ზრდის ვიტამინი”); მას აქვს ანაბოლური და ანტიოქსიდანტური მოქმედება, L-კარნიტინს გადააქვს გრძელჯაჭვიანი ცხიმოვანი მჟავები მიტოქონდრიის მემბრანაზე, ხელს უწყობს CoA–ის შეღწევას უჯრედში. L-კარნიტინი ხელს უწყობს სხეულის ზედმეტი წონის შემცირებას და ამცირებს კუნთებში ცხიმის დაგროვებას. ის ზრდის საჭმლის მომნელებელი სისტემის წვენების სეკრეციას (კუჭისა და ნაწლავის) და აუმჯობესებს მათ ფერმენტულ აქტივობას, აუმჯობესებს საჭმლის მონელების პროცესს; კოენზიმ Q-10 (უბიქინონი) – ენდოგენური ვიტამინისმაგვარი ნივთიერებაა, რომელიც სინთეზდება ღვიძლში; ის მონაწილეობს მიტოქონდრიებში ატფ-ის სინთეზში; კოენზიმ Q-10-ს აქვს ანტიოქსიდანტური მოქმედება. კოენზიმ Q-10 ამცირებს დაბალი სიმკვრივის ლიპოპროტეიდების, ტრიგლიცერიდების კონცენტრაციას სისხლში. ის აძლიერებს ორგანიზმში არსებული ფერმენტების მოქმედებას. კოენზიმ Q-10 ლეციტინის სინთეზის სტიმულაციის გზით აუმჯობესებს ღვიძლისა და თირკმელების ფუნქციას, ხელს უშლის ქვების წარმოქმნას ნაღვლის ბუშტში. კოენზიმ Q-10 ხელს უწყობს აცეტილქოლინის სინთეზის სტიმულაციას და ააქტიურებს ქოლინერგულ პროცესებს თავის ტვინში. კოენზიმ Q-10 ანორმალიზებს არტერიულ წნევას, გულის კუნთს უზრუნველყოფს ენერგიით – იცავს მიოკარდიუმს ინფარქტის განვითარებისგან. კოენზიმ Q-10 ხელს უწყობს ცხიმების წვას, ამცირებს სხეულის წონას. L-კარნიტინი და კოენზიმ Q10 კომბინაციაში აძლიერებენ ერთმანეთის მოქმედებას.
ფარმაკოლოგიური მოქმედება: უბიკარი აღმოფხვრის კარნიტინის დეფიციტს მისი დეფიციტის მქონე და დიალიზზე მყოფ პაციენტებში. უბიკარი ზრდის მიოკარდიუმისა და განივზოლიანი კუნთების კუმშვით ფუნქციას, ზრდის ტოლერანტობას ფიზიკური დატვირთვისადმი. აუმჯობესებს გარეგან სუნთქვას. არეგულირებს გლუკოზის დონეს სისხლში. უბიკარი ცხიმოვან ქსოვილს ამდიდრებს ჟანგბადით, რაც იწვევს ცხიმების წვის სტიმულაციას, ამცირებს ცხიმების შემცველობას ქსოვილებში და გაცხიმოვნების მქონე პაციენტებში იწვევს წონის დაკლებას. ასტიმულირებს თავის ტვინში მიმდინარე მეტაბოლურ პროცესებს, ზრდის ათვისების, დასწავლის უნარს, ამაღლებს გონებრივ და ფიზიკურ შესაძლებლობებს. უბიკარი აუმჯობესებს დღენაკლი და სუსტი ბავშვების ფიზიკურ განვითარებას.
ჩვენებები:
- - კარნიტინის პირველადი და მეორადი დეფიციტი;
- - ახალშობილთა ასფიქსია, სამშობიარო ტრავმები;
- - ახალშობილთა ჰიპოტროფია და ჰიპოტონია;
- - პარენტერალურ კვებაზე მყოფი დღენაკლი ახალშობილები;
- - ჰემოდიალიზზე მყოფი ბავშვები და მოზრდილები; ფიზიკურ და გონებრივ განვითარებაში ჩამორჩენა ბავშვებში; წონის დეფიციტი; ანორექსია;
- - თავის ტვინის სისხლის მიმოქცევის დარღვევა, ტრავმული ენცეფალოპათია, დემენცია, ალცჰაიმერის დაავადება, პარკინსონიზმი;
- - ჰიპოაციდური გასტრიტი, ქრონიკული პანკრეატიტი, ღვიძლის ციროზი და ცხიმოვანი დისტროფია;
- - შაქრიანი დიაბეტი; თირეოტოქსიკოზი; სიმსუქნე; - გლუკოკორტიკოიდებისა და სტატინების ხანგრძლივი გამოყენება;
- - ოპერაციისშემდგომი რეაბილიტაციის პერიოდი, ფიზიკური ძალის მოსამატებლად დასუსტებულ ავადმყოფებში;
- - კუნთოვანი დისტროფიები;
- - ანემიები;
- - ქრონიკული დაღლილობის სინდრომi,
- - სპორტულ მედიცინაში ინტენსიური ვარჯიშების დროს დატვირთვის ამტანობის გასაზრდელად;
გამოშვების ფორმა: სიროფი 100 მლ.
დოზირება და მიღების წესი: 10 მლ. 1-3-ჯერ დღეში.
გამოყენებამდე ბოთლი შეანჯღრიეთ. შეიძლება სიროფმა ფერი შეიცვალოს.
წინააღმდეგჩვენებები: ინდივიდუალური აუტანლობა პრეპარატში შემავალი კომპონენტების მიმართ.
აფთიაქიდან გაცემის წესი: გაიცემა ურეცეპტოდ.
მწარმოებელი: GRICAR CHEMICAL s.r.l Italy
ცენტრალ B #30კაფს
ცენტრალ B
შემადგენლობა
კაფსულა შეიცავს:
აქტიური ნივთიერებები:
პასიფლორას მშრალი წყალ-სპირტიანი ექსტრაქტი 25 მგ
კუნელის მშრალი წყალ-სპირტიანი ექსტრაქტი 25 მგ
კატაბალახას მშრალი წყალ-სპირტიანი ექსტრაქტი 100 მგ
დამხმარე ნივთიერებები: მაგნიუმის კარბონატი, უწყლო კოლოიდური სილიციუმი, მაგნიუმის სტეარატი, მიკროკრისტალური ცელულოზა, ლაქტოზა.
კაფსულის გარსის შემადგენლობა: ჟელატინი, ტიტანის დიოქსიდი, ნატრიუმის ინდიგოტინდისულფონატი, ერითროზინი, რკინის ყვითელი ოქსიდი, რკინის წითელი ოქსიდი, რკინის შავი ოქსიდი.
აღწერილობა: ყავისფერი ფხვნილით სავსე კაფსულები თეთრი ფერის ჩანართებით, ზომით #0, ვარდისფერი კორპუსით, მწვანე სახურავით.
ცენტრალ-ბ - სედაციური მოქმედების კომბინირებული ფიტოპრეპარატი. მის შემადგენლობაში შედის სამი კომპონენტი - პასიფლორას, კუნელისა და კატაბალახას მშრალი წყალ-სპირტიანი ექსტრაქტები.
პასიფლორას ექსტრაქტი შეიცავს ალკალოიდებს და ფლავონოიდ _ ვიტექსინს, გააჩნია მსუბუქი დამამშვიდებელი მოქმედება ცენტრალურ ნერვულ სისტემაზე, ხელს უწყობს ძილის მოწესრიგებას, ამცირებს შფოთვას, გააჩნია სპაზმოლიზური მოქმედება გლუვ კუნთებზე, აუმჯობესებს გულის მუშაობას, გააჩნია სედაციური ეფექტი.
კუნელის ექსტრაქტი შეიცავს ფლავონოიდებს, ქოლინს, აცეტილქოლინს, მთრიმლავ ნივთიერებებს, ფიტოსერინს და სხვა.; ფლავონოიდების შემცველობის გამო გააჩნია სპაზმოლიზური მოქმედება, ახდენს გულისა და თავის ტვინის სისხლძარღვების შერჩევით გაფართოებას; ახდენს ჰიპოტენზიურ მოქმედებას; ხელს უწყობს ვენური წნევის ნორმალიზებას, აუმჯობესებს სისხლძარღვების კედლის ფუნქციას; გააჩნია მსუბუქი სედაციური მოქმედება.
კატაბალახას ექსტრაქტი შეიცავს ეთერზეთებს, რომელთა ძირითად კომპონენტებს შეადგენს ბორნეოლის და იზოვალერიანმჟავას რთული ეთერი, ასევე თავისუფალი ვალერიანმჟავა და ბორნეოლი, ორგანული მჟავები (მათ შორის ვალერიანმჟავა, რომელიც ახდენს სპაზმოლიზურ მოქმედებას), ალკალოიდები (ვალერინი და ხატინინი), მთრიმლავი ნივთიერებები, შაქარი და სხვა ბიოლოგიურად აქტიური ნივთიერებები. ახასიათებს სედაციური მოქმედება, ამცირებს დაძაბულობას და გაღიზიანებას, რაც დამახასიათებელია ფსიქიკური გადაღლისა და ნევრასთენიისთვის.
პრეპარატის მოქმედება განისაზღვრება მის შემადგენლობაში შემავალი კომპონენტების კომბინირებული მოქმედებით, ამდენად კინეტიკური დაკვირვებების ჩატარება შეუძლებელია.
- მომატებული ნერვული აგზნებადობა;
- ნერვული დაძაბულობა;
- გაღიზიანებადობა;
- შფოთვის, დათრგუნვის შეგრძნება;
- ძილის დარღვევა, უძილობა.
ცენტრალ-ბ მიიღება შიგნით, დიდი რაოდენობით სითხესთან ერთად.
პრეპარატი განკუთვნილია მოზრდილებისა და 12 წლის ზემოთ ასაკის ბავშვებისთვის.
მომატებული ნერვული აგზნებადობის, ნერვული დაძაბულობის, გაღიზიანებადობის, განგაშის და დათრგუნვის შეგრძნების დროს ინიშნება 1-2 კაფსულა 3-ჯერ დღეში.
მაქსიმალური სადღეღამისო დოზა _ 6 კაფსულა.
ძილის დარღვევისა და უძილობისას ინიშნება 2 კაფსულა ძილის წინ, ნახევარი საათით ადრე.
პრეპარატი ცენტრალ-ბ ჩვეულებრივ კარგად გადაიტანება.
იშვიათად: ალერგიული რეაქციები, სისუსტე.
- მომატებული მგრძნობელობა პრეპარატის კომპონენტების მიმართ;
- ბავშვთა ასაკი 12 წლამდე.
ორსულობისა და ლაქტაციის პერიოდში პრეპარატის გამოყენება მიზანშეწონილია მხოლოდ იმ შემთხვევაში, თუ მოსალოდნელი სარგებელი დედისთვის გაცილებით აღემატება შესაძლო რისკს ახალშობილისთვის.
პრეპარატით მკურნალობის ხანგრძლივობა არ არის შეზღუდული. პრეპარატის მოხსნისას აბსტინენციის სიდრომი არ ვითარდება. პრეპარატი უკუნაჩვენებია რაიმე სერიოზული დაავადების გადატანის შემდეგ.
ცენტრალ-ბ მიიღება ძილის დარღვევის და ნერვული აგზნებადობის მსუბუქი ფორმების დროს. პრეპარატის გამოყენებისას რეკომენდებულია ალკოჰოლის მიღებისგან თავის შეკავება.
ზემოქმედება ავტომობილისა და სხვა მექანიზმების მართვაზე
პრეპარატის გამოყენებისას მიზანშეწონილია თავის შეკავება ისეთი ქმედებებისგან, რომლებიც მოითხოვენ გაძლიერებულ ყურადღებასა და ფსიქომოტორული რეაქციების სისწრაფეს, რადგან შესაძლოა ძილიანობის განვითარება დღის განმავლობაში.
სიმპტომები: თავბრუსხვევა, მუცლის სპაზმური ტკივილი, გუგების გაფართოება, გულისრევა, ღებინება.
მკურნალობა: შესაძლებელია კუჭის ამორეცხვა, საჭიროების შემთხვევაში სიმპტომური მკურნალობა.
ცენტრალ-ბ აძლიერებს საგულე გლიკოზიდების, ტრანკვილიზატორების, ცნს-ზე დამთრგუნველი ეფექტის მქონე პრეპარატების, ასევე ალკოჰოლის მოქმედებას.
ინახება მშრალ, სინათლისგან დაცულ, ბავშვებისთვის მიუწვდომელ ადგილას, არა უმეტეს 25°C ტემპერატურის პირობებში.
ვარგისიანობის ვადა
3 წელი წარმოების თარიღიდან.
ნუ გამოიყენებთ ვარგისიანობის ვადის გასვლის შემდეგ.
III ჯგუფი (გაცემის რეჟიმი: ურეცეპტოდ).
გინო-პევარილი – GYNO-PEVARYL – ГИНО-ПЕВАРИЛ
საერთაშორისო დასახელება:
ECONAZOLE
მწარმოებელი: JANSSEN-CILAG
მოქმედი ნივთიერება: ეკონაზოლის ნიტრატი
კლინიკურ-ფარმაკოლოგიური ჯგუფი:
ფართო სპექტრის სოკოს საწინააღმდეგო საშუალება; იმიდაზოლის წარმოებული; ფუნგიციოდური და ბაქტერიციდული მოქმედების.
შემადგენლობა და გამოშვების ფორმა:
ვაგინალური სუპოზიტორიები: ბლისტერზე 5 ც., შეფუთვაში 3 ბლისტერი.
1 სუპ.
ეკონაზოლის ნიტრატი ............. 50 მგ
ვაგინალური სუპოზიტორიები: ბლისტერზე 3 ც., შეფუთვაში 1 ბლისტერი.
1 სუპ.
ეკონაზოლის ნიტრატი ............ 150 მგ
ფარმაკოდინამიკა:
ეკონაზოლის ნიტრატი ხასიათდება მოქმედების ფართო სპექტრით და აქტიურია დერმატოფიტების, საფუარა და ობის სოკოების მიმართ. ის აგრეთვე ხასიათდება გრამდადებითი ბაქტერიების მიმართ კლინიკურად მნიშვნელოვანი აქტიურობით. ეკონაზოლის ნიტრატი აზიანებს უჯრედულ მემბრანებს, რაც იწვევს სოკოვანი უჯრედის შეღწევადობის მომატებას. ეკონაზოლის ნიტრატის მოქმედების სამიზნეს წარმოადგენს უჯერი ცხიმოვანი მჟავების აცილური ჯგუფები, რომლებიც შედიან მემბრანული ფოსფოლიპიდების შემადგენლობაში.
ფარმაკოკინეტიკა:
საშოში შეყვანის შემდეგ ეკონაზოლის ნიტრატი სუსტად აბსორბირდება.
ჩვენებები:
- გინო-პევარილი გამოიყენება ვულვო-ვაგინალური მიკოზების სამკურნალოდ.
მიღების წესი და დოზირება:
50 მგ სუპოზიტორი:
ერთი სუპოზიტორი შეჰყავთ ღრმად საშოში ძილის წინ დღე-ღამეში ერთხელ, არანაკლებ 14 დღის განმავლობაში. აუცილებელია მკურნალობის სრული კურსის ჩატარება, სუბიექტური სიმპტომების (ქავილი, ლეიკორეა) გაქრობის მიუხედავადაც კი.
150 მგ სუპოზიტორი:
ერთი სუპოზიტორი შეჰყავთ ღრმად საშოში სამი დღის განმავლობაში. რეციდივის ან კულტურალური გამოკვლევის დადებითი შედეგისას მკურნალობიდან ერთი კვირის შემდეგ ატარებენ მკურნალობის მეორე კურსს.
უკუჩვენებები:
* პრეპარატის ნებისმიერი ინგრედიენტისადმი მომატებული მგრძნობელობა.
განსაკუთრებული მითითებები:
ლატექსური პრეზერვატივების ან დიაფრაგმისა და ვაგინალური ინფექციის საწინააღმდეგო პრეპარატების ერთდროულმა გამოყენებამ შეიძლება დააქვეითოს ლატექსური ბარიერული კონტრაცეპტივების ეფექტურობა. ამ მიზეზით არ არის რეკომენდირებული გინო-პევარილის გამოყენება ერთდროულად დიაფრაგმასთან ან პრეზერვატივთან. პაცინტები, რომლებიც იყენებენ სპერმიციდულ კონტრაცეპტივებს, უნდა დაეკითხონ თავიანთ ექიმებს, რადგანაც პრეპარატებმა, რომლებიც ინიშნება ინტრავაგინალურად შეიძლება სპერმიციდული კონტრაცეპტივის ინაქტივირება მოახდინონ. არ არის რეკომენდირებული გინო-პევარილის სხვა პრეპარატებთან ერთად გამოყენება გენიტალური დაავადებების (როგორც შიდა ასევე გარე დანიშნულების) სამკურნალოდ. ძლიერი გაღიზიანების შემთხვევაში აუცილებელია გინო-პევარილით მკურნალობის შეწყვეტა. პაციენტებს, რომლებიც მგრძნობიარენი არიან იმიდაზოლის მიმართ, შესაძლოა აღენიშნოთ მომატებული მგრძნობელობა ეკონაზოლის ნიტრატის მიმართაც. 16 წლამდე ბავშვებში გინო-პევარილის უსაფრთხოებისა და ეფექტურობის შესახებ მონაცემები არ მოიპოვება. გინო-პევარილის ასაკოვან ადამიანებში (65 წელს გადაცილებული) გამოყენების მონაცემები არასაკმარისია.
სხვა პრეპარატებთან ურთიერთქმედება და ურთიერთქმედების სხვა ფორმები
შესაბამისი მონაცემები არ არსებობს.
ორსულობა და ლაქტაცია:
ორსულობა
შესაძლებელია გინო-პევარილის შეწოვა საშოდან სისტემურ სისხლნაკადში. ამიტომაც არ არის სასურველი მისი ორსულობის პირველი ტრიმესტრის დროს გამოყენება, გარდა იმ შემთხვევისა, თუკი ექიმი არ გადაწყვეტს, რომ ამ პრეპარატით მკურნალობა პაციენტის ჯანმრთელობისთვისაა მნიშვნელოვანი.
ორსულობის მეორე და მესამე ტრიმესტრის დროს შესაძლებელია გინო-პევარილის გამოყენება, თუკი მისი პოტენციური სარგებელი ქალისათვის აღემატება ნაყოფიათვის შესაძლებელ რისკს.
ლაქტაცია
უცნობია აღწევს თუ არა ეკონაზოლოს ნიტრატი მეძუძური ქალის რძეში. პრეპარატის გამოყენების პერიოდში უნდა შეწყდეს ძუძუთი კვება.
ზეგავლენა ავტომობილის მართვაზე და ტექნიკასთან მუშაობაზე:
შესაბამისი მონაცემები არ არსებობს.
გვრდითი მოვლენები:
გინო-პევარილით მკურნალობისას იშვიათად შეიძლება წამოიქმნას არასასურველი მოვლენები: გაღიზიანება, საშოს ლორწოვანისა და ვულვის გაწითლება, ამ მიდამოებში ქავილი და წვა.
ჭარბი დოზირება:
დღეისათვის ეკონაზოლის ნიტრატის გადაჭარბებულად მიღების შესახებ ცნობები არ მოიპოვება. ამ პრეპარატის შიგნით შემთხვევით მიღებისას შეიმჩნევა გულისრევა, პირღებინება და დიარეა. ამ დროს, აუცილებლობის შემთხვევაში საჭიროა სიმპტომატური თერაპიის ჩატარება (კუჭის გამორეცხვა და აქტივირებული ნახშირის მიღება).
შენახვის პირობები:
შენახვა 30ºC-ზე ქვემოთ, ბავშვებისათვის მიუწვდომელ ადგილას.
შენახვის ვადა:
5 წელი
არ გამოიყენება შენახვის ვადის გასვლის შემდეგ.
