ნოვექსი ცეტირიზინი / Novex Cetirizine

ფარმაკოლოგიური თვისებები:

ანტიჰისტამინური ალერგიის საწინააღმდეგო საშუალება ცეტირიზინი მიეკუთვნება ჰისტამინის კონკურენტული ანტაგონისტების ჯგუფს, ახდენს H1-ჰისტამინური რეცეპტორების ბლოკირებას, პრაქტიკულად არ გააჩნია ანტიქოლინერგიული და ანტისეროტონინული მოქმედება. გააჩნია გამოხატული ანტიალერგიული მოქმედება, ხელს უწყობს ალერგიული რეაქციების განვითარებას და ამსუბუქებს მათ. გააჩნია ქავილისა და ექსუდაციის საწინააღმდეგო ეფექტი. ზემოქმედებას ახდენს ალერგიული რეაქციების ადრეულ სტადიაზე და ასევე ამცირებს ანთების უჯრედების მიგრაციას; თრგუნავს დაყოვნებულ ალერგიულ რეაქციაში მონაწილე მედიატორების გამოყოფას. ამცირებს კაპილარების გამტარობას, ხელს უწყობს ქსოვილების შეშუპების განვითარების თავიდან აცილებას, ხსნის გლუვი მუსკულატურის სპაზმს. ხსნის კანის რეაქციას ჰისტამინის, სპეციფიკური ალერგენების შეყვანაზე, და ასევე გაცივებაზე (სიცივით გამოწვეული ჭინჭრის ციების დროს). თერაპიულ დოზებში პრაქტიკულად არ გააჩნია სედატიური ეფექტი.
პრეპარატის მოქმედება იწყება 20 წუთის შემდეგ (ავადმყოფების 50%-ში), 1 საათში (ავადმყოფების 95%-ში) და ნარჩუნდება 24 საათის განმავლობაში.

ფარმაკოკინეტიკა:
შეწოვა: შიგნით მიღების შემდეგ ცეტირიზინი კარგად შეიწოვება კუჭ-ნაწლავის ტრაქტიდან. მაქსიმალური კონცენტრაცია მიიღწევა 30-60 წუთის შემდებ. საკვების მიღება მნიშვნელოვან ზემოქმედებას არ ახდენს რაოდენობრივ შეწოვაზე, მაგრამ ამ შემთხვევაში შეწოვა უმნიშვნელოდნ ბა.

განაწილება: ცეტირიზინი უკავშირდება პლაზმის პროტეინებს დაახლოებით 93%-ით. განაწილების სიდიდე, მოცულობა (Vძ) დაბალია (0,5 ლ/კგ), პრეპარატი არ აღწევს უჯრედებში. პრეპარატი არ აღწევს ჰემატო-ენცეფალური ბარიერის გავლით.

მეტაბოლიზმი: ცეტირიზინი სუსტად მეტაბოლიზდება ღვიძლში აქტიური მეტაბოლიტების წარმოქმნით. 10 მგ ცეტირიზინის დანიშვნიდან 10 დღის შემდეგ მისი დაგროვება არ აღინიშნებოდა.

გამოყოფა: დაახლოებით 70% გამოიყოფა თირკმლებით, ძირითადად უცვლელი სახით. სისტემური კლირენსის მოცულობა შეადგენს დაახლოებით 54 მლ/წთ. პრეპარატის ნახევარდაშლის პერიოდი ერთჯერადი დოზის ერთჯერადი შეყვანის დროს შეადგენს დაახლოებით 10 საათს. 2-12 წლის ასაკის ბავშვებში ნახევარდაშლის პერიოდი მცირდება 5-6 საათამდე. თირკმლების ფუნქციის დარღვევის მქონე პაციენტებში (კრეატინინის კლირენსი 11-31 მლ/წთ) და ჰემოდიალიზზე მყოფ პაციენტებში (კრეატინინის კლირენსი 7 მლ/წთ-ზე ნაკლები) ნახევარდაშლის პერიოდი იზრდება 3 ჯერ, კლირენსი მცირდება 70%-ით.

ქრონიკული დაავადებების არსებობისას და ხანდაზმულ პაციენტებში ნახევარდაშლის პერიოდი იზრდება 50%-ით და კლირენსი მცირდება 40%-ით. ჰემოდიალიწზ არაეფექტიანია.

გამოყენების ჩვენებები:
– სეზონური და მთელი წლის განმავლობაში არსებული ალერგიული რინიტი და კონიუნქტივიტი;
– ქავილიანი ალერგიული დერმატოზები;
– პოლინოზი (თივის ცხელება);
– ჭინჭრის ციება (ქრონიკული იდიოპათიური ჩათვლით);
– ანგიონევროზული შეშუპება.

გამოყენების წესი და დოზხირება:
12 წელზე უფროსი ბავშვები და მოზრდილები: 1 ტაბლეტი (10 მგ

ცეტირიზინი) ყოველდღიურად დღე-ღამეში ერთხელ.

6-12 წლის ბავშვები:

1 ტაბლეტი (10მგ ცეტირიზინი) ყოველდღიურად ან 1/2 ტაბლეტი (5 მგ ცეტირიზინი) დღე-ღამეში ორჯერ დილით და საღამოს ან 10 მლ სიროფი (10 მგ ცეტირიზინი) დღეში ერთხელ ან 5 მლ სიროფი დღეში 2 ჯერ – დილით და საღამოს.
2-6 წლის ბავშვები: 5 მლ სიროფი დღეში ერთხელ ან 2,5 მლ სიროფი დღეში 2 ჯერ – დილით და საღამოს.
6 თვიდან 2 წლამდე ასაკის ბავშვები: 2,5 მლ სიროფი დღეში ერთხელ ან ამ დოზის ნახევარი – დილით და საღამოს.

თირკმლის უკმარისობის დროს: რეკომენდებული დოზა უნდა შემცირდეს 2 ჯერ.

ღვიძლის ფუნქციის დარღვევა: დოზა უნდა შერჩეულ იქნას ინდივიდუალურად თითოეული პაციენტისთვის, განსაკუთრებით ღვიძლის უკმარისობის დროს. თირკმლის წორმალური ფუნქციის მქონე ხანდაზმული პაციენტებისთვის დოზის ცვლილება არ არის საჭირო.

გვერდითი ეფექტები:
კუჭ-ნაწლავის სისტემის მხრივ: პირის სიმშრალე, დისპეფსია.

ცენტრალური ნერვული სისტემის მხრივ: თავის ტკივილი, ძილიანობა, თავბრუსხვევა, აგზნება, შაკიკი.

ალერგიული რეაქციები: კანზე გამონაყარი, ანგიონევროზული შეშუპება, ჭინჭრის ციება, კანის ქავილი.

პრეპარატი ჩვეულებრივ კარგად აიტანება. გვერდითი მოვლენები იშვიათად ჩნდება და წარმავალი ხასიათი გააჩნია.

უკუჩვენებები:
– ჰიპერმგრძნობელობა პრეპარატის მიმართ;
– 6 თვეზე უმცროსი ბავშვები;
– ორსულობა;
– ლაქტაცია.

სიფრთხილით: საშუალო სიმძიმის და მძიმე თირკმლის ქრონიკული უკმარისობა (საჭიროა დოზირების რეჟიმის კორექცია), ხანდაზმული ასაკი (შესაძლებელია გორგლოვანი ფილტრაციის დაქვეითება).

გამოყენება ორსულობისა და ძუძუთი კვების დროს:
უკუნაჩვენებია ორსულობისა და ლაქტაციის პერიოდში.

გამოყენება ღვიძლის ფუნქციის დარღვევების დროს ღვიძლის ფუნქციის გამოხატული დარღვევების მქონე პაციენტებში

პრეპარატი ინიშნება ექიმის მიერ ინდივიდუალურად შემცირებული დოზით.

გამოყენება თირკმლების ფუნქციის დარღვევების დროს თირკმლის ფუნქციის გამოხატული დარღვევების მქონე პაციენტებში პრეპარატი ინიშნება ექიმის მიერ ინდივიდუალურად შემცირბული დოზით.

გამოყენება ბავშვებში:

6 თვეზე უმცროსი ასაკის ბავშვებში გამოყენება არ არის რეკომენდებული.

გამოყენება ხანდაზმულ პაციენტებში

პრეპარატი სიფრთხილით უნდა გამოყენებულ იქნას ხანდაზმული ასაკის პაციენტებში (შესაძლებელია გორგლოვანი ფილტრაციის დაქვეითება).

თირკმლის ნორმალური ფეუნქციის მქონე ხანდაზმულ პაციენტებს დოზის კორექცია არ ესაჭიროება.

განსაკუთრებული მითითებები:
საჭიროა სიფრთხილის დაცვა ღვიძლის და/ან თირკმლების ფუნქციის დარღვევის მქონე პაციენტებში და ხანდამული ასაკის პირებში.

არ არის რეკომენდებული ცენტრალური წერვული სისტემის დამთრგუნველი სამკურნალო საშუალებების, ალკოჰოლის ერთდროული მიღება.

სატრანსპორტო საშუალებების მართვისა და მექანიზმებთან მუშაობის უნარზე ზემოქმედება
მკურნალობის პერიოდში საჭიროა თავი აარიდოთ საქმიანობის

პოტენციურად სახიფათო სახეებს, რომლებიც საჭიროებენ ყურადღების

მომატებულ კონცენტრაციას და სწრაფი ფსიქომოტორულ რეაქციებს.

ჭარბი დოზირება:
სიმპტომები. შესაძლებელია ძილიანობა, შენელებული რეაქციები, სისუსტე, დაღლილობა, თავის ტკივილი, ტაქიკარდია, მომატებული გაღიზიანებულობა), შარდის შეკავება.

მკურნალობა: ატარებენ სიმპტომურ თერაპიას. სპეციფიკური ანტიდოტი არ არის გამოვლენილი. ახორციელებენ კუჭის ამორეცხვას, ნიშნავენ აქტივირებულ ნახშირს.

სამკურნალ წამლებთან ურთიერთქმედება:
არ არის დადგენილი ცეტირიზინის სხვა სამკურნალო საშუალებებთან კლინიკურად მნიშვნელოვანი ურთიერთემედებები.

შენახვის ვადა:
3 წელი, არ გამოიყენოთ ვარგისიანობის ვადის გასვლის შემდეგ (მითითებულია შეფუთვაზე).

აფთიაქებიდან გაცემის პირობები:
გაიცემა ექიმის რეცეპტის გარეშე.

შენახვის პირობები:
ინახება არაუმეტეს 30“C ტემპერატურაზე.

დაიცავით სინათლისგან და სინესტისგან.

ინახება ბავშვებისთვის მიუწვდომელ ადგილას.

გევისკონი სუსპენზია – GAVISCON SUSPENZIA – ГЕВИСКОН СУСПЕНЗИЯ

საერთაშორისო დასახელება:

sodium alginat, potassium hidrocarbonate

მწარმოებელი: რეკიტ ბენკიზერ ჰელსქერ, დიდი ბრიტანეთი

კლინიკურ–ფარმაკოლოგიური ჯგუფი:

ანტაციდური საშუალებები

შემადგენლობა და გამოშვების ფორმა:

150 მლ სუსპენზია

10 მლ 20ც საშეთი

10 მლ სუსპენზია შეიცავს:

აქტიური ნივთიერებები:

ნატრიუმის ალგინატი – 1000 მგ,

კალიუმის ჰიდროკარბონატი- 200 მგ

დამხმარე ნივთიერებები:

კალციუმის კარბონატი, კარბომერი, მეთილპარაჰიდროქსიბენზოატი, პროპილპარაჰიდროქსიბენზოატი, ნატრიუმის ჰიდროქსიდი, ნატრიუმის საქარინატი, პიტნის არომატიზატორი, გასუფთავებული წყალი.

აღწერილობა:

წებოვანი სუსპენზია, თითქმის თეთრიდან ღია-ყავისფერამდე, პიტნის სუნით.

ფარმაკოლოგიური თვისებები:

ფარმაკოდინამიკა

შიგნით მიღებისას გევისკონ ფორტე სწრაფად რეაგირებს კუჭის მჟავე შემადგენლობასთან. ამ დროს წარმოიქმნება ალგინატის გელი, რომელიც ხელს უშლის გასტროეზოფაგული რეფლუქსის წარმოქმნას. რეგურგიტაციის შემთხვევაში, გელი ხვდება საყლაპავში, სადაც იგი ლორწოვანი გარსის გაღიზიანებას ამცირებს.

ფარმაკოკინეტიკა

პრეპარატის გევისკონ ფორტეს მოქმედების მექანიზმი სისხლის სისტემურ დინებაში შეწოვაზე დამოკიდებული არ არის.

მიღების წესები და დოზები:

მიიღება შიგნით.

მოზრდილები და 12 წელზე უფროსი ასაკის ბავშვები: 5-10 მლ საკვების მიღებათა შემდეგ და ძილის წინ.

მაქსიმალური სადღეღამისო დოზა- 40 მლ.

პაკეტების გამოყენება: პაკეტი გახსნამდე თითებით უნდა მოისრისოს შიგთავსის დაზელვით.

გვერდითი მოვლენები:

შესაძლებელია ალერგიული რეაქციები.

უკუჩვენება:

ჰიპერმგრძნობელობა პრეპარატის კომპონენტების მიმართ, 12 წლამდე ბავშვთა ასაკი.

ორსულობა და ლაქტაცია:

ორსულობისა და ლაქტაციის დროს გევისკონი ფორტეს გამოყენება შესაძლებელია.

განსაკუთრებული მითითებები:

10 მლ სუსპენზია შეიცავს 106 მგ (4.6 მმოლი) ნატრიუმსა და 78 მგ(2.0 მმოლი) კალიუმს. ეს გასათვალისწინებელია მარილის ძალიან შეზღუდული შემცველობით დიეტის დაცვის აუცილებლობისას, მაგალითად, გულის შეგუბებითი უკმარისობის და თირკმელების ფუნქციის დარღვევის ან იმ სამკურნალო საშუალებების გამოყენების დროს, რომლებსაც შეუძლიათ პლაზმაში შემცველობის დონის გაზრდა.

10 მლ სუსპენზია შეიცავს 200 მგ (2.0 მმოლი) კალციუმის კარბონანტს. პრეპარატი სიფრთხილით უნდა გამოიყენონ პაციენტებმა ჰიპერკალციემიით.

ნეფროკალცინოზით და თირკმლის კალციუმის შემცველი კენჭების რეციდივირებადი წარმოქმნით.

7 დღის განმავლობაში მდგომარეობის გაუმჯობესების არარსებობისას აუცილებელია ექიმთან კონსულტაცია.

ზეგავლენა ავტომანქანის მართვისა და მექანიზმებთან მუშაობის უნარზე არ აქვს.

ჭარბი დოზირება:

შესაძლოა აღინიშნოს მუცლის შებერილობა. მკურნალობა სიმპტომურია.

სხვა წამლებთან ურთიერთქმედება:

ცნობილი არ არის.

შენახვის პირობები:

ინახება 15-30ºC ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა:

2 წელი. პრეპარატის გამოყენება შეფუთვაზე მითითებული ვარგისიანობის ვადის გასვლის შემდეგ არ შეიძლება.

აფთიაქში გაცემის წესი:

რეცეპტის გარეშე.

ჟენშენი #20ტაბლ

შემადგენლობა:
ჟენშენის ფესვის მშრალი ექსტრაქტი 0.02 გრ.
(Panax Ginseng)

ფარმაკოლოგიური თვისებები:
• მცენარეული ზოგადმატონიზირებელი საშუალება;
• ცენტრალური ნერვული სისტემის ფუნქციის სტიმულირება;
• ფიზიკური და გონებრივი შრომისუნარიანობის ამაღლება;
• თავის ტვინის სისხლმომარაგების გაუმჯობესება;
• სისხლში ქოლესტერინისა და გლუკოზის დონის დაქვეითება;
• სქესობრივი პოტენციის ამაღლება;
• ქსოვილების რეგენერაციის სტიმულირება;

ჩვენებები:
• ასთენიური და ნევროზული მდგომარეობა;
• ჰიპოტონია, ათეროსკლეროზი;
• სქესობრივი დარღვევები;
• ხანგრძლივი ავადმყოფობის შემდგომი პერიოდი;

უკუჩვენება:
უძილობა, ჰიპერტონული კრიზი, ორსულობა.

გვერდითი მოვლენები:
დიარეა, გამონაყარი კანზე, უძილობა, მომატებული ნერვული აგზნებადობა, ჰიპერტენზია, ეიფორია, შეშუპება.

მიღების წესი და დოზირება:
ერთი ტაბლეტი 3-ჯერ დღეში დღის პირველ ნახევარში 3-4 კვირის განმავლობაში.

შენახვის ვადა და პირობები:
3 წელი. ინახება ბნელ, გრილ ადგილას.

მწარმოებელი:
ს.ს. “ჯორჯიან ფარმაცევტიკალ გრუპ”-ი
ქ.თბილისი, ვაჟა-ფშაველას გამზ. 41
ტელ.: +995 (32) 395846

სომნა-რიცი ფორტე #10ტ

სომნა-რიცი ფორტე
SOMNA-Ritz Forte

შემადგენლობა
პრეპარატის ერთი კაფსულა შეიცავს: 200 მგ პასიფლორას (Passiflora icarnata) მშრალ ექსტრაქტს, 125 მგ კატაბალახას (Valeriana officinalis) მშრალ ექსტრაქტს, 100 მგ სვიის (Humulus lupulus) მშრალ ექსტრაქტს, 50 მგ კუნელის (Crataegus) მშრალ ექსტრაქტს და 25 მგ ბარამბოს (Melissa officinalis) მშრალ ექსტრაქტს.

მოქმედების მექანიზმი
სომნა-რიც ფორტე მცენარეული წარმოშობის კომბინირებული პრეპარატია.
პრეპარატს აქვს საძილე და სედატიური მოქმედება. მის შემადგენლობაში შემავალი მცენარეების ბიოლოგიურად აქტიური ნივთიერებების კომპლექსი ხელს უწყობს ბუნებრივი ძილის სწრაფ განვითარებას, არეგულირებს ძილის ფაზებს, გაღვიძებისას არ იწვევს უსიამოვნო შეგრძნებებს, აღადგენს ნერვული სისტემის წონასწორობას, ხსნის მსუბუქ დეპრესიას, შიშს, მოუსვენრობას.
კატაბალახა ხელს უწყობს ბუნებრივი ძილის განვითარებას.
სვია დამამშვიდებლად მოქმედებს ცენტრალურ ნერვულ სისტემაზე, ახასიათებს მსუბუქი საძილე ეფექტი.
პასიფლორა (ვნების ყვავილი) ამშვიდებს ცენტრალურ ნერვულ სისტემას, გაღვიძებისას არ იწვევს უსიამოვნო შეგრძნებებს.
კუნელი აუმჯობესებს ძილს, ამცირებს ცენტრალური ნერვული სისტემის აგზნებადობას.
ბარამბო იწვევს სედატიურ ეფექტს, ამშვიდებს და აძლიერებს ნერვულ სისტემას.

ჩვენება
არჩევის პრეპარატი სტრესულ სიტუაციებსა და სტრესის შემდგომი უძილობის დროს.
სხვადასხვა ეტიოლოგიის უძილობა, გამოწვეული:
–    შფოთვით, შიშით ან გაღიზიანებადობით;
–    გადაღლით;
–    მომატებული აგზნებადობით;
–    ფსიქო-ემოციური გადაძაბვით;
–    მსუბუქი დეპრესიით, მოუსვენრობით;
–    დაღლილობით და დათრგუნვით.

უკუჩვენება
პრეპარატის კომპონენტებისადმი მომატებული მგრძნობელობა.

უსაფრთხოების ზომები
ორსულობის და ლაქტაციის (ძუძუთი კვების) პერიოდში პრეპარატის მიღება ჩვენების მიხედვით.
სომნა-რიც ფორტე აძლიერებს საძილე, სედატიური და სპაზმოლიზური საშუალებების მოქმედებას.

დოზირება და მიღების წესი
ინიშნება 1 კაფსულა დაძინებამდე 1 საათით ადრე.
ხანგრძლივი დეპრესიით და მუდმივი ფსიქიკური დაძაბულობით გამოწვეული უძილობის დროს რეკომენდებულია 1 კაფსულა ორ-სამჯერ დღეში.
კაფსულები მიიღება დაუღეჭავად, მცირე რაოდენობით სითხესთან ერთად.

გვერდითი მოვლენები
რეკომენდებული დოზით პრეპარატის მიღებისას გვერდითი მოვლენები გამოვლენილი არ არის.

ვარგისიანობა და შენახვის პირობები
პრეპარატის ვარგისიანობის ვადაა 3 წელი, ინახება 10-25ºC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

გამოშვების ფორმა
10 კაფსულა ბლისტერებში. მეორადი შეფუთვა: მუყაოს კოლოფში.

აფთიაქიდან გაცემის პირობები
ექიმის რეცეპტის გარეშე!

მწარმოებელი ფირმა:
შ.პ.ს. “ჯი-ემ-პი” (საქართველო)

კსივოზანი / Ksivozan

რა არის და რისთვის გამოიყენება კსივოზანი

კსივოზანის აქტიურ ნივთიერებას წარმაოდგენს ლევოცეტირიზინის დიჰიდროქლორიდი.

კსივოზანი არის ანტიალერგიული პრეპარატი.

გამოიყენაბა მოზრდილებში და 2 წელზე უფროსი ასაკის ბავშვებში შემდეგი დაავადებების სიმპტომების მკურნალობისთვის:

– ალერგიული რინიტი (პერსისტული ალერგიული რინიტის ჩათვლით);

–ჭინჭრის ციება (ურტიკარია).

რა უნდა იცოდეთ კსივოზანის მიღებამდე.

ნუ მიიღებთ კსივოზანი:

– თუ თქვენ ალერგიული ხართ ლევოცეტირიზინ დიჰიდროქლორიდის, სხვა ანტიჰისტამინური პრეპარატების, ჰიდროქსიზინის, პიპერაზინის წარმოებულების ან მოცემული პრეპარატის ნებისმიერი სხვა ინგრედიენტის მიმართ (ჩამოთვლილია მე-6 ნაწილში);

– თუ თქვენ გაქვთ თირკმლის ფუნქციის მძიმე დარღვევა (თირკმელების მძიმე უკმარისობა და კრეატინინის კლირენსი 10 მლ/წთ–ზე ნაკლები)

გაფრთხილებები და სიფრთხილის ზომები

კსივოზანის მიღებამდე გაესაუბრეთ თქვენს ექიმს ან ფარმაცევტს.

გაესაუბრეთ თქვენს ექიმს თუ არ შეგიძლიათ შარდის ბუშტის სათანადოდ დაცლა ზურგის ტვინის დაზიანების ან გადიდებული პროსტატის გამო, ან თუ თქვენ გაქვთ ეპილეპსია ან გაქვთ კრუნჩხვების განვითარების რისკი.

ბავშვები და მოზარდები

ლევოცეტირიზინი არ არის რეკომენდებული 2 წელამდე ასაკის ბავშვებში გამოყენებისათვის.

სხვა პრეპარატები და კსივოზანი

აცნობეთ თქვენს ექიმს ან ფარმაცევტს, თუ თქვენ იღებთ, ბოლო დროს მიიღეთ ან შეიძლება მიიღოთ სხვა პრეპარატები, მათ შორის ურეცეპტოთ გასაცემი.

კსივოზანის მიღება საკვებთან, სასმელთან და ალკოჰოლთან ერთად

საჭიროა სიფრთხილე, როდესაც კსივოზანი მიიღება ალკოჰოლთან ერთდროულად. მგრძნობიარე პაციენტებში, კსივოზანის ერთდროულმა გამოყენებამ ალკოჰოლთან ან სხვა პრეპარატებთან ერთად, რომლებიც გავლენას ახდენენ ცენტრალურ ნერვულ სისტემაზე, შეიძლება გამოიწვიოს სიფხიზლის დაქვეითება და რეაგირების უნარის გაუარესება. კსივოზანის მიღება შეიძლება საკვებთან ერთად ან მის გარეშე.

ორსულობა, ძუძუთი კვება და ფერტილობა

თუ ხართ ორსული ან მეძუძური, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის გამოყენებამდე მიმართეთ რჩევისათვის თქვენს ექიმს.

მანქანის მართვა და მექანიზმების გამოყენება

ზოგიერთი პაციენტი, რომელიც ღებულობს კსივოზანს, შეიძლება განიცდიდეს უძილობას / ძილიანობას, დაღლილობას და ასთენიას. იყავით ფრთხილად მანქანის მართვისას და მექანიზმების გამოყენებისას, ვიდრე დაადგენდეთ ამ პრეპარატის მიმართ თქვენს რეაქციას. ჯანმრთელ პირებში ჩატარებულმა სპეციფიურმა გამოკვლევებში ლევოცეტრიზინის რეკომენდებული დოზით გამოყენებისას არ გამოავლინდა სიფხიზლის, რეაქციების და მართვის უნარის რაიმე დარღვევები.

კსივოზანი შეიცავს მეთილ პარაჰიდროქსიბენზოატს და პროპილ პარაჰიდროქსიბენზოატს

მეთილ პარჰიდროქსიბენზოატს და პროპილ პარჰიდროქსიბენზოატს შეუძლიათ გამოიწვიონ ალერგიული რეაქციები (სავარაუდოდ დაგვიანებული ტიპის), როგორიცაა თავის ტკივილი, კუჭის აშლილობა და დიარეა.

როგორ მიიღება კსივოზანი

ყოველთვის მიიღეთ ეს პრეპარატი ზუსტად ისე, როგორც გირჩიათ თქვენმა ექიმმა. თუ დარწმუნებული არ ხართ, გადამოწმეთ თქვენს ექიმთან ან ფარმაცევტთან.

რეკომენდებული დოზაა:

– მოზრდილებში და 6 წელზე უფროსი ასაკის ბავშვებში: 20 წვეთი დღეში ერთჯერ.

– 2-დან – 6 წლამდე ასაკის ბავშვებში: 5 წვეთი დღეში ორჯერ.

გამოყენება ბავშვებში და მოზარდებში

კსივოზანი არ არის რეკომენდებული 2 წლამდე ასაკის ბავშვებში გამოყენებისათვის, ამ ასაკობრივ ჯგუფში გამოყენების გამოცდილების არარსებობის გამო.

გამოყენებისათვის განსაკუთრებული სიფრთხილის ზომები სპეციალურ პოპულაციებში:

თირკმელების ფუნქციის დარღვევის მქონე პაციენტებმა უნდა მიიღონ უფრო დაბალი დოზა, თირკმელების დაავადების სიმძიმის მიხედვით. ბავშვებში დოზა უნდა შეესაბამებოდეს სხეულის წონას. დოზას განსაზღვრავს თქვენი ექიმი.

პაციენტებში, რომლებსაც აქვთ თირკმელების ფუნქციის მძიმე დარღვევა, არ უნდა მიიღონ კსივოზანი.

პაციენტებს, რომლებსაც აქვთ მხოლოდ ღვიძლის ფუნქციის დარღვევა უნდა მიიღონ ჩვეულებრივ დადგენილი დოზა.

თირკმელების და ღვიძლის ფუნქციის დარღვევის მქონე პაციენტებმა შეიძლება მიიღონ უფრო დაბალი დოზა, თირკმელების დაავადების სიმძიმის მიხედვით.

ბავშვებში დოზა უნდა იყოს დამოკიდებული მათი სხეულის წონაზე. დოზას განსაზღვრავს თქვენი ექიმი.

თირკმელების ნორმალური ფუნქციის მქონე ხანდაზმულ პაციენტებში დოზის კორექცია საჭირო არ არის.

როგორ და როდის უნდა მიიღოთ კსივოზანი?

მხოლოდ პერორალური გამოყენებისათვის.

კსივოზანი შეიძლება იქნას მიღებული საკვებთან ერთად ან მის გარეშე.

წვეთები უნდა იქნას მიღებული პერორალურად კოვზის გამოყენებით, შეიძლება განზავდეს წყალში. წვეთების განზავებისას გასათვალისწინებელია, განსაკუთრებით ბავშვებში გამოყენების შემთხვევაში, რომ წყლის მოცულობა, რომელსაც ემატება წვეთები, უნდა დარეგულირდეს წყლის იმ რაოდენობით, რომლის გადაყლაპვაც შეუძლია პაციენტს. განზავებული ხსნარი დაუყოვნებლივ უნდა იქნას მიღებული.

წვეთების დათვლისას, ბოთლი უნდა იყოს ვერტიკალურ მდგომარეობაში (ფსკერით ზემოთ). თუ ბოთლიდან წვეთები არ ვარდება, ან საჭირო რაოდენობა ვერ იქნა მიღწეული, ბოთლი უნდა დაიდგას სწორად და შემდეგ ისევ გადატრიალდეს ფსკერით ზემოთ, და განაგრძოთ წვეთების დათვლა.

რამდენ ხანს უნდა მიიღოთ კსივოზანი?

მკურნალობის ხანგრძლივობა დამოკიდებულია თქვენი სიმპტომების ტიპზე, ხანგრძლივობასა და განვითარებაზე და მას განსაზღვრავს თქვენი ექიმი.

თუ მიიღეთ საჭიროზე მეტი კსივოზანი

დოზის მნიშვნელოვანმა გადაჭარბებამ შეიძლება გამოიწვიოს ძილიანობა მოზრდილებში. ბავშვებში შეიძლება აღინიშნოს საწყისი აჟიტირება და მოუსვენრობა, რასაც მოჰყვება ძილიანობა.

თუ ფიქრობთ, რომ მიიღეთ საჭიროზე მეტი კსივოზანი, გთხოვთ, აცნობოთ თქვენს ექიმს და ის განიხილავს, თუ რა ზომების მიღება იქნება საჭირო.

თუ დაგავიწყდათ კსივოზანის მიღება

თუ დაგავიწყდათ კსივოზანის მიღება, ან მიიღეთ ექიმის მიერ დანიშნულ დოზაზე ნაკლები დოზით, ნუ მიიღებთ ორმაგ დოზას დავიწყებულის სანაცვლოდ. მიიღეთ შემდეგი დოზა ჩვეულ დროს.

თუ შეწყვეტთ კსივოზანის მიღებას

თუ მკურნალობას შეწყვეტთ განსაზღვრულ დროზე ადრე, ამან არ უნდა გამოიწვიოს რაიმე გვერდითი მოვლენები, გარდა იმისა, რომ დაავადების სიმპტომები შეიძლება ხელახლა გაჩნდეს. ზოგიერთ შემთხვევაში შეიძლება საჭირო გახდეს მკურნალობის ხელახლა დაწყება. ლევოცეტირიზინის შეწყვეტისას, პაციენტების მცირე ჯგუფში აღინიშნა პრურიგო (ქავილი), მაშინაც კი, როდესაც თავდაპირველად არ ჰქონიათ.

პრეპარატის გამოყენებასთან დაკავშირებით დამატებითი შეკითხვების შემთხვევაში მიმართეთ თქვენს ექიმს ან ფარმაცევტს.

შესაძლო გვერდითი მოვლენები

ყველა პრეპარატის მსგავსად, ამ პრეპარატმაც შეიძლება გამოიწვიოს გვერდითი მოვლენები, თუმცა შესაძლოა ყველას არ განუვითარდეს.

დაფიქსირდა ხშირი (1% –დან 10%-მდე) გვერდითი რეაქციები, ძირითადად, მსუბუქიდან ზომიერამდე: პირის სიმშრალე, თავის ტკივილი, დაღლილობა და ძილიანობა/გაბრუება. არა-ხშირი (0,1% –დან 1%-მდე) გვერდითი რეაქციებია: გადაღლილობა და მუცლის ტკივილი. არ არის ცნობილი: სიხშირე ვერ შეიძლება შეფასდეს არსებული მონაცემების საფუძველზე. ასევე დაფიქსირდა სხვა გვერდითი რეაქციებიც, როგორიცაა: გულის ფრიალი, გულისცემის გახშირება, გულისწასვლა, კანზე ჩხვლეტის შეგრძნება, თავბრუსხვევა, სინკოპე, ტრემორი, დისგევზია (შეცვლილი გემოვნება), ვერტიგო, მოძრაობის დარღვევები, მხედველობის დარღვევები, მხედველობის დაბინდვა, ოკულოგირაცია (თვალების უკონტროლო ტრიალი), ან შარდვისას ტკივილი ან გაძნელება, შარდის ბუშტის სრულად დაცლის უუნარობა, შეშუპება, პრურიგო (ქავილი), გამონაყარი, ჭინჭრის ციება (შეშუპება, კანის სიწითლე და ქავილი), კანზე გამონაყარი, ქოშინი, წონის მომატება, კუნთების ტკივილი, სახსრების ტკივილი, აგრესიული ან გადაჭარბებულად აგზნებული ქცევა, ჰალუცინაციები, დეპრესია, უძილობა, განმეორებითი სუიციდური იდეები, კოშმარები, ჰეპატიტი, ღვიძლის ფუნქციის დარღვევა, ღებინება, მადის მომატება, გულისრევა და დიარეა. პრურიგო (ქავილი) მკურნალობის შეწყვეტისას.
ჰიპერმგრძნობელობის რეაქციის პირველი გამოვლენისთანავე შეწყვიტეთ კსივოზანის მიღება და აცნობეთ თქვენს ექიმს. ჰიპერმგრძნობელობის რეაქციის სიმპტომები მოიცავს: პირის ღრუს, ენის, სახის და/ან ყელის შეშუპებას, სუნთქვის ან ყლაპვის გაძნელებას (გულმკერდში შებოჭილობა ან ხიხინი), ჭინჭრის ციების გამონაყარი, არტერიული წნევის უეცარი ვარდნა, რაც იწვევს კოლაფსს ან შოკს, რომელიც შეიძლება ფატალურიც აღმოჩნდეს.

გვერდითი მოვლენების შესახებ ინფორმაციის მიწოდება

თუ განგივითარდებათ ნებისმიერი გვერდითი მოვლენა, გაესაუბრეთ თქვენს ექიმს ან ფარმაცევტს. აღნიშნული მოიცავს ყველა შესაძლო გვერდითი მოვლენას, რომელიც არ არის ჩამოთვლილი შეფუთვის ბროშურაში. გვერდითი მოვლენების შესახებ თქვენ ასევე შეგიძლიათ აცნობოთ პირდაპირ:

„ბულგარეთის წამლების სააგენტოს“,

დამიანე გრუევის ქ. #8 , 1303 სოფია. ტელ: +359 28903417 , ვებ გვერდი: www.bda.bg

გვერდითი ეფექტების შესახებ ინფორმაციის მიწოდებით, თქვენ შეგიძლიათ დახმარება მოცემული პრეპარატის უსაფრთხოების შესახებ მეტი ინფორმაციის მიწოდებაში.

როგორ ინახება კსივოზანი

შეინახეთ ბავშვებისთვის ფარულ და მიუწვდომელ ადგილზე.

შეინახეთ არაუმეტეს 25°C ტემპერატურაზე.

შეინახეთ ორიგინალურ შეფუთვაში.

ვარგისიანობის ვადა პირველი გახსნის შემდეგ: 3 თვე არაუმეტეს 25°C ტემპერატურაზე.

არ გამოიყენოთ ეს პრეპარატი ვარგისიანობის ვადის გასვლის შემდეგ, რომელიც მითითებულია მუყაოს კოლოფზე ,,ვარგისია’’. ვარგისიანობის ვადის გასვლის თარიღად ითვლება მითითებული თვის ბოლო დღე.

არ გადააგდოთ პრეპარატი ჩამდინარე წყლების ან საყოფაცხოვრებო ნარჩენების საშუალებით. ჰკითხეთ თქვენს ფარმაცევტს, თუ როგორ უნდა მოხდეს გამოუყენებელი პრეპარატის უტილიზაცია, რომელსაც აღარ იყენებთ. მოცემული ზომები ხელს შეუწყობს გარემოს დაცვას

შეფუთვის შიგთავსი და სხვა ინფორმაცია

რას შეიცავს კსივოზანი

– აქტიური ნივთიერებაა ლევოცეტირიზინის დიჰიდროქლორიდი. 1 მლ (20 წვეთი) პერორალური ხსნარი შეიცავს 5 მგ ლევოცეტირიზინის დიჰიდროქლორიდს.
– სხვა ინგრედიენტები (დამხმარე ნივთიერებები): ნატრიუმის აცეტატის ტრიჰიდრატი, ძმარმჟავა, პროპილენგლიკოლი, გლიცერინი 85%, მეთილ პარაჰიდროქსიბენზოატი (E 218), პროპილ პარაჰიდროქსიბენზოატი (E 216), საქარინის ნატრიუმი, გასუფთავებული წყალი.

როგორც ვიზუალურად კსივოზანი და შეფუთვის შიგთავსი
გამჭვირვალე, უფერო ხსნარი.

მუქი ფერის შუშის ბოთლი, რომელიც შეიცავს 20 მლ ხსნარს და დალუქულია შიდა პიპეტიანი პლასტმასის თავსახურით. თითოეული ბოთლი მოთავსებულია მუყაოს კოლოფში შეფუთვის ბროშურასთან ერთად.

გასტრიკუმელი – GASTRICUMEEL – ГАСТРИКУМЕЛЬ

ფორმა, შეფუთვა: სუბლინგვალური ტაბლეტები. შეფუთვაში არის 50 და 250 ც.

შემადგენლობა – 1 ტაბ. შეიცავს:

Argentum nitricum Д6 …………….	30 mg
Arsenicum album (Acidum arsenicosum) Д6 ……….	30 mg
Pulsatilla pratensis Д4 ……………	60 mg
Nux vomica Д4 …………………….	60 mg
Carbo vegetabilis Д6 …………….	60 mg
Antimonium crudum Д6 ………….	60 mg

მწარმოებელი – HEEL (გერმანია)

კლინიკო-ფარმაკოლოგიური ჯგუფი: კუჭ-ნაწლავის ტრაქტის დაავადებების სამკურნალო ჰომეოპათიური საშუალება.

ფარმაკოლოგიური მოქმედება: პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენება:

– მწვავე და ქრონიკული გასტრიტი (ნორმალური და მომატებული მჟავიანობით);

– გულძმარვა, მეტეორიზმი;

– როგორც დამხმარე საშუალება – გასტროკარდიარული სიმპტომოკომ-პლექსის, სპაზმების, ღვიძლის დაავადების, ქოლანგიტების, სპასტიური ყაბზობის, დისპეფსიის დროს.

დოზირებისა და მიღების რეჟიმი: ჩვეულებრივ ინიშნება 1 ტაბლეტი 3-ჯერ დღეში, მწვავე მდგომარეობისას – 1 ტაბლეტი ყოველ 15 წუთში არა უმეტეს 2 საათის განმავლობაში.

გამოყენების წესი: ჭამის წინ ნახევარი საათით ადრე სუბლინგვალურად სრულ გაწოვამდე წყლის მიყოლების გარეშე.

უკუჩვენება: არ არის დადგენილი.

სხვა წამლებთან ურთიერთქმედება: აღსანიშნავ თავისებურებათა გარეშე.

შენახვის პირობები და ვარგისიანობის ვადა:

პრეპარატი ინახება ოთახის ტემპერატურაზე, მშრალ, მზის სხივების პირდაპირ ზემოქმედებისა და გადახურებისაგან დაცულ, ბავშვებისთვის მიუწვდომელ ადგილას. ვარგისიანობის ვადა შეადგენს 5 წელს.

პირაცეტამი 20% 5მლ #10ა(დარნ)

პირაცეტამი – დარნიცა

ზოგადი დახასიათება:

საერთაშორისო და ქიმიური სახელწოდება: Piracetam; 2-ოქსო-1-პიროლიდინაცეტამიდი;

ძირითადი ფიზიკურ-ქიმიური თვისებები: გამჭვირვალე უფერო სითხე;

შემადგენლობა: საინექციო ხსნარის 1 მლ შეიცავს 0,2გ პირაცეტამს.
დამხმარე ნივთიერებები: ნატრიუმის აცეტატი, განზავებული ძმარმჟავა, საინექციო წყალი.

გამოშვების ფორმა: ხსნარი ინექციისათვის.

ფარმაკოლოგიური ჯგუფი. ფსიქომასტიმულირებელი და ნოოტროპული საშუალება. პირაცეტამი

ფარმაკოლოგიური თვისებები.
ფარმაკოდინამიკა. პირაცეტამი-დარნიცა აძლიერებს დოფამინის სინთეზს თავის ტვინის ქსოვილებში, ზრდის ნორადრენალინის შემცველობას, ზრდის აცეტილქოლინის რაოდენობას სინაპტიკურ დონეზე და ქოლინორეცეპტორების სიმკვრივეს. პრეპარატის მოქმედებიდან არ უნდა გამოირიცხოს рьჰამმ-ერგიული ელემენტები, მიუხედავად იმისა, რომ ჰამმ-ში ის არ გარდაიქმენება. პრეპარატი დადებით გავლენას ახდენს ცვლის პროცესებზე და ტვინის სისხლის მიმოქცევაზე, ასტიმულირებს დამამჟავიანებელ-აღმდგენ პროცესებს, აძლიერებს გლუკოზის უტილიზაციას, აუმჯობესებს რეგიონარულ სისხლდინებას ტვინის იშემიზირებულ უბნებში. ენერგეტიკული პროცესების ოპტიმიზაცია ხელს უწყობს ცენტრალური ნერვული სისტემის მდგრადობის მომატებას ჰიპოქსიისა და სხვადასხვა ტოქსიკური ფაქტორების მიმართ. პირაცეტამი-დარნიცა აუმჯობესებს ტვინის ინტეგრატიულ მუშაობას, ხელს უწყობს მეხსიერების კონსოლიდაციას, აუმჯობესებს სწავლის პროცესებს.

ფარმაკოკინეტიკა. პირაცეტამი ნაწილდება ყველა ორგანოსა და ქსოვილში, აღწევს ჰემატოენცეფალურ ბარიერში. პრეპარატი გროვდება თავის ტვინის ქერქის ქსოვილებში, უპირატესად, შუბლის, საფეთქლებისა და კეფის ადგილებში, ნათხემისა და ბაზალური განგლიებში. არ უკავშირდება პლაზმის ცილებს. გამოიყოფა თირკმლებით უცვლელი ფორმით. ნახევარგამოყოფის პერიოდია 4-5 საათი. თირკმლის უკმარისობისას ნახევარგამოყოფის პერიოდი ხანგრძლივდება.

ჩვენებები. პირაცეტამი-დარნიცა ინიშნება მოზრდილებსა და ბავშვებში ნერვული სისტემის დაავადებების დროს, განსაკუთრებით, როდესაც ისინი გამოწვეულია სისხლძარღვოვანი დარღვევებით, ტვინის ცვლის პროცესების ინვერსიებით (მათ შორის ხანდაზმული ასაკის ადამიანებში).
ნევროლოგიაში პრეპარატი ინიშნება თავის ტვინის ათეროსკლეროზის, სისხლძარღვოვანი პარკინსონიზმის, სხვა პათოლოგიური პროცესების დროს, როდესაც ვლინდება ქრონიკული ცერებრალურ-სისხლძარღვოვანი უკმარისობა, გონების, ყურადღების, მეტყველების დაქვეითება, თავბრუსხვევა. პრეპარატი ასევე გამოიყენება ტვინის სისხლის მიმოქცევის ცვლილებების დროს, ტვინის ტრავმითა და ინტოქსიკაციით გამოწვეული კომატოზური და სუბკომატოზური მდგომარეობების დროს. პრეპარატი გამოიყენება ნერვული სისტემის დაავადებების დროს, როდესაც ადგილი აქვს ინტელექტუალურ-მნესტიკური ფუქნციის დაქვეითებას და ემოციურ-ნებისყოფის სფეროს დარღვევას.
ფსიქიატრიულ პრაქტიკაში ეს პრეპარატი გამოიყენება ნევროტული და ასთენოადინამიური დეპრესიული მდგომარეობების დროს, როდესაც ვლინდება ადინამია, ასთენიური, სენესტოიპოქონდრული დარღვევები, იდეატორული შეფერხება, ასევე შიზოფრენიის დროს დუნეაპათიური დეფექტური მდგომარეობებისას, სხვადასხვა ეტიოლოგიის ფსიქოორგანული სინდრომებისას, ძლიერი ფსიქოზების დროს, ფსიქიკური დაავადებების კომპლექსური თერაპიის შემადგენლობაში.
პრეპარატი ინიშნება დემენციის, მათ შორის ალცჰაიმერის დაავადების სამკურნალო კომლექსურ თერაპიაში.
პედიატრიაში პირაცეტამი-დარნიცა გამოიყენება ცერებრასთენური, ენცეფალოპათიური დარღვევების, მეხსიერების დარღვევა, ინტელექტუალური უკმარისობის დროს და სხვ.
პრეპარატი გამოიყენება აბსტინენტური, პრედელირიოზული და დელირიოზული მდგომარეობების კუპირებისათვის ალკოჰოლიზმის დროს, ასევე ნარკომანებში, ალკოჰოლით, მორფინით, ბარბიტურატებით მოწამვლისას და სხვა. ქრონიკული ალკოჰოლიზმის დროს პირაცეტამი-დარნიცა ინიშნება ასთენიის მოვლენების შესამცირებლად, ფსიქიკის ინტელექტუალურ-მნესტიკური და სხვა სახის დარღვევებისას.
პრეპარატის გამოყენება მიზანშეწონილია მწვავე ვირუსული ნეიროინფექციების დროს იშემიისა და ტვინის ჰიპოქსიის შესამცირებლად. პრეპარატის ანტიჰიპოქსიური მოქმდება გათვალისწინებული უნდა იყოს მიოკარდის ინფარქტის კომპლექსური თერაპიის დროს.

გამოყენების წესი და დოზები: პრეპარატი ინიშნება შიდაკუნთურად ან შიდავენურად.
მწვავე ცერებრალური დაავადებების, კომატოზური მდგომარეობების, მოწამვლის მკურნალობისას პრეპარატი კეთდება შიდაკუნთურად ან შიდავენურად 2-4 გ-დან დაწყებული, ხოლო შემდეგ დოზა სწრაფად იზრდება 6გ-მდე დღე-ღამეში. ასეთ შემთხვევებში მკურნალობის ხანგრძლივობა და დოზების ინდივიდუალური შერჩევა დამოკიდებულია ავადმყოფის მდგომარეობაზე და დაავადების კლინიკური სურათის უკუქცევითი დინამიკის სიჩქარეზე. მდგომარეობის კლინიკური გაუმჯობესების შემდეგ დოზა თანდათანობით მცირდება და ხდება პრეპარტის შინაგანად მიღებაზე გადასვლა.
ბავშვებში მძიმე მდგომარეობის დროს (ტვინის შეშუპება, მენინგოენცეფალიტი და სხვ.) პირაცეტამი-დარნიცა კეთდება შიდავენურად წვეთებით: 5-10მლ 20%-იანი ხსნარი 100-150 მლ 5%-იან გლუკოზის ხსნარში; ერთ კურსზე – 10-მდე გადასხმა. გეგმური მკურნალობის ჩატარებისას პრეპარატი მიიღება შიდაკუნთურად: ერთ კურსზე 3-4 მლ 20%-იანი ხსნარის 10-20 ინექცია.
მრავალწლიანი თერაპიის აუცილებლობის შემთხვევაში რეკომენდებულია 2-3 კურსის ჩატარება წლის განმავლობაში: 5 მლ 20%-იანი ხსნარის 10 შიდაკუნთური ინექცია (დღე გამოშვებით), ხოლო შემდეგ შინაგანად 0,4 გ დღეში 2-3-ჯერ 1-2 თვის განმავლობაში.

გვერდითი მოქმედებები.
პირაცეტამი-დარნიცა ჩვეულებრივ კარგად გადაიტანება პრეპარატის არატოქსიკურობის გამო. ზოგიერთ პაციენტს შეიძლება აღენიშნოს მომატებული გაღიაზიანებადობა, შფოთვა, ძილის დარღვევა, დისპეპტური მოვლენები, ხანდაზმულებში შეიძლება გამოვლინდეს კორონარული უკმარისობის გამწვავება (საჭიროა დოზის შემცირება ან პრეპარატის მიღების შეწყვეტა). არ არის გამორიცხული ალერგიული რეაქციები, ინდივიდუალური აუტანლობა.

ბავშვებში, განსაკუთრებით გონებრივად ჩამორჩენილებში, შეიძლება განვითარდეს ფორიაქი, შფოთვა, მოძრაობის შენელება, ყურადღების კონცენტრირების დაქვეითება, გაუწონასწორებლობა. აღნიშნული მოვლენები ქრება დოზის შემცირების ან პრეპარატის მიღების შეწყვეტის შემდეგ.

უკუჩვენებები. თირკმლის მწვავე უკმარისობა; პრეპარატი არ ინიშნება იმ ბავშვებში, რომლებიც დაავადებულნი არიან დიაბეტით და რომლებსაც ანამნეზში აღენიშნებათ ხილის წვენების, ესენციების მოხმარებით გამოწვეული ალერგიული რეაქციები. პრეპარატის დანიშვნა არ არის რეკომენდებული 1 წლამდე ასაკის ბავშვებში.

ურთიერთქმედება სხვა სამკურნალო საშუალებებთან. პირაცეტამი-დარნიცას დანიშვნა შეიძლება ფსიქოტროპულ, გულ-სისხლძარღვთა და ბევრ სხვა პრეპარატებთან ერთად. არსებობს მონაცემები პრეპარატის მიერ ანტიდეპრესანტების ეფექტის გაძლიერების შესახებ.
პირაცეტამი-დარნიცასა და ტრიიოდტირონინისა და ტეტრაიოდტირონინის შემცველი ფარისებრი ჯირკვლის ექსტრაქტის ერთობლივი გამოყენებისას შესაძლებელია აღინიშნოს პირაცეტამი-დარნიცას უარყოფითი მოქმედება, რაც ვლინდება გონების არევა, ფსიქომოტორული აღგზნებით, ძილის დარღვევით.

ჭარბი დოზირება. პირაცეტამი-დარნიცა პრაქტიკულად არატოქსიკურია და არ იწვევს მწვავე მოწამვლას მაღალი დოზებით მიღების შემთხვევაშიც კი.

გამოყენების თავისებურებანი. პრეპარატი სიფრთხილით ინიშნება თირკმლის უკმარისობის დროს. რეკომენდებულია თირკმლის ფუნქციის მუდმივი კონტროლი. ძილის დარღვევის შემთხვევაში, რეკომენდებულია პრეპარატის მიღების შეწყვეტა საღამოს და მისი მიღება დღისით მისაღებ დოზასთან ერთად.
პრეპარატის დანიშვნა ორსულობისა და ლაქტაციის პერიოდში არ არის რეკომენდებული.
პრეპარატის გამოყენება შესაძლებელია მხოლოდ იმ შემთხვევაში, თუ მოსალოდნელი სარგებელი დედისთვის აღემატება ნაყოფისათვის შესაძლო რისკს. პირაცეტამი-დარნიცა აღწევს დედის რძეში, ამდენად, თუ აუცილებელია პრეპარატის გამოყენება ლაქტაციის პერიოდში, უნდა შეწყდეს ძუძუთი კვება.

შენახვის პირობები და ვადა. პრეპარატი ინახება სინათლისაგან დაცულ, ბავშვებისათვის მიუწვდომელ ადგილას. შენახვის ვადა – 3 წელი.

გაცემის წესი. რეცეპტით.

შეფუთვა. ხსნარი ინექციისათვის 5 მლ ამპულებში; 10 ამპულა კოლოფში ან მუყაოს კოლოფში.

მწარმოებელი. დსს ფარმაცევტული ფირმა “დარნიცა”.
მისამართი. 02093, უკრაინა, ქ. კიევი, ბორისპოლის ქ. 13.

სომნა-რიცი #30კაფს

სომნა–რიცი / SOMNA-Ritz

საერთაშორისო დასახელება (აქტიური ნივთიერება): passiflora, valeriana, melissa, humulus lupulus
კლინიკურ–ფარმაკოლოგიური ჯგუფი: ცენტრალური ნერვული სისტემა → ანქსიოლიზური და საძილე საშუალებები → ფიტოპრეპარატები
მწარმოებელი კომპანია: ჯი-ემ-პი
მწარმოებელი ქვეყანა: საქართველო
გამოშვების ფორმა: კაფსულა №30
გაცემის რეჟიმი: III ჯგუფი (ურეცეპტოდ)

შემადგენლობა

პრეპარატის ერთი კაფსულა შეიცავს: 100 მგ პასიფლორას (Passiflora incarnata) მშრალ ექსტრაქტს, 60 მგ კატაბალახას (Valeriana officinalis) მშრალ ექსტრაქტს, 50 მგ კრაზანას (Hypericum perforatum) მშრალ ექსტრაქტს, 20 მგ ბარამბოს (Melissa officinalis) მშრალ ექსტრაქტს და 20 მგ კუნელის (ჩრატაეგუს) მშრალ ექსტრაქტს.
დამხმარე ნივთიერებები: ლაქტოზა, მაგნიუმის სტეარატი.

ფარმაკოლოგიური თვისებები
სომნა-რიცი მცენარეული წარმოშობის კომბინირებული პრეპარატია, რომელსაც ახასიათებს ზომიერი სედატიური მოქმედება. პრეპარატი ამცირებს დაძაბულობას, შფოთვას, გაღიზიანებადობას, ხელს უწყობს ფსიქიკური წონასწორობის აღდგენას, ძილის გაუმჯობესებას, არეგულირებს გულის მუშაობას, აქვს გამოხატული სპაზმოლიზური თვისებები, აძლიერებს კუჭ-ნაწლავის ტრაქტის ლორწოვანის სეკრეციულ აქტივობას.
სომნა-რიცის ეფექტს განაპირობებს მცენარეული ექსტრაქტების ბიოლოგიურად აქტიურ ნივთიერებათა ერთობლივი მოქმედება:
პასიფლორა (ვნების ყვავილი) ამშვიდებს ცენტრალურ ნერვულ სისტემას, ახასიათებს კრუნჩხვის საწინააღმდეგო და საძილე ეფექტი, გაღვიძებისას უსიამოვნო შეგრძნების გარეშე.
კატაბალახა ხელს უწყობს ბუნებრივი ძილის დადგომას. დამამშვიდებელი ეფექტი ვითარდება თანდათან და სტაბილურია.

კრაზანას ახასიათებს ზოგადმატონიზირებელი მოქმედება, ამშვიდებს ნერვულ სისტემას და ამცირებს დეპრესიის გამოვლინებებს.
ბარამბო იწვევს სედატიურ, ჰიპოტენზიურ, ანტიარითმიულ, სპაზმოლიზურ, ღებინების საწინააღმდეგო ეფექტებს. ამშვიდებს და აძლიერებს ნერვულ სისტემას.
კუნელი აძლიერებს გულის კუმშვადობას და, ამასთან, რამდენადმე ამცირებს არტერიულ წნევას, აუმჯობესებს ძილს, ამცირებს ცენტრალური ნერვული სისტემის აგზნებადობას.
სომნა-რიცს ახასიათებს ხანგრძლივი თერაპიული ეფექტი.

ფარმაკოკინეტიკა
პრეპარატის მეტაბოლიტების აღმოჩენა და ფარმაკოკინეტიკური მაჩვენებლების დადგენა არ არის შესაძლებელი, მისი მცენარეული წარმოშობის გამო.

ჩვენებები
– მოუსვენრობა, შფოთვა;
– ნევრასთენიის მსუბუქი ფორმები, სტრესის შემდგომი მდგომარეობა, შიში, თანმხლები დაძაბულობით, ტაქიკარდიით და ქოშინით;
– მომატებული აგზნებადობა, გაღიზიანებადობა;
– ემოციური დაძაბულობა ან დათრგუნვა;
– კონცენტრაციის დაქვეითება;
– ძილის მოშლა;
– ნერვული დაძაბულობით გამოწვეული თავის ტკივილი და შაკიკი (კომბინირებული თერაპიის შემადგენლობაში);
– კლიმაქტერული სინდრომი;
– “მენეჯერის სინდრომი” (მუდმივი ფსიქიკური დაძაბულობის მდგომარეობა);
– ანგიონევროზი (გულ-სისხლძარღვთა სისტემის) და ვეგეტონევროზი (ვეგეტო-სისხლძარღვოვანი დისტონია).

მიღების წესები და დოზები
მოზრდილთათვის რეკომენდებულია 1-2 კაფსულა ორ-სამჯერ დღეში, ხანგრძლივად მისაღებად. უფროსი ასაკის ბავშვებისათვის 1 კაფსულა ერთ-სამჯერ დღეში.
კაფსულები მიიღება დაუღეჭავად, მცირე რაოდენობით სითხესთან ერთად.

გვერდითი მოვლენები
იშვიათად მომატებული მგრძნობელობის გამოვლინებები.

უკუჩვენება
პრეპარატის კომპონენტებისადმი მომატებული მგრძნობელობა.

ორსულობა და ლაქტაცია
ორსულობისა და ლაქტაციის (ძუძუთი კვების) პერიოდში პრეპარატის მიღება ჩვენების მიხედვით.

განსაკუთრებული მითითებები
პრეპარატის მიღებისას განსაკუთრებული ხასიათის უსაფრთხოების ზომების დაცვა საჭირო არ არის.
ავტომობილისა და სხვა მექანიკური საშუალებების მართვაზე გავლენა
ზოგიერთ შემთხვევაში პრეპარატის მიღებამ შესაძლებელია გამოიწვიოს ფსიქომოტორული რეაქციების შენელება, ამიტომ ავტომობილის მართვისა და სხვა აქტიური სამუშაოების შესრულებისას რეკომენდებულია სიფრთხილის დაცვა.

ჭარბი დოზირება
პრეპარატის დოზის გადაჭარბების შემთხვევები აღწერილი არ არის.

სხვა წამლებთან ურთიერთქმედება
სომნა-რიცი აძლიერებს საძილე, სედატიური და სპაზმოლიზური საშუალებების მოქმედებას.

შენახვის პირობები და ვადები
პრეპარატის ვარგისობის ვადა – 3 წელი.
ინახება 10-25^oC ტემპერატურაზე, ბავშვებისათვის ხელმიუწვდომელ ადგილზე!

აფთიაქში გაცემის წესი
ფარმაცევტული პროდუქტის ჯგუფი III (გაიცემა ექიმის რეცეპტის გარეშე).

გასტრაციდი – GASTRACID – ГАСТРАЦИД

საერთაშორისო დასახელება:

ALGELDRATE+MAGNESIUM HYDROXIDE

მწარმოებელი: NATUR PRODUKT

მოქმედი ნივთიერება: ალგელდრატი+მაგნიუმის ჰიდროქსიდი

კლინიკურ–ფარმაკოლოგიური ჯგუფი:

ანტაციდური საშუალება

გამოშვების ფორმა:

ტაბლეტები: შეფუთვაში 20 ც.

კომბინირებული პრეპარატი

ვრცლად მაალოქსი

პირაცეტამი 20% 5მლ #10ა

პირაცეტამი 20% 5მლ

შემადგენლობა

პრეპარატის 1 მლ შეიცავს: აქტიური ნივთიერება – პირაცეტამი 200 მგ
დამხმარე ნივთიერებები – ნატრიუმის აცეტატი, ტრიჰიდრატი, ძმარმჟავა განზავებული, საინექციო წყალი.

პრეპარატის აქტიურ კომპონენტს წარმოადგენს პირაცეტამი, გამა-ამინოერბოს მჟავას ციკლური წარმოებული (გაემ). პირაცეტამი არის ნოოტროპული პრეპარატი, რომელიც უშუალო ზემოქმედებას ახდენს თავის ტვინზე და აუმჯობესებს მის კოგნიტურ (შემეცნებით) პროცესებს, როგორიც არის შესწავლის უნარი, მეხსიერება, ყურადღება, ასევე ზრდის გონებრივ შრომისუნარიანობას. ცვლის აგზნების გავრცელების სიჩქარეს თავის ტვინში, აუმჯობესებს მეტაბოლურ პროცესებს ნერვულ უჯრედში, ასევე მიკროცირკულაციას, ახდენს ზემოქმედებას სისხლის რეოლოგიურ მახასიათებლებზე და არ იწვევს სისხლძარღვთა გამაფართოებელ მოქმედებას. აუმჯობესებს თავის ტვინის ნახევარსფეროებს შორის ურთიერთკავშირს და სინაფსურ გამტარობას ნეოკორტიკალურ სტრუქტურებში, ზრდის გონებრივ შრომისუნარიანობას, აუმჯობესებს სისხლის მიმოქცევას თავის ტვინში. პირაცეტამი აინჰიბირებს თრომბოციტების აგრეგაციას და აღადგენს ერითროციტების მემბრანის ელასტიურობას, ამცირებს ერითროციტების ადჰეზიას. დოზით 9.6 გ ამცირებს ფიბრინოგენის დონეს და ვილებრანდის ფაქტორებს 30-40%, ახანგრძლივებს სისხლდენის დროს.
პირაცეტამი ზრდის თავის ტვინის ქსოვილის მდგრადობას ჰიპოქსიისა და ინტოქსიკაციის მიმართ, აუმჯობესებს რეპარაციულ პროცესებს თავის ტვინში. პირაცეტამი ამცირებს ვესტიბულური ნისტაგმის გამოხატულებას და ხანგრძლივობას.

პრეპარატის ნახევარგამოყოფის პერიოდი სისხლის პლაზმიდან შეადგენს 4-5სთ-ს, ზურგის ტვინის სითხიდან – 8.5სთ-ს. თირკმლის უკმარისობა ზრდის ნახევარგამოყოფის პერიოდს. პირაცეტამის ფარმაკოკინეტიკა არ იცვლება ავადმყოფებში ღვიძლის უკმარისობით. პირაცეტამი გადის ჰემატოენცეფალურ ბარიერს და მემბრანებს, რომლებიც გამოიყენება ჰემოდიალიზის დროს. ცხოველებზე გამოკვლევისას პირაცეტამი არჩევითად გროვდება თავის ტვინის ქერქის ფრონტალურ, პარიეტალურ და კეფის წილებში, ნათხემში და ბაზალურ განგლიებში. არ უკავშირედება სისხლის პლაზმის ცილებს, მეტაბოლიზმს არ განიცდის ორგანიზმში. პირაცეტამის 80-100% გამოიყოფა თირკმელებით უცვლელი სახით ფილტრაციის გზით. პირაცეტამის კლირენსი ჯანმრთელ მოხალისეებში შეადგენს 86 მლ/წთ-ში.

სიმპტომური მკურნალობა ფსიქოორგანული სინდრომის დროს, კერძოდ ხანდაზმულ ავადმყოფებში, რომლებიც უჩივიან მეხსიერების დაქვეითებას, თავბრუსხვევას, ყურადღების კონცენტრაციისა და ზოგადი აქტივობის შემცირებას, განწყობის ცვალებადობას, ქცევის მოშლას, სიარულის დარღვევას, ასევე პაციენტებში ალცჰეიმერის დაავადებით და ალცჰეიმერის ტიპის სენილური დემენციით. ინსულტის შედეგების მკურნალობა (იშემიური ინსულტის ქრონიკული სტადია), ისეთების როგორიც არის მეტყველების დარღვევა, ემოციური, მოძრაობითი და ფსიქიკური აქტივობის დარღვევები.
ქრონიკული ალკოჰოლიზმი – ფსიქოორგანული და აბსტინენციური სინდრომების მკურნალობა.
კომატოზური მდგომარეობები (აღდგენითი პერიოდი), მათ შორის თავის ტვინის ტრავმისა და ინტოქსიკაციის შემდგომ.
სისხლძარღვოვანი გენეზის მქონე თავბრუსხვევის მკურნალობა.
კორტიკალური მიოკლონიის მკურნალობა, მონო- და კომპლექსური თერაპია.
ნამგლისებურუჯრედოვანი ანემიის კომპლექსურ თერაპიაში.

შეჰყავთ ინტრავენურად და კუნთში.
ქრონიკული ფსიქოორგანული სინდრომის სიმპტომური მკურნალობის დროს, სიმპტომების გამოხატულების მიხედვით ინიშნება 2-4გ, დოზის შემდგომი გაზრდით 4-6გ-მდე დღეში, მკურნალობის კურსია 10-15 დღე.
ინსულტის შედეგების მკურნალობისას (ქრონიკული სტადია) ინიშნება 4-8 გ/დღეში. მკურნალობის კურსია 10-15 დღე, აუცილებლობის შემთხვევაში განმეორებითი კურსი ტარდება 6-8 კვირის შემდეგ.
კომატოზური მდგომარეობების მკურნალობის დროს და ასევე აღქმის სიძნელეების მქონე პირებში თავის ტვინის ტრავმით საწყისი დოზა შეადგენს 9-12 გ/დღეში, შემანარჩუნებელი დოზაა – 2,4 გ/დღეში. მკურნალობა გრძელდება არა ნაკლებ 3 კვირა.
ალკოჰოლური აბსტინენციის სინდრომის დროს – 12 გ/დღეში. შემანარჩუნებელი დოზაა 2,4 გ/დღეში.
თავბრუსხვევის და მასთან დაკავშირებული დარღვევების მკურნალობისას 2,4-4,8 გ/დღეში, მკურნალობის კურსია 10-15 დღე.
ნამგლისებურ უჯრედოვანი ანემიის დროს დღიური პროფილაქტიკური დოზა შეადგენს 160 მგ/კგ წონაზე, დაყოფილი ოთხ თანაბარ დოზაზე. კრიზისულ პერიოდში – 300 მგ/კგ ინტრავენურად

დოზირება ავადმყოფებში თირკმლის ფუნქციის დარღვევით:
ვინაიდან პირაცეტამი გამოიყოფა ორგანიზმიდან თირკმელებით, ავადმყოფებში თირკმლის უკმარისობით მკურნალობის დროს საჭიროა სიფრთხილის დაცვა მოცემული დოზირების სქემის შესაბამისად.

თირკმლის უკმარისობა	კრეატინინის კლირენსი (მლ/წთ)	დოზირება
ნორმა	> 80	ჩვეულებრივი დოზა
მსუბუქი	50-79	ჩვეულებრივი დოზის 2/3 გაყოფილი 4 მიღებაზე
საშუალო	30-49	ჩვეულებრივი დოზის 1/3 დაყოფილი 2 მიღებაზე
მძიმე		ჩვეულებრივი დოზის 1/6 ერთჯერადად
ბოლო სტადია	–	უკუნაჩვენებია

ასაკოვან პაციენტებში თირკმლის უკმარისობით საჭიროა დოზის კორექცია, ხანგრძლივი თერაპიის დროს აუცილებელია თირკმელების ფუნქციური მდგომარეობის კონტროლი.

დოზირება პაციენტებში ღვიძლის ფუნქციის დარღვევით:
ავადმყოფები ღვიძლის ფუნქციის დარღვევით დოზის კორექციას არ საჭიროებენ. ავადმყოფებში თირკმლისა და ღვიძლის ფუნქციის დარღვევით დოზირება ხორციელდება მოცემული სქემით (იხილეთ “დოზირება ავადმყოფებში თირკმლის ფუნქციის დარღვევით”).

სიმპტომი	გავრცელებული (1%-დან 10%-მდე)	იშვიათი (0.1%-დან 1%-მდე)
ცენტრალური და პერიფერიული ნერვული სისტემის მოშლილობა	ჰიპერკინეზია – 1.72%	–
ნივთიერებათა ცვლის დარღვევა	სხეულის მასის მომატება – 1.29%	–
ფსიქიკური მოშლილობები	ნევროზული აშლილობა – 1.13%	ძილიანობა – 0.96% დეპრესია – 0.83%
ზოგადი დარღვევები	–	ასთენია – 0.23%

გვერდითი მოვლენები უფრო ხშირად უვითარდებათ ხანდაზმულ პაციენტებს, რომლებიც იღებენ 2,4 გ-ზე მეტ დოზას დღეში. ამგვარი სიმპტომების რეგრესი უმეტეს შემთხვევაში მიიღწევა, პრეპარატის დოზის შემცირებით. არსებობს გვერდითი მოვლენების ერთეული შემთხვევები კუჭ-ნაწლავის მხრიდან, როგორიც არის გულისრევა, ღებინება, დიარეა, მუცლის და კუჭის ტკივილი; ნერვული სისტემა – თავბრუსხვევა, თავის ტკივილი, ატაქსია, წონასწორობის დარღვევა, ეპილეფსიის გართულებები, უძილობა; ფსიქიკის მხრიდან – აშლილობა, აგზნებადობა, მღელვარება, ჰალუცინაციები, სექსუალობის მომატება; კანის მხრიდან – დერმატიტი, ქავილი, გამონაყარი, შეშუპება.

პირაცეტამის და პიროლიდონის წარმოებულების და ასევე პრეპარატის სხვა კომპონენტების მიმართ ინდივიდუალური აუტანლობა. ჰემორაგიული ინსულტის მწვავე სტადია. თირკმლის უკმარისობის ბოლო სტადია (კრეატინინის კლირენსი არა ნაკლები 20 მლ/წთ). 1 წლამდე ასაკის ბავშვები.

პრეპარატის გამოყენება უკუნაჩვენებია ორსულობისა და ლაქტაციის პერიოდში.

პირაცეტამის თრომბოციტებზე ზემოქმედების გამო, რეკომენდებულია, პრეპარატი სიფრთხილით დაინიშნოს ავადმყოფებში ჰემოსტაზის დარღვევით, ქირურგიული ოპერაციების დროს ან ავადმყოფებში მძიმე სისხლდენის სიმპტომებით. პაციენტებში კორტიკალური მიოკლონიით თავი უნდა ავარიდოთ მკურნალობის უეცარ შეწყვეტას, რამაც შეიძლება გამოიწვიოს შეტევების განახლება. ხანგრძლივი მკურნალობის შემთხვევაში ხანდაზმულ პაციენტებში რეკომენდებულია თირკმლის ფუნქციის რეგულარული კონტროლი, აუცილებლობისას ატარებენ დოზის კორექციას კრეატინინის კლირენსის კვლევების შედეგების მიხედვით.
აღწევს ჰემოდიალიზის ფილტრაციის აპარატის მემბრანაში.

ზემოქმედება სატრანსპორტო საშუალებებისა და მექანიზმების მართვის უნარზე:
სატრანსპორტო საშუალებებისა და მექანიზმების მართვის უნარზე პირაცეტამის გავლენის შესახებ მონაცემები არ არის, შესაძლო გვერდითი მოვლენების გათვალისწინებით ასეთი გავლენა არ არის გამორიცხული, ამიტომ შეზღუდვის დონე ან აკრძალვა უნდა იყოს განსაზღვრული ექიმის მიერ.

პირაცეტამი არ არის ტოქსიური ძალიან მაღალ დოზებშიც კი. სპეციფიური ანტიდოტი არ არსებობს. ჭარბ დოზირებაზე ეჭვის დროს ტარდება სიმპტომური მკურნალობა. პირაცეტამის ექსკრეციის მიზნით ჰემოდიალიზის ეფექტურობა შეადგენს 50-60%-ს.

პრეპარატის ურთიერთქმედება კლონაზეპამთან, ფენიტოინთან, ფენობარბიტალთან, ნატრიუმის ვალპროატთან არ აღინიშნება.
პირაცეტამის მაღალი დოზები (9,6 გ/დღეში) ზრდის აცენოკუმაროლის ეფექტურობას ავადმყოფებში ვენური თრომბოზით, აღინიშნება თრომბოციტების აგრეგაციისა და ფიბრინოგენის დონის, ვილებრანდის ფაქტორების, სისხლისა და პლაზმის სიბლანტის შემცირების მომატება, ვიდრე მხოლოდ აცენოკუმაროლის დანიშვნისას.
პირაცეტამის ფარმაკოდინამიკის ცვალებადობა დაბალია სხვა სამკურნალო საშუალებების ზემოქმედებისას, ვინაიდან პრეპარატის 90% ორგანიზმიდან გამოიყოფა შარდით უცვლელი სახით. In vitro პარაცეტამი არ იწვევს ციტოქრომი P450 იზოფერმენტების CYP1A2, 2B6, 2C8, 2C9, 2C19, 2D6, 2E1 და 4A9/11 კონცენტრაციით 142, 426 და 1422 მკგ/მლ დათრგუნვას. კონცენტრაციისას 1422 მკგ/მლ-ზე, აღინიშნება CYP2A6 და 3A4/5 (11%)- ის უმნიშვნელო დათრგუნვა. თუმცა ამ ორი CYP იზომერის კლირენსი საკმარისია, როდესაც კონცენტრაცია აღემატება 1422 მკგ/მლ. ამიტომ პირაცეტამის მეტაბოლური ურთიერთქმედება სხვა პრეპარატებთან ნაკლებად შესაძლებელია.
ავადმყოფებში ეპილეფსიით, რომლებიც იღებენ მუდმივ დოზას, პირაცეტამის მიღება დოზით 20 მგ/დღეში არ ცვლის ეპილეფსიის საწინააღმდეგო პრეპარატების კონცენტრაციის დონეს სისხლის შრატში.
ალკოჰოლთან ერთდროული მიღება არ ახდენს გავლენას პირაცეტამის კონცენტრაციაზე შრატში და არც ალკოჰოლის კონცენტრაცია იცვლება სისხლის შრატში 1,6 გ პირაცეტამის მიღების შემდეგ.

ინახება სინათლისაგან დაცულ, ბავშვებისათვის მიუწვდომელ ადგილას 10oC -დან 25oC ტემპერატურაზე. დაუშვებელია გაყინვა.
ვარგისიანობის ვადა: 5 წელი. ნუ გამოიყენებთ შეფუთვაზე აღნიშნული ვარგისიანობის ვადის გასვლის შემდეგ.

ექიმის რეცეპტით (II ჯგუფი).