ალერფასტი / ALLERFAST

ძირითადი ფიზიკურ-ქიმიური თვისებები:
ღია ნარინჯისფერი, მრგვალი ფორმის, ორმხრივამოზნექილი ზედაპირის მქონე შემოგარსული ტაბლეტები ჭდით;
შემადგენლობა:
1 ტაბლეტი შეიცავს:
ფექსოფენადინის ჰიდროქლორიდს – 120 მგ ან 180 მგ;
დამხმარე ნივთიერებები: სიმინდის სახამებელი, მიკროკრისტალური ცელულოზა, კოლოიდური სილიციუმის დიოქსიდი, ნატრიუმის კროსკარმელოზა, მაგნიუმის სტეარატი, გასუფთავებული ტალკი, საღებავი.

ფარმაკოლოგიური თვისებები
წარმოადგენს H1-ჰისტამინური რეცეპტორების ბლოკატორს, რომელიც არ ავლენს სედატიურ მოქმედებას. პრეპარატის აქტიური ნივთიერება – ფექსოფენადინი – წარმოადგენს ტერფენადინის ფარმაკოლოგიურად აქტიურ მეტაბოლიტს. იგი პერიფერიული H1-რეცეპტორების მაღალსპეციფიკური ანტაგონისტია, არ გააჩნია ანტიქოლინერგული და ანტიადრენერგული აქტივობა.

შეწოვა. პრეპარატი პერორალურად მიღების შემდეგ სწრაფად აბსორბირდება კუჭ-ნაწლავის ტრაქტიდან. ფექსოფენადინის ჰიდროქლორიდის ფარმაკოკინეტიკა პერორალურად მიღებისას დოზით 240 მგ-მდე დღე-ღამეში (120 მგ დღე-ღამეში ორჯერ) არის სწორხაზოვანი.
Tmax პრეპარატის მიღების შემდეგ შეადგენს 2.6 სთ-მდე.
განაწილება. ფექსოფენადინის ჰიდროქლორიდის კავშირი პლაზმის ცილებთან, უპირატესად ალბუმინებთან და ალფა1-მჟავა გლიკოპროტეინებთან, შეადგენს 60-70%-ს.
მეტაბოლიზმი. მეტაბოლიზდება შეყვანილი დოზის დაახლოებით 5%. ფექსოფენადინი არ განიცდის მეტაბოლიზმს ღვიძლში, იგი ვლინდება შარდსა და განავალში, ძირითადად უცვლელი სახით.
ელიმინაცია. ნახევარგამოყოფის პერიოდი შეადგენს 14.4 სთ-ს. გამოიყოფა ძირითადად ნაღვლით.

სეზონური ალერგიული რინიტი, გაურთულებელი ქრონიკული იდიოპათიური ჭინჭრის ციება.

სეზონური ალერგიული რინიტი.
12 წლის ასაკის ზევით ბავშვები, მოზრდილები და ხანდაზმულები: რეკომენდებულია პრეპარატის გამოყენება პერორალურად 120 მგ ოდენობით დღეში ერთხელ.
გაურთულებელი ქრონიკული იდიოპათიური ჭინჭრის ციება.
12 წლის ასაკის ზევით ბავშვები, მოზრდილები და ხანდაზმულები: რეკომენდებულია პრეპარატის გამოყენება პერორალურად 180 მგ დღეში ერთხელ.
6-დან 11 წლამდე ასაკის ბავშვები: პრეპარატის რეკომენდებული დოზაა 30 მგ 1-2-ჯერ დღეში.
6 წლამდე ასაკის ბავშვები: პრეპარატის უსაფრთხოება და ეფექტურობა შესწავლილი არ არის.

ცენტრალური ნერვული სისტემის მხრივ: თავის ტკივილი, იშვიათად – დაღლილობა, ძილიანობა, თავბრუსხვევა, ცალკეულ შემთხვევებში – აგზნებადობა, ძილის დარღვევა;
საჭმლის მომნელებელი სისტემის მხრივ: გულისრევა, პირის სიმშრალე, დარღვევები კუჭ-ნაწლავის ტრაქტის მხრივ;
სხვა: იშვიათად – ცხვირის ღრუს და/ან ხორხის სიმშრალე, ცალკეულ შემთხვევებში – კანზე გამონაყარი, ქავილი და სხვა, ტკივილი გულის არეში, ფოტოსენსიბილიზაციის რეაქციები.

მომატებული მგრძნობელობა პრეპარატის ან მისი კომპონენტების მიმართ.

ალერფასტის გამოყენება ორსულობისა და ლაქტაციის პერიოდში უკუნაჩვენებია, რადგან არ არსებობს პრეპარატის გამოყენების უსაფრთხოებისა და ეფექტურობის დამადასტურებელი უტყუარი კლინიკური მონაცემები.
ორსულობის დროს პრეპარატის გამოყენება შესაძლებელია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების რისკს. ლაქტაციის პერიოდში ალერფასტის გამოყენების აუცილებლობის შემთხვევაში საჭიროა ძუძუთი კვების შეწყვეტა, რადგან დადგენილია, რომ ფექსოფენადინის ჰიდროქლორიდი აღწევს დედის რძეში.

არსებობს შეზღუდული ინფორმაცია პრეპარატის გამოყენების შესახებ ხანდაზმულებში და პაციენტებში თირკმლისა და ღვიძლის ფუნქციის დარღვევებით. ალერფასტი სიფრთხილით უნდა დაინიშნოს აღნიშნულ სარისკო ჯგუფებში.

ალერფასტის დოზის გადაჭარბების შემთხვევაში რეკომენდებულია სტანდარტული პროცედურების ჩატარება კუჭ-ნაწლავის ტრაქტიდან პრეპარატის არაადსორბირებული ნაწილის მოსაცილებლად. ჰემოდიალიზის ჩატარება ფექსოფენადინის ჰიდროქლორიდის დოზის გადაჭარბებისას არაეფექტურია (გამოიყოფა 1.7%-მდე). ფექსოფენადინის ანტიდოტი ცნობილი არ არის, აუცილებლობისას ატარებენ სიმპტომურ და შემანარჩუნებელ თერაპიას.

პრეპარატის ერითრომიცინთან ან კეტოკონაზოლთან ერთდროული გამოყენებისას აღინიშნება სისხლის პლაზმაში ფექსოფენადინის ჰიდროქლორიდის კონცენტრაციის მომატება, ამავე დროს არ აღინიშნება გვერდითი ეფექტების გაძლიერება და QT ინტერვალის რაიმე ცვლილება.
ფექსოფენადინის ჰიდროქლორიდის მიღებამდე 15 წთ-ით ადრე ალუმინის ან მაგნიუმის ჰიდროქსიდის შემცველი ანტაციდების მიღებისას 41%-ით მცირდება ფექსოფენადინის ჰიდროქლორიდის “კონცენტრაცია – დროის” დამოკიდებულების მრუდქვეშა ფართობი და 43%-ით – მაქსიმალური კონცენტრაცია სისხლის პლაზმაში.
რეკომენდებულია 2 სთ-იანი ინტერვალი პრეპარატისა და ალუმინის ან მაგნიუმის ჰიდროქსიდის შემცველი ანტაციდების მიღებებს შორის.

ინახება მშრალ, ბავშვებისაგან დაცულ ადგილას არა უმეტეს 25ºC ტემპერატურაზე.
ვარგისიანობის ვადა :
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

გაიცემა ურეცეპტოდ

ბრომჰექსინი ნიკომედი (ხსნარი) – BROMHEXINE-NYCOMED – БРОМГЕКСИН-НИКОМЕД

საერთაშორისო დასახელება:

BROMHEXINE-NYCOMED

მწარმოებელი: NYCOMED DANMARK AS დანია

მოქმედი ნივთიერება: ბრომჰექსინი

კლინიკურ–ფარმაკოლოგიური ჯგუფი:

მუკოლიტური(სეკრეტოლიტური) საშუალება; მედიკამენტი ამოსახველებელი და სუსტად გამოხატული ხველის საწინააღმდეგო ეფექტით.

შემადგენლობა და გამოშვების ფორმა:

ხსნარი: ფლაკონში 150 მლ

5 მლ

ბრომჰექსინის ჰიდროქლორიდი ……….. 4 მგ

ვრცლად ბრომჰექსინი ბერლინ–ხემი (დრაჟე, ხსნარი)

ნერვო კალმი #20ტ

ნერვო კალმ გული

Nervo Calm serce

საკვები დანამატი

მელისა, L-თეანინი, მთის როდიოლა, რესვერატროლი, თიამინი, სვიის გირჩები, ვიტამინები B3, B4, მაგნიუმი სპილენძი.

თავისი შემადგენლობის წყალობით საკვები დანამატი ნერვო კალმ გული უზრუნველყოფს ნერვული სისტემის ორმაგ დაცვას: ამშვიდებს და სტრესულ სიტუაციებში ნორმალური მუშაობის შესაძლებლობას იძლევა, გარდა ამისა, განაპირობებს გულის და სისხლძარღვების სისტემის ნორმალურ მუშაობას.
სამკურნალო მელისას ფოთლების ექსტრაქტი განაპირობებს ნერვული დაძაბულობის შემცირებას, ასევე, ხელს უწყობს კარგი განწყობის შენარჩუნებას და რელაქსაციას.
L-თეანინს აქვს დამამშვიდებელი მოქმედება, ამასთან ერთად, ხელს უწყობს ყურადღების კონცენტრაციას და საერთო კონცენტრაციას.
ჩვეულებრივი სვიის გირჩების ექსტრაქტი მოქმედებს დამამშვიდებლად.
მთის როდიოლას ფესვების ექსტრაქტი ხელს უწყობს ორგანიზმს ემოციურ სტრესთან შეგუებაში, დადებითად მოქმედებს ფსიქიკურ და ფიზიკურ მდგომარეობაზე.
რესვერატროლი ხელს უწყობს გულ-სისხლძარღვთა სისტემის ნორმალურ ფუნქციონირებას.
თიამინი ხელს უწყობს გულის ნორმალურ ფუნქციონირებას.
მაგნიუმი ამცირებს დაღლილობის და სისუსტის შეგრძნებას, ასევე, ხელს უწყობს ფსიქოლოგიური მდგომარეობის გაუმჯობესებას.
ვიტამინი B3 და ვიტამინი B4, ასევე, სპილენძი ხელს უწყობს ნერვული სისტემის ნორმალურ მუშაობას.
პრეპარატის გამოყენების და დოზირების რეკომენდაციები.
პრეპარატი გამოიყენება მოზრდილებში. ერთი აბი დღეში 2-ჯერ. აბი უნდა გადაყლაპოთ და მიაყოლოთ შესაბამისი რაოდენობის წყალი.
სიფრთხილის ზომები პრეპარატის გამოყენებისას:
არ შეიძლება პრეპარატის რეკომენდებული დღიური დოზის გადაჭარბება. არ შეიძლება პრეპარატის მიღება იმ პირებისთვის, რომელთაც აქვთ მომატებული მგრძნობელობა პრეპარატის რომელიმე შემადგენლის მიმართ. არ არის რეკომენდებული პრეპარატის მიღება ორსულობის და ლაქტაციის პერიოდში. საკვები დანამატი არ განიხილება, როგორც სრულფასოვანი დიეტის შემცვლელი. სრულფასოვანი კვება და ჯანმრთელი ცხოვრების წესი არსებითია ორგანიზმის სწორი ფუნქციონირებისთვის.

დღიური რეკომენდებული დოზის შემადგენლობა:

შემადგენელი 2 აბი,
მგ რეკომენდებული დღიური რაოდენობა,
%
სამკურნალო მელისას ფოთლების ექსტრაქტი 300 _
მწვანე ჩაის ფოთლების L-თეანინი 200 _
მაგნიუმი 60 16
ჩვეულებრივი სვიის გირჩების ექსტრაქტი 50 _
მთის როდიოლას ფესვების ექსტრაქტი 20 _
ყურძნის კანის ექსტრაქტი 20 _
რესვერატროლი 10 _
თიამინი 1.1 100
ვიტამინი B3 16 100
ვიტამინი B4 1.4 100
სპილენძი 1.0 100

შენახვის წესი: შეინახეთ ოთახის ტემპერატურაზე (15-200ჩ) მშრალ და ბნელ, ბავშვებისთვის მიუწვდომელ ადგილას.
შენახვის ვადა: ვარგისიანობის მინიმალური ვადა, პარტიის ნომერი მითითებულია კოლოფზე გვერდიდან.
მასა ნეტო: 12.6 გ (20 ცალი 630 მგ-იანი აბი).
მწარმოებელი:
ფარმაცევტული პროდუქციის მწარმოებელი
LEK-AM Sp. z o.o.
ოსტშიკოვიზნას ქ. 14ა,
05-170, ზაკროჩიმი
LM-NSR20-01

მედოტილინი 1000მგ/4მლ #3ა

~~50.06 ლარი~~
47.06 ლარი

ქვეყანა: თურქეთი

მწარმოებელი: მეფარ ილაჩ

გაცემის ფორმა: II ჯგუფი რეცეპტული

ნეორელიუმი 5მგ/მლ 2მლ #50ა

~~80.00 ლარი~~
75.20 ლარი

ქვეყანა: პოლონეთი

მწარმოებელი: პოლფა ტარხომინი

გაცემის ფორმა: II ჯგუფი რეცეპტული

ბრომჰექსინი ბერლინ-ხემი (დრაჟე, ხსნარი) – BROMHEXINE BERLIN-CHEMIE – БРОМГЕКСИН БЕРЛИН-ХЕМ

საერთაშორისო დასახელება:

BROMHEXINE

მწარმოებელი: BERLIN – CHEMIE/MENARINI GROUP, გერმანია

მოქმედი ნივთიერება: ბრომჰექსინი

კლინიკურ–ფარმაკოლოგიური ჯგუფი:

მუკოლიტური(სეკრეტოლიტური) საშუალება; მედიკამენტი ამოსახველებელი და სუსტად გამოხატული ხველის საწინააღმდეგო ეფექტით.

შემადგენლობა და გამოშვების ფორმა:

დრაჟე: შეფუვაში 25 ც.

1 დრაჟე

ბრომჰექსინის ჰიდროქლორიდი …….. 8 მგ

ჩვენებები:
სეკრეტის გათხელების სამკურნალოდ, ბრონქებისა და ფილტვების მწვავე და ქრონიკული დაავადებების დროს, რომლებსაც ახლავს წებოვანი სეკრეტი.

მიღების წესი და დოზირება:
თუ სხვანაირად არ არის დანიშნული:

6-14 წლის ბავშვებში, ასევე

პაციენტებში სხეულის 50 კგ-ზე ნაკლები წონით

დღეში 3-ჯერ 1 დრაჟე

მოზრდილები და 14 წელზე უფროსი მოზარდები

დღეში 3-ჯერ 1-2 დრაჟე

ღვიძლის ან თირკმელების ფუქნციის მძიმე დარღვევისას საჭიროა დოზის შესაბამისი შემცირება. ამ საკითხთან დაკავშირებით აუცილებელია ექიმთან მიმართვა.
დრაჟე მიიღება ჭამის შემდეგ, დაუღეჭავად, საკმარისი რაოდენობით სითხესთან ერთად.
მითითება: აუცილებელია იმის გათვალისწინება, რომ დალეული სითხის რაოდენობა საკმარისი უნდა იყოს, იმიტომ რომ მკურნალობისას მიღებული სითხის რაოდენობის გაზრდა ხელს უწყობს მკურნალობას და ბრონქებში სეკრეტის სასურველ გათხელებას. გამოყენების ხანგრძლივობა დამოკიდებულია დაავადების მიმდინარეობაზე. ექიმთან კონსულტაციის გარეშე 4-5 დღეზე მეტ ხანს პრეპარატის გამოყენება არ შეიძლება.

გვერდითი მოვლენები:
გვერდითი მოქმედებების შეფასების საფუძვლად ჩვეულებრივ მიიღება სიხშირის შემდეგი მონაცემები:

ძალიან ხშირად: 10 ნამკურნალებიდან 1-ზე მეტი

ხშირად: 1-ზე ნაკლები 100-დან, მაგრამ არა უმეტეს 1-სა 100

ზოგჯერ: 1-ზე ნაკლები 100-დან,

მაგრამ არა უმეტეს 1-სა 1000 ნამკურნალებიდან

იშვიათად: 1-ზე ნაკლები 1000-დან, მაგრამ არა უმეტეს 1-სა 10.000 ნამკურნალებიდან

ძალიან იშვიათად:
1 შემთხვევა 10.000 ნამკურნალებიდან ან უფრო იშვიათად, ერთეული შემთხვევის ჩათვლით.
ჩვეულებრივ პრეპარატი კარგად აიტანება. მაგრამ ხშირად შეიძლება წარმოიშვას ჩივილები კუჭ-ნაწლავის ტრაქტის მხრივ. ძალიან იშვიათად შეიძლება განმეორებით განვითარდეს კუჭის ან ნაწლავის ადრე არსებული წყლული. ზოგჯერ ადგილი აქვს თავბრუსხვევის შეგრძნებას, თავის ტკივილს, სისხლში ღვიძლის ფერმენტების მაჩვენებლების მომატებას (ასპარტატამინოტრანსფერაზა ან მოკლედ ასატ), ჰიპერმგრძნობელობის რეაქციებს (კანის ან ლორწოვანი გარსების მხრივ, სახის შეშუპება, ქოშინი, ასევე ტემპერატურის მომატება და კანკალი, ერთეულ შემთხვევებში მძიმე ანაფილაქსიური შოკის სახით).
ჰიპერმგრძნობელობის პირველი რეაქციების განვითარებისას პრეპარატის განმეორებით მიღება არ შეიძლება. Aაუცილებელია ექიმთან დაუყოვნებლივ მიმართვა.

უკუჩვენებები:
პრეპარატის გამოყენება არ შეიძლება ჰიპერმგრძნობელობისას ბრომჰექსინის ან პრეპარატის სხვა კომპონენტების მიმართ.
მოქმედი ნივთიერების დიდი რაოდენობით შემცველობის გამო პრეპარატის გამოყენება 6 წლამდე ასაკის ბავშვებში არ შეიძლება.
მხოლოდ ექიმთან კონსულტაციის შემდეგ და განსაკუთრებული სიფრთხილით გამოიყენება შემდეგ შემთხვევებში: კუჭისა და წვრილი ნაწლავის წყლული; ბრონქების ზოგიერთი იშვიათი დაავადება, რომლებსაც ახლავს ჭარბი სეკრეტის დაგროვება (მაგალითად, წამწამების ავთვისებიანი სინდრომი), სეკრეტის შეგუბების საშიშროების გამო; თირკმელების ფუნქციის დაქვეითება ან ღვიძლის მძიმე დაავადება. ამ შემთხვევებში მცირდება ინტერვალები ბრომჰექსინის მიღებათა შორის ან მცირდება დოზა.

ორსულობა და ლაქტაცია:
ვინაიდან ორსულებში ბრომჰექსინის გამოყენების გამოცდილება დღემდე არ არსებობს, ბრომჰექსინის გამოყენება შეიძლება მხოლოდ მას, შემდეგ, როდესაც ექიმი შეაფასებს პრეპარატის გამოყენებით გამოწვეულ შესაძლო რისკსა და სარგებელს. მოქმედი ნივთიერება გადადის დედის რძეში. ამიტომ პრეპარატის გამოყენება ლაქტაციის პერიოდში არ შეიძლება.

განსაკუთრებული მითითებები:
პრეპარატის ვარგისიანობის ვადის გასვლის თარიღი მითითებულია დასაკეც მუყაოს კოლოფზე და ფოლგაზე. შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება.
თირკმელების ფუნქციის მძიმე დარღვევებისას გასათვალისწინებელია ღვიძლში წარმოქმნილი ბრომჰექსინის დაშლის პროდუქტების დაგროვების შესაძლებლობა. კერძოდ, უფრო ხანგრძლივი გამოყენებისას საჭიროა ღვიძლის ფუქნციის პერიოდული კონტროლი.

ჭარბი დოზირება:
ჭარბი დოზის მიღების შემთხვევაში, როგორც წესი, გვერდითი მოქმედებები საშიში არ არის. მძიმე სიმპტომატიკის გამოვლინების დროს შესაძლებელია საჭირო გახდეს სისხლის მიმოქცევის კონტროლი და, ზოგიერთ შემთხვევაში, მკურნალობა სიმპტომატურია.
თუ პატარა ბავშვმა ბრომჰექსინი 8 ბერლინ-ჰემი დიდი რაოდენობით მიიღო, აუცილებელია ექიმთან მიმართვა.

სხვა წამლებთან ურთიერთქმედება:
ერთდროულმა გამოყენებამ ხველის საწინააღმდეგო სამკურნალო საშუალებებთან მათ მიერ ხველის რეფლექსის დათრგუნვის გამო შეიძლება გამოიწვიოს სეკრეტის შეგუბება, რომელიც საშიშროებას წარმოადგენს. ამიტომ ასეთი კომბინირებული მკურნალობის ჩატარება შეიძლება მხოლოდ განსაკუთრებული სიფრთხილის დაცვით. კუჭ-ნაწლავის ტრაქტის გამაღიზიანებელ სამკურნალო საშუალებებთან კომბინირებისას შესაძლებელია კუჭის ლორწოვანი გარსის გაღიზიანება.
ანტიბიოტიკების (ბაქტერიების საწინააღმდეგო სამკურნალო საშუალებები) ერთდროულად დანიშვნისას ისინი ადვილად გადადიან ფილტვის ქსოვილში.

შენახვის პირობები და ვადები:
ინახება ბავშვებისათვის მიუწვომელ ადგილას, 15-30°C ტემპერატურაზე.

ხსნარი: ფლაკონში 60 მლ

5 მლ

ბრომჰექსინის ჰიდროქლორიდი ……. 4 მგ

ჩვენებები:

სეკრეტის გასათხელებლად ბრონქებისა და ფილტვების მწვავე და ქრონიკული დაავადებების მკურნალობის დროს, რომლებსაც თან ახლავს წებოვანი სეკრეტის გამოყოფა.

მიღების წესი და დოზირება:

თუ სხვანაირად არ არის დანიშნული:

მოზრდილები და 14 წელზე

უფროსი ასაკის მოზარდები

დღეში 3-ჯერ 2-4 დოზირებული კოვზი

6-14 წლის ბავშვებსა და მოზარდებში,

ასევე პაციენტებში სხეულის 50 კგ-ზე ნაკლები წონით

დღეში 3-ჯერ 2 დოზირებული კოვზი

6 წლამდე ასაკის ბავშვებში

დღეში 3-ჯერ 1 დოზირებული კოვზი

ღვიძლის ან თირკმელების ფუქნციის მძიმე დაღვევისას, საჭიროა დოზის შემცირება. ამ საკითხთან დაკავშირებით აუცილებელია ექიმთან მიმართვა.

შიგნით მისაღები ხსნარის დოზირება ხდება თანდართული დოზირებული კოვზის მეშვეობით.

პრეპარატი მიიღება დღეში 3-ჯერ, ე.ი. დილას, შუადღეს და საღამოს ჭამის შემდეგ, საკმარისი რაოდენობით წყლის დაყოლებით.

გვერდითი მოვლენები:

ძალიან ხშირად: 10 ნამკურნალებიდან 1-ზე მეტი

ხშირად: 1-ზე ნაკლები 10-დან,

მაგრამ არა უმეტეს 1-სა 100 ნამკურნალებიდან

ზოგჯერ: 1-ზე ნაკლები 100-დან,

მაგრამ არა უმეტეს 1-სა 1000 ნამკურნალებიდან

იშვიათად: 1-ზე ნაკლები 1000-დან,

მაგრამ არა უმეტეს 1-სა 10.000 ნამკურნალებიდან

ძალიან იშვიათად: 1 შემთხვევა 10.000 ნამკურნალებიდან ან უფრო იშვიათად,

ერთეული შემთხვევის ჩათვლით.

უკუჩვენებები:

პრეპარატის გამოყენება არ შეიძლება ჰიპერმგრძნობელობისას ბრომჰექსინის ან პრეპარატის სხვა კომპონენტების მიმართ, ასევე თუ ავადმყოფს აწუხებს ფრუქტოზას იშვიათი თანდაყოლილი აუტანლობა.

მხოლოდ ექიმთან კონსულტაციის შემდეგ შეიძლება მისი გამოყენება შემდეგ შემთხვევებში: კუჭისა და თორმეტგოჯა ნაწლავის წყლული; ბრონქების იშვიათი დაავადებები, რომლებსაც თან ახლავს ჭარბი სეკრეტის დაგროვება (მაგალითად, ეპითელიუმის წამწამების ავთვისებიანი სინდრომი); თირკმელების ფუნქციის შეზღუდვა ან ღვიძლის მძიმე დაავადება (ამ შემთხვევებში პრეპარატი გამოიყენება ხანგრძლივი ინტერვალებით და მცირე დოზით).

ორსულობა და ლაქტაცია:

პრეპარატის გამოყენება არ შეიძლება ჰიპერმგრძნობელობისას ბრომჰექსინის ან პრეპარატის სხვა კომპონენტების მიმართ, ასევე თუ ავადმყოფს აწუხებს ფრუქტოზას იშვიათი თანდაყოლილი აუტანლობა.

მხოლოდ ექიმთან კონსულტაციის შემდეგ შეიძლება მისი გამოყენება შემდეგ შემთხვევებში: კუჭისა და თორმეტგოჯა ნაწლავის წყლული; ბრონქების იშვიათი დაავადებები, რომლებსაც თან ახლავს ჭარბი სეკრეტის დაგროვება (მაგალითად, ეპითელიუმის წამწამების ავთვისებიანი სინდრომი); თირკმელების ფუნქციის შეზღუდვა ან ღვიძლის მძიმე დაავადება (ამ შემთხვევებში პრეპარატი გამოიყენება ხანგრძლივი ინტერვალებით და მცირე დოზით).

განსაკუთრებული მითითებები:

თირკმელების ფუნქციის მძიმე დარღვევების შემთხვევაში გასათვალისწინებელია ღვიძლში წარმოქმნილი ბრომჰექსინის დაშლის პროდუქტების დაგროვების შესაძლებლობა. კერძოდ, უფრო ხანგრძლივი გამოყენებისას, საჭიროა ღვიძლის ფუნქციის პერიოდული კონტროლი.

მითითება შაქრიანი დიაბეტით დაავადებულთათვის:

1 დოზირებული კოვზი შეიცავს 2 მგ სორბიტს (მასში 0.5 გ ფრუქტოზაა), რაც შეესაბამება დაახლოებით 0.17 პურის ერთეულს (პე). კალორიულობის მაჩვენებელი – 2.6 კკალ 1 გ სორბიტზე. სორბიტმა შეიძლება გამოავლინოს მსუბუქი საფაღარათო მოქმედება.

აუცილებელია იმის გათვალისწინება, რომ მიღებული სითხის რაოდენობა საკმარისი იყოს, ვინაიდან მკურნალობის დროს მიღებული სითხის რაოდენობის გაზრდა ხელს უწყობს მკურნალობას და მოქმედებს ბრონქებში სეკრეტის სასურველ გათხელებაზე. ექიმთან კონსულტაციის გარეშე 4-5 დღეზე მეტ ხანს პრეპარატის გამოყენება არ შეიძლება.

ჭარბი დოზირება:

ჭარბი დოზის მიღების შემთხვევაში, როგორც წესი, გვერდითი მოქმედებები საშიში არ არის. მძიმე სიმპტომების გამოვლინების შემთხვევაში, შესაძლებელია საჭირო გახდეს სისხლის მიმოქცევის კონტროლი და საჭიროების შემთხვევაში, სიმპტომური მკურნალობა.

თუ პატარა ბავშვმა პრეპარატი დიდი რაოდენობით მიიღო, აუცილებელია ექიმთან მიმართვა.

დოზის გამოტოვება

პრეპარატის მიღება უნდა გაგრძელდეს რეგულარულად დოზირების რეჟიმის მიხედვით.

სხვა წამლებთან ურთიერთქმედება:

კუჭ-ნაწლავის ტრაქტის გამაღიზიანებელ სამკურნალო საშუალებებთან კომბინირებისას, შესაძლებელია კუჭის ლორწოვანი გარსის გაღიზიანება.

ერთდროულმა გამოყენებამ ხველის საწინააღმდეგო სამკურნალო საშუალებებთან მათ მიერ ხველის რეფლექსის დათრგუნვის გამო, შეიძლება გამოიწვიოს სეკრეტის შეგუბება, რომელიც საშიშროებას წარმოადგენს. ამიტომ, ასეთი კომბინირებული მკურნალობის ჩატარება შეიძლება მხოლოდ განსაკუთრებული სიფრთხილის დაცვით. ანტიბიოტიკები (ბაქტერიების საწინააღმდეგო სამკურნალო საშუალებები, მაგალითად, ერითრომიცინი, ცეფალექსინი, ოქსიტეტრაციკლინი, ამპიცილინი, ამოქსიცილინი) ადვილად აღწევენ ფილტვის ქსოვილში.

შენახვის პირობები:

პრეპარატის ვარგისიანობის ვადა მითითებულია დასაკეც მუყაოს კოლოფზე და ეტიკეტზე. შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება.

ფლაკონის გახსნის შემდეგ ვარგისიანობის ვადა: 3 თვე.

ინახება ბავშვებისათვის მიუწვომელ ადგილას, არაუმეტეს 25°C ტემპერატურაზე.

ლუცეტამი 1200მგ #20ტ

ლუცეტამი 1200მგ
LUCETAM

აქტიური ნივთიერება: თითოეული გარსით დაფარული ტაბლეტი შეიცავს პირაცეტამის 400 მგ-ს, 800 მგ-ს ან 1200 მგ-ს.
არააქტიური ინგრედიენტები: მაგნიუმის სტეარატი, პოვიდონი K-30, მაკროგოლი 6000, დიბუტილსებაკატი, ტიტანიუმის ორჟანგი, ტალკი, ეთილცელულოზა, ჰიპრომელოზა.

ლუცეტამი – ნოოტროპული საშუალებაა. იგი აატქიურებს ნივთიერებათა ცვლას ნერვულ უჯრედებში, აღადგენს უჯრედოვანი მემბრანების სტრუქტურასა და აუმჯობესებს მათ ფუნქციას და, ამგვარად, აადვილებს ინფორმაციის ცვლას უჯრედებს შორის. პრეპარატი კარგ ეფექტს ახდენს თავის ტვინის სისხლ- მიმოქცევასა და მეტაბოლიზმზე. პირაცეტამი აქვეითებს თრომბოციტების აგრეგაციას (შეწებება), ასევე, არ აძლევს სისხლის წითელ უჯრედებს საშუალებას მიეწებოს სისხლძარღვთა კედლებს და ხელს უშლის სისხლძარღვის დამხშობი თრომბის ფორმირების დაწყებას.

ჩვენებები
– მეხსიერების დარღვევა, ყურადღების და მოტივაციის დეფიციტი, სიფხიზლის დონის შემცირება თავის ტვინის დაზიანებისა ან მისი ფუნქციების დათრგუნვის გამო.
– ტვინის სისხლის მიმოქცევის მოშლის ნარჩენი მოვლენების მკურნალობა (უპირველის ყოვლისა, აფაზიის).
– კუნთების კრთომა, განპირობებული ნერვულის სიტემის დაზიანებით (ქერქული მიოკლონუსი).
– თავბრუსხვევა და წონასწორობის დარღვევა (სისხლძარღვოვანი მოშლილობების სიმპტომებისა და ფსიქიკური დარღვევების გარდა).
– ქრონიკული ალკოჰოლიზმისა და ალკოჰოლური აბსტინენციური სინდრომის ფონზე განვითარებული მეხსიერებისა და ყურადღების დაქვეითების კომპლექსური თერაპიის კომპონენტის სახით.
– სხვა მეთოდებთან კომბინაციაში _შესწავლის სირთულისა და დიზლექსიის (წერილობითი მეტყველების აღქმის გაძნელება) მქონე ბავშვების შრომისუნარიანობის გასაუმჯობესებლად.

უკუჩვენებები:
– მაღალი მგრძნობელობა პრეპარატის ნებისმიერი კომპონენტის მიმართ.
– თირკმელების მძიმე დაავადება.
– სისხლჩაქცევა თავის ტვინში.
– ძუძუთი კვება.
– ორსულობა.

პრეპარატ ლუცეტამის გამოყენება საჭიროებს განსაკუთრებულ სიფრთხილეს
• თირკმელების ფუნქციის დარღვევის შემთხვევაში პრეპარატ ლუცეტამის აქტიური კომპონენტის გამოყოფა შეიძლება გახანგრძლივდეს, მისი ეფექტი კი გაძლიერდეს. ხანდაზმულ პაციენტებში მკურნალობის დაწყებამდე გამოიკვლეულ უნდა იქნას თირკმლის ფუნქციები.
• ეპილეფსია ან სპასტიური მდგომარეობისაკენ მიდრეკილება, რადგან ამ პრეპარატის აქტიურ ნივთიერებას შეუძლია გააძლიეროს სპაზმებისაკენ მიდრეკილება და მოახდინოს ეპილეფსიური შეტევების პროვოცირება.
• სისხლის შედედების დარღვევა, ძლიერი სისხლდენა, გადატანილი დიდი ოპერაცია. ამ პრეპარატის აქტიურ ნივთიერებას შეუძლია იმოქმედოს სისხლის შედედებაზე, მისი გამოყენება ამ შემთხვევებში საჭიროებს განსაკუთრებულ სიფრთხილეს.
• ქერქული მიოკლონია, რადგან პრეპარატ ლუცეტამის სწრაფ მოხსნას შეუძლია დაავადების რეციდივის და კრუნჩხვითი შეტევების გამოწვევა.
• ჰიპერთირეოზი – პრეპარატს შეუძლია ზოგიერთი სიმპტომების გაძლიერება (ტრემორი, შფოთვა, ძილის დარღვევა, გაბრუება).

ორსულობა
მიუხედავად იმისა, რომ ჩატარებულმა კვლევებმა არ გამოავლინეს პრეპარატ ლუცეტამის ტოქსიური ეფექტი ნაყოფზე, ეს ნივთიერება გადის პლაცენტარულ ბარიერს და ამიტომ მისი გამოყენება, ჩვეულებრივ, უკუნაჩვენებია ორსულობის დროს. ექიმი ამ პრეპარატს დანიშნავს მხოლოდ იმ შემთხვევაში, როდესაც მისი სარგებელი აჭარბებს შესაძლებელ რისკს.

ძუძუთი კვება
პრეპარატის აქტიური ნივთიერება გამოიყოფა დედის რძეში. მეძუძური დედებისათვის არ არის რეკომენდირებული ლუცეტამის მიღება.

ტრანსპორტისა და მექანიზმების მართვა
ამ უნარზე პირაცეტამის გავლენის კლინიკური მონაცემები არ არსებობს, მაგრამ მისი შესაძლებელი გვერდითი ეფექტების გათვალისწინებით, ასეთი გავლენა არ არის გამორიცხული. ამიტომ შეზღუდვის დონე ექიმის მიერ უნდა განისაზღვროს.

სხვა სამკურნალო საშუალებების მიღება
მასტიმულირებელი, ანტიფსიქოზური ნივთიერებების, ფარისებრი ჯირკვლის ჰორმონალური პრეპარატების ან ანტიკოაგულანტების მიღება ლუცეტამთან ერთად საჭიროებს სამედიცინო მეთვალყურეობას ან (ზოგიერთ შემთხვევაში) დოზის დაზუსტებას.

დოზირება და მიღების წესი
პრეპარატი მიიღება მხოლოდ ექიმის დანიშნულებით. საჭიროა რეკომენდირებული დოზისა და მკურნალობის ხანგრძლივობის ზუსტი დაცვა.
დოზა უნდა შეირჩეს ინდივიდუალურად დაავადების სახისა და სიმძიმის, ასევე, პრეპარატზე რეაქციის გათვალისწინებით.
ტაბლეტები ინიშნება ჭამამდე, 100-200 მლ სითხის მიყოლებით.
რეკომენდირებული დოზები სხვადასხვა ჩვენების დროს
ფსიქოორგანული სინდრომის სიმპტომური მკურნალობა (მეხსიერების დარღვევა, ყურადღებისა და მოტივაციის უკმარისობა): დღე-ღამეში 2,4 – 4,8 გ ორ-სამ მიღებად.
ტვინის სისხლის მიმოქცევის დარღვევის ნარჩენი მოვლენების მკურნალობა (მაგალითად, ინსულტი): ქვემწვავე ან ქრონიკული (15 დღეზე მეტი ხანგრძლივობის) დაავადებების დროს რეკომენდირებული დოზაა 4,8 – 6 გ.
კორტიკალური მიოკლონია: რეკომენდირებული საწყისი დღიური დოზაა 7,2 მგ, რის შემდეგ, საჭიროებისამებრ, შეიძლება დოზის მომატება 4,8 გ-ით 3-4 დღიანი ინტერვალებით, 24 გ-მდე დღეში.
თავბრუსხვევა: 2,4 – 4,8 გ დღეში ორი-სამ მიღებაზე.
ალკოჰოლის შეწყვეტის სინდრომი: 12 გ დღეში, შემდეგ შემანარჩუნებელი თერაპიის სახით _ 2,4 გ დღეში.
ბავშვების დიზლექსია: 8-13 წლის ასაკში, ლოგოპედიურ მკურნალობასთან ერთად, მაქსიმალური რეკომენდირებული დოზა შეადგენს 3,2 გ-ს ორ მიღებაზე.

თირკმლის ფუნქციის დარღვევის დროს შეიძლება საჭირო გახდეს დოზის კორექცია.
მკურნალობის ხანგრძლივობა ისაზღვრება პაციენტის კლინიკური მდგომარეობით. ქრონიკული დაავადებების დროს მკურნალობა, ჩვეულებრივ, გრძელდება 6-12 კვირა, მაგრამ შეიძლება რამდენიმე თვის განმავლობაშიც გაგრძელდეს, ხოლო ალცჰაიმერის დაავადების დროს _ რამდენიმე წელიც კი.
არ შეიძლება პრეპარატის მიღების შეწყვტა თვითნებურად.

ჭარბი დოზირება:
პირაცეტამი არატოქსიურია ძალიან მაღალ დოზებშიც კი.
სპეციფიკური ანტიდოტი არ არსებობს. ჭარბი დოზირების შემთხვევაში, საჭიროა სიმფტომური მკურნალობის გამოყენება. პირაცეტამი ორგანიზმიდან შეიძლება გამოიდევნოს დიალიზის მეშვეობით ექსტრაქციის ეფექტურობით 50-60 %.
დოზის გამოტოვების შემთხვევაში:
მორიგი დოზის მიღება უნდა მოხდეს რაც შეიძლება მალე შემდეგი დოზის მიღებამდე. თუ დადგა შემდეგი დოზის მიღების დრო, გამოტოვეთ წინამორბედი, რადგან მისი ანაზღაურება უკვე შეუძლებელია, ორი დოზის ერთდროულმა მიღებამ კი შეიძლება გამოიწვიოს ჭარბი დოზირება.

გვერდითი ეფექტები
როგორც ნებისმიერ სხვა სამკურნალო საშუალებას, ლუცეტამს შეუძლია გვერდითი ეფექტების გამოწვევა. ისინი, ჩვეულებრივ, სუსტად არიან გამოხატული და ძირითადად დაკავშირებულია მაღალი დოზების მიღებასთან, მაგრამ ექიმს ჰკითხეთ რჩევა, თუ იგრძნობთ ერთ-ერთს შემდეგი გამოვლინებებიდან:
შეწყვიტეთ პრეპარატის მიღება და დაუყოვნებლივ მიმართეთ ექიმს ან სასწრაფო დახმარების განყოფილებას, ნებისმიერი ქვემოთ ჩამოთვლილი მოვლენის გამოვლენისას:
იშვიათი მძიმე გვერდითი მოვლენები:
– მაღალი მგრძნობელობა (ალერგია) პრეპარატ ლუცეტამის ან მისი ინგრედიენტების მიმართ.
– ჭინჭრის ციება
ეს სიმპტომი შეიძლება იყოს ძალიან იშვიათი ალერგიული რეაქციის გამოვლენა. დაუყოვნებლივ უნდა შეწყდეს პრეპარატის მიღება და ჩატარდეს ექიმის კონსულტაცია.
ქვემოთ ჩამოთვლილი გვერდითი ეფექტები, ჩვეულებრივ, მსუბუქად ამოხატულია. გვერდითი ეფექტები, რომელიც აღინიშნება სიხშირით არანაკლებ 5 %-ისა, ძირითადად ხანდაზმულ პაციენტებში 2400 მგ-ზე მეტი Dდღიური დოზის მიღების შემთხვევაში: ნერვული აგზნებადობა და გაღიზიანებადობა, შფოთვა, აგრესია, მოძრაობითი აქტივობის მომატება, ძილის დარღვევა.
გვერიდთი ეფექტები 2 %-ზე ნაკლები სიხშირით: გულისრევა, ღებინება, ფაღარათი, კუჭის ტკივილი, სხეულის წონის მომატება.
იშვიათად: არტერიული წნევის მომატება ან შემცირება, თავბრუსხვევა, თავის ტკივილი, ტრემორი, ლიბიდოს გაზრდა, ალერგიული რეაქციები.
ძალიან იშვიათად: უძილობა და დაღლილობა (პარადოქსული ეფექტები).
სხვა იშვიათი გვერდითი ეფექტები, რეგისტრირებული კლინიკური კვლევებით: გონების დაბინდვა, ჰალუცინაციები (მხედველობითი და სმენითი), მოძრაობის დროს გაუბედაობა, წონასწორობის დარღვევა, ეპილეფსიის მიმდინარეობის გაუარესება, სისხლძარღვთა გაფართოვება შეშუპებით, დერმატიტი, კანის ქავილი.
გამოშვების ფორმა
გარსით დაფარული ტაბლეტები, 400 მგ, 800 მგ, 1200 მგ, მოთავსებული ყავისფერი შუშის ფლაკონებში (შესაბამისად 60, 30 და 20 ცალი ფლაკონში).
ფლაკონები თავსდება მუყაოს ყუთში გამოყენების ინსტრუქციასთან ერთად.
შენახვის პირობები
პრეპარატი ინახება ოთახის 15-25⁰C ტემპერატურაზე მშრალ და სინათლისაგან დაცულ, ბავშვებისათვის მიუწვდომელ ადგილას!
ვარგისიანობის ვადა
ვარგისიანობის ვადა მითითებულია ყუთზე.
პრეპარატი არ გამოიყენება შეფუთვაზე მითითებული ვარგისიანობის ვადის ამოწურვის შემდეგ.
აფთიაქიდან გაცემის პირობები
რეცეპტით.

მწარმოებელი
ფარმაცევტული ქარხანა ეგის ს/ს უნგრეთი
EGIS PHARMACEUTICALS LTD HUNGARY

ბრომჰექსინი (წვეთები) – BROMHEXINE – БРОМГЕКСИН

საერთაშორისო დასახელება:

BROMHEXINE

მწარმოებელი: KREWEL MEUSELLBACH

მოქმედი ნივთიერება: ბრომჰექსინი

კლინიკურ–ფარმაკოლოგიური ჯგუფი:

მუკოლიტური(სეკრეტოლიტური) საშუალება; მედიკამენტი ამოსახველებელი და სუსტად გამოხატული ხველის საწინააღმდეგო ეფექტით.

შემადგენლობა და გამოშვების ფორმა:

წვეთები: ფლაკონში 20 მლ, 50 მლმ და 100 მლ.

1 მლ

ბრომჰექსინის ჰიდროქლორიდი …………… 8 მგ

კამის ზეთი ………………………………………….. 0.74 მგ

ანისულის ზეთი ……………………………………….. 0.25 მგ

ვრცლად ბრომჰექსინი ბერლინ–ხემი (დრაჟე, ხსნარი)

ნეო პეკეს-Relax დღ.ტრანკვ150მლ

~~43.90 ლარი~~
41.26 ლარი

ქვეყანა: ესპანეთი

მწარმოებელი: ნეოვიტალ დისტრიბუსიონ

გაცემის ფორმა: III ჯგუფი ურეცეპტო

ლუცეტამი 800მგ #30ტ

ლუცეტამი 800მგ
LUCETAM