საერთაშორისო არაპატენტირებული დასახელება :

ბრიმონიდინი +თიმოლოლი .

მწარმოებელი: ღსს ,, ლიკვორ “”, სომხეთი

წამლის ფორმა : თვალის წვეთები 2 მგ / მლ , 5 მგ / მლ .

შემადგენლობა : აქტიური ნივთიერებები :

ბრიმონიდინის ტარტრატი  ……………. 2,0 მგ ,

თიმოლოლის მალეატი  ………………… 6,8 მგ ( არის თიმოლოლის 5,0 მგ ექვივალენტი );

დამხმარე ნივთიერებები : ნატრიუმის ერთჩანაცვლებული ფოსფატი – 6,5 მგ , ნატრიუმის ორჩანაცვლებული ფოსფატი – 7,6 მგ , ნატრიუმის კარბოქსიმეთილცელულოზა – 5,0 მგ ; ბენზალკონიუმის ქლორიდი – 0,05 მგ ; საინექციო წყალი – 1 მლ – მდე .

აღწერილობა : მოყვითალო ფერის მქონე გამჭვირვალე ხსნარი .

ფარმაკოთერაპიული ჯგუფი:

გლაუკომის საწინააღმდეგო საშუალება

ფარმაკოლოგიური მოქმედება:

ფარმაკოდინამიკა

ბრიმოპტიკი ™ – არის კომბინირებული პრეპარატი , რომელიც შეიცავს ორ აქტიურ ინგრედიენტს : ბრომონიდინის ტარტრატს და თიმოლოლის მალეატს.

პრეპარატის ორივე შემადგენელი კომპონენტის ურთიერთშემავსებელი მოქმედების მექანიზმი უზრუნველყობს მომატებული თვალშიდა წნევის ეფექტურ შემცირებას .

პრეპარატის თერაპიული მოქმედება ვლინდება სწრაფად , მაქსიმალური ეფექტი მიიღწევა ინსტალაციიდან 2 საათის შემდეგ. მოქმედების ხანგრძლივობა შეადგენს 12 საათს ან მეტ დროს .

ბრიმონიდინის ტარტრატი არის ალფა – 2 ადრენორეცეპტორების სელექტიური აგონისტი . ამ ჯგუფის სხვა წარმომადგენლებთან შედარებით , მისი სელექტურობა 30- ჯერ მეტია .

თვალშიდა წნევის დონის დაწევის მექანიზმი დაკავშირებულია , როგორც თვალის წინა კამერის ტენიანობის შემცირებასთან , ასევე თვალიდან მისი განდევნის გაძლიერებასთან. ბრიმონიდინი არ იწვევს მიდრიაზის განვითარებას და ბადურის სისხლძარღვების ვაზოკონსტრიქციას . თერაპიულ დოზებში ბრიმონიდინი ნაკლებად ზემოქმედებს გულ – სისხლძარღვთა სისტემაზე.

თიმოლოლის მალეატი – არის არაკარდიოსელექტიური ბეტა – ადრენობლოკატორი . ადგილობრივი გამოყენებისას ამცირებს თვალის წინა კამერის ნამის სეკრეციას და უზრუნველყოფს მის განდევნას , რის შედეგადაც მცირდება თვალშიდა წნევა ( როგორც მომატებული , ასევე ნორმალური ). არ მოქმედებს აკომოდაციაზე , რეფრაქციაზე და გუგის ზომაზე .

ფარმაკოკინეტიკა:

ბრიმონიდინის ინსტილაციის შემდეგ პლაზმაში მისი მაქსიმალური კონცენტრაცია ვლინდება 1-4 საათის შემდეგ , თიმოლოლის შემთხვევაში – 1-3 საათის შემდეგ . სისხლის პლაზმაში თიმოლოლისა და ბრიმონიდინის მაქსიმალური კონცენტრაცია საშუალოდ შეადგენს 32 და 406 ნგ / მლ შესაბამისად .

ბრიმონიდინისა და თიმოლის ცალ – ცალკე , იგივე დოზით გამოყენებასთან შედარებით , პრეპარატის ადგილობრივი გამოყენებისას , პლაზმაში თიმოლოლისა და ბრიმონიდინის პიკური კონცენტრაცია ნარჩუნდება 30-40%- ით მეტი ხანგრძლივობით .

ბრიმონიდინის ტარტრატის ნაწილობრივი გამოყოფის პერიოდი შეადგენს დაახლოებით 3 საათს . გამოიყოფა თირკმელებით სუფთა და მეტაბოლიტების სახით .

თიმოლოლის მალეატი – ნახევარგამოყოფის პერიოდია დაახლოებით 7 საათი . გამოიყოფა თირკმელებით სუფთა და მეტაბოლიტების სახით .

ჩვენება:

• ღიაკუთხოვანი გლაუკომა ;
• მომატებული თვალშიდა წნევა , რომელიც არ ექვემდებარება მონოთერაპიას .

უკუჩვენება:

* მომატებული მგრძნობელობა პრეპარატის ნებისმიერი კომპონენტის მიმართ;

* ბრონქული ასთმა ან წარსულში არსებული ბრონქული ასთმა;

* ფილტვების მძიმე ქრონიკული ობსტრუქციული დაავადებები ;

* სინუსური ბრადიკარდია , მეორე და მესამე ხარისხის ატრიო -ვენტრიკულური ბლოკადა , გულის გამოხატული უკმარისობა;

* კარდიოგენული შოკი ;

* პრეპარატი ასევე უკუნაჩვენებია პაციენტებისათვის , რომლებიც იყენებენ მაო – ს პრეპარატებს .

* ბავშებში 2 წლამდე ასაკის პრეპარატის გამოყენების უსაფრთხოება და ეფექტურობა არ არის დადგენილი .

გაფრთხილება:

სასუნთქ და გულ – სისხლძარღვთა სისტემაზე პრეპარატის ბეტა – ადრენერგულ ზემოქმედებასთან დაკავშირებით შესაძლებელია გვერდითი ეფექტების განვითარება .

სიფრთხილით ინიშნება შემდეგ შემთხვევებში :

– გულ – სისხლძარღვთა დაავადებების გამწვავება ( არასტაბილური სტენოკარდია );

– ორთოსტატული ჰიპოტენზია ;

– მაობლიტირებელი ენდარტერიტი ;

– თავის ტვინის სისხლის მიმოქცევის დარღვევები .

თირკმელებისა და ღვიძლის უკმარისობის მქონე პაციენტებში პრეპარატის გამოყენების თაობაზე არ არის მოწოდებული საკმარისი მონაცემები .

თვალის რომელიმე ინტერკურენტული დაავადების არსებობისას საჭიროა ექიმის კონსულტაცია .

პრეპარატის გამოყენებისას , ადიტიური ეფექტის თავიდან აცილების მიზნით , პაციენტებმა, რომლებიც იყენებენ ბეტა – ბლოკატორებს , უნდა დაიცვან სიფრთხილე .

პრეპარატი სიფრთხილით ინიშნება სპონტანური ჰიპოგლიკემიის ან შაქრიანი დიაბეტის მქონე პაციენტებში , ვინაიდან , ბეტა – ბლოკატორებმა ( თიმოლოლი ) შეიძლება გამოიწვიონ მწვავე ჰიპოგლიკემიის სიმპტომების ნიველირება .

ბრიმოპტიკი ™ არ გამოიყენება მონოთერაპიის სახით მწვავე დახურულკუთხოვანი გლაუკომის დროს .

ურთიერთქმედება სხვა სამკურნალო საშუალებებთან:

– ცენტრალური ნერვული სისტემის მოქმედების დამთრგუნველ საშუალებებთან ( ალკოჰოლი , ბარბიტურატები , ოპიატები , სედატიური საშუალებები , საანესთეზიო საშუალებები ) ერთდროული გამოყენებისას შესაძლებელია ადიტიური ეფექტის განვითარება .

– ორალურ ბეტა – ბლოკატორებთან ერთდროულმა გამოყენებამ შეიძლება გამოიწვიოს ჰიპოტენზია , ბრადიკარდია . კალციუმის ანტაგონისტებთან ერთდროული გამოყენებისას შეიძლება განვითარდეს ჰიპოტენზია და ატრიოვენტრიკულური გამავლობის დარღვევა.

– ტრიციკლიდურ ანტიდეპრესანტებთან ერთდროული გამოყენებისას შეიძლება განვითარდეს ცირკულირებული ამინების მეტაბოლიზმისა და ათვისების დარღვევა .

– პრეპარატებთან , რომლებიც იწვევენ ორგანიზმში კატექოლამინების შემცველობის შემცირებას , მაგალითად რეზერპინი , ერთდროული გამოყენებისას შეიძლება განვითარდეს ჰიპოტენზია და ბრადიკარდია .

მაო – ს ინჰიბიტორებმა შეიძლება იმოქმედონ ბრიმონიდინის მეტაბოლიზმზე და გამოიწვიონ ისეთი გვერდითი ეფექტის პოტენციური გაძლიერება , როგორიც არის ჰიპოტენზია . ანტიჰიპერტენზიულ საშუალებებთან და გულის გლიკოზიდებთან ერთდროული დანიშვნისას მომატებულია ჰიპოტონიის განვითარების საშიშროება;

– ბეტა – ბლოკატორებმა ( თიმოლოლი ) შეიძლება გააძლიერონ ანტიდიაბეტური საშუალებების ჰიპოგლიკემიური მოქმედება , ასევე , შენიღბონ ჰიპოგლიკემიის სიმპტომები. 
– ეპინეფრინისა და ნორეპინეფრინის შემცველ თვალის წვეთებთან ერთდროულმა გამოყენებამ შეიძლება გამოიწვიოს მიდრიაზი . ეპინეფრინ – და პილოკარპინშემცველი თვალის წვეთები პოტენციურად ამცირებენ თვალშიდა წნევას . ქინიდინთან ერთდროულმა გამოყენებამ შეიძლება გამოიწვიოს გულის რითმის აჩქარებ .

განსაკუთრებული მითითებები:

სისტემური აბსორბციის შემცირების მიზით , ინსტალაციის შემდეგ საჭიროა საცრემლე სადინრებზე ზეწოლა .

სხვა ოფტალმოლოგიურ პრეპარატებთან ერთდროული გამოყენებისას , ინსტალაციებს შორის შუალედი უნდა იყოს არა ნაკლებ 5-10 წუთისა .

რბილი კონტაქტური ლინზების გამოყენების შემთხვევაში , ლინზების მოხსნა საჭიროა ინსტალაციამდე 5 წუთით ადრე ; ლინზების გაკეთება შესაძლებელია   წამლის გამოყენებიდან 15 წუთის შემდეგ .

ორსულობისა და ლაქტაციის პერიოდი:

პრეპარატი უკუნაჩვენებია ორსულობისა და ლაქტაციის პერიოდში .

ზემოქმედება ავტოსატრანსპორტო საშუალებების მართვის უნარზე:

სიფრთხილით გამოიყენება პაციენტებში , რომლებიც აპლიკაციის შემდეგ დროებით კარგავენ მძაფრი მხედველობის უნარს ; არ არის რეკომენდებული

ა / მანქანის მართვა ან რთულ ტექნიკასთან , ჩარხთან ან სხვა რთულ დანადგართან მუშაობა , საქმიანობა , რომელიც თხოულობს მხედველობის სიმძაფრეს .

გამოყენება და დოზა:

ინსტალაცია დაზიანებულ თვალში 1-2 წვეთი დღეში 2- ჯერ . ინსტალაციებს შორის შუალედი – 12 საათი .

გვერდითი ეფექტები:

მხედველობის ორგანოთა მხრიდან ყველაზე ტიპიური გვერდითი ეფექტები არის : კონიუნქტივის ჰიპერემია , თვალების წვისა და ქავილის შეგრძნება , ალერგიული კონიუნქტივიტი , თვალების სიმშრალე , დიპლოპია , ფტოზი , ბლეფარიტი , კერატიტი , რქოვანას მგრძნობელობის შემცირება .

სხვა ორგანოების მხრიდან : ბრადიკარდია , არითმია , ჰიპოტენზია , სინკოპე , გულის ატრიო – ვენტრიკულური ბლოკადა , თავის ტვინის სისხლის მიმოქცევის მოშლა , ცერებრალური იშემია , გულის უკმარისობა , შეშუპება , გარდამავალი კოჭლობა , რეინოს ფენომენი , ტკივილი მკერდში , დაღლილობა,  შუილი ყურებში , თავბრუსხვევა , უძილობა , დეპრესია , პარესთეზია , კიდურების გაციება , ბრონქოსპაზმი ( უპირატესად ბრონქო – ობსტრუქციული დაავადებების მქონე პაციენტებში ), სუნთქვის უკმარისობა , ქოშინი , ხველა , ალერგიული რეაქციები , მათ შორის , ანგიონევროზული შეშუპება , ჭინჭრის ციება, ფსორიაზის მსგავსი გამონაყარი ან ფსორიაზის გამწვავება , ღებინება , დისპეფსია ,   დიარეა .

ჭარბი დოზირება:

ადგილობრივი გამოყენებისას პრეპარატის ჭარბი დოზის თაობაზე მონაცემები არ არის მოწოდებული .

ბრიმონიდინის ტარტრატი

ჭარბი დოზის სიმპტომები : ჰიპოტენზია , ბრადიკარდია , ჰიპოთერმია , აპნოე .

თიმოლოლის მალეატი

ჭარბი დოზის სიმპტომები : ბრადიკარდია , ბრონქოსპაზმი , არითმია , თავბრუსხვევა , თავის ტკივილი ,   ქოშინი , გულის გაჩერება.

შენახვის პირობები:

პრეპარატი ინახება ბავშვებისათვის მიუწვდომელ ადგილას .

პრეპარატი ინახება შუქისაგან დაცულ ადგილას , ტემპერატურა 15-25⁰C ფარგლებში .

1,5 წელი . არ გამოიყენება შეფუთვაზე მითითებული ვარგისიანობის ვადის გასვლის შემდეგ.  ფლაკონის გახსნიდან გამოიყენება ერთი თვის განმავლობაში.

შეფუთვა

5 მლ და 10 მლ მოცულობის საწვეთურის მქონე ფლაკონში . მუყაოს ბლოკში #10 შეფუთვა .

აფთიაქიდან გაცემის წესი:

რეცეპტით

მწარმოებელი: დსს სსც “ბორშჩაგოვოს ქიმიურ-ფარმაცევტული ქარხანა”.

შემადგენლობა და გამოშვების ფორმა:

მოქმედი ნივთიერება: 1 მლ ხსნარი შეიცავს 0.01 გ ბრილიანტის მწვანეს;

დამხმარე ნივთიერებები: ეთილის სპირტი 60%.

ხსნარი გარეგანი გამოყენებისათვის, სპირტიანი 1%.

კლინიკურ–ფარმაკოლოგიური საშუალება:

ანტისეპტიკური საშუალება.

ფარმაკოლოგიური თვისებები:

ახდენს მიკრობების საწინააღმდეგო მოქმედებას, არ გააჩნია გამაღიზიანებელი ეფექტი (არ იწვევს ქსოვილშიდა წნევის მომატებას).

ჩვენებები:

პრეპარატი გარეგანად გამოიყენება კანის მსუბუქი ჩირქოვან-ანთებითი პროცესების დროს (პიოდერმია, ფურუნკულოზი, კარბუნკულოზი, მეიბოლეიტი, ფლებარიტი), ასევე საოპერაციო მიდამოს, ოპერაციებისა და ტრავმების შემდეგ კანის საფარის დასამუშავებლად.

უკუჩვენებები:

ჰიპერმგრძნობელობა პრეპარტის კომპონენტების მიმართ. უჩვეულო რეაქციების გამოვლენისას აუცილებელია ექიმთან მიმართვა.

ურთიერთქმედება სხვა სამკურნალო საშუალებებთან:

ერთდროულად ხმარებისას გარეგანი გამოყენების პრეპარატებთან, რომლებიც ორგანულ ნაერთებს შეიცავს, შესაძლებელია ცილების დენატურაცია, ახალი ნაერთების წარმოქმნა.

განსაკუთრებული მითითებები:.

არ შეიძლება ხსნარის ლორწოვან გარსებზე მოხვედრა, ვინაიდან შემადგენლობაში შემავალმა სპირტმა შეიძლება გამოიწვიოს დამწვრობები, ძლიერი გაღიზიანებები.

პრეპარატის აქტივობა მნიშვნელოვნად მცირდება სისხლის შრატის არსებობისას.

მონაცემები იმის შესახებ, რომ პრეპარატს შეუძლია უარყოფითად იმოქმედოს მძღოლებსა და ტექნიკასთან მომუშავე ადამიანთა რეაქცაიზე, არ არსებობს.

გამოყენების წესი და დოზები:

წაისმევა კანის ზედაპირზე, მისი მთლიანობის დარღვევის შემთხვევაში ჯანმრთელი ქსოვილების მოცვით.

თვალების დაავადებებისას წაისმევა ქუთუთოების კიდეებზე.

ჭარბი დოზის მიღება შეუძლებელია.

გვერდითი ეფექტები:.

ალერგიული რეაქციები (ქავილი, ჭინჭრის ციება). ხსნარის თვალის ლორწოვან გარსზე მოხვედრისას იწყება წვა, ცრემლდენა, შეიძლება გამოიწვიოს დამწვრობები.

შენახვის პირობები:

მშრალ, სინათლისაგან დაცულ, ბავშვებისათვის მიუწვდომელ ადგილას არაუმეტეს 25°C ტემპერატურაზე.

ვარგისიანობის ვადა:

2 წელი.

გაცემის პირობები:

რეცეპტის გარეშე.

მწარმოებელი: HEEL, გერმანია

კლინიკურ–ფარმაკოლოგიური ჯგუფი:

რესპირატორული ტრაქტის ანთებითი დაავადებების სამკურნალო ჰომეოპათიური საშუალება.

შემადგენლობა და გამოშვების ფორმა:

სუბლინგვალური ტაბლეტები: შეფუთვაში 50 და 250 ც.

1 ტაბ.

Bryonia D4 ……………         120 მგ

Aconitum D4 …………         150 მგ

Phosphorus D5 ………         30 მგ

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

• ნევრალგიები, მათ შორის რევმატიული წარმოშობისა;
• გრიპოზული ინფექციები. პრეპარატი ინიშნება ასევე პნევმონიების, გაციებით გამოწვეული მწვავე დაავადებების (რასაც თან ახლავს ხველა), ბრონქიტის, ლარინგიტის, მწვავე და ქრონიკული პლევრიტისა. ოსტეოქონდროზით გამოწვეული მტევნების და ტერფების პარესთეზიის, პირველადი ქრონიკული პოლიართრიტის -განსაკუთრებით ზემო კიდურებში ტკივილების დროს.
• კუჭქვეშა ჯირკვლის დაავადებების, სეროზული გარსების ანთების დროს.

სხვადასხვა ხასიათის ანთების დროს იგი ზემოქმედებას ახდენს შემაერთებელ ქსოვილსა და ლორწოვან გარსზე.

მიღების წესები და დოზირება:

ჩვეულებრივ ინიშნება 1 ტაბლეტი დღეში 3-ჯერ. მწვავე შემთხვევებში მკურნალობას იწყებენ თითო ტაბლეტით ყოველ 15 წუთში, არა უმეტეს 2 საათის განმავლობაში.

გამოყენების წესი: ჭამამდე ნახევარი საათით ადრე სუბლინგვალურად სრულ გაწოვამდე, წყლის მიყოლების გარეშე.

გვერდითი მოვლენები:

არ გააჩნია.

უკუჩვენებები:

არ გააჩნია.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე.  მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 5 წელი.

საერთაშორისო დასახელება:

Metamizole sodium+Pitofenone+Fenpiverinium bromide

მოქმედი ნივთიერება: მეტამიზოლ ნატრიუმი+პიტოფენონი+ფენლივერინის ბრომიდი

კლინიკურ-ფარმაკოლოგიური ჯგუფი:

არანარკოტიკული ანალგეზიური საშუალება (არანარკოტიკული ანალგეტილი+სპაზმოლიტიკი)

შემადგენლობა და გამოშვების ფორმა:

ხსნარი კუნთისთვის და ვენისთვის, ტაბლეტები

ფარმაკოლოგიური მოქმედება:

კომბინირებული ანალგეზიური და სპაზმოლიზური საშუალება, პრეპარატის შემადგენელი კომპონენტები იწვევს  ფარმაკოლოგიური მოქმედების ურთიერთგაძლიერებას.

მეტამიზოლ ნატრიუმი – პირაზოლონის წარმოებულია, ახდენს ანალგეზიურ და სიცხის დამწევ მოქმედებას.

პიტოფენონის ჰიდროქლორიდი ხასიათდება პირდაპირი მიოტროპული მოქმედებით გლუვ მუსკულატურაზე (პაპავერინის მსგავსი მოქმედება).

ფენპივერინის ბრომიდი ხასიათდება მ-ქოლინომაბლოკირებელი მოქმედებით და ახდენს დამატებით მიოტროპულ მოქმედებას გლუვ მუსკულატურაზე.

ჩვენებები:

ტკივილის სინდრომი (სუსტად ან ზომიერად გამოხატული) შინაგანი ორგანოების გლუვი კუნთების სპაზმის დროს:

თირკმლის ჭვალი, შარდსაწვეთის და შარდის ბუშტის სპაზმი;

ნაღვლის ბუშტის ჭვალი, ნაწლავის ჭვალი;

ნაღვლის გამომტანი გზების დისკინეზია, პოსტქოლეცისტექტომიური სინდრომი, ქრონიკული კოლიტი;

ალგოდისმენორეა, მცირე მენჯის ორგანოების დაავადება.

ხანმოკლე მკურნალობისთვის:

ართრალგია, მიალგია, ნევრალგია, იშიალგია.

დამხმარე სამკურნალო საშუალების სახით:

ქირურგიული ჩარევის შემდეგ ტკივილის სინდრომი და დიაგნოსტიკური პრფოცედურა.

უკუჩვენებები:

ჰიპერმგრძნობელობა (მათ შორის, პირაზოლინის მიმართ), ძვლის ტვინის სისხლწარმომქმნელი ფუნქციის დათრგუნვა, ღვიძლის და/ან თირკმლის გამოხატული  უკმარისობა, გლუკოზო-6-ფოსფატდეჰიდროგენაზის დეფიციტი, ტაქიარითმია, მძიმე სტენოკარდია, დეკომპენსირებული გულის ქრონიკული უკმარისობა, დახურულკუთხოვანი გლაუკომა, წინამდებარე ჯირკვლის ჰიპერტენზია (კკლინიკური გამოვლინებით), ნაწლავური გაუვალობა, მეგაკოლონი, კოლაფსი, ორსულობა (განსაკუთრებით პირველ ტრიმესტრში და ბოლო 6 კვირის მანძილზე)., ლაქტაციის პერიოდი.

ვენაში შეყვანისას – ჩვილობის ასაკი (3 თვემდე) ან სხეულის წონა 5 კგ-ზე ნაკლები.

ტაბლეტებისთვის – ბავშვთა ასაკი (5 წლამდე).

სიფრთხილით: ღვიძლის/თირკმლის უკმარისობა, ბრონქული ასთმა, „ასპირინული“ ტრიადა, არტერიული ჰიპოტონიის მიმართ მიდრეკილება, ჰიპერმგრძნობელობა სხვა არასტეროიდული ანთების საწინააღმდეგო საშუალებების მიმართ.

გვერდითი მოქმედება:

ალერგიული რეაქციები: ჭინჭრის ციება (მათ შორის კონიუნქტივზე და ცხვირ-ხახის ლორწოვან გარსზე), ანგიონევროტული შეშუპება, იშვიათ შემთხვევაში – ავთვისებიანი ექსუდაციური ერითემა (სტივენ-ჯონსონის სინდრომი), ტოქსიური ეპიდერმალური ნეკროლიზი (ლაიელის სინდრომი)

ბრფონქოსპასტიური სინდრომი, ანაფილაქტიური შოკი.

შარდ–გამომყოფი სისტემის მხრივ: თირკმელების ფუნქციის დარღვევა, ოლიგურია, ანურია, პროტეინურია, ინტერსტიციალური ნეფრიტი, შარდის წითლად შეფერვა.

გულ-სისხლძარღვთა სისტემის მხრივ: არტერიული წნევის დაქვეითება.

სისხლწარმომქმნელი სისტემის მხრივ: თრომბოციტოპენია, ლეიკოპენია, აგრანულოციტოზი (შეიძლება გამოვლინდეს შემდეგი სიმპტომებით: ტემპერატურის არამოტივირებული მომატება, ციება, ყელის ტკივილი, გაძნელებული ყლაპვა, სტომატიტი, ასევე ვაგინიტის გამოვლენა ან პროქტიტი).

ანტიქოლინერგული ეფექტი: ყელის სიმშრალე, ოფლის გამოყოფის დაქვეითება, აკომოდაციის პარეზი, ტაქიკარდია, შარდის გამოყოფის გაძნელება.

ადგილობრივი რეაქციები: კუნთში შეყვანისას შესაძლებელია შეყვანის ადგილზე ინფილტრატი.

ჭარბი დოზირება:

სიმპტომები: ღებინება, არტერიული წნევის დაქვეითება, ძილიანობა, გონების არევა, გულისრევა, ტკივილი ეპიგასტრიუმში, ღვიძლისა და თირკმელების ფუნქციის დარღვევა, კრუნჩხვა.

მკურნალობა: კუჭის ამორეცხვა, აქტივირებული ნახშირის დანიშვნა, სიმპტომატური თერაპია.

მიღების წესი და დოზირება:

შინაგანად: მოზრდილები და 15 წელზე უფროსი ასაკის მოზარდები: 1-2 ტაბლეტი 2-3-ჯერ დღეში, დაუღეჭავად, მცირე რაოდენობით სითხის მიყოლებით.

12-14 წლის ასაკის ბავშვები: ერთჯერადი დოზა – 1 ტაბლეტი, მაქსიმალური სადღეღამისო დოზა – 6 ტაბლეტი (1.5 ტაბლეტი 4-ჯერ დღეში);

8-11 წლის – 0.5 ტაბლეტი, მაქსიმალური სადღეღამისო დოზა – 4 ტაბლეტი (1 ტაბლეტი 4-ჯერ დღეში);

5-7 წელი – 0.5 ტაბლეტი, მაქსიმალური სადღეღამისო დოზა – 2 ტაბლეტი (0.5 ტაბლეტი 4-ჯერ დღეში).

პარენტერულად (ვენაში, კუნთში).

მოზრდილები და 15 წელზე უფროსი ასაკის მოზარდები მწვავე მძიმე ჭვალის დროს შეყავთ ვენაში ნელა (1მლ 1წთ-ის მანძილზე) 2მლ; აუცილებლობისას განმეორებით შეყავთ 6-8 სთ-ის შემდეგ.

კუნთში – 2-5 მლ ხსნარი 2-3-ჯერ დღეში. დღეღამურმა დოზამ არ უნდა გადააჭარბოს 10 მლ-ს.

მკურნალობის ხანგრძლიობა – არა უმეტეს 5 დღე.

ბავშვებისათვის დოზის გათვლა კუნთში და ვენაში შეყვანისას:

3-11 თვე (5- 8 კგ) – მხოლოდ კუნთში – 0.1-0.2მლ;

1-2 წელი (9 -15კგ) – ვენაში – 0.1-0.2მლ, კუნთში – 0.2-0.3 მლ;

3-4 წელი (16 -23 კგ) – ვენაში – 0.2-0.3, კუნთში – 0.3-0.4მლ;

5-7 წელი (24 – 30კგ – ვენაში – 0.3-0.4 მლ, კუნთში – 0.4-0.5მლ;

8-12 წელი (31-4 5კგ) – ვენაში – 0.5-0.6 მლ, კუნთში – 0.6-0.7 მლ;

12-15 წელი – ვენაში და კუნთში – 0.8-1მლ.

საინექციო ხსნარის შეყვანის წინ საჭიროა ხელში მისი გათბობა.

განსაკუთრებული მითითება:

პრეპარატით მკურნალობის დროს არ არის რეკომენდებული ეთანოლის მიღება. ხანგრძლივი მკურნალობისას (კვირაზე მეტი) აუცილებელია პერიფერიული სისხლის სურათისა და ღვიძლის ფუნქციონალური მდგომარეობის კონტროლი. აგრანულოციტოზზე ეჭვის დროს ან თრომბოციტოპენიისას აუცილებელია პრეპარატის მიღების შეწყვეტა.

დაუშვებელია მიღება მუცლის მწვავე ტკივილის კუპირებისთვის (მიზეზის გარკვევამდე). მეძუძურებში მიღების აუცილებლობისას ძუძუთი კვება უნდა შეწყდეს.

აუტანლობა ძალინ იშვიათია, თუმცა ანაფილაქსიური შოკის განვითარების ალბათობა პრეპარატის ვენაში შეყვანისას შედარებით მაღალია, ვიდრე პრეპარატის შიგნით მიღებისას. ავადმყოფებში ბრონქიალური ასთმით ან პოლინოზით არსებობს ალერგიული რექციის განვითარების მომატებული რისკი.

პარენტერული შეყვანა გამოყენებული უნდა იქნას მაშინ, როცა შინგანად პრეპარატის მიღება შეუძლებელია (ან კუჭ-ნაწლავის ტრაქტიდან შეწოვა დარღვეულია).

სიფრთხილეა საჭირო 2მლ ხსნარზე მეტის შეყვანისას (არტერიული წნევის მკვეთრი დაქვეითების რისკი გამო). ვენაში ინექცია უნდა მოხდეს ნელა, მწოლიარე მდგომარეობაში და არტერიული წნევის, გულის შეკუმშვათა რიცხვის და სუნთქვის სიხშირის კონტროლქვეშ.

5 წლამდე ასაკის ბავშვების მკურნალობისას და ავადმყოფებში, რომლებიც ღებულობენ ციტოსტატიკებს, ნატრიუმის მეტამიზოლის მიღება უნდა მოხდეს ექიმის მეთვალყურეობის ქვეშ. კუნთში შესაყვანად გამოყენებული უნდა იქნას გრძელი ნემსი. შესაძლებელია შარდის წითლად შეფერვა მეტაბოლიტის გამოყოფის გამო (კლინიკური მნიშვნელობა არ აქვს).

მკურნალობის დროს საჭიროა ავტომანქანის მძღოლებმა და პოტენციურად საშიში სამუშაოების შემსრულებლებმა დაიცვან სიფრთხილე.

ურთიერთქმედება:

ინექციისთვის გამოსაყანებელი ხსნარი შეუთავსებელია სხვა სამკურნალო საშუალებებთან.

– H1-ჰისტამინობლოკატორებთან ერთდროული დანიშვნისას, ბუტიროფენონამებთან, ფენოთიაზინებთან, ტრიციკლურ ანტიდეპრესანტებთან, ამანტადინთან და ქინიდინთან შესაძლებელია მ-ქოლინობლოკატორების მოქმედების გაძლიერება.

– აძლიერებს ეთანოლის ეფექტს;

– ერთდროული მიღებისას ქლორპრფომაზინთან და ფენოთიაზინის სხვა წარმოებულებთან შეიძლება გამოხატული ჰიპერთერმიის განვითარება.

– ტრიციკლური ანტიდეპრესანტები, პერფორალური კონტრაცეპტივები და ალოპურინოლი ამაღლებენ პრეპარატის ტოქსიურობას.

– ფენილბუტაზონი, ბარბიტურატები და სხვა ჰეპატოინდუქტორების ერთდროული დანიშვნისას ამცირებენ მეტამიზოლ ნატრიუმის ეფექტურობას.

– სედატიური და ანქსიოლიტური სამკურნალო საშუალებები (ტრანკვილიზატორები) აძლიერებენ ნატრიუმის მეტამოზოლის ანალგეზიურ მოქმედებას.

– რენტგენოკონტრასტული სამკურნალო საშუალებები, კოლოიდური სისხლის შემცვლელები და პენიცილინი არ უნდა იქნას გამოყენებული ნატრიუმის მეტამიზოლის შემცველი პრეპარატით მკურნალობის დროს.

–  ციკლოსპორინის ერთდროული დანიშვნისას სისხლში ამ უკანასკნელის შემცველობა მცირდება. პერორალური ჰიპოგლიკემიური სამკურნალო საშუალებების, არაპირდაპირი ანტიკოაგულანტების, გლუკოკორტიკოსტეროიდების და ინდომეტაცინის ცილებთან კავშირის შეზღუდვის გამო მეტამიზოლ ნატრიუმმა შეიძლება გაზარდოს მათი მოქმედების გამოხატულება.

–  თიამაზოლი და ციტოსტატიკები ზრდიან ლეიკოპენიის განვითარების რისკს. ეფექტს აძლიერებს კოდეინი, H2- ჰისტამინური რეცეპტორების ბლოკატორები და პროპრანოლოლი (ანელებენ მეტამიზოლ ნატრიუმის ინაქტივაციას).