კორვალოლი

წამლის ფორმა: ხსნარი

აღწერილობა: პრეპარატი წარმოადგენს უფერო გამჭვირვალე სითხეს, სპეციფიური დამახასიათებელი არომატული სუნით.
 
შემადგენლობა: 20 გ ალფა-ბრომიზოვალერიანის მჟავას ეთილის ეთერი, 18,26 გ ფენობარბიტალი, 1,42 გ პიტნის ზეთი, 580 მლ ეთილის სპირტი, 0,2 გ სტაბილიზატორი, 1 ლ-მდე გასუფთავებული წყალი.

ფარმაკოლოგიური ჯგუფი: სპაზმოლიზური და დამამშვიდებელი მოქმედების კომპლექსური სამკურნალო საშუალება.

ფარმაკოლოგიური თვისება: პრეპარატის სპაზმოლიზური და დამამშვიდებელი მოქმედება განპირობებულია მის შემადგენლობაში შემავალი კომპონენტებით. ალფა-ბრომიზოვალერიანის მჟავას ეთილის ეთერი პირის ღრუს და ცხვირ-ხახის რეცეპტორების უშუალო გაღიზიანების მეშვეობით ახდენს რეფლექსურ დამამშვიდებელ მოქმედებას.
ფენობარბიტალი თრგუნავს თავის ტვინის ქერქზე შუა და მოგრძო ტვინის რეტიკულური ფორმაციის, გამააქტივებელ ზეგავლენას, რაც თავის ტვინის ქერქსა და ქერქვეშა სტრუქტურებში იწვევს გამაღიზიანებელი იმპულსების შემცირებას. გამააქტივებელი ზემოქმედების შემცირება დოზის შესაბამისად იწვევს, დამამშვიდებელ, ტრანკვილიზურ ან საძილე ეფექტს. კორვალოლი ამცირებს სისხლმიმოქცევის ცენტრებზე, კორონალურ და პერიფერულ სისხლძარღვებზე გამაღიზიანებელ მოქმედებას, აქვეითებს არტერიულ წნევას, ხსნის სისხლძარღვების სპაზმს, განსაკუთრებით კი გულის მხრივ სპაზმს.
პიტნის ზეთი შეიცავს დიდი რაოდენობით ეთეროვან ზეთებს, მათ შორის დაახლოვებით 50% მენთოლსა და 4-9% მენთოლის ეთერებს. აღნიშნული კომპონენეტები აღიზიანებენ პირის ღრუს “სიცივის” რეცეპტორებს და რეფლექსურად აფართოვებენ უშუალოდ გულისა და ტვინის სისხლძარღვებს, ხსნიან გლუვი კუნთების სპაზმს, იწვევენ დამამშვიდებელ და სუსტად გამოხატულ ნაღვლმდენ მოქმედებას.

ფარმაკოკინეტიკა: პრეპარატის პერორალურად მიღების შემდეგ შეწოვა იწყება სუბლინგვალური მიდამოდან, მისი ბიოშეღწევადობა მაღალია (დაახლოვებით 60-80 %). კორვალოლის მოქმედების ეფექტი სწრაფად ვლინდება (5-10 წთ-ის შემდეგ) მისი პირის ღრუში გაჩერებიდან (სუბლინგვალური შეწოვა) ან შაქრის ნატეხზე მიღებისას. მოქმედება იწყება 15-45 წთ-ის შემდეგ და გრძელდება 3-6 სთ-ის განმავლობაში. იმ პაციენტებში, რომლებიც ადრე იყენებდნენ ბარბიტურის მჟავას შემცვლელ პრეპარატებს, კორვალოლის მოქმედების ხანგრძლივობა შემცირებულია ღვიძლში ფენობარბიტალის სწრაფად მეტაბოლიზმის ხარჯზე, სადაც ბარბიტურატები იწვევენ ფერმენტების ინდუქციას. ხანდაზმულ და რვიძლის ციროზის მქონე პაციენტებში კორვალოლის მეტაბოლიზმი შემცირებულია, რის გამოც აღნიშნული ჯგუფის პაციენტებში თ ½  ხანგრძლივდება, რაც იწვევს დოზის შემცირების აუცილებლობას და პრეპარატის მიღებას შორის ინტერვალის გაზრდას.
    
ჩვენება: კორვალოლი ინიშნება ნევროზების დროს მომატებული გაღიზიანებადობის, უძილობის, ჰიპერტონული დაავადების ადრეული სტადიის, არამძაფრად გამოხატული კორონალური სისხლძარღვების სპაზმის, ტაქიკარდიის სამკურნალოდ. იგი აგრეთვე გამოიყენება, როგორც დამამშვიდებელი, სისხლძარღვთა გამაფართოვებელი და სპაზმოლიზური საშუალება – ნაწლავების სპაზმების დროს.
 
მიღების წესი და დოზირება: კორვალოლი მიიღება პეროროალურად საკვებისაგან დამოუკიდებლად 3-ჯერ დღეში 15-30 წვეთის ოდენობით, რომელიც გახსნილია წყალში ან შაქრის ნატეხზე. აუცილებლობისას (გამოხატული ტაქიკარდია და კორონალური სისხლძარღვების სპაზმი) ერთჯერადი დოზა შესაძლებელია გავზარდოთ 40-50 წვეთამდე.
 
გვერდითი მოვლენები: კორვალოლი, როგორც წესი კარგად გადაიტანება ხანგრძლივად გამოყენების შემთხვევაშიც კი. ცალკეულ შემთხვევებში დღის განმავლობაში შესაძლებელია აღინიშნოს ძილიანობა, თავბრუსხვევა, რომელიც გაივლის დოზის შემცირებისთანავე.

ჭარბი დოზირება: პრეპარატის ხანგრძლივად გამოყენებისა და ჭარბი დოზირების შემთხვევაში მოსალოდნელია ცნს-ის დათრგუნვა, რომელიც ნიველირდება ცნს-ის მასტიმულირებელი სამკურნალო საშუალებების (კოფეინი, კორდიამინი და სხვა) გამოყენების შემდეგ. სხვა მოვლენების დროს მკურნალობა სიმპტომატურია.

განსაკუთრებული მითითებანი: პრეპარატი შეიცავს 62% ალკოჰოლს, რომელმაც შესაძლებელია გამოიწვიოს კოორდინციის და ფსიქომოტორული რეაქციების სიჩქარის დარღვევა, რის გამოც პრეპარატის გამოყენებისას სიფრთხილეა საჭირო ტრანსპორტის მართვის და იმ სამუშაობის შესრულებისას, რომლებიც მოითხოვენ ყურადღების მაქსიმალურ კონცენტრაციას. კორვალოლის გამოყენების შემთხვევაში ასევე საჭიროა ალკოჰოლური სასმელების გამოყენებისაგან თავის შეკავება.
 
წინააღმდეგჩვენება: პრეპარატის შემადგენლობაში შემავალი კომპონენეტების მიმართ მომატებული მგრძნობელობა, გულის მძიმე ფორმის უკმარისობა, თირკმელებისა და ღვიძლის  ფუნქციის გამოხატული დარღვევა, ორსულობისა და ლაქტაციის პერიოდი.

ურთიერთქმედება სხვა სამკურნალო საშუალებებთან: ცენტრალური ნერვული სისტემის  დამთრგუნველი პრეპარატები აძლიერებენ კორვალოლის მოქმედებას. პრეპარატი ასუსტებს იმ პრეპარატების ეფექტს, რომლებიც მეტაბოლიზმს განიცდიან ღვიძლში.

ვარგისიანობის ვადა: აღნიშნულია შეფუთვაზე და აღნიშნული ვადის გასვლის შემდეგ პრეპარატის გამოყენება დაუშვებელია.

გამოშვების ფორმა: ხსნარი, რომელიც მოთავსებულია 15 მლ და 25 მლ ფლაკონებში.

შენახვის პირობები: ინახება სინათლისაგან და ბავშვებისაგან დაცულ ადგილას არა უმეტეს +15° C ტემპერატურაზე.

შემადგენლობა:
აქტიური ნივთიერება:
ვინპოცეტინი-5.00მგ;
დამხმარე ნივთიერებები:
მაგნიუმის სტეარატი, სილიციუმის მჟავას კოლოიდური ხსნარი, ტალკი, ლაქტოზას მონოჰიდრატი, სიმინდის სახამებელი.
ფორმა:
ტაბლეტები 5მგ.

ფარმაკოთერაპიული ჯგუფი:
ნოოტროპული საშუალება

ფარმაკოლოგიური თვისებები:
კავინტონს სამკურნალო მოქმედების კომპლექსური მექანიზმი ახასიათებს. იგი დადებითად მოქმედებს თავის ტვინის სისხლის მიმოქცევასა და ცერებრალურ მეტაბოლიზმზე, აგრეთვე სისხლის რეოლოგიურ თვისებებზე.
კავინტონი ხასიათდება ნეიროპროტექტიული ეფექტით:
აქვეითებს მასტიმულირებელი ამინომჟავების მიერ გამოწვეულ დამაზიანებელი ციტოტოქსიური რეაქციების გამოვლენას. აინჰიბირებს, როგორც ნატრიუმისა და კალციუმის არხების უჯრედულ ტრანსმემბრანულ ფუნქციონალურ აქტივობას, ასევე NMDA და AMPA რეცეპტორებისას.
პოტენცირებას უწევს ადენოზინის ნეიროპროტექტიულ ეფექტს;
იგი ასტიმულირებს ცერებრალურ მეტაბოლიზმს: აძლიერებს თავის ტვინის მიერ ჟანგბადისა და გლუკოზის მოხმარებას;
აძლიერებს ნეირონების მიერ ჰიპოქსიის დაძლევის უნარს: ხელს უწყობს გლუკოზის (უნივერსალური ენერგიის წყარო) ტრანსპორტს- ჰემატოენცეფალური ბარიერის გავლით.
აქვეითებს ფოსფოდიესთერაზის აქტივობას, რაც ხელს უწყობს ქსოვილებში ცამფ დაგროვებას და ატფ კონცენტრაციის მომატებას. აძლიერებს თავის ტვინის სისხლით მომარაგებას და თავის ტვინის ქსოვილებში მიკროცირკულაციას. კავინტონი აქვეითებს თრომბოციტების აგრეგაციას, ხელს უწყობს სისხლის რეოლოგიური თვისებების ნორმალიზაციას, ზრდის ერითროციტების დეფორმაციას და ამუხრუჭებს მათ მიერ ადენოზინის შთანთქმის უნარს.
იგი ასტიმულირებს ნორადრენალინის და სეროტონინის ცერებრალურ მეტაბოლიზმს.
ახასიათებს ანტიოქსიდანტური მოქმედება.
კავინტონი ამორჩევით აძლიერებს თავის ტვინში სისხლის მიმოქცევას:
ახანგრძლივებს თავის ტვინში სისხლისმიმოქცევის წუთმოცულობის ფრაქციას;
აქვეითებს თავის ტვინის სისხლძარღვების წინააღმდეგობის უნარს, სისხლის მიმოქცევის პარამეტრებზე შედარებით შეუმჩნეველი მოქმედების გარეშე, პრაქტიკულად გავლენას არ ახდენს არტერიულ წნევაზე, წუთმოცულობაზე, პულსის სიხშირესა და პერიფერიული წინააღმდეგობის უნარზე;
არ ახასიათებს “მოპარვის” ფენომენი-პირიქით, მისი მოქმედებით ძლიერდება იშემიური, ჯერ კიდევ დაბალი პერფუზიის მქონე სიცოცხლის უნარიანი ნაწილი- “შექცევითი მოპარვის” ფენომენი.

ჩვენება:
ნევროლოგია: თავის ტვინში ნევროლოგიური და ფსიქიური მოშლილობით მიმდინარე სისხლის მიმოქცევის მწვავე და ქრონიკული უკმარისობა, ინსულტის შემდგომი მდგომარეობა, დისცირკულატორული ენცეფალოპათია, რომელსაც თან ახლავს მეხსიერების დაქვეითება, თავბრუსხვევა, თავის ტკივილი. ცერებრალური ათეროსკლეროზი, სისხლძარღვოვანი დემენცია, ვერტებრო-ბაზილური უკმარისობა, პოსტტრავმული და ჰიპერტონული ენცეფალოპათია.
ოფთალმოლოგია: თვალის სისხლძარღვოვანი გარსის და ბადურას ქრონიკული სისხლძარღვოვანი დაავადებები.
ოტოლარინგოლოგია: პერცეფციული ტიპის სმენის დაქვეითება, მენიერის დაავადება, იდიოპათური შუილი ყურებში.

წინააღმდეგჩვენება:
პრეპარატის ან მასში შემავალი კომპონენტების მიმართ მომატებული მგრძნობელობა;
ორსულობა და ლაქტაცია;
არ არსებობს საკმარისი ინფორმაცია ბავშვთა ასაკში კავინტონის გამოყენების შესახებ.

სიფრთხილე:
QT ინტერვალის გახანგრძლივების პროვოცირების შემთხვევაში, რეკომენდირებულია ეკგ-ის კონტროლი.
შაქრიანი დიაბეტით დაავადებულმა ავადმყოფებმა უნდა იცოდნენ, რომ კავინტონ ფორტე-10მგ შეიცავს 83მგ ლაქტოზას.

ურთიერთქმედება სხვა პრეპარატებთან:
გამოვლენილი არ არის

გვერდითი მოვლენები:
გულ-სისხლძარღვთა სისტემის მხრივ (0.1%): ST სეგმენტის დეპრესია და QT ინტერვალის გახანგრძლივება, ტაქიკარდია, ექსტრასისტოლიები, არტერიული წნევის უმნიშვნელო ცვლილებები ძირითადად-წნევის დაქვეითებით, კანის ჰიპერემია;
ც.ნ.ს. მხრივ 0.9%): ძილის დარღვევა (უძილობა, ძილიანობა), თავბრუსხვევა, თავის ტკივილი, საერთო სისუსტე;
კუჭ-ნაწლავის ტრაქტის მხრივ (0.6%): პირის სიმშრალე, ღებინება, გულძმარვა;
0.25% ალერგიული რეაქციები კანზე.

მიღების წესი და დოზირება:
პერორალურად იღებენ 5-10მგ-ს 3-ჯერ დღეღამეში (15-30მგ დღეღამეში), ჭამის შემდეგ.
კავინტონს არ ახასიათებს ჰეპატო და ნეფროტოქსიურობა, ამიტომ ღვიძლისა და თირკმლის პათოლოგიის დროს მისი დოზირების რეჟიმი კორექციას არ საჭიროებს.

შენახვის ვადა:
5 წელი

შენახვის პირობები:
სინათლისაგან დაცულ ადგილას. 15-30⁰C ტემპერატურაზე.

შეფუთვა:
5მგ ტაბლეტები N50

გაცემის წესი – ექიმის რეცეპტით.

მწარმოებლის დასახელება
ს.ს. “გედეონ რიხტერი”
ბუდაპეშტი, უნგრეთი

ქვეყანა: უკრაინა

მწარმოებელი: დარნიცა კიევი

გაცემის ფორმა: III ჯგუფი ურეცეპტო

კავინტონი საინექციო
(Cavinton)

წამლის ფორმა: საინექციო ხსნარი ამპულებში
შემადგენლობა: 1 ამპულა (2 მლ) შეიცავს 10 მგ ვინპოცეტინს.
ფარმაკოლოგიური მოქმედება: კავინტონი ასტიმულირებს თავის ტვინის პერფუზიას, რაც იწვევს მისი ჟანგბადით მომარაგების გაუმჯობესებას. ექსპერიმენტული მონაცემებით აუმჯობესებს თავის ტვინში რეგენერაციულ პროცესებს ჰიპოქსიის მოდელირების შედეგად.
ჩვენება: მწვავე, კეროვანი იშემიური ცერებროვასკულური დაავადებები, აპოპლექსიური წარმოშობის გამოკლებით.
წინააღმდეგჩვენება: ორსულობის პერიოდი.
განსაკუთრებული მითითებები: პრეპარატი სიფრთხილით ინიშნება გულის დეკომპენსირების დროს ბრადიკარდიით შეპყრობილ პაციენტებში, რომლებსაც ელექტროკარდიოგრამაზე აღენიშნებათ QT ინტერვალის გახანგრძლივება.
დოზირება: პრეპარატი შეყავთ მხოლოდ ნელი წვეთოვანი ინფუზიის გზით. საწყისი დღეღამური დოზა შეადგენს 20 მგ (2 ამპულის შიგთავსი 500-1000 მლ საინფუზიო ხსნარში). შემდგომში ჩვეულებრივი დღეღამური დოზა შეადგენს 30 მგ-ს (3 ამპულის შიგთავსი 500-1000 მლ საინფუზიო ხსნარში). პაციენტის მდგომარეობის და პრეპარატის ამტანობის მიხედვით შესაძლებელია დოზის თანდათან მომატება და საერთო დღეღამური დოზა პრეპარატის მეათე დღეს გადასხმის სახით მიღებისას შეადგენს 1 მგ/კგ სხეულის წონაზე.
ურთიერთქმედება სხვა სამკურნალო საშუალებებთან: კავინტონის საინექციო ხსნარი შეუთავსებელია ჰეპარინთან, ამიტომ ჰეპარინთან მისი ერთ შპრიცში მოთავსება და იმ პაცინტებში, რომლებიც იღებენ ჰეპარინს პრეპარატის გამოყენება არ არის რეკომენდებული.
გვერდითი მოვლენები: არტერიული წნევის დაქვეითება, იშვიათად აღინიშნება ექსტრასისტოლია, ტაქიკარდია.
შენახვის ვადა: 5 წელი
შენახვის პირობები: ინახება ორიგინალურ შეფუთვაში 15-30⁰C ტემპერატურაზე.
გამოშვების ფორმა: 10 ამპულა (2 მლ-იანი).
გაცემის წესი – ექიმის რეცეპტით.
გაცემის წესი – ექიმის რეცეპტით.
მწარმოებლის დასახელება
ს.ს. “გედეონ რიხტერი”
ბუდაპეშტი, უნგრეთი

შემადგენლობა
კორვალ-G-ის ერთი ტაბლეტი შეიცავს აქტიურ ნივთიერებებს:
ალფა-ბრომიზოვალერიანის მჟავას ეთილის ეთერი (100% მშრალ მასაზე გადაანგარიშებით)- 12,42 მგ, 
ფენობარბიტალი (100% მშრალ მასაზე გადაანგარიშებით) – 11,34 მგ, 
პიტნის ზეთი – 0,88 მგ.
დამხმარე ნივთიერებები: ლაქტოზას მონოჰიდრატი, მაგნიუმის სტეარატი, ბეტა-ციკლოდექსტრინი, კალიუმის აცესულფამი.
მოქმედების მექანიზმი
ფარმაკოთერაპიული ჯგუფი – საძილე და სედატიური პრეპარატი. 
კორვალ-G – დამამშვიდებელი და სპაზმოლიზური საშუალებაა, რომლის ეფექტურობა დამყარებულია შემადგენელი ნივთიერებების მოქმედებაზე. 
ალფა-ბრომოიზოვალერიანის მჟავას ეთილის ეთერი ავლენს რეფლექტორულ დამამშვიდებელ და სპაზმოლიზურ მოქმედებას, რაც განპირობებულია უპირატესად პირის ღრუსა და ცხვირ-ხახის რეცეპტორების რეფლექტორული აგზნებადობით, ცენტრალური ნერვული სისტემის უბნების რეფლექტორული აგზნებადობის დაქვეითებით და თავის ტვინის ქერქის და ქერქქვეშა ნეირონებში შეკავების პროცესების გაძლიერებით, ასევე – ცენტრალური სისხლძარღვოვანი ცენტრების აქტივობის დაქვეითებით და სისხლძარღვების გლუვ კუნთებზე პირდაპირი ადგილობრივი სპაზმოლიზური მოქმედებით.
ფენობარბიტალი აქვეითებს დიდი ჰემისფეროების ქერქზე, შუა ტვინისა და მოგრძო ტვინის რეტიკულური ფორმაციის ცენტრების გამაქტივებელ მოქმედებას, რითაც ამცირებს თავის ტვინის ქერქსა და ქერქქვეშა სტრუქტურებზე გამაღიზიანებელ მოქმედებას. დოზიდან გამომდინარე აღნიშნული მოქმედება შეიძლება იყოს დამამშვიდებელი, ტრანკვილიზატორული ან საძილე ეფექტის. კორვალ-G ამცირებს სიხლძარღვების ცენტრებზე, კორონარულ და პერიფერიულ სისხლძარღვებზე გამაღიზიანებელ მოქმედებას, რითაც ამცირებს საერთო არტერიულ წნევას, ხსნის სისხლძარღვების სპაზმს, განსაკუთრებით გულის სიხლძარღვების.
პიტნის ზეთი დიდი რაოდენობით შეიცავს ეთერულ ცხიმებს, მათ შორის 50% მენთოლს და 4-9% მენთოლის ეთერებს. მათ აქვთ უნარი გააღიზიანონ პირის ღრუს რეცეპტორები და რეფლექტორულად გააფართოვონ უპირატესად გულისა და ტვინის სისხლძარღვები, რაც ხსნის გლუვი კუნთების სპაზმს და იწვევს დამამშვიდებელ და სპაზმოლიზურ მოქმედებას, ამცირებს მეტეორიზმს.
ფარმაკოკინეტიკა
სუბლინგვალურად გამოყენებისას შეწოვა იწყება ენის ქვეშა არედან, აქტიური ნივთიერებების ბიოშეღწევადობა მაღალია (დაახლოებით 60-80%). ეფექტი ვლინდება სწრაფად, 5-10 წუთში.
შიგნით მიღებისას მოქმედება ვლინდება 15-45 წუთის შემდეგ და გრძელდება 3-6 საათის განმავლობაში. პაციენტები, რომლებიც ადრე იღებდნენ ბარბიტურის მჟავას პრეპარატებს, მოქმედება უფრო ხანმოკლეა, რაც განპირობებულია ღვიძლში ფენობარბიტალის მეტაბოლიზმის აჩქარებით. ასაკოვან პაციენტებში და პაციენტებში ღვიძლის ციროზით კორვალ-G-ის მეტაბოლიზმი შემცირებულია, შესაბამისად ნახევარგამოყოფის პერიოდი გახანგრძლივებულია, რაც დოზის შემცირებას და მიღებებს შორის ინტერვალის გაზრდას მოითხოვს.
ჩვენება
– ნევროზები მომატებული გაღიზიანებადობით;
– უძილობა;
– ჰიპერტონული დაავადების და ვეგეტოსისხლძარღვოვანი დისტონიის კომპლექსურ თერაპიაში;
– კორანარული სისხლძარღვების არამკვეთრად გამოხატული სპაზმი, ტაქიკარდია;
– ნეიროვეგეტატიური დარღვევებით განპირობებული ნაწლავის სპაზმი (როგორც სპაზმოლიზური საშუალება).
უკუჩვენება
– პრეპარატის კომპონენტებისადმი და ბრომისადმი მომატებული მგრძნობელობა;
– ღვიძლისა და/ან თირკმლების გამოხატული დარღვევები;
– ღვიძლის პორფირია;
– გულის მძიმე უკმარისობა.
უსაფრთხოების ზომები
პრეპარატთან ერთად არ უნდა იყოს მიღებული ალკოჰოლური სასმელები.
არ არის რეკომენდებული პრეპარატის ხანგრძლივი გამოყენება, რათა არ მოხდეს პრეპარატისადმი დამოკიდებულების ჩამოყალიბება.
არტერიული ჰიპოტენზიის დროს პრეპარატის დანიშვნისას საჭიროა სიფრთხილის დაცვა.
ბავშვებში პრეპარატის დანიშვნის გამოცდილება არ არსებობს. 
ავტომობილისა და სხვა მექანიკური საშუალებების მართვაზე გავლენა
არ არის მიზანშეწონილი პრეპარატის დანიშვნა მძღოლებისათვის და აქტიური სამუშაოებისა და მექანიზმების მართვის შემთხვევაში.
ორსულობა და ლაქტაციის პერიოდი
ორსულობისა და ლაქტაციის პერიოდში პრეპარატი არ ინიშნება.
დოზის გადაჭარბება
დოზის გადაჭარბება აღინიშნება პრეპარატის ხშირი ან ხანგრძლივი გამოყენების დროს, რაც დაკავშირებულია შემადგენელი ნივთიერებების კუმულაციასთან. ხანგრძლივმა და მუდმივად მიღებამ შეიძლება გამოიწვიოს პრეპარატისადმი დამოკიდებულება, აბსტინენციის სინდრომი, ფსიქომოტორული აგზნებადობა. პრეპარატის მიღების უცბად შეწყვეტამ შეიძლება გამოიწვიოს მოხსნის სინდრომი.
დოზის გადაჭარბების სიმპტომები: ცენტრალური ნერვული სისტემის დათრგუნვა, ცნობიერების დაბინდვა, თავბრუსხვევა, ატაქსია, ძილიანობა, ღრმა ძილის ჩათვლით. მძიმე შემთხვევებში მოწამვლა – სუნთქვის დარღვევა, ტაქიკარდია, არტერიული წნევის დაქვეითება, კოლაფსი, კომა.
მკურნალობა: სიმპტომური.
სხვა სამკურნალო საშუალებებთან ურთიერთქმედება
ცნს-ის დამთრგუნველი პრეპარატები აძლიერებენ კორვალ-G-ის ეფექტს. 
პრეპარატის შემადგენელმა ფენობარბიტალმა შესაძლოა ღვიძლის ფერმენტების ინდუცირება გამოიწვიოს. ამიტომ კორვალ-G ამცირებს იმ პრეპარატების ეფექტურობას, რომლებიც მეტაბოლიზდებიან ღვიძლში (კუმარინის წარმოებულები, გრიზეოფულვინი, გლუკოკორტიკოიდები, პერორალური ჩასახვი საწინააღმდეგო საშუალებები).
კორვალ-G აძლიერებს ადგილობრივი საანესთეზიო საშუალებების, ტკივილგამაყუჩებლების და საძილე საშუალებების მოქმედებას, რაც ბარბიტურის მჟავას წარმოებულების შემცველობასთანა არის კავშირში.
კორვალ-G აძლიერებს ვალპროის მჟავას ეფექტს, ხოლო მეტროტრექსატთან კომბინაციაში, ზრდის ამ უკანასკნელის ტოქსიკურობას. 
ალკოჰოლი აძლიერებს პრეპარატის ეფექტურობას, ასევე – მის ტოქსიკურობას.
დოზირება და მიღების წესი
კორვალ-G ინიშნება სუბლინგვალურად (ენის ქვეშ) ან შიგნით მისაღებად.
მოზრდილებში 1 ტაბლეტი 2-3-ჯერ დღეში.
საჭიროებისას (გამოხატული ტაქიკარდია და კორონარული სისხლძარღვების სპაზმი) ერთჯერადი დოზა შესაძლებელია გაიზარდოს 3 ტაბლეტამდე.
მიღების ხანგრძლივობა განისაზღვრება კლინიკური ეფექტისა და პრეპარატის ამტანობის მიხედვით.
გვერდითი მოვლენები
კორვალ-G, როგორც წესი, კარგად გადაიტანება. ერთეულ შემთხევაში შეიძლება გამოვლინდეს:
საჭმლის მომნელებელი სისტემის მხრივ: დისკომფორტი კუჭისა და ნაწლავების არეში, გულისრევა;
ნერვული სისტემის მხრივ: ძილიანობა, მსუბუქი თავბრუსხვევა, ყურადღების კონცენტრირების დაქვეითება;
იმუნური სისტემის მხრივ: ალერგიული რეაქციები;
გულ-სისხლძარღვთა სისტემის მხრივ: გულის რიტმის შენელება;
აღნიშნული მოვლენები ქრება დოზის შემცირებისას.
პრეპარატის ხანგრძლივმა გამოყენებამ შესაძლებელია გამოიწვიოს პრეპარატისადმი დამოკიდებულება და ბრომიზმის სიმპტომები: ცენტრალური ნერვული სისტემის დათრგუნვა, აპათია, რინიტი, კონიუნქტივიტი, აკნე, ჰემორაგიული დიათეზი, კოორდინაციის დარღვევა, გონების დაბინდვა.
ვარგისობა და შენახვის პირობები
პრეპარატის ვარგისობის ვადა – 2 წელი.
ინახება სინათლისაგან დაცულ ადგილას, არა უმეტეს 25⁰C ტემპერატურაზე. 
ინახება ბავშვებისათვის ხელმიუწვდომელ ადგილზე!
გამოშვების ფორმა
50 ტაბლეტი ბლისტერებში; მეორადი შეფუთვა – მუყაოს კოლოფში.
აფთიაქიდან გაცემის პირობები 
ფარმაცევტული პროდუქტის ჯგუფი III (გაიცემა ურეცეპტოდ).

მწარმოებელი ფირმა: 
შ.პ.ს. “ჯი-ემ-პი”

ვობილონი
VOBILON

სავაჭრო დასახელება
ვობილონი, VOBILON

საერთაშორისო არაპატენტირებული დასახელება
გინკგო ბილობა, Ginko biloba

სამკურნალწამლო ფორმა
კაფსულები.
აღწერილობა: ყავისფერი, მყარი ჟელატინის კაფსულები, ზომა #1, რომლებიც შეიცავენ ღია ან მუქ ყავისფერ ფხვნილს უფრო მუქი ფერის ხილული ნაწილაკებით.

შემადგენლობა
1 კაფსულა შეიცავს:
აქტიური ნივთიერება:
გინკგო ბილობას ფოთლების მშრალი სტანდარტიზებული ექსტრაქტი 80 მგ.
80 მგ ექსტრაქტი შეიცავს 19,2 მგ გინკგოს ფლავონურ გლიკოზიდებს და 4,8 მგ ტერპენის ლაქტონებს (გინკგოლიდები და ბილობალიდები).
დამხმარე ნივთიერებები:
კალციუმის უწყლო ჰიდროფოსფატი, სილიციუმის უწყლო კოლოიდური დიოქსიდი, მაგნიუმის სტეარატი.
კაფსულის გარსის შემადგენლობა: ტიტანის დიოქსიდი, რკინის შავი ოქსიდი, რკინის ყვითელი ოქსიდი, აზორუბინი, ჟელატინი.  

ათქ კოდი  N06DX02

ფარმაკოთერაპიული ჯგუფი:
დემენციის სამკურნალო პრეპარატები.

ფარმაკოლოგიური თვისებები
ვობილონი _ მცენარეული წარმოშობის პრეპარატია, შეიცავს გინკგო ბილობას ექსტრაქტს, რომელიც აუმჯობესებს სისხლის მიმოქცევას თავის ტვინში და პერიფერიაზე. ექსტრაქტის ბიოლოგიურად აქტიური ნივთიერებები (ფლავონური გლიკოზიდები, ტერპენული ლაქტონები) ხელს უწყობენ სისხლძარღვის კედლის ელასტიურობის მომატებას, აუმჯობესებენ სისხლის რეოლოგიურ თვისებებს. პრეპარატის გამოყენება განაპირობებს მიკროცირკულაციის გაუმჯობესებას, ზრდის ჟანგბადითა და გლუკოზით ტვინისა და პერიფერიული ქსოვილების მომარაგებას. არეგულირებს ნივთიერებათა ცვლას უჯრედებში, ხელს უშლის ერითროციტების აგრეგაციას, აინჰიბირებს თრომბოციტების აგრეგაციას. აფართოებს წვრილ არტერიებს, ზრდის ვენების ტონუსს, არეგულირებს სისხლძარღვთა სისხლსავსეობას. ხელს უშლის თავისუფალი რადიკალების წარმოქმნასა და უჯრედული მემბრანის ლიპიდების პეროქსიდულ ჟანგვას. გააჩნია შეშუპების საწინააღმდეგო გამოხატული ეფექტი როგორც თავის ტვინის დონეზე, ასევე პერიფერიაზე.
გინკგო ბილობას ფარმაკოკინეტიკური პარამეტრების შეფასება რთულია ექსტრაქტის მრავალკომპონენტიანი შემადგენლობის გამო.

გამოყენების ჩვენებები
–    სხვადასხვა ეტიოლოგიის დისცირკულატორული ენცეფალოპათია (ინსულტი, ქალა-ტვინის ტრავმა, ხანდაზმულთა ასაკი), რომელსაც თან ახლავს ყურადღების და/ან მეხსიერების დაქვეითება, ინტელექტუალური შესაძლებლობების დარღვევა, შფოთვა, შიში, ძილის დარღვევა;
–    დემენცია, მათ შორის ალცჰეიმერის დაავადების დროს;
–    მეხსიერებისა და ყურადღების გაუმჯობესება ახალგაზრდა ასაკში;
–    პერიფერიული სისხლის მიმოქცევისა და მიკროცირკულაციის დარღვევა (მათ შორის, ქვედა კიდურების არტერიოპათია), რეინოს სინდრომი;
–    ნეიროსენსორული დარღვევები (თავბრუსხვევა, შუილი ყურებში, ჰიპოაკუზია);
–    ყვითელი ხალის ასაკობრივი დეგენერაცია;
–    დიაბეტური რეტინოპათია, ანგიოპათია, ნეიროპათია.

უკუჩვენებები
–    სისხლის დაქვეითებული შედედების უნარი;
–    ეროზიული გასტრიტი, კუჭისა და თორმეტგოჯა ნაწლავის წყლულოვანი დაავადება;
–    ტვინში სისხლის მიმოქცევის მწვავე დარღვევა;
–    მიოკარდიუმის მწვავე ინფარქტი;
–    არტერიული ჰიპოტენზია;
–    ბავშვთა ასაკი 12 წლამდე;
–    მომატებული მგრძნობელობა პრეპარატის შემადგენლობაში შემავალი კომპონენტების მიმართ.

გვერდითი მოვლენები
ვობილონი კარგად გადაიტანება, გვერდითი მოვლენები ვითარდება იშვიათად.
საჭმლის მომნელებელი სისტემის მხრივ: დისპეფსიური მოვლენები,  გულისრევა.
ცენტრალური ნერვული სისტემის მხრივ:  თავის ტკივილი, თავბრუსხვევა.
ალერგიული რეაქციები: გამონაყარი კანზე, ქავილი.
სხვა: სისხლის შედედების უნარის დაქვეითება (ხანგრძლივი გამოყენების შემდეგ).

გამოყენების წესი და დოზირება
ვობილონი მიიღება შიგნით, ჭამის დროს ან მის შემდეგ, მცირე რაოდენობის წყალთან ერთად. კაფსულები უნდა გადაიყლაპოს მთლიანად.
დემენციის დროს: 1 კაფსულა 3-ჯერ დღეში.
პერიფერიული სისხლის მიმოქცევისა და მიკროცირკულაციის დარღვევის დროს: 1-2 კაფსულა 3-ჯერ დღეში.
თავბრუსხვევის, ყურებში შუილის, ძილის დარღვევის დროს:  1 კაფსულა 2-ჯერ დღეში (დილას და საღამოს).   
სხვა შემთხვევებში: 1 კაფსულა 2-ჯერ დღეში.
მკურნალობის კურსი შეადგენს არანაკლებ 3 თვეს. მდგომარეობის გაუმჯობესების პირველი ნიშნები, ჩვეულებრივ, ვლინდება 1 თვის შემდეგ.

ჰიპერდოზირება
არ არსებობს მონაცემები ვობილონის ჰიპერდოზირების შესახებ.

განსაკუთრებული მითითებები
არ არის სასურველი პრეპარატის რეკომენდებული დოზის გადაჭარბება.
პრეპარატის გამოყენების ფონზე არ არის რეკომენდებული ალკოჰოლის მიღება.

ზემოქმედება ავტომობილისა და სხვა მექანიზმების მართვის უნარზე
ვობილონი არ ახდენს გავლენას ავტოტრანსპორტის მართვაზე ან სხვა ტექნიკური საშუალებების გამოყენებაზე, რომლებიც მოითხოვენ სწრაფ ფსიქომოტორულ რეაქციებს.

გამოყენება ორსულობისა და ლაქტაციის პერიოდში
არ არის რეკომენდებული პრეპარატის გამოყენება ორსულობისა და ლაქტაციის პერიოდში.

ურთიერთქმედება სხვა სამკურნალო საშუალებებთან
არ არის რეკომენდებული პრეპარატ ვობილონის ერთდროული გამოყენება აცეტილსალიცილის მჟავასთან ან ანტიკოაგულანტებთან.

გამოშვების ფორმა
10 კაფსულა ბლისტერზე.  
3 ბლისტერი გამოყენების ინსტრუქციასთან ერთად – მუყაოს კოლოფში.

შენახვის პირობები
ინახება მშრალ, ბავშვებისთვის მიუწვდომელ ადგილას, არა უმეტეს 25ºC ტემპერატურის პირობებში.

ვარგისიანობის ვადა
2 წელი წარმოების თარიღიდან.
ნუ გამოიყენებთ ვარგისიანობის ვადის გასვლის შემდეგ.

აფთიაქიდან გაცემის პირობები
ურეცეპტოდ (III ჯგუფი).

მწარმოებელი
ვობილონი არის კომპანია “როტაფარმი,,-ს პროდუქტი და სავაჭრო ნიშანი.
დიდი ბრიტანეთი.
(“ROTAPHARM”, Great Britain).    
წარმოებულია
“ადიფარმ ლტდ”, 130 ბულვარი სიმეონოვსკი შოსე, 1700 სოფია, ბულგარეთი.
(“ADIPHARM LTD”, 130 Simeonovsko shosse Blvd., 1700 Sofia, Bulgaria)

კ ა რ დ ი ო ა რ ტ ი

CARDIOART

ჯამრთელობაზე ზრუნვის ხელოვნება

შემადგენლობა –   თითეული კაფსულა შეიცავს : L –arginine -250.00mg(ლ-არგინინი)

L –carnitine -125.00mg (ლ-კარნიტინი)

Magnezium -75.00mg (მაგნეზია)

Co Enzyme Q10 -75.00mg (კო ენზიმ Q-10)

Zinc -7.50mg (თუთია)

Selenyum -0.03mg(სელენი)

Hawhthorn-30.00mg (კუნელი)

კარდიოპროტექტორი

ნეიროპროტექტორი

ციტოპროტექტორი               

კარდიოარტის ჩვენებები: გულ-სისხლძარღვთა სისტემის მკურნალობის დროს-გულის იშემიური დაავადება-სტენოკარდია, გულის ქრონიკული უკმარისობა, ათეროსკლეროზი,კარდიომიოპათია, მაღალი ჰიპერტენზია, ჰიპოქსიური და იშემიური მდგომარეობების დროს მიოკარდიუმის და ტვინის კვების გაუმჯობესების, გონებრივი მუშაობის უზრუნველყოფისა და აღდგენის მიზნით. კარდიოარტი ინიშნება სტენოკარდიის, კორონარული სისხლძარღვების დაავადებ-ების,გულის შეგუბებითი უკმარისობის, ჰიპერქოლესტერინემიის დროს,გაცხიმოვ-ნება, გარდამავალი სიკოჭლე. ცენტრალური ნერვული სისტემის დაავადებათა კომპლექსური მკურნალობის დროს: სტრესი, ნევროსთენია, კარდიონევროზი, ასთენია, ქრონიკული გადაღლის სინდრომი. ასევე მეორე ტიპის შაქრიანი დიაბეტი, თირეოტოკსიკოზი, კახექსია, ანორექსია. მძიმე დაავადებების და ინტესიური ფიზიკური დატვირთვის დროს, კუნთების აქტივობის გაზრდის მიზნით. საჭმლის მონელების დარღვევების და ფერმენტული უკმარისობის დროს. აზოსპერმია, ოლიგოსპერმია.                        

უკუჩვენებები: ჰიპერმგრძნობელობა პრეპარატში შემავალი ნებისმიერი კომპონენ-ტის მიმართ,ორსულობა, ლაქტაციის პერიოდი .ექიმის კონსულტაციის გარეშე პრეპარატის ხანგრძლივად მიღება არ არის რეკომენდირებული. არსებობს მოსაზრება, რომ ლ-არგინინმა შეიძლება გაზარდოს სიკვდილის რისკი, გულის შეტევის შემდეგ – განსაკუთრებით ხანდაზმულ ასაკში,ამიტომ თუ თქვენ გადაიტანეთ გულის შეტევა არ მიიღოთ ლ-არგინინი. სელენმა და ლ-კარნიტინმა შეიძლება გაზარდოს სისხლდენის რისკი ოპერაციის მიმდინარეობისას ან მის შემდეგ,ამიტომ პრეპარატის მიღება უნდა შევწყვიტოთ ოპერაციამდე და მის შემდეგ ორი კვირის განმავლობაში.

მიღების წესი: 2-2 ტაბლეტი დღეში ორჯერ ,ჭამის შემდეგ .

გაფრთხილება: რაიმე არასასურველი გვერდითი მოვლენების შემთხვევაში გაიარეთ  კონსულტაცია ექიმთან.

შეფუთვა: მუყაოს კოლოფში მოთავსებულია 6 ბლისტერი ,თითეული 10 კაფსულით.

შეინახეთ მშრალ და გრილ ოთახში-არაუმეტეს 25⁰C-სა,ბავშვებისგან დაცულ ადგილზე.

მაწარმოებელი: Honor Pharmaceutical Indastry Trade Co.LTD                                                                          

Bestepe/Yenimalle/Ankara/Turkey

დისტრიბიუტორი საქართველოში: LTD 3D GEORGIA