საერთაშორისო დასახელება:
VINCRISTINE
მწარმოებელი: HELP PHARMACEUTICALS
მოქმედი ნივთიერება: ვინკრისტინის სულფატი
კლინიკურ-ფარმაკოლოგიური ჯგუფი:
გველის სუროს ალკალოიდი; მცენარეული წარმოშობის სიმსივნის საწინააღმდეგო საშუალება.
გამოშვების ფორმა:
ლიოფილიზირებული ფხვნილი საინექციო ხსნარის მოსამზადებლად: ფლაკონში
1 ფლ
ვინკრისტინის სულფატი .......... 1 მგ
საინექციო ხსნარი: ამპულაში
1 მლ
ვინკრისტინის სულფატი .......... 1 მგ
კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს - უწყვეტ და თანაბარზომიერ განვითარებას, სპირალურ წინსვლას.
11.00 ლარი
10.34 ლარი
ქვეყანა: საქართველო
მწარმოებელი: ესკულაპი_საქართველო
გაცემის ფორმა: III ჯგუფი ურეცეპტო
ბილობილი
BILOBIL
საერთაშორისო სახელწოდება
Ginko biloba
წამლის ფორმა
კაფსულები
შემადგენლობა
1 კაფსულა შეიცავს:
გინკო ბილობას ფოთლების მშრალი ექსტრაქტი – 40 მგ
(სტანდარტიზირებული 9.6 მგ გინკოს ფლავონური გლიკოზიდების და 2.4 მგ ტერპენის ლაქტონების (გინგკოლიდები და ბილობალიდები) შემცველობამდე 40 მგ-ში).
დამხმარე ნივთიერებები: ლაქტოზა, სიმინდის სახამებელი, მაგნიუმის სტეარატი, კაჟბადის კოლოიდური ზეჟანგი, ტალკი.
აღწერილობა
შოკოლადისფერ-ყავისფერი კაფსულები, რომლებიც შეიცავს მოყვითალო-ყავისფერ ფხვნილს უფრო მუქი ფერის ხილული ნაწილაკებით.
ფარმაკოთერაპიული ჯგუფი
ტვინისა და პერიფერიული სისხლის მიმოქცევის გამაუმჯობესებელი პრეპარატი.
ფარმაკოლოგიური თვისებები
გინკო ბილობას ფოთლების ბიოლოგიურად აქტიური ნივთიერებები (ფლავონური გლიკოზიდები, ტერპენის ლაქტონები) ხელს უწყობენ სისხლძარღვის კედლის გამტარობის შემცირებას, ხელს უშლიან თრომბოციტების აგრეგაციას. ამის შედეგად უმჯობესდება მიკროცირკულირება, ტვინისა და პერიფერიული ქსოვილების ჟანგბადითა და გლუკოზით მომარაგება.
გამოყენების ჩვენებები
პრეპარატი ენიშნებათ ხანდაზმული ასაკის პირებს ტვინის სისხლის მიმოქცევის დარღვევებით, რასაც ახლავს:
- ყურადღების და/ან მეხსიერების დარღვევა, ინტელექტუალური შესაძლებლობების დარღვევა,
- შფოთვის, შიშის შეგრძნება,
- თავბრუსხვევა, შუილი ყურებში, ძილის დარღვევები.
ასევე ინიშნება ქვედა კიდურების სისხლის მიმოქცევის დარღვევისას.
უკუჩვენებები
ჰიპერმგრძნობელობა პრეპარატის ნებისმიერი კომპონენტის მიმართ, სიხლის შედედების დაქვეითება, ეროზიული გასტრიტი, კუჭისა და თორმეტგოჯა ნაწლავის წყლულოვანი დაავადება გამწვავების სტადიაში, ბავშვთა ასაკი (18 წლამდე).
გამოყენების წესი და დოზები
პრეპარატი ინიშნება შიგნით 1 კაფსულა 3-ჯერ დღეში. კაფსულები უნდა ჩაიყლაპოს მცირე რაოდენობით წყლის მიყოლებით. მკურნალობის კურსი შეადგენს არა ნაკლებ 3 თვეს.
გაუმჯობესების პირველი ნიშნები ჩვეულებრივ 1 თვეში ვლინდება. განმეორებითი კურსის ჩატარება შეიძლება ექიმთან კონსულტაციის შემდეგ.
გვერდითი მოქმედება
იშვიათ შემთხვევებში შესაძლებელია ალერგიული რეაქციები (გამონაყარი კანზე), დისპეფსია, თავის ტკივილი, სისხლის შედედების დაქვეითება.
ორსულობა და ლაქტაცია
ბილობილის დანიშვნა ორსულობისა და ლაქტაციის პერიოდში რეკომენდებული არ არის.
ჭარბი დოზა
დღეისათვის პრეპარატის ბილობილი ჭარბი დოზის მიღების შემთხვევები ცნობილი არ არის.
გამოშვების ფორმა
40 მგ კაფსულები, 10 კაფსულა ბლისტერში. შეფუთვაში 2 ან 6 ბლისტერი.
შენახვის პირობები
ინახება მშრალ, სინათლისაგან დაცულ, ბავშვებისათვის მიუწვდომელ ადგილას არა უმეტეს 25ºC ტემპერატურაზე.
ვარგისიანობის ვადა
2 წელი. პრეპარატის გამოყენება არ შეიძლება შეფუთვაზე მითითებული ვარგისიანობის ვადის გასვლის შემდეგ.
გაცემის წესი
რეცეპტის გარეშე.
მწარმოებელი
კრკა, დ.დ., ნოვო მესტო, სლოვენია.
საერთაშორისო დასახელება:
DOXYLAMINE
მწარმოებელი: UPSA Laboratories a division
of BRISTOL-MYERS SQUIBB, საფრანგეთი
მოქმედი ნივთიერება: დოქსილამინი
კლინიკურ-ფარმაკოლოგიური ჯგუფი:
საძილე საშუალება. ჰისტამინური H1-რეცეპტორების ბლოკატორი.
შემადგენლობა და გამოშვების ფორმა:
შემოგარსული ტაბლეტები: ტუბში 30 ტაბ., შეფუთვაში 1 ტუბი.
1 ტაბ.
დოქსილამინის სუქცინატი .................... 15 მგ
შუშხუნა ტაბლეტები: ტუბში 30 აბ., შეფუთვაში 2 ტუბი.
1 ტაბ.
დოქსილამინის სუბცინატი .................. 15 მგ
დამხმარე ნივთიერებები:
ლაქტოზა, კარბოქსიმეთილცელულოზას ნატრიუმის მარილი, მიკროკრისტალური ცელულოზა, მაგნიუმის სტეარატი, ჰიდროქსიპროპილმეთილცელულოზა, ტიტანის დიოქსიდი, პოლიეთილენგლიკოლი.
ჩვენებები:
ძილის დარღვევა, უძილობა.
მიღების წესები და დოზირება:
მიღების და დროის სიხშირე: მიიღება ძილის წინ 15-30 წუთით ადრე.
მკურნალობის ხანგრძლივობა: მკურნალობის ხანგრძლივობა შეადგენს 2 კვირას. პრეპარატის შემდგომი მიღების შესახებ საჭიროა ექიმის კონსულტაცია.
გვერდითი მოვლენები:
ჩამოთვლილი გვერდითი მოვლენების ან სხვა რომელიმე გვერდითი მოვლენის შემთხვევაში, რომელიც აქ არაა აღნიშნული აუცილებელია ექიმის კონსულტაცია.
უკუჩვენებები:
*გლაუკომა,
*გაძნელებული შარდვა დაკავშირებული წინამდებარე ჯირკვლის ადენომასთან,
*15 წლამდე ასაკი,
*მომატებული მგრძნობელობა პრეპარატის მიმართ.
*ორსულობა და ლაქტაცია გაურკვეველ შემთხვევაში რეკომენდებულია ექიმთან კონსულტაცია.
განსაკუთრებული მითითებები:
მკურნალობის დროს არ არის რეკომენდებული ალკოჰოლის მიღება.
სატრანსპორტო საშუალებების მართვა და მუშაობა მანქანა-მექანიზმებთან: მძღოლები და პირები, რომლებიც მუშაობენ მანქანა-მექანიზმებთან პრეპარატის მიღებისას ყურადღებით უნდა იყვნენ ძილიანობის განვითარების რისკის არსებობის გამო.
ჭარბი დოზირება:
დოზის გადაჭარბების შემთხვევაში დაუყოვნებლივ მიმართეთ ექიმს.
სხვა წამლებთან ურთიერთქმედება:
სხვა პრეპარატებთან ურთიერთქმედების თავიდან აცილების მიზნით, რეკომენდებულია ექიმის კონსულტაცია სხვა პრეპარატების ერთდროულ მიღებასთან დაკავშირებით.
შენახვის პირობები:
პრეპარატი ინახება 15-25 C ტემპერატურაზე, ბავშვებისათვის მიუწვდომელ ადგილას.
ვარგისიანობის ვადა: მითითებულია შეფუთვაზე.
საერთაშორისო დასახელება:
CARVEDILOL
მწარმოებელი: NICHE GENERICS LIMITED, დიდი ბრიტანეთი
მოქმედი ნივთიერება: კარვედილოლი
კლინიკურ-ფარმაკოლოგიური ჯგუფი:
ბეტა1-, ბეტა2-. და ალფა1-ადრენორეცეპტორების ბლოკატორი.
გამოშვების ფორმა:
ტაბლეტები: ბლისტერზე 7 ტაბ., შეფუთვაში 4 ბლისტერი.
1 ტაბ.
კარვედილოლი .............. 6.25 მგ
1 ტაბ.
კავედილოლი ............... 12.5 მგ
1 ტაბ.
კარვედილოლი ............. 25 მგ
დამხმარე ნივთიერებები:
ლაქტოზა, საქაროზა, კროსპოვიდონ, პოვიდონ k25, კოლოიდური უწყლო სილიკონი და მაგნიუმის სტეარატი(E572).
ჩვენებები:
მიღების წესები და დოზირება:
ესენციური ჰიპერტენზია:
მოზრდილებში რეკომენდებული საწყისი დოზა შეადგენს 12.5 მგ ერთხელ დღეში. პირველი დღის განმავლობაში, შემდგომში - 25 მგ ერთხელ დღეში. აუცილებლობის შემთხვევაში დოზა იზრდება ორკვირიანი ინტერვალით და აღწევს მაქსიმალურ რეკომენდებულ დოზას - 5 მგ ერთხელ დღეში (ან გაყოფილი ორ მიღებაზე).
მოხუცებულ ავადმყოფებში რეკომენდებული საწყისი დოზა შეადგენს 12.5 მგ ერთხელ დღეში, რაც ზოგიერთ ავადმყოფებში განაპირობებს საკმარის ეფექტს. აუცილებლობის შემთხვევაში დოზა იცვლება ორკვირიანი ინტერვალით და აღწევს მაქსიმალურ რეკომენდებულ დოზას - 50 მგ ერთხელ დღეში.
სტენოკარდია:
მოზრდილებში რეკომენდებული საწყისი დოზა შეადგენს 12.5 მგ პირველი ორი დღის განმავლობაში. შემდგომში - 25 მგ 2-ჯერ დღეში. აუცილებლობის შემთხვევაში დოზა იზრდება ორკვირიანი ინტერვალით და აღწევს მაქსიმალურ რეკომენდებულ დოზას - 100 მგ გაყოფილს ორ მიღებაზე.
ხანდაზმულ ავადმყოფებში მაქსიმალური სადღეღამისო დოზა შეადგენს 5 მგ გაყოფილს ორ მიღებაზე დღეში.
გულის უკმარისობა:
დოზის შერჩევა წარმოებს ინდივიდუალურად, ექიმის მეთვალყურეობის ქვეშ. ავადმყოფებში, რომლებიც იღებდნენ დიგიტალისის პრეპარატებს, დიურეზულ საშუალებებს და აგფ-ინჰიბიტორებს, საჭიროა ბიოკარდით მკურნალობის დაწყებამდე მათი დოზების სტაბილიზირება. რეკომენდებული საწყისი დოზა შეადგენს 3.125 მგ 2-ჯერ დღეში, შემდგომში - 25 მგ 2-ჯერ დღეში. დოზა იზრდება ავადმყოფის მიერ მაქსიმალურად ასატან დოზამდე. ავადმყოფებში სხეულის წონით 85 კგ ნაკლები, მაქსიმალური დოზა შეადგენს 25 მგ 2-ჯერ დღეში, პაციენტებში სხეულის წონით >85 კგ - 5 მგ 2-ჯერ დღეში.
დოზის მომატების წინ საჭიროა პაციენტის გამოკვლევა გულის უკმარისობის სიმპტომების და ვაზოდილატაციის გაზრდის შესაფასებლად. გულის უკმარისობის გარდამავალი მომატების ან სითხის შეკავების შემთხვევაში, საჭიროა დიურეზული საშუალებების დოზის მომატება, თუმცა ხანდახან საჭიროა ბიოკარდის დოზის შემცირება, ან მისი მიღების დროებით შეწყვეტა. თუ პრეპარატით მკურნალობა შეწყდა ორ კვირაზე მეტი ხნის განმავლობაში, მკურნალობის აღდგენა წარმოებს დოზით 3.125 მგ 2-ჯერ დღეში, შემდგომში დოზის შერჩევა ხორციელდება ზემოთ მოყვანილი რეკომენდაციების მიხედვით. ჰიპოტენზიის სიმპტომების ლიკვიდაცია შესაძლებელია დიურეზული საშუალების დოზის შემცირებით. თუ სიმპტომები შენარჩუნებულია, საჭიროა აგფ-ინჰიბიტორების (თუ ავადმყოფები იღებენ ამ პრეპარატებს) დოზის შემცირება, ხოლო შემდგომში აუცილებლობის შემთხვევაში - ბიოკარდის დოზის შემცირება. ასეთ შემთხვევაში ბიოკარდის დოზა არ იზრდება, სანამ გულის უკმარისობის მომატებული სიმპტომები ან ჰიპოტენზია არ განიცდის სტაბილიზაციას.
ბიოკარდით მკურნალობა წარმოებს ხანგრძლივად. სხვა ბეტა-ბლოკატორების მსგავსად, დაუშვებელია მისი უეცარი მოხსნა. პრეპარატის მოხსნა წარმოებს თანდათანობით (1-2 კვირის განმავლობაში), დოზის შემცირებით 1/5-ით ყოველ 3 დღეში ერთხელ.
პრეპარატის ტაბლეტის მიღება წარმოებს წყლის საკმარისი რაოდენობის მიყოლებით. არ არის აუცილებელი პრეპარატის მიღება დაემთხვეს საჭმლის მიღებას, თუმცა გულის უკმარისობის დროს უმჯობესია მისი მიღება ჭამის დროს, რაც ხელს უწყოს შეწოვის შენელებას და ამით მცირდება ორთოსტატული რეაქციების რისკი.
დოზირება განსაკუთრებულ შემთხვევაში: ვინაიდან თირკმელების უკმარისობა პრეპარატის ფარმაკოკინეტიკაზე არ ახდენს გავლენას, ასეთ ავადმყოფებში ბიოკარდის დოზის კორექცია საჭირო არ არის.
გვერდითი მოვლენები:
გვერდითი მოვლენების ხასიათი არტერიული ჰიპერტენზიის და სტენოკარდიის ბიოკარდით მკურნალობისას იგივეა, რაც გულის უკმარისობის დროს, მხოლოდ მათი სიხშირე ნაკლებია.
ცნს-ის მხრივ: ხანდახან - თავბრუსხვევა, თავის ტკივილი, სისუსტე, რომლებიც აღინიშნება მკურნალობის დასაწყისში. იშვიათად - დეპრესია, ძილის დარღვევა, პარესთეზიები.
გულ-სისხლძარღვთა სისტემის მხრივ: ხანდახან - ბრადიკარდია, ორთოსტატული ჰიპოტონია, იშვიათად - გულის წასვლა, განსაკუთრებით მკურნალობის დასაწყისში. იშვიათად - პერიფერიული სისხლისმიმოქცევის დარღვევა (კიდურების გაცივების შეგრძნება), ხანგამოშვებითი კოჭლობის სიმპტომების ან რეინოს სინდრომის გამწვავება, შეშუპება. ცალკეულ შემთხვევაში - ატრიოვენტრიკულური ბლოკადა, გულის უკმარისობის პროგრესირება.
სასუნთქი სისტემის მხრივ: ხანდახან - ცხვირის დაცემინება, სურდო, მიდრეკილ ავადმყოფებში - ასთმა, ქოშინი.
კუჭ-ნაწლავის სისტემის მხრივ: ხანდახან - კუჭ-ნაწლავის ტრაქტის მხრივ დარღვევები (გულისრევა, მუცლის ტკივილი, დიარეა), იშვიათად, ყაბზობა, ღებინება.
კანის მხრივ: იშვიათად - ალერგიული ეგზანთემა, ურტიკარია, ქავილი, გამონაყარი წითელი ბრტყელი ლიქენის ტიპის, არსებული ფსორიაზული ელემენტების გამწვავება ან გამოვლენა.
სისხლის სისტემის მხრივ: ცალკეულ შემთხვევაში - თროთმბოციტოპენია, ლეიკოპენია.
ნივთიერებათა ცვლის დარღვევა: ცალკეულ შემთხვევაში - ტოლერანტობის შემცირება გლუკოზის მიმართ, ჰიპოგლიკემიის დროს კონტრინსულარული ჰორმონების სეკრეციის დარღვევა, ავადმყოფებში გულის უკმარისობით - სხეულის წონის მომატება, ჰიპერქოლესტერინემია.
სხვა: კიდურების ტკივილი, იშვიათად - პირის სიმშრალე, შარდვის გაძნელება, იმპოტენცია, მხედველობის დარღვევა და კონიუნქტივიტი, ცრელმდენის დარღვევა, ავადმყოფებში გულის უკმარისობით, სისხლძარღვოვანი პათოლოგიით და თირკმელების ფუნქციის დარღვევით შესაძლებელია თირკმელების ფუნქციის დაქვეითება, იშვიათად - თირკმელების უკმარისობა.
ლაბორატორიული ანალიზები: ცალკეულ შემთხვევაში - შრატისმიერი ტრანსამინაზების აქტივობის მომატება.
უკუჩვენებები:
ორსულობა და ლაქტაცია:
ბიოკარდის გამოყენების გამოცდილება ორსულებში არ არსებობს. ბეტა-ბლოკატორები ამცირებენ პლაცენტის პერფუზიას, რაც იწვევს ნაყოფის დაღუპვას ან ნაადრევ მშობიარობას. პრეპარატი ორსულობის დროს ინიშნება მხოლოდ იმ შემთხვევაში, თუ მოსალოდნელი სარგებლობა აღემატება პოტენციურ რისკს. ბიოკარდი და მისი მეტაბოლიტები გადადიან დედის რძეში, ამიტომ მისი მიღება ლაქტაციის პერიოდში დაუშვებელია.
განსაკუთრებული მითითებები:
პრეპარატის უსაფრთხოება და ეფექტურობა 18 წლამდე ასაკის ავადმყოფებში დადგენილი არ არის. როგორც სხვა არასელექტიურ ბეტა-ბლოკატორებს, ბიოკარდს შეუძლია გამოიწვიოს ტკივილის პროვოცირება ავადმყოფებში პრინცმეტალის სტენოკარდიით. არ არის ამ პრეპარატის დანიშვნის გამოცდილება ამ ავადმყოფებში, თუმცა პრეპარატის ალფა-მაბლოკირებელ ეფექტს შეუძლია ხელი შეუშალოს ამგვარ სიმპტომატიკას, ასეთ შემთხვევაში პრეპარატი ინიშნება სიფრთხილით. ვინაიდან ბიოკარდი იწვევს ბრადიკარდიას, გულისცემის სიხშირის შემცირებისას 55-მდე, საჭიროა პრეპარატის მოხსნა.
პრეპარატი სიფრთხილით ინიშნება ავადმყოფებში ლაბილური მეორადი არტერიული ჰიპერტენზით. ვინაიდან მისი გამოყენების გამოცდილება ასეთ ავადმყოფებში არასაკმარისია.
ავადმყოფებში გულის უკმარისობით, რომლებიც იღებდნენ დიგიტალის პრეპარატებს, დიურეზულ საშუალებებს ან აგფ-ინჰიბიტორებს, ბიოკარდი ინიშნება სიფრთხილით, ვინაიდან იგი როგორც სათითურას პრეპარატები, ანელებს ატრიოვენტრიკულურ გამტარობას.
ბიოკარდის დოზის შერჩევისას ავადმყოფებში გულის უკმარისობით აღინიშნება მისი სიმპტომების მომატება და სითხის შეკავება. ასეთ შემთხვევაში იზრდება დიურეზული საშუალებების დოზა, ხოლო ბიოკარდის დოზას არ ზრდიან ავადმყოფის კლინიკური მდგომარეობის სტაბილიზაციამდე. ხანდახან ბიოკარდის დოზა მცირდება ან პრეპარატის მიღება დროებით წყდება, თუმცა ამგვარი სიტუაცია არ გამორიცხავს ბიოკარდის საჭირო დოზის შერჩევას მომავალში.
ბიოკარდის ერთდროული დანიშვნისას ვერაპამილის ან დილთიაზემის ტიპის კალციუმის ანტაგონისტებთან ან ასევე I ჯგუფის ანტიარითმულ პრეპარატებთან, აუცილებელია არტერიული წნევის ან ეკგ-ს მუდმივი მონიტორინგი. ბიოკარდით მკურნალობისას აღნიშნული პრეპარატები ინტრავენურად არ ინიშნება.
პრეპარატი სიფრთხილით ინიშნება ავადმყოფებში პერიფერიული სისხლძარღვების პათოლოგიით ვინიადან ბეტა-ბლოკატორები აძლიერებენ არტერიული უკმარისობის და რეინოს სინდრომის სიმპტომებს.
ავადმყოფებში ფილტვების ობსტრუქციული ქრონიკული დაავადებებით და ბრონქოსპასტიური მდგომარეობით, რომლებიც არ იღებენ პერორალური ასთმის საწინააღმდეგო საინჰალაციო პრეპარატებს. ბიოკარდი ინიშნება მხოლოდ იმ შემთხვევაში, თუ მოსალოდნელი სარგებლიანობა აღემატება ჰიპოტენზიურ რისკს. ბრონქოსპაზმის მიმართ მიდრეკილების არსებობისას ბიოკარდით მკურნალობის დროს სასუნთქი გზების წინააღმდეგობის მომატების შემთხვევაში შესაძლებელია განვითარდეს დისტრეს სინდრომი; პრეპარატით მკურნალობის დაწყებისას საჭიროა ამ ავადმყოფებზე მეთვალყურეობა, დოზის შემცირებით ბრონქოსპაზმის განვითარების შემთხვევაში.
ავადმყოფებში, რომლებსაც აღენიშნებათ მძიმე ალერგია ან რომლებიც გადიან დესენსიბილიზაციის კურსს, ბიოკარდს შეუძლია გამოიწვიოს მგრძნობელობის მომატება ალერგენების მიმართ და გააძლიეროს ალერგიული რეაქციები. ავადმყოფებში, რომლებიც ადრე, ბეტა-ბლოკატორების გამოყენების დროს აღნიშნავდნენ ფსორიაზის გამწვავებას, პრეპარატი ინიშნება მხოლოდ მოსალოდნელი სარგებლიანობის და პოტენციური რისკის განსაზღვრის შემდეგ. პრეპარატი სიფრთხილით ინიშნება ავადმყოფებში შაქრიანი დიაბეტით, ვინაიდან მას შეუძლია გამოიწვიოს ჰიპოგლიკემიის სიმპტომების მასკირება ან შემცირება (განსაკუთრებით ტაქიკარდიის). ამიტომ ბიოკარდით მკურნალობის დაწყებისას აუცილებელია შაქრის ხშირი თვითკონტროლი და აუცილებლობის დროს ჰიპოგლიკემიური პრეპარატების დოზის კორექცია.
როგორც სხვა ბეტა-ბლოკატორები, ბიოკარდი ამცირებს თირეოტოქსიკოზის სიმპტომების გამოხატულებას. ავადმყოფებში ფეოქრომოციტომით, ნებისმიერი ბეტა-ბლოკატორის დანიშვნის წინ აუცილებელია ალფა-ბლოკატორების დანიშვნა, თუმცა ბიოკარდს გააჩნია როგორც ბეტა-, ასევე ალფა-მაბლოკირებელი თვისებები, მისი გამოყენების გამოცდილება ასეთ ავადმყოფებში არ არსებობს, ამიტომ პრეპარატის დანიშვნა წარმოებს სიფრთხილით.
სიფრთხილეა საჭირო ზოგადი ანესთეზიის ჩატარების შემთხვევაში.
ავადმყოფებში, რომელიც იყენებენ კონტაქტურ ლინზებს უნდა გაითვალისწინონ ცრემლდენის შემცირების შესაძლებლობა.
პრეპარატის ზემოქმედება ყურადღების კონცენტრაციაზე:
ინდივიდუალური რეაქცია პრეპარატზე შესაძლოა გამოვლინდეს მისი ზემოქმედებით ცნს-ზე, რაც განსაკუთრებით ვლინდება მკურნალობის დაწყებისას ან მისი დოზის შეცვლისას, ასევე ბიოკარდის ერთდროული გამოყენებისას ალკოჰოლთან.
ჭარბი დოზირება:
სიმპტომები: მკვეთრად გამოხატული არტერიული ჰიპოტონია, ბრადიკარდია, გულის უკმარისობა, კარდიოგენული შოკი, გულის გაჩერება, შესაძლოა სუნთქვის დარღვევა, ბრონქოსპაზმი, ღებინება, ცნობიერების დარღვევა, გენერალიზებული კრუნჩხვები.
მკურნალობა: საჭიროა ყველა სასიცოცხლო მაჩვენებლის მუდმივი მონიტორინგი. აუცილებლობის შემთხვევაში - ინტენსიური თერაპიის განყოფილებაში შესაძლოა შემდეგი ღონისძიებების გამოყენება: 1) გამოხატული ბრადიკარდიის დროს - ინტრავენურად 0.5-2 მგ ატროპინი; 2) გულსისხლძარღვთა ტონუსის შენარჩუნებისათვის - ინტრავენურად 1-10 მგ გლუკაგონი, შემდეგ 2-5 მგ/საათში ინფუზიის სახით; 3) ადრენომიმეტური საშუალებები (დობუტამინი, იზოპრენალინი, ორციპრენალინი, ან ადრენალინი) სხვადასხვა დოზებით ავადმყოფების სხეულის წონის და მოქმედების ეფექტის მიხედვით. თუ კლინიკურ სურათში ჭარბობს ჰიპოტონია, შეჰყავთ ადრენალინი.
მკურნალობის მიმართ რეზისტენტული ბრადიკარდიის დროს იყენებენ რითმის ხელოვნურ მატარებლებს.
ბრონქოსპაზმის დროს შეჰყავთ ბეტა-2 ადრენომიმეტური საშუალება აეროზოლის სახით (არაეფექტურობის დროს - ინტრავენურად) ან ამინოფილინი ინტრავენურად. კრუნჩხვების დროს შეჰყავთ ნელა ინტრავენურად, დიაზეპამი ან კლონაზეპამი.
მძიმე, ჭარბი დოზირების შემთხვევაში (შოკის სიმპტომატიკით), შენარჩუნებული თერაპია გრძელდება ხანგრძლივად, ვინაიდან შესაძლებელია ბიოკარდის ნახევარგამყოფის პერიოდის გახანგრძლივება.
სხვა წამლებთან ურთიერთქმედება:
როგორც სხვა ბეტა-ბლოკატორები, ბიოკარდს შეუძლია გამოიწვის მასთან ერთად მიღებული ანტიჰიპერტენზიული საშუალების მოქმედების პოტენცირება, რომლებსაც ჰიპოტენზიური ეფექტი გააჩნია გვერდითი მოვლენის სახით. ბიოკარდის და დილთიაზემის ერთდროული დანიშვნისას აღინიშნება გულის გამტარებლობის დარღვევა, ჰემოდინამიკური ცვლილებებით. თუ დაგეგმილია ბიოკარდის და კლონიდინის კომბინირებული თერაპიის შეწყვეტა, პირველად იხსნება ბიოკარდი, რამდენიმე დღით ადრე კლონიდინის დოზის თანდათანობითი შემცირების დაწყებამდე.
პრეპარატი სიფრთხილით ინიშნება ავადმყოფებში, რომლებიც იღებენ ღვიძლის მიკროსომული ოქსიდაზების ინდუქტორებს, მაგალითად რიფამპიცინს (ამ დროს კარვედილოლოლის კონცენტრაცია შრატში მცირდება), ან მიკროსომული ოქსიდაზების ინჰიბიტორებს, მაგალითად, ციეტიდინს (კარვედილოლის შრატისმიერი კონცენტრაცია მატულობს).
ბიოკარდის და დიგოქსინის ერთდროულმა მიღებამ შეიძლება გამოიწვიოს ატრიოვენტრიკულური გამტარებლების შენელება. ამის გარდა, დიგოქსინის (ასევე დიგიტოქსინის) წონასწორული მინიმალური კონცენტრაცია ავადმყოფებში არტერიული ჰიპერტენზიით მატულობს 16%-ით. ბიოკარდით მკურნალობის დაწყებისას, დოზის შეცვლის და/ან მის მოხსნის შემთხვევაში საჭიროა პლაზმაში დიგოქსინის და დიგიტოქსინის კონცენტრაციის მუდმივი მონიტორინგი. ნარკოზის დროს ყურადღება უნდა მიექცეს ბიოკარდის და ზოგიერთი ზოგადი საანესთეზიო საშუალებების სინერგისტულ უარყოფით ინოტროპულ მოქმედებას.
შენახვის პირობები:
პრეპარატი ინახება არა უმეტეს 300C ტემპერატურაზე, სინათლისა და ბავშვებისაგან დაცულ ადგილას.
ვარგისიანობის ვადა: 3 წელი.
რისპაქსოლი
RISPAXOL
სავაჭრო დასახელება: რისპაქსოლი®
საერთაშორისო არაპეტენტირებული დასახელება:
რისპერიდონი (Risperidonum)
წამლის ფორმა:
შემოგარსული ტაბლეტები.
შემადგენლობა:
აქტიური ნივთიერება:
1 ტაბლეტი შეიცავს 1მგ; 2მგ და 4მგ რისპერიდონს.
დამხმარე ნივთიერებები:
უწყლო ლაქტოზა, სიმინდის სახამებელი, მაგნიუმის სტეარატი, კოლოიდური უწყლო სილიციუმის დიოქსიდი, მიკროკრისტალური ცელულოზა.
ტაბლეტის გარსი:
რისპაქსოლი, შემოგარსული ტაბლეტები, 1მგ:
საღებავი- Opadry II White 33G28707, კარნაუბის ცვილი.
რისპაქსოლი, შემოგარსული ტაბლეტები, 2მგ:
საღებავი- Opadry Orange OY-8729, მაკროგოლი 6000, კარნაუბის ცვილი.
რისპაქსოლი, შემოგარსული ტაბლეტები, 4მგ:
საღებავი- Opadry AMB Green 80W21165, კარნაუბის ცვილი.
აღწერილობა:
რისპაქსოლი, შემოგარსული ტაბლეტები, 1მგ: მრგვალი ორმხრივამოზნექილი ტაბლეტები, გასაყოფი ჭდით ერთ მხარეს, დაფარული თეთრი ფერის გარსით, განატეხზე _ თეთრი ფერის.
რისპაქსოლი, შემოგარსული ტაბლეტები, 2მგ: მრგვალი ორმხრივამოზნექილი ტაბლეტები, გასაყოფი ჭდით ერთ მხარეს, დაფარული ნარინჯისფერი გარსით, განატეხზე _ თეთრი ფერის.
რისპაქსოლი, შემოგარსული ტაბლეტები, 4მგ: მრგვალი ორმხრივამოზნექილი ტაბლეტები, გასაყოფი ჭდით ერთ მხარეს (იყოფა 4 ნაწილად), დაფარული მწვანე ფერის გარსით, განატეხზე _ თეთრი ფერის.
ფარმაკოლოგიური თვისებები:
რისპაქსოლი- პრეპარატი ანტიფსიქოზური საშუალებების ჯგუფიდან.
ჩვენებები:
მწვავე შეტევების კუპირება და ხანგრძლივი შემანარჩუნებელი თერაპია:
- მწვავე და ქრონიკული შიზოფრენია და სხვა ფსიქოზური დარღვევები პროდუქციული და ნეგატიური სიმპტომატიკით;
- აფექტური მოშლილობები სხვადასხვა ფსიქიკური დაავადებების ფონზე;
- ქცევითი დარღვევები პაციენტებში დემენციით, აგრესიის სიმპტომების გამოვლენის დროს (მრისხანების შეტევები, ფიზიკური ძალადობა), აგზნების, ბოდვების და სხვა ფსიქოზური სიმპტომების დროს
- ქცევითი დარღვევები მოზარდებში 15 წლიდან და მოზრდილებში დაბალი ინტელექტუალური დონით ან განვითარების ჩამორჩენით იმ შემთხვევაში, როდესაც დესტრუქციული ქცევა (აგრესია, იმპულსურობა, აუტოაგრესია) წამყვანია კლინიკურ სურათში.
- გუნებაგანწყობის სტაბილიზაციისათვის მანიის მკურნალობაში (ბიპოლარული დეპრესიის დროს) როგორც დამხმარე საშუალება.
მიღების წესი და დოზირება:
ზედმიწევნით შეასრულეთ ექიმის რეკომენდაციები! გაუგებრობის დროს მიიღეთ ექიმის ან ფარმაცევტის კონსულტაცია!
მნიშვნელოვანია რისპაქსოლის საჭირო დოზის მიღება, მაგრამ ეს დოზა ინდივიდუალურია და ექიმი შეგირჩევთ დოზას სასურველი ეფექტის მისაღებად.
რისპაქსოლის მიღება შესაძლებელია ჭამის დროს ან ჭამათა შორის შუალედებში მცირე რაოდენიბის წყლის მიყოლებით.
შიზოფრენია
მოზრდილები და მოზარდები 15 წლიდან
რისპაქსოლის მიღება რეკომენდებულია 1 ან 2-ჯერ დღეში.
მკურნალობა იწყება 2მგ/დღე-ღამეში. მე-2 დღეს შესაძლებელია დოზის გაზრდა 4 მგ-დე (ზოგ შემთხვევაში – უფრო ნელა). ამ მომენტიდან დოზას ან არ ცვლიან, ან ახდენენ მის კორექციას საჭიროების მიხედვით. პაციენტების უმრავლესობისათვის დოზა შეადგენს 4-6მგ, თუმცა ოპტიმალური რეაქციის შემთხვევაში შეიძლება დოზის შემცირება.
დიდი დოზების მიღება (10მგ-ზე მეტი) არ არის უფრო ეფექტური, ვიდრე საშუალო დოზები, რაც იწვევს მძიმე გვერდით მოვლენებს (ექსტრაპირამიდული სიმპტომატიკა). 10 მგ-ზე მეტი დოზა ინიშნება ინდივიდუალურ შემთხვევაში, როდესაც მოსალოდნელი თერაპიული ეფექტი აჭარბებს საფრთხეს.
16მგ-ზე მეტი დოზების მიღების უსაფრთხოება არ არის დადგენილი და რეკომენდებული.
რისპაქსოლთან ერთად ექიმს შეუძლია დანიშნოს ბენზოდიაზეპინები, როდესაც საჭიროა სედაციური ეფექტი.
ხანდაზმული პაციენტები
საწყისი დოზა 0.5მგ 2 ჯერ დღეში. საჭიროების დროს ზრდიან 1-2 მგ/დღეში ორ მიღებაზე. ხანდაზმულ პაციენტებში აღინიშნება რისპაქსოლის კარგი ამტანობა.
ბავშვები
არ გამოიყენება 15 წლამდე.
პაციენტები ღვიძლის და თირკმლის დაავადებებით.
რეკომენდებული საწყისი დოზა შეადგენს 0.5მგ/დღეში ორ მიღებაზე. საჭიროების დროს ზრდიან 1-2 მგ-მდე დღეში 2 ჯერ.
რისპაქსოლს იყენებენ სიფრთხილით, მკურნალობის სრული სურათის მიღებამდე.
მედიკამენტოზური დამოკიდებულების დროს ან სამკურნალო საშუალებების ბოროტად გამოყენების დროს რეკომენდებული დღიური დოზა შეადგენს 2-4 მგ.
ქცევითი დარღვევები პაციენტებში დემენციით
რეკომენდებული საწყისი დოზა 0.25მგ 2ჯერ დღეში. 24 საათის შემდეგ საჭიროების დროს დოზას ზრდიან ინდივიდუალურად 0.25მგ-ით 2ჯერ დღეში. პაციენტების უმრავლესობისათვის ოპტიმალური დოზა შეადგენს 0.5მგ 2 ჯერ დღეში. ზოგ შემთხვევაში დღიური დოზა იზრდება 1მგ-მდე 2 ჯერ დღეში. ოპტიმალური დოზის მიღწევისას პრეპარატის მიღება შესაძლებელია დღეში ერთჯერადად.
ბიპოლარული დარღვევები მანიის დროს
რეკომენდებული საწყისი დოზა 2 მგ/დღეში 1 მიღებაზე. საჭიროების დროს დოზა იზრდება ყოველ 24 საათში 2მგ-ით/დღეში. პაციენტების უმრავლესობისათვის ოპტიმალური დოზა შეადგენს 2-6 მგ/დღეში.
ქცევითი დარღვევები პაციენტებში გონებრივი ჩამორჩენით და/ან დესტრუქციული ტენდენციების დომინირებით კლინიკურ სურათში.
50კგ-ზე მეტი წონის პაციენტებში რეკომენდებული საწყისი დოზა შეადგენს 0.5მგ 1 ჯერ დღეში. საჭიროების დროს დოზას ზრდიან 0.5 მგ-ით დღეში 24 საათის შემდეგ. პაციენტების უმრავლესობისათვის ოპტიმალური დოზა 1მგ/დღეში. ზოგ შემთხვევაში დოზა იზრდება 1.5მგ-მდე.
50კგ-ზე ნაკლები წონის პაციენტებში რეკომენდებული საწყისი დოზა შეადგენს 0.25მგ 1 ჯერ დღეში. საჭიროების დროს დოზას ზრდიან 0.25 მგ-ით დღეში 24 საათის შემდეგ. პაციენტების უმრავლესობისათვის ოპტიმალური დოზა 0.5 მგ/დღეში. ზოგ შემთხვევაში დოზა იზრდება 0.75 მგ-მდე.
გვერდითი მოვლენები
პრეპარატს გააჩნია კარგი ამტანობა. გვერდითი მოვლენები შესაძლებელია, თუმცა ისინი აღინიშნება ზოგ შემთხვევაში.
შესაძლებელია:
ცენტრალური ნერვული სისტემის მხრიდან: უძილობა, აჟიტირება, შფოთვა, თავის ტკივილი, ზოგ შემთხვევაში ძილიანობა, დაღლილობა, თავბრუსხვევა, კონცენტრაციის დარღვევა, მხედველობის დაბინდვა, იშვიათად ექსტრაპირამიდული დარღვევები (კანკალი, კუნთების რიგიდობა, ნერწვის გაძლიერებული გამოყოფა, შენელებული მოძრაობები, მოუსვენრობა, კუნთოვანი ტონუსის მწვავე დარღვევები). შიზოფრენიით დაავადებულ პაციენტებში შესაძლებელია სისხლის მოცულობის მომატება (წყლის გაძლიერებული მიღება, ანტიდიურეზული ჰორმონის არაადექვატური სეკრეცია), მოგვიანებითი დისკინეზია (ენის და სახის კუნთების უნებლიე რითმული მოძრაობები), ავთვისებიანი ნეიროლეფსიური სინდრომი (მაღალი ტემპერატურა, კუნთების რიგიდობა, ვეგეტატიური ფუნქციების არასტაბილურობა, ცნობიერების დარღვევა, ფერმენტ კრეატინფოსფოკინაზის დოზის მომატება), თერმორეგულაციის დარღვევა და კრუნჩხვები.
საჭმლის მომნელებელი სისტემის მხრიდან: ყაბზობა, გულისრევა, მუცლის ტკივილი, ღვიძლის ფერმენტების აქტივობის მომატება, პირის სიმშრალე, ნერწყვის გამოყოფის მომატება ან შემცირება, მადის დაქვეითება ან მომატება, წონის მომატება ან შემცირება.
გულ-სისხლძარღვთა სისტემის მხრიდან: არტერიული წნევის დაქვეითება (მათ შორის მდგომარეობის შეცვლისას), ტაქიკარდია, არტერიული წნევის მომატება.
აღწერილია ინსულტის განვითარება რისპაქსოლის მკურნალობის ფონზე (ხანდაზმულ პაციენტებში შესაბამისი განწყობით).
სისხლმბადი სისტემის მხრიდან: შასაძლებელია სისხლის სურათის უმნიშვნელო ცვლილება (ნეიტროპენია, თრომბოციტოპენია).
ენდოკრინული სისტემის მხრიდან: ზოგ შემთხვევაში ხანგრძლივი მიღების დროს მამაკაცებში გინეკომასტია, ქალებში გალაქტორეა, მენსტრუალური ციკლის დარღვევები, ერთეულ შემთხვევაში ჰიპერგლიკემია და შაქრიანი დიაბეტის მიმდინარეობის გაუარესება.
შარდ-სასქესო სისტემის მხრიდან: სასქესო ფუნქციის დარღვევა, შარდის შეუკავლობა.
ალერგიული რეაქციები: რინიტი, კანის გამონაყარი, ანგიონევროზული შეშუპება.
დერმატოლოგიური რეაქციები: კანის სიმშრალე, კანის ჰიპერპიგმენტაცია, ქავილი, სებორეა, კანის სენსიბილიზაცია სინათლის მიმართ.
სხვა: ართრალგია.
ზემოჩამოთვლილი ან სხვა სიმპტომების გამოვლენისას და პროგრესირებისას დაუყოვნებლივ აცნობეთ ექიმს!
უკუჩვენებები
რისპერიდონის ან რომელიმე ინგრედიენტის მიმართ ინდივიდუალური აუტანლობა.
სიფრთხილეა საჭირო შემდეგი დაავადებების დროს:
გულ-სისხლძარღვთა სისტემის დაავადებები (გულის ქრონიკული უკმარისობა, გადატანილი მიოკარდიუმის ინფარქტი, გამტარებლობის დარღვევები), ჰიპოვოლემია, თავის ტვინში სისხლის მიმოქცევის დარღვევები, პარკინსონის დაავადება, კრუნჩხვები (მათ შორის ანამნეზში), მძიმე ღვიძლის და თირკმლის დაავადებები, სამკურნალო საშუალებების ბოროტად გამოყენება და მედიკამენტოზური მიჩვევა, მდგომარეობები, რომელიც იწვევს “პირუეტი”-ს ტიპის ტაქიკარდიას (გულის რითმის შენელება, ელექტროლიტური ბალანსის დარღვევები, სამკურნალო საშუალებების მიღება, რომელის იწვევს QT კომპლექსის გახანგრძლივებას), თავის ტვინის სიმსივნეები, გაუვალობა, წამლების მწვავე გადაჭარბების დროს, რეიეს სინდრომის დროს (ვინაიდან რისპაქსოლის ღებინების საწინააღმდეგო მოქმედება ნიღბავს თავის ტვინის შეშუპებას, ღვიძლის და თირკმლის დაზიანების სურათს), ორსულობა და ლაქტაცია, 15 წლამდე ასაკი (ვინაიდან უსაფრთხოება და ეფექტურობა არ არის დადგენილი).
ურთიერთქმედება სხვა სამკურნალო საშუალებებთან:
აცნობეთ ექიმს ყველა პრეპარატზე, რომელსაც იღებთ ან იღებდით, მათ შორის ურეცეპტო წამლებზეც!
რისპაქსოლს შეუძლია გააძლიეროს ცნს-ის დამთრგუნველ საშუალებების მოქმედება (დამამშვიდებელი, ძლიერი ტკივილგამაყუჩებელი საშუალებები, ალერგიის საწინააღმდეგო) და ალკოჰოლის მოქმედება
რისპაქსოლი აქვეითებს ზოგ პარკინსონის საწინააღმდეგო პრეპარატის მოქმედებას (დოფამინის აგონისტები ლევოდოპა).
კლოზაპინი ამცირებს რისპერიდონის გამოყოფას და შესაბამისად აძლიერებს მის მოქმედებას.
კარბამაზეპინს, რომელიც გამოიყენება ეპილეფსიის დროს, შეუძლია იმოქმედოს რისპერიდონზე. აცნობეთ ექიმს ამ პრეპარატით მკურნალობის შესახებ, რისპაქსოლის დოზის კორექციის მიზნით. ანალოგიური ეფექტები მოსალოდნელია სხვა პრეპარატების (ღვიძლის ფერმენტების ინდუქტორები) მიღების დროს.
ფლუოქსეტინს, რომელიც გამოიყენება დეპრესიის სამკურნალოდ, შეუძლია გაზარდოს რისპაქსოლის კონცენტრაცია სისხლში. აუცილებელია ექიმის ინფორმირება ამ პრეპარატების მიღების შესახებ რისპერიდონის დოზის კორექციის მიზნით.
რისპაქსოლის მიღების ფონზე აღინიშნება ანტიჰიპერტენზიული საშუალებების მოქმედების გაძლიერება.
განსაკუთრებული მითითებანი
ხანდაზმულ პაციენტებში (>67 წ) ჭკუასუსტობით ატიპიური ანტიფსიქოზური საშუალებების ფონზე აღინიშნებოდა სიკვდილიანობის უფრო მაღალი მაჩვენებლები პლაცებოსთან შედარებით.
შიზოფრენიის დროს რისპაქსოლით მკურნალობის წინ სასურველია სხვა მკურნალობის თანდათანობითი მოხსნა, თუ ეს კლინიკურად დასაშვებია. თუ პაციენტი იღებდა ანტიფსიქოზურ დეპო-ფორმას, რისპაქსოლით მკურნალობას იწყებენ მომდევნო ინექციის ნაცვლად. ექიმი გადაწყვეტს პარკინსონიზმის საწინააღმდეგო საშუალებებით მკურნალობის აუცილებლობას.
რისპაქსოლით მკურნალობის დროს (განსაკუთრებით საწყის ეტაპზე) შესაძლებელია არტერიული წნევის ვარდნა სხეულის პოზიციის შეცვლისას. ამ შემთხვევაში საჭიროა დოზის კორექცია.
პაციენტებში გულ-სისხლძარღვთა დაავადებებით, ჰიპოვოლემიით და თავის ტვინში სისხლის მიმოქცევის მოშლით დოზას ზრდიან თანდათანობით.
რისპაქსოლით ხანგრძლივი მკურნალობის ფონზე ზოგ შემთხვევაში აღინიშნებოდა ენის და სახის კუნთების უნებლიე მოძრაობები. ამM შემთხვევაში საჭიროა ექიმის კონსულტაცია.
იშვიათად აღინიშნება ცხელება, ცნობიერების დარღვევა, კუნთების დაჭიმულობა. ამ შემთხვევაში სასწრაფოდ საჭიროა ექიმის ინფორმირება.
კარბამაზეპინის და ღვიძლის ფერმენტების სხვა ინდუქტორების მოხსნის შემდეგ რისპაქსოლის დოზა უნდა შემცირდეს.
რისპაქსოლით მკურნალობის დროს შესაძლებელია სხეულის მასის მომატება.
იშვიათ შემთხვევაში აღინიშნება ჰიპერგლიკემია და არსებული შაქრიანი დიაბეტის გამწვავება. პაციენტები შაქრიანი დიაბეტით და მისი განვითარების რისკით საჭიროებენ კლინიკურ დაკვირვებას და გლუკოზის ტესტის ჩატარებას.
პედიატრიაში გამოყენება
არ არსებობს კლინიკური მონაცემები პრეპარატის ეფექტურობასა და უსაფრთხოებაზე 15 წლამდე ასაკში. ბავშვებში არ არის რეკომენდებული. მოზრდილებში ხანგრძლივი მკურნალობა ტარდება ექიმის მუდმივი კონტროლის ქვეშ.
რისპაქსოლის ტაბლეტები შეიცავს ლაქტოზას. პრეპარატის გამოყენება დაუშვებელია პაციენტებში შაქრის აუტანლობით (გალაქტოზის თანდაყოლილი აუტანლობა, Lapp ლაქტაზის დეფიციტი, გლუკოზის/გალაქტოზის მალაბსორბციის სინდრომი).
ორსულობა და ლაქტაცია
ყველა პრეპარატის მიღების წინ აცნობეთ ექიმს.
რისპაქსოლის მიღების გადაწყვეტილებას ორსულობის დროს იღებს ექიმი. პრეპარატის გამოყენება დასაშვებია, თუ მოსალოდნელი ეფექტი აჭარბებს ნაყოფისათვის მიყენებულ პოტენციურ რისკს.
რისპერიდონი და მისი მეტაბოლიტი 9-ჰიდროქსირისპერიდონი გამოიყოფა რძესთან ერთად. მკურნალობის საჭიროების შემთხვევაში ძუძუთი კვება უნდა შეწყდეს.
სატრანსპორტო საშუალებების მართვის უნარზე ზემოქმედება:
რისპაქსოლს შეუძლია გავლენა იქონიოს რეაქციის სიჩქარეზე. არ არის რეკომენდებული მაქანის და მექანიზმების მართვა, ინდივიდუალური ამტანობის დადგენამდე.
ჭარბი დოზირება
შესაძლებელია: ძილიანობა, სისუსტე, ტაქიკარდია, არითმია, არტერიული წნევის დაქვეითება, კანკალი ან კუნთების ტონუსის მომატება.
ამ შემთხვევაში სიმპტომების შემცირება შესაძლებელია აქტივირებული ნახშირის მიღებით, რომელიც აბსორბირებს კუჭში დარჩენილ პრეპარატს.
ჭარბი დოზირებისას დაუყონებლივ მიმართეთ ექიმს!
შეფუთვა:
10 ტაბლეტი ბლისტერში. 2 ან 6 ბლისტერი შეფუთვაში.
შენახვის პირობები:
შეინახეთ სინათლისაგან დაცულ ადგილას არა უმეტეს 25°C ტემპერატურაზე.
შეინახეთ ბავშვებისათვის მიუწვდომელ ადგილას.
ვარგისიანობის ვადა:
3 წელი. არ გამოიყენოთ შეფუთვაზე მითითებული ვადის ამოწურვის შემდეგ.
აფთიაქიდან გაცემის რეჟიმი
გაიცემა რეცეპტით.
მწარმოებელი
ს.ს. Grindeks (გრინდექსი), ლატვია, რიგა, LV-1057, კრუსტპილსის ქ. # 53.
ტელეფონი: + 371 67083205
ფაქსი: + 371 67083505
e-mail: [email protected]
ესკუს - სომნი
TINCTURA ESCUS - SOMNI
შემადგენლობა
აქტიური ნივთიერება :
კატაბალახას ფესურები ფესვებით - 40.0 გ
Rhizomata cum radisibus Valerianae
ბარამბოს ბალახი - 20.0 გ
Herba Melissae
კრაზანას ბალახი - 20.0 გ
Herba Hyperici
თავშავას ბალახი - 20.0 გ
Herba Origani
შავბალახას ბალახი - 20.0 გ
Herba Leonuri
დამხმარე ნივთიერებები:
ეთილის სპირტი 95% - 360.0 მლ
Spiritus Aethylicus
გამოხდილი წყალი საჭირო რაოდენობით 1000 მლ
Aqua destillata ნაყენის მისაღებად
სამკურნალო ფორმა: ნაყენი, პერორალური მიღებისათვის.
ფარმაკოლოგიური ჯგუფი: სედატიური
ფარმაკოლოგიური თვისებები: მცენარეული ექსტრაქტებისგან შედგენილი კომბინირებული პრეპარატი, ახასიათებს დამამშვიდებელი მოქმედება ცენტრალურ და ვეგეტატიურ ნერვულ სისტემაზე. ამცირებს შიშს, ღელვას და ფსიქიკურ დაძაბულობებს, ადუნებს გლუვ კუნთებს.
ჩვენება
ნევრასთენიის მსუბუქი ფორმა, ადვილად აღგზნებადობა, შიშები, ქრონიკული დაღლილობა, ყურადღების კონცენტრაციის დარღვევა (გაფანტულობა, მეხსიერების დაქვეითება), ოფლიანობა, უსიამოვნო შეგრძნება გულის არეში, გახშირებული გულის ცემა, არტერიული წნევის ცვალებადობა.Mმსუბუქი და საშუალო დეპრესიული მდგომარეობა, ძილის რიტმის დარღვევა, უძილობა (მსუბუქი ფორმა), თავის ტკივილი (დაკავშირებული ნერვულ დაძაბულობასთან), შაკიკი, ვეგეტო დისტონია, კლიმაქტერული სინდრომი.
უკუჩვენებები:
მომატებული მგრძნობელობა პრეპარატში შემავალი კომპონენტების მიმართ.
უსაფრთხოების ზომები: პრეპარატის გამოყენების წინ ყურადღებით გაეცანით ინსტრუქციას
განსაკუთრებული მითითებანი: პრეპარატიის მიღების დროს აკრძალულია ალკოჰოლის მიღება .
ორსულობა და ლაქტაცია: ორსულებმა და მეძუძურმა დედებმა უნდა მიიღონ ექიმის კონტროლის ქვეშ .
ავტოტრანსპორტისა და მექანიზმების მართვა: პრეპარატის გამოყენებისას საჭიროა თავის არიდება იმ ქმდებისგან , რომლებიც მოითხოვს ყურადღებასა და სწრაფ ფსიქომოტორულ რეაქციებს .
სხვა სამკურნალო საშუალებებთან ურთიერთქმედება ცნს-ის დამრთგუნველ პრეპარატებთან (ალკოჰოლი, ბარბიტურატები , ტრანქვილიზატორები და ა.შ) ერთად თანადროული გამოყენებისას გათვალისწინებულ იქნას სედაციური და საძილე ეფექტის გაძლიერება .
გამოყენების მეთოდები და დოზები: ერთი სუფრის კოვზი განაზავეთ ერთ სუფრის კოვზ წყალში და მიიღეთ დღეში 3-ჯერ ჭამის შემდეგ , უძილობის დროს მიიღეთ Uუშუალოდ ALODძილის წინ.
გვერდითი მოვლენა: იშვიათ შემთხვევაში ძილიანობა.
ჭარბი დოზირება: ძილიანობა.
შენახვის პირობები: ოთახის ტემპერატურა.
ვარგისიანობის ვადა: 2 წელი.
გამოშვების ფორმა: 100 მლ ნაყენი ნარინჯისფერ პოლიეთილენის ბოთლში, საზომი ჭიქით, თითოეული ბოთლი მუყაოს კოლოფში.
აფთიაქიდან გაცემის პირობები: გაიცემა ურეცეპტოდ
მწარმოებელის დასახელება და მისამართი
შპს "ესკულაპი"
ჭიაურელის ქ. #2. თბილისი, საქართველო
ტელ: 2 540 454
შემადგენლობა
პრეპარატის ერთი კაფსულა შეიცავს 40 მგGinkgo bilobae-ს ფოთლების მშრალ სტანდარტიზირებულ ექსტრაქტს: 24% გინკგოს ჰეტეროზიდები (Ginkgo flavon glycosides) და 6% გინკგოლიდ-ბილობალიდები (Terpene lactones).
მოქმედების მექანიზმი
ბილობა გინკგო მცენარეული წარმოშობის პრეპარატია. ექსტრაქტის აქტიური ნივთიერებები - ფლავონოიდური გლიკოზიდები, გინკგოლიდები და ბილობალიდები აუმჯობესებენ სისხლის მიმოქცევას და მის რეოლოგიურ მახასიათებლებს, აფართოებენ სისხლძარღვებს, აფერხებენ თრომბოციტების აგრეგაციას. პრეპარატი ახდენს მეტაბოლური პროცესების ნორმალიზებას, ახასიათებს ქსოვილებზე ანტიჰიპოქსიური მოქმედება. აუმჯობესებს თავის ტვინში სისხლის მიმოქცევას, ჟანგბადისა და გლუკოზის მიწოდებას, ასევე - კიდურებში სისხლის მიმოქცევას. აქვს გამოხატული შეშუპების საწინააღმდეგო მოქმედება თავის ტვინსა და პერიფერიულ ქსოვილებზე.
ჩვენება
- თავის ტვინში სისხლის მიმოქცევის მოშლა, რომელსაც ახლავს მეხსიერების, ყურადღებისა და ინტელექტუალური შესაძლებლობების დაქვეითება, შიშის შეგრძნება, თავბრუსხვევა, ყურებში ხმაური, ძილის დარღვევა;
- ქვედა კიდურებში სისხლის მიმოქცევის მოშლა, რომელსაც ახლავს ტკივილი სიარულის დროს, სიცივის შეგრძნება და პარესთეზიები.
უკუჩვენება
პრეპარატის კომპონენტებისადმი მომატებული მგრძნობელობა.
უსაფრთხოების ზომები
ორსულობისა და ლაქტაციის პერიოდში პრეპარატის მიღება არ არის რეკომენდებული, თუმცა დადგენილი არ არის ნაყოფზე მისი უარყოფითი გავლენა.
დოზირება და მიღების წესი
ინიშნება თითო კაფსულა დღეში სამჯერ ჭამის შემდეგ. მდგომარეობის გაუმჯობესება აღინიშნება ერთი თვის შემდეგ. მკურნალობის ხანგრძლივობაა სამი თვე.
გვერდითი მოვლენები
იშვიათად – კუჭ-ნაწლავის ტრაქტის ფუნქციის დარღვევა, თავის ტკივილი, კანზე გამონაყარი.
ვარგისიანობა და შენახვის პირობები
პრეპარატის ვარგისიანობის ვადაა 2 წელი, ინახება 10-250C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!
მწარმოებელი ფირმა:
შ.პ.ს. “ჯი-ემ-პი”
საერთაშორისო დასახელება:
FILGRASTIM
მწარმოებელი: HELP PHARMACEUTICALS
მოქმედი ნივთიერება: ფილგრასტიმი
კლინიკურ-ფარმაკოლოგიური ჯგუფი:
ავთვისებიანი სიმსივნის საწინააღმდეგო სამკურნალო საშუალება; ლეიკოპოეზის სტიმულატორი
გამოშვების ფორმა:
საინექციო ხსნარი: ფლაკონში
1 მლ
ფილგრასტიმი ........... 300 მგ
ვრცლად ვინკრისტინი
ვრცლად ნეიპოგენი
