ბილობილი® – BILOBIL® (Ginkgo biloba) – БИЛОБИЛ®

ფორმა, შეფუთვა – კაფსულები: ბლისტერზე 10 კაფს., შეფუთვაში 2 და 6 ბლისტერი.

შემადგენლობა – 1 კაფს. შეიცავს 40 მგ გინკო ბილობას ფოთლების მშრალი ექსტრატს.

დამხმარე ნივთიერებები: ლაქტოზა, სიმინდის სახამებელი, მაგნიუმის სტეარატი, კაჟბადის კოლოიდური ზეჟანგი, ტალკი.

მწარმოებელი – სლოვენია KRKA

კლინიკო-ფარმაკოლოგიური ჯგუფი: ტვინისა და პერიფერიული სისხლის მიმოქცევის გამაუმჯობესებელი საშუალება.

ფარმაკოლოგიური მოქმედება: გინკო ბილობას ფოთლების ბიოლოგიურად აქტიური ნივთიერებები (ფლავონური გლიკოზიდები, ტერპენის ლაქტონები) ხელს უწყობენ სისხლძარღვის კედლის გამტარობის შემცირებას, ხელს უშლიან თრომბიციტების აგრეგაციას. ამის შედეგად უმჯობესდება მიკროცირკულირება, ტვინისა და პერიფერიული ქსოვილების ჟანგბადითა და გლუკოზით მომარაგება.

ჩვენება – პრეპარატი ენიშნებათ ხანდაზმული ასაკის პირებს ტვინის სისხლის მიმოქცევის დარღვევებით, რასაც ახლავს:

– ყურადღების და/ან მეხსიერების დარღვევა, ინტელექტუალური შესაძლებლობების დარღვევა;

– შფოთვის, შიშის შეგრძნება;

– თავბრუსხვევა, შუილი ყურებში, ძილის დარღვევები.

ასევე ინიშნება ქვედა კიდურების სისხლის მიმოქცევის დარღვევისას.

დოზირებისა და მიღების რეჟიმი პრეპარატი ინიშნება შიგნით 1 კაფსულა 3-ჯერ დღეში. კაფსულები უნდა ჩაიყლაპოს მცირე რაოდენობით წყლის მიყოლებით. მკურნალობის კურსი შეადგენს არანეკლებ 3 თვეს.

გაუმჯობესების პირველი ნიშნები ჩვეულებრივ 1 თვეში ვლინდება. განმეორებითი კურსის ჩატარება შეიძლება ექიმთან კონსულტაციის შემდეგ.

გვერდითი მოვლენები: იშვიათ შემთხვევებში შესაძლებელია ალერგიული რეაქციები (გამონაყარი კანზე), დისპეფსია, თავის ტკივილი, სისხლის შედედების დაქვეითება.

უკუჩვენება: ჰიპერმგრძნობელობა პრეპარატის ნებისმიერი კომპონენტის მიმართ, სისხლის შედებების დაქვეითება, ეროზიული გასტრიტი, კუჭისა და 12-გოჯა ნაწლავის წყლულოვანი დაავადება გამწვავების სტადიაში, ბავშვთა ასაკი (18 წლამდე). ორსულობა და ლაქტაცია

ბილობილის დანიშვნა ორსულობისა და ლაქტაციის პერიოდში რეკომენდებული არ არის

ზედოზირება: დღეისათვის პრეპარატ ბილობილის ჭარბი დოზის მიღების შემთხვევები ცნობილი არ არის.

შენახვის პირობები: პრეპარატი ინახება არა უმეტეს 25^oC ტემპერატურაზე, მშრალ, სინათლისგან დაცული და ბავშვებისათვის მიუწვდომელ ადგილას.

ვარგისიანობის ვადა – 2 წელი.

რიპედონი 2მგ #60ტ

~~14.50 ლარი~~
13.63 ლარი

ქვეყანა: უნგრეთი

მწარმოებელი: ეგისი

გაცემის ფორმა: II ჯგუფი რეცეპტული

დრამინა 50მგ #10ტ

დრამინა
ტაბლეტები

შემადგენლობა: 1 ტაბლეტი შეიცავს 50 მგ დიმენჰიდრინატს; დამხმარე ნივთიერება (შემავსებელი): ლაქტოზა მონოჰიდრატი

ფარმაკოლოგიური მოქმედება: დრამინა პირველ რიგში გამოიყენება, როგორც ღებინების საწინააღმდეგო საშუალება, განსაკუთრებით ზღვისა და “ჰაერის” დაავადებების (თვითმფრინავში ფრენის აუტანლობა) დროს. პრეპარატის მოქმედების მექანიზმი ძირითადად განპირობებულია მისი მოქმედებით შიგნითა ყურის აპარატზე.

ჩვენება: ზღვისა და “ჰაერის” დაავადებების პროფილაქტიკა და მკურნალობა, მენიერის დაავადება, აგრეთვე გამოიყენება ვესტიბულარული და ლაბირინთული დარღვევების დროს (გულისრევა, ღებინება, თავბრუ) სიმსივნის საწინააღმდეგო თერაპიით გამოწვეული სიმპტომების გარდა.

უკეჩვენება: პრეპარატის ინდივიდუალური აუტანლობა; 1 წლამდე ბავშვები; ორსულობა; ლაქტაცია;

სიფრთხილის ზომები: სიფრთხილით ინიშნება კრუნჩხვითი სინდრომის, დახურულკუთხოვანი გლაუკომის, პროსტატის ჰიპერტროფიის, ბრონქული ასთმის დროს.
საჭიროა სიფრთხილე სატრანსპორტო საშუალებების მართვისას.

ურთიერთქმედება: აძლიერებს სედატიური და ძილისმომგვრელი პრეპარატების, ანტიდეპრესანტების, ამინოგლიკოზიდებისა და ალკოჰოლის მოქმედებას

დოზირება და გამოყენების წესი: პრეპარატი უნდა მიღებულ იქნეს ჭამამდე გამგზავრებამდე 30 წუთით ადრე მოზრდილებში: 1-2 ტაბლეტი 2-3 ჯერ დღეში.
1-დან 6 წლამდე ასაკის ბავშვები: 1/4-1/2 ტაბლეტი 2-3 ჯერ დღეში 7-დან 12 წლამდე ასაკის ბავშვები:1/2-1 ტაბლეტი 2-3 ჯერ დღეში მაქსიმალური დღიური დოზა მოზრდილთათვის არ უნდა აჭარბებდეს 7 ტაბლეტს.

ჰიპერდოზირება: ჰიპერდოზირების სიმპტომები: პირისა და ყელის სიმშრალე, სახის სიწითლე., სუნთქვის გაძნელება, ცნობიერების აღრევა. ჰიპერდოზირების სიმპტომების გავითარების შემთხვევაში აუცილებელია დაუყოვნებლივ მიმართოთ ექიმს.

გვერდითი ეფექტები: ძილიანობა, თავბრუსხვევა, თავის ტკივილი, ზოგადი სისუსტე, პირის სიმშრალე, გულისრევა, მხედველობის დაბინდვა, მოძრაობითი რეაქციების შეფერხება.

გვერდითი ეფექტების შესახებ საჭიროა დაუყოვნებლივ აცნობოთ ექიმს.

ვარგისიანობა: დამზადების მომენტიდან 3 წელიწადი. დაუშვებელია პრეპარატის გამოყენება ვარგისიანობის პერიოდის ამოწურვის შემდეგ

შენახვის წესი: შეინახეთ მშრალ და ბავშვებისათვის მიუწვდომელ ადგილას.

აფთიაქებიდან გაცემის წესი: გაიცემა ექიმის რეცეპტის გარეშე.

მწარმოებელი: სს“იადრანი”, პულაც რიეკა, ხორვატია

ბილობილ® ფორტე – BILOBIL® FORTE – БИЛОБИЛ® ФОРТЕ

საერთაშორისო დასახელება: GINKO BILOBA®

მწარმოებელი: KRKA,სლოვენია

მოქმედი ნივთიერება: გინკო ბილობას ფოთლების მშრალი ექსტრატი

კლინიკურ-ფარმაკოლოგიური ჯგუფი:

პერიფერიული ვაზოდილატატორი

გამოშვების ფორმა:

კაფსულები: ბლისტრზე 10 კაფს., შეფუთვაში 2 და 6 ბლისტერი.

1 კაფს.

გინკო ბილობას ფოთლების მშრალი ექსტრაქტი …………..80 მგ.

სხვა ინგრედიენტები: ლაქტოზას მონოჰიდრატი, სიმინდი სახამებელი, ტალკი, სილიციუმის კოლოიდური გაუწყლოებული ორჟანგი, მაგნიუმის სტეარატი.

გარსი: მეთილპარაჰიდროქსიბენზოატი(E218) , პროპილპარაჰიდროქსიბენზოატი(E216), ჟელატინი, შავი საღებავი PN (E151) , წითელი საღებავი 4R (E124), სტაფილოკოკური საღებავი FCF (E110), ტიტანის ორჟანგი(E171).

ფარმაკოკინეტიკა:

ბილობილ ფორტეს კაფსულები შეიცავენ გინკო ბილობას ფოთლების ექსტრაქტის ბიოლოგიურად აქტიურ ნივთიერებებს (ფლავონური გლიკოზიდები და ტერპონულ ლაქტონები), რომლებიც ხელს უწყობენ სისხლძარღვების კედლის გამაგრებას და ელასტიურობის მომატებას, აუმჯობესებენ სისხლის რეოლოგიურ თვისებებს და ამის ხარჯზე მიკროცირკულაციას, ტვინის და პერიფერიული ქსოვილების ჟანგაბადით და გლუკოზით მომარაგებას. პრეპარატი ახდენს უჯრედში ნივთიერებათა ცვლის ნორმალიზაციას, ხელს უშლის ერთროციტების აგრეგაციას, ამუხრუჭებს თრომბოციტების აქტივაციის ფაქტორს. ავლენს დოზადამოკიდებულ მარეგულირებელ ზემოქმედებას სისხლძარღვოვან სისტემაზე, აფართოებს წვრილ არტერიებს, აძლიერებს ვენების ტონუსს, არეგულირებს სისხლძარღვების სისხლით შევსებას.

ჩვენებები:

სხვადასხვა ეტიოლოგიის დისცირკულარული ენცეფალოპათია (ინსულტი, ქალა-ტვინის ტრავმა, ხანდაზმული ასაკი), რასაც თან ახლავს: ყურადღების მოდუნება, მეხსიერების შესუსტება, ინტელექტუალური შესაძლებლობების დაქვეითება, შიში, განგაში, ძილის დარღვევა;
პერიფერიული სისხლის მიმოქცევის და მიკროცირკულაციის დარღვევა (მათ შორის ქვედა კიდურების არტერიოპათია), რეინოს სინდრომი;
ნეიროსენსორული დარღვევები (თავბრუსხვევა, ხმაური ყურებში, ჰიპოაკუზია), ყვითელი ლაქის მოხუცებულობითი დეგენერაცია:
დიაბეტური რეტინოპათია.

მიღების წესები და დოზირება:

პრეპარატი ინიშნება დღეში 2-ჯერ 1 კაფსულა (დილას და საღამოს). კაფსულა უნდა გადაიყლაპოს მცირე რაოდენობის წყლის დაყოლებით. მკურნალობის კურსი არანაკლებ 3 თვე.

გაუმჯობესების პირველი ნიშნები ვლინდება ერთი თვის შემდეგ. განმეორებითი კურსის ჩატარება შესაძლებელია ექიმთან კონსულტაციის შემდეგ.

გვერდითი მოვლენები:

ალერგიული რეაქციები (კანის გამონაყარი, ქავილი);

საჭმლის მომნელებელი ტრაქტის ფუნქციის დარღვევა (დისპეფსია);

თავის ტკივილი.

უკუჩვენებები:

მომატებული მგრძნობელობა პრეპარატის კომპონენტებზე, დაქვეითებული სისხლის შედედება, ეროზიული გასტრიტი, კუჭისა და 12-გოჯა ნაწლავის წყლულოვანი დაავადება. თავის ტვინის სისხლის მიმოქცევის მწვავე დარღვევები, მიოკარდის მწვავე ინფარქტი, არტერიული ჰიპოტენზია, ბავშვთა ასაკი, ორსულობა, ლაქტაციის პეროიდი.

ორსულობა და ლაქტაცია:

ორსულობის და ლაქტაციის პერიოდში ბილობილ ფორტე არ ინიშნება.

განსაკუთრებული მითითებები:

არ შეიძლება რეკომენდებული დოზის გადაჭარბება.

პრეპარატ ბილობილ ფორტეს მიღება შეიძლება საკვებთან და წვენებთან ერთად.

არ არის რეკომენდებული პრეპარატ ბილობილ ფორტეს მიღება ალკოჰოლურ სასმელებთან ერთად.

ჭარბი დოზირება:

ცნობები არ მოიპოვება.

სხვა წამლებთან ურთიერთქმედება:

პრეპარატ ბილობილ ფორტეს მიღება არ არის რეკომენდებული იმ პაციენტებისათვის რომლებიც მუდმივად ღებულობენ აცეტილსალიცილის მჟავას ან ანტიკოაგულანტებს.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.

ვარგისიანობის ვადა: 2 წელი

აქტოვეგინი 40მგ/მლ 5მლ #5ა

აქტოვეგინი
5 მლ საინექციო ხსნარი ამპულებში
ACTOVEGIN

საერთაშორისო დასახელება – actovegin
ათქ.კლასიფიკაციის კოდი – B06AB

კლინიკურ-ფარმაკოლოგიური ჯგუფი – ქსოვილებში ნივთიერებათა ცვლაზე მოქმედი საშუალებები; ცხოველების სისხლის დიალიზატის პრეპარატები

ნოზოლოგიური ჯგუფი – ცნს-ზე მოქმედი საშუალებები

შემადგენლობა და გამოშვების ფორმა
5 მლ-იანი 5 ამპულა მუყაოს კოლოფში

პრეპარატის 5 მლ შეიცავს ხბოს სისხლის მშრალ დეპროტეინირებულ ჰემოდერივატს,რომელიც შეესაბამება მშრალი წონის 200 მგს,ა გრეთვე, ნატრიუმის ქლორიდსა და საინექციო წყალს.

ფარმაკოლოგიური თვისებები
აქტოვეგინი® არის ძლიერი ანტიჰიპოქსანტი, ააქტივებს გლუკოზისა და ჟანგბადის მეტაბოლიზმს.
აქტოვეგინი® შეიცავს მხოლოდ ფიზიოლოგიურ ნივთიერებებს, რომელთა მოლეკულური მასა 5000 დალტონზე ნაკლებია. მოლეკულურ დონეზე ეს პრეპარატი ზრდის ჟანგბადის მოხმარებისა და უტილიზაციის უნარს (ზრდის ჰიპოქსიისადმი მდგრადობას),გლუკოზის მოხმარებასა და ენერგეტიკულ მეტაბოლიზმს. ყველა ამ პროცესის ჯამური ეფექტი აძლიერებს უჯრედის ენერგეტიკულ მდგომარეობას, განსაკუთრებით იშემიისა და ჰიპოქსიის პირობებში.

ფარმაკოკინეტიკა
პრეპარატ აქტოვეგინი®-ს ფარმაკოკინეტიკური მახასიათებლების (აბსორბცია,განაწილება და აქტიური ინგრედიენტების ელიმინაცია) შესწავლა ფარმაკოკინეტიკური მეთოდებით შეუძლებელია, რადგან იგი მხო ლოდ ორგანიზმში არსებული ფიზიოლოგიური კომპონენტებისგან შედგება. რაც შეეხება მოქმედების ხანგრძლივობას, ცხოველებზე ჩატარებული ექსპერიმენტებისა და კლინიკური გამოკვლევების დროს შესწავლილმა სხვადასხვა პარამეტრებმა გვიჩვენა, რომ პრეპარატ აქტოვეგინის ეფექტი გამოვლინდება პარენტერული ან პერორალური მიღებიდან არა უგვიანეს 30 წთში და მაქსიმუმს 3სთში აღწევს. დღემდე არ არის აღმოჩენილი ჰემოდერივატების ფარმაკოლოგიური ეფექტის დაქვეითება შეცვლილი ფარმაკოკინეტიკის მქონე ავადმყოფებში (მაგ: ღვიძლის ან თირკმლის უკმარისობა, ასაკობრივი მეტაბოლური ცვლილებები, მეტაბოლიზმის თავისებურება ახალშობილებში).

ჩვენებები
ცერებრული მეტაბოლიზმისა და სისხლის მიმოქცევის დარღვევა (იშემიური ინსულტი,ქალატვინის ტრავმები). პერიფერიული (არტერიული და ვენური) სისხლის მიმოქცევის დარღვევები და მათი შედეგები (არტერიული ანგიოპათია, წვივის წყლულები), კანის საფარველის ტრანსპლანტაცია.
- დამწვრობები, მათ შორის ქიმიური და თერმული, კანის საფარველის დაწყლულება.
– გართულებები ჭრილობების შეხორცებისას: ჭრილობების ცუდი შეხორცება, ნაწოლები (დეკუბიტუს);
- კანისა და ლორწოვანი გარსების რადიაციული დაზიანება (პროფილაქტიკა და მკურნალობა). გართულებების თავიდან ასაცილებლად გამოიყენება მხოლოდ ექიმის დანიშნულებით!

მიღების წესები და დოზები
აქტოვეგინი® 200მგ/5მლ შეყავთ კუნთში,ვენაში ან არტერიაში ან გამოიყენება ინფუზიის სახით. აქტოვეგინი®-ს საინექციო ხსნარი შეეთავსება ნატრიუმის ქლორიდის იზოტონურ ხსნარს ან გლუკოზის 5%-იან ხსნარს. ამპულა ისე დაიკავეთ,რომ მონიშნული ადგილი ზევით მოექცეს,როგორც ეს ინსტრუქციაში ნაჩვენები. ამპულა შეანჯღრიეთ, რომ მისი ბოლო ხსნარისგან განთავისუფლდეს, მოატეხეთ ამპულას ზედა ნაწილი, როგორც ეს ინსტრუქციაშია ნაჩვენები.
ჩვეულებრივ რეკომენდირებული დოზა კლინიკური სიმპტომების გამოხატვის გათვალისწინებით,ჯერ შეყავთ – 10-20 მლ ვენაში ან არტერიაში, შემდგომ 5 მლ ვენაში ან ნელა კუნთში ყოველდღე ან კვირაში რამდენჯერმე. 200 მგ/5 მლ აქტოვეგინის საინფუზიოდ გამოყენებისას 10-50 მლ იხსნება 200-300 მლ ნატრიუმის ქლორიდის იზოტონურ ან 5%იან გლუკოზის ხსნარში (ძირითადი ხსნარები), ინფუზიის სიჩქარეა დაახლოებით 2 მლ/წთში.
დოზირება გარკვეული ჩვენებების მიხედვით
- ცერებრული მეტაბოლიზმისა და სისხლის მიმოქცევის დარღვევა: ჯერ შეჰყავთ 10 მლ ვენაში, ყოველდღე ორი კვირის განმავლობაში,შემდეგ 510მლ ვენაში კვირაში რამდენჯერმე, 4 კვირის განმავლობაში.
- იშემიური ინსულტი: 20-50 მლ იხსნება 200300მლ ძირითად ხსნარში და შეჰყავთ ვენაში ყოველდღე ან კვირაში რამდენჯერმე, 23 კვირის განმავლობაში.
– არტერიული ანგიოპათია: 20-50 მლ იხსნება 200300 მლ ძირითად ხსნარში და შეჰყავთ არტერიაში ან ვენაში ყოველდღე ან კვირაში რამ დენჯერმე, მკურნალობის ხანგრძლივობა საშუალოდ 4 კვირაა.
- კანის საფარველის დაწყლულებები და სხვა სახის ტორპიდული წყლულები. დამწვრობები: 10 მლ ვენაში ან 5 მლ კუნთებში ყოველდღე ან დღეში რამდენჯერმე, დაზიანების ხარისხიდან გამომდინარე, აქტოვეგინით ადგილობრივ მკურნალობასთან კომბინაციაში.
- კანისა და ლორწოვანი გარსების სხივური დაზიანების პროფილაქტიკა და მკურნალობა: საშუალოდ 5მლ ვენაში ყოველდღე,რადიაციულ ზემოქმედებებს შორის ინტერვალებში.
- რადიაციის მოქმედებით განპირობებული ცისტიტი: 400 მგ/10მლ აქტოვეგინის 10 მლის ყოველდღიური ტრანსურეთრული შეყვანა ანტი ბაქტერიულ მკურნალობასთან კომბინაციაში.
სპეციალური გაფრთხილება და უსაფრთხოების განსაკუთრებული ღონისძიებები
იმის გამო, რომ ხსნარი ჰიპერტონულია, კუნთებში სასურველია არა უმეტეს 5 მლ შეყვანა. ანაფილაქსიური რეაქციის განვითარების ალბათობის გამო, მკურნალობის დაწყების წინ რეკომენდირებულია სინჯის ინექციის ჩატარება. საინექციო ხსნარი შეეთავსება ნატრიუმის ქლორიდის იზოტონურ ხსნარსა და გლუკოზის 5%იან ხსნარს.
არ არის რეკომენდირებული აქტოვეგინი®ს შერევა სხვა პრეპარატებთან გარდა ზემოთჩამოთვლილი ხსნარებისა.
საინექციო ხსნარი მოყვითალო ფერისაა, ფერის ინტენსივობა და მოკიდებულია პარტიის ნომერსა და საწყის მასალაზე, ამავე დროს ხსნარის ფერი არ მოქმედებს პრეპარატის ეფექტურობასა და შეთვისებაზე.

გვერდითი მოვლენები
ჩვეულებრივ, პრეპარატი კარგად გადაიტანება. ალერგიის მიმართ წინასწარგანწყობის მქონე პაციენტებში იშვიათად შეიძლება განვითარდეს ჰიპერმგრძნობელობის რეაქციები (ჭინჭრის ციება, სხეულის ტემპერატურის უეცარი მომატება, შოკი). ამ შემთხვევაში აქტოვეგინი®-თ მკურნალობა უნდა შეწყდეს. აუცილებლობისას ტარდება ალერგიული რეაქციების სტანდარტული მკურნალობა.

უკუჩვენება
პრეპარატ აქტოვეგინი®ს ან მისი ანალოგიური პრეპარატებისადმი ალერგიული განწყობა.

ორსულობა და ლაქტაცია
პრეპარატ აქტოვეგინი®ს ხმარება დასაშვებია.

სხვა წამლებთან ურთიერთქმედება
სხვა სამკურნალო საშუალებებთან ურთიერთქმედება დღეისათვის ცნობილი არ არის.

შენახვის პირობები და ვადები
ინახება ბნელ ადგილას, ოთახის ტემპერატურაზე, არაუმეტეს 25ºC! შენახვის ვადა – 5 წელი.

აფთიაქში გაცემის წესი
ექიმის რეცეპტით.

მწარმოებელი ფირმა, ქვეყანა – მერკ KGaA ნიკომედისთვის
გერმანია

რიპედონი 1მგ #60ტ

~~13.00 ლარი~~
12.22 ლარი

ქვეყანა: უნგრეთი

მწარმოებელი: ეგისი

გაცემის ფორმა: II ჯგუფი რეცეპტული

დიაზეპექსი 5მგ #20ტ

დიაზეპექსი
(Diazepex)

საერთაშორისო არაპატენტირებული სახელწოდება: დიაზეპამი

ქიმიური სახელწოდება: 7-ქლორ-2-3-დიჰიდრო-1-მეთილ-5-ფენილ-1H-1,4 ბენზოდიაზეპინი-2

სამკურნალწამლო ფორმა. ტაბლეტები.
თეთრი ფერის მრგვალი ტაბლეტები ბრტყელი ზედაპირებით და ღარით.

შემადგენლობა. თითო ტაბლეტი შეიცავს 5 მგ დიაზეპამს.
დამხმარე ნივთიერებები: შემავსებლები: ლაქტოზა, ჰიდროქსიპროპილის სახამებელი, მიკროკრისტალური ცელულოზა. საპოხი ნივთიერებები: სილიციუმის ორჟანგი, ტალკი, მაგნიუმის სტეარატი.

ფარმაკოთერაპიული ჯგუფი.
ტრანკვილიზატორი.

ფარმაკოლოგიური თვისებები
დიაზეპექსი წარმოადგენს ერთ-ერთ ძირითად ბენზოდიაზეპინურ ტრანკვილიზატორს. მას გააჩნია ანქსიოლიზური, ცენტრალური მიორელაქსაციური, კრუნჩხვისსაწინააღმდეგო, სედატიური და ზომიერი ძილისმომგვრელი მოქმედება. აძლიერებს ძილისმომგვრელი, ნარკოტიკული, ნეიროლეპტიკური, ანალგეზური საშუალებებისა და ალკოჰოლის მოქმედებას.

ფარმაკოდინამიკა
პრეპარატის მოქმედების მექანიზმი დაკავშირებულია გამა-ამინო ერბოს მჟავასთან, რომელიც წარმოადგენს დამამუხრუჭებელ მედიატორს ცენტრალურ ნერვულ სისტემაში. ცნობილია, რომ გაებ-ერგული ნეირონები ამუხრუჭებენ სხვა ტიპის ნეირონების მოქმედებას. პრეპარატი აქვეითებს ფერმენტ გაებ-ტრანსამინაზას აქტივობას, რითაც ზრდის გაებ-ის შემცველობას თავის ტვინში. მეორე მხრივ, იზრდება რეცეპტორთა მგრძნობელობა გაებ-ის მიმართ. ყველაფერი ეს აძლიერებს გაებ-ერგული ნეირონების დამამუხრუჭებელ მოქმედებას სხვა ტიპის ნეირონებზე. ნორადრენერგული და დოფამინერგული ნეირონების დამუხრუჭებას უკავშირებენ დიაზეპექსისა და სხვა ბენზოდიაზეპინების სედატიურ და ძილიმომგვრელ ეფექტებს. კრუნჩხვისსაწინააღმდეგო და მიორელაქსაციური ზემოქმედება გაპირობებულია ქერქული ცენტრებისა და ზურგის ტვინის შესაბამისი ცენტრების დამუხრუჭებით. აგზნების პროცესების დამუხრუჭებას აღმავალ რეტიკულურ სისტემაში მივყავართ ანქსიოლიზური ეფექტის განვითარებამდე.

ფარმაკოკინეტიკა
პერორალური მიღებისას შეიწოვება დაახლოებით პრეპარატის 75 %, პლაზმაში მაქსიმალური დონე მიიღწევა 1-2 საათის შემდეგ. შეწოვილი პრეპარატის 98 % უკავშირდება პლაზმის ცილებს. ღვიძლში მეტაბოლიზდება დიაზეპექსის 98-99 %.
ძირითადი მეტაბოლიტები არიან _ ნორდიაზეპამი (სისხლის პლაზმაში), ოქსაზეპამი (შარდში) და ტემაზეპამი. გლუკურონიდების სახით მეტაბოლიტები გამოიყოფა ძირითადად შარდთან ერთად, 10 % _ ფეკალურ მასებთან, 0,5-2 % _ შარდთან ერთად შეუცვლელი სახით.
მოზრდილების სისხლის პლაზმაში პრეპარატის ნახევარდაშლის პერიოდია 1-3 დღე, ხანდაზმულ ასაკში _ 100 საათი, ახალშობილებში _ 31 საათი, ძუძუმწოვარ ჩვილებში _ 8 – 14 საათი.
მწვავე ჰეპატიტის დროს მოზრდილებში ნახევარდაშლის დრო ხანგრძლივდება 2-4 დღე-ღამემდე, ხოლო ღვიძლის ციროზისას _ ორმაგდება.
დიაზეპექსით მოწამლვის შემთხვევაში ჰემოდიალიზი არ არის ეფექტური.

ჩვენება
დიაზეპექსს ნიშნავენ სხვადასხვა ნერვულ-ფსიქიური დაავადებებისას: ნევროზების, ფსიქოპათიების, ასევე ნევროზისმაგვარი და ფსიქოპათიისმაგვარი მდგომარეობებისას, შიზოფრენიის დროს, თავის ტვინის ორგანული დაზიანებებისას, მათ შორის, ცერებრო-ვასკულური დაავადებებისას, სომატური დაავადებებისას, რომელთაც თან ახლავს ემოციური დაძაბვის, განგაშის, შიშის, მომატებული გაღიაზიანებადობის, სენესტო-იპოქონდრული, აკვიატებული და ფობიური მოშლილობების ნიშნები, ძილის დარღვევისას.
ბავშვთა ფსიქო-ნევროლოგიურ პრაქტიკაში დიაზეპექსს უნიშნავენ ნევროზული და ნევროზისმაგვარი მდგომარეობის დროს, რომლებსაც თან ახლავს ზემოთ ჩამოთვილი მოვლენები, ასევე თავის ტკივილი, ენურეზი, ხასიათისა და ქცევის მოშლილობანი.
დიაზეპექსი გამოიყენება ეპილეფსიისას კრუნჩხვითი პაროქსიზმების, ფსიქიური ექვივალენტების სამკურნალოდ. მიორელაქსაციურ მოქმედებასთან დაკავშირებით პრეპარატს იყენებენ ასევე სხვადასხვა სპაზმური მდგომარეობების დროს.
სხვა პრეპარატებთან კომპლექსში დიაზეპექსს ნიშნავენ აბსტინენციის სინდრომის სამკურნალოდ ალკოჰოლიზმის დროს.
დიაზეპექსი გამოიყენება პრემედიკაციისა და ატარალგეზიისათვის ანალგეზიურ და სხვა ნეიროტროპულ პრეპარატებთან კომბინაციაში.
დერმატოლოგიურ პრაქტიკაში გამოიყენება ქავილით მიმდინარე დერმატოზებისას.
პრეპარატი ამცირებს კუჭის წვენის ღამეულ სეკრეციას, რამაც შეიძლება მნიშვნელოვანი როლი შეასრულოს მის დანიშვნაში დამაწყნარებელ და ძილისმომგვრელ საშუალებად კუჭის წყლულოვანი დაავადებით ავადმყოფებისათვის; გააჩნია აგრეთვე ანტიარითმიული მოქმედება.
პრეპარატი უნდა გამოვიყენოთ მკაცრად ექიმის დანიშნულებისამებრ გართულებების თავიდან ასაცილებლად.

უკუჩვენებები
ბენზოდიაზეპინების წარმოებულების ინდივიდუალური აუტანლობა; ღვიძლისა და თირკმლების ფუნქციების გამოხატული დარღვევა; ორსულობა (I ტრიმესტრი) და ლაქტაციის პერიოდი; მძიმე მიასთენია.
დიაზეპექსი არ უნდა გამოვიყენოთ ამბულატორიულად იმ პირებში, რომლებიც მუშაობენ სიმაღლეზე, ტრანსპორტის მძღოლებსა და სხვა პირებში, რომელთა პროფესია მოითხოვს სწრაფ ფსიქო-მოტორულ რეაქციებს.
პრეპარატით მკურნალობის პროცესში კატეგორიულად იკრძალება ალკოჰოლის მოხმარება. სისტემატური გამოყენების შემდეგ დიაზეპექსის უეცარი მოხსნისას შესაძლებელია განვითარდეს შფოთვა, აგზნება, ტრემორი, კრუნჩხვები, ძილის დარღვევა. ამიტომაც თერაპიის მოხსნისას დოზა თანდათანობით უნდა შევამციროთ.

მიღების წესი და დოზირება
დიაზეპექსს იყენებენ შიგნით მისაღებად. დოზები შეირჩევა ინდივიდუალურად თითოეული ავადმყოფისათვის.
რეკომენდირებულია პრეპარატის დანიშვნა მოზრდილებისათვის 0,0025 – 0,005 გრამიდან დაწყებული (2,5-5 მგ-დან) 1-2 -ჯერ დღეში, და შემდეგ მისი დოზის თანდათანობითი გაზრდა. ცალკეულ შემთხვევებში (მომატებული აგზნებადობის, შიშის, განგაშის დროს) ერთჯერადი დოზა შეიძლება გავზარდოთ 0,02 გრამამდე (20 მგ-მდე). სტაციოინარში მკურნალობისას და საგულდაგულო სამედიცინო დაკვირვებისას სადღეღამისო დოზამ შეიძლება მიაღწიოს 0,045 გრამს (45 მგ-ს). ამბულატორიული მკურნალობისას არ არის რეკომენდირებული 0,025 გრამზე (25 მგ-ზე) მეტი დოზის დანიშვნა.
მაქსიმალური დღიური დოზა არის 0,06 გ (60 მგ). სადღეღამისო სამკურნალო დოზას აძლევენ 2-3 მიღებაზე.
დასუსტებულ და ხანდაზმულ პაციენტებს ურჩევენ, რომ პრეპარატი მიიღონ შემცირებული დოზით (0,0025 გ = 1/2 ტაბლეტი 1-2 -ჯერ დღეში).
ძილის დარღვევებისას მოზრდილებს უნიშნავენ 1-2 ტაბლეტს ძილის წინ.
7 წლის შემდეგ და უფროსი ასაკის ბავშვებს უნიშნავენ 0,003 – 0,005 გ (3-5 მგ) 1/2-1 ტაბლეტის სახით.
სადღეღამისო დოზა შეადგენს 0,008 – 0,01 გრამს (8 – 10 მგ).
უფროსი ასაკის ბავშვებს აუცილებლობის შემთხვევაში შეიძლება გავუზარდოთ სადღეღამისო დოზა 0,014 _ 0,016 გრამამდე (14-16 მგ).
დიაზეპექსის მოხსნა უნდა მოხდეს დოზის თანდათანობით შემცირების გზით. პრეპარატის ხანგრძლივმა მიღებამ შასაძლოა გამოიწვიოს მის მიმართ დამოკიდულების განვითარება, ამიტომ მკურნალიბის უწყვეტი კურსის ხანგრძლივობა არ უნდა აღემატებოდეს ერთ თვეს. მკურნალობის განმეორებითი კურსის ჩატარების წინ ინტერვალი უნდა იყოს არანაკლებ 3 თვისა.

სიფრთხილე
პრეპარატი სიფრთხილით უნდა გამოვიყენოთ ღვიძლისა და თირკმლების ფუნქციის დარღვევების მქონე პაციენტებში, ასევე გლაუკომიან პაციენტებში.
ხანდაზმულ პაციენტებში, ბავშვებში, ასევე ტვინის ორგანული დაზიანების მქონე პაციენტებში ცენტრალურ ნერვულ სისტემაზე დიაზეპექსის დამთრგუნველი გავლენა უფრო ძლიერადაა გამოხატული.
განსაკუთრებული სიფრთხილე უნდა დავიცვათ მძიმე დეპრესიის მქონე პაციენტებში.
თითო ტაბლეტი შეიცავს 14 მგ ლაქტოზას.

ურთიერთქმდება სხვა პრეპარატებთან
დიაზეპექსის სხვა სამკურნალწამლო საშუალებებთან ერთდროული გამოყენებისას შეიმჩნევა შემდეგი სახის ურთიერთქმედება: მონოამინოქსიდაზას ინჰიბიტორები, სტრიქნინი და კორაზოლი წარმოადგენენ დიაზეპექსის ანტაგონისტებს; ნივთიერებები, რომელებიც თრგუნავენ ცენტრალურ ნერვულ სისტემას (ალკოჰოლი, საძილე, კრუნჩხვის საწინააღმდეგო, ტკივილგამაყუჩებელი საშუალებები და სხვა), მკვეთრად აძლიერებენ დიაზეპექსის მოქმედებას; ანტაციდურმა საშუალებებმა შეიძლება დააყოვნონ, მაგრამ არ დააქვეითონ დიაზეპექსის შეწოვა; დიაზეპექსის გამოყენება პრემედიკაციისას შესაძლოა შეამციროს ფენტანილის დოზა, და შეამციროს ცნობიერების გამოთიშვის ლატენტური პერიოდი; იზონიაზიდმა შეიძლება შეაყოვნოს დიაზეპექსის გამოყოფა, რაც იწვევს სისხლის პლაზმაში მისი კონცენტრაციის გაზრდას; რიფამპიცინმა შეიძლება გააძლიეროს დიაზეპექსის გამოყოფა და გამოიწვიოს პლაზმაში მისი კონცენტრაციის მომატება.

გვერდითი მოვლენები
ძილიანობა (ჩვეულებრივ, პირველ დღეებში, ძლიერი), მსუბუქი თავბრუსხვევები, იშვიათად კოორდინაციის მოშლა. ყურადღების კონცენტრაციის დაქვეითება; ნერვ-კუნთოვანი რეაქციის შენელება. იშვიათ შემთხვევებში აღინიშნება ატაქსია, კანის ქავილი, ღებინება, ყაბზობა. ხანგრძლივი გამოყენებისას შეიძლება განვითარდეს წამლისმიერი დამოკიდებულება, მეხსიერების, მენსტრუალური ციკლის დარღვევა, სქესობრივი ლტოლვის დაქვეითება.
ცალკეულ შემთხვევებში მკურნალობის დასაწყისში შეიძლება აღინიშნოს აგზნება.
ჰიპოთრომბინემია. ხანდაზმულ და საბავშვო ასაკის პაციენტებში აღინიშნება სედატიური გვერდითი მოქმედების სიხშირის მომატება.

ჭარბი დოზირება
დიაზეპექსის ჭარბი დოზირებას შეიძლება თან ახლდეს შემდეგი სიმპტომები: მეხსიერების ხანგრძლივი გაფანტვა; რეფლექსების დაქვეითება; გამოხატული ძილიანობა; ტრემორი; ბრადიკარდია, ქოშინი ან გაძნელებული სუნთქვა; მეტყველების დარღვევა; წონასწორობის დარღვევა; გამოხატული სისუსტე.
მკურნალობა მოიცავს დამხმარე თერაპიას, კერძოდ: თუ ავადმყოფი გონზეა, უნდა გამოვიწვიოთ ღებინება და დავუნიშნოთ აქტივირებული ნახშირი; თუ ავადმყოფი უგონოდაა, აუცილებელია კუჭის გამორეცხვა ზონდის საშუალებით; სუნთქვის დათრგუნვისას უნდა დავუნიშნოთ ჟანგბადი; დიურეზის მომატებისათვის შეიძლება საინფუზიო ხსნარების შეყვანა და ეფექტური დიურეზული საშუალებების დანიშვნა (ფორსირებული დიურეზი); აუცილებლობის შემთხვევაში არტერიული ჰიპოტენზიის დროს რეკომენდირებულია დოფამინისა და ნორადრენალინის ინტრავენული შეყვანა; აგზნების არსებობისას ბარბიტურატების გამოყენება არ არის მიზანშეწონილი, რადგანაც მათ შეიძლება გააძლიერონ აგზნება და/ან გაზარდონ ცენტრალური ნერვული სისტემის დათრგუნვის ხანგრძლივობა; ზედმეტი დოზირების მკურნალობაში დიალიზს შეზღუდული მნიშვნელობა გააჩნია.
სტაციონარულ პირობებში ასევე გამოიყენება ფლუმაზენილის _ ბენზოდიაზეპინის რეცეპტორების ანტაგონისტის შეყვანა.

გამოშვების ფორმა
10 ტაბლეტი ფირფიტაზე. 2 ფირფიტა მუყაოს კოლოფში.
250 აბი პლასტმასის ფლაკონში.

შენახვის პირობები
არაუმეტეს 25ºC ტემპერატურაზე, სინათლისგან დაცულ ადგილზე.
შეინახეთ ბავშვებისათვის მიუწვდომელ ადგილას!

ვარგისიანობის ვადა
პრეპარატის გამოყენება დაუშვებელია შეფუთვაზე მითითებული ვარგისიანობის ვადის ამოწურვის შემდეგ
გაცემის ფორმა
პრეპარატი გაიცემა რეცეპტით.

მწარმოებელი
ს.ს. Gრინდეკს (გრინდექსი), ლატვია, რიგა, LV-1057, კრუსტპილსის ქ. # 53.
ტელეფონი: + 371 7083205
ფაქსი: + 371 7083505

ბილობა-რიცი ფოტრე – BILOBA-Ritz FORTE (EXTRACTUM GINKGO BILOBAE) – БИЛОБА-Риц ФОРТЕ

ფორმა, შეფუთვა: კაფსულები – შეფუთვაში 20 ც.

შემადგენლობა: 1 კაფს. შეიცავს 80 მგ Ginkgo bilobae-ს ფოთლების მშრალი სტანდარტიზირებული ექსტრაქტს, (24% გინკგოს ჰეტეროზიდები (Ginkgo flavon glycosides) და 6% გინკგოლიდ ბილობალიდები (Terpene lactones)).

მწარმოებელი – საქართველო GMP

კლინიკო-ფარმაკოლოგიური ჯგუფი: სისხლის მიკროცირკულაციის გამაუმჯობესებელი საშუალება.

ფარმაკოლოგიური მოქმედება: ბილობა-რიცი ფორტე მცენარეული წარმოშობის პრეპარატია.

ექსტრაქტის აქტიური ნივთიერებები: ფლავონოიდური გლიკოზიდები, გინკგოლიდები და ბილობალიდები აუმჯობესებენ სისხლის მიმოქცევას და მის რეოლოგიურ მახასიათებლებს, აფართოებენ სისხლძარღვებს და ხელს უწყობენ მათი კედლების ელასტიკურობის ზრდას, აფერხებენ თრომბიციტების აგრეგაციას.

პრეპარატი ახდენს მეტაბოლური პროცესების ნორმალიზებას, ახასიათებს ქსოვილებზე ანტიჰიპოქსიური მოქმედება. აუმჯობესებს თავისი ტვინში სისხლის მიმოქცევას, ჟანგბადისა და გლუკოზის მიწოდებას.

აუმჯობესებს კიდურებში სისხლის მიმოქცევას, მიკროცირკულაციას და ვენების ტონუსს. გამოხატული აქვს შეშუპების საწინააღმდეგო მოქმედება თავის ტვინსა და პერიფერიულ ქსოვილებზე.

ჩვენება:

– სხვადასხვა ეტიოლოგიის დისცირკულაციური ენცეფალოპათია (ინსულტი, ქალა-ტვინის ტრავმა, ხანდაზმულობის ასაკი), რომელსაც ახლავს უყურადღებობის და/ან მეხსიერების, ინტელექტუალური შესაძლებლოების დაქვეითება, შიშის შეგრძნება, ძილის დარღვევა;

– პერიფერიული სისხლის მიმოქცევის და მიკროცირკულაციის დარღვევა (მათ შორის ქვედა კიდურების არტერიოპათია), რეინოს სინდრომი;

– ნეიროსენსორული დარღვევები (თავბრუსხვევა, შუილი ყურებში, ჰიპოაკუზია);

– ყვითელი ხალის ასაკობრივი დეგენერაცია;

– დიაბეტური რეტინოპათია.

დოზირებისა და მიღების რეჟიმი ინიშნება თითო კაფსულა დღეში 2-ჯერ (დილას და საღამოს). მდგომარეობის გაუმჯობესება აღინიშნება ერთი თვის შემდეგ. მკურნალობის ხანგრძლივობა არანაკლებ 3 თვეა. საჭიროებისას შესაძლებელია განმეორებითი კურსის ჩატარება.

კაფსულები ინიშნება კვებისგან დამოუკიდებლად, წყალთან ერთად.

გვერდითი მოვლენები: იშვიათად – კუჭ-ნაწლავის ტრაქტის ფუნქციის დარღვევა, თავის ტკივილი, კანზე გამონაყარი.

უკუჩვენება: – ორსულობისა და ლაქტაციის (ძუძუთი კვების) პერიოდი;

– პრეპარატის კომპონენტებისადმი მაღალი მგრძნობელობა.

განსაკუთრებული მითითებები: არ არის რეკომენდებული პრეპარატთან ერთად ალკოჰოლის მიღება.

ზედოზირება: პრეპარატის დოზის გადაჭარბების შემთხვევები აღწერილი არ არის.

სხვა წამლებთან ურთიერთქმედება: არ არის რეკომენდებული ბილობა-რიცი ფორტეს და აცეტილსალიცილის მჟავას ან ანტიკოაგულანტების ერთდროული მიღება.

შენახვის პირობები და ვარგისიანობის ვადა: პრეპარატი ინახება 10-25^oC ტემპერატურაზე, ბავშვებისათვის მიუწვდომელ ადგილას. ვარგისიანობის ვადა – 2 წელი

აქტოვეგინი 40მგ/მლ 2მლ #25ა

საერთაშორისო დასახელება – actovegin
ათქ.კლასიფიკაციის კოდი – B06AB

კლინიკურ-ფარმაკოლოგიური ჯგუფი – ქსოვილებში ნივთიერებათა ცვლაზე მოქმედი საშუალებები; ცხოველების სისხლის დიალიზატის პრეპარატები

ნოზოლოგიური ჯგუფი – ცნს-ზე მოქმედი საშუალებები

შემადგენლობა და გამოშვების ფორმა
2 მლ-იანი 25 ამპულა მუყაოს კოლოფში

საინექციო ხსნარის 2მლ შეიცავს 80მგ. ხბოს სისხლის მშრალ დეპ – როტეინირებულ ჰემოდერივატს, ნატრიუმის ქლორიდსა და საინექციო წყალს.

ფარმაკოლოგიური თვისებები
აქტოვეგინი® შეიცავს მხოლოდ ფიზიოლოგიურ ნივთიერებებს, რომელთა მოლეკულური მასა 5000 დალტონზე ნაკლებია. მოლეკულურ დონეზე ეს პრეპარატი ზრდის ჟანგბადის მოხმარებისა და უტილიზაციის უნარს (ზრდის ჰიპოქსიისადმი მდგრადობას), გლუკოზის მოხმარებასა და ენერგეტიკულ მეტაბოლიზმს. ყველა ამ პროცესის ჯამური ეფექტი აძლიერებს უჯრედის ენერგეტიკულ მდგომარეობას, განსაკუთრებით იშემიისა და ჰიპოქსიის პირობებში.

ფარმაკოკინეტიკა
პრეპარატ აქტოვეგინი® – ს ფარმაკოკინეტიკური მახასიათებლების (აბსორბცია,განაწილება და აქტიური ინგრედიენტების ელიმინაცია)შესწავლა ფარმაკოკინეტიკური მეთოდებით შეუძლებელია,რადგან იგი მხოლოდ ორგანიზმში არსებული ფიზიოლოგიური კომპონენტებისგან შედგება. რაც შეეხება მოქმედების ხანგრძლივობას,ცხოველებზე ჩატარებული ექსპერიმენტებისა და კლინიკური გამოკვლევების დროს შესწავლილმა სხვადასხვა პარამეტრებმა გვიჩვენა,რომ პრეპარატ აქტოვეგინის ეფექტი გამოვლინდება პარენტერული ან პერორალური მიღებიდან არა უგვიანეს 30 წთში და მაქსიმუმს 3სთში აღწევს. დღემდე არ არის აღმოჩენილი ჰემოდერივატების ფარმაკოლოგიური ეფექტის დაქვეითება შეცვლილი ფარმაკოკინეტიკის მქონე ავადმყოფებში (მაგ: ღვიძლის ან თირკმლის უკმარისობა, ასაკობრივი მეტაბოლური ცვლილებები, მეტაბოლიზმის თავისებურება ახალშობილებში).
აქტოვეგინი® არის ძლიერი ანტიჰიპოქსანტი, ააქტივებს გლუკოზისა და ჟანგბადის მეტაბოლიზმს.

ჩვენებები
- ცერებრული მეტაბოლიზმისა და სისხლის მიმოქცევის დარღვევები (იშემიური ინსულტი, ქალატვინის ტრავმები).
– პერიფერიული (არტერიული და ვენური) სისხლის მიმოქცევის დარღვევები და მათი შედეგები (არტერიული ანგიოპათია, წვივის წყლულები), კანის საფარველის ტრანსპლანტაცია.
– დამწვრობები, მათ შორის ქიმიური და თერმული, კანის საფარველის დაწყლულება. გართულებები ჭრილობების შეხორცებისას: ჭრილობების ცუდი შეხორცება, ნაწოლები (დეკუბიტუს);
- კანისა და ლორწოვანი გარსების რადიაციული დაზიანება (პროფილაქტიკა და მკურნალობა). გართულებების თავიდან ასაცილებლად გამოიყენება მხოლოდ ექიმის დანიშნულებით!

მიღების წესები და დოზები
აქტოვეგინი® – ს 1020 მლ შეყავთ კუნთში,ვენაში ან არტერიაში ან გამოიყენება ინფუზიის სახით (იხ. აქტოვეგინი® 400 მგ/10 მლიან ამპულებში გამოყენების ინსტრუქცია). ამპულა ისე დაიკავეთ, რომ მონიშნული ადგილი ზევით მოექცეს, როგორც ეს ინსტრუქციაშია ნაჩვენები. ამპულა შეან ჯღრიეთ, რომ მისი ზედა ნაწილი ხსნარისგან განთავისუფლდეს, მოატეხეთ ამპულას ზედა ნაწილი, როგორც ეს ინსტრუქციაშია ნაჩვენები. სპეციალური გაფრთხილება და უსაფრთხოების განსაკუთრებული ღონისძიებები იმის გამო, რომ ხსნარი ჰიპერტონულია, კუნთებში სასურველია არა უმეტეს 5 მლს შეყვანა.ანაფილაქსიური რეაქციის განვითარების ალბათობის გამო, მკურნალობის დაწყების წინ რეკომენდირებულია სინჯის ინექციის ჩატარება. საინექციო ხსნარი შეეთავსება ნატრიუმის ქლორიდის იზოტონურ ხსნარსა და გლუკოზის 5%იან ხსნარს. არ არის რეკომენდირებული აქტოვეგინი® – ს შერევა სხვა პრეპარატებთან, გარდა ზემოთჩამოთვლილი ხსნარებისა. საინექციო ხსნარი მოყვითალო ფერისაა, ფერის ინტენსივობა დამოკიდებულია პარტიის ნომერსა და საწყის მასალაზე, ამავე დროს ხსნარის ფერი არ მოქმედებს პრეპარატის ეფექტურობასა და შეთვისებაზე.

გვერდითი მოვლენები
ჩვეულებრივ, პრეპარატი კარგად გადაიტანება. ალერგიის მიმართ წინასწარგანწყობის მქონე პაციენტებში იშვიათად შეიძლება განვითარდეს ჰიპერმგრძნობელობის რეაქციები (ჭინჭრის ციება, სხეულის ტემპერატურის უეცარი მომატება, შოკი). ამ შემთხვევაში აქტოვეგინი®თ მკურნალობა უნდა შეწყდეს. აუცილებლობისას ტარდება ალერგიული რეაქციების სტანდარტული მკურნალობა.

უკუჩვენება
პრეპარატ აქტოვეგინი®- ს ან მისი ანალოგიური პრეპარატებისადმი ალერგიული წინასწარგანწყობა.

ორსულობა და ლაქტაცია
პრეპარატ აქტოვეგინი® – ს გამოყენება დასაშვებია.

სხვა წამლებთან ურთიერთქმედება
სხვა სამკურნალო საშუალებებთან ურთიერთქმედება დღეისათვის ცნობილი არ არის.

შენახვის პირობები და ვადები
ინახება ბნელ ადგილას, ოთახის ტემპერატურაზე არაუმეტეს 25°C! შენახვის ვადა – 5 წელი.

აფთიაქში გაცემის წესი
ექიმის რეცეპტით.

მწარმოებელი ფირმა, ქვეყანა
– მერკ KGaA ნიკომედისთვის
ავსტრია

დიაზეპექსი 5მგ/მლ 2მლ #10ა

დიაზეპექსი
საინექციო ხსნარი 5მგ/მლ
Diazepamum

საერთაშორისო არაპატენტირებული დასახელება: დიაზეპამი (Diazepamum)

ქიმიური დასახელება: 7-ქლორ-1,3-დიჰიდრო-1-მეთილ-5-ფენილ-2H-1,4-ბენზოდიაზეპინ-2-ონი

ძირითადი ფიზიკო-ქიმიური მახასიათებლები: გამჭვირვალე სითხე, უფერო ან ღია ყვითელი ფერის მწვანე ელფერით (უფერო შუშაში).

შემადგენლობა: 1 მლ საინექციო ხსნარი შეიცავს 5 მგ დიაზეპამს. ერთი ამპულა 2 მლ ხსნარით შეიცავს 10მგ დიაზეპამს.

დამხმარე ნივთიერებები:
კონსერვანტები და სტაბილიზატორები- ბენზოის მჟავა (E 210), ნატრიუმის ბენზოატი(E 211) ; გამხსნელი და სტაბილიზატორი- პროპილენგლიკოლი-1.2; გამხსნელები- ბენზილის სპირტი, ეთილის სპირტი 96%, საინექციო წყალი.

გამოშვების ფორმა: საინექციო ხსნარი, 5 მგ/მლ- ამპულა 2 მლ.

ფარმაკოთერაპიული ჯგუფი: ტრანკვილიზატორი.
АТХ კოდი-N05BA01

ფარმაკოლოგიური თვისებები:
ფარმაკოდინამიკა
დიაზეპამი მოქმედებს არასელექტიურად, იგი უკავშირდება გაემ-კომპლექსის ყველა ქვეტიპის ω-რეცეპტორებს. ქლორის არხების გახსნით და ცნს-ში შემაკავებელი პროცესების პოტენცირების გზით ლიმბურ სისტემაში, თალამუსში, ჰიპოთალამუსში და ზურგის ტვინის გვერდითი რქების დამატებით ნეირონებში მატულობს გაემ-რეცეპტორების მგრძნობელობა გამაამინოერბომჟავის მიმართ. ამის შედეგად ხდება თავის ტვინის ქერქვეშა სტრუქტურების აგზნებადობის შემცირება, პოლისინაფსური სპინალური რეფლექსების შეკავება, და პრესინაფსური შეკავების გაძლიერება.
დიაზეპექსს, როგორც სხვა ბენზოდიაზეპინების წარმოებულებს, ახასიათებს ანქსიოლიზური, ჰიპნო-სედაციური, ანტიკონვულსიური, ამნეზიური, მიორელაქსაციური, ტრემორის და პანიკის საწინააღმდეგო მოქმედება.

ფარმაკოკინეტიკა
დიაზეპამის აბსორბცია დამოკიდებულია მისი შეყვანის გზაზე. ინტრამუსკულარული შეყვანის დროს, მისი მაქსიმალური კონცენტრაცია ნაკლებია, ვიდრე პერორალური მიღების დროს. დიაზეპამი კარგად იხსნება ლიპიდებში, ადვილად გადის ჰემატოენცეფალურ და ჰემატოპლაცენტარულ ბარიერებს. პრეპარატის შეკავშირება პლაზმის ცილებთან მაღალია და შეადგენს 98-99 %. პრეპარატი სწრაფად ნაწილდება ორგანოებში და ქსოვილებში და დეპონირდება ცხიმოვან ქსოვილში. დიაზეპამს ახასიათებს ორფაზიანი ელიმინაცია. პლაზმიდან ნახევარგამოყოფის პერიოდი შეადგენს 24-48 საათს, ძირითადი მეტაბოლიტის (დესმეთილდიაზეპამი) ნახევარგამოყოფის პერიოდით-48-120 საათი, რის გამოც ხანგრძლივდება პრეპარატის თერაპიული მოქმედება. დიაზეპამის და მისი მეტაბოლიტების ნახევარგამოყოფის პერიოდი მეტია ახალშობილებში, მოხუცებში და პაციენტებში ღვიძლის დაავადებებით.
დიაზეპამის ინტენსიური მეტაბოლიზმი წარმოებს ღვიძლში. გარდა დეზმეთილდიაზეპამისა, მისი სხვა მეტაბოლიტებია: ოქსაზეპამი და ტემაზეპამი. მეტაბოლიტები გამოიყოფა ძირითადად შარდთან ერთად. პრეპარატი გამოიყოფა დედის რძესთან ერთად.

ჩვენებები:
როგორც ანქსიოლიზური საშუალება, კუჭ-ნაწლავის ტრაქტის ენდოსკოპიის წინ, ალკოჰოლური აბსტინენციის სინდრომი (შფოთვა, დაძაბულობა, ვეგეტატური გამოვლინებები), დელირიუმი, ტეტანუსი, კუნთების სპაზმი ტრავმის დროს, თავის და ზურგის ტვინის დაზიანებით გამოწვეული სპასტიური მდგომარეობები (ცერებრული დამბლა, ათეტოზი), პრემედიკაცია ნარკოზის წინ, კომბინირებული ნარკოზის სქემებში, მიოკარდიუმის ინფარქტი (კომპლექსურ თერაპიაში), სხვადასხვა ეთიოლოგიის მოტორული აგზნება ნევროლოგიურ და ფსიქიატრიულ პრაქტიკაში, ეპილეფსიური შეტევის კუპირება, ეპილეფსიური სტატუსი, სამშობიარო მოქმედების შესამსუბუქებლად, ნაადრევი მშობიარობა (მხოლოდ III ტრიმესტრის ბოლოს), პლაცენტის ნაადრევი განშრევება, პრეეკლამფსია.

მიღების წესი და დოზირება:
კუჭ-ნაწლავის ენდოსკოპიის წინ- 5-10მგ ვენაში 30 წუთით ადრე ან 10-20მგ უშუალოდ პროცედურის წინ.
ალკოჰოლური აბსტინენციის სინდრომი (შფოთვა, დაძაბულობა, ვეგეტატური გამოვლინებები)- 10მგ ი/მ ან ი/ვ, 3-4 საათის შემდეგ- 5-10მგ ი/მ ან ი/ვ.
დელირიუმი -10 მგ ი/ვ, შემდგომ 5მგ ი/ვ ყოველ 5 წუთში აგზნების კუპირებამდე.
ტეტანუსი -0.1-0.3 მგ/კგ ი/ვ ყოველ 1-4 საათში, 4-10 მგ/კგ/დღე-ღამეში.
კუნთების სპაზმი ტრავმის დროს- 10მგ ი/ვ ერთხელ ან ორჯერ.
თავის და ზურგის ტვინის დაზიანებით გამოწვეული სპასტიური მდგომარეობები (ცერებრული დამბლა, ათეტოზი)- ი/მ საწყისი დოზა- 10-20მგ.
პრემედიკაცია ნარკოზის წინ- ანესთეზიის დაწყებამდე 1 საათით ადრე მოზრდილებში- ი/მ 10-20მგ, დეფიბრილაციის დროს პრემედიკაცია- 10-30მგ ნელა ი/ვ (დაყოფილი დოზებით).
კომბინირებული ნარკოზის შემადგენლობაში- ანესთეზიის დასაწყისში- ი/ვ 0.2-0.5მგ/კგ
მიოკარდიუმის ინფარქტი (კომპლექსური მკურნალობის სქემაში)- საწყისი დოზა 10მგ ი/მ.
სხვადასხვა ეთიოლოგიის მოტორული აგზნება ნევროლოგიურ და ფსიქიატრიულ პრაქტიკაში- ი/მ ან ი/ვ 10-20მგ 3 ჯერ დღეში
ეპილეფსიური შეტევის კუპირება – ი/ვ 10-20მგ, შემდეგ 20მგ ი/მ ან ი/ვ წვეთოვნად.
ეპილეფსიური სტატუსი- 10მგ ი/ვ
სამშობიარო მოქმედების შესამსუბუქებლად- საშვილოსნოს ყელის 2-3 თითზე გახსნის დროს – 20მგ ი/მ.
ნაადრევი მშობიარობა (მხოლოდ III ტრიმესტრის ბოლოს), პლაცენტის განშრევება – 20მგ ი/მ, ერთ საათში განმეორებით.
პრეეკლამფსია – 10-20 მგ ი/ვ.
დოზას ადგენენ ინდივიდუალურად.
საშუალო ინტერვალი ინექციებს შორის შეადგენს 3-4 საათს, მძიმე შემთხვევაში შესაძლებელია ინტერვალის შემცირება 1 საათამდე.
ხანდაზმულ და დასუსტებულ პაციენტებში ხმარობენ შემცირებულ დოზებს (ჩვეულებრივ 2-5 მგ) და ზრდიან თანდათანობით: ანალოგიური სქემა გამოიყენება, თუ პაციენტი იღებს სხვა სედატიურ პრეპარატს.
პრეპარატი შეყავთ ნელა (ი/მ ან ი/ვ).

უკუჩვენებები:
პრეპარატის მიმართ მომატებული მგრძნობელობა, სუიციდური მიდრეკილება, ალკოჰოლური დამოკიდებულება (ანამნეზში, გარდა მწვავე აბსტინენციისა), ნარკოტიკული დამოკიდებულება, ჰიპერკაპნია, ეპილეფსია ან ეპილეფსიური გულყრები ანამნეზში (დიაზეპამით მკურნალობის დაწყებამ ან მისმა უეცარმა შეწყვეტამ შესაძლოა პროვოცირება გაუწიოს გულყრას და ეპილეფსიური სტატუსის განვითარებას), ცერებრული ან სპინალური ატაქსია, გლაუკომის მწვავე შეტევა, დახურულკუთხოვანი გლაუკომა, ჰეპატიტი, გულის და სუნთქვის მძიმე უკმარისობა, პორფირია, მიასთენია, ღამის აპნოე, ორსულობა (I და III ტრიმესტრი), ლაქტაცია, ახალშობილებში ( 5 კვირამდე). სიფრხთილით ინიშნება ღვიძლის და თირკმლის უკმარისობის დროს.

გვერდითი მოვლენები:
ძილიანობა, დაღლილობა, კოორდინაციის დარღვევები, თრომბოფლებიტი და თრომბოზი ინექციის ადგილას.
პარენტერალური შეყვანისას- სუნთქვის დათრგუნვა, აპნოე, გულის გაჩერება, ჰიპოტენზია, ბრადიკარდია, კუნთების სისუსტე.
იშვიათად: ცნობიერების დაბინდვა, აზროვნების და ქცევის შეცვლა, პარადოქსული რეაქციები (აჟიტირება, აგრესია, ჰალუცინაციები, უძილობა, ნევროზულობა, აგზნება), ანტეროგრადული ამნეზია, დეპრესია, დიზართრია, თავის ტკივილი, ბრადიკინეზია, არტიკულაციის დარღვევა, სინკოპე, ტრემორი, თავბრუსხვევა, ბრადიკარდია/ტაქიკარდია, გულ-სისხლძარღვოვანი კოლაფსი, ჰიპოტენზია, მხედველობის დაბინდვა, დიპლოპია, ნისტაგმი, შარდის შეუკავლობა ან შეკავება, ლიბიდოს დაქვეითება, ღვიძლის დისფუნქცია, ყაბზობა, გულისრევა, ალერგიული რეაქციები (გამონაყარი, ქავილი), აგრანულიციტოზი, ანემია, თრომბოციტოპენია, ლეიკოპენია, ნეიტროპენია, სლოკინი, სანერწყვე ჯირკვლების ფუნქციის დარღვევა, სიყვითლე.
პარადოქსული რეაქციის შემთხვევაში (შიშის მწვავე რეაქცია, ჰალუცინაციები, კუნთოვანი ტონუსის მატება, უძილობა ან სხვა ძილის დარღვევები, აგრესიულობა) პრეპარატის მიღება უნდა შეწყდეს.

ჭარბი დოზირება:
დიაზეპექსის ჭარბი დოზით მიღებას შესაძლოა თან ახლდეს შემდეგი სიმპტომები: სიარულის დარღვევა, ბრადიკარდია, მეტყველების გაძნელება, სუნთქვის გაძნელება, ცნობიერების დათრგუნვა, რეფლექსების დათრგუნვა, ძილიანობა, კრუნჩხვები, კომა.
საჭიროა დაუყოვნებლივ კუჭის ამორეცხვა, სუნთქვის სტიმულაცია, ვენაში ინფუზიის გზით სითხეების შეყვანა. დიალიზის გამოყენება შეზღუდულია. მკურნალობა სიმპტომურია; საჭიროა სუნთქვის, პულსისა და არტერიული წნევის მონიტორირება. ცნს-ზე დამთრგუნველი მოქმედების შესამცირებლად იყენებენ ბენზოდიაზეპინების რეცეპტორების სპეციფიურ ანტაგონისტს – ფლუმაზენილს. მაგრამ ფლუმაზენილს შეუძლია კრუნჩხვების პროვოცირება რის გამოც იგი უკუნაჩვენებია ეპილეფსიით დაავადებულ პაციენტებში.
ჰიპოტენზიის დროს იყენებენ დოფამინს და ნორეპინეფრინს.

გამოყენების თავისებურებანი:
პრეპარატის ვენაში შეყვანისას შესაძლებელია შეყვანის ადგილას განვითარდეს ანთებითი პროცესი (შეშუპება, წვის შეგრძნება, ფლებიტი, თრომბოფლებიტი). პრეპარატი საჭიროა შევიყვანოთ ნელა, კათეტერის მეშვეობით არა უმეტეს 1 მლ წუთში (5 მგ). პრეპარატის შეყვანა მცირე დიამეტრის ვენაში (მტევნებზე) არ არის რეკომენდებული. დიაზეპექსის მოხვედრა არტერიასა და სისხლძარღვების ირგვლივ დაუშვებელია.
ი/მ შეყვანისას პრეპარატი საჭიროა შევიყვანოთ ღრმად კუნთში!
პრეპარატის შეყვანა სხვა მედიკამენტებთან ერთად დაუშვებელია. განსაკუთრებული სიფრთხილეა საჭირო ხანდაზმულებში, ქრონიკულ ავადმყოფებში და კარდიო-რესპირატორული უკმარისობით შეპყრობილ პაციენტებში პრეპარატის ინტრავენური შეყვანისას.
იმ შემთხვევაში, როდესაც დიაზეპექსი გამოიყენება ნარკოტიკულ ანალგეზიურ საშუალებებთან ერთად, მაშინ ამ უკანასკნელის დოზა უნდა შემცირდეს 1/3-ით მაინც.
დიაზეპექსის შეყვანა არ შეიძლება შოკის, კომის ან მწვავე ალკოჰოლური ინტოქსიკაციის დროს, თანმხლებული დეპრესიის ნიშნებით.
ახალშობილებში (30 დღემდე) დიაზეპექსის საინექციო ფორმით გამოყენების ეფექტურობა და უსაფრთხოება არ არის დადგენილი. ამ ასაკის ბავშვებში პრეპარატის მოქმედების შედეგად აღინიშნება ცნს-ის ხანგრძლივი დროით დათრგუნვა. პრეპარატი პედიატრიაში გამოიყენება მცირე დოზებით, რათა თავიდან ავიცილოთ გვერდითი მოვლენები (აპნოე და ხანგრძლივი ძილიანობა). ბავშვებში დიაზეპექსის რეკომენდებული საწყისი დოზა არ უნდა აღემატებოდეს 0,25 მგ/კგ სხეულის მასაზე, რომელიც შეყავთ 3 წთ-ის განმავლობაში ნელა. 15-30 წთ-ის შემდეგ ეს დოზა შესაძლებელია განმეორდეს. პრეპარატის 3-ჯერ შეყვანის შემდეგ თუ არ აღინიშნება თერაპიული ეფექტი, საჭიროა დამატებითი თერაპიის გამოყენება.
ვენაში შეყვანის შემდეგ პრეპარატი მოქმედებს სწრაფად, მაგრამ ხანმოკლე ვადით, იგი არ გამოიყენება შემანარჩუნებელი თერაპიისათვის.
პაციენტებში, რომლებსაც აღენიშნებათ ღვიძლისა და თირკმელების ფუნქციის დარღვევა, პრეპარატს იყენებენ სიფრთხილით. პრეპარატის ხანგრძლივი დროით გამოყენების შემთხვევაში, საჭიროა სისხლის ანალიზისა და ღვიძლის ფუნქციის შემოწმება. დეპრესიაში მყოფი და შიშის შეგრძნების მქონე, აგრეთვე თვითმკვლელობისადმი მიდრეკილების მქონე პაციენტებში პრეპარატი გამოიყენება სიფრთხილით.

ორსულობისა და ლაქტაციის პერიოდი:
განსაკუთრებით პირველ ტრიმესტრში არ არის სასურველი დიაზეპექსის გამოყენება. პრეპარატი გამოიყენება მხოლოდ ექიმის რეკომენდაციით რეალური საჭიროებისას. აუცილებლობისას საჭიროა ძუძუთი კვების შეწყვეტა.

სატრანსპორტო საშუალებების და მექანიზმების მართვის უნარზე ზემოქმედება:
პრეპარატის გამოყენებისას საჭიროა თავი ავარიდოთ ისეთი სამუშაოების შესრულებას, რომლებიც მოითხოვენ ყურადღების მაქსიმალურ კონცენტრაციას.

წამლისმიერი დამოკიდებულება:
დიაზეპექსის მიღების უეცარი შეწყვეტა იწვევს აბსტინენციის სინდრომის განვითარებას: კონვულსია, ტრემორი, კრუნჩხვები, ღებინება, ოფლიანობა. პაციენტებს, რომლებიც დიდი დოზით და ხანგრძლივად იღებდნენ პრეპარატს, აღენიშნებათ შედარებით მძიმე ფორმის სიმპტომები, მსუბუქი ფორმის სიმპტომები (დისფორია, უძილობა) კი – რამდენიმე თვის განმავლობაში დიაზეპექსის თერაპიული დოზებით გამოყენებისას. იმისათვის, რომ შევწყვიტოთ პრეპარატის გამოყენება, მისი დოზა საჭიროა შემცირდეს თანდათანობით.

ურთიერთქმედება სხვა სამკურნალო საშუალებებთან:
ალკოჰოლი და პრეპარატები, რომლებიც იწვევენ ცნს-ის დათრგუნვას- დამთრგუნველი ეფექტის გაძლიერება.
კარბამაზეპინი, რიფამპიცინი- დიაზეპამის კონცენტრაციის და ეფექტურობის შემცირება.
ციმეტიდინი, რანიტიდინი, კონტრაცეპტივები ესტროგენის შემცველობით, დილთიაზემი, ვერაპამილი, ერითრომიცინი, ტრაკონაზოლი, კეტოკონაზოლი, ნეფაზოდონი- დიაზეპამის კონცენტრაციის და ტოქსიურობის მომატება ღვიძლის ფერმენტების ინჰიბირების ხარჯზე.

გამოშვების ფორმა:
საინექციო ხსნარი -2 მლ ამპულაში, 5 ამპულა უჯრედოვან შეფუთვაში, 2 უჯრედოვანი შეფუთვა კოლოფში.

ვარგისიანობის ვადა: 3 წელი

შენახვის პირობები:
ინახება ბნელ ადგილას 2-8ºC ტემპერატურაზე.
ინახება ბავშვებისათვის მიუწვდომელ ადგილას! არ გამოიყენოთ შეფუთვაზე მითითებული ვადის ამოწურვის შემდეგ!

აფთიაქიდან გაშვების ფორმა: რეცეპტით

სარეგისტრაციო მოწმობის მფლობელი:
ს.ს. “გრინდექსი”, კრუსტპილსის ქ, 53, რიგა, LV-1057,ლატვია.

მწარმოებელი ფირმა:
ჰოეცხსტ-ბიოტიკა სპოლ.ს.რ.ო.
03680, მარტინი, სკლაბინსკის ქ.30, სლოვაკეთის რესპუბლიკა

1...687688689...798 გვერდი 688 of 798