ქვეყანა: პოლონეთი

მწარმოებელი: პოლფარმა ფ/ქ სს

გაცემის ფორმა: II ჯგუფი რეცეპტული

ბიფრენი

პრეპარატის სავაჭრო დასახელება: ბიფრენი.

საერთაშორისო არა-პატენტირებული დასახელება: Phenibut.

სამკურნალწამლო ფორმა: კაფსულები.

ძირითადი ფიზიკური-ქიმიური თვისებები: თეთრი ფერის მყარი ჟელატინის კაფსულები.

კაფსულების შიგთავსი- თეთრი ან თითქმის თეთრი ფერის ფხვნილი. დაშვებულია დაპრესილი სვეტების ან გროვების არსებობა, რომლებიც დაჭერის დროს იშლება.

სამკურნალო პრეპარატის შემადგენლობა:

1 კაფსულა შეიცავს: აქტიური ნივთიერება: ფენიბუტი 250 მგ.  

დამხმარე ნივთიერებები: მიკროკრისტალური ცელულოზა, ნატრიუმის კროსკარმელოზა, სილიციუმის დიოქსიდი კოლოიდური უწყლო, მაგნიუმის სტეარატი, ტალკი;

კაფსულის შემადგენლობა: ჟელატინი, ტიტანიუმის დიოქსიდი (E 171).

გამოშვების ფორმა.

კაფსულები

ფარმაკოთერაპიული ჯგუფი: ფსიქოსტიმულატორები და ნოოტროპული საშუალებები. ათქ კოდი N06BX22.

ფარმაკოლოგიური თვისებები

ფარმაკოდინამიკა

ბიფრენი წარმოადგენს γ-ამინოერბომჟავასა და ფენილეთილამინის წარმოებულს. დომინანტურს წარმოადგენს მისი ანტიჰიპოქსიური და ანტიამნეზიური მოქმედება. მას გააჩნია ტრანკვილიზური თვისებები, ასტიმულირებს მეხსიერებასა და სწავლის უნარს, ზრდის ფიზიკურ შრომისუნარიანობას; აღმოფხვრის ფსიქოემოციურ დაძაბულობას, შფოთვას, შიშს და აუმჯობესებს ძილს; ახანგრძლივებს და აძლიერებს საძილე, ნარკოტიკული, ნეიროლეფსიური და ანტიკონვულსიური საშუალებების მოქმედებას. არ ახდენს გავლენას ქოლინო- და ადრენო- რეცეპტორებზე. პრეპარატი ახანგრძლივებს ნისტაგმის ლატენტურ პერიოდს და ამცირებს მის ხანგრძლივობასა და გამოხატულობას, ასევე გააჩნია ანტიეპილეფსიური მოქმედება. შესამჩნევად ამცირებს ასთენიისა და ვაზოვეგეტატიური სიმპტომების გამოვლინებებს, მათ შორის თავის ტკივილს, თავში სიმძიმის შეგრძნებას, ძილის დარღვევას, გაღიზიანებადობას, ემოციურ ლაბილობას, ზრდის გონებრივ შრომისუნარიანობას.  ტრანკვილიტაზორებისაგან განსხვავებით პრეპარატ ბიფრენის გავლენის ქვეშ უმჯობესდება ფსიქოლოგიური მაჩვენებლები (ყურადღება, მეხსიერება, სენსორულ-მოტორული რეაქციების სისწრაფე და სიზუსტე). ასთენიის მქონე და ემოციურად ლაბილურ პაციენტებში, პრეპარატით თერაპიის პირველივე დღეებიდან უმჯობესდება მათი თვითგრძნობა, იზრდება ინტერესი და ინიციატივა, აქტიური საქმიანობის მოტივაცია სედაციური ეფექტის ან აღგზნების გარეშე. დადგენილია, რომ ფენიბუტი აუმჯობესებს ტვინის ბიოენერგეტიკას.

ფარმაკოკინეტიკა

 პრეპარატი კარგად შეიწოვება პერორალური მიღების შემდეგ და კარგად აღწევს ორგანიზმის ყველა ქსოვილში, კარგად აღწევს ჰემატოენცეფალურ ბარიერში. ღვიძლში და თირკმელებში განაწილება ერთგვაროვანთან ახლოსაა, ხოლო ტვინსა და სისხლში – ერთგვაროვანზე დაბალია. შეყვანილი ფენიბუტის შესამჩნევი რაოდენობა 3 საათის შემდეგ გამოვლინდება შარდში, ამავდროულად, ტვინის ქსოვილში პრეპარატის კონცენტრაცია არ მცირდება, ის გამოვლინდება ტვინში კიდევ 6 საათის შემდეგ.

მეორე დღეს ფენიბუტის აღმოჩენა შესაძლებელია მხოლოდ შარდში; ის გვხვდება შარდში მიღებიდან კიდევ 2 დღის შემდეგ, თუმცა აღმოჩენილი რაოდენობა შეადგენს შეყვანილი დოზის მხოლოდ 5%-ს.  

ფენიბუტის ყველაზე მეტად შეკავშირება  ხდება ღვიძლში (80 %), ის არ არის სპეციფიკური.

განმეორებითი მიღებისას კუმულაცია არ აღინიშნება.

გამოყენების ჩვენებები.

ასთენიური და შფოთვით-ნევროზული მდგომარეობები (ემოციური ლაბილურობა,  მეხსიერების დარღვევა, ყურადღების კონცენტრაციის დაქვეითება), მოუსვენრობა, შიში, აფორიაქება, აკვიატებული მდგომარეობების ნევროზი;

ბავშვებში – ენაბლუობა, ენურეზი, ტიკები;

ხანდაზმული ასაკის ადამიანებში – უძილობა, ღამის მოუსვენრობა.

სტრესული მდგომარეობების პროფილაქტიკა, ოპერაციების ან მტკივნეული დიაგნოსტიკური პროცედურების  წინ.

დამხმარე საშუალების სახით ალკოჰოლიზმის დროს აბსტინენციის სინდრომის მკურნალობისას.

ის ასევე ინიშნება მენიერის დაავადებისას, ვესტიბულური აპარატის დისფუნქციასთან დაკავშირებული თავბრუსხვევების დროს, ასევე მოძრაობის დაავადების პროფილაქტიკისთვის.

გამოყენების მეთოდი და დოზები.

მიიღება პერორალურად საკვების მიღებამდე, წყლის დაყოლებით.  

ასთენიური და შფოთვით-ნევროზული მდგომარეობების დროს მოზრდილებში: ინიშნება   250-500 მგ 3-ჯერ დღეში. უმაღლესი ერთჯერადი დოზებია: მოზრდილებში – 750 მგ, ხანდაზმული ასაკის პაციენტებში- 500 მგ.

მკურნალობის კურსი შეადგენს 2-3 კვირას. აუცილებლობის შემთხვევაში, მკურნალობის კურსი შეიძლება გახანგრძლივდეს 4 -6 კვირამდე.

11 წელზე უფროსი ასაკის ბავშვებში  –  250 მგ 3 -ჯერ დღეში; 14 წელზე უფროსი ასაკის ბავშვებში   – მოზრდილების დოზები.

ინფექციური გენეზის ვესტიბულური აპარატის დისფუნქციისა და მენიერის დაავადების გამწვავების პერიოდში თავბრუსხვევის აღმოსაფხვრელად: ბიფრენი ინიშნება 750 მგ 3-ჯერ დღეში 5-7 დღის განმავლობაში, ვესტიბულური დარღვევების გამოხატულობის შემცირებისას – 250-500 მგ 3-ჯერ დღეში 5-7 დღის განმავლობაში, შემდეგ კი 250 მგ 1-ჯერ დღეში 5 დღის განმავლობაში. დაავადების შედარებით მსუბუქი მიმდინარეობისას ბიფრენი მიიღება 250 მგ 2-ჯერ დღეში 5-7 დღის განმავლობაში, შემდეგ კი 250 მგ 1-ჯერ დღეში 7-10 დღის განმავლობაში.

სისხლძარღვოვანი და ტრავმული გენეზის ვესტიბულური აპარატის დისფუნქციისას  თავბრუსხვევის აღმოსაფხვრელად: ბიფრენი ინიშნება 250 მგ 3-ჯერ დღეში 12 დღის განმავლობაში.

მოძრაობის დაავადების პროფილაქტიკისთვის: ინიშნება 250-500 მგ დოზით ერთჯერადად მოძრაობის მოსალოდნელ დაწყებამდე  ერთი საათით ადრე, ან პირველი სიმპტომების გამოჩენისას.  

პრეპარატ ბიფრენის მოქმედება ძლიერდება  დოზის გაზრდისას.

გამოხატული გამოვლინებების არსებობისას (ღებინება, გულისრევა), პრეპარატის დანიშვნა ნაკლებად ეფექტურია 750-1000 მგ დოზითაც კი.

ალკოჰოლური აბსტინენციური სინდრომის კუპირებისათვის: ბიფრენი მკურნალობის პირველ დღეებში ინიშნება 250-500 მგ  3-ჯერ დღეში და 750 მგ ღამით, სადღეღამისო დოზის ეტაპობრივი შემცირებით მოზრდილების ჩვეულებრივ დოზამდე.

თუ ერთი ან რამდენიმე დოზის მიღება გამოტოვებულია, უნდა გაგრძელდეს მიღება ადრე დანიშნული დოზებით. აუცილებლობისას ან თვითგრძნობის გაუარესებისას პაციენტმა უნდა მიმართოს კონსულტაციისთვის ექიმს.

გვერდითი რეაქციები.

ნერვული სისტემის მხრივ: ძილიანობა (მკურნალობის დასაწყისში), თავის ტკივილი და თავბრუსხვევა (დღეში 2 გ-ზე მეტ დოზებზე, დოზის შემცირებისას გვერდითი მოქმედების გამოხატულობა მცირდება).

კუჭ-ნაწლავის ტრაქტის მხრივ: გულისრევა (მკურნალობის დასაწყისში), ღებინება, დიარეა, ტკივილი ეპიგასტრიუმის მიდამოში.

ღვიძლისა და სანაღვლე გზების მხრივ: ჰეპატოტოქსიკურიობა (მაღალი დოზების ხანგრძლივად მიღებისას).

იმუნური სისტემის მხრივ: ალერგიული რეაქციები, მათ შორის გამონაყარი, ქავილი, ჭინჭრის ციება, კანის გაწითლება.

ფსიქიკის დარღვევა: ემოციური ლაბილურობა, ძილის დარღვევა (ეს გევრდითი რექციები შიძლება აღინიშნოს ბავშვებში სამკურნალო პრეპარატის გამოყენების ინსტრუქციასთან შეუსაბამოდ გამოყენებისას).

უკუჩვენებები.

მომატებული მგრძნობელობა პრეპარატის კომპონენტების მიმართ. თირკმლის მწვავე უკმარისობა. ბავშვთა ასაკი 11 წლამდე.

დოზის გადაჭარბება.

ბიფრენი – ნაკლებად ტოქსიკური ნაერთია, მხოლოდ 7-14 გ სადღეღამისო დოზის ხანგრძლივად მიღებისას ის შეიძლება იყოს  ჰეაპოტოტოქსიკური (აღინიშნა ეოზინოფილია  და ღვიძლის ცხიმოვანი დისტროფია).

სიმპტომები: ძილიანობა, გულისრევა, ღებინება, შესაძლო არტერიული ჰიპოტენზიის, თირკმლის მწვავე უკმარისობის განვითარება.

მკურნალობა: კუჭის ამორეცხვა. თერაპია სიმპტომურია.

გართულებების შემთხვევაში (არტერიული ჰიპოტენზია, თირკმლის უკმარისობა), მიიღება დამხმარე და სიმპტომური ზომები.

სიფრთხილის ზომები.

საჭიროა სიფრთხილის დაცვა კუჭ-ნაწლავის ტრაქტის პათოლოგიის მქონე პაციენტებისთვის პრეპარატ ბიფრენის გამაღიზიანებელი მოქმედების გამო. ამ პაციენტებს ენიშნებათ უფრო დაბალი დოზები. ხანგრძლივი გამოყენებისას კონტროლდება სისხლის უჯრედული შემადგენლობა, ღვიძლის ფუნქციური სინჯების მაჩვენებლები.

 გამოყენებაორსულობისან ლაქტაციის დროს.

პრეპარატი ბიფრენის გამოყენება ორსულობის ან ძუძუთი კვების პერიოდში უკუნაჩვენებია, რადგანაც ამ პერიოდში პრეპარატის გამოყენებასთან დაკავშირებით საკმარისი მონაცემები არ არსებობს.

ბავშვები.

პრეპარატის  გამოყენება  შეიძლება 11 წელზე უფროსი ასაკის ბავშვებში.

სამკურნალო პრეპარატის ზემოქმედების თავისებურებები სატრანსპორტო საშუალებებისა ან პოტენციურად სახიფათო მექანიზმების  მართვის უნარზე

პაციენტებმა, რომლებსაც პრეპარატით მკურნალობის დროს უვითარდებათ ძილიანობა, თავბრუსხვევა ან სხვა ცენტრალური ნერვული სისტემის მხრივი დარღვევები,  თავი უნდა შეიკავონ სატრანსპორტო საშუალების მართვისგან ან სხვა მექანიზმებთან მუშაობისაგან.
ურთიერთქმედება სხვა სამკურნალო საშუალებებთან.

ბიფრენი შეიძლება კომბინირებული იქნას ფსიქოტროპულ სამკურნალო საშუალებებთან, ბიფრენის ან მასთან ერთად გამოყენებული სხვა სამკურნალო საშუალებების დოზების შემცირებით.

ბიფრენი აძლიერებს და ახანგრძლივებს საძილე, ნარკოტიკული, ნეიროლეფსიური ანტიკონვულსიური საშუალებების მოქმედებას.

გამოშვების ფორმა.

10 კაფსულა ბლისტერში; 2 ბლისტერი მუყაოს კოლოფში.

შენახვის პირობები.

ინახება ორიგინალურ შეფუთვაში არაუმეტეს 25⁰C  ტემპერატურაზე.

ინახება ბავშვებისთვის მიუწვდომელ ადგილზე.

ვარგისობის ვადა.

2 წელი

არ გამოიყენება ვარგისობის  ვადის გასვლის შემდეგ.

აფთიაქებიდან გაცემის პირობები.

ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი

შპს „ფარმა სტარტი“

უკრაინა, 03124, ქ. კიევი, ვ. ჰაველის ბულვარი #8

ორგანიზაციის მისამართი, რომელიც ღებულობს პრეტენზიებს სამკურნალო საშუალებების ხარისხზე მომხმარებლებისგან და პასუხისმგებელია სამკურნალო საშუალების უსაფრთხოებაზე პოსტ-რეგისტრაციული დაკვირვების განხორციელებაზე სომხეთის რესპუბლიკის ტერიტორიაზე.

Acino Pharma AG – ს (შვეიცარიის კონფედერაცია) წარმომადგენლობა, სომხეთის რესპუბლიკა, 0014, ერევანი, ადონცის ქ. # 6/1, ბინა 54.

ტელეფონი: +374 60 67 01 70

ელ-ფოსტა: Safety_ВУ@acino.swiss

ორგანიზაციის მისამართი, რომელიც ღებულობს პრეტენზიებ სსამკურნალო საშუალებების  ხარისხზე მომხმარებლებისგან და პასუხისმგებელია სამკურნალო საშუალების უსაფრთხოებაზე პოსტ-რეგისტრაციული დაკვირვების განხორციელებაზე სომხეთის რესპუბლიკის ტერიტორიაზე.

Acino Pharma AG – ს (შვეიცარიის კონფედერაცია) წარმომადგენლობა საქართველოში.

საქართველო, 0102, თბილისი,  კ. მარჯანიშვილის ქ. # 5 /  დ. უზნაძის ქ. #16-18

ტელეფონი: +995 32 220 69 42

ელ-ფოსტა: Safety_ВУ@acino.swiss

ქვეყანა: საქართველო

მწარმოებელი: დესა საქართველო

გაცემის ფორმა: III ჯგუფი ურეცეპტო

ვაილოპინი

VAYLOPIN

ვაილოპინი 10მგ აპკიანი გარსით დაფარული ტაბლეტები

პერორალური გამოყენებისთვის:

ამ ჩანართში

1. რა არის ვაილოპინი და რისთვის გამოიყენება
2. რა უნდა იცოდეთ ვაილოპინის გამოყენებამდე
3. როგორ გამოიყენება ვაილოპინი
4. შესაძლო გვერდითი ეფექტები
5.  როგორ ინახება ვაილოპინი
6.  შეფუთვის შემადგენლობა და სხვა ინფორმაცია

1. რა არის ვაილოპინი და რისთვის გამოიყენება

ვაილოპინი შეიცავს აქტიურ სუბსტანციას ოლანზაპინს. ვაილოპინი მიეკუთვნება ანტიფსიქოზური პრეპარატების ჯგუფს, გამოიყენება შემდეგი მდგომარეობების სამკურნალოდ:

• შიზოფრენია, დაავადება, რომელსაც ახლავს ისეთი სიმპტომები, როგორიც არის არ არსებულის სმენით, მხედველობით და შეგრძნებით აღქმა, არასწორი რწმენები, ანომალური ეჭვები, გათიშვა. ამ დაავადების მქონე პირებს აგრეთვე აღენიშნებათ დეპრესია, შფოთვა ან დაძაბულობა.
• საშუალო ან მწვავე მანიაკალური ეპიზოდები, მდგომარეობა აგზნების ან ეიფორიის სიმპტომებით.

ვაილოპინმა გამოავლინა ამ სიმპტომების რეციდივის პრევენცია ბიპოლარული დარღვევების მქონე პაციეტნებში, რომელთა მანიაკალური ეპიზოდებით პასუხობდა ოლანზაპინით მკურნალობას.

2. რა უნდა იცოდეთ ვაილოპინის გამოყენებამდე

არ მიიღოთ ვაილოპინი

• თუ ხართ ალერგიული (გაქვთ ჰიპერმგრძნობელობა) ოლანზაპინის ან მედიკამენტის ნებისმიერი სხვა ინგრედიენტების მიმართ (ჩამოთვლილია პარაგრაფში 6). ალერგიული რეაქცია შეიძლება გამოვლინდეს გამონაყარით, ქავილით, სახის, ტუჩების შეშუპებით, სუნთქვის უკმარისობით. თუ რომელიმე აღგენიშნებათ, აცნობეთ ექიმს.
• თუ ადრე გქონდათ თვალის პრობლემების დიაგნოზი, როგორიცაა დახურულკუთხოვანი გლაუკომა (თვალშიდა წნევის მომატება).

გაფრთხილება უსაფრთხოების ზომები

ვაილოპინის გამოყენებამდე მიმართეთ ექიმს ან ფარმაცევტს.

• ვაილოპინის გამოყენება დემენციით დაავადებულ ხანდაზმულებში რეკომენდებული არ არის, შეიძლება გამოიწვიოს სერიოზული გვერდითი ეფექტები
• ამ ტიპის მედიკამენტებმა შეიძლება გამოიწვიოს უჩვეულო მოძრაობები, ძირითადად სახის ან ენის. თუ ეს აღინიშნება ვაოლოპინის გამოყენების შემდეგ, მიმართეთ ექიმს.
• ძალიან იშვიათად ამ ტიპის მედიკამენტები იწვევს ცხელების, სუნქთვის გახშირების, ოფლიანობის, კუნთების დაჭიმულობის, თავბრუსხვევის ან ძილიანობის კომბინაციას. ამ შემთხვევაში მიმართეთ ექიმს.
• ვაილოპინის გამოყენებისას, ზოგიერთ პაციენტში აღინიშნა წონაში მატება. წონა რეგულარულად უნდა აკონტროლოთ ექიმთან ერთად.
• პაციეტნებში, რომლებიც იღებდნენ ვაილოპინს, აღწერილი იყო სისხლში შაქრის და ცხიმის მაღალი დონე (ტრიგლიცერიდები და ქოლესტეროლი). ვაილოპინის გამოყენების დაწყებამდე და რეგულარულად, მკურნალობის პერიოდში, უნდა ჩატარდეს სისხლში შაქრის და ცხიმის დონის შესამოწმებელი ტესტები.
• აცნოეთ ექიმს თუ თქვენ ან ოჯახის რომელიმე წევრს ანამნეზში აღგენიშნებათ თრომბებთან დაკავშირებული დაავადება, რადგან ეს მედიკამენტები დაკავშირებულია თრომბების წარმოქმნასთან.

თუ აღგენიშნებათ რომელიმე შემდეგი დაავადება, რაც შეიძლება მალე მიმართეთ ექიმს:

• ინსულტი ან ,,მინი“ ინსულტი (ინსულტის დროებითი სიმპტომი)
• პარკინსონის დაავადება
• პროსტატის პრობლემები
• ნაწლავის ბლოკი (პარალიზური ილეუსი)
• ღვიძლის ან თირკმლის დაავადება
• სისხლის მხრივ დარღვევები
• დიაბეტი
• კრუნჩხვები
• თუ თქვენ იცით, რომ შეიძლება გქონდეთ მარილების დეფიციტი მწვავე დიარეის ან ღებინების (შეუძლოდ ყოფნა) ან დიურეზულების მიღების შედეგად (შარდმდენი  ტაბლეტები)

თუ გაქვთ დემენცია, თქვენ ან თქვენმა ნათესავმა/მომვლელმა უნდა უთხრათ ექიმს თუ აღგენიშნებოდათ ინსულტი ან “მინი” ინსულტი.

თუ ხართ 65 წელზე უფროსი ასაკის, რუტინული ზომების სახით, ექიმმა შეიძლება მოახდინოს სისხლის წნევის მონიტორინგი.

ბავშვები და მოზარდები

ვაილოპინი არ გამოიყენება 18 წლამდე ასაკის პაციენტებში.

სხვა მედიკამენტები და ვაილოპინი

ვაილოპინის გამოყენებისას სხვა მედიკამენტები მიიღეთ მხოლოდ ექიმის დანიშნულებით. ვაილოპინის გამოყენებისას სხვა მედიკამენტებთან ერთად, როგორიცაა ანტიდეპრესანტები ან შფოთვის მოსახსნელი წამლები (ტრანკვილიზატორები) ან საძილე საშუალებები, შეიძლება აღინიშნოს ძილიანობა.

აცნობეთ ექიმს თუ იღებთ, ღებულობდით ან აპირებთ სხვა პრეპარატების მიღებას.

კერძოდ, აცნობეთ ექიმს თუ იღებთ:

• პარკინსონის დაავადების სამკურნალო მედიკამენტებს
• კარბამაზეპინს (ანტიეპილეფსიური და განწყობის სტაბილიზატორი), ფლუვოქსამინს (ანტიდეპრესანტი) ან ციპროფლოქსაცინს (ანტიბიოტიკი) – შეიძლება აუცილებელი იყოს ვაილოპინის დოზის ცვლილება.

ვაილოპინი ალკოჰოლთან ერთად

არ დალიოთ არანაირი ალკოჰოლი ვაილოპინის მიღებისას, რადგან შეიძლება განვითარდეს ძილიანობა.

ორსულობა და ლაქტაცია

თუ ხართ ორსულად, კვებავთ ბაქვშვს ძუძუთი, ფიქრობთ რომ ხართ ორსულად, ან გეგმავთ ბავშვის გაჩენას, ამ მედიკამენტის მიღების დაწყებამდე მიმართეთ ექიმს. თქვენ არ უნდა მიიღოთ ეს მედიკამენტი ლაქტაციის პერიოდში, რადგანაც ვაილოპინის მცირე რაოდენობა აღწევს ლაქტატში.

ახალშობილ ბავშვებში, რომელთა დედებიც ორსულობის ბოლო ტრიმესტრში (ორსულობის ბოლო სამი თვე)  იყენებდნენ  ვაილოპინს, შეიძლება განვითარდეს შემდეგი სიმპტომები: კანკალი, კუნთების რიგიდობა,  ან/და  სისუსტე, ძილიანობა, აჟიტირება, სუნთქვის პრობლემები და საკვების მიღების გართულება. თუ თქვენ ბავშვს უვითარდება რომელიმე ეს სიმპტომი, გესაჭიროებათ ექიმის კონსულტაცია.

ავტომობილის მართვა და მექანიზმების გამოყენება

ვაილოპინის გამოყენებისას, არსებობს ძილიანობის რისკი. თუ ეს ხდება,  თავი შეიკავეთ ავტომობილის მართვისგან ან მექანიზმებთან და დანადგარებთან  მუშაობისგან. მიმართეთ ექიმს.

ვაილოპინი შეიცავს ლაქტოზას

თუ ექიმმა გითხრათ, რომ გაქვთ ზოგიერთი შაქრის აუტანლობა, ამ პროდუქტის გამოყენებამდე, მიმართეთ ექიმს.

ვაილოპინი  შეიცავს ლეციტინს (სოიო). არ მიიღოთ ეს მედიკამენტი თუ გაქვთ ალერგია მიწის თხილზე ან სოიოს მარცვალზე.

3. როგორ მიიღება ვაილოპინი

ეს მედიკამენტი ყოველთვის მიიღეთ ექიმის დანიშნულებით. ეჭვის შემთხვევაში მიმართეთ ექიმს ან ფარმაცევტს.

ექიმი გეტყვით ვაილოპინის რამდენი ტაბლეტი უნდა მიიღოთ და რამდენი ხანი უნდა გააგრძელოთ მისი გამოყენება. ვაილოპინის დღიური დოზაა 5-20 მგ.

მიმართეთ ექიმს თუ ვაილოპინის მიღების შეწყვეტის შემდეგ სიმპტომები გაანახლდება.

ვაილოპინის ტაბლეტები უნდა მიიღოთ დღეში ერთხელ, ექიმის დანიშნულების მიხედვით. ტაბლეტები მიიღეთ დღის ერთი და იგივე  დროს. საკვების მიღებას მნიშვნელობა არ აქვს. ვაილოპინის შემოგარსული ტაბლეტები განკუთვნილია პერორალური მიღებისთვის. ტაბლეტები უნდა გადაყლაპოთ მთლიანად, წყლის დაყოლებით.

თუ მიიღეთ საჭიროზე მეტი ვაილოპინი

პაციენტებში, რომლებმაც მიიღეს საჭიროზე მეტი ვაილოპინი, აღწერილია შემდეგი სიმპტომები: გულისცემის სიხშირის მომატება, მოუსვენრობა/აგრესიულობა, მეტყველების პრობლემები, უჩვეულო მოძრაობები (განსაკუთრებით სახის ან ენის), ცნობიერების დონის შემცირება. სხვა სიმპტომები შეიძლება იყოს: მწვავე კონფუზია, კრუნჩხვები (ეპილეფსია), კომა, ცხელების, სწრაფი სუნთქვის, ოფლიანობის, კუნთების დაჭიმულობის და მოთენთილობის ან ძიალიანობის კომბინაცია, სუნთქვის სიხშირის შენელება, ასპირაცია, სისხლის მაღალი ან დაბალი წნევა, გულისცემის ანომალური რითმი.

სასწრაფოდ მიმართეთ ექიმს ან საავადმყოფოს  თუ აღგენიშნებათ ზემოთ მოცემული სიმპტომები. აჩვენეთ ექიმს ტაბლეტების შეფუთვა.

თუ დაგავიწყდათ ვაილოპინის მიღება

მიიღეთ ტაბლეტები როგორც კი გაგახსენდებათ. გამოტოვებულის კომპენსაციისთვის არ მიიღოთ ორმაგი დოზა.

თუ წყვეტთ ვაილოპინის მიღებას

მდგომარეობის გაუმჯობესების შემთხვევაში არ შეწყვიტოთ ტაბლეტების მიღება. მნიშვნელოვანია ვაილოპინის მიღება იმდენი ხანი, რამდენიც დაგინიშნათ ექიმმა.

თუ უეცრად წყვეტთ ვაილოპინის მიღებას, შეიძლება განვითარდეს სიმპტომები, როგორიცაა ოფლიანობა, უძილობა, ტრემორი, შფოთვა, გულისრევა და ღებინება. ექიმმა შეიძლება მკურნალობის შეწყვეტამდე შემოგთავაზოთ დოზის თანდათან შემცირება.

პროდუქტის გამოყენების შესახებ დამატებითი კითხვების შემთხვევაში, მიმართეთ ექიმს ან ფარმაცევტს.

4. შესაძლო გვერდითი ეფექტები

როგორც ყველა მედიკამენტმა, ამ წამალმაც შეიძლება გამოიწვიოს გვერდითი ეფექტები, მაგრამ არა ყველაში.

მიმართეთ ექიმს დაუყოვნებლივ თუ გაგინვითარდათ:

• ანომალური მოძრაობა (ხშირი გვერდითი ეფექტი, რომელიც ვითარდება 10-დან არა უმეტეს 1 ადამიანში) ძირითადად სახის ან ენის;
• სისხლის თრომბები ვენებში (ნაკლებად ხშირი გვერდითი ეფექტი, რომელიც შეიძლება განვითარდეს 100-დან არა უმეტეს 1 ადამიანში), განსაკუთრებით ფეხებში (სიმპტომები მოიცავს ფეხების შეშუპებას, ტკივილს, სიწითლეს), რაც შეიძლება სისხლძარღვებით გადავიდეს ფილტვებში და გამოიწვიოს გულმკერდის ტკივილი და სუნთქვის გაძნელება. თუ თქვენ აღნიშნავთ ამ სიმპტომებიდან რომელიმეს, დაუყოვნებლივ მიმართეთ სამედიცინო დახმარებას; 
• ცხელების, სუნთქვის გახშირების, ოფლიანობის, კუნთების შებოჭილობის და მოთენთილობის ან ძილიანობის კომბინაცია  (ამ გვერდითი ეფექტის სიხშირის შეფასება შეუძლებელია არსებული მონაცემებით).

ძალიან ხშირი გვერდითი ეფექტები (შეიძლება განვითარდეს 10-დან 1-ზე მეტ ადამიანში) მოიცავს წონაში მატებას; ძილიანობას, სისხლში პროლაქტინის დონის მომატებას. მკუნრალობის ადრეულ სტადიებზე ზოგ პაციენტს შეიძლება აღენიშნებოდეს თავბრუსხვევა ან გულის წასვლა (გულისცემის დაბალი სიხშირით), განსაკუთრებით მწოლიარედან ვერტიკალურ მდგომარეობაში გადასვლისას. ეს ჩვეულებრივ თავისით გაივლის მაგრამ თუ ასე არ მოხდა მიმართეთ ექიმს.

ხშირი გვერდითი ეფექტები (შეიძლება განვითარდეს 10-დან არა უმეტეს 1 ადამიანში) მოიცავს სისხლის ზოგიერთი უჯრედის დონის ცვლილებას, მოცირკულირე ცხიმის ცვლილებას და მკურნალობის ადრეულ ეტაპზე ღვიძლის ენზიმების დროებით მომატებას; სისხლში და შარდში შაქრის დონის მომატებას; სისხლში შარდმჟავას და კრეატინფოსფოკინაზას დონის მომატებას; შიმშილის შეგრძნების გაძლიერებას; ძილიანობას, მოუსვენრობას, ტრემორს, უჩვეულო მოძრაობებს (დისკინეზია), ყაბზობას, პირის სიმშრალეს, გამონაყარს, ძალის დაქვეითებას, მომატებულ დაღლილობას, წყლის რეტენციას, რაც იწვევს ხელების, ტერფების ან კოჭების შეშუპებას; ცხელებას, სახსრების ტკივილს, სქესობრივ დისფუნქციას, როგორიცაა ლიბიდოს დაქვეითება მამაკაცებში და ქალებში ან ერექციული დისფუნქცია მამაკაცებში.

ნაკლებად ხშირი გვერდითი ეფექტები (შეიძლება განვითარდეს 100-დან არა უმეტეს 1 ადამიანში) მოიცავს ჰიპერმგრძნობელობას (პირის ღრუს და ყელის შეშუპებას, ქავილს, გამონაყარს), დიაბეტს ან დიაბეტის გაუარესებას რაც ხშირად დაკავშირებულია კეტოაციდოზთან (კეტონები სისხლში და შარდში) ან კომასთან; კრუნჩხვებს, რაც ჩვეულებრივ დაკავშრებულია ანამნეზში მათ არსებობასთან (ეპილეფსია); კუნთების შებოჭილობას ან სპაზმებს (თვალის მოძრაობის ჩათვლით); მოუსვენარი ფეხების სინდრომს; მეტყველების პრობლემებს, ენის დაბმა, გულისცემის დაბალ რითმს; სინათლისადმი მგრძნობელობას, ცხვირიდან სისხლდენას, მუცლის დაჭიმულობას; მეხსიერების დაქვეითებას ან დაკარგვას, შარდის შეუკავებლობას, შარდვის შეუძლებლობას, თმის ცვენას, მენსტრუალური პერიოდების არ არსებობას ან შემცირებას, სარძევე ჯირკვლის ცვლილებას მამაკაცებში და ქალებში, როგორიცაა რძის ანომალური პროდუქცია ან ანომალური ზრდა.

იშვიათი გვერდითი ეფექტები (შეიძლება განვითარდეს 1000-დან არა უმეტეს 1 ადამიანში) მოიცავს სხეულის ნორმალური ტემპერატურის დაქვეითებას, გულის ანომალურ რითმს, უეცარ აუხსნელ  სიკვდილს, პანკრეასის ანთებას, რაც იწვევს მუცლის მწვავე ტკივილს, ცხელებას და ავადობის შეგრძნებას; ღვიძლის დაავადებას, რაც გამოვლინდება კანის და სკლერების სიყვითლით; კუნთების დაავადებას, რაც გამოვლინდება მოულოდნელი ტკივილით, გახანგრძლივებულ და/ან მტკივნეულ ერექციას.

ძალიან იშვიათი გვერდითი ეფექტები მოიცავს სერიოზულ ალერგიულ რეაქციებს, როგორიც არის წამლისმიერი რეაქცია ეოზინოფილიით და სისტემური სიმპტომები (DRESS). DRESS თავდაპირველად ვლინდება გრიპის მსგავსი სიმპტომებით,  სახეზე გამონაყარით, შემდეგ კი ჭარბი გამონაყარით, მაღალი ტემპერატურით, ლიმფური კვანძების გადიდებით, სისხლის ტესტებში ღვიძლის ფერმენტების დონის მომატებით და სისხლის თეთრი უჯრედების რაოდენობის გაზრდით (ეოზინოფილია).

ოლანზაპინის გამოყენებისას დემენციის მქონე ხანდაზმულ პაციენტებში, შეიძლება განვითარდეს ინსულტი, პნევმონია, შარდის შეუკავებლობა, ვიზუალური ჰალუცინაციები, სხეულის ტემპერატურის მომატება, კანის სიწითლე და სიარულის გაძნელება. პაციენტების ამ განსაკუთრებულ ჯგუფში აღწერილია ფატალური შემთხვევებიც.

პარკინსონის დაავადების მქონე პაციენტებში ვაილოპინმა შეიძლება გააუარესოს სიმპტომები.

5. როგორ ინახება ვაილოპინი

ვაილოპინი ინახება ბავშვებისთვის უხილავ და მიუწვდომელ ადგილზე, შეფუთვაში.

ინახება ოთახის ტემპერატურაზე, არა უმეტეს 25°C

გამოიყენეთ ვარგისობის ვადის განმავლობაში.

არ გამოიყენოთ ვაილოპინი ვარგისობის ვადის ამოწურვის შემდეგ.

არ გადააგდოთ ვადაგასული ან ისეთი პრეპარატები, რომლებიც აღარ გამოიყენება! გადაეცით გარემოს და ურბანიზაციის სამინისტროს მიერ განსაზღვრულ შეგროვების სისტემას.

6. შეფუთვის შემადგენლობა და სხვა ინფორმაცია

რას შეიცავს ვაილოპინი 10 მგ აპკიანი გარსით დაფარული ტაბლეტები

• აქტიური ნივთიერება:

ყოველი ტაბლეტი შეიცავს 10 მგ ოლანზაპინს.

• შემავსებლები: მიკროკრისტალური ცელულოზა, ჰიდროქსიპროპილცელულოზა, ლაქტოზის მონოჰიდრატი (მიღებული ხარის რძისგან), კროსპოვიდონი, მაგნიუმის სტეარატი, ლეციტინი (სოიო), ტალკი, ტიტანის დიოქსიდი (E171), პოლივინილის სპირტი, პოლეითილენგლიკოლი, გასუფთავებული წყალი.

როგორ გამოიყურება ვაილოპინი 10 მგ აპკიანი გარსით დაფარული ტაბლეტები და შეფუთვის შემადგენლობა

გამოდის ბლისტერული სტრიპებით, 28 ტაბლეტი, აქვს 4 ბლისტერი, თითოეულში აპკიანი გარსით დაფარული 7 ტაბლეტი. ვაილოპინი აპკიანი გარსით დაფარული ტაბლეტები არის თეთრი და მრგვალი.

ვაილოპინი არის  ,,ORNADO MEDICINE’’ LLP (გაერთიანებული სამეფო) პროდუქტი და სავაჭრო ნიშანი.

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით.

სავაჭრო ლიცენზიის მფლობელი:         

Recordati İlaç San. ve Tic. A.Ş.

Ç.O.S.B. Karaağaç Mah. Atatürk Cad.

No:36 Kapaklı / TEKIRDAĞ, Turkey

ტელ: 0 282 999 16 00 

წარმოების ადგილი                                      

Recordati İlaç San. ve Tic. A.Ş.

Ç.O.S.B. Karaağaç Mah. Atatürk Cad.

No:36 Kapaklı / TEKIRDAĞ, Turkey

ქვეყანა: რუსეთი

მწარმოებელი: იაროსლავი ფ/ფ

გაცემის ფორმა: III ჯგუფი ურეცეპტო

ბიოსედატი

აუმჯობესებს ძილს და ავლენს სედატიურ მოქმედებას

შემადგენლობა:

პასიფლორას ექსტრაქტი  190 მგ
მაგნოლიის ექსტრაქტი 25 მგ
უნაბის ექსტრაქტი 100 მგ
ბარამბოს ექსტრაქტი 100 მგ
მელატონინი 5 მგ

ფარმაკოლოგიური მოქმედება:
მელატონინი – წარმოადგენს ეპიფიზის ჰორმონს, რომელიც აწესრიგებს ძილის ფაზებს, ხსნის უძილობას, აქვს სედატიური მოქმედება. მელატონინი ასევე ამაღლებს იმუნიტეტს. აქვს ნოოტროპული მოქმედება, აუმჯობესებს მეხსიერებას, კონცენტრაციის უნარს.
პასიფლორას  (Passiflora incarnata) – აქვს დამამშვიდებელი, მსუბუქი საძილე, ასევე შფოთვის საწინააღმდეგო მოქმედება. ხსნის შინაგანი ორგანოების ნეიროგენული წარმოშობის სპაზმს.
მაგნოლია (Magnolia officinalis) –  აფართოებს სისხლძარღვებს და ამცირებს არტერიულ წნევას. აქვს გლუვ მუსკულატურაზე სპაზმოლიზური მოქმედება.
ბარამბოს (Melissa officinalis)–  აქვს სპაზმოლიზური, ტკივილგამაყუჩებელი, სედატიური და ჰიპოტენზიური მოქმედება.
უნაბს (Zyzyphus) –  აქვს სუსტი შარდმდენი, ჰიპოტენზიური, სედატიური მოქმედება.

ჩვენება:
– ნევროზი, ნევრასთენია
– უძილობა
– ასთენონევროზული სინდრომი (ნერვული გადაძაბვა, გაღიზიანებადობა, ხელების ტრემორი)
– ქრონიკული სტრესი
– ჰიპერტონული ტიპის ვეგეტოსისხლძარღვოვანი დისტონია
– პრედმენსტრუალური, კლიმაქტერული სინდრომი
– გაღიზიანებული ნაწლავის სინდრომი
– ქავილით მიმდინარე დერმატოზები

გამოყენების წესი:
1-2 კაფსულა დღეში, დაძინებამდე 1 საათით ადრე.

წინააღმდეგჩვენება:
არტერიული ჰიპოტონია, ინდივიდუალური ჰიპერმგრძნობელობა პრეპარატის კომპონენტების მიმართ.

განსაკუთრებული მითითებები:
შეინახეთ მშრალ და ბავშვებისათვის ხელმიუწვდომელ ადგილზე!

გამოშვების ფორმა
20 კაფსულა

(DIFASS ს.ა. – იტალია)

ქვეყანა: უნგრეთი

მწარმოებელი: ეგისი

გაცემის ფორმა: II ჯგუფი რეცეპტული