54.80 ლარი
51.51 ლარი
ქვეყანა: საფრანგეთი
მწარმოებელი: ებოტი საფრანგეთი
გაცემის ფორმა: II ჯგუფი რეცეპტული
მიდოკალმი 50მგ #30ტ
საერთაშორისო დასახელება - tolperisone
ათქ.კლასიფიკაციის კოდი - M03BX04
კლინიკურ-ფარმაკოლოგიური ჯგუფი - მიორელაქსანტები; ცენტრალური მოქმედების მიორელაქსანტები
შემადგენლობა და გამოშვების ფორმა
შემოგარს. ტაბ. 50 მგ: 30 ც.
შემოგარს. ტაბ. 150 მგ: 30 ც.
თოთეული შემოგარსული ტაბლეტი შეიცავს ტოლპერიზონის ჰიდროქროლიდის 50 მგ ან 150 მგ.
დამხმარე ნივთიერებათა ნუსხა: იხ. კარი 6.1.
წამლის ფორმა:
შემოგარსული ტაბლეტი.
მიდოკალმი, შემოგარსული ტაბლტი, 50 მგ:
თეთრი ან თითქმის თეთრი, მრგვარი, ორმხრივ ამოზნექილი ტაბლეტი, დაფარული ოდნავ პრიალა აბსკის გარსით, ნიშანდებით “50” ცალ მხარეზე.
მიდოკალმი, შემოგარსული ტაბლტი, 150 მგ:
თეთრი ან თითქმის თეთრი, მრგვარი, ორმხრივ ამოზნექილი ტაბლეტი, პრიალა, შემოგარსული, დამახასიათებელი სუნით, ნიშანდებით 150 ცალ მხარეზე.
დამხმარე ნივთიერებები:
მიდოკალმი, აბსკის გარსით დაფარული ტაბლეტი, 50 მგ: ტაბლეტის ბირთვი: ლიმონმჟავას მონოჰიდრატი, კაჟბადის დიოქსიდი კოლოიდური, სტეარინმჟავა, ტალკი, მიკროკრისტალური ცელულოზა, სიმინდის სახამებელი, ლაქტოზის მონოჰიდრატი (48, 500 მგ).
გარსი: კაჟბადის დიოქსიდი კოლოიდური, ტიტანის დიოქსიდი (E 171), ლაქტოზის მონოჰიდრატი (0, 392 მგ), მაკროგოლ 6000, ჰიპრომელოზა.
მიდოკალმი, აბსკის გარსით დაფარული ტაბლეტი, 150 მგ:
ტაბლეტის ბირთვი: ლიმონმჟავას მონოჰიდრატი, კაჟბადის დიოქსიდი კოლოიდური, სტეარინმჟავა, ტალკი, მიკროკრისტალური ცელულოზა, სიმინდის სახამებელი, ლაქტოზის მონოჰიდრატი (145, 50 მგ).
გარსი: კაჟბადის დიოქსიდი კოლოიდური, ტიტანის დიოქსიდი (E 171), ლაქტოზის მონოჰიდრატი (0,785 მგ), მაკროგოლ 6000, ჰიპრომელოზა.
ფარმაკოლოგიური თვისებები
საერთაშორისო არაპატენტირებული დასახელება: ტოლპერიზონი პრეპარატი ცენტრალური მიორელაქსანტია. მოქმედების ზუსტი მებანიზმი ცნობილი არ არის. მემბრანამასტაბილიზებელი და ადგილობრივი ანესთეზიული მოქმედების შედეგად აბრკოლებს აგზნების გატარებას პირველად აფერენტულ ბოჭკოებში და ახდენს ზურგის ტვინის მონო- და პოლისინაფსური რეფლექსების ბლოკირებას. როგორც ჩანს, მოქმედების მეორადი მექანიზმი უკავშირდება სინაფსებში ტრანსმიტერის გამოთავისუფლების ბლოკირებას კალციუმის იონების მიწოდების ბლოკადის შედეგად.
ამცირებს ტვინის ღეროს რეტიკულარ-ზურგისებრი რეფლექსების მზაობას. მრავალრიცხოვან მოდელებში მცირდება მომატებული ტონუსი, რიგიდულობა, გამოწვეული ცხოველთა დეცერებრაციით.
აძლიერებს პერიფერიულ სისხლის მიმოქცევას. ეს ეფექტი პრეპარატის ცენტრალურ ნერვულ სისტემაზე ზემოქმედებას არ უკავშირდება. სავარაუდოდ, ის განპირობებულია ტოლპერიზონის სუსტი სპაზმოლიტიკური და ანტიადრენერგიული მოქმედებით.
ფარმაკოკინეტიკა
პერორალური მიღებისას პრეპარატი ადვილად იწოვება თხელ ნაწლავებში. მაქსიმალური კონცენტრაცია მიიღწევა 1,5-1 საათში. მნიშვნელოვანი პირველადი მეტაბოლიზმის შედეგად ბიომისაწვდომა დაახლოებით 20%-ს შეადგენს.
განიცდის ინტენსიურ მეთაბოლიზმს ღვიძლსა და თირკმელებში. თითქმის მთლიანად (99%-ზე მეტი) გამოიყოფა თირკმელების საშუალებით, მეტაბოლიტების სახით. ამ უკანასკნელთა ფარმაკოლოგიური აქტივობა ცნობილი არ არის.
ჩვენებები
ნერვული სისტემის ორგანულ დაავადებათა შემთხვევაში (პირამიდული გზების დაზიანება, მრავლობითი სკლეროზი, ცერებროვასკულარული ინსულტი, მიელოპათია, ენცეფალოპათია და სხვ.) წარმოქმნილი განივზოლიანი მუსკულატურის ჰიპერტონუსისა და სპასტიკურობის მკურნალობა.
კუნთური ჰიპერტონიისა და სპაზმის მკურნალობა საყრდენ-მამოძრავებელი აპარატის დაავადების (მაგალითად, სპონდილოზი, სპონდილოართროზი, კისრის სინდრომი, ლუბმალური სინდრომი, მსხვილი სახსრების ართროზი) შემთხვევაში.
რეაბილიტაცია ორთოპედიული და ტრავმატოლოგიური ოპერაციების შემდეგ. არტერიების ვაზოსპაზმით, სისხლძარღვების ინერვაციის დარღვევით (მაგალითად, აკროციანოზი, გადანაცვლებადი ანგიონევროტული დიზბაზია) მიმდინარე დაავადებათა მკურნალობა.
დისტონიით მიმდინარე ლიტლის დაავადება და ენცეფალოპათია ბავშვებთან.
გვერდითი მოვლენები
კუნთების სისუსტე, თავის ტკივილი, ჰიპოტენზია, გულისრევა, ღებინება; მუცლის არეში დისკომფორტის გრძნობა. დოზის შემცირებისას გვერდითი მოქმედება, ჩვეულებრივ, ქრება.
იწვიათად შესაძლებელია მომატებული მგრძნობელობის რეაქცია (კანის ქავილი, ერითემა, ჭინჭრის გამონაყარი, ანგიოდემა, ანაფილაქციური შოკი, დისპნოე).
უკუჩვენება
მომატებული მგრძნობელობა პრეპარატის რომელიმე კომპონენტის მიმართ; მძიმე მიასთენია; ლაქტაციის პერიოდი.
ორსულობა და ლაქტაცია
წინასწარმა კლინიკურმა კვლევებმა აჩვენა, რომ ტოლპერიზონს ტერატოგენული მოქმედება არ გააჩნია. კლინიკური კვლევის შედეგების არარსებობის გამო მიდოკალმის დანიშვნა ორსულობის პერიოდში, განსაკუთრებით პირველ ტრიმესტრი, შესაძლებელია მხოლოდ მაშინ, როცა მოსალოდნელი სარგებელი დედისათვის ცალსახად აღემატება ნაყოფისათვის ზიანის მიღენების რისკს.
ლაქტაციის პერიოდში გამოყენება რეკომენდებული არ არის, ვინაიდან ცნობილი არ არის, აღწევს თუ არა ტოლპერიზონი დედის რძეში.
განსაკუთრებული მითითებები
ბავშვისათვის მიზანშეწონილია 50 მილიგრამიანი ტაბლეტის გამოწერა, ვინაიდან ბავშვის რეკომენდებული დოზა დაბალია.
ჭარბი დოზირება
ჭარბი დოზის შესახებ მონაცემები მწირია. პრეპარატს გააჩნია ფართო თერაპიული ინდექსი. აღწერილია ბავშვების მიერ პრეპარატის 600 მგ მიღების შემთხვევა მძიმე ტოქსიკური სიმპტომების განვითარების გარეშე. ზოგჯერ ბავშვის მიერ პრეპარატის 300-600 მგ სადღეღამისო დოზის მიღებისას აღინიშნებოდა მომატებული გაღიზიანებულობა. ტოქსიკურობის წინასწარ კლინიკურ კვლევაში დიდი დოზის შემთხვევაში აღინიშნა ატაქსია, ტონ-კლონური კრუნჩხვა, დისპნოე და სუნთქვის შეჩერება.
სპეციფიკური ანტიდოტი არ არსებობს, ჭარბი დოზის მიღებისას რეკომენდებულია ზოგადი სიმპტომატური თერაპია.
სხვა წამლებთან ურთიერთქმედება
ტოლპერიზონის სხვა სამკურნალო პრეპარატებთან ურთიერქმედების შესახებ მონაცემები არ მოიპოვება. მოქმედების ცენტრალური მექანიზმის მიუხედავად, ტოლპერიზონი სედაციურ ეფექტს არ ახდენს, ამიტომ შეიძლება მისი დანიშვნა სედაციურ, ჰიპნოტიკურ საშუადებებთან, აგრეთვე ტრანკვილიზატორებთან ერთად.
შენახვის პირობები და ვადები
შეინახეთ ორიგინალური შეფუთვით, +15°C-დან 30°C-მდე ტემპერატურის პირობებში.
ვარგისიანობის ვადა: 3 წელი.
აფთიაქში გაცემის წესი
ექიმის რეცეპტით.
მწარმოებელი ფირმა, ქვეყანა:
გედეონ რიხტერი
უნგრეთი
ალზეპილი 5მგ #28ტ
საერთაშორისო დასახელება - donepezil
კლინიკურ-ფარმაკოლოგიური ჯგუფი - ალცჰაიმერის დაავადების დროს გამოსაყენებელი საშუალებები
შემადგენლობა და გამოშვების ფორმა
5 მგ ტაბლეტები #28
10 მგ ტაბლეტები #28
- თითოეული შემოგარსული ტაბლეტი შეიცავს პრეპარატის აქტიურ ნივთიერებას - 5 ან 10 მგ დონეპეზილის ჰიდროქლორიდს.
- დამხმარე ნივთიერებები: ბირთვი: მიკროკრისტალური ცელულოზა, ჰიდროქსიპროპილცელულოზა, მაგნიუმის სტეარატი. გარსი: Opadry Y-1-7000 თეთრი: ჰიპრომელოზა, ტიტანის დიოქსიდი (E 171), მაკროგოლი 400.
შეფუთვის ფორმა
5 მგ ტაბლეტები: თეთრი ან თითქმის თეთრი, მრგვალი, ორივე მხრიდან ამობურცული, უსუნო ან თითქმის უსუნო შემოგარსული ტაბლეტები, ერთ მხარეზე სტილიზებული წარწერით ,,E 381’’.
10 მგ ტაბლეტები: თეთრი ან თითქმის თეთრი, მრგვალი, ორივე მხრიდან ამობურცული, უსუნო ან თითქმის უსუნო შემოგარსული ტაბლეტები, ერთ მხარეზე სტილიზებული წარწერით ,,E 382’’.
ჩვენებები
პრეპარატი ალზეპილის აქტიური კომპონენტი დონეზეპილის ჰიდროქლორიდი მიეკუთვნება ნივთიერებათა ჯგუფს, ე.წ. აცეტილქოლინესტერაზის ინჰიბიტორებს. იგი გამოიყენება დემენციის სიმპტომების სამკურნალოდ პირებში, რომელთაც დასმული აქვთ ალცჰეიმერის დაავადების მსუბუქი ან საშუალო სიმძიმის დიაგნოზი. ამ პრეპარატმა შეიძლება გააუმჯობესოს მეხსიერება და აზროვნება.
გამოიყენება მხოლოდ მოზრდილ პაციენტებში.
მიღების წესები და დოზები
ყოველთვის გამოიყენეთ ალზეპილი ექიმის მიერ დანიშნული მითითებების შესაბამისად. თუ თქვენ არ ხართ რამეში დარწმუნებული, აუცილებლად მიმართეთ რჩევისათვის ექიმს ან ფარმაცევტს.
შეატყობინეთ ექიმს ან ფარმაცევტს თქვენი მომვლელი პირის სრული სახელი და გვარი. მომვლელი პირი დაგეხმარებათ მიიღოთ პრეპარატი დანიშნულების მიხედვით.
ალზეპილის მიღება ხდება შიგნით, საღამოს, დაძინებამდე, წყლის დაყოლებით. დასაშვებია ალზეპილის გამოყენება საკვებისაგან დამოუკიდებლად, ვინაიდან საკვები არ მოქმედებს მის ეფექტურობაზე.
ჩვეულებრივ, საწყისი დოზა შეადგენს: დღეში ერთხელ 5 მგ. ერთი თვის შემდეგ, ექიმმა შეიძლება დაგინიშნოთ პრეპარატის 10 მგ ყოველ საღამოს. მაქსიმალური რეკომენდებული სადღეღამისო დოზა არის 10 მგ.
პრეპარატის გამოყენების წესისა და დროის თაობაზე ყოველთვის დაიცავით ექიმის დანიშნულება. არ შეცვალოთ დოზა დამოუკიდებლად ექიმის დანიშნულების გარეშე და არ შეწყვიტოთ ტაბლეტების გამოყენება ექიმის რჩევის გარეშე.
ტაბლეტების გამოყენების ხანგრძლივობის თაობაზე გადაწყვეტილებას მიიღებს ექიმი. ის შეგატყობინებთ, თუ როდის შეწყვიტავთ ტაბლეტების გამოყენებას. დაავადების სიმპტომების შეფასებისა და მკურნალობის მიმდინარეობის კონტროლის მიზნით, პერიოდულად უნდა მიმართოთ ექიმს.
პრეპარატის გამოყენება არ არის რეკომენდებული ბავშვებში და 18 წლამდე ასაკის მოზარდებში.
გვერდითი მოვლენები
ისევე როგორც სხვა სამკურნალო პრეპარატმა, ალზეპილმა შეიძლება გამოიწვიოს გვერდითი ეფექტები, თუმცა ისინი არ ვითარდებიან ყველა პაციენტში.
ქვემოთ ჩამოთვლილი ნებისმიერი ეფექტის განვითარების შემთხვევაში მიმართეთ ექიმს.
ძალიან ხშირი (10-დან 1-10 პაციენტში):
დიარეა, გულისრევა, თავის ტკივილი.
ხშირი (100-დან 1-10პაციენტში):
გაციება, ანორექსია (მადის დაკარგვა), ჰალუცინაციები, აგზნებადობა, აგრესიული ქცევა (ჰალუცინაციები, აგზნებადობა და აგრესიული ქცევა ქრება დოზის შემცირების ან დონეპეზილის გამოყენების შეწყვეტის შემდეგ), გულისწასვლა, თავბრუსხვევა, უძილობა (გართულებული დაძინება), გულისრევა, აშლილობები კუჭის მხრიდან, გამონაყარი კანზე, ქავილი, კუნთების სპაზმი, შარდის შეუკავებლობა, გადაღლა, ტკივილი, უბედური შემთხვევა.
არახშირი (100-დან 1-ზე ნაკლებ პაციენტში):
კრუნჩხვითი გულყრა, ბრადიკარდია (გულის რითმის შენელება), სისხლდენა კუჭ-ნაწლავის ტრაქტიდან, თორმეტგოჯა ნაწლავის ან კუჭის წყლული, ლაბორატორიული პარამეტრების ცვლილება (სისხლის პლაზმაში კუნთოვანი კრეატინკინაზის მცირე მომატება).
იშვიათი (1000-დან 1-ზე ნაკლებ პაციენტში):
ექსტრაპირამიდული სიმპტომები (კანკალი, სახის, ენის ან კიდურების უნებლიე მოძრაობა ან შებოჭვა), სინო-ატრიული ბლოკადა, გულის არითმია (გულის ბლოკადა), ღვიძლის ფუნქციის დარღვევა, მათ შორის ჰეპატიტი (ღვიძლის ინფექციური დაზიანება).
მძიმე გვერდითი ეფექტების ან ისეთი ეფექტების განვითარების შემთხვევაში, რომლებიც არ არის აღწერილი მოცემულ ინსტრუქციაში, გთხოვთ, მიმართოთ ექიმს.
უკუჩვენება
თუ თქვენ გაქვთ ჰიპერმგრძნობელობა დონეპეზილის ჰიდროქლორიდის, პიპერიდინის წარმოებულების სახელით ცნობილი ანალოგიური საშუალებების, ან პრეპარატი ალზეპილის შემოგარსული ტაბლეტების ნებისმიერი სხვა კომპონენტის მიმართ.
პრეპარატი ალზეპილის გამოყენება მოითხოვს განსაკუთრებულ სიფრთხილეს
პრეპარატის გამოყენებამდე, ნებისმიერი ქვემოთ ჩამოთვლილი მდგომარეობის არსებობის შემთხვევაში, შეატყობინეთ ამის შესახებ ექიმს:
- თუ თქვენ გაწუხებთ გულის მუშაობის დარღვევები (არითმია ან ბლოკადა) (დონეპეზილმა შეიძლება გამოიწვიოს გულის შეკუმშვის რიტმის შენელება);
-თუ თქვენ წარსულში გაწუხებდათ კუჭისა და თორმეტგოჯა ნაწლავის წყლულოვანი დაავადებები, ან თქვენ იყენებთ თანმხლებ ანთების საწინააღმდეგო საშუალებებს;
-თუ თქვენ გაწუხებთ გართულებული შარდის გამოყოფა;
-თუ როდესმე გქონიათ კრუნჩხვითი გულყრის (დონეპეზილმა შეიძლება გამოიწვიოს კრუნჩხვების გამეორება) ან გულისწასვლის შემთხვევები;
-თუ თქვენ დაავადებული ხართ ასთმით ან ფილტვების სხვა ხანგრძლივად მიმდინარე დაავადებით;
-თუ თქვენ გაწუხებთ ღვიძლის ფუნქციის მძიმე დარღვევები;
-თუ თქვენ როდესმე გაწუხებდათ ექსტრაპირამიდული სიმპტომების არსებობა (სხეულის ან სახის უნებლიე მოძრაობა).
თუ თქვენ დაგეგმილი გაქვთ ქირურგიული ოპერაცია, რომელიც თხოულობს ზოგადი ანესთეზიის ჩატარებას, თქვენ უნდა შეატყობინოთ ექიმს და ანესთეზიოლოგს, რომ იყენებთ ალზეპილს.
ორსულობა და ლაქტაცია
ნებისმიერი სამკურნალო საშუალების გამოყენებამდე მიიღეთ ექიმის ან ფარმაცევტის რჩევა.
თუ არ არის ალზეპილის გამოყენების საჭიროება (ექიმის დანიშნულება), პრეპარატი არ გამოიყენება ორსულობის დროს, ვინაიდან პაციენტების ამ ჯგუფში არ არის მოწოდებული საკმარისი მონაცემი.
დონეპეზილი არ გამოიყენება ლაქტაციის პერიოდში.
განსაკუთრებული მითითებები
პრეპარატი ალზეპილის გამოყენება საკვებთან და ალკოჰოლურ სასმელებთან ერთად
ტაბლეტების მიღება ხდება საღამოს, დაძინებამდე, წყლის დაყოლებით. დასაშვებია ალზეპილის გამოყენება საკვებისაგან დამოუკიდებლად, ვინაიდან საკვები არ მოქმედებს მის ეფექტურობაზე.
დონეპეზილით მკურნალობის კურსის დროს არ გამოიყენოთ ალკოჰოლური სასმელები, ვინაიდან ალკოჰოლმა შეიძლება შეამციროს მისი ეფექტურობა.
სატრანსპორტო საშუალებების და მექანიზმების მართვა
დაავადებამ შეიძლება დაარღვიოს სატრანსპორტო საშუალებებისა და მექანიზმების მართვის უნარი. მკურნალობის კურსის დასაწყისში ან დოზის მომატებისას, პრეპარატმა შეიძლება გამოიწვიოს გადაღლა, თავბრუსხვევა და კუნთების სპაზმი. შესაბამისად, მკურნალმა ექიმმა მუდმივად უნდა შეაფასოს თქვენს მიერ სატრანსპორტო საშუალებებისა და რთული მექანიზმების მართვის უნარი.
ექიმი მიიღებს გადაწყვეტილებას ყოველ ცალკეულ შემთხვევაში, პრეპარატი ალზეპილის რომელი დოზის გამოყენებისას შეძლებთ სატრანსპორტო საშუალებებისა და მექანიზმების მართვას.
ჭარბი დოზირება
არ მიიღოთ დღეში ერთ ტაბლეტზე მეტი. ჭარბი დოზის მიღების შემთხვევაში დაუყოვნებლივ მიმართეთ ექიმს. თუ ექიმთან დაკავშირება შეუძლებელია, დაუყოვნებლივ მიმართეთ უახლოეს გადაუდებელ სასწრაფო დახმარების განყოფილებას.
საავადმყოფოში იქონიეთ ტაბლეტები ან კოლოფი, რათა ექიმმა შეიტყოს, რა მიიღეთ.
თუ თქვენ დაგავიწყდათ ალზეპილის მიღება გამოტოვებული დოზის კომპენსაციის მიზნით არ მიიღოთ ორმაგი დოზა. გააგრძელეთ პრეპარატის გამოყენება ექიმის დანიშნულების მიხედვით.
თუ თქვენ დაგავიწყდათ პრეპარატის გამოყენება ერთი კვირის ან მეტი პერიოდის განმავლობაში, პრეპარატის გამოყენების განახლების მიზნით, დაუკავშირდით ექიმს.
თუ თქვენ შეწყვიტეთ ალზეპილის გამოყენება
მკურნალობის კურსის შეწყვეტის შემდეგ აღინიშნება პრეპარატი ალზეპილის ეფექტის თანდათანობითი შესუსტება. პრეპარატის მიღების მკვეთრი შეწყვეტის შემდეგ უკუგების ეფექტი არ აღინიშნება. არ შეწყვიტოთ პრეპარატის გამოყენება ექიმის რჩევის გარეშე, თუნდაც უკეთ იგრძნოთ თავი.
თუ პრეპარატის გამოყენებასთან დაკავშირებით თქვენ წარმოგეშვათ დამატებითი კითხვები, მიმართეთ ექიმს.
სხვა წამლებთან ურთიერთქმედება
შეატყობინეთ ექიმს ნებისმიერი სამკურნალო საშუალების შესახებ, რომელსაც იყენებთ ან იყენებდით ახლო წარსულში, მათ შორის იმ პრეპარატების შესახებ, რომლებიც გაიცემიან ურეცეპტოდ.
შეატყობინეთ ექიმს, თუ თქვენ იყენებთ სხვა სამკურნალო საშუალებებს, განსაკუთრებით კი:
-ტკივილისა და ანთების საწინააღმდეგო საშუალებები;
-ართრიტის სამკურნალო საშუალებები;
-ანტიბიოტიკები, მაგალითად, ერითრომიცინი ან რიმფაპიცინი;
-სოკოსსაწინააღმდეგო პრეპარატები (საშუალებები, რომლებიც ანადგურებენ სოკოს ან თრგუნავენ მათ ზრდას), მაგალითად, კეტოკონაზოლი ან იტრაკონაზოლი;
-კუნთების მოსადუნებელი საშუალებები;
-ანტიდეპრესანტები, მაგალითად, ფლუოქსეტინი;
-კრუნჩხვის საწინააღმდეგო პრეპარატები, მაგალითად, ფენიტოინი ან კარბამაზეპინი;
-გულის დაავადებების სამკურნალო პრეპარატები;
-სისხლის წნევის დასაწევი ზოგიერთი პრეპარატი (ბეტა-ბლოკატორები);
-დონეპეზილის მოქმედების მსგავსი მექანიზმის მქონე სხვა პრეპარატები (მაგალითად, გალანტამინი ან რივასტიგმინი), ასევე დიარეის, პარკინსონის ან ასთმის დაავადების საწინააღმდეგო ზოგიერთი საშუალება.
შენახვის პირობები და ვადები
პრეპარატი ინახება ბავშვებისათვის მიუწვდომელ ადგილას. 8-15ºC
ვარგისიანობის ვადა 3 წელი. ალზეპილი არ გამოიყენება შეფუთვაზე მითითებული ვარგისიანობის ვადის გასვლის შემდეგ. ვარგისიანობის ვადის დასრულების თარიღი არის მითითებული თვის ბოლო დღე.
აფთიაქში გაცემის წესი
რეცეპტით
არ გადაყაროთ სამკურნალო საშუალება საყოფაცხოვრებო ნარჩენებში ან გამდინარე წყალში. თუ საჭიროა პრეპარატის, რომელიც აღარ არის საჭირო, ნარჩენებში მოთავსება, მიიღეთ ფარმაცევტის რჩევა. ასეთი სახის ზომები ხელს შეუშლიან გარემოს დაბინძურებას.
მწარმოებელი ფირმა, ქვეყანა
სს ფარმაცევტული საწარმო ეგისი
უნგრეთი
ბაუმე – BAUME – БАУМЕ
ფორმა, შეფუთვა: ყურის წვეთები - საწვეთურიან ფლაკონში 5 მლ.
შემადგენლობა - 1 მლ შეიცავს 50 მგ ფლორამფენიკოლს, 0.25 მგ ბეკლომეთაზონის დიპროპიონატს, 10 მგ კლოტრიმაზოლს, 20 მგ ლიდოკაინის ჰიდროქლორიდს.
დამხმარე ნივთიერებები: პროპილენგლიკოლი, გლიცერინი.
მწარმოებელი: საქართველო - ავერსი-რაციონალი
კლინიკო-ფარმაკოლოგიური ჯგუფი: კორტიკოსტეროიდები მიკრობების საწინააღმდეგო პრეპარატებთან კომბინაციაში.
ფარმაკოლოგიური მოქმედება: ადგილობრივი მოქმედების კომბინირებული პრეპარატი ტკივილგამაყუჩებელი, ანტიბაქტერიული, ანთების და სოკოს საწინააღმდეგო თვისებებით.
ქლორამფენიკოლი - ფართო სპექტრის ანტიბიოტიკი, რომელიც ხასიათდება ბაქტერიოსტატული ეფექტით. მისი მოქმედების მექანიზმი განპირობებულია მიკროორგანიზმის უჯრედში ცილის სინთეზის ინჰიბირებით. ქლორამფენიკოლი ეფექტურია როგორც გრამდადებითი, ასევე გრამუარყოფითი ბაქტერიების მიმართ. მიკროორგანიზმების მდგრადობა ქლორამფენიკოლის მიმართ შედარებით ნელა ვითარდება.
ბეკლომეთაზონის დიპროპიონატი - გლუკოკორტიკოსტეროიდი, ეფექტურად ხსნის ანთებით პროცესს.
კლოტრიმაზოლი - ფართო სპექტრის მქონე გარეგანი გამოყენების სოკოს საწინააღმდეგო საშუალება. კლოტრიმაზოლის მოქმედების ეფექტი განპირობებულია სოკოს უჯრედული მემბრანის შემადგენლობის დარღვევით, განვლადობის შეცვლით და უჯრედის შემდგომი ლიზისით.
ლიდოკაინის ჰიდროქლორიდი - ადგილობრივი მოქმედების ტკივილგამაყუჩებელი საშუალება. იგი აფერხებს ნატრიუმის იონების შეღწევას ნერვული უჯრედების მემბრანაში, რის შედეგადაც ნერვულ ბოჭკოებში შექცევადად ფერხდება იმპულსის გატარება, რაც უზრუნველყოფს ადგილობრივ ანესთეზიას. ლიზოკაინის ჰიდროქლორიდი ხსნის ტკივილსა და ქავილს, რომელიც ხშირად თან ახლავს ყურის დაავადებებს.
ფარმაკოკინეტიკა - არ არსებობს მონაცემები ბაუმეს ფარმაკოკინეტიკის შესახებ.
ჩვენება:
- ყურის ინფექციურ-ანთებითი დაავადებები;
- ყურზე ქირურგიული ჩარევის შემდგომი მდგომარეობა.
დოზირებისა და მიღების რეჟიმი ინიშნება 4-5 წვეთი 3-4-ჯერ დღეში ან ექიმის დანიშნულების მიხედვით. მკურნალობის კურსი შეადგენს 7-10 დღეს.
პრეპარატის ჩაწვეთებამდე დაზიანებული ყურის გარეთა სასმენი მილი უნდა იქნას ბამბით გაწმენდილი და გამშრალებული, აგრეთვე რეკომენდებულია ყურის წვეთების შეთბობა სხეულის ტემპერატურამდე. ბაუმეს ჩაწვეთების შემდეგ რამოდენიმე წთ-ის განმავლობაში თავი უნდა იყოს მოხრილი საწინააღმდეგო მხარეს (დაზიანებული ყურით ზევით), რომ არ მოხდეს პრეპარატის გამოჟონვა ყურიდან.
გვერდითი მოვლენები: ბაუმე, როგორც წესი, კარგად გადაიტანება. იშვიათად შესაძლებელია აღინიშნოს ალერგიული რეაქციები (ადგილობრივად - წვა, ქავილი).
უკუჩვენება: მომატებული მგრძნობელობა პრეპარატის რომელიმე კომპონენტის მიმართ, დაფის აპკის მთლიანობის დარღვევა.
ორსულობა და ლაქტაცია
ბაუმეს გამოყენების უსაფრთხოება ორსულებში და ძუძუთი კვების პერიოდში დადგენილი არ არის.
განსაკუთრებული მითითებები: პრეპარატი განკუთვნილია გარეგანი გამოყენებისათვის.
გვერდითი მოვლენების განვითარებისას შესაძლოა, საჭირო გახდეს მკურნალობის შეწყვეტა; 4 წლამდე ასაკის ბავშვებისათვის პრეპარატის გამოყენება არ არის რეკომენდებული.
ბაუმეს გამოყენება შესაძლებელია ფლაკონის გახსნიდან 1 თვის განმავლობაში.
ზედოზირება: არ არსებობს მონაცემები ბაუმეს დოზის გადაჭარბების შესახებ.
სხვა წამლებთან ურთიერთქმედება: მონაცემები ბაუმეს ურთიერთქმედების შესახებ სხვა სამკურნალო საშუალებებთან არ არსებობს.
შენახვის პირობები და ვარგისიანობის ვადა: პრეპარატი ინახება არა უმეტეს 25oC ტემპერატურაზე, სინათლისა და ბავშვებისაგან დაცულ ადგილას. ვარგისიანობის ვადა - 2 წელი.
კლონაზეპამი 2მგ #24ტ (არპიმ)
კლონაზეპამი
Clonazepam
პრეპარატის სავაჭრო დასახელება – კლონაზეპამი
პრეპარატის საერთაშორისო (დაუპატენტებელი) დასახელება – კლონაზეპამი (Clonazepam)
სამკურნალო ფორმა: ტაბლეტები შინაგანი გამოყენებისთვის.
ზოგადი დახასიათება
ძირითადი ფიზიკო-ქიმიური თვისებები
თეთრი ფერის მრგვალი ბრტყელი ტაბლეტები ღარით ცალ ზედაპირზე.
შემადგენლობა:
ერთი ტაბლეტი შეიცავს: აქტიური ნივთიერება – კლონაზეპამი 2 მგ;
დამხმარე ნივთიერებები: მიკროკრისტალური ცელულოზა, მონოჰიდრატული ლაქტოზა, სიმინდის სახამებელი, პოვიდონი, ნატრიუმის სახამებლის გლიკოლატი, მაგნიუმის სტეარატი, გაწმენდილი ტალკი.
ქიმიური დასახელება და CAS ნომერი
5-(2-ქლორფენილ)-7-ნიტრო-2, 3-დიჰიდრო-1 H-1,4- ბენზოდიაზეპინე-2-ონ; 1622-61-3.
ფარმაკოლოგიური ჯგუფი და ათქ (ანატომო-თერაპიულ-ქიმიური) კოდი
კრუნჩხვის საწინააღმდეგო საშუალება; ათქ კოდი – N03AE01.
ფარმაკოლოგიური მოქმედება
კლონაზეპამს გააჩნია ბენზოდიაზეპინებისთვის დამახასიათებელი საერთო თვისებები, რომლებიც გამოიხატება კრუნჩხვის საწინააღმდეგო, სედატიურ, მიომარელაქსირებელ და ანქსიოლიზურ მოქმედებაში. სხვა ბენზოდიაზეპინების მსგავსად, კლონაზეპამი ახდენს ბენზოდიაზეპინური რეცეპტორების სტიმულირებას, ზრდის მედიატორისადმი ГАМК-რეცეპტორების მგრძნობელობას, აძლიერებს ГАМК-ის შემაკავებალ გავლენას ცნს-ზე. აქვეითებს თავის თვინის ქერქქვეშა სტრუქტურების აგზნებადობას. აკავებს ზურგის ტვინის პოლისინაფსურ რეფლექსებს. პრესინაფსური შეკავების გაძლიერების გზით ასუსტებს ქერქის, თალამუსის და ლიმბური სისტემის ეპილეფტოგენურ კერებში აღმოცენებული აგზნების გავრცელებას (კერის გაზრდილი აქტივობა არ განიცდის კლებას).
ფარმაკოკინეტიკა:
შეწოვა: პერორალურად მიღების შემდეგ კლონაზეპამი სწრაფად და სრულად შეიწოვება. პლაზმაში მაქსიმალურ კონცენტრაციას აღწევს, უმეტეს შემთხვევაში, პერორალური მიღებიდან 1-4 საათში. ბიომისაწვდომობა პერორალური მიღებისას 90% -იანია.
განაწილება: კლონაზეპამის 86% უკავშირდება პლაზმის ცილებს. კლონაზეპამი გადის პლაცენტარულ ბარიერს და გამოიყოფა დედის რძეში.
მეტაბოლიზმი: კლონაზეპამის ბიოტრანსფორმაცია ორგანიზმში ხდება ჟანგვითი ჰიდროქსილირების და 7-ნიტროჯგუფის აღდგენის გზით 7-ამინო-7-ჰიდროქსი- , და 7-აცეტილამინო ნაერთების წარმოქმნით, რომლებმაც შემდგომში შეიძლება განიცადონ კონიუგაცია. ძირითადი მეტაბოლიტია 7-ამინოკლონაზეპამი, რომელმაც მხოლოდ უმნიშვნელო კრუნჩხვის საწინააღმდეგო მოქმედება გამოავლინა. პერორალური მიღების შემდეგ დოზის 50-70% გამოიყოფა შარდთან ერთად, ხოლო 10 - 30% - განავალთან ერთად, თითქმის მხოლოდ თავისუფალი ან კონიუგირებული მეტაბოლიტების სახით. უცვლელი სახით შარდთან ერთად გამოიყოფა დოზის 0.5% -ზე ნაკლები.
გამოყოფა: ნახევარგამოყოფის პერიოდი ტერმინალურ ფაზაში 20-60 საათს (საშუალოდ 30 სთ) შეადგენს.
ჩვენებები:
- სხვა და სხვა ეტიოლოგიის კრუნჩხვითი შეტევები, მიოკლონური ეპილეფსია.
- პანიკური აშლილობა.
გამოყენების წესი და დოზები:
კლონაზეპამის მიღება ხდება შინაგანად. ტაბლეტი იყლაპება მთლიანად, დაუღეჭავად, სითხის საკმაო რაოდენობის მიყოლებით.
კლონაზეპამის დოზები უნდა შეირჩეს ინდივიდუალურად, ავადმყოფის კლინიკური რეაქციის მიხედვით, პრეპარატისადმი მგრძნობელობაზე და ასაკზე დამოკიდებულებით. გვერდითი მოქმედების თავიდან ასაცილებლად კლონაზეპამით მკურნალობა უნდა დავიწყოთ მცირე დოზებით და თანდათან ვზარდოთ დღე-ღამური დოზა მანამ, სანამ არ იქნება ნაპოვნი შემანარჩუნებელი დოზა, რომელიც პასუხობს ავადმყოფის მოთხოვნილებებს. დოზის შერჩევაზე, ჩვეულებრივ, 2 - 4 კვირა იხარჯება. ამის შემდეგ დღე-ღემური დოზის მიღება უნდა ხდებოდეს ერთჯერედად, საღამოს. პრეპარატის მოხსნის შემთხვევაში უნდა მოხდეს დოზის თანდათანობითი შემცირება.
კრუნჩხვითი შეტევებისა და მიოკლონური ეპილეფსიის მკურნალობა
დოზები მოზრდილებისათვის
საწყისი დოზა შეადგენს 1 მგ ძილის წინ (ხანდაზმულთათვის) 4 ღამის განმავლობაში. დოზის გაზრდა დასაშვებია 4 დღეში ერთხელ, ან შეტევების შეწყვეტამდე, ან არასასურველი მოვლენების წარმოშობამდე, რომლებიც ხელს უშლიან დოზის შემდგომ ზრდას. შემანარჩუნებელი დოზა შეირჩევა ინდივიდუალურად, ეფექტის და მიხედვით; ჩვეულებრივ საკმარისია 4-8 მგ; აუცილებლობის შემთხვევაში დოზა შეიზლება გაიყოს დღეში 3-4 მიღებაზე. უმაღლესი თერაპიული დოზა მოზრდილებისთვის – 20 მგ/დღე-ღამეში; ამ დოზას არ უნდა გადავაჭარბოთ!
დოზები ბავშვებისთვის
5 წლის ასაკს ზევით ბავშვებისთვის საწყისი დოზაა 1 მგ ღამით. დოზას ზრდიან 2-4 კვირის განმავლობაში შემანარჩუნებელ დოზამდე – 3-6 მგ/დღე-ღამეში 3-4 მიღებაზე განაწილებით. შემანარჩუნებელი დოზა შეიძლება მიიღებოდეს ძილის წინ 2-3 კვირის მანძილზე.
უმაღლესი თერაპიული დოზა – 20 მგ/დღე-ღამეში; ამ დოზას არ უნდა გადავაჭარბოთ!
პანიკური აშლილობის მკურნალობა
შემანარჩუნებელი დოზა შეადგენს 1 მგ/დღე-ღამეში (ზოგიერთი ავადმყოფისთვის – 4 მგ-მდე დღე-ღამეში).
უკუჩვენებები:
- მიასთენია.
- დახურულკუთხოვანი გლაუკომა.
- მძიმე ქრონიკული სუნთქვის უკმარისობა.
- ღვიძლის ფუნქციის გამოკვეთილი დარღვევები.
- ორსულობა და ლაქტაცია (მკერდით კვება).
- მომატებული მგრძნობელობა პრეპარატისა და ბენზოდიაზეპინებისადმი.
ორსულობა და მკერდით კვება:
ორსულობის შემთხვევაში ინიშნება დედისათვის მოსალოდნელი სამკურნალო ეფექტის და ნაყოფზე შესაძლო უარყოფითი ზეგავლენის თანაფარდობის მკაცრი შეფასების საფუძველზე. კლონაზეპამის მოხსნა ორსულობამდე ან ორსულობის დროს დასაშვებია მხოლოდ მაშინ, თუ პრეპარატის მიღების გარეშე ეპილეფსიური შეტევები სუსტი და იშვიათია, ამასთანავე მცირეა ალბათობა ეპილეფსიის და მოხსნის სინდრომის განვითარებისა. პირველ ტრიმესტრში დანიშვნისას იმატებს განვითარების თანდაყოლილი ანომალიების რისკი. მაღალი დოზების დანიშვნამ ორსულობის მესამე ტრიმესტრში ან მშობიარობის დროს შეიძლება გამოიწვიოს ნაყოფის არარითმული გულისცემა, აგრათვე ჰიპოთერმია, არტერიული ჰიპოტონია, სუნთქვის მსუბუქი დათრგუნვა და წოვის რეფლექსის გაუარესება ახალშობილში. უნდა გვახსოვდეს, რომ როგორც თვით ორსულობამ, ასევე პრეპარატის უეცარმა მოხსნამ შეიძლება გამოიწვიოს ეპილეფსიის მიმდინარეობის გამწვავება. ორსულობის დროს მუდმივმა გამოყენებამ შეიძლება გამოიწვიოს ფიზიკური დამოკიდებულება და “მოხსნის” სინდრომის განივითარება ახალშობილში. უშუალოდ მშობიარობის წინ, და მშობიარობის დროს გამოყენებამ შეიძლება გამოიწვიოს კუნთების სისუსტე ახალშობილში. მკურნალობისას სიფრთხილე უნდა გამოვიჩინოთ ავტოტრანსპორტის მართვის და სხვა პოტენციურად საშიში საქმიანობის მიმართ, რომლებიც მოითხოვენ ყურადღების განსაკუთრებულ კონცენტრაციას და ფსიქომოტორული რეაქციების სისწრაფეს.
გვერდითი მოქმედება:
ცნს-ის მხრივ: იშვიათად, განსაკუთრებით მკურნალობის დასაწყისში, ან რეკომენდირებული დოზების გადაჭარბებისას – ძილიანობა (ავადმყოფების 50% -ში), ატაქსია, მომატებული დაღლადობა, კუნთების სისუსტე (ეს მოვლენები, ჩვეულებრივ, ქრება დოზის შემცირების ან თერაპიის გაგრძელების პროცესში); ძალიან იშვიათად – თავბრუს ხვევა, თავის ტკივილი, დეპრესია, ცალკეულ შემთხვევებში – ამნეზიის ეპიზოდები. შესაძლებელია პარადოქსული რეაქციების განივითარება (აგზნება, შფოთვის და შიშის განცდა, ჰალუცინაციები, უძილობა, კუნთოვანი ტონუსის გაძლიერება). ასეთ შემთხვევაში პრეპარატის გამოყენება უნდა შეწყდეს.
მომნელებელი სისტემის მხრივ: ძალზე იშვიათად – სიმშრალე პირის ღრუში ან ჰიპერსალივაცია, დისფაგია, გულის რევა, დიარეა, გაუვალობა, მადის დარღვევა; ცალკეულ შემთხვევებში – ღვიძლის ტრანსამინაზების აქტივობის მომატება, სიყვითლე.
სუნთქვის სისტემის მხრივ: იშვიათ შემთხვევებში მაღალი დოზების გამოყენებისას აღინიშნებოდა სუნთქვის დათრგუნვა.
გულსისხლძარღვთა სისტემის მხრივ: არტერიული ჰიპოტენზია, ბრადიკარდია.
სხვა: ძალზე იშვიათად – კანის რეაქციები, მხედველობის დარღვევა, შარდის შეუკავებლობა, ლიბიდოს ცვლილებები, ციებ-ცხელება; ცალკეულ შემთხვევებში – ცვლილებები პერიფერიული სისხლის სურათში.
განსაკუთრებული მითითებები:
კრუნჩხვის საწინააღმდეგო თერაპიის უკვე არსებულ სქემაში კლონაზეპამის ჩართვისას აუცილებელია გავითვალისწინოთ, რომ რამოდენიმე კრუნჩხვის საწინააღმდეგო პრეპარატის ერთდროულმა გამოყენებამ შეიძლება გაზარდოს გვერდითი მოქმედებების სიხშირე.
არ არის რეკომენდირებული კლონაზეპამის დანიშვნა დეპრესიული ნევროზების, სხვადასხვა ეტიოლოგიის დეპრესიების, ფსიქოზების დროს.
კლონაზეპამის დანიშვნა სუნთქვის უკმარისობის შემთხვევაში, ღამის აპნოეს სინდრომის, კომატოზური მდგომარეობის დროს მოითხოვს ჩვენებების მკაცრ ანალიზს სუნთქვის დათრგუნვის შესაძლებლობის გამო.
სიფრთხილეა საჭირო ორგანული ცერებრალური უკმარისობის შემთხვევაში გამოყენებისას.
კლონაზეპამი უნდა მოიხსნას პარადოქსული რეაქციების განივითარების (მწვავე აგზნება, შფოთვა, ძილის დარღვევა და ჰალუცინაციები) შემთხვევაში. კლონაზეპამის ხანგრძლივი გამოყენებისას საჭიროა პერიფერიული სისხლის სურათის პერიოდული კონტროლი; ღვიძლისა და თირკმლების დაავადების შემთხვევაში საჭიროა მათი ფუნქციის მკაცრი კონტროლი.
კლონაზეპამით მკურნალობის დაწყება რეკომენდირებულია სამუშაო კვირის ბოლოს.
დასაშვებია კლონაზეპამის გამოყენება ღიაკუთხოვანი გლაუკომის დროს, თუ პაციენტი გადის დაავადების შესატყვის მკურნალობას.
ხანდაზმულ პაციენტებში შესაძლებელია პრეპარატისადმი მომატებული მგრძნობელობა მისი მოქმედების გაძლიერების შედეგად.
კლონაზეპამის ხანგრძლივი გამოყენებისას შეიძლება განვითარდეს მიჩვევა და წამალზე დამოკიდებულება. აბსტინენტური სინდრომი შეიძლება გამოიხატებოდეს ტრემორის, მოუსვენრობის, ძილის დარღვევის, შფოთვის, თავის ტკივილის, ყურადღების დაქვეითების სახით. შესაძლებელია გაძლიერებული ოფლიანობა, კუნთების კრუნჩხვა, სპასტიური ხასიათის ტკივილი მუცლის არეში, მგრძნობელობის დარღვევები, იშვიათად – ბოდვა და ცენტრალური წარმოშობის კრუნჩხვები. დამოკიდებულების წარმოშობის რისკის შესამცირებლად პრეპარატი უნდა გამოვიყენოთ შეძლებისდაგვარად მოკლე ხნით.
კლონაზეპამის გამოყენების პერიოდში თავი უნდა შევიკავოთ ალკოჰოლის მიღებისგან (ცნს-ზე დამთრგუნველი ზემოქმედების ურთიერთგაძლიერების და პათოლოგიური სიმთვრალის სინდრომის აღმოცენების შესაძლებლობის გამო).
პრეპარატის მოხსნისას უნდა მოხდეს დოზის თანდათანობითი შემცირება. პრეპარატის უეცარი მოხსნის შემთხვევაში შესაძლებელია სხვადასხვა სიძლიერის აბსტინენციის სიმპტომების წარმოშობა დოზაზე და გამოყენების ხანგრძლივობაზე დამოკიდებულებით.
პრეპარატი შეიცავს 38.8 მგ მონოჰიდრატულ ლაქტოზას, რაც გასათვალისწინებელია ნახშირწყლების შეწოვის თანდაყოლილი დარღვევის მქონე პაციენტებთან.
გავლენა ავტოტრანსპორტისა და მექანიზმების მართვის უნარზე:
პაციენტები, რომლებიც ღებულობენ კლონაზეპამს უნდა მოერიდონ პოტენციურად სახიფათო საქმიანობას, რომელიც მოითხოვს ყურადღების კონცენტრაციის მაღალ დონეს და ფსიქომოტორული რეაქციების სისწრაფეს.
ჭარბი დოზა:
სიმპტომები: ცნობიერების, გულის და სუნთქვის მოქმედების გამოკვეთილი დათრგუნვა.
მკურნალობა: უნდა გვახსოვდეს, რომ პაციენტს შესაძლოა მიღებული ჰქონდეს რამდენიმე სამკურნალო პრეპარატი. გარდა სუნთქვის, გულის შეკუმშვათა სიხშირის და არტერიული წნევის კონტროლისა, ნაჩვენებია კუჭის გამორეცხვა, სითხეების შეყვანა ვენაში, ზოგადი შემანარჩუნებელი ღონისძიებები; ამასთანავე მზადყოფნაში უნდა იყოს გადაუდებელი დახმარების საშუალებები სასუნთქი გზების შესაძლო ობსტრუქციის შემთხვევისათვის. ჰიპოტონია შეიძლება ავიცილოთ თავიდან სიმპატომიმეტიკების საშუალებით.
გაფრთხილება: ბენზოდიაზეპინების ანტაგონისტი ფლუმაზენილი არ არის ნაჩვენები ეპილეფსიით დაავადებულთათვის, რომლებიც ბენზოდიაზეპინებით გადიოდნენ მკურნალობას. ასეთ ავადმყოფებში ბენზოდიაზეპინების ანტაგონისტურ მოქმედებას კრუნჩხვითი შეტევების პროვოცირება შეუძლია.
სამკურნალო საშუალებებთან ურთიერთქმედება:
ღვიძლის ფერმენტების ინდუქციის გამომწვევ პრეპარატებს, მათ შორის ეპილეფსიის საწინააღმდეგო საშუალებებს (კარბამაზეპინი, ფენობარბიტალი, ფენიტოინი) კლონაზეპამის გამოყოფის დაჩქარება შეუძლიათ.
კლონაზეპამთან ერთდროულად ცნს-ის დამთრგუნავი პრეპარატების (მათ შორის ეთანოლის და ეთანოლშემცველი პრეპარატების, МАО-ს ინჰიბიტორების და სხვა ანტიდეპრესანტების, ნეიროლეპტიკების, ანტიჰისტამინური პრეპარატების, ოპიატური ანალგეტიკების, სანარკოზო საშუალებების, ბარბიტურატების) გამოყენებისას ძლიერდება მათი შემაკავებელი მოქმედება ცნს-ზე. ციზაპრიდთან ერთდროული გამოყენებისას ასევე შეიძლება ადგილი ჰქონდეს კლონაზეპამის სედატიური მოქმედების გაძლიერებას.
შენახვის პირობები:
პრეპარატი ინახება ბავშვებისთვის მიუწვდომელ, მშრალ, სინათლისგან დაცულ ადგილას 250ჩ -ზე დაბალ ტემპერატურაზე.
შენახვის ვადა:
შენახვის ვადა – 3 წელი. არ გამოიყენოთ ვადაგასული პრეპარატი.
გაცემის პირობები:
ფარმაცევტული პროდუქტის ჯგუფი I, გაიცემა ფორმა N2 რეცეპტით
გამოშვების ფორმა და შეფუთვა:
მუყაოს შეფუთვა, შეიცავს 24 ტაბლეტს (1 ბლისტერი 24 ტაბლეტით).
მწარმოებელი;
შპს “არპიმედი“
სომხეთის რესპუბლიკა, კოტაიკი მარზ, ქ. ამოვიანი, 2-ე მკრ, 19
ტელ.: 374(222) 21703, 21740
ფაქსი: 374(222) 21924
ტრიტიკო 150მგ #20ტ
საერთაშორისო დასახელება (აქტიური ნივთიერება) - trazodone hydrochloride
ათქ.კლასიფიკაციის კოდი - N06AX05
კლინიკურ-ფარმაკოლოგიური ჯგუფი
ანტიდეპრესანტები
შემადგენლობა და გამოშვების ფორმა
150მგ ტაბლეტი №20
წამლის ფორმა:
ტაბლეტები კონტროლირებადი გამოთავისუფლებით
შემადგენლობა
ერთი ტაბლეტი კონტროლირებადი გამოთავისუფლებით შეიცავს:
აქტიური ინგრედიენტი: ტრაზოდონის ჰიდროქლორიდის 150 მგ.
არააქტიური ინგრედიენტები: საქაროზა, კარნაუბის სანთელი, პოვიდონი (პოლივინილპიროლიდონი), მაგნიუმის სტეარატი.
აღწერა:
ოვალური ფორმის ტაბლეტები ორი პარალელური ჭრილით ორივე მხარეზე, თეთრი ან მოყვითალო ფერის.
ფარმაკოლოგიური თვისებები
ტრაზოდონს, წარმოადგენს რა ტრიაზოლოპირიდინისგან წარმოებულს, გააჩნია მკვეთრი ანტიდეპრესიული მოქმედება გარკვეული სედატიური და ანქსიოლიტიკური ეფექტით. ტრაზადონი არ ახდენს ზეგავლენას მონოამინოოქსიდაზაზე (მაო), რაც გამოარჩევს მას მაო-ინჰიბიტორებისგან, ტრიციკლური ანტიდეპრესანტებისგან.
სწრაფად მოქმედებს ფსიქიკურ (აფექტიური დაძაბულობა, გაღიზიანებულობა, შიში, უძილობა) და სომატურ სიმპტომებზე (გულისცემა, თავის ტკივილი, კუნთების ტკივილი, გახშირებული შარდვა, ოფლიანობა, ჰიპერვენტილაცია).
ტრაზოდონი ეფექტურია ძილის დარღვევისას პაციენტებში რომელთაც აწუხებთ დეპრესია.იგი აძლიერებს ძილის სიღრმეს და ხანგრძლივობას, აღადგენს მის ფიზიოლოგიურ სტრუქტურასა და ხარისხს.
ტრიტიკო ახდენს ემოციური მდგომარეობის სტაბილიზაციას, აუმჯობესებს განწყობას, ამცირებს პათოლოგიურ ლტოლვას ალკოჰოლისკენ პაციენტებში რომელთაც აწუხებთ ქრონიკული ალკოჰოლიზმი, ალკოჰოლური აბსტინენტური სინდრომის პერიოდში, ასევე რემისიისას. აბსტინენტური სინდრომისას პაციენტებში რომელთაც აწუხებთ დამოკიდებულება ბენზოდიაზეპინის წარმოებულებზე, ტრაზოდონი ეფექტურია დეპრესიული მდგომარეობების და ძილის მოშლილობის მკურნალობისას. რემისიის პერიოდში ბენზოდიაზეპინები შეიძლება იყოს შეცვლილი ტრაზოდონით.
პრეპარატი არ იწვევს მიჩვევას.
ხელს უწყობს ლიბიდოსა და პოტენციის აღდგენას როგორც დეპრესიით დაავადებულ პირებში, ასევე იმ პირებს, რომელთაც არ აღენიშნებათ დეპრესია.
ტრაზოდონის მოქმედების მექანიზმი დაკავშირებულია პრეპარატის მაღალ მგრძნობელობასთან ზოგიერთი სეროტონინული რეცეპტორების ქვეტიპების მიმართ, რომელთანაც ტრაზოდონი შედის ანტაგონისტურ ან აგონისტურ ურთიერთმოქმედებაში ქვეტიპის სახეობიდან გამომდინარე და ასევე სპეციფიური უნარით გამოიწვიოს სეროტონინის უკუშებოჭვის ინჰიბირება.
ნორადრენალინისა და დოფამინის ნეიტრალურ შებოჭვაზე ნაკლებად მოქმედებს.
პრეპარატი არ მოქმედებს სხეულის მასაზე.
ფარმაკოკინეტიკა
პრეპარატის მიღების შემდეგ მისი აბსორბცია კუჭ-ნაწლავის ტრაქტიდან მაღალია. ტრაზოდონის მიღება ჭამის დროს ან მაშინვე ჭამის შემდეგ ანელებს აბსორბციას, აქვეითებს პრეპარატის მაქსიმალურ კონცენტრაციას სისხლის პლაზმაში და ზრდის მაქსიმალური კონცენტრაციის მიღწევის დროს (შემდეგ Tcmax). პრეპარატის TCmax მიიღწევა მიღებიდან 1/2-2 საათის შემდეგ.
პრეპარატი აღწევს ჰისტომატურ ბარიერებში და ასევე ქსოვილებსა და სითხეებში (ნაღველი, ნერწყვი, რძე).
პლაზმის ცილებთან კავშირი – 89-95%.
ტრაზოდონი მეტაბოლიზდება ღვიძლში, აქტიური მეტაბოლიტი – 1-მ-ქლოროფენილპიპერაზინი. ნახევრადგამოყოფის პერიოდია 3-6 საათი, მეორე ფაზისას – 5-9 საათი. მეტაბოლიზირებული პრეპარატის ძირითადი ნაწილის გამოყოფა ხორციელდება თირკმელების გავლით შარდთან ერთად – 75%-მდე, და საბოლოოდ სრულდება მიღებიდან 98 საათის შემდეგ.
ჩვენებები
• ენდოგენური ბუნების აღგზნებულ-დეპრესიული მდგომარეობა (მათ შორის ინვოლუციური დეპრესიები);
• ფსიქოგენური დეპრესიები (მათ შორის, რეაქტიული და ნევროზული დეპრესიები);
• აღგზნებულ-დეპრესიული მდგომარეობა ცენტრალური ნერვული სისტემის ორგანული დაავადებების ფონზე (დემენცია, ალცჰაიმერის დაავადება, ტვინის სისხლძარღვების ათეროსკლეროზი);
• დეპრესიული მოდგომარეობა ხანგრძლივი ტკივილის სინდრომის დროს;
• ალკოჰოლური დეპრესიები;
• დამოკიდებულება ბენზოდიაზეპინის მიმართ;
• ლიბიდოსა და პოტენციის დარღვევა.
მიღების წესები და დოზები
ტაბლეტები ინიშნება ჭამამდე 30 წუთით ადრე ან ჭამიდან 2-4 საათის შემდეგ. ტაბლეტები უნდა იქნას მთლიანად მიღებული, დაღეჭვის გარეშე წყლის საკმარისი რაოდენობის დაყოლებით.
პრეპარატის საწყისი დოზა შეადგენს- 100მგ-ს, მიიღება ერთხელ ძილის წინ, ჭამის შემდეგ. მეოთხე დღეს დოზა შეიძლება გაზარდოთ 150 მგ-მდე. დოზის შემდგომი ზრდა ოპტიმალური თერაპიული ეფექტის მიღწევის მიზნით უნდა ხდებოდეს 50მგ/დღეში ყოველი 3-4 დღის განმავლობაში, სანამ არ იქნება მიღწეული ოპტიმალური დოზა. 150 მგ-ზე მეტი სადღეღამისო დოზა უნდა განაწილდეს 2 მიღებაზე, ამასთან უფრო მცირე დოზის მიღება უნდა მოხდეს სადილის შემდეგ, ხოლო ძირითადის – ძილის წინ.
მაქსიმალური სადღეღამისო დოზა ამბულატორული ავადმყოფებისათვის შეადგენს 450 მგ-ს.
მაქსიმალური სადღეღამისო დოზა სტაციონარული ავადმყოფებისათვის შეადგენს 600 მგ-ს.
მოხუცებულთათვის და დასუსტებულთათვის საწყისი დოზა შეადგენს 100მგ/დღეში ნაწილ-ნაწილ მიღებით ან ერთჯერადი მიღებით ძილის წინ. იგი შეიძლება გაიზარდოს ექიმის მეთვალყურეობის ქვეშ პრეპარატის ეფექტურობისა და ათვისების გათვალისწინებით. როგორც წესი დოზა არ აღემატება 300მგ/დღეღამეში.
ლიბიდოს დარღვევის მკურნალობისას რეკომენდირებულია დღიური დოზა 50 მგ-ს ოდენობით.
იმპოტენციის მკურნალობისას, პრეპარატით მონოთერაპიის შემთხვევაში, რეკომენდირებულია 200 მგ-ზე დიდი სადღეღამისო დოზა, კომბინირებული თერაპიისას – 50 მგ.
ბენზოდიაზეპინზე დამოკიდებულების რეკომენდირებული მკურნალობის სქემა ეფუძნება ბენზოდიაზეპინის დოზის ეტაპობრივ, ზოგჯერ რამდენიმე თვეზე განაწილებულ რედუქციას. ყოველთვის, როდესაც ხდება ბენზოდიაზეპინის დოზის შემცირება ¼ ან ½ ტაბლეტით, ხდება 50 მგ ტრაზოდონის ერთდროული დამატება. ზემოთ დასახელებული თანაფარდობა უცვლელი რჩება 3 კვირის განმავლობაში, შემდეგ ხდება ბენზოდიაზეპინების დოზის მომდევნო შემცირება მათ სრულ უარყოფამდე. ამის შემდეგ, ხდება ტრაზოდონის დღიური დოზის შემცირება 50 მგ-ით ყოველ 3 კვირაში.
გვერდითი მოვლენები
ნერვული სისტემისა და ფსიქიკის თვალსაზრისით: გაძლიერებული მოთენთილობა, ძილიანობა, აღგზნებულობა, თავის ტკივილი, თავბრუსხვევა, სისუსტე, მიალგია, დისკოორდინაცია, პარესთეზია, დეზორიენტაცია, ტრემორი. გულის სისხლძარღვებისა და სისხლმბადი სისტემის თვალსაზრისით: არტერიული წნევის დაქვეითება, ორთოსტატიური ჰიპოტენზია (განსაკუთრებით პაციენტებში, რომელთაც აწუხებთ ვაზომოტორული ლაბიალურობა) განპირობებულია პრეპარატის ადრენოლიზური მოქმედებით, არითმია, გამტარობის დარღვევა, ბრადიკარდია, ლეიკოპენია და ნეიტროპენია (როგორც წესი უმნიშვნელო).
კუჭ-ნაწლავის ტრაქტის მხრივ: პირში სიმწარისა და სიმშრალის შეგრძნება, გულისრევა, პირღებინება, დიარეა, მადის დაქვეითება.
სხვა: ალერგიული რეაქციები, თვალების გაღიზიანება, პრიაპიზმი (პაციენტებმა რომელთა შემთხვევაში გამოვლინდება დასახელებული გვერდითი ეფექტი დაუყოვნებლივ უნდა შეწყვიტონ პრეპარატის მიღება და მიმართონ ექიმს).
უკუჩვენება
• პრეპარატის მიმართ ჰიპერმგრძნობელობა;
• ორსულობის პერიოდი;
• ლაქტაციის პერიოდი
სიფრთხილე გვმართებს
პრეპარატი სიფრთხილით უნდა დაენიშნოთ პაციენტებს, რომელთაც აწუხებთ AV ბლოკადა, მიოკარდის ინფარქტი (ადრეული რეაბილიტაციური პერიოდი), არტერიული ჰიპერტენზია (შეიძლება საჭირო გახდეს ჰიპოტენზიური პრეპარატების დოზების კორექცია), პარკუჭოვანი არითმია, პრიაპიზმი ანამნეზში, თირკმელებისა და/ან ღვიძლის უკმარისობა, 18 წლამდე ასაკის პაციენტებს.
ორსულობა და ლაქტაცია
პრეპარატის გამოყენება ორსულობის პერიოდში არ არის რეკომენდირებული. არ არის რეკომენდირებული პრეპარატის გამოყენება ჩვილთა ძუძუთი კვების დროს.
განსაკუთრებული მითითებები
რადგანაც პრეპარატი გამოირჩევა გარკვეული ადრენოლიზური აქტიურობით, შესაძლებელია ბრადიკარდიის განვითარება და ართერიული წნევის შემცირება. ამიტომ პრეპარატი სიფრთხილით უნდა დაენიშნოს ავადმყოფებს რომელთაც აწუხებთ გულის გამტარობის დარღვევა, ატრიო-ვენტრიკულარული ბლოკადა, ავადმყოფებს რომლებმაც ცოტა ხნის წინ გადაიტანეს მიოკარდის ინფარქტი. ტრაზოდონის გამოყენებისას შესაძლებელია ლეიკოციტების რაოდენობის გარკვეული შემცირება, რომელიც არ საჭიროებს სპეციფიურ მკურნალობას, გამოხატული ლეიკოპენიის შემთხვევების გამოკლებით. ამიტომ რეკომენდირებულია პერიფერიული სისხლის გამოკვლევის ჩატარება, განსაკუთრებით ყლაპვისას ყელის ტკივილისა და ციებ-ცხელების შემთხვევებში. პრეპარატს არ გააჩნია ანტიქოლინერგული მოქმედება, ამიტომ იგი შეიძლება დაენიშნოს ასაკოვან პაციენტებს, რომელთაც აწუხებთ წინამდებარე ჯირკვლის ჰიპერტროფია, დახურულკუთხოვანი გლაუკომა, კოგნიტური ფუნქციების დარღვევა.
ხანგრძლივი და არაადეკვატური ერექციის არსებობისას უნდა მიმართოთ ექიმს. მკურნალობის პროცესში თავი უნდა შეიკავოთ ალკოჰოლის მიღებისგან და პოტენციურად საშიში მოღვაწეობისგან, რომელიც მოითხოვს ყურადღების კონცენტრაციას და სწრაფ ფსიქომოტორულ რეაქციებს.
ზეგავლენა ავტომობილის მართვის ან სხვა მექანიზმების გამოყენების უნარზე:
რადგანაც პრეპარატი ხასიათდება ანქსიოლიზური და სედატიური აქტივობით, შესაძლებელია ყურადღებისა და რეაქციის სისწრაფის დაქვეითება.
ჭარბი დოზირება
სიმპტომები: გულისრევა, ძილიანობა, არტერიული ჰიპოტენზია, გვერდითი ეფექტების გახშირება და დამძიმება.
მკურნალობა: სპეციფიური ანტიდოტი არ არსებობს. დოზის გადაჭარბების შემთხვევაში ტარდება სიმპტომატური მკურნალობა (კუჭის ამორეცხვა, ფორსირებული დიურეზი და ა.შ.)
სხვა წამლებთან ურთიერთქმედება
ტრაზოდონმა შეიძლება გააძლიეროს ზოგიერთი ჰიპოტენზიური პრეპარატის მოქმედება და როგორც წესი საჭიროებს დოზირების შემცირებას.
ერთდროული დანიშვნა პრეპარატებთან რომლებიც თრგუნავენ ცენტრულ ნერვულ სისტემას (მათ შორის კლონიდინი, მეთილდოპა), აძლიერებს მათ მოქმედებას.
ანტიჰისტამინური პრეპარატები და სამკურნალო საშუალებები, რომლებიც გამოირჩევა ქოლინიტიკური აქტივობით, აძლიერებენ ტრაზოდონის ანტიქოლინერგულ ეფექტს.
ტრაზოდონი აძლიერებს და ახანგრძლივებს ტრიციკლური ანტიდეპრესანტების, გალოპერიდოლის, ლოქსაპინის, მაპროტილინის, ფენოთიაზინის და თიოქსანტინების სედატურ და ანტიქოლინერგულ ეფექტს. მონოამინოოქსიდაზის (მაო) ინჰიბიტორები ზრდიან გვერდითი ეფექტების განვითარების რისკს.
ერთდროული გამოყენებისას ზრდის დიგოქსინისა და ფენიტოინის კონცენტრაციას სისხლის პლაზმაში.
შენახვის პირობები და ვადები
სია “ბ”
ინახება ოთახის ტემპერატურაზე (არა უმეტეს 25ºC).
შეინახეთ ბავშვებისთვის მიუწვდომელ ადგილზე!
ვარგისიანობის ვადა: 3 წელი. არ უნდა გამოვიყენოთ შეფუთვაზე მითითებული ვადის ამოწურვის შემთხვევაში.
აფთიაქში გაცემის წესი
ექიმის რეცეპტით
მწარმოებელი ფირმა, ქვეყანა
ანჟელინი ფრანჩესკო
იტალია
მიდოკალმი 10% 1მლ #5ა
მიდოკალმი 100მგ/1მლ
(MYDOCALM)
გამოშვების ფორმა: საინექციო ხსნარი
შემადგენლობა:
1მლ ამპულა შეიცავს:
ტოლპერიზონის ჰიდროქლორიდი 100მგ;
ლიდოკაინის ჰიდროქლორიდი 2,5მგ.
ფარმაკოთერაპიული ჯგუფი:
ცენტრალური მოქმედების მიორელაქსანტი
ფარმაკოლოგიური თვისებები:
მიდოკალმი წარმოადგენს პრეპარატს, რომელიც მოქმედებს ცენტრალურ ნერვულ სისტემაზე. იგი ამცირებს ექსპერიმენტულად გაძლიერებულ კუნთოვან ტონუსს და დეცერებრაციულ რიგიდობას. პრეპარატი თრგუნავს რეტიკულოსპინალურ რეფლექსურ აგზნებადობას. იგი არ მოქმედებს თავის ტვინის ქერქის ფუნქციაზე, აძლიერებს პერიფერიულ სისხლმიმოქცევას. პრეპარატის მოქმედება სისხლმიმოქცევაზე არ არის დამოკიდებული თავის ტვინის ვაზომოტორული ცენტრების რეგულაციაზე, რაც მიუთითებს პრეპარატის მოქმედების პერიფერიული მექანიზმზე.
ჩვენება:
განივზოლიანი კუნთების მომატებული ტონუსის დასაქვეითებლად, რომელიც გამოწვეულია ორგანული ნევროლოგიური დაავადებებით (პირამიდული გზების დაზიანება, მრავლობითი სკლეროზი, მიელოპათია, ენცეფალომიელიტი), მაგალითად, კუნთების ჰიპერტონია, კუნთების სპაზმი, კუნთების კონტრაქტურა, რიგიდულობა, სპინალური ავტომატიზმი.
სისხლძარღვთა მაობლიტირებელი დაავადებები (არტერიების მაობლიტირებელი ათეროსკლეროზი, დიაბეტური ანგიოპათია, მაობლიტირებელი თრომბანგიტი, რეინოს დაავადება, დიფუზური სკლეროდერმა). ამის გარდა, პათოლოგია, გამოწვეული სისხლძარღვოვანი ინერვაციის დარღვევით (აკროციანოზი, ხანგამოშვებითი ანგიონევროზული დისბაზია). პოსტთრომბული ვენური და ლიმფის მიმოქცევის მხრივ დარღვევები, წვივის წყლული.
წინააღმდეგჩვენება:
მძიმე მიასთენია;
ორსულობა და ლაქტაციის პერიოდი; ასევე უკუნაჩვენებია ბავშვებისათვის.
დოზირება და მიღების წესი:
მიდოკალმი ინიშნება დოზით 200მგ დღეში (1 ამპულა 2 ჯერ) კუნთებში, ან ყოველდღიურად 100მგ (1ამპულა) ინტრავენურად, ნელა.
გვერდითი მოვლენები
კუნთების სისუსტე, ძილიანობა.
იშვიათად აღინიშნება ჰიპერმგრძნობელობის რეაქცია (ანაფილაქსიური შოკი, დისპნოე); კანის რეაქციები: ქავილი, ერითემა, მაკულოპაპულოზური გამონაყარი), ამის გარდა, ჰიპოტენზია, გულისრევა, ღებინება, დისკომფორტის შეგრძნება მუცელში.
გვერდითი მოვლენები გაივლის დოზის შემცირების შემთხვევაში.
შენახვის ვადა: 3 წელი
შენახვის პირობები: სინათლისაგან დაცულ ადგილას, 8-150C ტემპერატურაზე.
შეფუთვა
1მლ 5 ამპულა
გაცემის წესი – ექიმის რეცეპტით.
მწარმოებელი და მისი მისამართი:
ს.ს. “გედეონ რიხტერი”, უნგრეთი
ბაუზოლი – BAUZOLE (RABEPRAZOLE) – БАУЗОЛ
ფორმა, შეფუთვა: ნაწლავში ხსნადი შემოგარსული ტაბლეტები: ბლისტერზე 10 ტაბ., შეფუთვაში 1 ბლისტერი.
შემადგენლობა - 1 ტაბლეტი შეიცავს 20 მგ ნატრიუმის რაბეპრაზოლს;
დამხმარე ნივთიერებები: სიმინდის სახამებელი, კოლოიდური სილიციუმის დიოქსიდი, ნატრიუმის კროსკარმელოზა, მაგნიუმის სტეარატი, ლაქტოზა, პოვიდონი, შემომგარსველი ნივთიერებების ნარევი - Tabcoat TC YL – 315 (ET)
მწარმოებელი - ავერსი-რაციონალი, საქართველო
კლინიკო-ფარმაკოლოგიური ჯგუფი: წყლულის საწინააღმდეგო და გასტროეზოფაგური რეფლუქსის სამკურნალო საშუალება.
ფარმაკოლოგიური მოქმედება: ბაუზოლი წარმოადგენს კუჭისა და 12-გოჯა ნაწლავის წყლულის საწინააღმდეგო პრეპარატს. პროტონულიტუმბოს (H+- K+ატფ-აზა) ინჰიბირების გზით პრეპარატი თრგუნავს მარილმჟავას სინთეზის საბოლოო სტადიას. აღნიშნული ეფექტი დოზადამოკიდებულ ხასიათს ატარებს და იწვევს მარილმჟავას როგორც ბაზალური, ასევე სტიმულირებული სეკრეციის დათრგუნვას
წარმოადგენს რა სუსტ ფუძეს, რაბეპრაზოლი ნებისმიერი დოზით სწრაფად აბსორბირდება და კონცენტრირდება პარიეტული უჯრედების მჟავე გარემოში.
20 მგ რაბეპრაზოლის პერორალურად მიღების შემდეგ ანტისეკრეტორული მოქმედება მიიღწევა 1 სთ-ის განმავლობაში და მაქსიმუმს აღწევს 2-4 სთ-ში. მარილმჟავას ბაზალური და საკვებით სტიმულირებული სეკრეციის დათრგუნვა პირველი დოზის მიღებიდან 23 სთ-ის შემდეგ შეადგენს 62 და 82%-ს შესაბამისად, ხოლო ამ მოქმედების ხანგრძლივობა კი - 48 სთ-ს. რაბეპრაზოლის მაინჰიბირებელი ეფექტი რამდენადმე ძლიერდება მისი ყოველდღიური მიღებისას, ხოლო მკურნალობის დაწყებიდან 3 დღეში ხდება სეკრეციის სტაბილური ინჰიბირება. სეკრეტორული აქტივობა აღდგება რაბეპრაზოლის მიღების შეწყვეტიდან 2-3 დღის შემდეგ.
In vitro ცდებმა აჩვენა, რომ რაბეპრაზოლი ბაქტერიოციდულად მოქმედებს Helicobacter pylori-ზე. რაბეპრაზოლის კომბინირება ანტიმიკრობულ საშუალებებთან იწვევს ლორწოვანი გარსის ეფექტურ შეხორცებას. კლინიკური კვლევების შედეგად დადგინდა, რომ 1 კვირის განმავლობაში 20 მგ რაბეპრაზოლის დღეში ორჯერ მიღებისას 2 ანტიბიოტიკთან კომბინაციში, მაგ. კლარიტრომიცინთან და ამოქსიცილინთან ან კლარიტრომიცინთან და მეტრონიდაზოლთან ერთად, კუჭისა და 12-გოჯა ნაწლავის წყლულოვანი დაავადების მქონე პაციენტებში, Н. Pylori-ს ერადიკაციის დონე აღემატება 80%-ს. მკურნალობის რეჟიმის შერჩევისას პერსისტირებადი ინფექციის დროს საჭიროა ანტიმიკრობული პრეპარატების მიმართ მეორადი რეზისტენტობის განვითარების საშიშროების გათვალისწინება. პრეპარატი ზრდის გასტრინის სეკრეციას, რაც განპირობებულია მარილმჟავას პროდუქციის ინჰიბირებით. გასტრინის დონე ნორმას უბრუნდება მკურნალობის შეწყვეტიდან 1-2 კვირის შემდეგ.
კვლევებმა აჩვენა, რომ 20 მგ რაბეპრაზოლის მიღება 2 კვირის განმავლობაში არ მოქმედებს ფარისებრი ჯირკვლის ფუნქციაზე, ნახშირწყლების მეტაბოლიზმზე, პარათირიდული ჰორმონის, კორტიზოლის, ესტროგენის, ტესტოსტერონის, პროდაქტინის, ქოლეცისტოკინინის, სეკრეტინის, გლუკაგონის, ფოლიკულომასტიმულირებელი ჰორმონის, მალუთეინიზებელი ჰორმონის, რენინის, ალდოსტერონის, სომატოტროპული ჰორმონის კონცენტრაციაზე პლაზმაში.
ფარმაკოკინეტიკა - პერორალურად მიღების შემდეგ რაბეპრაზოლი სწრაფად შეიწოვება ნაწლავიდან. 20 მგ რაბეპრაზოლის მიღების შემდეგ სისხლის პლაზმაში C max მიიღწევა დაახლოებით 3.5 სთ-ში. ღვიძლში პირველადი გავლის ეფექტის გამო ბიოშეღწევადობა შეადგენს 52%-ს. ბიოშეღწევადობა არ იცვლება პრეპარატის მრავალჯერადი მიღების შემდეგ. საკვები გავლენას არ ახდენს პრეპარატის შეწოვაზე. პლაზმის ცილებს უკავშირდება პრეპარატის 97%; პლაზმაში არსებული ძირითადი მეტაბოლიტებია თიოეთერი (M1) და ნახშირმჟავა (M6), მეორადი მეტაბოლიტები, რომლებიც შედარებით მცირე კონცენტრაციით გვხვდება არიან სულფოები (M2), დემეთილთიოეთერი (M4), მერკაპტურის მჟავას კონიუგატი (M5). ანტისეკრეტორული მოქმედება გააჩნია მხოლოდ დემეთილის მეტაბოლიტს (M3), თუმცა იგი პლაზმაში არ გვხვდება. პრეპარატის T1/2 შეადგენს 0.7-1.5 სთ-ს, მიღებული დოზის 90% გამოიყოფა შარდთან ერთად 2 მეტაბოლიტის - M5 და M6 სახით, დანარჩენი გამოიყოფა განავალთან ერთად. ხანდაზმულ პაციენტებში პრეპარატის გამოყოფა შენელებულია, თუმცა მისი კუმულაცია არ აღინიშნება.
ჩვენება - მონოთერაპიის სახით:
- კუჭისა და 12-გოჯა ნაწლავის წყლულოვანი დაავადება გამწვავების ფაზაში;
- ეროზიული ან წყლულოვანი გასტროეზოფაგური რეფლუქსის სიმპტომური და ხანგრძლივი მკურნალობა;
- ზოლინგერ-ელისონის სინდრომი ან ისეთი მდგომარეობები, რომელსაც ახასიათებთ პათოლოგიური ჰიპერსეკრეცია;
კომბინაციაში ანტიმიკრობულ საშუალებებთან ერთად:
- Helicobacter pylor-ს ერადიკაცია კუჭის წყლულოვანი დაავადების ან ქრონიკული გასტრიტის დროს;
- Helicobacter pylor-ით გამოწვეული წყლულოვანი დაავადებების მკურნალობა და მათი რეციდივების თავიდან აცილება.
დოზირებისა და მიღების რეჟიმი კუჭისა და 12-გოჯა ნაწლავის წყლულოვანი დაავადების გამწვავების ფაზაში რეკომენდებულია 20 მგ ბაუზოლის მიღება დღეში ერთხელ, 4-6 კვირის განმავლობაში.
რიგ შემთხვევებში, 12-გოჯა ნაწლავის წლულოვანი დაავადების გამწვავების ფაზაში სასურველი ეფექტის მისაღებად საკმარიასია 10 მგ ბაუზოლის მიღება დღეში ერთხელ.
12-გოჯა ნაწლავის წყლულოვანი დაავადების მკურნალობის ხანგრძლივობა შეადგენს 4 კვირას. არასრული შეხორცების შემთხვევაში საჭირო ხდება დამატებით 6 კვირიანი კურსის ჩატარება.
გასტროეზოფაგური რეფლუქსის დროს რეკომენდებულია 20 მგ რაბეპრაზოლის მიღება დღეში ერთხელ 4-8 კვირის განმავლობაში. შემანარჩუნებელი დოზა შეადგენს 10 ან 20 მგ-ს დღეში ერთხელ.
Helicobacter pylor -ს ერადიკაციისთვის მოწოდებულია მკურნალობის 7 დღიანი კურსი შემდეგი პრეპარატების კომბინაციით:
20 მგ ბაუზოლი დღეში 2-ჯერ + 500 მგ კლარიტრომიცინი დღეში 2-ჯერ + 1 გ ამოქსიცილინი დღეში 2-ჯერ;
ან 20 მგ ბაუზოლი დღეში 2-ჯერ+500 მგ კლარიტრომიცინი დღეში 2-ჯერ + 400 მგ მეტრონიდაზოლი დღეში 2-ჯერ.
ზოლინგერ-ელისონის სინდრომის სამკურნალოდ ინიშნება 60 მგ ბაუზოლი ერთხელ დღეში, დოზა შემდგომში შესაძლოა გაიზარდოს 100 მგ-მდე დღეში ერთხელ ან 60 მგ დღეში 2-ჯერ. მკურნალობის ხანგრძლივობა დამოკიდებულია კლინიკურ შედეგზე, თუმცა რიგ შემთხვევებში მკურნალობა გრძელდება 1 წლის განმავლობაში.
იმ შემთხვევაში, როდესაც საჭიროა პრეპარატის ერთჯერადი გამოყენება, რეკომენდებულია ბაუზოლის მიღება უზმოზე. საკვების მიღება გავლენას არ ახდენს ბაუზოლის აქტივობაზე. დაუშვებელია ტაბლეტის მთლიანობის დარღვევა, დაღეჭვა ან დანაწევრება.
გვერდითი მოვლენები: კლინიკური კვლევების მიხედვით ბაუზოლი ადვილად გადაიტანება. გვერდითი მოვლენები უმნიშვნელოდაა გამოხატული და გარდამავალ ხასიათს ატარებს.
კუჭ-ნაწლავის ტრაქტის მხრივ: ფაღარათი, ტკივილი მუცლის არეში, მეტეორიზმი, პირის სიმშრალე, იშვიათად - ღვიძლის ტრანსამინაზების აქტივობის მომატება;
ცენტრალური ნერვული სისტემის მხრივ: თავის ტკივილი. ასთენია;
სისხლმბადი სისტემის მხრივ: თრომბოციტოპენია, ნეიტროპენია, ლეიკოპენია.
დერმატოლოგიური რეაქციები: გამონაყარი კანზე: იშვიათად - ერითემა, ბულოზური გამონაყარი.
უკუჩვენება: მომატებული მგრძნობელობა პრეპარატის რომელიმე კომპონენტის მიმართ.
ორსულობისა და ლაქტაციის პერიოდში პრეპარატის გამოყენება არ არის რეკომენდებული, რადგან არ არსებობს პრეპარატის კლინიკურ პრაქტიკაში გამოყენების გამოცდილება.
განსაკუთრებული მითითებები: ბაუზოლით მკურნალობის დაწყებამდე საჭიროა გამოირიცხოს კუჭის ავთვისებიანი წარმონაქმნების არსებობა, რადგან, პრეპარატის გამოყენების დროს შესაძლოა მოხდეს სიმპტომების შენიღბვა და სიმსივნის სწორი დიაგნოზის დადგენის გადავადება. ღვიძლისა და თირკმლის ფუნქციის დარღვევის მქონე პაციენტები დოზის კორექციას არ საჭიროებენ, თუმცა სიფრთხილეა საჭირო პრეპარატის საწყისი დოზის შერჩევისას ღვიძლის ფუნქციის მძიმე დარღვევის დროს.
ბავშვებში ბაუზოლის გამოყენება არ არის რეკომენდებული, რადგან არ არსებობს პრეპარატის პედიატრულ პრაქტიკაში გამოყენების გამოცდილება.
ზედოზირება: ჰიპერდოზირების შემთხვევები არ დაფიქსირებულა. დღეში 80 მგ პრეპარატის გამოყენება გავლენას არ ახდენს პაციენტის საერთო მდგომარეობაზე.
მკურნალობა: პრეპარატის ჭარბი დოზებით მიღების შემთხვევაში მკურნალობა სიმპტომურია. რაბეპრაზოლის მიმართ სპეციფიკური ანტიდოტი არ არსებობს. პრეპარატი კარგად უკავშირდება პლაზმის ცილებს, ამის გამო რთულია პრეპარატის გამოყვანა ორგანიზმიდან ჰემოდიალიზის გზით.
სხვა წამლებთან ურთიერთქმედება: ბაუზოლი მეტაბოლიზდება ღვიძლის ციტოქტომ P450-ის სისტემის ფერმენტების მიერ. კლინიკურმა კვლევებმა აჩვენა, რომ რაპებრაზოლი არ იწვევს კლინიკურად მნიშვნელოვან ურთიერთქმედებას ამოქსიცილინთან და იმ პრეპარატებთან, რომლებიც ასევე მეტაბოლიზდებიან ციტოქტომ P450-ის სისტემის საშუალებით (ვარფარინი, ფენიტოინი, თეოფილინი, დიაზეპამი).
ბაუზოლი იწვევს მარილმჟავას სეკრეციის მნიშვნელოვან და ხანგრძლივ დაქვეითებას, რაც გასათვალისწინებელია იმ პრეპარატებთან ერთად გამოყენებისას, რომელთა აბსბორბციაც დამოკიდებულია კუჭის შიგთავსის pH-ზე.
ერთდროული გამოყენებისას ბაუზოლი იწვევს კეტოკონაზოლის კონცენტრაციის შემცირებას და დიგოქსინის კონცენტრაციის მომატებას სისხლის პლაზმაში. ამიტომ საჭიროების შემთხვევაში აუცილებელია დოზების კორექცია.
ბაუზოლისა და კლარიტრომიცინის აქტიური მეტაბოლიტის კონცენტრაცია ერთდროული გამოყენებისას იზრდება 24% და 50% შესაბამისად, რაც უფრო მეტად მოსახერხებელია Helicobacter pylor -ს ერადიკაციისათვის. რაბეპრაზოლი გავლენას არ ახდენს ციკლოსპორინის მეტაბოლიზმზე.
რკინის პრეპარატები ამცირებენ რაბეპრაზოლის ეფექტურობას, ამიტომ სასურველია მათი მიღება ბაუზოლის მიღებამდე 2 სთ-ით ადრე ან მისი მიღებიდან 2 სთ-ის შემდეგ.
შენახვის პირობები და ვარგისიანობის ვადა: პრეპარატი ინახება არა უმეტეს 25oC ტემპერატურაზე, მშრალ, სინათლისა და ბავშვებისაგან დაცულ ადგილას. ვარგისიანობის ვადა - 2 წელი.
კეპრა 500მგ #50ტ
კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს - უწყვეტ და თანაბარზომიერ განვითარებას, სპირალურ წინსვლას.
ალზეპილი 10მგ #28ტ
საერთაშორისო დასახელება - donepezil
კლინიკურ-ფარმაკოლოგიური ჯგუფი - ალცჰაიმერის დაავადების დროს გამოსაყენებელი საშუალებები
შემადგენლობა და გამოშვების ფორმა
5 მგ ტაბლეტები #28
10 მგ ტაბლეტები #28
- თითოეული შემოგარსული ტაბლეტი შეიცავს პრეპარატის აქტიურ ნივთიერებას - 5 ან 10 მგ დონეპეზილის ჰიდროქლორიდს.
- დამხმარე ნივთიერებები: ბირთვი: მიკროკრისტალური ცელულოზა, ჰიდროქსიპროპილცელულოზა, მაგნიუმის სტეარატი. გარსი: Opadry Y-1-7000 თეთრი: ჰიპრომელოზა, ტიტანის დიოქსიდი (E 171), მაკროგოლი 400.
შეფუთვის ფორმა
5 მგ ტაბლეტები: თეთრი ან თითქმის თეთრი, მრგვალი, ორივე მხრიდან ამობურცული, უსუნო ან თითქმის უსუნო შემოგარსული ტაბლეტები, ერთ მხარეზე სტილიზებული წარწერით ,,E 381’’.
10 მგ ტაბლეტები: თეთრი ან თითქმის თეთრი, მრგვალი, ორივე მხრიდან ამობურცული, უსუნო ან თითქმის უსუნო შემოგარსული ტაბლეტები, ერთ მხარეზე სტილიზებული წარწერით ,,E 382’’.
ჩვენებები
პრეპარატი ალზეპილის აქტიური კომპონენტი დონეზეპილის ჰიდროქლორიდი მიეკუთვნება ნივთიერებათა ჯგუფს, ე.წ. აცეტილქოლინესტერაზის ინჰიბიტორებს. იგი გამოიყენება დემენციის სიმპტომების სამკურნალოდ პირებში, რომელთაც დასმული აქვთ ალცჰეიმერის დაავადების მსუბუქი ან საშუალო სიმძიმის დიაგნოზი. ამ პრეპარატმა შეიძლება გააუმჯობესოს მეხსიერება და აზროვნება.
გამოიყენება მხოლოდ მოზრდილ პაციენტებში.
მიღების წესები და დოზები
ყოველთვის გამოიყენეთ ალზეპილი ექიმის მიერ დანიშნული მითითებების შესაბამისად. თუ თქვენ არ ხართ რამეში დარწმუნებული, აუცილებლად მიმართეთ რჩევისათვის ექიმს ან ფარმაცევტს.
შეატყობინეთ ექიმს ან ფარმაცევტს თქვენი მომვლელი პირის სრული სახელი და გვარი. მომვლელი პირი დაგეხმარებათ მიიღოთ პრეპარატი დანიშნულების მიხედვით.
ალზეპილის მიღება ხდება შიგნით, საღამოს, დაძინებამდე, წყლის დაყოლებით. დასაშვებია ალზეპილის გამოყენება საკვებისაგან დამოუკიდებლად, ვინაიდან საკვები არ მოქმედებს მის ეფექტურობაზე.
ჩვეულებრივ, საწყისი დოზა შეადგენს: დღეში ერთხელ 5 მგ. ერთი თვის შემდეგ, ექიმმა შეიძლება დაგინიშნოთ პრეპარატის 10 მგ ყოველ საღამოს. მაქსიმალური რეკომენდებული სადღეღამისო დოზა არის 10 მგ.
პრეპარატის გამოყენების წესისა და დროის თაობაზე ყოველთვის დაიცავით ექიმის დანიშნულება. არ შეცვალოთ დოზა დამოუკიდებლად ექიმის დანიშნულების გარეშე და არ შეწყვიტოთ ტაბლეტების გამოყენება ექიმის რჩევის გარეშე.
ტაბლეტების გამოყენების ხანგრძლივობის თაობაზე გადაწყვეტილებას მიიღებს ექიმი. ის შეგატყობინებთ, თუ როდის შეწყვიტავთ ტაბლეტების გამოყენებას. დაავადების სიმპტომების შეფასებისა და მკურნალობის მიმდინარეობის კონტროლის მიზნით, პერიოდულად უნდა მიმართოთ ექიმს.
პრეპარატის გამოყენება არ არის რეკომენდებული ბავშვებში და 18 წლამდე ასაკის მოზარდებში.
გვერდითი მოვლენები
ისევე როგორც სხვა სამკურნალო პრეპარატმა, ალზეპილმა შეიძლება გამოიწვიოს გვერდითი ეფექტები, თუმცა ისინი არ ვითარდებიან ყველა პაციენტში.
ქვემოთ ჩამოთვლილი ნებისმიერი ეფექტის განვითარების შემთხვევაში მიმართეთ ექიმს.
ძალიან ხშირი (10-დან 1-10 პაციენტში):
დიარეა, გულისრევა, თავის ტკივილი.
ხშირი (100-დან 1-10პაციენტში):
გაციება, ანორექსია (მადის დაკარგვა), ჰალუცინაციები, აგზნებადობა, აგრესიული ქცევა (ჰალუცინაციები, აგზნებადობა და აგრესიული ქცევა ქრება დოზის შემცირების ან დონეპეზილის გამოყენების შეწყვეტის შემდეგ), გულისწასვლა, თავბრუსხვევა, უძილობა (გართულებული დაძინება), გულისრევა, აშლილობები კუჭის მხრიდან, გამონაყარი კანზე, ქავილი, კუნთების სპაზმი, შარდის შეუკავებლობა, გადაღლა, ტკივილი, უბედური შემთხვევა.
არახშირი (100-დან 1-ზე ნაკლებ პაციენტში):
კრუნჩხვითი გულყრა, ბრადიკარდია (გულის რითმის შენელება), სისხლდენა კუჭ-ნაწლავის ტრაქტიდან, თორმეტგოჯა ნაწლავის ან კუჭის წყლული, ლაბორატორიული პარამეტრების ცვლილება (სისხლის პლაზმაში კუნთოვანი კრეატინკინაზის მცირე მომატება).
იშვიათი (1000-დან 1-ზე ნაკლებ პაციენტში):
ექსტრაპირამიდული სიმპტომები (კანკალი, სახის, ენის ან კიდურების უნებლიე მოძრაობა ან შებოჭვა), სინო-ატრიული ბლოკადა, გულის არითმია (გულის ბლოკადა), ღვიძლის ფუნქციის დარღვევა, მათ შორის ჰეპატიტი (ღვიძლის ინფექციური დაზიანება).
მძიმე გვერდითი ეფექტების ან ისეთი ეფექტების განვითარების შემთხვევაში, რომლებიც არ არის აღწერილი მოცემულ ინსტრუქციაში, გთხოვთ, მიმართოთ ექიმს.
უკუჩვენება
თუ თქვენ გაქვთ ჰიპერმგრძნობელობა დონეპეზილის ჰიდროქლორიდის, პიპერიდინის წარმოებულების სახელით ცნობილი ანალოგიური საშუალებების, ან პრეპარატი ალზეპილის შემოგარსული ტაბლეტების ნებისმიერი სხვა კომპონენტის მიმართ.
პრეპარატი ალზეპილის გამოყენება მოითხოვს განსაკუთრებულ სიფრთხილეს
პრეპარატის გამოყენებამდე, ნებისმიერი ქვემოთ ჩამოთვლილი მდგომარეობის არსებობის შემთხვევაში, შეატყობინეთ ამის შესახებ ექიმს:
- თუ თქვენ გაწუხებთ გულის მუშაობის დარღვევები (არითმია ან ბლოკადა) (დონეპეზილმა შეიძლება გამოიწვიოს გულის შეკუმშვის რიტმის შენელება);
-თუ თქვენ წარსულში გაწუხებდათ კუჭისა და თორმეტგოჯა ნაწლავის წყლულოვანი დაავადებები, ან თქვენ იყენებთ თანმხლებ ანთების საწინააღმდეგო საშუალებებს;
-თუ თქვენ გაწუხებთ გართულებული შარდის გამოყოფა;
-თუ როდესმე გქონიათ კრუნჩხვითი გულყრის (დონეპეზილმა შეიძლება გამოიწვიოს კრუნჩხვების გამეორება) ან გულისწასვლის შემთხვევები;
-თუ თქვენ დაავადებული ხართ ასთმით ან ფილტვების სხვა ხანგრძლივად მიმდინარე დაავადებით;
-თუ თქვენ გაწუხებთ ღვიძლის ფუნქციის მძიმე დარღვევები;
-თუ თქვენ როდესმე გაწუხებდათ ექსტრაპირამიდული სიმპტომების არსებობა (სხეულის ან სახის უნებლიე მოძრაობა).
თუ თქვენ დაგეგმილი გაქვთ ქირურგიული ოპერაცია, რომელიც თხოულობს ზოგადი ანესთეზიის ჩატარებას, თქვენ უნდა შეატყობინოთ ექიმს და ანესთეზიოლოგს, რომ იყენებთ ალზეპილს.
ორსულობა და ლაქტაცია
ნებისმიერი სამკურნალო საშუალების გამოყენებამდე მიიღეთ ექიმის ან ფარმაცევტის რჩევა.
თუ არ არის ალზეპილის გამოყენების საჭიროება (ექიმის დანიშნულება), პრეპარატი არ გამოიყენება ორსულობის დროს, ვინაიდან პაციენტების ამ ჯგუფში არ არის მოწოდებული საკმარისი მონაცემი.
დონეპეზილი არ გამოიყენება ლაქტაციის პერიოდში.
განსაკუთრებული მითითებები
პრეპარატი ალზეპილის გამოყენება საკვებთან და ალკოჰოლურ სასმელებთან ერთად
ტაბლეტების მიღება ხდება საღამოს, დაძინებამდე, წყლის დაყოლებით. დასაშვებია ალზეპილის გამოყენება საკვებისაგან დამოუკიდებლად, ვინაიდან საკვები არ მოქმედებს მის ეფექტურობაზე.
დონეპეზილით მკურნალობის კურსის დროს არ გამოიყენოთ ალკოჰოლური სასმელები, ვინაიდან ალკოჰოლმა შეიძლება შეამციროს მისი ეფექტურობა.
სატრანსპორტო საშუალებების და მექანიზმების მართვა
დაავადებამ შეიძლება დაარღვიოს სატრანსპორტო საშუალებებისა და მექანიზმების მართვის უნარი. მკურნალობის კურსის დასაწყისში ან დოზის მომატებისას, პრეპარატმა შეიძლება გამოიწვიოს გადაღლა, თავბრუსხვევა და კუნთების სპაზმი. შესაბამისად, მკურნალმა ექიმმა მუდმივად უნდა შეაფასოს თქვენს მიერ სატრანსპორტო საშუალებებისა და რთული მექანიზმების მართვის უნარი.
ექიმი მიიღებს გადაწყვეტილებას ყოველ ცალკეულ შემთხვევაში, პრეპარატი ალზეპილის რომელი დოზის გამოყენებისას შეძლებთ სატრანსპორტო საშუალებებისა და მექანიზმების მართვას.
ჭარბი დოზირება
არ მიიღოთ დღეში ერთ ტაბლეტზე მეტი. ჭარბი დოზის მიღების შემთხვევაში დაუყოვნებლივ მიმართეთ ექიმს. თუ ექიმთან დაკავშირება შეუძლებელია, დაუყოვნებლივ მიმართეთ უახლოეს გადაუდებელ სასწრაფო დახმარების განყოფილებას.
საავადმყოფოში იქონიეთ ტაბლეტები ან კოლოფი, რათა ექიმმა შეიტყოს, რა მიიღეთ.
თუ თქვენ დაგავიწყდათ ალზეპილის მიღება გამოტოვებული დოზის კომპენსაციის მიზნით არ მიიღოთ ორმაგი დოზა. გააგრძელეთ პრეპარატის გამოყენება ექიმის დანიშნულების მიხედვით.
თუ თქვენ დაგავიწყდათ პრეპარატის გამოყენება ერთი კვირის ან მეტი პერიოდის განმავლობაში, პრეპარატის გამოყენების განახლების მიზნით, დაუკავშირდით ექიმს.
თუ თქვენ შეწყვიტეთ ალზეპილის გამოყენება
მკურნალობის კურსის შეწყვეტის შემდეგ აღინიშნება პრეპარატი ალზეპილის ეფექტის თანდათანობითი შესუსტება. პრეპარატის მიღების მკვეთრი შეწყვეტის შემდეგ უკუგების ეფექტი არ აღინიშნება. არ შეწყვიტოთ პრეპარატის გამოყენება ექიმის რჩევის გარეშე, თუნდაც უკეთ იგრძნოთ თავი.
თუ პრეპარატის გამოყენებასთან დაკავშირებით თქვენ წარმოგეშვათ დამატებითი კითხვები, მიმართეთ ექიმს.
სხვა წამლებთან ურთიერთქმედება
შეატყობინეთ ექიმს ნებისმიერი სამკურნალო საშუალების შესახებ, რომელსაც იყენებთ ან იყენებდით ახლო წარსულში, მათ შორის იმ პრეპარატების შესახებ, რომლებიც გაიცემიან ურეცეპტოდ.
შეატყობინეთ ექიმს, თუ თქვენ იყენებთ სხვა სამკურნალო საშუალებებს, განსაკუთრებით კი:
-ტკივილისა და ანთების საწინააღმდეგო საშუალებები;
-ართრიტის სამკურნალო საშუალებები;
-ანტიბიოტიკები, მაგალითად, ერითრომიცინი ან რიმფაპიცინი;
-სოკოსსაწინააღმდეგო პრეპარატები (საშუალებები, რომლებიც ანადგურებენ სოკოს ან თრგუნავენ მათ ზრდას), მაგალითად, კეტოკონაზოლი ან იტრაკონაზოლი;
-კუნთების მოსადუნებელი საშუალებები;
-ანტიდეპრესანტები, მაგალითად, ფლუოქსეტინი;
-კრუნჩხვის საწინააღმდეგო პრეპარატები, მაგალითად, ფენიტოინი ან კარბამაზეპინი;
-გულის დაავადებების სამკურნალო პრეპარატები;
-სისხლის წნევის დასაწევი ზოგიერთი პრეპარატი (ბეტა-ბლოკატორები);
-დონეპეზილის მოქმედების მსგავსი მექანიზმის მქონე სხვა პრეპარატები (მაგალითად, გალანტამინი ან რივასტიგმინი), ასევე დიარეის, პარკინსონის ან ასთმის დაავადების საწინააღმდეგო ზოგიერთი საშუალება.
შენახვის პირობები და ვადები
პრეპარატი ინახება ბავშვებისათვის მიუწვდომელ ადგილას. 8-15ºC
ვარგისიანობის ვადა 3 წელი. ალზეპილი არ გამოიყენება შეფუთვაზე მითითებული ვარგისიანობის ვადის გასვლის შემდეგ. ვარგისიანობის ვადის დასრულების თარიღი არის მითითებული თვის ბოლო დღე.
აფთიაქში გაცემის წესი
რეცეპტით
არ გადაყაროთ სამკურნალო საშუალება საყოფაცხოვრებო ნარჩენებში ან გამდინარე წყალში. თუ საჭიროა პრეპარატის, რომელიც აღარ არის საჭირო, ნარჩენებში მოთავსება, მიიღეთ ფარმაცევტის რჩევა. ასეთი სახის ზომები ხელს შეუშლიან გარემოს დაბინძურებას.
მწარმოებელი ფირმა, ქვეყანა
სს ფარმაცევტული საწარმო ეგისი
უნგრეთი
