საერთაშორისო დასახელება:

valeriana officinalis, humulus lupulus

მწარმოებელი: Ardeypharm GmbH, გერმანია

კლინიკურ–ფარმაკოლოგიური ჯგუფი:

ანქსიოლიზური და საძილე საშუალებები; ფიტოპრეპარატები

შემადგენლობა და გამოშვების ფორმა:

შემოგარსული ტაბლეტები 20ც

1 შემოგარსული ტაბლეტი (დრაჟე) შეიცავს:

კატაბალახას ფესვის მშრალი ექსტრაქტი ...............  200 მგ.

გამხსნელი საშუალება .........................................   70% ეთანოლი.

სვიის გირჩების მშრალი ექსტრაქტი ......................  68მგ.

გამხსნელი საშუალება .......................................... 40% ეთანოლი.

ფარმაკოლოგიური თვისებები:

არდეისედონი მცენარეული დამამშვიდებელი პრეპარატია.

მის შემადგენლობაში შემავალი კატაბალახას ფესვის მშრალი ექსტრაქტი განაპირობებს ცენტრალური ნერვული სისტემის დამშვიდებას, აგზნებადობის შემცირებას, ახასიათებს სპაზმოლიზური მოქმედება, არეგულირებს გულის ფუნქციონირებას, აუმჯობესებს კორონარულ სისხლის მიმოქცევას, ახანგრძლივებს საძილე საშუალებების მოქმედებას.

სვიის გირჩების მშრალ ექსტრაქტს ახასიათებს ნეიროტროპული მოქმედება, არეგულირებს ცენტრალური ნერვული სისტემის ფუნქციონირებას, აქვს ტკივილგამაყუჩებელი, მასტიმულირებელი მოქმედება.

ჩვენებები:

არდეისედონი გამოიყენება მოუსვენრობისას და ნევროზული აშლილობით გამოწვეული ჩაძინების დარღვევის დროს.

მიღების წესები და დოზები:

პერორალური მიღებისთვის.

მოზრდილებში და 12 წლის შემდეგ:

- მოუსვენრობის დროს 1 შემოგარსული ტაბლეტი ×2-3 დღეში.

- ნევროზით განპირობებული ჩაძინების გართულების შემთხვევაში – 1 შემოგარსული ტაბლეტი დაძინებამდე ნახევარი ან ერთი საათით ადრე. საჭიროების შემთხვევაში, დამატებით 1 შემოგარსული ტაბლეტი საღამოს საათებში.

გვერდითი მოვლენები:

ძალიან იშვიათად, შესაძლოა გამოვლინდეს ალერგიული გამონაყარი კანზე. გვერდითი ეფექტები ქრება მედიკამენტის მოხსნისას.

უკუჩვენება:

მომატებული მგრძნობელობა პრეპარატში შემავალი კომპონენტების მიმართ. ბავშვებში მოცემული პრეპრატის გამოყენების შესახებ არ მოიპოვება საკმარისი გამოკვლევები, ამიტომ ამ პრეპარატის გამოყენება 12 წლამდე ასაკის ბავშვებში დაუშვებელია.

ორსულობა და ლაქტაცია:

კატაბალახას გავრცელებული გამოყენება მიუთითებს იმაზე, რომ ამ პრეპარატს არ გააჩნია რისკი და გვერდითი ეფექტები ორსულობის და ლაქტაციის დროს მისი გამოყენებისას. ექსპერიმენტული გამოკვლევის შედეგები არ მოიპოვება. აქედან გამომდინარე, ამ მედიკამენტის გამოყენება ორსულობის და ლაქტაციის პერიოდში დაუშვებელია.

განსაკუთრებული მითითებები:

ამ მედიკამენტის მიღებიდან 2 საათის შემდეგ არ არის რეკომენდებული მანქანის მართვა ან ისეთი სამუშაოს შესრულება, რომელიც მოითხოვს დიდ ყურადღებას. განსაკუთრებით საშიშია ამ მედიკამენტის და ალკოჰოლის ერთდროული გამოყენება.

ასაერთაშორისო დასახელება:

SULFATHIAZOLE

მწარმოებელი: JELFA S.A., პოლონეთი

მოქმედი ნივთიერება: სულფათიაზოლი

კლინიკურ-ფარმაკოლოგიური ჯგუფი:

პრეპარატი ანტიბაქტერიული მოქმედებით გარეგანი გამოყენებისათვის.

გამოშვების ფორმა:

კრემი 2%: ტუბში 15 გ და 40 გ, ქილაში 400 გ

1 გ

სულფათიაზოლის ვერცხლის მარილი ........  20 მგ

დამხმარე ნივთიერებები:

თხევადი პარაფინი, ციტოსტეარული სპირტი, თეთრი ვაზელინი, ლაურილსულფატ ნატრიუმი, გლიცეროლი, პროპილჰიდროქსიბენზოატი, მეთილ ჰიდროქსიბენზოატი, დიფოსფორმჟავა კალიუმი, ფოსფორმჟავა ნატრიუმი, წყალი.

ფარმაკოლოგიური თვისებები:

არგოსულფანის კრემი წარმოადგენს ანტიბაქტერიული გარეგანი მოხმარების პრეპარატს, რომელიც ხელს უწყობს ჭრილობების შეხორცებას (დამწვრობა, ტროფიკული, ჩირქოვანი და ა.შ.), ეფექტურად იცავს ჭრილობებს ინფიცირებისგან, ახდენს ჭრილობის წვის და ტკივილის კუპირებას, ამცირებს მკურნალობის ხანგრძლივობას, კანის გადანერგვისთვის მოსამზადებელ დროს. ხშირ შემთხვევაში ახდენს ჭრილობის შეხორცებას, რის გამოც გამოირიცხება ტრანსპლანტაციის ჩატარების აუცილებლობა.

კრემში შემავალი სულფანილამიდი-სულფათიაზოლი წარმოადგენს ანტიბაქტერიულ, ბაქტერიოსტატურ საშუალებას. მას გააჩნია ანტიბაქტერიული, ბაქტერიოსტატული მოქმედების ფართო სპექტრი, გრამდადებით და გრამუარყოფით ბაქტერიებთან მიმართებაში.

სულფათიაზოლის მიკრობსაწინააღმდეგო მოქმედების მექანიზმი გამოვლინდება მის მიერ მიკრობების ზრდის და გამრავლების დათრგუნვით, რაც დაკავშირებულია პარაამინობენზოის მჟავასთან კონკურენტული ანტაგონიზმით და დიჰიდროპტეროატსინთეტაზის დათრგუნვით, რისი მეშვეობითაც ირღვევა დიჰიდროფოლის მჟავის სინთეზი, რაც საბოლოოდ თავის მხრივ იწვევს  - ტეტრაჰიდროფოლის მჟავას წარმოქმნის ინჰიბირებას, რომელიც აუცილებელია მიკრობული უჯრედის პურინების და პირიმიდინების სინთეზისთვის. პრეპარატში არსებული ვერცხლის იონები რამდენიმე ათეულჯერ აძლიერებენ სულფანილამიდის ანტიბაქტერიულ მოქმედებას. ისინი თრგუნავენ ბაქტერიების გამრავლება-დაყოფას მიკრობული უჯრედის დეზოქსირიბონუკლეინის მჟავასთან დაკავშირების გზით, ვერცხლის იონები ასუსტებენ სულფანილამიდების მასენსიბილიზირებელ თვისებებს.

კრემის ჰიდროფილური საფუძვლის წყალობით, რომელსაც გააჩნია ოპტიმალური pH და შეიცავს წყლის დიდ რაოდენობას, ხდება ადგილობრივი ანალგეზირებადი მოქმედების უზრუნველყოფა და ძლიერდება ჭრილობის მიდამოების ტენიანობის მომატება. ყოველივე ეს, განაპირობებს პრეპარატის კარგ შეღწევას და უზრუნველყოფს ჭრილობის სწრაფ შეხორცებას.

ჩვენებები:

• ნებისმიერი წარმოშობის ყველა ხარისხის დამწვრობა (თერმული, მზით, ქიმიური, ელექტრო, სხივური);
• მოყინვები;
• ნაწოლები;
• კიდურების სხვადასხვა გენეზის ტროფიკული წყლულები (მათ შორის ვენური უკმარისობა, მაობლიტირებელი ენდარტერიტი, შაქრიანი დიაბეტის დროს ტროფიკის დარღვევა, წითელი ქარი და ა.შ.);
• ჩირქოვანი ჭრილობები;
• საყოფაცხოვრებო ტრავმები;
• ინფიცირებული დერმატიტები;
• მარტივი, კონტაქტური დერმატიტი;
• იმპეტიგოს გართულებები;
• მიკრობული ეგზემა;
• სტრეპტო  - სტაფილოდერმია.

მიღების წესები და დოზირება:

გარეგანი ხმარების პრეპარატი გამოიყენება როგორც ღია მეთოდით, ისევე ოკლუზიური ნახვევების მეშვეობით.

გასუფთავების და ქირურგიული დამუშავების შემდეგ, სტერილურობის პირობებით დაცვით, ჭრილობაზე პრეპარატი იდება 2-3 მმ სისქეზე 2-3-ჯერ დღეში. მკურნალობის პერიოდში ჭრილობა დაფარული უნდა იქნას კრემით. თუკი ჭრილობის ნაწილი გაიხსნება, საჭიროა მასზე კრემის დამატებით დადება. ოკლუზიური ნახვევის დადება შესაძლებელია, მაგრამ არ არის აუცილებელი.

კრემი იხმარება ჭრილობის საბოლოო შეხორცებამდე, ან კანის ტრანსპლანტაციისთვის მოსამზადებელი პერიოდის განმავლობაში. ინფიცირებულ ჭრილობაზე პრეპარატის გამოყენებამ, შესაძლოა გამოიწვიოს ექსუდატის წარმოქმნა. კრემის გამოყენების წინ საჭიროა ჭრილობის გასუფთავება 0.1%-იანი წყალ-ქლორ-ჰექსიდინის ხსნარით; 3%-იანი ბორის მჟავით, ან სხვა ანტისეპტიკური საშუალებით. მაქსიმალური დღიური დოზა  - 25 გ მკურნალობის მაქსიმალური ხანგრძლივობა  - 60 დღე.

გვერდითი მოვლენები:

კანის ალერგიული რეაქციები. ზოგჯერ შესაძლებელია კანის გაღიზიანება, რაც გამოიხატება წვის შეგრძნებით, კრემის დადების ადგილზე. არგოსულფანის ხანგრძლივმა ხმარებამ შესაძლოა გამოიწვიოს სისხლში ცვლილებები, დამახასიათებელი სისტემური სულფანილამიდებისათვის (მაგ. ლეიკოპენია), აგრეთვე დესქვამაციური დერმატიტი.

უკუჩვენებები:

• ჰიპერმგრძნობელობა სულფათიაზოლის და სხვა სულფანილამიდების მიმართ;
• გლუკოზა-6-ფოსფატდეჰიდროგენაზის თანდაყოლილი უკმარისობა;
• არ გამოიყენება დღენაკლულ ბავშვებში და ახალშობილებში (2 თვემდე). სიყვითლის განვითარების რისკის გამო.

ორსულობა და ლაქტაცია:

• არ არის რეკომენდებული პრეპარატის ხმარება ორსულობის დროს. პრეპარატი შესაძლებელია გამოყენებულ იქნას მხოლოდ იმ შემთხვევაში, როდესაც დედისთვის სავარაუდო სარგებელი აღემატება ნაყოფისათვის შესაძლო რისკს (მაგ. როდესაც სხეულის დამწვარი ზედაპირის მოცულობა აღემატება სხეულის მთლიანი ზედაპირის 20%-ს).
• არ არის რეკომენდებული პრეპარატის ხმარება ძუძუთი კვების დროს.

განსაკუთრებული მითითებები:

კანის ზედაპირის დიდ მოცულობებზე ხანგრძლივი ხმარების ფონზე, საჭიროა სისხლის შრატში სულფათიაზოლის დონის კონტროლი, განსაკუთრებით თირკმლის და ღვიძლის დაავადებების დროს.

განსაკუთრებით ფრთხილად გამოიყენება შოკურ მდგომარეობაში მყოფ ავადმყოფებში, რადგანაც არ არის შესაძლებლობა შეგროვდეს ალერგოლოგიური, სრული ანამნეზი.

არგოსულფანის კრემი გარეგანი ხმარებისაა, არ იწვევს კანის ან თეთრეულის შეფერვას.

ზემოქმედება ავტოტრანსპორტის და მექანიზმების მართვის უნარზე: პრეპარატი არ ზღუდავს ფსიქოფიზიკურ აქტივობას, აგრეთვე არ ზემოქმედებს ავტოტრანსპორტის და მექანიზმის მართვის უნარზე.

სხვა წამლებთან ურთიერთქმედება:

არ არის რეკომენდებული სხვა ადგილობრივ სამკურნალო საშუალებებთან ერთად გამოყენება.

ფოლის მჟავა და მისი სტრუქტურული ანალოგები (მაგ. პროკაინი) ამცირებს სულფათიაზოლის ანტიბაქტერიულ მოქმედებას.

შენახვის პირობები და ვადა:

პრეპარატი ინახება 5-15⁰C ტემპერატურაზე, ბავშვებისაგან დაცულ ადგილას.

ვარგისიანობის ვადა:   2 წელი.

ქიმიური დასახელება:

ეთილის ეთერის 1- მეთილ -2- ფენილთიომეთილ -4- დიმეთილამინომეთილ -5 - ჰიდროქსი-6- ბრომინდოლ -3- კარბონმჟავას ჰიდროქლორიდი , მონოჰიდრატი

მწარმოებელი: ბათუმის ფარმაცევტული ქარხანა                            

შპს   “ბათფარმა

სამკურნალო ფორმა:

მყარი ჟელატინის კაფსულები , 50 მგ ან 100 მგ

შემადგენლობა:

1 მყარი ჟელატინის კაფსულა შეიცავს :

ეთილის ეთერის 1- მეთილ -2- ფენილთიომეთილ -

-4- დიმეთილამინომეთილ -5- ჰიდროქსი -6- ბრომინდოლ -

-3- კარბონმჟავას ჰიდროქლორიდის მონოჰიდრატს   _ 50 მგ - ს ან 100 მგ - ს .

დამხმარე ნივთიერებები : კარტოფილის სახამებელი , პოლივინილპიროლიდონი, აეროსილი,მეთილცელულოზა, კალციუმის სტეარატი , პოლისორბატი 80.

კლინიკურ - ფარმაკოლოგიური ჯგუფი:

ანტივირუსული და იმუნომოდულატორული საშუალება . ინტერფერონის სინთეზის ინდუქტორი .

ფარმაკოლოგიური თვისებები:

ფარმაკოდინამიკა:

ანტივირუსული პრეპარატია, გააჩნია იმუნომასტიმულირებელი მოქმედება , სპეციფიკურად თრგუნავს A და B გრიპის ვირუსებს . იგი ხელს უშლის ვირუსის ლიპიდური გარსის უჯრედულმემბრანასთან შერწყმას, რითიც უჯრედში ვირუსთა შეღწევას ეწინააღმდეგება. გააჩნია ინტერფერონინდუცირებადი მოქმედება , ასტიმულირებს იმუნიტეტის ჰუმორულ და უჯრედულ რეაქციებს , მაკროფაგების ფაგოციტურ ფუნქციას, ზრდის ორგანიზმის მდგრადობას ვირუსული ინფექციების მიმართ . ამცირებს ვირუსულ ინფექციებთან დაკავშირებულ გართულებების სიხშირეს ასევე ქრონიკული ბაქტერიული დაავადებების გამწვავებას .

ვირუსული ინფექციების დროს თერაპიული ეფექტურობა ვლინდება ზოგადი ინტოქსიკაციის, კლინიკური მოვლენებისა და დაავადების ხანგრძლივობის შემცირებაში .

არბიბათი ნაკლებად ტოქსიკური პრეპარატია ( LD50 > 4 გ / კგ ). პერორალურად რეკომენდებული დოზებით მიღებისას არ ახდენს უარყოფით გავლენას ადამიანის ორგანიზმზე.

ფარმაკოკინეტიკა:

პერორალურად მიღებისას სწრაფად შეიწოვება კუჭ - ნაწლავის ტრაქტიდან .

50 მგ არბიბათის მიღებისას მაქსიმალური კონცენტრაცია (Cmax) სისხლის პლაზმაში 1.2 სთ - ში მიიღწევა, 100 მგ - ის მიღებისას _ 1.5 სთ - ში .

არბიბათი სწრაფად ნაწილდება ორგანოებსა და ქსოვილებში .

მეტაბოლიზდება ღვიძლში . ნახევარგამოყოფის პერიოდი ( T1/2 ) 17-21 სთ - ს შეადგენს .

დაახლოებით 40% გამოიყოფა უცვლელი სახით , ძირითადად ნაღველთან ერთად (38.9% ), ხოლო უმნიშვნელო რაოდენობით - თირკმლებით (12%).  პირველი დღის განმავლობაში გამოიყოფა მიღებული დოზის 90%.

ჩვენებები:

მოზრდილებსა და ბავშვებში პროფილაქტიკა და მკურნალობა :

•A და B გრიპი , მწვავე რესპირატორულ - ვირუსული ინფექციები , მძიმე მწვავე რესპირატორული სინდრომი, მათ შორის, ბრონქიტითა და პნევმონიით გართულებული;

•მეორეული იმუნოდეფიციტური მდგომარეობები;

•ქრონიკული ბრონქიტის, პნევმონიისა და მორეციდივე ჰერპესული ინფექციების კომპლექსური თერაპიის შემადგენლობაში.

პოსტოპერაციული ინფექციური გართულებების პროფილაქტიკა და იმუნური სტატუსის  ნორმალიზაცია.

3 წელზე მეტი ასაკის ბავშვებში მწვავე ნაწლავური როტავირუსული ეტიოლოგიის ინფექციების კომპლექსური თერაპიის შემადგენლობაში.

მიღების წესი და დოზები:

პრეპარატი ინიშნება პერორალურად, საკვების მიღებამდე. მოზრდილებსა და ბავშვებში 12 წლის ასაკის ზემოთ ერთჯერადი დოზაა 200 მგ,

6- დან 12 წლამდე ასაკის ბავშვებში - 100 მგ, 3- დან 6 წლამდე - 50 მგ .

არასპეციფიკური პროფილაქტიკისათვის:

გრიპითა და სხვა მწვავე რესპირატორულ - ვირუსული ინფექციებით დაავადებულებთან უშუალო კონტაქტისას მოზრდილებსა და ბავშვებში 12 წლის ასაკის ზემოთ ინიშნება 200 მგ პრეპარატი დღეში ; 6-დან 12 წლამდე ასაკის ბავშვებში - 100 მგ დღეში ; 3- დან 6 წლამდე ასაკის ბავშვებში - 50 მგ დღეში.პრეპარატი მიიღება ერთხელ დღეში, კურსი – 10-14 დღე .

გრიპისა და სხვა მწვავე რესპირატორულ - ვირუსული ინფექციების ეპიდემიის პერიოდში, ქრონიკული ბრონქიტის გამწვავებისა და ჰერპესული ინფექციის რეციდივის პროფილაქტიკისათვის მოზრდილებსა და ბავშვებში 12 წლის ასაკის ზემოთ პრეპარატი ინიშნება ერთჯერადი დოზით 200 მგ ; 6-დან 12 წლამდე ასაკის ბავშვებში - 100 მგ ; 3- დან 6- წლამდე ასაკის ბავშვებში - 50 მგ . პრეპარატი მიიღება 2 - ჯერ კვირაში , 3 კვირის განმავლობაში .

მძიმე მწვავე რესპირატორული სინდრომის პროფილაქტიკისათვის (ავადმყოფებთან კონტაქტისას) მოზრდილებსა და ბავშვებში 12 წლის ასაკის ზემოთ ინიშნება 200 მგ ერთხელ დღეში 12–14 დღის განმავლობაში ; 6- დან 12 წლამდე ასაკის ბავშვებში – 100 მგ ერთხელ დღეში 12–14 დღის განმავლობაში .

პოსტოპერაციული ინფექციური გართულებების პროფილაქტიკისათვის პრეპარატი ინიშნება ოპერაციამდე ორი დღით ადრე, შემდეგ ოპერაციის მეორე და მეხუთე დღეს, დოზებით : მოზრდილებსადა ბავშვებში 12 წლი ს ასაკის ზემოთ – 200 მგ , 6- დან 12 წლამდე ასაკის ბავშვებში – 100 მგ , 3- დან 6წლამდე – 50 მგ .

მკურნალობისათვის :

გრიპისა და სხვა მწვავე რესპირატორულ - ვირუსული გაურთულებელი ინფექციებისას მოზრდილებსა და ბავშვებში 12 წლის ასაკის ზემოთ ინიშნება 200 მგ 4- ჯერ დღეში , 6- დან 12 წლამდეასაკის ბავშვებში  100 მგ 4- ჯერ დღეში , 2- დან 6 წლამდე  50 მგ 4- ჯერ დღეში . მკურნალობის კურსი – 5 დღე .

გრიპისა და სხვა მწვავე რესპირატორულ - ვირუსული გართულებული ინფექციებისას ( მათ შორის,ბრონქიტი , პნევმონია ) მოზრდილებსა და ბავშვებში 12 წლის ასაკის ზემოთ ინიშნება 200 მგ 4- ჯერ დღეში 5 დღის განმავლობაში , შემდეგ 200 მგ – ერთხელ კვირაში 4 კვირის განმავლობაში;  6- დან 12 წლამდე – 100 მგ 4- ჯერ დღეში , შემდეგ 100 მგ ერთხელ კვირაში 4 კვირის განმავლობაში ; 3- დან 6 წლამდე – 50 მგ 4- ჯერ დღეში 5 დღის განმავლობაში , შემდეგ 50 მგ ერთხელ კვირაში 4 კვირის განმავლობაში.

მძიმე მწვავე რესპირატორული სინდრომის მკურნალობისათვის

მოზრდილებსა და ბავშვებში 12 წლის ასაკის ზემოთ ინიშნება 200 მგ

2 - ჯერ დღეში 8 – 10 დღის განმავლობაში .

ქრონიკული ბრონქიტისა და მორეციდივე ჰერპესული ინფექციის კომპლექსური თერაპიის შემადგენლობაში მოზრდილებსა და ბავშვებში 12 წლის ასაკის ზემოთ ინიშნება 200 მგ 4- ჯერ დღეში 5–7 დღის განმავლობაში , შემდეგ 200 მგ 2- ჯერ კვირაში 4 კვირის განმავლობაში; 6- დან 12 წლამდე – 100 მგ 4- ჯერ დღეში 5–7 დღის განმავლობაში , შემდეგ 100 მგ 2- ჯერ კვირაში 4 კვირის განმავლობაში ; 3-დან 6 წლამდე – 50 მგ 4- ჯერ დღეში 5–7 დღის განმავლობაში , შემდეგ – 50 მგ 2- ჯერ კვირაში 4 კვირის განმავლობაში .

მწვავე ნაწლავური როტავირუსული ეტიოლოგიის ინფექციების კომპლექსური თერაპიის შემადგენლობაში მოზრდილებსა და ბავშვებში 12 წლის ასაკის ზემოთ ინიშნება 200 მგ 4- ჯერ დღეში 5 დღის განმავლობაში , 6- დან 12 წლამდე – 100 მგ 4- ჯერ დღეში 5 დღის განმავლობაში , 3- დან 6 წლამდე– 50 მგ 4- ჯერ დღეში 5 დღის განმავლობაში .

გვერდითი მოვლენები

იშვიათად : ალერგიული რეაქციები .

უკუჩვენებები:

•       მომატებული მგრძნობელობა პრეპარატის მიმართ ;

•       3 წლამდე ასაკის ბავშვები .

ურთიერთქმედება სხვა სამკურნალო საშუალებებთან:

სხვა პრეპარატებთან დანიშვნისას   უარყოფითი ეფექტები არ აღ ინიშნება .

ჭარბი დოზირება:

მონაცემები პრეპარატის ჭარბი დოზირების შესახებ არ მოიპოვბა .

ორსულობა და ლაქტაცია:

პრეპარატი სიფრთხილით გამოიყენება ორსულობისა და ლაქტაციის პერიოდში .

განსაკუთრებული მითითებები:

პრეპარატი არ ავლენს ცენტრალურ ნეიროტროპულ აქტივობას და სამედიცინო პრაქტიკაში პროფილაქტიკის მიზნით მისი გამოყენება შესაძლებელია პრაქტიკულად ჯანმრთელ სხვადასხვა პროფესიის მქონე პირებში , მათ შორის , პროფესიების , რომლებიც მოითხოვს მომატებულ ყურადღებასა და ფსიქომოტორული რეაქციების სისწრაფეს ( ტრანსპორტის მძღოლები , ოპერატორები ).

შეფუთვა

10 კაფსულა კონტურულ უჯრედოვან შეფუთვაში ( ბლისტერი ). 1 ბლისტერი მუყაოს კოლოფში .

შენახვის პირობები:

ინახება მშრალ, სინათლისგან დაცულ ადგილას, არა უმეტეს 25°C ტემპერატურაზე .

ინახება ბავშვებისათვის მიუწვდომელ ადგილას .

ვარგისობის ვადა:

2 წელი .

შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია .

გაცემის წესი

ფარმაცევტული პროდუქტი ჯგუფი III ( გაცემის წესი რეცეპტის გარეშე ).

საერთაშორისო დასახელება:

IRBESARTAN

მწარმოებელი: SANOFI AVENTIS

მოქმედი ნივთიერება: ირბესარტანი

კლინიკურ-ფარმაკოლოგიური ჯგუფი:

ანტიჰიპრეტენზული საშუალება (ანგიოტენზინ II რეცეპტორების ანტაგონისტი).

გამოშვების ფორმა:

ტაბლეტი: შეფუთვაში 14 ც.

1 ტაბ.

ირბესარტანი .........            150 მგ

1 ტაბ.

ირბესარტანი .........            300 მგ

დამხმარე ნივთიერებები:

მიკროკრისტალური ცელულოზა, ნატრიუმის კარბოქსიმეთილცელულოზა, ლაქტოზას მონოჰიდრატი, მაგნიუმის სტეარატი, კოლოიდური სილიკონის ჰიდრატი, მოდიფიცირებული სიმინდის სახამებელი და პოლოქსამერი 188.

ფარმაკოლოგიური თვისებები:

აპროველი მიეკუთვნება ანგიოტენზინ II რეცეპტორების ანტაგონისტების ჯგუფს. ანგიოტენზინ II წარმოადგენს ორგანიზმში წარმოქმნილ პრესორულ ნივთიერებას, რომელიც უკავშირდება სისხლძარღვების კედლებში არსებულ რეცეპტორებს, იწვევს მათ ვაზოკონსტრიქციას და არტერიული წნევის მომატებას. აპროველი აბლოკირებს ანგიოტენზინ II-ის გაფართოვებას და არტერიული წნევის დაქვეითებას.

ჩვენებები:

აპროველი გამოიყენება არტერიული ჰიპერტონიის სამკურნალოდ.

მიღების წესები და დოზირება:

მკურნალობა ჩვეულებრივ იწყება დოზით 150 მგ-ის ოდენობით ერთხელ დღეში. შემდგომში დოზა შესაძლებელია გაზარდონ 300 მგ-მდე, რაც დამოკიდებულია არტერიული წნევის დინამიკაზე. მაქსიმალური ჰიპოტენზიური ეფექტი აღინიშნა მკურნალობიდან 4-6 კვირის შემდეგ.

ზოგიერთ შემთხვევაში, განსაკუთრებით მკურნალობის დასაწყისში განსაზღვრული დიურეზული სამკურნალო საშუალებების გამოყენებისას ღებინების ან ფაღარათის შემდეგ, ორგანიზმში მარილების მკაცრი შეზღუდვისა და ჰემოდიალიზით მკურნალობისას შესაძლოა საჭირო გახდეს შედარებით მცირე დოზების გამოყენება.

პაციენტის მიერ მისაღები დოზის შემთხვევით გამოტოვებისას შემდეგ მიღებაზე საჭიროა ჩვეულებრივ დოზის გამოყენება. არ არის რეკომენდებული დოზის გაორმაგება, გამოტოვებული დოზის კომპენსაციის მიზნით.

გვერდითი მოვლენები:

აპროველის გამოყენებისას გვერდითი მოვლენები აღინიშნება იშვიათად და ისინი ატარებენ დროებით ხასიათს. ძირითადად აღინიშნება: თავის ტკივილი, თავბრუსხვევა, ადინამია, გულისრევა და ღებინება, აღნიშნული სიმპტომები არ წარმოადგენენ პრეპარატის მიღების შეწყვეტის აუცილებლობას.

უკუჩვენებები:

პრეპარატისა და მის შემადგენლობაში შემავალი რომელიმე კომპონენტის მიმართ მომატებული მგრძნობელობა. პრეპარატის გამოყენება ბავშვებში არ არის რეკომენდებული.

ორსულობა და ლაქტაცია:

აპროველის გამოყენება ორსულობისა და ლაქტაციის პერიოდში წინააღმდეგ ნაჩვენებია.

განსაკუთრებული მითითებები:

იმ შემთხვევაში, თუკი პაციენტს მკურნალობის დაწყებამდე ან მიმდინარე პერიოდში აღენიშნება:

ინტენსიური ღებინება ან ფაღარათი, თირკმელების ფუნქციის დარღვევა, ლაქტოზას მიმართ მომატებული მგრძნობელობა, საჭიროა დოზის შემცირება. თუკი პაციენტი იყენებს პრეპარატ აპროველს და მას ესაჭიროება ქირურგიული ჩარევა ან ზოგადი საანესთეზიო საშუალებების გამოყენება, საჭიროა დოზის კორექცია.

პრეპარატი ჩვეულებრივ არ მოქმედებს სატრანსპორტო საშუალებებისა და სხვა მანქანა/დანადგარების მართვის უნარზე, თუმცა მკურნალობის პერიოდში არტერიული წნევის ეპიზოდურმა მომატებამ შესაძლებელია გამოიწვიოს თავბრუსხვევა ან სისუსტის შეგრძნება.

ჭარბი დოზირება:

ჭარბი დოზირებისას საჭიროა ექიმის დაუყოვნებლივ ინფორმირება.

სხვა წამლებთან ურთიერთქმედება:

აპროველი ჩვეულებრივ არ ურთიერთქმედებს სხვა სამკურნალო საშუალებებთან. აპროველის კალიუმის პრეპარატებთან, კალიუმის შემცველ მარილებთან ან კალიუმის შემანარჩუნებელ საშუალებებთან კომბინირებისას (ზოგიერთი დიურეზული სამკურნალო საშუალება), სიფრთხილეა საჭირო.

შენახვის პირობები და ვადა:

პრეპარატი ინახება არა უმეტეს 30⁰C ტემპერატურაზე, მშრალ, სინათლისა და ბავშვებისგან დაცულ ადგილას.

ვარგისიანობის ვადა:   2 წელი.

საერთაშორისო დასახელება:

SULTAMICILLIN

მწარმოებელი: “ნობელ-ფარმასანოატი”,

ლიცენზიით “ნობელი”, თურქეთი.

მოქმედი ნივთიერება: სულატამიცილინი

კლინიკურ–ფარმაკოლოგიური ჯგუფი:

ანტიბიოტიკები (პენიცილინების ჯგუფი).

შემადგენლობა და გამოშვების ფორმა:

375 და 750 მგ-იანი შემოგარსული ტაბლეტები.

აპრიდი 375

სულტამიცილინის ტოზილატი დიჰიდრატი ..............  507მგ.

რაც შეესაბამება სულტამიცილინის შემცველობას .......  375მგ.

დამხმარე ნივთიერებები: ნატრიუმის სახამებლის გლკიკოლატი, მაგნიუმის სტეარატი, მიკოროკრისტალური ცელულოზა.

გარსის შემადგენლობა: ჰიდროქსიმეთილპროპილცელულოზა, ტიტანის დიოქსიდი, პოლიეთილენგლიკოლი.

აპრიდი 750

სულტამიცილინის ტოზილატი დიჰიდრატი ..............  1013მგ.

რაც შეესაბამება სულტამიცილინის შემცველობას .......  750მგ.

დამხმარე ნივთიერებები: ნატრიუმის სახამებლის გლკიკოლატი, მაგნიუმის სტეარატი, მიკოროკრისტალური ცელულოზა.

გარსის შემადგენლობა: ჰიდროქსიმეთილპროპილცელულოზა, ტიტანის დიოქსიდი, პოლიეთილენგლიკოლი.

ფარმაკოლოგიური თვისებები:

ფართო სპექტრის მოქმედების ანტიბაქტერიული საშუალება. წარმოადგენს ამპიცილინისა (ნახევრად სინთეზური პენიცილინი) და სულბაქტამის (ბეტა-ლაქტამაზების ინჰიბიტორები) ორმაგ ეთერს. მოქმედებს ბაქტერიციდულად, თრგუნვას რა ბაქტერიების უჯრედული კედლის სინთეზს.

სულტამიცილინი აქტიურია გრამდადებითი მიკროორგანიზმების მიმართ: Staphylococcus spp., Streptococcus spp. (მათ შორის Enterococcus); აერობული სპორების არწარმომქნელი ბაქტერიები; Listeria monocytogenes. პრეპარატი ასევე აქტიურია გრამუარყოფითი მიკროორგანიზმების მიმართ: აერობული – Neisseria gonorrhoeae, Neisseria meningitides, Escherichia coli, Shigella spp., Salmonella spp., Bordetella pertussia, Haemophilus influenzae-ს ბაქტერიების ზოგიერთი შტამი, მათ შორის ბეტა-ლაქტამაზების წარმომქმნელი.

ფარმაკოკინეტიკა:

პერორალური მიღებისას სულთამიცილინი ჰიდროლიზდება კუჭ-ნაწლავის ტრაქტიდან შეწოვის პროცესში. ამასთან ერთად სისტემურ სისხლის მიმოქცევაში ყალიბდება თანაფარდობა ამპიცილინი და სულბაქტამი 1:1. ბიოამთვისებლობა პერორალური მიღებისას შეადგენს 80%-ს ინტრავენურ შეყვანასთან შედარებით, საკვების მიღებასთან დამოუკიდებლად. სულბაქტამთან კომპლექსში მიღებისას ამპიცილინის მაქსიმალური შემცველობის სიდიდე ორჯერ უფრო დიდია, ვიდრე მხოლოდ ამპიცილინის მიღების დროს. სისხლის ცილებთან შექცევადი შეკავშირება შეადგენს 28%-ს ამპიცილინისათვის და 38%-ს სულბაქტამისათვის. ნახევრად დაშლის პერიოდი შეადგენს 0,75საათსა და 1 საათს, შესაბამისად ამპიცილინისა და სულბაქტამისათვის, ამასთან ერთად თითოეული პრეპარატის 50-75% გამოიყოფა შეუცვლელი სახით შარდთან ერთად. ხანდაზმულებში და პაციენტებში, თირკმლის დარღვეული ფუნქციით ამპიცილინისა და სულბაქტამის გამოყოფის კინეტიკა დაქვეითებულია თირკმლის უკმარისობის ხარისხის შესაბამისად.

ჩვენებები:

მიკროორგანიზმების მგრძნობიარე შტამებით გამოწვეული ინფექციების მკურნალობა:

- კანის ინფექციები;

- ლორ-ორგანოების ინფექციები;

- გინეკოლოგიური ინფექციები;

- სასუნთქი გზების ინფექციები;

- შარდ-სასქესო ორგანოების ინფექციები;

- ჩირქოვან-ქირურგიული ინფექციები (აბსცესები, ფლეგმონები, ოსტეომიელიტები და სხვ.);

- ბაქტერიული სეპტიცემია, ძვლებისა და სახსრების ინფექციები;

- გონოკოკური ინფექცია;

- ინფექციის პოსტოპერაციული პროფილაქტიკა.

ზემოთ ჩამოთვლილი დაავადებების გარდა, ამპიცილინის მიმართ მგრძნობიარე მიკროორგანიზმებით გამოწვეული ინფექციები ასევე ექვემდებარებიან პრეპარატით მკურნალობას, მის შემადგენლობაში ამპიცილინის შემცველობის გამო. ამპიცილინის მიმართ მგრძნობიარე მიკროორგანიზმებით, და პრეპარატის მიმართ მგრძნობიარე ბეტა-ლაქტამაზების წარმომქმნელი მიკროორგანიზმებით გამოწვეული შერეული ინფექციები არ საჭიროებენ სხვა ანტიბიოტიკის დანიშვნას.

გამოყენების მეთოდი და დოზირება:

უფროსებისათვის და ბავშვებისათვის 30 კგ-ზე მეტი სხეულის წონით დღიური დოზა შეადგენს 375-750 მგ-ს;

ბავშვებისათვის 30 კგ-ზე ნაკლები სხეულის წონით – 25-50 მგ/კგ (ინფექციის სიმძიმის მიხედვით). დღიური დოზა იყოფა ორად. მკურნალობის კურსი 5-14 დღეა. გაურთულებული გონორეის მკურნალობის დროს პრეპარატი შეიძლება დაინიშნოს ერთჯერადად დოზით 2,25 გრ (პრობენეციდთან კომბინაციაში).

გვერდითი მოვლენები:

შესაძლებელია ფაღარათი, ქავილი, გამონაყარი და კანის რეაქციები; იშვიათად – გულისრევა, ღებინება, ტკივილი ეპიგასტრიუმის არეში, კოლიკები, ძილიანობა, სისუსტე, თავის ტკივილი, ენტეროკოლიტი და ფსევდომემბრანული კოლიტი, სუპერინფექციის განვითარება (მათ შორის სოკოვანი). აღწერილია მძიმე ანაფილაქსიური რეაქციების განვითარების შემთხვევები.

უკუჩვენებები:

პენიცილინების რიგის პრეპარატების მიმართ ჰიპერმგრძნობელობა. ორსულობა, ძუძუთი კვება (პრეპარატის გამოყენების უსაფრთხოება ორსულობისა და ლაქტაციის პერიოდში დადგენილი არ არის).

განსაკუთრებული მითითებანი:

არ შეიძლება პრეპარატის გამოყენება პაციენტებში ინფექციური მონონუკლეოზით. ანამნეზში ცეფალოსპორინებზე ალერგიული რეაქციების აღნიშვნისას, მხედველობაში უნდა მივიღოთ ჯვარედინი ალერგიის განვითარების შესაძლებლობა.

თირკმლის ფუნქციის მძიმე დარღვევების დროს უნდა გაიზარდოს პრეპარატის მიღებებს შორის ინტერვალი. ხანგრძლივი მკურნალობის დროს აუცილებელია პერიფერული სისხლის სურათის, თირკმლისა და ღვიძლის ფუნქციების კონტროლი.

სხვა წამლებთან ურთიერთქმედება:

პრობენეციდთან კომბინაციური გამოყენებისას შეიძლება  ხანგრძლივად გაიზარდოს ორგანიზმში ამპიცილინისა და სულბაქტამის კონცენტრაციები, ასევე თირკმლების მიერ ამპიცილინისა და სულბაქტამის გამოყოფის დონის შემცირება.

ალოპურინოლთან ერთად გამოყენებისას საგრძნობლად მატულობს კანზე გამონაყარის ალბათობა. პრეპარატის დანიშვნა არ შეიძლება ანტიბიოტიკებთან-ამინოგლიკოზიდებთან ერთად. შარდში ამპიცილინის მაღალმა კონცენტრაციებმა შეიძლება გამოიწვიოს შარდში გლუკოზის დონის განსაზღვრის ანალიზების ცრუ დადებითი რეაქციები.

ორსულ ქალებში პრეპარატის გამოყენების დროს ასევე აღწერილია შეკავშირებული ესტრიოლის, ესტრიოლ-გლუკურონიდის, შეკავშირებული ესტორნისა და ესტრადიოლის დონეების დროებითი დაქვეითება.

შენახვის პირობები:

ინახება ბავშვებისათვის მიუწვდომელ ადგილას, 15-30ºC ტემპერატურის პირობებში.

ვარგისიანობის ვადა:

2 წელი

გაცემის რეჟიმი:

რეცეპტით.

საერთაშორისო დასახელება:

LANSOPRAZOLE

მწარმოებელი: BILIM PHARMACEUTICALS, თურქეთი

მოქმედი ნივთიერება: ლანსოპრაზოლი

კლინიკურ-ფარმაკოლოგიური ჯგუფი:

კუჭისა და 12-გოჯა ნაწლავის წყლულოვანი დაავადების სამკურნალო საშუალება.

გამოშვების ფორმა:

კაფსულები: შეფუთვაში 14 ც.

1 კაფს.

ლანსოპრაზოლი ..........      30 მგ

ფარმაკოლოგიური თვისებები:

აპრაზოლი წარმოადგენს ბენზიმიდაზოლის წარმოებულს, რომელიც აქვეითებს კუჭში მარილმჟავას სეკრეციას. ლანსოპრაზოლი კუჭის პარიეტულ უჯრედში მეტაბოლიზირდება და იწვევს სულფონჰიდრილური ჯგუფების H⁺ K⁺ ატფ-აზის ინაქტივაციას, რითაც აბლოკირებს მარილმჟავას წარმოქმნას ბოლო ეტაპზე. ამცირებს პეპსინის გამომუშავებას. კუჭის ლორწოვანი გარსის ოქსიგენაციის გაუმჯობესებითა და ბიკარბონატების სეკრეციის გაზრდით ახორციელებს დაცვით ფუნქციასაც. აპრაზოლს ახასიათებს ანტიჰელიკობაქტერიული აქტივობა.

ფარმაკოკინეტიკა:

აპრაზოლის მაქსიმალური კონცენტრაცია პლაზმაში მიიღწევა 1.5-2.2 სთ-ის განმავლობაში. ნახევარგამოყოფის პერიოდი შეადგენს 1.3-1.7 სთ-ს. მისი 97-99% უკავშირდება პლაზმის ცილებს. აპრაზოლი მეტაბოლიზირდება ღვიძლში, გამოიყოფა თირკმელებისა და კუჭ-ნაწლავის ტრაქტის საშუალებით.

ჩვენებები:

• კუჭისა და 12-გოჯა ნაწლავის წყლულოვანი დაავადება გამწვავების ფაზაში;
• რეფლუქს-ეზოფაგიტი;
• ზოლინგერ-ელისონის სინდრომი;
• სტრესული წყლულები;
• Helicobacter pylori-სთან ასოცირებული კუჭისა და 12-გოჯა ნაწლავის წყლულოვანი დაავადება.

მიღების წესები და დოზირება:

12-გოჯა ნაწლავის წყლულოვანი დაავადებისა და სტრესული წყლულების შემთხვევაში ინიშნება 30 მგ დღეში (ერთ მიღებაზე დილით), 2-4 კვირის განმავლობაში.

კუჭის წყლულოვანი დაავადებისა და ეროზიულ-წყლულოვანი ეზოფაგიტის დროს ინიშნება 30 მგ დღეში, 4-8 კვირის განმავლობაში. საჭიროებისას შესაძლებელია დოზის გაზრდა 60 მგ-მდე დღეში.

კუჭის ლორწოვანში Helicobacter pylori-ს აღმოჩენისას ინიშნება 30 მგ 2-ჯერ დღეში ანტიბიოტიკებთან (კლარითრომიცინი, ამოქსიცილინი) კომბინაციაში, 10-14 დღის განმავლობაში. ზოლინგერ-ელისონის სინდრომის დროს დოზა უნდა შეირჩეს ინდივიდუალურად, მჟავიანობის 10 მმოლ/სთ-ში დონის მიღწევამდე პრეპარატი ინიშნება დილით ჭამის წინ.

გვერდითი მოვლენები:

იშვიათად აღინიშნება დიარეა, თავბრუსხვევა, თავის ტკივილი, ძილიანობა, მიალგია.

უკუჩვენებები:

• პრეპარატისადმი მაღალი მგრძნობელობა;
• კუჭის კიბო;
• ორსულობა, ლაქტაცია.

განსაკუთრებული მითითებები:

ალუმინისა და მაგნიუმის ჰიდროჟანგის შემცველი ანტაციდები ინიშნება აპრაზოლის მიღებიდან 2 სთ-ის შემდეგ.

სხვა წამლებთან ურთიერთქმედება:

აპრაზოლი არ ახდენს გავლენას ვარფარინის, პრედნიზოლონის და დიაზეპამის მეტაბოლიზმზე. პერორარულ კონტრაცეპტივებთან კომბინაციაში არ იწვევს ენდოგენური ჰორმონების დონის ცვლილებას.

შენახვის პირობები და ვადა:

პრეპარატი ინახება 10-25⁰C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა:   2 წელი.

მწარმოებელი: “AJANTA PHARMA LIMITED”, ინდოეთი

კლინიკურ–ფარმაკოლოგიური ჯგუფი:

ჰეპატოპროტექტორი

შემადგენლობა და გამოშვების ფორმა:

1 კაფსულის შემადგენლობაში შედის:

Mandur Bhasma ………………………  33 mg

შემდეგი მცენარეების წყლიანი ექსტრაქტები:

Capparis spinosa ……………………..  75mg

Cichorium intibys ……………………..  75mg

Solanum nigrum ………………………  25mg

Cassia occidentalis …………………    25 mg

Terminalia arjuna ……………………   32 mg

Achillea millefolium …………………..  25mg

კონსერვანტი: მეთილპარაბენი I.P. 0.2% წ/წ

ფარმაკოლოგიური თვისებები:

აპკოსული არის მცენარეული პრეპარატი, რომელიც ხელს უწყობს ღვიძლის ფუნქციის ნორმალიზებას, ნაღვლის გამოყოფის პროცესს და ჰეპატოციტების მემბრანების სტაბილიზაციას. იგი აუმჯობესებს მადას და ხელს უწყობს ზრდის პროცესს.

ჩვენება:

-მწვავე და ქრონიკული ჰეპატიტი;

-ღვიძლის ცხიმოვანი ინფილტრაცია და დისტროფია;

-ანორექსია;

-პროფილაქტიკა ღვიძლის ინტოქსიკაციის (ალკოჰოლური, მედიკამენტოზური) დროს.

მიღების წესი და დოზირება:

1-2 კაფსულა 3-4 ჯერ დღეში ან ექიმის დანიშნულების მიხედვით.

ვარგისიანობის ვადა: 5 წელი

შენახვის პირობები:

მშრალ, გრილ, სინათლისაგან დაცულ ადგილას

შეფუთვა: 100 კაფსულა

საერთაშორისო დასახელება:

APIS-HOMACCORD

მწარმოებელი; HEEL, გერმანია

კლინიკურ-ფარმაკოლოგიური ჯგუფი:

შეშუპების სამკურნალო ჰომეოპათიური საშუალება.

გამოშვების ფორმა:

წვეთები პერორალური მიღებისათვის: საწვეთურიან ფლაკონში 30 და 100 მლ

Spiritus 35 vol% .................0.4მლ

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტიქსოკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

შეშუპება, პუსტულოზური და ბულოზური ეგზემა; მომატებული აგზნებადობა; წითურა და კანის სხვა დაავადებები, რომელთა სიმპტომები მოგვაგონებს ყვავილს; ბავშვებში პაპულოზური ჭინჭრის ციება, ეგზანთემები, ნეიროდერმიტები და შემომსალტველი ლიქენი; ამოსახველებლად-ბრონქიტის და ლარინგიტისას; ხმის იოგთა შეშუპება, ალბუმინურია, მწვავე გლომერულონეფრიტი; მწველი ხასიათის ტკივილები (მათ შორის მწერებისა და ფუტკრის ნაკბენები).

მიღების წესები და დოზირება:

წვეთები პერორალური მიღებისათვის:

ჩვეულებრივ 10 წვეთი დღეში 2-4-ჯერ. მწვავე შემთხვევებში იწყებენ 10 წვეთით ყოველ 15 წუთში, არა უმეტეს 2 საათის განმავლობაში.

გამოყენების წესი: ჭამამდე ნახევარი საათით ადრე ენაზე (ან ენის ქვეშ) დაწვეთებით წყლის მიყოლების გარეშე. შეიძლება მცირეოდენ წყალში გახსნილის ყლუპებად დალევა.

გვერდითი მოვლენები:

არ არის აღნიშნული.

უკუჩვენებები:

არ გამოიყენება ორგანიზმის მომატებული მგრძნობელობისას მეფუტკრეობის პროდუქტების და პრეპარატების მიმართ.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა:   5 წელი.

საერთაშორისო დასახელება:

ROYAL JELLY

მწარმოებელი: TALLINA FARMAATSIATENASE, ესტონეთი

მოქმედი ნივთიერება: ფუტკრის რძის დედო

კლინიკურ-ფარმაკოლოგიური ჯგუფი:

ზოგადი მატონიზირებული, ქსოვილთა ტროფიკის გამაუმჯობესებელი საშუალება.

გამოშვების ფორმა:

ტაბლეტები: ბლისტერზე 25 ტაბ., შეფუთვაში 1 და 2 ბლისტერი.

1 ტაბ.

ფუტკრის რძის დედო ..........       10 მგ

დამხმარე ნივთიერებები:

რძის შაქარი, კარტოფილის სახამებელი, ტალკი და კალციუმის სტეარატი.

მალამო 3%:  ტუბში 50 გ.

1გ

ფუტკრის რძის დედო        10 მგ

დამხმარე ნივთიერებები:

გლიცერინი, ვაზელინი, თხიერი პარაფინი, ცეტილის სპირტი, ნატრიუმის ცეტილსტეარილსულფატი, მეთილ პარაჰიდროქსიბენზოატი, დარიჩინის სპირტი და გასუფთავებული წყალი.

ფარმაკოლოგიური თვისებები:

აპილაკი, ანუ ე.წ. ფუტკრის რძის დედო, წარმოადგენს ალოტროფიული ჯირკვლების გამონაჟურს, რომელსაც გამოიმუშავებენ მუშა ფუტკრები. აპილაკი წარმოადგენს ბიოლოგიურ სტიმულატორს, რომელსაც გააჩნია მატონიზირებელი, ტროფიკული და ანტისეპტიკური მოქმედება.

ჩვენებები:

ტაბლეტები:

გამოჯანმრთელების პერიოდში ალიმენტური ხასიათის დარღვევები, მშობიარობის შემდგომ პერიოდში ლაქტაციის დარღვევა. გამოიყენება როგორც დამხმარე საშუალება ნერვული დარღვევების მკურნალობისას და ჰიპოტონიის დროს.

მალამო:

სებორეა, სებორეული და მიკრობული ეგზემა, ნეიროდერმიტი.

მიღების წესები და დოზირება:

ტაბლეტები:

მოზრდილებში ინიშნება 1 ტაბლეტი სუბლინგვალურად 3-ჯერ დღეში. მკურნალობის ხანგრძლივობა შეადგენს 10-15 დღეს.

მალამო:

2-10 გ მალამო დაიტანება სხეულის დაზიანებულ ზედაპირზე 1-2-ჯერ დღეში (ნახვევით ან უშუალოდ). მკურნალობის კურსის ხანგრძლივობა შეადგენს 1-დან 2 თვემდე.

გვერდითი მოვლენები:

შესაძლოა ალერგიული რეაქციების განვითარება, რომლებიც მკურნალობის შეწყვეტასთან ერთად ქრება. პრეპარატის მიმართ მომატებული მგრძნობელობისას აღინიშნება ძილის დარღვევა, რომელიც გაივლის პრეპარატის დოზის შემცირების ან მისი მიღების მცირე ვადით შეწყვეტის შემდეგ.

უკუჩვენებები:

თაფლის შემცველი პროდუქტების მიმართ მომატებული მგრძნობელობა, ადისონის დაავადება.

ორსულობა და ლაქტაცია:

აპილაკის გამოყენება დასაშვებია.

შენახვის პირობები და ვადა:

ტაბლეტები ინახება არა უმეტეს 20⁰ Cტემპერატურაზე, მშრალ, გრილ, სინათლისაგან დაცულ ადგილას.

ვარგისიანობის ვადა:

ტაბლეტები  3 წელი;

მალამო       2 წელი.

მწარმოებელი ფირმის დასახელება და მისამართი:

შ . პ . ს . ”ბიოფარმი” - L ( საქართველო )

წამლის ფორმა: ტაბლეტი

შემადგენლობა:

1 ტაბლეტი შეიცავს 150 მგ. ყვავილის მტვერს, 150 მგ.ყურძნის ჭაჭის მშრალ ექსტრაქტს

დამხმარე ნივთიერებები:

კალციუმის გლუკონატი, სალიცილის მჟავა, კალციუმის სტეარატი, სახამებელი, ლაქტოზა, ტალკი.

საჭირო რაოდენობა 350 მგ.- იანი ტაბლეტის მისაღებად .

ფარმაკოლოგიური ჯგუფი:

ზოგადმატონიზირებელი პარასამკურნალო საშუალება:

ფარმაკოლოგიური თვისებები:

პრეპარატის ფარმაკოლოგიური თვისებები განპირობებულია ყვავილის მტვრის და ყურძნის ჭაჭის ექსტრაქტის კომპონენტების მოქმედებით. იგი არის ორი ძლიერი ბიოლოგიურად აქტიური კომპონენტების შემცველი– ფუტკრის და ყურძნის პროდუქტების ნაზავი, მდიდარია ყველა იმ ნივთიერებით, რომელიც განაპირობებს ორგანიზმის ნორმალურ ფუნქციონირებას და წარმოადგენს ბუნებრივი, მაღალეფექტური ანტიოქსიდანტების, ვიტამინების, მინერალების და ამინომჟავების კომპლექსს.

ჩვენება:

• პრეპარატი გამოიყენება, როგორც ანტიოქსიდანტური კომპლექსი გულის დაავადებების კომბინირებული მკურნალობის დროს. ასევე, მათი პროფილაქტიკისათვის; ვიტამინების, მინერალების, ამინომჟავების დეფიციტის შესავსებად , იმუნური სისტემის კორექციისათვის.

გვერდითი მოვლენები:

ინდივიდუალური მომატებული მგრძნობელობა .

უკუჩვენება:

პრეპარატში შემავალ კომპონენტების მიმართ მომატებელ მგრძნობელობა .

გამოყენების მეთოდები და დოზები:

პრეპარატი 6 თვიდან 1 წლამდე ასაკის ბავშვებში მიიღება 1/4 ტაბლეტი 2- ჯერ დღეში.

1 წლიდან 3 წლამდე ასაკის ბავშვებში 1/3 ტაბლეტი 2- ჯერ დღეში .

3 წლიდან 5 წლამდე   ასაკის ბავშვებში 1/2 ტაბლეტი 2- ჯერ დღეში .

5 წლიდან 12 წლამდე   ასაკის ბავშვებში 1 ტაბლეტი 2- ჯერ დღეში.

12 წლიდან ასაკის ბავშვებში და მოზრდილებში 2-3 ტაბლეტი 2- ჯერ დღეში.

განმეორებითი კურსის ჩატარება რეკომენდებულია 3 თვეში ერთხელ, ყოველი სეზონის დასაწყისში.

საჭიროების შემთხვევაში დასაშვებია დოზების გაორმაგება .

გამოშვების ფორმა:

2X30 ტაბლეტიანი ფლაკონი მუყაოს შეფუთვაში.

შენახვის პირობები:

პრეპარატი ინახება +8 – +15 °C ტემპერატურაზე მშრალ, ბნელ ადგილას .

ვარგისიანობის ვადა:

3 წელი

აფთიაქიდან გაცემის პირობები:

ურეცეპტოდ