საერთაშორისო დასახელება:

ACETAMINOPHENUM; ASCORBIC ACID

მწარმოებელი: BAYER CONSUMER CARE, გერმანია

მოქმედი ნივთიერება: აცეტამინოფენი+ასკორბინის მჟავა

კლინიკურ–ფარმაკოლოგიური ჯგუფი:

გაციების საწინააღმდეგო, სიცხის დამწევი, ტკივილგამაყუჩებელი კომბინირებული პრეპარატი.

გამოშვების ფორმა:

წვეთები: ფლაკონში დოზირებული პიპეტით 15 მლ.

0.8 მლ

აცეტამინოფენი ……….      60 მგ

ასკორბინის მჟავა ……….    8 მგ

დამხმარე ნივთიერებები:

ბუტილპარაბენი, ნატრიუმის ბენზოატი, პროპილენგლიკოლი, გლიცერინი, სორბიტოლი, სიმინდის სიროფი, მიკროკრისტალური ცელულოზა, ქსანტანის მური, სახარინი, ლიმონის მჟავა, ვაშლის არომატიზატორი, გამოხდილი წყალი.

ფარმაკოლოგიური თვისებები:

აცეტამინოფენს (პარაცეტამოლი) აქვს ანალგეტიკური, სიცხის დამწევი და მსუბუქი ანთების საწინააღმდეგო მოქმედება. ამცირებს თავის, კუნთების, სახსრების და ყელის ტკივილს.

ვიტამინი C  – როგორც იმუნური დაცვისა და ანტოქსიდანტური მოქმედების ძირითადი კომპონენტი, აძლიერებს ორგანიზმის ადაპტაციურ შესაძლებლობებს და მდგრადობას ინფექციების მიმართ. აქტიურად მონაწილეობს ჟანგვა-აღდგენითი პროცესების რეგულაციაში, ნახშირწყლების ცვლაში სტეროიდული ჰორმონებისა და კატექლოამინების სინთეზში, სისხლის შედედების პროცესში. აძლიერებს კოლაგენის სინთეზს, ახდენს რეგენერაციული პროცესების სტიმულირებას, კაპილარების განვლადობის ნორმალიზებას.

ჩვენებები:

ინიშნება ბავშვებში 3 თვიდან 2 წლამდე: ზედა სასუნთქი გზების მწვავე რესპირატორული დაავადებების, გრიპისა და გაციების დროს, ტემპერატურის შესამცირებლად ბავშვთა ინფექციური დაავადებებისას; თავის, კუნთებისა და სახსრების ტკივილისას. ორგანიზმის იმუნური დაცვის გასაზრდელად; კბილების ამოჭრის დისკომფორტისა და ჰიპერთერმიის დროს.

მიღების წესები და დოზირება:

3 თვიდან 6 თვემდე – 0.4 მლ (პიპეტის პირველ დანაყოფამდე);

6 თვიდან 1 წლამდე – 0.4-0.8 მლ;

1 წლიდან 2 წლამდე – 0.8-1.2 მლ. აუცილებლობის შემთხვევაში გაიმეორეთ ყოველ 4 საათში ერთხელ, მაგრამ არა უმეტეს 4-ჯერ მიღებისა 24 საათის განმავლობაში. გამოყენების წინ კარგად შეანჯღრიეთ.

გვერდითი მოვლენები:

კუჭ-ნაწლავის ტრაქტის მხრივ: ტკივილი ეპიგასტრიუმში, გულისრევა, პირღებინება.

ალერგიული რეაქციები: გამონაყარი კანზე, ქავილი, შეშუპება. პრეპარატის ხანგრძლივი მიღებისას  – ანემია.

ძლიერი მოწამვლისას – ღვიძლისა და თირკმლის ფუნქციის დარღევა.

უკუჩვენებები:

მომატებული ინდივიდუალური მგრძნობელობა პრეპარატში შემავალი კომპონენტების მიმართ; ღვიძლის და/ან თირკმლების ფუნქციის გამოხატული დარღვევები; ბავშვთა ასაკი 3 თვემდე.

ჭარბი დოზირება:

შესაძლოა გამოვლინდეს აგზნებადობა, თავბრუსხვევა, ძილის დარღვევა. მძიმე შემთხვევებში  – თირკმლისა და ღვიძლის ფუნქციის დარღვევა.

გადაუდებელი დახმარება: კუჭის გამორეცხვა, ენტეროსორბენტისა ან გააქტივებული ნახშირის მიღება. სასწრაფოდ ჰოსპიტალიზაცია ტოქსიოლოგიურ განყოფილებაში.

განსაკუთრებული მითითებები:

არ შეიცავს შაქარს, ამიტომ შესაძლებელია გამოყენება შაქრიანი დიაბეტით დაავადებულ ან რისკ-ჯგუფში შემავალ ბავშვებში.

სხვა წამლებთან ურთიერთქმედება:

აცეტამინოფენი ანელებს ორგანიზმიდან ანტიბიოტიკების გამოყოფას. ბარბიტურატებთან კომბინაციაში ძლიერდება აცატემინოფენის ჰეპატო- და ნეფროტოქსიკურობა. ტეტრაციკლინებთან კომბინაციისას იზრდება ანემიისა და მეტჰემოგლობინემიის განვითარების რისკი.

შენახვის პირობები და ვადა:

პრეპარატი ინახება 15-30⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი.

საერთაშორისო დასახელება:

ACETAMINOPHENUM; PHENYLEPHRINE; CHLORPHENIRAMINE

მწარმოებელი: BAYER CONSUMER CARE, გერმანია

კლინიკურ–ფარმაკოლოგიური ჯგუფი:

გაციების საწინააღმდეგო, სიცხის დამწევი, ტკივილგამაყუჩებელი კომბინირებული პრეპარატი.

გამოშვების ფორმა:

ტაბლეტები: ბლისტერზე 12 ტაბ., შეფუთვაში 1, 3 და 9 ბლისტერი.

1 ტაბ.

აცეტამინოფენი …………………. …….      325 მგ

ფლორფენირამინის მალეატი ………..       2 მგ

ფენილეფრინის ჰიდროქლორიდი …         5 მგ

დამხმარე ნივთიერებები:

მიკროკრისტალური ცელულოზა, სტეარინის მჟავა, კროსკარმელოზური ნატრიუმი, ჰიდროქსიპროპილმეთილცელულოზა, სილიციუმის დიოქსიდი, მაგნიუმის სილიკატი, მაგნიუმის სტეარატი, პოლიეთილენგლიკოლი, მინერალური ზეთი, DD&C ყვითელი Ν10 ლაქი.

ხსნადი ფხვნილი პაკეტებში: შეფუთვაში 5 ც.

1 პაკ.

აცეტამინოფენი ………………………….       650 მგ

ქლორფენირამინის მალეატი . …………       4 მგ

ფენილეფრინის ჰიდროქლორიდი ….          10 მგ

დამხმარე ნივთიერებები:

ასკორბინის მჟავა, შაქარი, ლიმონმჟავა, სილიციუმის დიოქსიდი, არომატიზატორი ლიმონის გემოთი, სამფუძიანი ნატრიუმის ციტრატი, სახამებელი, ტიტანის დიოქსიდი, ტრიკალციუმის ფოსფატი, საღებავები:D&C ყვითელი Ν10, FD&C ყვითელი Ν6.

ფარმაკოლოგიური თვისებები:

აცეტამინოფენს (პარაცეტამოლი) აქვს ანალგეტიკური, სიცხის დამწევი და მსუბუქი ანთების საწინააღმდეგო მოქმედება. ამცირებს თავის, კუნთების, სახსრებისა და ყელის ტკივილს.

ქლორფენირამინის მალეატი ხსნის ცხვირის, ცხვირ-ხახის და ზედა სასუნთქი გზების ლორწოვანი გარსის შეშუპებას, ამცირებს თვალის ქავილს.

ფენილეფრინის ჰიდროქლორიდი – სიმპატომიმეტიკი  – იწვევს ზედა სასუნთქი გზების სისხლძარღვების შევიწროებას, ამცირებს ცხვირ-ხახის ლორწოვანის შეშუპებას, ჰიპერემიასა და სურდოს, რინიტებისა და ნაზოფარინგიტების დროს.

ჩვენებები:

ზედა სასუნთქი გზების მწვავე რესპირატორული დაავადებების სიმპტომების (ჰიპერთერმია, თავის, კუნთების და სახსრების ტკივილი, ცრემლდენა, სურდო) და გრიპის დროს.

მიღების წესები და დოზირება:

ტაბლეტები

მოზრდილებსა და ბავშვებში 12 წლის ზევით ინიშნება 1-2 ტაბლეტი 4-ჯერ დღეში. აუცილებლობის შემთხვევაში გაიმეორეთ ყოველ 4 საათში ერთხელ, მაგრამ არა უმეტეს 8 ტაბლეტისა დღე-ღამეში.

ერთჯერადი დოზები ბავშვებისათვის დამოკიდებულია სხეულის წონასა (10-15 მგ აცეტამინოფენი 1 კგ სხეულის მასაზე გადაანგარიშებით) და ბავშვის ასაკზე. საორიენტაციოდ შეადგენს: 6-12 წლამდე ბავშვებისთვის 1 ტაბლეტი 2-ჯერ დღე-ღამეში.

მიღებებს შორის ინტერვალი არაუმცირეს 6 საათისა.

ხსნადი ფხვნილი

მოზრდილებსა და ბავშვებში 12 წლის ზევით: 1 პაკეტი 4-ჯერ დღეში. პაკეტის შიგთავსი იხსნება 1 ჭიქა (175 მლ) ცხელ წყალში.

აუცილებლობის შემთხვევაში გაიმეორეთ ყოველ 4 სათში ერთხელ, მაგრამ არ აუმეტეს 4-ჯერ მიღებისა 24 საათის განმავლობაში. შესაძლებელია შაქრის ან თაფლის დამატება გემოვნებით.

გვერდითი მოვლენები:

კუჭ-ნაწლავის ტრაქტის მხრივ: ტკივილი ეპიგასტრიუმში, გულისრევა, ღებინება, ალკოჰოლთან ერთად პრეპარატის ხანგრძლივი მიღებისას შესაძლოა გამოვლინდეს ჰეპატოტოქსიკური ზემოქმედება.

ცნს-ის მხრივ: ძილიანობა, ძილის დარღვევა, მომატებული აგზნებადობა (განსაკუთრებით ბავშვებში).

ალერგიული რეაქციები: გამონაყარი კანზე, ქავილი, კვინკეს შეშუპება.

სისხლწარმოქმნის სისტემის მხრივ: ანემია, თრომბოციტოპენია.

უკუჩვენებები:

მომატებული ინდივიდუალური მგრძნობელობა პრეპარატში შემავალი კომპონენტების მიმართ, ღვიძლის და/ან თირკმლების ფუნქციის გამოხატული დარღვევები, ფერმენტ გლუკოზო-6-ფოსფატდეჰიდროგენაზას დეფიციტი, სისხლის დაავადებები, გულ-სისხლძარღვთა სისტემის მძიმე პათოლოგიები, არტერიული ჰიპერტენზია, სისხლძარღვთა სპაზმისადმი მიდრეკილება, გლაუკომა, შარდვის გაძნელება წინამდებარე ჯირკვლის ადენომის დროს, ფილტვების ემფიზემა ან ქრონიკული ბრონქიტი, შაქრიანი დიაბეტი.

განსაკუთრებული მითითებები:

მკურნალობის ხანგრძლივობა  – არა უმეტეს 3 დღე. სათანადო თერაპიული ეფექტის არარსებობის, მაღალი ტემპერატურის, რომელიც 3 დღის მკურნალობის ფონზე მაინც შენარჩუნებულია, ასევე ახალი სიმპტომების გაჩენის შემთხვევაში, სავარაუდოა უფრო სერიოზული დაავადების არსებობა, რის გამოც სასწრაფოდ უნდა მიმართოთ ექიმს. არ არის რეკომენდებული პრეპარატის მიღება ორსულობისა და ლაქტაციის პერიოდში.

მკურნალობის დროს თავი უნდა აარიდოთ პოტენციურად საშიშ საქმიანობებს, სტარანსპორტო საშუალების მართვას და მუშაობას მექანიზმებთან. არ არის რეკომენდული ალკოჰოლის მიღება.

ჭარბი დოზირება:

შესაძლოა გამოვლინდეს აგზნებადობა, თავბრუსხვევა, ძილის დარღვევა. მკურნალობა სიმპტომურია. ნებისმიერი სამკურნალო საშუალების დოზის გადაჭარბების შემთხვევაში აუცილებლად მიიღეთ სამედიცინო დახმარება.

სხვა წამლებთან ურთიერთქმედება:

არ არის რეკომენდებული პრეპარატის ერთდროული მიღება საძილე, ფსიქოტროპულ და ალკოჰოლის შემცველ პრეპარატებთან ერთად. ალკოჰოლთან და ბარბიტურატებთან კომბინაციაში აცეტამინოფენის ჰეპატო-ნეფროტოქსიკურობა ძლიერდება. საძილე და სედატიურ საშუალებებთან, ნეიროლეპტიკებთან, ტრანკვილიზატორებთან, ალკოჰოლთან ერთდროული მიღებისას არსებითად ძლიერდება ქლორფენირამინის მალეატის დამთრგუნველი ზემოქმედება ცნს-ზე. აცეტამინოფენი ანელებს ანტიბიოტიკების გამოყოფას ორგანიზმიდან. ტეტრაციკლინებთან კომბინაციაში იზრდება ანემიისა და მეთჰემოგლობინემიის განვითარების რისკი.

ფენილეფრინის ჰიდროქლორიდი ამცირებს რეზერპინისა და ოქტადინის ჰიპოტენზიურ ეფექტს. ფენილეფრინის ჰიდროქლორიდის მონოამინოოქსიდაზების ინჰიბიტორებთან ერთდროულმა მიღებამ შესაძლოა გამოიწვიოს ჰიპერტონული კრიზი.

შენახვის პირობები და ვადა:

პრეპარატი ინახება 15-25^OC ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 3 წელი.

საერთაშორისო დასახელება:

POTASSIUM IODIDE

მწარმოებელი: DARNITSA, უკრაინა

მოქმედი ნივთიერება: კალიუმის იოდიდი

კლინიკურ–ფარმაკოლოგიური ჯგუფი:

თიროქსინის სინთეზის მარეგულირებელი იოდის შემცველი პრეპარატი

გამოშვების ფორმა:

ტაბლეტები: შეფუთვაში 10 ც.

1 ტაბ.

კალიუმის იოდიდი …………  1 მგ

ვრცლად იოდბალანსი

საერთაშორისო დასახელება:

DIPYRIDAMOLE

მწარმოებელი: SOPHARMA, ბულგარეთი

მოქმედი ნივთიერება: დიპირიდამოლი

კლინიკურ–ფარმაკოლოგიური ჯგუფი:

თრომბოციტების აგრეგაციის ინჰიბიტორი

გამოშვების ფორმა:

დრაჟე: შეფუთვაში 30 ც.

1 ტაბ.

დიპირიდამოლი ……..     25 მგ

ვრცლად კურანტილი

საერთაშორისო დასახელება:

ANTISOL

მწარმოებელი: P.P.E. “GEMI”, პოლონეთი

კლინიკურ–ფარმაკოლოგიური ჯგუფი:

რეპელენტური საშუალება

გამოშვების ფორმა:

ემულსია:  ტუბში 50 გ

ჩვენებები:

პრეპარატი გამოიყენება მოზრდილებსა და ბავშვებში 1 წლის ასაკიდან სხეულის ღია ადგილებში გარეგანად წასასმელად მწერების (კოღო, ტკიპა, კრაზანა, ფუტკარი, ქინქლი) ნაკბენებისაგან თავის დასაცავად.

პრეპარატის გამოყენება არ იწვევს ალერგიულ რეაქციებს, იგი კარგი ამტანობით ხასიათდება ყველა სახის კანისათვის.

მიღების წესები და დოზირება:

პრეპარატი დაიტანება შეზელვის გარეშე სხეულის ღია ნაწილებზე: სახეზე, ხელებზე, კისერზე, ქვედა კიდურებზე. მწერებისაგან დაცვის ხანგრძლივობა შეადგენს 2 სთ-ზე მეტს. აუცილებლობის შემთხვევაში პროცედურას იმეორებენ.

განსაკუთრებული მითითებები:

პრეპარატის გამოყენება დღე-ღამეში 4-ჯერ უფრო მეტად (ბავშვებისათვის 2-ჯერ უფრო მეტად) დაუშვებელია. პრეპარატის გამოყენება თვალსა და კანის დაზიანებულ უბანზე დაუშვებელია. ანტისოლის თვალში მოხვედრისას რეკომენდებულია მისი წყლით გასუფთავება.

შენახვის პირობები და ვადა:

პრეპარატი ინახება 15-25⁰C ტემპერატურაზე, საკვები პროდუქტებისა და ბავშვებისაგან დაცულ ადგილას.

სახელი, გვარი ^*

მიმართულება ^*
აირჩიე

კლინიკა ^*
აირჩიე

საერთაშორისო დასახელება:

DISULFIRAM

მწარმოებელი: Warsaw pharmaceutical work POLFA, პოლონეთი

მოქმედი ნივთიერება: დისულფირამი

კლინიკურ–ფარმაკოლოგიური ჯგუფი:

ალკოჰოლური დამოკიდებულების სამკურნალო საშუალება.

გამოშვების ფორმა:

ტაბლეტები: შეფუთვაში 30 ც.

1 ტაბ.

დისულფირამი ……..        500 მგ

ფარმაკოლოგიური თვისებები:

პრეპარატი წარმოადგენს ქრონიკული ალკოჰოლიზმის სამკურნალო საშუალებას. დისულფირამს გააჩნია ფერმენტ ალდეჰიდ დეჰიდროგენაზას მაინჰიბირებელი მოქმედება. ეს ფერმენტი მონაწილეობს ეთილის სპირტის მეტაბოლიზმში, რაც ზრდის ეთილის სპირტის მეტაბოლიტის კონცენტრაციას, ეს თავის მხრივ იწვევს შემდეგი სიმპტომების განვითარებას: სახეზე სისხლის მიწოლა, გულისრევა, ღებინება, ზოგადი სისუსტე, ტაქიკარდია, არტერიული წნევის დაქვეითება, იმპოტენცია და სხვა. პრეპარატის მიღების ძირითადი შედეგი არის ალკოჰოლის მიმართ ზიზღის განვითარება.

ფარმაკოკინეტიკა:

პრეპარატის შეწოვა ხდება სწრაფად კუჭ-ნაწლავის ტრაქტიდან; აქტიური ნივთიერება შეიწოვობა არასრულად (70-90%). დისულფირამის ცხიმში ხსნადობის მაღალი უნარის გამო პრეპარატი ფართოდ ვრცელდება ორგანიზმში და გროვდება სხვადასხვა ცხიმოვან დეპოებში. დისულფირამი სწრაფად განიცდის მეტაბოლიზმს დიეთილთიოკარბამატის სახით, რომელიც ნაწილობრივ გამოიყოფა გოგირდნახშირბადის სახით ამონასუნთქი ჰაერიდან და ნაწილობრივ მეტაბოლიზდება ღვიძლში მეთილ-დიეთიდითიოლკარბონატის (მეთილ-დდკ) სახით. მეთილ-დდკ გარდაიქმნება ეთილის სპირტის აქტიურ მეტაბოლიტად (მეთილ-თიოკარბამინის მჟავა), რომლის მაქსიმალური კონცენტრაცია მიიღწევა პრეპარატის მიღებიდან 4 სთ-ის შემდეგ, ხოლო მაქსიმალური ინჰიბიტორული აქტივობა მიიღწევა პრეპარატის მიღებიდან 3 დღის შემდეგ. მეთილ-დიეთილთიოკარბამინის მჟავას (მეთილ-დთმ) ნახევარ დაშლის პერიოდი შეადგენს 10 სთ-ს. ინჰიბიტორული აქტივობა გრძელდება გაცილებით უფრო ხანგრძლივად. ასე რომ, ეფექტი შეიძლება შენარჩუნდეს პრეპარატის მიღებიდან 7-14 დღე.

მეტაბოლიტების გამოყოფა ძირითადად ხდება შარდით. ნაწილი გამოიყოფა გოგირდნახშირბადის სახით ამონასუნთქ ჰაერთან ერთად, ხოლო 20% შეუცვლელი დისულფირამის სახით  – ნაწლავებიდან. პრეპარატის 20% შეიძლება დარჩეს ორგანიზმში 1 კვირისა და მეტი დროის განმავლობაში.

ჩვენებები:

პრეპარატი ინიშნება პერორალურად ქრონიკული ალკოჰოლიზმის რეციდივების პროფილაქტიკის მიზნით.

მიღების წესები და დოზირება:

პრეპარატი ინიშნება პერორალურად 125-500 მგ/დღე-ღამეში. მკურნალობის სქემა შეირჩევა ინდივიდუალურად ალკოჰოლის უკანასკნელი მოხმარებიდან 48 სთ-ის გასვლის შემდეგ. ინიშნება 1000 მ (2 ტაბ.) დილით ერთ მიღებაზე. ყოველ მომდევნო დღეს დოზა მცირდება 250 მგ-ით (1/2 ტაბ.) ისე, რომ მესამე დღეს მიაღწიოს 500 მგ-ს; ასეთი დოზით მკურნალობა გრძელდება 1-2 კვირის განმავლობაში. ამის შემდეგ დოზა მცირდება 250 მგ-მდე დღე-ღამეში. ამგვარი დოზით მკურნალობა გრძელდება 3 თვის განმავლობაში. პრეპარატის მოხსნა ხდება თანდათანობით დოზის შემცირებით და დამოკიდებულია მკურნალობის შედეგზე.

გვერდითი მოვლენები:

საჭმლის მომნელებელი სისტემის მხრივ: პირის ღრუში მეტალის გემოს შესაძლო წარმოშობა, იშვიათად  – ჰეპატიტი;

ცნს-ის მხრივ: ქვედა კიდურების პოლინევრიტი, ნერვულ-ფსიქიური მოშლილობა, მეხსიერების დაქვეითება, დეზორიენტაცია, თავის ტკივილი.

ალერგიული რეაქციები: კანზე შესაძლო გამონაყარი ან ქავილი.

დისულფირამ-ეთანოლის ასოციაციით განპირობებული რეაქციები: კოლაფსი, გულის რითმის დარღვევა, სტენოკარდიის შეტევა, მიოკარდის ინფარქტი, ტვინის შეშუპება.

უკუჩვენებები:

• მომატებული მგრძნობელობა დისულფირამის მიმართ;
• გულ-სისხლძარღვთა სისტემის მძიმე დაავადებები;
• ღვიძლის მძიმე უკმარისობა;
• ნერვულ-ფსიქიური დაავადებები.

უკუნაჩვენებია პრეპარატის ერთდროული მიღება ფენიტიონთან, იზონიაზიდთან, მეტრონიდაზოლთან და სპირტიან სასმელებთან ერთად. არ შეიძლება დისულფირამის გამოყენება ორსულობისა და ლაქტაციის პერიოდში.

განსაკუთრებული მითითებები:

პრეპარატის მკურნალობის პერიოდში და ასევე მისი შეწყვეტიდან ერთი კვირის განმავლობაში იკრძალება სპირტიანი სასმელების გამოყენება.

მკურნალობის პერიოდში არ შეიძლება სატრანსპორტო საშუალებების მართვა და მექანიკური სამოძრაო საშუალებების მომსახურეობა.

სხვა წამლებთან ურთიერთქმედება:

დისულფირამმა შეიძლება გააძლიეროს ვარფარინის ტოქსიკური ეფექტი, ფენიტიონის, ქლორდიაზეპოქსიდისა და დიაზეპამის მოქმედება მათი მეტაბოლიზმის გზით.

პრეპარატი აინჰიბირებს რიფამპიცინის ღვიძლის მიერ ექსკრეციას და დაჟანგვას. ასევე გავლენას ახდენს მორფინისა და ამფეტამინის მეტაბოლიზმზე. ანტიკოლის მიღება იმ პრეპარატებთან ერთად, რომლებიც მეტაბოლიზდებიან ღვიძლში, იწვევს სისხლის პლაზმაში მათი კონცენტრაციის გაზრდას.

საერთაშორისო დასახელება:

PARACETAMOL; ASCORBIC ACID; CHLORPHENAMINE

მწარმოებელი: NATUR PRODUKT, საფრანგეთი

მოქმედი ნივთიერება: პარაცეტამოლი+ქლორფენამინის მალეატი+ასკორბინის მჟავა

კლინიკურ–ფარმაკოლოგიური ჯგუფი:

ანალგეზიური, სიცხის დამწევი საშუალება.

გამოშვების ფორმა:

შუშხუნა ტაბლეტები: სიროფში 2, 4 და 6 ტაბ., შეფუთვაში 10 და 20 ც.

1 ტაბ.

პარაცეტამოლი ……….        250 მგ

ქლორფენამინის მალეატი … 3 მგ

ასკორბინის მჟავა ……….    50 გ

დამხმარე ნივთიერებები:

პოლიეთილენგლიკოლი, ლიმონის მჟავა, ნატრიუმის ბიკარბონატი, ნატრიუმის კარბონატი, სორბიტოლი, საქარინი, პოლივიდონი, სილიციუმის დიოქსიდი, არომატული დანამატი.

ფარმაკოლოგიური თვისებები:

ანტიგრიპინი წარმოადგენს კომბინირებულ პრეპარატს. მასში შემავალ პარაცეტამოლს ახასიათებს ანალგეზიური, სიცხის დამწევი და სუსტად გამოხატული ანთების საწინააღმდეგო მოქმედება. ქლორფენამინი მიეკუთვნება H₁-ჰისტამინური რეცეპტორების ბლოკატორს, გააჩნია ანტიალეგიული მოქმედება, ამცირებს ზემო სასუნთქი გზების ლორწოვანი გარსის შეშუპებას. ასკორბინის მჟავა ხელს უწყობს კაპილარების განვლადობის ნორმალიზებას, გააჩნია ანტიოქსიდანტური მოქმედება. იგი ზრდის ორგანიზმის რეზისტენტობას ინფექციის მიმართ.

ჩვენებები:

მწვავე რესპირატორული დაავადებების სიმპტომური მკურნალობა (მწვავე რესპირატორული ინფექციები გრიპი), რინიტი, რინოფარინგიტი, ალერგიული რინიტი, რინოფარინგიტი.

მიღების წესები და დოზირება:

პრეპარატი ინიშნება პერორალურად ხსნადი (შუშხუნა) ტაბლეტების გახსნით 1 ჭიქა წყალში.

ბავშვებში 1 წლიდან 5 წლამდე – 1/2 ტაბლეტი 2-ჯერ დღეში.

ბავშვებში 5 წლიდან 10 წლამდე – 1 ტაბლეტი 2-ჯერ დღში.

ბავშვებში 10 წლის ზევით – 1 ტაბლეტი 2-3-ჯერ დღეში.

გვერდითი მოვლენები:

ალერგიული და იმუნოპათოლოგიური რეაქციები: გამონაყარი კანზე, ურტიკარია.

სისხლმბადი სისტემის მხრივ: თრომბოციტოპენია.

ცნს-ის მხრივ: ძილიანობა, პირის სიმშრალე.

უკუჩვენებები:

• მომატებული მგრძნობელობა პრეპარატში შემავალი კომპონენტების მიმართ;
• ღვიძლის და თირკმელების ფუნქციის დარღვევა;
• გლაუკომა.

განსაკუთრებული მითითებები:

არ არის რეკომენდებული პრეპარატის ერთდროული გამოყენება საძილე საშუალებებთან.

ჭარბი დოზირება:

პარაცეტამოლის მასიური ჭარბი დოზირება იწვევს ღვიძლის უჯრედების დაზიანებას. კლინიკური სიმპტომების გამოვლინება აღინიშნება 24 საათის შემდეგ. მოწამვლის ნებისმიერი ნიშნების გამოვლენის შემთხვევაში აუცილებელია სწრაფი ჰოსპიტალიზაცია.

ქლორფენამინით მოწამვლისას ბავშვებში აღინიშნება აგზნება, ჰალუცინაციები, ატაქსია, მოძრაობის კოორდინაციის დარღვევა, ატეტოზი, კრუნჩხვები. ტერმინალურ  ფაზაში აღინიშნება კომა და გულ-სისხლძარღვთა კოლაფსი.

მკურნალობა: ხელოვნური სუნთქვა, კრუნჩხვების საწინააღმდეგო საშუალებები.;

სხვა წამლებთან ურთიერთქმედება:

პრეპარატი იწვევს სედატიური საშუალებების მოქმედების პოტენცირებას  (საძილე საშუალებები, ზოგადი საანესთეზიო საშუალებები).

ატროპინის მსგავსი ეფექტების პოტენცირება სხვა ანტიქოლინერგიულ საშუალებებთან კომბინირებისას (ანტიჰისტამინური საშუალებები, ფენოთიაზინები, პარკინსონის საწინააღმდეგო ქოლინოლიზური საშუალებები, ტრიციკლური ანტიდეპრესანტები).

შენახვის პირობები და ვადა:

პრეპარატი ინახება 15-25⁰C ტემპერატურაზე, მზის სხივებისა და ბავშვებისაგან დაცულ ადგილას.

ვარგისიანობის ვადა:   3 წელი.

საერთაშორისო დასახელება:

Chlorhexidine+Tetracaine+Ascorbic acid

მოქმედი ნივთიერება: ქლორჰექსიდინი+ტეტრაკაინი+ასკორბინის მჟავა

კლინიკურ-ფარმაკოლოგიური ჯგუფი:

ანტისეპტიკური საშუალება+ადგილობრივი ანესთეტიკი

წამლის ფორმა:

პასტილები,პასტილები (შაქრით), პასტილები (თაფლით), საწუწნი ტაბლეტები.

ფარმაკოლოგიური მოქმედება:

კომბინირებული პრეპარატი, ახდენს ანტისეპტიურ და ადგილობრივ ანესთეზიურ მოქმედებას: ამუხრუჭებს ტკივილის რეცეპტორების აგზნებას.

ქლორჰექსიდინი ახდენს სწრაფ და გამოხატულ ბაქტერიციდულ მოქმედებას გრამდადებით და გრამუარყოფით მიკროორგანიზმებზე, ასევე ფუნგიციდურ მოქმედებას.

ტეტრაკაინი – ადგილობრივი ანესთეზიური საშუალება, ეფექტი დგება მიღებიდან 1-2 წუთის შემდეგ.

ასკორბინის მჟავა ამაღლებს ორგანიზმის არასპეციფიკურ რეზისტენტობას.

ჩვენებები:

პროფილაქტიკა და მკურნალობა:

პირის ღრუსა და პირხახის ინფექციურ-ანთებითი დაავადებები (გინგივიტი, სტომატიტი, ტონზილიტი, ფარინგიტი, ანგინის დასაწყისი სტადია, პარადონტოზი, კბილის ექსტრაქციისა და ტონზილექტომიის შემდგომი მდგომარეობა).

უკუჩვენებები:

* ჰიპერმგრძნობელობა, ბავშვთა ასაკი (5 წლამდე – ფორმულა ანტი-ანგინი, 6 წლამდე – დრილი).

* ორსულობა I ტრიმესტრი.

* სიფრთხილით: ორსულობა II – III ტრიმესტრი, ლაქტაციის პერიოდი.

გვერდითი მოქმედება:

ალერგიული რეაქციები.

მიღების წესი და დოზირება:

ადგილობრივად (ტაბლეტები, პასტილები გააჩერეთ პირში სრულ გადნობამდე).

ფორმულა ანტი-ანგინი: მოზრდილები და 10 წელზე უფროსი ასაკის ბავშვები – დღეში  6 პასტილი ან ტაბლეტი 2 სთ-იანი ინტერვალით;

5-10 წლის ბავშვები – დღეში 3 პასტილი ან ტაბლეტი 4 სთ-იანი ინტერვალით.

დრილი: 15 წელზე უფროსი ასაკის ბავშვები – 1 პასტილი 4-ჯერ დღეში ყოველ 2 სთ – ში, 6-15 წლის ბავშვები – თითო პასტილი 2-3-ჯერ დღეში 4 სთ-იანი ინტერვალით.

განსაკუთრებული მითითებები:

5 დღეზე მეტი ხნით პრეპარატის მიღება არასასურველია პირის ღრუსა და ხახის ნორმალური მიკროფლორის შესაძლო დარღვევის გამო. პრეპარატის მიღების შემდეგ არ არის რეკომენდებული საჭმლის, სასმელის მიღება, კბილების გაწმენდა 1-2 სთ-ის მანძილზე.

შეიძლება გავლენა მოახდინოს ანტიდოპინგური კონტროლის შედეგზე.

შაქრიანი დიაბეტით დაავადებულებმა უნდა გაითვალისწინონ, რომ დრილის 1 პასტილი შეიცავს 8 კკალ -ს.

ურთიერთქმედება:

არ არის რეკომენდებული რამდენიმე ადგილობრივი ანესთეტიკის მიღება.

საერთაშორისო დასახელება:

CLONAZEPAM

მწარმოებელი: AWD, გერმანია

მოქმედი ნივთიერება: კლონაზეპამი

კლინიკურ–ფარმაკოლოგიური ჯგუფი:

ანტიეპილეფსიური საშუალება (ტრანკვილიზატორი).

გამოშვების ფორმა:

ანტელეფსინი  0.25

ტაბლეტები: შეფუთვაში 50 ც.

1 ტაბ.

კლონაზეპამი ……          250 მკგ

ანტელეფსინი 1

ტაბლეტები: შეფუთვაში 50 ც.

1 ტაბ.

კლონაზეპამი ……..          1 გ

დამხმარე ნივთიერებები:

კალციუმის ლაქტატის პენტაჰიდრატი, ლაქტოზის მონოჰიდრატი, კარტოფილის სახამებელი, ჟელატინი, მაგნიუმის სტეარატი, ტალკი, საღებავები.

ჩვენებები:

• სხვადასხვა კლინიკური ფორმებით მიმდინარე ეპილეფსია ჩვილ, სკოლამდელი და სასკოლო ასაკის ბავშვებში, ძირითადად მცირე ეპილეფსიის ტიპიური და არატიპიური გულყრებისათვის და პირველადი-გენერალიზებული ან მეორადი-გენერალიზებული ტონურ-კლონური კრუნჩხვების დროს;
• ფოკალური ეპილეფსიური გულყრები მოზრდილებში.

მიღების წესები და დოზირება:

პრეპარატის დოზის შერჩევა ხდება მკურნალი ექიმის მიერ ინდივიდუალურად, ავადმყოფის ასაკის, კლინიკური რეაქციის და პრეპარატის ამტანობის მიხედვით.

გვერდითი მოვლენების თავიდან აცილების მიზნით მკურნალობა იწყება პრეპარატის დაბალი დოზებით, შემდგომში დოზის თანდათანობითი მომატებებით, რომელიც იძლევა ოპტიმალური სამკურნალო ეფექტის მიღწევის შესაძლებლობას.

საშუალო შემანარჩუნებელი დოზის შერჩევა ხდება ექიმის მიერ 2-4 კვირის განმავლობაში. პრეპარატის დოზები ავადმყოფის ასაკის მიხედვით:

ჩვილ ბავშვებში:

სადღეღამისო დოზა:   0.5-1 მგ/დღეში.

ადრეული ასაკის ბავშვებში:

სადღეღამისო დოზა:    1-3 მგ/დღეში.

მოზრდილებში:

სადღეღამისო დოზა:   3-(-8) მგ/დღეში.

ტაბლეტების მიღება წარმოებს პერორალურად, დაუღეჭავად მცირე რაოდენობის სითხის მიყოლებით. სადღეღამისო დოზას ყოფენ 3-4 მიღებაზე დღეში.

მკურნალობას წყვეტენ პრეპატის დოზის თანდათანობითი შემცირებით, ვინაიდან მისი უეცარი მოხსნის შემთხვევაში შესაძლებელია ახალი გულყრების ან მოხსნის სიმპტომების პროვოცირება.

პრეპარატით მკურნალობის ხანგრძლივობას განსაზღვრავს მკურნალი ექიმი დაავადების და პრეპარატის მიმართ ავადმყოფის ინდივიდუალური რეაქციის მიხედვით.

პრეპარატის ერთჯერადი დოზის მიღების გამოტოვების შემთხვევაში, მისი გამოყენება გაორმაგებული დოზით ნებადართული არ არის. პრეპარატის შემდგომი მიღება ხდება ჩვეულებრივი სქემის მიხედვით. რაიმე ეჭვის არსებობისას საჭიროა ექიმთან კონსულტაცია.

შედარებით მცირე დოზებში პრეპარატის ხანგრძლივი გამოყენებისას შესაძლებელია მკურნალობის შედეგის ეჭვის ქვეშ დაყენება. ამ დროს შესაძლებელია ადგილი ჰქონდეს დაავადების სიმპტომების რედიცივს.

პრეპარატის მიღების შეწყვეტის შემთხვევაში საჭიროა ექიმთან კონსულტაცია, რომლის მიერ ხდება პრეპარატის დოზის თანდათანობითი შემცირება. პრეპარატის მიღების დამოუკიდებლად შეწყვეტა იწვევს დაავადების სიმპტომების რეციდივს.

პრეპარატის დიდი დოზით შემთხვევით გამოყენებისას შესაძლებელია ძლიერი ძილიანობის განვითარება. ამ დროს საჭიროა ექიმთან კონსულტაცია, რომლის მიერ დააავადების სიმპტომების მიხედვით ხდება აუცილებელი მკურნალობის ჩატარება.

გვერდითი მოვლენები:

ძირითადად ადგილი აქვს ცნს-ის მხრივ დოზადამოკიდებული გვერდითი ეფექტების განვითარებას, რაც უმრავლეს შემთხვევაში აღინიშნება პრეპარატის მაღალი დოზებით დანიშვნისას, მკურნალობის ბოლოს, ან მაღალი დოზების სწრაფად ზრდის შედეგად, აგრეთვე ხანგრძლივი მკურნალობის დროს. გვერდითი მოვლენების მნიშვნელოვანი შემცირება ან საერთოდ მათი თავიდან აცილება შესაძლებელია მკურნალობის დაწყებით პრეპარატის ძალიან მცირე დოზებით და მათი თანდათანობითი გაზრდით (აუცილებლობის დროს აგრეთვე დოზის შემცირებით). გვერდითი ეფექტების უმრავლესობას ადგილი აქვს მკურნალობის დასაწყისში, რომლებიც პრეპარატით მკურნალობის გაგრძელების პროცესში თანდათან სუსტდება.

ხშირად შესაძლებელია გადაღლილობის შეგრძნება, ძილიანობა, არასასურველი სედატიური ეფექტი, ცნობიერების დაბინდვა, ადინამია, ატაქსია და ზოგჯერ კუნთების სისუსტე.

ჩვილ და მცირეწლოვან ბავშვებში პრეპარატი იწვევს გაძლიერებულ ნერწყვდენას ან ბრონქული სეკრეტის ჭარბ წარმოქმნას (სასუნთქი გზების დახშობის საშიშროება).

ზოგჯერ შესაძლებელია ტონურ-კლონური კრუნჩხვების პროვოცირება.

იშვიათად დეპრესია, კუჭ-ნაწლავის ტრაქტის მხრივ გართულებები (გასტროინტესტინური დარღვევები, მხედველობის დარღვევა, არტიკულაციის მოშლა, არტერიული წნევის დაქვეითება, სასუნთქი გზების ობტურაცია, ცნს-ის ფუნქციის დათრგუნვა, აგრეთვე პრეპარატის მიმართ მომატებული მგრძნობელობით გამოწვეული სუნთქვის ცენტრის დამბლა (ზედაპირული სუნთქვა მის სრულ გაჩერებამდე).

გარდა ამისა გამორიცხული არ არის სხვა ბენზოდიაზეპინების გამოყენების შედეგად გამოწვეული გვერდითი მოვლენების განვითარება: მეხსიერების არასასურველი დროებითი დარღვევა (ანტეროგრადული ამნეზია), ცნობიერების დაბინდვა, რომელიც ძლიერდება ანტელეფსინის კომბინაციით ფენობარბიტალთან და პრიმიდონთან.

ანტელეფსინი ეფექტურად მოქმედებს ეპილეფსიით დაავადებულ ავადმყოფებში. იშვიათ შემთხვევაში მკურნალობის დროს შესაძლებელია პარადოქსული რეაქციების განვითარება (მაგ, მწვავე აგზნებადობა, აგრესიული მდგომარეობა).

ეპილეფსიური გულყრების განვითარების თავიდან აცილების მიზნით ანტელეფსინით მკურნალობის შეწყვეტა ხდება დოზის თანდათანობითი შემცირებით. ამასთან ერთად, შესაძლებელია სხვა სიმპტომების განვითარება, როგორიცაა: გუნება-განწყობის შეცვლა (მსუბუქი დისფორია), ძილის დარღვევა, კუნთების კრუნჩხვები და მუცლის არეში სპაზმები, ღებინება, გაძლიერებული ოფლდენა და ტრემორი.

აღნიშნული გვერდითი მოვლენების განვითარების შემთხვევაში საჭიროა ექიმთან კონსულტაცია, რომლის მიერ ტარდება სპეციფიკური მკურნალობა.

უკუჩვენებები:

პრეპარატის ან ბენზოდიაზეპინების მიმართ მომატებული მგრძნობელობა, კუნთების ტკივილით მიმდინარე სისუსტე (მძიმე მიასთენია), ცნს-ზე დამთრგუნველად მოქმედი სამკურნალო საშუალებებით და ალკოჰოლით მწვავე მოწამვლა ანამნეზიდან ცნობილი წამლისმიერი, ნარკოტიკული და ალკოჰოლური დამოკიდებულების შემთხვევაში.

ორსულობა და ლაქტაცია:

კრუნჩხვების საწინააღმდეგო საშუალებებით ეპილეფსიით დაავადებული ორსული ქალების მკურნალობა ნებადართულია, თუმცა მეორე მხრივ, ორსულობა ეპილეფსიით დაავადებული ქალებისათვის წარმოადგენს რისკ ფაქტორს (როგორც ქალისათვის, აგრეთვე ბავშვისათვის), რომელიც იზრდება მედიკამენტოზური მკურნალობის ჩატარებისას. ამიტომ ქალებმა ბავშვის გაჩენის სურვილის შემთხვევაში, ან ორსულობის დროს, საჭიროა მიმართონ მკურნალ ექიმს, რომელიც ჩარევის რისკსა და მოსალოდნელი სასარგებლო შედეგის შეფასებით შეარჩევს მკურნალობის შედარებით უფრო უსაფრთხო მეთოდს, როგორც დედისათვის, აგრეთვე ნაყოფისათვის.

ორსულობის ადრეულ პერიოდში საჭიროა პრეპარატის დოზების ხელახალი შერჩევა, ხოლო ორსულობის მე-20 და მე-40 დღეებს შორის ინიშნება პრეპარატის მინიმალური დოზები.

რისკის შემდგომი შემცირების მიზნით ამ დროს საჭიროა ანტელეფსინის და სხვა სამკურნალო საშუალებების კომბინაციისაგან თავის შეკავება.

ორსულობის პერიოდში ანტელეფსინის გამოყენებამ შესაძლოა ახალშობილებში გამოიწვიოს აბსტინენციის სიმპტომები და “დუნე ბავშვის სინდრომი”, რომლისთვისაც დამახასიათებელია სხეულის ტემპერატურის დაქვეითება (ჰიპოთერმია), სუნთქვის ცენტრს დამბლა და ძუძუს წოვის რეფლექსის დათრგუნვა.

ანტელეფსინი ექსკრეგირებს დედის რძეში. ამიტომ ლაქტაციის პერიოდში პრეპარატის გამოყენებისას საჭიროა ძუძუთი კვების შეწყვეტა.

განსაკუთრებული მითითებები:

ანტელეფსინის გამოყენება წარმოებს განსაკუთრებული სიფრთხილით მხოლოდ ექიმთან კონსულტაციის შემდეგ.

პრეპარატი განსაკუთრებული სიფრთხილით ენიშნებათ ღვიძლის მძიმე დაზიანებით დაავადებულებს (მაგ, ინფექციური სიყვითლის დროს), ღვიძლისა და თირკმელების ფუნქციის დაქვეითების, მოძრაობის კოორდინაციის დარღვევის (ატაქსია), ძილში სუნთქვის დროებითი შეჩერების (აპნოე ძილში) და სუნთქვის მძიმე ქრონიკული უკმარისობის დროს (ჰიპერკაპნია).

პრეპარატი განსაკუთრებული სიფრთხილით ინიშნება ხანდაზმული ასაკის ავადმყოფებში სამკურნალო საშუალების მიმართ ნაკლები ტოლერანტობით ორგანიზმიდან მათი გამოყოფის შეფერხების გამო, აგრეთვე გულისა და ფილტვების უკმარისობის დროს.

ჩვილ და მცირეწლოვან ბავშვებში პრეპარატი იწვევს გაძლიერებულ ნერწყვდენას ან ბრონქული სეკრეტის ჭარბ წარმოქმნას (სასუნთქი გზების დახშობის საშიშროება).

ზოგჯერ შესაძლებელია პრეპარატის მიმართ ტოლერანტობის განვითარება, განსაკუთრებით მისი ხანგრძლივი გამოყენებისას. ამ დროს სუსტდება პრეპარატის კრუნჩხვების საწინააღმდეგო (ანტიკონვულსური) მოქმედება და ხელახლა ვითარდება ეპილეფსიური გულყრები.

სხვა ბეზოდიაზეპინების მსგავსად, ანტელეფსინიმა შესაძლებელია გამოიწვიოს პრეპარატისადმი ფსიქიური და/ან ფიზიკური დამოკიდებულების განვითარება, განსაკუთრებით მაღალი დოზებით ხანგრძლივი დროის განმავლობაში მკურნალობისას.

პრეპარატით მკურნალობის  დასაწყისში შესაძლებელია ისეთი გვერდითი მოვლენების განვითარება, როგორიცაა: გადაღლილობის შეგრძნება, ძილიანობა, თავბრუსხვევა და სმენის დაქვეითება, რომლის დროსაც სუსტდება სწრაფად რეაგირების უნარი. ამიტომ პრეპარატის დანიშვნა ავტოტრანსპორტის მძღოლებში და იმ პირებში, რომელთა მუშაობა მოითხოვს ყურადღების მაქსიმალურ კონცენტრაციას ნებადართული არ არის.

ალკოჰოლი კიდევ უფრო ასუსტებს სწრაფი რეაგირების უნარს, ამიტომ მკურნალობის დროს საჭიროა ალკოჰოლური სასმელების მიღებისაგან თავის შეკავება.

სხვა წამლებთან ურთიერთქმედება:

ანტელეფსინის კომბინაციისას სხვა ეპილეფსიის საწინააღმდეგო პრეპარატებთან, სასურველი თერაპიული ეფექტის მისაღწევად საჭიროა თითოეული პრეპარატის დოზის ხელახალი შერჩევა. ანტელეფსინი აფერხებს ფენიტოინის მეტაბოლიზმს ორგანიზმში, რაც იწვევს ამ უკანასკნელის კონცენტრაციის გაზრდას სისხლის პლაზმაში მის ტოქსიკურ მოქმედებამდე.

ანტელეფსინი აძლიერებს პრიმიდონის მოქმედების ეფექტს. ფენობარბიტალი და კარბამაზეპინი აძლიერებენ ანტელეფსინის ცვლის პროცესს ორგანიზმში, რის გამოც ერთი მხრივ მცირდება ანტილეფსინის კონცენტრაცია სისხლის პლაზმაში, ხოლო მეორე მხრივ ძლიერდება პრეპარატის გვერდითი მოქმედების ეფექტი.

ცალკეულ შემთხვევებში ანტელფაინის და ვალპროატის კომბინაციით შესაძლებელია არასასურველი თერაპიული ეფექტის განვითარება (ახალი გულყრების პროვოცირება).

ანტელეფსინის კომბინაცია ცსნ-ზე მოქმედ პრეპარატებთან (მაგ., ნარკოტიკული, საძილე, ტკივილდამაყუჩებელი და სხვა ფსიქოტროპული პრეპრატები) და/ან ალკოჰოლთან იწვევს მათი ურთიერთმოქმედების გაძლიერებას.

რადგან ალკოჰოლი უარყოფითად მოქმედებს პრეპარატის თერაპიულ ეფექტზე და იწვევს არასასურველ გვერდით მოვლენებს, მკურნალობის დროს საჭიროა სპირტიანი სასმელების მიღებისგან თავის შეკავება.

შენახვის პირობები და ვადა:

პრეპარატი ინახება ოთახის პირობებში, ბავშვებისგან დაცულ ადგილას.

ვარგისიანობის ვადა:   5 წელი.