კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.
საერთაშორისო დასახელება:
AMLODIPINE
მოქმედი ნივთიერება: ამლოდიპინის ბესილატი
კლინიკურ–ფარმაკოლოგიური ჯგუფი:
კალციუმის არხების ბლოკატორი
რეგისტრაციის მფლობელი და მწარმოებელი:
Sanovel Pharmaceutical Products Industry Inc.
შემადგენლობა:
პრეპარატის ერთი ტაბლეტი შეიცავს 5მგ ამლოდიპინის ექვივალენტურ ამლოდიპინის ბესილატს. (amlodipine)
ფარმაკოლოგიური თვისებები:
ფარმაკოდინამიკა:
ამლოდიპინი წარმოადგენს კალციუმის იონების ანტაგონისტს, კალციუმის ნელი არხების ბლოკირების საშუალებით იგი აფერხებს კალციუმის იონების შეღწევას გულის კუნთში და სისხლძარღვების გლუვკუნთოვან ელემენტებში. ამლოდიპინის ჰიპოტენზიური მოქმედების მექანიზმი განპირობებულია სისხლძარღვთა გლუვ კუნთებზე მისი რელაქსაციური ზემოქმედებით. ამლოდიპინის ანტიანგინალური ეფექტი ხორციელდება შემდეგი ორი გზით:
– ამლოდიპინი აფართოებს პერიფერიულ არტერიოლებს და, ამგვარად, ამცირებს სისხლძარღვთა საერთო პერიფერიულ წინააღმდეგობას (პოსტდატვირთვას), რის დასაძლევადაც იხარჯება გულის მუშაობა. ვინაიდან გულისცემის შეკუმშვის სიხშირე არ იცვლება, დატვირთვის შემცირება გულზე იწვევს ენერგიისა მოხმარებისა და ჟანგბადზე მოთხოვნილების შემცირებას.
– ამლოდიპინის მოქმედების მექანიზმი სავარაუდოდ მოიცავს აგრეთვე მთავარი კორონარული არტერიებისა და კორონარული არტერიოლების გაფართოვებას როგორც ინტაქტურ ასევე იშემიზირებულ ზონაში. აღნიშნული დილატაცია ზრდის ჟანგბადის მიწოდებას ვაზოსპასტიური (პრინცმეტალის ანუ ვარიანტული) სტენოკარდიით დაავადებულ პაციენტებში.
ფარმაკოკინეტიკა:
თერაპიულ დოზებში პერორალურად მიღების შემდეგ ამლოდიპინი კარგად შეიწოვება კუჭ-ნაწლავის ტრაქტიდან და აღწევს მაქსიმალურ კონცენტრაციას სისხლში 6-12 სთ-ის შემდეგ. წონასწორული სტაბილური კონცენტრაცია პლაზმაში აღინიშნება 7 დღის განმავლობაში. განაწილების მოცულობა უტოლდება დაახლოებით 21კგ/ლ-ზე, პლაზმის ცილებს უკავშიორდება ამლოდიპინის დაახლოებით 95%. პლაზმიდან მისი ნახევრადგამოყოფის პერიოდი შეადგენს დაახლოებით 35-50სთ-ს, რაც შეესაბამება პრაპარატის მიღებას ერთხელ დღეში. ამლოდიპინი მეტაბოლიზირდება ღვიძლში არააქტიური მეტაბოლიტების წარმოქმნით. იგი გამოიყოფა ორგანიზმიდან შარდთან ერთად უცვლელი სახით (10%), მეტაბოლიტების სახით (60%) და განავალთან ერთად (20-25%).
არტერიული ჰიპერტენზიით დაავადებულ პაციენტებში ამლოკარდის ერთჯერადი სადღეღამისო დოზა (5 ან 10მგ) უზრუნველყოფს არტერიული წნევის კლინიკურად მნიშვნელოვან დაქვეითებას 24 სთ-ის განმავლობაში.
ამლოდიპინი არ იწვევს რეფლექტორულ ტაქიკარდიასა და პოსტურალურ ჰიპოტენზიას. სტენოკარდიით დაავადებულ პაციენტებში ამლოკარდის ერთჯერადი სადღეღამისო დოზა ამცირებს გამოსაყენებელი ნიტროგლიცერინის ტაბლეტების რაოდენობას, სტენოკარდიული შეტევების სიხშირეს და ზრდის ფიზიკური დატვირთვის შესრულების ხანგრძლივობას. ამლოდიპინი თერაპიულ დოზებში ხასიათდება კარგი ამტანობით. იგი არ იწვევს არასასურველ ზემოქმედებას, როგორც გულ-სისხლძარღვთა სისტემის სხვა პრეპარატები.
ჩვენებები:
ამლოდიპინი ნაჩვენებია არტერიული ჰიპერტენზიის სამკურნალოდ და პაციენტების უმრავლესობაში შესაძლებელია მისი გამოყენება მონოთერაპიის სახით. საჭიროების შემთხვევაში ჰიპერტენზიით დაავადებულ პაციენტებში გამოიყენება ამლოდიპინის კომბინაცია თიაზიდურ დიურეზულ საშუალებებთან, ბეტა-ადრენობლოკატორებთან ან ანგიოტენზინმაკონვერტირებელი ფერმენტის ინჰიბიტორებთან.
ამლოდიპინი ნაჩვენებია სტაბილური სტენოკარდიისა და ვაზოსპასტიური (პრინზმეტალის ან ვარიანტული) სტენოკარდის, აგრეთვე ვაზოსპაზმისა ან ვაზოკონსტრიქციის სამკურნალოდ.
ამლოდიპინი შეიძლება გამოყენებული იქნას იმ შემთხვევაშიც, როდესაც კლინიკური სურათი უფლებას გვაძლევს ვივარაუდოთ ვაზოსპაზმი, ვაზოკონსტრიქცია, მიუხედავად იმისა, რომ ასეთი სპაზმის არსებობა ზუსტად დადგენილი არ არის.
უკუჩვენებები:
* ამლოდიპინი უკუნაჩვენებია დიჰიდროპირიდინის წარმოებულების მიმართ მომატებული მგრძნობელობისას.
განსაკუთრებული მითითებები:
– თირკმელების უკმარისობის შემთხვევაში არ აღინიშნება ამლოდიპინის ფარმაკოკინეტიკის მნიშვნელოვანი ცვლილებები.
– ამლოდიპინი სიფრთხილით ინიშნება პაციენტებში დარღვეული ღვიძლის ფუნქციით, რადგანაც ამ დროს იზრდება მისი ნახევრადგამოყოფის პერიოდი.
– ამლოდიპინი ხასიათდება კარგი ამტანობით როგორც ხანდაზმულ, ასევე ახალგაზრდა პაციენტებში.
– ხანდაზმულ პაციენტებში ამლოდიპინის დოზა არ უნდა აღემატებოდეს საშუალო რეკომენდებულს.
ორსულობა და ლაქტაცია:
ორსულთა C კატეგორია.
ამლოდიპინის გამოყენების უსაფრთხოება ორსულებში დადგენილი არ არის, ამიტომ ორსულობის პერიოდში პრეპარატი გამოიყენება მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მისი მოქმედების პოტენციურ რისკს.
გვერდითი მოვლენები:
კლინიკური კვლევებით დადგინდა, რომ თერაპიულ დოზებში ამლოდიპინი ხასიათდება კარგი ამტანობით. აღნიშნული გვერდითი მოვლენები ატარებენ მსუბუქ და გარდამავალ ხასიათს. გვერდითი მოვლენების მიზეზით პრეპარატის მიღება შეწყვიტა პაციენტების 1,5%-მა, ხოლო შედეგი არ განსხვავდებოდა პლაცებოსაგან. გვერდითი მოვლენებიდან ყველაზე ხშირია თავის ტკივილი და შეშუპება.
დოზადამოკიდებული გვერდითი მოვლენებია: შეშუპება, თავბრუსხვევა, სახის სიწითლე, პალპიტაცია (გულისცემის შეგრძნება).
პაციენტთა 1%-ზე ნაკლებს აღენიშნებოდა შემდეგი გვერდითი მოვლენები (მათი დამოკიდებულება პრეპარატის დოზაზე დადგენილი არ არის): თავის ტკივილი, დაღლილობა, გულისრევა, მუცლის ტკივილი, ძილიანობა. შეშუპება, სახის სიწითლე, პალპიტაცია (გულისცემის შეგრძნება), ძილიანობა უმეტესად აღენიშნებათ ქალებს.
პაციენტთა 0,1%-ზე მეტსა და 1%-ზე ნაკლებს აღენიშნებოდა შემდეგი გვერდითი მოვლენები (პრეპარატის მიღებასთან კავშირი დადგენილი არ არის): არითმიები (პარკუჭოვანი ტაქიკარდიისა და წინაგულების ციმციმის ჩათვლით), ბრადიკარდია, ტკივილი გულმკერდის არეში, ჰიპოტენზია, პერიფერიული იშემია, გონების დაბინდვა, ტაქიკარდია, პოსტურალური თავბრუსხვევა და ჰიპოტენზია, სისხლძარღვთა ანთება, ჰიპოსთეზია, პერიფერიული ნეიროპათია, პარესთეზია, ტრემორი, თავბრუსხვევა, ანორექსია, ყაბზობა, დისპეფსია, ყლაპვის გაძნელება, დიარეა, შებერილობა, პანკრეატიტი, ღებინება, ღრძილების ჰიპერპლაზია, ალერგიული რეაქციები, ასთენია, უეცარი ტემპერატურული რეაქცია EMP, სისუსტე, ტკივილები, სხეულის წონის მომატება, ართრალგია, ართროზი, კუნთების კრუნჩხვები, მიალგია, სქესობრივი დისფუნქცია, უძილობა, გაღიზიანება, დეპრესია, ღამის კოშმარები, შიშის შეგრძნება, ქოშინი, სისხლდენა ცხვირიდან, ანგიონევროზული შეშუპება, გამონაყარი, მხედველობითი ფუნქციის დარღვევა, კონიუქტივიტი, თვალის ტკივილი, ხმაური ყურებში, შარდის შეუკავებლობა, ნიქტურია, პირის სიმშრალე, მომატებული ოფლიანობა, ჰიპერგლიკემია, დეჰიდრატაცია, ლეიკოპენია, თრომბოციტოპენია.
პაციენტთა 0,1%-ზე ნაკლებს აღენიშნებოდა შემდეგი გვერდითი მოვლენები: გულის უკმარისობა, გულის რიტმის დარღვევა, ექსტრასისტოლები, კანის პიგმენტაციის ცვლილებები, ჭინჭრის ციება, კანის სიმშრალე, ალოპეცია, დერმატიტი, კუნთების ატროფია, ნერვული ტიკები, კოორდინაციის დარღვევა, ჰიპერტონია, შაკიკი, აპათია, ამნეზია, გასტრიტი, მომატებული მადა, ფაღარათი, ხველება, რინიტი, დიზურია, პოლიურია, გემოვნებითი და ყნოსვითი შეგრძნებების დარღვევა, აკომოდაციის დარღვევა, ქსეროფთალმია. ამლოდიპინით მკურნალობისას ლაბორატორიული კვლევის მაჩვენებლები არ იცვლება. ცვლილებები არ აღინიშნება აგრეთვე შემდეგ მაჩვენებლებში: კალიუმისა და გლუკოზის დონე სისხლში, საერთო ქოლესტერინი, შარდმჟავა, შარდოვანას აზოტი, კრეატინინი.
ამლოდიპინი ფართოდ გამოიყენება ფილტვების ქრონიკული ობსტრუქციული დაავადებების, გულის უკმარისობის, პერიფერიული სისხლძარღვების დაავადებების, შაქრიანი დიაბეტისა და დარღვეული ლიპიდური პროფილის არსებობისას.
სხვა წამლებთან ურთიერთქმედება:
ამლოდიპინისა და დიგოქსინის ერთდროული გამოყენებისას არ იცვლება დიგოქსინის დონე სისხლის პლაზმაში და მისი თირკმლისმიერი კლირენსი.
უსაფრთხოა ამლოდიპინის ერთდროული მიღება თიაზიდურ დიურეზულ საშუალებებთან, ბეტა-ადრენობლოკატორებთან, ანგიოტენზინმაკონვერტირებელი ფერმენტის ინჰიბიტორებთან, ნიტროგლიცერინთან, ციმეტიდინთან, არასტეროიდულ ანთების საწინააღმდეგო საშუალებებთან, ანტიბიოტიკებთან და პერორალურ ჰიპოგლიკემიურ პრეპარატებთან ერთად.
დოზირების რეჟიმი:
არტერიული ჰიპერტენზიისა და სტენოკარდიის დროს, ჩვეულებრივ, ამლოდიპინის საწყისი დოზა შეადგენს 5მგ-ს ერთხელ დღეში. შესაძლებელია ამ დოზის მაქსიმალურ 10მგ-მდე გაზრდა პაციენტის ინდივიდუალური რეაქციის მიხედვით. პრეპარატის დოზის კორექცია საჭირო არ არის ამლოდიპინისა და თიაზიდური დიურეზული საშუალებების, ბეტა-ადრენობლოკატორების და ანგიოტენზინმაკონვერტირებელი ფერმენტის ინჰიბიტორების ერთდროული მიღებისას.
ჭარბი დოზირება:
არსებული მონაცემების მიხედვით შეიძლება ვივარაუდოთ, რომ მნიშვნელოვანი დოზის გადაჭარბება გამოიწვევს პერიფერიულ ვაზოდილატაციასა და არტერიული წნევის ხანგრძლივ დაქვეითებას. ამლოკარდის ჭარბი დოზირებით გამოწვეული გამოხატული ჰიპოტენზია საჭიროებს აქტიური ღონისძიებების ჩატარებას, რომლებიც მიმართულია გულ-სისხლძარღვთა სისტემის ფუნქციის შესანარჩუნებლად, და მოიცავს გულისა და ფილტვების ფუნქციის, ცირკულირებადი სისხლის მოცულობისა და დიურეზის მონიტორინგს. სისხლძარღვთა ტონუსისა და არტერიული წნევის აღსადგენათ შესაძლოა სასარგებლო იყოს სისხლძარღვთა შემავიწროვებელი პრეპარატის გამოყენება უკუჩვენებების არარსებობის შემთხვევაში. ჭარბი დოზირებისას ჰემოდიალიზის ეფექტურობა ნაკლებად სავარაუდოა, რადგანაც ამლოდიპინი მნიშვნელოვნად უკავშირდება პლაზმის ცილებს.
შენახვის პირობები:
პრეპარატი ინახება ოთახის ტემპერატურაზე 25°C-მდე.
გაიცემა ექიმის რეცეპტით
-პრეპარატის მიღებამდე ყურადღებით გაეცანით ინსტრუქციას.
-შეინახეთ ბავშვებისაგან დაცულ ადგილას.
ძირითადი ფიზიკურ-ქიმიური თვისებები:
თეთრი ან თეთრი მოკრემისფრო ელფერის მქონე, მრგვალი ფორმის, ორმხრივამოზნექილი ზედაპირის მქონე შემოგარსული ტაბლეტები;
შემადგენლობა:
1 შემოგარსული ტაბლეტი შეიცავს:
6-ბრომ-5-ჰიდროქსი-1-მეთილ-4-დიმეთილამინომეთილ-
2-ფენილთიომეთილინდოლ-3-კარბონმჟავას ეთილის ეთერის ჰიდროქლორიდის მონოჰიდრატს (უწყლო ნივთიერებაზე გადაანგარიშებით) – 50 მგ ან 100 მგ.
დამხმარე ნივთიერებები: კარტოფილის სახამებელი, მეთილცელულოზა, კალციუმის სტეარატი, უწყლო კოლოიდური სილიციუმის დიოქსიდი, შემომგარსავი ნივთიერებების ნარევი – Opadry II 85 F თეთრი.
გამოშვების ფორმა:
შემოგარსული ტაბლეტები, 50 მგ ან 100 მგ.
ფარმაკოლოგიური ჯგუფი:
ანტივირუსული პრეპარატები სისტემური გამოყენებისათვის. ათქ-კოდი: J05AX.
ფარმაკოლოგიური თვისებები:
ლემუდორი წარმოადგენს ანტივირუსულ საშუალებას. იგი სპეციფიკურად თრგუნავს გრიპის A და B ვირუსებს, А (H1N1) pdm09 და А (H5N1) მაღალპათოგენური ქვეტიპების ჩათვლით. ანტივირუსული მოქმედების მექანიზმის მიხედვით მიეკუთვნება შერწყმის ინჰიბიტორებს, ურთიერთქმედებს ვირუსის ჰემაგლუტინინთან და აფერხებს ვირუსის ლიპიდური გარსის და უჯრედული მემბრანის შერწყმას.
თერაპიული ეფექტურობა გრიპის დროს ვლინდება დაავადების ხანგრძლივობის, მიმდინარეობის სიმძიმის და ძირითადი სიმპტომების შემცირებაში, ასევე გრიპთან დაკავშირებული გართულებების განვითარების სიხშირის კლებაში. ლემუდორი განეკუთვნება ნაკლებად ტოქსიკურ პრეპარატთა რიცხვს. რეკომენდებულ დოზებში გამოყენებისას არ ახდენს უარყოფით გავლენას ადამიანის ორგანიზმზე.
ფარმაკოკინეტიკა:
პრეპარატი სწრაფად აბსორბირდება კუჭ-ნაწლავის ტრაქტიდან. მაქსიმალური კონცენტრაცია (Cmax) სისხლის პლაზმაში მიიღწევა 50 მგ დოზით მიღების შემდეგ 1.2 სთ-ში, 100 მგ დოზით მიღების შემდეგ – 1.5 სთ-ში. ნახევარგამოყოფის პერიოდი (T1/2) შეადგენს 17-21 სთ-ს. პრეპარატის დაახლოებით 40% გამოიყოფა უცვლელი სახით: ფეკალიებთან (38.9%) და შარდთან (0.12%) ერთად. პირველი დღე-ღამის განმავლობაში გამოიყოფა მიღებული დოზის 90%.
ჩვენება:
A და B გრიპის პროფილაქტიკა და მკურნალობა.
მიღების წესი და დოზირება:
ლემუდორი გამოიყენება მოზრდილებში. პრეპარატი მიიღება პერორალურად, საკვების მიღების წინ. ერთჯერადი დოზა შეადგენს 200 მგ-ს.
პროფილაქტიკისთვის:
• გრიპით დაავადებულთან უშუალო კონტაქტის დროს: 200 მგ დღეში ერთხელ 10-14 დღის განმავლობაში.
• გრიპის ეპიდემიის დროს: 200 მგ კვირაში ორჯერ 3 კვირის განმავლობაში.
გრიპის მკურნალობისთვის: 200 მგ 4-ჯერ დღეში (ყოველ 6 სთ-ში ერთხელ) 5 დღის განმავლობაში.
მაქსიმალური სადღეღამისო დოზა შეადგენს 800 მგ-ს.
გვერდითი მოვლენები:
იმუნური სისტემის მხრივ: ჰიპერმგრძნობელობის რეაქციები, მათ შორის კანის გაწითლება, ქავილი, გამონაყარი, ჭინჭრისციება, ანგიონევროზული შეშუპება.
ცვლილებები კუჭ-ნაწლავის ტრაქტის მხრივ, მათ შორის გულძმარვა, სიმძიმის შეგრძნება ეპიგასტრიულ არეში, ღებინება.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.
უკუჩვენება:
მომატებული მგრძნობელობა პრეპარატის რომელიმე კომპონენტის მიმართ; ბავშვთა ასაკი.
ურთიერთქმედება სამკურნალო საშუალებებთან და სხვა სახის ურთიერთქმედება:
სხვა სამკურნალო საშუალებებთან ერთად გამოყენების დროს უარყოფითი ეფექტები არ გამოვლენილა.
ჭარბი დოზირება:
მონაცემები ჭარბი დოზირების შესახებ არ არსებობს. იმ შემთხვევაში, თუ ავადმყოფმა მიიღო პრეპარატის ძალიან დიდი დოზა (სადღეღამისო დოზაზე მეტი), აუცილებელია ექიმთან მიმართვა. მკურნალობა სიმპტომურია.
ორსულობა და ლაქტაცია:
ორსულობის ან ძუძუთი კვების პერიოდში პრეპარატის გამოყენების უსაფრთხოება არასაკმარისად არის შესწავლილი.
განსაკუთრებული მითითებები:
პრეპარატი არ ავლენს ცენტრალურ ნეიროტროპულ აქტივობას და შეიძლება გამოყენებული იქნას პირებში სხვადასხვა პროფესიით, რომელიც მოითხოვს მომატებულ ყურადღებასა და მოძრაობის კოორდინაციას (მძღოლები, ოპერატორები და ა.შ.).
პედიატრიაში გამოყენება: არ გამოიყენება ბავშვებში.
პრეპარატის ზემოქმედება ავტოტრანსპორტისა და მექანიზმების მართვის უნარზე: პრეპარატი არ მოქმედებს ნერვ-კუნთოვანი გამტარობის სიჩქარეზე, მისი გამოყენება შეიძლება რეკომენდებული დოზებით ავტოტრანსპორტის მართვისას და სხვა მექანიზმებთან მუშაობის დროს.
შეფუთვა:
10 ტაბლეტი ბლისტერში, 1 ბლისტერი მუყაოს კოლოფში.
შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.
ვარგისობის ვადა:
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე.
მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი, ჭირნახულის ქ. 14.
www.aversi.ge
მატრიქსის სერია გადახვევებისთვის – მატრიქსი G
პროდუქტის აღწერა
მატრიქსის სერია გადახვევებისთვის – ეს არის 2 ტიპის საშუალების სპექტრი ადგილობრივი გამოყენებისთვის: მალამო მატრიქსი G და კრემი მატრიქსი D.
მატრიქსი G – თანამედროვე ანტისეპტიური და შეშუპების საწინააღმდეგო საშუალებაა დამამშვიდებელი ეფექტით. პროდუქტი დამზადებულია მცენარეულ საფუძველზე (მოქმედი ნივთიერებები: აზადირაქტინი და ჰიპერფორინი). მატრიქსი G ხელს უწყობს გრანულაციას და აჩქარებს ეპითელიზაციის პროცესს, ასტიმულირებს რა 1 ტიპის კოლაგენის სინთეზს ფიბრობლასტების აქტივაციასთან ერთად, რაც საბოლოოდ აჩქარებს შეხორცების პროცესს. ასევე დამატებით აქვს ანთებისსაწინააღმდეგო და ანტიმიკრობული მოქმედება. ხელს უწყობს კანის სხვადასხვა ტიპის დაზიანებების შეხორცების პროცესს, ასევე ლორწოვანზე წარმოქმნილი დაზიანებების და ნახეთქების შეხორცების პროცესს კანის მძიმე ქრონიკული დაზიანებისას, რომელსაც ახლავს რბილი ქსოვილების და კანის განლევა ან ძვლის გაშიშვლება. მატრიქსი G ხელს უწყობს ფიბრინის აუტოლიზურ დაშლას და გრანულაციის სტიმულაციას. მატრიქსი უზრუნველყოფს ქსოვილების დატენიანებას და ხელს უშლის ქერქების წარმოქმნას და მაცერაციას.
გამოყენების ჩვენებები
მატრიქსი G ხელს უწყობს ქსოვილების აღდგენას და რეგენერაციას კანის ნებისმიერი გარეგანი დაზიანების დროს: ნაწოლები, ვენოზური წყლულები (დიაბეტური ტერფის მკურნალობა), ზედაპირული ტრავმული ჭრილობები, დამწვრობები (1 ხარისხის), აბსცესები და ყველა ინფიცირებული დაზიანება.
გამოყენების ინსტრუქცია
ადგილობრივი პრეპარატის გამოყენებამდე ყოველ ჯერზე გაასუფთავეთ ჭრილობა ფიზიოლოგიური ხსნარით. ექსუდაციური ჭრილობებისთვის გამოიყენეთ აბსორბციული საშუალებები (მაგალითად, მარლა TNT). მალამო მატრიქსი G ნაჩვენებია ჭრილობის რეეპთელიზაციის დროს. დაიტანეთ დაზიანებულ ადგილას ყოველ 8-24 საათში. პრეპარატი მატრიქსი შეიძლება გამოიყენოთ ყოველდღიურად, დაზიანების ტიპიდან გამომდინარე და ჭრილობების მკურნალობაზე სპეციალიზებული სამედიცინო პერსონალის აზრის გათვალისწინებით. მატრიქსით მკურნალობის დროს არ არის რეკომენდებული სადეზინფექციო საშუალებების გამოყენება.
გვერდითი ეფექტები
გვერდითი ეფექტები არ გამოვლენილა.
სიფრთხილის ზომები და გაფრთხილებები
შეინახეთ 0°С-დან 25°С-მდე ტემპერატურაზე, ბავშვებისთვის მიუწვდომელ ადგილას.
არ შეიძინოთ და არ გამოიყენოთ პროდუქტი, რომელიც იყო გახსნილი ან ვადაგასული.
პრეპარატით მკურნალობის ზონაში დროებით შეიძლება გამოხატული იყოს წვის შეგრძნება, ქავილი ან სიწითლე. ასევე შეიძლება თავი იჩინოს მომატებულმა მგრძნობელობამ აქტიური კომპონენტების მიმართ და ამ შემთხვევაში მკურნალობა უნდა შეწყდეს.
უკუჩვენებები
ალერგიულ პირებში გამოყენება არ არის რეკომენდებული
შემადგენლობა
კალენდულას ზეთი, სოინჯის ზეთი, კრაზანას ზეთი, ცენტელინი, ინდური აზადირახტას ზეთი, თხევადი პროპოლისი, D-პანთენოლი, გინოლ 1618 AT, მყარი პროპოლისი, გლიცერინი, ფუტკრის ცვილი, ბისაბოლოლი, ოზოკერიტი, გასუფთავებული წყალი.
შეფუთვა
100 მლ ტუბი (მალამო)
კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.
საერთაშორისო დასახელება:
AMLODIPINE
მწარმოებელი: PLETHICO PHARMACEUTICALS, ინდოეთი
მოქმედი ნივთიერება: ამლოდიპინი
კლინიკურ–ფარმაკოლოგიური ჯგუფი:
კალციუმის ნელი არხების ბლოკატორ
გამოშვების ფორმა:
ტაბლეტები: შეფუთვაში 10 ც.
1 ტაბ.
ამლოდიპინის ბეზილატი ……… 5 მგ
ფარმაკოლოგიური თვისებები:
პრეპარატი წარმოადგენს კალციუმის ნელი არხების ბლოკატორს. მისი ჰიპოტენზიური ეფექტი განპირობებულია პირდაპირი მოქმედებით სისხლძარღვების გლუვ კუნთებზე. ამლოდიპინის ანტიანგინალურ ეფექტს საფუძვლად უდევს მისი უნარი გააფართოვოს პერიფერიული არტერიოლები, რის შედეგადაც ადგილი აქვს მიოკარდიუმის მოთხოვნილების შემცირებას ჟანგბადზე.
ამავე დროს, ამლოდიპინი იწვევს მსხვილი ყალიბის კორონარული არტერიების და კორონარული არტერიოლების გაფართოვებას, მიოკარდიუმის როგორც ინტაქტურ, ასევე იშემიურ უბნებში. ეს გარემოება განაპირობებს ჟანგბადის ადექვატურ მიწოდებას მიოკარდიუმში კორონარული არტერიების სპაზმის დროს.
პრეპარატი პერორალური მიღებისას განიცდის სრულ აბსორბციას კუჭ-ნაწლავის ტრაქტიდან. მაქსიმალური კონცენტრაცია სისხლის პლაზმაში აღინიშნება მისი მიღებიდან 6-12 საათის შემდეგ. მეტაბოლიზმი ხორციელდება ღვიძლში. მიღებული დოზის 60% გამოიყოფა თირკმელებით მეტაბოლიტების სახით.
პრეპარატის საწყისი დოზაა 5 მგ ერთხელ დღეში. იგი ავადმყოფის ინდივიდუალურ რეაქციასთან დაკავშირებით შეიძლება გაიზარდოს 10 მგ-მდე.
გვერდითი მოვლენები:
გულისრევა, ღებინება, თავბრუსხვევა, თავის ტკივილი, აგზნება, ძილიანობა, დაღლილობის შეგრძნება, შეშუპება, ტაქიკარდია, ჰიპერემია.
ორსულობა და ლაქტაცია:
ამლოდიპინის გამოყენების უსაფრთხოება ორსულობის და ლაქტაციის პერიოდში არ არის დადგენილი.
განსაკუთრებული მითითებები:
საჭიროა პრეპარატის სიფრთხილით დანიშვნა ავადმყოფებში ღვიძლის უკმარისობის დროს.
შენახვის პირობები და ვადა:
პრეპარატი ინახება არა უმეტეს 25 0 C ტემპერატურაზე.
ვარგისიანობის ვადა: 5 წელი
34.62 ლარი
32.54 ლარი
ქვეყანა: ბელორუსია
მწარმოებელი: რუბიკონ
გაცემის ფორმა: III ჯგუფი ურეცეპტო
14.65 ლარი
13.77 ლარი
ქვეყანა: საფრანგეთი
მწარმოებელი: პიერ ფაბრი მედიკამენტ
გაცემის ფორმა: III ჯგუფი ურეცეპტო
მატრიქსის სერია გადახვევებისთვის – მატრიქსი D
პროდუქტის აღწერა
მატრიქსის სერია გადახვევებისთვის – ეს არის 2 ტიპის საშუალების სპექტრი ადგილობრივი გამოყენებისთვის: მალამო მატრიქსი G და კრემი მატრიქსი D.
მატრიქსი D წარმოადგენს მატრიქსის სერიის კრემის ფორმაციას. ის არის თანამედროვე ენზიმური საშუალება ჭრილობის სანაციისთვის, რომელიც ხასიათდება მაღალი სელექტიურობით და ჭრილობის ირგვლივი სტრუქტურების დაცვის უნარით. მატრიქსი D-ს აუტოლიზური ფერმენტები იწვევენ ჭრილობის ნეკროზული, სიცოცხლისუუნარო ქსოვილების დარბილებას და მსუბუქ მოშორებას და ხელს უწყობენ ნოტიო გარემოს შენარჩუნებას, ისე რომ არ აზიანებენ ირგვლივ არსებულ ჯანსაღ ქსოვილებს.
გამოყენების ჩვენებები
მატრიქსი D გამოიყენება ნეკროზული ჭრილობების შემთხვევაში, შავი ნადების და ქერქების არსებობისას.
გამოყენების ინსტრუქცია
ადგილობრივი პრეპარატის გამოყენებამდე ყოველ ჯერზე გაასუფთავეთ ჭრილობა ფიზიოლოგიური ხსნარით. დაიტანეთ მატრიქსი D არათანაბარ თხელ ფენად, მთლიანად მოიცავით დაზიანების უბანი. ექსუდაციური ჭრილობებისთვის გამოიყენეთ აბსორბციული საშუალებები (მაგალითად, მარლა TNT). მატრიქსი D კრემის კომპოზიცია რეკომენდებულია ჭრილობის სანაციის ფაზაში (ქერქები და ფიბრინი). ამ პროდუქტს აქვს სინერგისტული ეფექტი მატრიქსის სხვა პროდუქტებთან ერთად გამოყენების შემთხვევაში. ინფიცირებული ჭრილობების ან ექსუდაციური ჭრილობების დროს დაიტანეთ დაზიანებულ ადგილას ყოველ 8-24 საათში. პრეპარატი მატრიქსი D შეიძლება გამოიყენოთ ყოველდღიურად, დაზიანების ტიპიდან გამომდინარე და ჭრილობების მკურმნალობაზე სპეციალიზებული სამედიცინო პერსონალის აზრის გათვალისწინებით. მატრიქსით მკურნალობის დროს არ არის რეკომენდებული სადეზინფექციო საშუალებების გამოყენება, რადგან ამ შემთხვევაში შესაძლოა დაირღვეს პრეპარატის ძირითადი ფუნქცია.
გვერდითი ეფექტები
გვერდითი ეფექტები არ გამოვლენილა.
სიფრთხილის ზომები და გაფრთხილებები
შეინახეთ 0°С-დან 25°С-მდე ტემპერატურაზე, ბავშვებისთვის მიუწვდომელ ადგილას.
არ შეიძინოთ და არ გამოიყენოთ პროდუქტი, რომელიც იყო გახსნილი ან ვადაგასული.
პრეპარატით მკურნალობის ზონაში დროებით შეიძლება გამოხატული იყოს წვის შეგრძნება, ქავილი ან სიწითლე. ასევე შეიძლება თავი იჩინოს მომატებულმა მგრძნობელობამ აქტიური კომპონენტების მიმართ და ამ შემთხვევაში მკურნალობა უნდა შეწყდეს.
უკუჩვენებები
ალერგიულ პირებში გამოყენება არ არის რეკომენდებული
შემადგენლობა
ბრომელაინი, ანანასის ექსტრაქტი, რუტინი, ქსანტანის გუმფისი, შარდოვანა, დექსპანთენოლი, შიის კარაქი, ფუტკრის ცვილი, სალიცილის მჟავა, სოფტისანი, ამფისოლ К, კროდაფოს CS-6, ცეტიოლი, ცეტეარეტ- 20, გასუფთავებული წყალი.
შეფუთვა
50 მლ ტუბი (კრემის სტრუქტურა)
ლარიფანი სუპო 4.0მგ #5 რექტ. სუპ
შემადგენლობა:
აქტიური ნივთიერება: ლარიფანი – ორსპირალური რიბონუკლეინის მჟავა (dsRNA) 4,0 მგ/სუპოზიტორია
სხვა ნივთიერებები: კაკაოს ცხიმი, ლანოლინი, ნატრიუმის ქლორიდი, მეთილპარაჰიდროქსიბენზოატი, პროპილპარაჰიდროქსიბენზოატი, გამოხდილი წყალი.
ფარმაკოლოგიური ჯგუფი:
ანტივირუსული საშუალება, იმუნომოდულატორი
ათქ კოდი: J05AX
ფარმაკოლოგიური მოქმედება:
„LARIFAN SUPO 4.0 მგ”-ის შემადგენლობაში არსებული აქტიური ნივთიერება ორსპ.რნმ-ი ლარიფანი ბუნებრივი წარმოშობის ნივთიერებაა. ლარიფანს გააჩნია ფარმაკოლოგიური მოქმედების ფართო სპექტრი – ანტივირუსული, იმუნომაკორეგირებელი, ანთების საწინააღმდეგო. წარმოადგენს რა ინტერფერონის აქტიურ ინდუქტორს, ლარიფანს გააჩნია ანტივირუსული მოქმედების ფართო სპექტრი. ეფექტურია ჰერპესის, პაპილომა, რესპირატორული (მათ შორის გრიპი) და სხვა ვირუსების მიმართ.
ლარიფანის ძირითადი ფუნქციაა ორგანიზმის ბუნებრივი დაცვითი ძალების მობილიზაცია, ამასთან ერთად ანტივირუსული დაცვის უზრუნველყოფა და იმუნომოდულაციური მოქმედება. ლარიფანი ახდენს ისეთი იმუნური უჯრედების გააქტიურებას და მობილიზაციას, როგორცაა ლიმფოციტები, მაკროფაგები, ციტოტოქსიური უჯრედები და ა.შ., რის შედეგადაც, ძლიერდება ფაგოციტური რეაქცია, ანტიბაქტერიული მოქმედება, უმჯობესდება უჯრედების რეგენერაციის უნარი და, შესაბამისად, ჭრილობების შეხორცების პროცესიც, იზრდება ორგანიზმის რეზისტენტულობა სიმსივნური უჯრედების განვითარებისა და გამრავლების მიმართ, იზრდება ვაქცინაციის ეფექტურობა. ასევე თვალსაჩინოა მსუბუქი ტკივილგამაყუჩებელი ზემოქმედება.
ნეიტროფილების ფუნქციონალური აქტივობის გაძლიერებისა და ფაგოციტოზის აქტივაციის ხარჯზე მიიღწევა ანთების საწინააღმდეგო მოქმედება.
„LARIFAN SUPO 4.0 მგ” ეხმარება ორგანიზმს თავისი ბუნებრივი, როგორც ლოკალური, ასევე სისტემური დაცვითი ძალების გაძლიერებასა და გაუმჯობესებაში, მოქმედებს ვირუსული ინფექციების წინააღმდეგ.
ჩვენება:
სხვადასხვა ლოკალიზაციის რეციდივირებადი ჰერპეს ინფექციის მკურნალობა;
მეორადი იმუნოდეფიციტის კორექცია. ორგანიზმის ლოკალური და სისტემური დაცვითი ძალების გაძლიერება;
სუპოზიტორების გამოყენება მწვავე ვირუსული ინფექციების (მათ შორის რესპირატორული) პირველივე სიმპტომებისას აჩერებს დაავადების შემდგომ განვითარებას.
უკუჩვენება:
მაღალი მგრძნობელობა პრეპარატის შემადგენელი კომპონენტებისადმი.
გვერდითი მოვლენები:
არასასურველი გვერდითი მოვლენები გამოვლენილი არ არის.
ორსულობისა და ლაქტაციის პერიოდებში გამოყენება:
არ არის რეკომენდებული ჰერპეს ინფექციის მკურნალობის კურსი ორსულობის დროს.
მიღების წესი და დოზირება:
რეციდივირებადი ჰერპეს ინფექციის მკურნალობა ხორციელდება მკურნალობის კურსის სქემით:
თითო კურსში 5 სუპოზიტორი – 1-ელ, მე-2, მე-6, მე-10 და მე-14 დღეს. ასეთი ორკვირიანი კურსები მეორდება 5-ჯერ. კურსებს შორის 4 კვირიანი ინტერვალი.
გრიპის დაავადების პირველი სიმპტომების გამოვლენისთანავე, განსაკუთრებით ვირუსული ინფექციების ეპიდემიის პერიოდში, რეკომენდებულია გამოვიყენოთ თითო სუპოზიტორი დრეში, ორი დღე მიყოლებით.
საერთო იმუნომაკორეგირებელი ეფექტის მისაღწევად მიიღება თითო სუპოზიტორი კვირაში, 5 კვირის განმავლობაში.
დოზის გადაჭარბება:
დოზის გადაჭარბების კლინიკური შემთხვევები არ გამოვლენილა.
სხვა სამკურნალო საშუალებებთან ურთიერთმოქმედება:
თვალსაჩინო ურთიერთმოქმედება სხვა სამკურნალო საშუალებებთან არ გამოვლენილა.
გამოშვების ფორმა და შემადგენლობა:
5 სუპოზიტორი (4,0 მგ) შეფუთვაში გამოყენების ინსტრუქციასთან ერთად.
ვარგისიანობის ვადა:
2 წელი. არ გამოიყენოთ პრეპარატი ვარგისიანობის ვადის გასვლის შემდგომ.
შენახვის პირობები:
ინახება გრილ და ბავშვებისთვის ხელმიუწვდომელ ადგილზე.
აფთიაქებიდან გაცემის პირობები:
გაიცემა ურეცეფტოდ.
