ფარმაკოლოგიური თვისებები

პრეპარატს გააჩნია ფერმენტ ქსანტინოქსიდაზას ინჰიბირების უნარი, რომელიც მონაწილეობს ჰიპოქსანტინის ქსანტინად და ქსანტინის შარდმჟავად გარდამქმნაში, რის შედეგადაც სისხლის შრატში მცირდება ურატების წარმოქმნა.

ჩვენებები

ალოპურინოლი გამოიყენება ისეთი დაავადებების სამკურნალოდ, რომელთაც თან ახლავს:

• ჰიპერურიკემია, პირველადი და მეორადი პოდაგრის, თირკმლის კენჭოვანი დაავადების, ურატების წარმოქმნისას, პირველადი და მეორადი ჰიპერურიკემიის დროს;
• აგრეთვე პათოლოგიური პროცესების დროს ნუკლეოპროტეიდების გაძლიერებული დაშლით და შარდმჟავას რაოდენობის მომატებით სისხლში;
• სხვადასხვა სახის ჰემობლასტომების (მწვავე ლეიკოზი, ლიმფოსარკომა და ა.შ.,) კორტიკოსტეროიდებით მასიური თერაპიის შემთხვევაში, როდესაც კატაბოლური პროცესების გაძლიერების შედეგად საგრძნობლად მატულობს პურინების რაოდენობა სისხლში, რასაც შეუძლია გამოიწვიოს შარდმჟავით განპირობებული ნეფროპათია და თირკმელების ფუნქციის დაზიანება.
• პრეპარატს აგრეთვე იყენებენ ეპილეფსიის კომპლექსური თერაპიის დროს ბავშვებში, რასაც არსებული მოსაზრებით საფუძვლად უდევს ალოპურინოლის მაინჰიბირებელი ეფექტი ფერმენტ ტრიფტოფანპიროლაზაზე, რის შედეგადაც ძლიერდება სეროტონინის ბიოსინთეზი.

დოზირების რეჟიმი

ალოპურინოლს უნიშნავენ პერორალურად ჭამის შემდეგ. დოზა დამოკიდებულია შარდმჟავას რაოდენობაზე სისხლში.

– მისი მინიმალური თერაპიული სადღეღამისო დოზა შეადგენს 0.1 გ, მაქსიმალური – 0.8 გ.

– ჩვეულებრივ ზომიერად გამოხატული ჰიპერურიკემიის დროს (10 მგ%) უნიშნავენ 0.2-0.4 გ დღეში 2-3 კვირის განმავლობაში, ხოლო შემდეგ გადადიან შემანარჩუნებელ დოზაზე (0.2-0.3 გ დღეღამის განმავლობაში დაყოფილი 2-3 მიღებაზე).

– პოდაგრის მძიმე ფორმების, მაღალი ჰიპერურიკემიის დროს (7 გ-ზე მეტი) პრეპარატი გამოიყენება დაყოფილი დოზებით (ერთჯერადად არაუმეტეს 0.2 გრამისა) 0.6-0.8 გ დღეში, 2-4 კვირის განმავლობაში, შემდეგ კი გადადიან შემანარჩუნებელ დოზაზე (0.1-0.3 გ დღეში). აღნიშნული დოზა მიიღება ხანგრძლივად, რამდენიმე თვის განმავლობაში.

– ჰიპერურიკემიის პროფილაქტიკისათვის, სიმსივნეების სხივური თერაპიის და ქიმიოთერაპის დროს საშუალო სადღეღამისო დოზა შეადგენს 0.4 გ.

– პრეპარატს უნიშნავენ სიმსივნის საწინააღმდეგო თერაპიის დაწყებამდე 2-3 დღით ადრე (ან ერთდროულად) და აგრძელებენ მის მიღებას სპეციფიკური თერაპიის დამთავრების შემდეგ კიდევ რამდენიმე დღის განმავლობაში.

– ეპილეფსიით დაავადებულ ბავშვებში კომპლექსური მკურნალობის დროს, პრეპარატის დოზა შეადგენს 4-5 მგ/კგ (2 მიღებაზე დღეში, 10 დღიანი კურსით, მათ შორის შესვენება – 1.5-2 თვე)

გვერდითი მოვლენები

ალოპურინოლს ჩველებრივად კარგად იტანს პაციენტი.

♦ პოდაგრის მკურნალობის საწყის სტადიაში შეიძლება აღინიშნებოდეს გამწვავება, რომელიც დაკავშირებულია შარდმჟავას მობილიზაციით პოდაგრული კვანძებიდან და სხვა დეპოებიდან.

♦ ზოგიერთ შემთხვევაში შეიძლება აღინიშნებოდეს დისპეფსიური მოვლენები, კანზე გამონაყარი, ტემპერატურის მომატება, ეოზინოფილია, სისხლის შრატში ტრანსამინაზების მაჩვენებლების გაზრდა, იშვიათად ჰეპატიტი, ინტერსტიციული ნეფრიტი, ძალიან იშვიათად ანგიოიმუნობლასტური ლიმფადენოპათია, კატარაქტა, მხედველობის დვრილის მხრივ ცვლილებები, გემოვნების შეცვლა, სტომატიტი, უნაყოფობა, იმპოტენცია, შაქრიანი დიაბეტი, ჰიპერლიპიდემია, ფურუნკულოზი, ალოპეცია, თმის გაუფერულება, ანგინა, არტერიული ჰიპერტენზია, ბრადიკარდია, შეშუპებები, ურემია, ჰემატურია, გინეკომასტია, გრანულემატოზური ჰეპატიტი, თრომბოციტოპენია, აგრანულოციტოზი, აპლასტური ანემია, ლეიკოპენია პაციენტებში თირკმელების ფუნქციის დარღვევით, ართრალგია, თავის ტკივილი, თავბრუსხვევა, ატაქსია, ძილიანობა, ადინამია, დეპრესია, კომა, პარეზები, პარესთეზიები, ნეიროპათიები, მხედველობის დარღვევა.

უკუჩვენებები

* თირკმელების უკმარისობა;

* ორსულობა და ლაქტაციის პერიოდი;

* მომატებული მგრძნობელობა პრეპარატის მიმართ.

განსაკუთრებული მითითებები

♦ გასათვალისწინებელია, რომ მკურნალობა უნდა იყოს ხანგრძლივი, ვინაიდან ალოპურინოლის მიღების შეწყვეტისას მე-3-4 დღეს ისევ მატულობს ურიკოზურიის და ურიკემიის მოვლენები.

♦ პრეპარატის მიღებისას 2-3 დღეზე მეტი ინტერვალი არ არის სასურველი.

♦ სიმპტომური ურიკემიის დროს ალოპურინოლი არ ინიშნება.

♦ ჰემობლასტომის დროს ალოპურინოლის მიღებისას ერთდროულად სიმსივნის საწინააღმდეგო პრეპარატებთან (მეტოტრექსატი, მერკაპტოპურინი და სხვა) უნდა გავითვალსიწინოთ, რომ ალოპურინოლი არა მხოლოდ თრგუნავს აღნიშნული პრეპარატების ენზიმურ დაჟანგვას და აძლიერებს მათ სიმსივნის საწინააღმდეგო ეფექტს, არამედ აგრეთვე საგრძნობლად აძლიერებს მათ ტოქსიკურობასაც, რის გამოც მათი დოზები უნდა შემცირდეს (50%-ით).

♦ ბავშვებში პრეპარატი ინიშნება მხოლოდ ავთვისებიანი დაავადების დროს (განსაკუთრებით ლეიკოზის დროს) და ზოგიერთი ფერმენტული დარღვევების შემთხვევაში (ლეშნიანის სინდრომი).

♦ უნდა გავითვალისწინოთ, რომ ალოპურინოლით ადექვატური თერაპიის შემთხვევაში შესაძლებელია მსხვილი ურატული კონკრემენტების დაშლა და მათი მოხვედრა შარდსაწვეთში.

♦ ალოპურინოლი და მისი მეტაბოლიტები გამოიყოფიან ჰემოდიალიზის მეშვეობით. ალოპურინოლი არ ინიშნება რკინის შემცველ საშუალებებთან ერთად.

♦ პრეპარატს სიფრთხილით იყენებენ თირკმელების უკმარისობის დრო (არა უმეტეს 0.1 გ დღეში). ალოპურინოლის მიღებისას დიურეზი უნდა იქნას შენარჩუნებული არანაკლებ 2 ლ დღეღამეში (სასურველია შარდის ნეიტრალური რეაქცია).

♦ ალოპურინოლი ახანგრძლივებს 5-მერკაპტოპურინის, აზათიოპრინის, კუმარინული ანტიკოაგულანტების ქლორპროპამიდის (ჰიპოგლიკემიურ) ეფექტებს (განსაკუთრებით პაციენტებში თირკმელების ფუნქციის უკმარისობით).

♦ ურიკოზურიული საშუალებები და სალიცილატები მაღალ დოზებში ამცირებენ ალოპურინოლის აქტივობას.

საერთაშორისო დასახელება:

LODOXAMIDE

მწარმოებელი: ALCON, ბელგია

მოქმედი ნივთიერება: ლოდოქსამიდი

კლინიკურ-ფარმაკოლოგიური ჯგუფი:

ალერგიისა და ანთების საწინააღმდეგო საშუალება.

შემადგენლობა და გამოშვების ფორმა:

თვალის წვეთები 0.1%: ფლაკონში 5 მლ, 10 მლ და 15 მლ

1 მლ

ლოდოქსამიდის ტრომეტამინი …………………….   1 მგ

კონსერვანტი-ბენზალკონიუმის ქლორიდი …..      0.07მგ

ნეიტრალური დანამატები:

მანიტოლი, ჰიდროქსიპროპილმეთილცელულოზა, ნატრიუმის ციტრატი, ლიმონის მჟავა, ნატრიუმის ეთილენდიამინტეტრა-აცეტატი (Na2-ედტა), თილოქსაპოლი და დისტილირებული წყალი.

ფარმაკოლოგიური თვისებები:

ლოდოქსამიდი წარმოადგენს  მასტოციტების სტაბილიზატორს, რომელიც თრგუნავს დაუყოვნებელი ტიპის ჰიპერმგრძნობელობის რეაქციებს, როგორც ადამიანში, ასევე ცხოველებში. ალომიდის გამოყენება ნაჩვენებია თვალის იმ დაავადებების დროს, რომელთა პათოგენეზში  მთავარ როლს თამაშობს დაუყოვნებელი ტიპის ჰიპერმგრძნობელობის რეაქციები.

in vitro გამოკვლევებმა ცხადყო, რომ ლოდოქსამიდს გააჩნია მასტოციტების სტაბილიზაციისა   და ჰისტამინის ანტიგენ-ინდუცირებული გამოყოფის შეწყვეტის უნარი. ამასთან ერთად, ლოდოქსამიდი თრგუნავს ანთების სხვა მედიატორების გამოყოფასაც (მაგ. ალერგიის ნელად მორეაგირე სუბსტანციის გამოყოფას, რომელიც ცნობილია როგორც პეპტიდ-ლეიკოტრიენები). ლოდოქსამიდი თრგუნავს ჰისტამინის გამოყოფას, რაც აბრკოლებს კალციუმის მიგრაციას მასტოციტებში.

ორ საკონტროლო ჯგუფზე ალერგიული ხასიათის კონიუქტივიტების სამკურნალოდ ჩატარებულ კვლევებში (გაზაფხულის, ატოპიური და ალერგიული) ალომიდმა გამოავლინა გაცილებით მეტი ეფექტურობა 2%-იან ოპტიკრომთან შედარებით.

როგორც წესი, სიმპტომების დათრგუნვა აღინიშნებოდა მე-14-21 დღეზე (მისი დღეში ოთხჯერ მიღებისას), ხოლო შემდგომი მკურნალობის გაგრძელება იწვევდა მდგომარეობის გაუმჯობესებას.

მონიტორინგის შედეგად დადგენილ იქნა, რომ თერაპიული ეფექტი აღინიშნებოდა მკურნალობის დაწყებიდან მე-7 დღეს. ლოდოქსამიდს არ გააჩნია ჰისტამინო რეცეპტორების მაბლოკირებელი, სისხლძარღვთა შემავიწროვებელი და ციკლოოქსიგენაზას დამთრგუნველი მოქმედება.

ჩვენებები:

ოფთალმოლოგიური ხსნარი ალომიდი ნაჩვენებია იმ შემთხვევებში, როდესაც სიმპტომატიკა განპირობებულია დაავადების ალერგიული ხასიათით, მაგ: კერატოკონიუქტივიტი, პაპილარული კონიუქტივიტი, გაზაფხულის კერატიტი და ატოპიური ან ალერგიული კერატოკონიუქტივიტი. აღნიშნული დაავადებების ეტიმოლოგია უცნობია, თუმცა არსებობს ნიშნები, რომლებიც მიუთითებენ ალერგენებზე, რომელთა გადატანა ხორციელდება ჰაერით.

ლოდოქსამიდს შეუძლია გამოავლინოს სამკურნალო მოქმედება თვალის სხვა დაავადებების დროსაც, სადაც ანთებით პროცესში ძირითად როლს თამაშობს დაუყოვნებელი ტიპის ჰიპერმგრძნობელობის რეაქციები.

მიღების წესები და დოზირება:

დოზა მოზრდილებში და ბავშვებში – 1-2 წვეთი ორივე თვალში დღეში 4-ჯერ მუდმივი ინტერვალებით. პაციენტები საჭიროა გავაფრთხილოთ, რომ ალომიდის მოქმედება დამოკიდებულია გამოყენების რეგულარობაზე დანიშნულების შესაბამისად.

ჩვეულებრივ, სიმპტომატიკის შემცირება (დისკომფორტის შესუსტება, უცხო სხეულის შეგრძნება, სინათლის შიში, თვალების მწვავე ტკივილი, ცრემლდენა, ერითემა ან შეშუპება, ზედა ქუთუთოს დაწევა) იწყება მკურნალობის დაწყებიდან რამდენიმე დღის შემდეგ. შედეგიანი მკურნალობის შემთხვევაში საჭიროა იგი გაგრძელდეს ეფექტის განმტკიცებისათვის. ოფთალომოლოგიური ხსნარის-ალომიდის უსაფრთხოებისა და ეფექტურობის შესახებ 4 წლამდე ასაკის ბავშვებში მონაცემები არ მოიპოვება.

აუცილებლობის შემთხვევაში შესაძლებელია გამოყენებული იქნას კორტიკოსტეროიდები ალომიდთან ერთად.

გვერდითი მოვლენები:

ალომიდი ხასიათდება კარგი ტოლერანტობით მის მიმართ, ყველაზე გავრცელებული გვერდითი ეფექტია უმნიშვნელო და გარდამავალი თვალის წვა და ცრემლდენა.

უკუჩვენებები:

ალომიდი უკუნაჩვენებია პაციენტებისათვის, რომლებსაც დადგენილი აქვთ ჰიპერმგრძნობელობა ლოდოქსამიდზე ან პრეპარატის სხვა კომპონენტებზე.

ორსულობა და ლაქტაცია:

გამოყენება ორსულობისა და ლაქტაციის პერიოდში: კლინიკური კვლევები ორსულებში არ არ არის ჩატარებული. ალომიდის გამოყენება ორსულებში უნდა მოხდეს განსაკუთრებული აუცილებლობის შემთხვევაში.

ასევე არ არის დადგენილი, გადადის თუ არა ალომიდი დედის რძეში, რის გამოც მისი დანიშვნა მეძუძურ ქალებში საჭიროებს სიფრთხილეს.

განსაკუთრებული მითითებები:

პრეპარატი ინიშნება მხოლოდ ადგილობრივად. დაუშვებელია მისი ინექციის სახით გამოყენება. ალომიდით მკურნალობისას, ისევ როგორც სხვა პრეპარატების გამოყენებისას, რომლებიც შეიცავენ ბენზალკონიუმის ქლორიდს, საჭიროა თავი შევიკავოთ რბილი (ჰიროფილური) კონტაქტური ლინზების გამოყენებისგან. ლინზების ტარება შეიძლება რამდენიმე საათის განმავლობაში პრეპარატის ჩაწვეთებებს შორის შუალედში.

ჭარბი დოზირება:

ადგილობრივად ჰიპერდოზირების შემთხვევაში საჭიროა თვალის დაბანა გამდინარე წყლის ჭავლით. ჭარბი დოზის მიღების დროს სიმპტომატიკა უცნობია.

შენახვის პირობები და ვადა:

ფლაკონი ინახება ოთახის ტემპერატურაზე ვერტიკალურ მდგომარეობაში, ბავშვებისაგან დაცულ ადგილას.

მწარმოებელი: ნეოფარმი, საქართველო

კლინიკურ – ფარმაკოლოგიური ჯგუფი:

პარასამკურნალო საშუალება; ასტიმულირებს კანისა და ლორწოვანი გარსების რეგანერაციას.

შემადგენლობა და გამოშვების ფორმა:

ალოეს მშრალი ექსტრაქტი  – 1,4 გ;

ეთილის სპირტი 96%;

სორბინის მჟავა ან ქლორბუთანოლჰიდრატი;

გამოხდილი წყალი – 100 მლ-მდე;

ალოეს წვენის შემადგენლობაში შედის ანტრაგლიკოზიდები, ვიტამინი K, ლორწოვანი ნივთიერებები.

ფარმაკოლოგიური მოქმედება:

ახასიათებს ბაქტერიოციდული, ანტივირუსული, ანთების საწინააღმდეგო,ანტიოქსიდანტური
მოქმედება. აძლიერებს კუჭ-ნაწლავის ტრაქტის ჯირკვლების სეკრეციას, ნაღვლის დენას, 
მადას, აუმჯობესებს საჭმლის მონელების პროცესს, აქვს სუსტი  საფაღარათო მოქმედება.
შეიცავს ბიოგენურ სტიმულატორებს, აძლიერებს კანის და ლორწოვანი გარსის რეგენერაციულ პროცესებს.

ჩვენება:

• ქრონიკული ჰიპოაციდური გასტრიტი, ენტეროკოლიტი, ქრონიკული შეკრულობა, უმადობა;
• ორგანიზმის წინააღმდეგობის უნარის დაქვეითება ინფექციური დაავადებების მიმართ;
• მწვავე რინიტი;
• წყლულოვანი სტომატიტი;
• ჩირქოვანი ჭრილობები, დამწვრობა, ტროფიკული წყლულები, ფურუნკულოზი, დერმატიტები, კანის ტუბერკულოზი, კანის სხივური დაავადებები;
• საშვილოსნოს ყელის ეროზიები, კოლპიტები.

უკუჩვენება:

* ჰემორაგიული სისხლდენა, მეტრორაგია (მუცლის ღრუს ორგანოებში სისხლის მიდინების გაძლიერების გამო);

* ღვიძლის ციროზი, ქრონიკული პანკრეატიტი; აპენდიციტი; კრონის დაავადება, წყლულოვანი ენტეროკოლიტი;

* დიფუზური გლომერულონეფრიტი;

შენიშვნა:

ხანგრძლივმა გამოყენებამ შეიძლება გამოიწვიოს ორგანიზმის გაღარიბება კალიუმით 
და საგულე გლიკოზიდების, ანტიარითმიული პრეპარატების მოქმედების გაძლიერება.

თიაზიდურ დიურეტიკებთან, ძირტკბილას პრეპარატებთან და კორტიკოსტეროიდებთან 
კომბინირებული მიღებისას, იზრდება კალიუმის დეფიციტის განვითრების რისკი.

გვერდითი მოვლენები:

საფაღარათო ეფექტის მიღების მიზნით ხანგრძლივი და დიდი დოზებით გამოყენებისას, შესაძლოა გამოიწვიოს მსხვილი ნაწლავის პერისტალტიკის დათრგუნვა ლორწოვანი გარსის გაღიზიანების გამო;

მიღების წესი და დოზირება:

პერორალურად: 1 ჩაის კოვზით 2-3-ჯერ დღეში ჭამამდე 20-30 წუთით ადრე.მკურნალობის კურსი 15-30 დღე.

წვეთების სახით: 5-8 წვეთი თითო ნესტოში 2-3-ჯერ დღეში.

გარეგანი ხმარებისათვის: საფენების სახით, გინეკოლოგიურ პრაქტიკაში -ტამპონების სახით.

გამოშვების ფორმა:

50 მლ ნარინჯისფერი მინის ან პოლიმერული მასალის ფლაკონებში.

ვარგისიანობის ვადა: 2 წელი.

შენახვის წესი: სინათლისაგან დაცულ, მშრალ, გრილ და ბავშვებისთვის მიუწვდომელ ადგილას.

საერთაშორისო დასახელება:

ALOE

მწარმოებელი: BIOPHARM

მოქმედი ნივთიერება: ალოე

კლინიკურ-ფარმაკოლოგიური ჯგუფი:

ბიოგენური სტიმულატორი

შემადგენლობა და გამოშვების ფორმა:

საინექციო ხსნარი: ამპულაში, შეფუთვაში 10 ც.

ჩვენებები:

• თვალის დაავადებები: პროგრესირებადი მიოპია, მიოპიური ქორიორეტინიტი, ბლეფარიტი, კონიუნქტივიტი, კერატიტი, ირიტი, მინისებრი სხეულის დაბურვა;
• კუჭისა და თორმეტგოჯა ნაწლავის წყლულოვანი დაავადება;
• ბრონქიალური ასთმა;
• გინეკოლოგიური დაავადებები.

მიღების წესი და დოზირება:

ყოველდღიურად 1მლ. (5 წლამდე ასაკის ბავშვებში – 0.2 0.3 მლ, 5 წელზე ზევით – 0.5მლ) 1–2 თვის მანძილზე, კურსის განმეორება შეიძლება 2–3 თვის შემდეგ;

ბრონქული ასთმის დროს – 30–35 ინექცია, 1–1.5 მლ.10–15 დღე, შემდეგ – დღე გამოშვებით.

მაქსიმალური დღეღამური დოზა – 4მლ.

უკუჩვენებები:

* მძიმე გულ–სისხლძარღვთა დაავადება, არტერიული ჰიპერტონია;

* კუჭ–ნაწლავის მწვავე მოშლილობა;

* თირკმლის ფუნქციის გამოხატული დარღვევა;

* ორსულობა.

გვერდითი მოვლენები:

ალერგიული რეაქციები.

შენახვის წესი:

თხევადი ექსტრაქტი ინექციისთვის – სინათლისაგან დაცულ ადგილზე.

ვადა – 3 წელი.

საერთაშორისო დასახელება:

ALGELDRATE; MAGNESIUMHYDROXXIDE; SIMETHICONE

მწარმოებელი: BALCANPHARMA, ბულგარეთი

მოქმედი ნივთიერება: ალგელდრატი+ მაგნიუმის ჰიდროქსიდი+ სიმეტიკონი

კლინიკურ-ფარმაკოლოგიური ჯგუფი:

ანტაციდური საშუალება.

შემადგენლობა და გამოშვების ფორმა:

სუსპენზია: ფლაკონში 170 მლ და 200 მლ

5 მლ

ალგელდრატი …………….          340 მგ

მაგნიუმის ჰიდროქსიდი…….     395 მგ

სიმეტიკონი ………………………. 36 მგ

სუსპენზია: პაკეტში 10 მლ, შეფუთვაში 10 და 20 ც.

ალგელდრატი …………..          680 მგ

მაგნიუმის ჰიდროქსიდი ……   790 მგ

სიმეტიკონი …………………….  72 მგ

არააქტიური ნივთიერებები:

ეთილის სპირტი, სორბიტი, ჰიდროქსიეთილცელულოზა, ლიმონის მჟავა, ესენცია, გასუფთავებული წყალი.

ფარმაკოლოგიური თვისებები:

პრეპარატი წარმოადგენს ალუმინის და მაგნიუმის ჰიდროქსიდების ბალანსირებულ ნაერთს. მას ახასიათებს ხანგრძლივი ანტაციდური მოქმედება და რბილი ლაქსატივური ეფექტი, რაც იწვევს ყაბზობის და მეტეორიზმის შემცირებას კუჭისა და 12-გოჯა ნაწლავის წყლულით დაავადებულ პაციენტებში.

პრეპარატის მოქმედების მექანიზმი განპირობებულია კუჭის ლორწოვანის გარსის დაცვით და დაზიანებული უბნის სწრაფი შეხორცებით. პრეპარატის შემადგენლობაში შემავალი სიმეტიკონი ამცირებს მეტეორიზმის მოვლენებს. სიმეტიკონი მოქმედებს წვრილ ნაწლავში და ორგანიზმიდან გამოიყოფა უცვლელად.

ჩვენებები:

საჭმლის მომნელებელი სისტემის დაავადებები, რომლის დროსაც აღინიშნება მომატებული და ნორმალური მჟავიანობა და აირების დაგროვება ნაწლავებში. პრეპარატი გამოიყენება მონოთერაპიის სახით ან კომბინაციაში სხვა პრეპარატებთან ისეთი დაავადების დროს როგორიცაა:

• გასტრიტი და გასტროდუოდენიტი;
• კუჭის და 12-გოჯა ნაწლავის წყლულოვანი დაავადება;
• პეპტიური წყლული;
• რეფლუქს-ეზოფაგიტი;
• გასტრო-ეზოფაგური რეფლუქსი;
• დუოდენო-გასტრალური რეფლუქსი;
• არაწყლულოვანი დისპეფსია.

მიღჶბის წესები და დოზირება:

ავადმყოფებში 14 წლის ასაკის ზევით:

• მჟავიანობის შესამცირებლად, რეფლუქს-ეზოფაგიტის დროს – 1 პაკეტი ან 3 დოზირებული კოვზი 4-ჯერ დღეში ჭამიდან 1 საათის შემდეგ და საღამოს ძილის წინ. სასურველი ეფექტის მიღების შემდეგ – 2 დოზირებული კოვზი ან 1 პაკეტი 4-ჯერ დღეში;
• სხვა ჩვენებების მიხედვით – 2 დოზირებული კოვზი ან 1 პაკეტი 4-ჯერ დღეში ჭამიდან 1 საათის შემდეგ და საღამოს ძილის წინ.

სასურველია პრეპარატის მიღება განუზავებელი სახით. ნახევარი საათის განმავლობაში პრეპარატის მიღებიდან არ შეიძლება სითხის მიღება.

გვერდითი მოვლენები:

ავადმყოფებში თირკმელების უკმარისობით შეიძლება განვითარდეს ინტოქსიკაცია ალუმინით ან მაგნიუმით. იშვიათად ვითარდება დიარეა.

უკუჩვენებები:

• მომატებული მგრძნობელობა პრეპარატის მიმართ;
• თირკმელების უკმარისობა.

განსაკუთრებული მითითებები:

მიუხედავად იმისა, რომ პრეპარატს ავადმყოფები კარგად იტანენ, გასათვალისწინებელია შემდეგი:

• არ შეიძლება დღეში 12 დოზირებული კოვზის ან 6 პაკეტის მიღება;
• არ შეიძლება ჭარბი დოზის მიღება;
• პრეპარატი არ ინიშნება ალცჰეიმერის დაავადების დროს;
• პრეპარატის ერთჯერადი დოზა შეიცავს ეთილის სპირტს 0.113 გ 5 მლ სუსპენზიაში და 0.226 გ 1 პაკეტში, რასაც შეუძლია გამოიწვიოს გართულებები ავადმყოფებში ღვიძლის და თავის ტვინის დაავადებებით.
• პრეპარატის ერთჯერადი დოზა შეიცავს სორბიტს 0.475 გ 5 მლ სუსპენზიაში და 0.950 გ 1 პაკეტში, რაც წინააღმდეგნაჩვენებია ავადმყოფებისათვის ფრუქტოზისადმი თანდაყოლილი აუტანლობით;
• პრეპარატმა შეიძლება გამოიწვიოს დიარეა;

მკურნალობის დროს ყურადღება უნდა მიექცეს:

წყლულის ზომას, დიარეის განვითარებას, ალუმინის და მაგნიუმის რაოდენობას ავადმყოფებში თირკმელების უკმარისობით.

შენახვის პირობები და ვადა:

პრეპარატი ინახება არა უმეტეს 25⁰c ტემპერატურისა, ბავშვებისგან დაცულ ადგილას. არ შეიძლება პრეპარატის გაყინვა.

ვარგისიანობის ვადა: 3 წელი