ფორმა, შეფუთვა: სიროფი – ფლაკონში დოზირებული ხუფით 125 მლ

შემადგენლობა –

100გ

ტუხტის ფესვების 5% ექსტრაქტი ——-34.9 გ

საქაროზა ——————————————64 გ

ეთანოლი 600 ————————————–1 გ

ბენზოის მჟავა————————————0.1 გ

მწარმოებელ – P.P.E. “GEMI” პოლონეთი

კლინიკო-ფარმაკოლოგიური ჯგუფი: ფიტოპრეპარატი ამოსახველებელი, ამომფენი და ანთების საწინააღმდეგო მოქმედებით.

ფარმაკოლოგიური მოქმედება: პრეპარატის დამარბილებელი, შემომგარსველი, ამოსახველებელი მოქმედება განპირობებულია ტუხტის ფესვებისაგან გამონაწვლილი ლორწოვანი ნივთიერებების მაღალი კონცენტრაციით. ტუხტის ფესვების ჰიდროლიზის შედეგად წარმოიქმნება კალაქტურონის მჟავა, გალაქტოზა, გლუკოზა, რამინოზა და არაბინოზა. პრეპარატში შემავალი ლორწოვანი ნივთიერებები დაცვითი ფენის სახით განლაგდებიან ანთებითთან ძალიან მგრძნობიარე უბნის ზედაპირზე და ხელს უწყობენ მის სწრაფ რეგენერაციას. პრეპარატი ასევე ხასიათდება ხველების საწინააღმდეგო მოქმედებით.

ჩვენება – პრეპარატი გამოიყენება როგორც ხველით მიმდინარე ზედა სასუნთქი გზების სამკურნალოდ (მშრალი ხველა, სველი ხველა, ძნელად გამომყოფი ნახველით, ბრონქიტი, ტრაქეიტი, ბრონქული ასთმა), აგრეთვე გაცივებით გამოწვეული სხვა დაავადებების (ყელისა და ხახის ტკივილი, მწვავე რესპირატორული დაავადებები, გრიპი და სხვა) სამკურნალოდ.

დოზირებისა და მიღების რეჟიმი

3-დან 6 წლამდე ასაკის ბავშვებში: 1/2 დოზირებული ხუფი (5 მლ) 2-3-ჯერ დღეში.

6-დან 12 წლამდე ააკის ბავშვებში: 1/2 დოზირებული ხუფი (5 მლ) 3-4-ჯერ დღეში.

12 წლის ზევით ასაკის ბავშვებში: 1 დოზირებული ხუფი (10 მლ) 3-4-ჯერ დღეში

გვერდითი მოვლენები: არ არის აღწერილი.

პრეპარატის გამოყენება არ არის რეკომენდებული ნატრიუმის ბენზონატის მიმართ მომატებული მგრძნობელობის დროს.

უკუჩვენება: პრეპარატში შემავალი კომპონენტების მიმართ მომატებული მგრძნობელობა.

ორსულობა და ლაქტაცია:

პრეპარატის გამოყენება ორსულობის და ლაქტაციის პერიოდში დასაშვებია.

ზედოზირება: არ აღინიშნება.

შენახვის პირობები და ვარგისიანობის ვადა: პრეპარატი ინახება 15-25^oC ტემპერატურაზე, მჭიდროდ თავდახურულ ფლაკონში, სინათლისა და ბავშვებისაგან დაცულ ადგილას.

საერთაშორისო დასახელება:

DONEPEZIL

მწარმოებელი: სს ფარმაცევტული საწარმო ეგისი,

უნგრეთი

მოქმედი ნივთიერება: დონეპეზილის ჰიდროქლორიდი

კლინიკურ–ფარმაკოლოგიური ჯგუფი:

ალცჰაიმერის დაავადების დროს გამოსაყენებელი საშუალებები

შემადგენლობა და გამოშვების ფორმა:

5 მგ ტაბლეტები #28

10 მგ ტაბლეტები #28

– თითოეული შემოგარსული ტაბლეტი შეიცავს პრეპარატის აქტიურ ნივთიერებას – 5 ან 10 მგ დონეპეზილის ჰიდროქლორიდს.

– დამხმარე ნივთიერებები: ბირთვი: მიკროკრისტალური ცელულოზა, ჰიდროქსიპროპილცელულოზა, მაგნიუმის სტეარატი. გარსი: Opadry Y-1-7000 თეთრი: ჰიპრომელოზა, ტიტანის დიოქსიდი (E 171), მაკროგოლი 400.

შეფუთვის ფორმა:

5 მგ ტაბლეტები: თეთრი ან თითქმის თეთრი, მრგვალი, ორივე მხრიდან ამობურცული, უსუნო ან თითქმის უსუნო შემოგარსული ტაბლეტები, ერთ მხარეზე სტილიზებული წარწერით ,,E 381’’.

10 მგ ტაბლეტები: თეთრი ან თითქმის თეთრი, მრგვალი, ორივე მხრიდან ამობურცული, უსუნო ან თითქმის უსუნო შემოგარსული ტაბლეტები, ერთ მხარეზე სტილიზებული წარწერით ,,E 382’’.

ჩვენებები:

პრეპარატი ალზეპილის აქტიური კომპონენტი დონეზეპილის ჰიდროქლორიდი მიეკუთვნება ნივთიერებათა ჯგუფს, ე.წ. აცეტილქოლინესტერაზის ინჰიბიტორებს.

იგი გამოიყენება დემენციის სიმპტომების სამკურნალოდ პირებში, რომელთაც ალცჰეიმერის დაავადების მსუბუქი ან საშუალო სიმძიმის დიაგნოზი აქვთ. ამ პრეპარატმა შეიძლება გააუმჯობესოს მეხსიერება და აზროვნება.

გამოიყენება მხოლოდ მოზრდილ პაციენტებში.

მიღების წესები და დოზები:

ალზეპილი ყოველთვის გამოიყენეთ ექიმის მიერ დანიშნული მითითებების შესაბამისად. თუ თქვენ არ ხართ რამეში დარწმუნებული, აუცილებლად მიმართეთ რჩევისათვის ექიმს ან ფარმაცევტს.

შეატყობინეთ ექიმს ან ფარმაცევტს თქვენი მომვლელი პირის სრული სახელი და გვარი. მომვლელი პირი დაგეხმარებათ მიიღოთ პრეპარატი დანიშნულების მიხედვით.

ალზეპილის მიღება ხდება შიგნით, საღამოს, დაძინებამდე, წყლის დაყოლებით. დასაშვებია ალზეპილის გამოყენება საკვებისაგან დამოუკიდებლად, ვინაიდან საკვები არ მოქმედებს მის ეფექტურობაზე.

ჩვეულებრივ, საწყისი დოზა შეადგენს: დღეში ერთხელ 5 მგ. ერთი თვის შემდეგ, ექიმმა შეიძლება დაგინიშნოთ პრეპარატის 10 მგ ყოველ საღამოს. მაქსიმალური რეკომენდებული სადღეღამისო დოზა არის 10 მგ.

პრეპარატის გამოყენების წესისა და დროის თაობაზე ყოველთვის დაიცავით ექიმის დანიშნულება. არ შეცვალოთ დოზა დამოუკიდებლად ექიმის დანიშნულების გარეშე და არ შეწყვიტოთ ტაბლეტების გამოყენება ექიმის რჩევის გარეშე.

ტაბლეტების გამოყენების ხანგრძლივობის თაობაზე გადაწყვეტილებას მიიღებს ექიმი. ის შეგატყობინებთ, თუ როდის შეწყვიტავთ ტაბლეტების გამოყენებას. დაავადების სიმპტომების შეფასებისა და მკურნალობის მიმდინარეობის კონტროლის მიზნით, პერიოდულად უნდა მიმართოთ ექიმს.

პრეპარატის გამოყენება არ არის რეკომენდებული ბავშვებში და 18 წლამდე ასაკის მოზარდებში.

გვერდითი მოვლენები:

ისევე როგორც სხვა სამკურნალო პრეპარატმა, ალზეპილმა შეიძლება გამოიწვიოს გვერდითი ეფექტები, თუმცა ისინი არ ვითარდებიან ყველა პაციენტში.

ქვემოთ ჩამოთვლილი ნებისმიერი ეფექტის განვითარების შემთხვევაში მიმართეთ ექიმს.

ძალიან ხშირი (10-დან 1-10 პაციენტში):

დიარეა, გულისრევა, თავის ტკივილი.

ხშირი (100-დან 1-10პაციენტში):

გაციება, ანორექსია (მადის დაკარგვა), ჰალუცინაციები, აგზნებადობა, აგრესიული ქცევა (ჰალუცინაციები, აგზნებადობა და აგრესიული ქცევა ქრება დოზის შემცირების ან დონეპეზილის გამოყენების შეწყვეტის შემდეგ), გულისწასვლა, თავბრუსხვევა, უძილობა (გართულებული დაძინება), გულისრევა, აშლილობები კუჭის მხრიდან, გამონაყარი კანზე, ქავილი, კუნთების სპაზმი, შარდის შეუკავებლობა, გადაღლა, ტკივილი, უბედური შემთხვევა.

არახშირი (100-დან 1-ზე ნაკლებ პაციენტში):

კრუნჩხვითი გულყრა, ბრადიკარდია (გულის რითმის შენელება), სისხლდენა კუჭ-ნაწლავის ტრაქტიდან, თორმეტგოჯა ნაწლავის ან კუჭის წყლული, ლაბორატორიული პარამეტრების ცვლილება (სისხლის პლაზმაში კუნთოვანი კრეატინკინაზის მცირე მომატება).

იშვიათი (1000-დან 1-ზე ნაკლებ პაციენტში):

ექსტრაპირამიდული სიმპტომები (კანკალი, სახის, ენის ან კიდურების უნებლიე მოძრაობა ან შებოჭვა), სინო-ატრიული ბლოკადა, გულის არითმია (გულის ბლოკადა), ღვიძლის ფუნქციის დარღვევა, მათ შორის ჰეპატიტი (ღვიძლის ინფექციური დაზიანება).

მძიმე გვერდითი ეფექტების ან ისეთი ეფექტების განვითარების შემთხვევაში, რომლებიც არ არის აღწერილი მოცემულ ინსტრუქციაში, გთხოვთ, მიმართოთ ექიმს.

უკუჩვენება:

თუ თქვენ გაქვთ ჰიპერმგრძნობელობა დონეპეზილის ჰიდროქლორიდის, პიპერიდინის წარმოებულების სახელით ცნობილი ანალოგიური საშუალებების, ან პრეპარატი ალზეპილის შემოგარსული ტაბლეტების ნებისმიერი სხვა კომპონენტის მიმართ.

პრეპარატი ალზეპილის გამოყენება მოითხოვს განსაკუთრებულ სიფრთხილეს

პრეპარატის გამოყენებამდე, ნებისმიერი ქვემოთ ჩამოთვლილი მდგომარეობის არსებობის შემთხვევაში, შეატყობინეთ ამის შესახებ ექიმს:

– თუ თქვენ გაწუხებთ გულის მუშაობის დარღვევები (არითმია ან ბლოკადა) (დონეპეზილმა შეიძლება გამოიწვიოს გულის შეკუმშვის რიტმის შენელება);

-თუ თქვენ წარსულში გაწუხებდათ კუჭისა და თორმეტგოჯა ნაწლავის წყლულოვანი დაავადებები, ან თქვენ იყენებთ თანმხლებ ანთების საწინააღმდეგო საშუალებებს;

-თუ თქვენ გაწუხებთ გართულებული შარდის გამოყოფა;

-თუ როდესმე გქონიათ კრუნჩხვითი გულყრის (დონეპეზილმა შეიძლება გამოიწვიოს კრუნჩხვების გამეორება) ან გულისწასვლის შემთხვევები;

-თუ თქვენ დაავადებული ხართ ასთმით ან ფილტვების სხვა ხანგრძლივად მიმდინარე დაავადებით;

-თუ თქვენ გაწუხებთ ღვიძლის ფუნქციის მძიმე დარღვევები;

-თუ თქვენ როდესმე გაწუხებდათ ექსტრაპირამიდული სიმპტომების არსებობა (სხეულის ან სახის უნებლიე მოძრაობა).

თუ თქვენ დაგეგმილი გაქვთ ქირურგიული ოპერაცია, რომელიც თხოულობს ზოგადი ანესთეზიის ჩატარებას, თქვენ უნდა შეატყობინოთ ექიმს და ანესთეზიოლოგს, რომ იყენებთ ალზეპილს.

ორსულობა და ლაქტაცია:

ნებისმიერი სამკურნალო საშუალების გამოყენებამდე მიიღეთ ექიმის ან ფარმაცევტის რჩევა.

თუ არ არის ალზეპილის გამოყენების საჭიროება (ექიმის დანიშნულება), პრეპარატი არ გამოიყენება ორსულობის დროს, ვინაიდან პაციენტების ამ ჯგუფში არ არის მოწოდებული საკმარისი მონაცემი.

დონეპეზილი არ გამოიყენება ლაქტაციის პერიოდში.

განსაკუთრებული მითითებები:

პრეპარატი ალზეპილის გამოყენება საკვებთან და ალკოჰოლურ სასმელებთან ერთად

ტაბლეტების მიღება ხდება საღამოს, დაძინებამდე, წყლის დაყოლებით. დასაშვებია ალზეპილის გამოყენება საკვებისაგან დამოუკიდებლად, ვინაიდან საკვები არ მოქმედებს მის ეფექტურობაზე.

დონეპეზილით მკურნალობის კურსის დროს არ გამოიყენოთ ალკოჰოლური სასმელები, ვინაიდან ალკოჰოლმა შეიძლება შეამციროს მისი ეფექტურობა.

სატრანსპორტო საშუალებების და მექანიზმების მართვა:

დაავადებამ შეიძლება დაარღვიოს სატრანსპორტო საშუალებებისა და მექანიზმების მართვის უნარი. მკურნალობის კურსის დასაწყისში ან დოზის მომატებისას, პრეპარატმა შეიძლება გამოიწვიოს გადაღლა, თავბრუსხვევა და კუნთების სპაზმი. შესაბამისად, მკურნალმა ექიმმა მუდმივად უნდა შეაფასოს თქვენს მიერ სატრანსპორტო საშუალებებისა და რთული მექანიზმების მართვის უნარი.

ექიმი მიიღებს გადაწყვეტილებას ყოველ ცალკეულ შემთხვევაში, პრეპარატი ალზეპილის რომელი დოზის გამოყენებისას შეძლებთ სატრანსპორტო საშუალებებისა და მექანიზმების მართვას.

ჭარბი დოზირება:

არ მიიღოთ დღეში ერთ ტაბლეტზე მეტი. ჭარბი დოზის მიღების შემთხვევაში დაუყოვნებლივ მიმართეთ ექიმს. თუ ექიმთან დაკავშირება შეუძლებელია, დაუყოვნებლივ მიმართეთ უახლოეს გადაუდებელ სასწრაფო დახმარების განყოფილებას.

საავადმყოფოში იქონიეთ ტაბლეტები ან კოლოფი, რათა ექიმმა შეიტყოს, რა მიიღეთ.

თუ თქვენ დაგავიწყდათ ალზეპილის მიღება გამოტოვებული დოზის კომპენსაციის მიზნით არ მიიღოთ ორმაგი დოზა. გააგრძელეთ პრეპარატის გამოყენება ექიმის დანიშნულების მიხედვით.

თუ თქვენ დაგავიწყდათ პრეპარატის გამოყენება ერთი კვირის ან მეტი პერიოდის განმავლობაში, პრეპარატის გამოყენების განახლების მიზნით, დაუკავშირდით ექიმს.

თუ თქვენ შეწყვიტეთ ალზეპილის გამოყენება

მკურნალობის კურსის შეწყვეტის შემდეგ აღინიშნება პრეპარატი ალზეპილის ეფექტის თანდათანობითი შესუსტება. პრეპარატის მიღების მკვეთრი შეწყვეტის შემდეგ უკუგების ეფექტი არ აღინიშნება. არ შეწყვიტოთ პრეპარატის გამოყენება ექიმის რჩევის გარეშე, თუნდაც უკეთ იგრძნოთ თავი.

თუ პრეპარატის გამოყენებასთან დაკავშირებით თქვენ წარმოგეშვათ დამატებითი კითხვები, მიმართეთ ექიმს.

სხვა წამლებთან ურთიერთქმედება:

შეატყობინეთ ექიმს ნებისმიერი სამკურნალო საშუალების შესახებ, რომელსაც იყენებთ ან იყენებდით ახლო წარსულში, მათ შორის იმ პრეპარატების შესახებ, რომლებიც გაიცემა ურეცეპტოდ.

შეატყობინეთ ექიმს, თუ თქვენ იყენებთ სხვა სამკურნალო საშუალებებს, განსაკუთრებით კი:

-ტკივილისა და ანთების საწინააღმდეგო საშუალებები;

-ართრიტის სამკურნალო საშუალებები;

-ანტიბიოტიკები, მაგალითად, ერითრომიცინი ან რიმფაპიცინი;

-სოკოს საწინააღმდეგო პრეპარატები (საშუალებები, რომლებიც ანადგურებენ სოკოს ან თრგუნავენ მათ ზრდას), მაგალითად, კეტოკონაზოლი ან იტრაკონაზოლი;

-კუნთების მოსადუნებელი საშუალებები;

-ანტიდეპრესანტები, მაგალითად, ფლუოქსეტინი;

-კრუნჩხვის საწინააღმდეგო პრეპარატები, მაგალითად, ფენიტოინი ან კარბამაზეპინი;

-გულის დაავადებების სამკურნალო პრეპარატები;

-სისხლის წნევის დასაწევი ზოგიერთი პრეპარატი (ბეტა-ბლოკატორები);

-დონეპეზილის მოქმედების მსგავსი მექანიზმის მქონე სხვა პრეპარატები (მაგალითად, გალანტამინი ან რივასტიგმინი), ასევე დიარეის, პარკინსონის ან ასთმის დაავადების საწინააღმდეგო ზოგიერთი საშუალება.

შენახვის პირობები და ვადები:

პრეპარატი ინახება ბავშვებისათვის მიუწვდომელ ადგილას. 8-15ºC

ვარგისიანობის ვადა 3 წელი. ალზეპილი არ გამოიყენება შეფუთვაზე მითითებული ვარგისიანობის ვადის გასვლის შემდეგ.

ვარგისიანობის ვადის დასრულების თარიღი არის მითითებული თვის ბოლო დღე.

აფთიაქში გაცემის წესი:

რეცეპტით

ფორმა, შეფუთვა შემოგარსული ტაბლეტები: შეფუთვაში 50 ც.

შემადგენლობა:

1 ტაბლეტი შეიცავს

მწარმოებელი – SOLYAY PHARMA საფრანგეთი

კლინიკო-ფარმაკოლოგიური ჯგუფი: კომბინირებული  პოლივიტამინი.

ფარმაკოლოგიური მოქმედება: ფარმაკოლოგიური მოქმედება განპირობებული შემადგენელი ნივთიერებების მოქმედებით.

ჩვენება – ავიტამინოზისა და ჰიპოვიტამინოზის პროფილაქტიკა, ფიზიკური და ფსიქიკური დატვირთვის პერიოდი; მდგომარეობა, რომლის  დროსაც ორგანიზმს აქვს ვიტამინებზე მზარდი მოთხოვნილება.

დოზირებისა და მიღების რეჟიმი:

6-12 წლამდე ასაკის ბავშვები- 1-2 ტაბლეტი დღეში.

ზრდასრულები – 1-3 ტაბლეტი დღეში.

გვერდითი მოვლენები: შესაძლოა ალერგიული რეაქციის განვითარება.

უკუჩვენება: პრეპარატის შემადგენელი ნებისმიერი ნივთიერების მიმართ ზემგრძნობელობა.

განსაკუთრებული მითითებები: ვინაიდნ პრეპარატი შეიცავს А და D ვიტამინებს, ამიტომ უნდა იქნას გათვალისწინებული დოზა ვიტამინების შემცველი სხვა პრეპარატების მიღების შემთხვევაში. ხანგრძლივი მიღების შემთხვევაში აუცილებელია ექიმის კონსულტაცია. ტაბლეტირებული ფორმის გამოყენება არ შეიძლება 6 თვემდე ასაკის ბავშვებისთვის. ორსულობის შემთხვევაში აუცილებელია ექიმის კონსულტაცია. პრეპარატში შემავალ ზოგ ვიტამინს შეუძლია შრდის შეფრვა ყვითლად. ეს ფენომენი არ წარმოადგენს შეშფოთების საგნს.

სხვა წამლებთან ურთიერთქმედება: ზოგ სამკურნალო საშუალებასთან ურთიერთქმედების თავიდან ასაცილებლად ექიმი უნდა იქნას ინფორმირებული  სხვა პრეპარატების მიღების შესახებ.

ფორმა, შეფუთვა –

1. საინექციო ხსნარი: ფლაკონში 2 მლ, შეფუთვაში 10 და 30 ც.

1 მლ 1 ფლ.

ციტარაბინი  ——————————————   20 მგ 40 მგ

2. საინექციო ხსნარი: ფლაკონში 5 მლ, შეფუთვაში 10 ც.

1 მლ 1 ფლ.

ციტარაბინი —————————–                20 მგ 10 მგ

3. საინექციო ხსნარი: ამპულაში 5 მლ

5 მლ

ციტარაბინი———————————————    500 მგ

5 მლ

ციტარაბინი ———————————————   1000 მგ

დამატებითი ინგრედიენტები:

რძის მჟავა, ნატრიუმის ქლორიდი, ნატრიუმის ლაქტატი, საინექციო წყალი.

მწარმოებელ – EBEWE PHARMA GmbH.Nfg.KG საფრანგეთი

კლინიკო-ფარმაკოლოგიური ჯგუფი: ავთვისებიანი სიმსივნის საწინააღმდეგო ციტოსტატური საშუალება.

ჩვენება – მწვავე მიელოიდური ლეიკოზის, მწვავე ლიმფობლასტური ლეიკოზის, ქრონიკული მიელოიდური ლეიკოზის ბლასტური კრიზის, ძლიერი ავთვისებიაინ არახოჯკინის ლიმფომის ინდუქციური და/ან შემანარჩუნებელი მკურნალობისათვის.

დოზირებისა და მიღების რეჟიმი: ინდუქციური მკურნალობა მწვავე ლეიკოზის დროს – 100-200 მგ/კვ.მ დღეში ვენაში ინექციის სახით, ორჯერად მიღებაზე, ან 100 მგ/კვ.მ დღეში ვენაში ხანგრძლივი ინფუზიის სახით. მკურნალობის ხანგრძლივობა დგინდება კლინიკური და მორფოლოგიური მონაცემების მიხედვით. ძვლის ტვინის ჰიპოპლაზმა ზღვრული დოზის მაჩვენებელია. განმეორებითიი მკურნალობა შესაძლებელია 14 დღის და მეტის ხნის შემდეგ, რათა აღდგეს ძვლის ტვინის ფუნქცია. მკურნალობის ეფექტის შესანარჩუნებელი ციკლი ტარდება შემოკლებულ ვადებში.

რემისიის შენარჩუნება: 75-10 კმ/კვ.მ დღეში 5 დღის განმავლობაში თვეში ერთხელ.

ცნს-ის დაზიანებისას: 10-30 მგ/კვ.მ  სამჯერ კვირაში ინტრათეკალურად.

არახოჯკინის ლიმფომის დროს: გამოიყენება შესაბამისი პოლიქიმიოთერაპიის სქემა.

გამოყენების წესი: ინდუქციური თერაპია სპეციალიზებულ კლინიკებში ტარდება ტრენირებული მედპერსონალის მიერ.

საჭიროა უსაფრთხოების რეკომენდაციების დაცვა, მოცემული M 620 და MGUV/28,3 რეკომენდაციებში.

ალექსანი იხმარება ინტრავენურად, კუნთებში, კანქვეშა და ინტრათეკალური ინექციის სახით, გამოიყენება ხანგრძლივი ინფუზიის სახითაც. განზავებისთვის იყენებენ ნატრიუმის ქლორიდის ფიზიოლოგიურ ხასნარს, ან 5% გლუკოზას. პერფუზორების გამოყენებისას, განზავება საჭირო არ არის.

ალექსანი გამოიყენება ინტრათეკალურად, ინტრალუმბალურად და ინტრავენტრიკულურად შეუცვლელი სახით. რეკომენდებულია 5-8 მლ ლიქვორის პუნქტატის გამოღება, მისი შერევა საინექციო სითხესთან შპრიცში და ნელი რეინექცია. ასეთი ინექციისას, სისტემური ტოქსიკურობა არ ვლინდება.

კუნთებში და კანქვეშა ინექცია გამოიყენება შემანარჩუნებელი თერაპიისთვის.

სასურველია კანქვეშა ინექციების თავიდან აცილება შესაძლო შეშუპების გამო.

ალექსანის ფლაკონი ერთჯერადად იხმარება.

გვერდითი მოვლენები: ძვლის ტვინის ფუნქციის დათრგუნვა, თრომბოციტოპენია, ლეიკოპენია, ანემია, მეგალობლასტოზი, იმუნიტეტის დაქვეითება, გულისრევა, ღებინება, ფაღარათი, პირის ღრუს ანთება, ცხელება, პნევმონია, მადის დაქვეითება, ღვიძლის ფუნქციის დარღვევა.

შესაძლოა ერითემის, თრომბოფლებიტის და სისხლჩაქცევების განვითარება.

დიდი დოზებით მისი ხანგრძლივი ინფუზიისას (200 მგ კვ.მ. დღეში) 5-7 დღეში ვითარდება კუჭ-ნაწლავის მხრივ დარღვევები, რასაც შესაძლოა მოჰყვეს გაუვალობა.

პრეპარატის ინტრათეკალური შეყვანისას არსებული ჩივილები, დიაგნოსტიკური ლუმბალური პუნქციის დროს არსებული ჩივილების მსგავსია. მკურნალობის პერიოდში და პანციტოპენიის ფაზაში საჭიროა სისხლის სურათს, ღვიძლის და თირკმელების ფუნქციის, შრატში შარდმჟავას დონის კონტროლი.

პაციენტები, რომელთაც აღენიშნებათ დიდი რაოდენობით ბლასტური უჯრედები და დიდი სიმსივნური მასა (არახოჯკინის ლიმფომები), საჭიროებენ პროფილაქტიკას სისხლში შარდმჟავას დონის მომატების გამო;

ციტარაბინის სინდრომი: აღწერილი სინდრომი ხასიათდება ცხელებით, კუნთების და ძვლების ტკივილით, მაკულო-აპულოზური გამონაყარით, კონიუნქტივიტით და სისუსტით. სიმპტომები ვითარდება ინექციიდან 6-12 საათში. მისი პროფილაქტიკისა და მკურნალობისთვის გამოიყენება კორტიკოსტეროიდები. შესაძლოა ალექსანის და კორტიკოსტეროიდების ერთდროული დანიშვნა. გვერდითი მოვლენები ქრება მკურნალობის დასრულებისას.

უკუჩვენება: მედიკამენტით გამოწვეული ძვლის ტვინის ფუნქციის დათრგუნვისას ალექსანი არ იხმარება, რადგან უეფექტოა ამ ჯგუფის პაციენტებში;

– ექსპერიმენტულად გამოვლენილია მისი მუტაგენური თვისებები; აგრეთვე ორსულობის ადრეულ ხანაში მისი ემბრიოტოქსიკური და ტერატოგენული ეფექტი;

– ორსულობისას პრეპარატი, ისეცე როგორც ძუძუთი კვების პერიოდში არ ინიშნება;

– მუტაგენური და ტერატოგენული ეფექტის გამო ალექსანით მკურნალობისას და შემდგომში 6 თვის განმავლობაში საჭიროა ორსულობის თავიდან აცილება;

– პრეპარატისადმი მომატებული მგრძნობელობისას არ შეიძლება მისი დანიშვნა.

სხვა წამლებთან ურთიერთქმედება: ალექსანი არ ინიშნება მეტოტრექსატთან და 5-ფტორურუაცილთან ერთად. სხვა შეუთავსებლობა უცნობია.

შენახვის პირობები და ვარგისიანობის ვადა: პრეპარატი ინახება არა უმეტეს 25^oC ტემპერატურაზე, ბავშვებისაგან დაცულ ადგილას..

ფორმა, შეფუთვა: შემოგარსული ტაბლეტები – ბლისტერზე 10 ტაბლეტი, შეფუთვაში 1 ბლისტერი.

შემადგენლობა: 1 ტაბლეტი შეიცავს – 120 მგ ფექსოფენადინის ჰიდროქლორიდს ან 180 მგ ფექსოფენადინის ჰიდროქლორიდს

დამხმარე ნივთიერებები: მიკროკრისტალური ცელულოზა, სიმინდის სახამებელი, კოლოიდური სილიციუმის დიოქსიდი, ნატრიუმის სახამებლის გლიკოლატი, გასუფთავებული ტალკი, შემომგარსავი ნივთიერებები (ჰიპრომელოზა, ეთილცელულოზა, გასუფთავებული ტალკი, ტიტანის დიოქსიდი (E171) რკინის ოქსიდი წითელი (E172).

მწარმოებელი: საქართველო – ავერსი-რაციონალი

კლინიკო-ფარმაკოლოგიური ჯგუფი: ანტიჰისტამინური საშუალება.

ფარმაკოლოგიური მოქმედება: ფექსოფენადინის ჰიდროქლორიდი წარმოადგენს H1-ჰისტამინური რეცეპტორების ბლოკატორს, რომელსაც პრაქტიკულად არ აღენიშნება სედატიური ეფექტი. პრეპარატის აქტიური ნივთიერება – ფექსოფენადინი – ტერფენადინის ფარმაკოლოგიურად აქტიური მეტაბოლიტია. არ გააჩნია ანტიქოლინერგული და ანტიადრენერგული აქტივობა, სელექტიურად აბლოკირებს პერიფერიულ ჰისტამინურ H1-რეცეპტორებს, ახდენს პოხიერი უჯრედის მემბრანის სტაბილიზებას, ხელს უშლის ჰისტამინის გამოთავისუფლებას, ხსნის ალერგიის სიმპტომებს.

ანტიჰისტამინური ეფექტი ვლინდება მიღებიდან 1 სთ-ის შემდეგ, მაქსიმუმს აღწევს 2-3 სთ-ში და გრძელდება დაახლოებით 12 სთ-ის განმავლობაში.

ფარმაკოკინეტიკა – ფექსოფენადინის ჰიდროქლორიდი პერორალურად მიღების შემდეგ სწრაფად აბსორბირდება კუჭ-ნაწლავის ტრაქტიდან. C _max აღწევს მიღებიდან 1-3 სთ-ის შემდეგ.

პრეპარატის 60-70% უკავშირდება პლაზმის ცილებს, უპირატესად ალბუმინებს და ალფა1-მჟავა გლიკოპროტეინებს. მეტაბოლიზდება შეყვანილი დოზის დაახლოებით 5%. გამოიყოფა ძირითადად უცვლელი სახით. ნახევარგამოყოფის პერიოდი შეადგენს 14.4 სთ-ს. გამოყოფა ხდება უპირატესად ნაწლავების გზით (80%) და შარდით (11%). არ გადის ჰემატოენცეფალურ ბარიერს. სეკრეტირდება დედის რძეში.

ჩვენება:

-სეზონური ალერგიული რინიტი;

-გაურთულებელი ქრონიკული იდიოპათიური ურტიკარია.

დოზირებისა და მიღების რეჟიმი: მოზრდილებში და 12 წელზე მეტი ასაკის ბავშვებში რეკომენდებული დოზაა ალერფასტი 120-ის ან ალერფასტი 180-ის 1 ტაბლეტი დღეში ერთხელ. 6-დან 12 წლამდე ასაკის ბავშვებში ფექსოფენადინის რეკომენდებული დოზაა ალერფასტი 120-ის 1/4 ტაბლეტი (30 მგ) დღეში 2-ჯერ.

თირკმლის დარღვეული ფუნქციის მქონე ავადმყოფებში რეკომენდებული საწყისი დოზაა ალერფასტი 120-ის 1/2 ტაბლეტი (60 მგ) დღეში ერთხელ.

თირკმლის დარღვეული ფუნქციის მქონე პედიატრიულ პაციენტებში რეკომენდებული საწყისი დოზაა ალერფასტი 120-ის 1/4 ტაბლეტი (30 მგ) ერთხელ დღეში.

გვერდითი მოვლენები: ცენტრალური ნერვული სისტემის მხრივ – თავის ტკივილი, დაღლილობა, სისუსტე, ძილიანობა ან უძილობა, თავბრუსხვევა, ნერვული აგზნება;

საჭმლის მომნელებელი სისტემის მხრივ – გულისრევა, პირის სიმშრალე, დარღვევები კუჭ-ნაწლავის ტრაქტის მხრივ;

ალერგიული რეაქციები: გამონაყარი კანზე, ურტიკარია, ქავილი, ჰიპერმგრძნობელობის რეაქციები, ანგიონევროზული შეშუპება;

სხვა: იშვიათად – ცხვირის ღრუს და/ან ხორხის სიმშრალე, ტაქტიკარდია, ქოშინი, დისმენორეა.

უკუჩვენება:

-ბავშვთა ასაკი 6 წლამდე;

-ორსულობა;

-ძუძუთი კვება;

-მომატებული მგრძნობელობა პრეპარატის ან მისი კომპონენტების მიმართ.

-ალერფასტის გამოყენება ორსულობისა და ლაქტაციის პერიოდში უკუნაჩვენებია, პრეპარატის გამოყენების უსაფრთხოებისა და ეფექტურობის დამადასტურებელი უტყუარი კლინიკური მონაცემების არაარსებობის გამო;

ლაქტაციის პერიოდში ფექსოფენადინის გამოყენების აუცილებლობის შემთხვევაში საჭიროა ძუძუთი კვების შეწყვეტა.

განსაკუთრებული მითითებები: ფექსოფენადინი სიფრთხილით გამოიყენება ხანდაზმულ ასაკში და თირკმლის და ღვიძლის ფუნქციის დარღვევის მქონე ავადმყოფებში, რადგან არ არსებობს მონაცემები ამ კატეგორიის პაციენტებში ფექსოფენადინის გამოყენების უსაფრთხოების შესახებ.

ფექსოფენადინის ეფექტურობა და უსაფრთხოება 6 წლამდე ასაკის ბავშვებში შესწავლილი არ არის.

პრეპარატის ზემოქმედება ავტოტრანსპორტისა და მექანიზმების მართვის უნარზე:

ფარმაკოდინამიკური პროფილიდან და აღწერილი გვერდითი მოვლენებიდან გამომდინარე ფექსოფენადინის ზემოქმედება სატრანსპორტო საშუალებების მართვის უნარზე ნაკლებ სავარაუდოა. ობიექტური კვლევებიდან დადასტურდა, რომ ფექსოფენადინი არ ახდენს გავლენას ცნს-ს ფუნქციაზე. მიუხედავად ამისა, რეკომენდებულია ინდივიდუალური რეაქციის შემოწმება მანქანის მართვამდე ან პოტენციურად სახიფათო სამუშაოს შესრულებამდე.

ზედოზირება:

სიმპტომები:  თავბრუ, ძილიანობა, პირის სიმშრალე.

მკურნალობა: კუჭის ამორეცხვა, გააქტივებული ნახშირის, საფაღარათო საშუალებების დანიშვნა, სიმპტომური და შემანარჩუნებელი თერაპია. ჰემოდიალიზი არაეფექტურია.

სხვა წამლებთან ურთიერთქმედება: ფექსოფენადინი არ ბიოტრანსფორმირდება ღვიძლში, ამიტომ არ ურთიერთქმედებს იმ პრეპარატებთან რომელთა მეტაბოლიზმიც ღვიძლის მეშვეობით ხორციელდება.

ერითრომიცინთან ან კეტოკონაზოლთან ერთდროული გამოყენებისას სისხლის პლაზმაში ფექსოფენადინის ჰიდროქლორიდის კონცენტრაცია მატულობს (ამავე დროს არ აღინიშნება გვერდითი ეფექტების გაძლიერება ან QT ინტერვალის ცვლლება).

ფექსოფენადინი არ ურთიერთქმედებს ომეპრაზოლთან.

ალუმინის და მაგნიუმის ჰიდროქსიდის შემცველ ანტაციდებთან ერთად გამოყენებისას მცირდება ფექსოფენადინის ბიოშეღწევადობა, ამიტომ რეკომენდებულია ფექსოფენადინისა და ანტაციდების მიღებებს შორის 2 სთ-იანი ინტერვალის დაცვა.

არ არის სასურველი პრეპარატის გამოყენება ხილის წვენებთან (ფორთოხლის, გრეიფრუტის, ვაშლის წვენი) ერთად.

შენახვის პირობები და ვარგისიანობის ვადა: პრეპარატი ინახება არა უმეტეს 25^oC ტემპერატურაზე, მშრალ, სინათლისა და ბავშვებისაგან დაცულ ადგილას. ვარგისიანობის ვადა – 2 წელი.

ფორმა, შეფუთვა: ტაბლეტები შეფუთვაში 10 ან 20ც. 1 ტაბლეტი შეიცავს 0,01გ აქტიურ ნივთიერებას.

შემადგენლობა – ცეტირიზინის დიჰიდროქლორიდი 0.01გ.

მწარმოებელი – საქართველო

კლინიკო-ფარმაკოლოგიური ჯგუფი: ანტიალერგიული საშუალება. H1-რეცეპტორების ბლოკატორი.

ფარმაკოლოგიური მოქმედება: ალერტეკი ანტიჰისტამინური პრეპარატია, ახასიათებს ალერგიის საწინააღმდეგო მოქმედება. H1-ჰისტამინორეცეპტორების სელექციური ანტაგონისტი (ბლოკატორი) არ ახდენს მნიშვნელოვან ანტიქოლინერგულ და ანტისეროტონინულ გავლენას. თერაპიული დოზით პრაქტიკულად არ იწვევს  სედატიურ ეფექტსა და ძილიანობას.

პრეპარატი მოქმედებს ალერგიული რეაქციის “ადრეულ” – ჰისტამინდამოკიდებულ სტადიასა და “გვიან” – უჯრედულ სტადიაზე; ამცირებს ეოზინოფილების მიგრაციასა და ადჰეზიის მოლეკულების (ICAM-1  და VCAM-1) ექსპრესიას, რომლებიც წარმოადგენენ ალერგიული ანთებითი რეაქციის მარკირებას. თრგუნავს ჰისტამინის სეკრეციის სხვა მედიატორებსა და ინდუქტორებს, როგორიცაა PAF (თრომბოციტების მააქტივირებელი ფაქტორი) და P სუბსტანცია. ამცირებს მსუბუქი მიმდინარეობის ბრონქული ასთმის ჰისტამინინდუცირებულ ბრონქოობსტრუქციას, ახასიათებს კანის რეაქციის მიმართ მაღალი მაინჰიბირებელი მოქმედება, ვერ გადის ჰემატოენცეფალურ ბარიერს და პრაქტიკულად არ მეტაბოლიზდება ღვიძლში.

ფარმაკოკინეტიკა – სისხლის პლაზმაში პრეპარატის მაქსიმალური კონცენტრაცია მიიღწევა მიღებიდან ერთი საათის განმავლობაში, ხოლო კლინიკური ეფექტი ვლინდება მიღებიდან 2 სთ-ის შემდეგ, H1-რეცეპტორების ბლოკადის ხანგრძლივობა 24 სთ-ზე მეტია. საჭმლის მიღება გავლენას არ ახდენს პრეპარატის აბსორბციის ხარისხზე. თუმცა ახანგრძლივებს მას. თერაპიული კურსის ფონზე არ ვითარდება ტოლერანტობა. ერთჯერადი დოზის მიღების შემდეგ ალერტეკის ნახევარგამოყოფის პერიოდი მოზრდილებში შეადგენს 10 სთ-ს, 6-12 წლამდე ბავშვებში – 6 სთ-ს, ხოლო 2-6 წლამდე ბავშვებში – 5 სთ-ს.

ჩვენება:

-სეზონური და ქრონიკული ალერგიული რინიტი;

-ალერგიული კონიუნქტივიტი;

-ქავილით მიმდინარე დერმატოზები;

-ჭინჭრის ციება (ქრონიკული იდიოპათიური ჭინჭრის ციების ჩათვლით), კვინკეს შეშუპება.

დოზირებისა და მიღების რეჟიმი – პრეპარატი ინიშნება:

-მოზრდილებსა და 12 წელზე მეტი ასაკის ბავშვებში დღეში ერთხელ 1 ტაბლეტი (0.01გ)

– დილას;

– 6-12 წლამდე ბავშვებში – 1 ტაბლეტი (0.01გ) ერთჯერადად დილას ან 1/2 ტაბლეტი (0.005გ) დღეში ორჯერ (დილას და საღამოს);

– 2-დან 6 წლამდე ბავშვებში – 1/2 ტაბლეტი (0.005გ) ერთ მიღებაზე დილას ან 1/4 ტაბლეტი დღეში ორჯერ (დილას და საღამოს);

თირკმლის უკმარისობის მქონე ავადმყოფებში საჭიროა დოზის განახევრება.

თირკმლის ნორმალური ფუნქციის მქონე ასაკოვანი პაციენტები დოზის კორექციას არ საჭიროებენ

გვერდითი მოვლენები: კუჭ-ნაწლავის ტრაქტის მხრივ: პირის ღრუს სიმშრალე, იშვიათად – საჭმლის მომნელებელი ტრაქტის დისფუნქცია.  ცნს-ის მხრივ: შესაძლებელია მცირედ გამოხატული და სწრაფად გარდამავალი ძილიანობა, თავის ტკივილი, თავბრუსხვევა, ერთეულ შემთხვევაში – აგზნებადობა;

ალერგიული რეაქციები: იშვიათად – კანზე გამონაყარი ან ანგიონევროზული შეშუპება.

გვერდითი მოვლენები ვითარდება იშვიათად და აქვთ ტრანზიტორული ხასიათი.

უკუჩვენება: პრეპარატის დანიშვნის უკუჩვენებაა ცეტირიზინისადმი მაღალი მგრძნობელობა, ორსულობისა და ლაქტაციის პერიოდი.

განსაკუთრებული მითითებები: ალერტეკი რეკომენდებული დოზით არ აძლიერებს ალკოჰოლის მოქმედებას. თუმცა სიფრთხილის დაცვა აუცილებელია: არ ახდენს გავლენას ფსიქიკურ და მოტორულ რეაქციებზე, მისი მიღება დასაშვებია ავტომობილის მართვისა და სხვა აქტიური სამუშაოს შესრულები დროს (დოზის მომატებისას საჭიროა სიფრთხილე).

მკურნალობის დროს აუცილებელია ძუძუთი კვების შეწყვეტა.

სხვა წამლებთან ურთიერთქმედება: ალერტეკის მოქმედი ნივთიერება – ცეტირიზინი, გავლენას არ ახდენს სხვა სამკურნალო საშუალებებზე. ცეტირიზინისა და მაკროლიდების ან კეტოკონაზოლის კომბინაცია ელექროკარდიოგრამაზე არ ავლენს ცვლილებებს.

შენახვის პირობები და ვარგისიანობის ვადა: პრეპარატი ინახება 10-25^oC ტემპერატურაზე, მშრალ, სინათლის და ბავშვებისაგან დაცულ ადგილას. ვარგისიანობის ვადა – 4 წელი.

ფორმა, შეფუთვა – თეთრი ფერის ტაბლეტები, ერთი ტაბლეტი შეიცავს 10 მგ აქტიურ ნივთიერებას. მუყაოს შეფუთვაში დევს 10 ცალი ტაბლეტი

შემადგენლობა –  ლორატადინი   Loratadine

დამხმარე ნივთიერებები: მაგნიუმის სტეარატი, სახამებელი, ლაქტოზის მონოჰიდრატი.

მწარმოებელი – Laboratorios Bagó S.A. (არგენტინა)

კლინიკო-ფარმაკოლოგიური ჯგუფი: ჰისტამინური H1-რეცეპტორების მაბლოკირებელი და ალერგიის საწინააღმდეგო საშუალება (H1-ანტიჰისტამინური საშუალება)

ფარმაკოლოგიური მოქმედება: ალერპრივი ახდენს ჰისტამინური  H1 რეცეპტორების ბლოკირებას (ხანგრძლივუ დროით) და  ღრუბლისებური უჯრედებიდან ჰისტამინის და ლეიკოტრინ C 4 გამოთავისუფლებას აინჰიბირებს, რითაც აფერხებს ალერგიული რეაქციების განვითარებას. ლორატადინს გააჩნია ალერგიის და ქავილის საწინააღმდეგო მოქმედება.  იგი ამცირებს სისხლძარღვების განვლადობას, ხელს უშლის ქსოვილების შეშუპების განვითარებას, ხსნის გლუვი კუნთების სპაზმს. ალერგიის საწინააღმდეგო მოქმედება ვითარდება პრეპარატის მიღებიდან  30 წუთში. ანტიჰისტამინური ეფექტი მაქსიმუმს აღწევს 8-12 საათში და ეს ეფექტი გრძელდება 24 საათი. ალერპრივი არ გადის ჰემატოენცეფალურ ბარიერს, ამიტომ  არ მოქმედებს ცენტრალურ ნერვულ სისტემაზე და არ იწვევს შეჩვევას.

ფარმაკოკინეტიკა – ლორატადინი სწრაფად შეიწოვება კუჭ-ნაწლავის ტრაქტში. მაქსიმალური კონცენტრაციის მიღწევის დრო არის 1.3-2.5 საათი; საკვების მიღება მოქმედების დროს ამცირებს 1 საათით. ლორატადინის ნახევარგამოყოფის პერიოდი შეადგენს 3-20 საათს (საშუალოდ 8 საათი).

ჩვენება – სეზონური და წლიური ალერგიული რინიტი, კონიუნქტივიტი, პოლინოზი, ჭინჭრის ციება, კვინკეს შეშუპება, ქავილით მიმდინარე ალერგიული დერმატოზები, ფსევდოალერგიული რეაქციები, მწერის ნაკბენზე განვითარებული ალერგიული რეაქციები, სხვადასხვა ეტიოლოგიის ქავილი.

დოზირებისა და მიღების რეჟიმი: მოზრდილებსა და 12 წლის ზევით ბავშვებში – 10 მგ (თითო ტაბლეტი) ერთხელ დღეში. 2 წლიდან 12 წლამდე ბავშვებში: 5 მგ (ნახევარი ტაბლეტი) ერთხელ დღეში; თუ ბავშვის წონა 30 კგ.-ზე მეტია – 10 მგ ერთხელ დღეში.

გვერდითი მოვლენები: თავის ტკივილი, დაღლილობა, პირის სიმშრალე, ძილიანობა, გულისრევა, გასტრიტი, ძალზედ იშვიათად ანაფილაქსია, ალოპეცია, ღვიძლის ფუნქციის დარღვევა, ტაქიკარდია.

უკუჩვენება: ჰიპერმგრძნობელობა, ორსულობა და ლაქტაციის პერიოდი.

სიფრთხილით ინიშნება ღვიძლის უკმარისობის დროს.

განსაკუთრებული მითითებები: პრეპარატით მკურნალობის პერიოდში აუციებელია სიფრთხილის დაცავა ავტომობლის მართვისა და სხვა პოტენციურად საშიში საქმიანობის (რომელიც საჭიროებს ყურადღების კონცენტრაციას და სწრაფ ფსიქომოტორულ რეაქცას) შესრულების შემთხევაში.

ზედოზირება: ჰიპერდოზირების შემთხვევაში აუცილებელია მიმართოთ ექიმს.

მკურნალობა: ღებინების გამოწვევა, კუჭის ამორეცხვა, აქტივირებული ნახშირის მიღება

სხვა წამლებთან ურთიერთქმედება: ეთანოლი ამცირებს ლორატადინის მოქმედებას. ლორატადინთან ერთად ერითრომიცინის, ციმეტიდინის, კეტოკონაზოლის მიღების შემთხვევაში სისხლის პლაზმაში ლორატანიდის კონცენტრაცია იზრდება.

შენახვის პირობები და ვარგისიანობის ვადა: ალერპრივი ინახება არაუმეტეს 25^oC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას. ვარგისიანია 2 წელი.

საერთაშორისო დასახელება:

CETIRIZINE

მწარმოებელი: ბიოფარმა ილაჩ სან. ვე ტიჯ. ა.შ., თურქეთი

მოქმედი ნივtიერება: ცეტირიზინი

კლინიკურ–ფარმაკოლოგიური ჯგუფი:

ჰისტამინური H₁ რეცეპტორების ბლოკატორი, მეორე თობის პრეაპრატი

შემადგენლობა და გამოშვების ფორმა:

10 მგ 10ც ტაბლეტი

თითოეული ტაბლეტი შეიცავს 10 მგ ცეტირიზინის დიჰიდროქლორიდს.

სხვა ინგრედიენტები: ტიტანის დიოქსიდი.

ფარმაკოლოგიური თვისებები:

პრეპარატის ფარმაკოდინამიკა:

ცეტირიზინი ჰისტამინის კონკურენტული ანტაგონისტია, აბლოკირებს H1- ჰისტამინურ რეცეპტორებს. ერთჯერადი ორალური დოზის 10 მგ-ს ეფექტი 24 საათის განმავლობაში აღინიშნება. ახდენს ალერგიული რეაქციის განვითარების პრევენციას და ამსუბუქებს მათ მიმდინარეობას, გააჩნია ალერგიის, ქავილის, ექსუდაციის საწინააღმდეგო მოქმედება.

კლინიკურმა გამოკვლევებმა ცხადყო, რომ თერაპიულ ეფექტს მე-2 თაობის ანტიჰისტამინურ სხვა პრეპარატებთან შედარებით მნიშვნელოვანი უპირატესობა გააჩნია. ასევე მას გააჩნია სელექტიური მოქმედება HH1 ჰისტამინურ რეცეპტორების მიმართ. არ გააჩნია აფინიტეტი მუსკარინის, ალფა-1, ადრენერგიული, სეროტონინერგიული და D2 დოფამინერგული რეცეპტორების მიმართ. გარდა ამისა ცეტირიზინი ახდენს ეოზინოფილური უჯრედების მიგრაციის პრევენციას ალერგიული რეაქციის მეორე სტადიაში და აინჰიბირებს პროსტაგლანდინის D2-ის სინთეზს.

ცეტირიზინი ამცირებს კაპილარების გამტარობას, ახდენს ქსოვილების შეშუპების განვითარების პრევენციას, ხსნის გლუვი ის კმუსკულატურის სპაზმს. დამთრგუნველად მოქმედებს ცნს-ზე. ცეტირიზინი არ იწვევს სედაციას, არ აქვეითებს ყურადღებონცენტრაციას, ფსიქომოტორულ და კოორდინაციის ფუნქციებს. არ შედის ურთიერთობაში ალკოჰოლურ სასმელებთან, არ ზრდის მათი ზემოქმედების გამოვლინებას.

ფარმაკოკინეტიკა:

აბსორბცია: ორალური მიღების შემდეგ ყველაზე მაღალი კონცენტრაცია პლაზმაში ( T max ) 1 საათში მიიღწევა. სხვადასხვა წამლის ფორმების (სიროფი და ტაბლეტები) ნახევრადდაშლის პერიოდი თითქმის ერთნაირია. აღნიშნულია ცეტირიზინის ხაზოვანი ფარმაკოკინეტიკა დოზისას 5-60 მგ. ჭამის დროს მიღებისას ცვლილება არ აღინიშნება, მაგრამ T max 1,7 საათით ხანგრძლივდება, ხოლო C max (მაქსიმალური პლაზმური კონცენტრაცია) 23%-ით მცირდება.

განაწილება: მისი პლაზმის პროტეინებთან შეერთების ხარისხი 93%-ია, რომელიც კონცენტრაციისას 25-1000 ნგ/მლ ინტერვალში არ იცვლება. თერაპიული პლაზმური კონცენტრაცია ამ ინტერვალში თავსდება.

მეტაბოლიზმი: ცეტირიზინის ორალური დოზის 70% თირკმელებით ექსკრეტირდება, ხოლო 10% განავალთან ერთად. მიღებული დოზის 50% უცვლელი სახით ექსკრეტირდება. ცეტირიზინის ძალიან უმნიშვნელო რაოდენობა მეტაბოლირდება ოქსიდაციური 0-დეალკილირებით. ამ მეტაბოლიტის ანტიჰისტამინური მოქმედება უმნიშვნელოა.

გამოყოფა: ცეტირიზინის ნახევრადგამოყოფის პერიოდი 8.3 საათს შეადგენს. საერთო კლირენსი ორგანიზმში 53 მლ/წთ-ს შეადგენს.

ფარმაკოკინეტიკა ცალკეულ ჯგუფებში:
პედიატრიული ავადმყოფები:

ცეტირიზინის ტოტალური კლირენსი პედიატრიული ავადმყოფების ორგანიზმში უფრო მაღალია, ხოლო ნახევრადდაშლის პერიოდი უფრო ხანმოკლე.

გერიატრიული ავადმყოფები: ცეტირიზინის ნახევრადდაშლის პერიოდი გერიატრიულ ავადმყოფებში 50% შეადგენს, ხოლო ტოტალური კლირენსი ორგანიზმში 40%-ით მცირდება. სავარაუდოა, რომ ხანდაზმულ პაციენტებში ამ ცვლილების მიზეზს რენული ფუნქციის დაქვეითება წარმოადგენს. დოზირების რეჟიმის კორექცია აუცილებელია 77 წელზე უფროსი ასაკის პაციენტებში.

ავადმყოფები თირკმელების უკმარისობით: ცეტირიზინის ფარმაკოკინეტიკა ავადმყოფებში თირკმელების უკმარისობით არ განსხვავდება ნორმალური პაციენტების ფარმაკოკინეტიკისაგან (კრეატინინის კლირენსი 42-77 მლ/წთ). პაციენტებში თირკმელების ფუნქციის საშუალო ხარისხის დაქვეითებით (კრეატინინის კლირენსი 11-31 მლ/წთ) ნახევრადდაშლის პერიოდი 3-ჯერ იზრდება, ხოლო კლირენსი 70%-ით მცირდება. ერთი ჰემოდიალიზის შემთხვევაში შესაძლებელია სისხლიდან დოზის მხოლოდ 10%-ის გამოყოფა.

პაციენტებში თირკმელების საშუალო და მძიმე უკმარისობით, ასევე ჰემოდიალიზზე მყოფ პაციენტებში აუცილებელია დოზირების რეჟიმის კორექცია.

ავადმყოფები ღვიძლის უკმარისობით: ავადმყოფებში ღვიძლის ქრონიკული უკმარისობით ნახევრადდაშლის პერიოდი 50%-ით ხანგრძლივდება, ხოლო კლირენსი 40%-ით მცირდება. ავადმყოფებში ღვიძლის უკმარისობით აუცილებელია დოზირების რეჟიმის კორექცია.

ჩვენებები:

• წლიური და სეზონური ალერგიული რინიტი
• ალერგიული კონიუნქტივიტი
• ქრონიკული ჭინჭრის ციება
• იდიოპათიური ჭინჭრის ციება.

მიღების წესები და დოზები:

– შიგნით მიღება, საკვების მიღების მიუხედავად, სასურველია საღამოს, დაუღეჭავად და მცირე რაოდენობით წყლის მიყოლებით. მოზრდილებსა და 12 წელზე უფროსი ასაკის ბავშვებში – 1 ტაბლეტი (10 მგ) დღეში ერთხელ. სიმპტომების მიხედვით სადღეღამისო დოზა 5 და 10 მგ-ს შორის მერყეობს.

– 6-11 წლის ბავშვებში – 1 ტაბლეტი (10 მგ) დღეში ერთელ ან 1/2–1/2 ტაბლეტი (5 მგ) დღეში 2-ჯერ.

– 2-5 წლის ბავშვებში – 2.5 მგ (1/4 ტაბლეტი) დღეში ერთხელ.

დოზირების რეჟიმი ავადმყოფებში თირკმლისა და ღვიძლის უკმარისობით:

– ავადმყოფებში (მოზრდილებსა და 12 წელზე უფროსი ასაკის ბავშვებში) თირკმლის ზომიერი უკმარისობით (კკ 11-31 მლ/წთ), დიალიზზე მყოფ პაციენტებში (კკ

– 6-11 წლის ბავშვებში თირკმლისა და ღვიძლის უკმარისობით რეკომენდებულია პრეპარატის მიღება ყველაზე მინიმალური დოზით.

– 6 თვემდე ასაკის ბავშვებში ცეტირიზინის გამოყენების უსაფრთხოება და ეფექტურობა დადგენილი არ არის. 2.5 მგ- მდე დოზის საიმედოობის შესახებ ინფორმაციის არარსებობის გამო ამ ასაკობრივ ჯგუფში ალეროლის გამოყენება არ შეიძლება.

გერიატრიული ავადმყოფები: 77 წელზე უფროსი ასაკის პაციენტებში ინიშნება დოზით 5 მგ/დღე.

გვერდითი მოვლენები:

ცალკეულ შემთხვევებში შესაძლებელია სისუსტე, თავბრუსხვევა, დაღლილობა, შაკიკი, პირის სიმშრალე, ვერტიგო, თავის ტკივილი. გვერდითი ეფექტები ვითარდება იშვიათად და ჩვეულებრივ სუსტად გამოხატული და გარდამავალი ხასიათისაა. მოულოდნელი ეფექტის შემთხვევაში აუცილებელია ექიმთან კონსულტაცია.

უკუჩვენება:

ჰიპერმგრძნობელობა პრეპარატის აქტიური და დამხმარე ნივთიერებების მიმართ.

ორსულობა და ლაქტაცია:

გამოყენება ორსულობის პერიოდში: კატეგორია B. B ორსულობის პერიოდში პრეპარატის გამოყენების უსაფრთხოების შესახებ მონაცემები წარმოდგენილი არ არის. საცდელ ცხოველებში ტერატოგენობა ან ემბრიოტოქსიკურობა დადგენილი არ არის. ორსულობის დროს ცეტირიზინის განოყენება არ შეიძლება.

გამოყენება ლაქტაციის პერიოდში:

ცეტირიზინი დედის რძესთან ერთად გამოიყოფა. ლაქტაციის პერიოდში ალეროლის გამოყენების აუცილებლობის შემთხვევაში ძუძუთი კვება უნდა შეწყდეს.

ზეგავლენა ავტოტრანსპორტის მართვისა და მექანიზმებთან მუშაობის უნარზე:

ვინაიდან ზოგიერთ პაციენტში პრეპარატის გამოყენების Fფონზე შესაძლებელია ძილიანობა, მკურნალობის დასაწყისში აუცილებელია სიფრთხილის დაცვა ავტოტრანსპორტის მართვისა და საქმიანობის იმ სახეობებით დაკავების დროს, რომელიც საჭიროებს ფსიქომოტორული რეაქციების სისწრაფეს.

განსაკუთრებული მითითებები:

– პაციენტებმა, რომლებიც იღებენ ცეტირიზინს, თავი უნდა შეიკავონ ალკოჰოლისა და სედაციური პრეპარატების გამოყენებისაგან, ვინაიდან ამ დროს აღინიშნება ძილიანობა და ფსიქომოტორული რეაქციების სისწრაფის დაქვეითება.

-ავადმყოფებში თირკმლისა და ღვიძლის უკმარისობით აუცილებელია დოზირების რეჟიმის კორექცია.

გამოყენება პედიატრიაში: 2 წელზე უფროსი ასაკის ბავშვებში ცეტირიზინის გამოყენების უსაფრთხოება და ეფექტურობა დადგენილია.

ჭარბი დოზირება:

ტარდება კუჭის ამორეცხვა, ინიშნება გააქტივებული ნახშირი და საფაღარათო საშუალებები. აუცილებელია გულ-სისხლძარღვთა და სასუნთქი სისტემების კონტროლი. საჭიროების შემთხვევაში ტარდება სიმპტომური თერაპია. სპეციალური ანტიდოტი არ არსებობს. ჰემოდიალიზი არაეფექტურია.

სხვა წამლებთან ურთიერთქმედება:

ცეტირიზინის სხვა სამკურნალო საშუალებებთან (ფსევდოეფედრინი, ერითრომიცინი, აზითრომიცინი და კეტოკონაზოლი) კლინიკურად მნიშვნელოვანი ურიერთქმედებები დადგენილი არ არის. თეოფილინთან (400 მგ დღეში) ცეტირიზინის (20 მგ) 3 დღის განმავლობაში ერთად გამოყენებისას ადგილი აქვს ცეტირიზინის საერთო კლირენსის 16%- ით დაქვეითებას (თეოფილინის კინეტიკა არ იცვლება). სედაციურ პრეპარატებთან ერთად განოყენებისას საჭიროა სიფრთხილის დაცვა.

შენახვის პირობები და ვადებიж

პრეპარატი ინახება არაუმეტეს 25^oC ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი.

აფთიაქში გაცემის წესი

რეცეპტით.

ფორმა, შეფუთვა: 1.შემოგარსული დრაჟე, ერთი დრაჟე შეიცავს 25 მგ აქტიურ ნივთიერებას (შეფუთვაში 20 ცალი ტაბლეტია).

2. მალამო 1%: ტუბში 18 გ, 1 გ შეიცავს 10 მგ აქტიურ ნივთიერებას.

3. კრემი 1%: ტუბში 18 გ. 1 გ შეიცავს 10 მგ აქტიურ ნივთიერებს.

შემადგენლობა: ქლოროპირამინის ჰიდროქლორიდი  (chlorpromazine  hydrochloride)

მწარმოებელი: sopharma (ბულგარეთი)

კლინიკო-ფარმაკოლოგიური ჯგუფი: ანტიჰისტამინური საშუალება

ფარმაკოლოგიური მოქმედება: ალერგოსანი წარმოადგენს ეთილენდიამინის წარმოებულს და არის  H1-რეცეპტორების მაბლოკირებელი საშუალება. იგი ხელს უშლის ალერგიული პროცესების განვითარებას. ანტიალერგიული ეფექტის გარდა პრეპარატს ახასიათებს სედატიური, საძილე და ქავილის საწინააღმდეგო მოქმედება, პერიფერიული ანტიქოლინერგული და ზომიერი სპაზმოლიზური თვისებები.

ჩვენება:

დრაჟე:

• ალერგიული რინიტი;
• ალერგიული კონიუნქტივიტი;
• პოლინოზი;
• კანის ალერგიული რეაქციები (გამონაყარი, ქავილი, მწერების ნაკბენები);
• ზოგიერთი საკვების ან წამლის გამოყენებასთან დაკავშირებული ალერგიული რეაქციები.

მალამო და კრემი:

• მწერების ნაკბენი;
• კონტაქტური და ლოკალური დერმატიტი;
• გამონაყარი და ქავილი ალერგიულ მდგომარეობის დროს.

დოზირებისა და მიღების რეჟიმი: დრაჟე – ინიშნება პერორალურად ჭამის დროს.

მოზრდილებში: 25 მგ (1 დრაჟე) 3-4-ჯერ დღეში. საჭიროების შემთხვევაში დოზის გაზრდა შეიძლება 6 დრაჟემდე დღე-ღამეში.

5 წლის ასაკის ზევით ბავშვებში: 1/2 დრაჟე 2-3-ჯერ დღეში.

მალამო და კრემი – მალამოს თხელი ფენა უნდა წაესვას კანის დაზიანებულ უბანზე დღეში 2-3-ჯერ. მკურნალობის ხანგრძლივობა არ უნდა აღემატებოდეს 5 დღეს.

გვერდითი მოვლენები:

დრაჟე –

ნერვული სისტემის მხრივ: ძილიანობა, სისუსტე, თავბრუ, დაღლილობა;

საჭმლის მომნელებელი სისტემის მხრივ: პირის სიმშრალე, გულისრევა, მადის დაკარგვა ან მომატება, ყაბზობა;

კანისა და ლორწოვანი გარსების მხრივ: ალერგია, ჰიპერფოტომგრძნობელობა;

სხვა: მხედველობის დარღვევა, თვალშიდა წნევის მომატება, კუნთების სისუსტე, შარდვის გაძნელება.

მალამო და კრემი –

შეიძლება გამოვლინდეს ქავილი ან გაღიზიანება, რომელიც სწრაფად ქრება.

უკუჩვენება:

დრაჟე:

• გლაუკომა;
• წინამდებარე ჯირკვლის ადენომა;
• წყლულოვანი დაავადების გამწვავება;
• პილოროდუოდენალური სტენოზი;
• ასთმური შეტევა.
• ვინაიდან არ არსებობს მონაცემები უსაფრთხოების შესახებ, ალერგოსანის გამოყენება ორსულობისა და ლაქტაციის დროს არ არის რეკომენდებული.

მალამო და კრემი:

• ჰიპერმგრძნობელობა პრეპარატის სამკურნალო ან დამხმარე ნივთიერებების მიმართ.
• ორსულობის და ლაქტაციის დროს პრეპარატი გამოიყენება მხოლოდ ექიმის დანიშნულებით.

განსაკუთრებული მითითებები:

დრაჟე: გამოიყენება სიფრთხილით გულ-სისხლძარღვთა დაავადებების, ბრონქული ასთმის და ფარისებრი ჯირკვლის მომატებული ფუნქციის მქონე ავადმყოფებში. 60 წლის ასაკის ზევით ინიშნება სიფრთხილით, რადგან შეიძლება გამოიწვიოს ძილიანობა, არტერიული წნევის დაქვეთება; ბავშვებში – აგზნებადობის რეაქციები. ალერგოსანის გამოყენება არ შეიძლება ალკოჰოლთან, სედატიურ და საძილე საშუალებებთან მათი მოქმედების გაძლიერების გამო. პრეპარატი არ ინიშნება პროფილაქტიკის მიზნით პაციენტებში, რომლებიც იტარებენ დესენსიბილიზაციას ალერგენებით.

გამოხატული სედატიური ეფექტის გამო ალერგოსანის დანიშვნა არ შეიძლება სატრანსპორტო საშუალებების მძღოლებისათვის და მანქანა-დანადგარების მუშაობის დროს.

პრეპარატი არ ინიშნება ლაქტოზის უკმარისობის, გალაქტოზემის, ან მალაბსორბციის სინდრომის (გალაქტოზო-გალაქტოზური) მქონე პირებში, ვინაიდან პრეპარატის ყოველი დოზა შეიცავს 0.0166 გ ლაქტოზას. პრეპარატში შემავალი დამხმარე ნივთიერება სიმინდის სახამებლი წარმოადგენს საფრთხეს ცელიაკიის მქონე პირებისთვის.

მალამო და კრემი: პრეპარატის გამოყენება არ არის რეკომენდებული კანის ფართო უბნებზე კანის მთლიანობის დარღვევის და დამწვრობის დროს. ლოკალური გამოყენების დროს ალერგოსანს არ გააჩნია სისტემური მოქმედება, ამიტომ არ ახდენს გავლენას სატრანსპორტო საშუალებების მართვის უნარზე, აგრეთვე იმ სამუშაოების შესრულებაზე, რომლებიც მოითხოვს ყურადღების მაღალ კონცენტრაციას.

ზედოზირება:

დრაჟე: მოზრდილებში ჭარბობს ცნს-ის დათრგუნვის სიმპტომები, ბავშვებში – ცნს-ს აგზნების ნიშნები. სპეციფიკური ანტიდოტის არარსებობის გამო მკურნალობა სიმპტომატურია: აქტივირებული ნახშირი, კუჭის ამორეცხვა, წყალმარილოვანი ხსნარების ინფუზია, სასუნთქი და გულ-სისხლძარღვთა პრეპარატები.

მალამო და კრემი: მონაცემები ჭარბი დოზირების შესახებ არ არსებობს.

სხვა წამლებთან ურთიერთქმედება: დრაჟე: არ არის რეკომენდებული ალერგოსანის გამოყენება ქოლინოლიზურ საშუალებებთან, რადგან, შეიძლება გაძლიერდეს ქოლინოლიზური გვერდითი ეფექტები. მისი გამოყენება არ შეიძლება მაოს-ს ინჰიბიტორებთან ერთად (მაოს-ინჰიბიტორების გამოყენების შეწყვეტის შემდეგ უნდა იყოს დაცული ორკვირიანი ინტერვალი); ყველა სედატიური პრეპარატი, რომელიც თრგუნავს ცნს-ს (ბარბიტურატები, საძილე საშუალებები, ნარკოტიკული ანალგეტიკები, სედატიური საშუალებები, ტრანკვილიზატორები), აძლიერებენ ალერგოსანის სედატიურ ეფექტს.

მალამო და კრემი: არ არსებობს მონაცემები ალერგოსანის სხვა სამკურნალო საშუალებთან ურთიერქმედების შესახებ ადგილობრივი გამოყენების შემთხვევაში.

შენახვის პირობები და ვარგისიანობის ვადა:  დრაჟე – ინახება არა უმეტეს 25^oC ტემპერატურაზე, მშრალ, სინათლისაგან დაცულ, ბავშვებისათვის მიუწვდომელ ადგილას და ვარგისიანია 5 წელი.

მალამო და კრემი – ინახება არა უმეტეს 25^oC ტემპერატურაზე, მშრალ, სინათლისგან დაცულ, ბავშვებისთვის მიუწვდომელ ადგილას და ვარგისიანია 3 წელი.

შეფუთვის გახსნის შემდეგ კრემის გამოყენება შეიძლება 1 თვის განმავლობაში.