ფორმა, შეფუთვა: შემოგარსული ტაბლეტები - ბლისტერზე 10 ტაბლეტი, შეფუთვაში 1 ბლისტერი.

შემადგენლობა: 1 ტაბლეტი შეიცავს - 120 მგ ფექსოფენადინის ჰიდროქლორიდს ან 180 მგ ფექსოფენადინის ჰიდროქლორიდს

დამხმარე ნივთიერებები: მიკროკრისტალური ცელულოზა, სიმინდის სახამებელი, კოლოიდური სილიციუმის დიოქსიდი, ნატრიუმის სახამებლის გლიკოლატი, გასუფთავებული ტალკი, შემომგარსავი ნივთიერებები (ჰიპრომელოზა, ეთილცელულოზა, გასუფთავებული ტალკი, ტიტანის დიოქსიდი (E171) რკინის ოქსიდი წითელი (E172).

მწარმოებელი: საქართველო - ავერსი-რაციონალი

კლინიკო-ფარმაკოლოგიური ჯგუფი: ანტიჰისტამინური საშუალება.

ფარმაკოლოგიური მოქმედება: ფექსოფენადინის ჰიდროქლორიდი წარმოადგენს H1-ჰისტამინური რეცეპტორების ბლოკატორს, რომელსაც პრაქტიკულად არ აღენიშნება სედატიური ეფექტი. პრეპარატის აქტიური ნივთიერება - ფექსოფენადინი - ტერფენადინის ფარმაკოლოგიურად აქტიური მეტაბოლიტია. არ გააჩნია ანტიქოლინერგული და ანტიადრენერგული აქტივობა, სელექტიურად აბლოკირებს პერიფერიულ ჰისტამინურ H1-რეცეპტორებს, ახდენს პოხიერი უჯრედის მემბრანის სტაბილიზებას, ხელს უშლის ჰისტამინის გამოთავისუფლებას, ხსნის ალერგიის სიმპტომებს.

ანტიჰისტამინური ეფექტი ვლინდება მიღებიდან 1 სთ-ის შემდეგ, მაქსიმუმს აღწევს 2-3 სთ-ში და გრძელდება დაახლოებით 12 სთ-ის განმავლობაში.

ფარმაკოკინეტიკა - ფექსოფენადინის ჰიდროქლორიდი პერორალურად მიღების შემდეგ სწრაფად აბსორბირდება კუჭ-ნაწლავის ტრაქტიდან. C _max აღწევს მიღებიდან 1-3 სთ-ის შემდეგ.

პრეპარატის 60-70% უკავშირდება პლაზმის ცილებს, უპირატესად ალბუმინებს და ალფა1-მჟავა გლიკოპროტეინებს. მეტაბოლიზდება შეყვანილი დოზის დაახლოებით 5%. გამოიყოფა ძირითადად უცვლელი სახით. ნახევარგამოყოფის პერიოდი შეადგენს 14.4 სთ-ს. გამოყოფა ხდება უპირატესად ნაწლავების გზით (80%) და შარდით (11%). არ გადის ჰემატოენცეფალურ ბარიერს. სეკრეტირდება დედის რძეში.

ჩვენება:

-სეზონური ალერგიული რინიტი;

-გაურთულებელი ქრონიკული იდიოპათიური ურტიკარია.

დოზირებისა და მიღების რეჟიმი: მოზრდილებში და 12 წელზე მეტი ასაკის ბავშვებში რეკომენდებული დოზაა ალერფასტი 120-ის ან ალერფასტი 180-ის 1 ტაბლეტი დღეში ერთხელ. 6-დან 12 წლამდე ასაკის ბავშვებში ფექსოფენადინის რეკომენდებული დოზაა ალერფასტი 120-ის 1/4 ტაბლეტი (30 მგ) დღეში 2-ჯერ.

თირკმლის დარღვეული ფუნქციის მქონე ავადმყოფებში რეკომენდებული საწყისი დოზაა ალერფასტი 120-ის 1/2 ტაბლეტი (60 მგ) დღეში ერთხელ.

თირკმლის დარღვეული ფუნქციის მქონე პედიატრიულ პაციენტებში რეკომენდებული საწყისი დოზაა ალერფასტი 120-ის 1/4 ტაბლეტი (30 მგ) ერთხელ დღეში.

გვერდითი მოვლენები: ცენტრალური ნერვული სისტემის მხრივ - თავის ტკივილი, დაღლილობა, სისუსტე, ძილიანობა ან უძილობა, თავბრუსხვევა, ნერვული აგზნება;

საჭმლის მომნელებელი სისტემის მხრივ - გულისრევა, პირის სიმშრალე, დარღვევები კუჭ-ნაწლავის ტრაქტის მხრივ;

ალერგიული რეაქციები: გამონაყარი კანზე, ურტიკარია, ქავილი, ჰიპერმგრძნობელობის რეაქციები, ანგიონევროზული შეშუპება;

სხვა: იშვიათად - ცხვირის ღრუს და/ან ხორხის სიმშრალე, ტაქტიკარდია, ქოშინი, დისმენორეა.

უკუჩვენება:

-ბავშვთა ასაკი 6 წლამდე;

-ორსულობა;

-ძუძუთი კვება;

-მომატებული მგრძნობელობა პრეპარატის ან მისი კომპონენტების მიმართ.

-ალერფასტის გამოყენება ორსულობისა და ლაქტაციის პერიოდში უკუნაჩვენებია, პრეპარატის გამოყენების უსაფრთხოებისა და ეფექტურობის დამადასტურებელი უტყუარი კლინიკური მონაცემების არაარსებობის გამო;

ლაქტაციის პერიოდში ფექსოფენადინის გამოყენების აუცილებლობის შემთხვევაში საჭიროა ძუძუთი კვების შეწყვეტა.

განსაკუთრებული მითითებები: ფექსოფენადინი სიფრთხილით გამოიყენება ხანდაზმულ ასაკში და თირკმლის და ღვიძლის ფუნქციის დარღვევის მქონე ავადმყოფებში, რადგან არ არსებობს მონაცემები ამ კატეგორიის პაციენტებში ფექსოფენადინის გამოყენების უსაფრთხოების შესახებ.

ფექსოფენადინის ეფექტურობა და უსაფრთხოება 6 წლამდე ასაკის ბავშვებში შესწავლილი არ არის.

პრეპარატის ზემოქმედება ავტოტრანსპორტისა და მექანიზმების მართვის უნარზე:

ფარმაკოდინამიკური პროფილიდან და აღწერილი გვერდითი მოვლენებიდან გამომდინარე ფექსოფენადინის ზემოქმედება სატრანსპორტო საშუალებების მართვის უნარზე ნაკლებ სავარაუდოა. ობიექტური კვლევებიდან დადასტურდა, რომ ფექსოფენადინი არ ახდენს გავლენას ცნს-ს ფუნქციაზე. მიუხედავად ამისა, რეკომენდებულია ინდივიდუალური რეაქციის შემოწმება მანქანის მართვამდე ან პოტენციურად სახიფათო სამუშაოს შესრულებამდე.

ზედოზირება:

სიმპტომები:  თავბრუ, ძილიანობა, პირის სიმშრალე.

მკურნალობა: კუჭის ამორეცხვა, გააქტივებული ნახშირის, საფაღარათო საშუალებების დანიშვნა, სიმპტომური და შემანარჩუნებელი თერაპია. ჰემოდიალიზი არაეფექტურია.

სხვა წამლებთან ურთიერთქმედება: ფექსოფენადინი არ ბიოტრანსფორმირდება ღვიძლში, ამიტომ არ ურთიერთქმედებს იმ პრეპარატებთან რომელთა მეტაბოლიზმიც ღვიძლის მეშვეობით ხორციელდება.

ერითრომიცინთან ან კეტოკონაზოლთან ერთდროული გამოყენებისას სისხლის პლაზმაში ფექსოფენადინის ჰიდროქლორიდის კონცენტრაცია მატულობს (ამავე დროს არ აღინიშნება გვერდითი ეფექტების გაძლიერება ან QT ინტერვალის ცვლლება).

ფექსოფენადინი არ ურთიერთქმედებს ომეპრაზოლთან.

ალუმინის და მაგნიუმის ჰიდროქსიდის შემცველ ანტაციდებთან ერთად გამოყენებისას მცირდება ფექსოფენადინის ბიოშეღწევადობა, ამიტომ რეკომენდებულია ფექსოფენადინისა და ანტაციდების მიღებებს შორის 2 სთ-იანი ინტერვალის დაცვა.

არ არის სასურველი პრეპარატის გამოყენება ხილის წვენებთან (ფორთოხლის, გრეიფრუტის, ვაშლის წვენი) ერთად.

შენახვის პირობები და ვარგისიანობის ვადა: პრეპარატი ინახება არა უმეტეს 25^oC ტემპერატურაზე, მშრალ, სინათლისა და ბავშვებისაგან დაცულ ადგილას. ვარგისიანობის ვადა - 2 წელი.

ფორმა, შეფუთვა: ტაბლეტები შეფუთვაში 10 ან 20ც. 1 ტაბლეტი შეიცავს 0,01გ აქტიურ ნივთიერებას.

შემადგენლობა - ცეტირიზინის დიჰიდროქლორიდი 0.01გ.

მწარმოებელი - საქართველო

კლინიკო-ფარმაკოლოგიური ჯგუფი: ანტიალერგიული საშუალება. H1-რეცეპტორების ბლოკატორი.

ფარმაკოლოგიური მოქმედება: ალერტეკი ანტიჰისტამინური პრეპარატია, ახასიათებს ალერგიის საწინააღმდეგო მოქმედება. H1-ჰისტამინორეცეპტორების სელექციური ანტაგონისტი (ბლოკატორი) არ ახდენს მნიშვნელოვან ანტიქოლინერგულ და ანტისეროტონინულ გავლენას. თერაპიული დოზით პრაქტიკულად არ იწვევს  სედატიურ ეფექტსა და ძილიანობას.

პრეპარატი მოქმედებს ალერგიული რეაქციის "ადრეულ" - ჰისტამინდამოკიდებულ სტადიასა და "გვიან" - უჯრედულ სტადიაზე; ამცირებს ეოზინოფილების მიგრაციასა და ადჰეზიის მოლეკულების (ICAM-1  და VCAM-1) ექსპრესიას, რომლებიც წარმოადგენენ ალერგიული ანთებითი რეაქციის მარკირებას. თრგუნავს ჰისტამინის სეკრეციის სხვა მედიატორებსა და ინდუქტორებს, როგორიცაა PAF (თრომბოციტების მააქტივირებელი ფაქტორი) და P სუბსტანცია. ამცირებს მსუბუქი მიმდინარეობის ბრონქული ასთმის ჰისტამინინდუცირებულ ბრონქოობსტრუქციას, ახასიათებს კანის რეაქციის მიმართ მაღალი მაინჰიბირებელი მოქმედება, ვერ გადის ჰემატოენცეფალურ ბარიერს და პრაქტიკულად არ მეტაბოლიზდება ღვიძლში.

ფარმაკოკინეტიკა - სისხლის პლაზმაში პრეპარატის მაქსიმალური კონცენტრაცია მიიღწევა მიღებიდან ერთი საათის განმავლობაში, ხოლო კლინიკური ეფექტი ვლინდება მიღებიდან 2 სთ-ის შემდეგ, H1-რეცეპტორების ბლოკადის ხანგრძლივობა 24 სთ-ზე მეტია. საჭმლის მიღება გავლენას არ ახდენს პრეპარატის აბსორბციის ხარისხზე. თუმცა ახანგრძლივებს მას. თერაპიული კურსის ფონზე არ ვითარდება ტოლერანტობა. ერთჯერადი დოზის მიღების შემდეგ ალერტეკის ნახევარგამოყოფის პერიოდი მოზრდილებში შეადგენს 10 სთ-ს, 6-12 წლამდე ბავშვებში - 6 სთ-ს, ხოლო 2-6 წლამდე ბავშვებში - 5 სთ-ს.

ჩვენება:

-სეზონური და ქრონიკული ალერგიული რინიტი;

-ალერგიული კონიუნქტივიტი;

-ქავილით მიმდინარე დერმატოზები;

-ჭინჭრის ციება (ქრონიკული იდიოპათიური ჭინჭრის ციების ჩათვლით), კვინკეს შეშუპება.

დოზირებისა და მიღების რეჟიმი - პრეპარატი ინიშნება:

-მოზრდილებსა და 12 წელზე მეტი ასაკის ბავშვებში დღეში ერთხელ 1 ტაბლეტი (0.01გ)

- დილას;

- 6-12 წლამდე ბავშვებში - 1 ტაბლეტი (0.01გ) ერთჯერადად დილას ან 1/2 ტაბლეტი (0.005გ) დღეში ორჯერ (დილას და საღამოს);

- 2-დან 6 წლამდე ბავშვებში - 1/2 ტაბლეტი (0.005გ) ერთ მიღებაზე დილას ან 1/4 ტაბლეტი დღეში ორჯერ (დილას და საღამოს);

თირკმლის უკმარისობის მქონე ავადმყოფებში საჭიროა დოზის განახევრება.

თირკმლის ნორმალური ფუნქციის მქონე ასაკოვანი პაციენტები დოზის კორექციას არ საჭიროებენ

გვერდითი მოვლენები: კუჭ-ნაწლავის ტრაქტის მხრივ: პირის ღრუს სიმშრალე, იშვიათად - საჭმლის მომნელებელი ტრაქტის დისფუნქცია.  ცნს-ის მხრივ: შესაძლებელია მცირედ გამოხატული და სწრაფად გარდამავალი ძილიანობა, თავის ტკივილი, თავბრუსხვევა, ერთეულ შემთხვევაში - აგზნებადობა;

ალერგიული რეაქციები: იშვიათად - კანზე გამონაყარი ან ანგიონევროზული შეშუპება.

გვერდითი მოვლენები ვითარდება იშვიათად და აქვთ ტრანზიტორული ხასიათი.

უკუჩვენება: პრეპარატის დანიშვნის უკუჩვენებაა ცეტირიზინისადმი მაღალი მგრძნობელობა, ორსულობისა და ლაქტაციის პერიოდი.

განსაკუთრებული მითითებები: ალერტეკი რეკომენდებული დოზით არ აძლიერებს ალკოჰოლის მოქმედებას. თუმცა სიფრთხილის დაცვა აუცილებელია: არ ახდენს გავლენას ფსიქიკურ და მოტორულ რეაქციებზე, მისი მიღება დასაშვებია ავტომობილის მართვისა და სხვა აქტიური სამუშაოს შესრულები დროს (დოზის მომატებისას საჭიროა სიფრთხილე).

მკურნალობის დროს აუცილებელია ძუძუთი კვების შეწყვეტა.

სხვა წამლებთან ურთიერთქმედება: ალერტეკის მოქმედი ნივთიერება - ცეტირიზინი, გავლენას არ ახდენს სხვა სამკურნალო საშუალებებზე. ცეტირიზინისა და მაკროლიდების ან კეტოკონაზოლის კომბინაცია ელექროკარდიოგრამაზე არ ავლენს ცვლილებებს.

შენახვის პირობები და ვარგისიანობის ვადა: პრეპარატი ინახება 10-25^oC ტემპერატურაზე, მშრალ, სინათლის და ბავშვებისაგან დაცულ ადგილას. ვარგისიანობის ვადა - 4 წელი.

ფორმა, შეფუთვა - თეთრი ფერის ტაბლეტები, ერთი ტაბლეტი შეიცავს 10 მგ აქტიურ ნივთიერებას. მუყაოს შეფუთვაში დევს 10 ცალი ტაბლეტი

შემადგენლობა -  ლორატადინი   Loratadine

დამხმარე ნივთიერებები: მაგნიუმის სტეარატი, სახამებელი, ლაქტოზის მონოჰიდრატი.

მწარმოებელი - Laboratorios Bagó S.A. (არგენტინა)

კლინიკო-ფარმაკოლოგიური ჯგუფი: ჰისტამინური H1-რეცეპტორების მაბლოკირებელი და ალერგიის საწინააღმდეგო საშუალება (H1-ანტიჰისტამინური საშუალება)

ფარმაკოლოგიური მოქმედება: ალერპრივი ახდენს ჰისტამინური  H1 რეცეპტორების ბლოკირებას (ხანგრძლივუ დროით) და  ღრუბლისებური უჯრედებიდან ჰისტამინის და ლეიკოტრინ C 4 გამოთავისუფლებას აინჰიბირებს, რითაც აფერხებს ალერგიული რეაქციების განვითარებას. ლორატადინს გააჩნია ალერგიის და ქავილის საწინააღმდეგო მოქმედება.  იგი ამცირებს სისხლძარღვების განვლადობას, ხელს უშლის ქსოვილების შეშუპების განვითარებას, ხსნის გლუვი კუნთების სპაზმს. ალერგიის საწინააღმდეგო მოქმედება ვითარდება პრეპარატის მიღებიდან  30 წუთში. ანტიჰისტამინური ეფექტი მაქსიმუმს აღწევს 8-12 საათში და ეს ეფექტი გრძელდება 24 საათი. ალერპრივი არ გადის ჰემატოენცეფალურ ბარიერს, ამიტომ  არ მოქმედებს ცენტრალურ ნერვულ სისტემაზე და არ იწვევს შეჩვევას.

ფარმაკოკინეტიკა - ლორატადინი სწრაფად შეიწოვება კუჭ-ნაწლავის ტრაქტში. მაქსიმალური კონცენტრაციის მიღწევის დრო არის 1.3-2.5 საათი; საკვების მიღება მოქმედების დროს ამცირებს 1 საათით. ლორატადინის ნახევარგამოყოფის პერიოდი შეადგენს 3-20 საათს (საშუალოდ 8 საათი).

ჩვენება - სეზონური და წლიური ალერგიული რინიტი, კონიუნქტივიტი, პოლინოზი, ჭინჭრის ციება, კვინკეს შეშუპება, ქავილით მიმდინარე ალერგიული დერმატოზები, ფსევდოალერგიული რეაქციები, მწერის ნაკბენზე განვითარებული ალერგიული რეაქციები, სხვადასხვა ეტიოლოგიის ქავილი.

დოზირებისა და მიღების რეჟიმი: მოზრდილებსა და 12 წლის ზევით ბავშვებში - 10 მგ (თითო ტაბლეტი) ერთხელ დღეში. 2 წლიდან 12 წლამდე ბავშვებში: 5 მგ (ნახევარი ტაბლეტი) ერთხელ დღეში; თუ ბავშვის წონა 30 კგ.-ზე მეტია - 10 მგ ერთხელ დღეში.

გვერდითი მოვლენები: თავის ტკივილი, დაღლილობა, პირის სიმშრალე, ძილიანობა, გულისრევა, გასტრიტი, ძალზედ იშვიათად ანაფილაქსია, ალოპეცია, ღვიძლის ფუნქციის დარღვევა, ტაქიკარდია.

უკუჩვენება: ჰიპერმგრძნობელობა, ორსულობა და ლაქტაციის პერიოდი.

სიფრთხილით ინიშნება ღვიძლის უკმარისობის დროს.

განსაკუთრებული მითითებები: პრეპარატით მკურნალობის პერიოდში აუციებელია სიფრთხილის დაცავა ავტომობლის მართვისა და სხვა პოტენციურად საშიში საქმიანობის (რომელიც საჭიროებს ყურადღების კონცენტრაციას და სწრაფ ფსიქომოტორულ რეაქცას) შესრულების შემთხევაში.

ზედოზირება: ჰიპერდოზირების შემთხვევაში აუცილებელია მიმართოთ ექიმს.

მკურნალობა: ღებინების გამოწვევა, კუჭის ამორეცხვა, აქტივირებული ნახშირის მიღება

სხვა წამლებთან ურთიერთქმედება: ეთანოლი ამცირებს ლორატადინის მოქმედებას. ლორატადინთან ერთად ერითრომიცინის, ციმეტიდინის, კეტოკონაზოლის მიღების შემთხვევაში სისხლის პლაზმაში ლორატანიდის კონცენტრაცია იზრდება.

შენახვის პირობები და ვარგისიანობის ვადა: ალერპრივი ინახება არაუმეტეს 25^oC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას. ვარგისიანია 2 წელი.

საერთაშორისო დასახელება:

CETIRIZINE

მწარმოებელი: ბიოფარმა ილაჩ სან. ვე ტიჯ. ა.შ., თურქეთი

მოქმედი ნივtიერება: ცეტირიზინი

კლინიკურ–ფარმაკოლოგიური ჯგუფი:

ჰისტამინური H₁ რეცეპტორების ბლოკატორი, მეორე თობის პრეაპრატი

შემადგენლობა და გამოშვების ფორმა:

10 მგ 10ც ტაბლეტი

თითოეული ტაბლეტი შეიცავს 10 მგ ცეტირიზინის დიჰიდროქლორიდს.

სხვა ინგრედიენტები: ტიტანის დიოქსიდი.

ფარმაკოლოგიური თვისებები:

პრეპარატის ფარმაკოდინამიკა:

ცეტირიზინი ჰისტამინის კონკურენტული ანტაგონისტია, აბლოკირებს H1- ჰისტამინურ რეცეპტორებს. ერთჯერადი ორალური დოზის 10 მგ-ს ეფექტი 24 საათის განმავლობაში აღინიშნება. ახდენს ალერგიული რეაქციის განვითარების პრევენციას და ამსუბუქებს მათ მიმდინარეობას, გააჩნია ალერგიის, ქავილის, ექსუდაციის საწინააღმდეგო მოქმედება.

კლინიკურმა გამოკვლევებმა ცხადყო, რომ თერაპიულ ეფექტს მე-2 თაობის ანტიჰისტამინურ სხვა პრეპარატებთან შედარებით მნიშვნელოვანი უპირატესობა გააჩნია. ასევე მას გააჩნია სელექტიური მოქმედება HH1 ჰისტამინურ რეცეპტორების მიმართ. არ გააჩნია აფინიტეტი მუსკარინის, ალფა-1, ადრენერგიული, სეროტონინერგიული და D2 დოფამინერგული რეცეპტორების მიმართ. გარდა ამისა ცეტირიზინი ახდენს ეოზინოფილური უჯრედების მიგრაციის პრევენციას ალერგიული რეაქციის მეორე სტადიაში და აინჰიბირებს პროსტაგლანდინის D2-ის სინთეზს.

ცეტირიზინი ამცირებს კაპილარების გამტარობას, ახდენს ქსოვილების შეშუპების განვითარების პრევენციას, ხსნის გლუვი ის კმუსკულატურის სპაზმს. დამთრგუნველად მოქმედებს ცნს-ზე. ცეტირიზინი არ იწვევს სედაციას, არ აქვეითებს ყურადღებონცენტრაციას, ფსიქომოტორულ და კოორდინაციის ფუნქციებს. არ შედის ურთიერთობაში ალკოჰოლურ სასმელებთან, არ ზრდის მათი ზემოქმედების გამოვლინებას.

ფარმაკოკინეტიკა:

ცეტირიზინის ტოტალური კლირენსი პედიატრიული ავადმყოფების ორგანიზმში უფრო მაღალია, ხოლო ნახევრადდაშლის პერიოდი უფრო ხანმოკლე.

გერიატრიული ავადმყოფები: ცეტირიზინის ნახევრადდაშლის პერიოდი გერიატრიულ ავადმყოფებში 50% შეადგენს, ხოლო ტოტალური კლირენსი ორგანიზმში 40%-ით მცირდება. სავარაუდოა, რომ ხანდაზმულ პაციენტებში ამ ცვლილების მიზეზს რენული ფუნქციის დაქვეითება წარმოადგენს. დოზირების რეჟიმის კორექცია აუცილებელია 77 წელზე უფროსი ასაკის პაციენტებში.

ავადმყოფები თირკმელების უკმარისობით: ცეტირიზინის ფარმაკოკინეტიკა ავადმყოფებში თირკმელების უკმარისობით არ განსხვავდება ნორმალური პაციენტების ფარმაკოკინეტიკისაგან (კრეატინინის კლირენსი 42-77 მლ/წთ). პაციენტებში თირკმელების ფუნქციის საშუალო ხარისხის დაქვეითებით (კრეატინინის კლირენსი 11-31 მლ/წთ) ნახევრადდაშლის პერიოდი 3-ჯერ იზრდება, ხოლო კლირენსი 70%-ით მცირდება. ერთი ჰემოდიალიზის შემთხვევაში შესაძლებელია სისხლიდან დოზის მხოლოდ 10%-ის გამოყოფა.

პაციენტებში თირკმელების საშუალო და მძიმე უკმარისობით, ასევე ჰემოდიალიზზე მყოფ პაციენტებში აუცილებელია დოზირების რეჟიმის კორექცია.

ავადმყოფები ღვიძლის უკმარისობით: ავადმყოფებში ღვიძლის ქრონიკული უკმარისობით ნახევრადდაშლის პერიოდი 50%-ით ხანგრძლივდება, ხოლო კლირენსი 40%-ით მცირდება. ავადმყოფებში ღვიძლის უკმარისობით აუცილებელია დოზირების რეჟიმის კორექცია.

ჩვენებები:

• წლიური და სეზონური ალერგიული რინიტი
• ალერგიული კონიუნქტივიტი
• ქრონიკული ჭინჭრის ციება
• იდიოპათიური ჭინჭრის ციება.

მიღების წესები და დოზები:

- შიგნით მიღება, საკვების მიღების მიუხედავად, სასურველია საღამოს, დაუღეჭავად და მცირე რაოდენობით წყლის მიყოლებით. მოზრდილებსა და 12 წელზე უფროსი ასაკის ბავშვებში - 1 ტაბლეტი (10 მგ) დღეში ერთხელ. სიმპტომების მიხედვით სადღეღამისო დოზა 5 და 10 მგ-ს შორის მერყეობს.

- 6-11 წლის ბავშვებში - 1 ტაბლეტი (10 მგ) დღეში ერთელ ან 1/2–1/2 ტაბლეტი (5 მგ) დღეში 2-ჯერ.

- 2-5 წლის ბავშვებში – 2.5 მგ (1/4 ტაბლეტი) დღეში ერთხელ.

დოზირების რეჟიმი ავადმყოფებში თირკმლისა და ღვიძლის უკმარისობით:

– ავადმყოფებში (მოზრდილებსა და 12 წელზე უფროსი ასაკის ბავშვებში) თირკმლის ზომიერი უკმარისობით (კკ 11-31 მლ/წთ), დიალიზზე მყოფ პაციენტებში (კკ

– 6-11 წლის ბავშვებში თირკმლისა და ღვიძლის უკმარისობით რეკომენდებულია პრეპარატის მიღება ყველაზე მინიმალური დოზით.

- 6 თვემდე ასაკის ბავშვებში ცეტირიზინის გამოყენების უსაფრთხოება და ეფექტურობა დადგენილი არ არის. 2.5 მგ- მდე დოზის საიმედოობის შესახებ ინფორმაციის არარსებობის გამო ამ ასაკობრივ ჯგუფში ალეროლის გამოყენება არ შეიძლება.

გერიატრიული ავადმყოფები: 77 წელზე უფროსი ასაკის პაციენტებში ინიშნება დოზით 5 მგ/დღე.

გვერდითი მოვლენები:

ცალკეულ შემთხვევებში შესაძლებელია სისუსტე, თავბრუსხვევა, დაღლილობა, შაკიკი, პირის სიმშრალე, ვერტიგო, თავის ტკივილი. გვერდითი ეფექტები ვითარდება იშვიათად და ჩვეულებრივ სუსტად გამოხატული და გარდამავალი ხასიათისაა. მოულოდნელი ეფექტის შემთხვევაში აუცილებელია ექიმთან კონსულტაცია.

უკუჩვენება:

ჰიპერმგრძნობელობა პრეპარატის აქტიური და დამხმარე ნივთიერებების მიმართ.

ორსულობა და ლაქტაცია:

გამოყენება ორსულობის პერიოდში: კატეგორია B. B ორსულობის პერიოდში პრეპარატის გამოყენების უსაფრთხოების შესახებ მონაცემები წარმოდგენილი არ არის. საცდელ ცხოველებში ტერატოგენობა ან ემბრიოტოქსიკურობა დადგენილი არ არის. ორსულობის დროს ცეტირიზინის განოყენება არ შეიძლება.

გამოყენება ლაქტაციის პერიოდში:

ცეტირიზინი დედის რძესთან ერთად გამოიყოფა. ლაქტაციის პერიოდში ალეროლის გამოყენების აუცილებლობის შემთხვევაში ძუძუთი კვება უნდა შეწყდეს.

ვინაიდან ზოგიერთ პაციენტში პრეპარატის გამოყენების Fფონზე შესაძლებელია ძილიანობა, მკურნალობის დასაწყისში აუცილებელია სიფრთხილის დაცვა ავტოტრანსპორტის მართვისა და საქმიანობის იმ სახეობებით დაკავების დროს, რომელიც საჭიროებს ფსიქომოტორული რეაქციების სისწრაფეს.

განსაკუთრებული მითითებები:

- პაციენტებმა, რომლებიც იღებენ ცეტირიზინს, თავი უნდა შეიკავონ ალკოჰოლისა და სედაციური პრეპარატების გამოყენებისაგან, ვინაიდან ამ დროს აღინიშნება ძილიანობა და ფსიქომოტორული რეაქციების სისწრაფის დაქვეითება.

-ავადმყოფებში თირკმლისა და ღვიძლის უკმარისობით აუცილებელია დოზირების რეჟიმის კორექცია.

გამოყენება პედიატრიაში: 2 წელზე უფროსი ასაკის ბავშვებში ცეტირიზინის გამოყენების უსაფრთხოება და ეფექტურობა დადგენილია.

ჭარბი დოზირება:

ტარდება კუჭის ამორეცხვა, ინიშნება გააქტივებული ნახშირი და საფაღარათო საშუალებები. აუცილებელია გულ-სისხლძარღვთა და სასუნთქი სისტემების კონტროლი. საჭიროების შემთხვევაში ტარდება სიმპტომური თერაპია. სპეციალური ანტიდოტი არ არსებობს. ჰემოდიალიზი არაეფექტურია.

სხვა წამლებთან ურთიერთქმედება:

ცეტირიზინის სხვა სამკურნალო საშუალებებთან (ფსევდოეფედრინი, ერითრომიცინი, აზითრომიცინი და კეტოკონაზოლი) კლინიკურად მნიშვნელოვანი ურიერთქმედებები დადგენილი არ არის. თეოფილინთან (400 მგ დღეში) ცეტირიზინის (20 მგ) 3 დღის განმავლობაში ერთად გამოყენებისას ადგილი აქვს ცეტირიზინის საერთო კლირენსის 16%- ით დაქვეითებას (თეოფილინის კინეტიკა არ იცვლება). სედაციურ პრეპარატებთან ერთად განოყენებისას საჭიროა სიფრთხილის დაცვა.

შენახვის პირობები და ვადებიж

პრეპარატი ინახება არაუმეტეს 25^oC ტემპერატურაზე, ბავშვებისათვის მიუწვდომელ ადგილას.

აფთიაქში გაცემის წესი

რეცეპტით.

ფორმა, შეფუთვა: 1.შემოგარსული დრაჟე, ერთი დრაჟე შეიცავს 25 მგ აქტიურ ნივთიერებას (შეფუთვაში 20 ცალი ტაბლეტია).

2. მალამო 1%: ტუბში 18 გ, 1 გ შეიცავს 10 მგ აქტიურ ნივთიერებას.

3. კრემი 1%: ტუბში 18 გ. 1 გ შეიცავს 10 მგ აქტიურ ნივთიერებს.

შემადგენლობა: ქლოროპირამინის ჰიდროქლორიდი  (chlorpromazine  hydrochloride)

მწარმოებელი: sopharma (ბულგარეთი)

კლინიკო-ფარმაკოლოგიური ჯგუფი: ანტიჰისტამინური საშუალება

ფარმაკოლოგიური მოქმედება: ალერგოსანი წარმოადგენს ეთილენდიამინის წარმოებულს და არის  H1-რეცეპტორების მაბლოკირებელი საშუალება. იგი ხელს უშლის ალერგიული პროცესების განვითარებას. ანტიალერგიული ეფექტის გარდა პრეპარატს ახასიათებს სედატიური, საძილე და ქავილის საწინააღმდეგო მოქმედება, პერიფერიული ანტიქოლინერგული და ზომიერი სპაზმოლიზური თვისებები.

ჩვენება:

დრაჟე:

• ალერგიული რინიტი;
• ალერგიული კონიუნქტივიტი;
• პოლინოზი;
• კანის ალერგიული რეაქციები (გამონაყარი, ქავილი, მწერების ნაკბენები);
• ზოგიერთი საკვების ან წამლის გამოყენებასთან დაკავშირებული ალერგიული რეაქციები.

მალამო და კრემი:

• მწერების ნაკბენი;
• კონტაქტური და ლოკალური დერმატიტი;
• გამონაყარი და ქავილი ალერგიულ მდგომარეობის დროს.

დოზირებისა და მიღების რეჟიმი: დრაჟე - ინიშნება პერორალურად ჭამის დროს.

მოზრდილებში: 25 მგ (1 დრაჟე) 3-4-ჯერ დღეში. საჭიროების შემთხვევაში დოზის გაზრდა შეიძლება 6 დრაჟემდე დღე-ღამეში.

5 წლის ასაკის ზევით ბავშვებში: 1/2 დრაჟე 2-3-ჯერ დღეში.

გვერდითი მოვლენები:

ნერვული სისტემის მხრივ: ძილიანობა, სისუსტე, თავბრუ, დაღლილობა;

საჭმლის მომნელებელი სისტემის მხრივ: პირის სიმშრალე, გულისრევა, მადის დაკარგვა ან მომატება, ყაბზობა;

კანისა და ლორწოვანი გარსების მხრივ: ალერგია, ჰიპერფოტომგრძნობელობა;

სხვა: მხედველობის დარღვევა, თვალშიდა წნევის მომატება, კუნთების სისუსტე, შარდვის გაძნელება.

შეიძლება გამოვლინდეს ქავილი ან გაღიზიანება, რომელიც სწრაფად ქრება.

უკუჩვენება:

• გლაუკომა;
• წინამდებარე ჯირკვლის ადენომა;
• წყლულოვანი დაავადების გამწვავება;
• პილოროდუოდენალური სტენოზი;
• ასთმური შეტევა.
• ვინაიდან არ არსებობს მონაცემები უსაფრთხოების შესახებ, ალერგოსანის გამოყენება ორსულობისა და ლაქტაციის დროს არ არის რეკომენდებული.

მალამო და კრემი:

• ჰიპერმგრძნობელობა პრეპარატის სამკურნალო ან დამხმარე ნივთიერებების მიმართ.
• ორსულობის და ლაქტაციის დროს პრეპარატი გამოიყენება მხოლოდ ექიმის დანიშნულებით.

განსაკუთრებული მითითებები:

გამოხატული სედატიური ეფექტის გამო ალერგოსანის დანიშვნა არ შეიძლება სატრანსპორტო საშუალებების მძღოლებისათვის და მანქანა-დანადგარების მუშაობის დროს.

პრეპარატი არ ინიშნება ლაქტოზის უკმარისობის, გალაქტოზემის, ან მალაბსორბციის სინდრომის (გალაქტოზო-გალაქტოზური) მქონე პირებში, ვინაიდან პრეპარატის ყოველი დოზა შეიცავს 0.0166 გ ლაქტოზას. პრეპარატში შემავალი დამხმარე ნივთიერება სიმინდის სახამებლი წარმოადგენს საფრთხეს ცელიაკიის მქონე პირებისთვის.

ზედოზირება:

სხვა წამლებთან ურთიერთქმედება: დრაჟე: არ არის რეკომენდებული ალერგოსანის გამოყენება ქოლინოლიზურ საშუალებებთან, რადგან, შეიძლება გაძლიერდეს ქოლინოლიზური გვერდითი ეფექტები. მისი გამოყენება არ შეიძლება მაოს-ს ინჰიბიტორებთან ერთად (მაოს-ინჰიბიტორების გამოყენების შეწყვეტის შემდეგ უნდა იყოს დაცული ორკვირიანი ინტერვალი); ყველა სედატიური პრეპარატი, რომელიც თრგუნავს ცნს-ს (ბარბიტურატები, საძილე საშუალებები, ნარკოტიკული ანალგეტიკები, სედატიური საშუალებები, ტრანკვილიზატორები), აძლიერებენ ალერგოსანის სედატიურ ეფექტს.

შენახვის პირობები და ვარგისიანობის ვადა:  დრაჟე - ინახება არა უმეტეს 25^oC ტემპერატურაზე, მშრალ, სინათლისაგან დაცულ, ბავშვებისათვის მიუწვდომელ ადგილას და ვარგისიანია 5 წელი.

შეფუთვის გახსნის შემდეგ კრემის გამოყენება შეიძლება 1 თვის განმავლობაში.

ფორმა, შეფუთვა: 2%-იანი გამჭვირველე, უფერო თვალის წვეთები, 1 მლ შიეცავს 20 მგ აქტიურ ნივთიერებას. გაყიდვაში გამოდის მუყაოს შეფუთვით, რომელშიაც მოთავსებულია 1 ცალი პოლიეთილენის 10 მლ-იანი ფლაკონი საწვეთურით.

შემადგენლობა: კრომოგლიციური მჟავის დინატრიუმის მარილი (ნატრიუმის კრომოგლიკატი)   (Cromoglicic Acid)

მწარმოებელი: Ursapharm (გერმანია)

კლინიკო-ფარმაკოლოგიური ჯგუფი: არასტეროიდული ანტიალერგიული საშუალება ადგილობრივი გამოყენებისათვის ოფთალმოლოგიაში.

ფარმაკოლოგიური მოქმედება: ალერგოკრომის აქტიურ კომპონენტს წარმოადგენს ნატრიუმის კრომოგლიკატი, რომელსაც  შეუძლია კალციუმის არხების IgE-რეცეპტორების ბლოკირება და პოხიერ უჯრედებში კალციუმის შეღწევის უნარის დათრგუნვა. ამგვარად იგი ასუსტებს პოხიერი უჯრედების დეგრანულაციას და აფერხებს ჰისტამინისა და სწრაფი ჰიპერმგრძნობელობის სხვა მედიატორების გამოყოფას.

ჩვენება:

• მწვავე და ქრონიკული ალერგიული კონიუნქტივიტი (მათ შორის თივის და საგაზაფხულო კონიუნქტივიტი);
• კონიუნქტივის არასპეფიციკური ანთებითი პროცესები, გამოწვეული ალერგიული რეაქციების მიერ.

გამოიყენეთ მხოლოდ ექიმის დანიშვნით!

დოზირებისა და მიღების რეჟიმი: ექიმის სხვა რეკომენდაციების არარსებობის დროს, ზუსტად დაიცავით პრეპარატის გამოყენების ინსტრუქცია.

ალერგოკომს იწვეთებენ 1-2 წვეთს 4-ჯერ დღეში კონიუნქტივალურ პარკში. ამისათვის აუცილებელია მოხსნათ ფლაკონს ხუფი, გადმოატრიალოთ ფლაკონი და მის კორპუსზე სუსტად დაჭერით ჩაიწვეთოთ წვეთების საჭირო რაოდენობა კონიუნქტივალურ პარკში.

ჩაწვეთების დროს აუცილებელია აარიდოთ ფლაკონი თვალის ლორწოვან გარსს ან კანს.

დოზა ერთნაირია ბავშვებსა და მოზრდილებში. ალერგოკრომით მკურნალობა აუცილებლად უნდა გაგრძელდეს პაციენტის დაავადების გამომწვევ ალერგენთან კონტაქტის დასრულებამდე.

გვერდითი მოვლენები: თუ ალერგოკრომით მკურნალობისას განვითარდა გვერდითი ეფექტი ან პაციენტი არ არის დარწმუნებული პრეპარატის ეფექტურობაში, საჭიროა მიეწოდოს ეს ინფორმაცია ექიმს ან ფარმაცევტს.

იშვიათად პაციენტს შეიძლება ჰქონდეს კონსერვანტისადმი (ბენზალკონიუმის ქლორიდი) ან ალერგოკრომის ერთ-ერთი სხვა კომპონენტისადმი მომატებული მგრძნობელობა. ამ შემთხვევაში შეიძლება წარმოიქმნას წვა, უცხო სხეულის გრძნობა, ქემოზი და კონიუქტივის ჰიპერემია. ყველა ეს სიმპტომი ქრება პრეპარატის მოხსნისთანავე.

უკუჩვენება:

• პრეპარატის ერთ-ერთი კომპონენტისადმი მომატებული მგრძნობელობა.

  არ არის რეკომენდებული რბილი კონტაქტური ლინზების გამოყენება ალერკოგრომით მკურნალობის დროს.

  თუ პაციენტი, მკურნალი ექიმის ნებართვით, აგრძელებს მაგარი კონტაქტური ლინზების გამოყენებას ალერგოკრომით მკურნალობის დროს, მაშინ ალერგოკრომის თვალის წვეთების ჩაწვეთებამდე რეკომენდებულია მოიხსნათ კონტაქტური ლინზები და კვლავ გაიკეთოთ ჩაწვეთებიდან არანაკლებ 15 წუთის შემდეგ.

• ბავშვებში, ორსულობასა და ლაქტაციის პერიოდში ალერგოკრომის გამოყენების შესახებ კლინიკური გამოკვლევების მონაცემები არ არსებობს. ალერგოკრომის ტერატოგონური ეფექტის შესახებ მონაცემების არარსებობის მიუხედავად, არ არის რეკომენდებული პრეპარატის გამოყენება ორსულობის პირველი სამი თვის განმავლობაში. შესაძლებელია პრეპარატი ალერგოკრომი თვალის წვეთები გამოყენებულ იქნას 1 წლის ასაკზე უფროს ბავშვებში, ორსულობისა (4 თვიდან დაწყებული) და მეძუძური ქალების მკურნალობისთვის ექიმის დანიშნულებით, თუ მოსალოდნელი სამკურნალო ეფექტი აღემატება შესაძლებელი გვერდითი ეფექტების განვითარების რისკს. მოცემული კატეგორიის პაციენტებში პრეპარატის გამოყენების ხანგრძლივობა არის არა უმეტეს 7-10 დღისა.

განსაკუთრებული მითითებები: ალერგოკრომის გამოყენების შემდეგ შეიძლება წარმოიქმნას მხედველობის სიმახვილის ხანმოკლე დარღვევა (ისევე, როგორც ნებისმიერი სხვა თვალის წვეთების ჩაწვეთების შემდეგ), რაც იწვევს ფსიქიკური და ფიზიკური რეაქციების შენელებას. ამიტომ პრეპარატის გამოყენება უშუალოდ მექანიზმებთან მუშაობისა და ავტოტრანსპორტის მართვის წინ არ არის რეკომენდებული.

ზედოზირება: ზედოზირების შესახებ მონაცემები არ არსებობს.

სხვა წამლებთან ურთიერთქმედება: გამოვლენილი არ არის

შენახვის პირობები და ვარგისიანობის ვადა: პრეპარატი ინახება არა უმეტეს 25^oC ტემპერატურაზე, სინათლისა და ბავშვებისაგან დაცულ ადგილას და ვარგისიანია 3 წელი. ფლაკონი გახსნიდან არა უმეტეს 6 კვირა არის ვარგისიანი.

ფორმა, შეფუთვა: 0,05%-იანი გამჭვირველე, უფერო თვალის წვეთები, 1 მლ შიეცავს 500 მკგ აქტიურ ნივთიერებას. გაყიდვაში გამოდის მუყაოს შეფუთვით, რომელშიაც მოთავსებულია 1 ცალი პოლიეთილენის 6 ან 10 მლ-იანი ფლაკონი საწვეთურით.

შემადგენლობა: აზელასტინის ჰიდროქლორიდი (Azelastine hidrochloride)

მწარმოებელი: MEDA PHARMA, GmbH & Co.KG (გერმანია)

(ოფტალმოლოგიაში ადგილობრივი მოხმარების ანტიალერგიული პრეპარატი);

ფარმაკოლოგიური მოქმედება: ალერგოდული არის ფტალაზონონისგან წარმოებული ჰისტამინური H1-რეცეპტორების ბლოკატორი, მას აქვს ძლიერი და ხანგრძლივი ანტიალერგიული მოქმედება. თვალში ჩაწვეტების შემდეგ დამატებით აღინიშნება ანთებისსაწინააღმდეგო და მემბრანის მასტაბილიზებელი ეფექტი: აზელასტინი ამუხრუჭებს ალერგიული რეაქციის ადრეული და გვიანი ფაზის მედიატორების გამოთავისუფლებას.

კლინიკურად მნიშვნელოვანი მოქმედება  QT იტერვალზე არ ვლინდება აზელასტინის დიდ დოზებში გამოყენების შემთხვევაშიც კი.

ფარმაკოკინეტიკა: თვალის წვეთების სახით ალერგოდილის განმეორებითი გამოყენებისას (1 წვეთი თითოეულ თვალში დღეში 4-ჯერ) C_max აღმოჩნდა ძლიან დაბალი.

ჩვენება-სეზონური და ალერგიული კონიუნქტივიტების სიმპტომური მკურნალობა.

დოზირებისა და მიღების რეჟიმი: ინიშნება 1 წვეთი ალერგოდილი ორივე თვალში დილით და საღამოს. პრეპარატის გამოყენება შესაძლებელია სიმპტომების სრულ გაქრობამდე.

ალერგოდილის გამოყენების წესი:

პირველ რიგში სისველის მოშორების მიზნით საჭირო თვალის ირგვლივ კანის ფრთხილად გაწმენდა. საწვეთურის სისუფთავეში დარწმუნების მიზნით საჭიროა ბოთლის თავსახურის მოხსნა. ფრთხილად ვწევთ დაბლა ქვედა ქუთუთოს.

ფრთხილად ვაწვეთებთ პრეპარატის 1 წვეთს ქვედა ქუთუთოს შუაგულში. ამ დროს საწვეთური თვალს არ უნდა ეხებოდეს.

შემდგომ საჭიროა ქვედა ქუთუთოს ხელი გავუშვათ და ფრთხილად მივაჭიროთ თითი თვალის შიდა კუთხეს ცხვირის ფუძის მიმართულებით. თვალის ზედაპირზე პრეპარატის კარგად განაწილების მიზნით საჭიროა თვალის რამდენჯერმე დახამხამება. პრეპარატის ჭარბი რაოდენობის მოცილება წარმოებს დოლბანდის საშუალებით. იგივე პროცედურა ტარდება მეორე თვალზე.

გვერდითი მოვლენები: შესაძლებელია თვალის ლორწოვანის მსუბუქი გაღიზიანება, იშვიათად - პირში მწარე გემოს შეგრძნება.

უკუჩვენება:

• პრეპარატის და მასში შემავალი ინგრედიენტების მიმართ მომატებული მგრძნობელობა;
• ორსულობის I ტრიმესტრი და ლაქტაციის პერიოდი.

განსაკუთრებული მითითებები: ალერგოდილის თვალის წვეთების გამოყენება კონტაქტური ლინზების ტარების დროს რეკომენდებული არ არის.

ზედოზირება: მონაცემები ჭაერბი დოზირების შესახებ არ არსებიბს.

სხვა წამლებთან ურთიერთქმედება: გამოვლენილი არ არის.

შენახვის პირობები და ვარგისიანობის ვადა: პრეპარატი ინახება ოთახის ტემპერატურაზე, ბავშვებისაგან დაცულ ადგილას და ვარგისიანია 3 წელი; გახსნილი ფლაკონი ვარგისიანია არა უმეტეს 4 კვირისა.

საერთაშორისო დასახელება:

IBUPROFEN

მწარმოებელი: SANOFI AVENTIS

მოქმედი ნივთიერება: იბუპროფენი

კლინიკურ–ფარმაკოლოგიური ჯგუფი:

ჯგ: არასტეროიდული ანთების საწინააღმდეგო საშუალებები; პროპიონის მჟავას წარმოებული; პრეპარატი გამოხატული ანალგეზიური ეფექტით

შემადგენლობა და გამოშვების ფორმა:

600მგ შემოგარსული ტაბლეტი

აქტიური ნივთიერება: ყოველი ტაბლეტი შეიცავს 600 მგ იბუპროფენს.

დამხმარე ნივთიერებები: ლაქტოზას მონოჰიდრატი, მიკროკრისტალური ცელულოზა, სიმინდის სახამებელი, ნატრიუმის კროსკამელოზა, მაგნიუმის სტეარატი, კრემნიუმის კოლოიდური დიოქსიდი, ჰიპრომელოზა, გლიცერინ-ტრიაცეტატი, ტიტანის დიოქსიდი, ერითროზინი, ალუმინის შეფერილობის პიგმენტი.

600მგ შემოგარსული ტაბლეტი

ელიფსის ფორმის, ორმხრივად ამოზნექილი, ვარდისფერი შემოგარსული ტაბლეტი გრავირებით ‘S60’ ერთ მხარეზე. გამყოფი ღარი თეთრი ფერისაა.

ალგოფლექს ფორტეს ახასიათებს ტკივილგამაყუჩებელი, ანთების საწინააღმდეგო თვისებები.

იგი გამოიყენება ისეთი სხვადასხვა წარმოშობის ტკივილის მოსახსნელად, როგორიცაა:

• თავის ტკივილი, კბილის ტკივილი, ტკივილი მენსტრუაციის დროს, ოპერაციის შემდგომი ტკივილი; ასევე
• საყრდენ-მამოძრავებელი აპარატის სხვადასხვა დაავადებათა, მყესებისა და კუნთების დაჭიმულობის სამკურნალოდ.

მიღების წესები და დოზები

რეკომენდებული მაქსიმალური დღიური დოზა შეადგენს 3 ტაბლეტს, რომელიც იყოფა რამდენიმე მიღებად; ორ დოზას შორის ინტერვალი უნდა შეადგენდეს სულ მცირე 6 საათს.

სახსართა დაავადების გამწვავებისას, სასურველია დოზის გაზრდა დაავადების მწვავე სტადიის დასრულებამდე, თუმცა საერთო დღიურმა დოზამ არ უნდა გადააჭარბოს 4 ტაბლეტს.

დაუშვებელია ორმაგი დოზის მიღება გამოტოვებული დოზის ასანაზღაურებლად.

პრეპარატის გამოყენება დაუშვებელია ბავშვებში!

კუჭ-ნაწლავზე გვერდითი ეფექტების პრევენციისთვის, სასურველია შემოგარსული ტაბლეტების მიღება საკვების მიღების დროს.

აცეტილსალიცილის მჟავასთან ერთად მიღების აუცილევლობის შემთხვევაში, ალგოფლექს ფორტე ინიშნება აცეტილსალიცილის მჟავის შემცველი პრეპარატის მიღებიდან 30 წუთის შემდეგ ან მის მიღებამდე სულ მცირე 8 საათით ადრე.

გვერდითი მოვლენები

აღნიშნული პრეპარატის მიღების შემდეგ შეიძლება შეინიშნოს გულისრევა და ღებინება, ტკივილი მუცლის ღრუში, დისპეფსია, ყაბზობა, შებერილობა, დიარეა, ახალი ან შედედებული სისხლი განავალში, პირღებინება სისხლთან ერთად. ხანდახან, განსაკუთრებით ხანდაზმულებში, საჭმლის მომნელებელი ტრაქტის დაწყლულება/სისხლდენა ფატალური შედეგით სრულდება. უფრო მწვავე შემთხვევებში, შესაძლებელია თავი იჩინოს პირის ღრუს ლორწოვანი გარსის წყლულოვანმა ანთებამ და კრონის დაავადების გაუარესებამ.

არასტეროიდული ანთების საწინააღმდეგო პრეპარატის მიღებასთან დაკავშირებით შესაძლებელია გამოიხატოს შეშუპება, მაღალი სისხლის წნევა და გულის უკმარისობა.

შუილი ყურებში, თავის ტკივილი, თავბრუსხვევა, სმენის დარღვევა.

მომატებული მიდრეკილება სისხლდენისადმი, ანემია, ლეიკოციტების ან თრომბოციტების რაოდენობის შემცირება.

გამონაყარი კანზე, ქავილი და კანის სხვა ალერგიული რეაქციები, ასთმური შეტევა.

თირკმლის ფუნქციის დარღვევები, სისხლიანი შარდი, შარდის ბუშტის ანთება, თირკმელების ანთება და დისფუნქცია. შეშუპება, განსაკუთრებით ქვედა კიდურებში და სითხის შეკავების მომატება.

ღვიძლის მოქმედების დარღვევები, ჰემოგლობინის, ჰემატოკრიტისა და სისხლის შრატში კალციუმის შემცველობის დონეების შემცირება.

მხედველობის ისეთი დარღვევები, როგორიცაა მხედველობის დაბინდვა, ფერთა აღქმის დარღვევა. აღნიშნული რეაქციები ქრებიან პრეპარატის მიღების შეწყვეტისთანავე.

არასასურველი ეფექტების შემცირება შესაძლებელია მოკლე პერიოდის განმავლობაში უმცირესი ეფექტური დოზის გამოყენებით, რაც აუცილებელია მათ შესაჩერებლად.

უკუჩვენებები:

ალგოფლექს ფორტეს მიღება არ შეიძლება  იმ შემთხვევაში,

* თუ აღინიშნება ალერგია (ჰიპერმგრძნობელობა) იბუპროფენის ან სხვა შემადგენელი ნივთიერების, აცეტილსაცილის მჟავის ან სხვა არასტეროიდული ანთების საწინააღმდეგო პრეპარატების მიმართ;

• თუ ანამნეზში აღინიშნებოდა ბრონქოსპაზმი, „თივის ცხელება“ ან ჭინჭრის ციება, განსაკუთრებით თუ ისინი ვლინდებოდნენ აცეტილსალიცილის მჟავის ან სხვა არასტეროდული ანთების საწინააღმდეგო საშუალებების მიღებისას;

• განმეორებითი ან აქტიური კუჭისა თუ თორმეტგოჯა ნაწლავის წყლულის / სისხლდენის შემთხვევაში; თუ ადრე აღინიშნებოდა არასპეციფიკური წყლულოვანი კოლიტი, ან კრონის დაავადება, წყლული ან სისხლდენა კუჭ-ნაწლავის ტრაქტიდან არასტეროიდული ანთების საწინააღმდეგო პრეპარატების მიღებისას;

• ორსულობის, ლაქტაციის შემთხვევაში;

• აუტოიმუნური დაავადების (სისტემური წითელი მგლურა) შემთხვევაში;

• გულის მწვავე უკმარისობის,

ღვიძლისა და თირკმლის ფუნქციათა დარღვევების,

* მაღალი არტერიული წნევის, ანტიკოაგულენტებით მკურნალობისას,

ანამნეზში სასუნთქი გზების ქრონიკული დაავადების;

* პარკინსონის დაავადების, ეპილეფსიისა თუ სისხლის შედედებასთან დაკავშირებული დარღვევების შემთხვევებში, რასაც თან ახლავს სისხლდენის რისკი;

• ბავშვთა ასაკი .

• მოხუცებულთა ასაკში;

• მკურნალობა უნდა შეწყდეს დაუყოვნებლივ იმ შემთხვევაში, თუ ვლინდება სისხლდენა კუჭ-ნაწლავის ტრაქტში, მხედველობისა თუ სმენის დარღვევები ან ჰიპერმგრძნობელობითი რეაქციები;

• ლაქტოზას შემცველობის გამო, პრეპარატს შეუძლია გამოიწვიოს კუჭ-ნაწლავის მოქმედების დარღვევები იმ პაციენტებში, რომელთაც აღენიშნებათ მომატებული მგრძნობელობა ლაქტოზას მიმართ, ვინაიდან ყოველი შემოგარსული ტაბლეტი შეიცავს 90 მგ ლაქტოზას.

ორსულობა და ლაქტაცია:

დაუშვებელია ალგოფლექს ფორტეს მიღება ორსულობის ან ძუძუთი კვების დროს.

განსაკუთრებული მითითებები:

ზემოქმედება ავტომობილთა მართვის უნარზე

ალგოფლექს ფორტემ შესაძლებელია უარყოფითი გავლენა მოახდინოს ავტომობილის მართვასა და იმ სამუშაოს შესრულებაზე, რაც მოითხოვს ყურადღების განსაკუთრებულ კონცენტრირებას!

სხვა წამლებთან ურთიერთქმედება:

ალგოფლექს ფორტეს გამოყენება არ შეიძლება შემდეგ პრეპარატებთან ერთად:

• აცეტილსალიცილის მჟავა (ამცირებს იბუპროფენის ანთების საწინააღმდეგო მოქმედებას);

• თრომბოციტების აგრეგაციის ინჰიბიტორები (ზრდიან კუჭსა და ნაწლავებში სისხლდენის განვითარების რისკს);

• გლუკოკორტიკოიდები (შეიძლება გაზარდონ გვერდითი ეფექტების განვითარების რისკი);

• შარდმჟავას გამომყოფი, ფაღარათის საწინააღმდეგო სამკურნალო საშუალებები;

• კორტიკოსტეროიდები, რომლებიც გამოიყენება ალერგიისა და ანთების საწინააღმდეგო მკურნალობისას.

• არტერიული წნევის დამწევ სამკურნალო საშუალებებთან ერთად (ვინაიდან შეიძლება შეამციროს წნევის დამწევი ეფექტი);

• თიაზიდურ დიურეზულ პრეპარატებთან ერთად (შესაძლებელია შეამციროს მათი დიურეზული მოქმედება);

• ლითიუმის პრეპარატებთან, დიგოქსინთან, ფენიტოინთან, მეტოტრექსატთან ერთად (შესაძლოა გაზარდოს მათი ტოქსიკური ეფექტი);

• ორალურ გლუკოზის დონის დამწევი პრეპარატებთან ერთად (შეიძლება გაზარდოს მათი სისხლში გლუკოზის დონის შემცველობის დამწევი ეფექტი);

• სულფონამიდების ტიპის ანტიბიოტიკებთან ერთად (ზრდის მათ მოქმედებას);

• ზრდის ე.წ. კალიუმის შემანარჩუნებელი დიურეტიკების ეფექტს (ზრდის კალიუმის შემცველობის დონეს).

შენახვის პირობები და ვადები:

პრეპარატი ინახება ბავშვებისთვის მიუწვდომელ ადგილზე. 30^oC - ზე ტემპერატურაზე, თავდაპირველ შეფუთვაში.

საერთაშორისო დაუპატენტებელი სახელწოდება:

SULFACETAMIDE

მოქმედი ნივთიერება: სულფაცეტამიდი

კლინიკურ–ფარმაკოლოგიური ჯგუფი:

მიკრობების საწინააღმდეგო საშუალება, სულფანილამიდი.

შემადგენლობა და გამოშვების ფორმა:

თვალის წვეთები 20%

ნატრიუმის სულფაცეტამიდი ...................  200 მგ/მლ;

დამხმარე ნივთიერებები: პოლივინილის სპირტი 1.4%; ნატრიუმის თიოსულფატი 1.5 მგ/მლ; ნატრიუმის ფოსფატი ერთჩანაცვლებული 1.56 მგ/მლ; ნატრიუმის ფოსფატი ორჩანაცვლებული 0.71 მგ/მლ; დინატრიუმის ედეტატი 0.01 მგ/მლ; ბენზალკონიუმის ქლორიდი 0.005%; საინექციო წყალი.

ფარმაკოლოგიური თვისებები:

პრეპარატი აინჰიბირებს დიჰიდროფოლიუმის მჟავას სინთეზს ფტერიდინის ამინობენზოინის მჟავასთან შეერთების დათრგუნვის გზით dihydropteroate synthetase ფერმენტის კონკურენტული ინჰიბირებით. პრეპარატი ეფექტურია სტრეპტოკოკური, გონოკოკური, პნევმოკოკური და კოლიბაცილური ინფექციების დროს.

ფარმაკოდინამიკა:

სულფანილამიდს გააჩნია მოქმედების ფართო სპექტრი, იგი ბაქტერიოსტატიკია. მისი მოქმედების მექანიზმი დაკავშირებულია ПАБК-სთან კონკურენტულ ანტაგონიზმთან და დიჰიდროფტეროატსინთეტაზას კონკურენტულ დათრგუნვასთან, რაც იწვევს ტეტრაჰიდროფოლიუმის ჯავას სინთეზის დარღვევას, რომელიც აუცილებელია პურინებისა და პირიმიდინების სინთეზისათვის. იგი აქტიურია გრამდადებითი და გრამუარყოფითი კოკების, ნაწლავური ჩხირის, ასევე ქლამიდიების, აქტიმინომიცეტებისა და სხვ. მიმართ.

ადგილობრივი გამოყენებისას აღწევს ქსოვილებში და თვალის სითხეებში. შეუძლია სისხლის სისტემურ დინებაში შეღწევა ანთებითი კონიუნქტივიდან, მაგრამ პრეპარატის უმნიშვნელო რაოდენობის გამო სისტემური ეფექტი არ აღინიშნება..

გამოყენების ჩვენებები:

კონიუნქტივიტები, ბლეფარიტები, რქოვანას გარსის ჩირქოვანი წყლულები და სხვ.

თვალების ინფექციური დაავადებები, გამოწვეული სულფანილამიდების მიმართ მგრძნობიარე მიკროორგანიზმებით;

ტრაქომის კომპლექსური მკურნალობა.

გამოყენების წესი და დოზები:

ინსტილაციები თავიდან 1-2 წვეთი ყოველ 2-3 საათში. მკურნალობის კურსი შეადგენს 7-10 დღეს. ტრაქომის დროს – ინსტალაციები 2 წვეთი ყოველ 2 საათში.

ტოქსიკო-ალერგიული რეაქციები სულფანილამიდებზე.

გამოყენება ორსულობისა და ლაქტაციის დროს:

ჩვენებების მიხედვით.

გვერდითი მოქმედება:

ადგილობრივი გაღიზიანება, წვა, არასპეციფიური კონიუნქტივიტი, კონიუნქტივალური ჰიპერემია.

ჭარბი დოზა:

პრეპარატის დოზა უნდა შემცირდეს, უნდა გაიზარდოს ინტერვალი თვალის წვეთების გამოყენებათა შორის ან შეწყდეს პრეპარატის გამოყენება.

ურთიერთქმედება სხვა წამლებთან:

ნოვოკაინთან და დიკაინთან ერთად გამოყენების დროს მცირდება პრეპარატის ბაქტერიოსტატული ეფექტი. ვერცხლის მარილებთან ერთად მისი გამოყენებისას აღინიშნება ნატრიუმის სულფაცილის შეუთავსებლობა.

განსაკუთრებული მითითებები:

პაციენტებში ინდივიდუალური ჰიპერმგრძნობელობით ფუროსემიდის, თიაზიდური დიურეზულების, სულფონილშარდოვანას ან კარბოანჰიდრაზას ინჰიბიტორების მიმართ შესაძლოა გამოვლინდეს ჰიპერმგრძნობელობა ნატრიუმის სულფაცეტამიდის მიმართ.

გაფრთხილებები:

ხანგრძლივი გამოყენებისას შესაძლებელია: პრეპარატის მიმართ უგრძნობი მიკროორგანიზმების მომატება, სოკოების ჩათვლით; ბაქტერიული მდგრადობის განვითარება.

ვარგისიანობის ვადა:

2 წელი.

შენახვა:

ინახება 8-25°C ტემპერატურაზე.

გამოშვების ფორმა:

პოლიეთილენის 5 მლ ფლაკონ-საწვეთურები.

აფთიაქიდან გაცემის პირობები:

რეცეპტის გარეშე.

საერთაშორისო დასახელება:

ALBUMIN HUMAN

მწარმოებელი: KEDRION

მოქმედი ნივთიერება: ალბუმინი

შემადგენლობა და გამოშვების ფორმა:

საინფუზიო ხსნარი 20%: ფლაკონში 10 მლ, 50 მლ და 100 მლ

1 მლ

ალბუმინი ადამიანის ........... 200მგ

ვრცლად ალბუმინი