ქვეყანა: ინდოეთი

მწარმოებელი: ალიანს ბიოსაიენს

გაცემის ფორმა: III ჯგუფი ურეცეპტო

შემადგენლობა

რას შეიცავს Ibuprofen-Grindeks- ი
- აქტიურ ნივთიერებას – იბუპროფენს (Ibuprofenum). 
ერთი გარსით დაფარული ტაბლეტი შეიცავს იბუპროფენის 400 მგ-ს.
- სხვა კომპონენტები:
ტაბლეტის ბირთვი: სიმინდის სახამებელი, მიკროკრისტალური ცელულოზა, ნატრიუმის კროსკარმელოზა, სტეარინის მჟავა, სილიციუმის უწყლო კოლოიდური დიოქსიდი (აეროსილ 200). 

ტაბლეტის გარსი: საღებავი ოპადრაი 33G28707 თეთრი (ჰიდროქსიპროპილმეთილცელულოზა (ჰიპრომელოზა), ტიტანის დიოქსიდი (E 171), ლაქტოზის მონოჰიდრატი, პოლიეთილენგლიკოლი 3000 (მაკროგოლი), ტრიაცეტინი; კარნაუბის ცვილი.

Ibuprofen-Grindeks- ის აღწერილობა და შეფუთვა
თეთრი ან თეთრი მორუხო ელფერით, მრგვალი, გარსით დაფარული ტაბლეტები ორმხრივად ამობურცული ზედაპირებით.
10 ტაბლეტი ბლისტერში, მუყაოს ყუთში მოთავსებულია 1, 2 ან 3 ბლისტერი.
შეფუთვების ყველა სახე შეიძლება არ იყოს ხელმისაწვდომი ბაზარზე.

Ibuprofen-Grindeks ამცირებს ტკივილს, ამცირებს ციებ-ცხელებას, გაწითლებას, შეშუპებას.
მას იყენებენ შემდეგ შემთხვევებში:
- სხვადასხვა სახის მსუბუქი და საშუალო ტკივილების მოკლე ხნით გაყუჩებისთვის, მაგალითად, თავის ტკივილი, კბილის ტკივილი, კუნთის ტკივილები, სახსრების ტკივილები.
- პირველადი მენსტრუალური ტკივილების სიმპტომატური მკურნალობისთვის. - ციებ-ცხელების დაქვეითებისთვის.
მკურნალობის რეკომენდირებული ხანგრძლივობა შეადგენს 3-10 დღეს.

გაურკვევლობის შემთხვევაში ჰკითხეთ ექიმს ან ფარმაცევტს.
მოზრდილები და ბავშვები 12 წლიდან: 1 ტაბლეტი (400 მგ) დღეში 1-3-ჯერ.
სადღეღამისო დოზამ არ უნდა გადააჭარბოს 3 ტაბლეტს (1200 მგ).
მენსტრუალური ტკივილები: 1 ტაბლეტი (400 მგ). შეგიძლიათ განმეორებით მიიღოთ ყოველ 6-8 საათში.
ასაკოვანმა პაციენტებმა და თირკმლის ან ღვიძლის უკმარისობის მქონე პაციენტებმა უნდა მიიღონ შეძლებისდაგვარად ნაკლები დოზა.
ღვიძლის ან თირკმლის მოქმედების მსუბუქი ან საშუალო დარღვევების მქონე პაციენტებისთვის დოზის შემცირება აუცილებელი არ არის.
კუჭ-ნაწლავის ტრაქტის მოქმედების დარღვევისას წამალი უნდა მიიღოთ საკვების მიღებასთან ერთად ან მიაყოლოთ რძე.
წამალი დანიშნულია მოკლევადიანი გამოყენებისთვის. ტკივილის შემცირების მიზნით. Iბუპროფენ-Gრინდეკს-ის 400 მგ გარსით დაფარულ ტაბლეტებს იყენებენ არაუმეტეს 10 დღის განმავლობაში, ციებ-ცხელების მკურნალობისთვის – არაუმეტეს 3 დღის განმავლობაში.
თუ ექიმმა დაგინიშნათ სხვა დოზების გამოყენება, უნდა დაიცვათ ექიმის მითითებები.

სხვა წამლების მსგავსად, Ibuprofen-Grindeks- ს შეუძლია გამოიწვიოს გვერდითი ეფექტები, თუმცა ისინი ყოველთვის არ ვლინდება.
გვერდითი ეფექტების სიხშირის კლასიფიკაცია:
ძალიან ხშირად – 10 პაციენტიდან ერთი ან ერთზე მეტი;
ხშირად – 10 პაციენტიდან ერთზე ნაკლები, მაგრამ 100 პაციენტიდან ერთზე მეტი. უფრო იშვიათად - 100 პაციენტიდან ერთზე ნაკლები, მაგრამ 1 000 პაციენტიდან ერთზე მეტი.
იშვიათად - 1000 პაციენტიდან ერთზე ნაკლები, მაგრამ 10 000 პაციენტიდან ერთზე მეტი.
ძალიან იშვიათად – 10 000 პაციენტიდან ერთზე ნაკლები, ცალკეული შეტყობინებების ჩათვლით.
ყველაზე ხშირად გვხდება შემდეგი არასასურველი გვერდითი ეფექტები – კუჭ-ნაწლავის ტრაქტის მოქმედების დარღვევები. შეიძლება გამოვლინდეს გაღიზიანებული კუჭ-ნაწლავის ტრაქტის ნიშნები: გულისრევა, ღებინება, ტკივილები მუცლის არეში, ფაღარათი ან ყაბზობა, პეპტიური წყლულის გამწვავება. გვერდითი ეფექტები ჩვეულებისამებრ არ არის ძლიერ გამოხატული და ქრება.
იშვიათად არის შესაძლებელი კუჭის წყლული, სისხლდენა და კუჭ-ნაწლავის ტრაქტის პერფორაცია.
თუ განავალი შავი ფერისაა ან სისხლიანი, შეწყვიტეთ მკურნალობა და დაუყოვნებლივ მიმართეთ ექიმს.
Ibuprofen-Grindeks-ის მსგავსი წამლების გამოყენება, შეიძლება დაკავშირებული იყოს გულის შეტევის (მიოკარდის ინფარქტი) ან თავის ტვინში სისხლის მიმოქცევის დარღვევის (ინსულტი) ოდნავ მომატებულ რისკთან.
უფრო იშვიათად ვლინდება თავის ტკივილები, ნერვოზულობა, უძილობა, ძილიანობა, მხედველობის დარღვევა (ფერადი მხედველობის დარღვევა, მხედველობის ველის შეზღუდვა, მხედველობის დაქვეითება). იშვიათად შესაძლებელია ხმაური ყურებში.
ძალიან იშვიათად – ცნობიერების დარღვევები, გუნების გაუარესება.
ძალიან იშვიათ შემთხვევებში Ibuprofen-Grindeks-ს შეუძლია გამოიწვიოს თირკმლების მოქმედების დარღვევები. შარდის გამოყოფის დაქვეითება, შეშუპება, ცუდი საერთო მდგომარეობა შეიძლება იყოს განპირობებული ნეფროტიკული სინდრომით ან ინტერსტიციალური ნეფრიტით (თირკმლების ანთება), რამაც შემდგომში შეიძლება გამოიწვიოს თირკმლის მწვავე უკმარისობა. შარდში შეიძლება გამოჩნდეს სისხლი. იზრდება ფეხების შეშუპების განვითარების რისკი, განსაკუთრებით პაციენტებში მომატებული არტერიული წნევით.
ძალიან იშვიათად არის შესაძლებელი ღვიძლის მოქმედების დარღვევები (კანის, ლორწოვანი გარსის, თვალის თეთრი გარსის სიყვითლე; ღვიძლის ფერმენტების აქტიურობის ცვლილება), კუჭქვეშა ჯირკვლის ანთება.
ვლინდება კანის დაზიანება და რეაქციები: იშვიათად – გამონაყარი, ქავილი, მომატებული მგრძნობელობა ულტრაიისფერი სხივებისადმი; ძალიან იშვიათად – ბუშტუკები კანზე, შეშუპება, წყლულები (სტივენს-ჯონსონის სინდრომი, ექსუდაციური მულტიფორმული ერითემა, ლაიელის სინდრომი).
თუ გამოჩნდა გამონაყარი, ლორწოვანი გარსის დაზიანება ან მომატებული მგრძნობელობის ნებისმიერი სხვა ნიშნები, უნდა შეწყვიტოთ წამლის გამოყენება და მიიღოთ ექიმის კონსულტაცია.
ცალკეულ შემთხვევაში არსებობდა შეტყობინებები ასთმის შეტევების შესახებ არტერიული წნევის შემცირებასთან ერთად ან მის გარეშე.
წითელი მგლურით დაავადებულ პაციენტებში (აუტოიმუნური დაავადება შემდეგი სიმპტომებით: გამონაყარი სახეზე, მომატებული მგრძნობელობა მზის სხივებისადმი, თმის ცვენა, სახსრების ანთება, სისხლის შემადგენლობის ცვლილება და ზოგადი მდგომარეობის გაუარესება), ძალიან იშვიათ შემთხვევებში შეიძლება გამოჩნდეს ტვინის გარსის ანთება და/ან მხედველობის დარღვევები. ასეთ შემთხვევებში წამლის გამოყენება უნდა შეწყვიტოთ.
ძალიან იშვიათ შემთხვევებში Ibuprofen-Grindeks- ს შეუძლია გამოიწვიოს სისხლის შემადგენლობის ცვლილება, მაგალითად, ანემია (სისხლნაკლებობა), ლეიკოპენია, აგრანულოციტოზი და თრომბოციტოპენია (სისხლში სისხლის თეთრი უჯრედების, სისხლის სხეულაკების ან თრომბოციტების რაოდენობის შემცირება). ჩამოთვლილი დაავადებების ზოგადი ნიშნებია: დაღლილობა, თავის ტკივილები, თავბრუსხვევა, საერთო სისუსტე, ციებ-ცხელება. ანემიის ზოგადი ნიშნებია: გულის მოქმედების აჩქარება, სუნთქვის გართულება, ხანდახან ტკივილები და სიმძიმის შეგრძნება მკერდის არეში, მომატებული აღგზნებულობა, განმეორებადი აპათია, ხმაური ყურებში, “წერტილები” თვალების წინ, კანისა და ლორწოვანი გარსების სიმკრთალე. ლეიკოპენიისა და აგრანულოციტოზის დროს შეიძლება დაიწყოს კანისა და ლორწოვანი გარსების ინფექციები. თრომბოციტოპენიის დროს შესაძლებელია მცირე სისხლჩაქცევები კანში და ლორწოვან გარსში.
ასაკოვან პაციენტებში უფრო ხშირად ვლინდება აას-ს არასასურველი გვერდითი ქმედებები, განსაკუთრებით სისხლდენა და კუჭ-ნაწლავის ტრაქტის პერფორაცია, რამაც შეიძლება გამოიწვიოს სიკვდილი, ამიტომ ასაკოვანი პაციენტებისთვის აუცილებელია ექიმის განსაკუთრებით მკაცრი ზედამხედველობა.
წამლის არასასურველი გვერდითი ეფექტები შეიძლება შეამციროთ, თუ გამოიყენებთ უფრო ნაკლებ ეფექტურ დოზას, რომელიც აუცილებელია სიმპტომების კონტროლისთვის, რაც შეიძლება მოკლე დროის განმავლობაში.
თუ შეამჩნიეთ ნებისმიერი გვერდითი ეფექტები, რომელიც არ არის აღნიშნული ამ ინსტრუქციაში ან რომელიმე აღნიშნული გვერდითი ქმედება თქვენთან ვლინდება, გთხოვთ მოუყვეთ ამის შესახებ ექიმს ან ფარმაცევტს.

არ გამოიყენოთ Ibuprofen-Grindeks შემდეგ შემთხვევებში:
- თუ გაქვთ ალერგია (მომატებული მგრძნობელობა) აქტიური ნივთიერება – იბუპროფენისადმი, აცეტილსალიცილის მჟავისადმი, სხვა არასტეროიდურ ანთებისსაწინააღმდეგო საშუალებისადმი (აას) (მაგალითად, ინდომეტაცინი, დიკლოფენაკის ნატრიუმის მარილები და სხვ.) ან Ibuprofen-Grindeks- ის რომელიმე სხვა კომპონენტისადმი.
- თუ გაქვთ ან გქონდათ ბრონქოსპაზმი, ბრონქიალური ასთმა, აგრეთვე ჭინჭრის ციებ-ცხელება და რინიტი აცეტილსალიცილის მჟავისა ან სხვა აას-ს გამოყენების დროს.
- თუ ადრე გქონდათ სისხლდენა ან კუჭ-ნაწლავის ტრაქტის პერფორაცია, რომელიც დაკავშირებული იყო აას-ს გამოყენებასთან.
- თუ არსებობს აქტიური პეპტიკური წყლული/სისხლდენა ან აღნიშნული დარღვევები უფრო ადრე გხვდებოდათ (წყლულის ან სისხლდენის ორი ან უფრო მეტი დამტკიცებული ეპიზოდი)
- თუ არსებობს გულის მძიმე უკმარისობა
- თუ არსებობს ღვიძლის ან/და თირკმლის მძიმე უკმარისობა
- თუ არსებობს მხედველობითი ნერვის დაზიანება
- თუ არსებობს უცნობი წარმოშობის სისხლის შედედების დარღვევები
- თუ არსებობს უცნობი წარმოშობის სისხლის დაავადებები
- თუ ორსულად ხართ
- თუ ღებულობთ ლიტიუმის პრეპარატებს (წამლები ფსიქიკური დარღვევების მკურნალობისთვის) ან ციკლოოქსიგენაზის-2 ინჰიბიტორებს (აას, მაგალითად, ნიმესულიდი, ცელეკოკსიბი).
თუ თქვენ გაგაჩნიათ რომელიმე ზემოთაღნიშნული დაავადება ან მდგომარეობა, შეატყობინეთ ამის შესახებ ექიმს ამ წამლის გამოყენებამდე.

Ibuprofen-Grindeks- ის გამოყენებისას განსაკუთრებული სიფრთხილე აუცილებელია შემდეგ შემთხვევებში:
- თუ არსებობს სისხლდენა
- ღვიძლის და/ან თირკმლის მოქმედების დარღვევა
- პაციენტებისთვის, რომლებსაც წინათ ჰქონდათ ნაწლავის ანთება (მსხვილი ნაწლავის წყლულოვანი ანთება, კრონის დაავადება)
- თუ ერთდროულად იყენებთ ანტიკოაგულანტებს (წამლები, რომლებიც აფერხებენ სისხლის შედედებას),
- ასაკოვანი პაციენტებში
- თუ არსებობს ინდუცირებული პორფირია
- თუ არსებობს სისტემური წითელი მგლურა ან შემაერთებელი ქსოვილების შერეული დაავადება.
პაციენტებში ასტმით, სასუნთქი გზების ქრონიკული ობსტრუქციული დაავადებით (სასუნთქი გზების შევიწროებით), თივის ცხელებით, ცხვირის ლორწოვანი გარსის ქრონიკული შეშუპებით (ცხვირის ღრუს პოლიპები) ან სასუნთქი გზების ქრონიკული ინფექციით (თივის ცხელების სიმპტომებით), იბუპროფენს შეუძლია გამოიწვიოს ასტმის შეტევა, რბილი ქსოვილების შეშუპება (ენის, სახის, ყელის და საყლაპავი მილის) ან ჭინჭრის ციებ-ცხელება. მხედველობის დარღვევის გაჩენისას წამლის გამოყენება უნდა შეწყვიტოთ.
ყველა ჩამოთვლილი შემთხვევა უნდა იყოს გარჩეული ექიმთან ერთად!
Ibuprofen-Grindeks- ის გამოყენების დროს თირკმლის ფუნქციის დარღვევის მქონე პაციენტებთან რეგულარულად უნდა აკონტროლოთ თირკმლების ფუნქცია და შეძლებისდაგვარად გამოიყენოთ უფრო მცირე ეფექტური დოზა. იბუპროფენის ხანგრძლივად გამოყენების დროს უნდა აკონტროლოთ აგრეთვე ღვიძლის ფუნქციების მაჩვენებლები და სისხლდენა.
ისეთი წამლების გამოყენება, როგორიც, მაგალითად, Ibuprofen-Grindeks- ია, შეიძლება დაკავშირებული იყოს გულის შეტევის (მიოკარდის ინფარქტის) ოდნავ მომატებულ რისკთან ან თავის ტვინის სისხლის მიმოქცევის დარღვევასთან (ინსულტი). თუ წამალი გამოიყენება დიდი დოზებით და ხანგრძლივად, შესაძლოა აღნიშნული დარღვევების უფრო მაღალი რისკი.
არ გამოიყენოთ წამალი უფრო დიდი დოზით და უფრო ხანგრძლივად, ვიდრე რეკომენდირებულია.
თუ გაგაჩნიათ გულის მოქმედების დარღვევები, გადაიტანეთ ინსულტი ან თვლით, რომ გაგაჩნიათ აღნიშნული დარღვევების რისკი (მომატებული არტერიული წნევა, შაქრიანი დიაბეტი, ქოლესტერინის მაღალი დონე ან თუ ეწევით), აუცილებლად გაიარეთ კონსულტაცია ექიმთან ან ფარმაცევტთან.

ნებისმიერი წამლის გამოყენებამდე გაიარეთ კონსულტაცია ექიმთან ან ფარმაცევტთან.
ორსულობისას წამლის მიღება არ შეიძლება, რადგანაც არ არსებობს საკმარისი მონაცემები გამოყენების უსაფრთხოების შესახებ.
დედის რძეში გამოიყოფა აქტიური ნივთიერების – იბუპროფენის – ძალიან მცირე დოზა, რომელიც აშკარად არ უქმნის საფრთხეს ჩვილს. შეიძლება მოკლევადიანი გამოყენება ტკივილებისას ან ციებ-ცხელების დროს დედისთვის სარგებლის და ბავშვისთვის რისკის შეფასების შემდეგ. ხანგრძლივი გამოყენების ან დიდი დოზების მიღების დროს რეკომენდირებულია შეწყვიტოთ ბავშვის ძუძუთი კვება.
არსებობს მტკიცებულება იმისა, რომ იბუპროფენის მსგავსი წამლების მიღებას შეუძლიათ დააქვეითონ ქალის ნაყოფიერება. მკურნალობის შეწყვეტისას ეფექტი ქრება.

ტრანსპორტის მართვა და მექანიზმების მომსახურეობა
პაციენტებისთვის, რომლებსაც აქვთ თავბრუსხვევები და ცენტრალური ნერვული სისტემის სხვა დარღვევები, არ შეიძლება ტრანსპორტის მართვა და მექანიზმების მომსახურეობა.

მნიშვნელოვანი ინფორმაცია Ibuprofen-Grindeks- ის რომელიმე კომპონენტის შესახებ Ibuprofen-Grindeks- ის ტაბლეტის გარსი შეიცავს ლაქტოზას. თუ თქვენ გაგაჩნიათ რომელიმე შაქრის აუტანლობა, ამ პრეპარატის მიღებამდე გაიარეთ კონსულტაცია ექიმთან.

სიმპტომები: თავის ტკივილები, თავბრუსხვევა, გაბრუება, გონების დაკარგვა, ასევე ტკივილები მუცლის არეში, გულისრევა და ღებინება, სისხლში კალიუმის მომატებული დონე, ორგანიზმის ქსოვილებში რეაქციის ცვლილება სიმჟავისკენ, რომელიც გამოწვეულია ნივთიერებათა ცვლის მჟავე პროდუქტების დაგროვებით, სხეულის ტემპტერატურის გაზრდა, სუნთქვის უკმარისობა, კომა.
მკურნალობა: სიმპტომური. აუცილებლობის შემთხვევაში უნდა ამორეცხოთ კუჭი, უნდა მოახდინოთ სისხლის პლაზმაში ელექტროლიტების შემადგენლობის კორექცია. სპეციფიკური ანტიდოტი არ არსებობს. ძლიერო მოწამვლის დროს პაციენტი დაუყოვნებლივ უნდა გადაიყვანოთ საავადმყოფოში. დოზის გადაჭარბების დროს დაუყოვნებლივ უნდა მიმართოთ ექიმს!

თუ დაგავიწყდათ Ibuprofen-Grindeks- ის მიღება
არ მიიღოთ ორმაგი დოზა, რომ შეანაცვლოთ დავიწყებული დოზა.

თუ შეწყვიტეთ Ibuprofen-Grindeks-ის გამოყენება
არ არსებობს მონაცემები არასასურველი რეაქციების შესახებ

შეატყობინეთ ექიმს ან ფარმაცევტს ყველა იმ პრეპარატის შესახებ, რომელსაც იყენებთ ან იყენებდით ბოლო დროს, მათ შორის არარეცეპტორული პრეპარატების შესახებ.
Ibuprofen-Grindeks- ს შეუძლია შემდეგი წამლების მოქმედების შემცირება:
- დიურეტიკული საშუალებები ან ნივთიერებები, რომლებიც აძლიერებენ შარდის გამოყოფას (მაგალითად, ჰიდროქლორტიაზიდი, ფუროსემიდი და სხვ.)
- წამლები, რომლებიც ამცირებენ მომატებულ წნევას, მათ შორის ეგრეთ წოდებული ანგიოტენზინ-გარდაქმნელი ფერმენტის (აგფ) ინჰიბიტორები.
- მიფეპრისტონი (არ გამოიყენოთ იბუპროფენი 8-12 დღის განმავლობაში მიფეპრისტონის გამოყენების შეწყვეტის Dშემდეგ).
Ibuprofen-Grindeks- ს შეუძლია შემდეგი წამლების მოქმედების გაძლიერება:
- ლიტიუმის მარილები, რომელსაც იყენებენ ფსიქიკური დარღვევების მკურნალობისთვის,
- მეტოტრექსატი, რომელსაც იყენებენ ქიმიოთერაპიისას, აგრეთვე სხვადასხვა სახეობის ართრიტის მკურნალობისთვის.
- მიორელაქსანტი ბაკლოფენი
- სულფონილურინების წარმოებულები – დიაბეტის სამკურნალო საშუალებები
- გულის გლიკოზიდები
იბუპროფენის გამოყენება ასპირინთან ერთად (მცირე დოზების გარდა, არა უმეტეს 75 მგ. დღეში, ექიმის დანიშნულებით) ზრდის არასასურველი გვერდითი ქმედებების რისკს.
არ შეიძლება ორი ან მეტი აას-ს გამოყენება, რადგანაც არასასურველი გვერდითი ქმედებების რისკი იზრდება.
ექსპერიმენტალური კვლევები ადასტურებს, რომ ასპირინის მცირე დოზასთან ერთად იბუპროფენს გამოყენების დროს მას შეუძლია შეაფერხოს ასპირინს ზემოქმედება სისხლის უჯრედებზე. თუმცა ეს მონაცემები არ ეხება კლინიკურ შემთხვევებს.
ანტიკოაგულანტების (კუმარინის, ჰეპარინის ტიპის ანტიკოაგულანტები) და იბუპროფენის ერთდროული მიღება ზრდის სისხლდენის და სისხლჩაქცევების განვითარების რისკს.
იბუპროფენის ანტითრომბულ საშუალებებთან და სეროტონინის უკუმიტაცების სელექტიურ ინჰიბიტორებთან (დეპრესიის მკურნალობისთვის განკუთვნილი წამლები) ერთდროულად მიღება ზრდის კუჭ-ნაწლავის ტრაქტიდან სისხლდენის რისკს.
აგფ -ს ინჰიბიტორები და II ანგიოტენზინის ანტაგონისტები (არტერიული წნევის შემამცირებელი წამლები) ზრდიან თირკმლის უკმარისობის და ჰიპერკალიემიის (სისხლში კალიუმის მომატებული დონე) რისკს.
ანტიდეპრესანტი მოკლობემიდი აძლიერებს იბუპროფენის მოქმედებას.
ტრანსპლანტირებული ქსოვილების ან ორგანოების შეუთავსებლობის თავიდან აცილებისთვის დანიშნულ წამალთან - ციკლოსპორინთან ერთად იბუპროფენის გამოყენებისას შეიძლება გაიზარდოს თირკმლების დაზიანებების განვითარების რისკი.
აცეტილსალიცილის მჟავასთან ერთდროულად მიღებისას იბუპროფენის მოქმედება მცირდება.
შარდმდენი წამლის – ტრიამტერენის და იბუპროფენის ერთდროულმა მიღებამ შეიძლება გამოიწვიოს თირკმლის მწვავე უკმარისობა.
იბუპროფენისა და გლიკოკორტიკოიდების, პენტოქსიფილინის, ალკოჰოლის ან სხვა არასტეროიდული ანთებისსაწინააღმდეგო საშუალებების ერთდროულმა მიღებამ შესაძლოა გააძლიეროს გვერდითი ქმედებების განვითარების რისკი, რომელიც ეხება საკვების მომნელებელ ტრაქტს (იხილეთ მე4 პუნქტი).
ქინოლონის ჯგუფის ანტიბაქტერიული საშუალებები ზრდიან კრუნჩხვების განვითარების რისკს.
ანტივირუსული პრეპარატი ზიდოვუდინთან კომბინაცია ზრდის ტოქსიურობის რისკს, მაგრამ ანტივირუსული საშუალება რიტონავირი, შესაძლოა, ზრდის აას-ს კონცენტრაციას სისხლში.
იბუპროფენის გამოყენება არ შეიძლება ლიტიუმის პრეპარატებთან ერთად.

Ibuprofen-Grindeks- ის საკვებთან ერთად გამოყენება
წამლის გამოყენება არ არის დამოკიდებული საკვების მიღებაზე.
კუჭ-ნაწლავის ტრაქტის მოქმედების დარღვევისას წამალი უნდა გამოიყენოთ საკვების მიღების დროს ან მიაყოლოთ რძე.

შეინახეთ არაუმეტეს 25oC ტემპერატურაზე.
შეინახეთ ორიგინალურ შეფუთვაში სინათლისგან დაცულ ადგილას.
შეინახეთ ბავშვებისთვის მიუწვდომელ და უხილავ ადგილას.
არ გამოიყენოთ Ibuprofen-Grindeks-ი ყუთზე აღნიშნული ვარგისიანობის ვადის გასვლის შემდეგ. ვარგისიანობის ვადა ეხება აღნიშნული თვის ბოლო დღეს.
წამლის გადაგდება არ შეიძლება სამეურნეო ნარჩენებთან ერთად ან კანალიზაციაში. არასაჭირო წამლის ლიკვიდაციის შესახებ ჰკითხეთ ფარმაცევტს. ამ ღონისძიებებით შესაძლოა გარემოს დაცვა.

ლოპერამიდი
LOPERAMID

სავაჭრო დასახელება: Loperamide
საერთაშორისო არაპატენტირებული დასახელება: Loperamide
ქიმიური დასახელება: 4-(4-ქლორფენილ)-4-ჰიდროქსი-N,N-დიმეთილ-α,α-დიფენილ-1-პიპერიდინის ბუტანამიდი (ჰიდროქლორიდის სახით)

სამკურნალო ფორმა: კაფსულები

შემადგენლობა:
1 კაფსულა შეიცავს:
აქტიური ნივთიერება: ლოპერამიდის ჰიდროქლირიდი-2მგ
დამხმარე ნივთიერებები: ლაქტოზა, სიმინდის სახამებელი, მაგნიუმის სტეარატი.
კაფსულა: კორპუსი: ტიტანის დიოქსიდი (E 171), პატენტირებული ლურჯი V (E 131), ალისფერი 4R (E 124), ჟელატინი. სახურავი: ტიტანის დიოქსიდი (E 171), პატენტირებული ლურჯი V (E 131), ქინოლინის ყვითელი (E 104), რკინის ყვითელი ოქსიდი (E 172),ჟელატინი.
აღწერილობა: მკვრივი ჟელატინის კაფსულები. კორპუსი ღია იისფერი, სახურავი მუქი მწვანე, კაფსულების შიგთავსი- თეტრი ფერის ფხვნილი.

ფარმაკოთერაპიული ჯგუფი: ATX: A07DA03
დიარეის საწინააღმდეგო საშუალება

ფარმაკოლოგიური თვისებები:
აქვეითებს ნაწლავების გლუვი კუნთების ტონუსს და მოტორიკას, აფერხებს ნაწლავების შიგთავსის პასაჟს, ამცირებს სითხის და ელექტროლიტების გამოყოფას განავალთან ერთად. აძლიერებს ანალური სფინქტერის ტონუსს. მოქმედება იწყება სწრაფად და გრძელდება 4-6 საათის განმავლობაში.

ფარმაკოკინეტიკა:
აბსორბცია – 40%. პლაზმის ცილებთან კავშირი შეადგენს 97%-ს. ნახევრად გამოყოფის პერიოდი შეადგენს დაახლოებით 9-14 საათს. არ გადის ჰემატოენცეფალურ ბარიერს. მეტაბოლიზმს განიცდის ღვიძლში კონიუგაციის გზით. გამოიყოფა უპირატესად ნაღველთან და შარდთან ერთად.

ჩვენებები:
სხვადასხვა გენეზის მწვავე და ქრონიკული დიარეის სიმპტომატური მკურნალობა (ალერგიული, ემოციური, წამლისმიერი, სხივური; კვების რეჟიმის და საკვების შემცველობის ხარისხის დარღვევა; მეტაბოლიზმის და შეწოვის პროცესის დარღვევა; როგორც დამატებითი საშუალება ინფექციური წარმოშობის დიარეის სამკურნალოდ).
დეფეკაციის რეგულირება პაციენტებში ილეოსტომით.

უკუჩვენებები:
მომატებული მგრძნობელობა პრეპარატის მიმართ, დივერტიკულოზი, ნაწლავთა გაუვალობა, წყლულოვანი კოლიტი გამწვავების სტადიაში, დიარეა მწვავე ფსევდომემბრანული კოლიტის ფონზე, მონოთერაპიის სახით- დიზენტერია და კუჭ-ნაწლავის ტრაქტის სხვა ინფექციები, ორსულობის I ტრიმესტრი და ლაქტაციის პერიოდი.
ლოპერამიდი არ ინიშნება 6 წლამდე ასაკის ბავშვებში.
სიფრთხილით- ღვიძლის უკმარისობის დროს.

მიღების წესი და დოზირება:
მოზრდილებში მწვავე და ქრონიკული დიარეის დროს ენიშნებათ დასაწყისში 2 კაფსულა (4მგ), ხოლო შემდგომ 1 კაფსულა (2მგ) თხიერი განავლის შემთხვევაში ყოველი დეფეკაციის შემდეგ. პრეპარატის მაქსიმალური სადღეღამისო დოზა შეადგენს 8 კაფსულას (16მგ).
ბავშვებს 6 წლის ასაკის ზემოთ ენიშნებათ 1 კაფსულა (2მგ) თხიერი განავლის შემთხვევაში ყოველი დეფეკაციის დროს. მაქსიმალური სადღეღამისო დოზა-3 კაფსულა (6მგ).
დეფექაციის ნორმალიზაციის შემდეგ ან მისი არარსებობის დროს 12 სთ-ზე მეტი ხნის განმავლობაში საჭიროა ლოპერამიდით მკურნალობის შეწყვეტა.

გვერდითი მოვლენები:
შესაძლებელია თავის ტკივილი,  გასტრალგია, პირის სიმშრალე, ალერგიული რეაქციები (კანზე გამონაყარი), ძილიანობა ან უძილობა, თავბრუსხვევა, ნაწლავური კოლიკა, გულისრევა, ღებინება. ძალზე იშვიათად- ნაწლავური გაუვალობა.

ჭარბი დოზირება:
სიმპტომები: ც.ნ.ს-ის დათრგუნვის ნიშნები (სტუპორი, მოძრაობის კოორდინაციის დარღვევა, ძილიანობა, მიოზი, ჩონჩხის კუნთების ტონუსის მომატება,სუნთქვის დათრგუნვა), ნაწლავების გაუვალობა.
მკურნალობა: ანტიდოტი- ნალოქსონი, ვინაიდან ლოპერამიდის მოქმედების ხანგრძლივობა მეტია ვიდრე ნალოქსონის, შესაძლებელია ნალოქსონის განმეორებითი შეყვანა. სიმპტომური მკურნალობა: კუჭის ამორეცხვა, გააქტივებული ნახშირის მიღება, ფილტვების ხელოვნური ვენტილაცია. საჭიროა  სამედიცინო კონტროლი 48სთ-ის განმავლობაში.

სიფრთხილე:
თუ ლოპერამიდით მკურნალობის ფონზე 2 დღეში არ მიიღწევა ეფექტი, საჭიროა დიაგნოზის დაზუსტება და ინფექციური დიარეის გამორიცხვა.
       
გამოშვების ფორმა:
N10 კაფსულა ბლისტერში, შეფუთვაში 1 ბლისტერი ინსტრუქციასთან ერთად.
 
შენახვის პირობები:
არა უმეტეს 25°C ტემპეტატურაზე. ინახება ბავშვებისთვის მიუწვდომელ ადგილას.

შენახვის ვადა:
5 წელი. არ გამოიყენოთ შეფუთვაზე მითითებული ვადის ამოწურვის შემდეგ!

გაცემის პირობები:
გაიცემა ურეცეპტოთ.

მწარმოებელი:
ს.ს ”გრინდეკსი” კრუსტპილსის ქ. 53, რიგა, LV-1057 ლატვია
ტელეფონი: +371 7083205; ფაქსი: +371 7083505

იბუპარ ფორტე
400მგ, გარსით დაფარული ტაბლეტები
Ibupar forte
(Ibuprofenum)

1 ტაბლეტი შეიცავს მოქმედ ნივთიერებას:
იბუპროფენი 400მგ
და დამხმარე ნივთიერებებს:
გული: მიკროკრისტალური ცელულოზა (101), კარტოფილის სახმებელი (სახეობა Superior standard), უწყლო კოლოიდური კაჟბადის დიოქსიდი, ნატრიუმის კროსკარმელოზა, პოლივინილის სპირტი, ნატრიუმის ლაურილსულფატი, ნატრიუმის სტეარილფუმარატი.
გარსის შემადგენლობა: მაკროგოლი (4000), ჰიპრომელოზა (E 5), ჰიდროქსიპროპილცელულოზა, ნარინჯისფერ ყვითელი ლაქი (E110), ბუჟღენდი წითელი (E124).

შეფუთვა:
10 ან 30 გარსით დაფარული ტაბლეტები

რეგისტრაციის მფლობელი
პაბიანიცკის ფარმაცევტული ქარხანა ღს პოლფა
95-200 პაბიანიცე, მარშ. პილსუდსკის. ქ. 5

დანართი ფურცლის შინაარსი:
1. რას წარმოადგენს სამკურნალო საშუალება იბუპარ ფორტე და რა მიზნით გამოიყენება?
2. სანამ გამოიყენებთ სამკურნალო საშუალებას იბუპარ ფორტეს
3. როგორ გამოიყენოთ სამკურნალო საშუალება იბუპარ ფორტე?
4. შესაძლო არასასურველი მოვლენები
5. სამკურნალო საშუალების იბუპარ ფორტეს შენახვის პირობები
6. დამატებითი ინფორმაცია

1. რას წარმოადენს სამკურნალო საშუალება იბუბარ ფორტე და რა მიზნით გამოიყენება?
იბუპარ ფორტე არის არასტეროიდული ანთებისსაწინააღმდეგო სამკურნალო საშუალება, აქვს სუსტიდან საშუალო ხარისხამდე ანალგეზიური მოქმედება, ასევე სიცხის დამწევი მოქმედება.
იბუპროფენი შეიწოვება კუჭ-ნაწლავის ტრაქტიდან. იბუპროფენის მაქსიმალური კონცენტრაცია სისხლის შრატში მიიღწევა შიგნით მიღებიდან 1-2 საათში. ანალგეზიური მოქმედება ვლინდება შიგნით მიღებიდან დაახლოებით 30 წუთში. ანალგეზიური მოქმედების დრო შეადგენს 4-6 საათს, ხოლო სიცხის დამწევი - 6-8 საათს. საკვები და ანტაციდური სამკურნლო პრეპარატები არ ანელებენ იბუპროფენის შეწოვას.

მიღების ჩვენებები:
- სხვადასვა წარმოშობის მსუბუქი და საშუალო ინტენსივობის ტკივილი, მაგ. თავის ტკივილი, შაკიკის ჩათვლით, კბილის ტკივილი, მიალგიები, ოსტეოართრალგიები, პოსტტრავმული ტკივილი, ნევრალგიები, ტკივილის სინდრომი გაციებისა და გრიპისას.
- სხვადასვა წარმოშობის ცხელება (კერძოდ გაციების და გრიპისას)
- ალგოდისმენორეა.

2. სანამ მიიღებთ სამკურნალო საშუალება იბუპარ ფორტეს
არ მიიღოთ სამკურნალო საშუალება იბუპარ ფორტე შემდეგ შემთხვევებში:
•    მომატებული მგრძნობელობა იბუპროფენის ან რომელიმე დამხმარე ნივთიერების მიმართ.
•    კუჭის და (ან) თორმეტგოჯა ნაწლავის წყლულოვანი დაავადება გამწვვების ფაზაში ან ანამნეზში, პერფორაცია ან სისხლდენა, მათ შორის განვითარებული აასს-ის გამოყენების შემდგომ.
•    ღვიძლის მძიმე უკმარისობის, თირკმლის მძიმე უკმარისობის ან გულის მძიმე უკმარისობის დროს.
•    ამჟამად ან ანამნეზში ალერგიის სიმპტომების არსებობისას რინიტის, ჭინჭრის ციების ან ბრონქული ასთმის ფორმით, რომელიც დაკავშირებული იყო აცეტილსალიცილის მჟავის ან სხვა არასტეროიდული ანთებისსაწინააღმდეგო სამკურნალო საშუალებების მიღებასთან.
•    ორსულობის ბოლო ტრიმესტრი.
•    სხვა ანთებისსაწინააღმდეგო არასტეროიდულ სამკურნალო საშუალებებთან ერთად, მათ შორის ცოგ-2-ის სელექტიურ ინჰიბიტორებთან (გვერდითი მოვლენების განვითარების მომატებული რისკი).
•    ჰემორაგიული დიათეზი.

დაიცავით განსაკუთრებული სიფრთხილე იბუპარ ფორტეს მიღებისას:
არსებობს კუჭ-ნაწლავის ტრაქტიდან სისხლდენის, ასევე დაწყლულების ან პერფორაციის განვითარების რისკი, რომლებმაც შეიძლება გამოიწვიონ ლეტალური გამოსავალი და რომელთაც წინ უძღვის, ან ყოველთვის არ უძღვის სიმპტომები. კუჭ-ნაწლავის ტრაქტიდან სისხლდენის ან წყლულის განვითარებისას, აუცილებელია იბუპროფენის მიღების შეწყვეტა. პაციენტებმა კუჭ-ნაწლავის ტრაქტის დაავდებებით, განსაკუთრებით ხანდაზმულებმა, უნდა აცნობონ ექიმს საჭმლის მომნელებელი სისტემის მხრიდან ყველა არატიპიური სიმპტომის შესახებ (განსაკუთრებით სისხლდენის შესახებ), განსაკუთრებით მკურნალობის დასაწყისში. ასეთმა პაციენტებმა უნდა მიიღონ პრეპარატის რაც შეიძლება დაბალი დოზა, მინიმალურად მცირე პერიოდის განმავლობაში.
განსაკუთრებული სიფრთხილე უნდა გამოიჩინო პაციენტებმა, რომლებიც ერთდროულად იღებენ სხვა პრეპარატებს, რომლებმაც შეიძლება გაზარდონ კუჭ-ნაწლავის ტრაქტის მხრივ დარღვევების ან სისხლდენის რისკი, ისეთები როგორიცა კორტიკოსტეროიდები, ანტიკოაგულანტები, როგორიცაა აცენოკუმაროლი, ან ანტითრომბული სამკურნალო საშუალებები, კერძოდ აცეტილსალიცილის მჟავა.
ისეთი სამკურნალო საშუალების მიღება, როგორიცაა იბუპარ ფორტე, შესაძლოა ასოცირებული იყოს გულის შეტევის (მიოკარდიუმის ინფარქტი) ან ინსულტის განვითერების რისკის უმნიშვნელო მომატებასთან. ეს რისკი იზრდება სამკურნალო საშუალების მაღალი დოზებით ხანგრძლივად მიღებისას. არ შეიძლება ექიმის კინსულტაციის გარეშე მაღალი დოზების და 3 დღეზე მეტი ხნის განმავლობაში მიღება.
გულის მხრივ დარღვევების, ასევე გადატანილი ინსულტის, ან ამ შემთხვევების განვითარებაზე ეჭვის შემთხვევაში (მაგ. სისხლის მომატებული არტერიული წნევა, შაქრიანი დიაბეტი, ქოლესტერინის მომატებული დონე, მოწევა), საჭიროა ექიმის ან ფარმაცევტის კონსულტაცია მკურნლობის ოპტიმალური სახის შესახებ.
კანის რეაქციების მძიმე ფორმები, რომელთაგან ზოგიერთი სასიკვდილოა, ექსფოლიაციური დერმატიტის, სტივენს-ჯონსონის სინდრომის და ტოქსიური ეპიდერმალური ნეკროლიზის ჩათვლით, ძალიან იშვიათად იყო აღწერილი აასს ჯგუფის პრეპარატების მიღებისას. ასეთი მძიმე რეაქციების განვითერების მაქსიმალური რისკი არის თერაპიის დასაწყისში, უმეტეს შემთხვევაში მკურნალობის პირველ თვეს. კანზე გამონაყარის, ლორწოვანის დაზიანების ან მომატებული მგრძნობელობის სხვა ნიშნების გამოჩენისას, აუცილებელია სამკურნალო სასუალების მიღების შეწყვეტა.
პაციენტებში სისტემური წითელი მგლურით და შემაერთებელი ქსოვილის დაავადებებით, შესაძლოა გაიზარდოს ასეპტიური მენინგიტის განვითარების რისკი.   
პაციენტებს ბრონქული ასთმით და ალერგიული დაავადებებით, შესაძლოა განუვითარდეთ ბრონქოსპაზმი.
იბუპროფენმა შეიძლება გამოიწვიოს მხედველობის დარღვევა (მხედველობის დაბინდვა, ფერთა აღქმის დარღვევა). ასეთ შემთხვევაში საჭიროა შეწყვიტოთ პრეპარატის მიღება და მიმართოთ ექიმს.
იბუპროფენი ახდეენს ანტითრომბულ მოქმედებას. მისი მიღება მოითხოვს სიფრთხილეს პაციენტებში, სისხლის შედედების დარღვევით, რომლებიც იღებენ ანტიკოაგულანტებს.
მოცემული სამკურნალო საშუალება მიეკუთვნება პრეპარატების ჯგუფს (არასტეროიდული ანთებისსაწინააღმდეგო საშუალებები), რომლებმაც შეიძლება არასასურველი გავლენა იქონიონ ქალებში განაყოფიერებაზე. ეს ეფექტი ტრანზიტორულია და გაივლის მკურნალობის დასრულების შემდეგ.
საჭიროა სამკურნალო საშუალების მინიმლური ეფექტური დოზების მიღება დროის მინიმალურ პერიოდში, სასურველი თერაპიული შედეგის მისაღებად.

თუ იბუპროფენით მკურნალობის პერიოდში წარმოიშვება სხვა არასასურველი მოვლენები, საჭიროა პრეპარატის მიღების შეწყვეტა და ექიმთან კონსულტაცია.
საჭიროა ექიმის კონსულტაცია, იმ შემთხვევაშიც, როცა ზემოთ აღნიშნული შემთხვევები ეხება წარსულში არსებულ სიტუაციას.
სამკურნალო საშუალების იბუპარ ფორტეს გამოყენება საკვებთან და სასმელთან ერთად:
სამკურნალო საშუალება უნდა მიიღოთ ჭამის დროს ან მის შემდეგ.

განსაკუთრებული უსაფრთხოების ზომები პაციენტების ზოგიერთი ჯგუფისთვის, რომლებიც იღებენ სამკურნალო საშუალებას:
სამკურნალო საშუალების იბუპარ ფორტეს გამოყენება ბავშვებში:
სამკურნალო საშუალების გამოყენება არ შეიძლება 12 წლამდე ასაკის ბავშვებში.

სამკურნალო საშუალების იბუპარ ფორტეს გამოყენება პაციენტებში თირკმლის და (ან) ღვიძლის ფუნქციის დარღვევებით:
იბუპროფენი არ უნდა გამოიყენოთ ექიმის კონსულტაციის გარეშე.
სამკურნალო საშუალების იბუპარ ფორტეს გამოყენება ხანდაზმული ასაკის პაციენტებში:
ხანდაზმული ასაკის პაციენტებში არის გვერდითი მოვლენების განვითარების მომატებული რისკი. დოზირების შეცვლა არ არის საჭირო, თუ არ არის თირკმლის და (ან) ღვიძლის ფუნქციის დარღვევა. თირკმლის და (ან) ღვიძლის ფუნქციის დარღვევისას დოზას ადგენენ ინდივიდუალურად.

ორსულობა:
სამკურნალო საშუალების მიღებამდე საჭიროა მიმართოთ ექიმს.
იბუპროფენის გამოყენება ორსულობის პირველი 6 თვის განმავლობაში დასაშვებია მხოლოდ ექიმის დანიშნულებით.
არ არის რეკომენდირებული იბუპროფენის მიღება ორსულობის ბოლო 3 თვის განმავლობაში.

ძუძუთი კვება:
სამკურნალო საშუალების გამოყენებამდე, საჭიროა მიმართოთ ექიმს.
იბუპროფენი და მისი მეტაბოლიტები უმნიშვნელო რაოდენობით გადადის დედის რძეში. ახლშობილზე სამკურნალო საშუალების არასასურველი გავლენა, რომელსაც იღებს დედა ტკივილის სინდრომის, ან ცხელებისას რეკომენდირებული დოზებით, ნაკლებად სავარაუდოა.

სატრანსპორტო საშუალებების მართვა და მექანიზმებთან მუშაობა:
არ არსებობს ინფორმაცია სამკურნალო საშუალების ტრანსპორტის მართვასა და მექანიზმებთან მუშაობაზე გავლენის შესახებ.
მნიშვნელოვანი ინფორმაცია სამკურნალო საშუალების შემადგენელი ზოგიერთი ნივთიერებს შესახებ:
სამკურნალო საშუალება იბუპარ ფორტე შეიცავს საღებავებს - ნარინჯისფერ ყვითელი (E110), ბუჟღენდი წითელი (E124), ამიტომ მას შეუძლია გამოიწვიოს ალერგიული რეაქციები.

სხვა სამკურნალო საშუალებების გამოყენება:
საჭიროა აცნობოთ ექიმს ყველა იმ სამკურნალო საშუალების შესახებ, რომელსაც იღებდით ბოლო პერიოდში, იმათი ჩათვლით, რომლებიც გაიცემა ურეცეპტოდ.
იბუპროფენი, ისევე როგორც ანთებისსაწინააღმდეგო სხვა სამკურნალო საშუალებები, ერთდროულად არ უნდა გამოიყენოთ ქვემოთ ჩამოთვლილ პრაპარატებთან:
- აცეტილსალიცილის მჟავა ან აასს-ს ჯგუფის სხვა პრეპარატები: გვერდითი მოვლენების განვითარების რისკის ზრდა,
- ანტიჰიპერტენზიული სამკურნალო საშუალებები: აასს-ს ჯგუფის პრეპარატებმა შესაძლოა დააქვეითონ ანტიჰიპერტენზიული პრეპარატების მოქმედება,
- დიურეტიკები: არის არამრავალრიცხოვანი მტკიცებულებები დიურეტიკების მოქმედების დაქვეითების შესახებ,
- ანტიკოაგულანტები: არამრავლრიცხოვანი კლინიკური მონაცემებიდან გამომდინარე, აასს-ს ჯგუფის სამკურნალო საშუალებებმა შესაძლოა მოახდინონ იმ პრეპარატების მოქმედების პოტენცირება, რომლებიც ამცირებენ სისხლის შედედებას, აასს-ს ჯგუფის პრეპრატები აძლიერებენ ისეთი ანტიკოაგულანტების მოქმედებას, როგორიცაა აცენოკუმაროლი,
- ლითიუმი და მეტოტრექსატი: აასს-ს ჯგუფის სამკურნალო საშუალებებმა შეიძლება გამოიწვიონ სისხლის პლაზმაში როგორც ლითიუმის, ასევე მეტოტრექსატის კონცენტრაციის მომატება,
- ზიდოვუდინი: არის მტკიცებულებები ერთდროულად იბუპროფენის და ზიდოვუდინის გამოყენებისას პაციენტებში სისხლდენის დროის გახანგრძლივების შესახებ,
- კორტიკოსტეროიდები: აასს-ს ჯგუფის პრეპარატების და კორტიკოსტეროიდების ერთდროულმა მიღებამ შესაძლოა გაზარდოს გვერდითი მოვლენების განვითარების რისკი, განსაკუთრებით კუჭ-ნაწლავის ტრაქტის მხრივ,
- საგულე გლიკოზიდები: აასს-ს ჯგუფის პრეპარატებს შეუძლიათ გულის უკმარისობის სიმპტომების პროვოცირება და სისხლის პლაზმაში საგულე გლიკოზიდების კონცენტრაციის მომატება,
- მიფეპრისტონი: აასს-ს ჯგუფის პრეპარატებს, რომლებსაც იღებენ 8-12 კვირის განმავლობაში, მიფეპრისტონის შეყვანის შემდეგ, შეუძლიათ დააქვეითონ მისი ეფექტურობა,
- ციკლოსპორინი: ასსს-ს და ციკლოსპორინის ერთდროული მიღება ზრდის ნეფროტოქსიური მოქმედების რისკს,
- ქინოლინური ანტიბიოტიკები: აასს-ს და ქინოლინური ანტიბიოტიკების ერთდროული მიღება ზრდის კრუნჩხვების განვითარების რისკს.

3. როგორ მივიღოთ სამკურნალო საშუალება იბუპარ ფორტე
სამკურნალო საშუალების იბუპარ ფორტეს მიღება საჭიროა ექიმის რეკომენდაციის შესაბამისად.
ეჭვის გაჩენის შემთხვებაში, საჭიროა განმეორებით მიმართოთ ექიმს.
მოზრდილები და 12 წელზე მეტი ასაკის ბავშვები:
საწყისი დოზა შეადგენს 400 მგ-ს (1 ტაბლეტი) ერთჯერადად ან 400მგ  (1 ტაბლეტი) ყოველ 4-6 საათში, საჭიროების მიხედვით.
არ არის საჭირო 1200 მგ/დღეღამეში მეტი დოზის მიღება (3ტაბლეტი დღეღამეში).

თუ სამკურნალო საშუალების მიღების მიუხედავად, ტკივილი და ცხელება ძლიერდება, ან ჩნდება დამატებითი ახალი სიმპტომები, მაშინ პრეპარატის გამოყენებიდან 2 დღის შემდეგ, საჭიროა მიმართოთ ექიმს.
თუ ჩნდება ეჭვი, რომ პრეპარატ იბუპარ ფორტეს მოქმედება ძალიან ძლიერია, ან პირიქით, ძალიან სუსტია, საჭიროა მიმართოთ ექიმს.

სამკურნალო საშუალების იბუპარ ფორტეს რეკომენდირებულზე მეტი დოზის მიღების შემთხვევაში:
პაციენტების უმრავლესობას, რომლებიც იღებენ აასს-ს ჯგუფის პრეპარატებს რეკომენდირებულზე მეტი დოზით, შეიძლება განუვითარდეთ ისეთი სიმპტომები, როგორიცაა გულისრევა, ღებინება, ტკივილი ეპიგასტრიუმში, ან იშვიათად - დიარეა. ასევე შესაძლოა აღენიშნებოდეთ ხმაური ყურებში, თავის ტკივილი, თავბრუსხვევა და სისხლდენა კუჭიდან და ნაწლავებიდან. მძიმე ინტოქსიკაცია გავლენას ახდენს ცენტრალურ ნერვულ სისტემაზე და მანიფესტირდება ძილიანობით, ხოლო ძალიან იშვიათ შემთხვევებში - ასევე აგზნებით, დეზორიენტაციით და კომით. ძალიან იშვიათად შესაძლოა განვითარდეს კრუნჩხვების შეტევები. მძიმე შემთხვევებში შეიძლება განვითარდეს მეტაბოლური აციდოზი და გაიზარდოს პროთრომბინის დრო (INR). შესაძლოა განვითარდეს თირკმლის მწვავე უკმარისობა ან  ღვიძლის დაზიანება, აპნოე, არტერიული წნევის მკვეთრი დაქვეითება, ბრადიკარდია ან ტაქიკარდია და წინაგულების ციმციმი. ასთმიან პაციენტებს შესაძლოა გაუმწვავდეთ დაავადების სიმპტომები.
იბუპროფენის მაღალი დოზებით მიღების შემთხვევაში, საჭიროა მიმართოთ ექიმს, რომელიც მიიღებს პრეპარატის კუჭიდან ელიმინაციის ზომებს და დაგინიშნავთ საჭირო მკურნალობას, რომელიც მიმართული იქნება სასიცოცხლო ფუნქციების შენარჩუნებისაკენ. სამკურნალო საშუალების სისხლის ცილებთან მნიშვნელოვანი შეკავშირების გათვალისწინებით, ჰემოდიალიზი არაეფექტურია.
სამკურნალო საშუალების რეკომენდირებულზე მეტი დოზის მიღებისას, დაუყოვნებლივ უნდა მიმართოთ ექიმს ან ფარმაცევტს.

თუ თქვენ დაგავიწყდათ სამკურნალო საშუალების იბუპარ ფორტეს მიღება:
არ არის საჭირო ორმაგი დოზის მიღება გამოტოვებული დოზის შევსების მიზნით.
სამკურნალო საშუალების გამოტოვებული დოზის მიღება საჭიროა დაუყოვნებლივ, დანიშნული დოზირების სქემის შესაბამისად.

4. შესაძლო არასასურველი მოვლენები:
სამკურნალო საშუალებამ იბუპარ ფორტემ, ისევე როგორც სხვა ნებისმიერმა, შესაძლოა გამოიწვიოს არასასურველი მოვლენები.
არასასურველი მოვლენები დაყოფილია ჯგუფებად მათი სიხშირის მიხედვით, დაწყებული შედარებით ხშირიდან, შემდეგი კლასიფიკაციის შესაბამისად: ძალიან ხშირი (≥1/10), ხშირი (≥1/100-დან

ხშირი: გამონაყარი, ლაქოვან-პაპულოზურის ჩათვლით, მადის დაქვეითება, შეშუპებები (რომელიც ძალიან სწრაფად გაივლის პრეპარატის მოხსნის შემდეგ). არახშირი: დისპეფსია, მუცლის ტკივილი, სპასტიკური ტკივილები მუცლის ღრუში, დისკომფორტის შეგრძნება ეპიგასტრიუმში, გულძმარვა, თავის ტკივილი, მხედველობის დაბინდვა, არამკვეთრი მხედველობა, დიპლოპია, ფერების აღქმის დარღვევა, ჭინჭრის ციება, ქავილი, ალოპეცია, სიმპტომების კომპლექსი, რომელიც მოიცავს მუცლის ტკივილს, ცხელებას, შემცივნებას, გულისრევას და ღებინებას, პალპიტაცია, გულის უკმარისობა, არტერიული ჰიპერტენზია, პირის ღრუს ლორწოვანის სიმშრალე, ღრძილების დაწყლულება, რინიტი.
იშვიათად: დიარეა, მეტეორიზმი, შეკრულობა, ღებინება, გასტრიტი, თავბრუსხვევა, უძილობა ან ძილიანობა, აგზნებადობა, ნევროზულობა, დაღლილობის შეგრძნება.
ძალიან იშვიათად: კუპრისებური განავალი, სისხლიანი ღებინება, წყლულოვანი სტომატიტი, კოლიტის და კრონის დაავადების გამწვავება, ასეპტიური მენინგიტი, ცნობიერების დარღვევა, დეპრესია, ემოციური აშლილობები, ხმაური ყურებში, სმენის დარღვევა, აზოტემია, ჰემატურია, თირკმლის უკმარისობა, თირკმლის მწვავე უკმარისობის ჩათვლით, თირკმლის დვრილების ნეკროზი, კრეატინინის კლირენსის დაქვეითება, პოლიურია, ოლიგურია, შრატში ნატრიუმის კონცენტრაციის მომატება, (ნატრიუმის შეკავება),ღვიძლის ფუნქციის დარღვევა, ღვიძლის დადებითი ფუნქციური სინჯები, განსაკუთრებით ხანგრძლივი მიღებისას, ჰეპატიტი, სიყვითლე, აგრანულოციტოზი, აპლასტიური ანემია, ჰემოლიზური ანემია, ზოგჯერ კუმბსის დადებითი სინჯით, სისხლის სურათში გადახრები (ეოზინოფილია, ლეიკოპენია, ნეიტროპენია), თრომბოციტოპენია პურპურით ან მის გარეშე, ჰემოგლობინის დონის ან ჰემატოკრიტის დაქვეითება, პოლიმორფული ერითემა, სტივენს-ჯონსონის სინდრომი, ტოქსიური ეპიდერმალური ნეკროლიზი, მწვავე ალერგიული რეაქციები, ისეთები, როგორიცაა სახის, ენის, ხორხის შეშუპება, მოხრჩობა, არტერიული ჰიპოტენზია, ტაქიკარდია ან მწვავე შოკი, ბრონქოსპასტიური რეაქციები, ასთმის გამწვავება, ბრონქოსპაზმი.
შესაძლოა განვითარდეს კუჭის და (ან) თორმეტგოჯა ნაწლავის წყლულოვანი დაავადება, პერფორაცია, სისხლდენა კუჭ-ნაწლავის ტრაქტიდან, ზოგჯერ სასიკვდილო გამოსავლით, განსაკუთრებით ხანდაზმული ასაკის პაციენტებში. ისეთი სამკურნალო საშუალების მიღება, როგორიცაა იბუპარ ფორტე, შეიძლება ასოცირებული იყოს გულის შეტევის (მიოკარდიუმის ინფარქტი), ან ინსულტის განვითარების რისკის უმნიშვნელოდ მომატებასთან.
ზოგიერთ პირს პრეპარატ იბუპარ ფორტეს მიღებისას, შესაძლოა განუვითარდეთ სხვა არასსურველი მოვლენები. სხვა გვერდითი მოვლენების განვითარების შემთხვევაში, რომლებიც არ არის ჩამოთვლილი ამ დანართ ფურცელში, საჭიროა მიმართოთ ექიმს..

5. სამკურნალო საშუალების იბუპარ ფორტეს შენახვის პირობები
სამკურნალო საშუალება უნდა შეინახოთ ბავშვებისთვის მიუწვდომელ და დაფარულ ადგილას.
შეინახეთ ორიგინალურ შეფუთვაში 25ºC ტემპერატურამდე.
არ გამოიყენოთ პრეპარატი იბუპარ ფორტე შეფუთვაზე მითითებული ვადის გასვლის შემდეგ.

6. დამატებითი ინფორმაცია
უფრო დაწვრილებითი ინფორმაციის მისაღებად საჭიროა მიმართოთ რეგისტრაციის მფლობელის წარმომადგენელს.

პაბიანიცკის ფარმაცევტული ქარხანა ღს პოლფა
95-200 პაბიანიცე, მარშ. პილსუდსკის. ქ. 5
ტელეფონი: (0-42) 225 05 55
დანართი ფურცლის შედგენის თარიღი:

ლიოფლორი® წვეთები

საკვები დანამატი

(Bifidobacterium animalis ssp lactis BLC1)

ლიოფლორი® წვეთები არის პრობიოტიკური დანამატი დაფუძნებული Bifidobacterium animalis ssp lactis BLC1-ის ცოცხალ ლაქტო ბაცილებზე, რომელიც ეკუთვნის ადამიანის ნაწლავურ ფლორაში წარმოდგენილი Bifidus- ის ოჯახს.

ბიფიდობაქტერი აარის ნაწლავის მიკროფლორის უნიშვნელოვანესი შემადგენელი და პირველ ხარისხოვან როლს ასრულებს იმუნური სისტემის განვითარებაში ადრეულ ასაკში. Bifidobacterium animalis ssp lactis BLC1 უნარი აქვს მოახდინოს ნაწლავების კოლონიზაცია და ნაწლავური ფლორის ბალანსის უზრუნველყოფა, შეამციროს სხვადასხვა ეტიოლოგიის დიარეის სიხშირე და ხანგრძლივობა და აგრეთვე,  კუჭ-ნაწლავის ტრაქტის დარღვევები და ინფექციები. კვლევებმა აჩვენა, რომ Bifidobacterium animalis ssp lactis BLC1:

1. უსაფრთხოა და არ აქვს უკუჩვენებები;

2. აქტიური და სასიცოცხლო მნიშვნელობა აქვს ნაწლავში არსებული მიკროფლორისათვის;

3. მდგრადია კუჭის წვენის, ნაღვლისა და პანკრეასის წვენის მიმართ;

4. შეუძლია მოახდინოს ადამიანის ნაწლავების კოლონიზაცია და  დაეხმაროს ჯანმრთელ მოქმედებაში.

ლიოფლორი^® წვეთების მიღების წესი: დღეში 10 წვეთი საჭმლის მიღებისაგან დამოუკიდებლად.

წვეთები შეიძლება მიიღოთ პირდაპირ, გახსნათ წყალში  ან ნებისმიერი სახის თბილ ან ცივ სასმელში. შეიძლება ასევე მიიღოთ რძით

მაქსიმალური ტემპერატურა 37 ° C-ით. პროდუქტის მოსამზადებლად, თქვენ უნდა დაატრიალოთ სახურავი საათის ისრის მიმართულებით ძირის მიმართ იმისათვის , რომ ხუის ქვეშ მოთავსებული ფხვნილი ჩამიოფანტოს და შეერიოს სითხეს, შეანჯღრიეთ და შეცვალეთ თავსახური შეფუთვაში მოთავსებული საწვეთურით.

ლიოფლორი®წვეთების გამოყენების წინ  თქვენ უნდა გაათბოთ ფლაკონი ხელით დაახლოებით 1 წუთის განმავლობაში, კარგად შეანჯღრიეთ, მოხსენით დამცავი თავსახური.

ლიოფლორი® წვეთების შენახვა: მომზადების შემდეგ, ფლაკონი უნდა შეინახოთ მაცივარში თერაპის კურსის დასრულებამდე. სწორად გამოყენების შემთხვევაში ლიოფლორი® წვეთები უზრუნველყოფს თერაპიას 10 დღის განმავლობაში.

გაფრთხილებები: არგადააჭარბოთრეკომენდებულიდღიურდოზას. საკვები დანამატებიარცვლისმრავალფეროვანდა

დაბალანსებულდიეტას. შეინასხეთ 3 წლამდეასაკისბავშვებისთვისმიუწვდომელადგილზე.

არ უნდა იქნას მიღებული პროდუქტის კომპონენტებზე ალერგიის არსებობისას.  

სამ წლამდე ბავშვების შემთხვევაში, პროდუქტის სწორი მიღების მიზნით, გაიარეთ ექიმთან კონსულტაცია.

შეიძლებაშეიცავდესკაზინსდალაქტოზას.

* გლუტენის შემცველობა: 20 პრომილეზე ნაკლები.

ბიბლიოგრაფია:

Taipale, et al. Bi_dobacterium animalis subsp. lactis BB-12 in reducing the risk of infections in infancy. Br.J.Nutr. 2011;105:409-16

Vlieger, et al. Tolerance and safety of Lactobacillus paracasei ssp. paracasei in combination with Bi_dobacterium animalis ssp. lactis in a prebiotic-containing

infant formula: a randomised controlled trial. Br.J.Nutr. 2009;102:869-875

Larsen, et al. Dose-response study of probiotic bacteria Bi_dobacterium animalis subsp lactis BB-12 and Lactobacillus paracasei subsp paracasei CRL-341 in

healthy young adults. Eur.J.Clin.Nutr. 2006;60(11):1284-12

მწარმოებელი:

BIOTRADING - MARSALA - Italy

www.biotradingsrl.it

ქვეყანა: სლოვენია

მწარმოებელი: ლეკი სანდოზი სლოვენია

გაცემის ფორმა: III ჯგუფი ურეცეპტო

ქვეყანა: სლოვენია

მწარმოებელი: ლეკი სანდოზი სლოვენია

გაცემის ფორმა: III ჯგუფი ურეცეპტო

ქვეყანა: თურქეთი

მწარმოებელი: სანტა ფარმა ილაჩ თურქეთი

გაცემის ფორმა: III ჯგუფი ურეცეპტო

ქვეყანა: სლოვენია

მწარმოებელი: ლეკი სანდოზი სლოვენია

გაცემის ფორმა: III ჯგუფი ურეცეპტო

თერმოვეს კრემი

შემადგენლობა
აქტიური ნივთიერება  ეტოფენამატი + ბენზილნიკოტინატი
1 გრამი კრემი შეიცავს 100მგ ეტოფენამატს და 10 მგ ბენზილნიკოტინატს
დამხმარე ნივთიერებები: პროპილენის გლიკოლი, კარბომერი, 2 – პროპანოლი, მაკროგოლ გლიცეროლის კოკოატი, მაკროგოლ გლიცეროლის ჰიდროქსისტეარატი, ნატრიუმის ჰიდროქსიდი, გასუფთავებული წყალი. 

აღწერილობა და შეფუთვა:
თეთრი ფერის გაუმჭვირვალე კრემი
50გ კრემი ტუბში

ფარმაკოლოგიური თვისებები

თერმოვეს კრემს გააჩნია სწრაფი ტკივილგამაყუჩებელი, ანთების საწინააღმდეგო ეფექტი. არასტეროიდული ანთების საწინააღმდეგო საშუალება ეტოფენამატი გამოხატული ლიპოფილურობის გამო სწრაფად შეიწოვება კანიდან და დიდხანს ნარჩუნდება ანთებით კერაში. ვაზოდილატაციური საშუალება ბენზილნიკოტინატი აუმჯობესებს ნივთიერებათა ცვლას და მიკროცირკულაციას კანსა და კანქვეშა ქსოვილებში, იწვევს ჰიპერემიას და მსუბუქ გამახურებელ ეფექტს.

თერმოვე აფერხებს ანთებით პროცესს ზედაპირული ვენების კედლებში და ამცირებს თრომბოზების განვითარების რისკს უფრო ღრმა ვენებში.

ფარმაკოკინეტიკა
ეტოფენამატი გამოიყოფა მრავალი მეტაბოლიტის (ჰიდროქსილირება, ეთერების და ესტერების გახლეჩა) და მათი კონიუგატების სახით, რომელთაგან 35% გამოიყოფა თირკმელების საშუალებით და დანარჩენი ძირითადად – ნაღველის და ფეკალური მასის საშუალებით. ბენზილნიკოტინატის ადგილობრივ გამოყენებას ახლავს გამახურებელი ეფექტი, გააჩნია სისხლძარღვების გაფართოების ეფექტი, რის შედეგადაც, წასმის ადგილზე იზრდება სისხლის ნაკადი და უმჯობესდება მიმდებარე ქსოვილების ტროფიკა.

ჩვენებები

ნევრალგია, მიალგია, მიოზიტი, რადიკულიტი, ლუმბაგო

რევმატოიდული ართრიტი, ტენდენიტი, სინოვიტი, ბურსიტი, პერიართრიტი, პოდაგრის შეტევა

ამოვარდნილობა, დაჭიმულობა, ღრძობა, დაჟეჟილობა, პოსტრავმული გართულებები

ზედაპირული ვენების თრომბოფლებიტი, ფლებიტი, პერიფლებიტი დიაბეტური ტერფი

გვერდითი მოვლენები
ინდივიდუალურ შემთხვევებში შესაძლებელია განვითარდეს რეაქციები კანის მხრივ, როგორიცაა სიწითლე, ქავილი, წვის შეგრძნება, გამონაყარი, მათ შორის პუსტულების და ბუშტუკების განვითარება. იშვიათად თერმოვემ შესაძლებელია გამოიწვიოს ჰიპერმგრძნობელობა ან ადგილობრივი ალერგიული რექციები (კონტაქტური დერმატიტი).
თუ პაციენტი შენიშნავს რომელიმე გვერდით ეფექტს, რომელიც არ არის აღნიშნული ამ ინსტრუქციაში, უნდა მიემართოს ექიმს ან ფარმაცევტს.

უკუჩვენება
თერმოვეს კრემი არ გამოიყენება შემდეგ შემთხვევებში:
- ჰიპერმგრძნობელობა ეტოფენამატის, ფლუფენამური მჟავას და სხვა ანთების საწინააღმდეგო არასტეროიდული საშუალების ან თერმოვეს კრემში შემავალი სხვა ნივთიერებების მიმართ;
- ღია ჭრილობებზე, ანთებით ან ინფიცირებულ კანზე, ეგზემატოზური დაზიანებების დროს ან ლორწოვან გარსზე;
- ორსულობის ბოლო ტრიმესტრში;

ორსულობა და ლაქტაცია
ორსულობა:
თერმოვეს კრემი გამოიყენება ორსულობის მხოლოდ პირველ და მეორე ტრიმესტრში, ექიმთან კონსულტაციის შემდეგ.

ლაქტაცია:
რადგან ეტოფენამატის მცირე რაოდენობა გადადის დედის რძეში, შესაბამისად არ არის სასურველი თერმოვეს კრემის გამოყენება ხანგრძლივი პერიოდის განმავლობაში და ასევე არ შეიძლება დღიური დოზის გადაჭარბება. იმისთვის, რომ არ მოხდეს ბავშვის მიერ პრეპარატის მიღება, მეძუძურმა დედამ არ უნდა წაისვას იგი მკერდზე.

ჭარბი დოზირება
თუ გარეგანი გამოყენებისას მოხდა რეკომენდებული დოზის გადაჭარბება, უნდა მოშორდეს კრემი და უნდა მოხდეს კანის მობანა წყლით. თუ პაციენტმა გამოიყენა ძალიან დიდი რაოდენობით თერმოვეს კრემი ან მოხდა მისი შემთხვევით გადაყლაპვა, მაშინ უნდა ეცნობოს ექიმს.

შენახვის პირობები

ინახება გრილ ადგილას.
ინახება ბავშვებისთვის მიუწვდომელ ადგილას.
არ გამოიყენება მუყაოს კოლოფზე ან ტუბზე მითითებული შენახვის ვადის გასვლის შემდეგ.

გამოშვების ფორმა: 50გ კრემი

აფთიაქიდან გაიცემა ურეცეპტოდ.

მწარმოებელი: რეკორდატ ილაჩ სან. ა.ს. სტამბული/თურქეთი/

ლიცენზიის მფლობელი: რეკორდატი ილაჩ სან თურქეთი