იბუპარ ფორტე
400მგ, გარსით დაფარული ტაბლეტები
Ibupar forte
(Ibuprofenum)

1 ტაბლეტი შეიცავს მოქმედ ნივთიერებას:
იბუპროფენი 400მგ
და დამხმარე ნივთიერებებს:
გული: მიკროკრისტალური ცელულოზა (101), კარტოფილის სახმებელი (სახეობა Superior standard), უწყლო კოლოიდური კაჟბადის დიოქსიდი, ნატრიუმის კროსკარმელოზა, პოლივინილის სპირტი, ნატრიუმის ლაურილსულფატი, ნატრიუმის სტეარილფუმარატი.
გარსის შემადგენლობა: მაკროგოლი (4000), ჰიპრომელოზა (E 5), ჰიდროქსიპროპილცელულოზა, ნარინჯისფერ ყვითელი ლაქი (E110), ბუჟღენდი წითელი (E124).

შეფუთვა:
10 ან 30 გარსით დაფარული ტაბლეტები

რეგისტრაციის მფლობელი
პაბიანიცკის ფარმაცევტული ქარხანა ღს პოლფა
95-200 პაბიანიცე, მარშ. პილსუდსკის. ქ. 5

დანართი ფურცლის შინაარსი:
1. რას წარმოადგენს სამკურნალო საშუალება იბუპარ ფორტე და რა მიზნით გამოიყენება?
2. სანამ გამოიყენებთ სამკურნალო საშუალებას იბუპარ ფორტეს
3. როგორ გამოიყენოთ სამკურნალო საშუალება იბუპარ ფორტე?
4. შესაძლო არასასურველი მოვლენები
5. სამკურნალო საშუალების იბუპარ ფორტეს შენახვის პირობები
6. დამატებითი ინფორმაცია

1. რას წარმოადენს სამკურნალო საშუალება იბუბარ ფორტე და რა მიზნით გამოიყენება?
იბუპარ ფორტე არის არასტეროიდული ანთებისსაწინააღმდეგო სამკურნალო საშუალება, აქვს სუსტიდან საშუალო ხარისხამდე ანალგეზიური მოქმედება, ასევე სიცხის დამწევი მოქმედება.
იბუპროფენი შეიწოვება კუჭ-ნაწლავის ტრაქტიდან. იბუპროფენის მაქსიმალური კონცენტრაცია სისხლის შრატში მიიღწევა შიგნით მიღებიდან 1-2 საათში. ანალგეზიური მოქმედება ვლინდება შიგნით მიღებიდან დაახლოებით 30 წუთში. ანალგეზიური მოქმედების დრო შეადგენს 4-6 საათს, ხოლო სიცხის დამწევი – 6-8 საათს. საკვები და ანტაციდური სამკურნლო პრეპარატები არ ანელებენ იბუპროფენის შეწოვას.

მიღების ჩვენებები:
– სხვადასვა წარმოშობის მსუბუქი და საშუალო ინტენსივობის ტკივილი, მაგ. თავის ტკივილი, შაკიკის ჩათვლით, კბილის ტკივილი, მიალგიები, ოსტეოართრალგიები, პოსტტრავმული ტკივილი, ნევრალგიები, ტკივილის სინდრომი გაციებისა და გრიპისას.
– სხვადასვა წარმოშობის ცხელება (კერძოდ გაციების და გრიპისას)
– ალგოდისმენორეა.

2. სანამ მიიღებთ სამკურნალო საშუალება იბუპარ ფორტეს
არ მიიღოთ სამკურნალო საშუალება იბუპარ ფორტე შემდეგ შემთხვევებში:
•    მომატებული მგრძნობელობა იბუპროფენის ან რომელიმე დამხმარე ნივთიერების მიმართ.
•    კუჭის და (ან) თორმეტგოჯა ნაწლავის წყლულოვანი დაავადება გამწვვების ფაზაში ან ანამნეზში, პერფორაცია ან სისხლდენა, მათ შორის განვითარებული აასს-ის გამოყენების შემდგომ.
•    ღვიძლის მძიმე უკმარისობის, თირკმლის მძიმე უკმარისობის ან გულის მძიმე უკმარისობის დროს.
•    ამჟამად ან ანამნეზში ალერგიის სიმპტომების არსებობისას რინიტის, ჭინჭრის ციების ან ბრონქული ასთმის ფორმით, რომელიც დაკავშირებული იყო აცეტილსალიცილის მჟავის ან სხვა არასტეროიდული ანთებისსაწინააღმდეგო სამკურნალო საშუალებების მიღებასთან.
•    ორსულობის ბოლო ტრიმესტრი.
•    სხვა ანთებისსაწინააღმდეგო არასტეროიდულ სამკურნალო საშუალებებთან ერთად, მათ შორის ცოგ-2-ის სელექტიურ ინჰიბიტორებთან (გვერდითი მოვლენების განვითარების მომატებული რისკი).
•    ჰემორაგიული დიათეზი.

დაიცავით განსაკუთრებული სიფრთხილე იბუპარ ფორტეს მიღებისას:
არსებობს კუჭ-ნაწლავის ტრაქტიდან სისხლდენის, ასევე დაწყლულების ან პერფორაციის განვითარების რისკი, რომლებმაც შეიძლება გამოიწვიონ ლეტალური გამოსავალი და რომელთაც წინ უძღვის, ან ყოველთვის არ უძღვის სიმპტომები. კუჭ-ნაწლავის ტრაქტიდან სისხლდენის ან წყლულის განვითარებისას, აუცილებელია იბუპროფენის მიღების შეწყვეტა. პაციენტებმა კუჭ-ნაწლავის ტრაქტის დაავდებებით, განსაკუთრებით ხანდაზმულებმა, უნდა აცნობონ ექიმს საჭმლის მომნელებელი სისტემის მხრიდან ყველა არატიპიური სიმპტომის შესახებ (განსაკუთრებით სისხლდენის შესახებ), განსაკუთრებით მკურნალობის დასაწყისში. ასეთმა პაციენტებმა უნდა მიიღონ პრეპარატის რაც შეიძლება დაბალი დოზა, მინიმალურად მცირე პერიოდის განმავლობაში.
განსაკუთრებული სიფრთხილე უნდა გამოიჩინო პაციენტებმა, რომლებიც ერთდროულად იღებენ სხვა პრეპარატებს, რომლებმაც შეიძლება გაზარდონ კუჭ-ნაწლავის ტრაქტის მხრივ დარღვევების ან სისხლდენის რისკი, ისეთები როგორიცა კორტიკოსტეროიდები, ანტიკოაგულანტები, როგორიცაა აცენოკუმაროლი, ან ანტითრომბული სამკურნალო საშუალებები, კერძოდ აცეტილსალიცილის მჟავა.
ისეთი სამკურნალო საშუალების მიღება, როგორიცაა იბუპარ ფორტე, შესაძლოა ასოცირებული იყოს გულის შეტევის (მიოკარდიუმის ინფარქტი) ან ინსულტის განვითერების რისკის უმნიშვნელო მომატებასთან. ეს რისკი იზრდება სამკურნალო საშუალების მაღალი დოზებით ხანგრძლივად მიღებისას. არ შეიძლება ექიმის კინსულტაციის გარეშე მაღალი დოზების და 3 დღეზე მეტი ხნის განმავლობაში მიღება.
გულის მხრივ დარღვევების, ასევე გადატანილი ინსულტის, ან ამ შემთხვევების განვითარებაზე ეჭვის შემთხვევაში (მაგ. სისხლის მომატებული არტერიული წნევა, შაქრიანი დიაბეტი, ქოლესტერინის მომატებული დონე, მოწევა), საჭიროა ექიმის ან ფარმაცევტის კონსულტაცია მკურნლობის ოპტიმალური სახის შესახებ.
კანის რეაქციების მძიმე ფორმები, რომელთაგან ზოგიერთი სასიკვდილოა, ექსფოლიაციური დერმატიტის, სტივენს-ჯონსონის სინდრომის და ტოქსიური ეპიდერმალური ნეკროლიზის ჩათვლით, ძალიან იშვიათად იყო აღწერილი აასს ჯგუფის პრეპარატების მიღებისას. ასეთი მძიმე რეაქციების განვითერების მაქსიმალური რისკი არის თერაპიის დასაწყისში, უმეტეს შემთხვევაში მკურნალობის პირველ თვეს. კანზე გამონაყარის, ლორწოვანის დაზიანების ან მომატებული მგრძნობელობის სხვა ნიშნების გამოჩენისას, აუცილებელია სამკურნალო სასუალების მიღების შეწყვეტა.
პაციენტებში სისტემური წითელი მგლურით და შემაერთებელი ქსოვილის დაავადებებით, შესაძლოა გაიზარდოს ასეპტიური მენინგიტის განვითარების რისკი.   
პაციენტებს ბრონქული ასთმით და ალერგიული დაავადებებით, შესაძლოა განუვითარდეთ ბრონქოსპაზმი.
იბუპროფენმა შეიძლება გამოიწვიოს მხედველობის დარღვევა (მხედველობის დაბინდვა, ფერთა აღქმის დარღვევა). ასეთ შემთხვევაში საჭიროა შეწყვიტოთ პრეპარატის მიღება და მიმართოთ ექიმს.
იბუპროფენი ახდეენს ანტითრომბულ მოქმედებას. მისი მიღება მოითხოვს სიფრთხილეს პაციენტებში, სისხლის შედედების დარღვევით, რომლებიც იღებენ ანტიკოაგულანტებს.
მოცემული სამკურნალო საშუალება მიეკუთვნება პრეპარატების ჯგუფს (არასტეროიდული ანთებისსაწინააღმდეგო საშუალებები), რომლებმაც შეიძლება არასასურველი გავლენა იქონიონ ქალებში განაყოფიერებაზე. ეს ეფექტი ტრანზიტორულია და გაივლის მკურნალობის დასრულების შემდეგ.
საჭიროა სამკურნალო საშუალების მინიმლური ეფექტური დოზების მიღება დროის მინიმალურ პერიოდში, სასურველი თერაპიული შედეგის მისაღებად.

თუ იბუპროფენით მკურნალობის პერიოდში წარმოიშვება სხვა არასასურველი მოვლენები, საჭიროა პრეპარატის მიღების შეწყვეტა და ექიმთან კონსულტაცია.
საჭიროა ექიმის კონსულტაცია, იმ შემთხვევაშიც, როცა ზემოთ აღნიშნული შემთხვევები ეხება წარსულში არსებულ სიტუაციას.
სამკურნალო საშუალების იბუპარ ფორტეს გამოყენება საკვებთან და სასმელთან ერთად:
სამკურნალო საშუალება უნდა მიიღოთ ჭამის დროს ან მის შემდეგ.

განსაკუთრებული უსაფრთხოების ზომები პაციენტების ზოგიერთი ჯგუფისთვის, რომლებიც იღებენ სამკურნალო საშუალებას:
სამკურნალო საშუალების იბუპარ ფორტეს გამოყენება ბავშვებში:
სამკურნალო საშუალების გამოყენება არ შეიძლება 12 წლამდე ასაკის ბავშვებში.

სამკურნალო საშუალების იბუპარ ფორტეს გამოყენება პაციენტებში თირკმლის და (ან) ღვიძლის ფუნქციის დარღვევებით:
იბუპროფენი არ უნდა გამოიყენოთ ექიმის კონსულტაციის გარეშე.
სამკურნალო საშუალების იბუპარ ფორტეს გამოყენება ხანდაზმული ასაკის პაციენტებში:
ხანდაზმული ასაკის პაციენტებში არის გვერდითი მოვლენების განვითარების მომატებული რისკი. დოზირების შეცვლა არ არის საჭირო, თუ არ არის თირკმლის და (ან) ღვიძლის ფუნქციის დარღვევა. თირკმლის და (ან) ღვიძლის ფუნქციის დარღვევისას დოზას ადგენენ ინდივიდუალურად.

ორსულობა:
სამკურნალო საშუალების მიღებამდე საჭიროა მიმართოთ ექიმს.
იბუპროფენის გამოყენება ორსულობის პირველი 6 თვის განმავლობაში დასაშვებია მხოლოდ ექიმის დანიშნულებით.
არ არის რეკომენდირებული იბუპროფენის მიღება ორსულობის ბოლო 3 თვის განმავლობაში.

ძუძუთი კვება:
სამკურნალო საშუალების გამოყენებამდე, საჭიროა მიმართოთ ექიმს.
იბუპროფენი და მისი მეტაბოლიტები უმნიშვნელო რაოდენობით გადადის დედის რძეში. ახლშობილზე სამკურნალო საშუალების არასასურველი გავლენა, რომელსაც იღებს დედა ტკივილის სინდრომის, ან ცხელებისას რეკომენდირებული დოზებით, ნაკლებად სავარაუდოა.

სატრანსპორტო საშუალებების მართვა და მექანიზმებთან მუშაობა:
არ არსებობს ინფორმაცია სამკურნალო საშუალების ტრანსპორტის მართვასა და მექანიზმებთან მუშაობაზე გავლენის შესახებ.
მნიშვნელოვანი ინფორმაცია სამკურნალო საშუალების შემადგენელი ზოგიერთი ნივთიერებს შესახებ:
სამკურნალო საშუალება იბუპარ ფორტე შეიცავს საღებავებს – ნარინჯისფერ ყვითელი (E110), ბუჟღენდი წითელი (E124), ამიტომ მას შეუძლია გამოიწვიოს ალერგიული რეაქციები.

სხვა სამკურნალო საშუალებების გამოყენება:
საჭიროა აცნობოთ ექიმს ყველა იმ სამკურნალო საშუალების შესახებ, რომელსაც იღებდით ბოლო პერიოდში, იმათი ჩათვლით, რომლებიც გაიცემა ურეცეპტოდ.
იბუპროფენი, ისევე როგორც ანთებისსაწინააღმდეგო სხვა სამკურნალო საშუალებები, ერთდროულად არ უნდა გამოიყენოთ ქვემოთ ჩამოთვლილ პრაპარატებთან:
– აცეტილსალიცილის მჟავა ან აასს-ს ჯგუფის სხვა პრეპარატები: გვერდითი მოვლენების განვითარების რისკის ზრდა,
– ანტიჰიპერტენზიული სამკურნალო საშუალებები: აასს-ს ჯგუფის პრეპარატებმა შესაძლოა დააქვეითონ ანტიჰიპერტენზიული პრეპარატების მოქმედება,
– დიურეტიკები: არის არამრავალრიცხოვანი მტკიცებულებები დიურეტიკების მოქმედების დაქვეითების შესახებ,
– ანტიკოაგულანტები: არამრავლრიცხოვანი კლინიკური მონაცემებიდან გამომდინარე, აასს-ს ჯგუფის სამკურნალო საშუალებებმა შესაძლოა მოახდინონ იმ პრეპარატების მოქმედების პოტენცირება, რომლებიც ამცირებენ სისხლის შედედებას, აასს-ს ჯგუფის პრეპრატები აძლიერებენ ისეთი ანტიკოაგულანტების მოქმედებას, როგორიცაა აცენოკუმაროლი,
– ლითიუმი და მეტოტრექსატი: აასს-ს ჯგუფის სამკურნალო საშუალებებმა შეიძლება გამოიწვიონ სისხლის პლაზმაში როგორც ლითიუმის, ასევე მეტოტრექსატის კონცენტრაციის მომატება,
– ზიდოვუდინი: არის მტკიცებულებები ერთდროულად იბუპროფენის და ზიდოვუდინის გამოყენებისას პაციენტებში სისხლდენის დროის გახანგრძლივების შესახებ,
– კორტიკოსტეროიდები: აასს-ს ჯგუფის პრეპარატების და კორტიკოსტეროიდების ერთდროულმა მიღებამ შესაძლოა გაზარდოს გვერდითი მოვლენების განვითარების რისკი, განსაკუთრებით კუჭ-ნაწლავის ტრაქტის მხრივ,
– საგულე გლიკოზიდები: აასს-ს ჯგუფის პრეპარატებს შეუძლიათ გულის უკმარისობის სიმპტომების პროვოცირება და სისხლის პლაზმაში საგულე გლიკოზიდების კონცენტრაციის მომატება,
– მიფეპრისტონი: აასს-ს ჯგუფის პრეპარატებს, რომლებსაც იღებენ 8-12 კვირის განმავლობაში, მიფეპრისტონის შეყვანის შემდეგ, შეუძლიათ დააქვეითონ მისი ეფექტურობა,
– ციკლოსპორინი: ასსს-ს და ციკლოსპორინის ერთდროული მიღება ზრდის ნეფროტოქსიური მოქმედების რისკს,
– ქინოლინური ანტიბიოტიკები: აასს-ს და ქინოლინური ანტიბიოტიკების ერთდროული მიღება ზრდის კრუნჩხვების განვითარების რისკს.

3. როგორ მივიღოთ სამკურნალო საშუალება იბუპარ ფორტე
სამკურნალო საშუალების იბუპარ ფორტეს მიღება საჭიროა ექიმის რეკომენდაციის შესაბამისად.
ეჭვის გაჩენის შემთხვებაში, საჭიროა განმეორებით მიმართოთ ექიმს.
მოზრდილები და 12 წელზე მეტი ასაკის ბავშვები:
საწყისი დოზა შეადგენს 400 მგ-ს (1 ტაბლეტი) ერთჯერადად ან 400მგ  (1 ტაბლეტი) ყოველ 4-6 საათში, საჭიროების მიხედვით.
არ არის საჭირო 1200 მგ/დღეღამეში მეტი დოზის მიღება (3ტაბლეტი დღეღამეში).

თუ სამკურნალო საშუალების მიღების მიუხედავად, ტკივილი და ცხელება ძლიერდება, ან ჩნდება დამატებითი ახალი სიმპტომები, მაშინ პრეპარატის გამოყენებიდან 2 დღის შემდეგ, საჭიროა მიმართოთ ექიმს.
თუ ჩნდება ეჭვი, რომ პრეპარატ იბუპარ ფორტეს მოქმედება ძალიან ძლიერია, ან პირიქით, ძალიან სუსტია, საჭიროა მიმართოთ ექიმს.

სამკურნალო საშუალების იბუპარ ფორტეს რეკომენდირებულზე მეტი დოზის მიღების შემთხვევაში:
პაციენტების უმრავლესობას, რომლებიც იღებენ აასს-ს ჯგუფის პრეპარატებს რეკომენდირებულზე მეტი დოზით, შეიძლება განუვითარდეთ ისეთი სიმპტომები, როგორიცაა გულისრევა, ღებინება, ტკივილი ეპიგასტრიუმში, ან იშვიათად – დიარეა. ასევე შესაძლოა აღენიშნებოდეთ ხმაური ყურებში, თავის ტკივილი, თავბრუსხვევა და სისხლდენა კუჭიდან და ნაწლავებიდან. მძიმე ინტოქსიკაცია გავლენას ახდენს ცენტრალურ ნერვულ სისტემაზე და მანიფესტირდება ძილიანობით, ხოლო ძალიან იშვიათ შემთხვევებში – ასევე აგზნებით, დეზორიენტაციით და კომით. ძალიან იშვიათად შესაძლოა განვითარდეს კრუნჩხვების შეტევები. მძიმე შემთხვევებში შეიძლება განვითარდეს მეტაბოლური აციდოზი და გაიზარდოს პროთრომბინის დრო (INR). შესაძლოა განვითარდეს თირკმლის მწვავე უკმარისობა ან  ღვიძლის დაზიანება, აპნოე, არტერიული წნევის მკვეთრი დაქვეითება, ბრადიკარდია ან ტაქიკარდია და წინაგულების ციმციმი. ასთმიან პაციენტებს შესაძლოა გაუმწვავდეთ დაავადების სიმპტომები.
იბუპროფენის მაღალი დოზებით მიღების შემთხვევაში, საჭიროა მიმართოთ ექიმს, რომელიც მიიღებს პრეპარატის კუჭიდან ელიმინაციის ზომებს და დაგინიშნავთ საჭირო მკურნალობას, რომელიც მიმართული იქნება სასიცოცხლო ფუნქციების შენარჩუნებისაკენ. სამკურნალო საშუალების სისხლის ცილებთან მნიშვნელოვანი შეკავშირების გათვალისწინებით, ჰემოდიალიზი არაეფექტურია.
სამკურნალო საშუალების რეკომენდირებულზე მეტი დოზის მიღებისას, დაუყოვნებლივ უნდა მიმართოთ ექიმს ან ფარმაცევტს.

თუ თქვენ დაგავიწყდათ სამკურნალო საშუალების იბუპარ ფორტეს მიღება:
არ არის საჭირო ორმაგი დოზის მიღება გამოტოვებული დოზის შევსების მიზნით.
სამკურნალო საშუალების გამოტოვებული დოზის მიღება საჭიროა დაუყოვნებლივ, დანიშნული დოზირების სქემის შესაბამისად.

4. შესაძლო არასასურველი მოვლენები:
სამკურნალო საშუალებამ იბუპარ ფორტემ, ისევე როგორც სხვა ნებისმიერმა, შესაძლოა გამოიწვიოს არასასურველი მოვლენები.
არასასურველი მოვლენები დაყოფილია ჯგუფებად მათი სიხშირის მიხედვით, დაწყებული შედარებით ხშირიდან, შემდეგი კლასიფიკაციის შესაბამისად: ძალიან ხშირი (≥1/10), ხშირი (≥1/100-დან

ხშირი: გამონაყარი, ლაქოვან-პაპულოზურის ჩათვლით, მადის დაქვეითება, შეშუპებები (რომელიც ძალიან სწრაფად გაივლის პრეპარატის მოხსნის შემდეგ). არახშირი: დისპეფსია, მუცლის ტკივილი, სპასტიკური ტკივილები მუცლის ღრუში, დისკომფორტის შეგრძნება ეპიგასტრიუმში, გულძმარვა, თავის ტკივილი, მხედველობის დაბინდვა, არამკვეთრი მხედველობა, დიპლოპია, ფერების აღქმის დარღვევა, ჭინჭრის ციება, ქავილი, ალოპეცია, სიმპტომების კომპლექსი, რომელიც მოიცავს მუცლის ტკივილს, ცხელებას, შემცივნებას, გულისრევას და ღებინებას, პალპიტაცია, გულის უკმარისობა, არტერიული ჰიპერტენზია, პირის ღრუს ლორწოვანის სიმშრალე, ღრძილების დაწყლულება, რინიტი.
იშვიათად: დიარეა, მეტეორიზმი, შეკრულობა, ღებინება, გასტრიტი, თავბრუსხვევა, უძილობა ან ძილიანობა, აგზნებადობა, ნევროზულობა, დაღლილობის შეგრძნება.
ძალიან იშვიათად: კუპრისებური განავალი, სისხლიანი ღებინება, წყლულოვანი სტომატიტი, კოლიტის და კრონის დაავადების გამწვავება, ასეპტიური მენინგიტი, ცნობიერების დარღვევა, დეპრესია, ემოციური აშლილობები, ხმაური ყურებში, სმენის დარღვევა, აზოტემია, ჰემატურია, თირკმლის უკმარისობა, თირკმლის მწვავე უკმარისობის ჩათვლით, თირკმლის დვრილების ნეკროზი, კრეატინინის კლირენსის დაქვეითება, პოლიურია, ოლიგურია, შრატში ნატრიუმის კონცენტრაციის მომატება, (ნატრიუმის შეკავება),ღვიძლის ფუნქციის დარღვევა, ღვიძლის დადებითი ფუნქციური სინჯები, განსაკუთრებით ხანგრძლივი მიღებისას, ჰეპატიტი, სიყვითლე, აგრანულოციტოზი, აპლასტიური ანემია, ჰემოლიზური ანემია, ზოგჯერ კუმბსის დადებითი სინჯით, სისხლის სურათში გადახრები (ეოზინოფილია, ლეიკოპენია, ნეიტროპენია), თრომბოციტოპენია პურპურით ან მის გარეშე, ჰემოგლობინის დონის ან ჰემატოკრიტის დაქვეითება, პოლიმორფული ერითემა, სტივენს-ჯონსონის სინდრომი, ტოქსიური ეპიდერმალური ნეკროლიზი, მწვავე ალერგიული რეაქციები, ისეთები, როგორიცაა სახის, ენის, ხორხის შეშუპება, მოხრჩობა, არტერიული ჰიპოტენზია, ტაქიკარდია ან მწვავე შოკი, ბრონქოსპასტიური რეაქციები, ასთმის გამწვავება, ბრონქოსპაზმი.
შესაძლოა განვითარდეს კუჭის და (ან) თორმეტგოჯა ნაწლავის წყლულოვანი დაავადება, პერფორაცია, სისხლდენა კუჭ-ნაწლავის ტრაქტიდან, ზოგჯერ სასიკვდილო გამოსავლით, განსაკუთრებით ხანდაზმული ასაკის პაციენტებში. ისეთი სამკურნალო საშუალების მიღება, როგორიცაა იბუპარ ფორტე, შეიძლება ასოცირებული იყოს გულის შეტევის (მიოკარდიუმის ინფარქტი), ან ინსულტის განვითარების რისკის უმნიშვნელოდ მომატებასთან.
ზოგიერთ პირს პრეპარატ იბუპარ ფორტეს მიღებისას, შესაძლოა განუვითარდეთ სხვა არასსურველი მოვლენები. სხვა გვერდითი მოვლენების განვითარების შემთხვევაში, რომლებიც არ არის ჩამოთვლილი ამ დანართ ფურცელში, საჭიროა მიმართოთ ექიმს..

5. სამკურნალო საშუალების იბუპარ ფორტეს შენახვის პირობები
სამკურნალო საშუალება უნდა შეინახოთ ბავშვებისთვის მიუწვდომელ და დაფარულ ადგილას.
შეინახეთ ორიგინალურ შეფუთვაში 25ºC ტემპერატურამდე.
არ გამოიყენოთ პრეპარატი იბუპარ ფორტე შეფუთვაზე მითითებული ვადის გასვლის შემდეგ.

6. დამატებითი ინფორმაცია
უფრო დაწვრილებითი ინფორმაციის მისაღებად საჭიროა მიმართოთ რეგისტრაციის მფლობელის წარმომადგენელს.

პაბიანიცკის ფარმაცევტული ქარხანა ღს პოლფა
95-200 პაბიანიცე, მარშ. პილსუდსკის. ქ. 5
ტელეფონი: (0-42) 225 05 55
დანართი ფურცლის შედგენის თარიღი:

ლიოფლორი® წვეთები

საკვები დანამატი

(Bifidobacterium animalis ssp lactis BLC1)

ლიოფლორი® წვეთები არის პრობიოტიკური დანამატი დაფუძნებული Bifidobacterium animalis ssp lactis BLC1-ის ცოცხალ ლაქტო ბაცილებზე, რომელიც ეკუთვნის ადამიანის ნაწლავურ ფლორაში წარმოდგენილი Bifidus- ის ოჯახს.

ბიფიდობაქტერი აარის ნაწლავის მიკროფლორის უნიშვნელოვანესი შემადგენელი და პირველ ხარისხოვან როლს ასრულებს იმუნური სისტემის განვითარებაში ადრეულ ასაკში. Bifidobacterium animalis ssp lactis BLC1 უნარი აქვს მოახდინოს ნაწლავების კოლონიზაცია და ნაწლავური ფლორის ბალანსის უზრუნველყოფა, შეამციროს სხვადასხვა ეტიოლოგიის დიარეის სიხშირე და ხანგრძლივობა და აგრეთვე,  კუჭ-ნაწლავის ტრაქტის დარღვევები და ინფექციები. კვლევებმა აჩვენა, რომ Bifidobacterium animalis ssp lactis BLC1:

1. უსაფრთხოა და არ აქვს უკუჩვენებები;

2. აქტიური და სასიცოცხლო მნიშვნელობა აქვს ნაწლავში არსებული მიკროფლორისათვის;

3. მდგრადია კუჭის წვენის, ნაღვლისა და პანკრეასის წვენის მიმართ;

4. შეუძლია მოახდინოს ადამიანის ნაწლავების კოლონიზაცია და  დაეხმაროს ჯანმრთელ მოქმედებაში.

ლიოფლორი^® წვეთების მიღების წესი: დღეში 10 წვეთი საჭმლის მიღებისაგან დამოუკიდებლად.

წვეთები შეიძლება მიიღოთ პირდაპირ, გახსნათ წყალში  ან ნებისმიერი სახის თბილ ან ცივ სასმელში. შეიძლება ასევე მიიღოთ რძით

მაქსიმალური ტემპერატურა 37 ° C-ით. პროდუქტის მოსამზადებლად, თქვენ უნდა დაატრიალოთ სახურავი საათის ისრის მიმართულებით ძირის მიმართ იმისათვის , რომ ხუის ქვეშ მოთავსებული ფხვნილი ჩამიოფანტოს და შეერიოს სითხეს, შეანჯღრიეთ და შეცვალეთ თავსახური შეფუთვაში მოთავსებული საწვეთურით.

ლიოფლორი®წვეთების გამოყენების წინ  თქვენ უნდა გაათბოთ ფლაკონი ხელით დაახლოებით 1 წუთის განმავლობაში, კარგად შეანჯღრიეთ, მოხსენით დამცავი თავსახური.

ლიოფლორი® წვეთების შენახვა: მომზადების შემდეგ, ფლაკონი უნდა შეინახოთ მაცივარში თერაპის კურსის დასრულებამდე. სწორად გამოყენების შემთხვევაში ლიოფლორი® წვეთები უზრუნველყოფს თერაპიას 10 დღის განმავლობაში.

გაფრთხილებები: არგადააჭარბოთრეკომენდებულიდღიურდოზას. საკვები დანამატებიარცვლისმრავალფეროვანდა

დაბალანსებულდიეტას. შეინასხეთ 3 წლამდეასაკისბავშვებისთვისმიუწვდომელადგილზე.

არ უნდა იქნას მიღებული პროდუქტის კომპონენტებზე ალერგიის არსებობისას.  

სამ წლამდე ბავშვების შემთხვევაში, პროდუქტის სწორი მიღების მიზნით, გაიარეთ ექიმთან კონსულტაცია.

შეიძლებაშეიცავდესკაზინსდალაქტოზას.

* გლუტენის შემცველობა: 20 პრომილეზე ნაკლები.

ბიბლიოგრაფია:

Taipale, et al. Bi_dobacterium animalis subsp. lactis BB-12 in reducing the risk of infections in infancy. Br.J.Nutr. 2011;105:409-16

Vlieger, et al. Tolerance and safety of Lactobacillus paracasei ssp. paracasei in combination with Bi_dobacterium animalis ssp. lactis in a prebiotic-containing

infant formula: a randomised controlled trial. Br.J.Nutr. 2009;102:869-875

Larsen, et al. Dose-response study of probiotic bacteria Bi_dobacterium animalis subsp lactis BB-12 and Lactobacillus paracasei subsp paracasei CRL-341 in

healthy young adults. Eur.J.Clin.Nutr. 2006;60(11):1284-12

მწარმოებელი:

BIOTRADING – MARSALA – Italy

www.biotradingsrl.it

ქვეყანა: სლოვენია

მწარმოებელი: ლეკი სანდოზი სლოვენია

გაცემის ფორმა: III ჯგუფი ურეცეპტო

ქვეყანა: სლოვენია

მწარმოებელი: ლეკი სანდოზი სლოვენია

გაცემის ფორმა: III ჯგუფი ურეცეპტო

ქვეყანა: თურქეთი

მწარმოებელი: სანტა ფარმა ილაჩ თურქეთი

გაცემის ფორმა: III ჯგუფი ურეცეპტო

ქვეყანა: სლოვენია

მწარმოებელი: ლეკი სანდოზი სლოვენია

გაცემის ფორმა: III ჯგუფი ურეცეპტო

თერმოვეს კრემი

შემადგენლობა
აქტიური ნივთიერება  ეტოფენამატი + ბენზილნიკოტინატი
1 გრამი კრემი შეიცავს 100მგ ეტოფენამატს და 10 მგ ბენზილნიკოტინატს
დამხმარე ნივთიერებები: პროპილენის გლიკოლი, კარბომერი, 2 – პროპანოლი, მაკროგოლ გლიცეროლის კოკოატი, მაკროგოლ გლიცეროლის ჰიდროქსისტეარატი, ნატრიუმის ჰიდროქსიდი, გასუფთავებული წყალი. 

აღწერილობა და შეფუთვა:
თეთრი ფერის გაუმჭვირვალე კრემი
50გ კრემი ტუბში

ფარმაკოლოგიური თვისებები

თერმოვეს კრემს გააჩნია სწრაფი ტკივილგამაყუჩებელი, ანთების საწინააღმდეგო ეფექტი. არასტეროიდული ანთების საწინააღმდეგო საშუალება ეტოფენამატი გამოხატული ლიპოფილურობის გამო სწრაფად შეიწოვება კანიდან და დიდხანს ნარჩუნდება ანთებით კერაში. ვაზოდილატაციური საშუალება ბენზილნიკოტინატი აუმჯობესებს ნივთიერებათა ცვლას და მიკროცირკულაციას კანსა და კანქვეშა ქსოვილებში, იწვევს ჰიპერემიას და მსუბუქ გამახურებელ ეფექტს.

თერმოვე აფერხებს ანთებით პროცესს ზედაპირული ვენების კედლებში და ამცირებს თრომბოზების განვითარების რისკს უფრო ღრმა ვენებში.

ფარმაკოკინეტიკა
ეტოფენამატი გამოიყოფა მრავალი მეტაბოლიტის (ჰიდროქსილირება, ეთერების და ესტერების გახლეჩა) და მათი კონიუგატების სახით, რომელთაგან 35% გამოიყოფა თირკმელების საშუალებით და დანარჩენი ძირითადად – ნაღველის და ფეკალური მასის საშუალებით. ბენზილნიკოტინატის ადგილობრივ გამოყენებას ახლავს გამახურებელი ეფექტი, გააჩნია სისხლძარღვების გაფართოების ეფექტი, რის შედეგადაც, წასმის ადგილზე იზრდება სისხლის ნაკადი და უმჯობესდება მიმდებარე ქსოვილების ტროფიკა.

ჩვენებები

ნევრალგია, მიალგია, მიოზიტი, რადიკულიტი, ლუმბაგო

რევმატოიდული ართრიტი, ტენდენიტი, სინოვიტი, ბურსიტი, პერიართრიტი, პოდაგრის შეტევა

ამოვარდნილობა, დაჭიმულობა, ღრძობა, დაჟეჟილობა, პოსტრავმული გართულებები

ზედაპირული ვენების თრომბოფლებიტი, ფლებიტი, პერიფლებიტი დიაბეტური ტერფი

გვერდითი მოვლენები
ინდივიდუალურ შემთხვევებში შესაძლებელია განვითარდეს რეაქციები კანის მხრივ, როგორიცაა სიწითლე, ქავილი, წვის შეგრძნება, გამონაყარი, მათ შორის პუსტულების და ბუშტუკების განვითარება. იშვიათად თერმოვემ შესაძლებელია გამოიწვიოს ჰიპერმგრძნობელობა ან ადგილობრივი ალერგიული რექციები (კონტაქტური დერმატიტი).
თუ პაციენტი შენიშნავს რომელიმე გვერდით ეფექტს, რომელიც არ არის აღნიშნული ამ ინსტრუქციაში, უნდა მიემართოს ექიმს ან ფარმაცევტს.

უკუჩვენება
თერმოვეს კრემი არ გამოიყენება შემდეგ შემთხვევებში:
– ჰიპერმგრძნობელობა ეტოფენამატის, ფლუფენამური მჟავას და სხვა ანთების საწინააღმდეგო არასტეროიდული საშუალების ან თერმოვეს კრემში შემავალი სხვა ნივთიერებების მიმართ;
– ღია ჭრილობებზე, ანთებით ან ინფიცირებულ კანზე, ეგზემატოზური დაზიანებების დროს ან ლორწოვან გარსზე;
– ორსულობის ბოლო ტრიმესტრში;

ორსულობა და ლაქტაცია
ორსულობა:
თერმოვეს კრემი გამოიყენება ორსულობის მხოლოდ პირველ და მეორე ტრიმესტრში, ექიმთან კონსულტაციის შემდეგ.

ლაქტაცია:
რადგან ეტოფენამატის მცირე რაოდენობა გადადის დედის რძეში, შესაბამისად არ არის სასურველი თერმოვეს კრემის გამოყენება ხანგრძლივი პერიოდის განმავლობაში და ასევე არ შეიძლება დღიური დოზის გადაჭარბება. იმისთვის, რომ არ მოხდეს ბავშვის მიერ პრეპარატის მიღება, მეძუძურმა დედამ არ უნდა წაისვას იგი მკერდზე.

ჭარბი დოზირება
თუ გარეგანი გამოყენებისას მოხდა რეკომენდებული დოზის გადაჭარბება, უნდა მოშორდეს კრემი და უნდა მოხდეს კანის მობანა წყლით. თუ პაციენტმა გამოიყენა ძალიან დიდი რაოდენობით თერმოვეს კრემი ან მოხდა მისი შემთხვევით გადაყლაპვა, მაშინ უნდა ეცნობოს ექიმს.

შენახვის პირობები

ინახება გრილ ადგილას.
ინახება ბავშვებისთვის მიუწვდომელ ადგილას.
არ გამოიყენება მუყაოს კოლოფზე ან ტუბზე მითითებული შენახვის ვადის გასვლის შემდეგ.

გამოშვების ფორმა: 50გ კრემი

აფთიაქიდან გაიცემა ურეცეპტოდ.

მწარმოებელი: რეკორდატ ილაჩ სან. ა.ს. სტამბული/თურქეთი/

ლიცენზიის მფლობელი: რეკორდატი ილაჩ სან თურქეთი

ზუმ 25 / Zum 25

საერთაშორისო დასახელება (აქტიური ნივთიერება): dexketoprofen

კლინიკურ–ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის → პროპიონის მჟავას წარმოებული პრეპარატები გამოხატული ანალგეზიური ეფექტით

მწარმოებელი კომპანია: Rompharm İlaC San. ve Tic

მწარმოებელი ქვეყანა: თურქეთი

გამოშვების ფორმა: 50მგ/2მლ 2მლ ი.ვ. და ი.მ. საინექციო ხსნარი ამპულა №5 (1X5)

გაცემის რეჟიმი: III ჯგუფი (ურეცეპტოდ)

1. რა არისზუმ-25 და რისთვის გამოიყენება?

ზუმ-25 წარმოადგენს ტკივილგამაყუჩებელ საშუალებას, რომელიც მიეკუთვნება ანთების საწინააღმდეგო არასტეროიდული საშუალებების (ასას) ჯგუფს.

ზუმ-25 საინექციო ხსნარი გამოიყენება ზომიერი და მწვავე პოსტ-ოპერაციული ტკივილის, თირკმლის კოლიკის (თირკმლის მწვავე ტკივილი) და წელის ტკივილის სიმპტომური მკურნალობის მიზნით პაციენტებში, რომლებიც ვერ იღებენ ტაბლეტებს.

ზუმ-25 თითოეული ამპულა შეიცავს 50 მგ დექსკეტოპროფენს (ტრომეტამოლის სახით). კოლოფში მოთავსებულია 5 ამპულა, რომელიც შეიცავს 2 მლ გამჭვირვალე, უფერო სითხეს. 

2. განსაკუთრებული მითითებები ზუმ-25-ის მიღებამდე 

არ მიიღოთ ზუმ-25, თუ

• გაქვთ ალერგია (ჰიპერმგრძნობელობა) დექსკეტოპროფენის ტრომეტამოლის ან პრეპარატის შემადგენელი სხვა რომელიმე კომპონენტის მიმართ

• გაქვთ ალერგია აცეტილსალიცილის მჟავას ან სხვა ანთების საწინააღმდეგო არასტეროიდული საშუალებების მიმართ

• გქონიათ ასთმის შეტევები, მწვავე ალერგიული რინიტი (ცხვირის ლორწოვანი გარსის ანთება), ნაზალური პოლიპები (ალერგიის ფონზე განვითარებული მოცულობითი წარმონაქმნები ცხვირში), ურტიკარია (გამონაყარი კანზე), ანგიოდემა (სახის, თვალების, ტუჩების ან ენის შეშუპება, სუნთქვითი დისტრეს სინდრომი) ან ხიხინი გულმკერდის არეში ასთმის ან სხვა ანთების საწინააღმდეგო არასტეროიდული საშუალების მიღების ფონზე განვითარებული 

• გაქვთ ან ადრე უჩიოდით პეპტიურ წყლულს

• გაქვთ ან ადრე უჩიოდით სისხლდენას კუჭიდან ან ნაწლავიდან ასას-ის მიღების ფონზე

• გაქვთ მონელების ქრონიკული პრობლემები (მაგ.: დისპეფსია, გულძმარვა) ან ნაწლავის ქრონიკული ანთება (კრონის დაავადება ან წყლულოანი კოლიტი)

• გაქვთ გულის უკმარისობა, თირკმლის ზომიერი ან სერიოზული პრობლემები, ან ღვიძლის სერიოზული დაავადებები

• გაქვთ მიდრეკილება სისხლდენისკენ ან შედედების პრობლემები

• ხართ ორსულობის მესამე ტრიმესტრში ან მეძუძური დედა

დაიცავით განსაკუთრებული სიფრთხილის ზომები ზუმ-25-ის მიღების დროს, თუ

• წარსულში გქონიათ ნაწლავების ქრონიკული ანთება (წყლულოვანი კოლიტი, კრონის დაავადება)

• წარსულში უჩიოდით ან ამჟამად გაქვთ კუჭისა და ნაწლავების სხვა პრობლემები

• იღებთ სხვა მედიკამენტებს, რომლებიც ზრდიან პეპტიური წყლულისა და სისხლდენის განვითარების რისკს, მაგ.: ორალური სტეროიდები, ზოგიერთი ანტიდეპრესანტი (სეროტონინის უკუმიტაცების სელექტიური ინჰიბიტორები), ანტითრომბოზული საშუალებები, როგორიცაა – ასპირინი ან ანტიკოაგულანტები, როგორიცაა – ვარფარინი. ასეთ შემთხვევაში ზუმ-25-ის მიღებამდე მიმართეთ ექიმს. ექიმმა შესაძლოა დაგინიშნოთ კუჭის დამცავი საშუალებები (მიზოპროსტოლი ან კუჭის მჟავიანობის დამაქვეითებელი საშუალებები)

• გაქვთ გულის დაავადებები, გადატანილი ინფარქტი ან იმყოფებით მათი განვითარების რისკის ქვეშ (მაგ.: მაღალი არტერიული წნევა, დიაბეტი, ქოლესტერინის მაღალი დონე ან მწეველობა). მედიკამენტის მიღებამდე მიმართეთ ექიმს ან ფარმაცევტს. ზუმ-25-ის მსგავს მედიკამენტებთან ასოცირდება გულის ინფარქტის ან ინსულტის განვითარების მცირედ მომატებული რისკი. რისკი მატულობს მაღალი დოზების მიღების ან ხანგრძლივი მკურნალობის დროს. ნუ გადააჭარბებთ დანიშნულ დოზას ან მკურნალობის ხანგრძლივობას.

• ხართ ასაკოვანი პაციენტი: გვერდითი ეფექტების გამოვლინება უფრო ხშირია, განსაკუთრებით მატულობს სისხლდენა და პეპტიური წყლულის პერფორაცია, რაც შესაძლებელია სიცოცხლისათვის საშიში გამოსავლით დასრულდეს (იხ. ნაწილი 4). ნებისმიერი ასეთი გვერდითი ეფექტის გამოვლენის შემთხვევაში, დაუყოვნებლივ მიმართეთ ექიმს.

• გაქვთ ან წარსულში გქონიათ ალერგიული დაავადებები

• გაქვთ ან წარსულში გქონიათ თირკმლის, ღვიძლის ან გულის დაავადებები (ჰიპერტენზია და/ან გულის უკმარისობა), სითხის შეკავება

• იღებთ შარდმდენ საშუალებებს ან გაქვთ დაქვეითებული ჰიდრატაცია და ჰიპოვოლემია, განპირობებული სითხის ჭარბი კარგვით (მაგ.: ჭარბი შარდვა, დიარეა ან ღებინება)

• გაქვთ ფერტილობის პრობლემები (ზუმ-25 გავლენას ახდენს ფერტილობაზე, ამიტომ არ არის რეკომენდებული მისი გამოყენება ორსულობის დაგეგმვის შემთხვევაში)

• ხართ ორსულობის პირველ ან მეორე ტრიმესტრში

• გაქვთ სისხლისა და სისხლის უჯრედების წარმოქმნის პრობლემები

• გაქვთ სისტემური წითელი მგლურა (დაავადება, რომელიც ხასიათდება კანის სისტემური დაზიანებით) ან შემაერთებელი ქსოვილის შერეული დაავადებები (იმუნური სისტემის დაავადება, რაც გავლენას ახდენს შემაერთებელ ქსოვილზე)

• ხართ 18 წლამდე ასაკის პაციენტი

• თუ თქვენ მკურნალობის შემთხვევაში შეამჩნიეთ, რომ გაქვთ სისხლი განავალში, შავი ფეკალური მასები, განგივითარდათ სისხლიანი ღებინება ან ნაღებინებ მასაში შეამჩნიეთ ყავის ნალექის მსგავსი ჩანართები, შეწყვიტეთ მედიკამენტის მიღება და დაუყოვნებლივ მიმართეთ ექიმს

• გაქვთ დისპეფსია ან გულძმარვა, მუცლის ტკივილი (კუჭის ტკივილი) ან სხვა უჩვეულო კუჭისმხრივი სიმპტომები, შეწყვიტეთ მედიკამენტის მიღება და მიმართეთ ექიმს

მიმართეთ ექიმს, თუ გამოგივლინდათ ან წარსულში გქონიათ ჩამოთვლილი სიმპტომებიდან რომელიმე. 

ზუმ-25-ის საკვებთან და სასმელთან ერთად მიღება

მიღების წესიდან გამომდინარე სასმელის და საკვების მიღება გავლენას არ ახდენს პრეპარატის ბიოშეღწევადობაზე.

ორსულობა 

მედიკამენტის მიღებამდე მიმართეთ ექიმს ან ფარმაცევტს.

დაუშვებელია ზუმ-25-ის მიღება ოსულობის მესამე ტრიმესტრში.

არ მიიღოთ ზუმ-25 ორსულობის პირველ და მეორე ტრიმესტრებში, თუ არ არის განსაკუთრებული საჭიროება. 

თუ ორსული ხართ, აცნობეთ ექიმს. დაგეგმილი ორსულობის დროს ზუმ-25-ის მიღება არ არის მიზანშეწონილი.

თუ მკურნალობის პერიოდში დადგინდა ორულობა, დაუყოვნებლივ მიმართეთ ექიმს ან ფარმაცევტს.

ლაქტაცია

მედიკამენტის მიღებამდე მიმართეთ ექიმს ან ფარმაცევტს.

არ მიიღოთ ზუმ-25 ლაქტაციის პერიოდში.

ავტომობილებისა და სხვა მოწყობილობების მართვა

ზუმ-25-ს აქვს სუსტად გამოხატული ისეთი გვერდითი ეფექტები როგორც არის ძილიანობა და თავბრუსხვევა, რამაც შესაძლოა გარკვეული გავლენა იქონიოს ავტომობილის მართვაზე. მსგავსი სიმპტომების განვითარების შემთხვევაში, არ მართოთ ავტომობილი და სხვა მოწყობილობები, მათ სრულ გაქრობამდე. რჩევისათვის მიმართეთ ექიმს.

მნიშვნელოვანი ინფორმაცია ზუმ-25-ის შემადგენელი დამხმარე ნივთიერებების შესახებ

ზუმ-25-ის ყოველი ამპულა შეიცავს 200 მგ ეთანოლს, რაც 5 მლ ლუდის ან 2.08 მლ ღვინის ეკვივალენტურია. ეს ალკოჰოლური დამოკიდებულების შემთხვევაში, შესაძლოა საზიანო იყოს. პრეპარატში ალკოჰოლის შემცველობა გასათვალისწინებელია ორსულ, მეძუძურ ქალებში, ბავშვებში და მაღალი რისკის ჯგუფის პაციენტებში (როგორიცაა ღვიძლის დაავადების ან ეპილეფსიის მქონე პაციენტები) მისი დანიშვნის დროს.

მედიკამენტი შეიცავს 1 მმოლ (23 მგ) ნატრიუმს. ნატრიუმის ეს დოზა გვერდითი ეფექტების მიზეზი არ შეიძლება იყოს, თუმცა მისი შემცველობა პრეპარატში გასათვალისწინებელია პაციენტებში, რომლებიც იმყოფებიან უმარილო დიეტაზე.

ურთიერთქმედება მედიკამენტებთან

აცნობეთ ექიმს, სტომატოლოგს ან ფარმაცევტს, თუ ზუმ-25-თან ერთად იღებთ სხვა მედიკამენტებს. ზოგიერთ მედიკამენტის ზუმ-25-თან ერთად ერთროული მიღება დაუშვებელია ან საჭიროებს დოზის კორექციას.

დაუშვებელი კომბინაციები:

• აცეტილსალიცილის მჟავა (ასპირინი), კორტიკოსტეროიდები ან ანთების საწინააღმდეგო სხვა საშუალებები

• ვარფარინი, ჰეპარინი ან შედედებს საწინააღმდეგო სხვა საშუალებები

• ლითიუმი (ფსიქიკური დარღვევების სამკურნალო საშუალება)

• მეტოტრექსატი, რევმატოიდული ართრიტის (სახსრებისა და მყესების დაავადება) და სიმსივნის სამკურნალო საშუალება

• ჰიდანტოინი და ფენიტოინი (ეპილეფსიის სამკურნალო საშუალება)

• სულფამეტოქსაზოლი (ბაქტერიული ინფექციის სამკურნალო საშუალება)

კომბინაციები, რომლებიც საჭიროებენ სიფრთხილის ზომებს:

• აგფ ინჰიბიტორები, დიურეტიკები, ბეტა-ბლოკატორები და ანგიოტენზინ II-ის ანტაგონისტები, რომლებიც გამოიყენება არტერიული წნევის და გულის დაავადებების სამკურნალოდ

• პენტოქსიფილინი და ოქსპენტიფილინი (ქრ. ვენური წყლულების სამკურნალო საშუალება)

• ზიდოვუდინი (ვირუსული ინფექციის სამკურნალო საშუალება)

• ქლორპროპამიდი და გლიბენკლამიდი (დიაბეტის სამკურნალო საშუალება)

კომბინაციები, რომლებიც საჭიროებენ ყურადღებას:

• ქინოლონები (ციპროფლოქსაცინი, ლევოფლოქსაცინი, ბაქტერიული ინფექციების სამკურნალო საშუალება)

• ციკლოსპორინი ან ტაკროლიმუსი (იმუნური სისტემის დაავადებების სამკურნალო და ტრანსპლანტაციის დროს მისაღები საშუალება)

• სტრეპტოკინაზა და სხვა თრომბოლიზური ან ფიბრინოლიზური მედიკამენტები (ანტითრომბოზული საშუალებები)

• პრობენეციდი (პოდაგრის სამკურნალო საშუალება)

• დიგოქსინი (გულის ქრონიკული უკმარისობის სამკურნალო საშუალება)

• მიფეპრისტონი (ორსულობის შესაწყვეტი საშუალება)

• სეროტონინის უკუმიტაცების სელექტიური ინჰიბიტორები

• ანტიაგრეგაციული საშუალებები

აცნობეთ ექიმს ან ფარმაცევტს, თუ იღებთ ან იღებდით სხვა რეცეპტით ან ურეცეპტოდ გასაცემ მედიკამენტებს.

3. ზუმ-25-ის მიღების წესი

დოზირება / მიღების სიხშირე და გზა:

ზუმ-25 ყოველთვის მიიღეთ ექიმის დანიშნულების შესაბამისად. თუ რამეში გეპარებათ ეჭვი, აუცილებლად გაიარეთ კონსულტაცია თქვენს ექიმთან. 

ექიმი შეგირჩევთ ზუმ-25-ის საჭირო დოზას სიმპტომების ტიპის, სიმწვავისა და ხანგრძლივობის შესაბამისად. რეკომენდებული დოზა ძირითადად შეადგენს 1 ამპულას (50 მგ) ყოველ 8-12 საათში. საჭიროების შემთხვევაში დოზის გამეორება დასაშვებია 6 საათის შემდეგ. დაუშვებელია სადღეღამისო დოზის – 150 მგ-ის (3 ამპულა), გადაჭარბება.  

საინექციო წამლის ფორმების გამოყენება რეკომენდებულია ავადმყოფობის მხოლოდ მწვავე პერიოდში (არა უმეტეს 2 დღისა). შესაძლებლობისთანავე გადადით ორალურ ტკივილგამაყუჩებელ საშუალებაზე.

მიღების წესი:

ზუმ-25 ინიშნება ინტრავენურად ან ინტრამუსკულარულად.

ინტრავენური ინექციისათვის, ტექნიკური დეტალები მოცემულია ქვემოთ:

ინტრავენური მიღება:

ინტრავენური ინფუზია: ზუმ-25 ამპულის (2 მლ) შიგთავსი იხსნება 30-დან 100 მლ-მდე ფიზიოლოგიურ ხსნარში, 5% გლუკოზაში ან რინგერ-ლაქტატის ხსნარში.

მიღებული ხსნარი შეყავთ ნელი ინტრავენური ინფუზიის სახით 10-30 წუთის განმავლბაში. მოარიდეთ ხსნარი დღის სინათლეს.

ინტრავენური ბოლუსური ინექცია: საჭიროების შემთხვევაში ზუმ-25-ის შიგთავსი შეყავთ ნელი ბოლუსური ინექციის სახით, არანაკლებ 15 წამის განმავლობაში.

ეთანოლის შემცველობის გამო დაუშვებელია ზუმ-25-ის გამოყენება ინტრათეკალურად ან ეპიდურულად.

პრეპარატის გამოყენების ინსტრუქცია:

ზუმ-25-ის ინტრავენური ბოლუსური ინექციის დროს, მისი შეყვანა უნდა მოხდეს ხსნარის ფერადი ამპულიდან ამოღებისთანავე. 

ინტრავენური ინფუზიის მომზადების დროს ხსნარის განზავება ხდება ასეპტიკური წესების დაცვით და პირდაპირი მზის სხივებისაგან მოშორებით.

დასაშვებია, მხოლოდ გამჭვირვალე და უფერო ხსნარის გამოიყენება.

შეთავსება:

ზუმ-25 მცირე დოზებით, თავსებადია ჰეპარინის, ლიდოკაინის, მორფინის და თეოფილინის საინექციო ხსნარების მცირე მოცულობებთან.

მომზადებული საინექციო ხსნარი უნდა იყოს გამჭვირვალე. 100 მლ ფიზიოლოგიურ ან გლუკოზის ხსნარში გახსნილი ზუმ-25-ის შეთავსება შეიძლება შემდეგ საინექციო ხსნარებთან: დოფამინი, ჰეპარინი, ჰიდროქსიზინი, ლიდოკაინი, მორფინი, ფეტიდინი და თეოფილინი.

საინექციო ხსნარის შენახვისას აქტიური ნივთიერების აბსორბცია არ ხდება შემდეგი სახის კონტეინერებში: პლასტიკურ გადასასხმელ ჩანთებში ან ეთილ ვინილ აცეტატის (ევა), ცელულოზას პროპიონატის (ცპ), დაბალი სიმკვრივის პოლიეთილენის (დსპე) და პოლივინილ ქლორიდის (პვქ) გადასახმელ სამედიცინო მოწტობილობებში. 

ზუმ-25-ის ინტრამუსკულარული გამოყენების დროს ხსნარი შეყავთ კუნთში შეფერილი ამპულიდან ამოღებისთანავე, ღრმა, ნელი ინექციის სახით.

გამოიყენება მხოლოდ გამჭვირვალე და უფერო ხსნარი.

სხვადასხვა ასაკობრივი ჯგუფი:

გამოყენება ბავშვებში:

ზუმ-25 არ ინიშნება 18 წლამდე ასაკის ბავშვებში.

გამოყენება გერიატრიაში:

თირკმლის უკმარისობის და თირკმლის ან ღვიძლის პრობლემების მქონე ასაკოვან პაციენტებში ზუმ-25-ის სადღეღამისო დოზა არ უნდა აღემატებოდეს 50 მგ-ს (1 ამპულა). 

განსაკუთრებული პოპულაცია:

ღვიძლის / თირკმლის უკმარისობა:

თირკმლის უკმარისობის და თირკმლის ან ღვიძლის პრობლემების მქონე პაციენტებში ზუმ-25-ის სადღეღამისო დოზა არ უნდა აღემატებოდეს 50 მგ-ს (1 ამპულა). 

თუ ფიქრობთ, რომ ზუმ-25-ის ეფექტი ძალიან ძლიერი ან სუსტია, მიმართეთ ექიმს ან ფარმაცევტს.

ზუმ-25-ის საჭიროზე მეტი დოზის მიღების შემთხვევაში

ზუმ-25-ის ჭარბი დოზით მიღების შემთხვევაში მიმართეთ ექიმს ან ფარმაცევტს.

თან იქონიეთ მედიკამენტის შეფუთვა ან ინსტრუქცია.

ზუმ-25-ის დოზის გამოტოვების შემთხვევაში

ნუ მიიღებთ ორმაგ დოზას გამოტოვებულის სანაცვლოდ.

მიიღეთ შემდეგი დოზა ჩვეულებრივ დროს (ზუმ-25-ის მიღების წესის შესაბამისად).

მედიკამენტის გამოყენებასთან დაკავშირებული დამატებითი შეკითხვების არსებობის შემთხვევაში მიმართეთ ექიმს ან ფარმაცევტს.

4. შესაძლო გვერდითი ეფექტები

ყველა მედიკამენტის მსგავსად, ზუმ-25-საც შეუძლია გამოიწვიოს გვერდითი ეფექტები მის მიმართ მომატებული მგრძნობელბის მქონე პაციენტებში.

შესაძლო გვერდითი ეფექტები მოყვანილია ქვემოთ გამოვლენის სიხშირის შესაბამისად. ცხრილში მითითებულია რამდენ პაციენტს შეიძლება განუვითარდეს ეს გვერდითი ეფექტები:

ხშირი გვერდითი ეფექტები:

• გულისრევა და/ან ღებინება

• ტკივილი ინექციის ადგილას

• ანთებითი რეაქცია, სისხლჩაქცევა და სიწითლე (ჰემორაგია) ინექციის ადგილას

ნაკლებად ხშირი გვერდითი ეფექტები:

• სისხლიანი ღებინება

• დაბალი არტერიული წნევა

• ცხელება

• მხედველობის დაბინდვა

• თავბრუსხვევა

• ძილიანობა

• ძილის დარღვევა

• თავის ტკივილი

• ანემია

• მუცლის ტკივილი

• ყაბზობა

• საჭმლის მონელების პრობლემები (დისპეფსია)

• დიარეა

• პირის სიმშრალე

• ჰიპერემია

• გამონაყარი

• დერმატიტი

• ქავილი

• ჭარბი ოფლიანობა

• დაღლილობა

• ტკივილი

• შემცივნება

იშვიათი გვერდითი ეფექტები:

• პეპტიური წყლული, სისხლდენა პეპტიური წყლულიდან ან პეპტიური წყლულის პერფორაცია

• მაღალი არტერიული წნევა (ჰიპერტენზია)

• გულის წასვლა

• სუნთქვის შენელება

• ვენების ანთება ან ზედაპირული ვენები (თრომბოზის ფონზე – ზედაპირული თრომბოფლებიტი)

• ექსტრასისტოლია

• ტაქიკარდია

• პერიფერიული შეშუპება (ფეხების და ხელების შეშუპება)

• მგრძნობელობის დარღვევები

• ცხელება და კანკალი

• ხმაური ყურებში (ტინიტუსი)

• გამონაყარი ქავილით

• სიყვითლე

• აკნე

• წელის ტკივილი

• თირკმლის ტკივილი

• ხშირი შარდვა

• მენსტრუაციის დარღვევა

• პროსტატის დაავადებები

• კუნთოვანი რიგიდობა

• სახსრების რიგიდობა

• კუნთოვანი სპაზმი

• ღვიძლის ტესტების დარღვევა, სისხლში გლუკოზის დონის მატება (ჰიპერგლიკემია), სისხლში გლუკოზის დონის დაქვეითება (ჰიპოგლიკემია), ტრიგლიცერიდების კონცენტრაციის მატება (ჰიპერტრიგლიცერიდემია), კეტოსხეულების გამოვლენა შარდში (კეტონურია), შარდში ცილები (პროტეინურია)

ძალიან იშვიათი გვერდითი ეფექტები:

• ანაფილაქსიური რეაქცია (ჰიპერმგრძნობელობის რეაქცია, რომელიც ხშირად კოლაფსს განაპირობებს)

• კანის, პირის, თვალის და გენიტალური მიდამოს ლორწოვანი გარსების დაწყლულება (სტივენს ჯონსონის და ლაიელის სინდრომები)

• სახის, ტუჩების და ხორხის შეშუპება (კვინკეს შეშუპება)

• სუნთქვის უკმარისობა ბრონქოსპაზმის ფონზე

• ქოშინი

• პანკრეატიტი

• ღვიძლის უჯრედების დაზიანება (ჰეპატიტი)

• კანის მგრძნობელობის რეაქციები და კანის მომატებული მგრძნობელობა სინათლის მიმართ

• თირკმლის დაზიანება

• სისხლის თეთრი უჯრედების შემცირება (ნეიტროპენია)

• თრომბოციტების რაოდენობის შემცირება (თრომბოციტოპენია)

დაუყოვნებლივ აცნობეთ ექიმს მკურნალობის დასაწყისში კუჭისმხრივი/ნაწლავური გვერდითი ეფექტების გამოვლენისთანავე (მაგალითად კუჭის ტკივილი, გულძმარვა ან სისხლდენა) ან თუ ოდესმე გქონიათ ისინი ანთების საწინააღმდეგო საშუალებების მიღების ფონზე, განსაკუთრებით, თუ ხანდაზმული ასაკის პაციენტი ხართ.

შეწყვიტეთ ზუმ-25-ის მიღება კანზე ქავილის, ლორწოვან გარსზე დაზიანებების (პირის ღრუში) ან ალერგიის სიმპტომების გამოვლენისთანავე.

არასტეროიდული ანთების საწინააღმდეგო საშუალებებით მკურნალობის ფონზე დამახასიათებელია სითხის შეკავება და შეშუპება (განსაკუთრებით კოჭებსა და ფეხებში), არტერიული წნევის მატება და გულის უკმარისობა.

ზუმ-25 და მსგავსი მედიკამენტები ასოცირდება გულის ინფარქტის ან ინსულტის განვითარების მცირედი რისკის მედიკამენტებში.

სისტემური წითელი მგლურას (კანის დიფუზური დაზიანებით მიმდინარე დაავადება) ან შემაერთებელი ქსოვილის შერეული დაავადებების (იმუნური სისტემის დაავადებები, რომლებიც აზიანებს შემაერთებელ ქსოვილს) მქონე პაციენტებში ანთების საწინააღმდეგო საშუალებები იშვიათად იწვევენ ცხელებას, თავის ტკივილს, კისრის კუნთების რიგიდობას.

დაუყოვნებლივ მიმართეთ ექიმს, თუ ზუმ-25-ის მიღების ფონზე აღმოცენდა ან გაუარესდა ანთების სიმპომები. 

გვერდითი ეფექტების გაუარესების ან ისეთი გვერდითი ეფექტების გამოვლენის შემთხვევაში, რომლებიც არ არის ჩამოთვლილი მოცემულ გამოყენების ინსტრუქციაში, მიმართეთ ექიმს ან ფარმაცევტს.

5. ზუმმ-25-ის შენახვის პირობები

ზუმ-25 ინახება ბავშვებისთვის ხელმიუწვდომელ ადგილას, ორიგინალ შეფუთვაში.

ინახება ოთახის ტემპერატურაზე არაუმეტეს 25˚C, სინათლისგან დაცულ ადგილას.

შეინახეთ ამპულები თავის ორიგინალ მუყაოს კოლოფში.

გამოიყენეთ კოლოფზე მითითებული ვარგისობის ვადის შესაბამისად.

ნუ გამოიყენებთ ზუმ-25-ს კოლოფზე მითითებული ვარგისობის ვადის გასვლის შემდეგ.

ნუ გამოიყენებთ ზუმ-25-ს, თუ შეამჩნიეთ პრეპარატის ან მისი შეფუთვის რაიმე დეფექტი.

არ გამოიყენოთ ზუმ-25, თუ ხსნარი არ არის გამჭვირვალე ან უფერო და ამჩნევთ, რომ შემღვრეულია (მაგალითად შეტივტივებული ნაწილაკები ხსნარში). 

ზუმ-25 განსაზღვრულია ერთჯერადი გამოყენებისთვის და პაციენტმა უნდა მიიღოს გახსნისთანავე. გამოუყენებელი პრეპარატი უნდა განადგურდეს.

გაცემის წესი

ფარმაცევტული პროდუქტის ჯგუფი III, გაიცემა რეცეპტის გარეშე.

ლივიფლორი
(ფლაკონები)

პრეპარატი დამზადებული B ჯგუფის ვიტამინებისაგან, შეიცავს ცოცხალ ლაქტო პრობიოტიკებს და ფრუქტოოლიგოსაქარიდებს.

შემადგენლობა
დოზირებული კაფსულის შემცველობა:  ლუდის საფუარი (შეიცავს გლუტინს), პრობიოტიკები მალტოდექსტრინის ფუძეზე (შეიცავს ლაქტოზას, სოიოს და დერივატებს): Lactobacillus Lactis (1 მლდ. ცოცხალ უჯრედებს საწყისში), Lactobacillus Acidophilus (1 მლდ. ცოცხალ უჯრედებს საწყისში), Lactobacillus Bulgaricus (1 მლდ. ცოცხალ უჯრედებს საწყისში), Bifidobacterium bifidum (1,2 მლდ. ცოცხალ უჯრედებს საწყისში), Streptococcus Thermophilus ((1,8 მ. ცოცხალ უჯრედებს საწყისში), ნიკოტინამიდი, კალციუმის პანტოთენატი, რიბოფლავინი, პირიდოქსინ ჰიდროქლორიდი, თიამინ ჰიდროქლორიდი, ვიტ. B12 0,1% (მალტოდექსტრინი, დამჟანგვი აგენტები: ლიმონმჟავა,ნატრიუმის ციტრატი, ციანკობალამინი).
ფლაკონის შემცველობა: გასუფთავებული წყალი, ფრუქტოზა, აკაციის თაფლი, ფრუქტოოლიგოსაქარიდები (6,1%), დამჟანგავი აგენტები: ნატრიუმის ლაქტატი.  კონსერვანტები: კალიუმის სორბიტი, არომა. დამჟანგავი აგენტები: ლიმონმჟავა.

თვისებები:
რძემჟავა ბაქტერია ხასიათდება საინტერესო ბიოლოგიური თვისებებით, რომელიც არეგულირებს ნაწლავის ფიზიოლოგიურ გარემოს ბაქტერია equilibrum-ის  ფლორის კონტროლისა და აღდგენის ხარჯზე.
ნაწლავის ბაქტერიული ეკოსისტემა შეიძლება შეიცვალოს სხვადასხვა პირობებში, რაც განპიობებულია არასაკმარი ან არარეგულარული კვებით ან ანტიბიოტიკოთერაპიით. მსგავსი მოვლენების თავიდან ასაცილებლად აუცილებელია ბაქტერიული ფლორის ხელახალი გამრავლება.
LIEVIFLOR აწვდის ორგანიზმს ცოცხალ ლაქტობაცილას: 5 სხვადასხვა სახეობის შტამს, სულ მცირე 6 მილიარდ Lactobacillus ყოველ მიღებაზე.  ფრუქტოოლიგოსაქარიდები ასტიმულირებენ Lactobacillus მეტაბოლიზმს ზრდიან რა რთული შაქრების გადამუშავებას და ამავდროულად ამცირებენ ნაწლავური გაზების წარმოქმნას.
В ჯგუფის წყალში ხსნადი ვიტამინები ახდენენ შესაძლო ნაკლოვანებათა ადმინისტრირებას და ამდიდრებენ ვიტამინებით ბიოლოგიურ აქტივებს.

ჩვენებები
LIEVIFLOR განაპირობებს კვების  B ჯგუფის ვიტამინებით ინტეგრირებას, ასევე ხელს უწყობს ნაწლავური ფლორის წონასწორობის აღდგენას ცოცხალი რძის ფერმენტებისა და ფრუქტოოლიგოსაქარიდების მიწოდების გზით.

შეფუთვა:
ერთდოზიანი 7 ფლაკონი, დოზირებულ კაფსულებთან ერთად.
მიღების წესები და რეკომენდებული დღე–ღამის დოზა
ერთი ან ორი ფლაკონი დღეში.  ჭამიდან ხანგრძლივი დროის  შემდგომ.  არ გადააჭარბოთ რეკომენდებულ დოზას.

განსაკუთრებული მითითებები
შეინახეთ  გრილ და მშრალ, ბავშვეებისგან დაცულ ადგილას. საკვები დანამატებით არ უნდა მოხდეს ჩვეული საკვები პროდუქტების ჩანაცვლება

საკვები შემცველობა              100–ში                     თითო ამპულაში     ენერგეტიკული ღირებულება            
კკალ    107,83    12,422    
კჯ    458,30    52,796    
საშუალო ანალიზი                   1000 მგ                       100 მგ
პროტეინები (ხ6.25)              750 მგ                                 75 მგ
კარბოჰიდრატები                750 მგ                                  75 მგ
ლიპიდები                       500 მგ                                  50 მგ    
საკვები ბოჭკოები                500 მგ                                50 მგ
ნიკოტინამიდი (ვიტ. PP)          42 მგ                                  5 მგ    
პანტოთენის მჟავა (ვიტ. B5)          18 მგ                                  2.1 მგ    
რიბოფლავინი (ვიტ. B2)           8 მგ                                  1 მგ    
თიამინი (ვიტ B1)                 6 მგ                                  0.7 მგ    
პირიდოქსინი (ვიტ. B6)          6 მგ                                  0.7 მგ    
ციანკობალამინი (ვიტ. B12)       6მკგ                                  0.7 მკგ    

სავაჭრო ნიშანი და პროდუქტის მფლობელი: DIFASS SA:
შეფუთულია: Via A. Lorenzetti  3/A (once Via B. Cellini, 63-69) Loc. Sambuca V.P. – Tavarnelle V.P. (FI)
დისტიბუტორი საქართველოში: OMMUR LTD

ზუმ 25 / Zum 25

• საერთაშორისო დასახელება (აქტიური ნივთიერება): dexketoprofen
• კლინიკურ–ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის → პროპიონის მჟავას წარმოებული პრეპარატები გამოხატული ანალგეზიური ეფექტით
• მწარმოებელი კომპანია: ჯი-ემ-პი
• მწარმოებელი ქვეყანა: საქართველო
• გამოშვების ფორმა: 25მგ აპკიანი გარსით დაფარული ტაბლეტი №10
• გაცემის რეჟიმი: III ჯგუფი (ურეცეპტოდ)

შემადგენლობა

ზუმ-25-ის აპკიანი გარსით დაფარული ტაბლეტი შეიცავს აქტიური ნივთიერების – დექსკეტოპროფენის ტრომეტამოლის 36.9 მგ-ს (25 მგ დექსკეტოპროფენის ეკვივალენტური).

დამხმარე ნივთიერებები: მიკროკრისტალური ცელულოზა, ჟელატინიზირებული სახამებელი, სილიციუმის დიოქსიდი, მაგნიუმის სტეარატი, შემოსაგარსი ფხვნილი. 

ფარმაკო–თერაპიული ჯგუფი

არასტეროიდული ანთების საწინააღმდეგო საშუალებები; პროპიონის მჟავას წარმოებული პრეპარატები გამოხატული ანალგეზიური ეფექტით.

მოქმედების მექანიზმი

დექსკეტოპროფენის ტრომეტამოლი (ზუმ-25) წარმოადგენს ბენზოილფენილ პროპიონის მჟავას ტრომეტამოლის მარილს, რომელიც ხასიათდება ანალგეზიური, ანთების საწინააღმდეგო და სიცხის დამწევი (ანტიპირეტული) მოქმედებით. იგი მიეკუთვნება ანალგეზიურ/ანტირევმატული არასტეროიდულ საშულებათა ჯგუფს.

მისი მოქმედების მექანიზმი დაკავშირებულია ფერმენტ ციკლოოქსიგენაზას დათრგუნვით გამოწვეული პროსტაგლანდინების სინთეზის ინჰიბირებასთან, რომლის დროსაც განსაკუთრებით ფერხდება არაქიდონის მჟავას გარდაქმნა ციკლურ ენდოპეროქსიდებად, რომელთაგანაც წარმოიქმნება პროსტაგლანდინები, პროსტაციკლინი და თრომბოქსანი.

ფარმაკოკინეტიკა

პერორალური მიღების შემდეგ დექსკეტოპროფენის ტრომეტამოლის Cmax მიიღწევა საშუალოდ 30 წუთში (15-60 წთ). ერთდროულად საკვების მიღება აფერხებს პრეპარატის შეწოვას. პლაზმის ცილებს დაახლოებით 99% უერთდება. ნახევარდაშლის პერიოდი შეადგენს დაახლოებით 0,35 საათს. ორგანიზმიდან დექსკეტოპროფენი ძირითადად გამოიდევნება გლუკურონის მჟავასთან კონიუგაციის შემდეგ თირკმლების საშუალებით. დექსკეტოპროფენის ტრომეტამოლის T1/2 შეადგენს 1,65 საათს. ხანდაზმულ პაციენტებში აღინიშნება ნახევარგამოყოფის პერიოდის გახანგრძლივება.

ჩვენება

ზუმ-25 გამოიყენება მსუბუქიდან საშუალო სიმძიმის მწვავე ტკივილის სიმპტომური მკურნალობისთვის ხანმოკლე კურსით, მაგალითად, კუნთების ან სახსრების მწვავე ტკივილის, მენსტრუაციის დროს ტკივილის (ალგომენორეის), კბილის ტკივილის დროს.

უკუჩვენება

– ალერგია (მომატებული მგრძნობელობა) დექსკეტოპროფენის ტრომეტამოლის ან პრეპარატის სხვა კომპონენტების მიმართ;

– ალერგია აცეტილსალიცილის მჟავას (ასპირინი) ან სხვა არასტეროიდული ანთების საწინააღმდეგო საშუალებების მიმართ;

– ასპირინის ან სხვა არასტეროიდული ანთების საწინააღმდეგო საშუალებების მიღების შემდეგ გამოვლენილი ასთმის შეტევები, მწვავე ალერგიული რინიტი (ცხვირის ლორწოვანი გარსის ანთება ხანმოკლე დროის განმავლობაში), ცხვირის პოლიპები (ცხვირის ლორწოვანის შეშუპება ალერგიის გამო), ჭინჭრის ციება (კანზე გამონაყარი), ანგიონევროზული შეშუპება (სახის, თვალების, ტუჩების ან ენის შეშუპება ან სუნთქვის დარღვევა) ან ხიხინი გულ-მკერდის არეში;

– თუ გაქვთ ან წარსულში გქონდათ წყლულოვანი დაავადება, სისხლდენა კუჭიდან ან ნაწლავებიდან ან საჭმლის მონელების ქრონიკული დარღვევა (მაგალითად, მოუნელებლობა (დისპეფსია), გულძმარვა);

– ტკივილის გამო (არასტეროიდული ანთების საწინააღმდეგო საშუალებების (აასს) მიღებისას კუჭ-ნაწლავის ტრაქტიდან განვითარებული სისხლდენა ან პერფორაცია;

– თუ გაქვთ ანთებითი ხასიათის ნაწლავების ქრონიკული დაავადება (კრონის დაავადება ან არასპეციფიკური წყლულოვანი კოლიტი);

– თუ გაქვთ გულის გამოხატული უკმარისობა, თირკმლების ფუნქციის საშუალო ან მძიმე ხარისხის დარღვევა ან ღვიძლის ფუნქციის მძიმე ხარისხის დარღვევა;

– მომატებული სისხლდენა ან სისხლის შედედების დარღვევა;

– ორსულობა ან ძუძუთი კვება;

– 18 წლამდე ასაკი.

უსაფრთხოების ზომები

რეკომენდებულია განსაკუთრებული სიფრთხილე პრეპარატის მიღებისას შემდეგ შემთხვევებში:

– თუ გაქვთ ან წარსულში გქონდათ ალერგია;

– თუ გაქვთ ან წარსულში გქონდათ თირკმელების, ღვიძლის, გულის დაავადებები (არტერიული ჰიპერტონია და/ან გულის უკმარისობა), ორგანიზმში სითხის შეკავება;

– თქვენ იღებთ შარდმდენ საშუალებებს, გაქვთ გაუწყლოება და სისხლის მოცულობის შემცირება სითხის მნიშვნელოვანი დაკარგვის გამო (მაგალითად, შარდის ჭარბი გამოყოფის, დიარეის ან ღებინების გამო);

– გაქვთ გულის დაავადებები, გადატანილი გაქვთ ინსულტი ან თვლით, რომ ხართ აღნიშნული დაავადებების რისკის ჯგუფში (მაგ.: მომატებული არტერიული წნევა, შაქრიანი დიაბეტი, ქოლესტერინის მომატებული დონე და თამბაქოს მოწევა. ასეთ შემთხვევებში მკურნალობასთან დაკავშირებით კონსულტაციისათვის მიმართეთ ექიმს ან ფარმაცევტს. პრეპარატის ზუმ-25 მსგავს საშუალებებს შეუძლია უმნიშვნელო ხარისხით ხელი შეუწყოს გულის შეტევის (მიოკარდიუმის ინფარქტის) ან ინსულტის რისკის გაზრდას. ნებისმიერი გართულების საშიშროება იზრდება დოზისა და მკურნალობის ხანგრძლივობის გაზრდასთან ერთად. არ გადააჭარბოთ რეკომენდებულ დოზებს და მკურნალობის ხანგრძლივობას.

– თუ თქვენ ხართ ხანდაზმული ასაკის ადამიანი. იზრდება გვერდითი მოქმედების განვითარების საშიშროება. ასეთ შემთხვევაში დაუყოვნებლივ მიმართეთ ექიმს;

– პრეპარატის მიღება რეკომენდებული არ არის ორსულობის დაგეგმვისას და შესაბამისი გამოკვლევების ჩატარებისას;

– თუ გაქვთ სისხლმბადი სისტემისა და სისხლის უჯრედების ფორმირების დარღვევა;

– თუ გაქვთ სისტემური წითელი მგლურა ან შემაერთებელი ქსოვილის შერეული დაავადება (იმუნური სისტემის დარღვევები, რაც იწვევს შემაერთებელი ქსოვილის შეცვლას);

– თუ გადატანილი გაქვთ ანთებითი ხასიათის ნაწლავების ქრონიკული დაავადება (არასპეციფიკური წყლულოვანი კოლიტი, კრონის დაავადება);

– თუ გაქვთ ან წარსულში გქონდათ კუჭის ან ნაწლავების სხვა დაავადებები;

– თუ იღებთ სხვა სამკურნალო საშუალებებს, რომლებიც ზრდის წყლულოვანი დაავადების ან სისხლდენის განვითარების რისკს, მაგალითად, პერორალური სტეროიდული პრეპარატები, ზოგიერთი ანტიდეპრესანტი (სეროტონინის უკუმიტაცების სელექციური ინჰიბიტორების ტიპი), თრომბოციტების აგრეგაციის დამაქვეითებელი პრეპარატები (ასპირინი) ან ანტიკოაგულანტები (ვარფარინი). ამ შემთხვევაში პრეპარატის მიღების დაწყებამდე კონსულტაციისათვის მიმართეთ ექიმს, რომელმაც, შესაძლებელია დაგინიშნოთ დამატებითი მედიკამენტები, კუჭის დამცავი საშუალებები (რომლებიც აქვეითებენ კუჭის წვენის გამომუშავებას).

პრეპარატის ზუმ-25 საკვებთან და სასმელთან მიღება:

ტაბლეტები მიიღეთ საკმარისი რაოდენობის წყალთან ერთად. ტაბლეტები მიიღება ჭამის დროს, რადგან ეს ამცირებს კუჭის მხრივ ვერდითი მოქმედებების ალბათობას. მაგრამ მწვავე ტკივილის დროს ტაბლეტები უნდა მიიღოთ მშიერ კუჭზე, საკვების მიღებამდე სულ მცირე 30 წუთით ადრე, რადგან ამ შემთხვევაში პრეპარატი მოქმედებს უფრო სწრაფად.

ბავშვები და მოზარდები

პრეპარატის  ზუმ-25 მიღება 18 წლამდე ასაკის პაციენტებში უკუნაჩვენებია.

ავტომობილისა და სხვა მექანიკური საშუალებების მართვაზე გავლენა

პრეპარატის მიღების ფონზე შეიძლება განვითარდეს ისეთი გვერდითი მოქმედება, როგორიცაა თავბრუსხვევა და ძილიანობა, ამიტომ ის გარკვეულ ზემოქმედებას ახდენს სატრანსპორტო საშუალებებისა და მექანიზმების მართვის უნარზე. თავბრუსხვევის და ძილიანობის გამოვლენისას აღნიშნული სიმპტომების გაქრობამდე თავი შეიკავეთ სატრანსპორტო საშუალებებისა და მექანიზმების მართვისგან. კონსულტაციისათვის მიმართეთ ექიმს.

ორსულობა და ლაქტაციის პერიოდი

ორსულობისა და ძუძუთი კვების დროს პრეპარატი ზუმ-25-ის მიღება უკუნაჩვენებია.

ნებისმიერი პრეპარატის მიღების წინ მიმართეთ ექიმს ან ფარმაცევტს.

დოზის გადაჭარბება

პრეპარატის დოზის გადაჭარბების შემთხვევაში დაუყოვნებლივ მიმართეთ ექიმს, ფარმაცევტს ან უახლოესი საავადმყოფოს მიმღებ განყოფილებას. თან იქონიეთ მოცემული პრეპარატის შეფუთვა ან გამოყენების ინსტრუქცია.

პრეპარატის დოზის გამოტოვების შემთხვევაში არ მიიღოთ ორმაგი დოზა გამოტოვებულის საკომპენსაციოდ. მიიღეთ დანიშნული დოზა დანიშნულ დროს.

პრეპარატის მიღებასთან დაკავშირებით კითხვების გაჩენის შემთხვევაში მიმართეთ ექიმს ან ფარმაცევტს.

სხვა სამკურნალო საშუალებებთან ურთიერთქმედება

აცნობეთ მკურნალ ექიმს ან ფარმაცევტს თუ იღებთ ან ახლო წარსულში იღებდით სხვა მედიკამენტებს, ურეცეპტო სტატუსის მქონე პრეპარატების ჩათვლით. არსებობს პრეპარატები, რომელთა კომბინირება არ შეიძლება, და არსებობს ისეთი პრეპარატები, რომელთა ერთდროულად მიღებისას საჭიროა დოზის კორექტირება.

აუცილებლად აცნობეთ მკურნალ ექიმს, სტომატოლოგს ან ფარმაცევტს, თუ პრეპარატთან ზუმ-25 ერთად იღებთ რომელიმე ქვემოთ ჩამოთვლილ პრეპარატს.

რეკომენდებული არ არის შემდეგი საშუალებების კომბინირება პრეპარატთან ზუმ-25:

– აცეტილსალიცილის მჟავა (ასპირინი), კორტიკოსტეროიდები და სხვა ანთების საწინააღმდეგო საშუალებები;

– ვარფარინი, ჰეპარინი და სხვა საშუალებები, რომლებიც ხელს უშლის სისხლის შედედებას;

– ლითიუმი, რომელიც გამოიყენება ხასიათის ზოგიერთი დარღვევის დროს;

– მეტოტრექსატი, რომელიც გამოიყენება რევმატოიდული ართრიტის ან კიბოს დროს;

– ჰიდანტოინები და ფენიტოინი, რომელიც გამოიყენება ეპილეფსიის დროს;

– სულფამეტოქსაზოლი, რომელიც გამოიყენება ბაქტერიული ინფექციების დროს.

– რეკომენდებულია სიფრთხილის ზომების დაცვა პრეპარატთან ერთად შემდეგი საშუალებების გამოყენებისას:

– აგფ ინჰიბიტორები, შარდმდენი საშუალებები, ბეტა-ბლოკატორები და ანგიოტენზინ II რეცეპტორების ანტაგონისტები, რომლებიც გამოიყენება მომატებული არტერიული წნევის და გულის დაავადებების დროს;

– პენტოქსიფილინი და ოქსპენტიფილინი, რომლებიც გამოიყენება ვენების დაავადებებით განპირობებული ქრონიკული წყლულების დროს;

– ზიდოვუდინი, რომელიც გამოიყენება ვირუსული ინფექციების სამკურნალოდ;

– ანტიბიოტიკები-ამინოგლიკოზიდები, რომლებიც გამოიყენება ბაქტერიული ინფექციების დროს;

– ქლორპროპამიდი და გლიბენკლამიდი, რომლებიც გამოიყენება შაქრიანი დიაბეტის დროს.

– შემდეგი საშუალებების გამოყენება პრეპარატთან ზუმ-25 ერთად უნდა იყოს კარგად დასაბუთებული:

– ქინოლონის რიგის ანტიბიოტიკები (მაგალითად, ციპროფლოქსაცინი, ლევოფლოქსაცინი), რომლებიც გამოიყენება ბაქტერიული ინფექციების დროს;

– ციკლოსპორინი ან ტაკროლიმუსი, რომლებიც გამოიყენება იმუნური სისტემის დაავადებების სამკურნალოდ და ორგანოების ტრანსპლანტაციის დროს;

– სტრეპტოკინაზა და სხვა თრომბოლიზური ან ფიბრინოლიზური საშუალებები, ესე იგი მედიკამენტები, რომლებიც გამოიყენება სისხლის კოლტების დასაშლელად;

– პრობენეციდი, რომელიც გამოიყენება პოდაგრის დროს;

– დიგოქსინი, რომელიც გამოიყენება გულის ქრონიკული უკმარისობის დროს;

– მიფეპრისტონი, რომელიც გამოიყენება აბორტული საშუალების სახით (ორსულობის შეწყვეტისთვის);

– სეროტონინის უკუმიტაცების სელექციური ინჰიბიტორების ტიპის ანტიდეპრესანტები;

– ანტიაგრეგანტები, რომლებიც გამოიყენება თრომბოციტების აგრეგაციის და სისხლის კოლტების წარმოქმნის შესამცირებლად.

სხვა სამკურნალო საშუალებებთან ერთად პრეპარატის ზუმ-25 გამოყენების შესახებ დამატებითი კითხვების შემთხვევაში მიმართეთ ექიმს ან ფარმაცევტს.

დოზირება და მიღების წესი

ზუმ-25 ყოველთვის მიიღება მკურნალი ექიმის მითითების დაცვით. პრეპარატის მიღებასთან დაკავშირებით ეჭვის შემთხვევაში, კონსულტაციისთვის მიმართეთ ექიმს.

ზუმ-25-ის თქვენთვის საჭირო დოზა დამოკიდებულია ტკივილის ტიპზე, სიმძიმესა და ხანგრძლივობაზე. 

ექიმი მოგცემთ რჩევას თუ რამდენი ტაბლეტი უნდა მიიღოთ დღეში და რა პერიოდის განმავლობაში დაგჭირდებათ პრეპარატის მიღება.

ჩვეულებრივ რეკომენდებულია თითო ტაბლეტის (25 მგ) მიღება ყოველ 8 საათში, მაგრამ არა უმეტეს 3 ტაბლეტისა (75 მგ) დღე-ღამეში.

თუ ხართ ხანდაზმული ასაკის ადამიანი ან გაქვთ თირკმლების ან ღვიძლის დაავადებები, მკურნალობის დაწყება საჭიროა არა უმეტეს 2 ტაბლეტისა (50 მგ) საერთო სადღეღამისო დოზით. 

ხანდაზმულ პაციენტებში პრეპარატის კარგი ამტანობის შემთხვევაში საწყისი დოზა შემდგომში შეიძლება გაზრდილ იქნას ჩვეულებრივი პაციენტებისათვის რეკომენდებულ დოზამდე (75 მგ დექსკეტოპროფენი). 

თუ გაწუხებთ მწვავე ტკივილი და გსურთ ამ ტკივილის სწრაფი შემსუბუქება, მიიღეთ ტაბლეტები მშიერ კუჭზე (საკვების მიღებამდე სულ მცირე 30 წუთით ადრე), რადგან ამ შემთხვევაში ის უფრო სწრაფად შეიწოვება (იხ. „უსაფრთხოების ზომები“ – პრეპარატის ზუმ-25 საკვებთან და სასმელთან მიღება).

გვერდითი მოვლენები

როგორც ნებისმიერ სამკურნალო საშუალებას, პრეპარატსაც ზუმ-25 აქვს გვერდითი ეფექტები, თუმცა ის არ ვლინდება ყველა პაციენტში. 

ქვემოთ მითითებულია შესაძლო გვერდითი ეფექტები მათი გამოვლენის სიხშირის მიხედვით. 

ხშირად გამოვლენილი გვერდითი ეფექტები:

გულისრევა და/ან ღებინება, კუჭის ტკივილი, დიარეა, საჭმლის მონელების დარღვევა (დისპეფსია).

ზოგჯერ გამოვლენილი გვერდითი ეფექტები:

ტრიალის შეგრძნება (ვერტიგო), თავბრუსხვევა, ძილიანობა, ძილის დარღვევა, ნერვოზულობა, თავის ტკივილები, გულისცემის გახშირება, წამოხურება, დარღვევები კუჭის მხრივ, შეკრულობა, პირის სიმშრალე, მეტეორიზმი, კანზე გამონაყარი, ტკივილი, შემცივნება და კანკალი, ზოგადად ცუდად ყოფნის შეგრძნება (შეუძლოდ ყოფნა).

იშვიათად გამოვლენილი გვერდითი ეფექტები:

პეპტიკური წყლული, პერფორაცია ან სისხლდენა, რომელიც შეიძლება გამოვლინდეს სისხლიანი ღებინების ან შავი განავლის სახით (მელენა), გულყრა, მომატებული არტერიული წნევა, სუნთქვის გაძნელება, სითხის შეკავება და პერიფერიული შეშუპება (მაგალითად კოჭის შეშუპება), მადის დაკარგვა (ანორექსია), პათოლოგიური შეგრძნებები, გამონაყარი ქავილით, აკნე, მომატებული ოფლდენა, ტკივილი ზურგის არეში, გახშირებული შარდვა, მენსტრუალური ციკლის დარღვევა, დარღვევები წინამდებარე ჯირკვლის მხრივ, ღვიძლის სინჯების გადახრა სისხლის ანალიზში, თირკმელების ფუნქციის დარღვევა (თირკმლის მწვავე უკმარისობა).

ძალიან იშვიათად გამოვლენილი გვერდითი ეფექტები: 

ანაფილაქსიური რეაქციები (მომატებული მგრძნობელობის რეაქციები შოკამდე), კანზე, პირის, თვალებისა და სასქესო ორგანოების ლორწოვან გარსებზე მოუშუშებელი ჭრილობები (სტივენს-ჯონსონის და ლაიელის სინდრომი), პირის ან ტუჩების და ხახის შეშუპება (ანგიონევროზული შეშუპება), სუნთქვის გაძნელება სასუნთქი გზების შეკუმშვის შედეგად (ბრონქოსპაზმი), ქოშინი, გახშირებული გულისცემა, არტერიული წნევის დაქვეითება, კუჭქვეშა ჯირკვლის ანთება, ღვიძლის უჯრედების დაზიანება (ჰეპატიტი), არამკვეთრი მხედველობა, შუილი ყურებში, კანის მომატებული მგრძნობელობა, მგრძნობელობა სინათლის მიმართ, ქავილი, დარღვევები თირკმლების მხრივ. ლეიკოციტების რაოდენობის შემცირება (ნეიტროპენია), სისხლში თრომბოციტების რაოდენობის შემცირება (თრომბოციტოპენია).

დაუყოვნებლივ აცნობეთ ექიმს მკურნალობის დასაწყისში კუჭ-ნაწლავის ტრაქტის მხრივ გვერდითი მოქმედების გამოვლენის შესახებ (მაგალითად, კუჭის ტკივილი, გულძმარვა ან სისხლდენა), თუ უკვე გქონდათ აღნიშნული სიმპტომები ანთების საწინააღმდეგო საშუალებების ხანგრძლივი გამოყენებისას, განსაკუთრებით, ხანდაზმული ასაკის შემთხვევაში.

კანზე გამონაყარის გამოვლენის, ლორწოვანი გარსის ნებისმიერი სხვა დაზიანების (მაგალითად, პირის ღრუში) ან ალერგიის ნიშნების შემთხვევაში პრეპარატის მიღება უნდა შეწყდეს. 

არსებული მონაცემებით არასტეროიდული ანთების საწინააღმდეგო საშუალებების მიღებისას შესაძლებელია შეშუპების განვითარება (განსაკუთრებით, ფეხებზე) ორგანიზმში სითხის შეკავების შედეგად, არტერიული წნევის მომატება და გულის უკმარისობა.

ისეთ სამკურნალო საშუალებებს, როგორიცაა პრეპარატი ზუმ-25, შეუძლია ოდნავ გაზარდოს გულის შეტევის (მიოკარდიუმის ინფარქტის) ან ინსულტის რისკი.

პაციენტებში სისტემური წითელი მგლურით ან იმუნური სისტემის დარღვევებით (იმუნური სისტემის დარღვევები, რომლებიც იწვევს ცვლილებებს შემაერთებელ ქსოვილში), ანთების საწინააღმდეგო საშუალებების მიღების ფონზე შეიძლება გამოვლინდეს, თუმცა იშვითად, ციება, თავის ტკივილი და კისრის გაკავების შეგრძნება.

გვერდითი მოვლენების გაუარესებისას, ან ისეთი გვერდითი მოქმედების გამოვლენისას, რომელიც არ არის აღნიშნული გამოყენების ინსტრუქციაში, აცნობეთ მკურნალ ექიმს ან ფარმაცევტს.

ვარგისობა და შენახვის პირობები

პრეპარატის ვარგისობის ვადა – 2 წელი.

ინახება არა უმეტეს 30°C ტემპერატურაზე. ინახება ბავშვებისათვის ხელმიუწვდომელ ადგილზე!

გამოშვების ფორმა

აპკიანი გარსით დაფარული ტაბლეტები 25 მგ; 10 ტაბლეტი ბლისტერში; ბლისტერი მოთავსებულია მუყაოს კოლოფში გამოყენების ინსტრუქციასთან ერთად. 

აფთიაქიდან გაცემის პირობები

ფარმაცევტული პროდუქტის ჯგუფი III,  გაიცემა რეცეპტის გარეშე.