წამლის ფორმა:
რბილი ჟელატინის კაფსულები.
აღწერილობა: მოგრძო ყვითელი/მუქი ყავისფერი კაფსულები, რომლებიც ყვითელ-ყავისფერ ერთგვაროვან თხიერ მასას შეიცავს.

შემცველობა:
კაფსულა შეიცავს:
აქტიური ნივთიერებები:    
ლიოფილიზებული ფუტკრის რძე            33,3 მგ
(სამეფო ჟელე)

მცენარეული კომპონენტები
ჟენშენის კონცენტრირებული ექსტრაქტი            40 მგ
მცენარის მტვერი                            50 მგ
სოიოს ლეციტინი 45%                        32 მგ

ვიტამინები
ვიტამინი A (რეტინოლის პალმიტატი)            2000 ME
ვიტამინი B1 (თიამინის მონონიტრატი)                  15 მგ
ვიტამინი B2 (რიბოფლავინი)                        4 მგ
ვიტამინი B5 (კალციუმის პანტოთენატი)              4 მგ    
ვიტამინი B6 (პირიდოქსინის ჰიდროქლორიდი)          1 მგ
ვიტამინი B9 (ფოლის მჟავა)                     25 მკგ
ვიტამინი B10 (პარაამინობენზოის მჟავა)              50 მგ
ვიტამინი B12 (ციანოკობალამინი)                  5 მკგ
ვიტამინი D3 (ქოლეკალციფეროლი)                  200 ME
ვიტამინი E (ტოკოფეროლის აცეტატი)             30 ME
ვიტამინი PP (ნიკოტინამიდი)                         15 მგ
ვიტამინი H (ბიოტინი)                             3 მკგ

მაკრო-და მიკროელემენტები
რკინა (რკინის ფუმარატი)                          10 მგ
კალციუმი (კალციუმის ჰიდროფოსფატი)                90 მგ
ფოსფორი (კალციუმის ჰიდროფოსფატი)                70 მგ
სპილენძი (სპილენძის სულფატი)                     1 მგ
კალიუმი (კალიუმის სულფატი)                                      2 მგ
მანგანუმი (მანგანუმის სულფატი)                     1 მგ
თუთია (თუთიის სულფატი)                         1 მგ        

ნივთიერება ფსიქომასტიმულირებელი აქტივობით:
დეანოლის ბიტარტრატი                             25 მგ
(β-დიმეთილამინოეთანოლის ბიტარტრატი)                

ამინომჟავა
L-ლიზინის ჰიდროქლორიდი                          5 მგ    

დამხმარე ნივთიერებები: კალციუმის L-ასკორბატი, ხორბლის ღივების ზეთი, სოიო, სოიოს ზეთი ჰიდროგენიზირებული, ნაწილობრივ ჰიდროგენიზირებული მცენარეული ზეთი, ფუტკრის ცვილი.
კაფსულის გარსის შემცველობა: ჟელატინი, გლიცერინი, გასუფთავებული წყალი, ანიდრისორბი, ნატრიუმის ეთილჰიდროქსიბენზოატი, ნატრიუმის პროპილიჰიდროქსიბენზოატი, რკინის შავი ოქსიდი, რკინის ყავისფერი ოქსიდი, რკინის ყვითელი ოქსიდი, ტიტანის დიოქსიდი, კარმინი წითელი 62,5%, ეთილვანილინი.

ფარმაკოთერაპიული ჯგუფი:
კომბინირებული პოლივიტამინური პრეპარატი მიკრო- და მაკროელემენტებით და ბიოგენური ადაპტოგენით. ათქ კოდი: A11AA

ფარმაკოლოგიური თვისებები:
როტავიტ როიალი წარმოადგენს ვიტამინებისა და მინერალური ნივთიერებათა კომპლექს, რომლებიც აუცილებელია ორგანიზმის ნორმალური ნივთიერებათა ცვლის, ზრდისა და განვითარებისათვის, ისინი ორგანიზმს იცავენ დაავადებებისაგან და გარემოს მავნე ფაქტორების ზემოქმედებისაგან, მნიშვნელოვან როლს თამაშობენ ორგანიზმის სასიცოცხლო ფუნქციების უზრუნველყოფაში, ასევე ზრდიან ორგანიზმის უნარს წინააღმდეგობა გაუწიოს ავადმყოფობას.
ვიტამინები მონაწილეობენ ნივთიერებათა ცვლაში ბიოქიმიური და ფიზიოლოგიური პროცესების კატალიზატორების და რეგულატორების სახით.
მინერალური ნივთიერებები – აუცილებელი ელემენტებია ადამიანის ორგანიზმის ნივთიერებათა ცვლის პროცესებისათვის. მონაწილეობენ ორგანიზმის უჯრედებისა და ქსოვილების ფორმირებაში, ფერმენტული სისტემების მოქმედებაში.
ფუტკრის რძე ლიოფილიზირებული – ორგანიზმის მიერ ადვილად შეთვისებადი ნატურალური ფუტკრის პროდუქტი, რომელიც შეიცავს ამინომჟავებს, B ჯგუფის ვიტამინების კომპლექსს, მათ შორის პანტოთენის, ფოლის მჟავები, რომლებიც აძლიერებენ ნივთიერებათა ცვლას და გააჩნიათ ძლიერი სისხლმბადი მოქმედება.
დიმეთილამინოეთანოლის ბიტარტრატი ზრდის აცეტილქოლინის გამომუშავებას, სწავლის უნარს, აუმჯობესებს მეხსიერებას (ან ამცირებს მის დაკარგვას ხანდაზმულებში). გააჩნია ანტიოქსიდანტური მოქმედება.
ვიტამინი A მონაწილეობს ჟანგვა-აღდგენით პროცესებში, ცილების სინთეზის რეგულაციაში, ხელს უწყობს ნივთიერებათა ნორმალურ ცვლას, უჯრედულ და სუბუჯრედულ ფუნქციას; საჭიროა ახალი უჯრედების ზრდისათვის, ანელებს დაბერების პროცესს.
ვიტამინი B1  არის უჯრედული ენერგეტიკი, რომელიც ხელს უწყობს ორგანიზმის ზრდასა და განვითარებას, ზრდის გონებრივ და ფიზიკურ შრომისუნარიანობას, ახდენს დეტოქსიკურ მოქმედებას, ასევე აუმჯობესებს ნერვული ქსოვილის მეტაბოლიზმს. თიამინი მონაწილეობს რიგი ფერმენტების კოფერმენტების ფორმირებაში, რომლებიც მნიშვნელოვან როლს თამაშობენ ნახშირწყლოვან და ენერგეტიკულ ცვლაში, განსაკუთრებით ნერვულ და კუნთოვან ქსოვილებში. თიამინის ნაკლებობა იწვევს ბერი-ბერის (სპეციფიკური პოლინევრიტი) და ვერნიკეს (პოლინევროტული ფსიქოზი) სინდრომის განვითარებას.
ვიტამინი B2  წარმოადგენს უჯრედული სუნთქვის და მხედველობითი აღქმის პროცესების მნიშვნელოვან კატალიზატორს. რიბოფლავინი, არეგულირებს რა ჟანგვა-აღდგენით რეაქციებს, მონაწილეობს ცილების, ცხიმების და ნახშირწყლების ცვლაში,  მნიშვნელოვან როლს თამაშობს დნმ-ის ფორმირებაში, მონაწილეობს ჰემოგლობინის სინთეზში, ხელს უწყობს ქსოვილების რეგენერაციის პროცესებს (მათ შორის კანის ქსოვილების), უჯრედებში ტროფიკული დარღვევების კორექციას.
ვიტამინი B5  შედის კოფერმენტ  A-ს შემადგენლობაში (არაცილოვანი წარმოშობის ორგანული ნაერთი, რომელიც საჭიროა ფერმენტების აქტივობის გამოვლენისათვის). მნიშვნელოვან როლს თამაშობს აცეტილირების და ჟანგვის პროცესებისათვის. მონაწილეობს ნახშირწყლოვან და ცხიმოვან ცვლაში და აცეტილქოლინის სინთეზში.
ვიტამინი B6 ზრდის გონებრივ და ფიზიკურ შრომისუნარიანობას, არეგულირებს გლუკოზის დონეს სისხლში, ახდენს ფარისებრი ჯირკვლის, თირკმელზედა და სასქესო ჯირკვლების მუშაობის ნორმალიზებას, აუმჯობესებს ნივთიერებათა ცვლას ტვინის ქსოვილებში, აძლიერებს ნერვულ სისტემას, არის ანტიდეპრესანტი.
ვიტამინი B9 აუცილებელია ქსოვილების ზრდის, განვითარების და პროლიფერაციის პროცესების ნორმალური მიმდინარეობისათვის, კერძოდ, სისხლმბადი ფუნქციისათვის და ემბრიოგენეზისათვის, ზრდის გონებრივ და ფიზიკურ შრომისუნარიანობას. ასტიმულირებს მარილმჟავას გამომუშავებას კუჭში.
ვიტამინი B10   ახდენს კუჭნაწლავის ფლორის გააქტიურებას, რაც იწვევს ფოლიუმის მჟავას გამომუშავებას, რომელიც, თავის მხრივ, ახდენს პანტოთენის მჟავას დიდი რაოდენობით წარმოქმნას. მონაწილეობს ცილის შეთვისების პროცესში, და ასევე სისხლის წითელი უჯრედების ფორმირებაში, რომლებიც უჯრედებს ჟანგბადს მიაწოდებენ.
ვიტამინი B12 – გააჩნია იმუნომოდულირებელი, ალერგიის საწინააღმდეგო, ანტისკლეროზული მოქმედება, ახდენს არტერიული წნევის ნორმალიზებას, ნერვული ქსოვილის სტრუქტურის აღდგენას, აუმჯობესებს რეპროდუქციულ ფუნქციას, ზრდის მადას. ვიტამინი B12 მონაწილეობს სხვადასხვა ამინომჟავების სინთეზში, ახდენს დადებით გავლენას ღვიძლის, ნერვული სისტემის ფუნქციებზე, სისხლის შედედების პროცესების, ნახშირწყლების და ლიპიდების ცვლის პროცესების გააქტიურებაზე.
ვიტამინი D3 ზრდის კალციუმის შეწოვას წვრილ ნაწლავებში, ასტიმულირებს კალციუმის დამაკავშირებელი ცილების სინთეზს, ახდენს კალციუმის რეაბსორბციის გაზრდას თირკმლის სადინარებში. ვიტამინი D3  ააქტიურებს ძვლის ქსოვილის რემოდელირების პროცესს I ტიპის კოლაგენის და მატრიცის ცილების სინთეზის გაზრდის გზით, ოსტეობლასტების სინთეზის აქტივაციის მეშვეობით. მოქმედებს ფარისებრი, პარაფარისებრი, სასქესო ჯირკვლების ფუნქციურ მდგომარეობაზე და უზრუნველყოფს ხერხემლის ძვლების კალციფიკაციას.
ვიტამინი E – ანტიოქსიდური ნივთიერებაა, იცავს უჯრედებს დაზიანებისაგან და დაბერებისაგან, აფერხებს  თავისუფალი რადიკალების წარმოქმნას, ასტიმულირებს კუნთოვან მოქმედებას და სასქესო ჯირკვლების ფუნქციას, მონაწილეობს უჯრედშორისი ნივთიერების, შემაერთებელი ქსოვილის ბოჭკოების, სისხლძარღვების გლუვი მუსკულატურის, საჭმლის მომნელებელი ტრაქტის ფორმირებაში.
ვიტამინი PP შედის ფერმენტების შემადგენლობაში, რომლებიც მონაწილეობენ უჯრედოვანი სუნთქვის პროცესებში და ცილოვან ცვლაში და არეგულირებენ უმაღლეს ნერვულ მოქმედებას და საჭმლის მონელების ორგანოების ფუნქციებს.
ვიტამინი H  შედის ფერმენტების შემადგენლობაში, რომლებიც არეგულირებენ ამინომჟავების და ცხიმოვანი მჟავების ცვლას.
რკინა – მიკროელემენტია, რომელიც ერითროპოეზს არეგულირებს. შედის ჰემოგლობინის, მიოგლობინის, სხვადასხვა ფერმენტის შემადგენლობაში; შექცევადად ახდნეს ჟანგბადის დაკავშირებას და მონაწილეობს რიგ ჟანგვა-აღდგენით რეაქციაში; მნიშვნელოვან როლს თამაშობს სისხლმბად პროცესებში. რკინის მარილების სახით გამოყენებისას, ხდება ორგანიზმში მისი დეფიციტის სწრაფი შევსება.
კალციუმი არის შეუცვლელი საკვების მაკროელემენტი, რომელიც აუცილებელია ორგანიზმის ნორმალური ცხოველმოქმედების უზრუნველსაყოფად. კალციუმი (ფოსფორთან ერთად) შეადგენს ძვლოვანი ქსოვილის საყრდენს, ააქტიურებს რიგი მნიშვნელოვანი ფერმენტის მოქმედებას, მონაწილეობს ორგანიზმში იონური წონასწორობის შენარჩუნებაში, გავლენას ახდენს პროცესებზე, რომლებიც ხდება ნერვ-კუნთოვან და გულსისხლძრღვთა სისტემებში.
ფოსფორი – უმნიშვნელოვანესი ელემენტია, რომელიც შედის ცილების, ნუკლეინის მჟავების, ძვლოვანი ქსოვილების შემადგენლობაში. ფოსფორის ნაერთები მონაწილეობენ ენერგიის ცვლაში (ადენოზინ ტრიფოსფოროვანი მჟავა და კრეატინ-ფოსფატი წარმოადგენს ენერგიის აკუმულატორებს), მათ გარდაქმნასთან დაკავშირებულია კუნთოვანი და გონებრივი მოქმედება, ორგანიზმის ცხოველმოქმედების უზრუნველყოფა. ფოსფორი გავლენას ახდენს გულის და თირკმელების მოქმედებაზე.
სპილენძი ხელს უწყობს ორგანიზმში ანაბოლურ პროცესებს, მონაწილეობს ზოგიერთი ფერმენტის ფუნქციონირებაში (ციტოქრომოქსიდაზები, ტიროზინაზები და სხვა), კანის, თმის და თვალის  პიგმენტის სინთეზში, ჰემოგლობინის, ზემოქმედებს შინაგანი სეკრეციის ჯირკვლების ფუნქციებზე.  
კალიუმი არეგულირებს სისხლის ტუტე-მჟავიანობის ბალანსს. მონაწილეობს ნერვული იმპულსების გადაცემაში, ააქტიურებს რიგი ფერმენტების მუშაობას, გულის კუნთოვან  მოქმედებას, დადებითად მოქმედებს კანის და თირკმელების მუშაობაზე. კალიუმს გააჩნია დაცვითი მოქმედება ნატრიუმის არასასურველი სიჭარბის გამო და ახდენს სისხლის წნევის ნორმალიზაციას.
მანგანუმი აუცილებელია ცხიმის ნორმალური მეტაბოლიზმისათვის, ძვლების და შემაერთებელი ქსოვილების ფორმირებისთვის, ქოლესტერინის და ნუკლეოტიდების (დნმ) სინთეზისთვის.
თუთია არის ადამიანის ორგანიზმში 80-ზე მეტი ფერმენტის შემადგენელი ნაწილი, იგი აუცილებელია ერითროციტების და სისხლის სხვა კორპუსკულური ელემენტის წარმოსაქმნელად. მონაწილეობს მხედველობის პროცესის ფოტოქიმიურ რეაქციებში, შინაგანი სეკრეციის ჯირკვლების მოქმედებაში.
ჟენშენის კონცენტრირებული ექსტრაქტი – ბუნებრივი კომპონენტია, რომელსაც გააჩნია მასტიმულირებელი მოქმედება ცენტრალურ ნერვულ სისტემაზე.
მტვერი – ბუნებრივი კომპონენტია, რომელიც შეიცავს ცილებს, თავისუფალი ამინომჟავების სრულ ნაკრებს, ვიტამინებს და ასევე სხვადასხვა ჰორმონების მსგავს ნივთიერებებს.
სოიოს ლეციტინი 45% – ორგანიზმისათვის მნიშვნელოვანი ფოსფოლიპიდური კომპლექსი. აჩქარებს ჟანგვით პროცესებს, უზრუნველყოფს ცილების ნორმალურ ცვლას, აუმჯობესებს ტვინის და გულსისხლძარღვთა სისტემის მუშაობას, ზრდის ორგანიზმის წინააღმდეგობის გაწევის უნარს ტოქსიკური ნუვთიერებების ზემოქმედების მიმართ, ასტიმულირერბს ნაღველის გამოყოფას და ერითროციტების და ჰემოგლობინის წარმოქმნას.
L-ლიზინის ჰიდროქლორიდი – ამინომჟავა, რომელიც აუცილებელია ქსოვილების ზრდისათვის, აღდგენისათვის, ანტისხეულების, ჰორმონების და ფერმენტის წარმოქმნისათვის.

გამოყენების ჩვენებები
–    ჰიპო- და ავიტამინოზების, მინერალების უკმარისობის მკურნალობა და პროფილაქტიკა;
–    გამოჯანმრთელების პერიოდი გადატანილი დაავადებების შემდეგ, მათ შორის პოსტოპერაციული პერიოდი;
–    მომატებული ფიზიკური და გონებრივი დატვირთვა, შრომისუნარიანობის დაქვეითება, დაღლილობა, ყურადღების კონცენტრაციის მოშლა;
–    სტრესის შედეგების პროფილაქტიკა;
–    მამაკაცთა პოტენციის დაქვეითება ასთენიური მდგომარეობების ფონზე
–    კლიმაქტერიული პერიოდი;
–    სექსუალური ასთენია და უნაყოფობა;
–    სქესობრივი მომწიფების პერიოდი;
–    იმ პირთათვის, რომლებიც მკაცრ დიეტას იცავენ;
–    ნევროზების, ანემიის, შაქრიანი დიაბეტის, სახსრების ანთებითი დაავადებების, თვალისა და კანის დაავადებების, თმის ცვენის და სხვა ქრონიკული დაავადებების დროს.

უკუჩვენებები
–    მომატებული მგრძნობელობა პრეპარატის კომპონენტების მიმართ;
–    ორსულობისა და ლაქტაციის პერიოდი;
–    12 წლამდე ასაკის ბავშვები.

გვერდითი მოქმედება
შესაძლებელია ალერგიული რეაქციები პრეპარატის კომპონენტებზე.

მიღების წესი და დოზირება
როტავიტ როიალს იღებენ პერორალურად – 1 კაფსულა დღეში ან დღეგამოშვებით საუზმისას ან საუზმის შემდეგ 2-3 კვირის განმავლობაში.

ჭარბი დოზა
პაციენტი უნდა იყოს ინფორმირებული იმის შესახებ, რომ ჭარბი დოზირების შემთხვევაში საჭიროა მიმართოს ექიმს.
მკურნალობა: საჭიროების შემთხვევაში ტარდება სიმპტომური თერაპია.

ურთიერთქმედება სხვა სამკურნალო საშუალებებთან
ანტაციდურ პრეპარატებთან კომბინაციისას, რომელთა შემადგენლობაში შედის ალუმინი, კალციუმი, მაგნიუმი, და ასევე ქოლესტირამინი, ხდება პრეპარატ როტავიტ როიალის შემადგენლობაში შემავალი რკინის აბსორბციის შემცირება.
თიაზიდურ დიურეზულებთან კომბინაციისას, იზრდება ჰიპერკალციემიის განვითარების რისკი.
როტავიტ როიალი აძლიერებს აანალეფსიურების (კოფეინი, ქაფური და სხვა) მოქმედებას და არის ცენტრალური ნერვული სისტემის დამთრგუნველი საშუალებების, მათ შორის ბარბიტურატების, ტრანკვილიზატორების, კრუნჩხვების საწინააღმდეგო საშუალებების ანტაგონისტი.

განსაკუთრებული მითითებები
პრეპარატის მიღება დღის მეორე ნახევარში არ არის რეკომენდებული.
პრეპარატ როტავიტ როიალის მიღებისას, ჭარბი დოზირების თავიდან აცილების მიზნით არ არის რეკომენდებული სხვა პოლივიტამინების მიღება.
ალერგიული რეაქციების გამოვლინების შემთხვევაში, უნდა შეწყდეს პრეპარატის გამოყენება.
პრეპარატის გამოყენება დასაშვებია შაქრიანი დიაბეტით დაავადებულთათვის.   

გამოშვების ფორმა:
რბილი ჟელატინის კაფსულები.
10 კაფსულა ბლისტერში. 2 ბლისტერი მუყაოს კოლოფში ინსტრუქციასთან ერთად.

შენახვის პირობები:
ინახება მშრალ ბავშვებისათვის მიუწვდომელ ადგილას არაუმეტეს +25ºC ტემპერატურაზე.

ვარგისიანობის ვადა
3 წელი წარმოების თარიღიდან.
არ გამოიყენოთ ვარგისიანობის ვადის ამოწურვის შემდეგ.

აფთიაქიდან გაცემის წესი
რეცეპტის გარეშე.

მწარმოებელი:
როტავი როიალი არის პროდუქტი და სავაჭრო ნიშანი
კომპანიის „როტაფარმ“, დიდი ბრიტანეთი
(„ROTAPHARM“, Great Britain)

დამზადებულია
კომპანიის „სედიკო ფარმასიუტიკალ კო“ – ს მიერ, პირველი სამრეწველო ზონა, სიქს ოვ ოქტობერ სიტი, ეგვიპტე.
(„SEDICO Pharmaceutical Co.“, First Industrial Zone, 6 th of October City, Egypt)

როტავიტ კარდიო

შემადგენლობა 

1 პაკეტი შეიცავს

აქტიური ნივთიერება: 

ვიტამინი B1 (თიამინის მონონიტრატი) 1.0 მგ

ვიტამინი B2 (რიბოფლავინ-5-ფოსფატი) 1.0 მგ

ვიტამინი B3 (ნიკოტინამიდი) 25.0 მგ

ვიტამინი B6 (პირიდოქსინის ჰიდროქლორიდი) 1.2მგ

ვიტამინი B9 (ფოლიუმის მჟავა) 400.0 მკგ

ვიტამინი B12 (ციანკობალამინი) 2.0 მკგ

ვიტამინი C (ასკორბინის მჟავა) 50.0 მგ

ვიტამინი D3 (ქოლეკალციფეროლი) 5.0 მკგ

ვიტამინი E (ალფატოკოფეროლის აცეტატი) 10.0 მგ

კალიუმი (კალიუმის კარბონატი) 300.0 მგ

მაგნიუმი (მაგნიუმის სულფატი) 350.0 მგ

თუთია (თუთიის სულფატის მონოჰიდრატი) 8.0 მგ

სელენი (ნატრიუმის სელენიტი) 50.0 მკგ

კოენზიმ Q10 10% 100.0 მგ

ჩვეულებრივი კუნელის მშრალი ექსტრაქტი 20.0 მგ

გულის შავბალახას მშრალი ექსტრაქტი 20.0 მგ

დამხმარე ნივთიერებები: გაუწყლოებული ლიმონმჟავა, ასპარტამი, კალიუმის აცესულფამი, არომატიზატორი “ფორთოხალი”, სილიციუმის დიოქსიდი, მალტოდექსტრინი, გუმიარაბიკი. 

ფარმაკოლოგიული თვისებები 

როტავიტ კარდიო არის სპეციალურად შრჩეული თანამედროვე დაბალანსებული კომბინაცია, რომელიც შეიცავს ვიტამინების კომპლექსს, მინერალურ ნივთიერებებს, მიკროელემენტებსა და მცენარეულ კომპონენტებს გულ-სისხლძარღვთა სისტემის დაავადებების სამკურნალოდ.

პრეპარატის შემადგენლობაში შემავალი ვიტამინები, მინერალური ნივთიერებები და მიკროელემენტები:

– ააქტივებს ორგანიზმის დამცველობით ფუნქციებს ხანგრძლივი და მძიმე ავადმყოფობის პირობებში;

– იღებენ მონაწილეობას ჟანგვა-აღდგენით პროცესებში, ხელს უწყობენ ნორმალური ცხიმოვანი, ამინომჟავოვანი და ნახშირწყლოვანი ჰომეოსტაზის შენარჩუნებას;

– ამცირებენ სისხლის შედედების დროს და ააქტიურებენ ფიბრინოლიტიკურ აქტივობას;

– აუმჯობესებენ მიოკარდიუმის მეტაბოლიზმს, მიკროცირკულაციასა და ოქსიგენაციას, აძლიერებენ მის კუმშვად ფუნქციას;

– გააჩნიათ ანტიარითმული მოქმედება, რომელიც განსაკუთრებით გამოხატულია მიოკარდიუმის იშემიის პირობებში;

კოენზიმ Q10 – ორგანიზმის ბუნებრივი ნაერთია. ის გამომუშავდება და გვხვდება ორგანიზმის ყველა უჯრედში. კოენზიმ Q10 მონაწილეობს ენერგიის წარმოქმნაში, რომელიც განსაკუთრებით აუცილებელია მიოკარდიუმისა და კუნთების ფუნქციონირებაში. კოენზიმ Q Q10 ანეიტრალებს თავისუფალ რადიკალებს, რითაც იცავს უჯრედებს დაზიანებისა და სიკვდილისაგან. კოენზიმ Q10 –ის მიღება აძლიერებს გულსა და სისხლძარღვებს, იმუნურ სისტემას, ააქტივებს ცხოველმოქმედებას, ანელებს უჯრედების დაბერების პროცესს.

კუნელის ექსტრაქტი – შეიცავს ფლავონოიდებს (კვერცეტინი, ჰიპერინი, ჰიპეროზიდი, ვიტექსინი), ორგანულ მჟავებს (ლიმონმჟავა, ოლეინმჟავა, ურსოლმჟავა, კრატეგუსის მჟავა, კოფეინმჟავა, ქლოროგენმჟავა), კაროტინოიდებს, ტანინებს, ცხიმოვანმჟავებს, პექტინებს, ტრიტერპენულ და ფლავონურ გლიკოზიდებს, ბეტა-სიტოსტერინს, ქოლინს, შაქარს და ვიტამინებს. კუნელის მოქმედი ნივთიერებები ამცირებენ ცნს-ისა და მიოკარდიუმის აგზნებადობას, ზრდიან ამ უკანასკნელის კუმშვადობას, აუმჯობესებენ კორონარულ და თავის ტვისნის სისხლისმიმოქცევას, ამცირებენ თავბრუსხვევას. კუნელი მონაწილეობს გულისცემის რითმის ნორმალიზებაში, რაც განპირობებულია ანტიარითმული მედიკამენტების III კლასის წარმომადგენლების მსგავსი მოქმედების მექანიზმით. ტრიტერპენული და ფლავონოიდური ნაერთების არსებობის გამო გააჩნია სპაზმოლიზური მოქმედება, შერჩევითად აფართოებს თავის ტვინისა და მიოკარდიუმის სისხლძარღვებს; ხასიათდება ჰიპოტენზიური ეფექტით; ხელს უწყობს ვენური წნევის ნორმალიზებას, აუმჯობესებს სისხლძარღვთა კედლების ფუნქციონირებას.

შავბალახას ექსტრაქტს გააჩნია დამამშვიდებელი, ჰიპოტენზიური, უარყოფითი ქრონოტროპული და კარდიოტონური მოქმედება, რომელიც განპირობებულია მცენარის შეადგენლობაში არსებული ბიოლოგიურად აქტიური ნივთიერებების თვისებებით (მათ შორის გლიკოზიდები, ალკალოიდები, ფლავონოიდები, საპონინები).

გამოყენების ჩვენებები

როტავიტ კარდიოს გამოყენება რეკომენდებულია გულ-სისხლძარღვთა და ნერვული სისტემის დაავადებათა საპროფილაქტიკოდ და კომპლექსური მკურნალობისათვის, ასევე მომატებული გონებრივი და ფიზიკური დატვირთვისა და ხანგრძლივად და/ან მძიმედ მიმდენარე სხვადასხვა დაავადებების გამოჯანმრთელების გამოჯანმრთელების ფაზაში, მათ შორის პოსტოპერაციულ პერიოდშიც.

გამოყენების წესი და დოზირება

როტავიტ კარდიოს ფხვნილი იხსნება 1 ჭიქა ოთახის ტემპერატურის წყალში. მოზრდილებსა და 12 წელზე უფროს მოზარდებს ენიშნებათ 1 პაკეტი დღეში ერთხელ ჭამის დროს. მკურნალობის ხანგრძლივობაა 20-40 დღე, შესაძლებელია კურსის განმეორება 1-3 თვეში.

უკუჩვენებები

– მომატებული მგრძნობელობა პრეპარატის კომპონენტების მიმართ;

– ფენილკეტონურია.

გვერდითი მოვლენები

– იშვიათად ალერგიული რეაქციები პრეპარატის კომპონენტების მიმართ.

– ცალკეულ შემთხვევებში მსუბუქი დისპეპსიური მოვლენები (ტკივილი ეპიგასტრიუმში, მეტეორიზმი, დიარეა, შეკრულობა)

განსაკუთრებული მითითებები

არ არის რეკომენდებული როტავიტ კარდიოს მიღება ვიტამინებისა და მინერალების კომპლექსების შემცველ სხვა მედიკამენტებთან ერთად. 

გამოყენება ორსულობისა და ლაქტაციის პერიოდში

ორსულობისა და ლაქტაციის პერიოდში პრეპარატის გამოყენება რეკომენდებულია იმ შემთხვევაში თუ კი დედისათვის მოსალოდნელი სარგებელი აღემატება ნაყოფის შესაძლო რისკს.

გამოყენება პედიატრიაში 

არ არის შესწავლილი პრეპარატის გამოყენების გამოცდილება 12 წლამდე ასაკის ბავშვებში. 

სხვა სამკურნალო საშუალებებთან ურთიერთქმედება

როტავიტ კარდიოს სხვა სამკურნალო საშუალებებთან ურთიერთქმედება შეწავლილი არ არის.

ჭარბი დოზა

პრეპარატ როტავიტ კარდიოს მიღებისას რეკომედებული დოზის გადაჭარბების შემთხვევები აღწერილი არ არის. 

გამოშვების ფორმა

დასალევი ხსნარის მოსამზადებელი 7გრ ფხვნილი პაკეტში.

20 პაკეტი გამოყენების ინსტრუქციასთან ერთად კოლოფში.

შენახვის პირობები 

ინახება ნესტისა და სინათლისაგან დაცულ, ბავშვებისათვის მიუწვდომელ ადგილას არაუმეტეს 25°C ტემპერატურაზე. 

ვარგისიანობის ვადა

3 წელი წარმოების თარიღიდან. 

არ გამოიყენება ვარგისიანობის ვადის გასვლის შემდეგ.

აფთიაქიდან გაცემის წესი

ფარმაცევტული პროდუქტის ჯგუფი III (გაიცემა ურეცეპტოდ).

რეგიმედი / Regimed

შემადგენლობა: 

ხსნარის ერთი მლ შეიცავს:

აქტიური ნივთიერებები:

თიამინის ჰიდროქლორიდი (B1) 50 მგ;

პირიდოქსინის ჰიდროქლორიდი (B6) 50 მგ;

ციანკობალამინი (B12) 0,4 მგ;

დამხმარე ნივთიერებები: ბენზილის სპირიტი, დინატრიუმის ედეტატი, საინექციო წყალი.

ფარმაკოთერაპიული ჯგუფი: ვიტამინები და ვიტამინის მსგავსი საშუალებები კომბინაციაში.

ათქ კოდი: A11DB

ფარმაკოლოგიური მოქმედება:

ფარმაკოდინამიკა:

რეგიმედი წარმოადგენს სამი ვიტამინის B1, B6 და B12 ბალანსირებულ და მდგრად კომბინაციას. რეგიმედი გამოიყენება ვიტამინების დეფიციტის სამკურნალოდ, ხელს უწყობს სისხლის მიმოქცევას და აუმჯობესებს სისხლწარმოქმნის პროცესს და ნერვული სისტემის ფუნქციონირებას. გააჩნია ნეიროტროპული თვისებები, დადებითად მოქმედებს ნერვულ ქსოვილში, ასევე კუნთებში მიმდინარე სხვადასხვა დეგენერაციულ და ანთებით პროცესებზე. 

ადამიანის ორგანიზმში ფოსფორილირების პროცესების შედეგად თიამინი (ვიტამინი B1) გარდაიქმნება კოკარბოქსილაზად, რომელიც წარმოადგენს მრავალი ფერმენტული რეაქციის კოფერმენტს. თიამინი მნიშვნელოვან როლს ასრულებს ნახშირწყლოვან, ცილოვან და ცხიმოვან ცვლაში; აქტიურად მონაწილეობს სინაფსებში ნერვული აგზნების გატარების პროცესებში. ამ ვიტამინის ნაკლებობისას ხდება ქსოვილებში მეტაბოლიზმის პროდუქტების – პირველ რიგში პიროყურძნისმჟავას და რძემჟავას ჭარბი დაგროვება. ამას აუცილებლად მოყვება როგორც ცენტრალური, ასევე პერიფერიული ნერვული სისტემის ფუნქციონირების დარღვევა.

პირიდოქსინი (ვიტამინი B6) მონაწილეობს ნივთიერებათა ცვლაში; აუცილებელია ცენტრალური და პერიფერიული ნერვული სისტემის ნორმალური ფუნქციონირებისათვის. ორგანიზმში მოხვედრისას ის ფოსფორილირდება, გარდაიქმნება პირიდოქსალ-5-ფოსფატად და შედის ფერმენტების შემადგენლობაში, რომლებიც ახორციელებენ ამინომჟავების დეკარბოქსილირებას და გადაამინირებას; მონაწილეობს ტრიპტოფანის, მეთიონინის, ცისტეინის, გლუტამინის მჟავას და სხვა ამინომჟავების ცვლაში. მნიშვნელოვან როლს ასრულებს ჰისტამინის ცვლაში. ხელს უწყობს ლიპიდური ცვლის ნორმალიზებას. 

ციანკობალამინი (ვიტამინი B12) აუცილებელია ნორმალური სისხლწარმოქმნისთვის და ერითროციტების მომწიფებისათვის, ასევე მონაწილეობს ორგანიზმის სიცოცხლისუნარიანობის განმსაზღვრელ რიგ ბიოქიმიურ რეაქციებში – მეთილის ჯგუფების გადატანა, ნუკლეინის მჟავების, ცილების სინთეზი, ამინომჟავების, ნახშირწყლების, ლიპიდების ცვლა; გავლენას ახდენს  ნერვულ სისტემაში მიმდინარე პროცესებზე (რნმ, დნმ, მიელინის სინთეზი და ცერებროზიდების და ფოსფოლიპიდების ლიპიდური შემადგენლობა). ციანკობალამინის კოფერმენტული ფორმები – მეთილკობალამინი და ადენოზილკობალამინი – აუცილებელია უჯრედების რეპლიკაციისა და ზრდისათვის.

ფარმაკოკინეტიკა:

ი/მ შეყვანის შემდეგ, თიამინი სწრაფად აბსორბირდება და გადადის სისხლში. თიამინის კონცენტრაცია შეადგენს 484 ნგ/მლ პრეპარატის შეყვანიდან 15 წუთის შემდეგ დოზით 50 მგ (შეყვანის პირველ დღეს).

ი/მ შეყვანის შემდეგ, პირიდოქსინი სწრაფად აბსორბირდება სისტემურ სისხლის ნაკადში და ნაწილდება ორგანიზმში, ასრულებს კოენზიმის როლს CH2OH ჯგუფის ფოსფორილების შემდეგ მე-5 მდგომარეობაში.

თიამინი არათანაბრად ნაწილდება ორგანიზმში. თიამინის შემცველობა ლეიკოციტებში შეადგენს 15%, ერითროციტებში – 75% და პლაზმაში – 10%. ორგანიზმში ვიტამინის მნიშვნელოვანი მარაგის არარსებობის გამო, ის ორგანიზმში უნდა მოხვდეს ყოველდღიურად. თიამინი გადის ჰემატოენცეფალურ ბარიერში და აღმოჩენილია დედის რძეში. 

პირიდოქსინი ნაწილდება მთელ ორგანიზმში, აღწევს პლაცენტუr ბარიერში და აღმოჩენილია დედის რძეში. ორგანიზმში არის 40-150 მგ ვიტამინი B6, მისი ყოველდღიური ელიმინაციის სიჩქარე შეადგენს დაახლოებით 1,7-3,6 მგ, 2,2,-2,4% აღდგენის სიჩქარისას. პირიდოქსინის დაახლოებით 80% უკავშირდება პლაზმის ცილებს.

თიამინის ძირითად მეტაბოლიტებს წარმოადგენენ თიამინკარბონმჟავა, პირამინი და ზოგიერთი უცნობი მეტაბოლიტი. ყველა ვიტამინიდან თიამინი უმცირესი რაოდენობით ნარჩუნდება ორგანიზმში. მოზრდილი ადამიანის ორგანიზმი  შეიცავს დაახლოებით 30 მგ თიამინს 80% თიამინის პიროფოსფატის, 10% თიამინის ტრიფოსფატის სახით და დანარჩენ რაოდენობას თიამინის მონოფოსფატის სახით. თიამინი გამოიყოფა შარდით, T1/2 α-ფაზა-0,15 სთ, β-ფაზა-1 სთ და ტერმინალური ფაზა – 2 დღის განმავლობაში. 

პირიდოქსინი დეპონირდება ღვიძლში და იჟანგება 4-პირიდოქსინის მჟავამდე, რომელიც გამოიყოფა შარდით, აბსორბციის შემდეგ მაქსიმუმ 2-5 საათში. 

ციანკობალამინი გამოიყოფა ძირითადად ნაღველით, თირკმლებით გამოყოფის ხარისხი ვარიაბილურია – 6-დან 30%-მდე. ვიტამინ B12 გადის ქალის რძეში.

გამოყენების ჩვენებები:

• ნევროლოგიური დაავადებები, რომელიც განპირობებულია ვიტამინების B1, B6 და B12 დეფიციტით;

• დამხმარე საშუალების სახით სიმპტომური თერაპიისათვის სხვადასხვა წარმოშობის ნერვული სისტემის დაავადებებისას: ნევრიტები და პოლინევრიტები (მათ შორის, რომლებსაც თან ახლავს ტკივილის სინდრომი), რეტრობულბარული ნევრიტი, პერიფერიული პარეზები (მათ შორის სახის ნერვის), ნევრალგიები, პოლინეიროპათიები (დიაბეტური, ალკოჰოლური და სხვ.);

• ვიტამინების უკმარისობისას, რომელიც გამოწვეულია ანტიბიოტიკებით ან იზონიაზიდებით მკურნალობით;

• ალკოჰოლიზმის ყველა ფორმის მკურნალობისას (განსაკუთრებით ალკოჰოლური ენცეფალოპათიისას).

უკუჩვენებები:

• გულის უკმარისობა დეკომპენსაციის სტადიაში;

• მომატებული მგრძნობელობა პრეპარატის კომპონენტების მიმართ;

• 16 წლამდე ბავშვთა ასაკი.

ორსულობა და ლაქტაცია:

პრეპარატ რეგიმედის გამოყენება ორსულობის და ლაქტაციის პერიოდში შესაძლებელია მხოლოდ ექიმთან კონსულტაციის შემდეგ.

სიფრთხილით: ვერნიკეს ენცეფალოპათია, პრეკლიმაქსური და კლიმაქსური პერიოდი ქალებში, მძიმე სტენოკარდია, კეთილთვისებიანი და ავთვისებიანი ახალწარმონაქმნები, რომლებსაც თან ახლავს მეგალობლასტური ანემია და B12 ვიტამინის დეფიციტი, მიდრეკილება თრომბების წარმოქმნისადმი, ხანდაზმული ასაკი (65 წელზე მეტი).

გამოყენების წესი და დოზები:

მხოლოდ ინტრამუსკულარული გამოყენებისათვის. დოზირება ყოველი პაციენტისათვის ინდივიდუალურია. დაავადების მძიმე შემთხვევაში: 1 ამპულა ყოველდღიურად შეყავთ ნელა ინტრამუსკულარულად (ღრმად დუნდულა კუნთში). დაავადების შედარებით მსუბუქი ფორმებისას: 2-3 ამპულა კვირაში, ან ექიმის მითითების შესაბამისად.

გვერდითი მოვლენები:

იმუნური სისტემის მხრივ: იშვიათად – ალერგიული რეაქციები (კანზე გამონაყარი, სუნთქვის გაძნელება, ანაფილაქსიური შოკი, კვინკეს შეშუპება).

ნერვული სისტემის მხრივ: ცალკეულ შემთხვევებში – თავბრუსხვევა, ცნობიერების არევა.

გულ-სისხლძარღვთა სისტემის მხრივ: ძალიან იშვიათად – ტაქიკარდია; ცალკეულ შემთხვევებში – ბრადიკარდია, არითმია.

კუჭ-ნაწლავი ტრაქტის მხრივ: ცალკეულ შემთხვევებში – ღებინება.

კანის და კანქვეშა ქსოვილების მხრივ: ძალიან იშვიათად – მომატებული ოფლიანობა, აკნე, ქავილი, ჭინჭრის ციება.

ძვალ-კუნთოვანი და შემაერთებელი ქსოვილის მხრივ: ცალკეულ შემთხვევებში – კრუნჩხვები.

ზოგადი დარღვევები და დარღვევები შეყვანის ადგილას: ცალკეულ შემთხვევებში – შესაძლოა განვითარდეს გაღიზიანება პრეპარატის შეყვანის ადგილას, სისტემური რეაქციები შესაძლებელია სწრაფი შეყვანისას, ან დოზის გადაჭარბებისას.

თუ ნებისმიერი აღწერილი გვერდითი მოვლენა გაძლიერდა, ან განვითარდა ნებისმიერი სხვა გვერდითი მოვლენა, რომელიც არ არის აღწერილი ინსტრუქციაში, ამის შესახებ აუცილებელია აცნობოთ ექიმს.

დოზის გადაჭარბება:

სიმპტომები: გვერდითი მოქმედების გამოვლინებების გაძლიერება – გამოხატული თავბრუსხვევა, გულისრევა, არითმია, ბრადიკარდია, მომატებული ოფლიანობა, კრუნჩხვები.

მკურნალობა: სიმპტომური თერაპია.

წამლისმიერი ურთიერთქმედება:

პირიდოქსინმა თერაპიულ დოზებში შეიძლება შეამციროს ლევოდოპას მოქმედება (ანტიპარკინსონული ეფექტი) პერიფერიული დეკარბოქსილირების ხარჯზე, ამიტომ ვიტამინი B12 არ გამოიყენება ლევოდოპასთან და ლევოდოპას შემცველ პრეპარატებთან ერთად. ციანკობალამინი ინაქტივირდება მძიმე მეტალების მარილების არსებობისას. ვიტამინი B1 მთლიანად იშლება სულფატურ ხსნარებთან შერევისას. თიამინის მეტაბოლიზმის პროდუქტების არსებობის პირობებში, ადგილი აქვს სხვა ვიტამინების ინაქტივაციას. თიამინი ინაქტივირდება ვერცხლისწყლის ქლორიდის, აცეტონების, კარბონატების, იოდიდების, ტანინის მჟავას, რიბოფლავინის, რკინის ამონიუმის ციტრატის, პენიცილინის (ბენზილპენიცილინის) არსებობისას, მეტაბისულფიტით და გლუკოზით. თიამინის აქტივობა მცირდება სპილენძის არსებობისას (კატალიზის გაძლიერება) და pH გაზრდისას.

განსაკუთრებული მითითებები:

პრეპარატი არ  გამოიყენება ინტრავენურად.

ვიტამინი B6 სადღეღამისო დოზა არ უნდა აღემატებოდეს 2 გ.

არ გადააჭარბოთ პრეპარატის რეკომენდებულ დოზას.

ფუნიკულარული მიელოზის, ან პერნიციოზული ანემიისას, ვიტამინი B12 შეყვანისას კლინიკურმა სურათმა, ასევე ლაბორატორიულმა ანალიზებმა შეიძლება დაკარგონ სპეციფიურობა.

ზეგავლენა ავტომობილის და სხვა მექანიზმების მართვის უნარზე:

წინააღმდეგჩვენება არ გამოვლენილა.

გამოშვების ფორმა:

ქარვისფერი შუშის ამპულები (5 მლ 6 ცალი) პლასტიკურ მყარ შეფუთვაში მოთავსებულია მუყაოს კოლოფში გამოყენების ინსტრუქციასთან ერთად.

შენახვის პირობები:

ინახება მშრალ, სინათლისგან დაცულ ადგილას არაუმეტეს 25°С ტემპერატურაზე. ინახება ბავშვებისთვის მიუწვდომელ ადგილას!

ვარგისობის ვადა:

მითითებულია შეფუთვაზე.

არ გამოიყენოთ ვარგისობის ვადის გასვლის შემდეგ.

აფთიაქიდან გაცემის პირობები:

გაიცემა ექიმის რეცეპტით.

რეგიმედი / Regimed

შემადგენლობა: თითოეული აპკიანი გარსით დაფარული ტაბლეტი შეიცავს: 

აქტიური ნივთიერებები: 

თიამინის ჰიდროქლორიდი (B1) 100 მგ

პირიდოქსინის ჰიდროქლორიდი (B6) 200 მგ

ციანოკობალამინი (B12) 0, 2 მგ

დამხმარე ნივთიერებები: ლაქტოზას მონოჰიდრატი, სიმინდის სახამებელი, ჰიდროქსიპროპილცელულოზა, პოვიდონი, მეთილცელულოზა, ნატრიუმის კროსკარმელოზა, სილიციუმის უწყლო კოლოიდური დიოქსიდი, ტალკი, მაგნიუმის სტეარატი, ჰიპრომელოზა, მაკროგოლი, ტიტანის დიოქსიდი.

ფარმაკოთერაპიული ჯგუფი: B1 ვიტამინის კომბინაცია B6 და B12 ვიტამინებთან

ათქ კოდი: ათქ A11DB. 

ფარმკოლოგიური მოქმედება: 

ფარმაკოდინამიკა: 

თიამინი (ვიტამინი B1) ადამიანის ორგანიზმში ფოსფორილირების პროცესების შედეგად გარდაიქმნება კოკარბოქსილაზად, რომელიც წარმოადგენს მრავალი ფერმენტული რეაქციების კოფერმენტს. თიამინი მნიშვნელოვან როლს თამაშობს ნახშირწყლოვან, ცილოვან და ცხიმოვან ცვლაში. აქტიურად მონაწილეობს სინაფსებში ნერვული აგზნების გატარების პროცესებში. 

პირიდოქსინი (ვიტამინი B6) აუცილებელია ცენტრალური და პერიფერიული ნერვული სისტემის ნორმალური ფუნქციონირებისათვის. ფოსფორილებული ფორმით წარმოადგენს კოფერმენტს ამინომჟავების მეტაბოლიზმში (დეკარბოქსილირება, გადაამინირება და სხვ.). მოქმედებს როგორც უმნიშვნელოვანესი ფერმენტების კოფერმენტი, რომლებიც მოქმედებენ ნერვულ ქსოვილებში. მონაწილეობს მრავალი ნეირომედიატორების ბიოსინთეზში – როგორიცაა დოფამინი, ნორადრენალინი, ადრენალინი, ჰისტამინი და გამა-ამინოერბოს მჟავა. 

ციანოკობალამინი (ვიტამინი B12) აუცილებელია ნორმალური სისხლმბადი ფუნქციისათვის და ერითროციტების მომწიფებისათვის, ასევე მონაწილეობს რიგ ბიოქიმიურ რეაქციებში, რომლებიც უზრუნველყოფენ ორგანიზმის ცხოველმყოფელობას  მეთილის ჯგუფის გადატანაში, ნუკლეინის მჟავების, ცილის სინთეზში, ამინომჟავების, ნახშირწყლების, ლიპიდების ცვლაში. დადებით გავლენას ახდენს ნერვულ სისტემაში მიმდინარე პროცესებზე (ნუკლეინის მჟავების სინთეზი, ცერებროზიდების და ფოსფოლიპიდების ლიპიდური შემადგენლობა). ციანოკობალამინის კოფერმენტული ფორმები – მეთილკობალამინი და ადენოზილკობალამინი აუცილებელია უჯრედების რეპლიკაციისა და ზრდისათვის.  

ფარმაკოკინეტიკა: 

პრეპარატის კომპონენტები წყალში ხსნადი ვიტამინებია, რაც გამორიცხავს ორგანიზმში მათი კუმულაციის შესაძლებლობას.

თიამინი და პირიდოქსინი აბსორბირდება ნაწლავის ზედა ნაწილში, აბსორბციის ხარისხი დამოკიდებულია დოზაზე. ციანოკობალამინის აბსორბცია იწყება კუჭში, ციანოკობალამინის მიწოდება ქსოვილებში ხორციელდება სატრანსპორტო ცილით ტრანსკობალამინი II-ით. პრეპარატის შემადგენლობაში შემავალი ყველა ვიტამინი მეტაბოლიზდება ღვიძლში. 

თიამინის და პირიდოქსინის გამოყოფა ორგანიზმიდან ხორციელდება თირკმელებით (დაახლოებით 8-10% გამოიყოფა უცვლელი სახით). 

ციანოკობალამინი ძირითადად გამოიყოფა ნაღველით, თირკმელებით მისი გამოყოფის ხარისხი შეადგენს 6-დან 30%-მდე. 

გამოყენების ჩვენებები: 

გამოიყენება ნევროლოგიურ პრაქტიკაში კომპლექსური თერაპიის ერთ-ერთი კომპონენტის სახით, ისეთი დაავადებების დრო, როგორიცაა: 

– ტრიგემინალური ნევრალგია;

– სხვადასხვა გენეზის პოლინევრიტები (დიაბეტური და ალკოჰოლური პოლინეიროპათიის ჩათვლით);

– ნევრიტები (პერიფერიული ნერვების ანთებითი დაავადებები);

– ნეკნთაშუა ნევრალგია;

– იშიალგია (საჯდომი ნერვის დაზიანება, გამოწვეული მისი ანთებით ან კომპრესიით), ლუმბაგო (წელის სინდრომი, რომლის ძირითადი სიმპტომია წელის მკვეთრი ტკივილი) და ლუმბოიშიალგია; 

– პლექსიტი (მხრის, გავა-წელის ან კისრის);

– ფესვის სინდრომი (რადიკულოპათია), განვითარებული ხერხემლის დეგენერაციული დაავადებების ფონზე; 

– სახის ნერვის ნეიროპათია (ბელის დამბლის და პროზოპლეგიის ჩათვლით).

უკუჩვენებები: 

– მომატებული მგრძნობელობა პრეპარატის კომპონენტების მიმართ

– ბავშვთა ასაკი (პრეპარატის გამოყენების ეფექტურობა და უსაფრთხოება არ არის გამოკვლეული). 

– ორსულობა და ლაქტაციის პერიოდი. 

გამოყენების წესი და დოზირება: 

შიგნით, ჭამის შემდეგ, დაუღეჭავად და მცირე რაოდენობის სითხის დაყოლებით. 

ინიშნება თითო ტაბლეტი 1-3 ჯერ დღეში. 

კურსის ხანგრძლივობა – ექიმის რეკომენდაციით. 

არ არის რეკომენდებული პრეპარატის მაღალი დოზებით მკურნალობა 4 კვირაზე მეტი ხნის განმავლობაში. 

გვერდითი მოქმედება: 

პრეპარატი კარგად გადაიტანება ავადმყოფების მიერ. ერთეულ შემთხვევებში შეიძლება აღინიშნოს ისეთი სიმპტომები, როგორიცაა გულისრევა, ტაქიკარდია, კანის რეაქციები ქავილის და ჭინჭრის ციების სახით. 

ამა თუ იმ არასასურველი ეფექტების აღნიშვნისას საჭიროა დაუყოვნებლივ ტაბლეტების მიღების შეწყვეტა და მკურნალ ექიმთან კონსულტაცია. 

ჭარბი დოზირება:

პრეპარატ რეგიმედის შემადგენლობაში შემავალი ვიტამინების ჭარბი დოზირების კლინიკური სიმპტომები შეიძლება მოსალოდნელი იყოს მხოლოდ ძალიან დიდი ხნის განმავლობაში მაღალი დოზების მიღების შემდეგ.

სიმპტომები: ნევროპათია ატაქსიით და მგრძნობელობის დარღვევით, ცერებრალური კრუნჩხვები ელექტროენცეფალოგრაფიის ცვლილებებით, ალერგიული რეაქციები.    

მკურნალობა: ჭარბი დოზირების გამოვლინებების სიმძიმის მიხედვით, საჭიროა კუჭის ამორეცხვა, გააქტივებული ნახშირის დანიშვნა, შედგომი სიმპტომური მკურნალობა. 

ურთიერთქმედება სხვა სამკურნალო საშუალებებთან: 

პირიდოქსინი ამცირებს ლევოდოპას პარკინსონის საწინააღმდეგო ეფექტურობას. 

ეთანოლი მკვეთრად ამცირებს თიამინის შეწოვას. 

პრეპარატ რეგიმედის მიღების დროს არ არის რეკომენდირებული პოლივიტამინური კომპლექსების მიღება, რომლებიც შეიცავენ B ჯგუფის ვიტამინებს. 

განსაკუთრებული მითითებები: 

ციანოკობალამინს შეუძლია ფოლიუმის მჟავის დეფიციტის სიმპტომების შენიღბვა. 

ზემოქმედება სატრანსპორტო საშუალებების და მექანიზმების მათვის უნარზე:

რეგომედი ზეგავლენას არ ახდენს სატრანსპორტო საშუალებების და მექანიზმების მათვის უნარზე. 

გამოშვების ფორმა: 

10 ტაბლეტი თითოეულ ბლისტერში. 2 ბლისტერი გამოყენების ინსტრუქციასთან ერთად მოთავსებულია მუყაოს კოლოფში. 

შენახვის პირობები: 

ინახება მშრალ, სინათლისაგან დაცულ ადგილას, არაუმეტეს 25°C ტემპერატურაზე. 

ინახება ბავშვებისათვის მიუწვდომელ ადგილას! 

ვარგისობის ვადა: 

მითითებულია შეფუთვაზე. 

ნუ გამოიყენებთ ვარგისობის ვადის გასვლის შემდეგ. 

გაცემის პირობები: რეცეპტის გარეშე. 

ქვეყანა: საქართველო

მწარმოებელი: ჯი.ემ.პი

გაცემის ფორმა: III ჯგუფი ურეცეპტო

შემადგენლობა

პრეპარატის ერთი საღეჭი ტაბლეტი(ლიმონის გემოთი) შეიცავს აქტიური ნივთიერებებს:
კალციუმის კარბონატს, 400 მგ ელემენტარული კალციუმის ეკვივალენტურს და ქოლეკალციფეროლს (ვიტამინი D3) – 3.75 მკგ (150 სე).
დამხმარე ნივთიერებები: სორბიტოლი, ოზომალტი, კოლოდონი 30, ლიმონმჟავა უწყლო, ასპარტამი, მაგნიუმის სტეარატი, ლიმონის არომატიზატორი.

კომბინირებული პრეპარატი, არეგულირებს კალციუმისა და ფოსფორის ცვლას ორგანიზმში (ძვლები, კბილები, ფრჩხილები, თმები, კუნთები). კალციუმისა და ვიტამინ D3-ის ნაკლებობის აღდგენის გზით, ამცირებს ძვლოვანი ქსოვილის რეზორბციას (განლევა, გაწოვა) და აუმჯობესებს მის სიმკვრივეს. მნიშვნელოვანია კბილების მინერალიზაციისათვის.
კალციუმი – მონაწილეობს ნერვ-კუნთოვან გამტარობაში, კუნთების შეკუმშვის მარეგულირებელ პროცესებში და წარმოადგენს სისხლის შედედების სისტემის კომპონენტს.
ქოლეკალციფეროლი (ვიტამინი D3) – აუმჯობესებს ნაწლავში კალციუმის შეწოვას და მის ძვლოვან ქსოვილში შებოჭვას.
კალციუმი და ვიტამინი D3 ხელს უშლიან პარათირეოიდული ჰორმონის გამომუშავების გაძლიერებას, რომელიც წარმოადგენს ძვლის რეზორბციის (ძვლიდან კალციუმის გამორეცხვა) სტიმულატორს.
ვიტამინი D3 შეიწოვება წვრილ ნაწლავში, ხოლო კალციუმი (იონიზირებული ფორმით), აქტიური, D- ვიტამინდამოკიდებული სატრანსპორტო მექანიზმით, შეიწოვება წვრილი ნაწლავის პროქსიმალურ ნაწილში.

რეგენიუმი გამოიყენება, როგორც სამკურნალო-პროფილაქტიკური საშუალება:
– კალციუმის და/ან ვიტამინი D3- ის დეფიციტი (არასრულფასოვან კვებასთან დაკავშირებული დეფიციტური მდგომარეობა, როცა საკვებთან ერთად მიღებული კალციუმისა და ვიტამინი D3- ის რაოდენობა არასაკმარისია); – კალციუმისა და ვიტამინი D3-ის მიმართ გაზრდილი მოთხოვნილების დროს ორსულობისა და ლაქტაციის პერიოდში, ასევე ბავშვებსა და მოზარდებში, ინტენსიური ზრდის პერიოდში; 
– ოსტეოპოროზისა (მენოპაუზის დროს, სენილური, სტეროიდული, ოდიოპათიური და სხვა გენეზის) და მისი გართულებების (ძვლის მოტეხილობის) პროფილაქტიკა და კომპლექსური თერაპია;

ტაბლეტი უნდა დაიღეჭოს ან გაიწუწნოს. ინიშნება ჭამის დროს.
მოზრდილებსა და 12 წლის ასაკის ზემოთ ინიშნება თითო ტაბლეტი 2-3-ჯერ დღეში;
ბავშვებში 3-12 წლის ასაკში – 1-2 ტაბლეტი დღეში ან დოზირება დგინდება ინდივიდუალურად.
მკურნალობის ხანგრძლივობა ინდივიდუალურია.

საჭმლის მომნელებელი სისტემის მხრივ: ყაბზობა ან დიარეა, მეტეორიზმი, ტკივილი ეპიგასტრალურ არეში, გულისრევა.
ნივთიერებათა ცვლის მხრივ: დიდი დოზით ხანგრძლივად გამოყენების შემთხვევაში, იშვიათად – ჰიპერკალციემია, ჰიპერკალციურია.
სხვადასხვა: ალერგიული რეაქციები.

– პრეპარატის კომპონენტებისადმი მომატებული მგრძნობელობა;
– ჰიპერკალციემია (სისხლში კალციუმის კონცენტრაციის მატება);
– ჰიპერკალციურია (შარდში კალციუმის დონის მატება);
– თირკმლის კენჭოვანი დაავადება (ნეფროლითიაზი);
– ვიტამინი D D3-ის ჰიპერვიტამინოზი;
– თირკმლის მძიმე უკმარისობა;
– ტუბერკულოზის აქტიური ფორმა;
– სარკოიდოზი;
– ფენილკეტონურია.

უსაფრთხოების ზომები 
პრეპარატით მკურნალობის პერიოდში აუცილებელია შარდში კალციუმის და სისხლის პლაზმაში კალციუმის კონცენტრაციისა და კრეატინინის დონის კონტროლი. პლაზმაში მათი დონის მატების და შარდში კალციუმის დონის 7,5 მმოლი/24 სთ (300 მგ/24სთ)-ზე მეტად მატების შემთხვევაში, საჭიროა პრეპარატის დოზის შემცირება ან დროებით შეწყვეტა.
რეგენიუმის მიღებისას, დოზის გადაჭარბების თავიდან აცილების მიზნით, გათვალისწინებული უნდა იყოს ვიტამინი D3- ის მიღების დამატებითი წყაროები. რეგენიუმი არ გამოიყენება ვიტამინებისა და მინერალების კომლექსთან კომბინაციაში, რომელიც შეიცავს კალციუმსა და ვიტამინი D3-ს. 
საკვები, რომელიც შეიცავს ოქსალატებს(მჟაუნა, ისპანახი) და ფიტინს(ბურღულეული) ამცირებს კალციუმის შეწოვას, ამიტომ რეგენიუმი ინიშნება ასეთი საკვების მიღებიდან 2 საათის შემდეგ.
პაციენტები, რომლებიც მკურნალობენ საგულე გლიკოზიდებითა და/ან დიურეზული საშუალებებით, რეგენიუმის მიღებისას საჭიროებენ სისხლის პლაზმაში კალციუმის კონცენტრაციისა და კრეატინინის კონტროლს. 
რეგენიუმი სიფრთხილით ინიშნება ოსტეოპოროზით დაავადებულ იმობილიზირებულ პაციენტებში, ჰიპერკალციემიის რისკის განვითარების გამო.

ორსულობისა და ლაქტაციის პერიოდში პრეპარატის დღიურმა დოზამ არ უნდა გადააჭარბოს კალციუმის 1500 მგ-ს და ვიტამინი D3- ის 600 სე-ს. ორსულობის პერიოდში დოზის გადაჭარბებამ შესაძლოა გამოიწვიოს ბავშვის ფსიქიკური და ფიზიკური დარღვევები.
კალციუმი და ვიტამინი D3 აღწევს დედის რძეში. ორსულობისა და ლაქტაციის პერიოდში გათვალისწინებული უნდა იყოს კალციუმისა და ვიტამინი D- ს მიღების დამატებითი წყარო.

ავტომობილისა და სხვა მექანიკური საშუალებების მართვაზე გავლენა
პრეპარატის უარყოფითი გავლენა ავტომობილისა და სხვა მექანიკური საშუალებების მართვაზე გამოვლენილი არ არის.

სიმპტომები: ანორექსია, წყურვილი, პოლიურია, მადის დაქვეითება, თავბრუსხვევა, გულის წასვლა, სისუსტე, გულისრევა, ღებინება, ჰიპერკრეატინემია; დიდი დოზით ხანგრძლივი მიღების შემთხვევაში – სისხლძარღვებისა და ქსოვილების კალცინოზი. დოზის გადაჭარბების ლაბორატორიული მაჩვენებლები: ჰიპერკალციურია, ჰიპერკალციემია (პლაზმაში კალციუმის დონე 2,6 მმოლი).
მკურნალობა: ორგანიზმში დიდი რაოდენობით სითხის შეყვანა, მარყუჟოვანი დიურეზული საშუალებების (მაგ. ფუროსემიდი), გლუკოკორტიკოსტეროიდების, კალციტონინის, ბიფოსფონატის მიღება. დოზის გადაჭარბების სიმპტომების გამოვლინებისას აუცილებელია ექიმის კონსულტაცია. უნდა განისაზღვროს პლაზმაში კალციუმის და კრეატინინის დონე. ჰიპერკალციურიის (7,5 მმოლი/დღე-ღამეში (300 მგ/ დღე-ღამეში) და მეტი) შემთხვევაში აუცილებელია დოზის შემცირება ან პრეპარატის მიღების შეწყვეტა.

ფენიტოინსა და ბარბიტურატებთან ერთდროული მიღებისას ქვეითდება ვიტამინი D3-ის აქტივობა.
საგულე გლიკოზიდებთან კომბინაციაში აუცილებელია ეკგ-ისა და პაციენტის კლინიკური მდგომარეობის კონტროლი, რადგან კალციუმის პრეპარატებმა შესაძლოა საგულე გლიკოზიდების თერაპიული და ტოქსიკური ეფექტების პოტენცირება მოახდინოს. 
პრეპარატისა და ტეტრაციკლინის ან ფტორქინოლონის ჯგუფის ანტიბიოტიკებთან ერთდროულად მიღებისას საჭიროა მიღებებს შორის არანაკლებ 3 საათიანი ინტერვალის დაცვა, რადგან კალციუმი და ვიტამინი D3 ზრდის ტეტრაციკლინებისა და ფტორქინოლონების საჭმლის მომნელებელი სისიტემიდან აბსორბციას.
პრეპარატთან ერთდროული მიღებისას ქვეითდება ბიფოსფონატის ან ნატრიუმის ფტორიდის შეწოვა, ამიტომ რეგენიუმი ინიშნება მათი მიღებიდან არანაკლებ 2 საათის შემდეგ.
გლუკოკორტიკოსტეროიდული საშუალებები ამცირებენ კალციუმის შეწოვას, ამიტომ მათი ერთდროული გამოყენებისას საჭიროა რეგენიუმის დოზის მომატება.
თიაზიდური დიურეზული საშუალებები ზრდიან ჰიპერკალციემიის განვითარების რისკს, რადგან ამ დროს ძლიერდება თირკმლის მილაკებიდან კალციუმის უკუშეწოვა. ფუროსემიდი და სხვა “მარყუჟოვანი” დიურეზული საშუალებები ზრდიან კალციუმის გამოდევნას.
ქოლესტერამინსა და საფაღარათო საშუალებებთან (დამზადებული მინერალურ ან მცენარეულ ზეთზე) ერთდროული გამოყენებისას მოსალოდნელია ვიტამინი D3- ის აბსორბციის შემცირება.

პრეპარატის ვარგისობის ვადაა 2 წელი. 
ინახება არა უმეტეს 25 C ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილზე!

III ჯგუფი (ექიმის რეცეპტის გარეშე).