• საერთაშორისო დასახელება (აქტიური ნივთიერება):cocarboxylase, cyanocobalamin, nicotinamide, triphosadenine
• კლინიკურ-ფარმაკოლოგიური ჯგუფი: ნივთიერებათა ცვლის დარღვევები → ქსოვილებში ნივთიერებათა ცვლაზე მოქმედი საშუალებები
• მწარმოებელი კომპანია: ჯი-ემ-პი
• მწარმოებელი ქვეყანა: საქართველო
• გამოშვების ფორმა: ლიოფილიზებული მასა ი.მ. საინექციო ხსნარის მოსამზადებლად ამპულა № 3 + 2მლ გამხსნელი (ლიდოკაინის ჰიდროქლორიდი 10 მგ/2 მლ ) ამპულა
• გაცემის რეჟიმი: III ჯგუფი (ურეცეპტოდ)

1. რა არის ადენიტ ფორტე და რისთვის გამოიყენება?

ადენიტ ფორტე, ლიოფილიზირებული ფხვნილი საინექციო ხსნარის მოსამზადებლად, აქტიური ნივთიერებების სახით შეიცავს ადენოზინ დინატრიუმ ტრიფოსფატს (ატფ), კოკარბოქსილაზას ქლორიდს (ვიტამინი B1), ნიკოტინამიდს (ვიტამინი B3) და ციანოკობალამინს (ვიტამინი B12).

კოლოფში მოთავსებულია ადენიტ ფორტე – 3×4 მლ ქარვისფერი შუშის ფლაკონი – ლიოფილიზირებული ფხვნილი საინექციო ხსნარის მოსამზადებლად და 3×2 მლ გამჭვირვალე ამპულა – ლიდოკაი¬ნის ჰიდროქლორიდის ხსნარი.

ადენიტ ფორტე გამოიყენება შემდეგი დაავადებების სამკურნალოდ:

• დიაბეტური ნეიროპათია (დიაბეტის ფონზე განვითარებული პერიფერიული ნერვული დაავადებები – მგრძნობელობის დაქვეითება) და პერნიციოზული ანემია (ვიტამინ B12 დეფიციტური ანემია, განპირობებული მისი აბსორბციის დარღვევით);

• ნევრალგია (ტკივილი ნერვის გასწვრივ);

• გულის კორონარული დაავადება (გულის კუნთის მკვებავი არტერიების შევიწროება, განპირობებული არტერიოსკლეროზით და/ან დაავადების ფონზე განვითარებული ობსტრუქციით), მიოკარდიტი (გულის კუნთის ანთება) და მიოკარდიოპათია (გულის კუნთის დაავადება);

• იშიაზი, ტკივილი საჯდომი ნერვის გასწვრივ;

• მიალგია (კუნთების ტკივილი) და ლუმბაგო (წელის ტკივილი);

• ბურსიტი (სახსრების მტკივნეული შეშუპება) და ტენდინიტი (კუნთებისა და ძვლების დამაკავშირებელი მყესების ანთება);

• რეინოს დაავადება (ხელის თითების სიფერმკრთალე და ტკივილი, განპირობებული სისხლის მიმოქცევის დარღვევით, დაღლილობის შეგრძნება და იშვია¬თად, მწველი ტკივილი ქვემო კიდურებში);

• B1, B12, B3 ვიტამინების დეფიციტი.

2. რისი ცოდნაა საჭირო ადენიტ ფორტეს მიღებამდე

ნუ მიიღებთ ადენიტ ფორტეს, თუ

• გაწუხებთ ალერგია (მომატებული მგრძნობელობა) ადენოზინ დინატრიუმ ტრიფოსფატის, კოკარბოქსილაზას ქლორიდის, ნიკოტინამიდის, ციანოკობალამინის ან პრეპარატის შემადგენელი სხვა კომპონენტების მიმართ;

• თუ გადატანილი გაქვთ მიოკარდიუმის ინფარქტი;

• გადატანილი გაქვთ ჰემორაგიული ინსულტი (სისხლჩაქცევა თავის ტვინში).

სიფრთხილის ზომები ადენიტ ფორტეს მიღების დროს:

არ გამოიყენოთ ადენიტ ფორტე ინტრავენურად.

თუ ადენიტ ფორტეს მიღების ფონზე გამოვლინდა ჰიპერმგრძნობელობის რეაქციები (მოულოდნელი ქავილი, გამონაყარი), ზემო და ქვემო კიდურების, სახის, ტუჩების, პირის ღრუს ან ხორხის ლორწოვანის შეშუპება (გამოვლინდება ყლაპვის ან სუნთქვის გაძნელებით) და გულის წასვლა, შეწყვიტეთ მისი მიღება და დაუყოვნებლივ მიმართეთ კლინიკას.

მიმართეთ ექიმს რჩევისათვის, თუ მსგავსი სიმპტომები გქონიათ წარსულში.

ადენიტ ფორტეს მიღება საკვებთან და სასმელთან ერთად

მიღების წესის განსხვავების გამო (კუნთში საინექციო), არ არის მოსალოდნელი ადენიტ ფორტეს ურთიერთქმედება საკვებთან ან სასმელებთან.

ორსულობა 

მედიკამენტის მიღებამდე, მიმართეთ ექიმს ან ფარმაცევტს. 

ორსულობის პერიოდში ადენიტ ფორტეს მიღებამდე მიმართეთ ექიმს. 

ადენიტ ფორტეს მიღება ორსულობის პერიოდში რეალური საჭიროების გარეშე არ შეიძლება.

მკურნალობის პერიოდში დაორსულების შემთხვევაში დაუყოვნებლივ მიმართეთ ექიმს.

ლაქტაციის პერიოდი

მედიკამენტის მიღებამდე, მიმართეთ ექიმს ან ფარმაცევტს.

ლაქტაციის პერიოდში ადენიტ ფორტეს მიღებამდე მიმართეთ ექიმს.

ადენიტ ფორტეს მიღება ლაქტაციის პერიოდში რეალური საჭიროების გარეშე არ შეიძლება.

ავტომობილისა და სხვა მექანიზმების მართვის უნარი

არ არსებობს მონაცემები ადენიტ ფორტეს გავლენის შესახებ ავტომობილისა და სხვა მექანიზმების მართვის უნარზე. 

მნიშვნელოვანი ინფორმაცია ადენიტ ფორტეში შემავალი დამხმარე ნივთიერებების შესახებ 

ადენიტ ფორტე შეიცავს მეთილ პარაჰიდროქსიბენზოატს და პროპილ პარაჰიდროქსიბენ¬ზოატს. მეთილ პარაჰიდროქსიბენზოატი და პროპილ პარაჰიდროქსიბენზოატი იწვევენ ალერგიულ რეაქციებს (შესაძლოა დაყოვნებული ტიპის), განსაკუთრებით ხშირად ბრონქოსპაზმს (სუნთქვის გაძნელება, სასუნთქი გზების შევიწროების გამო).

ურთიერთქმედება მედიკამენტებთან

აცნობეთ ექიმს ან ფარმაცევტს, თუ იღებთ შემდეგ მედიკამენტებს:

• პარა-ამინო სალიცილის მჟავა (ტუბერკულოზის სამკურნალო საშუალება);

• კოლხიცინი (ნაწლავური დაავადებების სამკურნალო საშუალება) (ხმელთაშუა ზღვის ცხელება და ბეხჩეტის დაავადება);

• ბიგუანიდები (დიაბეტის სამკურნალო საშუალებები);

• ნეომიცინი (კანის დაავადებების სამკურნალო საშუალება);

• ქოლესტირამინი (ქოლესტერინის დონისა და ნაღვლის ბუშტის დაავადებების სამკურნალო საშუალება);

• კალიუმის ქლორიდი (კალიუმის დეფიციტით განპირობებული დაავადებების სამკურნალო საშუალება);

• მეთილდოფა (მაღალი არტერიული წნევის სამკურნალო საშუალება);

• ციმეტიდინი (კუჭ-ნაწლავის წყლულის, კუჭ-ნაწლავის ტრაქტიდან სისხლდენისა და რეფლუქს-დაავადების სამკურნალო საშუალება);

• ქლორამფენიკოლი (ინფექციური დაავადებების სამკურნალო საშუალება);

• ჩასახვის საწინააღმდეგო საშუალებები (კონტრაცეპტივები).

მიმართეთ ექიმს ან ფარმაცევტს, თუ იღებთ ან წარსულში იღებდით რაიმე მედიკამენტს, ურეცეპტოდ გასაცემი საშუალებების ჩათვლით.

3. ადენიტ ფორტეს მიღების წესი

გამოყენების წესი და დოზირება / მიღების სიხშირე

ადენიტ ფორტეს სადღეღამისო დოზაა 1 ფლაკონი ლიოფილიზირებული ფხვნილი გამხსნელთან ერთად კუნთში შესაყვანად.

გამოყენების წესი და შეყვანის გზა:

2 მლ 0.5% ლიდოკაინის ჰიდროქლორიდი შეყავთ ლიოფილიზირებული ფხვნილის შემცველ ფლაკონში და შეანჯღრევენ. ფხვნილი იხსნება 0.5% ლიდოკაინის ჰიდროქლორიდის ხსნარში.

მომზადებული ხსნარი დაუყოვნებლივ შეჰყავთ კუნთებში.

დაუშვებელია ადენიტ ფორტეს ინტრავენური გამოყენება.

განსხვავებული ასაკობრივი ჯგუფები:

გამოყენება ბავშვებში: არ არსებობს მონაცემები ადენიტ ფორტეს გამოყენების შესახებ ბავშვებში. ადენიტ ფორტეს გამოყენებამდე მიმართეთ ექიმს.

გამოყენება ხანდაზმულებში: არ არსებობს მონაცემები ადენიტ ფორტეს გამოყენების შესახებ ხანდაზმულებში. ადენიტ ფორტეს გამოყენებამდე მიმართეთ ექიმს.

განსაკუთრებული შემთხვევები:

თირკმლის უკმარისობა: არ არსებობს მონაცემები ადენიტ ფორტეს გამოყენების შესახებ თირკმლის უკმარისობის მქონე პაციენტებში. ადენიტ ფორტეს გამოყენებამდე მიმართეთ ექიმს.

ღვიძლის უკმარისობა: არ არსებობს მონაცემები ადენიტ ფორტეს გამოყენების შესახებ ღვიძლის უკმარისობის მქონე პაციენტებში. ადენიტ ფორტეს გამოყენებამდე მიმართეთ ექიმს.

თუ თქვენი აზრით, ადენიტ ფორტე ზედმეტად ძლიერი ან არაეფექტურია, მიმართეთ ექიმს ან ფარმაცევტს.

ადენიტ ფორტეს დოზის გადაჭარბება:

ადენიტ ფორტეს დოზის გადაჭარბების შემთხვევაში, ვითარდება კანის სიმშრალე, ქავილი, მუქი პიგმენტური ლაქები კანზე, სპაზმი მუცლის არეში, გულისრევა, ღებინება, მადის დაქვეითება, პეპტიური წყლულის აქტივაცია (12-გოჯა ნაწლავსა და კუჭში ნაწიბურის ჩამოყალიბება), ამბლიოპია, სიყვითლე და ღვიძლის ფუნქციის დაქვეითება, სისხლში გლუკოზის დონის მატება, შარდმჟავას დონის მატება სისხლში.

ადენიტ ფორტეს ჭარბი დოზით მიღების შემთხვევაში მიმართეთ ექიმს ან ფარმაცევტს.

ადენიტ ფორტეს დოზის გამოტოვება:

დოზის გამოტოვების შემთხვევაში, მიიღეთ მედიკამენტი გახსენებისთანავე.

ნუ მიიღებთ მედიკამენტის გაორმაგებულ დოზას გამოტოვებულის სანაცვლოდ.

ადენიტ ფორტეს მიღების შეწყვეტა

ნუ შეწყვეტთ მედიკამენტის მიღებას ექიმთან კონსულტაციის გარეშე.

4. შესაძლო გვერდითი ეფექტები

ყველა მედიკამენტის მსგავსად, ადენიტ ფორტესაც შეუძლია გვერდითი ეფექტების გამოწვევა.

დაუყოვნებლივ შეწყვიტეთ ადენიტ ფორტეს მიღება და მიმართეთ ექიმს ან გადაუდებელი დახმარების განყოფილებას, თუ გამოგივლინდათ შემდეგი გვერდითი ეფექტებიდან რომელიმე:

• მწვავე ალერგიული რეაქცია – მოულოდნელი ქავილი, გამონაყარი (ჭინჭრის ციება), ხელების, ფეხების, კოჭების, სახის, ტუჩების, პირის ღრუსა და ხორხის შეშუპება (გამოვლინდება ყლაპვისა და სუნთქვის გაძნელებით), გულის წასვლის შეგრძნება.

ყველა ჩამოთვლილი მოვლენა სერიოზულ ხასიათს ატარებს. ნებისმიერი მათგანის გამოვლენის შემთხვევაში საჭიროა გადაუდებელი სამედიცინო დახმარება.

გვერდითი მოვლენები დაყოფილია შემდეგ კატეგორიებად:

ძალიან ხშირი: 1 შემთხვევა ყოველ 10 პაციენტში

ხშირი: 1-ზე ნაკლები 10 პაციენტში, მაგრამ 1-ზე მეტი ყოველ 100 პაციენტში

ნაკლებად ხშირი: 1-ზე ნაკლები 100 პაციენტში, მაგრამ 1-ზე მეტი ყოველ 1000 პაციენტში

იშვიათი: 1 შემთხვევა ყოველ 10 000 პაციენტში

უცნობი: არსებული მონაცემების საფუძველზე სიხშირის დადგენა შეუძლებელია

უცნობი:

• თავბრუსხვევა,

• პალპიტაცია (გულისცემის გახშირება),

• დაბალი არტერიული წნევა (ჰიპოტენზია),

• ქოშინი,

• მუცლის ტკივილი,

• გულისრევა,

• წამოხურება, თანმხლები ჰიპერემიით,

• რეგიონული გამონაყარი პერიოდულად,

• ხშირი შარდვა (დიურეზი).

მიმართეთ ექიმს რომელიმე აღნიშნული გვერდითი ეფექტის გამოვლენის შემთხვევაში.

სერიოზული ან ისეთი გვერდითი ეფექტების გამოვლენის შემთხვევაში, რომლებიც მოცემულ გამოყენების ინსტრუქციაში არ არის აღწერილი, მიმართეთ ექიმს ან ფარმაცევტს.

გვერდითი ეფექტების მონიტორინგი

გვერდითი ეფექტების გამოვლენის შემთხვევაში, რომლებიც მოცემულ გამოყენების ინსტრუქციაში აღწერილია ან არ არის აღწერილი, მიმართეთ ექიმს ან ფარმაცევტს.

5. ადენიტ ფორტეს შენახვის პირობები

მედიკამენტი ინახება ბავშვებისთვის ხელმიუწვდომელ ადგილას ორიგინალ შეფუთვაში.

შეინახეთ არა უმეტეს 25°C ტემპერატურაზე.

გამოყენება ვარგისობის ვადის გათვალისწინებით:

არ გამოიყენოთ ადენიტ ფორტე კოლოფზე მითითებული ვარგისობის ვადის გასვლის შემდეგ. 

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

საერთაშორისო დასახელება:

ACIDUM ADENOSINTRIPHOSPHORICUM

მწარმოებელი: DARNITSA, უკრაინა

მოქმედი ნივთიერება: ადენოზინტრი ფოსფორის მჟავა

კლინიკურ–ფარმაკოლოგიური ჯგუფი:

მეტაბოლური პროცესების სტიმულატორი

გამოშვების ფორმა:

საინექციო ხსნარი 1%: ამპულაში 1 მლ, შეფუთვაში 10 ც.

1 მლ

ადენოზინტრი ფოსფორის მჟავა ………  10 მგ

ფარმაკოლოგიური მოქმედება:

კარდიოლოგიური პრეპარატი წარმოადგენს ორიგინალურ სამკურნალო პრეპარატს, რომლის მოლეკულა შედგება ადენოზინ–5–ტრიფოსფატისა (ატფ), ჰისტიდინის ამინომჟავისაგან და მაგნიუმისა და კალიუმის მარილებისაგან. პრაპარატს აქვს დამახასიათებელი ფარმაკოლოგიური მოქმედება, რომელიც ცალკე აღებულ მის არცერთ შენაერთს არ აქვს (ატფ, ჰისტიდინი, K⁺, Mg⁺⁺).

– ატფ ახდენს ენერგეტიკული ცვლის, უჯრედის მემბრანის იონოტრანსპორტული სისტემის სტიმულირებას, ახდენს ნატრიუმისა და კალიუმის იონების კონცენტრაციის ნორმალიზებას, მემბრანის ლიპიდური მაჩვენებლის, მემბრანოდამოკიდებული ფერმენტების აქტივობის ნორმალიზების კონტროლს;

– აუმჯობესებს მიოკარდის დაცვისთვის ანტიოქსიდანტურ სისტემას, აქვეითებს შარდმჟავას კონცენტრაციას.

– ატფ ხასიათდება ანტიიშემიური, მემბრანომასტაბილიზებელი, ანტიარითმიული მოქმედებით, რაც მიიღწევა მიოკარდში მეტაბოლური პროცესების ნორმალიზაციით იშემიისა და ჰიპოქსიის დროს.

– ატფ აუმჯობესებს ცენტრალური და პერიფერიული ჰემოდინიამიკის მაჩვენებლებს, კორონარულ სისხლის მიმოქცევას, ამაღლებს მიოკარდის კუმშვით უნარს, მარცხენა პარკუჭის ფუნქციონალურ მდგომარეობას და განდევნის მოცულობას, რაც განაპირობებს ფიზიკური შრომისუნარიანობის მაჩვენებლის ზრდას.

– იშემიის პირობებში პრეპარატი აქვეითებს მიოკარდის მოთხოვნილებას  ჟანგბადზე, აუმჯობესებს კორონარულ სისხლის მიმოქცევას, ააქტივებს გულის ფუნქციონალურ მდგომარეობას, რაც განაპირობებს სტენოკარდიის შეტევის სიხშირის შემცირებას და ქოშინს ფიზიკური დატვირთვისას.

– პრეპარატი აღადგენს ნორმალურ სინუსურ რიტმს ავადმყოფებში პარკუჭზედა პაროქსიზმული და სუპრავენტრიკულური ტაქიკარდიისას, ციმციმისა და წინაგულების თრთოლვის დროს, ასევე აქვეითებს ექტოპიური კერების აქტიობას (წინაგულოვანი და პარკუჭოვანი ექსტრასისტოლები).

– ატფ უზრუნველყოფს კალიუმისა და მაგნიუმის კონცენტრაციის ნორმალიზებას ქსოვილებში.

ჩვენებები:

• პრეპარატს უნიშნავენ კომბინირებულ მკურნალობაში:
• გულის იშემიური დაავადებისას, არასტაბილური სტენოკარდიის დროს, სტენოკარდია მოსვენების და დაძაბვის;
• პოსტინფარქტული და მიოკარდიტული კარდიოსკლეროზი (დიფუზური და კეროვანი კარდიოსკლეროზი);
• პაროქსიზმული პარკუჭზედა და სუპრავენტრიკულური ტაქიკარდია და გულის რიტმის სხვა დარღვევები;
• ვეგეტოსისხლძარღვოვანი დისტონია;
• მიოკარდიოდისტროფია;
• ქრონიკული დაღლილობის სინდრომი;
• სხვადასხვა წარმოშობის ჰიპერურიკემია;
• მიოკარდიტი;
• ფიზიკური დატვირთვის მიმართ ტოლერანტობის გაზრდა

მიღების წესი და დოზირება:

კუნთში – 1მლ 1% ხსნარი 1–2–ჯერ დღეში. მკურნალობის კურსი – 30–40 ინექცია. განმეორებითი კურსი – 1–2 თვის შემდეგ.

პარკუჭზედა ტაქიკარდიის პაროქსიზმის კუპირებისთვის ვენაში შეჰყავთ 1–2 მლ 1% ხსნარი (ეფექტი დგება 30–40 წამის შემდეგ). განმეორებითი შეყვანა 2–3 წუთის შემდეგ.

უკუჩვენებები:

* პრეპარატის და მისი კომპონენეტების მიმართ მომატებული მგრძნობელობა;

* მიოკარდის მწვავე ინფარქტი;

* ბრადი არითმიის მძიმე ფორმა;

* AV–ბლოკადა II-III ხარისხის;

* ჰიპერკალიემია, ჰიპერმაგნიემია;

* ჰემორაგიული ინსულტი.

გვერდითი ეფექტები:

შესაძლებელია გულისრევის შეგრძნება, ეპიგასტრიუმში უსიამოვო შეგრძნება, ალერგიული რეაქციები.

ხანგრძლივი და უკონტროლო მიღებისას ჰიპერკალიემია და ჰიპერმაგნემია.

განსაკუთრებული მითითებები:

AV–ბლოკადისა და რითმის სხვა დარღვევების ერთობლიობისას პრეპარატი არ ინიშნება.

ატფ ხანგრძლივი გამოყენებისას საჭიროა სისხლში კალიუმისა და მაგნიუმის კონტროლი.

არ არის სასურველი პრეპარატის მიღება გამოხატული არტერიული ჰიპოტენზიისას.

ფრთხილად ინიშნება ბრონქოსპაზმისადმი მიდრეკილებისას.

ატფ მიღება არ შეიძლება ერთდროულად საგულე გლიკოზიდებთან AV–ბლოკადის შესაძლო განვითარების გამო.

პრეპარატ ატფ–ით მკურნალობის დროს სასურველია თავშეკავება კოფეინის შემცველი პროდუქტებისგან (ჩაი, ყავა, სასმელი კოლა).

ორსულობა და ლაქტაცია:

ამ პერიოდში კლინიკური მონაცემები პრეპარატის უსაფრთხოების შესახებ არ არსებობს, ამიტომ მისი გამოყენება ორსულობისას უკუნაჩვენებია.

ლაქტაციის დროს პრეპარატის აუცილებელი გამოყენების შემთხვევაში ძუძუთი კვება უნდა შეწყდეს.

ბავშვები:ბავშვებში სამკურნალოდ არ გამოიყენება.

სატრანსპორტო საშუალებების და სხვა მექანიზმების მართვა:

მონაცემები, რომ პრეპარატი გავლენას ახდენს ტრანსპორტის ან სხვა მექანიზმების მართვისას რეაქციების სისწრაფეზე, არ არის.

სხვა წამლებთან ურთიერთქმედება:

– არ შეიძლება ატფ–ის გამოყენება საგულე გლიკოზიდებთან AV–ბლოკადის შესაძლო განვითარების გამო.

– კალიუმის დამზოგველ დიურეტიკებთან, კალიუმის პრეპარატებთან და აგფ–ინჰიბიტორებთან ერთდროული გამოყენებისას იზრდება ჰიპერკალიემიის განვითარების რისკი, მაგნეროტთან და მაგნიუმის სხვა პრეარატებთან ერთად – ჰიპერმაგნიემია.

– დიპირიდამოლი აძლიერებს ატფ–ის თერაპიულ ეფექტს, ხოლო ქსანტინოლი ნიკოტინატი, კოფეინი, თეოფილინი, ამინოფილინი – ამცირებს.

– ატფ–ს შეუძლია გააძლიეროს ბეტა– ადრენორეცეპტორების ბლოკატორების, ნიტრატების მოქმედება.

ჭარბი დოზირება:

შესაძლებელია ბრადიკარდიის, AV–ბლოკადის, და არტერიული ჰიპოტენზიის განვითარება.

მკურნალობა: უნდა შეწყდეს პრეპარატის გამოყენება და დაიწყოს სიმპტომური თერაპია. ბრადიკარდიისას შეჰყავთ ატროპინის სულფატი.

შენახვის პირობები:

მშრალ, სინათლისაგან დაცულ, 3–5⁰C ტემპერატურაზე.

ქვეყანა: თურქეთი

მწარმოებელი: ვეფა ილაჩ თურქეთი

გაცემის ფორმა: III ჯგუფი ურეცეპტო

ქვეყანა: თურქეთი

მწარმოებელი: ვეფა ილაჩ თურქეთი

გაცემის ფორმა: III ჯგუფი ურეცეპტო

ქვეყანა: თურქეთი

მწარმოებელი: ვეფა ილაჩ თურქეთი

გაცემის ფორმა: III ჯგუფი ურეცეპტო

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ქვეყანა: თურქეთი

მწარმოებელი: ვეფა ილაჩ თურქეთი

გაცემის ფორმა: III ჯგუფი ურეცეპტო

ქვეყანა: გერმანია

მწარმოებელი: ბიოლოგიშ ჰელმიტელ ჰეელი

გაცემის ფორმა: III ჯგუფი ურეცეპტო

ქვეყანა: თურქეთი

მწარმოებელი: ვეფა ილაჩ თურქეთი

გაცემის ფორმა: III ჯგუფი ურეცეპტო

დუომაგი

ბიოლოგიურად აქტიური დანამატის

გამოყენების ინსტრუქცია

მაგნიუმის ორი ფორმა ხანგრძლივი მოქმედებისთვის

შედგენილობა: თითოეული კაფსულა შეიცავს:

აქტიურ ნივთიერებას:

მაგნიუმის ოქსიდს 613,62 მგ (370 მგ მაგნიუმის ექვ.)

მაგნიუმის ციტრატს 158,644 მგ (30 მგ მაგნიუმის ექვ.)

პირიდოქსინის ჰიდროქლორიდი 6,08 მგ (5 მგ ვიტამინი В6-ს ექვ.)

დამხმარე ნივთიერებები:  მიკროკრისტალური ცელულოზა, სილიციუმის დიოქსიდი, ცხიმოვანი მჟავების მაგნიუმის მარილები.

დაფარვის შედგენილობა: ჟელატინი, ტიტანის დიოქსიდი

ერთი კაფსულა შეიცავს:

კღმმ* – კვებითი ღირებულების მიმართებითი მნიშვნელობა

რას წარმოადგენს დუომაგი და როგორ მოქმედებს ის?

დუომაგის აქტიურ ნივთიერებას წარმოადგენს მაგნიუმი და პირიდოქსინი. მაგნიუმი – ყველაზე გავრცელებული ელემენტია სხეულის ძვლებში, კუნთებსა და რბილ ქსოვილებში. ეს მინერალი მონაწილეობას იღებს უამრავ ბიოქომიურ რექციაში და წარმოადგენს კუნთების, მათ შორის, გულის და ნერვული სისტემის, ფუნქციონირების მნიშვნელოვან კომპონენტს.  მაგნიუმი ხელს უწყობს ელექტროლიტური ბალანსის შენარჩუნებას, ცილების ნორმალურ მეტაბოლიზმს და სინთეზს. გარდა ამისა, მაგნიუმი აუცილებელია ძვლებისა და კბილების ჯანმრთელობის შენარჩუნებისთვის. მაგნიუმის დახმარებით ორგანიზმი ადვილად უმკლავდება დაღლას.

შედგენილობაში შედის მაგნიუმის 2 ფორმა: მაგნიუმის ოქსიდი და მაგნიუმის ციტრატი. მაგნიუმის ოქსიდი შეიცავს 6-12-ჯერ მეტ სუფთა მაგნიუმს, ვიდრე მაგნიუმის მარილები. მეორეს მხრივ, მაგნიუმის ციტრატი არ აღიზიანებს კუჭს, ამიტომ მისი მიღება შესაძლებელია ხანგრძლივი დროის განმავლობაში ჯანმრთელობისთვის ზიანის მიყენების გარეშე. ეს ორი ფორმა ერთად ერთმანეთს ავსებს, შედეგად დგება პროლონგირებული ეფექტი.

ამ ფორმულაში მაგნიუმი იმყოფება კომბინაციაში В6 ვიტამინთან, რომელიც მონაწილეობს მრავალ მეტაბოლურ პროცესში, ნერვული სისტემის მეტაბოლიზმის რეგულირებაში და აუმჯობესებს კუჭ-ნაწლავის ტრაქტის მიერ მაგნიუმის შეწოვას და მის მოხვედრას უჯრედში.

გამოყენების რეკომენდაციები:

მაგნიუმის დადგენილი დეფიციტი, იზოლირებული ან დაკავშირებული სხვა დეფიციტურ მდგომარეობებთან, რომელთაც ახლავს  ისეთი სიმპტომები, როგორიცაა: მომატებული გაღიზიანებადობა, ძილის უმნიშვნელო დარღვევები, კუჭ-ნაწლავის სპაზმები, გახშირებული გულისცემა, მომატებული დაღლილობის შეგრძნება, კუნთების ტკივილი და სპაზმები, ჩხვლეტის შეგრძნება კუნთებში.

უკუჩვენება:

ბად-ის კომპონენტების ინდივიდუალური აუტანლობა.ბავშვთა ასაკი 6 წლამდე.

დოზირების რეჟიმი:

შინაგანად. მიიღეთ 1 კაფსულა დღეში 1 ჭიქა წყლის მიყოლებით.

გვერდითი ეფექტები:

შესაძლებელია: ალერგიული რეაქციები, დიარეა, ტკივილი მუცლის არეში.

გამოშვების ფორმა:

30 კაფსულა

შენახვის პირობები:

შეინახეთ მშრალ, შუქისგან დაცულ ადგილას 8⁰С-დან 25⁰С-მდე ტემპერატურის პირობებში.

შეინახეთ ბავშვებისთვის მიუწვდომელ ადგილას.

შენახვის ვადა:

მითითებულია შეფუთვაზე. ვადის გასვლის შემდეგ არ გამოიყენოთ.

ბად. არ წარმოადგენს სამკურნალო საშუალებას.

გამოყენებამდე რეკომენდირებულია გაიაროთ კონსულტაცია ექიმთან.

წარმოებულია:

LADYHEALTHCARELLP–თვის

ლონდონი, დიდი ბრიტანეთი

მწარმოებელი: დსს “Aconitum”

ლიტვა