ათქ კლასიფიკაციის კოდი
A11CC05

შემადგენლობა და გამოშვების ფორმა
წყალხსნარი პერორალური გამოყენებისათვის: ფლაკონში 10 მლ საწვეთურით.
1 მლ
ქოლეკალციფეროლი . . . . . 15 000 სე
1 წვეთი პრეპარატი შეიცავს 500 სე ვიტამინ D3.
დამხმარე ნივთიერებები:
კრემოფორი EL, საქაროზა, ნატრიუმის ჰიდროფოსფატი, ლიმონმჟავა, ანისულის არომატიზატორი, ბენზოლის სპირტი, გასუფთავებული წყალი.

კლინიკურ-ფარმაკოლოგიური ჯგუფი
კალციუმის და ფოსფორის ცვლის მარეგულირებელი საშუალება.

ფარმაკოლოგიური თვისებები
ვიტამინი D3 წარმოადგენს ანტირაქიტულ ფაქტორს. იგი განსაზღვრავს ორგანიზმში კალციუმის და ფოსფორის ცვლის რეგულაციას.
ვიტამინ D3 წყალხსნარი ზეთოვანთან შედარებით უფრო კარგად შეიწოვება.
დღენაკლულ ბავშვებში ადგილი აქვს ნაღვლის არასაკმარისი რაოდენობით წარმოქმნას, რაც აფერხებს ზეთოვანი ხსნარების შეწოვის პროცესს. ვიტამინი D3 ორგანიზმიდან გამოიყოფა შარდთან და განავალთან ერთად.

ჩვენებები
პროფილაქტიკა და მკურნალობა:
- ვიტამინ D3  დეფიციტის;
- რაქიტისა და რაქიტის მსგავსი დაავადებების;
- ჰიპოკალციემიური ტეტანიის;
- ოსტეომალაციის;
- მეტაბოლური ოსტეოპათიების (ჰიპოპარათირეოზი და ფსევდოჰიპოპარათირეოზი);
- როგორც დამატებითი სამკურნალო საშუალება ოსტეოპოროზის მკურნალობის დროს.

დოზირების რეჟიმი
პროფილაქტიკის მიზნით პრეპარატი ინიშნება:
- 3-4 კვირის ახალშობილებში, 2–3 წლამდე ასაკის ბავშვებში კარგი მოვლის პირობებში: 500-1000 სე (1 – 2 წვეთი) დღეღამეში;
- დღენაკლულებში 7–10 დღის ასაკის, ტყუპებში, ცუდ პირობებში მყოფ ჩვილ ბავშვებში: 1000-1500 სე (2–3 წვეთი) Dდღეღამეში. ზაფხულის პერიოდში დოზა შეიძლება შემცირდეს 500 სე-მდე (1 წვეთი) დღეღამეში.
- ორსულებში დღიური დოზა 400 სე ორსულობის მთელი პერიოდის მანძილზე ან 1000 სე დღეღამეში დაწყებული 28 კვირიდან;
- მოზრდილებში: 500-1000 სე დღეღამეში.
თერაპიული მიზნით ინიშნება:
ყოველდღიური დოზა: 2000-5000 სე (4-10 წვეთი) თერაპიული ეფექტის მიღწევამდე შემდგომში პროფილაქტიკურ დოზაზე გადასვლით.

გვერდითი მოვლენები
იშვიათად ვიტამინ D-ს მიმართ მომატებული მგრძნობელობის ან ხანგრძლივი დროის განმავლობაში მაღალი დოზებით გამოყენებისას შესაძლებელია განვითარდეს ჰიპერვიტამინოზი.

უკუჩვენებები
მომატებული მგრძნობელობა პრეპარატში შემავალი კომპონენტების მიმართ. D ჰიპერვიტამინოზი, კალციუმის დონის მომატება სისხლში და შარდში, შარდკენჭოვანი დაავადება, სარკოიდოზი, თირკმლის უკმარისობა.

ორსულობა და ლაქტაცია
ორსულებში პრეპარატის გამოყენება არ არის ნებადართული მაღალ დოზებში ტერატოგენული ეფექტის შესაძლო განვითარების გამო, ასევე სიფრთხილით ინიშნება ლაქტაციის პერიოდში.

განსაკუთრებული მითითებები
პრეპარატთან ერთად კალციუმის მაღალი დოზებით მიღება არ არის ნებადართული.

ჭარბი დოზირება
ჰიპერვიტამინოზის ნიშნების გამოვლენის შემთხვევაში საჭიროა მკურნალობის შეწყვეტა, დიდი რაოდენობით სითხის მიღება, ექიმთან კონსულტაცია.

სხვა წამლებთან ურთიერთქმედება
ეპილეფსიის სამკურნალო საშუალებები, რიფამპიცინი, ამცირებენ ვიტამინის რეზორბციას. თიაზიდური დიურეზული საშუალებები ზრდიან ჰიპერკალციემიის განვითარების რისკს. საგულე გლიკოზიდებთან კომბინაცია ზრდის მათ ტოქსიკურ ეფექტს.

შენახვის პირობები და ვადა
პრეპარატი ინახება 5-15ºC ტემპერატურაზე ბნელ, ბავშვებისაგან დაცულ ადგილას.
Medana Pharma TERPOL Group S.A.

ასკორუტინი

ზოგადი დახასიათება:
ძირითადი ფიზიკურ-ქიმიური თვისებები: მრგვალი ფორმის ტაბლეტები მომწვანო-მოყვითალო ფერის წინწკლებით, ბრტყელი ზედაპირით ხაზითა და ნაზოლით.

შემცველობა: 1 ტაბლეტი შეიცავს ასკორბინის მჟავას გადაანგარიშებით 100% ნივთიერებაზე – 50 მგ, რუტინი გადაანგარიშებით 100% მშრალ ნივთიერებაზე – 50 მგ;
დამხმარე ნივთიერებები: კარტოფილის სახამებელი, შაქარი,  ტალკი, კალციუმის სტეარატი.

გამოშვების ფორმა. ტაბლეტები.

ფარმაკოთერაპიული ჯგუფი. კაპილარების მასტაბილიზირებელი საშუალებები.

ფარმაკოლოგიური თვისებები. ფარმაკოდინამიკა. კომბინირებული სამკურნალო საშუალება, რომლის მოქმედება განპირობებულია მის შემადგენლობაში შემავალი კომპონენტების მიერ..რუტინი (ვიტამინი P) ხელს უწყობს ასკორბინის მჟავას გარდაქმნას დეჰიდროასკორბინის მჟავად და ხელს უშლის უკანასკნელის შემდგომ ტრასფორმირებას დიკეტოგულონმჟავაში. ამიტომ რუტინის ეფექტთა უმეტესობა ხდება ჩ ვიტამინის მეშვეობით.
რუტინი ასკორბინის მჟავასთან ერთად ამცირებს კაპილარების გამტარობასა და “მტვრევადობას”, ამაგრებს სისხლძარღვის კედელს, ამცირებს თრომბოციტების აგრეგაციას, გააჩნია ანთების საწინააღმდეგო ეფექტი (მათ შორის ჰიალურონიდაზას აქტივობის დათრგუნვის ხარჯზე), ანტიოქსიდანტური თვისებები, მონაწილეობს ჟანგვა-აღდგენით პროცესებში.
გარდა ამისა, რუტინისათვის დამახასიათებელია ისეთი ეფექტები, როგორიცაა პლაზმის თხვადი ნაწილის ექსუდაციის და სისხლის უჯრედების დიაპედეზის სისხლძარღვის კედელში შემცირება; ნაღველმდენი და მსუბუქი ანტიჰიპერტენზიული ეფექტები.
ავადმყოფებში ქრონიკული ვენოზური უკმარისობით რუტინი იწვევს შეშუპებისა და ტკივილის სინდრომების, ტროფიული დარღვევების შემცირებას, პარესთეზიებისა და კრუნჩხვების შემცირებას ან აღმოფხვრას. ხელს უწყობს სხივური თერაპიის გვერდითი ეფექტების გამოხატულობის შემცირებას (ცისტიტი, ენტეროპროქტიტი, დისფაგია, კანის ერითემა), ასევე ანელებს დიაბეტური რეტინოპათიის პროგრესირებას.
ფარმაკოკინეტიკა. პრეპარატის შემადგენლობაში შემავალი თითოეული ვიტამინი განიცდის მისთვის დამახასიათებელ გარდაქმნებს. ასკორბინის მჟავა სწრაფად შეიწოვება ძირითადად თორმეტგოჯა და წვრილ ნაწლავებში. მიღებიდან 30 წუთში სისხლში ასკორბინის მჟავას შემცველობა მნიშვნელოვნად მატულობს, ამ დროს იგი თავიდან გარდაიქმნება დეჰიდროასკორბინის მჟავად, რომელიც აღწევს უჯრედების მემბრანებში ენერგეტიკული დანახარჯების გარეშე და სწრაფად აღდგება უჯრედში. ასკორბინის მჟავა ქსოვილებში იმყოფება თითქმის მხოლოდ უჯრედის შიგნით, განისაზღვრება სამი ფორმით – ასკორბინის, დეჰიდროასკორბინის მჟავას და ასკორბიგენის ფორმით (შეკავშირებული ასკორბინის მჟავა). ორგანოებს შორის არათანაბრად ნაწილდება. იგი დიდი რაოდენობით არის შიდა სეკრეციის ჯირკვლებში, განსაკუთრებით თირკმელზედა ჯირკვლებში, უფრო ცოტა – თავის ტვინში, თირკმელებში, ღვიძლში, გულისა და ჩონჩხის კუნთებში.
ლეიკოციტებსა და თრომბოციტებში ასკორბინის შემცველობა უფრო მეტია, ვიდრე სისხლის პლაზმაში. იგი მეტაბოლიზირდება და 90% ექსკრეტირდება თირკმელებით ოქსალატის ფორმით, ნაწილობრივ – თავისუფალი ფორმით.
საჭმლის მომნელებელი ტრაქტიდან შეწოვისას, რუტინი ხელს უწყობს ასკორბატის ტრანსპორტირებასა და დეპონირებას. გამოიყოფა უცვლელი სახით და მეტაბოლიტების სახით, ძირითადად ნაღვლის წვენთან ერთად, და ნაკლებად შარდთან ერთად.
ნახევარგამოყოფის პერიოდი შეადგენს 10-25 საათს.

გამოყენების ჩვენები. ჰიპო- და P ავიტამინოზის პროფილაქტიკა და მკურნალობა. დაავადებების კომპლექსური თერაპიის შემადგენლობებში, რომლებსაც ახლავს სისხლძარღვების გამტარობის მომატება, ჰემორაგიული დიათეზები, კაპილაროტოქსიკოზები, სხივური დაავადება, ალერგიული დაავადებები, თრომბოციტოპენიური პურპურა, გლომერულონეფრიტი, სისხლჩაქცევა თვალის ბადურაში, სეპტიური ენდოკარდიტი, არტერიული ჰიპერტენზია, რევმატიზმი, ქოლესტაზი, ინფექციური დაავადებები (ქუნთრუშა, პარტახტიანი ტიფი). პროფილაქტიკისა და მკურნალობის მიზნით – კაპილარების დაზიანებებისას, განპირობებულის ანტიკოაგულანტების, სალიცილატების გამოყენებით.

გამოყენების წესი და დოზები. პრეპარატი მიიღება შიგნით ჭამის შემდეგ. სამკურნალოდ მოზრდილებში ინიშნება 1 ტაბლეტი 2-3-ჯერ დღე-ღამეში; 3 წელზე უფროსი ასაკის ბავშვებში 1 ტაბლეტი ორჯერ დღე-ღამეში. როგორც პროფილაქტიკური საშუალების-პრეპარატის მიღება რეკომენდებულია: მოზრდილებში 1 ტაბლეტი ორჯერ დღე-ღამეში, ხოლო 3 წელზე უფროსი ასაკის ბავშვებში 1 ტაბლეტი დღე-ღამეში.
მკურნალობის კურსის ხანგრძლივობა შეადგენს 3-4 კვირას (დაავადების ხასიათისა და მკურნალობის ეფექტურობის მიხედვით).

გვერდითი მოქმედება. ალერგიული რეაქციები, დისპეფსიური მოვლენები (ღებინება, გულისრევა, ანორექსია, ტკივილები ეპიგასტრალურ არეში, ნაწლავის სპაზმები, დიარეა), თავის ტკივილი, არტერიული წნევის მომატება, თრომბოციტოზი, ლეიკოციტოზი, მაღალი აგზნებადობა, ძილის დარღვევა.

უკუჩვენება. ჰიპერმგრძნობელობა პრეპარატის კომპონენტების მიმართ. სისხლის გაძლიერებული შედედება, თრომბოფლებიტი, მიდრეკილება თრომბოზების მიმართ, 3 წლამდე ასაკის ბავშვები.
ფრთხილად ინიშნება დიაბეტის და თირკმელების დაავადების დროს.

ჭარბი დოზა. პრეპარატის ჭარბმა დოზამ შეიძლება გამოიწვიოს ღებინება, გულისრევა, ფაღარათი, თავის ტკივილი, არტერიული წნევის მომატება, თრომბის წარმოქმნა.

გამოყენების განსაკუთრებულობანი. პრეპარატის ერთდროულად გამოყენება ტუტე სასმელებთან, ახალი ხილის ან ბოსტნეულის წვენებთან, ამცირებს ჩ ვიტამინის შეწოვას.
პრეპარატის გამოყენება შეიძლება ლაქტაციის პერიოდში.
არ არსებობს მონაცემები იმის შესახებ, რომ ასკორუტინი უარყოფითად მოქმედებს მძღოლებსა და ტექნიკასთან მომუშავე ადამიანებზე.
პრეპარატს შეუძლია შეცვალოს ლაბორატორიული ანალიზების მაჩვენებლები სისხლში ბილირუბინის შემცველობის, ტრანსამინაზების აქტივობის შესახებ.

ურთიერთქმედება სხვა სამკურნალო საშუალებებთან. ასკორბინის მჟავა ზრდის პენიცილინის, რკინის შეწოვას, ამცირებს ჰეპარინის, არაპირდაპირი ანტიკოაგულანტების, ანტიბიოტიკების ეფექტურობას. აცეტილსალიცილის მჟავა, პერორალური კონტრაცეპტივები აქვეითებენ პრეპარატის შეწოვასა და ათვისებას.
ზრდის აცეტილსალიცილის მჟავას, ბენზილპენიცილინის, ეთინილესტრადიოლის, ტეტრაციკლინის კონცენტრაციას სისხლში.
ხანგრძლივი გამოყენებისას (4 კვირაზე მეტ ხანს) რუტინი არ უნდა დაინიშნოს ერთდროულად საგულე გლიკოზიდებთან, ანტიჰიპერტენზიულ საშუალებებთან ან არასტეროიდულ ანთების საწინააღმდეგო პრეპარატებთან, ვინაიდან მას შეუძლია მათი მოქმედების გაძლიერება.

შენახვის პირობები. მშრალ, სინათლისაგან დაცულ, ბავშვებისათვის მიუწვდომელ ადგილას ტემპერატურაზე არაუმეტეს 25°C.

ვარგისიანობის ვადა. 4 წელი.

გაცემის პირობები. რეცეპტის გარეშე.

შეფუთვა. 10 ტაბლეტი კონტურულ დანაყოფებიან  შეფუთვაში. 10 ტაბლეტი კონტურულ დანაყოფებიან  შეფუთვაში, 5 შეფუთვა კოლოფში.

ასკორუტინი   

შემადგენლობა:   
აქტიური ინგრედიენტები:
ასკორბინის მჟავა  0,05გ;
რუტინი   0,05გ.
დამხმარე საშუალებები: შაქარი, კარტოფილის სახამებელი, კალციუმის სტეარატი, ტალკი.

ძირითადი ფიზიკო-ქიმიური თვისებები:
ღია მომწვანო-მოყვითალო ფერის ტაბლეტები

ფარმაკოთერაპიული ჯგუფი:
ვიტამინები და მათი ანალოგები

ფორმა:
ტაბლეტები

ფარმაკოლოგიური თვისებები:
რუტინს ასკორბინის მჟავასთან ერთად გააჩნია უნარი შეამციროს კაპილარების გამტარობა და მტვრევადობა. რუტინი  გიალურონიდაზას აქტივობის დათრგინვის ხარჯზე ასკორბინის მჟავასთან ერთად მონაწილეობას იღებს ჟანგვით-აღდგენით პროცესებში. ორივე ვიტამინს გააჩნია ანტიოქსიდანტური თვისებები.

ფარმაკოკინეტიკა:
პრეპარატის შემადგენლობაში შემავალი ყოველი ვიტამინი განიცდის მისთვის დამახასიათებელ ცვლილებებს. ასკორბინის მჟავა სწრაფად შეიწოვება 12-გოჯა და წვრილ ნაწლავებში. მიღებიდან 30 წუთის შემდეგ სისხლში ასკორბინის მჟავას შემცვლებობა საგრძნობლად მატულობს, ნაწილდება ქსოვილებში. ამ დროს იგი გარდაიქმნება დეჰიდროასკორბინის მჟავაში, რომელიც გაივლის უჯრედულ მემბრანებს ენერგეტიუკული ხარჯვის გარეშე და სწრაფად აღდგება უჯრედებში. ასკორბინის მჟავა ქსოვილებში იმყოფება მხოლოდ უჯრედშიდა მდგომარეობაში 3 ფორმის სახით: ასკორბინის, დეჰიდროასკორბინის მჟავას და ასკორბიგენის (შეკავშირებული ასკორბინის მჟავა). იგი ორგანოებს შორის  ნაწილდება არათანაბრად. ასკორბინის მჟავა დიდი რაოდენობით Aაღინიშნება შიდა სეკრეციის ჯირკვლებში, განსაკუთრებით თირკმელზედა ჯირკვალში, ნაკლები რაოდენობით _ თავის ტვინში, თირკმელებში, ღვიძლში, გულის კუნთში და ჩონჩხის კუნთებში.
ასკორბინის მჟავას შემცველობა ლეიკოციტებში და თრომბოციტებში მეტია, ვიდრე სისხლის პლაზმაში. იგი განიცდის მეტაბოლიზმს და 90%-მდე ელიმინიდება თირკმელებით ოქსალატის სახით, ნაწილობრივ _ თავისუფალი ფორმით.
რუტინი შეიწოვება კუჭ-ნაწლავის ტრაქტში, ხელს უწყობს ასკორბატის ტრანსპორტს და დეპონირებას. იგი ელიმინირდება უცვლელი და მეტაბოლიტების სახით უპირატესად ნაღველით და ნაკლებად _ შარდით.
ნახევარგამოყოფის პერიოდი შეადგენს 10-25 საათს.

ჩვენება:
ჰიპო-ავიტამინოზი P;
დაავადებები, როდესაც აღინიშნება სისხლძარღვების გამტარობის მომატება:
ჰემორაგიული დიათეზი, სისხლჩაქცევა თვალის ბადურაში, კაპილაროტოქსიკოზი, სხივური დაავადება, სეფტიური ენდოკარდიტი, რევმატიზმი, გლომერულონეფრიტი, ჰიპერტონული დაავადება, არაქნოიდიტი, ალერგიული დაავადებები, ინფექციური დაავადებები (პარტახიანი ტიფი, წითელა, ქუნთრუშა), ასევე პროფილაქტიკის და სამკურნალო მიზნით კაპილარების დაზიანებისას, რომელიც გამოწვეულია ანტიკოაგულანტების (ნეოდიკუმარინი, ფენილინი და მათი ანალოგები) და სალიცილატების მიღებით.

წინააღმდეგჩვენება:
მომატებული მგრძნობელობა პრეპარატის კომპონენტების მიმართ;
მომატებული სისხლის შედედება;
თრომბოფლებიტი;
მიდრეკილება თრომბოზების მიმართ;
შაქრიანი დიაბეტი.
 
გვერდითი მოვლენები:
არ არის გამოვლენილი

დოზირება და მიღების წესი:
მოზრდილებში პრეპარატი ინიშნება დოზით 1-2 ტაბლეტი 2-3 ჯერ დღეში. მკურნალობის კურსი დამოკიდებულია დაავადების ხასიათსა და თერაპიის ეფექტურობაზე.

ურთიერთქმედება სხვა პრეპარატებთან:
დადგენილი არ არის.

ჭარბი დოზირება:
მწვავე მოწამვლა აღწერილი არ არის.

გამოყენების თავისებურებები:
პრეპარატი ინიშნება ჭამის შემდეგ.

შენახვის ვადა :
მითითებულია შეფუთვაზე.

შენახვის პირობები:
სინათლისაგან დაცულ ადგილას ოთახის ტემპერატურაზე.

შეფუთვა:
10 ცალი ტაბლეტი კონტურულ შეფუთვაში.

მწარმოებელი და მისი მისამართი:
ბორშაგოვკის ქფქ
უკრაინა

კარნილევი 1გ/10მლ 10მლ #10ფლ

შემადგენლობა: 

ხსნარის 1 მლ შეიცავს

აქტიური ნივთიერება: ლევოკარნიტინი 100მგ

დამხმარე ნივთიერებები: ვაშლის ძმარი, მეთილპარაბენი (E 218), პროპილპარაბენი (E 216), ნატრიუმის საქარინატის დიჰიდრატი, ფორთოხლის არომატიზატორი, გასუფთავებული წყალი.

ფარმაკოთერაპიული ჯგუფი: ცილები და ამინომჟავები.

ათქ კოდი: A16AA01.

ფარმაკოლოგიური თვისებები:

ფარმაკოდინამიკა:

ლევოკარნიტინი (L-კარნიტინი) – B ჯგუფის ვიტამინების მსგავსი ბუნებრივი ნივთიერებაა. მონაწილეობს ნივთიერებათა ცვლაში ცხიმოვანი მჟავების გადამტანის სახით უჯრედულ მემბრანების მეშვეობით ციტოქრომიდან მიტოქონდრიებში, სადაც ეს მჟავები განიცდიან ბეტა-დაჟანგვას მეტაბოლური ენერგიის დიდი რაოდენობის წარმოქმნით ატფ-ის სახით. ორგანიზმში კარნიტინის უკმარისობისას ხდება კუნთოვან უჯრედში (ჩონჩხის კუნთებში, მიოკარდიუმში) ლიპიდების დაგროვება, რაც ამცირებს მათ კუმშვით აქტივობას. ახდენს ცილოვანი და ცხიმოვანი ცვლის, ჰიპერთირეოზისას მომატებული ძირითადი ცვლის ნორმალიზებას, წარმოადგენს თიროქსინის ნაწილობრივ ანტაგონისტს, აღადგენს სისხლის ტუტე რეზერვს, თრგუნავს კეტომჟავების წარმოქმნას და ანაერობულ გლიკოლიზს, ამცირებს ლაქტოაციდოზის ხარისხს, ასევე ზრდის მოძრაობით აქტივობას და ზრდის ფიზიკური დატვირთვის ამტანობას, ამ დროს ხელს უწყობს გლიკოგენის ეკონომიურ ხარჯვას და მისი მარაგების ზრდას ღვიძლსა და კუნთებში. კარნილევი ახდენს ანაბოლურ მოქმედებას, ასტიმულირებს კუჭის წვენის სეკრეციას, ანელებს ცილოვანი და ნახშირწყლოვანი მოლეკულების დაშლას. აქვეითებს სხეულის ჭარბ წონას და ამცირებს კუნთებში ცხიმის შემცველობას. ახდენს ნეიროტროპულ მოქმედებას, ამუხრუჭებს აპოპტოზის განვითარებას, შემოფარგლავს დაზიანებულ ზონას და აღადგენს ნერვული ქსოვილის სტრუქტურას.

ფარმაკოკინეტიკა:

შიგნით მიღებისას, კარგად შეიწოვება კუჭ-ნაწლავის ტრაქტიდან (80%). Cmax მიიღწევა 3 საათში. თერაპიული კონცენტრაცია ნარჩუნდება 9 საათის განმავლობაში. სისხლის პლაზმიდან აღწევს ღვიძლში, მიოკარდიუმში, ჩონჩხის კუნთებში. ექსკრეტირდება თირკმლებით, უპირატესად აცილური ეთერების სახით.

მიღების ჩვენებები:

• კარნიტინის მეორადი დეფიციტი – თანდაყოლილი (ორგანული აციდურია), კარნიტინის შეძენილი ალიმენტური დეფიციტი (მალაბსორბცია, ნაწლავების დაავადებები), პაციენტებში, რომლებსაც ხანგრძლივად უტარდებათ ჰემოდიალიზი და აქვთ შემდეგი სიმპტომები –კუნთების გამოხატული, მუდმივი სპაზმები, მიოპათიები, კუნთოვანი მასის დაკარგვა, ჩონჩხის კუნთების სისუსტე, ჰიპოტენზიის სიმპტომები, ანემიები, თირკმლებში მისი რეაბსორბციის დარღვევა (თქუ);

• იშემიური კარდიომიოპათიის შემთხვევაში მიოკარდიუმში მეტაბოლიზმის დარღვევა (მიოკარდიუმში ცხიმოვანი მჟავების უტილიზაცია ენერგიის წყაროს სახით ხდება ძალიან ინტენსიურად, ამიტომ ის განსაკუთრებით საჭიროებს L-კარნიტინს, მისი გამოყენების შემდეგ აღინიშნება შეკუმშვების ძალის გაზრდა, კუნთის შემდგომი დეგენერაციის თავიდან აცილება, ეკგ-ის ნორმალიზება);

• სტენოკარდია, მიოკარდიუმის მწვავე ინფარქტი, კარდიოგენული შოკის შედეგად გამოხატული ჰიპოპერფუზიის მდგომარეობა;

• ცენტრალური და პერიფერიული ნერვული სისტემის დაზიანება, რესპირატორული დისტრესს-სინდრომი, ფსიქომოტორული განვითარების დარღვევა, კრუნჩხვები, ატაქსია, პირამიდული დარღვევები, დარღვევები თვალის მამოძრავებელი ნერვის მხრივ (გარეგანი ოფთალმოპლეგია, ფტოზი და სხვ.);

• პოლინეიროპათია ღვიძლის დაზიანებით (პროგრესირებადი ჰეპატომეგალია, ღვიძლის ფიბროზი, ღვიძლის უკმარისობის მოვლენები თირკმლების დაზიანებებით (ფანკონის ტრიადა, ფოსფატურია, გლუკოზურია, ამინოაციდოურია), ენდოკრინული დარღვევებით (ზრდის შეფერხება, ჰიპოგლიკემია), სმენის დარღვევით (ნეიროსენსორული სიყრუე), მხედველობის დარღვევით (მხედველობის ნერვის ატროფია, ბადურის პიგმენტური დეგენერაცია, კატარაქტა), კუჭ-ნაწლავის ტრაქტის დარღვევებით;

• დაავადებები და მდგომარეობები, რომლებსაც თან ახლავს მადის დაქვეითება, სხეულის მასის შემცირება, გამოფიტვა მოზრდილებსა და ბავშვებში;

• ნერვული ანორექსიის სინდრომი (ნევროგენული ანორექსია) და ფიზიკური გამოფიტვა ფსიქიკური დაავადებების დროს, დისცირკულარული და ტრავმული ენცეფალოპათიისას;

• ქრონიკული პანკრეატიტი შინაგანი სეკრეტორული უკმარისობით;

• სამშობიარო ტრავმის და ახალშობლითა ასფიქსიის შედეგი; 

• ახალშობილები, დღენაკლულები და დროულად დაბადებული ბავშვები დასუსტებული კვებითი რეფლექსებით (დუნე წოვა), ჰიპოტროფიით, ჰიპოტონიით და ადინამიით; რესპირატორული დისტრეს-სინდრომით ახალშობილებში, დღენაკლული ახალშობილების მოვლა, რომლებიც იმყოფებიან სრულ პარენტერალურ კვებაზე;

• ახალშობილთა სიყვითლე;

• რეკონვალესცენციის პერიოდი მძიმე დაავადებების და ქირურგიული ჩარევების შემდეგ;

• ზრდის შეფერხება და სხეულის მასის დეფიციტი 16 წლამდე ასაკის  ბავშვებში და  მოზარდებში, თირეოტოქსიკოზის მსუბუქი ფორმა 16 წლამდე ასაკის ბავშვებში  და მოზარდებში;

• კანის დაავადებებისას (ფსორიაზი, სებორეული ეგზემა, კეროვანი სკლეროდერმია და დისკოიდური წითელი მგლურა) კომპლექსური თერაპიის შემადგენლობაში;

• ხანგრძლივი ინტენსიური სპორტული წვრთნები, ან სხვა გაზრდილი დატვირთვები (ანაბოლიკის და ადაპტოგენის სახით), შრომისუნარიანობის, ამტანობის ასამაღლებლად და დაღლილობის შესამცირებლად;

• ეგზოგენურ-კონსტიტუციური სიმსუქნე.

უკუჩვენებები:

მომატებული მგრძნობელობა პრეპარატის კომპონენტების მიმართ.

ორსულობა და ლაქტაცია:

ორსულ ქალებში კარნიტინის პირველადი სისტემური დეფიციტის სერიოზული შედეგების გათვალისწინებით, კარნიტინით მკურნალობის შეწყვეტის შემთხვევაში რისკი დედისთვის აღემატება თეორიულ რისკს ნაყოფისათვის. ლევოკარნიტინი წარმოადგენს ქალის რძის ნორმალურ კომპონენტს. ძუძუთი კვების პერიოდში ლევოკარნიტინის გამოყენების შესახებ მონაცემები არ არის.

გამოყენების წესი და დოზები:

ხსნარი შიგნით მისაღებად.

მიიღება საკვების მიღებისაგან დამოუკიდებლად: სადღეღამისო დოზა დამოკიდებულია ასაკსა და სხეულის მასაზე – 0-6 თვე – რეკომენდებულია 50 მგ/კგ, 6 თვიდან 1 წლამდე – 100 მგ/კგ (1 მლ ხსნარი), 1 წლიდან 5 წლამდე – 1000 მგ/დღე-ღამეში. 5 წელზე მეტი ასაკის - 2000 მგ/დღე-ღამეში. მოზრდილები – 2-4 გ პათოლოგიიდან და ექიმის რეკომენდაციიდან გამომდინარე.

სტენოკარდია და პოსტინფარქტული მდგომარეობა: 2-6 გ დღეში (20-დან 60 მლ პრეპარატი) ექიმის რეკომენდაციით.

პრეპარატი კარნილევი დამატებით შეიძლება გაიხსნას 50 მლ ანადუღარ, გაციებულ წყალში, ჩაიში, კისელ კომპოტში, წვენში, ასევე დანამატის სახით ტკბილ კერძში. მკურნალობის კურსი – 1 თვე. 

მოზრდილებში ნერვული ანორექსიის სინდრომით ინიშნება 2 გ 2 ჯერ დღე-ღამეში. გამოყენების ხანგრძლივობა: 1-2 თვე.

მადის სტიმულაციისათვის და სხეულის მასის მოსამეტებლად პაციენტებში ქრონიკული გასტრიტით დაქვეითებული სეკრეტორული ფუნქციით და პანკრეატიტით, შინაგანი სეკრეტორული უკმარისობით, კარნილევი ინიშნება ერთჯერადი დოზით 500 მგ 2 ჯერ დღე-ღამეში. გამოყენების ხანგრძლივობა: 1-1,5 თვე.

კანის დაავადებების მკურნალობისას, ერთჯერადი დოზა შეადგენს 1 გ 2 ჯერ დღე-ღამეში. გამოყენების ხანგრძლივობა: 2-4 კვირა. 

ხანგრძლივი ფიზიკური დატვირთვისას ინიშნება 1-2 გ 2-3 ჯერ დღე-ღამეში. 30 წუთით ადრე საუზმემდე და სადილამდე.

ახალშობილებში ინიშნება კვებამდე 30 წუთით ადრე, ერთჯერადი დოზით (4-12 წვეთი) 2 ჯერ დღე-ღამეში, სადღეღამისო დოზა – 50-100 მგ/კგ. ინიშნება სიცოცხლის პირველი დღიდან, ან მე-5 დღეს ბავშვებში, რომლებსაც აქვთ სამშობიარო ტრავმა და ასფიქსია და შემდეგ 2-6 კვირის განმავლობაში. 

გვერდითი მოვლენები:

ტკივილის შეგრძნება ეპიგასტრიუმის არეში, დისპეფსიური მოვლენები, კუნთების სისუსტე. 

დოზის გადაჭარბება: 

დოზის გადაჭარბების შემთხვევაში ტოქსიკურობის შესახებ მონაცემები არ არის. ლევოკარნიტინის მაღალი დოზები იწვევს დიარეას. პრეპარატის ამტანობა კონტროლირდება მიღების პირველი კვირის განმავლობაში და დოზის ყოველი გაზრდის შემდეგ. დოზის გადაჭარბების მკურნალობა სიმპტომურია. 

ურთიერთქმედება სხვა სამკურნალო საშუალებებთან:

გკს ხელს უწყობს პრეპარატის დაგროვებას ქსოვილებში. 

პრეპარატის მიღების წინ აუცილებელია ექიმის ინფორმირება სხვა პრეპარატების მიღების შესახებ.

განსაკუთრებული მითითებები:

კარნილევი არ იწვევს მიჩვევას, რადგან წარმოადგენს ნატურალურ ხსნარს ადამიანის ორგანიზმისთვის. გლუკოზის ათვისების მომატებისას, პრეპარატ კარნილევის გამოყენებამ დიაბეტიან პაციენტებში, რომლებიც იღებენ ინსულინს, ან ჰიპოგლიკემიურ პერორალურ პრეპარატებს, შესაძლოა გამოიწვიოს ჰიპოგლიკემია. ამიტომ ასეთ პაციენტებში პლაზმაში გლუკოზის დონე მუდმივად უნდა კონტროლირდებოდეს ჰიპოგლიკემიური მკურნალობის დაუყოვნებელი რეგულირებისათვის. 

კარნილევის მაღალი დოზების ხანგრძლივმა პერორალურმა მიღებამ პაციენტებში თირკმლის ფუნქციის გამოხატული დარღვევით, შეიძლება გამოიწვიოს პოტენციურად ტოქსიკური მეტაბოლიტების, ტრიმეთილამინის (ტმა) და ტრიმეთილამინ-M-ოქსიდის (ტმაო) კონცენტრაციის მომატება, რადგან მოცემული მეტაბოლიტები ჩვეულებრივ გამოიყოფა შარდით. ასეთ შემთხვევაში შარდს, სუნთქვას და ოფლს აქვს არასასიამოვნო სუნი.

გავლენა სატრანსპორტო საშუალებების, ან პოტენციურად საშიში მექანიზმების მართვის უნარზე:

არ ახდენს გავლენას.

გამოშვების ფორმა

მუყაოს კოლოფში გამოყენების ინსტრუქციასთან ერთად მოთავსებულია 10 ერთჯერადი დოზის შემცველი 10 მლ ფლაკონი.

შენახვის პირობები:

ინახება მშრალ, სინათლისგან დაცულ ადგილას არაუმეტეს 25°С ტემპერატურაზე. ინახება ბავშვებისთვის მიუწვდომელ ადგილას!

ვარგისობის ვადა

მითითებულია შეფუთვაზე. არ გამოიყენოთ ვარგისობის ვადის გასვლის შემდეგ.

აფთიაქიდან გაცემის პირობები

გაიცემა ურეცეპტოდ.

ანტიოქსიკაფსი სელენით
Antioxicaps with selen

სავაჭრო დასახელება: ანტიოქსიკაფსი სელენით.
სამკურნალო ფორმა: კაფსულები.
შემადგენლობა: ერთი კაფსულა შეიცავს: β_კაროტინის 30%-იანი ზეთოვანი სუსპენზია _ 20მგ (გაანგარიშებით β_კაროტინზე _ 6მგ), α_ტოკოფეროლის აცეტატი _ 30მგ, ასკორბინის მჟავა _ 100მგ, საფუარის სელენი (გაანგარიშებით სელენზე) _ 0.03მგ.
დამხმარე ნივთიერება _ მზესუმზირის რაფინირებული ზეთი, ფუტკრის ცვილი, გაწმენდილი ლეციტინი.
ჟელატინის კაფსულის გარსის შემადგენლობა: ფარმაცევტული ჟელატინი, გლიცერინი, ნიპაგინი, ნიპაზოლი, გაწმენდილი წყალი, ტიტანის დიოქსიდი, საღებავი E_129 მშვენიერი წითელი.

აღწერილობა: მკვრივი, წითელი ფერის, მოგრძო ფორმის, ჟელატინის რბილი კაფსულები ნაკერით.
კაფსულების შემადგენლობა _ წითელი ფერის ზეთისებური სუსპენზია არამძაღე სუნით. შენახვის დროს შესაძლოა ნარევის განშრევება.

ფარმაკოთერაპიული ჯგუფი: პოლივიტამინები მიკროელემენტებთან კომბინაციაში.

ათქ კოდი: [A 11 AA04]

გამოყენების ჩვენება
ანტიოქსიკაფსი სელენით, როგორც პოლივიტამინური ანტიოქსიდანტური პრეპარატი ნაჩვენებია:
_ (C, E და A) ვიტამინების და სელენის უკმარისობის მკურნალობისა და პროფილაქტიკისათვის;
_ არასასურველი ეკოლოგიური გარემოს უარყოფითი ზემოქმედების (მაიონიზირებელი რადიაცია და სხვა) და მავნე ჩვევების (თამბაქოს მოწევა, ალკოჰოლის მიღება და სხვა) შემცირების მიზნით;
_ ორგანიზმის რეზისტენტულობის გაზრდა გაცივების საწინააღმდეგოდ;
_ მომატებული ფიზიკური და გონებრივი დატვირთვების დროს;
_ აღდგენის პერიოდი ხანგრძლივი ან/და მძიმედ მიმდინარე დაავადებების შემდგომ, მათ შორის ინფექციური დაავადებებისას;
_ სხვადასხვა ეტიოლოგიის ასთენიური მდგომარეობის დროს;
_ არაბალანსირებული და არასრულყოფილი კვების დროს.

გამოყენების წესი და დოზირება
ანტიოქსიკაფსი სელენით ინიშნება საკვების მიღების შემდეგ, წყალთან ერთად.
პროფილაქტიკის მიზნით პრეპარატი რეკომენდებულია დაენიშნოს ბავშვებს 14 წლიდან და მოზრდილებს _ 1 კაფსულა 3-ჯერ დღეში 1_3 თვის განმავლობაში.
რეკომენდირებულია პროფილაქტიკური კურსის ჩატარება წელიწადში რამდენჯერმე.
ანტიოქსიკაფსი სელენით დოზებს ადგენს ექიმი პათოლოგიის გამოვლინების ხასიათიდან და გამოხატულების ხარისხიდან გამომდინარე, აგრეთვე ორგანიზმის მიერ  A, C და E ვიტამინების მოთხოვნილების გათვალისწინებით.

გვერდითი მოვლენები
პრეპარატის რეკომენდებული დოზებით გამოყენების დროს გვერდითი ეფექტები არ აღინიშნება.
შესაძლებელია განვითარდეს ალერგიული რეაქციები პრეპარატის ცალკეული კომპონენტის მიმართ, რომლებიც ქრება მისი გამოყენების შეწყვეტისას.
არასასურველი რეაქციების გამოვლენის დროს შეწყვიტეთ პრეპარატის გამოყენება და მიმართეთ ექიმს.

განსაკუთრებული მითითებები
არ არის რეკომენდებული პრეპარატის ანტიოქსიკაფსი სელენით გამოყენება ორსულობისა და ლაქტაციის პერიოდებში, აგრეთვე ბავშვებში 14 წლამდე, რადგან პრეპარატის გამოყენების უსაფრთხოების კლინიკური გამოკვლევების მონაცემები, ორსულობისა და ლაქტაციის პერიოდში, აგრეთვე 14 წლამდე ასაკის ბავშვებში გამოყენების შესახებ არ არსებობს.

ურთიერთქმედება სხვა სამკურნალო საშუალებებთან
კორტიკოსტეროიდული პრეპარატები, ტეტრაციკლინის ჯგუფის ანტიბიოტიკები, აგრეთვე ეთანოლი და ეთანოლის შემცველი პრეპარატები ერთდროული გამოყენებისას იწვევს პროვიტამინ A-ს თერაპიული ეფექტის შემცირებას.
ტოკოფეროლს შეუძლია გაზარდოს კრუნჩხვების საწინააღმდეგო საშუალებების ეფექტურობა ეპილეფსიით დაავადებულ პაციენტებში, რომლებსაც სისხლში აღმოაჩნდათ ლიპიდების ზეჟანგური დაჟანგვის პროდუქტების და აგრეთვე A და D ვიტამინების მომეტებული შემცველობა. ორალურ კონტრაცეპტივებთან ერთდროული გამოყენების დროს მცირდება ასკორბინის მჟავის შეწოვა. ვიტამინი ჩ ზრდის რკინის შეწოვას, სალიცილატებითა და ხანმოკლე მოქმედების სულფანილამიდებით მკურნალობის დროს ზრდის კრისტალურიის განვითარების რისკს.

უკუჩვენება
პრეპარატის უკუჩვენებას წარმოადგენს ჰიპერმგრძნობელობა მისი კომპონენტების მიმართ.

გავლენა ავტომობილის მართვისა და ტექნიკასთან მუშაობის უნარზე
გავლენას არ ახდენს.

გამოშვების ფორმა
ჟელატინის რბილი კაფსულები _ 500მგ, 10 კაფსულა ბლისტერში, 2 ბლისტერი კოლოფში.

შენახვის პირობა
შეინახეთ მშრალ, სინათლისაგან დაცულ ადგილას 15°C_25°C ტემპერატურაზე.
შეინახეთ ბავშვებისათვის მიუწვდომელ ადგილას.

შენახვის ვადა
2 წელი. არ გამოიყენოთ შეფუთვაზე მითითებული შენახვის ვადის ამოწურვის შემდეგ.
გაცემის წესი: ფარმაცევტული პროდუქტის ჯგუფი III (გაიცემა ექიმის რეცეპტის გარეშე).
მწარმოებლის დასახელება და მისამართი
უპ ,,მინსკინტერკაფსი”. ბელორუსიის რესპუბლიკა
220075, ქ. მინსკი, ს/ყ 112, ქუჩა ინჟენერნაია, სახლი 26.

შემადგენლობა
კარდიტონის ორალურად მისაღები ხსნარის თითო ფლაკონი (10მლ) შეიცავს აქტიური
ნივთიერების - ლევოკარნიტინის 1 გ-ს.
დამხმარე ნივთიერებები: ვაშლის მჟავა, ნატრიუმის მეთილპარაბენი, ნატრიუმის პროპილპარაბენი, ნატრიუმის საქარინატი, ალუბლის არომატიზატორი, საინექციო წყალი.
მოქმედების მექანიზმი
ფარმაკოლოგიური ჯგუფი - მეტაბოლიზმისა და ქსოვილების ენერგომომარაგების გასაუმჯობესებელი საშუალება
ლევოკარნიტინი ბუნებრივი, B ჯგუფის ვიტამინების მსგავსი ნივთიერებაა. მონაწილეობს ნივთიერებათა ცვლის პროცესში, ახორციელებს ცხიმოვანი მჟავების გადატანასციტოპლაზმიდან მიტოქონდრიებში, სადაც განიცდიან ბეტა-დაჟანგვას და წარმოიქმნება დიდირაოდენობით მეტაბოლური ენერგია - ატფ-ის სახით.
კარდიტონი არეგულირებს ცილოვან და ცხიმოვან ცვლას, აღადგენს მჟავა-ტუტოვან წონასწორობას, თრგუნავს კეტოსხეულების წარმოქმნას და ანაერობულ გლიკოლიზს,ამცირებს ლაქტაციდოზის ხარისხს. ასევე - აუმჯობესებს მოძრაობით აქტივობას და ფიზიკური დატვირთვისადმი ამტანობას, ამასთანავე ხელს უწყობს გლიკოგენის ეკონომიურ ხარჯვას და ღვიძლში მისი მარაგის გაზრდას.
ფარმაკოკინეტიკა
ლევოკარნიტინი კარგად შეიწოვება საჭმლის მომნელებელი სისტემიდან, აღწევს ორგანიზმის ყველა ქსოვილში, განსაკუთრებით მაღალი კონცენტრაცია მიიღწევა ჩონჩხის კუნთებსა და
მიოკარდში. C_max მიიღწევა მიღებიდან 3 საათში, თერაპიული კონცენტრაცია შენარჩუნებული რჩება 9 საათის განმავლობაში. ორგანიზმიდან გამოიყოფა თირკმლების საშუალებით შეუცვლელი სახით (24 საათის განმავლობაში 80%-ზე მეტი).
ჩვენება
- სხეულის მასის დეფიციტი და ზრდაში შეფერხება ბავშვთა ასაკში და მოზარდებში 16 წლამდე;
- კარდიომიოპათია, მიოკარდიტი, გულის იშემიური დაავადება (სტენოკარდია, პოსტინფარქტული მდგომარეობა);
- თავის ტვინის სისხლის მიმოქცევის დარღვევა; ნევრასთენია; ტრავმული ენცეფალოპათია; მიოპათია;
- ინტენსიური ფიზიკური დატვირთვა სპორტსმენებში;
- ანორექსია, ქრონიკული ჰიპოაციდური გასტრიტი, ქრონიკული პანკრეატიტი, ღვიძლის დაავადებები;
- კარნიტინის პირველადი(გენეტიკური) და მეორადი დეფიციტი, ჰემოდიალიზზე მყოფი პაციენტები თირკმლის უკმარისობით;
- თირეოტოქსიკოზის მსუბუქი ფორმა, სიმსუქნე;
- ფსორიაზი, სებორეა, სკლეროდერმიის კანის ფორმები;
- მამაკაცთა უშვილობა (ოლიგოსპერმია, აზოოსპერმია);
- სისტემური დაავადებები (რევმატოიდული ართრიტი).
უკუჩვენება
პრეპარატის კომპონენტებისადმი მომატებული მგრძნობელობა.
უსაფრთხოების ზომები 
ლევოკარნიტინი სიფრთხილით ინიშნება შაქრიანი დიაბეტით დაავადებულებში, რადგან გლუკოზის შეწოვის გაუმჯობესების გამო, შესაძლებელია ჰიპოგლიკემიის განვითარება მოხდეს. ამიტომ პრეპარატის მიღების დროს საჭიროა სისხლში გლუკოზის მუდმივი კონტროლი და საჭიროებისას ჰიპოგლიკემიური პრეპარატების და ინსულინის დოზის კორექცია.
ავტომობილისა და სხვა მექანიკური საშუალებების მართვაზე გავლენა
ლევოკარნიტინი არ ახდენს უარყოფით გავლენას ავტომობილის მართვასა და ფსიქომოტორული რეაქციების სისწრაფეზე.
ორსულობა და ლაქტაციის პერიოდი
პრეპარატი გამოიყენება ორსულობისა და ლაქტაციის პერიოდში.
დოზის გადაჭარბება
ლევოკარნიტინის დოზის გადაჭარბების ტოქსიკური გამოვლინებები დადგენილი არ არის.
სხვა სამკურნალო საშუალებებთან ურთიერთქმედება
გლუკოკორტიკოსტეროიდები ხელს უწყობენ პრეპარატის ქსოვილებში დაგროვებას. სხვა ანაბოლური საშუალებები აძლიერებენ კარდიტონის მოქმედებას.
დოზირება და მიღების წესი
ორალურად მისაღები ხსნარი ინიშნება მხოლოდ დასალევად და დღიური დოზა განისაზღვრება პაციენტის ასაკის და წონის მიხედვით:
ბავშვები 2 წლამდე - 150 მგ/კგ სხეულის წონაზე;
2-6 წელი - 100 მგ/კგ სხეულის წონაზე;
6-12 წელი - 75 მგ/კგ სხეულის წონაზე;
12 წელზე მეტი ასაკის ბავშვები და მოზრდილები - დღიური დოზა 2-4 გ.
ჰემოდიალიზზე მყოფ პაციენტებში ინიშნება ორალური ხსნარი 2-4 გ/დღეში, ჰემოდიალიზის პროცედურის შემდეგ.
სტენოკარდიისა და პოსტინფარქტული მდგომარეობის დროს ინიშნება კარდიტონის ორალური ხსნარი - 2-6 გ/დღეში.
მიოკარდის მწვავე ინფარქტის დროს ლევოკარნიტინის საინექციო ფორმის გამოყენების შემდეგ ინიშნება კარდიტონის ორალური ხსნარი - 2-6 გ/დღეში.
კარდიტონის ორალური ხსნარის მიღებამდე, დასაშვებია ფლაკონის შიგთავსის დანიშნული ერთჯერადი დოზის გახსნა წყალში ან ხილის წვენში.
ინიშნება საკვების მიღებამდე 30 წთ-ით ადრე.
გვერდითი მოვლენები
საჭმლის მომნელებელი სისტემის მხრივ: მსუბუქი დისპეფსიური დარღვევები - ეპიგასტრიუმის ტკივილი, მეტეორიზმი, დიარეა, ყაბზობა(შეკრულობა).
სხვადასხვა: ალერგიული რეაქციები; პაციენტებში ურემიით - კუნთების სისუსტე.
ვარგისობა და შენახვის პირობები
პრეპარატის ვარგისობის ვადა - 30 თვე. ინახება 250 C ტემპერატურამდე, სინათლისაგან დაცულ ადგილზე. ინახება ბავშვებისათვის ხელმიუწვდომელ ადგილზე!
გამოშვების ფორმა
ორალურად მისაღები ხსნარი ფლაკონებში - 1 გ(10მლ); 10 ფლაკონი გამოყენების ინსტრუქციასთან ერთად მოთავსებულია მუყაოს კოლოფში.
აფთიაქიდან გაცემის პირობები
ფარმაცევტული პროდუქტის ჯგუფი III (გამოყენება შესაძლებელია ექიმის დანიშნულების გარეშე).
მწარმოებელი კომპანია:
შ.პ.ს. “ჯი-ემ-პი”
მისამართი: საქართველო, ქ. თბილისი,
ფონიჭალა 65, ტელ.: 240 43 83

ინტელექტა 1გ/10მლ #10ფლ

საინიექციო ხსნარი 1 გრ / მლ ამპ

პერორალური ხსნარი ერთჯერადი დოზით 1 გრ / 10 მლ ფლაკონი

1. სამკურნალო პრეპარატის სპეციფიკაციები

1.1. დასახელება: ინტელექტა®

1.2. შემადგენლობა:

აქტიური ნივთიერება: L-კარნიტინი

დამხმარე ნივთიერებები:

- საინიექციო ხსნარი 1 გრ / 5 მლ ამპ

წყალი (საინიექციო), ქლორწყლაბადმჟავა

- პერორალური ხსნარი ერთჯერადი დოზით 1 გრ / 10 მლ ფლაკონი

მალის მჟავა, ნატრიუმის ბენზოატი, ნატრიუმის საქარინის დიჰიდრატი, ფორთოხლის არომატი, გასუფთავებული წყალი

1.3. ფარმაცევტული ფორმა

- საინიექციო ხსნარი

- პერორალური ხსნარი ერთჯერადი დოზით

1.4. კონცენტრაცია აქტიურ ნივთიერებაში

-საინიექციო ხსნარი 1 გრ / 5 მლ ამპ

5 მლ-იანი ამპულა შეიცავს: L-კარნიტინი 1 გრ

- პერორალური ხსნარი ერთჯერადი დოზით 1 გრ / 10 მლ ფლაკონი

პერორალური ხსნარის ერთი 10 მლ-იანი ფლაკონი (ერთჯერადი დოზა) შეიცავს: L- კარნიტინი 1 გრ

1.5. აღწერილობა-შეფუთვა

- საინიექციო ხსნარი 1 გრ / 5 მლ ამპ

მუყაოს კოლოფში 6 შუშის 5 მლ ამპულა და გამოყენების ინსტრუქცია

- პერორალური ხსნარი ერთჯერადი დოზით 1 გრ / 10 მლ ფლაკონი

მუყაოს კოლოფში 10 მლ-იანი 10 ფლაკონი და გამოყენების ინსტრუქცია

1.6. თერაპიული კატეგორია:

L-კარნიტინის დეფიციტის მკურნალობა

2. საჭირო ინფორმაცია სამკურნალო პრეპარატის შესახებ

2.1. ზოგადი ინფორმაცია

L-კარნიტინი მიეკუთვნება ნივთიერებათა ჯგუფს, რომელიც ხელს უწყობს ადამიანის ორგანიზმის ნორმალურ ფუნქციონირებას, განსაკუთრებით ადამიანის შუალედური მეტაბოლიზმს.

2.2. ჩვენებები

ნაჩვენებია ისეთი მდგომარეობის დროს, როდესაც L-კარნიტინი არასაკმარისია ორგანიზმისათვის და საჭიროა დამატება ნორმალური დონის შესანარჩუნებლად.

პერორალური გამოყენება:

L-კარნიტინის პირველადი და მეორადი დეფიციტი

ინტრავენური გამოყენება:

- მწვავე მეტაბლური დეკომპენსაცია გამოწვეული L-კარნიტინის დეფიციტით.

- L-კარნიტინის მეორადი დეფიციტი ჰემოდიალიზზე მყოფ პაციენტებში თირკმლის უკმარისობის ტერმინალური სტადიით.

2.3. უკუჩვენებები:

პრეპარატის მიღება არ შეიძლება ანამნეზში ნებისმიერი შემადგენელი კომპონენტის მიმართ ნებისმიერი ალერგიული თუ უჩვეული რეაქციის არსებობისას.

2.4. გაფრთხილებები და უსაფრთხოების ზომები

2.4.1 ზოგადი

დიაბეტის მქონე პაციენტებში, რომლებიც ღებულობენ ინსულინს, ან ნებისმიერ სხვა პერორალურ ანტი-დიაბეტურ მკურნალობას, L-კარნიტინის თანხმლებმა გამოყენებამ შეიძლება გამოიწვიოს ჰიპოგლიკემია.

ამ მიზნით, L-კარნიტინის მიღებამდე აუცილებელია ექიმის ინფორმირენა, ვინაიდან საჭირო იქნება პლაზმური გლუკოზის რეგულარული კონტროლი ანტი-დიაბეტური მკურნალობის სასწრაფო კორექციისათვის. პერორალური L-კარნიტინის უსაფრთხოება და ეფექტურობა არ არის შესსწავლილი პაციენტებში თირკმლის უკმარისობით (ABPI).

პაციენტებში თირკმლის უკმარისობის ტერმინალური სტადიით ან თირკმლის ფუნქციის მძიმე დათრგუნვით, პერორალური L-კარნიტინის მაღალი დოზების ხანგრძლივი პერიოდით გამოყენება არ არის რეკომენდებული, ვინაიდან შეიძლებაგამოიწვიოს პოტენციურად ტოქსიური მეტაბოლიტების ტრიმეთილამინის (TMA) და ტრიმეთილამინი-N-ოქსიდის (TMAO) დაგროვება, ვინაიდან აღნიშნული მეტაბოლიტები არასრულად გამოიყოფა შარდში. აკუმულირება იწვევს შარდში ტრიმეთილამინის დონის მომატებას. ამ შემთხვევაში, შარდს, ამონასუნთქს და ოფლს . აქვს ძლიერი „თევზის სუნი“.

არსებული მდგომარეობა არ აღინიშნება L-კარნიტინის ინტრავენური შეყვანის დროს.

2.4.2 ორსულობა და ლაქტაცია

ორსულობისა და ლაქტაციის დროს L-კარნიტინი გამოიყენება მხოლოდ ექიმის გადაწყვეტილებით.

2.4.3 ავტომობილის მართვისა და მექანიზმებთან მუშაობის უნარზე ზეგავლენა

L-კარნიტინი ზეგავლენას არ ახდენს ავტომობილის მართვისა თუ მექანიზმებთან მუშაობის უნარზე.

2.5 წამლებთან ურთიერთქმედება

უცნობია.

პრეპარატის მიღებამდე, აუცილებელია ექიმის ინფორმირება ყველა პრეპარატის შესახებ, რომლებსაც ღებულობდით ადრე ან ამჟამად ღებულობთ, ურეცეპტოდ გაცემული პრეპარატების ჩათვლით.

2.6 დოზირება და გამოყენების წესი

გამოყენების წესი

პერორალური მიღება რეკომენდებულია L-კარნიტინის დეფიციტის არსებობისას (პირველადი და მეორადი).

ქრონიკული მდგომარეობების დროს, რეკომენდებულია 100-200 მგ/კგ დღეში, გაყოფილი 2-4 დოზად, უფრო დაბალი დოზებიც შეიძლება საკმარისი იყოს.

მწვავე მდგომარეობების დროს შეიძლება საჭირო იყოს 400 მგ/კგ-მდე. მიღებამდე ერთჯერადი დოზის პერორალური ხსნარი უნდა განზავდეს წყლით ან ხილის წვენით.

საინიექციო ხსნარი შეიყვანება ნელი (2-3 წთ) ინტრავენური ინიექციის ან ინფუზიის გზით,

• მწვავე მეტაბოლური დეკომპენსაციის დროს დოზა 50-100 მგ/კგ დღეში, გაყოფილი 3-4 დოზად შეიყვანება ინტრავენურად. შეიძლება უფრო მაღალი დოზების გამოყენება,თუმცა შესაძლებელია გვერდითი მოვლენების სიხშირის მომატება, ძირითადად ფაღარათის.

• L-კარნიტინის მეორადი დეფიციტი ჰემოდიალიზზე მყოფ პაციენტებში თირკმლის უკმარისობის ტერმინალური სტადიით.

ინტრავენურად შეჰყავთ 10-20 მგ/კგ დიალიზის ყოველი კურსის ბოლოს (სამი კურსი კვირაში). ინტრავენური მკურნალობის ხანგრძლივობა უნდა იყოს სულ მცირე 3 თვე, ეს ის დროა, რომელიც საჭიროა თავისუფალი კარნიტინის დონის აღსადგენად კუნთებში. საბოლოო საპასუხო რეაქცია ფასდება L-კარნიტინის პლაზმური დონის განმეორებითი მონიტორინგით და პაციენტის სიმპტომების შეფასებით.

ჰემოდიალიზი - შემანარჩუნებელი თერაპია

იმ შემთხვევაში, თუ ინტრავენური ინიექციის პირველი კურსის შემდეგ აღინიშნება მნიშვნელოვანი კლინიკური სარგებელი, თერაპია შეიძლება გაგრძელდეს L- კარნიტინის პერორალური ხსნარით 1 გრ დღეში. დიალიზის დღეს, პერორალური L- კარნიტინი გამოიყენება სესიის ბოლოს.

ზემოთ აღნიშნული მდგომარეობების მკურნალობისას, ოპტიმალური დოზა განისაზღვრება თერაპიული ეფექტის შეფასების შემდეგ პლაზმასა და შარდში აცილის და თავისუფალი L-კარნიტინის დონეების მონიტორინგის გზით.

2.7 ჭარბი დოზირება:

ლევოკარნიტინის ჭარბი დოზირებით გამოწვეული ტოქსიურობის შესახებ  მონაცემები არ მოიპოვება. L-კარნიტინის მაღალმა დოზებმა შეიძლება გამოიწვიოს ფაღარათი. აუცილებელია პრეპარატის მიღების შეწყვეტა და ექიმთან დაკავშირება.

2.8 გვერდითი მოვლენები:

პერორალური ლევოკარნიტინის მიღების დროს შეიძლება აღინიშნებოდეს სხვადასხვა მსუბუქი გასტრინტესტინალური ჩივილები, როგორებიცაა გულისრევა, ღებინება, მუცლის სპაზმები და ფაღარათი.

მაღალი დოზების დროს შეიძლება აღინიშნებოდეს ძლიერი სუნი. დოზის შემცირება ხშირად ამცირებს წამალთან დაკავშირებულ სუნს ან გასტროინტესტინალურ სიმპტომებს.

ურემიის მქონე პაციენტებში აღინიშნება მუბუქი მიოპათიის ტიპის დარღვევები.

პრეპარატის მიღების პირველი კვირის განმავლობაში და დოზირების მომატების შემთხვევაში საჭიროა პრეპარატის ტოლერანტობის მონიტორინგი.

პაციენტებში კრუნჩხვების ანამნზით ან ანამნეზის გარეშე, პერორალურ ან ინტრავენური L-კარნიტინის გამოყენების შემდეგ შეიძლება აღინიშნებოდეს კრუნჩხვები.

ნებისმიერი ზემოთ აღწერილი გვერდითი მოვლენის ან სხვა რაიმე მოვლენის განვითარების შემთხვევაში აუცილებელია ექიმთან ვიზიტი კონსულტაციაზე.

2.9 რისი ცოდნა არის აუცილებელი დოზის გამოტოვების შემთხვევაში:

დაზოსი გამოტოვების დროს, ის მიღებულ უნდა იქნას რაც შეიძლება მალე. თუ უკვე მომდევნო დოზის დრო არის, მიიღეთ მხოლოდ ის დოზა. ნუ მიიღებთ ორმაგ ან ზედმეტ დოზას.

2.10 ვარგისიანობა

პრეპარატი არ გამოიყენება შეფუთვაზე აღნიშნული ვარგისიანობის ვადის გასვლის შემდეგ.

2.11 შენახვის პირობები:

პრეპარატი ინახება მშრალ და ბნელ ადგილას ≤ 250C ტემპერატურის პირობებში.

2.13 ზოგადი კლასიფიკაცია მიწოდებისათვის

პერორალური გამოყენება

„გაიცემა ექიმის რეცეპტის გარეშე“, გარდა შემდეგი პირობების დროს:

1. პაციენტები თირკმლის უკმარისობის ტერმინალური სტადიით, რომლებიც იტარებენ ჰემოდიალიზს.

2. კვალიფიცირებული საჯარო საავადმყოფოს ცენტრის მიერ სერტიფიცირებული პაციენტები L-კარნიტინის დეფიციტით.

ინტრავენური გამოყენება

„გაიცემა ექიმის რეცეპტით“

ანტიოქსიკაფსი თუთიით

   
სარეგისტრაციო ნომერი: 06/01/920
სავაჭრო დასახელება: ანტიოქსიკაფსი თუთიით.
სამკურნალო ფორმა: კაფსულები.
შემადგენლობა: ერთი კაფსულა შეიცავს: β_კაროტინის 30%-იანი ზეთოვანი სუსპენზია _ 6მგ, α_ტოკოფერილაცეტატი _ 30მგ, ასკორბინის მჟავა _ 100მგ, თუთია თუთიის ოქსიდის სახით _ 8მგ.
დამხმარე ნივთიერება _ მზესუმზირის რაფინირებული ზეთი, ფუტკრის ცვილი, გაწმენდილი ლეციტინი.
ჟელატინის კაფსულის გარსის შემადგენლობა: ჟელატინი, გლიცერინი, გაწმენდილი წყალი, მეთილპარაჰიდროქსიბენზოატი, ტიტანის დიოქსიდი, პროპილპარაჰიდროქსიბენზოატი, საღებავი E_129 მშვენიერი წითელი.

აღწერილობა: მკვრივი, წითელი ფერის, მოგრძო ფორმის, ჟელატინის რბილი კაფსულები ნაკერით.
კაფსულების შემადგენლობა _ წითელი ფერის ზეთისებური სუსპენზია არამძაღე სუნით. შენახვის დროს შესაძლოა ნარევის განშრევება.

ფარმაკოთერაპიული ჯგუფი: ვიტამინები.

ათქ კოდი: A 11 CC01

გამოყენების ჩვენება
როგორც პოლივიტამინური ანტიოქსიდატური პრეპარატი ანტიოქსიკაფსი თუთიით ნაჩვენებია:
_ (C, E და A) ვიტამინების უკმარისობის მკურნალობისა და პროფილაქტიკისათვის, აგრეთვე თუთიის იონების უკმარისობისას.
_ ორგანიზმის რეზისტენტულობის გაზრდა გაციებების საწინააღმდეგოდ;
_ მომატებული ფიზიკური და გონებრივი დატვირთვების დროს;
_ აღდგენის პერიოდი ხანგრძლივი ან/და მძიმედ მიმდინარე დაავადებების შემდგომ, მათ შორის ინფექციური დაავადებებისას;
_ სხვადასხვა ეტიოლოგიის ასთენიური მდგომარეობის დროს;
_ ალკოჰოლური აბსტინენციის სინდრომისა და ნიკოტინური დამოკიდებულების დროს კომპლექსურ თერაპიაში;
_ არაბალანსირებული და არასრულყოფილი კვების დროს.

გამოყენების წესი და დოზირება
ანტიოქსიკაფსი თუთიით ინიშნება საკვების მიღების შემდეგ წყალთან ერთად.
პროფილაქტიკის მიზნით პრეპარატი რეკომენდირებულია დაენიშნოს ბავშვებს 14 წლიდან და უფროსებს _ 1 კაფსულა 1-ჯერ დღეში 1_3 თვის განმავლობაში.
რეკომენდირებულია პროფილაქტიკური კურსის ჩატარება წელიწადში რამდენჯერმე.
სამკურნალო მიზნით ანტიოქსიკაფსი თუთიით დოზებს ადგენს ექიმი პათოლოგიის გამოვლინების ხასიათიდან და გამოხატულების ხარისხიდან გამომდინარე, აგრეთვე ორგანიზმის მიერ  A, C, E ვიტამინების და თუთიის მოთხოვნილების გათვალისწინებით.

გვერდითი მოვლენები
რეკომენდირებული დოზებით გამოყენების დროს გვერდითი ეფექტები არ აღინიშნება.
პრეპარატის ხანგრძლივად და მაღალი დოზებით მიღებისას შესაძლოა ალერგიული რეაქციები, სპილენძის დეფიციტის განვითარება, ანემიები.

განსაკუთრებული მითითებები
თავი შეიკავეთ რძის პროდუქტების მიღებისაგან, რადგან ამ დროს მუხრუჭდება თუთიის მარილების შეწოვა საჭმლის მომნელებელი ტრაქტიდან.
თავი აარიდეთ სპირტიანი სასმელების მიღებას.

ურთიერთქმედება სხვა სამკურნალო საშუალებებთან
კორტიკოსტეროიდული პრეპარატები, ტეტრაციკლინის ჯგუფის ანტიბიოტიკები, აგრეთვე ეთანოლი და ეთანოლის შემცველი პრეპარატები ერთდროული გამოყენებისას იწვევს პროვიტამინ A-ს თერაპიული ეფექტის შემცირებას.
ტოკოფეროლს შეუძლია გაზარდოს კრუნჩხვების საწინააღმდეგო საშუალებების ეფექტურობა ეპილეფსიით დაავადებულ პაციენტებში, რომლებსაც სისხლში აღმოაჩნდათ ლიპიდების ზეჟანგური ჟანგვის პროდუქტების მომატებული შემცველობა. არ მიიღოთ სხვა პოლივიტამინურ პრეპარატებთან ერთად, რათა თავიდან ავიცილოთ ჭარბი დოზირება.

უკუჩვენება
პრეპარატის უკუჩვენებას წარმოადგენს მომატებული მგრძნობელობა მისი კომპონენტების მიმართ.
გავლენა ავტომობილის მართვისა და ტექნიკასთან მუშაობის უნარზე
გავლენას არ ახდენს.

გამოშვების ფორმა
ჟელატინის რბილი კაფსულები _ 0,5გ, 10 კაფსულა ბლისტერში, 2 ბლისტერი კოლოფში.

შენახვის პირობა
შეინახეთ მშრალ, სინათლისაგან დაცულ ადგილას 15°C_25°Cტემპერატურაზე.
შეინახეთ ბავშვებისათვის მიუწვდომელ ადგილას.

შენახვის ვადა
2 წელი. არ გამოიყენოთ შეფუთვაზე მითითებული შენახვის ვადის ამოწურვის შემდეგ.
გაცემის წესი: ფარმაცევტული პროდუქტის ჯგუფი III (გაიცემა ექიმის რეცეპტის გარეშე).
მწარმოებლის დასახელება და მისამართი
უპ ,,მინსკინტერკაფსი”. ბელორუსიის რესპუბლიკა.
220075, ქ. მინსკი, ს/ყ 112, ქუჩა ინჟენერნაია, სახლი 26.
e-mail:[email protected]

ANDROSITOL^® PLUS არის საკვები დანამატი მიო-ინოზიტოლის, N-აცეტილცისტეინის, E ვიტამინის, L- კარნიტინის, L-არგინინის, ალფა-ლაქტალბუმინის, ფოლიუმის მჟავასა და სელენის შემცველობით, სასარგებლო ნუტრიენტების დამატებითი მიღების უზრუნველსაყოფად, საკვებიდან შემცირებული მიღების ან გაზრდილი მოთხოვნის შემთხვევაში. სელენი უზრუნველყოფს ნორმალურ სპერმატოგენეზს. გარდა ამისა, სელენი და ვიტამინი E იცავს უჯრედებს ოქსიდაციური სტრესისგან. ANDROSITOL^® PLUS არ შეიცავს შაქარს.

რა ფიზიოლოგიურ როლს ასრულებს ANDROSITOL^® PLUS-ის თითოეული კომპონენტი?

მიო-ინოზიტოლი: იგი არის სათესლე სითხეში ფიზიოლოგიურად არსებული მნიშვნელოვანი კომპონენტი. მიო-ინოზიტოლი ჩართულია სპერმატოზოიდის მოძრაობის და მომწიფების პროცესში ისევე როგორც უზრუნველყოფს ნორმალურ მორფოლოგიას. მიო-ინოზიტოლი მნიშვნელოვან როლს თამაშობს როგორც რიგი ჰორმონების, მათ შორის FSH და ინსულინის მეორადი მესენჯერი და ამით პოზიტიურად მოქმედებს რეპროდუქციული და მეტაბოლური ფუნქციების აღდგენაში. არის სპერმატოზოიდების მომწიფებისა და მოძრაობის, მათი კარგი მორფოლოგიისათვის აუცილებელი კომპონენტი;

N-აცეტილცისტეინი: იგი ხასიათდება მუკოლიზური აქტივობით და საჭიროა სპერმის მაღალი ვისკოზურობის დროს. მისი საშუალებით სპერმატოზოიდს აქვს თავისუფლად გადაადგილების უნარი.

ვიტამინი E: იცავს უჯრედებს ოქსიდაციური სტრესისგან.

L-კარნიტინი: მნიშვნელოვან როლს ასრულებს უჯრედულ ენერგეტიკულ მეტაბოლიზმში, განსაკუთრებით სათესლის და ეპიდიდიმალურ დონეზე.

L - არგინინი: არის უჯრედების დაყოფის პროცესში ჩართული მნიშვნელოვანი ამინომჟავა, რომელიც ხელს უწყობს სპერმატოზოიდების მომწიფებას.

ალფა-ლაქტალბუმინი: იგი არის რძის შრატის პროტეინი. ალფა-ლაქტალბუმინი მნიშვნელოვან როლს ასრულებს ნაწლავებიდან ნივთიერებების, მათ შორის ინოზიტოლის, შეწოვის გაუმჯობესების თვალსაზრისით და უზრუნველყოფს ოპტიმალური, ფიზიოლოგიური ნაწლავური მიკროგარემოს აღდგენას.

ფოლიუმის მჟავა: იგი ხელს უწყობს ჰომოცისტეინის ნორმალურ მეტაბოლიზმს და მონაწილეობს უჯრედების დაყოფის პროცესში. ფოლიუმის მჟავის ნაკლებობა უკავშირდება ჰიპერჰომოცისტეინემიასა და სუბფერტილურ მდგომარეობას.

სელენი: უზრუნველყოფს  ნორმალურ სპერმატოგენეზს.

როგორ მიიღება  ANDROSITOL^® PLUS?

რეკომენდირებულია დღეში ერთი პაკეტის მიღება. უმჯობესია არ დაამთხვიოთ კვებას.  გახსენით შიგთავსი ერთ ჭიქა წყალში (200 მლ).

ANDROSITOL^® PLUS-ს შემადგენლობა: სრული ინგრედიენტების ჩამონათვალისთვის, იხილეთ ეტიკეტი. შეიცავს დამატკბობლებს, არ შეიცავს შაქარს. შაქრის შემცველობა 0,5%-ზე ნაკლებია.

გაფრთხილება:

არ გადააჭარბოთ რეკომენდირებულ დღიურ დოზას. არ მისცეთ სამი წლის ასაკის ქვემოთ მყოფ ბავშვებს. შეინახეთ სამი წლის ასაკის ქვემოთ მყოფი ბავშვებისათვის მიუწვდომელ ადგილას. საკვები დანამატი არ არის მრავალფეროვანი, დაბალანსებული დიეტისა და ჯანსაღი ცხოვრების წესის შემცვლელი. გადაჭარბებულ დოზირებას შეიძლება ჰქონდეს საფაღარათო ეფექტი. ის შეიცავს რძის პროტეინს. შეინახეთ მშრალ, გრილ, მზისგან დაცულ ადგილას. ვადა მითითებულია კოლოფზე.

ANDROSITOL^® PLUS შეფუთვა : 3.0 გრამიანი 14 პაკეტი          

მწარმოებელი:

LO.LI. Pharma International S.r.l.

Via dei Luxardo, 33 00156 - Roma (Italia)

www.lolipharmainternational.com                                                                                        

ოფიციალური წარმომადგენელი

საქართველოში: შ.პ.ს.“ინოტიმი”

მის: ქ.თბილისი, ს.ცინცაძის 12, სადარბაზო 15, მე-3 სართული

ტელ: + 995 322 309301; +995 595 744407

ელ-ფოსტა: [email protected]

საერთაშორისო დასახელება - L-carnitine

კლინიკურ-ფარმაკოლოგიური ჯგუფი - ქსოვილებში ნივთიერებათა ცვლაზე მოქმედი საშუალებები;
ქსოვილებში მეტაბოლიზმის და ენერგომომარაგების გასაუმჯობესებელი და ქსოვილების ჰიპოქსიის შესამცირებელი პრეპარატები

შემადგენლობა და გამოშვების ფორმა
1გ/10 მლ ფლაკონი 10ც
1გ/5 მლ ამპულა 5ც

აქტიური ინგრედიენტები:
1 ამპულა 10 მლორალური ხსნარი შეიცავს 1000მგ ლევოკარნიტინს (L-კარნიტინი).
დამხმარე ნივთიერებები ორალური ხსნარისთვის: ვაშლის მჟავა, მეთილპარაბენი, ნატრიუმის საქარინის დეჰიდრატი, ფორთოხლის არომატიზატორი, გამოხდილი წყალი.
1 ამპულა 5 მლ საინექციო ხსნარი შეიცავს 1000 მგ ლევოკარნიტინს (L -კარნიტინი).
დამხმარე ნივთიერებები საინექციო ხსნარისთვის: ქლორწყალბადმჟავა 10%, საინექციო წყალი.

ფარმაკოლოგიური თვისებები
კარნიტინი ბუნებრივი, ვიტამინისმაგვარი ნივთიერებაა, მიეკუთვნება B ჯგუფის ვიტამინებს (BT_ ზრდის ვიტამინი). წარმოადგენს მეტაბოლური პროცესების ჩო ფაქტორს. ახორციელებს გრძელჯაჭვიანი ცხიმოვანი მჟავების ტრანსპორტს ციტოპლაზმიდან მიტოქონდრიაში, სადაც მიმდინარეობს მათი β- დაჟანგვა, რის შედეგადაც წარმოიქმნება დიდი რაოდენობით ენერგია ატფ-ის სახით. ინესტომი აწესრიგებს ცილოვან და ცხიმოვან ცვლას, თრგუნავს კეტომჟავების წარმოქმნას, ამცირებს ანაერობულ გლიკოლიზს, ამცირებს გლიკოგენის მოხმარებას და ზრდის გლიკოგენის რეზერვს ღვიძლსა და კუნთებში. ხასიათდება ნეიროტროფული მოქმედებით, აღადგენს ნერვული ქსოვილის სტრუქტურას. ჰიპერთირეოზის დროს არეგულირებს გაძლიერებულ ძირითად ცვლას. ასტიმულირებს კუჭის წვენის სეკრეციას და კუჭ-ნაწლავის სისტემის ფერმენტულ აქტივობას.
ფარმაკოკინეტიკა
პრეპარატი კარგად შეიწოვება კუჭ-ნაწლავის ტრაქტიდან. ჩმახ მიიღწევა მიღებიდან 3 სთ-ში, თერაპიული კონცენტრაცია ნარჩუნდება 9 სთ. თავისუფლად გადადის ღვიძლში და მიოკარდიუმში. T½ - 15 სთ. ექსკრეტირდება 80%-ზე მეტი თირკმელებით შეუცვლელი სახით.

ჩვენებები
გულის იშემიური დაავადება, კარდიომიოპათია, გულის უკმარისობა, მიოკარდიუმის ცხიმოვანი დისტროფია.
ზრდის შეფერხება და წონის დეფიციტი, გონებრივი და ფიზიკური განვითარების შეფერხება, დღენაკლი ბავშვები, სამშობიარო ტრავმის და ასფიქსიის შემდგომი პერიოდი, კარნიტინის გენეტიკური დეფიციტი. ნაყოფის ზრდაში ჩამორჩენა.
თირკმლის ქრონიკული უკმარისობა და ცხიმოვანი დისტროფია, ჰემოდიალიზზე მყოფი პაციენტები, ასთენოსპერმია.
ჰიპოაციდური და ანტაციდური გასტრიტი, ღვიძლის ქრონიკული უკმარისობა, ღვიძლის ცხიმოვანი დისტროფია, ციროზი.
ინსულტი, ნევრიტი, ენცეფალოპათია, პოლინეიროპათია.
სიმსუქნე, შაქრიანი დიაბეტი, თირეოტოქსიკოზი.
ინტენსიური ფიზიკური დატვირთვა, ქრონიკული დაღლილობა, შრომისუნარიანობის დაქვეითება.

მიღების წესები და დოზები
ინესტომი საინექციო ხსნარი 5 მლ:
ბავშვებში: 12 წლამდე - 50-100 მგ/კგ/დღეში.
მოზრდილებში: 1-3 გ დღეში.
ნელი ინტრავენური შეყვანით 2-3 წუთის განმავლობაში.
ინესტომი დასალევი ხსნარი 10 მლ, მხოლოდ პეროს მისაღებად.
ბავშვებში: 2 წლამდე - 150 მგ/კგ/ დღეში.
2-დან 6 წლამდე - 100მგ/კგ/დღეში.
6-დან 12 წლამდე - 75მგ/კგ/დღეში.
12 წელს ზევით და მოზრდილებში: 2-3 გრ დღეში.
მიიღება ჭამამდე 30 წუთით ადრე, შეიძლება გაიხსნას წვენში ან წყალში.

გვერდითი მოვლენები
შესაძლოა აღინიშნოს მსუბუქად გამოხატული დისპეფსიური მოვლენები.

უკუჩვენება
მომატებული მგრძნობელობა პრეპარატში შემავალი კომპონენტების მიმართ.

შენახვის პირობები და ვადები
ინახება 25ºC- ზე სინათლისგან დაცულ ადგილას.

მწარმოებელი ფირმა, ქვეყანა:
HELP Pharmaceuticals
საბერძნეთი