ქვეყანა: კვიპროსი

მწარმოებელი: მედოქემიე ლტდ

გაცემის ფორმა: II ჯგუფი რეცეპტული

დოსტინექსი
DOSTINEX

საერთაშორისო დასახელება:
CABERGOLINE

მოქმედი ნივთიერება:
კაბერგოლინი

კლინიკურ-ფარმაკოლოგიური ჯგუფი:
ჰორმონული საშუალება (პროლაქტინის სეკრეციის ინჰიბიტორი).

შემადგენლობა და გამოშვების ფორმა:
ტაბლეტები: შეფუთვაში 2 და 8 ც.
1 აბ.
კაბერგოლინი …………………   0.5 მგ

დამხმარე ნივთიერებები:
ლაქტოზა, ლეიცინი, ადსორბენტი.

ფარმაკოლოგიური თვისებები:
პრეპარატი წარმოადგენს ერგოლინის წარმოებულს. მისი მოქმედების მექანიზმი დაკავშირებულია ჰიპოფიზის ლაქტოტროპულ უჯრედებში დოპამინის D2-რეცეპტორების პირდაპირ სტიმულაციასთან. შედარებით დიდ დოზებში, ვიდრე პროლაქტინის სეკრეციის დასათრგუნად არის საჭირო, იწვევს ცენტრალურ დოპამინერგულ ეფექტებს, რაც განპირობებულია დოპამინური D2-რეცეპტორების სტიმულაციით. პლაზმაში პროლაქტინის კონცენტრაციის დაქვეითებას ადგილი აქვს 3 სთ-ის შემდეგ დოსტინექსის მიღებიდან, რომელიც გრძელდება 7-28 დღე ჯანმრთელ მოხალისეებში და 14-21 დღემდე – პაციენტებში მშობიარობის შემდგომი ლაქტაციის დასათრგუნად.

ფარმაკოკინეტიკა:
კაბერგოლინი პერორალური მიღებისას სწრაფად აბსორბირდება კუჭ-ნაწლავის ტრაქტიდან. საკვების მიღება ხელს არ უშლის აქტიური ნივთიერების შეწოვასა და განაწილებას. პლაზმაში აქტიური ნივთიერების მაქსიმალური კონცენტრაცია აღინიშნება 0.5-4 სთ-ის შემდეგ. მისი 41-42%-ით უკავშირდება სისხლის პლაზმის ცილებს.

ნახევარგამოყოფის პერიოდი ჯანმრთელ მოხალისეებში შეადგენს 63-68 სთ-ს, ხოლო ჰიპერპროლაქტინემიით შეპყრობილ პაციენტებში – 79-115 სთ-ს. პრეპარატი გამოიყოფა ძირითადად თირკმელების საშუალებით.

ჩვენებები:
    * ფიზიოლოგიური მშობიარობის შემდგომი ლაქტაციის შეწყვეტა ან ლაქტაციის ხელოვნურად დათრგუნვა: დედის სურვილის მიხედვით. ან იმ შემთხვევაში, როდესაც ძუძუთი კვება წინააღმდეგნაჩვენებია, როგორც დედისთვის, ასევე ნაყოფისათვის. მკვდრადშობილი ნაყოფი ან აბორტი;
    * ჰიპერპროლაქტინემიით გამოწვეული დისფუნქციის მკურნალობა (ქალებში – ამენორეა, ოლიგომენორეა, ანოვულაცია, გალაქტორეა, უნაყოფობა, მამაკაცებში – იმპოტენცია. ლიბიდოს დაქვეითება);
    * ჰიპოფიზის პროლაქტინ-სეკრეტორული ადენომების მკურნალობა (მიკრო და მაკროპროლაქტინემიით);
    * იდიოპათიური ჰიპერპროლაქტინემია ან “ცარიელი” თურქული კეხის სინდრომი, რომელიც წარმოადგენს ძირითად პათოლოგიურ მდგომარეობას ასოცირებულს ჰიპერპროლაქტინემიასთან.

მიღების წესები და დოზირება:
მშობიარობის შემდგომი ლაქტაციის დასათრგუნად ენიშნებათ 1 მგ (2 ტაბლეტი 0.5 მგ) ერთხელ მშობიარობიდან პირველივე დღეს.

დაწყებული ლაქტაციის დასათრგუნად – 0.25 მგ (1/2 ტაბლეტი) ყოველი 12 სთ-ში 2 დღის განმავლობაში. აღნიშნული დოზირებისას გვერდით ეფექტები (განსაკუთრებით არტერიული ჰიპოტენზია) ნაკლებად აღინიშნება.

ჰიპეპროპროლაქტინემიის სამკურნალოდ პრეპარატი ენიშნებათ კვირაში 1-2-ჯერ (მაგ. ორშაბათს ან ორშაბათსა და ხუთშაბათს). საწყისი დოზა შეადგენს 1/2 ტაბ. (0.25 მგ), ან 1 ტაბ. (0.5 მგ) კვირაში. თერაპიული ეფექტის მიხედვით, აუცილებლობის შემთხვევაში, შესაძლებელია დოზის გაზრდა. კვირის დოზის მომატება წარმოებს თანდათანობით (0.5 მგ ერთთვიანი ინტერვალით). საშუალო თერაპიული დოზა შეადგენს 1 მგ-ს კვირაში და შეიძლება მისი მერყეობა 0.25 მგ-და 2 მგ-მდე კვირაში. ჰიპერპროლაქტინემიით შეპყრობილ პაციენტებში იყენებენ 4,5 მგ-ს კვირაში. პრეპარატის მიღება ხდება ჭამის დროს.

გვერდითი მოვლენები:
ხშირად: არტერიული წნევის დაქვეითება, თავბრუსხვევა, თავის ტკივილი, უძილობა, ტკივილები მუცლის არეში.

ხანგრძლივი მიღებისას: დისპეფსიური მოვლენები, საერთო სისუსტე, გასტრიტი, ღებინება, გაუვალობა, სარძევე ჯირკვლების ტკივილი, წამოხურება, დეპრესია, პარესთეზიები (აღნიშნული სიმპტომები გამოხატულია ზომიერად და ვლინდება პრეპარატის მიღებიდან პირველი 2 კვირის განმავლობაში და თავისით გაივლის).

უკუჩვენებები:
*კაბერგოლინისა და ჭვავის რქის ალკალოიდების მიმართ მომატებული მგრძნობელობა და ალერგიული რეაქციები;
*ღვიძლის ფუნქციის მკვეთრად გამოხატული მოშლა;
*ორსულთა ტოქსიკოზი;
*ანამნეზში მშობიარობის შემდგომი ფსიქოზი;

ორსულობა და ლაქტაცია:
რეკომენდებული არ არის პრეპარატის გამოყენება ორსულობის პერიოდში და ძუძუთი კვების დროს. იმ შემთხვევაში, როდესაც პრეპარატის გამოყენებისას ლაქტაციის დათრგუნვის მიზნით სასურველი ეფექტი არ აღინიშნება, აუცილებელია ძუძუთი კვებისაგან თავის შეკავება და ექიმთან კონსულტაცია.
მკურნალობის დაწყებისას, საჭიროა გამოირიცხოს ორსულობა და შემდგომში გამოყენებულ იქნას კონტრაცეპციის მექანიკური მეთოდები. ვინაიდან პრეპარატის ორგანიზმიდან ნახევარგამოყოფის პერიოდი ხანგრძლივია, მენსტრუალური ციკლის აღდგენის შემდეგ რეკომენდებულია პრეპარატის მიღების შეწყვეტა ჩასახვამდე 1 თვით ადრე, რათა თავიდან იქნას აცილებული მისი მოქმედება ნაყოფზე.

განსაკუთრებული მითითებები:
გულ-სისხლძარღვთა სისტემის დაავადებებით შეპყრობილ პირებში, თირკმელების ფუნქციის მკვეთრად გამოხატული დარღვევა, კუჭისა და 12-გოჯა ნაწლავის წყლულოვანი დაავადება, კუჭიდან და ნაწლავებიდან სისხლდენა, რეინოს დაავადება, ფსიქიური დაავადება მოითხოვს სიფრთხილეს პრეპარატის დანიშვნისას, ისევე როგორც ჰიპოტენზიური პრეპარატებით მკურნალობის ფონზე;
ეფექტური დოზის შერჩევისას, რეკომენდებულია სისხლში პროლაქტინის რეგულარული (თვეში ერთხელ) კონტროლი. მისი ნორმალიზაცია აღინიშნება 2-4 კვირიანი მკურნალობის შემდეგ.
პრეპარატის ხანგრძლივი მიღებისას საჭიროა რეგულარული გინეკოლოგიური გამოკვლევები ცერვიკალური და ენდომეტრიუმის ჰისტოლოგიური გამოკვლევების ჩათვლით.
ავადმყოფებს, პრეპარატის მიღების პერიოდში, ეკრძალებათ ავტომობილის მართვა და იმ სამუშაოების შესრულება, რომლებიც მოითხოვენ ყურადღების მაქსიმალურ კონცენტრაციას.

ჭარბი დოზირება:
გულისრევა, ღებინება, ცვლილებები კუჭ-ნაწლავის ტრაქტის მხრივ, არტერიული ჰიპოტენზია, მეხსიერების დარღვევა, ფსიქოზი, ჰალუცინაციები. ამ დროს საჭიროა კუჭის გაწმენდა, შემდგომი არტერიული წნევის კონტროლით, რეკომენდებულია დოპმინის ანტაგონისტების დანიშვნა.

სხვა წამლებთან ურთიერთქმედება:
კაბერგოლინის და მაკროლიდების ჯუფის ანტბიოტიკების (მგ. ერითრომიცინის) ერთდროული დანიშვნისას, ძლიერდება გვერდითი ეფექტების განვითარების რისკი.
ფენოთიაზონის წარმოებულებთან, ბუტიროფენონებთან, თიოქსანტინებთან და მეტოკლოპრამიდთან კომბინაცია იწვევს კაბერგოლინის ეფექტის დაქვეითებას.

შენახვის პირობები:
პრეპარატი ინახება არაუმეტეს 25ºC ტემპერატურაზე, სინათლისა და ბავშვებისაგან დაცულ ადგილას.

ვარგისიანობის ვადა:
2 წელი.

მწარმოებელი:
PFIZER,იტალია

ქვეყანა: გერმანია

მწარმოებელი: დოიჩე ჰომეოპათიე იუნიონ დეჰაუ

გაცემის ფორმა: III ჯგუფი ურეცეპტო

დისმენორმი
DISMENORM

კლინიკურ-ფარმაკოლოგიური ჯგუფი – ჰომეოპათიური საშუალებები

შემადგენლობა და გამოშვების ფორმა
ტაბლეტი #80

1 ტაბლეტში (250 მგ) შედის:
აქტიური ნივთიერებები: Agnus castus (ხეპილპილა) 125 მგ, (მშრალი მასა 1,0 მგ), Apis mellifica (ფუტკარი) trit. D3 25 მგ, Pulsatilla (მედგარა), trit. D3 25 მგ, Rosmarinus officinalis (სამკურნალო როზმარინი) trit. D2 25 მგ;
სხვა ინგრედიენტები (შემავსებლები): ლაქტოზას მონოჰიდრატი, ხორბლის სახამებელი, მაგნიუმის სტეარატი.

ჩვენებები
მენსტრუალური ციკლის დარღვევები და პრემენსტრუალური სინდრომი

მიღების წესები და დოზები
სხვა მითითებათა არარსებობისას დისმენორმი შემდეგნაირად მიიღება:
1-2 ტაბლეტი სამჯერ დღეში, რეგულარულად, მენსტრუაციათა ხანგრძლივობისა და სიხშირის ნორმალიზაციამდე, არანაკლებ 3 თვის განმავლობაში; თუ ამ დროის განმავლობაში მდგომარეობა არ გაუმჯობესდა, საკონსულტაციოდ ექიმს უნდა მიმართოთ.
ტაბლეტები მიიღება ჭამამდე ნახევარი საათით ადრე ან საკვების მიღებიდან იმავე დროის გასვლის შემდეგ, ტაბლეტები პირის ღრუში ნელ-ნელა უნდა გაიხსნას.

გვერდითი მოვლენები
ამჟამად ცნობილი არ არის.
ზოგადი მითითება: ჰომეოპათიური სამკურნალო საშუალებების მიღებისას შესაძლებელია დაავადების არსებული სიმპტომები დროებით გაუარესდეს (პირველადი გაუარესება). ასეთ შემთხვევაში პრეპარატის მიღება აუცილებლად უნდა შეწყვიტოთ და საკონსულტაციოდ ექიმს მიმართოთ.

უკუჩვენება
არ გამოიყენება ფუტკრის შხამის ან პრეპარატის სხვა ნებისმიერი კომპონენტის მიმართ გამოვლენილი ჰიპერმგრძნობელობის დროს.

განსაკუთრებული მითითებები
პრეპარატი გამოიყენება გლუტეინის დაავადების მქონე ავადმყოფთა სამკურნალოდ, მაგრამ მისი დანიშვნა სახამებლისადმი ალერგიის დროს (პათოლოგია, რომელიც გლუტეინის დაავადებისაგან განსხვავდება) არ შეიძლება.
თუ ექიმმა გითხრათ, რომ რომელიმე შაქრის აუტანლობა გაქვთ, მოცემული სამკურნალო საშუალების მიღების დაწყებამდე საკონსულტაციოდ ექიმს მიმართეთ.
დისმენორმი უკუნაჩვენებია ორსულობის დროს. ყველა სხვა ფარმაცევტული პრეპარატის ანალოგიურად, დისმენორმის მიღება ლაქტაციის პერიოდში დასაშვებია ექიმთან წინასწარი კონსულტაციის შემდეგ.

ჭარბი დოზირება
პრეპარატ დისმენორმის ჭარბი დოზირების მავნე ეფექტები ამჟამად ცნობილი არ არის.

სხვა წამლებთან ურთიერთქმედება
ურთიერთქმედება სხვა სამკურნალო საშუალებებთან ცნობილი არ არის.
ჰომეოპათიური პრეპარატებით მკურნალობა სხვა სამკურნალო საშუალებების მიღებას არ გამორიცხავს.

შენახვის პირობები და ვადები
5 წელი.
ვარგისიანობის ვადის ამოწურვის თარიღი მითითებულია შეფუთვასა და ეტიკეტზე. ამ თარიღის გასვლის შემდეგ პრეპარატს ნუ გამოიყენებთ.
ორიგინალურ შეფუთვაში ინახება 15-25ºC ტემპერატურაზე, ბავშვებისათვის მიუწვდომელ ადგილას.

მწარმოებელი ფირმა, ქვეყანა
Deutsche Homöopathie-Union
გერმანია

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს – უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ფორმა:
ტაბლეტები 2,5მგ

ფარმაკოთერაპიული ჯგუფი:
პროლაქტინის სეკრეციის ინჰიბიტორი. პარკინსონის დაავადების საწინააღმდეგო საშუალება.

ფარმაკოლოგიური თვისებები:
ბრომოკრიპტინი მიეკუთვნება დოფამინომიმეტურ საშუალებებს. პრეპარატის მოქმედების მექანიზმი დაკავშირებულია ჰიპოფიზის ლაქტოტროპულ უჯრედებში დოფამინური რეცეპტორების პირდაპირ სტიმულაციასთან. ბრომოკრიპტინი ხელს უწყობს პროლაქტინის სეკრეციის შემცირებას და აფერხებს ზრდის ჰორმონის გაძლიერებულ სეკრეციას, ისე, რომ გავლენას არ ახდენს ჰიპოფიზის ჰორმონების სხვა მაჩვენებლებზე.
პრეპარატი თრგუნავს ფიზიოლოგიური ლაქტაციის პროცესს, ხელს უწყობს მენსტრუალური ციკლის ნორმალიზებას, ანელებს პროლაქტინით ზრდის პროცესს.
შედარებით დიდ დოზებში ბრომოკრიპტინი იწვევს დოფამინური რეცეპტორების გამოხატულ სტიმულაციას, განსაკუთრებით თავის ტვინის ზოლიანი სხეულის და შავი ბირთვების არეში, რაც იწვევს აღნიშნულ უბნებში ნეიროქიმიური ბალანსის აღდგენას.

ჩვენება:
-ჰიპერპროლაქტინემიით გამოწვეული ან მასთან დაკავშირებული მენსტრუალური ციკლის დარღვევა, მათ შორის გალაქტორეით მიმდინარე ამ მის გარეშე ოლიგო- და ამენორეა, მენსტრუალური ციკლის ლუტეინური ფაზის უკმარისობა.
-ჰიპერპროლაქტინემიით გამოწვეული ან მასთან დაკავშირებული უნაყოფობა; უნაყოფობა, რომელიც დაკავშირებული არ არის ჰიპერპროლაქტინემიასთან; საკვერცხეების პოლიკისტოზის სინდრომი; ანოვულაციური ციკლის დროს (როგორც დამატებითი საშუალება ანტიესტროგენებით მაგ, კლომიფენით მკურნალობის დროს).
-პროლაქტინის მაპროდუცირებელი ჰიპოფიზის მიკრო- და მაკროადენომების კონსერვატორული მკურნალობა, ქირურგიული ოპერაციების წინ სიმსივნის მოცულობის შემცირების და მისი ამოკვეთის შესამსუბუქებლად, გარდა ამისა, ქირურგიული ოპერაციების შემდეგ პროლაქტინის მაჩვენებლების მომატების შემთხვევაში.
-აკრომეგალიის დროს, როგორც დამატებითი საშუალება ოპერაციული და სხივური მკურნალობის დროს. იმ შემთხვევაში, როდესაც აღნიშნული მკურნალობა განუხორციელებელია, პრეპარატის გამოყენება შესაძლებელია მონოთერაპიის სახით.
-მდგომარეობები, რომელთა ჩვენებას წარმოადგენს ლაქტაციის დროს სიფრთხილე, მისი შემცირება ან შეწყვეტა.
-სარძევე ჯირკვლების ზოგიერთი დაავადებები (მშობიარობის შემდგომი მასტიტი, მასტალგია პრემენსტრუალური სინდრომის დროს, კეთილთვისებიანი კვანძოვანი ან კისტოზური დარღვევები).
-იდიოპათიური და პოსტენცეფალური პარკინსონიზმის ყველა ფაზები.

წინააღმდეგჩვენება:
ბრომოკრიპტინის და ჭვავის რქის ალკალოიდების მიმართ მომატებული მგრძნობელობა.
ესენციური და ოჯახური ტრემორი, ჰენტინგტონის ქორეა, გულ-სისხლძარღვთა სისტემის დაავადებები, ენდოგენური ფსიქოზების სხვადასხვა ფორმები, არაკონტროლირებადი ატერიული ჰიპერტენზია, ორსულთა ტოქსიკოზი;

გვერდითი მოვლენები:
მკურნალობის დასაწყისში შესაძლებელიაგულისრევა, ღებინება, თავის ტკივილი, თავბრუსხვევა, საერთო სისუსტე. აღნიშნული გვერდითი მოვლენები პრეპარატით მკურნალობის შეწყვეტას არ საჭიროებენ. თავბრუსხვევის დაან გულისრევის თავიდან აცილების მიზნით პრეპარატის მიღებამდე 1სთ-ით ადრე რეკომენდებულია ღებინების საწინააღმდეგო საშუალების მიღება.
იშვიათად აღინიშნება ორთოსტატული ჰიპოტენზია, რის გამოც ამბულატორიულ ავადმყოფებში რეკომენდებულია არტერიული წნევის პერიოდული კონტროლი.
პრეპარატის დიდ დოზებში მიღებისას ადგილი აქვს ჰალუცინაციებს, ფსიქომოტორულ აგზნებას, მხედველობის დარღვევას, დისკინეზიას, პირის სიმშრალეს, ყაბზობას, წვივის კუნთების კრუნჩხვებს.
პრეპარატის შედარებით ხანგრძლივად გამოყენების დროს შესაძლებელია ხელის თითების და ტერფების სიცივით გამოწვეული შექცევადი გაუფერულება, განსაკუთრებით რეინოს დაავადების სიმპტომებით შეპყრობილ პაციენტებში.

სიფრთხილე:
პრეპარატის გამოყენებისას რეპროდუქციული ასაკის მქონე ქალებში საჭიროა გამოირიცხოს ორსულობა და შემდგომში გამოყენებულ იქნას კონტრაცეპციის მექანიკური მეთოდები. ორსულობის დადგენის და ნაყოფის შენარჩუნების შემთხვევაში, აუცილებელია პრეპარატის მიღების შეწყვეტა.
პრეპარატის მოხსნის შემდეგ აბორტების სიხშირე ნაკლებია.
ბრომოკრიპტინის მიღებისას ორსულობის პირველი 8 კვირის განმავლობაში პრეპარატი უარყოფით გავლენს არ ახდენს ორსულობის მიმდინარეობაზე და მის გამოსავალზე.
იმ შემთხვევაში, როდესაც ორსულობა დგება ჰიპოფიზის ადენომის დროს და პრეპარატით მკურნალობა შეწყვეტილია, ორსულობის მთელი ხნის განმავლობაში საჭიროა მკაცრი სამედიცინო კონტროლი, რომელიც მხედველობის რეგულარულ კონტროლსაც ეხება.
პროლაქტინომის მკვეთრად გამოხატული ზომაში მომატების დროს აუცილებელია მკურნალობის კვლავ დაწყება.
მასტალგიის ან სარძევე ჯირკვლების კვანძოვანი და ფიბროკისტოზური დარღვევების დროს პრეპარატით მკურნალობის დაწყებამდე საჭიროა გამოირიცხოს ავთვისებიანი სიმსივნეების არსებობა.
მშობიარობის შემდგომ ლაქტაციის შეფერხებისას, განსაკუთრებით კი მკურნალობის პირველ კვირას, აუცილებელია არტერიული წნევის პერიოდული კონტროლი. ჰიპერტენზიის, მხედველობის დარღვევით მიმდინარე ძლიერი ხასიათის თავის ტკივილის დროს საჭიროა პრეპარატით მკურნალობის დაუყოვნებლივ შეწყვეტა და ავადმყოფის გამოკვლევა.
აკრომეგალიით დაავადებულ ავადმყოფებში, რომელთაც ანამნეზში აღენიშნებათ კუჭის წყლული, აუცილებელია შეძლების და მიხედვით მკურნალობის სხვა მეთოდის გამოყენება. აღნიშნულ ავადმყოფებში პრეპარატის გამოყენების შემთხვევაში, საჭიროა ექიმთან კონსულტაცია კუჭ-ნაწლავის ტრაქტის ფუნქციის მოსალოდნელი Dდარღვევების შესახებ.
პრეპარატი სიფრთხილით ინიშნება ფსიქიკის მოშლით, გულ-სისხლძარღვთა სისტემის მძიმე დაავადებებით შეპყრობილ ავადმყოფებში.
პრეპარატის დიდ დოზებში მიღების დროს საჭიროა განსაკუთრებული სიფრთხილე.
იმ შემთხვევაში, როდესაც დაავადება გამოწვეული არ არის ჰიპერპროლაქტინემიით, პროლაქტინის მაჩვენებლების შემცირების მიზნით ნორმალურ მაჩვენებლებზე უფრო დაბლა და ლუტეინური ფუნქციის დარღვევის თავიდან აცილების მიზნით საჭიროა პრეპარატის მიღება შედარებით მცირე ეფექტურ დოზებში. ეფექტური დოზის შერჩევისას, რეკომენდირებულია სისხლში პროლაქტინის რეგულარული კონტროლი.
პრეპარატის გამოყენებისას პარკინსონის დაავადების დროს აუცილებელია ღვიძლის, თირკმელების, სისხლის სურათის, გულ-სისხლძარღვთა სისტემის პერიოდული კონტროლი.
პრეპარატის მაღალი დოზებით გამოყენებისას პარკინსონით დაავადებულ ავადმყოფებში შესაძლებელია ფსიქიკის დარღვევა.
პლევრისა და ფილტვების მხრივ მოულოდნელი სიმპტომების წარმოქმნის შემთხვევაში (კერძოდ, ფილტვის ინფილტრატის, პლევრის ექსუდატის) აუცილებელი მკურნალობის შეწყვეტა და ავადმყოფის გამოკვლევა.
ლაქტაციის პერიოდში პრეპარატის გამოყენება ხდება მხოლოდ განსაკუთრებული ჩვენებების მიხედვით.
პრეპარატის გამოყენება 15 წლამდე ასაკის ბავშვებში არასაკმარისი გამოცდილების გამო რეკომენდებული არ არის.
ალკოჰოლი ამცირებს ბრომოკრიპტინის ამტანიანობას.
ბრომოკრიპტინის მიღება იწვევს მხედველობის დაქვეითებას, ამიტომ პრეპარატის მიღების პერიოდში ავადმყოფებს ეკრძალებათ ავტომობილის მართვა და იმ სამუშაოების შესრულება, რომლებიც მოითხოვენ ყურადღების მაქსიმალურ კონცენტრაციას.

მიღების წესი და დოზირება:
პრეპარატის დოზა ინდივიდუალურია და მისი მიღება ხდება ექიმის მკაცრი კონტროლის ქვეშ.
ბრომოკრიპტინის მიღება წარმოებს ყოველთვის ჭამის დროს 2-3-ჯერ დღეში.
მენსტრუალური ციკლის დარღვევა და უნაყოფობა:
ყოველდღიურად 2,5-3,75მგ, აუცილებლობის შემთხვევაში შესაძლებელია დოზის გაორმაგება. მკურნალობა გრძელდება მენსტრუალური ციკლის ნორმალიზაციამდე დაან ოვულაციის დადგომამდე. რეციდივების თავიდან აცილების მიზნით მკურნალობის გაგრძელება შესაძლებელია რამოდენიმე ციკლის სახით.
პროლაქტინომები:
ყოველდღიურად 2,5-3,75მგ, შემდგომში დოზის თანდათანობით გაზრდით იმ მნიშვნელობამდე, რომელიც ხელს უწყობს პროლაქტინის კონცენტრაციის შემცირებას სისხლის პლაზმაში.
აკრომეგალია:
დასაწყისში ყოველდღიურად 2,5-3,75მგ, შემდგომში კლინიკური ეფექტის და გვერდითი მოვლენების მიხედვით შესაძლებელია დოზის გაზრდა 10-20მგ-მდე დღეღამეში.
ლაქტაციის დათრგუნვა:
ინიშნება 14 დღის განმავლობაში 5მგ-იანი დოზით დღეღამეში. მკურნალობა იწყება რაც შეიძლება ადრე, მაგრამ არა უგვიანეს 4სთ-ისა მშობიარობის ან აბორტის შემდეგ.
პრეპარატით მკურნალობის შეწყვეტიდან 2-3 დღის შემდეგ შესაძლებელია მცირე რაოდენობით რძის გამოყოფა, რომლის დათრგუნვის მიზნით აუცილებელია მკურნალობის გაგრძელება იგივე დოზით კიდევ ერთი კვირის განმავლობაში.
მშობიარობის შემდგომ პერიოდში სარძევე ჯირკვლების გამკვრივება:
2,5მგ ყოველდღიურად. აუცილებლობის შემთხვევაში შესაძლებელია დოზის განმეორება 6-12სთ-ის შემდეგ, ისე, რომ არ მოხდეს რძის გამოყოფის შეფერხება.
ოპერაციის შემდგომ პერიოდში მასტიტის განვითარების დროს პრეპარატი ინიშნება ლაქტაციის შეფერხების მიზნით. ამ დროს საჭიროა აგრეთვე ანტიბიოტიკების ერთდროული გამოყენება.
სარძევე ჯირკვლების კეთილთვისებიანი სიმსივნეები:
2,5-3,75მგ დღეღამეში. შესაძლებელია დოზის თანდათან გაორმაგება.
პარკინსონიზმი:
როგორც მონოთერაპიის, აგრეთვე კომბინირებული მკურნალობის დროს პრეპარატის საწყისი დოზა შეადგენს 1,25მგ-ს დღეღამეში, უმჯობესია საღამოს, ერთი კვირის განმავლობაში.
დასაწყისში საჭიროა მინიმალური ეფექტური დოზის მიღება. დოზის გაზრდა ხდება მხოლოდ თანდათანობით 1,25მგ დოზით კვირაში.
სასურველი თერაპიული ეფექტი აღინიშნება 6-8 კვირის განმავლობაში. საშუალო თერაპიული დოზა, როგორც მონოთერაპიის, აგრეთვე კომბინირებული მკურნალობის დროს შეადგენს 10-40მგ-ს დღეღამეში. ერთეულ შემთხვევებში საჭირო ხდება პრეპარატის შედარებით მაღალი დოზებით მიღება, მაგრამ ამ დროს საჭიროა ინდივიდუალური მიდგომა. მკურნალობის ხანგრძლივი პერიოდის განმავლობაში, აუცილებელია პრეპარატის მინიმალური დოზებით შენარჩუნებულ იქნას ოპტიმალური ანტიპარკინსონული ეფექტი.
აღნიშნულ შემთხვევაში არასასურველი გვერდითი მოვლენების წარმოქმნისას საჭიროა სადღეღამისო დოზის შემცირება და პრეპარატის მიღება შედარებით მცირე დოზებში ერთი კვირის განმავლობაში. გვერდითი მოვლენების მოხსნის შემთხვევაში შესაძლებელია პრეპარატის დოზის კვლავ გაზრდა.

დოზის გადაჭარბება (პრეპარატით ინტოქსიკაცია):
სიმპტომები: თავის ტკივილი, ჰალუცინაციები, არტერიული ჰიპოტენზია.
მკურნალობა: სიმპტომატური. მწვავე ინტოქსიკაციის დროს საჭიროა მეტოკლოპრამიდის გამოყენება (პარენტერალურად) და ექიმთან კონსულტაცია.

ურთიერთქმედება სხვა პრეპარატებთან:
ბრომოკრიპტინის და მაკროლიდების ჯგუფის ანტიბიოტიკების (მაგ. ერითრომიცინის) ერთდროული დანიშვნისას, იზრდება ბრმოკრიპტინის კონცენტრაცია სისხლის შრატში.
ფენოთიაზინის, ბუტიროფენონის, თიოქსანტენის წარმოებულებთან კომბინაცია იწვევს ბრომოკრიპტინის ეფექტის დაქვეითებას.
ჭვავის რქის ალკალოიდების სხვა პრეპარატებთან ერთად ბრომოკრიპტინის დანიშვნა ნებადართული არ არის.

შენახვის ვადა:
3 წელი

შენახვის პირობები:
სინათლისაგან და ბავშვებისაგან დაცულ ადგილას, 15-30⁰Cტემპერატურაზე.

შეფუთვა:
N30 ტაბლეტი

გაცემის წესი – ექიმის რეცეპტით

მწარმოებელი და მისი მისამართი:
ს.ს. “გედეონ რიხტერი”, უნგრეთი

ქვეყანა: პოლონეთი

მწარმოებელი: ლეკ- ამ ფარმაცევტიკალ

გაცემის ფორმა: II ჯგუფი რეცეპტული