საერთაშორისო დასახელება:

CEFAMANDOLE

მწარმოებელი: ABOLMED

მოქმედი ნივთიერება: ცეფამანდოლი

კლინიკურ-ფარმაკოლოგიური ჯგუფი:

II თაობის ცეფალოსპორინული ანტიბიოტიკი

შემადგენლობა და გამოშვების ფორმა:

ფხვნილი საინექციო ხსნარის მოსამზადებლად:

ფლაკონში, შეფუთვაში 1, 5 და 50 ც.

1 ფლ.

ცეფამანდოლი .....  500 მგ

1 ფლ.

ცეფამანდოლი .......  1 გ

ვრცლად ცეფამანდოლი (აქტიური ნივთიერება)

ფარმაკოლოგიური თვისებები

ცეფალოსპორინული I თაობის ბაქტერიოციდული ანტიბიოტიკი. ანტიმიკრობული მოქმედების სპექტრი ფართოა გრამდადებითი (პენიცილინაზას წარმომქმნელი სტაფილოკოკები; სტრეპტოკოკები, პნევმოკოკები, დიფტერიის ჩხირები) და, აგრეთვე, გრამუარყოფითი მიკროორგანიზმებიც (მენინგოკოკები, გონოკოკები, შიგელები, სალმონელები, ნაწლავის ჩხირი) ცეფალექსინისადმი მგრძნობიარეა. არ მოქმედებს ლურჯჩირქოვან ჩხირზე, პროტეუსის ინდოლ-დადებით შტამებზე, ტუბერკულოზის მიკობაქტერიებზე, ანაერობულ მიკროორგანიზმებზე. მომნელებელი ტრაქტიდან კარგად შეიწოვება.

ჩვენებები

ცეფალექსინისადმი მგრძნობიარე მიკროორგანიზმებით გამოწვეული ინფექციურ-ანთებითი დაავადების მოვლენები:

• მათ შორის სასუნთქი გზების ზედა და ქვედა განყოფილებებში;
• შარდის გამომყოფ გზებში;
• კანსა და რბილ ქსოვილებში;
• შუაყურის ანთება (ოტიტი);
• ოსტეომიელიტი;
• ენდომეტრიტი;
• გონორეა.

დოზირების რეჟიმი

დგინდება ინდივიდუალურად ინფექციის სიმძიმისა და ლოკალიზაციის, აგრეთვე მიკრობის მგრძნობელობის გათვალისწინებით.

ზრდასრულებში საშუალო დოზები 250-500 მგ ფარგლებშია ყოველი 6-12 საათში ერთჯერ; თუ საჭიროა, სადღეღამისო დოზა დასაშვებია 4-6 გ-მდე გაიზარდოს. მკურნალობის ხანგრძლივობა 7-დან - 14 დღემდე მერყეობს. ბავშვებში თუ სხეულის მასა 40 კგ ნაკლებია, საშუალო დღეღამური დოზა 25-50 მგ/კგ ფარგლებში უნდა იყოს დაცული. მიღების სიხშირე 4-ჯერ დღეღამეში. მძიმე ინფექციის შემთხვევაში კლინიკური სურათის განვითარების მიხედვით სადღეღამისო დოზა შეიძლება 100 მგ/კგ-მდე გაიზარდოს, ხოლო მიღების სიხშირე - 6-ჯერ დღეღამეში.

ბეტა-ჰემოლიზური - ჯგუფის სტრეპტოკოკით გამოწვეული ინფექციების შემთხვევაში მკურნალობის მინიმალური ხანგრძლივობა 10 დღეზე ნაკლები არ უნდა იყოს.

გვერდითი მოვლენები

გულისრევა, ღებინება, პირის სიმშრალე, უმადობა, ფაღარათი, ალერგიული რეაქციები (კანზე გამონაყარი, ქავილი, დერმატიტი, ეოზინოფილია; იშვიათად - კვინკეს შეშუპება, ართრალგიები), კანდიდოზი, თავის ტკივილი, თავბრუ, ძილიანობა.

გამონაკლის შემთხვევებში - ცვლილებები პერიფერიულ სისხლში (შექცევადი ლეიკოპენია, ნეიტროპენია, თრომბოციტოპენია); ღვიძლის ტრანსამინაზების დროებითი გააქტივება; ჰალუცინაციები. აღწერილია ქოლესტაზური სიყვითლისა და ჰეპატიტის შემთხვევებიც.

უკუჩვენებები

ჭარბი მგრძნობელობა ცეფალოსპორინებისადმი.

განსაკუთრებული მითითებები

♦ სიფრთხილეა საჭირო თირკმელებისა ან ღვიძლის გამოხატული ფუნქციური მოშლილობის შემთხვევებში;

♦ ანამნეზში აღნიშნული კოლიტიც მხედველობაშია მისაღები.

პენიცილინებისადმი ჭარბად მგრძნობიარე ავადმყოფებში მოსალოდნელა ალერგიული რეაქციების გამოვლინებები ცეფალოსპორინული ანტიბიოტიკების საპასუხოდაც.

♦ ორსულობაში და ლაქტაციის პერიოდში გამოყენება გამართლებულია მხოლოდ იმ შემთხვევაში, თუ დედისათვის ნავარაუდევი სასარგებლო ეფექტი ნაყოფისა ან ბავშვისათვის პოტენციალურ რისკზე მნიშვნელოვანი იქნება.

♦ მკურნალობის პერიოდში შესაძლებელია კუმბსის დადებითი პირდაპირი რეაქციის გამოვლენა, აგრეთვე შარდში ცრუდადებითი რეაქციაც შაქარზე.

♦ მკურნალობის დროს ალკოჰოლის მიღება არ შეიძლება.

საერთაშორისო დასახელება:

CEFALEXIN          

მწარმოებელი: HEMOFARM

მოქმედი ნივთიერება: ცეფალექსინი

კლინიკურ-ფარმაკოლოგიური ჯგუფი:

ანტიბიოტიკი, ცეფალოსპორინი

შემადგენლობა და გამოშვების ფორმა:

კაფსულები: შეფუთვაში 16 ც.

1 კაფს.

ცეფალექსინი .......   250 მგ

1 კაფს.

ცეფალექსინი ........  500 მგ

გრანულები პერორალური სუსპენზიის მოსამზადებლად: ფლაკონში 100 მლ

5 მლ

ცეფალექსინი  ......... 250 მგ

ვრცლად ცეფალექსინი (აქტიური ნივთიერება), (დოზირება, მიღების წესი ინდივიდუალური)

ფარმაკოლოგიური თვისებები

პრეპარატი წარმოადგენს II თაობის ცეფალოსპორინების ჯგუფის პერორალურად გამოსაყენებელ ანტიბიოტიკს. იგი მოქმედებს ბაქტერიციდულად. პრეპარატს გააჩნია ანტიმიკრობული მოქმედების ფართო სპექტრი. იგი მაღალეფექტურია როგორც გრამუარყოფითი მიკროორგანიზმების (ნაწლავისა და ჰემოფილური ჩხირი, სალმონელა, შიგელა, ენტერობაქტერიები, პროტეუსი, კლებსიელა, გონოკოკები), ასევე გრამდადებითი მიკროორგანიზმების მიმართ (სტაფილოკოკები, სტრეპტოკოკები). პრეპარატი მდგრადია ბეტალაქტამაზების მოქმედების მიმართ. პრეპარატისადმი მგრძნობიარეა შემდეგი ანაერობული მიკროორგანიზმები: ბაქტეროიდები, პეპტოკოკები, პეპტოსტრეპტოკოკები; იგი არ არის აქტიური სხვადასხვა სახის Pseudomonas, ენტეროკოკების უმრავლესი შტამების, Enterobacter cloacae-ს მრავალი შტამის, აგრეთვე მეტიცილინ-რეზისტენტული სტაფილოკოკების და Listeria monocytogenes-ის მიმართ. პრაქტიკულად უცვლელი სახით გამოიყოფა თირკმელებით.

ჩვენებები

ინფექციურ-ანთებითი დაავადებები, რომლებიც გამოწვეულია პრეპარატის მიმართ მგრძნობიარე მიკროორგანიზმებით, მათ შორის:

• ზედა და ქვედა სასუნთქი გზების;
• შარდგამომყოფი გზების;
• კანისა და რბილი ქსოვილების დაავადებები;
• აგრეთვე ოტიტი;
• ოსტეომიელიტი;
• ენდეომეტრიტი;
• გონორეა.

დოზირების რეჟიმი

მიღების წესი დგინდება ინდივიდუალურად დაავადებების სიმძიმის, ინფექციის ლოკალიზაციის და გამომწვევის მგრძნობელობის მიხედვით. მოზრდილებში პრეპარატი გამოიყენება საშუალო ერთჯერადი დოზით 250 მგ 3-ჯერ დღეში. აუცილებლობის შემთხვევაში პრეპარატის დოზა შესაძლებელია გავზარდოთ 4 გ-მდე დღეში.

ბავშვებში პრეპარატი გამოიყენება სადღეღამისო დოზით 20 მგ/კგ სხეულის წონაზე 3 მიღებაზე დღეში. მაქსიმალური სადღეღამისო დოზა შეადგენს 40 მგ/კგ.

სკოლამდელი ასაკის ბავშვებში რეკომენდებულია პრეპარატის სუსპენზიის სახით დანიშვნა. მკურნალობის კურსის ხანგრძლივობა შეადგენს 7-10 დღეს.

გვერდითი მოვლენები

შესაძლებელია გულისრევა, ღებინება, დიარეა. ალერგიული რეაქციები (კანზე გამონაყარი, ქავილი, ეოზინოფილია; იშვიათად - კვინკეს შეშუპება); თავბრუსხვევა, თავის ტკივილი, კანდიდოზი; პრეპარატის მაღალი დოზით გამოყენებისას შესაძლებელია პერიფერიული სისხლის სურათის ცვლილება (ლეიკოპენია, ნეიტროპენია, თრომბოციტოპენია, ჰემოლიზური ანემია), ღვიძლის ტრანსამინაზების აქტივობის გარდამავალი მომატება, აღწერილია ფსევდომემბრანული კოლიტის განვითარების შემთხვევები, აგრეთვე ინტერსტიციული ნეფრიტი, ქოლესტატური სიყვითლე, ჰეპატიტი.

უკუჩვენებები

ციფალოსპორინების მიმართ მომატებული მგრძნობელობა.

განსაკუთრებული მითითებები

♦ პრეპარატი სიფრთხილით ინიშნება თირკმელების ფუნქციის დარღვევის, ანამნეზში კოლიტის არსებობისას.

♦  პაციენტებში, რომლებსაც პენიცილინის მიმართ აღენიშნებათ მომატებული მგრძნობელობა შესაძლებელია აღინიშნოს ალერგიული რეაქციები ცეფალოსპორინების ჯგუფის ანტიბიოტიკების მიმართ.

♦  ორსულობისა და ლაქტაციის პერიოდში პრეპარატი გამოიყენება მხოლოდ იმ შემთხვევაში, როდესაც დედისათვის მოსალოდნელი სასარგებლო შედეგი მკვეთრად სჭარბობს ნაყოფზე მისი მოქმედების პოტენციურ რისკს.

♦  პრეპარატის გამოყენებისას მოსალოდნელია კუმბსის პირდაპირი დადებითი რეაქცია და შარდში გლუკოზაზე ცრუდადებითი რეაქცია.

ფარმაკოლოგიური თვისებები

ცეფალოსპორინული I თაობის ბაქტერიოციდული ანტიბიოტიკი, ფართო ანტიმიკროული მოქმედების სპექტრით გამოირჩევა: აქტიურია როგორც გრამდადებითი (პენიცილინაზას წარმომქმნელი სტაფილოკოკები, სტრეპტოკოკები, პნევმოკოკები, დიფტერიისა და ციმბირის წყლულის ჩხირები), ისე გრამუარყოფითი მიკროორგანიზმები აგრეთვე (მენინგოკოკები, გონოკოკები, შიგელები, სალმონელები, ნაწლავის ჩხირი, კლებსიელები) მიმართ;

აქტიურია სპიროქეტებისა და ლეპტოსპირების წინააღმდეგაც. არააქტიური ლურჯჩირქოვანი ჩხირის (Bac. pyocyaneus) პროტეუსის ინდოლ-დადებითი შტამების ტუბერკულოზის მიკობაქტერიების, ანაერობული მიკროორგანიზმების წინააღმდეგ.

ჩვენებები

ინფექციურ-ანთებითი დაავადებების გამოვლინებები, რომლებიც ცეფაზოლინისადმი მგრძნობიარე მიკროორგანიზმებითაა გამოწვეული

• სასუნთქი გზების ზედა და ქვედა განყოფილებებში;
• ნაღვლისა და შარდის გამომყოფ გზებში;
• მცირე მენჯის ორგანოებში;
• კანსა და რბილ ქსოვილებში, ძვლებსა და სახსრებში;
• ენდოკარდიტი;
• სეფსისი, პერიტონიტი;
• შუა ყურის ანთება;
• ოსტეომიელიტი;
• მასტიტი;
• ოპერაციის შემდგომი და, აგრეთვე, ჭრილობებისა და დამწვრობების ინფექციები;
• სიფილისი, გონორეა.

დოზირების რეჟიმი

დგინდება ინდივიდუალურად ინფექციის სიმძიმისა და ლოკალიზაციის, აგრეთვე მიკრობის მგრძნობელობის გათვალისწინებით. შეჰყავთ კუნთებში ან ვენაში (ნაკადით ან წვეთოვანი გადასხმით). ზრდასრულებში საშუალო სადღეღამისო დოზა 1 გ შეადგენს, შეყვანის სიხშირე -2-ჯერ დღე-ღამეში. მაქსიმალური სადღეღამისო დოზაა 6 გ; სიხშირე შეიძლება გაიზარდოს 3-4 შეყვანამდე დღეღამეში.

- ოპერაციის შემდგომი ინფექციის პროფილაქტიკისათვის: 1 გ ოპერაციამდე 30 წთ-ით ადრე, შემდეგ 0.5-1 გ ოპერაციის დამთავრებიდან ყოველ 6-8 საათში მომდევნო დღეღამის განმავლობაში.

- ბავშვებში საშუალო სადღეღამისო დოზა 20-40 მგ/კგ ტოლია; ინფექციის მძიმე მიმდინარეობის შემთხვევაში სადღეღამისო დოზა შეიძლება 100 მგ/კგ-მდე გაიზარდოს.

მკურნალობის ხანგრძლივობა 7-10 დღეს შეადგენს.

გვერდითი მოვლენები

გულისრევა, ღებინება, ფაღარათი, ჭინჭრის ციება, ქავილი, ეოზინოფილია, ცხელება; ერთეულ შემთხვევებში - კვინკეს შეშუპება, ართრალგიები, ანაფილაქსიური შოკი, კანდიდოზი; იშვიათად - ცვლილებები პერიფერიული სისხლის სურათში (შექცევადი ლეიკოპენია, ნეიტროპენია, თრომბოციტოპენია); ღვიძლის ტრანსამინაზების დროებით გააქტივება, თირკმელების ფუნქციური მოშლილობა; ინექციის ადგილზე ტკივილი კუნთებში.

უკუჩვენებები

* ჭარბი მგრძნობელობა ცეფალოსპორინებისადმი;

* ახალშობილებში გამოყენება  არ შეიძლება.

ორსულობა და ლაქტაცია

ორსულობაში და ლაქტაციის პერიოდში ცეფაზოლინის გამოყენება გამართლებულია მხოლოდ იმ შემთხვევაში, თუ დედისათვის ნავარაუდევი სასარგებლო ეფექტი ნაყოფისა ან ბავშვისათვის პოტენციალურ რისკზე მნიშვნელოვანი იქნება.

განსაკუთრებული მითითებები

♦ სიფრთხილეა საჭირო, თირკმლის ფუნქციებში პათოლოგიური გადახრების შემთხვევაში.

♦ პენიცილინებისადმი ჭარბად მგრძნობიარე ავადმყოფებში ალერგიული რეაქციები შეიძლება ცეფალოსპორინების საპასუხოდაც გამოვლინდეს.

♦ მკურნალობის პერიოდში შაქარზე ცრუდადებითი რეაქციაა მოსალოდნელი შარდში;

♦ განსაკუთრებული სიფრთხილეა საჭირო ცეფაზოლინისა და “მარყუჟოვანი” დიურეტიკების ერთდროული მიღების შემთხვევაში.

საერთაშორისო დასახელება:

CEFAZOLIN         

მწარმოებელი: BALKANPHARMA - RAZGRAD

მოქმედი ნივთიერება: ცეფაზოლინი

კლინიკურ-ფარმაკოლოგიური ჯგუფი:

ანტიბიოტიკი, ცეფალოსპორინი

შემადგენლობა და გამოშვების ფორმა:

საინექციო ფხვნილი: ფლაკონში 1 გ, შეფუთვაში 10 ც.

1 ფლ.

ცეფაზოლინი .....  1 გ

ვრცლად ცეფაზოლინი (აქტიური ნივთიერება)

საერთაშორისო დასახელება:

ginko biloba, vascum album, crataegus

კლინიკურ-ფარმაკოლოგიური ჯგუფი:

ჰომეოპათიური საშუალებები

შემადგენლობა და გამოშვების ფორმა:

წვეთები 50 მლ-იანი.

აქტიური ნივთიერებები:

100 გ (=98 მლ) შეიცავს:

გინკო ბილობა 1.3 გ

Vascum album 2.7 გ

კუნელი (Crataegus) 7.5 გ

დამხმარე ნივთიერებები:

ლიქიორის ღვინო (Liquer wine)

ფარმაკოლოგიური თვისებები:

გინკო ბილობას ინგრედიენტი აუმჯობესებს სისხლის ცირკულაციას და აფართოებს სისხლძარღვებს. კრუნჩხვები იხსნება, ვასკულარული ცირკულაცია იზრდება, განსაკუთრებით საშუალო და მცირე ყალიბის არტერიებში, რაც იწვევს თავის ტვინის ჟანგბადით გაუმჯობესებულ მომარაგებას. ნაკლებად პერფუზირებული ქსოვილი კვლავ მარაგდება მნიშვნელოვანი საკვები ნივთიერებებით, სისხლძარღვების კედლების მეტაბოლიზმი და ორგანოთა ცირკულაცია უმჯობესდება. ცერებრული სისხლისმიმოქცევა იზრდება. აქტიური ინგრედიენტები, ფითრი და კუნელი ეფექტურობით გამოირჩევიან გულისა და კიდურების მხრივ ცირკულატორული დარღვევების შემთხვევაში.

ცეფავორა კარგი ამტანობით ხასიათდება მისი ხანგრძლივი გამოყენებისას.

ჩვენებები:

მიღების წესები და დოზები:

მოზრდილებში დოზა არის 20-30 წვეთი 3-4-ჯერ დღეში, 6-დან 12 წლამდე ბავშვები ღებულობენ 10-15 წვეთს 3-4-ჯერ დღეში.

კარგი გემოს გამო, ცეფავორას წვეთების მიღება შეიძლება განზავების გარეშეც.

მკურნალობის ხანგრძლივობა:

ჰომეოპათიური საშუალებების მიღება არ შეიძლება დიდი ხნის განმავლობაში ექიმთან კონსულტაციის გარეშე.

გვერდითი მოვლენები:

არ არის ცნობილი.

შენიშვნა: ჰომეოპათიური საშუალების მიღებისას არსებული ჩივილები შეიძლება დროებით გაუარესდეს (საწყისი გამწვავება). ასეთ შემთხვევაში საჭიროა ექიმის კონსულტაცია და პრეპარატის მიღება უნდა შეწყდეს.

იმ შემთხვევაში თუ გამოვლინდა ისეთი გვერდითი მოვლენების განვითარება, რომელიც არ არის აღნიშნული არსებულ ინსტრუქციაში, გთხოვთ აცნობოთ თქვენს მკურნალ ექიმს!

უკუჩვენება:

* არ არის დადგენილი.

* ალკოჰოლის შემცველობის გამო, პრეპარატის მიღება ქრონიკული ალკოჰოლიზმით დაავადებულებში და ღვიძლის დაავადებების შემთხვევაში შესაძლებელია მხოლოდ ექიმთან კონსულტაციის შემდეგ.

განსაკუთრებული მითითებები:

ცეფავორა წვეთები შეიცავს 20 ვოლ.-% ალკოჰოლს.

ჭარბი დოზირება:

ცეფავორას წვეთების მიღების შემდეგ ინტოქსიკაცია არ არის ცნობილი.

ერთი ან მეტი დოზის გამოტოვების შემთხვევაში ნუ მიიღებთ ორმაგ დოზას გამოტოვებული დოზის ასანაზღაურებლად.

სხვა წამლებთან ურთიერთქმედება:

არ არის ცნობილი.

ნებისმიერი ჰომეოპათიური საშუალების ეფექტზე შეიძლება მავნე ზეგავლენა მოახდინოს პაციენტის ცხოვრების სტილის დამაზიანებელმა ფაქტორებმა და სტიმულანტებმა. უნდა ეცნობოს ექიმს სხვა პრეპარატების მიღების შესახებ.

შენახვის პირობები და ვადები:

5 წელი. ბოთლის გახსნის შემდეგ 3 თვე.

აფთიაქში გაცემის წესი

გაიცემა ექიმის რეცეპტის გარეშე.

ფარმაკოლოგიური თვისებები

პრეპარატი წარმოადგენს I თაობის ცეფალოსპორინების ჯგუფის პერორალურად გამოსაყენებელ ანტიბიოტიკს. იგი მოქმედებს ბაქტერიციდულად, პრეპარატს გააჩნია ანტიმიკრობული მოქმედების ფართო სპექტრი. იგი აქტიურია, როგორც გრამდადებითი (სტაფილოკოკები, პენიცილინაზამაპროდუცირებელი და არამაპროდუცირებელი, სტრეპტოკოკები, პნევმოკოკები, დიფტერიის ჩხირი, ციმბირის  წყლული), ასევე გრამუარყოფითი მიკროორგანიზმების მიმართ (შიგელა, სალმონელა, ნაწლავის და ჰემოფილური ჩხირი, კლებსიელა, პროტეუსის ზოგიერთი შტამები).

ჩვენებები

ინფექციურ-ანთებითი დაავადებები, რომლებიც გამოწვეულია პრეპარატის მიმართ მგრძნობიარე მიკროორგანიზმებით, მათ შორის:

• ზედა და ქვედა სასუნთქი გზების;
• შარდგამომყოფი გზების;
• ძვლების, კანის რბილი ქსოვილებისა და ძვლების დაავადებები.

დოზირების რეჟიმი

მიღების წესი დგინდება ინდივიდუალურად დაავადებების სიმძიმის, ინფექციების ლოკალიზაციის, გამომწვევის მგრძნობელობის მიხედვით. მოზრდილებსა და 40 კგ-ზე მეტი სხეულის წონის მქონე ბავშვებში პრეპარატი ინიშნება საშუალო დოზით 1-2 გ 1-2 მიღებაზე დღეში.

40 კგ-ზე ნაკლები სხეულის წონის მქონე ბავშვებში პრეპარატი გამოიყენება დოზით 25-50 მგ/კგ დღეში (სასურველია სუსპენზიის ფორმით) 1-2 მიღებაზე. მკურნალობის კურსის ხანგრძლივობა შეადგენს 7-14 დღეს.

A-ჯგუფის ბეტა-ჰემოლიზური სტრეპტოკოკებით გამოწვეული ინფექციურ-ანთებითი დაავადებების მკურნალობის მინიმალური ხანგრძლივობა შეადგენს 10 დღეს.

თირკმელების ფუნქციის დაზიანების მქონე პაციენტებში ერთჯერადი დოზა შეადგენს 500 მგ-ს. მიღებებს შორის ინტერვალები განისაზღვრება კრეატინინის კლირენსის მაჩვენებლების მიხედვით: 0-10 მლ/წთ კრეატინინის კლირენსის არსებობისას იგი შეადგენს 36 სთ-ს; 10-25 მლ/წთ - 24 სთ-ს, ხოლო 25-50 მლ/წთ - 12 სთ-ს.

გვერდითი მოვლენები

შესაძლებელია ალერგიული რეაქციები (ურტიკარია, კანის ქავილი, ეოზინოფილია, ცალკეულ შემთხვევაში - კინკეს შეშუპება, ანაფილაქსიური შოკი). იშვიათად - გულისრევა, ღებინება, დიარეა, თავბრუსხვევა, თავის ტკივილი, კანდიდოზი. პრეპარატის მაღალი დოზით გამოყენებისას შესაძლებელია პერიფერიული სისხლის სურათის ცვლილება (შექცევადი ლეიკოპენია, ნეიტროპენია, თრომბოციტოპენია).

უკუჩვენებები

ცეფალოსპორინების მიმართ მომატებული მგრძნობელობა.

განსაკუთრებული მითითებები

♦ პაციენტებს, რომელთაც აღენიშნებათ პენიცილინის მიმართ მომატებული მგრძნობელობა შესაძლებელია განუვითარდეთ ალერგიული რეაქციები ცეფალოსპორინების ჯგუფის ანტიბიოტიკების მიმართაც.

♦  ორსულობისა და ლაქტაციის პერიოდში პრეპარატი გამოიყენება მხოლოდ იმ შემთხვევაში, როდესაც დედისათვის მოსალოდნელი სასარგებლო შედეგი მკვეთრად სჭარბობს ნაყოფზე მისი შესაძლო მოქმედების პოტენციურ რისკს.

♦  პრეპარატის გამოყენებისას თავი უნდა შევიკავოთ ალკოჰოლური სასმელების მიღებისაგან.

საერთაშორისო დასახელება:

CEFOTAXIME

მწარმოებელი: ABOLMED

მოქმედი ნივთიერება: ცეფოტაქსიმი

კლინიკურ-ფარმაკოლოგიური ჯგუფი:

საინექციო ანტიბიოტიკი - III თაობის ცეფალოსპორინი

შემადგენლობა და გამოშვების ფორმა:

ფხვნილი საინექციო ხსნარის მოსამზადებლად:

ფლაკონში

1 ფლ.

ცეფოტაქსიმი .....  500 მგ

1 ფლ.

ცეფოტაქსიმი .....    1 გ

ვრცლად ბიოტაქსიმი

საერთაშორისო დასახელება:

CETRORELIX

მწარმოებელი: BAXTER ONCOLOGY GmbH, გერმანია

მოქმედი ნივთიერება: ცეტრორელიქსი

კლინიკურ-ფარმაკოლოგიური ჯგუფი:

ჰორმონული პრეპარატი. გონადოტროპინ-რილიზინგ-ჰორმონის ანტაგონისტი.

შემადგენლობა და გამოშვების ფორმა:

ცეტროტიდი 0.25 მგ

ლიოფილიზირებული ფხვნილი საინექციო ხსნარის მოსამზადებლად: ფლაკონში, შეფუთვაში 1 და 7 ც.

1 ფლ.

ცეტრორელიქსის აცეტატი .....   0.25 მგ

ცეტროტიდიტი ...................    3.0 მგ

ლიოფილიზირებული ფხვნილი საინექციო ხსნარის მოსამზადებლად: ფლაკონში, შეფუთვაში 1 ც.

1 ფლ.

ცეტრორელიქსი აცეტატი ......... 3.0 მგ

სხვა ინგრედიენტები:

მანიტოლი, წყალი ინექციებისთვის.

შეფუთვაში თითოეულ ფხვნილიან ფლაკონს მოჰყვება: 1 წინასწარ ავსებული კარტრიჯი 1 მლ (ცეტროტიდი 0.25 მგ პრეპარატისთვის) ან 3 მლ (ცეტროტიდი 3.0 მგ პრეპარატისთვის) გამხსნელით პარენტერალური შეყვანისთვის ხსნარის მოსამზადებლად; 1 ნემსი (№20) ფლაკონში გამხსნელის შეყვანისთვის; 1 ნემსი (№27) კანქვეშა ინექციისთვის; სპირტით გაჟღენთილი 2 ტამპონი.

ფარმაკოლოგიური თვისებები:

გონადოტროპინ-რილიზინგ-ჰორმონის (ჰნრჰ) ანალოგი ცეტრორელიქსი უკავშირდება ჰიპოფიზის უჯრედების მემბრანას რეცეპტორებს და კონკურენტულად აფერხებს ამ რეცეპტორებით ენდოგენური ჰნრჰ-ს შეკავშირებას, ცენტრორელიქსი დოზა-დამოკიდებულად თრგუნავს ჰიპოფიზის მიერ გონადოტროპინების სეკრეციას, როგორიცაა მალუტეინიზებელი (ლგ) და ფოლიკულომასტიმულირებელი (ფსგ) ჰორმონები.

წინასწარი სტიმულაციის გარეშე ჰიპოფიზის სეკრეციული ფუნქციის ინჰიბირების საწყისი ფაზა ვითარდება ფაქტიურად პრეპარატის შეყვანისთანავე, ცეტრორელიქსის მოქმედების ხანგრძლივობა დამოკიდებულია შეყვანილ დოზაზე. ქალებში ცეტრორელიქსი იწვევს ლგ დონის აწევას და შესაბამისად ოვულაციის დაყოვნებას. 3 მგ ცეტრორელიქსის ერთხელ შეყვანის შემდეგ პრეპარატის მოქმედება გრძელდება არანაკლებ 4 დღის განმავლობაში (შეყვანის შემდეგ მე-4 დღეს სეკრეტული ფუნქცია დათრგუნულია 70%-ით). 0.25 მგ-ით ცეტრორელიქსი რეგულარული შეყვანით ყოველ 24 საათში ერთხელ შენარჩუნდება პრეპარატის ეფექტი. ცეტრორელიქსის მოქმედება სრულიად შექცევადია მკურნალობის შეწყვეტის შემდეგ.

ფარმაკოკინეტიკა:

პრეპარატის კანქვეშ შეყვანის შემდეგ იგი სრულად შეიწოვება; ბიოშეღწევადობა შეადგენს 85%-ს, ხოლო განაწილების მოცულობა - 1,1 ლ/კგ-ს.

ფარმაკოკინეტიკური პარამეტრები 0.25 მგ ერთხელ კანქვეშ შეყვანისა და მრავალჯერ შეყვანის (14 დღის განმავლობაში) შემდეგ: შესაბამისად C_max - 4.17-5.92 ნგ/მლ და 5.18-7/96 ნგ/მლ; TC_max -0.5-1.5 მთ; AUC -23.4- 42 ნგ/სთ/მლ და 36.7-54.2 ნგ/სთ/მლ; T_1/2 - 2.4-48.8 სთ და 4.1-179.3 სთ. ცეტრორელიქსის ერთჯერადი დოზების (0.25-3 მგ) კანქვეშ შეყვანისას, ისევე როგორც ყოველდღიური შეყვანისას 14 დღის განმავლობაში, შეინიშნება პრეპარატის ხაზოვანი კინეტიკა.

გამოიყოფა თირკმელების საშუალებით. საერთო პლაზმური და თირკმლის კლირენსი შეადგენს შესაბამისად 1.2 მლ/წთXკგ და 0.1 მლ/წთXკგ. შიგნით და კანქვეშ შეყვანის შემდეგ ნახევარგამოყოფის პერიოდი შეადგენს შესაბამისად, საშუალოდ დაახლოებით 12 და 30 სთ-ს.

ჩვენებები:

• ნაადრევი ოვულაციის აცილება დამხმარე რეპროდუქციულ ღონისძიებათა ჩატარებისას, რათა შესაძლებელი  იყოს ოვულაციის კონტროლირებადი სტიმულაციის ჩატარება და კვერცხუჯრედთა საჭირო რაოდენობის მიღება.

მიღების წესი და დოზირება:

- ცეტროტიდი შეიძლება დანიშნულ იქნას მხოლოდ სპეციალისტ-გინეკოლოგის მიერ. ცეტროტიდით მკურნალობის მაქსიმალური ეფექტურობის მისაღწევად საჭიროა რეგულარულად გაეცნოთ მოცემულ რეკომენდაციებს.

- პირველი ინექციის შემდეგ პაციენტი 30 წუთი უნდა იმყოფებოდეს ექიმის დაკვირვების ქვეშ, რომ იყოს დარწმუნებული ინექციაზე ალერგიული ან ფსევდო-ალერგიული რეაქციის არქონაში. ასეთი რეაქციის სამკურნალოდ ყველა პირობა უნდა არსებობდეს.

ცეტროტიდი 0.25 მგ

1 ფლაკონის (0.25 მგ ცეტრორელიქსი) შემცველობა უნდა იყოს შეყვანილი დღეში ერთხელ ყოველ 24 საათში დილით ან საღამოს.

პრეპარატის დილით შეყვანა: ცეტროტიდი 0.25 მგ-ით მკურნალობა უნდა დაიწყოს საკვერცხეთა გონადოტროპინის საშუალებით (გამოყოფილი შარდიდან ან რეკომბინანტური) სტიმულაციის მე-5 ან მე-6 დღეს (სტიმულაციის ჩატარების დაწყების დაახლოებით 96-120 საათის შემდეგ) და გაგრძელდეს გონადოტროპინით მკურნალობის მთელი პერიოდის განმავლობაში, ქორიონული გონადროტოპინის (ქჰ) ოვულატორული დოზის შეყვანის დღის აჩათვლით.

პრეპარატის საღამოს შეყვანა: ცეტროტიდი 0.25 მგ-ით მკურნალობა უნდა დაიწყოს საკვერცხეთა გონადოტროპინის საშუალებით (გამოყოფილი შარდიდან ან რეკომბინანტური) სტიმულაციის მე-5 ან მე-6 დღეს (სტიმულაციის ჩატარების დაწყების დაახლოებით 96-108 საათის შემდეგ) და გაგრძელდეს გონადოტოროპინით მკურნალობის მთელი პერიოდის განმავლობაში, (ქჰ) ოვულატორული დოზის შეყვანის დღის წინა საღამოს ჩათვლით.

ცეტროტიდი 3.0 მგ

1 ფლაკონის (3.0 მგ ცეტრორელიქსი) შემცველობა უნდა იყოს შეყვანილი საკვერცხეთა გონადოტროპინის საშუალებით (გამოყოფილი შარდიდან ან რეკომბინანტური). სტიმულაციის მე-7 დღეს (სტიმულაციის ჩატარების დაწყების დაახლოებით 132-144 საათის შემდეგ).

3.0 მგ ცეტრორელიქსის ერთხელ შეყვანის შემდეგ პრეპარატის მოქმედება გრძელდება არანაკლებ 4 დღის განმავლობაში. თუ ცეტროტიდი 3.0 მგ-ის შეყვანის შემდეგ მე-5 დღეს ფოლიკულების ზრდა არ იძლევა ოვულაციის ინდუქციის დაწყების საშუალებას, საჭიროა დამატებით ცეტრორელიქსის 0.25 მგ (ცეტროტიდი 0.25 მგ) შეყვანა დღე-ღამეში ერთხელ, ცეტროტიდი 3.0 მგ პრეპარატის შეყვანის 96 საათის შემდეგ და ქჰ-ის ოვულარული დოზის შეყვანის დღის ჩათვლით.

ცეტროტიდის შეყვანის გზები:

- პირველი ინექცია უნდა გაკეთდეს ექიმ-სპეციალისტის მიერ.

- რეაქციების სიმპტომებისა და მათი მკურნალობის შესახებ ექიმის შესაბამისი ინსტრუქციების მიღების შემდეგ, პაციენტ ქალს შეუძლია ცეტროტიდის გაკეთება ექიმისგან დამოუკიდებლად.

- ცეტროტიდის ინექცია უნდა გაკეთდეს მუცლის წინა კედლის ქვედა ნაწილში. უმჯობესია ჭიპის ირგვლივ არეში.

- ცეტროტიდი 0.25 მგ პრეპარატის განმეორებითი შეყვანის დროს ადგილობრივი გაღიზიანების თავიდან აცილების მიზნით, ინექციის ადგილი ყოველდღიურად უნდა იცვლებოდეს.

- ცეტროტიდის ფხვნილი უნდა გაიხსნას მხოლოდ თავისივე გამხსნელში. გახსნისათვის ფლაკონი უნდა შევანჯღრიოთ ფრთხილად. ბუშტუკების გაჩენის ასაცილებლად არ უნდა იყოს გამოყენებული ენერგიული რხევა.

ხსნარის გამოყენება არ შეიძლება, თუ იგი არ არის გამჭვირვალე ან მასში იმყოფება უცხო ნაწილაკები.

- შპრიცში ამოღებულ უნდა იქნას ფლაკონის მთელი შემცველობა. ეს მოგცემთ იმის საშუალებას, რომ შეიყვანოთ ცეტრორელიქსის დოზა არანაკლებ 0.23 მგ-ისა, ცეტროტიდი 0.25 მგ პრეპარატის გამოყენებისას, და არანაკლებ 2.82 მგ-სა, ცეტროტიდი 3.0 მგ პრეპარატის გამოყენებისას.

- ხსნარი უნდა შეიყვანოთ მისი დამზადებისთანავე. ცეტროტიდის დამოუკიდებლად შეყვანისას აუცილებელია შემდეგი რეკომენდაციების შესრულება:

1. დაიბანეთ ხელები. ძალზედ მნიშვნელოვანია, რომ ხელები და შეყვანისთვის ყველა აუცილებელი მოწყობილობა იყოს სუფთა.

2. სუფთა ზედაპირზე მოათავსეთ ყველაფერი, რაც საჭიროა ინექციის შეყვანისთვის (ერთი ფლაკონი, ერთი კარტრიჯი (შპრიცი) გამხსნელით, ერთი ნემსი ყვითელი ნიშანდებით, ერთი ნემსი ნაცრისფერი ნიშანდებით და სპირტით გაჟღენთილი ორი ტამპონი).

3. მოხსენით ფლაკონს ტკაცუნა თავსახური. სპირტიანი ერთი ტამპონით გაწმინდეთ ალუმინის რგოლი და რეზინის საცობი.

4. აიღეთ ყვითელი ნიშანდებიანი ნემსი და მოხსენით მას გარეკანი. შეფუთვიდან ამოიღეთ კარტრიჯი (შპრიცი) გამხსნელით. გაუკეთეთ გამხსნელიან კარტრიჯს (შპრიცს) ნემსი და მოხსენით დამცავი ხუფი.

5. შეიყვანეთ ნემსი ფლაკონის რეზინის საცობის ცენტრალურ ნაწილში. კარტრიჯიდან (შპრიციდან) ხსნარი შეიყვანეთ ფლაკონში დგუშზე ნელი ხელის დაჭერით.

6. ფლაკონიდან ნემსის ამოუღებლად ფრთხილად შეანჯღრიეთ ფლაკონი ფხვნილის სრულ გახსნამდე. თავი აარიდეთ ენერგიულ რხევას, რომ გახსნის დროს არ წარმოიქმნას ბუშტუკები.

7. აავსეთ კარტრიჯი (შპრიცი) ფლაკონის მთელი შიგთავსით. თუ ფლაკონში დარჩა ხსნარი, გადააბრუნეთ ფლაკონი და გამოწიეთ ნემსი ისე, რომ მისი ნახვრეტი პირდაპირ საცობის ქვეშ იმყოფებოდეს. ფლაკონზე გვერდიდან ყურებისას შესაძლებელია გაკონტროლდეს ნემსის მოძრაობა ხსნარში. ძალზედ მნიშვნელოვანია კარტრიჯის (შპრიცის) ავსება ფლაკონის სრული შიგთავსით.

8. მოხსენით კარტრიჯს (შპრიცს) ნემსი და დადეთ შპრიცი. აიღეთ ნაცრისფერი ნიშანდებიანი ნემსი და მოხსენით მას გარეკანი. გაუკეთებთ ნემსი კარტრიჯს (შპრიცს) და მოხსენით დამცავი ხუფი.

9. გადააბრუნეთ კარტრიჯი (შპრიცი) ნემსით ზევით დააჭირეთ დგუშს  მანამ, სანამ კარტრიჯიდან არ გამოვა ჰაერის ყველა ბუშტი. ხელი არ ახლოთ ნემსს და არ მისცეთ საშუალება მიედოს რაიმე ზედაპირს.

10. მუცლის წინა კედლის ქვედა ნაწილში, სასურველია ჭიპის გარშემო მიდამოებში. აირჩიეთ ადგილი პრეპარატის შეყვანისათვის. აიღეთ სპირტით გაჟღენთილი მეორე ტამპონი და გაწმინდეთ კანი შეყვანისთვის განზრახულ ადგილას. კარტრიჯი დაიჭირეთ ერთ ხელში. მეორე ხელით ფრთხილად მოუჭირეთ შეყვანის ადგილის გარშემო მდებარე კანს და ძლიერად დააფიქსირეთ იგი თითებს შუა.

11. აიღეთ კარტრიჯი ისე, როგორც ჩვეულებრივ გიჭირავთ ფანქარი და 45 გრადუსიანი კუთხით ბოლომდე შეიყვანეთ ნემსი კანში.

12. ნემსის სრული შეყვანის მერე გაუშვით კანს ხელი.

13. კარტრიჯის დგუში ფრთხილად გამოწიეთ უკან. თუ კარტრიჯში აღმოჩნდა სისხლი მოიქეცით ისე, როგორც აღწერილია პ. 14-ში. სისხლის გამოჩენის დროს, ნელა შეიყვანეთ ხსნარი, დგუშზე ხელის დაჭერით. ხსნარის სრულად შეყვანის შემდეგ საჭიროა ნელა გამოიღოთ ნემსი და ფრთხილად დააჭიროთ სპირტით გაჟღენთილი ტამპონით კანს შეყვანის ადგილას. ნემსის კანიდან გამოღება საჭიროა განხორციელდეს იმავე კუთხით, რომლითაც იგი შეყვანილ იქნა.

14. თუ კარტრიჯში აღმოჩნდა სისხლი, საჭიროა ამოიღოთ ნემსი კანიდან და ნემსის შეყვანის ადგილს დააჭიროთ ტამპონი. ხელმეორედ ინექციისთვის ამ ხსნარის გამოყენება არ შეიძლება. გადაასხით კარტრიჯის შიგთავსი ნიჟარაში. დაიწყეთ ყველაფერი თავდან. პ. 1-დან.

15. კარტრიჯისა და ნემსების გამოყენება შეიძლება მხოლოდ ერთხელ. გამოყენებისთანავე გადააგდეთ ისინი (ტრავმირების თავიდან აცილების მიზნით გაუკეთეთ ნემსებს დამცავი ხუფები).

გვერდითი მოვლენები:

შეყვანის ადგილას შეიძლება გამოჩნდეს სუსტი და წარმავალი ადგილობრივი რეაქციები (მაგ. გაწითლება, ქავილი და დასიება). ზოგჯერ აღინიშნება ზოგადი გვერდითი მოვლენები, მაგალითად, გულისრევა, თავის ტკივილი. ამის გარდა, ცეტრორელიქსით მკურნალობის ერთეულ შემთხვევებში აღინიშნა კანის ძლიერი ქავილი.

იშვიათად, ზემგრძნობელობის შემთხვევაში შეიძლება აღინიშნებოდეს ანაფილაქსიური რეაქცია. ზოგჯერ საკვერცხეთა გონადოტროპინებით სტიმულაციის დროს შეიძლება განვითარდეს ე.წ. საკვერცხეთა ჰიპერსტიმულაციის სინდრომი. მის განვითარებაზე მიუთითებს ისეთი სიმპტომები, როგორიცაა დაძაბულობის გრძნობა და მუცლის ტკივილი, ღებინება, დიარეა. სუნთქვის გაძნელება. მკურნალობა სიმპტომურია (იხ. „განსაკუთრებული მითითებები“).

უკუჩვენებები:

* ცეტრორელიქსის აცეტატისადმი, მანიტოლისა და სხვა ეგზოგენური ჰორმონებისადმი (ცეტროტიდის მსგავსი სამკურნალო წამლის პრეპარატებისადმი) მომატებული მგრძნობელობა;

* ორსულობა და ლაქტაცია;

* პოსტმენოპაუზის პერიოდი;

* თირკმელისა და ღვიძლის უკმარისობა.

ორსულობა და ლაქტაცია:

! ცეტროტიდი არ არის განკუთვნილი ორსულობისა და ლაქტაციის პერიოდებში გამოყენებისათვის.

განსაკუთრებული მითითებები:

◄ ცეტროტიდი 0.25 მგ უმჯობესია შევიყვანოთ რეგულარულად ყოველ 24 საათში. პრეპარატის რიგითი შეყვანის გამოტოვებისას, ინექციის გაკეთება შესაძლებელია ნებისმიერ დროს, ამავე დღეღამის განმავლობაში.

◄ განსაკუთრებული ყურადღება უნდა მიექცეს პრეპარატის გამოყენებას იმ ქალების მიერ, რომლებსაც აქვთ ანამნეზში ალერგიული რეაქციები. რადგან, ცეტროტიდის დანიშვნა არ არის რეკომენდებული სერიოზული ალერგიული რეაქციებისადმი მიდრეკილების მქონე ქალებისთვის, პაციენტმა უნდა აცნობოს მკურნალ ექიმს ალერგიის ყველა გამოვლენის შესახებ.

◄ ოვულაციის სტიმულაციის ჩატარების დროს ან შემდეგ შეიძლება გაჩნდეს საკვერცხის ჰიპერსტიმულაციის სინდრომი, ამ შემთხვევაში ატარებენ სიმპტომურ მკურნალობას (მაგ. დასვენების შესაძლებლობის მიცემას, ელექტროლიტების ან კოლოიდების შინაგან შეყვანას, ჰეპარინოთერაპიის ჩატარების გზით).

◄ ლუთეინური ფაზის შენარჩუნება უნდა ჩატარდეს რეპროდუქციულ ღონისძიებათა ჩატარების მიღებული პრაქტიკის შესაბამისად.

◄ ჯერჯერობით არ არის დაგროვილი ცეტროტიდის ოვულაციის განმეორებითი სტიმულაციის ჩატარების საკმარისი გამოცდილება. ამიტომ განმეორებითი მკურნალობის კურსის ჩატარებისას პრეპარატი ფრთხილად და მხოლოდ პოტენციური რისკის და მკურნალობის ეფექტურობის დონის საგულდაგულო შეფასების შემდეგ უნდა იყოს გამოყენებული.

გავლენა ავტომობილისა და სხვა მექანიკური საშუალებების მართვაზე:

ცეტროტიდი არ მოქმედებს ავტომობილისა და სხვა მექანიკური საშუალებების მართვაზე.

ჭარბი დოზირება:

ცეტროტიდის დოზის გადაჭარბებამ შეიძლება მიგვიყვანოს მისი მოქმედების ხანგრძლივობის გაზრდამდე, მაგრამ მას თან არ ახლავს მწვავე ტოქსიკურობის ეფექტები (დოზის გადაჭარბების შემთხვევაში არანაირი სპეციალური ზომები არ არის საჭირო).

სხვა წამლებთან ურთიერთქმედება:

In vitro გამოკვლევებით ნაკლებად სავარაუდოა ისეთ პრეპარატებთან ურთიერთქმედების შესაძლებლობა, რომელთა მეტაბოლიზმი ხდება ციტოქრომი p450-ის მონაწილეობით ან განიცდიან კონიუგაციის რეაქციების ზემოქმედებას. რადგან არ შეიძლება სრულად გამოირიცხოს პრეპარატების ერთად შეყვანისას ურთიერთქმედების შესაძლებლობა პაციენტმა უნდა გააცნოს მკურნალ ექიმს ის მედიკამენტები, რომლებსაც იგი იყენებდა ცეტროტიდით მკურნალობის დაწყებამდე ან რომლებსაც იყენებს.

შენახვის პირობები:

პრეპარატი ინახება არა უმეტეს 25⁰C ტემპერატურაზე, სინათლისაგან დაცულ და ბავშვებისთვის მიუწვდომელ ადგილას.

ვარგისიანობის ვადა: 2 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.